تحميل رواية «عودة الفراعنة (عشق تخطي الزمان) لعنة الفراعنة الجزء الثاني ( جاري تعديل السرد )» PDF

أربعين دعوة من غريب مستجابة ❌

غير صحيح ولم يُثبت

دَعوة الْمرْءِ الْمُسلم لأخيهِ بِظهرِ الْغَيب مُستجابة عند رَأْسه مَلكٌ مُوكلٌ كُلما دَعَا لأَخِيه بِخَيرٍ، قَال الْملَكُ الْموكَّلُ به: آمِينَ وَلَكَ بِمثلٍ.💛🚶‍♀️

RAHMA NABIL 美心

صلواعليه ما استضاء بنوره الكون في المعراج والإسراء صلوا عليه ماتلألأ كوكب يجلو الظلام بنوره الوضاء

RAHMA NABIL 美心

كانت ميسره تضحك بصخب وهي تضرب علي كتف ابريس الذي نظر لها بتحذير وهمس لها/ سوف نتحدث عندما نعود لقد كبرتي علي هذه الأفعال يا ميسره

ميسره وهي تتحرك من امامه وتهز كتفها بلا مبالاه / أنا لسه شباب يا ابو الاباريس بعدين أنا عملت ايه بس الله ده هي اللي وقعت لوحدها واتزرعت زرع بصل هو انا جيت جنبها

نظر لها ابريس بسخريه وهو يرفع حاجبه / وبالنسبه لرجلك اللي اتمدت خلتها تتزرع زرع بصل ايه مش من ضمن جسمك

ميسره وهي تبتسم ببراءه / الله يا ابريسي جالي شد عضل وبفرد رجلي قامت هي اتكعبلت فيها ذنبي ده يعني

ضحك ابريس بشده وضمها لعنقه وهو يتحدث / لا أبدا أبدا هي رحله باينه من اولها

ضحكت ميسره بشده وفردت يدها وهي تتحدث / عيد الزواج كما يجب أن يكون

جذبها ابريس واخذها ليسير علي الشط بجانبها وهو يبتسم لرؤية الغروب معها / فعلا عيد الزواج كما يجب أن يكون

ابتسمت ميسره واستندت علي صدره وهي تنظر للغروب معه وهمست / مين كان يصدق اننا نتجوز رغم كل اللي حصل انا لو في يوم كنت حلمت عمر ما كان خيالي هيوصل للحد ده آه يا ابريس الحمدلله انك جانبي مكنتش عارفه هعيش إزاي كنت هموت

ابتسم ابريس وادارها له وامسك وجهها بحنان / مصيرنا اننا دايما مع بعض مهما افترقت الطرق بينا كانت هتيجي محطه تجمعنا عشان يا ميسره انتي ليا انتي شمسي انتي حياتي وعمري ما كنت هقدر اني اعيش من غيرك ثانيه واحدة يا عمري

ابتسمت ميسره وقبلت يده بحنان ونظرت لعينه وهمست / ربنا عوضني يا ابريس عوضني عن كل حزن عيشته زمان عوضني بيك انت وبانه رزقني انا وانت بأربع جواهر اغلي من حياتي كلها

ابتسم ابريس لتذكره لأولاده وهمس لهم وهو يفكر / تفتكري هيعملوا مشاكل في غيابنا

ميسره وهي تتحدث بجديه / لا عيب عليك يابني دول عيالي وتربيتي يعني تتطمن وتحط في بطنك بطيخه صيفي

نظر لها ابريس بسخريه / والنبي ايه بعدين ايه اللي جاب علي بالك اننا نسافر المره دي ما كل مره بنقضي عيد جوازنا معاهم

ميسره وهي تجذب يده وتضحك بمشاكسه / الله يا ابو الاباريس خلينا ناخد فرصتنا بقي بعدين متقلقش انا سيباهم في ايد امينه اكيد كريمه هتاخد بالها منهم وهما أساسا ملايكه حبايب مامي مش هيزعجوا حد

RAHMA NABIL 美心

كريمه بصراخ هز جدران المنزل / مصعببببببببببببببببببببب

والله لاعلقك

ثم ركضت خلفه بينما مصعب يركض علي الدرج بسرعه كبيره ثم صعد لدرابزين الدرج وانزلق عليه بسرعه وهو يركض للخارج ويضحك بشده علي كريمه التي كانت تنفس النيران منه

بينما كان عدي يقف علي باب المطبخ المجاور للدرج وهو يمسك طبق ملئ بالطعام وينظر لاخيه الذي يركض للخارج بتعجب ثم نظر لكريمة /في إيه يا كرميله ليه معصبه نفسك كده

نظرت له كريمه وكادت تتحدث ولكن توقفت وهي تنظر له بصدمه / حبيبي يا بني انت قمت من علي الاكل جعان

عدي وهو مازال يتناول مابيده/ لا ليه بتقولي كده

كريمه وهي تنظر للطبق بيده / أصل تقريبا حسب ما اتذكر والله اعلم يعني اننا لسه مخلصين اكل من عشر دقايق باين كده

عدي وهو مازال يأكل / ده حقيقي فعلا

كريمه بتشنج / وأما هو حقيقي ايه يابني كميه الاكل دي

نظر عدي للطبق بيده وابتسم بغباء / لا ده بس بنأنأ لحد ما اللحمه تستوي

هزت كريمه رأسها بتفهم ولكن لثواني ثم انتفضت وهي تنظر له بصدمه / لحمه ايه اللي بتتسوي

نظر لها عدي ببراءه/أصل طمطم حبيبه قلبي لقتني هفتان كده وقالتلي علي فكره يا عدي اكلتك علي العشا معجبتنيش فهدخل اعملك تلاته او اربعه كيلو لحمه كده تتقاوي بيهم وانا الصراحه مرضتش اني اكسفها واقولها لا فقولت اتسلي باي حاجه لحد ما تخلص

صرخت كريمه بعدم تصديق / تتسلي وتنأنأ؟؟؟؟ تتسلي بممبار ومحشي كرنب يا مصيبتي أمال لو هتاكل بجد هتعمل ايه هتاكل خروف وايه موضوع هفتان دي يابني البيت بيمر بازمه اقتصاديه ومجاعه والناس هنا بتكمل عشاها نوم بسبب انك مخلص الاكل انا مش فاهمه والله اهلك عايشين إزاي معاك من غير ما حد فيهم يموت من الجوع بعدين تعالي هنا

جذبته وامسكت زراعه / فين؟؟؟ ها فين الاكل ده اللي عمال تلغه ها ايه العضم ده طب حتي اتخن ربع كيلو حسسني اني اكلي مش بيضيع علي الفاضي

جذب عدي يده / سيبي عضمي قصدي دراعي بعدين ده الي انا بتكلم فيه

ثم  ابتعد عنها وهو يتحدث بتأثر / ابا الحاج ابريس علي طول بيطلع عيننا في تدريبات وفروسيه وغيره اما الواحد مبقاش بيقدر يقف علي رجله ويرجع الكل يقولي انت بتاكل كتير ليه منا لازم اكل عشان انسي

ثم استدار ونظر لكريمه وجدها تنظر له ببرود فتحدث هو / مصدقاني ولا باين اني بحور.

رفعت كريمة حاجبها فابتسم بغباء / طب عن اذنك هروح اشوف اللحمه استوت ولا لا

ثم ركض من امامها بينما هي ضربت كف علي كف بتعجب / الله يعنيك يا ميسره الا ما فيه واحد شبه التاني واحد بارد وواحد سافل وواحد طفس وواحد متوحد

زفرت بضيق وهي تلتفت فوجدت مصعب ينظر للمطبخ وهو يتحدث باستنكار / متعب آوي عدي ده

هزت كريمه رأسها / فعلا عيل....

ثم صمتت ونظرت لمصعب بغضب / بقي انت يا معفن عايز تغير لبنتي اللبس

مصعب ببراءه / الله يا كرميله مش بمد العون لاخي الإنسان

كادت كريمه تصرخ به ولكن قاطعهم صوت صارم / مصعب

انتصب جسد مصعب وابتلع ريقه ونظر لكريمه / ليه يا كريمه ليه تدخلي سيف بينا ها مش الكلام اخد وعطا

هزت كريمه رأسها بخوف / والله العظيم ما قولت حاجه

عدي وهو يلطم / أمال بينادي ليه احيه احيه

اقترب سيف منهم ونظر لمصعب نظره وكأنه يخترق اعماقه همست له كريمه/ اثبت ياض متعترفش بحاجه

همس لها مصعب / انتي مش شايفه بيبص إزاي ده هياكلني

تحدث سيف ببرود / فين تاج

ضحك مصعب بصخب وهو ينظر لكريمه / الحمدلله مقفشنيش

ضربته كريمه / دلوقتي هيقفشك يا غبي اسكت

صمت مصعب ونظر لسيف وأشار للخارج / كان قاعد تحت شجرة بره مع كتابه يا كبير

ابتسم سيف له ثم رحل مصعب برعب /يالهوي ده حتي ضحكته مرعبه

ضحكت كريمه بشده / تعالي ياض ناكل مع الواد عدي احسن هموت من الجوع

نظر لها مصعب بسخريه وهو يسير خلفها / قال وتقول علي عدي طفس

RAHMA NABIL 美心

خرج سيف وهو يبحث عن أخيه الصغير وعندما رآه ابتسم وتوجه له وجده يحمل احد الكتب التاريخيه باللغه الفرعونيه القديمه ويحاول ان يقرأها ابتسم بحب وجلس بجانبه وجذبه لاحضانه واخذ الكتاب وتحدث بحنان وهو يبعد شعره عن عينه / بتعمل ايه يا تاجي

‏نظر تاج لسيف ببسمه هادئه / بقرأ الكتاب ده

‏ضحك سيف بخفوت وقبل خده المكتنز بشده / وانت عارف تقرأه

‏هز تاج رأسه بعدم معرفه وأشار لاحد الكلمات / معرفتش غير الكلمه دي ( عين الشمس)

‏ انتبهت اذن سيف للكلمه ونظر لها جيدا وابتسم بتعجب/ وانت عرفتها منين

‏نظر له تاج ببسمه بريئة جدا / شفت حاجه في صندوق ماما منقوش عليها كلمات غريبه واللي عرفت اترجمه منه هي كلمه (عين الشمس)

‏هز سيف رأسه بغموض ثم ضم تاج اليه وهو يقبل رأسه بحنان ويغمض عينه وهو يفكر في القادم فحتي الان لم تعطهم القلادة اي اشاره للعوده يبدو أنه لم يحن الوقت بعد لاجتماع عائلته

RAHMA NABIL 美心

كان مصعب يقف علي طاوله المطبخ وهو يغني بتأثر / وانا شعري شاب من العذاب والجراح ابكي علي إللي جاي ولا ابكي علي إللي راح تعبان من جوايا مش عارف ازاي ارتاح حابس الكلام مكتوم مكسور الجناااااح طي....

قاطع غناءه صراخ نيره وهي تقذفه ببذنجان / يا أخي أخرس بقي ابو صوتك ده يخربيتك حاسه ان طبله ودي اتخرمت

نظر له مصعب بغيظ / بقي كده يا نيرو ده انا بقول انك الوحيده اللي فيهم ده حتي نفس البلطجه متوارثه

أشارت نيره لنفسها بصدمه وهي تشهق بينما كريمه ابتعدت بخوف من ملامحها

نيره بصراخ وهي تصعد للطاوله / مين دي ياض اللي بلطجيه هاةغنكق بدل ووالله لاشرحنك

ضحك مصعب وهو يضرب كف بالاخر في حركه شعبيه / اسمعي نفسك وانتي بتتكلمي الأول ده انتي الماده الخام للبلطجة

نظر له نيره بشر فتحدث سامر بضحك / حصل وانا ثمره البلطجه اهو

نظرت له نيره بشر / واد انت مع مين ياض شكلك نسيت الشماعه

ابتلع سامر ريقه وتراجع ونظر بشر لمصعب / واد انت احترم نفسك وأنت بتتكلم عن أشر... قصدي ماما آه ماما

تجاهلهم مصعب وهو ينظر لعدي / ها يا حج عدي فين الاكل جوعت الكل جنبك

عدي بتذمر / لسه بيستوي بعدين ليه محدش قال ان الكل هياكل كنت عملت حسابكم هما يدوبك خمسه كيلو لحمه بس

فتحت كريمه فمها ثم اغلقته مجددا / لا خلاص مش هعلق تآني علي اكله

ضحكت نيره علي كريمه / وحتي لو علقتي هيحصل ايه يعني هيوكلنا لحمه من معاه مثلا

نظر لهم عدي بتذمر وذهب لطمطم التي كانت تقف بجانب البوتجاز وتضحك عليهم همس لهم / طمطم بقولك ايه

نظرت له طمطم / إيه

عدي بهمس / اول ما اللحمه تستوي خبي اربعه كيلو ونص كده وسيبي نص كيلو وقوليلهم انها كشت

طمطم بحاجب مرفوع وسخريه / كشت اربعه كيلو ونص ليه بنسويها في مايه نار ولا إيه

نظر لها عدي بحنق وهمس / خلاص خلاص المهم متتحركيش من قدام البوتجاز عشان محدش ياكل آكتر من نصيبه

ثم همس لنفسه/ كويس اني عملت حسابي وخبيت فراخ من العشا

كانت نيره مازالت تتشاجر مع مصعب / أنا ايه ياض يابن ميسره قول

مصعب وهو يغني وهو يركض بسرعه / انتي بومه بقيتي وحشه بالامانه والحكومه....

لم يكمل كلامه الا وكان يركض خارج المطبخ وخلفه خف نيره التي القته عليه ثواني وسمع الجميع صوت سيف الذي يصرخ بغضب

لطمت نيره برعب / احيييه احيييه جه في هولاكو

اخرجت نيره هاتفها بسرعه واجرت مكالمه  / الو حسام الحقني يا حسام و....

ثواني وكان سيف يدخل للمطبخ وهو يحمل مصعب من ثيابه من الخلف بينما مصعب يضم يده لصدره بتذمر ابتسمت نيره حينما علمت ان غضب سيف كان من مصعب وليس لاصابه خفها له

تحدث مصعب بتذمر / ياسيف والله العظيم برستيجي اتمسح بيه ام البلد كلها

ابتسم سيف بسخريه وتركه ثم نظر خلفه لصغيره تاج الذي كان يحتضن كتابه وينظر لهم ببراءه فانحني له وابعد شعره وقبله بحب وتحدث / جعان يا تاج

ابتسم له تاج وهز رأسه فنظر سيف لعدي وتحدث / بتعمل اكل ايه يا عدي

عدي وهو ينظر له بلهفه وبسرعه اخذ يدفع طمطم التي تنظر له بتعجب جانبا / تعالي يا سيد الناس عامل لحمه تستاهل بقك والله اوعي كده يا طمطم ياختي

تحدثت طمطم بتعجب/مش انت اللي قلتلي متحركش من هنا

نظر لها عدي بصدمه/ اشششش سيف يسمعك ويعلقنا علي باب المطبخ والله يعملها ده غبي وأيده طايشه

ثم فرك رقبته / اسألي مجرب دي ايدي عامله زي الخرسانه والله

ضحكت طمطم بشده

في نفس الوقت الذي دخل به جاسر وحسام ومعهم صلاح ومراد

ابتسم جاسر وهو ينظر حوله سرعان ما اختفت بسمته /هي فين نسرين

كريمه وهي تأكل من المخلل امامها / بتشوف معتز عشان كان بيعيط

هز جاسر رأسه وصعد لغرفه زوجته فوجدها تحمل صغيرها الجميل الذي رزقهم الله به مؤخرا بعد ابنه الكبير احمد صاحب ال١٥ عاما فهو في عمر سيف ابن ابريس رغم ان ابريس تزوج بميسره قبل الجميع ولكن اراده الله أن يتأخر حمل ميسره لتلد ابنها البكر مع ابنه الكبير ولحقت ابنها الكبير بعدي ثم مصعب وبعد سنتين رزقها الله بالصغير الملاك تاج

اقترب منها جاسر وضمها بحنان فنظرت له وابتسمت بحب بينما هو قبل اعلي رأسها بعشق فبعد ان تزوجها انتقل لهنا مع اخيه بعد أن جعل فرع اسوان هو الفرع الرئيسي لشركاته ولا يخلو الأمر من التنقل بين القاهره وهنا ولكن كله يهون ليري فقط بسمه من عائلته ولكي لا يحرم أولاده من العائله

في الأسفل كانت ماتزال الحرب مشتعله بين مصعب ونيره

كان حسام يمسك نيره بشده وهو يمنعها من قتل مصعب الذي يتحدث ببرود وهو لايدرك ان من امامه ما هي إلا مسجله خطر من الدرجه الاولي

ضحكت كريمه بسخريه / قسما بالله الكبار هيرجعوا من الحج يلاقوا البيت متساوي بالأرض او والع والأخت ميسره باعته عيالها عشان تروح تقضي شهر عسل بعد ١٦ سنه جواز

ثم ارتشفت عصير ببرود / يلا مفيش في ايدينا حاجه غير اننا نتفرج ونشوف هتنتهي علي إيه

RAHMA NABIL 美心

نظر ابريس لميسره التي تنظر من نافذه غرفتهم في الفندق بشرود ذهب ووقف خلفها وتحدث وهو يهمس في اذنها بحنان / مابها شمسي يبدو انها منطفئه

استدارت له ميسره ونظرت له بصمت فتعجب هو صمتها هذا تنهدت ميسره ومدت يدها وامسكت وجهه وابتسمت وتحدثت بعشق يكاد يفيض من قلبها / بفكر ياتري لو مكنتش وافقت علي المشروع او اني كسلت اروح اسوان واعمله وطنشت وده كان شئ عادي عندي يعني مش مشكله طب لو كنت روحت ومشوفت العين دي ولا دخلت المقبره ياتري كان هيحصل ايه؟؟

صمتت وهي تنظر لعينه بتفكير ولمعه دموع في عينها / كنت هفضل وحيده دايما كنت هفضل عايشه لوحدي دايما يا ابريس كنت هموت وحيده كنت...

وضع ابريس يده علي فمها / اششش ليه بتقولي الكلام ده دلوقتي يا ميسره ها اللي حصل ده كان مقدر ومكتوب انه يحصل وبأي طريقه حتي لو زي ماقولتي كنتي رفضتي المشروع برضو كنتي هتيجي واقابلك وعملتي بلاوي كتير زي ما عملتي وكنتي أخدتي قلبي بنفس الطريقه وكنت خلتيني اعشقك آكتر واكتر وكنتي خلتيني اسيب الدنيا كلها واجي وراكي لان ببساطه انتي تستحقي  كده واكتر ميسره انتي شمسي ونوري بدونك هعيش في ظلام كبير ميسره خليكي دايما واثقه ان كل اللي حصل ده كان هيحصل لو مهما جري تستحقي تعيشي بكل السعاده تستحقي كل شئ يا شمسي

امسك ابريس يدها ووضعها علي قلبه الذي يخفق بشده بسبب قربها / اسمعي ضربات قلبي انها تصرخ مطالبه بقربك اذا ابتعدتي ولو لثانيه واحده يظل يصرخ بألم مطالبا بكي لذا ارأفي بحالته يا شمسي وابقي بجانبه قويه ومناضله كما اعتدتك كوني ميسره المشاكسه والمجنونه لا تدعي الماضي يتخلل حياتك لقد انتهي هذا الماضي والان محن معا.... انا.. وانتي..... والفرسان الاربعه

ابتسمت ميسره وتحدث بعشق / وقريبا جدا سيعود الفرسان لساحه المعركه يا ابريس

ابتسم ابريس بشوف شديد لعائلته وضم ميسره بعشق ونظر للقمر المكتمل خلفها والذي يعيد له ذكرياته / نعم قريبا جدا يا شمسي قريبا جدا

RAHMA NABIL 美心

في الصباح كان الجميع يجلس علي الطاوله ويتناولون الإفطار في جو من المرح والمشاكسه ثواني وانضم لهم احمد (ابن نسرين وجاسر) ذهب احمد وجلس بجانب سيف الذي ابتسم له فتحدث احمد ببسمه / إيه رأيك نخلص ونروح نلعب كوره

هز سيف رأسه برفض / مش هينفع يا احمد للأسف لان لازم ادرب اخواتي في غياب بابا ممكن نخليها وقت تاني

ابتسم احمد بتفهم وتحدث / تمام يبقي هجيب العيال ونتفرج عليكم

ابتسم له سيف وهز رأسه بينما استدار احمد ووقع نظره عليها الصغيره المزعجه المشاكسه ابنه خالته كريمه ( فاطمة) تحدث بغيظ / بطلي رغي يا فاطمه

نظرت له فاطمه وأخرجت لسانها / ملكش دعوه بيا انا مش بكلمك انا بكلم عدي صح يا عدي

نظر لها عدي وهز رأسه ببرود وعاد لطعامه بينما غضب احمد من حديثها فهي دائما ما تهتم لعدي وحديث عدي فقط ولا ترغب في التحدث معه

اقترب مصعب من أحمد وهمس له / القموره حلقتلك

نظر له احمد بغضب فضحك مصعب وغمز له فهو اكثر من يعرف فاطمه رغم مغازلته لها ليستفز كريمه الا انها اخته فقط لا أكثر ولا أقل ولكن هو أكثر من يعلم انها ورغم سنها الصغير الا انها تفضل البقاء مع عدي ومتعلقه بعدي بدرجه كبيره رغم البرود الذي يظهره عدي لها فعدي بارد نوعا ما مع الفتيات حسنا إخوته جميعهم كذلك ولكن هو لا يمكنه ان يري فتاه حزينه فنقطه ضعفه هي حزن الفتيات ابتسم مصعب علي افكاره ونظر لاخواته الثلاثه وهمس / مش وش نعمه يا معفنين

ثم ضحك بصخب

بينما تحدث سيف ببرود وهو يأكل / خلص اكل وحصلني ورا البيت يا مصعب عشان انهارده هتواجهني انا

انفجر عدي وهو يأكل بالضحك علي ملامح مصعب التي شحبت بشده وهو يكاد يختنق / مكنتش اتوقع النهايه دي

بينما تاج ابتسم بحماس ونهض سريعا وهو يهتف / هروح اجيب الكاميرا بسرعه عشان اصور

مد مصعب يده بهدف ضربه ولكن لم يلحق فشتمه / فرحان فيا يا كلب يا تاج والله وطلعلك صوت يا معفن طب والله لاعلقك

ضحك عدي بشده وهو ينظر بتسليه لمصعب / متقلقش يا مصعب يا قلبي مش هتحس آوي عندك انا مثلا مقضتش في السرير غير تلات ايام من بعد آخر مواجهه

ابتلع مصعب ريقه / ياريت تيجي علي تلات ايام يا خويا

تحدث محمد(ابن طمطم) باسف شديد ودموع تأثر / هتموت يا مصعب

نظر له مصعب وهو يكاد يبكي ثم قال وهو يضرب علي قدمه / شكلها كده يا حماده آه يا حبيبي يا مصعب يا صغير علي الموت اللي قهرني اني لسه متجوزتش ولا شوفت الدنيا يا خويا

ربت محمد علي كتفه بحزن / متخافش والله قلبي حاسس انها بس هتكون عاهه مستديمه بإذن الله مش هتوصل للموت

دخلت نيره ومعها سامر وابنتها الصغيره (شروق)

نيره / ها الكلام علي إيه يا ملوك المشاكل

تحدثت كريمه ببرود وهي تأكل / مفيش جديد يعني هو بس سيف هيفرم الواد السافل مصعب

نيره وهي ترفع يدها / يا جبار يامنتقم اخيرا لا ده انا هحضر المواجهه بنفسي

نظر لها مصعب بغضب / إيه يا نيره الشماته دي يا شيخه اعتبريني سامر

سامر بمزاح / بعد الشر يا خويا

ضحك عدي بشده وهو يجذب مصعب / يلا عشان نخلص بسرعه

امسك مصعب في طاوله الطعام / لا مش عايز قوله مصعب تعبان اقولك قوله مصعب مات بس بلاش سيف بالله عليك بلاش سيف

سمع مصعب صوت سيف ينادي / يلا يا مصعب

ضحكت نيره وركضت للحديقه الخلفيه بسرعه ومعها الجميع وخلفهم عدي يسحب مصعب نظر مصعب وجد سيف يقف في منتصف الحديقه وتاج يقف بعيدا في زاويه تمكنه من التصوير جيدا والباقي جلسوا أرضا علي شكل مربع بينما أعطت نيره ابنتها الصغيره صاحبه العامين لكريمه / امسكي أبت خليني اغطي المجزره دي

سمع الجميع صوت الشباب حيث جاء كلا من حسام وجاسر وقابلو صلاح ومراد في الخارج

مراد لطمطم / هو المنتخب هيلعب في بيتنا ولا إيه

طمطم وهي توزع علي الجميع تسالي ثم جلست وتحدثت وهي تأكل لب / لا ده سيف هيطحن مصعب

جلس صلاح بسرعه بجانب كريمه وجذب من يدها بعض اللب / دي هتبقي مجزره يا شقيق

ضحك صلاح وجلس بينما اتجه جاسر وجذب معتز صاحب العالمين  من يد والدته وقبله من خده بعمق فضحك بصخب  وجلس جاسر وجذب حسام الذي نظر لحماس نيره بتعجب بينما فاطمه الصغير نظرت لعدي وتحدثت / عدي هو ابيه سيف هيعمل ايه في مصعب

عدي وهو يخرج كيس شيبسي عملاق / ولا حاجه يا بطوط بس ابيه سيف هيعيد تشكيل هيئه مصعب

ابتسمت فاطمه بغباء وتابعت مع الجميع مايحدث وبدأت المعركه مع صوت تعليق نيره

نيره / سيداتي آنساتي سادتي مرحبا بكم في لقاء جديد من برنامجكم الجميل والاسبوعي ضحايا الجزار وهنا سيداتي نوصف الوضع بالضبط هنلاقي في نص الحديقه سيف واقف وقصاده مصعب فلو انت من ناحيه البيت هتلاقي ضهر سيف في وشك اما لو انت قاعد في ناحيه عشه الفراخ بتاعه ام كريمه فهنلاقي الرؤيه جايبه زاويه حلوه اوي للمعركه

صرخت نيره بسرعه / وهنا تبدأ المعركه باشاره سيف لمصعب بالبدء فنجد مصعب يقترب من سيف ولسه يدوبك بنقول بسم الله ونلاقي مصعب مفروش في الأرض قوم يا خويا قوم يا ضنايا

نهض مصعب ونظر لسيف وتحدث / باشا بلاش وشي الله يكرمك

ابتسم سيف بسخريه وفي الثانيه التاليه كان مصعب يسقط أرضا مجددا وهكذا توالت لكمات سيف  علي مصعب وهو يتحدث بضعف / هو كله ضرب مفيش شتيمه

ضحك سيف بخفوت وانحني وهمس / اتعود دايما متقنعش نفسك انك خسران الحرب من قبل ما تدخلها

نظر له مصعب بتعجب فتحدث سيف ببسمه / اول ماقولت  ليك انك هتواجهني خوفت وقعدت تقول هخسر وهموت وغيره حتي لو هزار بلاش تقنع نفسك ان الشخص اللي قدامك هيهزمك لا اتوقع انك انت اللي هتهزمه شجع نفسك بنفسك فهمتني يا مصعب

ابتسم مصعب بشده وفي الثانيه التاليه كان سيف يفترش الأرض بعدما جذبه مصعب بشده نهض مصعب ورفع يده عاليا بفرحه

نيره بسخريه / يا خويا اتلهي ده كان واخدك غسيل ومكوه ولسه فاكر تعمله حاجه

اخرج عدي هاتفه وقام بتشغيل اغنيه ( والله وعملوها الرجاله) ومصعب يرقص بحركات مضحكه

ولكن لم يكمل رقص حتي وجد نفسه ساقط أرضا وهو يتأوه بشده فنظر وجد سيف يطل عليه بجسده كله  ويتحدث بجديه / اوعي تفترض نهايه المعركه وتحتفل بناء علي كده واوعي اوعي مره تدي ضهرك لعدوك يا مصعب كفايه عليك دروس انهارده

ثم ابتسم وتركه وخرج بينما ضحك تاج بشده علي مصعب وتحدث / هروح أحمله علي اللاب وابعته لبابا

همس مصعب بألم / ياواااااطي

اقترب سامر من مصعب وتحدث / مصعب لو مت ينفع اخد الهيد فون بتاعك ولا هيبقي فيه مشكله

نظر له مصعب بغيظ وهو يتأوه / يا حقييييييير

ضحكت نيره وصفقت بابتهاج بيننا صفرت كريمه بفرحه / خلو آوي كمان مره كمان مره

مصعب وهو ينظر لهم بشر / تحس ان واحد يهودي وقع في وسطهم فرحانين ومزقطتين آوي حسبي الله ونعم الوكيل في الظالم آآآآآآه يا ظهري يا اما

RAHMA NABIL 美心

نظر سيف لأحمد ثم تحدث ببسمه / اتكلم عشان متموتش وانت كاتم الكلام كده

احمد وهو يتحدث بجديه / انت ليه شديد آوي كده مع اخواتك يعني بتدربهم وممكن ينجرحوا عادي وانت حتي مش بتسأل هما كويسين ولا لا ليه قاسي معاهم كده

نظر له سيف لمده طويله ثم أعاد نظره امامه وصمت ولم يجيب فابتسم احمد بسخريه اكيد لن يجيبه فسيف اذا لم يعجبه الكلام لا يعيره اي انتباه ويتجاهله تماما زفر احمد بضيق وتركه وذهب وهو يستنكر جموده وقسوته هذه سيف أصبح جزار قولا وفعلا لا يهتم لاحد ولا يحب احد هذا ما تأكد منه الان بينما سيف نظر لذهابه بملامح جامده وهمس / مش هتفهمني يا احمد فالأفضل اني اكون قاسي علي اني اشرح كل شئ ليك

تنهد ثم نهض ودخل للمنزل ولكن أثناء ذلك قابل عدي الذي تزعجه فاطمه تحدث سيف / عدي فين مصعب

عدي وهو ينظر له ببسمه / كريمه اخدته تعالجه متقلقش هو كويس ده ما اخدش الضرب اللي اخدته انا في آخر مواجهه معاك

هز سيف رأسه ببرود ثم صعد لغرفتهم المشتركه وجد كريمه تخرج مع طمطم فتحدث بخفوت / هو كويس صح

ابتسمت كريمه / آه هو كويس بس نام شويه يلا هنزل انا اخلص شغلتي ورايا أبت يا طمطم ونادي نسرين ونيره

نظر سيف لهم وهم يرحلون ثم دخل غرفه أخيه واقترب من فراشهم المشترك هم الاربعه وابتسم بحنان وهو يبعد شعره عن جبينه لتظهر جروحه ثم اقترب وقبل جروحه بحنان شديد وهمس / اسف يا مصعب اسف بس لازم من دلوقتي تكبروا وانتم قادرين تقفوا في وش اي حد مش حابب أبدا اشوفكم ضعاف ولا ان حد يستقوي عليكم أبدا عايزكم حتي اقوي مني ومن بابا

خلع سيف حذائه وصعد للفراش وضم مصعب له واخذ يربت علي شعره بحنان شديد وهو يبتسم بحنان ووجع لوجع اخيه بل صغيره الذي بمثابه ابن له هو مضطر لهذا اكيد سيعلم هذا عندما يكبر يجب أن ينشأ إخوته علي القوه وليس التجبر يجب أن يعلموا معني ان تكون قوي وليس ان تكون متجبر

بينما كان عدي يقف هو وتاج علي الباب ببسمه فهم جميعا حتي مصعب يعلمون مقدار حب سيف لهم فسيف يعتبر ثلاثتهم أبناءه يعشقهم اكثر من نفسه يفضلهم علي نفسه في كل شئ حتي ان سيف تحدث لعدي في يوم من الايام وأخبره انه يتمني ان يفوز أحدهم بالمنافسه التي ستقوم لأجل العرش وليس هو،،،، يتمني ان يكون احد إخوته هو الفائز وقتها سيكون هو أكثر من سعيد عندما يري نصر اخوته بعينه وقتها فقط سيشعر انه أدي رسالته الجميع من حولهم يري سيف البارد الغير مبالي المرعب والغاضب والجزار كما يقولون ولكن لا أحد يري سيف الحنون والمحب والعاشق لاخوته لا أحد يري سيف كما يراه هو واخوته هم جميعا بلا استثناء يعلمون من هو سيف جيدا لذا هم مدينون له بكل شئ وصلوا اليه

سمع عدي صوت سيف الذي ينظر له ببسمه / تعالي يا عدي انت وتاج

ابتسم تاج بحب وركض لسيف الذي رفعه بجانبه وقبل رأسه ونظر لعدي ومد يده / تعالي

ذهب له عدي فابتسم سيف وضم اليه تاج اكثر ليفسح له مكان فتسطح بجانبهم عدي وهو يضمهم بحب / لا بس ياكبير انت كنت طيب انهارده مع مصعب

ضحك سيف بخفوت / مصعب لسه صغير يا عدي وانت الاكبر فبشد عليك انت اكتر

سمع الجميع صوت مصعب وهو يغلق عينه / شالله يخليلك عيالك يا خويا

ضحك الجميع بشده وضمهم سيف وهمس لهم بتردد وكلمات احمد تتردد في رأسه / هو انتم شايفين اني وحش وقاسي و....

منعه مصعب من إكمال حديثه وهو ينهض وينظر له بتعجب / مين ده اللي قاسي ووحش يا سيف انت ده انت احن واحد فينا كلنا حتي احن من الواد السهتان تاج

نظر له تاج بتذمر ثم نظر لسيف /سيف هو أنا سهتان

سيف ببسمه حنونه وهو يقبل خده المكتنز / لا ياقلبي انت مش سهتان

ابتسم تاج بفرحه ثم تسآل بتعجب / هو يعني إيه سهتان

انفجر الجميع ضحكة بينما سيف يضحك بصخب وهو يقول / والله يابني ما عرف اسأل اخوك السافل ده

ضحك عدي علي حديث سيف اكثر

كاد مصعب يجيب لولا صوت هاتف سيف الذي قاطعهم رفع سيف جسده قليلا ليخرج هاتفه ثم تحدث ببسمه/ دي مكامله فيديو من بابا

عدي بلهفه / افتح بسرعه

فتح سيف المكالمه فوجد ميسره تصرخ بمرحها المعتاد / سيييفو وحشتني يا وحش

ضحك سيف علي والدته / وانتم آكتر والله يا ميسرتي هتيجوا أمتي

وجد سيف والده يأخذ الهاتف من ميسره ويهتف بجمود مخيف / اسمعك تقول ميسرتي دي تاني وهكدرك ماشي

ضحك سيف بشده فوالده دائما ما يتذمر من مغازلتهم لوالدته

ابعدته ميسره بحنق / اوعي كده ياعم هشوف العيال

ثم نظرت للهاتف بتعجب /إيه ده ماشاء الله متجمعين عند النبي ياشباب

ضحك مصعب ومد جسده الهاتف / شايفه يا ميسره الجزار اللي انتي مخلفاه عمل فيا ايه شوه وشي الجميل

نظرت ميسره لوجه مصعب لثواني ثم انفجرت في الضحك / احيه ايه ده يخربيتك انت عملت ايه ياض في اخوك

سيف ببراءه / كنا بنتمرن بس يا ميسو

زمجر ابريس بشده وهو يتحدث بحنق / هو أنا مش بطيق واحد بس يشاركني فيها...... يجي اربعه يشاركوني فيها

ضحك الجميع فتحدثت ميسره وهي تستند علي صدر ابريس / عاملين ايه يا قلبي بتاكلوا كويس

كاد عدي يجيب فاشارت ميسره بيدها / انت مش محتاجه اطمن علي اكلك يا عدي يا قلبي

ضم عدي شفتيه بتذمر / دايما ظالمني ده انا حتي كنت هشتكي ليكي من قله الاكل هنا مجوعني يا ميسره مبقتش باكل غير سبع تمن مرات بس

ضحك ابريس بشده وهمس لميسره / فكريني احط قفل علي التلاجه لما نرجع عشان كده هعلن افلاسي قريب

مصعب بحماس / الا قولي يا ابو الاباريس اخبار المزز عندك ايه

نظر له ابريس وخز رأسه بيأس ثم تحدث لميسره / طب والله ست ما كان في ربع سفالة ابنك وانتي عمالة تقولي طالع لاخوك

ميسره وهي تغمز له / ياراجل ده لولا الملامه كان اخوك بأس البت ننوسه قدامنا ده مشفش بتعريفه تربيه

ضحك مصعب بشده / شوقتوني اشوفه والله ها يابابا مردتش عليا

ابريس بتعجب / ارد علي إيه بس

مصعب بعيون متلهفه / اخبار البكيني ايه عندك

صرخت ميسره بصدمه ونظرا لابريس / تقريبا والله اعلم العيب مننا مش من جينات اخوك هو احنا كنا فين والواد ده بيتربي

تحدث مصعب دون أن ينتبه لحديث والدته / آه صحيح يا ميسو عشان بس تكوني عارفه مني مش من بره انا اتخانقت مع كريمه عشان لما تشتكي مني بس تدافعي عن ابنك ضناكي

ميسره بتعجب/ عملت ايه يا ضنايا

مصعب بتمسكن وبراءه / والله يا ميسره ما عملتش حاجه دي هي بس بطه اندلق العصير علي لبسها وكنت بساعدها بس

ميسره بتأثر / ياحبيب ماما يا مظلوم عملت ايه يا ضنايا

مصعب بخبث / كنت هغيرلها اللبس

صرخت ميسره وهي تكاد تخرج له من الهاتف / ياض يا سافل تغيرلها ايه حيوان

مصعب ببراءه / شوفتي اديكي ظلمتيني انتي كمان وانا اللي بقولك عشان تدافعي عني انا بس كان قصدي اغيرلها كوبايه العصير بدل اللي وقعت

ميسره بحاحب مرفوع / علي ماما ياض

مصعب وهو يهز رأسه / لازم تصدقيني لأنك امي العزيزه

ضحكت ميسره وهي تهز رأسها بيأس / حمدي الوزير المستقبلي

ضحك ابريس علي ابنه المشاغب ونظر لتاج وتحدث بحنان / تاجي حبيبي عامل ايه ياقلبي ومش بتتكلم ليه

تاج ببسمه وهدوء انا كويس يابابا متقلقش عليا انا كبير دلوقتي وباخد بالي من نفسي

ابتسم ابريس بحنان / اكيد ياقلب بابا انت كبير

تحدث سيف بجديه / حضرتك يابابا مقرر هترجع أمتي

تحدث ابريس ببسمه وهو يضم ميسره اليه اكثر /كنت متصل عشان كده و.....

صمت ابريس والجميع وهم يسمعون صوت صراخ يصم الاذان و......

RAHMA NABIL 美心

وهذه فقط هي مجرد البدايه للأحداث من نار وكوميديا من العيار الثقيل

دمتم سالمين

RAHMA NABIL 美心

المواعيد ( السبت و التلات والخميس الساعه 9)

‏" إنَّ اللهَ لا يريدُ من الدُّعَاءِ بلاغتَكَ

‏وإنما يريدُ قلبَكَ !"

*#ادعوا بيقين*🤍

صلى عليك الله يا عــلم الهدى، ما حن مشتـــــاق وســار دليل

RAHMA NABIL 美心

انصت الجميع للضوضاء وصوت الصراخ العالي الذي يأتي من خارج غرفه ميسره وابريس في الفندق

مصعب بتأثر /آه قلبي مش قادر دي صرخه انثي مجروحه او مقفوشه ايهما أقرب

نظر له سيف بحاجب مرفوع بمعني ( حقا)

هز مصعب رأسه بتعجب / في إيه والله زي مابقولك تلاقيها واحده مقفوشه آداب انا عارف المحن ده تلاقيها بتصرخ بريئة يابيه

هز سيف رأسه بيأس علي اخيه فخرج ابريس وميسره لرؤيه ما يحدث ونسي ان يغلق المكالمه وبمجرد الخروج وجدوا الشرطه تخرج فتاه وهي تضع الملائه عليها ومعها شاب أيضا ومن مظهرهم يعلم الجميع ماذا كانوا يفعلون

نظر مصعب ببسمه / اها جالك كلامي اهي مقفوشه بس إيه هو ابوك مركز علي السمانه ليه متطلع فوق يا حاج

كان ابريس يمسك الهاتف باهمال وهو يضع يده بجانب ساقه لذا كانت الصوره مصوبه فقط علي الأقدام

كاد سيف يغلق المكالمه فصرخ عدي / اصبر يا عم انت.... انت جاي في اللحظه الحاسمه وتقفل

سيف بتعجب / لحظه حاسمه؟؟؟

مصعب وهو يركز مع الهاتف / أمال دلوقتي البنت دي تثور وتنتفض وترمي الملاية وتصرخ وتقول انتم مش عارفين انا مين

في ذلك الوقت رفع ابريس الهاتف دون أن ينتبه ان المكالمه مازالت مفتوحه

وبمجرد ما رفع ابريس الهاتف حدق الجميع بفم مفتوح بصدمه واقترب مصعب من شاشه الهاتف كثيرا وهو يهتف /ياتستفنكلييييييييييييييييي

تحدث ابريس بتعجب للشرطه / هو في ايه حضرتك

ميسره وهي تضرب كتف ابريس / واحده لابسه ملايه بيضه ومعاها شاب وخارجين من الاوضه بشرطة كانوا بيعملوا ايه اكيد كانوا بيصلوا جماعه

نظر لها ابريس بتذمر علي حديثها ولكن اجابه الشرطي / في بلاغ وصلنا من احد النزلاء ان الانسه كل يوم شاب شكل يدخل لغرفتها فاداره الفندق اتصلت بينا وجينا لقيناها في وضع مخل مع الاستاذ

مصعب وهو يعض علي شفتيه / ياريتني كنت انا يا أخي يا رتني كنت انا...... ادخل زووم عليها يا ابريس زوووم يا جدع خلي الغلابه تتفرج

وضع سيف يده علي عين تاج الذي لا يفهم اي شئ وكيف له ان يفهم مايحدث حوله فهو منعزل عن أي شئ تماما ليس لديه سوي كتبه فقط

سيف وهو يضرب كتف مصعب بغيظ وتحذير / واد انت لم نفسك كده

مصعب وجسده تقريبا علي قدم سيف الذي يحمل الهاتف / انت مش شايف الناس اللي بترفص النعمه دي اخص عليهم فين الضيافه يا مصريين بقي احنا نعمل كده في ضيوفنا لا لا يا سيف اخلاق المصريين اتغيرت آوي

نظر له سيف بقرف / فعلا بقت اخلاقهم زفت علي دماغهم اوعي كده يا عجل من علي رجلي

قال آخر كلماته وهو يبعد مصعب من علي قدمه ونظر للهاتف وهو يغلق المكالمه بينما مصعب يصرخ / لااااا القمر راح فين ليه يا سيف ليه بعد ما تديني كل حاجه ترجع تاخد كل حاجه كده ليه حسبي الله ليه كده طب كنت سيبني اخد اسكرين طيب ليه كده

ضربه سيف في رأسه / اتخمد ياض شويه لحد الغدا

مصعب وهو يتمدد علي الفراش بتذمر / وانا هيجيلي نوم بعد اللي حصل يا أخي المستورد حلو اوي لا ده الواحد يدخل لغه لما يكبر عشان اعرف اشقط بيها اجانب زي الكريم كراميل ام ملايه آه لو كانت وقعت

هز سيف رأسه بيأس ونظر لعدي وتاج الصامتين وجد عدي قد ذهب في نوم عميق وتاج يغمض عينه وهو علي وشك السقوط في النوم ابتسم وجذب الغطاء عليهم ثم جذب مصعب لاحضانه وهو يفسد شعره بيده / نام يا مصعب نام يا حبيبي

ضحك مصعب بصخب وعانق أخيه بل ابيه بحب شديد بينما سيف عانق بيده الاخري كلا من تاج وعدي وهو يتنهد بتعب فهو دائما ما يستيقظ فجرا ثم يذهب بعد الصلاه للتدريب في الخارج وفي الجو القارص البروده ولكن هو تعود علي ذلك ثواني وكان يسقط في النوم نظر له مصعب ثم اقترب وقبل جبينه بحب اخوي وهو يهمس / مش عارف ازاي ممكن حد يشوفك قاسي يا سيف لو حد شافك قاسي ووحش يبقي باختصار ميعرفش مين هو سيف لان بالنسبه لينا سيف هو رمز الحنان والحب ربنا يديمك لينا

ثم قبله مجددا في جبينه وضمه ونام هو أيضا بينما سيف فتح عينه فهو يستيقظ من أقل حركه بجانبه ابتسم سيف بعشق هل يمكن أن يحب الانسان احد اكثر من نفسه والاجابه نعم هو يحب إخوته اكثر من نفسه ومستعد ان يموت فقط لأجل بسمه منهم ضمهم جميعا بعشق ونام مجددا

RAHMA NABIL 美心

بينما عند ابريس نظرت ميسره بشماته للفتاه وتحدثت بفرحه باللغه الانجليزيه / آه يا عزيزتي اتمني لكي أقامه سعيده بمصر

نظرت لها الفتاه بغضب شديد وكادت تجيب لولا ذلك الشرطي الذي جذبها بعيدا وهي تتوعد لهم بالاسوء بينما ميسره كانت تصفق بفرحه شديده نظر لها ابريس وهو يضيق عينه بشك وهمس بتحذير / ميسره

ميسره ببراءه / قلبها

ابريس ولم يستطع مقاومه بسمته فهمس لها / انتي اللي عملتي كده صح.... انتي احد النذلاء اللي بلغ

ميسره ببراءه شديده /أنا؟؟؟؟ اخص عليك يا ابريس لا اخص عليك والله هو أنا وش ذلك

ابريس وهو يجذبها لغرفتهم بضحك / ده انتي ذلك نفسه ادخلي يا تعباني

ضحكت ميسره بصخب / والله أنا قولت الرحله دي هتحلو

ابريس وهو يغلق الباب بيأس / انتي شرانيه يابت انتي

ميسره وهي تتحدث ببراءه وصدمه / أنا؟؟؟؟ أبدا محصلش وحياتك بس هي اللي بتبص لحجات مش بتاعتها

زفر ابريس بملل / مش كنا خلصنا من الحوار ده وانتي زرعتيها زرع البصل علي الشط

ميسره بعند /ولو ولو لازم تتعلم الأدب بعدين هو أنا بتبلي عليها ما هي طلعه متكفنه في الملايه اهو مع الواد اللي معاها يعني منها بنتقم ومنها بنقذ سمعه مصر إيه ياريس انت نسيت الإخلاص للبلد ولا إيه يا جدو ابريس

ضحك ابريس وهو يجذبها لاحضانه / لا يا لمضه منستش يا قلب جدو

RAHMA NABIL 美心

كانت كريمه تجلس مع نيره وطمطم ونسرين امام التلفاز فتحدثت نيره بملل / إيه الملل ده يا جدعان والله البت ميسره كانت عامله حس للبيت

طمطم ببسمه / قربت ترجع لما كلمتها اخر مره قالت إنها هترجع كمان اسبوع يعني كام يوم وتلاقيها نطت هنا

كريمه وهي تأكل الموز ببرود / ياختي ما هي سايبه حاجه من ريحتها اهي ده كفايه الواد المعفن اللي اسمه مصعب ده لوحده بلوه ولا الطفس عدي

ضحك الجميع علي حديث كريمه ولكن قاطع ضحكاتهم صوت رنين الجرس فنظرت كريمه لسامر الذي يلعب في هاتفه / الاخ بسكوته معلش لو هنقاطعك عن أعمالك ممكن تشوف مين اللي علي الباب

زفر سامر بملل / طيب

ثم ذهب للباب وفتحه وهو ينظر لهاتفه ثم تحدث / آيوه مين

سمع صوت انثوي مدلل يهتف / مستر جاسر موجود

انتبه سامر للذي يتحدث ورفع عينه التي مرت بقدمها حتي وصلت لوجهها فهمس / مزة في بيتنا ياللهول

تحدث الفتاه بدلال / ها؟؟؟

سامر وهو ينظر بجهل / ها ايه

الفتاه بضحكه جعلت سامر يهمس/ اللهم صلي على النبي ده الواد مصعب مش هيخرجك من هنا مش بعيد يغتصبك او نسرين تولع فيكي بصي المهم انك مش هتخرجي سليمه

تحدثت الفتاه بملل / هيييي انت بقالي ساعه بكلمك روحت فين

سامر بتفكير /كنت بفكر ياتري مدافن العيله جاهزه ولا نفتح مدافن الصدقه بتاعت البلد

نظرت له الفتاه بجهل/ أنا جايه من فرع القاهره لمستر جاسر وروحت للفيلا بتاعته بس البواب قال انه هنا ممكن تناديه او حتي سيبني ادخل انا جايه من سفر وتعبانه

ابتعد سامر عن الباب وأشار لها للدخول / يا خسارتك في الموت يا قمر

ثم نظر لها وأشار لها للدخول حيث النساء دخل هو قبلها ونظر لهم وهم يجلسون باهمال حيث كانت نيره ترفع قدمها اليمني علي قدمها اليسري وتقوم بتقليم اظافر قدمها وكريمه تشاهد التلفاز وفمها ملئ بالموز بطريقه بشعه ونسرين تحمل معتز الصغير وطمطم تتصفح هاتفها بملل

دخل سامر وهو ينظر لهم بقرف ثم نظر للفتاه خلفه / والنبي محنا عايشين

ثم تحدث بصوت عالي / عندنا ضيوف

ولم يكد احد يعي ما يقوله حتي دخلت الفتاه وهي تعيد شعرها للخلف بدلال وتنظر حولها بتعجب فتحت نيره فمها وهي مازالت تضع قدم علي الاخري بينما كريمه وقف الطعام بحلقها ونسرين نظرت لها بحاجب مرفوع من اعلي لاسفل وطمطم همست لنفسها / المغفور إليها بنفسها

همس سامر الذي وقف بجانبها / تفتكري مصعب هيزعل لما يعرف ان في بيتنا مزه ومحدش صحاه

ضحكت طمطم بخفوت / دلوقتي قلبه يدله ويجي يابني ده بيرصد البنات من علي بعد

هز سامر رأسه باقتناع وأعاد نظره للمعركه التي تدور بين الجميع

كانت نيره تمد جسدها لتري قدم الفتاه فسقطت أرضا بحده فضحكت طمطم بشده عليها هي وسامر فنظرت لهم نيره بحده وتحدثت / الشماعه تشتاق إليك يا سامر ها

صمت سامر بسرعه وهو ينظر للفتاه بتحسر

كانت نسرين اول من يتحدث/ نعم اتفضلي انتي مين وعايزه مين

تحدثت الفتاه ومازالت مصدومه من هذا الاستقبال / احم عايزه مستر جاسر

فزعت كريمه وسقطت أرضا من صرخه نسرين / نعممممممممممممممممم مستر مين يا عنيا

RAHMA NABIL 美心

فتح مصعب عينه بانزعاج وهو يسمع صوت تاج ولكن لا يميز اي حديث منه تحدث مصعب وهو ينظر لتاج بعدم انتباه / نعم يا تاج عايز ايه

تاج وهو ينظر أرضا بهدوء / جعان يا مصعب

مصعب / اديك قولتها اهو مصعب مش عدي روح لعدي هو تخصص الاكل مش انا

نظر له تاج بحزن / عدي شكله تعبان

انتفض مصعب برعب ونظر لعدي بفزع / تعبان إزاي

تاج بعدم معرفه / معرفش هو كان بيتكلم وهو نايم وماما في مره قالتلي اللي بيتعب بيتكلم وهو نايم

زفر مصعب براحه فعدي احيانا يتحدث أثناء نومه جذب مصعب تاج لاحضانه ونهض وهو يحمله / تعالي يا تاجي تعالي يا تاعبني هشوف ليك اي لحمه من بتاعه عدي

ثم همس / مع اني اشك انه ساب حاجه لعامه الشعب الغلبانين

هبط مصعب الدرج وهو يحمل تاج علي ظهره ويققز به الدرج وتاج يضحك بصخب فجأه سمع الجميع صوت صراخ يأتي من غرفه التلفاز

نظر مصعب بتعجب لتاج / هو فيه إيه كريمه ولعت

هز تاج رأسه بعدم معرفه واتجه لغرفه التلفاز ليري ماذا يحدث

كانت نسرين تصرخ بالفتاه بجنون ثم اخذت تردح لها / إيه يابت يا معفنه يكونش الأكسجين اللي ضارباه في شعرك ولا النفخ ده مخليكي تفكري انك حلوه

تحدثت الفتاه بغضب / انتي واحده سوقيه أساسا وكلامي مع مستر جاسر

أمسكت نيره نسرين بشده بينما نسرين تصرخ / تآني هتقولي مستر جاسر

ثم نظرت لنيره بحده / شوفتي بتقولها إزاي بتدلع وهي بتقولها البت دي عايزه تفرسني طب وربنا لاسحبها من شعرها والمع بيها بلاط البيت والبيوت المجاوره كلها

اخذت نيره تهدئها / معلش عيله عيله يا نسرين

تحدثت الفتاه بصراخ / كل اللي حصل ده هيوصل لمستر جاسر ومش بس كده وكمان حسام

تركت نيره نسرين وهي تلقيها بعيدا وهجمت علي الفتاه وجذبت شعرها / حسام مين يابنت ال.... انتي مفكراني زي البت الهبله دي بوق وخلاص لا ده انا سوابق يابت

كانت كريمه تأكل تفاح وهي تصرخ بحماس وتحييهم وتصفر بفرحه / آيوه اديها يابت يا نيره البت الباربي دي

جذبت طمطم نيرة من فوق الفتاه بصعوبه فسطقت الفتاه بعيدا علي مصعب الذي بمجرد دخوله للغرفه حتي سقطت الفتاه في احضانه ورغم عمر مصعب ال13 الا انه كان طويل جدا حيث يصل لكتف الفتاه رغم ارتدائها للكعب العالي

مصعب بتعجب وهو ينظر للفتاه / حد يعمل في النعمه كده اخص عليكم

ثم ضمها وهو يربت علي ظهرها / معلش يا غاليه هما كده ستات البيت دول مش وش نعمه بعدين نيره دي أساسا بلطجيه انا من رأي نطلع نريح فوق شويه لحد ما الجو يهدأ

تحدثت كريمه بسخريه / جرا ايه يا هدهد الجناين اهدي علي البت لحسن شكلها اتفزعت

ضحك مصعب بخبث ونظر للفتاه وغمز لها / بحق يا حبعمري اتفزعتي

نظرت له الفتاه بصدمه ثم ابتعدت عنه وعدلت ثيابها وشعرها ونظرت لهم بعند وجلست علي احد المقاعد بجانب كريمه ووضعت قدم علي قدم فانحسر فستانها القصير فامالت كريمه جسدها ونظرت لها وهي تصفر ثم رفعت جسدها مجددا ونظرت للفتيات / بطل..... البت بطلللللل

ابتسمت الفتاه بغيظ وهي تنظر لنيره ونسرين وتحدثت بتكبر / مش هتحرك من هنا غير لما مستر جاسر وحسام يوصلوا ويعرفوا اللي حصل هنا يا همج

مصعب وهو ينظر للاعلي / ياااه يارب ياكريم انت عالم بيا وعالم اني زعلت علي القمر بتاعت الملايه فعوضتني بواحده اي نعم مش قالعه بس ملحوقه نقلعها احنا

ضحكت طمطم بصخب فقد سمعته / قنبله سفاله

بينما تاج يقف بجانب سامر وهم ينظرون للحرب المشتعله بينهم قاطع حرب العيون صوت الرجال بعد أن عادوا من الخارج وقد احضروا الغداء معهم فقد خرجوا لشراء الطعام للجميع

سمع الجميع صوت جاسر وهو يتحدث بتعجب / شاهي؟؟؟

تحفز جسد نسرين ووقفت كريمه علي الاريكه وهي تصرخ وتشير لجاسر / اهوووو طلع عارف اسمها يابت يانسرين والله اعلم يعرف ايه تاني اضربيه يابت شرحيه وعوريه اقولك اخلعيه الخاييين هما كده صنف عايز الحرق

ثم قالت وهي تهز كتفها / يا بتاع شاهي

نظرت لها طمطم بتعجب فمن ثواني كانت فقط تأخذ وضع السخريه والهدوء والان انفجرت بجاسر

ركض صلاح الي كريمه وحملها فوق كتفه وهو يخرج بها قبل أن تقول المزيد بينما هي تصرخ بنسرين / اوعي ياكل بعقلك حلاوه يابت عارفاكي هبله وهيبلفك بكلمتين يا جااااسر يا وااااطي

انفجرت طمطم في الضحك علي كريمه التي يبدو أنها كانت تتحفز طوال الوقت لجاسر

نظرت نسرين بغضب لجاسر الذي لا يفهم مايحدث حوله وايضا حسام الذي لم ينزع نظراته من علي نيره التي تتوعد له بنظراتها

همس حسام / هو فيه إيه

سامر وهو يتحدث لوالده / الظاهر كده ياوالدي العزيز انك هتحتاج لحجز في فندق ليله آتنين اسبوع حسب بقي حدود معرفتك بالصاروخ الأرض جو اللي متمركز في القاعده ده

نظر له حسام بجهل هو لايعرف ما علاقه شاهي مساعدة جاسر بهذا الجو المشحون

نسرين وهي تشير لشاهي / تعرف البت الملونه دي منين يا جاسر

جاسر وهو ينظر لشاهي بتعجب ولشكلها المبعثر / دي شاهي المساعده بتاعتي في فرع....

لم يكمل حديثه حتي وجد شاهي تتحدث ببكاء مصطنع / مستر جاسر حضرتك اللي حصل هنا مش ينفع السكوت عليه

نسرين وهي تكاد تهجم عليها لولا طمطم التي امسكتها / وانتي لسه شوفتي حاجه يامعفنه ايه يابت ده انتي نصك نفخ والباقي شفط يا ختي

ضحكت طمطم بشده بينما كان جاسر مازال لايفهم شئ فتحدث بحده / نسرين اهدي مينفعش كده فيه إيه

دخل عدي مع سيف واتجه لجاسر وجذب حقائب الطعام منه / عنك انت يا غالي متعصبش نفسك بس

ثم اخذ الطعام وذهب للمطبخ لكي يأكل بينما كان سيف يستند علي إطار الباب وهو يشاهد ما يحدث ببرود شديد وبحانبه احمد الذي نظر بهدوء الي ما يحدث بين والديه

نسرين بصراخ وجنون / هو ايه اللي مينفعش ها البت دي تخرج من بيتي حالا يا جاسر

جاسر بغضب شديد وهو يشير للباب / اطلعي فوق لان شكلك اتجنيتي خالص

نظرت له نسرين بعناد وكادت تعترض لولا صراخه الذي هز جدران المنزل / اطلعي يا نسريييييين

سقطت دموع نسرين وهزت رأسها ببرود ثم اتجهت لصغيرها معتز وحملته وخرجت وهي تمسح دموعها بينما نيره تحدثت باعتراض / إيه يا جاسر انت بتشيط فيها كده من غير ما تعرف ايه اللي حصل

جاسر بعصبيه / حسام سكت مراتك انا مش طايق نفسي

نظر حسام بعتاب لنيره ولكن نيره لم تصمت وتحدثت باصرار / لا يا بوص اسمحلي بقي مش هسكت غير لما تعرف الاستاذه المحترمه دي اول ما جت قعدت تتكلم بوقاحه وبجاحه ولما عرفت ان نسرين مراتك قعدت تبصلها بقرف وتقولها بقي انتي اللي مستر جاسر فضلك علي الكل مكنتش اعرف ان مستر جاسر ذوقه بلدي كده وقعدت تتنطط وتتكلم بطريقه زباله وقتها نسرين هبت فيها وحصل اللي حصل ايه كنت عايزها تروح تاخدها بالحضن وتقولها عندك حق كنت عايزها تشوف واحده بتتغزل في جوزها وتتدلع وهي بتوصف فيك وانت علي مكتب وفي جمالك وانت سرحان ولا كنت عايزها تسكت وهي بتسمع الانسه المحترمه بتوصفك لما تكون نايم في مكتبك وقد ايه انت كيوت ولطيف ها رد انت تستحمل تسمع الكلام ده من راجل علي مراتك يا بوص ها

ثم نظرت لحسام وتحدثت / البت دي تنطرد من الشركه ومش بقول الكلام ده بصفتي مراتك لا بقوله بصفتي واحده بشتغل في الشركه واخاف علي سمعتها من أمثالها واه انت تحمد ربنا ان مراتك ست طيبه وهاديه لان لو اللي حصل ده كان في حسام كنت هتلاقي القمر دي قطع بس نسرين كانت الطف من انها تضرها آوي بس اقسم باللي خلقني لو انا لكنت قطعتها حتت

ثم نظرت للفتاه بقرف وانسحبت بغضب وخلفها طمطم التي نظرت لجاسر بعتاب / نسرين مغلطتش هي اول ما البنت قالت إنها عايزاك وهي اتعصبت بس مسكت نفسها بعدين لما بدأت تبجح قامت اتعصبت عليها هي مش غلطانه أبدا

ثم تركتهم وخرجت نظر مصعب للفتاه بغضب وهمس / الحلو مش بيكمل

ثم تركهم وخرج وخلفه الباقون ولم يتبقي سوي جاسر وحسام وشاهي

كادت شاهي تتحدث / مستر هما مش......

لم تكمل كلامها بسبب يد جاسر التي منعتها من إكمال حديثها / اشششش ولا كلمه انتي مطروده وابقي وريني اي شكره هتقبل بيكي بعد التقرير اللي هينكتب فيكي

تحدث الفتاه بفزع / يا مستر مش انا دول كذابين انا بس قولت انك......

صرخ جاسر بهياج وغضب / اخررررسي بس اخررررسي اقسم بربي لولا انك بنت كنت علمتك الأدب انتي فاهمه دي مراتي اللي ضفرها برقبه دسته من عينتك مراتي االي هنتيها من شويه اطلعي برررره واحمدي ربنا انك خارجه علي رجلك برررررره

شاهي ببكاء / يا مستر انا اس....

لم تكمل كلامها بسبب صراخ جاسر وهو يضرب الطاوله امامه بقدمه فاسقط ما عليها بغضب / بررررررررررره اطلعي برررررره

ركضت شاهي للخارج برعب وهي تمسح دموعها بينما اقترب حسام من جاسر الذي ينتفض جسده بغضب شديد قربت علي كتفه وهو يشعر بتشنج جسد أخيه / روح لمراتك وراضيها يا جاسر

ثم تركه ورحل بينما وضع جاسر يده علي رأسه وهو يشتم نفسه علي غباءه كيف يفعل هذا بها بحبيبته وجميلته نسرين القلب ومعشوقته الوحيده كيف اوصله غضبه لهنا

ركض سريعا ليراها ولكن توقف علي حديث طمطم التي تقف في اعلي الدرج / مش هنا رجعت البيت

استدار جاسر بسرعه كبيره وركض بأسرع ما عنده لدرجه انه نسي ان يستخدم سياره وركض علي قدمه حتي الفيلا الخاصه بهم والتي تحتوي علي حديقه مشتركه مع فيلا حسام دخل بسرعه للفيلا وهو يصرخ باسمها / نسريييييين

RAHMA NABIL 美心

دخل صلاح غرفته وهو يحمل كريمه علي كتفه وهي تصرخ / خلاص يا ابو صلاح نزلني انا بس كنت بخوفه يا جدع..... نزلني متخافش مش هقتله

اقترب صلاح من الفراش والقاها عليه بعنف ونظر لها بشر فعادت للخلف بظهرها / استهدي بالله يا استاذ لكوح صلي علي النبي كده انا بس كنت حابه اعمل توتر للاجواء

نظر لها صلاح ببلاهه / ده بدل ما تهدي الدنيا بتولعيها

كريمه بضحكه شريره / اسكت هو أنا مقولتش

صلاح / لا يا ختي مقولتيش

كريمه / مش انا شريره ومتربتش كمان آه والله زي ما بقولك كده

اقترب منها صلاح بسرعه مخيفه فصرخت وهي تعود للخلف /ابو صلاح ايه هنتهور ولا إيه ده شيطان ودخل بينا

RAHMA NABIL 美心

دخل مصعب للمطبخ ليشرب فوجد عدي يجلس علي الطاوله وحوله حقائب الاكل ويأكل بشراهه كعادته ضحك مصعب عليه واقترب منه وفتح أحدي الشنط وأخرج منها قطعه دجاج وصعد الطاوله وجلس بجانبه نظر له عدي وفمه ملئ بالطعام بتعجب

مصعب / في إيه بتبص كده ليه

عدي وهو يتحدث ويمضغ الطعام / لا بس قولت مش هشوفك غير بليل عشان القمر اللي كانت بره

ضحك مصعب / لا يا خويا القمر طلعت فشنك

عدي بتعجب / فشنك إزاي يعني طلعت من غير ضمان ولا صيني

ضحك مصعب بشده / لا يا خويا بس طلعت مش كويسه كانت بتعمل مشاكل بين جاسر ونسرين يعني حلوه من بره ومن جوا وحشه

هز عدي رأسه باقتناع / وجهه نظر برضو يعني عايز تفهمني انها لو كانت كويسه من جوا كنت هتشقطها

مصعب ببسمه / اي نعم ده انا كنت.... ولا بلاش عشان مفتحش عينك علي الحجات دي

نظر له عدي بصدمه / واد انت ١٣ سنه وهي تلاقيها كسرت ال ٣٠ ده انا شوفت الكرمشه اللي حوالين عينها من علي بعد ياجدع

مصعب وهو يتناول الطعام / ما هو عشان كده صرفت نظر

نظر له عدي وهو لا يصدق حديث أخيه / عشان التجاعيد

مصعب بضحك / لا وعشان قلبها الأسود

ثم تحدث بتأثر / انت فاكرني ايه بس يا عدي حيوان ميهمنيش غير الجمال الخارجي

هز عدي رأسه برفض وحزنا لحديث أخاه فاكمل مصعب بمزاح / أنا فعلا ميهمنيش غير الجمال الخارجي.

ضحك عدي بيأس علي اخيه الذي لم ولن يتغير أبدا

اكمل مصعب حديثه بشرود / فعلا الجمال الخارجي ليه عامل مهم بس في انتظار اللي تخليني ابص ليها من جوا لان كل اللي بشوفه بيكون خارجي وفقط

نظر له عدي وتحدث / مين عارف يمكن تيجي اللي تخليك تحفي وراها

مصعب وهو يأكل ويهز رأسه / مش ممكن ده اكيد هتيجي اللي تسرق قلبي ده ووقتها هضطر آسفا اني اتوب

ضحك عدي بشده علي حديث أخيه الذي يظهر للمستمع انه شاب في مقتبل حياته وليس مجرد مراهق

دخلت كريمه المطبخ وهي تتحدث لطمطم / جهزي صندوق وحطي فيه اكل لنسرين وجاسر وبعد الاكل ابعتيه مع.....

صمتت وهي تري الفتيان يجلسون وحولهم الطعام ابتسم عدي بغباء وهو يشير بيده / الاكل حلو يا جماعه تقدروا تاكلوا انا بس كنت بعمل تشيك كده علي السريع

ضحكت طمطم بشده / بحب الواد ده آوي

عدي وهو يرمي لها قبله / حياتي ليكي

صرخت كريمه / هقتللللللكككككككك يا عددددددددددييي

RAHMA NABIL 美心

استيقظت ميسره بفزع وهي تصرخ وتنظر حولها برعب وهي تري الغرفه بها بصيص صغير من الضوء الذي يدخل من النافذه نظرت حولها وهي تبحث عن ابريس ولكن لم تجده رفعت الغطاء وذهبت للحمام وأخذت تغسل وجهها بعنف وهي تبكي بسبب هذا الكابوس الذي يلازمها المعركه التي حدثت قبل رجوعها وحورس والجميع ولكن المختلف في هذا ان أولادها هم من بالمعركه ودائما تري احد ابائها ينزف وحوله إخوته يبكون وهي مقيده وتصرخ بشده ولا يمكنها الحراك

نظرت للمرآه بعيونها الحمراء وهمست / اهدي ده مجرد حلم مفيش حاجه من دي هتحصل حورس مات خلاص ايوه حورس مات خلاص وانتهينا منه هو مات

اخذت تردد الكلمه كثيرا حتي سقطت بجوار الحوض وهي تبكي ثواني وشعرت بأحد يسحبها لاحضان دافئه وآمنه ومن غيره حبيب روحها ونصفها الاخر مدت يدها هي الاخري وضمته بشده وهي تبكي بينما هو يربت عليها بحنان وهو يعلم سر بكائها لابد انه الكابوس الذي تحلم به دائما منذ ذلك اليوم همس لها ابريس بحنان وهو يقبل رقبتها بعشق /اشششش مفيش حاجه كله بخير انا وانتي وسيف ومصعب وعدي وتاج والكل بخير احنا كلنا كويسين وهنفضل كده كلنا اقوياء وانتي كده صح

نظرت له ميسره وهي تهمس له / كلنا اقوياء

ابتسم ابريس وكوب وجهها وهو يمسح دموعها باصبعه ثم يقبل عيونها بحنان / كلنا اقوياء بعدين فين البت ميسره الهبله اللي مفيش حاجه بتهمها ها كده هتخلينا اعيد نظري

ميسره بغباء / تعيد نظرك في إيه لا مؤاخذه بعد اربع عيال و16 سنه جواز جاي تعيد نظرك دلوقتي

ضحك ابريس بصخب ثم نهض وهو يحملها وخرج بها ووضعها علي الفراش واقترب منها كثيرا وهي تنظر له بتخدر ثم اغمضت عينها بعشق وهي تتنفس أنفاسه بينما هو قبل جبينها وابتسم لها وهمس / جهزي نفسك عشان عاملك مفاجأه

نظرت ميسره له بصدمه وهو يدخل الحمام / انت بتبوس امك ولا إيه ناقص تاخد ايدي تبوسها يا أخي تبا لك بوظت اللحظه الرومانسيه أمال في الروايه يقول وتسطحت علي الفراش وهو يعلوها ثم اقترب منها بشده وقبلها قبله وغرقا معا في عالمهما الخاص

ضربت يدها باليد الاخري / أنا بقي عايزه العالم الخاص تسطع وتسطحنا يعلوها وعلتني اقتراب واقتربنا فين بقي القبله ها فين قبلة مميس

ضحك ابريس من الداخل / روحي البسي يا ميسره عشان منتأخرش

زفرت ميسره بضيق وذهبت لتبدل ثيابها

RAHMA NABIL 美心

دخل جاسر لغرفته سريعا وجد نسرين متسطحه علي فراشها وهي تبكي بشده اقترب منها بقلب يبكي مع بكائها

جلس علي الفراش بجانبها وهمس والندم يأكله / نسرين انا....

لم تسمعه نسرين وتركته وركضت للخارج وهو خلفها ينادي عليها / نسرين حبيبتي حقك عليا انا.. انا غلطان والله حقك عليا بس انتي عارفه لما اتعصب طب يهون عليك جسور حبيبك ها يهون عليكي جاسر تخاصميه

توقفت نسرين ونظرت له بصمت قليلا ثم تحدثت وهي تنظر أرضا ببكاء / لا ميهونش عليا

ابتسم جاسر ولكن سرعان ما اختفت بسمته وهو يسمعها تتحدث بألم / بس انا هونت علي جاسر

اقترب منها جاسر بسرعه وجذبها لاحضانه بعشق وندم / حقك علي قلبي حقك عليا يا عشقي انا اسف والله اسف يا نسرين متعيطيش عشان خاطري

جلس احمد بجوار سيف وتحدث باسف / اسف

نظر له سيف بتعجب / اسف ليه؟؟

احمد بالم / اخر مره كلمتك بطريقه مش كويسه أبدا أنا معرفش ايه اللي بينك وبين اخواتك اكيد مش هتدربهم بعنف كده عشان بتستمع بضربهم اكيد فيه سبب انا اسف يا سيف بس مصعب...

قاطعه سيف وهو يجذبه لحضنه ويربت عليه بحنان / بس متعتذرش يا احمد عادي ولا يهمك انت اخويا وانا مش بحب اخواتي يعتذروا مني لاني مش بزعل منهم أساسا

ابتسم له احمد وتحدث بجديه / انت فعلا طيب يا سيف مش عارف ازاي فكرت انك قاسي اسف

ابتسم له سيف وتحدث / باباك و مامتك

ابتسم احمد / متقلقش بابا هيراضي نسرين بسرعه هي بتحبه وهو بيحبها والموضوع هيتلم بسرعه متقلقش

ابتسم له سيف وسمع صوت كريمه وهي تنادي / يلا يا عيااااال الغدا جاهز

ابتسم سيف ونظر حوله ونادي / تاج يلا عشان تتغدي

اغلق تاج كتابه وتهض سريعا واتجه لسيف ببسمه بريئه جميله جعلت سيف يبتسم دون اراده وهو يقبله بحب ويتجه للداخل وهو ينادي لعدي ومصعب ابتسم احمد وهو ينظر له كيف يمكن أن يكون شخص بهذا الحنان والحب لاخوته قاسي

هز رأسه ودخل للمنزل خلفهم وهو يدعي الله أن يتصالح والديه

RAHMA NABIL 美心

خرجت ميسره من الفندق مع ابريس وهي تنظر حولها بتعجب ابتسم ابريس وقبل يدها بحنان وأشار لسيارته فصعدت بجانبه وهي تنظر للمكان الساحر فهي اختارت شرم الشيخ بالتحديد لمناظرها الخلابه وجوها الرائع نظرت لابريس بعيون عاشقه بينما ابريس كان يشعر بنظراتها

أخرجت ميسره رأسها من النافذه فلفحها هواء شديد اخذ يحرك شعرها وهي تضحك باستمتاع شديد حتي شعرت بتوقف السياره فنظرت لابريس بتعجب فابتسم لها وخرج وجذب يدها خلفه وهو ينظر بعينها وهي فقط تبتسم له فجأه توقف وهو ينظر امامه فنظرت لما ينظر فاتسعت عينها بانبهار وفرحه وهي تنظر له بعدم تصديق / ابريس انت....

ابتسم ابريس لحماسها الشديد بينما هي نظرت لذلك البالون العملاق بفرحه شديده فاقترب منها ابريس وهمس في اذنها / قولتي انك نفسك تطيري وتشوفي المكان من فوق وانا مقدرتش اشوف شمسي نفسها في حاجه ومعملهاش

نظرت له ميسره بعيون عاشقه وقفزت لاحضانه وهي تضحك بسعاده وهي تهمس له / بعشقك يا ابريس بعشقك اوي اوي

ابتسم ابريس وهو يشدد من ضمها ويهمس لها / وانا بعشقك

أخذها ابريس وصعدوا البالون وامسك يدها ثواني وكان البالون يرتفع ليشق السماء بينما هي تنظر حولها وله بفرحه وعشق كبير وهي لا تصدق انها مع حبيبها في هكذا أجواء كان ابريس يقف خلفها وهو يضمها بشده ويقبل عنقها بعشق ويهمس لها / كل سنه وانتي دايما بين احضاني يا شمسي

ميسره وهي تغمض عينها وتشعر بنسمات الهواء تلفح وجهها/ هو أنا ممكن احبك واعشقك آكتر من حبي ليك حاليا مظنش يا ابريس عشقي ليك كسر الحدود وعداها من زمان قلبي تعب من حبك يا ابريس

أمسكت يده التي تضم خصرها ووضعتها علي قلبها / اسمع دقاته اللي بتصرخ وهي بتناديك وبتتوسل قربك قلبي بقي ملكك انت يا ابريس قلبي معرفش الحب غير بيك ومعاك قلبي مش بس عشقك لا قلبي هام بيك وبقي مهووس بيك يا ابريس بعشقك

RAHMA NABIL 美心

خلص الفصل اتمني يكون عاجبكم

وافكركم ان دي ما هي إلا مجرد البدايه

دمتم سالمين

RAHMA NABIL 美心

طب يا جماعه عشان إللي كان طالب السن بتاع الابطال حاليا

سيف ١٥

عدي ١٤

مصعب ١٣

تاج ١١

احمد ١٥

معتز ٢ وشهور

فاطمه ١٠

محمد ١٠

سامر ١٣

شروق ٢

ميسره أنجبت سيف بعد الجواز بسنة في نفس الوقت اللي أنجبت فيه نسرين احمد  وبعدها علي طول عيالها كلهم ماعدا تاج الفرق بينه وبين مصعب سنتين مش سنه واحده عكس الفرق بين كل واحد واللي بعده

معتز مش قد شروق معتز اكبر من شروق بشهور لان نسرين كانت في آخر شهور الحمل ونيره لسه عارفه انها حامل في شروق

سامر قد مصعب

محمد وفاطمه قد بعض

‏اللهم لا تجعل للحزن مكاناً في قلوبنا وإن ضاقت بنا الأحوال يوماً فأوسعها برحمتك يارب.🌻"‏

RAHMA NABIL 美心

يا خير من جمع الشمائل كلّها

‏وقدِ اصْطفاك الله بالقرآنِ

‏طابت بك الدنيا أيا نور الهدى

‏وأضاء وجهك ظلمة الأكوانِ

‏صلّى عليك الله ما بلغ الهدى

‏من رحمةٍ وشريعةٍ وبيانِ.."

RAHMA NABIL 美心

دخل سيف للغرفه بعدما تجهز وانهي اعداد كل شئ واتجه لتاج اولا / تاج يلا اصحي تاج يلا عشان المدرسه

فتح تاج عينه بنعاس ونظر لسيف بتعب ثم نهض بتكاسل واتجه للحمام دون أي تذمر او شئ

ابتسم سيف عليه ونظر لعدي ومصعب وزفر بضيق فقد انتهي من أسهل شخص فيهم وتبقي كارثتان

اتجه لمصعب وهو يتحدث ويهزه / مصعب اصحي يلا هتتأخر مصعب انت يابني اصحي يلا

تحدث مصعب وهو نائم / استني دورك استني دورك.

سيف بتعجب / استني دوري ايه

ثم ضربه بحده / اصحي ياض انت يخربيت دماغك

ولا رد صرخ به سيف بحده / انتي يا زفت انت اصحي

وقع مصعب من علي الفراش بحده وهو يصرخ / آه يا ضهري يا اما

هز سيف رأسه بيأس وتحدث وهو يتجه لجانب عدي / قوم اجهز عشان المدرسه

نظر له مصعب بنعاس / هو مش احنا في اجازه

سيف ببرود / عقبال عندك الاجازه خلصت والنهارده آول يوم يا خويا اخلص قوم عشان الكل جهز ما عدا احنا

تحدث سيف لعدي / عدي اصحي يلا عشان المدرسه

تقلب عدي في فراشه ورفع الغطاء علي وجهه

ابتسم سيف بسخريه / اصحي يا عدي يا حبيبي عشان خلصوا الفطار

نهض عدي بفزع / خلصو الفطار إزاي هما فطروا من غيريٍ

ابتسم سيف ببرود وتحدث وهو يتجه للخارج /لا ويلا قوم اجهز عشان المدرسه

زفر عدي بغيظ شديد وهو يفرك رأسه بغضب

بينما ضحك عليه مصعب وذهب للحمام

بعد دقائق كان الجميع يجلس علي السفره

تحدث محمد لطمطم / ماما انا عايز سندوتشات مربي المره دي

طمطم ببسمه وهي تضع طعامه في حقيبته /حطلتك مربي وجبنه

ابتسم محمد بفرحه بينما تحدثت فاطمه بتذمر / وانا يا خالتو

ضحكت طمطم بشده وهي تقبلها من خدها / وانتي كمان وليكم كلكم خلاص كده بعدين سيف اللي عمل كل السندوتشات ليكم اسألوه هو انا معرفش هو عمل ايه

نظر الجميع لسيف الذي يأكل ببرود / عملت ليكم كلكم زي بعض جبنه ومربي ولانشون

كاد عدي يتحدث فقاطعه سيف وهو ينهض / حطلتك زياده يا عدي يلا اخلصوا قبل الباص ما يوصل

ثم تركهم وخرج

بينما تحدث مصعب بغمزه / بابا سيف آوي يعني لايق عليه دور الاب متخيل كده سيف وهو زوج وأب

ضحك عدي وضربه علي رأسه / اب ماشي بس بزمتك متخيل سيف بيتعامل مع بنت عادي بعدين قوم يلا

ثم نظر لتاج الذي يحمل حقيبته واخذها منه وهو يبتسم / يلا يابطل انا هشيل شنتطك

نظر له مصعب بعيون بريئه / وانا يا دودي شيل شنطتي

خلع عدي حقيبته والقي بها هي وحقيبه تاج علي مصعب / عشان دودي دي شيل شنطتي انا وتاج

ثم خرج وتركه خلفه يسب ويلعن به

خرج الجميع وجدوا احمد وسامر يقفون مع سيف فهم ينتظرون الباص امام منزل عائله كريمه مهما اختلفت منازلهم فهذا المنزل هو الذي يجمعهم

ثواني ووصل الباص وصعد به الجميع ما عدا عدي الذي وقف في الخارج فالقي عليه مصعب حقيبته بحده / خد وغور في داهيه

ضحك عدي بشده وهو يشير لهم بيده نعم فعدي الوحيد الذي رفض ان يدخل مدرسه خاصه او اي شئ من هذا القبيل بل فضل ان يدرس في الأزهر فالتحق بمعهد ازهري لرغبته بوجود واحد علي الاقل في العائله دارس للعلوم الشرعيه وهو اختار ان يكون هذا الشخص وبكل فخر

سار عدي تقريبا لمده خمس دقائق حتي وقف علي بدايه شارعهم وجد الباص الخاص به يصل فمدرسته بعيده عن منزله قليلا

صعد اليه وجلس بجانب النافذه وأخرج مصحفه واخذ يتلو علي نفسه ما حفظه في الأمس مع إخوته نعم فرغم ان إخوته لم يدرسوا مع العلوم الشرعيه الا ان ابريس أصر علي ان يحفظوا كتاب الله

في الباص الاخر كان سيف يجلس وبجانبه تاج وعينه تدور علي الجميع ليتأكد انهم بخير ثم نظر من النافذه وهمس وهو يمر علي المقبره التي علم عنها من والدته / أمتي الوقت وامتي اللقاء وامتي العوده؟؟

RAHMA NABIL 美心

فتحت ميسره عينها وهي تنظر حولها بتعجب ثم نهضت بفزع وكادت تصرخ الا انها ابتسمت بغباء وهي تتذكر انها سافرت مع ابريس لقضاء العطله نظرت بجانبها وجدته ينام بهدوء كالاطفال من يصدق انها في يوم من الايام ستتجوز فرعون الفكره نفسها تجعلها تنفجر ضحكا هي تتزوج شخص من المفترض انه من الأجداد القدماء وايضا من العائلة المالكه لمصر ومحارب من الطراز الأول ووسيم وحنون وأب مثالي وزوج رائع تحسد نفسها حقا علي هذا العشق اقتربت منه بشده وما كادت تفعل شئ حتي سمعت همسه / إيه هتاخدي القبله بتاعت امبارح

ابتعدت ميسره عنه بفزع ونظرت له بشر وضربت علي صدره / انت بايخ أساسا بعدين قوم يلا غير لبسك عشان هنرجع

ابريس وهو ينهض ويحاول فتح عينه جيدا / نرجع إزاي لسه باقي يومين

ميسره وهي تنظر له بحب / الولاد وحشوني آوي يا ابريس عايزه اشوفهم دلوقتي واضمهم في حضني آوي

ابتسم ابريس وضمها / طب ضمي ابوهم دلوقتي

ضحكت ميسره وضمته بشده / ابوهم ده قلبي من جوا

ثم قبلت خده / بس انا عايزه ارجع ليهم وحشوني عايزه اشوفهم آوي يا ابريس كفايه كده انا فكرت اننا هنقضي وقت طويل بقي ونرتاح بس كنت غلطانه راحتي جنبهم هما يا ابريس

ابتسم ابريس لها وقبل جبينها بحنان / عيوني يا قلبي هنرجع هما أساسا وحشوني جدا اجهزي انتي وانا هنزل الغي الحجز للايام الباقيه

هزت ميسره رأسها وكادت تنهض ولكن عادت مجددا وتحدثت /فكرني نجيب هدايا ليهم من هنا ومش ليهم بس للكل ماشي

هز ابريس رأسه بايجاب وبسمه

RAHMA NABIL 美心

كان جاسر في الشركه يصرخ بهذا ويطرد هذا ويخصم لهذا

دخلت عليه نيره وهي تبتسم فهي تعلم ما به وتحدثت/ مالك يا بوص الناس خايفه تدخل ليك هنا

نظر لها جاسر بضيق وهو يلعب بالقلم علي المكتب / ماليش

جلست نيره وتحدثت وهي تنظر له / انت لسه مصالحتش نسرين

زفر جاسر ونهض بغضب وهو يتحدث بحده / حاولت والله حاولت من إمبارح واعتذرت ميت مره بس لا دماغها ناشفه ومش راضيه تكلمني المشكله أنها مش مقصره معايا

نيره / مشكله فعلا يا بوص المفروض تجوعك انت وعيالك

نظر لها جاسر بحده فاكملت / اصلك بتهزر يا بوص يعني إيه مش مقصره لو الست خلافتها مع جوزها هتخليها تهمل واجبها تجاه عيلتها يبقي سوري مش ست أساسا

نهضت نيره والقت بملف امامه / اماني كانت المفروض هي اللي تجيبه بس خافت منك اهدي علي الناس عشان محدش يكرهك

كادت تخرج ولكن توقفت قليلا ونظرت له وتحدثت بعدم مبالاه/صحيح هو أنا قولتلك قبل كده ان نسرين نفسها تروح الملاهي

نظر لها جاسر بانتباه وشبه بسمه

فابتسمت نيره / مقولتش صح

ابتسم جاسر بشده / نيره انا...

قاطعته نيره /أنا في الخدمه دايما يابوص هي صاحبتي واختي وكل حاجه بس انت اخويا ومن قبلها ولا إيه يابوص

ابتسم لها جاسر بشده / واكتر من أخت يانيره

ابتسمت نيره وخرجت ولكن بمجرد ما خرجت حتي شعرت بأحد يسحبها لغرفه الطباعه ويغلق الباب نظرت وجدته حسام ينظر لها بخبث فتحدثت بغمزه / هو حضر

حسام ببسمه خبيثه وهو يعرف مقصدها / هو مين ده اللي حضر

نيره بضحكه عاليه /الشيطان يا روحي

ضحك حسام وهو يضمها اليه بشده ويقبل رأسها / ياباشا هو حاضر علي طول احنا بس نستعيذ بالله منه ونكون لوحدنا احنا مش محتاجين شيطان يكون ثالثنا

ابتسمت له نيره فاكمل هو / اتصالحوا ولا لسه؟؟

نيره ببسمه / علي وشك متخافش مش هسيبهم غير وهم متصالحين انت عارفني

ابتسم حسام بحنان وقبل خدها بعشق / ربنا يديمك لينا يا نيره قلبي دايما همك علي العيله

ابتسمت له نيره بشده / دي عيلتي يا حسام

هز حسام رأسه وكاد يتحدث لولا صوت جاسر الذي نادي عليه فابتسم لها / لازم اروح بقولك استنيني في الاستراحه هنروح نتغدي سوا اشطا

هزت نيره رأسها ببسمه وقبلت خده / روح يلا شوف شغلك عشان ارجع انا كمان للشغل

ابتسم لها حسام وخرج وهي خلفه

RAHMA NABIL 美心

تحدثت كريمه لطمطم وهي تعد الطعام / لا بس البت كانت بطل الصراحه يعني

طمطم بضحك / اخرسي خالص يخربيتك ده انتي كنتي هتموتيني امبارح وايه يابت ألفاظك دي

كريمه بتذمر / مالها يعني ا...

قاطع حديثها طرق عنيف علي الباب وصوت هم يعرفونه جيدا

كريمه وهي تمسح يدها في منشفه / اهو لازم كل يوم مشكله نموت ونولع لو يوم عدي زي البشر الطبيعين

ضحكت طمطم وذهبت خلفها

بينما كريمه فتحت الباب وتحدث بملل /نعم يا ام سناء المره دي سامر ضرب ابنك ولا مصعب عاكس بنتك ولا يكونش عدي اكلك فراخك اللي بتربيها قدام البيت

تحدثت ام سناء بحده متجاهله سخريه كريمه / اسمعي اما اقولك يابت انتي انا خلاص جبت اخري منكم دي كانت جيره سوده يوم ما نقلنا في الشارع ده

كريمه بسخريه / معلش يا ختي اكل العيش بقي

ام سناء بغضب / عارف لو المح حد من عيالكم قريب من عيالي انا هضربه وميهمنيش بقي ابوه او امه انا بقولك اهو

كريمه وقد فاض بها فصرخت بغضب / جرا ايه يا ختي متهدي علي نفسك كده قال يعني هنموت ونعرفكم يا جيره عره يا معفنه يا وليه ده انتي عيالك اتربوا في كباريه او خماره واحد صايع وكل يوم يعمل مشاكل مع الكل ولولا عيال ميسره بيحاموا عنه عشان الجيره بس كنتي أخدتي عزاه من زمان ولا بنتك المعفنه اللي مش عامله حساب لحد وداخله مع واحد وخارجه مع غيره بقولك ايه انا ساكته وعلي طول اقول مليش دعوه كل واحد في حاله لكن قسما باللي خلقني وخلقك شعره واحده عارفه الشعره لو لمستي شعره واحده من رأس واحد من عيالنا قسما بربي لكون مورياكي مين هي كريمه اللي انتي متعرفيهاش كله الا عيالي انتي فاهمه لو لمستي واحد من عيال البيت ده هعرفك مقامك انتي وجوزك ابو كرش اللي في الرايحه والجايه يعاكس في بنت عمي اللي لو جوزها عرف ليساوي بيتكم بالتراب اسمعك بس تتنفسي جنب حد من عيالنا هوريكي البلطجه علي حق الظاهر انك عشان جديده متعرفنيش لما تهب في دماغي بعمل ايه هولع فيكي وفي بيتك وعيالك وجوزك المعفن ودلوقتي اتكلي يلا من خلقتي عشان ماعملش اعاده تشكيل لسحنتك دي

نظرت لها ام سناء برعب وهي لا تستوعب نصف كلامها فصرخت بها كريمه / قولت غوووري من وشي

ركضت السيده لمنزلها برعب وهي تسب بكريمه وعائلتها كلها

بينما كريمه اغلقت الباب بحده ونظرت لطمطم وزفرت بضيق / مصرين يطلعوا الشرشوحه من جوايا وانا ماصدقت دفنتها

RAHMA NABIL 美心

كان تاج كعادته في الاستراحه يجلس أسفل شجرته المعتاده ويقرأ كتابه ولكن فجأه شعر بظل يمنع عنه ضوء الشمس رفع عينه ونظر وجده سمير احد طلاب الصف الثالث الثانوي والمعروف بمشاكله وتنمره علي الجميع

تحدث سمير والذي يقف بين شلته / انت اتنيل قوم من هنا وسوف مكان غير ده

نظر له تاج لثواني ثم أعاد نظره للكتاب ببرود اشبه ببرود سيف / ده مكاني وانا جيت الأول لو حابب تقعد هنا بكل هدوء أتفضل مش حابب روح انت شوف مكان تاني ليك نظر له سمير بصدمه كيف يتجرأ هذا الصغير علي التحدث اليه تحدث سمير بعصبيه / انت عبيط ياض انت مش عارف انا مين

رفع تاج عينه ونظر له ببرود من اعلي لاسفل ثم نظر لكتابه مجددا / لا عارف بس ده هيفرق في حاجه

تحدث احد زملاء سمير / بقولك ايه تعالي نشوف مكان تاني وبلاش مشاكل اخوات الواد ده شرانين ولو شافوا حد قرب منه ببفرموه ومش بيرحمو

سمير وهو يجذب ذراعه من صديقه / وانا بقي عايز اشوف اخواته دول

ثم انحني وسحب الكتاب من تاج والقاه بعيدا وتحدث ببسمه قذره / يلا يا عسل قومي من هنا ياقمر يا صغنن

نظر تاج لكتابه ثم نهض ونفض ثيابه واتجه للكتابه وحمله وفي ثواني كان الكتاب يصطدم بعنف بوجه سمير

وتحدث تاج بهدوء مخيف / قولتلك انا اللي هنا الأول

RAHMA NABIL 美心

كان مصعب يسير في الممر وهو يحمل الكره الخاصه به ويصفر باستماع لولا فتاه اقتربت منه بدلال وهي تبتسم له / هاي مصعب

مصعب ببسمه / عيون مصعب ايه بس القمر ده

ضحكت الفتاه ثم تحدثت / أنا وصحابي كنا هنخرج بعد المدرسه هنروح نشجع الفريق وهو بيلعب كره اكيد انت هتكون في فريق المدرسه

مصعب بغمزه / ولو مش فيه لأجل عيونك اكون فيه

ضحكت الفتاه ولكن قاطع حديثهم صديق مصعب بالفريق وهو يأتي من آخر الممر ويصرخ /الحق يا مصعب الواد سمير وشلته اتلمت علي اخوك وبيضربوه

في ثواني فقط ثواني كان يركض مصعب بسرعه مرعبه وهو يتوعد ويسب في سمير ومن معه

في نفس الوقت كان سيف في المكتبه فرأي محمد يركض وهو لا يستطيع التنفس ويبكي بشده فزع سيف ونهض واقترب منه بسرعه وضمه بحنان وربت علي رأسه / محمد مالك حد ضربك بتعيط ليه

محمد ببكاء شديد / العيال ضربوا تاج واتعور وبينزل دم كتير اوي

تصنم سيف محله وتحدث بهدوء مرعب يذيب العظام / هما فين

تحدث محمد بنحيب وشهقات عاليه /في الحوش الخلفي ومصعب

لم يسمع سيف الباقي وركض بسرعه كبيره وهو يأكل الأرض اسفله

وصل مصعب وبمجرد ما اقترب منهم حتي امسك أحدهم وضرب رأسه في الشجره بعنف وعدم وعي ثم اخذ يضرب بهم بشده بينما جاء سيف بسرعه شديده وركض لتاج الذي كان ساقط أرضا وهو ينزف بشده فحمله وركض به وقلبه يكاد يخرج دمعه وحيده فرت من عينه والرعب يكاد يقتله تحدث بصوت مختنق / تاجي حبيبي فتح عينك انت بطل صح يلا فتح عينك ياقلبي

فتح تاج عينه بضعف وهمس ببسمه ضعيفه / أنا قوي يا سيف انا مش ضعيف انا ضربته بس واحد منهم ضربني من ورا ومخدتش بالي انا مش ضعيف

قبله سيف ودموعه تهبط بشده وهو مازال يركض به / انت قوي ياقلب سيف انت قوي

اغمض سيف عينه وهو يتوعد في نفسه ان يكثف تمارين تاج فلو كان مصعب او عدي مكانه لما حدث ذلك لأنهم متدربين جيدا جدا بينما تاج لم يتدرب علي القتال الحر بل تدرب علي المبارزه بالسيف وركوب الخيل ورمي السهام وغيرهم والقليل القليل من القتال الحر الذي لن يؤهله لمجابهه اكثر من شخص اكبر منه في السن وايضا طولهم أضعاف طوله

وصل سيف اخيرا العياده المخصصة للمدرسه ووضع تاج وهو ينظر للطبيبه برعب / اخويا بينزف اعملي حاجه بسرعه

هرعت الطبيبه له بسرعه وهي تنادي للممرضه بينما سيف فقط يمسك يد أخيه وهو ينظر له ولكنه ليس معه أبدا بل هو شارد بما سيفعله لسمير ومن معه افكار كثيره تتزاحم معه ولكن لم يجد فكره منهم تريح صدره وتطفئ النيران

كان مصعب يقاتل بشراسه مرعبه كأنه وحش وتم أطلاقه ثواني وكان عدي ينضم لهم ويضرب بغباء شديد وهو يصرخ بهم / وربنا لاقتلكم واحد واحد لو حصل لاخويا حاجه

استمر القتال حتي آتي سامر واحمد وابعدوهم بصعوبه ولكن صرخ عدي بشده / اوعي يا احمد والله لاوريهم الكلاب دول

نظر احمد لسامر بعتاب فهو من قام بالاتصال بعدي وعدي معروف انه في غضبه لايمكن لاحد التحكم به رغم طيش وعنف مصعب الا ان اصعبهم في الغضب هو عدي يكون مرعب وخارج عن السيطره

تحرر عدي من أحمد بصعوبه وركض لسميره وامسكه واخذ يضربه اكثر واكثر حتي تدخل الامن اخيرا وكأنهم كانو ينتظرون موت أحدهم للتدخل

RAHMA NABIL 美心

كان للمدير ينظر امامه للجميع سمع طرق علي الباب فدخل سيف وتحدث ببرود / حضرتك انا اللي ضربتهم كلهم

نظر المدير له بسخريه / بجد يا سيف صدقتك

ثم نظر للباقين / أنا كلمت أولياء اموركم يجوا لان الموضوع مش هيمر مرور الكرام أبدا وزميلكم اللي في العياده ده هتتحاسبوا عليه

ثم نظر لعدي ومصعب / اما الاستاذ مصعب انا كلامي مع ولي أمرك

اما انت ( كان ينظر لعدي) انا هبعت جواب لمدرستك وهي تتصرف معاك

ثواني وكان المكتب يفتح ويدخل بعض الاشخاص والذين اتضح انهم أولياء أمور سميره وشلته

تحدث احد الرجال بغضب وهو ينظر لوجهه ابنه / إيه الهمجيه دي...... دي مبقتش مدرسه محترمه دي بقت خرابه

تحدث المدير بسخريه / طب احمد ربك إن ابنك من الناجين في اتنين صحابه قطعوا النفس

كان يتحدث وهو ينظر لعدي ومصعب الذين لا يظهر عليهم اي ندم بل بالعكس كان عدي مبتسم وبشده وكأنه فخور بما حدث

همس احمد لسامر / لو بابا اللي جه يبقي روحنا في داهيه

ابتلع سامر ريقه فجاسر صعب جدا في تعامله وان علم بالامر فستحدث مشاكل كثيره تمني بداخله ان يأتي عمه مراد او صلاح ويا حبذا لو كان صلاح فهو متهاون قليلا عن الباقين لا يعرف مع من تواصلت المدرسه ولكن فليدعوا الله الا يكون عمه جاسر او والده

ثواني وكان الباب يطرق دق قلب سامر واحمد برعب ترقبا لمعرفه من جاء من أهلهم

بينما نظر عدي ومصعب للباب

وسيف فقط ينظر ببرود

ثواني وكان الباب يفتح بعنف شديد ودخول صاروخ سبب الهرج في أنحاء الغرفه بصراخه

ابتسم سامر بشده وفرحه وهمس / ياااه يا ما انت كريم يارب

بينما احمد ابتسم بشده وهمس / الحمدلله

تحدثت نيره بعنف وغضب وهي تنظر لعدي ومصعب/ مين اللي ضربكم كده

مصعب ببسمه/ الحمدلله انها جت في نيره

نظرت نيره للمدير بحده وغضب وصرخت بالجميع / مين اللي عمل في عيالي كده ها

أشار المدير للذين تشاجروا معهم / طب بصي حضرتك وانتي تعرفي مين اللي انضرب

نظرت نيره وجدت ثلاث مراهقين لا ملامح لهم

نظرت لعدي ومصعب / انتم اللي عملتم كده؟؟

هز مصعب رأسه فتحدثت نيره / يستاهلوا

المدير بنفاذ صبر/ يا استاذه انتي عارفه الحكايه أساسا

نيره بعدم تفاهم/ عيالي مبيغلطوش وانا متأكده طالما علموا علي وشهم كده يبقي هما غلطوا وغلط كبير كمان يا حضره المدير مش هيضربوا بالشكل ده لله وللوطن كده

تحدث احد إباء الأطفال الآخرين بغضب / انتي واحده همجيه زي عيالك انتي مش شايفه هما عملوا ايه في العيال دول اتشوهوا خالص

نظرت نيره ببرود له وتحدثت /طب احمد ربك اني مكنتش موجوده وقتها

صرخ الرجل والد سمير بغضب / شايف بعينك اذا كانت والدتهم بتتكلم كده يبقي من حقهم يعملوا اي حاجه ما هي بلطجه بقي

نيره ببرود / آه هي بلطجه وعيالك لو معتذروش لعيالي هتبقي بلطجه بس ليفل الوحش

تحدث المدير بعصبيه / حضرتك المكان ده ليه قانونه وعيالك هما اللي غلطانين

رفعت نيره نظرها له وابتسمت بسخريه ثم اتجهت لمصعب وانزلت طرف التيشيرت الخاص به من فوق واشارت لجرح كبير في صدره جعل سيف ينظر للشباب وهو يتخيل ماذا سيفعل فهو حتي الآن لم يأخذ اي ثأر له

تحدث المدير بعدم معرفه/ مش فاهم قصدك ايه يا مدام

نيره بسخريه / لا مش فاهم واجب نفهمك ونكسب ثواب برضو

الي هنا وفاض الكيل بالمدير وصرخ بغضب شديد وهو يضرب علي المكتب / لاااا انتي اتعديتي حدودك آوي كمان يا مدام احترمي نفسك وانتي بتكلميني

نيره بصراخ هز المكتب وهي تنظر له بغضب جحيمي / أنا محترمه ومحترمه آوي كمان الدور والباقي علي إللي مش عارف يحافظ علي احترامه ولا هيبته والعيال بتدخل بمطاوي للمدرسه وتمشي تضرب في خلق الله ويجي في الاخر بكل تبجح يدافع عنهم

نظر لها المدير بتعجب / مطاوي ايه

ابتسمت نيره بسخريه ورفعت تيشرت مصعب واشارت لجرح كبير وايضا أشارت لجرح في يد عدي / الجروح دي جروح سكينه يا استاذ يا محترم علي الاقل عيالي آخرها كام بوكس مع الوقت هيختفي أثر الجروح دي اما الاخوه المحترمين اللي بتدافع عنهم مستخدمين مطاوي يا محترم واقلها خمس غرز ها بقي مين اللي بلطجي ومين اللي مش محترم انا عيالي محترمين و آوي كمان وعمرهم ما يستقوا علي أي حد الا لو بسبب بس دول لا بيبلطجوا وبيستخدموا مطاوي واسلحه تانيه وفي الاخر عيالي اللي بلطجيين وقسما بربي لو كنت هنا لكنت ورويتك البلطجه علي أصولها العيال دول مش هسيبهم في مدرستك وهطلب نقلهم وفي الاوراق هكتب السبب وبكل صراحه ان مدير المدرسه مش عارف يسيطر علي الطلاب والطلاب عادي جدا يدخلوا باسلحه وحاجه قله ادب

ارتعب المدير وابتلع ريقه واشار للمقعد / اتفضلي اقعدي الأول يا مدام والموضوع ده محدش يتكلم فيه كده

كانت نظرات نيره تطلق نيران وداخلها نيران تثور لا تتحمل فكره ان احد لمس احد أبنائها نظرت للمدير وجلست ببرود فتحدث هو / اكيد اللي عمله الاولاد دول يبقي ليه سبب يعني مش هيستخدموا حاجه كده الا لو اولاد حضرتك غلطوا فيهم وعملوا مشكله دي اسلحه مش هزار

ابتسمت نيره بسخريه / برضو بتبرر ليهم طب تمام

ثم نهضت واتجهت لسمير وجذبته من شعره وتحدث بتحذير / قول اللي حصل ورحمه ابويا لو حسيت بس انك بتكدب لكون معلقاك ولا يهمني حد انطق

ارتعب سمير من نبرتها ونظر لوالده بخوف فكاد والده يتدخل فاشارت له نيره بتحذير / متخليهاش تطلع في دماغي واخده علي القسم وهناك كلنا نتكلم براحتنا بقي

عاد والده للخلف برعب وهو يلعن ابنه وهذه الفتاه التي تتحدث بعنف شديد في حياته لم يري فتاه كتلك أبدا عنيفه وشرسه بطريقه مفزعه

تحدث سمير بكل ما حدث تحت نظرات الشر من مصعب وعدي والبرود من سيف انتهي من الحديث ونيره تنظر له بغضب شديد وتصرخ / عملت ايه يا حيوان في ابني

ثم نظرت لعدي ومصعب وهي تظن ان تاج في فصله لم تعلم انه مصاب فصرخت بهم / فين اخوكم

تحدث سيف ببرود / في العياده اتخيط ونام من المخدر

نظرت نيره للمدير بحده وهمست / احمد ربك إن والدتهم مش موجوده والا والله كانت نزلت المدرسه فوق دماغكم

تحدث المدير بدهشه / أمال انتي مين

أمسكت نيره يد الفتيان وتحدثت وهي تخرج / أنا امهم برضو

ثم تحدثت بنبره بتحذير / أنا مش هتصرف حضرتك تاخد التصرفات اللي بتتاخد في المواقف دي والا همشيها قانوني ونطلع سوا علي القسم وهناك كل واحد ليه حق هياخده وانا عيالي كلهم هيتنقلوا من المدرسه دي

ثم خرجت وهي تمسك بيد كلا من مصعب وعدي وخلفها جميع الاولاد واتجهت للعياده ونظرت لتاج بحنان شديد وحزن وحملته بكل حنان وخرجت وخلفها الجميع ثم صعدت للسياره ووضعت تاج بالخلف علي قدم سيف وجلس الجميع بالسياره وهي تزفر بغضب تتمني لو تدخل وتقتلهم جميعا حتي ترتاح اغمضت عينها وأخذت نفس بكل هدوء ونظرت للجميع وابتسمت / يلا بما اننا زوغنا من المدرسه نروح وناكل آيس كريم

ثم سارت بالسياره وهي تحاول أن تكسر حاجز التوتر وبالفعل حدث فبعد مرور دقائق كان الجميع يتحدث ويضحك كالعاده وهي تبتسم لهم ولكن تحدث سامر / بس إيه يا نيره الجمدان ده انا خوفت منك يا شيخه

ضحكت نور بشده وتخدثت ببرود / يابني امك صايعه قديمه

مصعب بمزاح / وده يدل إزاي عرفتي تميزي ان الجرح عندي انا وعدي ضربه مطوه مش جرح عادي

ضحكت نيره بشده / أمال يابني ده دليل مهم في القعده لولا كده كان الغلط يبقي علينا لان الصراحه العيال متخرشمه جامد اوي

عدي ببرود / وفيه كمان آتنين غيرهم في العياده بس دول حالتهم اسود شويه

ضحكت نيره / مش هينين عيال ميسره

تحدث احمد ببسمه/ أنا وسامر طول الوقت كنا بندعي ان بابا او عمو حسام ميجوش كنا مرعوبين جد فيهم هو اللي يجي

مصعب بانتباه / آه صحيح انتي عرفتي منين

نيره بضحكه/ أصل يوم ما ربنا كرم عمك حسام وقالي هعزمك علي الغدا يحصل كده المهم روحنا المطعم وهو دخل للحمام وساب موبايله علي الترابيزه وانا رديت وعرفت ان فيه خناقه وأنهم حاولوا مع جاسر بس اساسا جاسر كسر تليفونه الصبح من عصبيته من البت نسرين هههههههههه بس يا سيدي بقي اول ما رجع حسام قولتله اني نسيت شغل مهم وسيبته يا حبه عين امه لوحده في المطعم بعد طبعا ما مسحت الاتصال الاخير اللي جه من المدرسه بس قطع قلبي آوي

تحدث مصعب بحزن / يا مسكينه يا نيره معلش بوظنا الخروجه

ضربته نيرة في كتفه بمزاح / هعوضها متقلقش عليا المهم يلا انزلوا

نظر الجميع حولهم وجدوا مشفي

عدي بتعجب / مش قلنا هناكل ايس كريم

ضحكت نيره وهي تخرج / حمدلله على السلامه يا وحش بس الاول نطمن عليكم بعدين نروح ناكل

هبط الجميع خلف نيره وسيف مازال يحمل تاج بحنان شديد وهو يقبله من وقت لآخر ولكن فجأه شعر بحرارة شديده من رأسه

فنظر برعب لنيره / نيره تاج سخن اوي

اقتربت نيره ووضعت يدها علي جبهته فوجدت حرارته عاليه جدا فأخذته سريعا للفحص

وخلفها الجميع ينظرون بخوف وقلق وفاطمه تبكي بشده ولا تعرف ما يحدث كل ما تعرفه ان تاج مريض ويتألم اقترب منها احمد وانحني لها ونظر لها بحب وحنان / بطوط الجميل بيعيط ليه تاج كويس ومش فيه حاجه خالص

نظرت له فاطمه بدموع شديده / بس هو متعور ودلوقتي خالتو نيره خافت واخدته للدكتور يعني هو تعبان صح

اقترب منها احمد ومد يده لها فالقت بنفسها في احضانه وهي تبكي بينما هو نهض وهو يحملها ويضمها بحب وحنان ويربت علي كتفها ويهمس لها بكلمات رقيقه لتطمأن

بينما سامر يمسك مصعب الذي يرتعش جسده بشده / يا مصعب ادخل خيط جرحك مينفعش كده هيبرد وهتبقي خياطته صعبه

هز مصعب رأسه برفض / اطمن الأول علي تاج بعدين يبقي اعمل اللي انتم عايزينه

نظر له سامر بملل ثم نظر لعدي الذي يقف علي باب الغرفه التي دخل إليها سامر مع نيره وتاج اقترب محمد وجذب قدم عدي فنظر له عدي برؤيه مشوشه بسبب دموعه فتحدث محمد ببسمه / هو هيكون كويس متخافش

ابتسم عدي ودموعه تهبط بشده ثم أعاد نظره للغرفه مجددا

RAHMA NABIL 美心

كانت ميسره تجلس بتوتر في السياره وعينها تدمع بلا سبب تحدث ابريس بخوف / مالك ياميسره بس

ميسره ببكاء / مش عارفه مش عارفه بس تعبانه اوي يا ابريس تعبانه وقلبي واجعني اتصل باي حد وشوفهم انا حاسه ان فيه حد مش كويس كلم كريمه او كلم اي حد

نظر لها ابريس بقلق / طب اهدي احنا أساسا قربنا نوصل ياقلبي ثم نظر للسائق / باقي قد ايه لو سمحت ونوصل

السائق / ساعه ياباشا بس ونوصل

ضم ابريس ميسره بحنان / خلاص بقي قربنا نوصل اهو متخافيش وكل حاجه هتكون كويس انا متأكد

RAHMA NABIL 美心

بعد مرور ساعات طويله كان الجميع يعود للمنزل

عاد الجميع للمنزل في جو من المرح والضحك ونيره تتشاجر مع مصعب كالعاده

مصعب ببرود وهو يأكل الايس كريم /مش هرد عليكي يا نيره لاني محترم وانا هعمل حساب للسن برضو.

هزت نيره رأسها بايجاب / اوومااااال محترم جدا ونعم تربيتك يا ميسره

تحدث عدي وهو يأكل اثنان من الايس كريم في وقت واحد / قولتلك يا نيره مش هيكفوا كنتي جبتيلي كمان آتنين

فتحت نيره فمها ببلاهه / الواد ده بقيت اخاف امشي جنبه لا بجد ايه ده ايه يابني كميه الاكل دي ده انت مرعب

لوي عدي فمه بتذمر ولم يجيب فوجد سيف يمد يده بالايس كريم امامه نظر له عدي بتعجب فابتسم سيف / خده انا مش بحبه

نظر له عدي لدقائق بتأثر وحب اخوي شديد ثم عانقه بشده وهو يتحدث / كل يوم بيزيد احترامي وحبي ليك يا سيف انت مش اخويا لا انت كمان ابويا انا عارف كويس انك بتحب الايس كريم وخاصه الطعم ده بس رغم كده هتديه ليا عشان مزعلش

ابتعد عنه ونظر لتاج الذي يضم رقبه سيف ويضع رأسه علي كتف سيف بتعب لعب عدي في شعر تاج وقبل رأسه بحنان ثم نظر لسيف ببسمه / أنا اكلت كتير يا سيف كله انت انا بس كنت بهزر

ابتسم سيف لاخيه ومد يده بالايس كريم مجددا / أنا فعلا بحبه بس بحبك انت اكتر

ابتسم عدي وكاد يجيب لولا مصعب الذي مد يده واخذ الايس كريم / مش هتقعد تتعازم معاه سنه هاته لو مزعلكم

ثم أخذه ودخل للمنزل تحت صدمه عدي الذي ركض خلفه / خد يا مصعب ده بتاعي سيف عطاه ليا انا الأول

مصعب وهو يركض / مش انت عامل نفسك محترم وشبعان ومش عايز

عدي وهو يركض خلفه / خدي يلا ده بتاعي

بينما كان الجميع خلفهم يضحكون بشده عليهم وبمجرد دخولهم للمنزل وجدوا الجميع يجلس وعلي وجوههم خوف شديد

نظر سيف وجد والدته تركض تجاههم برعب وهي تهتف / كنتم فين كنت هموت من الرعب عليكم كنتم فين

وبمجرد ما اقتربت منهم فتحت عينها بصدمه علي أولادها وهمست بخوف / إيه الجروح دي

نهض ابريس بسرعه واتجه لهم وامسك ذراع عدي ونظر له بغموض ثم تحدث لميسره /مفيش حاجه دي جروح خفيفه

ميسره برعب واعتراض / بس....

صمتت ميسره وهي تري نظره ابريس لها إلا تتحدث في شئ

سمعت ميسره صوت تاج وهو يٱن بتعب ووجع /ماما

وقع قلب ميسره رعبا وركضت وحملته من يد سيف ونظرت لرأسه المضمده برعب فسقطت دموعها دون أن تشعر وهي تضمه بشده وتقبله / قلب ماما مالك يا تاجي

ضمها تاج وهو يضع رأسه علي كتفها / راسي تقيله آوي مش قادر ارفع راسي

نظرت ميسره برعب لهم / حصل ايه

هتفت نيره ببسمه / متقلقيش ده بسبب المخدر بس

ميسره برعب / مخدر ايه حصل ايه لعيالي

ثم نظرت لسيف / اخوك حصله ايه يا سيف

كاد سيف يتحدث ولكن قاطعه صوت حسام الذي نظر لهم جميعا / اظن من حقنا كلنا نعرف ايه اللي حصل

نظر الجميع لبعضهم البعض برعب خاصا من نظرات جاسر الذي ينظر للجميع بغموض ونظرات ابريس التي تظهر لهم بارده ولكن فقط أبناءه يعرفون فيما يفكر

تنهدت نيره وذهبت وجلست وبعدما جلس الجميع قصت نيره كل ما حدث تحت نظرات ابريس لأولاده الذين وضعوا رأسهم في الأرض

نهض جاسر بغضب شديد وصرخ / هو مين ابو الواد ده هو اتجن

بينما ميسره كانت تضم تاج إليها بحنان ثم نظرت لنيره / غلطانه طبعا يا نيره

كادت نيره تجيب / يا ميسره هما اللي غلط..

لم تكمل بسبب حديث ميسره / غلطانه انك ممسكتيش الواد ده طحنتيه طب والله العظيم لو انا اللي كنت هناك لا كنت هحط اعتبار لابوه ولا مدير ولا انه طفل وكنت نزلت فيهم ضرب الحيوانات يستخدموا إزاي مطاوي في المدرسه هي خماره

ابتسم مصعب علي والدته بينما تحدث حسام لنيره / ومقولتيش ليه انهم معاكي احنا قاعدين هموت من الرعب خصوصا ان وقت المدرسه خلص من ساعتين والكل مختفي

تحدثت نيره بعدم فهم / أنا بعت لكريمه رساله تقولكم ان الاولاد معايا وخرجنا ناكل آيس كريم

مراد بسخريه / آيس كريم.

ضحك صلاح ونظر لكريمه / وانتي يا ختي مقولتيش ليه

كريمه وهي تتحدث ببرود / الباقه خلصت ابقي جدد الاشتراك بقي

ضحك الجميع عليهم

طمطم بضحك/ ياستي كنتي ابعتي رساله عاديه لازم واتس يعني

نيره بتذمر / مش معايا رصيد غير نت فقط وجوزي يا ختي راجل بخيل مش بيرضي يشحن ليا

فتح حسام فمه ببلاهه شديده وهمس / أنا؟؟؟

نيره بتمثيل / آه انت ياللي حارمني من اللقمه والاكل ياشيخ حسبي الله

ضحك سامر بشده علي والدته

كريمه وهي تنهض وتنظر للجميع بملل / خلاص نيره فرمت العيال وخلصنا يلا عشان ناكل

عدي وهو ينه سريعا / آيوه والله يا كرميلا معاكي حق الواحد هفتان

فتحت نيره فمها بصدمه / ياض انت مش وقفتنا نشتري شاورما وايس كريم انت معدتك دي ايه

عدي وهو يتجه لغرفه السفره / الاكل ده بس تسالي ونأنأه يا نيره

كريمه / ده بينأنأ بالممبار والكرنب زي اللب كده وانتي عايزاه يشبع من كام سندوتش شاورما يا قادره

ضحك الجميع واتجهو لغرفه الطعام وجلسوا يأكلون في جو من المرح والضحك وميسره تضم تاج اليه قلبها وتطعمه بحنان وسيف يبتسم عليها ويضع الطعام امام إخوته

تحدث محمد بتعجب/ سيف هو إنت مش بتاكل ليه عمال تحط اكل لعدي ومصعب ومش بتاكل

نظر سيف بنظره سريعه لوالده ثم تحدث بخفوت / باكل يا محمد باكل بس عشان دراع عدي وصدر مصعب متعورين فمش هيعرفوا يمدوا ايدهم عشان كده بحطلهم الاكل وهاكل

صمت الجميع فقاطعت كريمه هذا الصمت / بصوا بقي انا عايزه اسبوع كده ملمحش فيه جنس عيل في البيت ميسره تاخدي عيالك ياما خصوصا عدي عشان عمل مجاعه في البيت والعيال هتعدم يا ختي ونسرين ياحبيبتي روحتي الملاهي وهيصتي وسيبتي ابنك القرد وبنت نيره معايا وقولت ماشي دلوقتي اتصالحتي علي جاسر والدنيا بقت حلاوه يبقي تعملي ايه زي الشطور كده هتاخدي عيالك و فاطمه ومحمد وانتي مروحه ويا حبذا لو تاخدي طمطم ومراد وصلاح كمان معاكي يبقي عملتي جميله هشيلها عمر بحاله ليكي عايزه اسبوع اتعافي فيه من اللي حصل ليا

ضحك الجميع وتحدث صلاح / كلبه وانا اللي قولت هتوزعيهم عشان نفضل انا وانتي طلعتي بتوزعيني معاهم

كريمه بضحك / معلش ياابو صلاح مفيش اي استثناءات

ميسره بتذمر وهي تنظر لاولادها / حرام عليكي الملايكه دول يا كريمه هما بيعملو حاجه حبايب مامي لا بيهشوا ولا بينشوا دول بيقعدوا مكانهم متسمعيش ليهم صوت

صح يا تاجي

ابتسم تاج وهز رأسه بنعم

كريمه بسخريه / وبتسألي تاج ليه متسألي مصعب حبيب الملايين اللي معتقش واحده من بنات الجيران ولا الاخ عدي اللي بخاف اسيب الباب مفتوح وانا نايمه اصحي الاقيه شوح دراعي ببصله وطمطمايه واكله ولا سيف الكبير حدث ولاحرج

وضع سيف معلقته في الطبق ونظر لها / أنا عملت ايه

ابتعلت كريمه ريقها من نظرته / ولا حاجه يا كبير انا اقدر اتكلم برضو

ضحك الجميع عليهم بينما عدي كان فقط يأكل ولا يهتم لاحد

وبعد انتهاء الطعام نهض عدي وهو يضع يده علي معدته المسطحه / آه الواحد اكل كتير

ثم نظر لميسره/ ميسره الله يخليكي يبقي خلي كريمه تحطلك بقيت صينيه البشاميل دي ناخدها البيت عشان لو صحيت بليل وجوعت وانتي عارفه البيت مش فيه اكل لانه مقفول من اسبوع

كريمه وهي تتحدث/ ياعم حد الاكل كله بس متجيش عندنا تآني ابوس ايدك يا جدع انا تعبت بطبخ كميات كبيره ليك

تحدث عدي وهو يرفع يده في وجهه / الله اكبر الله اكبر نقي عليا بقي

ثم خرج من الغرفه وخلفه ضحكات الجميع

تحدثت كريمه وهي تنظر لهم / مش عايزه المح حد فيكم لأسبوع قدام وبالنسبه لاجتماع العيله لغيناه مفيش اجتماع ولا زفت يلا بقي كل واحد ياخد عياله وينصرف عايزه اريح دماغي

ضحكت ميسره بشده وهي تنهض وتحمل تاج وخلفها مصعب وسيف / هجيلك بكره احكيلك علي الرحله يا كوكي يلا يا جماعه سلام بقي

خرج ابريس مع عائلته وذهبوا جميعا للمنزل ولكن لم يدخل سيف معهم واستأذن والده للذهاب لصديق ما لكي يحضر مافاته بسبب حادث تاج

ابتسم له ابريس ووافق

بينما عند كريمه اخذ جاسر عائلته ومعه حسام وعائلته وعادوا لمنزلهم

نظرت كريمه حولها وتنهدت براحه / اااااه ياه ايه الراحه دي يا ستير يارب الله لا يعودها ايام

ضحكت طمطم بشده وجلست ووضعت طبق فشار كبير أمامهم / يلا المسلسل هيبدأ

ابتسمت كريمه وجلست تشاهد المسلسل مع نيره في جو من الهدوء والراحه وانضم لهم صلاح ومراد بعد أن ذهب الطفلين للنوم وقضي الجميع سهره هادئه لطيفه

بينما عاد جاسر ودخل لمنزله ونظر لأحمد / يلا يا ابو حميد خد معتز واطلعوا ناموا

ابتسم احمد وهز رأسه وحمل أخيه وصعد بينما اقترب جاسر من نسرين التي نظرت له ببسمه فقبل رأسها بحنان / حبيبي لسه زعلان مني

ابتسمت نسرين وضمته بعشق / عمري يا جاسر ما زعل منك ابدا

ابتسم جاسر وضمها لها بحنان وهو يهمس لها / بعشقك يا نسرين بعشقك من اول مره عيني وقعت فيها عليكي في السوق فاكره

ابتسمت نسرين / كانت احلي مره اروح فيها السوق في حياتي لاني وقتها لقيت روحي

ابتسم لها جاسر وقبل رأسها بحنان شديد / ربنا يديمك ليا انتي وعيالي والعيله كلها

RAHMA NABIL 美心

نظرت ميسره لابريس الذي يجلس في الحديقه ويشرد بعيدا جلست بجانبه بعدما تأكدت من نوم أطفالها جميعا بعدما أعطاهم ابريس درس في التحكم في غضبهم ماعدا سيف الذي لم يعد بعد

تحدث ميسره وهي تنظر للقمر / تفتكر هيجي اليوم اللي نرجع فيه

نظر لها ابريس لثواني ثم أعاد نظره للقمر / هيجي يا ميسره هيجي اليوم اللي نرجع والمره دي مش لوحدنا احنا والفرسان الاربعه هنرجع سوا كلنا

ابتسمت له ميسره ولكن لاحظوا صوت بجانبهم نظروا الي سيف وفزعت ميسره من هيئته وتحدثت / مين اللي عمل فيك كده يا سيف

نظر سيف لوالده وتحدث بقوه / بعتذر يابابا اني كدبت وقولت اني رايح لصاحبي انا روحت للواد اللي ضرب اخواتي

ابريس وهو يكمل/ واستقويت عليه وضربته

رفع سيف رأسه / ومش ندمان علي كده

ابتسم ابريس وأشار ليجلس بجانبهم فجلس سيف في منتصفهم وتحدث ابريس بحنين وشوف يكاد يقتله ودموع تتلألئ في عينه / عارف يا سيف بتفكرني آوي بست اخويا

ضحكت ميسره بشده فتحدث ابريس ببسمه من بين دموعه / لا مش بالطريقه اللي بتفكري فيها دي

ثم اخذ أنفاسه ليمنع سيل الدموع الذي لم ولن يتوقف/ ست كان دائما يخاف علي من كل شئ واي شئ يخشي علي حتي من الحزن فكان دائما يجاهد لجعلي سعيدا ولذلك انا هنا بسبب عمك ست عندما رأي حالتي بدون والدتك كاد يموت حزنا علي ولذا ترجي الحكيم احمس ان يفعل اي شئ لكي يساعدني طوال حياته كان يجاهد لحمايتي دخل وعاش بين الد اعدائه وضحي بحياته فقط ليبقيني بعيدا عنه ولكي يحميني من اي ألم قد يحدث لي اتذكر في احد الايام عندما علمت ان عودة والدتك لعالمها أصبحت وشيكه بي ذلك اليوم كنت أبكي وبشده في احضانه وهو يضمني بقوه ويخبرني انه لن يسمح ان اتألم هكذا ضحي بسعادته لأجل سعادتي واخر شئ قاله لي قبل ذهابي هو سأنتظر ان تعود يوما ما مع ملك كمت المستقبلي يا أخي أنا اعلم أخي واعلم انه يتمني ان يكون الملك المستقبلي احد ابنائي وليس احد أبنائه هل تصدق أخبرني انه سيقف بجانب أولادي ويشجعهم قال لي كلمه لن انساها أبدا قال لي انني سأخبر ابنائي عندما يكبرون ان لي اخ عظيم وان اولاد أخي هم من لهم الحق في مُلك كمت وانتم ستكونون عونا له في ذلك وقتها رفضت كيف يقول هذا كيف يمكن لمن تربي بعيدا عن الحكم ان يكون ملكا وقتها وبصعوبه وافق ان يتم عمل مراسم لاختيار الملك وهي عباره عن تحديات كثيره وقال لي اثق ان من تربيه يدك سيفوز علي ابنائي فلطالما كنت انت الأفضل

نظر لسيف بدموع شديده / كان دائما يخبرني انني افضل منه كان مثلك يا سيف انا اري بك حنان وعقل ست اري بك مسؤليه ست التي يحملها دائما علي اكتافه اري تدريباتك لاخوتك ورغبتك ليكونوا افضل منك اري فيك القائد يا سيف اري فيك ملك كمت القادم انت لن تخذلني ولن اخذت أخي هو راهن عليك راهن علي فوزك انت وليس علي فوز أبنائه انت لن تخذلني صحيح.

ضم سيف ابيه بشده وهو يهمس له / أبدا لن أخذلك أبدا سوف يأتي اليوم الذي تفخر بي فيه يا أبي سواء كان انا ام احد اخوتي ان احد أبناء عمي سوف تكون كمت في يد امينه ثق في ذلك كمت لن تسقط أبدا

نظر ابريس ليده وامسكها وضغط عليا بشده ونظر للسماء / اثق بك يا بني اثق بك.

RAHMA NABIL 美心

انطلقت الاحصنة بسرعه شديده تسابق الريح وعلي ظهرها الفرسان الاربعه كما عرفهم الجميع وكان يسبقهم حصان والدهم

نظر ابريس خلفه فوجد أبنائه الاربعه يمتطون احصنتهم التي تتحرك بسرعه الريح ابتسم بفخر عليهم

بينما كلا منهم قد صنع شخصيته في عقول الجميع كانت الاحصنه تدور النادي كله وتستحوذ علي انتباه اجميع وخاصا الفتيات اللاتي ترجن ولو نظره واحده من أحدهم وكيف لا وهم من أشهر شباب البلده الرباعي المعروف بقوته وهيبته ووسامته وهم أبناء الابريس كما يطلق عليهم

توقف ابريس ونظر لابناءه فهبطوا من علي احصنتهم بكل كبرياء وهيبه وابتسموا لوالدهم

فتحدث سيف / معلش يابابا اتأخرت هقابلكم في البيت

وذهب ليغير ثيابه ثم خرج وهو يعدل قميصه ويمشط شعره بواسطه يده

ثم خرج من النادي بكل كبرياء وهيبه واتجه لسيارته وقادها حتي وصل للمشفي وبمجرد دخوله ركضت له الممرضه / دكتور سيف في حاله خطيره جوا والكل هنا مشغول ومفيش دكتور....

قاطعها سيف ببرود /جهزي الحاله لحد ما اجهز انا

ثم تركها وذهب لمكتبه بينما نظرت الممرضه لاثره بغيظ / يا أخي هنشل من برود اهلك ده اوووف ايه ده

بينما سيف نظر لنفسه بعدما ارتدي ثيابه وهمس لنفسه /مرت سنين طويله ولسه سنين تانيه اوعي تخسر شغفك او تكسر وعدك الوقت قرب جدا وانا حاسس بكده خلاص العوده قربت وبدأت المعركه

RAHMA NABIL 美心

دمتم سالمين

RAHMA NABIL 美心

قال الشيخ محمد متولى الشعراوي، إمام الدعاة- رحمه الله- مفسرا قول الله تعالى بالآية 24 من سورة النساء {الرِّجَالُ قَوَّامُونَ عَلَى النِّسَاءِ}، إن الكثير من الناس يفهم كملة "قَوَّامُونَ" على أنه تميز وتعظيم لقدر الرجل عن المرأة، وهذا عكس المراد من تفسير الآية.

وتابع الشعراوي فى فيديو قديم له تم رفعه عبر الصفحة الرسمية لقناة الناس يوضح فيه أن معنى كلمة "القوامة" أى القائم بجميع الأعمال، ويعنى هذا أن الآية الكريمة تؤكد على الرجال تعزيز وتكريم المرأة وتلبية جميع طلباتها قائلاً: "يعنى مش سي السيد لا يعنى الرجال خادم لزوجته" بحسب (مصراوي).

وأوضح إمام الدعاة أن المرأة مكرمة في الإسلام بتأكيد من القرآن الكريم والسُنة النبوية المطهرة، ولذا وجب على الجميع تصحيح المفاهيم المغلوطة عن حق المرأة في الإسلام، وكذلك في المعاملة بين الرجل والمرأة.

قال رسول الله صلى الله عليه وسلم

(استوصوا بالنساء خيرا فإن المرأة خلقت من ضلع أعوج وإن أعوج ما في الضلع أعلاه)

ولكن........

لم يستوصوا بنا خيرا يا "رسول الله"

فقد كسرو القوارير 💔 والافئدة

صلوا علي من جلس علي ركبتيه يواسي طفل مات عصفوره صلوا علي شفيعنا صلوا علي رسول المحبه والتسامح ❤️🕋🌏

RAHMA NABIL 美心

كان يسير في الشركه وهو يعدل من ثيابه وساعته التي يرتديها فجأه اصطدم في احد ما فرفع رأسه بسرعه وابتعد عنها بسرعه حتي لا يتلامس معها ثم تحدث باعتذار / اسف ما اخدتش بالي

كاد يذهب لولا حديثها الذي اوقفه / وانا معنديش مانع حتي لو قاصد

رفع مصعب حاجبه وابتسم بسخريه ثم اقترب وتحدث بعبثه المعروف / وانا لما اخبط بقصد مش بخبط في أي حد بس إللي علي مزاجي

ثم غمز لها وتركها تميز من الغيظ من هو حتي يسخر منها هكذا لقد اهانها هذا الحقير هل يظن لان جميع الفتيات تركض خلفه اذن فهو وسيم حسنا هو فعلا وسيم جدا ولكن لا يحق له ان يتحدث معه هكذا نظرت لظهر مصعب بغيظ / واحد متكبر

ثم ابتسمت وهي ترحل / يحق ليك التكبر يا وسيم وقريب هتكون في حضني

بينما كان مصعب يسير بسخريه كبيره فهذه الفتاه المعروفه بعبثها في الشركه وكلما أعجبت بأحد ترمي الاخر وتركض خلفه وحينما تحصل عليه ترميه كخرقه باليه وهو ليس ممن يلهثون خلفها فهو مصعب ابريس وليس احد الرجال الذين يسيل لعابهم علي النساء بل هو من تسيل لعاب النساء عليه

عدل لياقه ثيابه ثم طرق المكتب ودخل وتحدث بجديه ورسميه / آيوه يافندم حضرتك طلبتني

رفع المدير نظره وابتسم / اهلا بكازانوفا الشركه

ابتسم مصعب وغمز له / ده أقل شئ

ضحك المدير بشده وتحدث / سونيا طلبتك معاها في صفقه مهمه اصلك عجبتها في آخر مره

قال آخر كلماته بغمزه فضحك مصعب بشده وتحدث ببراءه / حب الناس نعمه يافندم

المدير بعبث / الناس ولا النساء

ضحك مصعب وتحدث بجديه / أمتي الصفقه وفين

المدير وهو ينظر امامه / كل التفاصيل هتوصل ليك علي الايميل واه صحيح المره دي الصفقه روسيه

ابتسم مصعب بخبث / روسيا وحلويات روسيا ده شكلها ليله سكر آوي

ضحك المدير وأشار له فخرج مصعب وهو يتصفح هاتفه باهتمام بينما المدير يضحك بشده عليه فهو اكثر من يتم طلبه في هذا المكتب الخاص بالترجمه رغم غبثه هذا إلا أنه متمرس حقا في عمله فهو من القليلن الذين يتقنون لغات كثيره جدا

RAHMA NABIL 美心

ضرب علي مكتبه بعصبيه وهو يصرخ / يابنتي اقفي عدل هو أنا هحايل في اهلك ولا إيه هتنطقي علي إللي كانوا معاكي ولا تشيلي الليله لوحدك اخلصي

تحدثت الفتاه بخوف /ياباشا انا معرفش حاجه

ابتسم بسخريه ونادي / صبحي

مخل المدعو صبحي / اوامرك ياباشا

أشار احمد للفتاه وتحدث بسخريه / عايزك تاخد الانسه

ثم صمت قليلا ونظر لها / ولا مدام

ابتلعت للفتاه ريقها فاكمل احمد / خدها وفرجها علي السجن الجميل بتاعنا عايزك تاخد لفه كده علي كل حجز شويه لحد ما تفتكر اللي كانوا معاهم

امسكها العسكري وخرج بها تحت صراخ الفتاه /ياباشا معرفش ياباشا انا مشوفتش حد ياباشا

زفر احمد بضيق وفك ازرار ثيابه الرسميه وهو يهتف / يارب ايه اليوم الطويل ده

نظر لهاتفه ثم أخذه ونظر له بصمت وشرود قليلا ثم اجري المكالمه وتحدث بعد فتره / الو يا فاطمه

من علي الجانب الاخر تحدثت فاطمه بعدم اهتمام وهي تبحث بين الكتب في مكتبه الجامعه / آه اهلا يا احمد اخبارك

احمد بحنان / الحمدلله انتي عامله ايه

فاطمه وهي تزفر قليلا / الحمدلله بخير انت متصل ليه

بهت احمد من حديثها فعاد لجموده وبروده وتحدث بحزم / اولا لما اتكلم معاكي بعد كده تتكلمي باحترام ماشي ثانيا بقي اول ما حضرتك تخلصي تتصلي بيا تقولي وعارفه يا فاطمه لو عرفت انك روحتي من غير ما تقولي مش هقولك هعمل ايه انتي عارفه لوحدك

ثم أغلق الهاتف بعنف لم يدع لها الفرصه لكي تجيبه حتي نظرت فاطمه للهاتف وشتمت بغيظ / يا أخي أبو ام اليوم اللي اتخطبت فيه ليك يارب اولا قلبي الغبي ده اللي حبك بس ماشي يا احمد انا هوريك هخليك تعترف بحبك ليا والايام بينا

بينما احمد نظر امامه بغضب شديد هو يعرف انها لا تحبه ولكن ماذا يفعل بهذا القلب الغبي الذي يهيم بها عشقا ولكن عذرا يا عزيزتي فسوف اجعلك تعشقيني اكثر مما اعشقك انا ابتسم بتصميم ففاطمه له منذ ولادتها له وحده وملك له وحده ليس تملك كما تعتقد هي بل عشق

ثواني ووجد الكتب يفتح ويدخل هو بصخبه / باشا البشوات اجهز يلا عشان طالعين غاره علي وكر مخدرات محترم كده

احمد وهو ينهض ويمسك سلاحه بسخريه / مالك بتقولها بفرح كده كأننا رايحين نزف عروسه

ضحك سامر بشده / وأكثر ياباشا يلا بس عشان عايز اخلص الحوار بدري بدري

نظر له احمد بتعجب واقترب منه ووضع يده علي كتف سامر / رايح فين ياض انت

ضحك سامر بشده وغمز له / أصل مرات عمك  نيره عامله صينيه بطاطس في الفرن ودي متتاكلش غير وهي سخنه نار

ضحك احمد بشده علي ابن عمه ثم خرج / طب يلا عشان هاجي اكل معاكم بطاطس

سامر بضحك / منا قلت لنيره تعمل حسابكم انت ومعتز وأكيد عدي عشان ميعرفش اننا اكلنا من غيره ويولع في البيت وفينا وفي نيره وفي البطاطس

ضحك احمد بيأس علي ابن عمه عدي فهو حقا مرعب فيما يخص الطعام

RAHMA NABIL 美心

مد عدي الدفتر للعريس / أتفضل امضي هنا

العريس / فين يا شيخنا

عدي بتذمر / شيخنا ايه يابني اعمل ايه اكتر من اني البس بدله يعني بزمتك واحد قمور زي كده يتقاله شيخنا آه يتقالي شيخ كاحترام ولكن كسن لا

ضحك العريس بشده / الله مش انت المأذون واحنا بنقول للمأذون يا شيخنا بعدين هعمل حساب السن يا عجوز

عدي بحنق / طب  امضي ياخويا خلينا نلحق البوفيه

مضي العريس واعطي عدي العروس الورقه لتمضي ثم نظر لهم / بالرفاء والبنين ان شاء الله

ثم نهض وأغلق زر البدله / البوفيه منين أخي في الله

ضحك العريس وأشار علي مكان البوفيه فذهب له عدي بينما نظرت للعروس لعدي باعجاب شديد / أنا شوفت قبل كده كتير  مأذون صغير في السن بس عمري ما شوفت مأذون شيك وقمر كده

تحدث العريس بسخط / طب اعملي حساب كتب الكتاب اللي لسه القمر كاتبه من شويه

ضحكت العروس ونظرت لزوجها / انت بتغير ولا إيه يابني ده انت قلبي انا بس بقول مجرد رأي

النسم العريس بحب / عارف ياباشا بس هقولك ده عدي صاحبي كان معايا في كليه الشريعه والقانون واخد الدكتوراه منها ومتخرج بامتياز والأول علي الدفعه وبعد ده كله قرر يشتغل مأذون شرعي وفعلا قدم كل الوثائق اللي ممكن تخليه مأذون شرعي وتمت الموافقه عليه وحاليا زي ما انت شايفه كده ماشاء الله مأذون قد الدنيا ومشهور في كل حته رغم سنه الصغير ده أصغر حتي مني بسنه

العروس بتعجب / إزاي ٢٩ سنه ده شكله أصغر من كده بكتير

العريس بضحكه / شوفي ياستي بقي ورغم كل اكله ده الا انه زي ما انتي شايفه كده

ضحكت العروس بشده عليه فتحدث العريس بخبث / ما نسيبنا من الشيخ عدي وخلينا في الشيخ عمرو اللي تعب عشان يتجوزك

ابتسمت العروس بخجل وحب / وماله نخلينا في عمرو

بينما كان عدي يحمل طبقا كبير يضع به الطعام وهو يتحدث بسخريه /قال شيخنا العجوز قال عبيط الواد ده

ثم تحدث بغرور مضحك/هو فيه عجوز  قمر كده

سمع صوت من خلفه / ده اللي بقوله فعلا هو فيه مأذون قمر كده

امسك عدي الطعام وهو يأكل وينظر لها بحاجب مرفوع / نعم

الفتاه بنظرات إعجاب / لا بس كنت حابه اخد من حضرتك ميعاد

عدي وهو يأكل ببرود / جواز

الفتاه بضحكه رقيعه / لا طلاق

نظر لها عدي بقرف ثم تركها وذهب وهو يتحدث / تقدري تروح لأي حد يطلقك اصلي مشغول عن اذنك

ثم تركها وهو يتمتم بضيق / استغفر الله عايزه تشيلنا ذنوب بضحكتها والمسخره بتاعتها دي

ثم نظر للطعام / عمرو الحيوان قولتله يجيب توميه بدل الطحينه والله لاعلقه

RAHMA NABIL 美心

ابتسم تاج للطفل امامه وهو يلعب في شعره ثم اخرج له مصاصه وتحدث بحنان شديد لا يليق سوي به / انت بطل والله شوفت محستش إزاي بالحقنه يلا بقي أقف كده وخلي ماما تشوف انت بطل قد ايه

ابتسم الطفل ووقف ونظر لوالدته / شوفتي ياماما انا مخوفتش إزاي

ابتسمت والدته ونظرت لتاج / متشكره جدا يا دكتور لولاك كان طلع عيني عشان الكشف والحنقه بس هو بيحبك عشان كده رضي يجي معايا

ابتسم تاج للطفل بحنان وتحدث بهدوء / وانا بحبه

ثم نظر للطفل / صح يابطل

هز الطفل نظره بإيجاب فتحدثت والدته ببسمه وهي تحمل الطفل / متشكره جدا يادكتور وأكيد هنحضر في معاد الاستشاره

هز تاج رأسه ببسمه ثم جلس علي مكتبه وكاد يرفع سماعه الهاتف ليطلب الشخص التالي ولكن وجد سيف يدخل عنده ويجلس علي الكنبه المقابله له بتعب شديد فابتسم تاج فهو دائما ما يأتي عنده كلما نال منه التعب

رفع سماعته وتحدث للممرضه / حولي الباقيين للدكتور تامر

ثم أغلق سمعاته ونهض واقترب من الاريكه وركع بقدمه امامها وتحدث  ببسمه / صداع ولا وجع عضلات زي اخر مره

فتح سيف عينه بارهاق وبسمه ولعب بشعر تاج / لا بس إرهاق شويه وعايز ارتاح

ضحك تاج وهو يتجه لثلاجه في غرفته / وانت لما تتعب تيجي تعطل الدنيا عندي ياكبير

فتح سيف عين واحده / عندك مانع ولا ايه

ضحك تاج وهو يمد يده بعصير / لا استغفر الله أتفضل اشرب العصير ده عشان تفوق كده

نهض سيف وامسك من العصير وشربه وهو يتحدث /هما هيتجمعوا فين انهارده متعرفش

تاج بجهل/ معرفش بس تلاقي عدي عارف

هز سيف رأسه وصمت قليلا فتحدث تاج ببسمه / فيه إيه

نظر له سيف بغموض لثواني / حاسس ان معاد العوده قرب وقرب آوي كمان

نظر له تاج بتركيز وهو يفكر في كلامه هل حقا كان الموعد للعوده جاء وقت اللقاء واخيرا بعد انتظار دام لسنين وسنين

RAHMA NABIL 美心

دخل مصعب المطعم وهو ينظر حوله حتي وقع نظره علي سونيا فاتجه لها بكل جديه وماكاد يتحدث حتي زفر بضيق وهو يهمس بسره / ناقصه هي اسماعيل معانا

نظر للرجل الذي يجلس بجانب سونيا بملل فهو المحامي الخاص بسونيا دائما ما يتدخل في أي شئ بطريقه فجه ودائما ما يعلق علي أي شئ سواء يخصه او لا باختصار شخص مزعج درجه أولي ذهب مصعب اليهم وخلع نظارته وحيي الجميع دون أن يسلم عليهم فنظرت له سونيا بضحك / هل حقا لا تسلم علي الفتيات باليد

ابتسم مصعب بعمليه / لا

سونيا بتعجب/ من يري عبثك وحديثك لا يتوقع منك هذا

ابتسم مصعب ببرود ثم أعاد نظره للعملاء وكانوا عباره عن فتاه ورجلان ابتسم للفتاه وهي ابتسمت له

ثم بدأت الجلسه بكل جديه يقطعها تدخل اسماعيل بشكل فج وبطريقه مزعجه يحاول إظهار انه مسيطر وانه يعلم كل شئ

كان مصعب يترجم ما يحدث بين الطرفين فقاطعه اسماعيل للمره المائه / هو أنا ليه حاسس انك بترجم غلط وعايز تطلع بسبوبه من الموضوع

رجع مصعب بظهره للخلف وعدل كارفاته بدلته وتحدث وهو يجز علي أسنانه / كلمه كمان وهخلي منظرك زباله بين الكل انت فاهم بكرشك ده

نظر اسماعيل لبطنه الكبيره بغضب وكاد يصرخ به لولا نظرات مصعب المرعبه التي رمقه بها ثم عاد للصفقه مجددا حتي انتهوا من كل شئ تحت سخط اسماعيل الذي يبدو فقط انه يفعل كل شئ لمجرد اغضاب مصعب لا غير

جلس الجميع لتناول الطعام فشعر مصعب باقتراب الفتاه الروسيه منه فابتسم لها وغمز لها بعبث فابتسمت هي له واقتربت منه بشده وهمست له بشئ جعله يبتسم فتحدث / اعتذر ولكن انا لا أفعل هذا الشئ ربما استمتع فقط نخرج سويا او نتحدث سويا ولكن لا اقوم باي علاقه خارجه او اذهب لشقه اي فتاه

تحدثت الفتاه بتعجب / ومن تحدث عنك انا لا اقصدك بحديثي

نظر لها مصعب بحاجب مرفوع وصدمه /نعم ياروح امك

الفتاه بتعجب / لم افهمك ماذا قلت

مصعب وهو ينظر لها بتعجب / من كنتي تقصدين بعرضك للذهاب اشقتك اذا

نظرت الفتاه امامها وهي تعض علي شفاهها باثاره / اقصد هذا الوسيم

نظر مصعب لما تنظر وفوجئ باسماعيل / اسماعيل

هزت الفتاه رأسها ببسمه / نعم اقصد هذا الوسيم

نظر مصعب مجددا ولكن لم يعرف عمن تتحدث لربما تقصد احد اخر غيره ولكن لا أحد سواه

فهمس بعدم تصديق / اسماعيل مين اسماعيل بتاعنا بقي وسيم

نظرت له الفتاه بجهل فضرب كف علي كف ونهض وهو يمسك سترته / صحيح الحلو ميكملش حلوه بس هبله

ثم نظر لاسماعيل وضرب علي كتفه / كلم يا كازانوفا البت عايزاك ليله يا باشا

نظر له اسماعيل ببسمه فخوره ثم نظر للفتاه وغمز لها فابتسمت الفتاه بخجل فاستأذن مصعب ورحل سريعا / الله يحرقكم قلبتوا معدتي هرجع منكم صحيح لايقين علي بعض معفنين

ثم صعد لسيارته وهو يهاتف عدي / الو عدي انت فين

عدي/ رايح لبيت حسام

مصعب بتعجب / ليه فيه حاجه ولا ايه

عدي ببسمه سعيده / نيره عامله بطاطس اللي بحبها

ضحك مصعب / اشطا هجيلكم علي هناك

ثم أغلق هاتفه وانطلق بسيارته حتي وقف في اشاره المرور ونظر بجانبه وجد فتاه تنظر له ببسمه فهمها جيدا فهز رأسه بلا وغمز لها وانطلق بسيارته وهو يهمس / صنف عايز الحرق  زي الرجاله بالضبط تقريبا البشريه كلها ههههههههههه

هبط من سيارته امام منزل حسام وهو يري كلا من سيف وتاج  يهبطون من سيارتهم فتحدث وهو يفتح ذراعه / الدكاتره اللي مشرفين العيله اللي كلها دخلت ادبي

ضحك تاج بشده وهو يضمه بينما سيف ضربه علي رأسه وهو يدخل للداخل / بطل رغي

ثواني وكان عدي يهبط من سيارته وهو يقترب منهم / إيه أحضان العشاق دي من ورا بابا عدي كده يا اولاد يانوتي

ضحك تاج واتجه له وعانقه فابتسم عدي بشده وهو يقبل رأسه بحنان ثم ذهب لمصعب ووضع يده علي كتفه وهم يدخلون  / إيه الباشا ماله كأن واحده منفضه ليك

مصعب وهو يعض علي شفتيه / واي واحده صاروخ لا صاروخ ايه دي قاعده صواريخ يا جدع

ضحك عدي بشده / طب وايه اللي حصل

مصعب وهو يجلس ويضرب بيده علي قدمه مثل النساء ويولول / زحلقتني بنت المقشفه  لا وايه مكتفتش انها تزحلقني كده جايه تطلب مني اني أشقطلها اسماعيل ابو كرش عايزه تشقط اسماعيل الاقرع يا خساره البرفيوم الجديد فيكي  يابنت المعفنه انتي

ثم القي نفسه في أحضان عدي وهو يدعي البكاء / أنا اتزحلق بسبب اسماعيل يا عدي آه يانا يا وجع قلبي البت فرسه بس غبيه بنت الهبله ده اسماعيل ده راجل سمج وبخيل جلده وطماع المعفنه شافت فيه إيه

ثم رفع رأسه ونظر له وأشار لنفسه / أنا اتزحلق يا عدي آآآآآآه يا ناري ياما نفسي امسكها واولع فيهم سوا هي وابو كرش ده

عدي وهو يضمه بتأثر / متزعلش نفسك ياحبيبي بكره تشقط ست ستها هو إنت شويه ولا إيه ميت بنت غيرها تتمني تتشقط منك

رفع مصعب نظره / بجد ولا بتراضيني عشان قلبي المجروح ده

عدي وهو يضمه ويضحك / لا يا حبيبي ده انت قمر انت مش شايف نفسك كفايه عيونك الملونه دي يا قمر

ضحك مصعب وهو يضمه بشده / حبيبي يا عدي يارافع معنوياتي يا كبير

آتي صوت نيره من بعيد / يلا يا شباب الاكل جهز

ابعد عدي وجه مصعب عنه وهو يدفعه من وجهه / طب يا فرج يا خويا اتكل انت بقي

ثم تركه ورحل بينما بصق مصعب / عيل حيوان فصلتني

ضحك عدي بشده من بعيد وهو يتحدث / هتيجي ولا اكل منابك

نهض مصعب سريعا / لا جاي يا طفس انت جاي

ضحك تاج علي إخوته وجلس الجميع يأكل في جو من البهجه والضحكه بينما نيره تنظر لمصعب بتحفز لأي مشاجره

تحدث مصعب وهو يأكل / كلي يا نيره ياقلبي مفيش خناق انهارده اصلي مجروح شويه

نيره بتأثر / يا ضنايا مجروح من ايه

ضحك عدي بشده ثم حاول التماسك وهو يقول  /  احم احم متخزوق

نظر له مصعب بشر ثم تحدث بكبرياء / أنا محدش يخزوقني انا بس اللي اخزوق صح يا نيرو

نيره وكأنها تراضي طفل صغير / أمال يا قلب نيرو احنا ابننا مش شويه برضو ميت واحده تتمناه

ابتسم مصعب وهو يأكل / لا ثبتيني والله

ضربه عدي علي كتفه / واد هو مش ده نفس الكلام اللي انا قولته من شويه

مصعب بضحكه / هي مقنعه آكتر علي فكره

هز سيف رأسه بيأس ثم تحدث وهو ينهض / اجهزوا عشان في تدريب انهارده

ابتسم مصعب وكاد يجيب فاكمل سيف ببسمه بارده / وانا اللي هدربكم

اختفت بسمه مصعب وعدي واخذ تاج يكح بعنف حتي كاد يختنق

اقترب منه سيف واخذ يربت علي ظهره بحنان وهو يتحدث / اجهز يا تاج عشان انت اول واحد هواجهه

كاد تاج يجيب الا ان سيف اكمل حديثه / بايدك مش بالسيف

القي تاج رأسه علي السفره وهو يدعي الموت

بينما ضحك مصعب بشده وهو يشير عليه / اوووه يا خساره وشك يا صغنن

سيف وهو يرحل / كلكم يا مصعب انا محددتش حد انا قولت كلكم وبما ان الموضوع بيضحكك آوي كده يبقي نبدأ بيك انت

ضحك تاج بشده وعدي علي ملامح مصعب المصدومه

بينما تحدث سيف ببسمه / متشكر علي الاكله يا نيرو تسلم ايدك

ابتسمت نيره / تسلملي من كل شر يا حبيبي

غمز لها سامر / فينك يا حسام تشوف زوجتك وهي بتعاكس وتتعاكس

ضربه سيف علي رأسه / دي امي يا حيوان

ضحك سامر بشده / تسلم ايدك يا سيد المعلمين بعدين منا عارف يا خويا انا بهزر

نظر سيف لأحمد وتحدث / بعد التمرين هنتقابل عندك حاجه

هز احمد رأسه برفض / لا هستناك في مكانا

ابتسم سيف وخرج وهو يستأذن من الجميع

بينما عاد الجميع للأكل والحديث

RAHMA NABIL 美心

دخل المدرج وهو ينظر حوله بعدم رضا عن أي شئ امسك الميكرفون وهو يتحدث فيه / معلش انتباه معايا شويه

صمت الجميع وهم ينظرون لهذا الشاب بتعجب بينما هو اخذ نفس وتحدث بهدوء / متشكر لانتباهكم احب اعرفكم بنفسي انا الدكتور محمد مراد اللي هدرسلكم السنه دي ماده التاريخ الإسلامي بدل الدكتور رأفت بسبب ظروفه

عم الصمت المكان والكل ينظر بتعجب لهذا الشاب الذي يقاربهم بالعمر تقريبا رفعت فتاه ما يدها فنظر لها / آيوه اتفضلي

تحدثت الفتاه ببسمه ودلال / معلش يا دكتور هو سؤال ممكن يكون سخيف بس هو حضرتك كام سنه

محمد ببسمه بارده / هيفيدك في إيه تعرفي عمري

الفتاه ببسمه / أصل حضرتك شكلك صغير في السن عشان كده يعني بسأل

‏اشار لها محمد لتجلس ثم بدأ التحدث / عندك حق انا يمكن صغير في السن وده افضل بكتير ممكن تعتبروني اخ او صديق بس ارجو محدش يتخطي حدوده بزياده معايا وانا ياستي ٢٥ سنه اي سؤال تاني

‏رفعت فتاه اخري يدها فنظر لها ولكن لم يلحظها جيدا لأنها قصيره نوعا ما وامامها تلك الفتاه التي سألت منذ قليل

‏تحدث محمد وهو يخبرها / معلش يا انسه ممكن تقومي عشان مش شايفك

‏ضحك الجميع فنظر لهم محمد بتعجب / آيوه اتفضلوا ليه الكل بيضحك كده

‏تحدث شاب يبدو عليه العبث / أصل حضرتك دي فطوطه

‏رفع محمد حاجبه / اسمها فطوطه

‏كاد الشاب يجيب لولا صوت فتاه اخري تتحدث بضحك / لا ده لقب

‏هز محمد رأسه وصمت لثواني ثم نظر للفتاه التي اختفت تماما ويبدو انها خجلت من حديثهم فوضع المايك الخاص به واقترب من المدرجات حتي وصل المدرج الخاص بها ونظر لمكان الفتاه فوجدها كما توقع تخفض رأسها وتحاول ان تمسح دموعها من خلف النظاره الخاصه بها فاخرج محمد منديل ومد يده بها / اتفضلي

‏ اخذت الفتاه المنديل وهي لا تعرف من أعطاه لها وهمست بصوت منخفض / بشكرك

‏ ابتسم محمد وهمس لها / العفو يا انسه.....

‏رفعت الفتاه وجهها دون أن تعي انها تحدث الدكتور الخاص بها / مروه اسمي مروه

‏ثواني وتجمدت ملامحها واعتدلت في جلستها / دكتور انا اسفه والله فكرت......

‏ ابتسم محمد ليخفف توترها / اهدي بس ولا يهمك ياستي بعدين لما تحبي تسألي سؤال تقف وتسألي وملكيش دعوه بحد تمام يا انسه مروه

‏ابتسمت مروه وهزت رأسها بسعاده فابتسم محمد عليها تبدو طفله صغيره بجديلتها تلك ونظارتها الكبيره جدا وتقويم أسنانها ليست مثل تلك الفتيات اللاتي تهتم بكل شئ وكل سنتي من جسدها بل تبدو عاديه جدا بثيابها الواسعه ابتسم محمد وامرها / بعد كده حضرتك تقعدي قدام علي الاقل في محاضرتي عشان اقدر اشوفك

‏خجلت مروه بشده وهزت رأسها فاشار لها محمد

‏فخرجت من البنش الذي تجلس به واتجهت لأول بنش بينما محمد عاد لمكانه وهو يتحدث / آيوه اتفضلي يا انسه مروه كنتي عايزه تسألي ايه

‏مروه وهي تنظر حولها بخجل فهي لم تعتاد ان تجلس في مكان ظاهر هكذا بل اعتادت الاختبار خلف الاشخاص ساعدها قصر قامتها في ذلك والذي أيضا سبب للسخريه منها من اصدقائها وتلقيبها بفطوطه

نظرت مروه فوجدت محمد ينتظر سؤالها فطرحت سؤالها فابتسم محمد / حلو السؤال واظن انه مدخل كويس اوي لمنهجنا برافو يا انسه مروه

‏ ابتسمت مروه ولأول مره بفرحه وفخر بينما محمد ابتسم لقدرته علي بث الثقه بها وبدأ يجيب علي سؤال مروه وهو يدخل في الدرس الاول بينما كانت الفتاه التي سألت محمد عن عمره تنظر بقرف لمروه

‏ تحدث الشاب بجانبها والذي يدعي (كرم) / مالك يا كاميليا هتاكلي البت بعيونك

‏نظرت له كاميليا بشر / اسمي كامي مش كاميليا بعدين انت مشوفتش البت السهنه دي بتعمل ايه

‏ نظر شريف بتعجب لمروه التي فقط تهتم لتدوين الملاحظات / عملت ايه مش فاهم

‏ضربته كامي في كتفه / عماله تتمسكن عشان تبان المغلوبه علي أمرها قدام الدكتور واحنا نبان الاشرار

‏نظو لها شريف بعدم اهتمام / انت مأفوره آوي البنت معملتش حاجه أساسا بقولك ايه ركزي لأحسن الدكتور بدأ ياخد باله مننا

‏زفرت كاميليا بضيق ونظرت لمحمد الذي كان يشرح باهتمام ولا يهتم لاحد أبدا

RAHMA NABIL 美心

كان الجميع يجلس في المنزل ويتحدثون بهدوء ولكن قطع ذلك الهدوء زوبعه تدخل للمنزل

وخلفها هو الذي يصرخ بها توقفت شروق ونظرت له وهي تهمس من بين أسنانها / بقولك ايه ياجدع أنت فكك مني امين عشان موضوع فرض العضلات ده مش عليا أنت فاهم انا زهقت في كل مكان لازق فيا كأني بنتك اللي خايف انها تتوه

احمرت عين معتز بشده وهو يهمس بفحيح/ قسما بربي يا شروق اشوفك ماشيه مع شاب تآني هولع فيكي وفيه فاهمه واه هفضل لازق فيكي ايه رأيك

شروق بسخريه / وانتي تمشي مع بنات عادي صح

صرخ معتز بنفاذ صبر / أنا غيرك انتي هبله يابت ولا بتستهبلي انا في الاول والاخر ولد واخرهم هيقولوا شاب طايش اما حضرتك بنت يعني هتبقي لبانه في بق اي حيوان

شروق بعصبيه / بنت بنت بنت هتكرهوني في اني بنت

صرخ بها معتز بهياج / لأنك عايشه في مجتمع متخلف شايف البنت عار اي حاجه البنت اللي بتتلام والولد لا يغلط زي ما هو عايز بس البنت لا دي بنت *** مش متربيه عشان تعمل كده انتي متخيله انتي عايشه فين انتي عايشه في مجتمع بيبرر للشاب المغتصب بيبرر ليه ويقولك البنت هي لابسه وهي اللي عامله انتي مش مستوعبه انتي عايشه فين ولا إيه

نظرت له شروق بعيون حمراء / يعني إيه نتحبس عشان كلام الناس

معتز وهو يقترب منها وينظر لها بتركيز وهو يضغط علي كل كلمه يخرجها / لا تمشي عدل تمشي زي ما دينك قالك تلبسي زي ما دينك قالك

شروق بغضب / ماانت اهو متحكم زيك زي الناس اللي بتقول عليها بتحكم علي البنت من لبسها

نظر لها معتز لثواني / البنت اللي تلبس ضيق غلطانه يا شروق لأنها مش بس بتلفت النظر ليها لا وبتغضب ربها ربك خلقك محفوظه زي الجوهره فوجب عليكي انك تحفظي نفسك من اي عين ممكن تلوثك ولو حتي بنظره انا قولت من شويه انهم بيبرروا للولد انه اغتصب البنت بلبس البنت مش معني كده ان البنت معصومه من الذنب لا ده جزء من الذنب  عليها آه فيه بنات بتغتصب وبتكون منتقبه كمان بس انتي كبنت مسلمه يجب عليكي تستري نفسك

شروق وهي تنظر لعينه بقوه / لو البنت متكفنه يا معتز وحصلل اي مشكله هيقولك برضو هي اللي غلطانه لان ببساطه البنت بقت حاليا سلعه ارخص من الرخص بقت البنات نازله من بيتها مش عارف هترجع ولا هتتخطف ولا هيتحرش بيها ولا هتغتصب بقت نازله وحاطه احتمال انها مترجعش تآني بقت تنزل وأهلها حاطين ايدهم علي قلبهم وهما مرعوبين انها مترجعش تآني بقينا عايشين خايفين علي البنات ايه نتحبس عشان نرتاح ونريح

تحدث معتز بهدوء / الموضوع ده لا ليه علاقه بلبس ولا بأي قرف آه اللبس احد الأسباب بس مش كل الأسباب السبب الأول والأخير هو انعدام الدين اللي استوطن النفوس بقينا نستبدل القرآن بالمهرجانات بقينا نسمع الاذان ونقول بعدين بعدين دلوقتي بقينا نشرب مخدرات ونبيعها ولا كأنها مايه واي حد يقدر يشتريها ويشربها بقي نص الشباب بيشرب والنص التاني مش معاه يشرب بس لو معاه هيشرب بقي نص الشباب بيتحرشوا بالبنت والنص التاني خايف يدافع عنها ليتأذي ويحصلوا حاجه زي محمود البنا يموت وفي الاخر الموضوع يرسي علي كام سنه عشان ايه عشان الشاب قاصر دلوقتي اي حد يقدر يتحرش ويقتل ويغتصب وميقلقش يزور كام شهاده انه لسه مبلغش السن القانوني وهيطلع منها او يقضي كام سنه كده وأهل الشاب اللي مات عشان يدافع عن بنت قلبهم يتحرق ويعلموا عيالهم ان بعد كده لو شوفت بنت في الشارع بتتسحل قدامك سيبها اياكش تولع أصل لو دافعت عنها مش بعيد تتقتل زي اللي انقتلوا قبلك

تنفس معتز ليهدأ واغمض عينه بألم ثم تحدث بهدوء / أنا خايف عليكي يا شروق والله ما تحكم زي ما بتقولي ولا فرض سيطره انتي مش بتسمعي اللي بيحصل في البلد أقربها البنت اللي كانت من المعادي من كام يوم  وماتت بسبب شويه شباب لادين لهم خايف في يوم تتأذي يا شروق انتي بتتخنقي من تحكماتي وغيره انا عارف وبعتذر منك ياستي علي كده بس.....

صمت قليلا / بس مقدرش امنع خوفي ده

شروق بدموع / لحد امتي هنفضل كده لحد امتي مفيش دين بيقول كده هي دي القوارير اللي وصاكوا عليها الرسول ده احنا المؤنسات الغاليات يا معتز ده الرسول شبهنا بالقوارير اللي هي أرق شئ تيجي مش بس تكسروه لا وتدوسوا علي لحد

أمتي هتفضل البنت مرعوبه انها تنزل من بيتها لحد امتي هتودع كل ام بنتها وهي خارجه كأنها بتودعها للأبد

لحد امتي هنفضل نحط اي ذنب او اي حاجه بتحصل علي شماعه ( لأنك بنت) لاحد أمتي هنبرر لأي شاب مصيبته ان البنت هي اللي غلطانه البنت اللي انت بتقول عليها دي ( فتاه المعادي) زي ما الناس سموها ويا عالم بعدها هتكون فتاه ايه انا شوفت بعيني بيتقال عليها ايه واحد يقول ايه اللي يخليها تشتغل والتاني يقول بسبب لبسها وواحد يقولهم آه عندكم حق فعلا ايه اللي ينزلها كده وللعلم بقي في ناس حضروا الواقعه وبيقولوا ان  اللي حصل للبنت دي حصل وهي مع والدها يا معتز قدام عيون ابوها يا معتز انت متخيل وصلنا لفين فرضا ده كان بجد والدها كان معاها

صرخت وهي تبكي بشده / البنت كانت ماشيه مع والدها قام جم الشباب اللي دول شدوا شنطتها وهي مسكت في الشنطه من حظها الزفت واتفرمت تحت عجله العربيه ومكتفوش بكده لا دول سحلوها علي الاسفلت وجروها وراهم ٣ متر وهي كانت لسه عايشه وحاسه بكل وجع بكل عظمه بتحتك بالاسفلت بكل جرح جديد بينضاف لجسمها متخيل الوجع متخيل العذاب اللي عاشته والاسوء انت متخيل ابوها حالته ايه متخيل عجزه ووجعه وهو  شايف بنته اللي رباها وتعب عليها وطلع عينه في تربيتها بيحصل فيها كده شاف بنته بتدمر شاف بنته بتتعذب وتصرخ من الوجع دي بنته....... بنته اللي كان فرحها كمان شهر بنته اللي كان بيجهزها وهو بيتخيل وهو بيسلمها لعريسها دلوقتي بقي شايل كفنها علي اكتافه ولبست الأبيض بس

اختنق صوتها بالبكاء وهي تهتف / بس لبست كفنها يا معتز بدل ما يزفها لعريسها بيزفها لقبرها ايه مش كفايه كده عشان الناس تفوق ولا مستنين اما كل بيت يخسر بنت عشان الناس تفوق  وكل ده ليه لأننا عايشين في مجتمع زي الزفت مش عارف حتي يضمن ابسط حاجه للبنت وهي امانها مش عارف يخلي البنت تحس بأبسط شعور للبني ادم وهو الأمان  هيحصل فينا ايه تاني ناقص يتعمل ايه ومتعملش احنا وصلنا لمرحله هتخلي كل بنت تلعن اليوم اللي اتولدت فيه

اغمضت عينها ببكاء وهي تستغفر ربها وهمست بتعب / لامتي يا معتز لأمتي هنعيش كده لأمتي هنخاف كده

صمت معتز ولم يعرف ماذا يقول فتدخل جاسر الذي كان يستمع مع الجميع بكل انتباه لهذا النقاش

جاسر / لحد ما الدين يصحي في قلوبنا احنا في غفله ووقت ما نصحي من الغفله دي هينتهي كل اللي بيحصل ده باختصار احنا اللي بعدنا عن دينا لا عاد فيه نخوه ولا رجوله ولا احترام للدين بقي اهون شئ علينا هو دينا احنا بينطبق علينا ( جعلنا الله اهون الناظرين إلينا) والعياذ بالله يعني نخاف نعمل اي حاجه قدام الناس اما لو لوحدنا فتمام نعملها عادي ونسينا ان فيه مطلع علي ذنوبنا دي وهو اللي المفروض نخاف منه مش من الناس بقينا نعمل حساب العباد ونسينا رب العباد بقينا نخاف رأي الناس ونسينا قول ربنا والقرآن غفلنا عن سنه نبينا عشنا في غفله طويله ولحد دلوقتي لسه فيها ومش هنفوق  منها غير لما نرجع ديننا لمكانه الأصلي" لقلوبنا "

نظرت له شروق ببكاء وركضت لاحضان والدتها التي همست لها / مكنش لازم تزعقي كده معتز ابن عمك وخايف عليكي يا شروق وكل اللي قاله لمصلحتك

شروق وهي تنظر لمعتز الذي ينظر لها بحزن / عارفه يا ماما عارفه غضب عني

نظر معتز للجميع / عن اذنكم هطلع اغير

ثم صعد للاعلي ولحق  به احمد الذي تحدث بمجرود دخوله للغرفه / مكنش لازم تزعق في شروق كده هي لسه صغيره مش عارفه حاجه غير انك مكتفها

نظر له معتز بتعب وجلس علي فراشه وهو يضع رأسه بين يديه / كان فيه ميني باص بيقرب منها وهي مروحه بطريقه مريبه جدا واول ما ناديت عليها لقيت العربيه زودت سرعه وجريت كأنها كانت هتعمل بلوه متعرفش اي الي حصل فيا وقتها قلبي كان هيتخلع من مكانه لو كنت اتأخرت دقيقه بس دقيقه كان الله اعلم هيحصل ايه.

جلس احمد بجانبه وهمس له / بتحبها

رفع معتز رأسه ونظر له بصمت ولم يجيب فاكمل احمد / عاملها بحنيه بلاش العصبيه بتاعتك دي كان ممكن تفهمها بحنان وبراحه آكتر

ثم نهض وتحدث/ خلص وانزل عشان تتغدي معاها وياريت لو اعتذرت منها علي إللي عملته

نظر له معتز وابتسم له

RAHMA NABIL 美心

كان سيف يقف في منتصف  الساحه وهو يشير لمصعب بالتقدم بينما كان ابريس يقف بعيدا ويقيمهم بدقه وبدأت المعركه والجميع ينتبه للقتال كان مصعب منافس قوي لسيف وند له وليس بالهين كان سيف يقاتل بقوه وقسوه وبداخله فخر لما وصل اليه إخوته استمر القتال ولا فائز حتي الآن فمستوي الاثنان متقارب ولثواني فقط شرد مصعب فجائت اللكمه من سيف القته أرضا

نظرت له ميسره بألم / ضنايا يابني ده مش بيدربك ده بيعيد تشكليك يا غالي

ضحك عدي وهو يأكل فشار ويصرخ / آيوه كده بقي اخيرا المتعه بدأت

نظر له سيف ببسمه وأشار له ليأتي

فاشار عدي لنفسه وهو يأكل الفشار / أنا يابني....

ابتسم سيف ببرود وهز رأسه فابتلع عدي الفشار برعب واعطاه لميسره / خلي ده معاكي احتمال يبقي ذكري

ثم نظر لابريس الذي يدقق النظر بهم / مستمتع انت صح شايف ابنك بيسففنا التراب وساكت

أشار ابريس بعينه للساحه بمعني ( اذهب)

عدي بتذمر / رايح يا خويا مستعجل آوي هو يكسر وانت تجبس ده انتم عيله دمويه

دخل عدي للساحه في نفس الوقت الذي كان يخرج به مصعب فتحدث عدي / بتوجع ياض يامصعب

مصعب وهو يضع يده علي عينه التي احمرت وتورمت / أبدا ولا هتحس بيها كأن قطر فرمك بس

ربت عدي علي كتفه / ربنا يطمنك ياحبيبي روح يا خويا حط تلج

كاد يذهب فاوقفه تدي/ بقولك ايه طلعلي كيس تلج معاك

ذهب مصعب ولكن اوقفه عدي / وطلع لتاج معاك ده عيل يتيم برضو يا عيني وصغير اقولك طلع أكياس التلج كلها انا كنت عامل حسابي وحطيت امبارح اكياس تلج كتير

هز مصعب رأسه وخرج وذهب واحضر وعاء ملئ باكياس الثلج وامسك أحدهم ووضعه علي وجهه وهو يصرخ / حسبي الله فيكم يا ظلمه ده مبقاش تدريب ده بقي خرا علي دماغكم

ضحكت ميسره بشده وهي تضرب علي كتفه / اجمد كده ياض متبقاش خرع

نظر لها مصعب بجانب عينه / والنبي تسكتي انتي اللي جبتينا للهم ده ياختي يعني ضافت بيكي الدنيا وتروحي تتجوزي فرعون

ابتسمت ميسره / كل ده عشان كام بوكس من سيف امال لو شوفت اللي انا وابوك شوفناه

نظر لها مصعب من أسفل كيس الثلج / شوفتوا ايه

ميسره ببسمه / هحكيلك بعدين اتفرج بس علي عدي وهو بيتهان

ضحك مصعب ونظر لعدي الذي كان جاد جدا في القتال

عدي وهو يصد ضربات سيف / اتقي الله يا اخ سيف تغلب علي شيطانك يابني مينفعش كده

ضحك سيف بشده وهو يزيد ضرباته  وعدي يصد ضربات سيف بل ويوجه له ضربات أيضا واستمر القتال بينهم حتي سمع الجميع صراخ تاج العالي الذي هز جدران المنزل توقف الجميع برعب وركضوا للداخل حيث تاج وصعدوا سريعا وهم يبحثون عنه فسمعوا صوته مجددا وهو يصرخ / مامااااااااااااا باباااااااااا

ركض سيف مثل المجنون وهو يهتف بزعر / تاااج

وخلفه الجميع وقد بلغ رعبهم عنان السماء اتجه سيف للغرفه التي آتي منها الصوت ولكن توقف بصدمه جمدته وخلفه الجميع ينظر برعب وصدمه لما يحدث

ابريس بصدمه شديده /...........

RAHMA NABIL 美心

حبيت في فصل انهارده أعرض بس الحادثه اللي وجعت الكل حادثه( فتاه المعادي) اللي تم قتلها بطريقه بشعه جدا عشان كل شخص يقرأ البارت يدعو ليها بالرحمه وعشان محدش ينساها مريم بنت من ضمن مئات البنات اللي تم قتلها بدون ذنب........

م

ريم ( فتاه المعادي) ارجو منكم الدعاء ليها بالرحمه

لاتنسوها ولا تنسوا امواتنا من الدعاء

دمتم سالمين

RAHMA NABIL 美心

رُبَّ رَكْعَةٍ فِي جَوْفِ الّلَيْل تُدْخِل صَاحِبُها الجَنّة⁦♥️🌍

#قيام_الليل

RAHMA NABIL 美心

صلّوا على من علمنا الحُب، وآخى القلبَ بالقلب، وفتح للخير كل دربّ، اللهم صلّ وسلم على نبينا مُحمد عدد كل شيء.

RAHMA NABIL 美心

طرق احمد الباب وهو ينظر في ساعته بنفاذ صبر ففتحت له كريمه وهي تأكل خيار بكل برود / عايز ايه ياض

نظر لها احمد بتذمر وهو يدفعها / اوعي بس كده يا كريمه عشان هتترحمي علي بنتك

ثم دخل وهو ينظر حوله وتحدث لكريمه دون أن ينظر لها / هي فين فاطمه

كريمه وهي مازالت تأكل / قطيعه تقطعك انت وهي انت ياض قومتني وقطعت المسلسل عشان المعفنه دي اياكش تولع انت وهي اوعي من خلقتي كده

نظر لها احمد بفم مفتوح وهو يكاد يصاب بالشلل منها

فسمع صوت طمطم وهي تضحك وتخرج من المطبخ بطبق من التسالي وتحدثت / بطوط في الجنينه االي ورا يا حماده

ابتسم احمد وهو يلقي لها قبله في الهواء / والله انتي اللي فيهم يا طمطم قلبي

ضحكت طمطم واتجهت لغرفه التلفاز لتري كريمه بينما هو نظر للباب الذي يؤدي للحديقه الخلفيه بشر واتجه له وهو ينوي الشر  لتلك الغبيه التي تدعي فاطمه

ولكن بمجرد دخوله فتح عينه بصدمه لما يري / نهار ابوكي اسود يابنت صلاح

تحدث طمطم وهي تنظر للمسلسل / انتي سيبتيه يدخل لبنتك عادي كده ده ناوي علي قتل ياما

كريمه بعدم اهتمام / هيعمل ايه يعني هو بيموت فيها وميقدرش يمسها بشئ

ضحكت طمطم وهي تهز رأسها بيأس من كريمه التي لن تتغير أبدا

تحدثت كريمه وهي تنظر لطمطم لثواني / صحيح شيرين ماقالتش هترجع أمتي

تنهدت طمطم بشوق / لسه يا كريمه هترجع بعد شهرين لان جوزها مش هيعرف ينزل دلوقتي فهتستني إجازته بجد وحشتني اوي ياريتني ما جوزتها ليه اهو اخدها وسافر وبعدها عني

ضمتها كريمه بحنان فهي رفيقتها الوحيده في هذا المنزل بعد زواج اختها الصغيره شيرين  وسفر والده طمطم مع شيرين وبقي فقط والد نسرين ووالدتها الذين استقروا في المنصوره مع والد كريمه حيث مسقط رأسهم وتركوا كلا من كريمه وطمطم وازواجهم هنا ويأتون من وقت للآخر لزيارتهم

كريمه بحنان / إيه بس يا طمطم قلبي هو أنا قصرت معاكي في حاجه يعني

ضمتها طمطم بحب وعشق اخوي لم ينقصه الوقت / لا ياقلبي ربنا يديمك ليا يارب يا كرميلتي بس هي وحشتني اوي هي وماما

كريمه ببسمه / هانت ياستي قربت تيجي هانت خلاص

RAHMA NABIL 美心

تصنم الجميع مما رأوا حيث كان تاج ملقي أرضا بجانب الجدار والقلاده التي جاء بها ابريس كانت ملقاه أرضا وهي تصدر نور عالي جدا كان الجميع في حاله ترقب كبيره وحالة صدمه لا أحد يعرف ماذا يفعل ولكن فجأه صدم الجميع مما يروا القلادة تعرض صوره لمكان واسع جدا يبدو مثل القصر وبه أشخاص كثيرون وشخص يقف في مكان عالي بكل هيبه

نظر مصعب بصدمه ثم نظر لاخوته وخاصا سيف الذي لم ينزع عينه عن والده وابريس الذي كانت دموعه تهبط بشده وهو يري هذا المشهد امامه ويهمس ببكاء شديد / ست يا أخي

صدم الجميع من هذا اذا هذا هو عمهم اقترب ابريس باقدام تهتز من المفاجأه والصدمه وجلس أرضا بحذر ونظر للقلاده وهو يراها تعرض كل ما يحدث هو يعرف هذا المكان انها الساحه الرئيسيه للقصر ابتسم بحزن ودموعه تهبط بشده وتحدث / ست أخي هل تسمعني ارجوك فقط قل اي شئ يا أخي ست

ازداد بكاء ابريس وهو يري ان أخاه لا يسمعه أبدا بل يتحدث مع بيك فابتسم وهو ينظر لهم بحنين / بيك

اقتربت منه ميسره وضمته بشده من الخلف وهي تبتسم له وتربت علي ظهره بينما هو نظر لها وهو يمسح دموعها / ميسره انظري انهم اخوتي يا ميسره واخيرا اخوتي وبعد سنين طويله جدا

بكت ميسره عليه فضمها هو بعشق وهو ينظر للقلاده ثم نظر لابناءه وأشار لهم بالاقتراب فاقترب الجميع وجلسوا علي هيئه دائره حول القلاده واخذ ابريس يشير لهم علي الاشخاص ويعرفهم بهم

تحدث سيف بفخر / عمي شكله شخصيه عظيمه

ابتسم ابريس بحنين وهو ينظر للقلاده /جدا يا سيف جدا عمك ده هو عيلتي كلها

ابتسمت ميسره وهي تشير للقلاده / البت ننوسه اهي

ضحك ابريس بشده وكاد بجيب لولا صافره مصعب وهو يقترب ويزيح عدي / اوعي ياض كده شويه ده فيه شويه حتت مستورده هناك إنما ايه

ضحك ابريس وضربه علي رأسه / دي مرات عمك يا معفن

حك مصعب رأسه بألم / انت مش شايف عامل ازاي  أمال عيالهم عاملين إزاي لا ده احنا نروحلهم نااااو

ضحك ابريس وأعاد نظره للقلاده وهو ينظر بدقه لما يحدث هناك وشوق يكاد يقتله ولكن فجأه توقف الجميع علي صوت عالي وفتاه تدخل القاعه بكل كبرياء لم يكن وجهها واضح كثيرا ولكن سمع الجميع حديثها

اقتربت تلك الفتاه من الرجل الذي يحادث والدها وتحدثت بجمود / اذا اردت الاحتفاظ برأسك يا هذا تحدث مع ملكك باحترام

نظر لها ذلك الرجل / ماذا اليس هو من وضع يوم الشكوي وانا اقدم شكوتي ل....

لم يكن قد اكمل حديثه حتي وجد سيفها يكاد يقسم رقبته نصفين وهي تتحدث ببسمه مرعبه وتقترب منه وتهمس / باحترام....... تقدم شكوتك بكل احترام والا جعلتك تخرج حاملا رقبتك اللعينه تلك

تدخل احمس وهو ينظر لست الذي يبتسم بسخريه / نازيا توقفي عن هذا واخرجي هذه شئون الملك

نظرت له نازيا وهي ترفع سيفها ثم ضربت الرجل بقدمها وخرجت بكل تكبر وهي تبتسم بسخريه بينما مسح ست وجهه بملل من ابنته العنيده تلك ونظر لذلك الرجل بشر / اسمع يارجل لن اغفر لك تبجحك أمامي بل واهانتك لي ولجميع الاسره الحاكمه سوف تعاقب علي ذلك ولكن اولا سوف أجد حلا لمشكلت لست ذلك الملك الظالم وا........

قاطع حديثهم دخوله بكل هيبه ورجوله طاغيه فنظز له ست ببسمه وتحدث /حوني

أمال حوني جسده في حركه لا تكاد تري وهو يتحدث / مولاي طلبتني

ابتسم ست بفخر علي ابنه البكر وطاعته / نعم يابني

ثم أشار للرجل / اتمني ان تذهب مع هذا الرجل لقريته وتري ما مشكلة الجميع هناك

نظر حوني للرجل ببسمه بارده وأشار بيده/ اتبعني يا سيد لنري ما هو الأمر

نهض الرجل وتحرك برعب شديد بجانب حوني المعروف بقوته وهالته المرعبه في البلاد اجمع الجميع يخاف منه وبشده بسبب شراسته الكبيره بينما حوني يسير يكل كبرياء بجانبه ولا يهتم لأي حد أبدا

نظر ست لخروج ابنه البكر ثم جلس بتعب علي مقعده / آه يا احمس لقد تعبت من كل هذا متي ينتهي هذا

احمس بحنين / عندما يحين وقت العوده ست

نظر له ست بحنين وشوق ودموع تتلألأ في عينه وبشده وهمس بصوت اجش من كم المشاعر التي تسكنه / اشتقت لك يا اخي

علي الجانب الاخر

تحدث ابريس ببكاء / اشتقت لك اكثر يا أخي اشتقت لك وبشده

ضمته ميسره بشده وهي تربت علي كتفه

بينما تحدث مصعب بهمس لعدي / شوفت البت الصاروخ اللي دخلت ده الراجل كان هيعملها علي نفسه من الرعب لا رجاله رجاله يعني

ضحك عدي بيأس علي اخيه بينما سيف كان نظره ثابت لا يتحرك عن القلاده وهو ينظر لعمه بدقه وتركيز

RAHMA NABIL 美心

احمد وهو يركض للطاوله التي توجد في منتصف الحديقه ويرفع من عليها غطائها ثم يلقيه علي فاطمه دون حتي ان ينظر فزعت فاطمه وصرخت برعب وضمت الفراش لها وتحدث بخوف / انت بتعمل ايه هنا وازاي تتدخل كده

نظر لها احمد بشر وهز رأسه ببرود مرعب / تؤ تؤ السؤال هنا انتي بتعملي ايه هنا بلبسك ده هو انتي قاعده في اوضتك ده انتي في الجنينه يا انسه يا محترمه يعني اي حد يقدر يشوفك من البيوت اللي حوالينا

صمتت فاطمه لدقائق وهي تفكر هو محق في حديثه ولكن هي أكيد لن تظهر امامه ذلك فنظرت له بنظره غير مباليه / وايه يعني هو انا لابسه ايه ده بنطلون وتيشرت عادي ده فيه بنات بتمشي بيه عادي

ثم قالت بخبث / ده انا حتي كنت هقول لبابا اني البسه في..... ااااااااه

لم تكمل كلامها بسبب هجومه وركله الطاوله بشده فصرخت برعب من نظراته وهو يهمس لها / ابقي بس فكري عارفه مجرد فكره تيجي علي بالك كده وهوريكي شياطيني اللي ببعدهم عنك بالعافيه يا فاطمه انتي فاهمه جسمك ده يبان منه سنتي واحد هولع فيه شعرايه واحده تخرج من حجابك هقصهولك فاهمه

صمتت فاطمه وهي تنظر له برعب فصرخ بها / فااااااهمه

هزت فاطمه رأسها برعب فنظر لها بشر ثم خرج سريعا قبل أن يتهور ويقتلها ثم يقتل نفسه وبمجرد خروجه من المنزل امسك هاتفه وتحدث / آيوه يا سيف..... تمام هستناك متتأخرش..... هقولك لما تيجي

ثم أغلق الهاتف وزفر بضيق شديد وصعد لسيارته وهو ينظر للمنزل بشراسه وكأنه ينظر لفاطمه

انطلق احمد بسيارته التي اصدرت صوت احتكاك قوي بينما في الداخل كانت فاطمه تنظر للباب حيث خرج فابتسمت بخبث / ولسه يا احمد اما خليتك تيجي وتقولي كده بعشقك مبقاش بطوط

نظرت للمفرش الذي يغطي جسدها فابتسمت وهي تضمه وركضت لغرفتها ودخلت وهي تلقي جسدها علي الفراش وتبتسم بحنين وهي تهمس بعشق / بعشقك يا احمد بعشقك

ابتسمت وهي تتذكر طفولتها حينما كانت تحب عدي او هكذا كانت تظن وقتها لم تكن تهتم لأحمد أبدا ولكن كل شئ تغير منذ ذلك اليوم الذي ضمها به في المشفي عندما تمت اصابه تاج ذلك اليوم غير نظرتها كليا لأحمد وبدأ قلبها الصغير يعتبره سندها وحمايته ومع الوقت بدأ قلبها يغير مشاعره لتتحول من اخوه لحب ثم عشق علي الاقل من جهتها لم تصدق يوم دخل عليها والدها وهو يخبرها ان عمها جاسر واحمد بالخارج وجاءوا لخطبتها وقتها كادت تجن وهي تصرخ وتركض في أنحاء الغرفه وعندما هبطت وهي تنظر أرضا من الخجل سمعت صوت والدتها التي تضحك بشده عليها وتسخر منها وقتها لم تسمع اي شئ سوي همسه منها عندما اقتربت منه وقال لها بنبرته التي تنشر الرعشه في جسدها / قولتها مره وانتي صغيره وهقولها تآني انتي بتاعتي يا فاطمه

تنهدت فاطمه قليلا هي تعلم انه يحبها ولكن حب تملك فقط غبيه لا تعلم انه يهيم بها عشقا وتملكه هذا ما هو إلا طريقه للتعبير عن حبه الكبير لها

RAHMA NABIL 美心

خرج عدي بسرعه من غرفته ومعه تاج الذي خرج في نفس الوقت وهم ينظرون لبعضهم بغباء ما هذا الصوت العالي فهناك صوت اغاني تكاد تصم الاذان ركض الاثنان وقد نسوا انهم يرتدون ثياب نومهم وكان منظرهم مضحك ولكن بمجرد ان وصلوا لمصدر الصوت وجدوا مصعب أيضا يرتدي ثياب نومه والتي هي عباره عن شورت فقط ويرقص بطريقه غبيه وهو يحتضن المكنسه ويهتز بسرعه علي الاغنيه الحماسيه التي يسمعها وقد كانت اغنيه اجنبيه يتم فيها الرقص مع تحريك الوسط سقط عدي أرضا من الضحك ومعه تاج الذي ضحك بصخب علي حركات مصعب المضحكه نظر لهم مصعب بتذمر ثم اخذ يحرك وسطه وهو يغيظهم فنهض عدي وركض وصعد بجانبه علي الاريكه وهو يهز وسطه مثل مصعب ويضحك بصخب ويغني مع الاغنيه ومصعب يغني بصخب فهز تاج كتفه وانضم لهم ووقف علي الاريكه واخذ يتحرك مثلهم في حركات مضحكة جدا ويتمايلون علي اغنيه (shake it off)

التي تشتهر برقصه معينه فاخذ الثلاثه يرقصون عليها بمهاره عاليه وهم يضحكون فجأه شعروا بأحد يصعد بجانبه فوجدوه سيف الذي غمز لهم واخذ يرقص معهم بجنون والجميع يضحك ويرقصون بحركات مضحكه خاصه مصعب الذي بدأت حركاته تزداد جنونا

مصعب بصوت عالي / وسلااااام حاير طاير للمعلم سيف اللي منورنا

ضحك سيف وسقط أرضا من الضحك علي حركات إخوته نعم فسيف ليس جبل او صخره او جزار كما يصفه البعض حسنا هو كذلك فعلا ولكن ليس معهم مع أبناءه مع احب الاشخاص لقلبه بل يتحول لطفل صغير وينسي اي حدود او اي تعقل معهم يشاركهم جنونهم لحظه بلحظه ليصنع ذكري سعيده معهم

وبينما الجميع يرقص بجنون سمعوا صوت ميسره وهي تتحدث / اتفضلو مفيش حد في الصالون

نظر الاربعه لبعضهم برعب ثم نظروا لثيابهم والتي لم تكن سوي شورت فقط ماعدا سيف الذي نهض وعدل من بذلته بكل كبرياء وغمز لهم / استأذنكم انا يا جماعه

ثم خرج من الغرفه وقابل والدته وابتسم لها وهو يقبل خدها وخرج سريعا بينما هي دخلت للغرفه التي يوجد بها الثلاثه وفتحت فمها بغباء لما تراه

فقد كان هناك جسد لم يتضح ما هو يقف خلف الستاره وتظهر قدمه وايضا جسد اخر لا بل جسدان يضعان جسدهم في غطاء الاريكه فقد فتحوا سوسته الاريكه وادخلوا اجسادهم في الغطاء والان تبينت ان مصعب وتاج كلاهما يضع جسده في غطاء الاريكه اذن من خلف الستار هو عدي

تحدثت ميسره ببلاهه وهي تنظر لهم وقد نست انها أحضرت ضيوف معها هنا / انتم بتعملوا ايه

نظر مصعب لتاج الذي يقابله من الجهه الاخري / ده ده ده آه صح ده تاج

ميسره / ياراجل ده تاج

مصعب وهو يغمز لتاج / آه مش انت لما كشفت علي وجع ضهري قولتلي اعمل تان

ميسره بحاجب مرفوع / تان تحت غطا الكنبه وحيات امك انت وهو

مصعب وهو يبتلع ريقه ثم تحدث / اسكتي مش ده اللي اسمه العلاج الطبيعي صح

نظرت له ميسره بحاجب مرفوع فاكمل هو / أمال شكلك مش مصدقه بصي هفهمك الكنب ده مصنوع من ايه مش من الخشب والخشب ده منين مش من الشجر والشجر ده من الطبيعه يبقي ايه علاج طبيعي

ميسره وهي تهز رأسها / آه طب والأخ اللي ورا الستاره ده بيعمل علاج طبيعي

نظر مصعب جهه عدي الذي اخرج رأسه وابتسم بغباء / آه ده ده ده آه ده كان بيرقي البيت عقبال عندك أصله حس ان فيه طاقه سلبيه في البيت يعني مثلا انا مبقتش اعرف اشقط زي زمان وعدي يا حبه عيني مبقاش بياكل غير خمس طقات بس والأخ تاج اليتيم ده بقي محسود ومصفر كده وسيف ده بقي اللي قطع قلبي الغالي ابن الغالي مبقاش زي زمان تخيلي يا ميسره تخيلي دخلت اوضته ومعمليش حاجه آه والله زي مابقولك ولا ضربني ولا هزقني قالي اطلع عشان تعبان قوم ايه بقي جه شيخنا البركه بتاعتنا عدي قال لازم ارقي البيت وابخره وقرر يبدأ بالستاير زي ما انتي شايفه كده

هزت ميسره رأسها فاكمل مصعب /اقنعتك ولا باين اني بهبد

كادت ميسره تجيب لولا صوت الضحكات خلفها مد مصعب رأسه ونظر وجد سيدتان كبيرتان وثلاث فتيات فاخفض وجهه / يا فضيحتك يا مصعب يوم متتقفش تتقفش مع تاج تحت غطا الكنبة وقدام ثلاثه من المزز

ضربة تاج بقدمه فتأوه مصعب ونظر له بتحذير

فزفرت ميسره بضيق وتحدث للنساء ببسمه / اتفضلوا معايا الجنينه اللي ورا جوها تحفه اتفضلوا اتفضلوا

خرجت النساء وهن يضحكن بينما نظرت لهم ميسرة بتوعد وخرجت خلفهم 

بعد خروجهم خرج الثلاث شباب من أماكنهم وركضوا للاعلي وهم يضحكون بشده

RAHMA NABIL 美心

وصل سيف لمكانه الخاص مع احمد وهبط ونزل درج ما حتي وصل لمنطقه منخفضه امام النيل بها صخره كبيره يجلس عليها احمد فجلس بجانبه وهو ينظر له بشرود فتحدث احمد بغمزه / عجبتك

ضربه سيف في كتفه وهو يتحدث / انت هتقلب علي مصعب ليه كده

ضحك احمد بشده / والله الواد مصعب ده عايشها ومش شايل هم شئ جدع والله

صمت سيف وهو ينظر للنيل امامه بشرود كبير وطال صمته حتي قاطعه احمد وهو ينظر للنيل ببسمه / عايز تقول حاجه؟؟

تحدث سيف بلا مقدمات / جه الوقت اللي هنرجع فيه

التفت احمد له سريعا وهو يبتلع ريقه ويهمس له رغم معرفته / ترجع فين؟؟

نظر له سيف بحزن هو يعلم انه سيتحطم فهو رفيقه الوحيد منذ الصغر / هنرجع تآني يا احمد القلاده عطتنا اشاره وجه الوقت

تحطم قلب أحمد تماما أخيه وسنده سيتركه نظر احمد للنيل ثواني وهمس بصوت خرج بصعوبه / أمتي؟؟

سيف وهو ينظر له بحزن / لما القمر يكتمل هي اشتغلت انهارده بس التنقل مش بيتم غير مع اكتمال القمر

هز احمد رأسه وصمت وهو ينظر امامه بصمت دام طويلا استمر الهدوء ولا يقطعه سوي صوت تلاطم المياه بجوانب النيل وصوت الطيور التي تحلق فوقهم نظر سيف لأحمد بوجع وجده يحاول ان يبعد وجهه عنه وينظر بعيدا حتي لا يلاحظ سيف مايحدث ولكن عمن يختبئ هذا صديقه وأخوه الأقرب له الذي يعرفه اكثر من نفسه استمر احمد ينظر بعيدا وهو يغمض عينه بشده لا يصدق كان يعلم انه يوما ما سيذهب سيف فمنذ اخبره سيف بكل شئ وهو يخشي هذا اليوم ولكن لم يتوقع ان يكون بهذه السرعه اهتز قلب أحمد بشده واشتدت غصه البكاء في حلقه ولم يعد يتحمل وفجأه جذبه سيف لاحضانه بشده وقتها انفجر احمد الذي ولأول مره يبكي لم يبكي سابقا ولكن بحق الله هذا نصفه الاخر وأخيه الوحيد رغم وجود معتز الا ان سيف يختلف تماما بكي احمد بشده وهو يضم سيف وعلت شهقات احمد بشده وسيف يزيد من ضمه وهو يحاول ان يمنع نفسه من البكاء يجب أن يتماسك بينما احمد كان يضمه بشده وهو يهمس بكلمات متقاطعه لا يستطيع أن يجمع كلماته / هتسيبني ومش هشوفك.... هتمشي..... مش هترجع تآني صح...... خلاص يا سيف مبقاش ليا سند.... هيبقي الحمل كله عليا... الكل كان معتبرك كبيرهم واي حاجه يجوا ليك انت رميت الحمل ده عليا..... مش هشوفك تآني.... مش هقعد معاك.... مبقاش ليا حد

لم يتحمل سيف وسقطت دموعه بشده وهو يهمس له / هوصلك يا احمد وهكلمك علي طول صدقني اعتبرني مسافر وهنتواصل والله هعمل المستحيل عشان اوصلك

احمد ببكاء / لو مسافر هيجي يوم وترجع بس انت مش هترجع صح؟؟؟

صمت سيف وهو لا يمكنه التحكم في دموعه فهمس احمد له مجددا / صح؟

سيف / مش عارف والله يا احمد محدش عارف ايه اللي هيحصل بس إللي عارفه

ابتعد عنه وامسك يده ونظر في عينه/ اللي عارفه انك قد المسئوليه وعمر المسافات ولا اي زمان يفرقنا فاهم يا احمد دايما مع بعض ودايما سوا حتي لو المكان والزمان اختلف هنلاقي طريقه نوصل لبعض هنلاقي نقطه تجمعنا فاهم

اغمض احمد عينه بوجع فقد حان وقت الفراق...

RAHMA NABIL 美心

كان تاج يجلس مع عدي وهم يشاهدون المباراه

عدي بعصبيه / يابني انت أحول ده لو انا لعبت هلعب  احسن منك ايه القرف ده

نظر له تاج بملل وامسك كتابه واخذ يقرأ ولكن فجأه دخل صاروخ وهو يحدث ضجته المعتاده / هات يا عدي الريموت بسرعه عشان فيه برنامج حلو هيبدأ

نظر له عدي وهز رأسه برفض / انسي لما الماتش يخلص ابقي اتفرج علي إللي انت عايزه

نظر له مصعب  بتذمر / هات بقي بطل رخامه يا جدع

عدي وهو يمسك الريموت ويرفعه / لا مش هديه ليك واهدي بقي عشان متعصبش آكتر

زفر مصعب وهز رأسه ثم اوهمه انه ذاهب ولكن في ثواني كان يقفز علي عدي الذي اخفي الريموت بسرعه ومصعب فوقه وهو يصرخ به / يابني هتغابي عليك هات ام الريموت وابقي اعرف النتيجه من اي زفت علي دماغك هااااااات بقي

عدي بعصبيه وهو يرمي مصعب بحده/ اوعي ياض يا عجل انت هتجبلي الغضروف

مصعب بسخريه / وايه يا عني يا شيخنا هو إنت بتلعب في الأولمبياد ولا إيه ده انت مأذون اربعه وعشرين ساعه علي الكرسي

عدي وهو يبعد الريموت عنه ومصعب فوقه / طب اوعي كده بدل مالشيخ ده يدعي عليك دعوه تجيب اجلك اوعي  يا جوجل ترانسليت

ضحك مصعب بسخريه / بس ياض جوجل ترانسليت ده البنات هتموت عليه

عدي بغمزه / باماره القطعه الروسي

عض مصعب شفتيه / بنت المعفنه بتفكرني ليه بس ماصدقت تخطيت الصدمه والجرح

ضحك عدي وكاد يجيب ولكن سمعوا صوت صوت ميسره النتي تتحدث من الخلف / اخص عليكم تربيه زباله قوم ياض انت وهو

نظر الاثنان لميسره فوجدوها مازالت مع ضيوفها فابعد عدي مصعب بحده وهو ينهض ويحاول ان يهندم ثيابه / احم ده ده

ميسره بسخريه / إيه مصعب كان محسود فبترقيه

عدي ببسمه غبيه / إيه ده ماشاء الله عليكي يا ميسره

زفرت ميسره واشارت لسيده ما / الست ام الهام كانت بس عايزاك تشوف الهام وتقرأ عليها قرأن

نظر عدي بتعجب للفتاه التي تشير لها والدته فوجدها تنظر له ببسمه ثم اخفضت نظرها / آيوه يا ميسره بس انا مش...

لم يكمل كلامه الا وقاطعه مصعب / ميسره انا ممكن اقرأ عليها عادي

السيده بتعجب / انت شيخ برضو

مصعب ببسمه غبيه / لا بس انا حافظ ايه الكرسي

ضربه عدي علي رقبته من الخلف ثم نظر للسيده بجديه/ تمام اتفضلوا

أشارت له ميسره / خدها لاوضه الضيوف افضل

هز عدي رأسه / تمام بس تعالي معانا يا ماما انتي ووالده الانسه

السيده / ليه مش الأفضل انكم تكونوا لوحدكم عشان تعرف ترقيها كويس

استغفر عدي ربه / مين اللي قال لحضرتك الكلام ده

ثم نظر لميسره / يا أمي

هزت ميسره رأسه / تمام تعالي معايا يا ام الهام يلا يا عدي

ثم نظرت لمصعب / وانت اهدي شويه وارحم

غمز لها مصعب بشقاوه / دعواتك ياست الكل انا نفسي اتوب والله

ضحكت ميسره بيأس وخرجت مع الضيوف وعدي

بينما نظر مصعب لتاج الذي كان يضحك عليهم / الناس هتشك فيكم والله

زفر مصعب بعدم اهتمام ثم امسك الريموت واخذ يقلب بين القنوات وهو يبحث عن البرنامج الذي يتابعه حتي وجده فابتسم وكاد يمد يده ليأكل من التسالي امامه فتحدث تاج بتحذير / عدي هيجي يقرقشك انت لو لمستها

نظر له مصعب بخوف ورفع يده مجددا ونظر للتلفاز وهو يتابع باهتمام

تاج ببسمه / اول مره اعرف انك مهتم بالعلم ومهتم تتابع البرامج العلمية

مصعب وهو يركز مع التلفاز / علم ايه وهبل ايه انا بتفرج عشان المزه اللي بتقدم البرنامج بس

ثم ختم كلامه بغمزه

فنظر له تاج بملل وهو يكمل قراءه للكتاب بينما مصعب يصفر بحماس / شوفت بقي كان هيفوتني ايه لو مكنتش جبته اهي الحلقه دي لابسه ميكروجيب بارك الله فيكي اختي في الله

ضحك تاج وهو يهز راسه بيأس / ربنا يهديك

RAHMA NABIL 美心

خرج محمد من الجامعه وهو ينظر لساعته وابتسم وهو يتجه للسياره ويهمس لنفسه / جايلك يا طمطم قلبي يارب تكون عملت المكرونه اللي بحبها

ولكن قبل ان يصعد للسياره سمع احد يناديه فنظر خلفه بتعجب وجد تلك الفتاه التي تدعي مروه تقترب منه فابتسم لها برسميه وتحدث / آيوه اتفضلي يا انسه مروه

مروه ببسمه وتوتر / أنا بس كنت حابه اشكر حضرتك علي....

صمتت وهي تحاول أن تجد الكلمات ثم تحدثت ببسمه أظهرت تقويمها / حضرتك انهارده بجد شجعتني و وو

لم تعرف ماذا تقول شتمت نفسها علي غبائها بماذا كانت تفكر وهي تنادي عليه

ابتسم محمد علي توترها / عفوا يا انسه مروه ده واجبي من واجب الدكتور انه يشجع الطلاب ويقف معاهم ويحفزهم ده واجبنا

هزت مروه رأسها / آيوه بس حضرتك اول حد يعمل كده ويساعدني

ابتسم محمد / طب ياستي من دلوقتي لو اي حاجه احتجتيها اعتبريني اخوكي تمام

رفعت هي عينها ونظرت له / اكيد وشكرا لحضرتك عن اذنك

ابتسم محمد / اتفضلي

ذهبت مروه وهي تنظر له وتشير بيدها وهو يشير بيده لها ولكن فجأه اصطدمت في عمود فنظر محمد لها بخوف ولكن هي نهضت بسرعه وهي تعدل من وضع نظارتها ظانا كويسه كويسه

ثم ركضت بعيدا باحراج

ابتسم محمد وهز رأسه ثم صعد لسيارته وهو يبتسم ويتجه لمنزله حتي وصل بعد دقائق وهبط ودخل المنزل ولكن بمجرد دخوله حتي وجد خف يصطدم بوجهه فنظر وجد فاطمه تقف اعلي الطاوله وامامها كريمه تصرخ بها وهي تنظر بشر

نظرت كريمه لمحمد / ارمي ياض الشبشب اللي عندك ده

فاطمه وهي تشير له / لا يا محمد لا

خلعت كريمه الفرده الاخري / يا سلام هو أنا هغلب ده انا هنزل شباشب البيت شبشب شبشب علي دماغكم انتم الاتنين

ودون مقدمات كانت تلقي بالفرده الاخري علي محمد الذي انحني بسرعه وركض لاحدي الاراكي / اهدي بس يا كريمه مالك كده طايحه في الكل انا عملت ايه انا لسه جاي من الجامعه دلوقتي

كريمه بعصبيه /بقي انتم يا عرر تخلصوا باقه النت وهي مبقلهاش يومين مشحونه يا جذم طب والله لاغير الباسوورد

تحدث محمد بصدمه / كل ده عشان باقه الواي فاي يا كريمه

كريمه بسخريه / آه ياروح..... كل ده عشان الواي فاي مهو واحده اربعه وعشرين ساعه بتسمع في اغاني حزينه وعايشه في دور الكآبه ولا نيلي كريم والتاني عمال يحملي في مراجع وكتب ولا كأننا عايشين مع احمد زويل في البيت عارفين انا هجدد الفاتوره واقسم بالله اللي هشوفه قاعد علي النت هعلقه علي باب البيت انتم فاهمين

يا جذم

ثم تركتهم وصعدت للاعلي بينما جاءت فاطمه وجلست بجانب محمد وتخدثت بخفوت / امي انجنت

هز محمد رأسه وهو ينظر لاثر كريمه  / أخدت بالي

RAHMA NABIL 美心

سامر وهو يزفر بضيق / يا حاجه نيره اسمعيني بس وصلي علي النبي بنت ايه بس اللي اروح اتجوزها يا حاجه هو أنا هبور جنبك ده انا ٢٨ سنه يا ستي ولسه شاب ولسه مش عندي استعداد اني اتجوز حاليا وكمان انا مش هتجوز اي جواز كده وخلاص هتجوز اللي تدخل قلبي واحبها بجد يعني انتي مثلا اتجوزتي بابا كده وخلاص ولا عشان حبيتوا بعض سيبيني بقي اختار اللي هعيش حياتي معاها

نيره بجهل / آيوه يعني مش هتتجوز سهيله

جز سامر علي أسنانه بغضب / يا مثبت العقل والدين يارب طب وبالنسبه للخطبه اللي لسه قايلها مكلتش  معاكي خالص

نيره / أنا مبعتمدش خطب هو هتتجوز ولا لا

سامر / لا

نيره وهي تنهض / طيب خليك اياكش متلاقي كلبه تعبرك يا معفن انت

نظر سامر في اثرها وضحك عليها ثم نظر بجانبه لشروق التي كانت شارده فاقترب منها وضمها بحنان / قمري ماله سرحان في إيه

ابتسمت له شروق وهزت رأسها / مفيش حاجه بس كنت بفكر اني زودتها آوي مع معتز هو في الاخير كان خايف عليا

نظر لها سامر وابتسم ثم نهض وجذبها / طب ياستي تعالي نروح نقعد معاهم ونعتذر منه يلا

نظرت له شروق بتردد فجذبها هو وذهب بها لمنزل جاسر

وجلس مع الجميع بعد الترحيب بهم وبدأ الجميع يتحدث في أمور مختلفه وأحاديث جانبيه ثواني وانضم حسام ونيره للجميع ونهضت نيره مع نسرين لتجهيز العشاء وجلس الجميع في جو من البهجه والسعاده وقد اعتذرت لمعتز الذي قابلها ببسمه حنونه وقبل اعتذارها بل واعتذر هو لها علي تدخله في امورها

RAHMA NABIL 美心

وقف ابريس اعلي المنزل وهو ينظر للقمر ويهمس / اقترب موعد لقائنا يا أخي اقترب كثيرا

ثم ابتسم وهو يتذكر أخاه والشاب الذي كان معه لا بد انه ابنه ابتسم اكثر وهو يتحدث / يبدو أن هناك ست اخر يا أخي

كان ابريس متشوق جدا لرؤية الجميع وابنائهم وقد لاحظ نفس الفضول علي وجوه أبنائه بعدما انغلقت القلاده

وأثناء شروده شعر بيد تعانقه من الخلف وميسره تهمس له / بماذ يشرد فرعون قلبي

اخذ ابريس نفس بشرود وهمس لها / اخشي من القادم يا ميسره

ميسره وهي تستدير لتقف امامه وامسكت يده وقبلتها بحنان / ومما انت خائف ونحن دائما معا انا وانت والفرسان الاربعة أليس هكذا تناديهم دائما

ابتسم ابريس وقبل جبينها بحنان وضمها بشده / آه يا قلبي سوف اظل عمري كله اسجد شكرا لله علي هذه النعمه انتي وابنائي اكبر نعمه لي

صمت قليلا ثم همس لها / ميسره

ميسره وهي تغمض عينها وتهمم / همممم

ابريس بتردد / هل...... هل إذا لزم الأمر بقائنا هناك للأبد هل ستوافقين علي ذلك ام لا

صمتت ميسره ولم تجيب وطال صمتها كثيرا نظر لها ابريس بقلق / ميسره هل ستوافقي ام لا

نظرت ميسره لعينه وهمست /........

RAHMA NABIL 美心

يارب يكون الفصل عجبكم لاني الصراحه مكنش عندي وقت كتير اكتبه مش عارف الاحداث هتعجبكم ولا لا بس ابشركم باحداث نار بإذن الله في الفصول الجايه وبعتذر عن التأخير بس انت خلصت المحاضره بتاعتي المغرب ومقدرتش اكتب قبل كده

دمتم سالمين

RAHMA NABIL 美心

١- "قد يدعو العبد ربَّه في حاجة، فيفتح الله عليه من لذة مناجاته ما كان أحب إليه من تلك الحاجة."

٢- "سيُعطيكَ الذي تدعوهُ حتَّى ‏تَرى الأحزانَ قد عادت نعيمًا."

٣- "عِجاف الأيّام يعقُبُها يوم الغوثِ وإن طالت."

٤- "اطلبوا الله كُل أمانيكم حتى تلك المُستحيلة منها، الله يُعطي بلا حد ولا قياس."

كل المدائح والمحامد تبتغي

شرف الوقوف على جناب المصطفى

صلى عليك الله يا عَلم الهدى

وعلى الصحاب ومن أطاعك واقتفى

RAHMA NABIL 美心

رفعت ميسره نظرها لابريس وصمتت لدقائق طويله وهي تفكر بينما توتر جسد ابريس كليا هل يمكن أن ترفض وماذا سيفعل ان رفضت هل يجبرها علي المجئ معه... نعم نعم سيجربها هذا هو الحل فهو من المستحيل ان يتركها تبعد عنه ولو ثانيه واحده قاطع تفكيره حديث ميسره / لو وانت جاي هنا كان احمس قالك ان ذهابك بدون عوده وانك مش هتقدر ترجع ليهم تآني وان بمجرد ما تدخل العالم ده عشاني هتخسرهم كلهم ومش هتعرف توصلهم تآني

زفرت أنفاسها لتهدأ / كنت هتتردد انك تيجي ليا

مدت يدها وامسكت وجهه ونظرت في عينه / جاوبني يا ابريس كنت هتتردد انك تيجي هنا ليا وتعيش معايا هل كنت هتفكر انك تتراجع

بدون تردد هز ابريس رأسه برفض فابتسمت ميسره بشده واقترب منه وقبلت خده بحنان شديد / كده وصلك ردي يا ابريس

ثم تركته وهبطت للاسفل بينما هو نظر في اثرها ببسمه كبيره وهمس / اعشقك يا شمسي لا بل أصبحت اهيم بكي يا جميلتي

ثم ذهب خلفها بينما ميسره كانت تهبط الدرج ببسمه حتي وصلت للطابق الأرضي فانمحت الابتسامه تلقائيا عن وجهها وهي تري مطبخها تعمه الفوضي وعدي يقف به وهو يعد الطعام وخلفه فوق الطاوله يجلس مصعب وهو يضع اللاب توب علي قدمه ويتصفحه و تاج يجلس علي مقعد امام الطاوله وهو يحمل كتابه بينما كان سيف يتمسك بحامل الباب وهو يقوم بعمل تمارين رفع الجسد

نظرت ميسره في المطبخ بجنون وثواني وكانت تصرخ / مطبخيييييييييييي

RAHMA NABIL 美心

كان أحمد يتسطح علي فراشه وهو ينظر للسقف لم يتخطي الصدمه بعد لم يستوعب فقدان أخيه زفر بضيق وهو يحمل هاتفه وبدون وعي ضرب بعض الأرقام ووضع الهاتف علي اذنه في انتظار الرد ثواني وكان صوتها يبرد نيران قلبه عندما سمعها تهمس باسمه متعجبه / احمد

اغمض احمد عينه بتعب وتحدث بصوت مثقل / تعبان يا فاطمه خليكي معايا لحد ما انام مش عارف انام وانا بفكر كده مش عايز افكر أساسا يا فاطمه خليكي معايا

فاطمه بصوت مدهوش / مالك يا احمد وصوتك ماله انت تعبان

زفر احمد بارهاق / تعبان اوي خليكي معايا ارجوكي عارف انك مش طيقاني أساسا بس....

لم يكمل حديثه حتي وجدها تقاطعه / أنا معاك يا احمد انا معاك انت بس قول اللي انت عايزه وانا معاك بس بالله عليك متزعلش نفسك صوتك زعلان اوي

همس احمد /هيكسرني يا فاطمه غيابه هيكسرني

فاطمه بتعجب / مش فاهماك يا احمد هو مين ده وغياب مين

هنا هبطت دموع احمد وهو يتحدث بصوت مخنوق /مخنوق اوي يا فاطمه هيسيبني لوحدي ومش هشوفه تآني طب لما ازعل هروح لمين واحكيله ولما اتخانق معاكي هروح لمين يهديني لما الدنيا تضيق بيا مين اللي هياخدني في حضنه ويقولي انا جنبك ها طب انتم بلاش انا ده ده كان سندكم كلكم مره واحده بكل انانيه يمشي كده ويسيبكم ها مش بيقول انكم أولاده هيسيبكم.... هيسيبني انا انكسرت يا فاطمه كسرني

تركته فاطمه يفرغ شحنه حزنه كلها ومن حديثه فهمت انه يتحدث عن سيف ولكن الي اين سيرحل سيف هي لم تفهم لم تقاطعه وهي تسمعه يبكي من يصدق انه سيأتي اليوم الذي تستمع فيه لبكاءه احمد الجبل كما تسميه ولكن يبدو أن الجبل تصدع وعلي وشك الانهيار تحدثت فاطمه عندما شعرت ان بكاءه يزداد فهو لم يبكي سابقا ويبدو انه وجد السبب ليفرغ شحناته كلها فهو في النهايه بشر مثلنا تحدثت فاطمه بحنان / لو هو سابك انا جنبك ومعاك علي طول يا احمد ومش هسيبك أبدا لآخر العمر جنبك كلنا جنبك وكلنا معاك وانت هتبقي الكبير بتاعنا ها سامع يا احمد كلنا مع بعض دايما ومحدش هيسيب حد لان كلنا اخوات من صغرنا

مسح احمد دموعه وتحدث بسخريه/ وحيات امك اخوات مين يا اختي هو فيه اخ هيبوس اخته

صدمت فاطمه من حديثه الوقح وصرخت به / يبوس مين انت عمرك مابوستني

ابتسم احمد بعبث وهو يحاول ان ينسي ما حدث / باعتبار ماسيكون ده انا هه.....

لم يكمل كلامه حتي سمع صوت إغلاق المكالمه فضحك وهو يهز رأسه بيأس وهمس لنفسه / برضو هبوسك يا بطوط

بينما فاطمه من الجانب الاخر كانت تحدق في الجدار بصدمه وهي تفكر / ده أحمد اللي كنت بكلمه ولا حد تاني يكون رديت علي مصعب وانا مفكراه احمد آه صحيح

ثم أمسكت الهاتف بكل غباء وهي تنظر للاسم / لا أحمد اهو أمال ايه يكونش احمد اتعدي من مصعب

زفرت بضيق وهي تلقي نفسها علي الفراش وتنظر للسقف وعلي الجانب الاخر كان احمد يفعل نفس الشئ وهو يبتسم بحب

RAHMA NABIL 美心

كان محمد يجلس علي فراشه وهو يتصفح الهاتف الخاص به ويبتسم علي بعض المنشورات التي يقرأها علي صفحته الشخصيه فجأه وجد طلب محادثه دخل وجده طلب من فتاه ورساله محتواها ( هاي، ممكن ترد بس عايزاك في أمر ضروري جدا) عقد محمد حاجبيه بتعجب من تلك وماذا تريد منه هنا هز رأسه وهو يلقي هاتفه بجانبه فهي أكيد فتاه فقط مزعجه لا غير

أغلق محمد أضواء غرفته ثم نام سريعا من الإرهاق والتعب

بينما في ذلك المنزل حيث لا نوم ولا هدوء ولا راحه

كان الاربعه شباب ينظرون بتعجب لصراخ ميسره وكلا منهم أوقف مايفعله

ميسر بجنون / الساعه ٢ الصبح بتعملوا ايه في ام المطبخ

تحدث عدي وهو يعود للطبخ / أبدا يا ميسو بس كل الحكايه اني جوعت شويه فجيت اعمل حاجه خفيفه كده بس تسد جوعي لحد الفطار

تشنج وجه ميسره وهي علي وشك الاصابه بجلطه /حاجه خفيفه تسد جوعك

ثم صرخت بجنون / صينيه جلاش وصينيه بشاميل وصينيه بسبوسه حاجه خفيفه تسد جوعك انت ياض ايه مثلث برمودا يخربيتك الا ما بيبان علي جتتك دي

عدي وهو يعود لصينيه الجلاش / شوفي عشان تعرفي انك دايما ظلماني علي فكره انا مش عامل صينيه البسبوسه ليا لوحدي عامل حسابكم معايا

ميسره وهي تكاد تصاب بالجنون / يا حنين

عدي وهو يهز رأسه / شوفتي

ميسره بسخريه / هتوقع ايه من واحد بقي مأذون عشان الاكل

نظر لها عدي بتذمر / انتي هتفضحيني ولا إيه يا ميسو بعدين مش عشان الاكل بس علي فكره

ميسره ببسمه ساخرة / أمال عشان ايه ياروح امك

عدي وهو يضحك بشده / عشان الهيبه يا والدتي عارفه الهيبه المأذون مننا كده بعد ما يخلص يلاقي الكل عايز يخدمه يجيبله الاكل لحد عنده

ميسر وهي تهز رأسها / لها علاقه بالأكل برضو مبعدناش طالما انت يا أخي بتحب الاكل كده وبسم الله ماشاء الله عملت جلاش وبشاميل وبسبوسه بسرعه كده ولا اجدعها شيف ليه مبقتش طباخ مثلا

عدي وهو يأكل معلقه من اللحم المفروم المتبقي من البشاميل/ الطباخ بيطبخ مش بياكل يا والدتي ويمكن لو اكل يكون في الاخر خالص بعد مايخلص طبخ وتعب اما المأذون فلا بياكل الاكل اللي الطباخ ده عمله

ميسره / معلش استفسار تآني عارفه اني تقلت عليك طب ليه مبقتش متذوق زي الناس اللي بتدوق دي وخلاص

عدي بصدمه / ليه هو انا كسول اكل وماشتغلش ولا إيه لا يا ميسو ده مش من مبادئي أبدا أنا اكل بعد الشغل آه أمال يبقي شغلي هو الاكل ليه طفس

ميسره وهي تخلع خفها / لا إزاي استغفر الله

وفي الثانيه التاليه كان عدي يركض بعيدا وهو يصرخ / خلي بالكم من الصواني يا عيال

بينما ميسره نظرت لباقي أبنائها وضربت مصعب بالخف الخاص بها فصرخ باعتراض / ايه يا ميسره اصبري المزه هتطير

صرخت ميسره فيهم / انتم هتجنوني يخربيتكم ارحموووني

شعرت ميسره بأحد يعانقها من الخلف ويقبل رقبتها بحنان / قلبي متعصب ليه بس متسيبيهم وبعدها هما االي هينظموا كل ده لوحدهم

نظرت له ميسره وزفرت بضيق وهي تربع يدها امام صدرها بتذمر فتحدث مصعب بضحكه / اتبلفت بكلمتين

فكت ميسره يد ابريس وركضت لمصعب الذي نظر لها بتعجب / في إيه

بينما ميسره هجمت عليه وهي تعضه في ذراعه ومصعب يصرخ بتعجب / اي اي اي دراعي يا ميسره انا عملتلك ايه آه

ضحك تاج بشده / عشان قولت اتبلفت بكلمتين

مصعب بصراخ / مش انتي والله ما انتي دي البت اللي بكلمها آه يا عم ابريس شد الخفاش اللي لزق ده

ضحك ابريس بشده وذهب لميسره وامسكها من خصرها وهو يضحك

بينما سيف استمر في تمارينه وهو يضحك عليهم

دخل عدي بسرعه وهو يركض للفرن ويخرج منه الطعام ويزفر براحه / الحمدلله لسه متحرقش

تحدث تاج له بسخريه / يا اخويا فك امك اللي اكلت دراع الواد وبعدين فكر في الأكل

عدي وهو ينظر لما تفعله ميسره / وانت ليه متفكهوش

تاج بغمزه /انت عارف مليش في الاكشن

ضحك عدي وهو يتجه ويجذب مصعب بينما ابريس يجذب ميسره

ابريس / يابنتي ايه مالك كده متسيبي ايده

فكت ميسره أسنانها من ذراع مصعب وهي تنظر له بتشفي / ده عقاب عن كل بلوه عملتها

ثم أمسكت ذراعه ونظرت للعلامه التي  سبيتها وتحدثت بمزاح  / وريني كده الساعه كام

جذب مصعب يده بتذمر وهبط من الطاوله وخرج من المطبخ

بينما نظر الجميع لعدي فتحدث عدي بتعجب / إيه بتبصوا كده ليه

ابتسمت ميسره وهي تنظر للطعام ولم تكد تتحدث حتي سمع الجميع صراخ عدي / اللي هيقرب من أكلي هشقه نصين امين

RAHMA NABIL 美心

ابتسمت طمطم بشده وتحدثت بضحك / خلاص والله يا مراد مش هعمل كده تاني كفايه هموووت

توقف مراد عن زغزغتها وهو يدفن وجهه في عنقها بعشق / اسمعك مره تانيه تقولي انك تعبتيني هموت من الزغزغه

ضحكت طمطم بشده وضمته لاحضانها بعشق وهمست له /بس انت فعلا تعبت يا مراد معايا

كاد يتحدث فاوقفته وهي تضع اصبعها علي فمه / متتكلمش يا مراد خليني اتكلم صدقني يا مراد عشقك في قلبي كبير اوي اوي مش هنسي ليك وقفتك جنبي ولا تعبك معايا

صمتت وهي تضم وجهه بحنان شديد وتقبل عينه بعشق / انت مفكر اني مكنتش باخد بالي بس انا كنت عارفه انت ليه بتخرج في نص الجلسه

ابتسمت ودموعها تهبط / كان صوت عياطك بيوصلي يا مراد كنت بسمع صوت شهقاتك كنت بسمع صوت دعواتك كنت بسمع كل نفس منك متعرفش انا كنت ببقي عامله ازاي لما اسمع صوتك وانت بتعيط بحس ان في جبل تقيل علي صدري في الوقت ده كنت بنسي تعب الكيماوي وبنسي تعب اي حاجه وافتكر وجع قلبي بسبب دموعك دي

نظر مراد لعيونها وهمس بكل ذره عشق لاول من دق لها القلب/حياتي من غيرك متتسماش حياه أبدا يا طمطم قلبي آنتي نبضي وكل دمعه نزلت من عيني كنت بصبر نفسي ان بعد ده كله هنقعد وتفتكر اللي مرينا بيه ونقول يااااه عدينا كتير اوي وحبنا عدي كتير اوي

ضمته طمطم وهي تهمس له بعشق/ عدينا كتير اوي وفي الاخر فزنا ببعض يا مراد

RAHMA NABIL 美心

ميسره وهي تنظر لابريس الذي لم ينم بعد / مالك يا ابو الاباريس

ابريس وهو ينظر لها ويهز رأسه / لا شئ ولكن فقط

صمت قليلا ثم تنهد بتعب / ماذا اذا كنت أظلم ابنائي اعني انني هكذا اغير حياتهم كليا هم تربوا وعاشوا هنا عائلتهم هنا

ميسره وهي تضع يدها علي يده / وعائلتهم أيضا هناك ابريس

ابريس وهو يضع يده الاخري علي يدها / دعينا لا نخدع أنفسنا ميسره هم لا يعرفون احد هناك

ميسره ببسمه وهي ترفع غطائها ثم جلست علي ركبتها امامه وتحدثت بمشاكسه ميسره المعتاده وهي تضربه في صدره بمزاح / جرا ايه يا ابو الاباريس يا أخي اشحال منت قارف العيال بقصصهم من صغرهم دول العيال حافظينهم صم يا جدع هما آه عاشوا هنا ولكن بتقاليد هناك فهمت

ابتسم ابريس يجذبها فسقطت علي قدمه وغمز لها / اللي فهمته هو انك زيدتي وبقيتي قمر

خرجت شهقه عاليه من ميسره وهي تدفعه وتنهض وتضع يدها في وسطها / نعم يا خويا مين دي اللي زادت ان شاء الله ده انا رشيقه وعود فرنسي وجسمي جسم منكان

ضحك ابريس الي غضبها الشديد وتحدث / بزمتك ده جسم منكان دول بيبقوا معصصين علي الاخر وانتي

ثم غمز لها بمشاكسه فصدحت ضحكتها بشده / علي رأي مصعب بلفتني بكلمتين

ضحك ابريس وجذبها مجددا ثم تحدث / ياباشا آنتي في أي وضع بحبك وعجباني

غمزت له ميسره / غضب عنك ياباشا

ضحك ابريس ثم أعاد خصلاتها للخلف / آه يا ميسره مهما كبرتي ستظلي تلك الميسره التي تسبب لي المشاكل دائما هل تتذكرين رحله البحث عن الحكيم احمس

ميسره بتذمر / قطيعه بقي يا خويا احنا طلع عين اللي خلوفونا عشان الواد احمس ده.... انا قولت ان الحكيم هو راجل كبير مش بيقدر يتحرك فوجب علينا نروح ليه احنا إذ فجأه ألاقي الواد التافهه اللي اسمه احمس ده

ضحك ابريس ضحكه رن صداها في جميع أنحاء المنزل ثم تحدث وهو لا يمكنه التحمل / آه يا اللهي ليت احمس يسمعكي الان سوف يموت بالقلب انا متأكد

ميسره ببسمه خبيثه / يا سلام لما نروح اقولها قدامه هو أنا هخاف ولا الواد السيس اللي اسمه بيك ده خساره في أهله البت باربي والله

ازدادت ضحكات ابريس بشده / حسنا توقفي سأموت يا فتاه لقد دمرتي هيبه الجميع

ميسره وهي تلوح بيدها / هيبه هيبه ايه يارجل طب ده حتي اخوك اللي مفروض ملك وهيبه بقي والكلام ده اول ما يشوف البت ننوسه بيتحول لمراهق فاسد ويبقي الود وده يتحرش بيها قدامنا يلا بلاش نتكلم عنهم بقي الله حليم ستار

ضحك ابريس بشده وجذبها اكثر لاحضانه / اصمتي ونامي ارجوكي اصمتي سوف تقتليني في يوم بما تفعلينه الا يمكنك يا فتاه ان تكون جديه يوما

ميسره / مينفعش ده انا اتحرق

ضحك ابريس عليها وضمها وهي تنهد / ربنا يديمك لقلبي يا ميسره انتي وفرساني الاربعه

ابتسمت ميسره بشده وقبلت خده / ويديمك لينا يا ابو الاباريس يارب

RAHMA NABIL 美心

في الصباح حوالي الساعه العاشره كان يتوقف بسيارته امام منزل كبير وهو ينظر له بانبهار / إيه الحلويات دي دول تلاقي الاكل عندهم عظمه

ابتسم عدي وهبط من سيارته ودخل المنزل المزين وهو ينظر الحركه حوله ولكن فجأه وجد فتاه تتوقف امامه وقد ظهرت من العدم وتحدثت بدلال / اهلا انت تايه هنا ولا إيه

عدي / افندم

الفتاه / لا اصل لقيتك بتتلفت حواليك كتير فقولت تلاقيك تايه

عدي بجديه / احم احم انا المأذون

فتحت الفتاه عينها بصدمه ومرت بنظرها علي جسد عدي ببسمه عابثه ثم أشارت له لجهه الغرفه الكبيره / اتفضل الكل مستنيك جوه

هز عدي رأس واتجه معها للغرفه وهو يتعجب هذا الصمت حوله وهذا الهدوء اي زفاف الذي يكون بهذا الهدوء امسك مقبض الباب وفتحه وما ان دخل للغرفه حتي وجد اسلحه تتوجه لرأسه فنظر عدي لهم بغباء وتحدث / نعم؟؟

RAHMA NABIL 美心

اما علي الجانب الاخر حيث مصر في ازهي عصورها في عصرها الذهبي

كان يقف هو في منتصف الساحه وينظر للجمع حوله بكل هيبه وكبرياء ثم نظر امامه للخيول والذين ينتظرون اشاره منه لبدء المسابقه الشهريه بين أبناء العائلة الحاكمة

صدح صوته الجهوري وهو يهتف / فلتبدأ المنافسه

ولم تمر ثانيه اضافيه حتي كانت تلك الخيول تنطلق بسرعه مرعبه وكل منهم فقط يوجه نظره علي طريقه

ابتسمت تلك الفتاه ونادت / هيييييه ازي

نظر ازي لها بحاجب مرفوع فالقت له قبله في الهواء فابتسم بسخريه بينما هي غمزت له وأخرجت حامل السهام الخاص بها وأطلقت سهم تجاهه فانحي هو سريعا وتفادي السهم بينما هي ابتسمت فكل غايتها هو تعطيله ثم ضحكت وزادت من سرعتها ولكن شعرت بأحد جانبها نظرت وجدتها تلك المشاكسه هتفت تلك الفتاه بتذمر / آه نازيا يا عزيزتي لم يكن عليكي فعل ذلك

نازيا بحاجب مرفوع / فعل ماذا يا تيتي

تيتي ببسمه خبيثه وهي تخرج سهم وتطلقه عليها / هذا

ثم زادت في السرعه وهي تضحك بشده وتغمز لازي الذي ابتسم لها والقي لها قبله في الهواء

بينما كانت سماريا تزيد من سرعتها وهي تنظر امامها ولكن فجأه وجدت خيل يقترب منها بشده نظرت خلفها وجدته حوني فابتعدت بالفرس الخاص بها فحوني لا يمزح أبدا

بينما حوني ابتسم بسخريه عليها وانطلق بفرسه ولكن وجد من يقترب منه وصوتها العالي يصرخ / هيييييه حوني هل رأيت هذا

نظر حوني لتيتي ببرود / رأيت ماذا تيتي

تيتي بسخريه وهي تزيد سرعتها / ظهر فرسي وهو يسبقك

ثم سبقته وهي تضحك بصخب حتي أصبحت بجانب اخر وهمست له / اوناس عزيزي دع صغيرتك تيتي تكسب ولو لمره واحده

نظر له اوناس ببسمه ساخره / حقا يا تيتي

تيتي وهي تنظر له ببراءه / حقا يا اوناس

ابتسم اوناس وضحك بصخب ثم تحدث وهو يزيد من السرعه / حاولي اذن يا نارية الشعر

سبته تيتي وهي تتحدث / ابو اشكالكم واحد واحد يا جدع

ثم نظرت خلفها فوجدت اختها الصغيره نونيا وصرخت / أيتها الصغيره اسرعي سيتغلبون علينا يا كسوله

تحدثت نونيا بتذمر / آه تيتي انا لا احب هذا السباق أبدا ولا اطمح في الفوز أيضا لذا دعكي مني وانتبهي لنازيا التي تقترب منك تلك

نظرت تيتي لنازيا فوجدتها تبتسم لها بشماته وهي تسبقها

تيتي بغيظ / آه يا شويه عرر طب هوريكم يا جذم

اقتربت منها سمارا وهي تضحك / حبيبي خلينا كده دايما في المؤخره

نظرت لها تيتي بتصميم / بت انتي هي واحده بس إللي هتفوز المره دي والواحده دي اني

سمارا بسخريه وهي تشير بيدها / اتفضلي يا ختي وريني شطارتك

أمسكت  تيتي بلجامها بقوه وهي تنطلق وتهتف / جيالكم يا شويه اوائل

ثم انطلقت بسرعه كبيره فتخطت اوناس ثم نازيا والجميع حتي أصبحت بجواره هو فنظر هو لها بجانبيه وهمس لها / لا تلعبي معي يا صغيرتي حتي لاتبكي

تيتي بسخريه / اوووه ياللهي جسدي يرتعش خوفا من حديثك

ثم تحدثت بجديه / اسمع يا حوني يابني

رفع حوني حاجبه بسخريه فاكملت هي / ماذا لن اقول مولاي وبلا بلا بلا اسمع يا حوني يا صغيري هذا السباق انا من ستفوز به

نظر حوني امامه ورأي نقطه النهايه فتحدث بتحدث / اذا يا تيتي القاكي عند نقطه النهايه يا عزيزتي

نظرت له تيتي بشر وانطلقت بسرعه تنافسه واقتربت نقطه النهايه اكثر واكثر نظرت تيتي وجدت حوني يركز بصره علي نقطه النهايه فهتفت تيتي / انظر حوني الملك يشير لك

نظر حوني خلفه فاستغلت تيتي ذلك وانطلقت هي لنقطه النهايه اسرع منه بينما هو نظر لها بتعجب ولكن فتح عينه بصدمه وهمس / يا مخادعه

ولكن لم يكمل حتي وجد تيتي تقطع نقطه النهايه وهي تصيح بصخب وترقص بمشاكسه / انظروا من فازت يا حمقي

ضحك ازي علي اخته الصغيره وجنونها بينما اوناس ابتسم عليها وسماريا تصفر وتصفق / تيتي يا عظمه ايوه يابت كده وريهم

نظر لها حوني بشر فصمتت بخوف

بينما ابتسم حوني ونظر لتيتي وصفق لها وهمس / تستحقي الفوز صغيرتي المشاكسة

اقترب ست ببسمه وهو يحمل درع كبير منقوش عليه بعض الكلمات وهتف بصوت جهوري / في هذا السباق فازت ابنتي الصغيره تيتي وجائزه هذا الشهر هي درع أخي الملك ابريس

ثم نظر لتيتي وهو يعطيه لها / هذا الدرع غالي جدا علي قلبي يا تيتي لذا احفظيه يا بنيتي جيدا

نظرت تيتي بفخر للدرع وهمست /اكيد يا عمي اكيد

ابتسم ست ولم يكد يتحدث حتي وجد تيتي تبعده برفق / لا مؤاخذه كده ياملك الملوك

نظر لها ست بتعجب بينما هي وقفت في المنتصف وتحدثت بتأثر / احم احم أود في البدايه ان اشكر مولاي الملك ست علي هذه الجائزه التي تعني لي الكثير ثم اشكر ابي هذا الرجل المسكين بيك وهذه السيده التي تدعي اسينات واختي الصغيره نونيا وأخي الكبير ازي وايضا اشكر سماريا العزيزه واوناس ونازيا وحوني ونانيس وشكر خاص من قلبي لاحمس العزيز فهو خير معلم لي وايضا اشكر ايانا زوجته الجميله واشكر عم اسمت عامل المطبخ الملكي علي طعامه الجميل وعم سورا عامل الاصطبل علي اعتنائه بالخيل وشكر خاص من اعماق أعماق قلبي لعم فريس حارس الباب الرئيسي

ثم صمتت قليلا / احب اشكر كل واحد ساعدني في أي بلوه في حياتي عمي فريس اللي كان بيفتحلي البوابه دايما من ورا الملك وبابا اما باقي الحرس فمحدش ليه  جمايل  عليا واح.....

لم تكمل حتي سمعت صوت ست الذي يهتم بملل/ عزيزتي تيتي لما لا تأخذي الجائزه وحسب اعني فالشعب قد احترق في الشمس عزيزتي

تيتي / ولكن ست هم يحبون خطابي

ثم نظرت تيتي للجميع الذي ينظر لها بغباء ثم تحدث بصراخ / مابكم يا شعب انا اعبر عن حبي لكم هنا كنت سأذكركم جميعا ولكن انتم دائما هكذا مستعجلون

رفعت رأسها بشموخ وهتفت بكبرياء / من لا يود ان يستمع لخطبتي فليرحل اما من يود....

لم تكمل حديثها حتي كان الكل يخرج بسرعه من الساحه بينما هي همست / آه يا جذم

ثم رفعت رأسها بكبرياء / حب الناس ده نعمه كبيره اوي

ورحلت وهي تكاد تسقط بالدرع الثقيل والكبير عليها والجميع يضحك علي هذه المشاكسه بينما بيك يضع يده علي وجهه وهو يزفر بضيق فتحدث احمس بضحكه/ مابك يارجل

بيك وهو يشير للطريق الذي ذهبت منه تيتي وهمس / سوف تكون نهايتي علي يدها يا احمس حقا سوف اموت بسببها وبسبب أفعالها

ضحك احمس بشده / هيا لا تكبر الأمور هي لم تفعل شئ بل كانت تعبر عن فرحتها و....

قاطعه بيك بسخريه / حقا والبارحه عندما أطلقت سراح الخيول جميعآ هل كانت تعبر عن فرحتها وذلك اليوم عندما قامت بتوزيع طعام القصر علي الشعب وبقي جميع من بالقصر جائع ليوم ونصف آه هذه الفتاه ستقتلني حقا لم ألوم ست ان اعدمها في يوم ما

ضحك احمس بصخب عليه وهمس له / انت لست وحدك يارفيقي انظر لسماريا هي مثل ابنتك ولمن الفرق هنا هو أن سماريا اغبي من ابنتك

ضحك بيك بشده وهو ينظر للجميع ويهمس لنفسه / آه يا ابنتي متي يأتي ذلك اليوم الذي تتوقفي عن فعل هذه الأشياء هل سيأتي اليوم وتجدي من يحبك ويتحملك

RAHMA NABIL 美心

كان يركض في الطريقه وخلفه الممرضه وهي تتحدث/ حادثه علي المحور وخرجوه بصعوبه من العربيه واللي للأسف اتضح ان فيه حديده غرزت في جانبه اليمين وغير اصطدامه العنيف في الرأس الحاله صعبه يادكتور

دخل سيف غرفه العمليات بسرعه وهي خلفه ثم نظر للحاله وتحدث بجديه / خدرتوا الحاله

تحدث احد الموجودين / اتخدرت

نظر سيف بجديه لهم / خلينا نبدأ

في الخارج كان تاج يتحرك لمكتبه وهو يحمل احد الاوراق فاصطدم بشده في احد ما فرفع عينه وتحدث / اسف ما اخدتش بالي

نظرت هي له بتذمر / لا انت اخدت بالك علي فكره وعاملها عند

ابتسم تاج وانحني لاسفل لتلك الصغيره/ طب ورأيك المفروض اتعاقب ولا لا

فكرت الطفله لثواني ثم ابتسمت وهي تنظر له / لا مش هعقابك عشان انت قمور بس

ضحك تاج بصخب ثم انحني اكثر وحملها وقبل خدها بحنان / انتي اللي قمر

نظرت له الفتاه بتذمر / لا انت كداب انا مش قموره انا وحشه.

صدم تاج من حديثها وسار بها / مين قالك كده ده انتي قموره

تحدثت الفتاه بحنق / كل البنات في المدرسه بتقولي كده عشان انا سوده زي البومه

صدم تاج من حديثها كيف يكون ذلك حديث فتيات صغيره وهمس بعدم تصديق / سوده زي البومه، إيه الكلام ده

ثم نظر لها بدقه فوحد بالفعل بشرتها غامقه بعض الشئ فابتسم بحنان / طب ده انتي قمر وبشرتك دي قمرين وهي اللي مخلياكي قمر كده

نظرت له الفتاه بشك / انت بتقول كده عشان مزعلش صح بس انا اتعودت مش زعلانه متخافش

تاج وهو يهز رأسه برفض/ لا انا مش بكدب ابدا انتي قمر وبشرتك قمر برضو عارفه انا بحب البنات اللي بشرتها نفس اللون القمر ده يابنتي السمار نص الجمال يا اسمراني يا قمر انت

ضحك الفتاه الصغيره بصخب وهي تعانقه / انت حلو اوي اول حد يقولي اني حلوه كده شكرا

حزن تاج بشده عليها طفله في عمرها لم تسمع من قبل كلمة( انتي جميله)

سمع هتاف الفتاه / ماما هناك اهي

اقتربت سيده بسرعه من الفتاه وتحدث بخوف / مريم مش قولتلك متتحركيش من جنبي ها ايه مبقتيش تسمعي الكلام ليه

نظرت لها الفتاه باسف / اسفه ياماما كنت عايزه اروح الحمام

ثم ابتمست واشارت لتاج وهمست بسعاده / عارفه ياماما الدكتور بيقولي اني حلوه اوي واني مش زي البومه وان لوني حلو اوي

ثم نظرت لتاج بعيون لامعه بسعاده / صح مش انت قولت كده

انزلها تاج وهو يبتسم / آيوه انا قولت كده لأنك فعلا قمر وعسل ولونك ده قمرين يا قلبي.

نظرت السيده ببسمه لتاج / تعبتك يا دكتور معلش

تاج وهو ينظر للطفله / لا ولايهمك بنتك قمر آوي ربنا يديمها ليكي بس معلش اذا كنت بتدخل ولا حاجه اتمني تروحي مدرسه البنت وتشوفي اللي بيحصل هناك اصحابها بيتنمروا عليها وده سئ لنفسيه طفله في عمرها اتمني تعالجي الموضوع ده عشان نفسيتها علي الاقل عن اذنك عشان عندي مرور

ثم انحني وأخرج حلوي من البالطو الخاص به واعطاها للفتاه وقبل خدها بحنان وانصرف وهو يهز رأسه باسف لما يحدث لفتاه بهذا العمر تتعرض لهذا النوع القبيح من الأفكار كيف يمكن لاطفال مثلهم ان يتحدثوا هكذا كيف أصبحت فتاه صغيره مثلها متلهفه لاصغر كلمه تسعدها وتخبرها انها جميله لهذه الدرجه ابتعدنا عن الدين لهذه الدرجه أصبحنا تسخر من بعضنا البعض هل وصل الأمر لطفله...... طفله؟؟؟ في اسوء أحلامه لم يتوقع ذلك كيف يهمل الآباء أبنائهم حتي يصلوا لذلك المستوي المتدني من الأخلاق ويتنمرون علي بعضهم البعض ويتحدثون هكذا لبعضهم

هز رأسه بأسف وهمس /عايزين البلد تخرج لشط التقدم ولسه نفوسهم بتغرز في الجهل آكتر واكتر

RAHMA NABIL 美心

كان يجلس علي مكتبه وهو يترجم بعض الاوراق المهمه ولكن قاطعه صوت احد زملائه / مصعب المدير عايزك بسرعه في مكتبه

مصعب وهو يبعد نظره عن الاوراق امامه وهمس بضيق / طيب قوله جاي

هز زميله رأسه بايجاب وخرج وخلفه مصعب الذي هز رأسه بتعب / مصعب مصعب مصعب مفيش حد هنا غير مصعب

زفر بضيق واقترب من مكتب المدير ولكن وجد الجميع يجتمع امام المكتب وينظرون له بنظرات مختلفه منهم الشامت ومنهم المشفق ومنهم غير المهتم ولكن اتي ليشاهد فقط

هز رأسه بعدم اهتمام ودخل

للمكتب بعدما استأذن من المدير وعندما دخل تعجب من وجود أحدي الفتيات والتي تبين انها تلك الفتاه المزعجه التي اوقفته سابقا ومعها المدير وشخص اخر يبدو عليه الغضب

تحدث المدير وهو ينظر له بخيبه امل / لما كنت بشوفك بتعاكس وتتكلم بطريقتك العابثه دي كنت بفكرك أنك بس بتهزر ومش ليك أبدا في الطرق الشمال بس للاسف أملي فيك خاب

تحدث مصعب بعدم فهم / امل ايه وخاب ايه حضرتك اتكلم بوضوح هو فيه إيه والإنسه دي بتعيط ليه ماتلها حد ولا إيه

نهض الرجل الاخر بغضب واقترب منه وهو يصرخ / انت كمان بتبجح يا......

نظر له مصعب بغضب / لو مكانك مش هقول كلمه زياده فاتقي شري واسكت

ثم حول نظره للمدير وهمس / لو سمحت حضرتك قولي فيه إيه عشان مش هضمن اعصابي آكتر من كده

تحدث المدير / اليوم اللي كنت فيه مع سونيا في الصفقه بتاعتها بعدنا روحت فين

مصعب وهو يمسح وجعه بضيق / رجعت البيت عشان اتغدي فيها مشكله

المدير بنفاذ صبر / وبعدها حضرتك روحت فين

مصعب / رجعت الشركه عشان اشتغل علي الورق اللي قولت عليه

المدير وهو يضرب علي مكتبه / استاذ مصعب الانسه دينا متهماك بالاغتصاب

صمت عم المكان بعد الكلام الذي القاه المدير

ولكن قاطع هذا الصمت ضحكات مصعب التي ملئت المكان

نظر له الجميع بصدمه فتحدث مصعب /.........

عدي وهو يبعد السلاح عن وجهه / صلوا علي النبي كده هو فيه إيه مش فاهم

تحدث احد الرجال بغلاظه / اليوم فرحك انت وبنتنا

نظر لهم عدي بغباء /........

RAHMA NABIL 美心

بعتذر علي التأخير ولكن بسبب محاضراتي والله اتمني يعجبكم

دمتم سالمين

RAHMA NABIL 美心

الفرق بين العاصي والمُلتزم مش إن ده بيعصي وده مبيعصيش ؛ الفرق بين العاصي والمُلتزم إن ده بيعصي ومبيتوبش وده بيعصي وبيجدد التوبة💙))"

د/حازم شومان

..وفيك تسيل المحابر شوقا وتهفو النفوسُ حنينا إليك تطيب الحياة بذكرك دوما ويُشرحُ قلب يُصلّي عليك.ﷺ

RAHMA NABIL 美心

نظر الجميع لمصعب بتعجب بينما هو توقف عن الضحك / معلش يا جماعه بعتذر اسف والله بس مقدرتش امسك نفسي

ثم اخذ نفس ليهدأ / ها حضرتك كنت بتقول اغتصبت مين بقي

أشار المدير بتعجب لدينا / الانسه دينا يا استاذ مصعب مالك انت مستهتر بالمصيبه اللي عملتها

مصعب وهو يشير لدينا / طب بزمتك يا شيخ بزمتك بقي انا ادخل النار في دي اعقل الكلمه طيب يوم ما يطلع عليا اني مغتصب يتهموني في دي

نهض الشاب بغضب جحيمي وصرخ به/انت واحد قليل الادب مترتبتش مالها دي يا روح امك مش....

لم يكمل كلامه بسبب لكمه مصعب الذي نظر له بغضب مخيف / سيره حد من اهلي تعدي علي لسانك ال*** ده تاني انا هخليك تطلع علي نقاله فاهم ولا لا

ثم نظر للمدير وتحدث بنفاذ صبر / حضرتك عارف كويس انا مين وشغلي ايه انا بشتغل هنا تقريبا من وقت ما اتخرجت عمر حضرتك شوفت مني تصرف لا يليق بيا او بالشركة او حد اشتكي لحضرتك مني قبل كده انا الحمدلله يمكن بتكلم بهزار بس عمري في حياتي ما لمست بنت ويوم ما ألمس المس دي وكمان غصب ايه القرف ده بعدين حضرتك يوم ما رجعت الشركه عشان اكمل شغل انا خرجت في مواعيد العمل وكان كمان فيه موظفين لسه ممشيوش يعني إزاي هغتصبها وفي نص الشركه وفيها موظفين

زفر المدير / منكرش ان أخلاقك طول السنين دي انا كنت شاهد عليها رغم عبثك بس عمرك ما اتخطيت حدودك مع أي حد بس إللي موضحاه كاميرات المراقبه غير كده حضرتك قبل ما تمشي بساعه دخلت اوضه الأرشيف وفضلت فيها ما يعادل ساعه بعدين خرجت وبعدها دخل عامل النظافه عشان يخلص شغله ولقي الانسه دينا مرميه ومتبهدله تماما

مصعب وهو ينظر لدينا بشر ثم أعاد نظره للمدير / وياتري بقي الاستاذه دينا اخدتها طيران ولا حفرت نفق للارشيف إزاي الكاميرا متجبهاش يعني وهي بتدخل وبعدين حضرتك راجع كاميرا الأرشيف وشوف اللي حصل

المدير وهو يزفر بتعب وإرهاق / الكاميرا بايظه من فتره بعدين الكاميرا جايبه والإنسه بتدخل قبلك للارشيف وبعدها انت بتدخل بربع ساعه وبتطلع

نظر مصعب بتعجب / بس انا لما دخلت مكنش في حد موجود حضرتك إزاي بتقول انها كانت جوا

المدير بسخريه / والله ده اللي ظهرته كاميرات المراقبه

نظر مصعب لدينا واقترب منها وهمس لها / لعبتيها صح يا*** مكنتش اعرف انك و**** آوي كده بس حاضر انا هوريكي إزاي تلعبي معايا

ثم ابتعد عنها بعدما سمع زمجره الشاب بغضب فتحدث مصعب وهو ينظر ببرود للمدير/ ممكن حضرتك تطلب العامل اللي لقي الانسه لاحول لها ولا قوه في الأرشيف

هز المدير رأسه ورفع سماعه هاتفه وتحدث لاحد ما ثم نظر لمصعب بحزن وهو يتمني ان يكون مظلوم فمصعب ليس فقط موظف عنده بل هو صديق ورفيق رغم الفرق في العمر بينهم قاطع تفكير الجميع طرق الباب ودخول العامل نظر له مصعب وابتسم بخبث

RAHMA NABIL 美心

عدي بغباء / نعم؟؟؟

تحدث احد الرجال والذي كان يبدو من ثيابه انه صعيدي وايضا من لهجته / مهتسمعش إياك عم نجولك ان اليوم فرحك علي بتنا فاهم ولا نفهمك بطريجتنا

قال آخر كلماته وهو يدفع المسدس لوجهه اكثر بينما نظر عدي للسلاح ثم تحدث  / أنا المأذون يا جدعان انتم غلطوا يمكن عشان انا قمور وعسل ومفيش مني ومسمسم كده بس مش انا العريس لو قصدكم عشان البدله وكده فدي أساسا انا مأجرها من عند المكوجي اللي علي أول شارعنا وهرجعها في طريقي وانا مروح فنصلي علي النبي كده ونستعيذ بالله من الشيطان ونشرب كوب نعناع يهدي اعصابنا ونقعد قعده صفا كده ونستني العريس وانا مش عايز اي فلوس اعتبروه هديه للعرسان

تحدث احد الرجال الذين يرتدون بذله حديثه/ هو إنت مش فاهم ولا إيه ماقولنا انت العريس اخلص ادخل عشان تكتب علي بنتنا

عدي وهو يلقي حقيبته ارضا ويصرخ ببلطجه / الظاهر انكم اتغريتوا في البدله والكارفاته لا يا روح امك  انت وهو ده انا صايع وبلطجي مش عشان بنهزر ونضحك يبقي نسوق فيها لا فوق كده ده انا اصيع من بلدكم يا خويا ده انا جايبها من تحت آوي قسما بالله اللي هيقرب مني لهنفخه سامع ياض منك ليه انا مش الطيب الأهبل التاني ده يبقي اخويا الصغير اما انا متربتش أساسا فاللي مستغني عن خلقه اهله الزباله دي يقرب عشان هشرحه هنا  قال جواز قال

كاد أحدهم يجيب عليه ولكن قاطعهم صوت فتاه تصرخ وهي تركض تجاه عدي وتعانقه بقوه / عدي حبيبي اخيرا جيت انقذني منهم

عدي وهو يدفعها بسرعه كمن لدغه عقرب وصرخ بها / جرا ايه يا ختي هي دكيه ولا إيه جايه جري وتحضنيني ايه بجاحه اهلك دي

ثم نظر للرجال / عيب علي شنبك منه له

ثم نظر للفتاه / بعدين انتي تعرفيني منين أساسا وايه انقذك منهم ده هو فيه إيه  ما حد يتنيل ينطق عشان افهم

وجهه أحدهم سلاحه لرأس عدي وهو يتحدث بغلظه / انت دلوقتي هتتجوز البنت دي وتصلح غلطك االي عملته معاه يا حق***

عدي وهو يمسح وجهه بعصبيه / بغض النظر عن الشتيمه دي اللي هعديها بمزاجي بس تمام خليك مع الكداب لحد الباب قولي بقي غلطة ايه اللي اصلحها منك ليه

تحدث أحدهم بلهجه غليظه / غلطه ايه معتعرفش إياك شرفنا اللي لوثته في الطين انت وبنت المركوب دي هي جات واعترفت بكل شئ حصل معاك وانك ضيعت شرفها وشرف العيله كلها وبعدين اتخليت عنها يا عديم التربيه

زفر عدي بضيق وصرخ به / احترم نفسك وامسك لسانك زي ما انا ماسك نفسي بالعافيه عنكم

ثم نظر للجميع / واسمع منك ليه انا لا اعرف بنتكم ولا اعرف هي مين أساسا واول مره اشوفها دلوقتي شوفوا بقي بنتكم غلطت مع مين وعايزين تلبسوها ليا

صاحت الفتاه ببكاء / انت بتعمل ايه يا عدي انت هتبعني ليه ده انا سلمتك نفسي إزاي تعمل كده

عدي بصراخ / بت انتي مهبوله بروح اهلك ده انا اول مره اشوفك أساسا هي دلوقتي هنستهبل

ثم نظر للرجال بسخريه / شوفوا بنتكم غلطت مع مين بعيد عني انا واحد عمري ما لمست ست أبدا ولا عمري هغضب ربنا في أي حاجه زي دي انتم فاهمين وبنتكم دي بتضحك عليكم عايزين تصدقوا كلامي صدقوا مش عايزين انتم احرار

ثم اخذ حقيبته وكاد يخرج لولا صوت ضرب النار وصراخ الفتاه الذي جعله يتصنم مكانه بصدمه..........

RAHMA NABIL 美心

خرج سيف من العمليات وهو لايري من التعب زفر بارهاق وكالعاده اتجه لمكتب تاج وتسطح علي الاريكه هناك ونظر لتاج بتعب / عدي مكلمكش يا تاج

تاج بتعجب / لا مشفتوش من الصبح أساسا بس ليه يعني

سيف بقلق / أصله راح لكتب كتاب في قريه جنبنا ومن وقتها متصلش بيا كالعاده افتكرت هخرج من العمليات هلاقي اتصالات منه هو او مصعب زي كل يوم بس ولا حاجه مفيش اي حاجه

تاج ببسمه وهو يعطيه عصيره / خد اشرب بس وروق أعصابك يا سيف اكيد انشغلوا ونسيوا بطل دايما تشغل نفسك بينا وتقلق نفسك كده يا سيف احنا كبرنا عيش حياتك يابني ده انت داخل علي ٣١ سنه ومشوفتكش مع بنت حتي ولو بالغلط  عيش حياتك وبطل تشيل همنا يابني ده انا بتشيل همنا آكتر من ميسره وبابا نفسهم

ابتسم سيف وسحبه لاحضانه وهو يلعب في خصلات شعره / أبدا يا تاجي أبدا عمري ما هبطل اقلق عليكم لأنكم عيالي يا تاج مش اخواتي فاهم

ابتسم له تاج وهز رأسه ولكن قاطع حديثهم رنين هاتف سيف فتحه ونظر للهاتف بتعجب

تاج / مالك مين ده

سيف بتعجب / رقم مش متسجل

تاج / طب افتح شوف مين

ثم تركه تاج واتجه لمكتبه بينما أجاب سيف / الو ايوه انا سيف ..... نعمممممممم طب تمام أنا جاي بسرعه سلام

نظر له تاج بقلق / فيه إيه يا سيف حد حصله حاجه

سيف وهو يرتدي حذائه / واحد زميل مصعب اتصل يقولي ان مصعب في مصيبه وان فيه بنت متهماه بالاغتصاب والشركه كلها مقلوبه علي الحكايه دي واحنا نايمين هنا

خرج سيف بسرعه وخلفه تاج / استني جاي معاك استني

خرج سيف للاستقبال / اعملي اذن ليا انا ودكتور تاج لأمر ضروري

ولك ينتظر ردها فخرج سريعا وخلفه تاج وهو يفكر ان مصعب مستحيل ان يفعل ذلك مهما قال وفعل لن تصل لحد الاغتصاب

RAHMA NABIL 美心

دخل محمد المدرج ونظر للجميع ببسمه ولكن بدون وعي اتجه بنظره لمروه التي تجلس في الصف الأول كما قال لها سابقا بدأ محمد في شرح المحاضره بكل عمليه وجديه وبعد انتهاءه منها نظر لهم وابتسم / تمام جدا يا شباب بجد احسنتم بسبب تفاعلكم وتركيزكم خلصنا بسرعه دلوقتي باقي نص ساعه من المحاضره فاللي واجهته اي مشكله لو عنده اي سؤال يتفضل يسأل

صمت الجميع ورفعت مروه يدها فابتسم محمد وأشار لها / مروه اتفضلي

وقفت مروه وطرحت سؤالها علي محمد الذي فكر وهز رأسه بابتسامه وتحدث / حلو جدا يامروه سؤالك، كل مره بتبهريني بسؤال

ابتسمت مروه بخجل بينما كامي تكاد تموت من الغيظ

نظر محمد للجميع / حد عنده اجابه علي سؤال مروه ياشباب

رفع احد الشباب يده واخذ يتحدث ويتناقش مع محمد في الاجابه فهز محمد رأسه / ده فعلا قريب من الصح اسمك ايه

الشاب ببسمه / إيهاب يا دكتور

محمد ببسمه / برافو يا إيهاب قربت من الصح اتفضل

ثم نظر للجميع / ها حد عنده اجابه للسؤال

رفعت مروه يدها فاشار محمد / اتفضلي يا مروه

مروه وهي تنظر للكشكول امامها / حضرتك يا دكتور انا كنت في البيت وصلت تقريبا لجزء من الحل وكمان الجزء بتاع إيهاب لو ضيفناه لكلامي ممكن تكون هي دي الاجابه

جلس محمد ونظر لها بانتباه / طب سمعيني كده الاجابه

أمسكت مروه الكشكول الخاص بها وأخذت تقرأ ما دونته وبعدما انتهت نظرت لمحمد الذي نظر لها بغموض وابهام فابتعلت ريقها بقلق وتوتر سرعان ما تحول لخجل وسعاده وهي تسمع تصفيق محمد لها / برافو بجد يا مروه انتي عبقريه انك عرفتي تربطي بين الاجابتين بالطريقه دي وتوصلي للحل السؤال ده مش سهل علي فكره ومحتاج شغل كبير وانتي قدرتي تحليه طبعا بمساعده إيهاب فتقديرا لتعبك ومجهودك ليكي مني جايزه انتي وإيهاب علي الاجابه دي

ثم نظر لساعته / تمام خلصت المحاضره يا شباب اشوفكم الاسبوع الجاي

ثم حمل حقيبته وخرج وهو يبتسم بينما اتجه إيهاب لمروه وضربها علي رأسها /بت انتي بتاخدي اجابتي ليه ها

نظرت له مروه بغيظ وضربته هي أيضا علي رأسه بحده / ايدك لو اتمدت تآني هقطعها انت فاهم بعدين يا أخي اتنيل ده انا اللي عملت لاجابتك قيمه يا معفن

إيهاب بتوعد / بقي هو كده

كادت مروه تجيب لولا صوت محمد / هو فيه إيه

انتبه الجميع الذين كانوا علي وشك الخروج لصوته فنظرت مروه بحرج لمحمد وهي تعدل نظارتها وتحدثت بتوتر / أصل أصل هو إيهاب كان

صمتت وهي تنظر لايهاب بشر ثم ضربته في خصره / انطق ياض

ضحك إيهاب بخفوت / مفيش يا دكتور بس كنا بنتناقش في السؤال

محمد بحاجب مرفوع / بنتناقش  في السؤال بايدك

ابتسم إيهاب بحرج / لا بس

قاطعه محمد وهو يخرج ويأخذ كتابه الذي عاد لأجله / الموضوع ميتكررش يا إيهاب تتكلم مع زمايلك باحترام مش بايدك

ثم نظر لمروه نظره غامضه وخرج سريعا

بينما مروه ضربته مجددا وهي تصرخ بخفوت / هنفخك يا أخي اول يوم ليك هنا وتعمل بلاوي ياريتك ما حولت يا خويا

ركض إيهاب خلفها وهو يضحك / خدي يا مجنونه هفهمك طيب اسف يابنتي اصبري بقي

بينما هي كانت تسير بعصبيه وهي تتذكر نظرته لها ماذا كان يقصد بها

بينما محمد دخل لمكتبه والقي حقيبته بعصبيه وهو يتذكر منظرها وهي تمزح معه فك الكرافات الخاص به بعصبيه وجلس علي مكتبه وهو يتحدث لنفسه / وانت مالك ان شالله يقتلها متدخلش

RAHMA NABIL 美心

رفع سامر نظره وهو يزفر بضيق ويصرخ بالجميع / بس يا خويا بس يا حبيبي مش فرح هو بطلوا دوشه خلاص قولت هنشوف الحكايه

ثم أشار لأحدهم / قول انت حصل ايه

الرجل وهو يضع يده علي رأسه وهو ينزف / ياباشا احنا كنا قاعدين علي القهوه في امان الله ومعملناش حاجه ومره واحده الواد بليه صبي القهوه جه ودلق الشاي السخن علي صاحبي فهو اتعصب عليه قام ضرب بليه ضربه خفيفه يعني  لقينا المعلم رضا جه ونزل ضرب فينا ولا اكننا مخدات وزي ما حضرتك شايف حصل فينا  اتدغدغنا ياباشا مخلاش حته واحده سلميه ياباشا

ثم تحدث ببكاء / احنا عايزين حقنا ياباشا

هاج الجميع معه وهم يتحدثون / آه ياباشا عايزين حقنا

صرخ سامر بنفاذ صبر / فين الزفت رضا ده

احد الرجال /  بره ياباشا

سامر بصراخ / دخله خلينا نخلص من الحكايه دي

خرج العسكري ونادي / رضا الظابط طالبك

نظر سامر بتعب للورق امامه ورفع رأسه علي كلمه العسكري وهو يتحدث / رضا ياباشا

رفع سامر نظره وكاد يصرخ ولكن لم يجد احد فكشر قليلا وهو يبحث حتي وقع نظره علي فتاه تبدو مراهقه وقصيره فتحدث بضيق / مين اللي جايب بنته معاه وفين اللي اسمه رضا ده خلينا نخلص

تحدث احد الرجال الذي قامت رضا بضربهم / هي دي المعلم رضا ياباشا

نظر له سامر بصدمه وكأنه بمائه رأس ثم نظر للفتاه وأعاد نظره للرجل مجددا / رضا مين

الرجل / رضا اللي ضربتنا ياباشا

اغمض سامر عينه وفتحها مجددا وهو لا يستوعب مايري / نعم يا خويا

ثم نهض وهو يضرب علي المكتب بجده ويصرخ / بقي العيله دي هي اللي ضربت التيران دول انتم هتجنوني ياض منك ليه

تحدثت رضا بطريقه اشبه بالرجال / إيه ياباشا بس متستهونش بالبنت دي لا مؤاخذه انا أسد في أي حاجه

نظر لها سامر بغيظ وهمس / نيره صغيره قدامي

ثم نظر وتحدث للعسكري / مشي الناس دي وانا هتصرف مع  المعلم رضا

قال آخر كلمه بسخريه وهو ينظر لها بينما هي نظرت للرجال بشر فركضوا بخوف للخارج

بينما أشار سامر للعسكري / اخرج واقفل الباب وراك

خرج العسكرى بينما نظر سامر لرضا ونهض من مكتبه واقترب منها وهو يشمر يد القميص الخاص به بينما هي تنظر له بحاحب مرفوع وهو ظل يقترب حتي وصل امامها وتحدث / بقي انتي يا آتنين سنتي الا ربع اللي عملتي في الجتت دي كده

رفعت رضا نظرها من أسفل الكاب الذي ترتديه وتحدثت ببلطجة / آيوه ياباشا فيه ناس قلت ادبها وكنت بربيها

امسكها سامر من ثيابها ورفعها بشده حتي أصبحت قدمها لا تلامس للارض وساعد في ذلك قصر طولها وتحدث وهو يجز علي أسنانه / ليه مفيش قانون يا ختي

رضا وهو تحاول أن تبعد يده / علي فكره مفيش حد ابدا اتجرأ يعمل كده قبل كده ياباشا انا ليا هيبتي في المنطقه فلو سمحت احترم برستيجي ونزلني

نظر لها سامر بشر وتركها ثم اقترب منها وهمس / أنا بقي هوريكي البرستيج علي أصوله..... يا عسكررررررري

دخل العسكري / اؤمر ياباشا

سامر وهي ينظر لها بتسليه / وري الانسه رضا الحجز بتاعنا وفرجها عليه كده وخليها تاخد راحتها في زنزانه تلاته

اخذ العسكري رضا / امرك ياباشا..... انجري قدامي يابت انتي

نظرت له رضا بشر فابتلع ريقه وأشار لها / اتفضلي قدامي

ذهبت رضا بكل كبرياء وهي لاتهتم لنظرات ذلك الذي يكاد يحرقها بنظراته بينما هي دخلت للزنزانه ونظرت للعسكري الذي يغلق الباب بسخريه ثم أعادت نظرها للنساء وتحدثت ببسمه بارده / منورين يا نسوان

نهضت السيدات وهن يهتفن / معلم رضا الزنزانه منوره يا معلمي

رضا ببسمه / تسلمي يا ست منك ليها كل واحده ترجع مكانها انا هرقد شويه عالله اسمع همسه جنبي عشان هصحي اعلقكم واحده واحده فاهمين

ثم ذهبت لاحد الأركان وتسطحت بها بكل برود وهي تبتسم لنيلها من هؤلاء الرجال الذين كانوا يضربون طفلا فأكثر ما يغضبها هو أن يضرب احد طفل صغير تجن كليا من هذا الفكره

RAHMA NABIL 美心

نظر مصعب للعامل وتحدث بسخريه / عادل يااااه يا جدع علي الصدف مش انت برضو يا دولا اللي قفشتك بتسرق من المكاتب من اسبوع وقعدت تتحايل عليا اني استر عليك وتيجي انت تتهمني آه يا خلبوص

ابتلع عادل ريقه / سرقه ليه يامصعب باشا هو إنت عايز تلبسني بلوه عشان بس بقول الحق وبقول اللي حصل

مصعب ببرود / حصل ايه

نظر له عادل بتوتر / ها!؟؟؟

مصعب ببسمه ساخره / ها ايه بس بقولك حصل ايه

عادل وهو يبتلع ريقه / معرفش هو أنا دخلت اوضه الأرشيف لقيت الانسه واقعه ومغمي عليها و....

مصعب وهو يقاطعه / شوفتني وانا بعمل فيها حاجه

عادل بتوتر / آه انت كنت معاها وهي كانت..

قاطعه مصعب وهو يدعي التفكير / إزاي آه وانت بتقول انك دخلت الاوضه وشوفت الانسه واقعه علي الارض عرفن منين بقي اني انا اللي عملت كده

ازداد توتر عادل / هو إنت جريت لما دخلت

مصعب / يعني شوفتني

هز عادل رأسه فابتسم مصعب وهو يتحدث / طب وقتها انا كنت لابس ايه

عادل بتهتهه / كنت لابس هدوم

مصعب وهو يصفق / اوووه برافو يا عادل كنت فاكر اني لابس شوال والله حماده هلال فخور بيك...... قصدي يا دولا انا كنت لابس ايه بالظبط

عادل وعو ينظر بتوتر لدينا التي كانت تحذره بعينها فتحدث / كنت لابس بدله

مصعب وهو ينظر له بحاحب مرفوع / بجد ومن أمتي وانا بلبس بدل يا دولا انا مش بحب البدل

عادل وعو يغير حديثه / آه صحيح كنت لابس تيشرت وبنطلون افتكرت

مصعب ببسمه بارده / بس انا فعلا كنت لابس بدله وقتها

توتر عادل وتصبب العرق من وجهه ولكن قاطع حديثهم اقتحام سيف وتاج للمكتب نظر مصعب لاخيه الذي يبدو علي وجهه البرود ولكن هو يعرف تماما البركان أسفل هذا البرود

تحدث سيف وهو ينظر لمصعب / حصل ايه واغتصاب ايه اللي صاحبك قال عليه

مصعب بسخريه / ياباشا ده لعب عيال أساسا

ثم نظر لعادل ورضع يده علي كتفه / بس دولا جدع وابن بلد ويقول االي حصل بالضبط صح ولا إيه يا دولا

سيف بنظره مرعبه / اكيد لأنه عارف اللي بيكدب بيروح فين ولا إيه

تحدث عادل برعب / ياباشا انا معرفش حاجه أبدا دي هي الانسه دي اللي قالتلي اعمل كده

مصعب وهو ينظر لدينا بقرف / آيوه بقي يا دولا قالتلك ايه

حكي عادل كل ماحدث لهم / وبعدين ياباشا قالتلي انى استني لما حضرتك تخرج وادخل انا عشان الكاميرات تصورني علي أساسا اني شوفتها وكده وهي كانت مستخبيه ورا المكتبه جوا الأرشيف عشان يظهر انك دخلت وراها وخرجت وهي لسه جوا وانت أساسا متعرفش انها جوا وبعدين اعمل نفسي لقيتها مصابه وكده والحوار ده كله من تدبيرها هي واخوها اللي معاها ده

نظر مصعب لدينا ببسمه بارده وهمس / مكنتش اعرف ان ممكن بنت توصل للمستوي القذر ده

ثم رفع نظره للمدير / اعتبر استقالتي وصلت لحضرتك لاني مش هشتغل هنا ثانيه زياده

ثم خرج سريعا قبل أن يسمع كلمه من المدير بينما خلفه كان يسير سيف وتاج بعد أن رمق سيف دينا بنظره جعلتها ترعتش في مكانها

نظر المدير بقرف لدينا / اتفضلي يا انسه تلمي حاجتك انتي مطروده وانا هتأكد بنفسي ان مفيش شركه تآني

هتوظفك انتي بسببك خسرت اهم موظف عندي اتفضلي برره

خرجت دينا بغضب وخلفها اخوها الذي نظر لها بلوم

بينما خرج الثلاثه من الشركه فنظر مصعب لسيف بتعجب / مالك ياسيف شكلك مش علي بعضك

سيف بتوتر / اخوك يا مصعب من الصبح سافر قريه جنبنا ومن ساعتها ما مكلمنيش

نظر له مصعب بقلق / يعني إيه هو ممكن يكون حصله حاجه.

سيف بتوتر / معرفش معرفش يا مصعب

RAHMA NABIL 美心

استدار عدي برعب وهو ينظر لتلك الفتاه وهي تمسك يد احد الرجال وترفعها عاليا بينما هو كان يصوب عليه ولولا فعلتها لكان عدي قد اصيب الان

القي عدي حقيبته وصاح بغضب / لا ده الاحترام مش نافع بقي تعالي ياخويا منك ليه

وما كاد يهجم عليهم حتي سمع صوت عالي يصيح/ جرا ايه منك ليه هو مبقاش فيه احترام للكبير هنا ولا إيه

ثم نظر لعدي بتقييم وتحدث بغموض / انت بقي عدي

عدي بضيق / آيوه انا هو وبقولك اهو انا معملتش حاجه لبنتكم

ابتسم الرجل وتحدث بهدوء / عارف انك معملتش حاجه

فتحت الفتاه عينها بصدمه كبيره بينما نظر لها الرجل الكبير بغموض / اصل ام هيام الدايه بلغتني انك سليمه يابنت ابني وانك قولتي لها تكدب علينا وتقول انك مش سليمه مش قادر أصدق انك وصلتي باخلاقك للدرجه دي عايزه تجبري راجل يتجوزك

صرخت الفتاه بجنون / آيوه يا جدي عايزه أجبره يتجوزني اعمل ايه من وقت ما شوفته وانا مش عارفه اشيله من بالي حتي انه مش حاسس بيا خالص ده مايعرفنيش وانا اللي دايما بروح اي حته هو فيها واي فرح هو بيروحه يمكن ياخد باله بس لا طلع ابرد من القطبين

الرجل بصياح وغضب / هو عشان محترم وبيتقي الله يبقي بارد الظاهر انك متعرفيش يعني إيه احترام يا عديمه الكرامه

ثم نظر لرجل كبير / ربي بنتك يا محمد لاني شايف ان عيارها فلت والا اقسم باللي خلقني لاخدها الباد واجوزها غصب عنها لابن عمها

ثم حول نظره لعدي الذي كان ينظر لهم ببرود / بعتذر ليك يابني بس انا معرفتش الموضوع ده غير من شويه لما الدايه جات قالتلي انها كدبت علينا

ثم نظر لابنه / خد بنتك يا محمد واخفيها من وشي بدل ما اغسل عارها بأيدي

زفر عدي براحه كبيره وتحدث وهو يحمل حقيبته / أظن كده الموضوع خلص فاسمحلي انا امشي لان قدامي سفر طويل ومش هينفع يتأخر

تحدث الرجل / والله ما حصل مش هتمشي من هنا قبل ما نضايفك

ثم صاح بصوت عالي / جهزي الاكل يابت منك ليها

وضع عدي حقيبته / وانا ميهونش عليا اكسر كلمتك يا كبير عيب عليا برضو انت في عمر جدي

ضحك الرجل بشده وأشار له/ تعالي ياولدي معايا نقعد في المضيفه لغايه ما يجهزوا الاكل لينا

RAHMA NABIL 美心

عاد الجميع للمنزل وهم قلقون علي عدي ولكن أثناء دخولهم للمنزل وصلت رساله لسيف من عدي ( معلش ياسيف مقدرتش اتصل بيك بسبب موضوع هحكيه ليك لما ارجع بس اطمن انا كويس عارف اني قلقتك معلش ياكبير حقك عليا انا الحمدلله كويس ومستني حته وليمه اكل فلاحي معتبر سلام بقي عشان الاكل وصل) ابتسم سيف براحه ويأس من تفكير أخيه هذا ثم نظر للاثنان الذان ينظران له بلهفه / اطمنوا الاستاذ قاعد بياكل ومتمزج

زفر الاثنان براحه ودخلوا المنزل ولكن بمجرد دخولهم سمعوا صوت صراخ ميسره فركض الجميع برعب لغرفه الضيوف وجدوا ميسره تقف اعلي الطاوله وامامها ابريس يحاول تهدئتها وامامها فتاه يبدو عليها الرعب

‏ضربت ميسره يد بيد وهي تردح / مين ده اللي قمور يا قموره ده انا اقلعلك ملط هنا يابت

‏تحدثت الفتاه برعب / مكنش قصدي والله مكنش قصدي اسفه اسفه

‏ ميسره وهي تبعد يد ابريس الذي يمسكها / اوعي يا عم ايدك دي بتقولك قمور وكيوت

‏ثم نظرت لها / كيوت مين يابت بقي الجته دي كيوت انتي اتعميتي

‏ الفتاه بخوف وهي تحمل حقيبتها/ بعتذر والله

‏ثم ركضت بسرعه بينما نظر ابريس لميسره بتذمر وهو يضع يده في خصره / عجبك كده

‏ ميسره وهي تهزر رأسها / عجبني ونص وتلات اربع وكيلو كمان نزلني

‏امسك ابريس خصرها وانزلها بينما هي نظرت لابنائها وتحدثت وهي تحرك رقبتها / لازم تعصبوا الواحد علي اخر النهار كده شويه عرر عايزين الحرق

‏ثم تركتهم وخرجت وهي تتحدث بسخريه وتقلد الفتاه / بس انت قمر آوي يا مستر ابريس مكنتش اعرف انك قمر كده بنت المعفنه حرقت دمي الكلبه

‏ثم أشارت لابريس بغضب / كله منك مسبتنيش اعيد تشكيلها

‏ثم خرجت من الغرفه بغضب بينما نظر الثلاثه بتعجب لوالدهم فجلس بتعب / مش عايز اتكلم في الموضوع

‏ ابتسم سيف وصعد لغرفته ليرتاح حتي موعد الطعام ولحق به تاج بينما جلس مصعب بجانب ابريس وتحدث / احم احم هي...

‏ولم يكمل كلامه فوجد ابريس يقاطعه / معرفش عنها حاجه يا مصعب

‏مصعب برجاء / طب حتي الفيس او الرقم يا أخي ان شاءالله حتي عنوانها اي حاجه

‏نظر له ابريس بشر فنهض/ احم هطلع اغير لحد ما ميسره تجهز الاكل

‏خرج مصعب بينما نظر ابريس في اثره بتعب ولم يكد يغمض عينه حتي سمع رنين هاتفه فاجاب/ الو يا عدي انت فين

عدي من علي الجانب الاخر / حبيبي يا ابو الاباريس انا حاليا في طريقي للبيت نصايه واوصل بس بالله عليك يا شيخ محدش ياكل لغايه لما اجي ماشي عشان الحق حاجه من عيالك الطفسين ود.....

‏لم يكمل حتي وجد المكالمه انتهت نظر لهاتفه بتعجب / ماله ده

‏ بينما ابريس تحدث بغيظ بعدما أغلق المكالمه بوجهه  / هما برضو اللي طفسين

مر الوقت حتي جلس الجميع  ماعدا عدي علي الطاوله الخاصه بالطعام وميسره التي كانت في الغرفه تبدل ثيابها التي اتسخت أثناء اعداد الطعام ولكن لم تكد تخرج حتي رأت ما جعلها تفتح عينها بصدمه وهي تصرخ / ابررررررييييسسسسس

فزع ابريس والجميع فنهضوا سريعا من علي الطاوله واتجهوا لها بسرعه وصدم الجميع عندما رأوا ان القلاده تضئ بشده هذا يعني ان البوابه علي وشك ان تفتح نظر الجميع لبعضهم البعض برعب بينما صرخ ابريس / بسرعه للمقبره بسرعه

نظرت ميسره للجميع بصدمه وهي تري الجميع يتحرك بسرعه مرعبه

فقد ذهب كل شخص واحضر الحقيبه التي كانوا يجهزونها لهذه اللحظة بينما ابريس امسك يد ميسره وحمل حقيبتهم وخرج بسرعه

وسيف ركض لغرفه عدي واخذ حقيبته ثم اجري مكالمة وهو يركض خلف الجميع / الو عدي انت فين

عدي بتعجب من صوته / خمس دقايق واوصل فيه إيه

سيف وهو يخرج من المنزل بسرعه / تعالي للمقبره يا عدي مش البيت بسرعه القلاده هتفتح البوابه يا عدي بسرعه ارجوك

عدي بصدمه وهو يزيد من سرعته بجنون / إزاي إزاي هتفتح ده لسه باقي ايام عشان القمر يكتمل

سيف وهو يرجع شعره بعنف /معرفش معرفش بسرعه بس يا عدي ارجوك بسرعه قبل ما البوابه تفتح وانت مش هنا

عدي / متقلقش خمس دقايق واكون هناك

بينما كان الجميع قد وصلوا للمقبره هبطوا من السيارات بسرعه كبيره وركضوا للداخل فتعاون كلا من سيف وابريس لازاحه الصخره من علي المقبره المدفونه وهبط الجميع للأسفل وبمجرد ان وصلوا لآخر المقبره ودخول ضوء القمر الشبه مكتمل علي القلاده حتي اهتزت وبقوه في يد ميسره وفجأه وكأن الزمان يعيد نفسه شعر الجميع بدوامه كبيره تحيط بهم وبشئ يسحبهم بينما سيف يصرخ برعب / عدددددددي  لاااا عدددددددي

في نفس الوقت كان عدي يهبط من الدرج لداخل المقبره وركض بسرعه  قبل اختفاء الدوامه وفي آخر اللحظات تم سحبه هو أيضا لتبدأ رحلتنا في عالم آخر وزمن آخر

RAHMA NABIL 美心

في نفس الوقت كانت تتسحب ببطئ وهي تنظر حولها ثم نظرت لسماريا وهمست / يابنت انتي متخلفه بقولك رايحين نسرق وانتي ماشيه عادي كده

زفرت سماريا / نسرق في عز النهار ايه العبقريه دي

تيتي بغباء وفرحه / حركه مش متوقعه صح هنغفل الحرس

سماريا بسخريه /  هو حد يتوقع دماغك عايزه تسرقي سيف الملك ابريس عشان تلعبي بيه ياقادره

تيتي وهي تلوي شفتيها بتذمر / دي مش سرقه دي استعاره وهرجعه تآني ثم اني مش هلعب بيه ده انا بس هتكبر بيه علي الواد الرخم اللي بيدرب الرجاله في الساحه اسكتي بقي شويه ممكن

ثم اختبئت كلا منهم خلف احد العمدان في الساحه الكبير وهم ينتظرون خلو الساحه حتي أشارت تيتي لسماريا فتقدمت سماريا مع تيتي لاحد الحوائط التي تتعلق عليها سيوف ودروع لملوك كثر  وامسكت  تيتي السيف الخاص بابريس  بفرحه وما كادت تنزعه حتي شعرت بضوء قوي يصدر من منتصف الساحه رأت سماريا ماحدث فركضت وهي تصرخ برعب / اااااااااه النيران تشعل الساحه النيران تشعل الساحه

تيتي وهي تنظر لاثر سماريا / آه يابنت الهبله

ولكن لم تكد تنهي كلماتها حتي وجدت امامها خمس رجال اقوياء البنيه وسيده اخري تبدو جميله تعرفت تيتي علي شخص واحد منهم بسبب تمثاله الموجود في غرفه الملك وهو ابريس مدت تيتي يدها برعب وهي تحمل سيف ابريس  / أظن أن هذا لك يا سيدي كنت فقط انظفه لأجلك صدقني لم أكن أنوي ان أخذه لأجل ان استفز به الفتي الأحمق عامل الساحه او لكي استفز به الأحمق اوناس أبدا أبدا

ابتسم ابريس بشده وهو يهمس / اوووه يبدو أن لدينا ميسره صغيره هنا..........

.............

RAHMA NABIL 美心

من هنا نقول اننا بدأنأ رحلتنا وروايتنا االي فات كله كان مجرد تمهيد للي جاي

دمتم سالمين

RAHMA NABIL 美心

بعتذر آوي يا جماعه عن فصل اليوم بجد حصلت ظروف طارئة فبقي صعب جدا اني انزل فصل انهارده وبإذن الله هكتب واحد وانزله بكرة يعني هعوضكم بكره بفضل بدل انهارده وهنزل يوم التلات عادي يعني بدل السبت هنزل الحد بس مواعيدنا لسه زي ما هي وتاني بكرر اعتذاري وبكره هعوضكم ببارت مليان أحداث كتير ونااار بإذن الله وهخليه طويل  عارفه انكم استنيتوه بس  غصب عني 

دمتم سالمين ♥️

‏رسالة إلى قلبك :

في يوم قريب لا تتوقعه ، ستجد نفسك وسط حلمك الذي طالما أردته وتمنيته ، لا تفقد الأمل بالله أبداً ، ابشر بالفرج القريب واطمئن.♥️🌍

RAHMA NABIL 美心

"‏روحي فداؤك يا من جاء بالفلقِ

ودلّنا وهدانا أيسرَ الطرقِ

صلَّى عليك إلهي كلّما شرَقتْ

شمسٌ وما غربتْ في لحظة الغسقِ..".💛

RAHMA NABIL 美心

نظر جاسر لأحمد الذي يبدو شارد منذ الصباح فابتسم وهو يتحدث / مالك يا احمد ياحبيبي اللي يشوفك كده يفتكر انك عاشق جديد اشحال دافنينه سوا والكل عارف انك واقع للبت عديمه النظر فاطمه

ابتسم احمد عندما تذكرها ولكنه أجاب / لا يا جاسر مش حكايه عشق بس.....

صمت وهو يحاول التفكير فيما سيقول فتحدث معتز بقلق / مالك يا احمد شكلك مش طبيعي خالص

زفر احمد بتعب / سيف موعد رجوعه قرب آوي

نظر الجميع بعدم فهم لثواني حتي اتسعت أعين نسرين وجاسر بشده

تحدث جاسر بصدمه / إزاي ده احنا قلنا ان الموضوع اتنسي وخلاص مفيش رجعه تآني إزاي كده

هز جاسر رأسه بوجع / من فتره القلاده رجعت تشتغل تآني وسيف قالي ان المفروض النهارده في التجمع عمي ابريس هيبلغ الكل باللي حصل

جاسر بتفكير/ يعني المفروض نص الشهر كده يرجعوا تآني

هز جاسر رأسه بحزن

فربت جاسر علي كتفه / متخافش هتعدي وتعرف تكلمه كمان

نظر له جاسر بتعجب / إزاي ده

جاسر وهو يبتسم / إزاي دي مش متأكد منها بس هقولك عليها في وقتها دلوقتي خلصوا اكلكم عشان تروحوا تشوفوا عندكم ايه قبل التجمع

هز جاسر رأسه ونهض/ طب الحق اخلص الشغل قبل التجمع سلام عليكم

‏ ابتسم جاسر ورد الجميع التحيه بينما معتز نظر لجاسر بغباء / طبعا انا مفهمتش كلمه من اللي اتقال هنا

‏ضحك جاسر وبدأ يقص له ما يحدث بينما معتز فتح عينه وصمت طويلا فتحدث جاسر بقلق / مالك يابني قطعت النطق ليه

‏معتز بصدمه تكاد تشله / يعني كده عيله عمي ابريس أصلها فرعوني أساسا ماعدا عمتي ميسره يعني سيف وعدي ومصعب وتاج المفروض أجدادي  ولا إيه مش فاهم انا مش فاهم

‏ضحك جاسر بشده ونهض / روح جامعتك وكفايه عليك دلوقتي ولما تستوعب هكملك الحكايه

‏ثم تركه بعدما قبل يد نسرين بحب وخرج لعمله مع حسام الذي قابله بالخارج

RAHMA NABIL 美心

فتح ابريس فمه ولم يكد يقول كلمه واحده حتي قاطعه صراخ تلك الفتاه وهي تركض خارج الساحه وتصرخ بصخب / يا ستتتتتت لقد عاد المللك يا ستتتتتت لقد عاد الملك

نظر ابريس لاثرها بتعجب ثم تحدث لابنائه / هل تناديني انا بالملك وتنادي أخي باسمه

ضحك عدي بشده بينما مصعب تحدث وهو يعض علي شفتيه / دي البت حته بونانبي محلي محطوط عليه كريمه يخربيت كده يارب تكون بنت عمي وتجبروها تتجوزني

ضربه سيف بحده / اهدي شويه مش اول ما رجلك تدب البلد تبدأ بقرفك ده

لوي مصعب شفتيه بتذمر

بينما نظرت ميسره للساحه وهي تبتسم بحنين ثم أمسكت يد ابريس وقالت بضحك / اول مره ادخل هنا كان حراس حورس ومن ضمنهم ست ماسكني مسكه حرامي الغسيل بعد ما جروني نص البلد

ضحك ابريس بشده وهو يضمها ويقبل رأسها بحنان / حبيبتي انتي علي طول كان الحرس بيجري وراكي مش حاجه جديده

ضربته ميسره بتذمر بينما تحدث عدي / نأسف لقطع هذا المشهد الحميمي بس الواحد جاي من سفر وهفتان فياريت يا ابريس لو تعملنا وليمه علي القد كده وعايز اكل بتاع الملوك زي اللي بشوفه في التلفزيون ورك الفرخه بيبقي آتنين متر تقريبا

هز ابريس رأسه بيأس ثم نظر لسيف وتاج / مش عايزين تضيفوا حاجه ولا ايه

سيف وهو ينظر حوله بتقييم / فين اوضتي

فتح ابريس فمه ليجيب ولكن صمت وتحدث / مش هتكلم تعالوا نشوف حد هنا غير  المجنونه اللي كانت هنا

RAHMA NABIL 美心

بينما تيتي كانت تركض في الممر المؤدي لغرفه ست وهي تصرخ / يا ستتتتتت يا ستتتتتت عاد الملك ابريس ياستتت

ثم اخذت تطرق علي باب ست بحده وعنف ففتح ست بفزع وجزعه العالي عاري فتحدث تيتي / يا ست....

ثم صمتت وهي تري حالته فابتسمت بخبث / ماذا كنت تفعل في وضح النهار يا ست ها هيا أخبر عزيزتك تيتي

ست بملل وهو يدفع وجهها / آه يا فتاه الن تتأدبي يوما في التعامل معي وقاحتك تخطت الحدود

ابتسمت تيتي ببرود / ماذا ليس ذنبي انت من تدع الجميع يظنون بك الظنون اعني اي ملك هذا الذي يخرج لفتاه بريئه مثلي ولا تعرف شئ بدون ثياب علويه ها هكذا ستفسد أخلاقي يارجل ولن يقبل بي أحد زوجته من سيقبل ان تكون زوجته وقحه آه يا ست سوف تتحمل ذنبي وتضطر لتزوجي احد ابنيك او اسمع زوجني احد أبناء الملك ابريس فهم وسيمون جدا ياجل وعضلاتهم كبيره هكذا وايضا الجميع بلا استثناء عينه لونها رائع و...

اوقفها ست عن الحديث / توقفي توقفي متي رأيتي أبناء أخي يا تيتي لتصفيهم هكذا ثم كيف عرفتي انهم أبناء وليس ابن واحد

ثم صمت وضيق عينه / هل شربتي شئ من عند احمس مجددا هيا يا فتاه اعترفي ولا تكذبي ماذا اخذتي من احمس

قوست تيتي شفتيها بتذمر / أنا لم اخذ شئ انتم دائما تظنون بي الظنون

ست بملل / اذا كيف علمتي كل ذلك عن ابريس وأبنائه يا فتاه

فتحت تيتي فمها بصدمه /ياويلي الم أخبرك

ست بسخريه / لا فقط اخذتي تتحدثين بثرثارات لا فائده لها

تيتي ببساطه وكأن الأمر يتكرر يوميا / لقد عاد الملك ابريس مع أبنائه والملكه ميسره

فتح ست عينه بصدمه كبيره وتصنم جسده وهو لا يشعر بأطرافه ونظر لها وهو يبتلع ريقه / تيتي اقسم ان كانت هذه أحدي مزحاتك سوف اعلقكي هذه المره يوما كاملا في الساحه هل د......

لم يكمل حتي سمعها تتحدث / اقسم لا اكذب لقد ظهر هكذا من العدم في الساحه الري....

لم تكمل كلامها حتي دفعها ست بحده وركض ونسي حتي ان يرتدي شئ علي جذعه وهو يشعر ان الطريق طويل جدا يركض مثل المجنون حتي ان جميع من بالقصر نظر له بصدمه وتعجب بينما هو لم يهتم لاحد كل ما كان يهتم به هو أن يصل لاخيه والان ركض وركض وهو يلعن الطريق وفجأه وجد نفسه علي بدايه الساحه فتوقف وقلبه يخفق بشده وقدمه تتحرك بصعوبه عكس ما كان يفعل منذ قليل تقدم بجسد يرتجف ودخل للساحه فوجد أشخاص تقف في منتصف الساحه اربع شباب ضخام الجسد ومعهم فتاه وجسد لم يخطئه أبدا رغم مرور السنين

ارتجف جسده بقوه وهو ينطق بحروف متقطعه وصوت يرتجف من هول المشاعر / أخي

استدار ابريس بسرعه وعنف حينما وصل صوت لاذانه   مهما مرت السنين لم ينمحي من ذاكرته نظر ابريس لاخيه بقلب يدق بسرعه وثواني وكان يركض له بلهفه طفل عاد لأمه بعد غياب سنين ارتمي ابريس في أحضان أخيه وضمه بقوه وهو ينتحب / ست يا أخي ست اشتقت اليك كثيرا اشتقت اليك  

بينما ست لم يتحدث فقط اكتفي بضمه بشده وهو لا يصدق انه الان بين ذراعيه لا يصدق تحدث ست بعد صمت طويل وهو يهمس بصوت اجش ودموع شديده  / فقدت الأمل يا أخي فقدت الأمل في عودتك كل يوم كنت استيقظ علي امل ان يكون يوم عودتك اشتقت لك يا ابريس اشتقت لك يا اخي اشتقت لك حد الموت يا أخي

ابتسم ابريس من بين دموعه / اشتقت لك أيضا يا أخي اشتقت لك كثيرا

ابتعد ست عنه وهو يبتسم ويسمح دموعه وينظر خلفه وهو يفكر ان تيتي كانت محقه في وصفها ابتسم بفخر شديد وأشار لهم ورفع يده / تعالوا تعالوا لهنا

نظر له الجميع بتردد فنظر ست لاخيه بتعجب / ابريس هم لا يفهمون حديثي؟

هز ابريس رأسه برفض / بل يفهمون يا أخي هم يتحدثون لغتنا فقد علمتهم انا وميسره منذ الصغر كل شئ عن هنا

ابتسم ست بفخر وتحدث / هيا تقدموا تعالوا لعمكم

كان أول من تقدم هو تاج الذي ذهب له وعانقه ببسمه وتحدث بهدوء / سررت برؤيتك عماه سمعت عنك الكثير من ابي وتطلعت لرؤيتك والان فقط علمت انك أفضل مما قال ابي

ابتسم ست بحنان شديد وربت علي ظهره / آه يا صغيري حديثك الهادئ والرزين هذا يذكرني بالعزيز ازي حقا تشبهه في طريقه حديثه

ابتسم تاج وابتعد عنه فتقدم له عدي بلهفه وهو يعانقه بشده / سررت برؤيتك يا عمي

ابتسم ست بشده / وانا ايضا يا بني

تقدم مصعب وهو يغمز لست / ماذا كنت تفعل قبل مجيئك لهنا

فتح ست عينه بصدمه / آه ماذا؟؟؟

ضربه ابريس علي رأسه / بطل يا مصعب واتكلم كويس

ضحك مصعب بصخب وعانق ست بشده حتي كاد يخنقه / حبيبي يا عمو حبيبي حبيبي حبيبي

ضحك ست بشده / هذا الصبي مشاغب حقا

ثم نظر لسيف ومد يده وتحدث بحنان / تعالي يا بني الا تريد أن تعانق عمك

ابتسم سيف وركض له وعانقه بحب واحترام شديد فلطالما حدثه والده عنه وشبهه به كثيرا ابتسم ست بشده وهمس له / مرحبا بالملك المستقبلي

ابتعد عنه سيف وهو يبتسم بتعجب فهز ست رأسه بفخر ونظر لابريس / آه يا أخي كنت اتطلع حقا لرؤيه أمير واحد والان لدي اربعه أمراء اقوياء

ضحك ابريس بشده وتحدث / دعني اعرفك عليهم هذا الكبير سيف وهذا عدي ومصعب وتاج بالتربيت هكذا

ابتسم ست بفخر ونظر لميسره التي كانت تبتسم بحنان فتحدث بفرحه وشوق/ ميسره مرحبا بعودتك يا فتاه اشتقنا لمشاكلك هنا كثيرا حسنا ليس كثيرا فهناك من ينوب عنكي هنا 

غمزت له ميسره / اخبار البت ننوسه ايه لسه سافل زي ما انت ولا احترمت نفسك

ضحك ست بشده / لم افهمك ولكن اجزم انكي الان تقولين شئ عني

ضحكت ميسره بشده ثم تحدثت بجديه / اشتقت للجميع هنا يا ست حقا....

لم تكمل كلامها حتي سمعت صوت صاخب يدخل للساحه نظر الجميع وجدوا تلك الصغيره التي قابلوها منذ قليل تسحب بعض الشباب وهي تصرخ بهم /هيا يا رجل قلت لكم لا امزح مابكم يا حمقي

زفر حوني بملل / تيتي انتي مزعجه حقا اخبرتك ان لدي عمل

تيتي وهي تضع يدها بخصرها / هاها عمل... انظروا لملك الملوك المشغول دائما اتشششش توقف عن برودك هذا حتي لا تتجمد أعصابك يا احمق والان هيا اتبعوني لتروا الملك وأبنائه هيا بسرعه قبل أن يختفوا مجددا

زفر الجميع بملل بينما كان يتبعهم اوناس وهو لا يستطع فتح عينه فهذه المجنونه دخلت وسحبته من فراشه وافسدت نومه ثم ركضت بعدها لحوني وازي واحضرتهم بالاجبار وايضا احضرت نونيا ونازيا التي كانت في ساحه التدريب تدرب الجنود... حسنا بل تقتل الجنود

نظرت تيتي بشر لاوناس / لا تغلق عينك يا كسول انا أراك هيا اسرعوا يا حمقي

نظر حوني لازي / اعطني سبب واحد لتحملنا لاختك الغبيه تلك

ابتسم ازي بهدوء/ في الحقيقه لا أعلم لما يتحملها الجميع انا اخاها ولا اتحملها دقيقه واحده بجواري

صرخت تيتي بعنف / هيا لن اسحبكم بهذه الأجساد فاجسادكم ضخمه مثل الثيران هيا انت

جز حوني علي أسنانه وكاد يتقدم منها ولكن توقف علي صرختها / ها هم اخبرتكم انني لم اكذب ها هم يقفون مع ست العاري

زفر ست بشده وهمس / تيتي الغبيه سوف تتعلقين في منتصف الساحه اليوم

نظر لهم وابتسم وأشار لهم بينما الجميع فقط ينظرون لهم بصدمه وتعجب شديد

اول من تقدم كان حوني الذي ذهب لهم باشاره من والده وتحدث بطاعه / مولاي

ابتسم ست وضمه بيده وباليد الاخري كان يضم سيف تحدث لابريس بفخر / هذا ابني الكبير حوني

ابتسم ابريس بشده واتجه له وسحبه من احضانه أخيه وعانقه بقوه وهو يهتف / ابن أخي العزيز تسرني رؤيتك أصبحت رجل كبير

ثم ابتعد وهو يبتسم / تبدو في عمر سيف ابني تقريبا

نظر حوني لسيف الجامد فهز رأسه ببرود وبسمه بارده بينما تقدم اوناس الذي مازال بثياب نومه وعانق ابريس بطريقه مفاجأه جعلت ابريس يضحك بشده ويبادله العناق

اوناس بفرحه / آه كنت متشوق جدا لرؤيتك عمي تبدو أجمل من التمثال بكثير

ثم نظر لجسد ابريس / وتبدو اقوي بكثير

ضحك ابريس ونظر لمصعب / شكلك هتلاقي حد في جنونك

غمز له مصعب /حبيته ودخل قلبي

ثم فتح يده / تعالي في حضني يا ضنايا خش في لحم اخوك يافواز

ابتسم اوناس بتعجب وهو لا يفهمه فتحدث مصعب / هيا يارجل تعالي لاحضاني يا صغير

ضحك اوناس بشده ثم عانق مصعب بقوه وهو يخبره / من الصغير يا رجل بل تبدو انت الصغير

مصعب بحتجب مرفوع / كم عمرك انت يا صغير

ضحك اوناس وتحدث / ٢٩ عام

مصعب / احم احم نعم نفس العمر

ضحك هدي وهو يبعد مصعب ويعانق اوناس / هو يكذب فأنا ٢٩ عام اما هو ف٢٨ عام

ضحك اوناس كثيرا وذهب وعانق تاج / اوووه تبدو لطيف جدا

ابتسم تاج / نعم ولكن احذر هذا اللطيف

ضحك اوناس ثم نظر لسيف وجده في نفس جمود وبرود أخيه فخاف ان يتقدم منه فابتسم سيف وتفهم تفكيره فمد يده بحنان / هيا لقد عانقت الجميع تقدم يا أخي

ابتسم اوناس بشده وركض لاحضانه وهو يهمس له / سررت بعودتكم كثيرا

ربت سيف بحنان علي ظهره / وانا أيضا

نظر اوناس لميسره التي تقف بتذمر وهمس / هذه زوجه عمي

كبت سيف ضحكته / نعم هي هيا اذهب وحيي زوجه عمك

ابتسم اوناس ببراءه واتجه لميسره وتحدث ببسمه / مرحبا بعودتك زوجه عمي

كانت ميسره مبتسمه له وفجأه اختفت بسمتها وهي تسمع كلمه زوجه عمي فصرخت بهياج / نعم يا ابن ننوسه مرات عمك مين يا خويا ده انت حتي شكلك اكبر مني اسمع ياض اسمي ميسره انت فاهم اسمع بس عمتو ولا مرات عمي هنزل القصر باللي فيه علي دماغك امين

نظر لها اوناس بصدمه وهو لا يعرف لما تصرخ

فتحدث تاج من بين ضحكاته / ناديها فقط ميسره هي لا تحب هذه الالقاب

هز اوناس رأسه بتفهم وركض بعيدا بخوف من ملامح ميسره

تقدم ازي وهو يبتسم للجميع بهدوء شديد وهز رأسه وهو يحيهم ثم تحدث / مرحبا بعودتك مولاي

ابتسم ابريس بتعجب ونظر لست الذي قال معرفا / هذا ازي ابن بيك الكبير

ابتسم ابريس بشده وجذبه لاحضانه / لا تقل مولاي يا بني فقط ناديني ابريس او حتي عمي فأنت ابن أخي هل تفهم

ابتسم ازي بشده وهز رأسه بينما أشار ست لابنته فتقدمت نازيا من الجميع بملامح جامده قليلا

فضرب مصعب عدي / بص دي المزه اللي كانت في القلاده

نظر له عدي بتعجب فابتسم مصعب وهو يراقبها تتقدم من والده / ياض البت اللي شحورت الراجل اللي طلعت السيف دي وكانت هتطير رقبه اللي خلفوه

عدي بهمس/ آه مالها

أشار مصعب بعينه لنازيا /هي بقي الوحش ده

ضحك عدي علي تشبيه أخيه

بينما اتجهت نازيا ببسمه لابريس / مرحبا بعودتك يا عمي

ابتسم ابريس وتحدث لست وهو يعانق نازيا / هذه ابنتك

هز ابريس رأسه وهو ينظر لها بفخر فتحدثت ميسره بتعجب / الوحش اللي كانت في القلاده تبقي بنت البت ننوسه السهتانه علي روحها صحيح ويخلق ما لا تعلمون

ضحك الجميع علي حديثها فاتجه لها حوني ونازيا والقوا عليها التحيه

نظر ابريس للباقي فلم يجد سوي تلك المجنونه التي كانت هنا في البدايه وبجانبها فتاه اخري أصغر سن فابتسم بحنان وأشار لهم بالتقدم فنظرت تيتي للاسفل وتقدمت بخجل بينما كاد فك ست يصل للارض مما يري وهو يهمس / مابكي عزيزتي تيتي هل فقدتي شيئا

نظرت تيتي له بتذمر / مابك ياست انا اتظاهر بالخجل يارجل لذا لا تتدخل ارجوك

ست بغيظ / أنا الملك يا فتاه تأدبي قليلا معي

رفعت تيتي حاجبها وغمزت له / وهل هناك ملك يسير في أنحاء قصره عاري الجذع

صدحت ضحكه مصعب بشده/ مش معقول البت دي أسفل مني

نظرت له تيتي بشر فانصدم هو ولكن تذكر انها لا تفهمه

بينما أعادت تيتي نظرها لابريس ومدت يدها / مرحبا بعودتك يا مولاي

ضحك ابريس بشده / هل تنادين الملك باسمه وتناديني انا مولاي هيا ناديني باسمي

ابتسمت تيتي / حسنا يا ابريس مرحبا بعودتك يارجل

ضحك ابريس بشده وهو لا يستطيع التحدث / ابنه من تلك المشاكسه اكيد ابنه احمس

لوت تيتي فمها وهي تربع يدها / لست مشاكسه

تحدث ست بسخريه / بل ابنه بيك يا أخي

صدم ابريس كيف يمكن أن تكون تلك ابنه بيك البارد والجامد وابنه اسينات الهادئه كالملاك

ضحك ست بسخريه / نعم لا أحد حتي الان يصدق انها ابنه بيك ولكن هذا أمر واقع تقبله هذه المجنونه ابنه عزيزنا بيك

ثواني وكان صوت الاخري يصدح في الساحه وهي تركض / هيا ياقوم احضروا الماء بسرعه هيا

نظر الجميع بتعجب لجنود القصر وهم يحملون الماء وخلفهم يركض كلا من احمس وبيك واسينات وامرأه اخري

تحدث ست بحزم / ماذا يحدث هنا

تحدث احد الجنود / سيدي اخبرتنا الاميره سماريا ان هناك حريق في الساحه

نظر ست لسماريا فتحدثت هي بدفاع / اقسم لك يا مولاي كان هناك ضوء شديد يشبه الحريق ينبع من منتصف الساحه

ثم نظرت لتيتي / أليس كذلك يا تيتي لقد رأيناه سويا أثناء سرقه سيف الملك ابريس

رفع ابريس حاجبه بينما همست ميسره بتسليه / الظاهر ان القعده هنا مش هتفرق كتير عن هناك فيه هنا نيره وكريمه ونسرين كمان وطمطم ده احنا هنتسلي آوي

نظرت تيتي بشر لسماريا ثم أعادت نظرها لست / انها حمقاء يا ست لا تستمع لها

لم يعي احد مايحدث فخلال ثواني شعر الجميع بأحد يركض بسرعه مرعبه ويتجه لابريس وهو يصرخ ببكاء / ابريس

نظر ابريس لمن بين احضانه بحب شديد وهمس له / بيك يا عزيزي اشتقت لك كثيرا

بكي بيك بشده وهو يهمس له / واخيرا عدت يا أخي واخيرا عدت آه يا ابريس اشتقت لك وبشده والان فقط أشعر بعوده روحي الي اشتقت لك كثيرا يا ابريس اشتقت لك كثيرا يا أخي

ابتسم ابريس بشده وهو يشدد علي احضانه / وانا ايضا يا أخي

ابتعد بيك ونظر لابنائه / هل رحبتم بعوده عمكم

ابتسمت تيتي / نعم فعلنا لا تقلق يابيك فقط نونيا لم تفعل

نظر بيك لنونيا وأشار لها فاقتربت بخجل شديد بينما همس حوني في اذن تيتي / انظري هذا يسمي خجل اما ما فعلتيه انتي كان عرضا كوميديا

نظرت له تيتي بتذمر وتركته وخرجت من الساحه دون أن تجيبه ولكن لحقت بها أنظار اخري لم تُرفع من عليها منذ دخول الساحه

حيت نونيا ابريس وكذلك فعلت مع ميسره اقتربت اسينات وحيت الجميع وكذلك فعل احمس الذي عانق ابريس بشده ونظر لايانا زوجته وتحدث/ ابريس هذه زوجتي وشريكه حياتي ايانا

ابتسم ابريس بشده / حمدلله انك تزوجت ولم تنتظرني لأنك كما تري لا أملك فتاه

ضحك احمس بشده ونظر لميسره وحياها / ميسره يا مجنونه كيف حالك

ميسره بسخريه / احسن منك يا حكيم نص كم انت

رفع احمس حاجبه وتحدث بسخريه / مازلتي كما انتي

بيك ببرود واستفزاز / يا أخي لن تتغير ميسره ولو مرت قرون كامله

ميسره بسخريه / آه انظروا من يتحدث انه بيك التي يبدو أن ابنته مجنونه اكثر مني

ثم ضحكت بصخب / ياااااه يا جدع فرحانه فيك آوي يعني

زفر بيك بضيق / فقط اصمتي

ضحكت ميسره اكثر / آه يارجل من كان يتخيل ان من كان يسخر مني سيرزقه الله بفتاه مثلي بل وتتخطاني في الجنون

ثم همست بشماته / يمهل ولا يهمل

تذمر بيك وكاد يجيب لولا صوت اسينات / هيا يا بيك انت لست صغير لن تعود لاغاظه الفتاه المسكينه

ميسره وهي تنظر لهم ببراءه / اه ياباربي قوليله اني مسكينه ده انا حتي يا أخي كنت بفكر اناسبك واخد البت بنتك واعمل فيك ثواب

بيك ببسمه مستفزه / أبدا لن اجمع ابنتي معك في مكان واحد لا ينقصنا الغبيه تيتي حتي تختلط بكي وتصبع اسوء مما هي

ضحكت ميسره بسخريه / يا أخي اتنيل يا معفن انت تطول

تحدث مصعب / أنا ممكن اتجوزها عادي علي فكره

ضحك ابريس بشده / حسنا توقفوا عن هذا جميعا هذا يكفي 

دخلت نانيس للساحه وهي تتعجب هذا الصخب / ماذا يحدث هنا

ولكن توقفت وهي تري ابريس وميسره فصرخت بفرحه وهي تركض لميسره / ميسررررررره

ركضت لها ميسره وعانقتها بشده / قولتلك هرجع يا ننوسه

‏ ابتسمت نانيس بشده / لا افهمك ولكن اشتقت إليكي أيضا

‏ضحك الجميع عليهم وتحدث ست / حسنا حسنا بما ان الجميع رحب بهم اذا ليرتاحوا اولا ثم نعرف الأمراء علي القصر

‏نظر لحوني / حوني انت من ستأخذ اخوتك وتعرفهم علي كل شئ هنا

‏هز حوني رأسه بطاعه / امرك يا مولاي

‏ ابتسم ست ونادي للحرس / خذوا الأمراء للغرف التي اعددتها لهم

‏ثم نظر لابريس / تعالي انت وميسره معي يا أخي أنا سأرشدكم لغرفتكم

‏دخلت تيتي وهي تحمل طبق حلوي / ماذا ياست هل نسيت ماذا ترتدي اذهب وارتدي شئ اولا ثم افعل ماشئت هناك نساء في هذا القصر يا رجل

‏ست بسخريه / وطبعا انتي لستي منهم

‏فتحت تيتي فمها بصدمه ولم تكد تجيب حتي شعرت بطبق الحلوي يسحب من يدها

‏عدي / هاتي ده بس عشان تتصدمي براحتك

‏ثم اخذ يأكل به بتلذذ / امممممم جميل اوي

‏تيتي بغضب وحنق / هذا لي يا فتي اذهب واحصل علي واحد لك ولا تأخذ حلوي غيرك

‏نظر لها عدي ببرود ثم اقترب منها بشر وهمس لها / أين هو المطبخ

‏اشارت تيتي بيدها / في آخر الممر علي اليسار

‏ذهب عدي بسرعه بينما صرخت به تيتي / علي الاقل اعطني الحلوي الخاصه بي واحضر لك غيرها

‏عدي وهو يأكل / سوف انسلي بها في الطريق لا تقلقي سأحضر لكي حلوي عندما أعود

‏زفرت تيتي بملل /يا احمق كيف سأفرغ غضبي الان

‏شعرت بأحد يحملها من الخلف ويرفعها / أنا سأخبرك كيف

RAHMA NABIL 美心

ضمت تيتي يدها بتذمر وهي تنظر لست / هيا ياست انزلني هذا غير لائق بك كملك

نظر ست لها وهي معلقه في منتصف الساحه / حقا اوليس سيري هكذا هو غير اللائق ام ماذا

ثم نظر لابريس الذي يضحك بشده / هيا يا أخي الحقني

ضحك ابريس بشده / ماذا تفعل ياست انزل الفتاه

ست وهو يسير / لا تقلق هي معتاده علي ذلك لنذهب

نظرت لهم تيتي بصدمه وهم يرحلون وصرخت / لن انسي لك هذا يا ست صدقني لن انساه انت ملك ظالم سوف اقود ثوره ضدك يا ست وتذكر حديثي هذا

ثم همست لنفسها وهي تقرر ما ستفعله / سأجعل الشعب ينقلب عليه واكون انا الملكه الجديده

ثم تذمرت / اللعنه عليك ياست تركتني هكذا

ثم رأت  الحرس ينظرون لها فصرخت بهم / فيه إيه هي اول مره ولا إيه

ولم تكد تنتهي من توبيخهم حتي سمعت صوت بجانبها /........

RAHMA NABIL 美心

نظر محمد للجميع وجد حاله من الهرج والمرج تعم المكان والصوت عالي جدا فذهب للمنصه ووقف عليها وامسك المايك وتحدث / فيه إيه ليه الدوشه دي احنا في حضانه ولا إيه

تحدث احد الشباب بسخريه / هو حضرتك متعرفش اللي بيحصل مشوفتش التريند اللي لسه طالع

جلس محمد علي مقعده وابتسم بهدوء رغم سخريه الفتي / لا شوفت الترند

تحدثت فتاه اخري / طب وايه رأي حضرتك في الموضوع ده

محمد بتعجب / وهو الموضوع ده فيه أراء هو شئ واحد اللي المفروض يكون رأينا وهو ان اللي حصل مش مجرد تريند هيستمر ليومين ويخلص اللي حصل ده يمس دينا واحد واحد ده استهزاء بالرسول صلي الله عليه وسلم وليس استهزاء بإنسان عادي بس تعرفوا انا شويه عاذرهم ومشفق عليهم

تحدثت مروه بصدمه / بتعذرهم ومشفق عليهم إزاي يا دكتور بس

محمد ببسمه / لان ببساطه يا مروة ميعرفوش مين هو محمد ميعرفوش مين هو رسول التسامح ميعرفوش مين هو قائدنا محمد ليس رسول فقط بل هو رسول وقائد ومعلم صلي الله عليه وسلم لو عرفوا بجد مين هو الرسول مكنوش نطقوا كلمه واحده علي الرسول

احد الشباب / بس يا دكتور حاليا أساسا في مقاطعه كبيره لفرنسا ومنتجاتها ودي خطوه كبيره اوي

ابتسم محمد باستهزاء / بالعكس ده أقل واضعف شئ ممكن نعمله وهو اننا نقاطع منتجاتهم آو غيرها ده أقل شئ نعمله يا كرم مش حاجه عظيمه آوي

إيهاب بتعجب / إزاي يا دكتور فيه إيه يتعمل غير كده

نظر لهم محمد باسف / المفروض يكون فيه رد قوي من الدول نفسها علي الموضوع ده هي خطوه ايجابيه بس مينفعش تطلع بالدور الثاني والاساس بتاعك متاكل ومحتاج ترميم احنا هوّنا وبقينا مستضعفين من وقت ما تركنا سنه حبيبنا الكل استهان بينا وبدينا اكثر من مره مثلا زمان حصلت حاجه شبه كده وهي ان أوكرانيا جسدت الرسول في الصحف الخاصه بيها عملنا ايه وقتها خرجنا وهتفنا الا رسول الله وفداك يارسول الله وعملنا مقاطعه لاوكرنيا وخسرت شويه فلوس كده من الموضوع وبعدين اي حصل........

صمت قليلا وهو ينظر لهم ثم اكمل / ولا حاجه محصلش ولا حاجه الناس نسيت والنار بردت وبقت رماد ورجعت أوكرانيا زي الاول والناس رجعت تعاملها والناس رجعت تسافر ليها والدنيا بقت عادي جدا طب بلاش ده حادثه برج التجاره العالمي واضطهاد المسلمين في الغرب وقتها المسلمين اتعرضوا لاسوء انواع الاضطهاد في الغرب لدرجه ان النساء بقت تخلع حجابها خوفا من الاذي هناك شوفت وصلت لايه طب وقتها حد اتحرك وقال لا ووقف ودافع عنهم محصلش وعدت الحادثه وبقي المسلمين في الغرب دايما يتعرضو لاسوء معامله يكفي بس يعرفوا انك مسلم عشان تشوف اسوء تعامل حتي الحيوان هناك بيحترموه اكثر من المسلم مش اهانه للمسلم معاذ الله بس حابب اوصلكم مكانتنا هناك واوريكم ان دينا ببساطه بقي من السهل يتم الاستهزاء به وباقدس شئ فيه وهو الرسول صلي الله عليه وسلم طب تعرفوا ده كله ليه

صمت الجميع فاكمل / بسببنا احنا جعلنا ديننا اهون شئ علينا فاستهونه الباقي طالما احنا مش بنقدر ديننا ليه تطلب من غيرك يحترمه طالما خالفنا سنه رسولنا اللي احنا عارفينه واللي احنا حافظين سيرته ليه مستني من غيرك ان يقدس الرسول..... الرسول صلي الله عليه وسلم لا ينتظر منا شئ فهو صلي الله عليه وسلم مُعظم من الله بس علي الاقل نتبع سنته للأسف الغرب رغم كرهمهم لينا لكن مازالو بينا هما محتلوش ارضنا بس احتلوا نفوسنا فرطنا في ديننا حتي أصبح عرضه للسخريه من بعض الكلاب ممن لا دين ولا مله لهم يعني تخيلوا معايا كده فرنسا  اللي اتعرفت في التاريخ بأكثر شعب معفن بتستهزأ بسيد الخلق محمد تخيلوا ان الدوله دي بشعبها مكنوش يعرفوا يعني اي استحمام اساسا عاشوا حياتهم قذرين لا بيستحموا ولا بيغتسلوا ولا بيعملوا اي شئ يدل علي التحضر وبيوصفوا نفسهم من الدول المتحضره وهما دوله اخترعت البرفيوم عشان تداري قرفها وريحتها النتنه مسألتوش نفسكم ليه فرنسا هي الدوله الاولي في صناعة العطور ده لأنهم اشتهروا علي مر السنين انهم اكثر شعب عفن تخيلوا معايا كده شعب بهذه القذاره يستهزأ بخير الخلق شوفوا وصلنا فين..... فرنسا لما احتلت الشرق خدوا صدمه حياتهم واتفأجوا  ان فيه حاجه اسمها استحمام يعني تخيلوا معايا كده دوله بالنتانه دي بتستهزأ باقدس المقدسات  في دينك

انا شوفت الترند اللي ظهر وشايف الفيسبوك اللي كله صلاه علي الرسول وبصراحه حاجه مبهجه جدا بس محدش وقف مع نفسه كده شويه وسأل ليه منكونش كده دايما ليه بنستني يحصل حاجه عشان نفتكر ديننا وسنه الصلاه علي الرسول يعني لو فرنسا دي كانت عارفه عقوبه الاساءه لرسولنا عمرها ما كانت تجرأت انها تمس الرسول صلى الله عليه وسلم بس لا هما شايفين اننا احنا نفسنا استهونا بديننا  فليه نخاف منهم ونعمل ليهم حساب........ يعني تخيلوا انهم أساسا محتلين نفوسنا بالأغاني والفيديوهات الخارجه والمخدرات يقدروا يعملوا اي حاجه يعني لنفترض ان مغني مشهور نزل اغنيه ولنقل عمرو دياب هيبقي تريند ويتشهر زي الترند اللي احنا طلعنا بيه ده طب بلاش نبعد فيديو الراقصه اللي ظهر من فتره مش عايز اقول اني مكنتش عارف افتح فيس بسببه لاني كنت كل ما افتحه اشوف الفيديو في وشي عشان كده بقول نعمل تريند ماشي ونصلي علي الرسول بس واحنا بنعمل كده مننساش نرمم الشروخ اللي حصلت في دينا مننساش سنه نبينا مننساش نبعد عن المعاصي اصلحوا نفوسكم الأول قربوا من ربنا دافعو وبأستماته عن رسولكم دافعوا عنه رسولكم اللي تعرض لاسوء انواع العذاب عشان الدين يوصلكم رسولكم اللي بكي شوقا لرؤيتكم رسولكم اللي وصفكم بأنكم احبابه وقال اشتقت لاحبابي رسولكم اللي دعي علي فراش الموت وقال اللهم ثقل سكرات الموت علي وخففها عن أمتي رسولكم اللي جثي علي ركبتيه عشان يواسي طفل مات عصفوره حلو تدافعوا عنه بس اتمني ميكونش الكلام ده ليومين وبعدين ننسي بلاش نرجع من غفلتنا مؤقتا بعدين نرجعلها تآني

استقيموا يرحمكم الله........

RAHMA NABIL 美心

نظرت تيتي للأسفل وجدت عدي يقف وهو يحمل طبق كبير ملئ بالطعام / من الذي فعل هذا بكي يا فتاه

تيتي بمزاح/ لا شئ فقط كنت أسير في القصر قليلا وفكرت لما لا اري القصر من الاعلي لذا تعلقت هكذا

عدي وهو ينظر لها ببرود / وكيف هو القصر من الأعلي

نظرت تيتي لبعيد / رائع جدا  هل تريد أن تأتي وتري بنفسك

أشار عدي للطعام بيده /شكرا ولكن لا استطيع الصعود بالطعام

هزت تيتي رأسها بتفهم / حسنا فأنا لا احب ان يشاركني احد في جلستي الرائعة تلك

عدي بخبث / اذا لا تريدين مني مساعده

هتفت تيتي بسرعه / لا لا هيا انزلني هيا ارجوك

ضحك عدي بشده عليها ثم نظر حوله وجد صناديق كبيره جدا فقام بجر أحدهم ووضعه اسفلها / هيا اهبطي

نظرت تيتي للصندوق ومدت يدها وحاولت جذب ثيابها من الجذع الذي تتعلق به وفجٱه فلتت ثيابها فسقطت بحده علي الصندوق وهي تصرخ / اااااه 

نظر لها عدي بخوف / هل انتي بخير

نظرت له تيتي ونهضت ونفضت ثيابها / نعم نعم لا تقلق انا معتاده علي هذا

ثم هبطت ونظرت له ببسمه/ سأعتبر مساعدتك مقابل طبق الحلوي الخاص بي حسنا

ثم تركته وركضت بينما همس عدي / البت دي هبله آوي والله

ثم هز كتفه بعدم اهتمام وذهب لغرفته بيننا تيتي كانت تسير في الممر وهي تتمتم بغيظ ولكن فجأه وجدت الجناح المجاور لغرفتها مفتوح فهمست / تري من فتح هذا الجناح فهو غير مسكون

ثم اقتربت منه بفضول فوجدته واسع جدا / يا ختي أمال مقعدني في علبه كبريت ليه بلا نيله هكذا تكون الغرف والله لاقدم شكوي لست

ثم اخذت تلعب في محتويات الجناح وهي تبتسم وجدت تمثال غريب في زاويه الحجره فاتجهت له ببسمه / ايه ده آول مره اخد بالي منه

امسكته وهي تحاول أن تعلم لمن هذا التمثال ولكن فجأه سمعت صوت خلفها جعلها تنتفض برعب وتسقط التمثال ليتهشم لقطع صغيره / اووبس ست هيعلقني شهر علي العمله دي

بينما كان سيف ينظر لها بشر فهو لا يحب أن يدخل احد غرفته ابدا همس بشر / سوف اقتلك يا صغيره

استدارت تيتي لتري من دخل

اقترب منها سيف وعيونه تطلق شرار بينما هي كانت تنظر له بتركيز بينما هو انحني لمستواها وهمس لها / ما اللعنه التي أتت بكي لغرفتي يا صغيرة

رفعت هي عينها له وتحدثت بتمرد كعادتها / وهل أصبحت غرفتك محرمه ام ماذا

ابتسم سيف بسمه مرعبه / تؤ تؤ بل اكثر من ذلك والان لا اريد سماع كلمه اضافيه واخرجي من هنا برأسك قبل أن تخرجي بدونها

فتحت فمها وعينها بشده وهي تصرخ به مما افزعه / مااااااذااااا هل هددتني للتو

اغمض سيف عينه ببرود وصرخ بها / اخرجي يا مزعجه انتي ولا تدخلي لغرفتي مجددا هل سمعتي

نظرت له بعناد ثم ركضت لفراشه وتسطحت عليه بعناد وأخذت تتقلب عليه / طب اهو اهو بالعند فيك

حدث سيف نفسه بتعجب وصدمه / طب اهو؟؟؟ دي بتتكلم مصري و....

قاطعته وهي تقف علي فراشه بحذائها وتفرك حذائها في الفراش بعند / اهو اهو اهو

صرخ بها سيف وقد تفتت بروده المعروف / انتي يا بهيمه انتي انزلي من علي سريري

أخرجت لسانها له وأكملت إفساد في غرفته فركض لها بينما هي صرخت وهي تراه يتجه لها فصرخت بحده/ قسما بالله لو قربت لاكون مصرخ .....

انقض عليها سيف بسرعه وكتف يدها فكان الوضع كالتالي هي مسطحه علي الفراش وهو فوقها بثقله

تحدثت وهي تصف سقوطه عليها  / سقوط ناطحه سحاب علي كشك سجاير مما ادي لمصرع بائع السجاير وطفل كان بيشتري سجاير فرط بعد ما هرب من مدرسته ورمي كراسته وراح جر شكلها

نظر لها سيف بغضب / بت بت اسكتي يخربيتك افصلي انتي عرفتي الكلام ده منين يابت انتي، ده انتي اسود من ميسره

رفعت حاجبها / من احمس البركه بتاعتنا آه صحيح هو أنا مقولتش ليك مش انا ااا......... امممممممم

كتم فمها وهو يهمس لها بغيظ / اشششش اكتمي اكتمي يخربيتك اكتمي

كاد يتحدث ولكن سمع الباب يفتح وميسره تصرخ / واد اسيف ماتلم اخوك الحيوان اللي ماشي يعاكس في كل واحده تقابله و......

صمتت وهي تري الوضع امامها فتحدث بصراخ / احيييييه هو إنت منهم يا سيف

ثم تحدثت بخبث / آه يا خلبوص طب مش تقول لمامي حبيبتك يا جدع ده انا هفرحلك حتي يا راجل

نظر سيف لميسره وتمتم بغضب / كملت

ثم زفر بضيق / ميسره الموضوع مش زي ما انتي فاهمه دي بس

قاطعته تيتي وهي تتحدث ببراءه / ياويلي الملكه هنا لقد اخبرتك ان تغلق غرفتك اولا ولكن انت قلت لي أن لا احد يجرأ علي الدخول لغرفتك والان انظر والدتك علمت بالأمر

ميسره بخبث / آيوه بقي هو الأمر ده هتسموا اول عيل ايه

نظر سيف بشر لهم ثم نهض عنها ووقف بجانب الفراش وتحدث بغضب / يا ميسره افهمي البت دي هبله أساسا دخلت اوضتي و...

قاطعته تيتي وهي تضع يدها في خصرها / نعم يا خويا م انت اللي غمزتلي بره وقولتلي مستنيكي في اوضتي وانا رفضت ومرضتش اعبرك أساسا وجيت داخله اوضتي االي هي جنبك دي روحت حسيت بحد بيشدني للجناح هنا

ثم نظرت لميسره وهمست / شدني يا ميسره وحاول ي....

ابتسمت ميسره بشده / ي.. ايه ها قولي اخيرا يا سيف اتحركت

ضحكت تيتي بشده واخفت وجهها بخجل مصطنع وركضت للخارج بسرعه بينما نظر سيف بشر لميسره / انتي مصدقه الهبل دي

ميسره بحاجب مرفوع / ومصدقش ليه البت قمر.

زفر سيف / ياستي قمر مقولتش حاجه بس انا عمري ما اعمل زي ما هي بتقول

ابتسمت ميسره وغمزت له / عارفه انها بتهزر وده كان باين آوي من ضحكها بس انت عشان متعصب ما اخدتش بالك بس ليه متخليش ده حقيقي

ثم غمزت وخرجت بينما نظر سيف بغموض لاثرها والقي جسده علي الفراش واغمض عينه بتعب وتذكر احمد فهمس / يارب يا احمد تلاقي اللي سبته ليك

RAHMA NABIL 美心

كان أحمد ينظر للرساله في يده بصدمه كبيره شلت جسده وهو يهمس /.......

RAHMA NABIL 美心

دمتم سالمين

RAHMA NABIL 美心