تحميل رواية «علمني كيف الحب يداوي» PDF

#علمني_كيف_الحب_يداوي 21

أمل : ادور فلوسي ماكو اني متأكدة مخليتها بهالمكان وينه اوف تأخرت على الدوام صحت ماما وين الفلوس اللي بالدولاب

ام امل : صرفتها عندج مانع اذا انتي متحسين بينا ولا عايشة ويانا خواتج محتاجات غراض ناقصهم بالجهاز جبتلهم ياه

امل : شنو جهاز على شنو تحجين

ام امل : خواتج انخطبو قبل اسبوع وبعد ايام عرسهم منين تعرفين ياحظي اذا 24 ساعة لاهية عنا روحي باركيلهم وجيبي وياج هدية ذهب من ترجعين

أمل : أخي تزوج واني ماعرف فجأة شفت زوجته ويانا بالبيت وهسة خواتي هم اللي اصغر مني فوك ما ماخذين فلوسي يردون هدية منين اجيبلهم وانتي ماخذة التحويشة كلها

ام امل : لعد امجد شنو محل مالته يسد عين الشمس جيبي من عنده وبعدين اتصرفي وياه تردين خواتج يروحون يم عيالهم بدون هدايا مو عيب علينا

امل : عرفت مراح اخلص منها ردت اطلع شفت زوجة اخويه نازلة وتبوس بيه مشتاقتلي انطتني قائمة تريد اجيبلها غراض طبعا أعرف هي تتلوك بس أحسن من عدهم على الاقل تحجي بأدب ومو ناكرة معروف ضحكت واني امشي بالطريق يمتى كبرو حتى يتزوجون وصلت منار صارتلها فترة متغيرة حجاب ماكو لبس ملون الوان واشكال والشعر كل فترة لون سمعتها تحجي بالتليفون وتنصي صوتها سلمت عليها ورحت اباشر شغلي صعدت يم قسم العجايز احس نفسي اتونس وياهم اكثر معتبريني خطيبتهم ويتغزلون بيه واني اضحك عليهم يمكن اخرتي اتزوج واحد بيهم

امجد : ماصدك اشوفك كدامي ولك حقير هذا انت مكدرت ارجع لبيتنا من خابرتني وكلتلي رجعت سديت المحل وجيتك مشتاقلك حقير

ابو شامل : هههه الله يخليكم لبعض ابني اروح اجيبلكم عشا حلفت ام شامل متدخل المطبخ اليوم ادللها برجوع ابنها

نور : بابا لحظة ابدل واجي وياك بست شامل حبيبي من وراك راح اخسر بابا 😆

ام شامل : خليت راسه بحظني واني ابوسه اوف ريحتك تخبل حبيبي اشكد اشتاقيتلك صدك نسينا امل اروح اخابرها .

شامل : قررت ارجع بعد صراعات كثيرة بداخلي بين ارجع او لا بس رجعت وراح ابدي اشتغل بلكي ارتاح من صدك سويتلهم مفاجأة مكلتلهم على رجوعي بس قهرتني دعاء وجهالها تعودو عليه هالفترة كلش جانت صعبة عليه أرجع واعوفهم بس وعدتها بين فترة وفترة اروحلها سمعت امي من كالت امل جاوبتها لاتخابريها راح اروح بنفسي عليها اعرفها مراح تجي

أمجد : خابريها خالة ماعليج بيه ماعنده عقل ولك تموت وتشوفك صدك جذب لاعبالك مسوية نفسها مو يمها يعني ناسيتك لا جذب ماخذة على خاطرها انت متعرف معزتك عدها اي احجيلي شكو ماكو مكلتلي راح ترجع

شامل : ردت اسويها مفاجاة شلون الشغل وياك انطيني مفتاح الشقة راح اروح اكعد بيه بعد يومين

امجد : ليش تروح للشقة واهلك شلون تعوفهم امك مراح تقبل هي مصدكت ترجع لايكون علمود السم اللي تشربه

شامل : لا مو بس هالشي راح اشتغل ولازم هالفترة ابتعد شوية احتمال اسافر لغير مكان ولاتسألني على وين وشنو الشغل اني بنفسي ماعرف شي

منار : واخيرا رجع ورجعت روحي وياه بسرعة طلعت من المستشفى رحت للصالون غيرت كلشي شعري حواجبي اظافري رجعت للبيت وجهزت نفسي ورحنا على بيت شامل

أمل : وصلت بسرعة لبيت أم شامل شفت سيارة بيت منار وسيارة أمجد كلبي دك سريع لايكون اللي ببالي شلون اتاكد ماريد اشوفه ياربي شسوي ارجع للمستشفى واخابر امجد بعدين لو ادخل ومااحجي وياه اقهره مثل ماسوى بيه دخلت سلمت وصلت يمه جرني وحضني بقيت جامدة سلمت عليه عادي خلي يحس شوية اشوف منار لاعبة بنفسها لعب ضحكت على تفكيرها وتصرفاتها مباوعت بوجهه حتى لا اضعف كدامه طلعت ويا امجد حتى يرجعني مقبلت ابقى يمهم

أمجد : اي خاتون شنو استفاديتي من حركتج كل الموجودين حسو عليج هو رجع بعد شكو شايلة خشمج

أمل : متحس بناري ولا هو راح يحس خلي يولي ماعليه بيه وصلني بلا لغوة راسي يوجعني

أمجد : تدرين مبين صدك منار ناوية على شامل اليوم تأكدت بس هو ولا يمها

امل : لا اصلا اسمعها يوميه تحجي وياه من تشوفني تنصي صوتها عبالها غشيمة الاخ عاجبه السالفة ومنطيها وجه وهو دمر نفسه علمود أختها مات ودمرنا وياه واخرتها صفى على منار خاتون

مرمر : طبخت وكملت الغسل بعد اكو شي عندي واجبات تعبت منها ومن طلباتها مسويتني خدامة هي متسوي شي ونزار بس أسمع صوته من يرجع بالليل مرات اريد ارجع مرات اكول لا بديت اتعود على مدرستي وحريتي اروح واجي بكيفي بس اوصل للبيت سمر تبدي ويايه سوالفها

سمر : اخذي اكلج وروحي لغرفتج اياني واياج تطلعين حتى لو يصيحج نزار افتهمتي

مرمر : لاتخافين هو اصلا ميريد يشوفني بعد ماهددته صار يكرهني تذكرت قبل شهر وصلني للمدرسة بالطريق حذرني أسوي شغلات منا ومنا وكالي بس تصيرين 18 سنة ازوجج واخلص منج مراح اخليج ترجعين يم فرح وحامد تخربين حياتهم .

حامد : عفرا متعبتي من البيت ليش متداومين راح تتغير نفسيتج تطلعين وتشوفين العالم انتي حاسبة نفسج عايشة

عفرا : ماريد حامد اني مرتاحة منا ادرس ميرا واساعدها منا اساعد امي على البيت وجهالك الوكحين هههه

أم حامد : أسم الله عليهم عسل على كلبي يمه حامد أخذ فرح للدكتورة اليوم خطية مبينة تعبانة بس متحجي شكلها مو تمام روحي عفرا حضري غرفة نزار راح يوصل بعد شوي

حامد : ضحكت على حركات أمي صرفت عفرا حتى تحجي ويايه شفت فرح تقربت منا لزمتها وكعدتها خليت ايدي على اكتافها

أم حامد : خليني اكوم احسن شفت فرح نسيت السالفة ومجاوبتني عيني فرح دكومي الولد مشتاقلج خطية عيونه طلعت لحد يمتى اظل اعلم بيج

فرح : خجلوني ماكو شي خالتي عادي كعدي ويانه

حامد : لاتصدكيها ماما روحي اخذي راحتج كملي طبخاتج راح يجيج الدلوع عمري شلونج واني اشيل خصل شعرها النازل على وجهها وارجعها ورا أذنها مشتاقلج اهواية حني عليه نامي يمي الغرفة بدونج منفى

فرح : هانت روحي واني هم مشتاقتلك شنسوي نتحمل مباقي شي وارجع انام يمك لاتنسى هاي أوامر الدكتورة وانت بنفسك سمعتها وافقت أنام جوا ومااصعد لغرفتنا الله يخليك لاتجبر عفرا على الزواج ادري تردون تساعدوها بس مو بهالشكل

حامد : فدوة للحلوة اللي شايلة همي وهم عائلتي مرتي العاقلة لاتخافين مااجبرها بارحة حجيت وياها علمود تتزوج تهسترت أبويه غصبها اليوم تنزل والا كالعادة تحبس نفسها يومين غيري لبسج خلي نطلع نغير جو

شامل : خابرت ابو تمارا وحجيت وياه وافقت اشتغل وياهم بقيت شهر بالبيت مرات اروح ابات بالشقة تعبت من حياتي الخالية بدون هدف ودعت أهلي وسافرت من جديد بس على أمل ثاني

ميرا : عمة اريد اعرف ليش تتعبون نفسكم بالحلويات وهي اكو بالسوك انكسرت ظهري من الصبح كاعدين نحضر حلويات العيد والجهال ماكلين راسنا كلش يتحركون ومشاغبين غرفتي صايرة دمار شامل من وراهم غير الشخابيط على الحايط رغم هاي احس بسعادة عايشة وياهم بدون مشاكل بس اشتاق لمرمر مرات اخابرها بس حتى اسمع صوتها ومااحجي اباوع على عفرا وهي تلعب ويا جهال وتضحك ايام اشوفها متونسة وايام منعزلة بغرفتها وعمتي الله يحفظها مادري شلون اجازيها رغم صحتها وتعبها تهتم بيه ومتقصر مو بس هي كلهم يهتمون بيه بطريقتهم الخاصة

عفرا : اشتغلي وانتي ساكته تردين تغيرين قوانين امي الازلية لو يجيبولها محل حلويات متقتنع الا من تسويها بايدها صدك اليوم ابوية عازم ناس على الفطور لو لا اذا اي حتى اروح انتحر

مدينة : بنات اخر زمن من كلشي تتعبون لاتخافين اخوج يجيب من مطعم موصين من ايام وانتي ميرا خاتون تعلمي حتى من تتزوجين تسوين شي بأيدج للمحروس مو يكعد هو وامه يسبوني لان معلمتج باوعت على فرح هاي اللي مريحتني حبيبة كلبي

فرح : طلعت لساني عليهم تسلمين خالتي الحبيبة بعد نزلي عليهم يستاهلون 😋

عفرا : 😤الله لنا الحبيات نازلة عليج مثل المطر منا حامد ومنا امي روحي اجى زوجج ودي لغرفتج انطيله حنان مو كافي ينام وحيد خافي الله بولدنا

فرح : عفرا سكتي شنو حنان وهو صايم عبالج منحرف مثلج هو هسة يجي اهنا يشوفني يرتاح وينسى التعب مو خالتي وانتي ميرا سدي اذاناتج من تحجي عفرا زين لاتفتحيها على الاخر

عفرا : ليش ياظالمة ولج ميرا فتحي اذنج وعينج تعلمي مراح تخسرين شي ورا الفطور ماما نروح للسوك والصالون لاتتحججين تعبانة وماعندي خلق حتى تكعدين تتغزلين بأبويه

مدينة : صدك متستحين كومي اخذي جهال اخوج نيميهم اذا هلكد تعرفين تنصحين غيرج علمي نفسج شوية تزوجي وعيشي حياتج انسي الماضي

عفرا : ليش هيجي ماما اني هلكد ثقيلة وكاعدة على كلبكم احرك روحي تردون هالشي كمت مثل الملسوعة اركض لغرفتي قفلت الباب وانهاريت شلون اتزوج واني روحي ويا حسن ليش ميفهمون اني ماكدر والله ماكدر سمعت صوت حامد وفرح يترجوني افتح الباب صيحت عليهم يعوفوني براحتي اللي ناسيتها بعد مامات حسن

مدينة : مسحت دموعي وميرا تواسيني اوف يابنتي لاتخلينا نرتاح ولا تريحين نفسج منسيتي شنو هالحب اللي مسوي بيج هيجي كعدي حبيبتي عادي تعودت على عفرا وانفعالاتي هي تحس بالذنب اتجاه نفسها بس متحس لاتنقهرين لان مراح تطلع وياج اني وعمج ناخذج للسوك والصالون وكل ملابسج على حسابي هدية مني .

ميرا : غسلت بدلت ملابسي كعدت افكر بيها متروح من بالي عفرا اشكد خطية تضحك وتسولف فجاة تنقلب وتروح لغرفتها تحبس نفسها الحب هيجي يسوي انشالله عمري مااحب ياربي لاتخليني مثل عفرا مو ناقصني حلمي ادخل كلية واشوف الجامعة وأتخرج اتعين اشكد عندي احلام ياترى مرمر هم تفكر مثلي لو لا

شامل : بديت بالتدريبات كلش متعب جسمي متكسر اللي ويايه وضعهم أسوء مني نسيت الحزن نسيت منو اني من الفظاعة اللي جنت اشوفها بملفات القضايا والأختبارات النوم على كد الحاجة وبس المكان سري محد يعرف احنا وين سافرت بالطيارة بعدين نزلت شخص جان ينتظرني بالسيارة صعدت جان موجود وياه شخصين لبسهم عادي ميدل على شي والسيارة شكلها غريب من الداخل افكر هذا شلون عرفني بقيت8ساعات بالسيارة وقبل منوصل للمكان ربطو عيوني كل اسبوع مرة نخابر والتليفون رقمها ميطلع مرات جنت اخاف من نفسي لوين اريد اوصل مرات ارتاح من اسمع من اصدقائي مصايبهم اللي اهون من مصيبتي مليون مرة

#علني_كيف_الحب_يداوي 22

مرمر : رحت على بيت ام سمر بقيت يمهم اسبوعين نزار وسمر مسافرين عيد زواجهم يحتفلون بيه أختها اكبر مني اتعجب من حياتهم وعيشتهم ماخذة راحتها على الأخر عدها حبيب وتليفون خاص بيها طول الليل تحجي وياه واني بس ركبت ويا صديقتي واخوها موتوني واتهموني اشكال والوان محد كال مراهقة بعدها متفتهم الصح والغلط قبل مايرجعوني طلبت مني أحجي ويا أخوها وحدنا بغرفتها جان مسافر رجع اخر يوم كلما يشوفني يتحارش ويتغزل بيه جنت خايفة بصراحة منه بس كلت خلي اشوف شيريد طلع يحبني ويريد يتزوجني فرحت اهواية راح اخلص من عيشتي ويصير عندي بيت وعدني اول مايرجع نزار يطلبني منه

عامر : رجعت للشقة واني اسمع امي تحجي ويا وحدة بالتليفون تقربت منها كعدت صوتها كلش عجبني حلو ودافي توصي امي على نفسها ولاتنسى ادويتها وتسأل على أبويه حرصها مو طبيعي عبالك بنتهم وامي نفس الشي وياها محبيت تخلص مكالمتهم بقيت ارجع صوتها بمخيلتي لحد ماسمعت امي تحجي ويايه

رجعت حبيبي روح للمطبخ اليوم طبختلك دولمة تاكل صوابعك وراها

الله ناسي طعمه من زمان مماكله ياغالية ابويه نايم مو تعالي ويايه احجيلي شلون دبرتيها الغراض ورحتي للسوك

اي اخذت المربية ويايه ابني عامر ميصير هيجي جهالك كلش مياكلون من اطبخ كله معلبات وهذا شعرية بيها مي

ههههه اندومي مو شعرية اهنا كله هيجي عبالج مثلنا يطبخون اشكال والوان وجدور شكبره الحياة تختلف وهمه ممشين حالهم صدك ويامنو جنتي تحجين هسة

هاي عفرا خطية مشتاقتلنا اهواية اشكد انقهر عليها والله معزتها من معزة المرحوم ادب واخلاق وبنت ناس بس شنسوي ويا القسمة

انسدت نفسي من عرفت هي خطيبة حسن استأذنت من امي ودخلت لغرفتي احجي ويا روحي تخبلت عامر تعلقت بصوت سمعته من لحظات وعجبتك متعرف منو صاحبته بقيت افكر بيني وبين نفسي ياترى شكلج شلون يمكن امي عدها صورتها شلون أشوفج عفرا أختيارات حسن دايما جانت فاشلة وانتي جنتي من ضمنها لو لا

ميرا : جنت اسمع عمتي وخالة مدينة يحجون ويتناقشون بيناتهم تقربت وكفت من جابو اسمي عرفت جايني خطابة درجة حرارتي صعدت حسيت بخجل مو طبيعي شافتني عفرا وضحكت عليه

عفرا : والله انتي تحفة ولج بس خطابة هيجي تسوي بيج لو زواج شتسوين جريتها للصالة باوعي فرح شصار بيها الاخت سمعت سوالفكم واي بطني ماكدر الزم نفسي

فرح : باوعت على ميرا يمتى كبرتي ولج بعدني اشوفج توج تمشين وتكومين هسة يجوج خطابة ومو واحد اكثر من واحد من تكملين السادس لازم اسويلهم سرة

مدينة : ماشالله عليها شايلة جمال امج كله الله يحفظج بطلت اروح للزيارات من وراج ميرا الي يشوفني يسألني عليج غير جنتي طالعة كمر من جان يزورون عمتج بالمستشفى بعد كبرت وصارت عروسة هنياله اللي تصير ميرا من نصيبه

عفرا : كولي هنياله اللي تصير بحضنه امه داعيتله باوعو خدود طماطة ولج على كيفج لايصير بيج شي تعالي وين تنهزمين مني فصعونة حركتي كرتي وصرت عانس بعد محد يدك بابي

فرح : تسلمين خالتي دعواتج الها تكفي وانتي عفرا خاتون شوية على كيفج شفري كلماتج بنتنا تستحي

عفرا : اي طالعة عليج ام الحضن والبوس بالختلات اغمض عيوني من افوت يم غرفتكم لو من ادخل للمطبخ لا اشوف شغلات الكبار عيني على كيفكم ويانه مو عايشين وحدكم اكو بشر حسو بيهم

مدينة : ههههه اخ من لسانج عفرا محد يسلم منج روحي صيحيها خطية خلي تجي تكعد ويانا كاتلة نفسها بالدراسة

فرح : اي والله وخايفة حامد ميخليها تدرس من تكمل وكل مااسأله يكول الله كريم وعمي نفس الشي رجعت اباوع على جهالي الحمدالله صار عندي ولدين وبنتي جديد تمشي يمكن دعوات اهلي اني عايشة بهالنعيم ويازوجي وجهالي ناقصنا مرمر ترجع تعيش ويانا كدرت اقنع حامد من يرجعون نزار ومرته نروح نجيبها حتى لو بالغصب هي كبرت مو مال اعوفها كافي اللي راح وميرا ميمر اسبوع اذا ميجون ناس عليها واحنا منوافق خلي تكمل المدرسة يالله تتزوج

ميرا : لمست خدودي واي اشكد عيب شيكولون عليه هسة مو مصدكة افكر شلون الزواج و هو منو يشبه حامد نزار عمي اللي اشوفهم بالتلفزيون نمت واني افكر بعدة وجوه من خيالي

سمر : اخوية صارله فترة يلح يريد يتزوج مرمر عزمتهم الليلة على العشا حتى يحجون ويانزار بدلت مرمر سويتلها مكياج خفيف كلش فرحانة راح اخلص منها وارتاح من رجع كالعادة يحضني ويبوس بيا

نزار : شنو هالجمال والاناقة ياروحي ناوية تموتيني الليلة واني اغمزلها الريحة تخبل واو هالسفرة الحلوة شكو واني اباوع على مرمر وتغيراتها شنو السالفة

سمر : حبي عازمة اهلي من زمان ممجتمعين سوية مو واني اضحك واخذه للغرفة حتى يبدل

مرمر : اباوع عليهم واني اضحك يعني اني هم بعد ايام هيجي اسوي بس اخوها كلش طويل اني اوصل لخصره اخاف من امشي وياه الناس تضحك عليه بس كلامه حلو اهواية باوعت على روحي صدك اني حلوة بهالشكل لا مرمر شنو حلوة تخبلين وراح اعوف المدرسة اللي بحياتي محبيتها اسافر واشوف الدنيا اوف يمتى بس

نزار : اول مرة يجون بهالشكل جايبين كومة هدايا وياهم السالفة مو عادية والاخ يباوع على مرمر شوية وياكلها واني لولا وجود ابوه جنت اموته لايستحي ولاشي مني نبهته مرتين ولافاد جريت مرمر وطلبت منها تروح لغرفتها كعدنا ناكل حلو والسوالف كلها عن الزواج لحد ماسمعت الطامة الكبرى يريدون مرمر لابنهم الدايح شوية اكوم اذبحه بالكوة سيطرت على نفسي كتلهم هذا الشي بيد ابوية وحامد راح احجي وياهم اي هذا الباقي حتى انفضح ويطلع المستور بس راحو لزمتهم هي وسمر رزايل لاول مرة اعصب منها بهالشكل ليش هيجي تستغفليني انتي ناسية اخوج وحركاته هذا زواج مو لعب يشبع منها يومين ويشمرها مثل غيرها

سمر : اشبيه اخوية مو عاجبك وتصيح معصب وهاي اشرت على مرمر لازم تبوس ايدها اخويه راضي يتزوجها وهي الله يعلم هالسنين ليش عافوها اهنا وطردوها 😨😨😨اول مرة نزار يرفع ايده ويضربني هاي نهايتها اشكرك حبيبي دخلت لغرفتي وقفلت الباب مو مصدكة اباوع على خدي اثار اصابعه مطبوعه عليه بعد مستحيل اقبل هالحقيرة تبقى ببيتي

مرمر : وكفت ارجف كدامه منتظرة الضربة الثانية على خدي بس كلت خلي اخلص نفسي بعد هالضربة اللي اكلتها الخاتون راح تطيح حظي اني راضية وانت معليك

نزار : امشي ولي نظفي الصالة وشيلي الغراض وروحي نامي الله ياخذج زعطوطة بالاول عرفي شنو يعني زواج بعدين تعالي كولي اريد اتزوج باجر ارجعج يم فرح انتي واحد بعد ميأمن بيج رحتي اسبوع بيتهم الله يعلم شمسوية من وراية

مرمر : ليش دايما تظلموني حرام عليكم دخلت لغرفتي واني اجمع غراضي بعد مااكعد اهنا ارجع اشتاقيت لميرا كلش بجيت من كل كلبي اتمنى صدك يجون وراية ويرجعوني حتى احس يردوني صدك مو شفقة

نزار : ياربي شنو هالمصيبة اللي لا عالبال ولا على الخاطر شسوي احجيلها السالفة مو مال تسكت تفضحني يم سمر ومستحيل تسامحني ويمكن تطلب طلاق اعوفها هيجي ومااكوللها تروح تسوي علاقات طلعت برا خابرت حامد حجيتله السالفة هو الوحيد اللي يدري بالموضوع وعدني يجيب فرح وياخذوها وياهم هذا احسن حل

شامل : كلشي بيه تغير رجعتلي جزء من راحتي حتى من كملت التدريب مجنت واثق بالشغلة بس من بدينا بالعمليات عرفت الهدف منه حسيت اني عندي قيمة ويا كل روح بريء نخلصه من الموت لو نخرب عملية تهريب لو من نمسك دلائل على عصابة تجار الاعضاء البشرية وننطي المعلومات للجهات الامنية واحنا وياهم نسوي اللازم مرات بكل قضية يدخل واحد لو اثنين من عدنا ويا الجهات الامنية صح مرجعت شامل قديم بس صرت احسن منه صار عندي اصابات خفيفة اكثر من مرة بس من اشوف القضية انحلت انسى وجعي والمي بالعكس ارتاح رجعت بعد التدريبات مرات ابات يم اهلي مرات بالشقة

فرح : الله يخليك حبيبي والله كلش فرحانة مو مصدكة اخيرا راح نجتمع كلنا بعد شريد

حامد : لا عمري بعد باقي مفاجاة الكبرى بس مراح اكولج عليها خلي نرجع وتدللين ساعتها اكول

فرح : على الاساس ناقص دلال مو عرفت عيد ميلادي بعد ايام وجايبلي هدية قديمة مفاجاتك

حامد : والله وزمان ومو عاجبج اسويلج عيد ميلاد مو اني الج اذا مخليتج تنسين اسمج الليلة اني مو حامد

فرح : عيب عيب شكو فد مرة بايعها شوية حيا ومستحى ماكو اي صدك الليلة ننام بالفندق وتنسيني اسمي حبيبي 😍

حامد : نصابة فروحتي واني المسكين مخدوع بيج فرحة حياتي تراهنين مارجع الا و انتي حامل شتكولين

مرمر : جنت مبدلة وكاعدة مشفت سمر من البارحة رايحة لبيت اهلها زعلانة اباوع على نزار صاير اعصاب عبالك مو هو انتظر على نار وصول عمتي واحس بخجل شلون ألتقي بيهم بعد اللي سويته وياهم اول مادخلت عمتي بجيت من تأنيب ضميري هي منستني بس اني مجنت اقدر النعمة

#علمني_كيف_الحب_يداوي 23

نزار : أباوع على مرمر وهي كاتله نفسها من البجي يمكن ضميرها يأنبها وعمتها منتهية وياها حامد حاير يسكت منو بيهم محد يعرفها بكدي ممثلة درجة اولى دمرت حياتي هالبلوة اتمنى ياخذوها ويخلصوني منها باسرع وقت خسرت سمر من وراها من البارحة اخابرها متجاوبني انتظر يروحون اروح ارجعها ماتحمل حياتي بدونها اشرت لحامد يطلع ويايه نروح نكعد بمكان حتى ياخذون راحتهم .

حامد : شنو راح تسوي ترى الموضوع لازم يخلص هالمرة الله ستر ومنكشفت البنية دتكبر ويجوها خطابة احنا ميرا مخلصانين يومية واحد يجيها

نزار : بس تروح منا اني ارتاح صوجي اني غبي لو متدخلت من البداية مجان صار اللي صار استاهل حركة الاعصاب اني لو منك اعيد تربيتها من جديد شلون لسان عليها بس توصل 18 سنة اطلقها وتنتهي مهمتي لو لا حلفت لعمك مجان هذا حالي .

فرح : تعالي بحضني مااشبع منج عبالي بس ميرا كبرت متخيلتج هيجي

مرمر : يعني سامحتوني مزعلانة مني خذلتكم اهواية والله العظيم مغلطت ابد ورطتني الحقيرة انشالله تطلع حوبتي بيها ماصدكت اشوفكم مرة ماشالله جهالج كلش حلوين هم زين طالعين علينه مو على حامد بعدني شايلة عليه

فرح : لاتدعين على أحد مو زين سلمي بيد ربج اني مسامحتج عمري ولج حامد ماكو منه حرام عليج مراح احجي شي الايام تثبتلج خلي ننظف غرفتج مادام جمعتي غراضج ميصير تعوفيها وسخة راح اخابر حامد يجيبلنا اكل من برا ماريد ادخل مطبخ سمر وهي مو موجودة باجر انشالله نرجع لو محلف علينا نزار جنا نروح للفندق ناخذ راحتنا اكثر تذكرت حامد واحلامه وخططه اللي راحت ضحكت على افكاري

منار : حلو لون حمرة مو امل

امل : واني دايخة لان منايمة من البارحة كومة مشاكل بالبيت واجي اهنا دقيقة مارتاح مرات الزم خفارت نيابة عن صديقاتي احسن من ارجع للبيت وانغث شفت منار متزينة وبكامل اناقتها البطرانة تسألني على لون حمرتها جاوبتها يلوكلج لو جان اسود

منار : تتوقعين شامل يعجبه هاللون انتي تعرفين ذوقه هسة يجي وراية عازمني على مطعم اي صدك شفتي سيارته الجديدة يخبل

امل : قصدج على ياشامل القديم لو الجديد لان يختلفون القديم جان يحب كلشي طبيعي بس اللي ناوية تطلعين وياه يومية بحضن وحدة رخيصة ممقصر فسألي يالون يحب اكيد يجاوبج وميستحي منج ولا انتي تستحين عن اذنج

منار : لحظة انتي ليش هلكد حسودة ومتحبين تشوفين غيرج فرحان ومبسوط تردين الناس تكون مثلج مو اعرفج ميته من القهر لان ميعبرج وناسيج شوفي طلعت تليفوني دايما يسأل عليه

أمل : عفتها وحدها حقيرة اشكد اكرهها مو هذا شامل افندي جان ميت على اختج لو ناسيه خابرت امجد من حركتي رزلته وسديته بوجهه

عامر : ودعت اهلي رجعنا اني وجهالي لشقتنا وعزلتنا اني وكتبي وهمه كل واحد بغرفته ردت انام صوت عفرا يرن بأذني تعوذت من الشيطان رحت سويتلي حليب دخلت للغرفة اللي امي وابوية عاشو بيها ريحتهم بعدها بيها كمت ادور على شي عايفنها ذكرى ملكيت شي نمت بمكان امي حسيت جهالي على راسي يبجون تعودو على وجودهم مادري اسكتهم لو اسكت روحي اللي ناوي يوديني بمصيبة عفرا اخ منج

شامل : جنت طالع بمهمة صار عندي اصابة بكتفي مكدرت اروح على المستشفى رجعت للشقة خابرت امجد يجيني ويجيب مهدء شربت شوية حتى انسى الالم كلش قوي ضميت الملفات واني كوة أمشي راسي يفتر باوعت الغرفة صار بيها دم دخت كعدت اباوع على المكان كلشي بيه متغير السواد والالوان الشاحبة حتى الأثاث لونه كئيب انتبهت على موبايلي يرن جاوبته طلع واحد من اللي يشتغلون ويانا فرحني من كال وصلنا الطفلة لأهلها هاي جانت المهمة اللي أتصاوبت بيها

أمل : شكو خليتني أخذ اجازة بهالليل واجي وياك مو احجي ليش متجاوبني وين ماخذني

أمجد : امشي اشكد تلغين جريتها وهي تحجي بالي يم شامل وين متصاوب وليش شيسوي هذا الولد بنفسه وصلنا يم الشقة كتلها نزلي بسرعة بدون حجي

امل : لا والله اشجابنا اهنا لو مااعرفك جنت اكول جايبني يغتصبني بهالليل شعندي وياك بالنهار ممخلصة من لسان الناس هسة صدك يثبت عليه عندي شي وياك اوكف ليش تجرني صخلة كدامك يارب صبرني بس ندخل للشقة اذا مكسرت راسك فلا اني امل

امجد : فتحت الباب وشغلت الأضوية الافندي مسويها بيت مسكون انتبهت على قطرات دم سمعت صوت شامل يحجي بالتليفون رادت امل تروح جريتها تشوف الدم حتى تعرف شنو السالفة

أمل :سمعت صوت شامل ردت اطلع جرني امجد شفت قطرات دم ركضت على الغرفة صحت شنو هالدم شامل شبيك فز على صوتي وقفل التليفون اباوع كتفه متصاوب وقميصه كله دم تخبلت حضنته بيا ولا بيك حبيبي ليش هيجي

شامل : لو جنت اعرف معزتي هيجي عندج من زمان هيجي اسوي بنفسي حبيبتي ماكو شي بس ساعديني نطلع الرصاصة لاتخافين امجد شبيك واكف أشرتله يشيل العلب والمشروب حتى لاتشوفهم

امل : خلي اكتبله الادوات اللي احتاجه تجيبه من الصيدلة بسرعة امجد هي وين رايح شنو هاي شامل فوك اصابتك كاعد تشرب حتى احساس ماعندك

امجد : شامل لاتنخدع بيها صارلي ساعة اجرها جبتها غصب بس شافتك بدت تتلوك نسوان مال حرق كتبي بسرعة اروح اجيبلج وشوفي شنو نواقص اكو اجيبه بطريقي مبين الاخ راح يكعد فترة اهنا حمدالله على سلامتك ضلعي

أمل : خلي يرتاح لاتحجي وياه تعال اشوف المطبخ فتحت الثلاجة وسديته بقوة الدولاب فارغ مابيها غير سم باوعت على امجد بغضب شنو هذا من يمتى هالشي لعد انت شنو دورك متأكدة هاي سوالفك هو ميشرب الصوج بيك انت معلمه

امجد : اي اني اعلمه هو ملاك جيبي الورقه الله ياخذج وياه شوفي ميريد اجيبله نوع ثاني الظاهر هذولة مفعولهم مو زين 😜

امل : اخذت وصلة بديت انظف جرحه بهدوء ليش شامل هيجي تسوي بنفسك مو حرام عليك هي راحت وارتاحت ليش متفكر بينا تدري اشكد انكسرت بعدك اني محتاجتك هسة روحي ردت من حضنتك اوعدني متسوي شي بنفسك

شامل : حبيبتي غسق الله يرحمها مو علمودها هذا علمود نفسي لو تعرفين شسوي تعذريني يجي يوم واكلج هسة لاتسأليني اذا عندج حباية مسكن انطيني

امل : فكرت يمكن ناسي غسق علمود هاي يطلع ويا منار رجع امجد بديت انظف واطلع الرصاصة كلت هسة يموت ميتحمل بس شفت العكس مغمض عينه وساكت خيط الجرح ولفيت عليه الشاش واني دموعي تجري ميحس واصل لدرجة فاقد الاحساس الله يداويك يا شامل

ميرا : انتظرت وصول مرمر كدام الباب متحملت اكعد شفت السيارة كمزت هسة عمتي ترزلني بس ميهم تقربت نزلت من السيارة وركضت عليه اشكد متغيرة اختي نسيت نفسي وحضنتها واني اصرخ بالشارع

فرح : فوتي جوا شمطلعج برا ولابسة تراكسود ميرا مو احجي وياج حامد نزل الجنط حبيبي واني ادخل هذولة المخابيل فضحونا بالمنطقة

حامد : خليهم ياخذون راحتهم هاي اول مرة ميخالف مرة ثانية اني اجرهم من اذاناتهم وضحكت على منظرهم فرح كلش حريصة عليهم متنطي مجال لميرا حتى تليفون متقبل اشتريلها بس متكدر عليها بسالفة الحجاب ابوية مانعها تجبرها

مرمر : البيت نفسه ياحقيرة صايرة احلى مني لفي خلي اشوفج زين حسيت بندم واني اباوع على بيتنا كلشي مثل ماهو خالتي مدينة وعفرا اللي متغيرة شوية والبيت مو مثل قبل هدوء بسبب الجهال صاير هوسة دخلتني لغرفتها كلش يختلف عن غرفتي ضحكت عليها ها ميرا خاتون مسويلج غرفة مال اطفال

ميرا :شنو اطفال اني اخترته موديل حديث شمعرفج بالنزاكة والدلع بعدج لسانج طويل لو صرتي عاقلة احجيلي شلون جنتي عايشة ولبسج فرح محجت عليج

مرمر : بلي حجت بس ماعندي غيرها وتعودت عليها اعرفها ساكته هسة بعدين تبدي ويايه تشد سامحيني ميرا تخليت عنج بعنادي تدرين من شفتج كرهت روحي شلون كدرت اعيش بدونج حبيبتي مجنت عايشة يمكن جنت أوهم نفسي ومكبرة راسي على الفاضي سمر خاتون جانت مسويتني خدامة مالتها

ميرا : صحيح ردتي تتزوجين اخوها وهي مسويتج خدامة جنتي تحبيه وانتي شنو تعرفين عن الزواج بعدج

مرمر : القضية وصلت عدكم ياحب يابطيخ ردت اتزوج واخلص هاي سمر مريضة نفسيا عبالك محد عند رجال غيرها من يرجع تتخبل تشوفني كدامه زواج شنو قابل قنبلة ذرية لبسي مصلخ وتدلع شوية وهزي منا ومناك يصير طلي بيدج مثل نزار

ميرا : عيب شنو هالسوالف كولي عمو نزار لايسمعوج منين تعلمتي هالاشياء

مرمر : ههههههه ولج انتي دماغيا متكبرين بس جسديا شنو عيب اللي بعمرنا مو بس يعرفون مجربين أخت سمر ماكو شي ممسويتها ويا حبيبها خلي يطير نزار لاعمو ولا شي ميستاهل نذل علمود سمر شوية ويذبحني لو حلوة اكول ميخالف تستاهل هو احلى منها بس مخه طاير بيها المكروهه تعالي احجيلي شلونج ويا المدرسة

عفرا :كلش فرحت برجوع اهل حسن اخذت شوية غراض ورحت ابات يمهم كم يوم هنا حامل وبشهرها الاخير متكدر تساعد أمها بشي والبيت صاير فلم اشكد عايفيها بديت انظف وياها ويا عمي هم كل سوالفهم على جهال ابنهم هيجي يحجون وهيجي ينامون ماعدا ابو حسن معترض على لغتهم ابوهم ممعلهم يحجون بغير لغة شفتهم فرحانين نفسيتهم متغيرة ام حسن جانت مثل الجثة من سافرت هسة عبالك صغرت سنوات تضحك ونازعة الاسود انشط مني صايرة دخلت ثاني يوم انام بغرفة حسن اريد ريحته مشتاقتله ماكو رايح منتهي الدولاب فارغ حتى السرير فاضي ماكو عليها الفرشة والميز تواليت هم نفس الشي نزلت ركض واني ابجي ليش عمة شايلين غراض حسن مو تدرين بيا مارتاح من غيرها شفتها تحجي بالتليفون وتأشرلي اسكت

عامر : وأخيرا سمعت صوتج عفرا بس ياريتني مسامعج وانتي تبجين تدورين على بقايا حسن اتمنى امي تحجي وياها واسمع صوتها اكثر قررت اخابر اختي والعب عليها كلت لامي ماما لحظة لاتسدين التليفون هسة اجيج رحت للغرفة الثانية خابرت أختي وسويت نفسي مشوش هنا صارلي اشكد اخابر وتليفون امي مشغول عفية انتي موجودة يمها حتى احجي وياها ضروري بنتي تبجي تريدها اعرف هي مو يمها فكرت شوية كالت عفرا موجودة انطتني رقمها وسديته منها عبالك منطيني جائزة مو رقم رجعت حجيت ويا امي شوية وسديته منها واني اباوع على الرقم أني الج عفرا اذا مخليتج تدورين عليه مثل المخبلة فلا اني عامر

ام حسن : الله يهديج عفرا مو كافي بجي مصدكت انسى وارتاح ليش تقلبين علينا المواجع اني تبرعت بغراضه حتى انتي هم ترتاحين متعبتي سنين واني وانتي نبجي ونلطم شنو حصلنا غير غضب رب العالمين

عفرا : ماكدر صعب والله كلش صعب كلما احاول ارجع لنقطة الصفر ياريت اني هم مثلكم اعيش وارتاح لو اموت واروح يمه جنت ناوية ابقى يمهم اسبوع متحملت رجعت لبيتنا ولغرفتي

أمجد : لنا الله الاخوان طايحين حضن وبوسات واني بس اتفرج واجيب طلباتكم دصبي الاكل متت من الصبح على رجليه

امل : اعوذبالله من عيونك شوية واصب خلي ارتب لحيته لتشغلني اتوتر بعدين اجيب الموس على راسك

شامل : كافي ماكدر اضحك رحموني جرحي يأذيني امل جيبي قميصي بسرعة جاييني ضيوف

أمجد : كملت يعني اموت من الجوع ولك منو جاي وانتي خاتون لبسي جاكيت على هالتيشرت الي لابستها لايحجون علينا ويكولون اخوانها ميعرفون يأدبوها

امل : نعم نعم منو اخوانها حبيبي اني غير شامل ماعندي اخ وانت مجرد عالة على كلبي لا أكثر واللي يحجي عليه أكص لسانه واخويه حزام ظهري موجود منو يسترجي يحجي كلمة صدك شامل منو جاي

أمجد : اي ونعم الاخوان سنين متحجين ويايه مسوية نفسج زعلانة وجنتي تتوسلين بيه احجي وياج نسيتي المطاعم والاضرار المادية اللي سببتيها اليه صوجي اني الج هسة شامل صار حزام ظهرج كسر ظهرج انشالله مصلحجية سمعت صوت الباب فتحته منار 😯

منار : دخلت واني اباوع على الشقة اللي ياما حلمت ادخل بيها ويا شامل حفظته من حجي غسق عليه الصالة والمطبخ غرفة النوم بس مو مثل وصفها كلش متغير سلمت على شامل وبست أمل اللي عيونها طلعت من شافتني باوعت على شامل مبين مريض وكتفه بارز مربوط حجينا شوية عرفت عنده جرح

أمل : كعدنا ناكل وهي عينها على شامل تساعده ياكل اباوع امجد مو مهتم

منار : مديت ايدي على كتافه خلي اشوفه شامل اخاف امل ممخيطته زين شمعرفها بالعمليات هي

شانل : ماكو شي منار جرح سطحي جان مو عميق مقصرت أمولتي صارلها اسبوع تخدمني

أمل : اني اهنا عقل مبقى براسي اتصور شامل مصاب مو حامل لاتنسين انتي دكتورة نسائية مو جراحة شفتها مو مهتمة لكلامي تريدتنزعه أوكفي افتح القميص واجيبلج ادوات التعقيم يادكتورة

أمجد : اكول امل تعالي اريدج بشغلة جريتها للمطبخ انتي ليش داخلة بيناتهم البنية تريده يتزوجها مو أحسن من يروح لغيرها واحنا نعرفها

امل : باوعتله واني بيدي كاسة واتعوذ لا اكسره على راسه حبيبي اني متهمني منار اني يهمني راحة اخوية مصدكنا يطلع من حالته تجي هاي تاخذه بكل سهولة اول شي تسوي تبعده عنا وعن اهله وثاني شي هي تفكر بالمستويات واني مستحيل اخلي شامل يتورط وياها

شامل : استحيت من منار ونظراتها كلش جانت قريبة عليه عبالك متقصدة شوية وتبوسني لو لا سمعت صوت امل تقترب من الصالة وهي تحجي بهدوء صوتها تغير سئلت نفسي هاي شبيها منار ميحتاج اني زين عن اذنج اروح للغرفة اجيب تليفوني

منار : كلما اقترب منه يهرب لو تدخل أمل خاتون تأكدت هي تحبه حب مرة لرجال مو اخوي احاول اغري شامل بكل الوسائل

عفرا : كعدت ارتب نفسي حتى اطلع للسوك ويا البنات ميرا ومرمر مسويتلنا جو حلو بالبيت وخصوصا ابويه طاير بيها عدها لسان ماكو منها شفت تليفوني وصلتني رسالة رقم غريب وخارجي مهتميت اكيد غلطانين طلعنا نفتر بالاسواق ومرمر وفرح يتعاركون

فرح : راح انجلط من وراج اني ليش جبتج ويايه مادري جنت اشتريها بنفسي وافضها لو اعرف هاي سوايتج

مرمر : ذوقنا يختلف البس على ذوقي غير اكول عمة هذا المحل يفيدج روحي اشتريلج كم قطعة

ميرا : باوعت على المحل نزلت عيني اكيد عمتي راح تكسر راسها

عفرا : اني اروح اشتري خلخال لبنتج فرح كلش عاجبني رجليها كلش حلوة وانتي روحي ويا مرمر تعلمج الانوثة والدلع الظاهر ست سمر خوش معلمتها تعالي ميرا

ميرا : اني هم اشتريت سلاسل حلوة وخواتم كلش يعجبني وسوارات أحب هالاشياء جنت اتامل عفرا تباوع على اثنين مخطوبين دمعتها بعينها اكيد تذكرت خطيبها اشكد تحاول تسوي نفسها طبيعية تفشل

فرح: حيوانة ولا تستحين اول مرة ادخل هالمحلات وحدي دايما حامد يجيبني

مرمر : ههههه اريد اعرف ليش مستحية لو لان مو ويا حامد من نرجع اكوله يجيبج بنفسه شتكولين شفتها تروح جهة المكتبة اوف لا

فرح : تعالي اشتري شوية كتب واخذلج همينة تفيدج تصيرين مثقفة بدل سوالفج الماصخة رغم ماعندي وقت طول النهار طبخ وجهال بس من يجي الليل انيهم وابدل احضر نفسي واحضر كتاب اكعد بحضن عامر نقرا سوية صح مدخلت كلية ولا كملت دراستي بس صار عندي ثقافة وعلم اكثر

#علمني_كيف_الحب_يداوي 24

ابو حامد :أرحمي حالج يامرة متعبتي من البجي ليش خابرتيها متعرفين شلونها متحترم احد

مدينة ؛ غير علمود ابني واني اصلا شعليه بيها بحياتي ممتدخلة بيناتهم بارحة خابرتها توسلت بيها تزورنا ويا نزار خطية متبهذل بدونها من يجينا وهي متقبل تجي وياه الولد يعشقها وهي كأنما مصدكت سمعت صوتي رزلتني تكول من وراكم راح اعوفه كومة غلطت عليه

عفرا : ماما ضغطج مرتفع اهواية والله لو يصير بيج شي لا أموتها بنفسي هالتافهة اخ لو بس تخليني أخابر نزار واحجيله جان ارتاحيت من كل كلبي

مدينة : اياني واياج تكوليله شي عفرا والله ازعل منج ليوم الدين كافي اللي هو بيه روحي شوفي البنات خليني ويا ابوج شوية

عفرا : طلعت من الغرفة رحت للصالة شفت كومة مسجات على تليفوني ياربي هذا كله يرسله بالغلط انقهرت عليه اشكد يحب حبيبته قررت اخابره واكوله غلط حرام دكيت مرتين مجاوبني هنياله حبيبته على هالاحساس

ميرا : شوفي هالفستان حلو لو لا اريد اخيطه على العيد

عفرا : وليش تخيطين اخذيلج واحد جاهز

ميرا : عمتي متقبل تكول مصلخات اهواية

عفرا : ماعليج اني اجيبلج واحد على ذوقي

مرمر : نزار وسمر راح يجون لو لا

عفرا : لاتذكريني بيها هالحية متعاركة ويا امي متريد تجينا ولا نروحلها وكدام نزار مسوية نفسها بريئة

ميرا : حرام ليش هيجي تسوي اني لو حماتي تصير مثل خالة مدينة اخليها بعيوني

مرمر : ها ميرا خاتون ناوية تتزوجين شنو وافقتي على سمير

ميرا : هههه لا بعدني أفكر أشوف ادخل كلية لو لا انتظر النتائج

عفرا : اي ليش لا هم نجاح وهم زواج بعد شتردين ميرا تعالي مرمر راح نظل وحدنا اني وانتي

مرمر : لا عيني خلي ميرا تروح تفرغ الساحة الخطابة يوكفون طابور عليه واني اشوتهم برجلي واحد واحد الله شلون شعور حلو تذلين الرجال

فرح : اي وبعدين من تتزوجين لسانج الطويل يصير بيده يسحبج مثل الطلي كعدي راحة حبيبتي قاهرة الرجال انتي وعفرا خاتون حبيبة كلبي ميرا هاي اللي مريحتني بيناتكم خلي اشوف رجلي وينه شعندي كاعدة وياكم عوانس

عفرا : اي ليش لا عيني روحي ياجذابة شايل كتب بيدج بالليل تستأذنين من عدنا على الاساس حضرتج مثقفة بس توصلين للفراش تنسين اسمج فرح لو مرح ههههههه

شامل : جنت راجع تعبان صارلي ايام منايم والشقة مزبلة تمددت لحظات وسمعت الباب عبالي امجد طلع ابوية بسته وحضنته كعدنا بالصالة واني مفتشل من نفسي شاف علب وبطالة مشروبات بس اعرفه ميحجي مباشرة

أبو شامل : حمدالله على سلامتك حبيبي شلونه شغلك مبين تعبان

شامل : اي والله كلش اهواية قضايا اكو الحمدالله كدرنا نحل اكثريتها قبل شوية وصلت ماعرف الشقة ليش هيجي وسخ

ابو شامل : عرفت مستحي مني بس سويت نفسي عادي وحجيت ويا بأمور شغله بحكم معرفتي العسكرية السابقة عجبني أخلاصه واندفاعه ومستعد يضحي بروحه

شامل : اسويلك جاي لو كهوة واني الملم بيدي الغراض وماخلي عيني بعينه

ابو شامل : لا حبيبي بس حبيت اشوفك جنت مشتاقلك بارحة من جيتنا مجنت موجود رحت يم ابو المكتب حتى اشوف اسعار الاراضي شلونها هسة

شامل : بس ابدل نروح سوية للبيت حبيبي تريد تشتري اراضي لو تبيع اللي عندك

ابو شامل : لا اشتري ألك جمعتلك مبلغ زين حرام يبقى بالبيت أشتريلك بيه بيت لو قطعة بمكان زين ضمان للمستقبل

شامل : عن يافلوس تحجي بابا احجي واني ابدل

ابو شامل : سنين وانت تنطي فلوس لأمك جمعنا كلها طلع مبلغ زين خلي اكوم اصلي على ماتكمل لبسك

شامل : اشكد اني حقير كرهت روحي أهلي شلون يفكرون واني شلون اجازيهم بابا صدك جذب اني منطيكم حتى تصرفوهم مو تجمعلي شفته يدور على سجادة محبيت ابويه يصلي بهالمكان لحظة ننزل تصلي بالجامع

ابو سامل : سويت هيجي حتى يرجع لعقله ردت اجربه اشوف عادي يمه لو لا فرحت بعد باقي بي روح شامل القديم ابني يحتاج شي ويرجع احسن من قبل بس شنو هالشي الله أعلم نزلنا وصلنا يم الجامع باوعتله متريد تصلي ويايه وتفرح كلبي

شامل : أسف بابا اني مو نظيف ماكدر اصلي وياك بالداخل راح اصلي برا احسن لي ماريد ذنوبي تجي عليك

ابو شامل : اذا انت من داخلك نظيف وعندك ايمان الله غفور رحيم

شامل : تبت بعد شمايصير اخلي منكر بحلكي طول الطريق أحس براحة وصلنا دخلت شلت امي وادور بيها بالمطبخ ونور واكفة تنتظر دورها

نور : عفية شامل اني هم شيلني لاتشوفني سمينة ومدعبلة ترى وزني وزن الريشة

شامل : روحي على ابوج يشيلج تردين تسببيلي اعاقة مخبل اشيلج خلي بابا يجيبلج رافعة ههههه

ام شامل : فدوة الكم ياعمري شنو سر هالسعادة الاب والابن مجتمعين شكو احجولنا

ابو شامل : ماكو شي حبيبتي جنت مشتاقله ومريت يمه واني العب بشعر نور

نور : زين مادام مجتمعين شنو رايكم نطلع سفرة بالعيد شامل اياني واياك تعترض زين اروح اخابر امل حتى تحضر نفسها

ام شامل : من زمان مشفت ابتسامتك الله يخليك اليه اليوم تنام يمنا زين لو بس تريح كلبي وتتزوج بعد ماريد شي من الدنيا

أبو شامل : كلشي قسمة الواحد ميعرف شيصير بالمستقبل واذا ابنج يريد او لا فهو حر لاتدخلين

شامل : ماما أتوسل بيج لاتذكرين هالموضوع مستحيل يصير مرة ثانية عن اذنكم

أبو شامل : ارتاحيتي هسة مخليتي أبنج ياكل

خلي هو يختار طريقة حياته اني متاكد يجي يوم وينسى لاتستعجلين ماكو شي يجي بالضغط

أمل : خير شكو هالصياح من الصبح واني اباوع على اخوية

منين يجي الخير واحنا عايشين بهالمزبلة أمج مو موافقة نبيع البيت ونروح لمنطقة ثانية

أم امل : روحي نامي ماعليج بيه وانت اسكت بعدين نحجي

أمل : شنو تبيع بيت هذا بيتي من فلوس ابوية مو من فلوس رضا تريد تعزل وتروح الباب كدامك

هيجي زين ست امل اني ألج اذا مخليتج تندمين

أمل : سنوات وابوك العار يهدد بيه ظلت عليك طاح حضك اذا مو كد الزواج والمسؤولية ليش تتزوجون وتخلفون جهال فوك مصايبكم اروح للدوام احسنلي

رضا : تعالي وين رايحة هالشهر منطيتيني فلوس العيادة متطلعين سليمة اليوم من ايدي اذا غلستي مثل كل مرة

امل : وهذا ابنك اللي قبل ايام خطبناله اشرت على اخويه الثاني منين جاب فلوس الذهب لو هاي هم مسؤوليتي انت تخلف واني اربي وعندك عين هسة تطلب مني فلوس

رضا : انتي زودتيها والله شوفي شسوي بيج وانتي ام الخاتون راح أندمج مراح اسكت بعد هاي نهايتها بنتج ام الشقق تعايرني بجهالي لان تصرف عليهم

امل : هذا راسك اضربه باي حايط يعجبك من البيت لاتهدد افتهمت اذكرك بالماضي لو ميحتاج

: سمعتوها تهددني بشامل بعدين لاتكولون عليه ظالم اذا مخليت شامل يندم على وجوده بالدنيا فلا اني رضا

ميرا :كملت السادس حامد وفرح ميقبلون أداوم بعد كلش انقهرت يكولون وصية جدي زين اني شنو ذنبي حتى العرسان ارفضهم ماريد اتزوج واحد ماعرفه ومشايفته الدنيا تغيرت مو مثل قبل بس فرح متأثرة بالعادات والتقاليد القديمة لو احجي وياها منا لحد باجر متغير رأيها العطلة مسويها جدول نطلع ويا عفرا مرات لو ويا حامد وعمتي لونهاية كل اسبوع نطلع كلنا سفرات جماعية ويا اهلنا واقاربنا اللي بس ننزل من السيارة ياكلونه بعينهم اني ومرمر كبرنا وكلشي بينا تغير لو يوميا اطلع للسوك واشتري ملابس وغراض مااشبع احب الملابس اهواية غرفتي متروسة بالغراض والمخزن هم من كثرتها اضطريت اطلع مرمر من غرفتي

مرمر : فرحانة خاتون مو اني الج لو تموتين مااخليج تفوتين لغرفتي اختاريت اثاثها ويا عمي جبت نسخة من سرير سمر ونزار بعدني متأثرة بيهم رغم ماحبهم بس ذوقها عكسها حلو من يجي نزار لا اسلم عليه ولا احجي وياه وهو نفس الشي كأنه مشايفني

ميرا : يرادلي ستاير جديدة شتكولين وحاسبة هم اريد راح احجي ويا عمو حامد يجيبلي شتكولين نصبغ الغرفة اني وياج اسوي لونها وردي فاتح واجيب فرش جديدة حتى احس من صدك تخلصت منج ومن شخيرج

فرح : اشكد تلغون كملو بسرعة وراية طبخ ورجال لو ابقى انتظركم متخلصون اسبوع جيبي الجنط وخلي بيها ملابسج الزايدة اشكد مبذرة بس اشوفج تشترين شي جديد اكسر راسج كافي

مظل مكان لو تتزوجين لازم يجيبون سيارة حمل مال نقل اثاث يادوب يكدر يشيل ملابسج وغراضج شنو عيدي حاسبة هذا ناقصني تعالي عفرا شلون خربتيهم كعدي رتبي وياهم اروح اشوف جهالي قبل لاانجلط واروح بيها

عفرا : جنت اشوف الرسائل واقرا بيها كاعدة وياهم بس عقلي يم الكلمات خابرت الرقم ميحجي شي بس اكول الو واحجي ماكو جواب من صوت انفاسه عرفت هو رجال شكو متخلون الواحد يتأمل ها فرح خاتون وين رايحة سمعتي صوت الحب جوا صار عندج ارتعاش واهتزاز بحجة جهالج تردين تروحين مو

مرمر : هههههه والله محد يكدر عليها غيرج عفرا قاهرة المشاعر وكابته للأحساس متخلين الواحد يتنفس

فرح : جريتهم اثنيناتهم وشمرتهم على عفرا بديت اضربهم بالمخدات وهمه يكمزون على السرير صارت مضاربة بيناتنا واحنا نضحك لحد ماكسرنا السرير

مدينة : هاي شنو وكف كلبي عبالي السقف نازل عليكم جهال متكبرون تعال حامد شوف مرتك وهذولة الاشرار ميرا انتي هم وياهم لا خاب ظني بيج

حامد : هههههه انشالله دوم فرحانين يالله بدلو بسرعة عازمكم على مطعم بمناسبة ترقيتي تعالي حبي مرتي واني اخذ فرح بيدي واطلع لساني لعفرا واضحك عليها اشكد حلو اشوفج مثل الطفلة وانتي تكمزين شفت اشياء حلوة طالعة

فرح : واني اتدلع عليه يعني اني مو طفلتك لا زعلت

حامد : طفلتي وروحي وحياتي خصوصا بالليل من تصيرين مشاغبة واني اعاقبج

فرح :ههههه منو علمني على المشاغبة غيرك الف مبروك حبيبي انشالله اشوفك بأعلى المناصب شنو هديتي بهالمناسبة

حامد : 😘😘😘😘😘

أمجد : ماما اني راح اروح تردين شي أجيبلج ويايه غير الطخم الالماس اللي وصيتيني

ام امجد : لا حبيبي الله يخليك اليه ويحفظك بس كتبلتك شوية هدايا وغراض لخواتك خطية منو عدهم غيرك

امجد : عرفت هالحبيات والدعاوي وراها شي اي شكو بيها شفت الغراض عصبت ماما هسة اجيبلج على عيني واني ممنون واجيب لخواتي هم ميخالف بس شنو اجيب هدايا وغراض كل مرة لازواجهم واني شعليه بيهم كل واحد بيهم اضخم واطول مني

ام امجد : ليش هيجي ابني دايما تكسرني هاهية منريد شي منك روح الله وياك ولاتجيب شي اليه ماريد الله ياخذني انشالله ابني الوحيد هيجي يسوي بيه تعالي بنتي جيبيلي الدوا اخ راسي

امجد : حبيبتي اني لو انطيج روحي قليل عليج ماما لاتعوديهم على هالشي خلي يعتمدون على نفسهم يشترون سيارة على حسابنا بيت هم نفس الشي نسيت شصار على موضوعي نسيت اسألج بارحة

ام امجد : اوي اوي لاتذكرني شلون بيت عدهم مزبلة متنا من الريحة وامها الله لايشوفك شنو جانت لابسة وبنتهم عبالك عفريته انت وين وهمه وين على شنو مستعجل مادري بعدك صغير شوف شامل مو مثلك لايريد يتزوج ولا شي

امجد : اي صغير حقج توني تخرجت من الروضة ليش مابدل نفسي ويا شامل خلي يكون ابنج واني اروح يم امه والله يومين وتزوجني وشامل من يصير ابنج راح يخليكم تعرفون ان الله حق جريت حقيبة السفر طلعت شامل ينتظرني يوصلني للمطار

شامل : شبيك ضايج من الصبح واحد يسافر يضحك حتى تكون سفرته حلوة لاتنسى العطور اللي وصيتك عليها

امجد : اشكد بارد اني وين وانت وين طلعو السفرة من عيوني لو لا ابوية لح عليه اروحله مجنت اسافر كلتلك تعال ويايه مرضيت

شامل : مرة ثانية انشالله اخذك للمطار ورايح لشغلي عندي قضية جديدة احتمال اغيب فترة

حضرتلي المعلومات اللي طلبته منك

أمجد : اي هياته جبته شوية وانسى اخ لو هسة متزوج وزوجتي ويايه جانت راح تطلع احلى سفرة بس حلم المستحيل

شامل : اي شلون حلم عيش حياتك بلا زواج وبلا وجع قلب وصلته وطلعت لشغلي ودعت اهلي كلش مرتاح هسة كدرت اعيد شوية فرحتهم بيه قررت اضم حزني بقلبي بس وأعيش السعادة ويا أهلي وشغلي ومساعدة الناس الابرياء

أم شامل : نظفت غرفته وشلت غراض وكلشي يخص غسق خليته بصندوق خابرت منار حتى تجي تاخذها لو شتسوي بي بكيفهم كافي ابني نساها ميصير تبقى ذكرياتها عنده نور دوري على مفتاح الشقة بلكي يكون ناسيه حتى اروح اشوف شنو موجود بي ابوج من راح قبل فترة رجع متخربط بالليل بس يصفن متأكدة اكو سر بيناتهم

نور : زين محققة كونان خلي اسويلي لفة وراجعلج من أجوع مااستوعب بعد ميحتاج اذكرج بطاقاتي

أبو شامل : الله يساعدج ماشالله الغرفة تلمع عاشت ايدج بس اخاف شامل يزعل ليش شايلين غراضه

ام شامل : بعد مشفت شي بس لو تريحني وتكولي السر ارتاح تعالي نور هذا هو لو لا

ابوشامل : الله يعين ابني عليكم الظاهر مسويلة حملة نسائية اروح ارتاح اني ماعليه .

ام شامل : اخذت نور ورحنا على الشقة الريحة تكتل بلله شكول لاخوج هسة الناس تمدح بيا وبنظافتي وشغلي واخوج عايش بالمزبلة طلعي اكياس الزبالة وخلي كل العلب والزجاجات بيها لاتمدين ايدج على شي وتشربيه اعرفج متلزمين نفسج ضعيفه كدام الاكل

نور : هو يشرب اني شكو ترزليني شبيج صافنة على الحايط لاتكونين ناوية تجلفين الحايط بالغسول اللي جايبته ترى هذا اسود صبغ لازم تجيبين عمال لاتباوعيلي بهالطريقة الله يستر منج مبين ناوية تنظفين هالمزبلة بيا

ام شامل : خابري ابوج يجي واتفاهم وياه هاي الشقة لازم تتغير ومن يرجع اخوج غصبا ماعليه ازوجه هاي نهايته شامل افندي تشرب اذا ماربيتك من جديد فلا اني امك

عفرا : ماكدر انام من ورا الرساله امسح بى وارجع اتندم قررت اخابره هم نفس الحالة ميجاوب هسة لو اكسره شيصير لا شنو اكسر موبايلي جديد بس لو يشيل التليفون راح اعلمه ينسى الكتابة سمعت صوت تليفوني اي هو خابر جاوبته بدون ماأسمع صوته ولك متستحي ادبسز مية مرة كتلك غلطان متفهم زمال ومن اخابرك متجاوبني مو احجي وياك ليش متجاوب ياناقص ها شتكول مااسمع

أحبج عفرا

😨😨😨

#علمني_كيف_الحب_يداوي 25

سمر : سافرنا ويانزار لاكثر من دولة علمود العلاج أموت ويصير عندي طفل نزار متعلق بجهال حامد أهواية تليفونه كله صورهم أحسه متغير أقل كلمة يتنرفز مني ويضوج مو مثل قبل خصوصا من يطلب مني أروح وياه واني مااقبل

نزار : هاي اخر مرة اكولج تعالي ويايه بعد كيفج تصرفاتج مو حلوة واني ساكت علمود حبي الج بس بديتي تتمادين واني راح اسوي مثلج اقطع علاقتي بأهلج

سمر : ليش هيجي انت تعرف اهلي مو مثل اهلك يموتون عليك بديت تتغير كل هذا علمود مااخلف

نزار : موضوعنا مو بالجهال اني كتلج حبي ألج مو مربوط بالجهال سنين وياج ولا يوم كتلج أريد طفل ولا حسستج موضوعنا أهلي موعاجبج لايجون يمنا ولا انتي تروحين ليش هيجي

سمر : لاتضغط عليه كافي اني نفسيتي خربانة من الأدوية والعلاجات وانت متصدك تجي العطلة تعوفني وتروح يمهم أعرف تريد طفل وميت على جهال أخوك لان تحس بالنقص مو

نزار : استغفرالله يعني الواحد ميحب جهال اخوه الا اذا عنده نقص سمعيني زين اني لو عندي 7 هم جنت أحبهم لان من حامد ياريت تشيلين هالحاجز اللي مسويته بينج وبين اهلي أني اليوم اروح من ارجع اريد اشوف سمر حبيبتي اللي اتزوجتها مو اللي كدامي حاليا مع السلامة ركبت سيارتي ليش وصلنا لهالحالة الناس كلها جانت تحلف بحبنا وعلاقتنا هسة يوميه مشاكل طلعت تليفوني متعود من اطلع اخابر امي احجي وياها حتى ماضوج من مسافة الطريق نحجي بالساعات وماكوللها اني بالسيارة لحد مااوصل واروح احضنها وهي تعاتبني ليش اسوق واخابر

مدينة : متوب من هالحركات هسة اضربك ليش هيجي تسوي حبيبي تعال بحضني اشكد مشتاقتلك جوعان لو تريد ترتاح

نزار : أبوس ايديها وراسها احضنها بكل قوتي حضنها تجيبلي السعادة شفت مرمر تمشي كدامي ولا عبرتني كعدت وتغير محطات تلفزيون اشكد كبرانة ردت احرجها ماما ليش متعلمون ناس أدب واصول

مدينة : ههههه مرمر تعالي سلمي على نزار مشفتيه

مرمر : لا خالة شفته هو ميسلم تعودت بس ميخالف علمودج ارحب بيه شلونك عمو كتله من غير نفس

نزار : تسلمين مبين مرتاحة كولي نزار شنو عمو كبرتي مادري ليش حسيت كلمة عمو ثقيلة على كلبي

مرمر : كمت سويتلهم قهوة وجبت حلويات وهمه يحجون اشكد متغير مبين تعبان صار عندي فضول اعرف شبيه كعدت يمهم سويت نفسي مندمجة ويا التلفزيون واذني يمهم الظاهر عنده مشاكل ويا المحروسة

نزار : ماشالله جريت الريموت منها من يمتى تباوعين على القنوات التعليمية ومال ابتدائية هم

مرمر : اشكد فشلة مجنت مركزة جاوبته شكو بيه اتعلم حتى افيد جهالي بالمستقبل من نتطلك قصدي

نزار : منو كال اطلك اني تحملتج اهواية ترى لسانج قصري خلي بكد طولج ماكو طلاك أبقي هيجي روحي من وجهي هسة زعطوطة تدور زواج من هسة

عفرا : صار يومي أستقبال رسائل بعد ماعرفت يعرفني حتى من يخابر مااشيله صرت اخاف من شي اسمه حب أم حسن قبل فترة زارتني وجابتلي لبس جديد نزعتني الاسود غصب وياأمي فعلا حسيت الاسود جان حاجز بيني وبين واقعي اللي صرت بي اباوع على نفسي كبرت وراحت احلامي

شامل : ماما وين غراضي اللي جان بالصندوق كلما اشتاق لغسق اطلع غراضها اتأملها وأشيلها صارلي فترة ملتهي حسيت نفسي اريد اذكرها دورت ماكو امي مغيرة كل شي بحياتي غرفتي اكلي ماابقى بالشقة وحدي بس تعرفني موجود اهناك لو نص الليل تجي ترجعني للبيت غصب

أم شامل : انطيته لأختها كافي شامل لاترجع لنقطة البداية اللي راح راح

شامل : لعد منار مكالتلي يمها الغراض بارحة جنت طالع وياها

ام شامل : تدري ليش لان كالتلي تخلصي منها الأخت متريد ذكرياتها انت ليش خابص نفسك وبعدين هاي طلعاتكم سويه مو عاجبني لو تتزوجها لو تخليها تمشي بنصيبها

شامل : ههههه يعني اي وحدة اصادقها لازم اتزوجها ماما احنا اصدقاء وبس اني اعتبرها مثل نور اني طالع تردين شي

ام شامل : اي لاتروح للشقة تكلبها فاتحة لان الغراض راحت اعرفك مترتاح اللي تسوي بنفسك شي بالليل ارجع نام يمنا افتهمت بعد ماكو حرية اني مو مثل ابوك اطلع عينك رجلك تروح للسوالف المكسرة

عامر : رجعت لأهلي بعد غياب سنوات متحملت ابقى بعد اربد اشوف حياتي وحتى جهالي كيفو على الموضوع بعت الشقة وكلشي ماريد ارجع طلبت من امي تعزم عفرا على الغدا حتى اتعرف عليها صارلي اسبوع راجع كلشي متغير بالبلد والمنطقة البيت متغير اليوم عفرا راح تجي رحت ويا ابويه تسوكنا وقررت نشوي بالحديقة كلش يعجبني الشمس كتلني البرد لو ابقى طول عمري كدام الشمس مااشبع منه جهالي كوة أمي تدخلهم جوا بالمطبخ احضر ويا امي وابويه يلعب ويا الجهال انتظر وصولها على نار احس نفسي مراهق

عفرا : دخلت لبيت حسن شفت ابوه سلمت عليه وياه جهال اثنين كلش حلوين عزمتني ام حسن ولحت عليه اهواية طلع شاب اني بدون وعي ركضت عليه حسن هذا انت رجعت تراجعت خطوات لا هذا مو حسن عفرا نهايتج تخبلتي

عامر : جنت بقمة فرحي من سمعت صوتها طلعت أشوفها وتمنيت اكوللها جيتج من أخر الدنيا حتى أشوف صاحبة الصوت اللي أسرت كلبي بس مجرد ماكالت حسن حسيت نفسي سقطت من اعلى الجبل حتى مكدرت ارحب بيها رجعت للمطبخ اكمل تحضيرات اريد اغلس ومانطيها وجهه بس طعيني لا ارديا تروح عليها

عفرا : اشبيه هذا عصب من كلت حسن شايل خشمه وميحجي لعبت ويا الجهال شوية وكعدت احجي ويا ام حسن تسألني على اهلي واني بالي يم هذا الشخص اللي اسمه عامر صوته مو غريب وين سامعته يمكن يشبه صوت حسن

أمل :كاعدين ناكل واني بالي يم بيتنا والمشاكل اللي متخلص اسمع شامل وامجد يحجون على مشاكلهم

امجد : تعبت والله هاي مو حياة ولا عيشة محد يحس بيه

شامل : تعبان هلكد اكلت لو ماتعبان ونفسيتك صفر جنت تاكلني اني لو منك اتزوج واخذها للبيت واخلص من هالسالفة انت متريد تكعد راحة تدور على المتاعب برجليك مو بيدك

امل : كافي ذبيت الملعقة حرام عليكم انتو شنو 24 ساعة تحجون عن ألمكم واحزانكم انت يامجد اشكد بطران واصلا بحياتك مشايف شنو مشاكل وانت شامل اسوء منه شوف أمك وابوك شلونهم وانت شمسوي بنفسك وبيهم حرام عليك

امجد : سكتي مو ناقصني خبالاتج

شامل : اشرت لامجد يسكت صارلها فترة وضعها مو تمام ومتحجي شي

امل : ميت تتزوج وعندك مشكلة مو شنو مشكلتك وعيت على الدنيا من غير اب عشت ويا زوج ام خسيس يحاول يعتدي عليك باي طريقة امك تشوف وتغلس لو يبقوك من غير اكل ويخلوك تكعد تبيع بالشارع تتوسل الناس يشترون منك وتربي اخوانك امك تريد فلوس تجيبلها باي طريقة حتى لو تبيع نفسك المهم زوجها يرضى عليها عمرك تمنيت تنام للصبح مرتاح بدون مايلمسك ايادي قذرة كول

شامل : وكفت على حيلي شنو هالحجي امل لاتكونين

امل : اسكت شامل انت مو احسن منه ماتت خطيبتك قلبت الدنيا على راسك ضيعت نفسك واهلك وتاليها تطلع ويا اختها على يا ألم تحجي متكولي لو النسوان اللي عرفتهم بعدها لو الشرب لو شغلك اللي محد يدري بيها كل فترة متصاوب بمكان

امجد : امل على كيفج شبيج كعدي احجي براحة حسيت كلبي يطلع من مكانها وهي تنتحب وتحجي

أمل : انت مشكلتك امك النصابة اي بس من تكوللها اريد اتزوج توصل نفسها للموت مبقت قسم جروح حروق كسور قلبية بالمستشفى مضلت بس قسم الولادة مدخلتها وانت مصدك وخواتك عايشين همه وازواجهم احسن عيشة وانت اصلا مو رجال تفو عليك مستغلينك أبشع استغلال

امجد : عيب عليج امل شنو هالحجي

امل : جريت حقيبتي ماكو شي عيب شوف حياتي بعدين احجي عن الالم تدري وين وصلت بيهم يطردوني بالشارع حتى يبيعون البيت امي باعت بيت ابوية علمود زوجها امي استغلتني واني نايمة خلتني اوقع على تنازل منو بينا حياته جحيم طلعت من الشقة واني امشي اباوع على السما يارب اجبر بخاطري تعبت من كلشي

شامل : انطيني رقم اخوها بسرعة

امجد : وكت هذا هسة لاتسوي شي بنفسها هاك الرقم اني طالع وراها متصورتك اناني تتخلى عنها طلعت ادور عليها حضنتها بكل قوتي واني ابوس راسها اني اسف اني نذل وحقير محسيت بمعانتج وجبان اني جبان

امل : بجيت بحضن امجد أني انتهيت حياتي انتهت اهلي ضدي اخواني يعايروني ويحجون على شرفي

امجد : رفعي راسج باوعيلي تدرين ليش اني ماكدر اتزوج واخلي امي حجة أحبج امل من واحنا صغار

أمل : حيوان وصلت بيك الاستهتار تلعب بمشاعري شنو حب تفو وخر مني اروح ياربي شنو يصير مكدرت اروح للمستشفى رجعت للبيت ودخلت للعيادة وبديت اشتغل ومن اخذ الفلوس حتى لو الف دينار اذبه بوجه رضا حتى يسكت ويعوفني بحالي

أمجد : يابرودك يااخي صارلي ساعة احجي وياك شنسوي هسة الكي حل لهالمسكينة

شامل : حسيت أمجد يحب امل بس ردت اتأكد جاوبته حلها موجود صديقي طلبها مني واني وافقت تتزوج وتخلص

امجد : نعم تريد ترميها وتخلص منها متوقعت توصل لهالدرجة واني مستحيل اقبل اوكف بوجهك

شامل : مرة ثانية اذا فكرت تحضنها وتبوس راسها اكسرك افتهمت شفتك يااخي تريدها تعال بوس ايدي حتى ارضى عليك😠😠😠

امجد : 😨😨ها مجان قصدي شي انت تعرفني وبعدين لاتغير السالفة شنو راح تسوي ويا اخوها

شامل : افتح الباب واكعد عاقل لاتكول ولا كلمة واذا متكدر تلزم نفسك روح سلمت على اخوها شوية واذبحه حجيت وياه تدري صار فترة مو عاجبني شغلك راح اسحب السيارة منك

لا يمعود ابوس ايدك اني اعيل اهلي عليها اني شمسوي والله ادعيلك ليل نهار

شامل : واختك امل شلون عايشة وياكم مرتاحة لو لا وانت تداريها لو مثل ابوك

شبيها امل مشتكية من شي شايليها على عينه تروح وتجي بكيفها اطلب مني اي شي بس لاتاخذ السيارة مني

شامل : راح أنطيك فلوس والسيارة تبقى يمك بس بشرط الليلة اجي لبيتكم وراح اربي ابوك من جديد واياني واياك تفتح حلكك بكلمة واختك تعتذر منها شتكول موافق لو اجيك بغير طريقة

وداعتك ماعليه بيه شتسوي براحتك بس لاتاخذ السيارة البيت كدامك يمتى ماتريد تجي براحتك

ميرا : حياة الكلية تختلف عن المدرسة كلش حلوة وخصوصا بس بنات ماخذة راحتي على الاخر البس اللي يعجبني يوميا شكل اتفنن ومن اطلع البس عباية وربطة بسيطة اكوم ساعة 6 الصبح ادخل الحمام وأجفف شعري اخلي مكياج وطلاء اظافر يوميا بالليل أحضر ملابسي وشعري اصلا سرح اسويله شسوار بسيط

فرح : هاج فلوس شهريتج يكفيج لو لا والله اللي يشوفج عبالج رايحة عرس مو كلية اخ لو ماعمي

مااخليج تطلعين هيجي

ميرا : بس باقي اشتري تليفون وارتاح راح اقنعج بس صبري عليه

فرح : اي تعودتي انتي واختج من تردون شي مااقبل بيها ركض يم عمي تعرفون ماكدر احجي شي من هو يقرر ايام زمان زينك ياجبار تعال شوف حفيداتك شيسوون

عفرا : تعالي فرح اريدج بموضوع بغرفتي ماشالله قمر ميرا الله يحفظج من كل عين

فرح : شكو لاتكولين نفس السالفة مال مسجات

عفرا : أي بس الرقم متغير يعني الشخص موجود اهنا راسي راح ينفجر عبالك عايش ويايه يعرف كلشي عني

فرح : بس شلون اشعار وقصائد يرسل مبين شخص متعلم والله كلش حلوات بس جيب اللي تحس

عفرا : هسة جايبتج تفكرين ويايه لو تخربيني واني من غير شي ضعيفة وعندي نقص حنان ههههه

ميرا : دخلت للكلية نزعت العباية ورتبت شعري على السريع المحاظرات احسها حلوة مو مملة وكالعادة بس سلام على البنات مااختلط لو اروح للكافتريا اكعد اشرب نسكافيه واتأمل البنات واسمع السوالف مرات اضحك على سوالفهم أتمنى اتخرج بسرعة واصير شي بالمجتمع

مرمر : دخلت لغرفة نزار مادري ليش رجليه تاخذني لغرفته كل صبح اكوم من وكت واروح اشوف كلشي مرتب مرات أتمنى يبقى زوجي من اسمع سوالف المتزوجين اللي زوجها مو زين وياها لو يضربها اتذكره هو شلون جان ويا سمر ومرات اريد حريتي واتزوج ويصير عندي بيت وجهال اعرف مراح يكون زواجنا طبيعي طول ماهو متعلق بسمر وميشوف غيرها صرت اتمنى يجي بسرعة اشتاقله من يروح

فرح : حامد حبيبي ممكن تحجي ويا اخوك يخلص موضوع مرمر خلص صارت 19 سنة ماريد البنية تتعلق بيه صارلها فترة تسأل امك عليه وتدخل غرفته اشوفها ومن يجي تروح ترتب نفسها حتى تاخذ من غراض ميرا حتى تبين نفسها كدامه اهواية انبهها متسمع مني

حامد : حبيبتي ميصير غير اللي تردينه احجي وياه واشوف شنو قرر اهواية يجوها خطابة حرام نوكف بطريقها وخصوصا هي متريد ترجع لدراستها

امل : نمت متأخرة تعبت من الوكفة على رجليه طول اليوم بالمستشفى سمعت صوت هوسة وصياح امي كمت اشوف شكو شامل شتسوي اهنا وبنص الليل

رضا : هذا العار جاي بوسط بيتي عباله مثل قبل يهددني منو حاسب نفسك هذا ولدي هسة يسويك نصين

شامل : قررت اروح لرضا واربيه خابرت ساعة 2 بالليل على ابنه فتحلي الباب وطلعت رضا من غرفة نومه وجريته للصالة وينه اللي يسويني نصين تقصد اللي فتحلي بابا غرفتك حتى اطلعك منها أضربك اهنا لو كدام باب بيتكم شتكول

رضا : امل اتوسل بيج بنتي ساعديني والله راح اتوب

شامل : لاتبجين اشرت على ام امل اشكد ساعدتج علمود تدارين أمل هاي نهايتها هذا العار يحاول يعتدي على بنتج وانتي ساكته ليش حرام عليج كلمة ام جنت طالب اجمع مصروفي اخليها بايدج علمودها كبرت وبوقت انكساري موكفت مساعدتي الكم خابرت جماعتي يجون ياخذون رضا رغم توسولاته هو وام امل مجاوبتهم روحي امل جيبي غراضج الضرورية راح اخذج ويايه وتنسين هالبيت وانتي ياام امل تنسين امل ومتقتربين منها اذا ردتي زوجج يرجعلج

ام امل : ابني رجع رضا واخذ امل ماعلينا بيها عندي كومة جهال يحتاجون ابوهم

شامل : امل تقرر يمتى ارجع رضا وهسة مع السلامة وهاك فلوسك يا ابن رضا

سمر : ماما متغير اكولج ميفيد ويا اي شي مو مثل قبل جبت العنوان خلي نروح اليوم مادام هو هسة مسافر

ام سمر : كومي لبسي عباية ونقاب حتى محد يتعرف علينا متأكدة الشيخ مضبوط لاتورطينا

سمر : اي صديقاتي يروحون يمه كلش زين بس ياخذ فلوس اهواية بعت شوية من ذهبي واذا احتاجينا اكثر ابيع بعد بس المهم يصير نزار بيدي ويرجع مثل قبل اريده يكرهه عائلته يكون اليه وحدي

نزار : جنت كاعد ويا اهلي نضحك وناكل خابروني من مركز الشرطة استغربت عبالي علمود المختبر فاتحها جديد سمعت صوت سمر وهي تبجي والضابط يصيح عليها يسكتها ياريتني ميت ولا اسمع مرتي محجوزة بنفس اللحظة جمعت غراضي ورجعت.

#علمني_كيف_الحب_يداوي 26

شامل : وديت رضا لمزرعة واحد صديقي ربطت بالحبل وبديت اضرب بيه كلما اتذكر امل وهذا الحيوان يتحارش بيها اضربه اكثر لو ماتوسلت بيه مااسوي شي مو زين جنت اموته بيدي الحقير تعبت من الضرب صحت على اصدقائي كتلهم هذا واحد يعتدي على الاطفال سوله اعادة تربية براحتكم رجعت للبيت اهلي ينتظروني ويا امل

امل : شنو هالدم على ملابسك لاتكون ذبحته وتورطت بيه الله يلعن اليوم اللي حجيتلك

شامل : شبيج خايفة مسويت شي بس تأديب وانتي رجلج متوصل لمنطقتكم خير شر ماما امل صارت بمسؤوليتج واني اعرفج شلون دير بالج عليها مثل مامسويتلي مراقبة

ابو شامل : ابني خلص رجعه لبيته أم امل اكثر من مرة تجينا تتوسل تريد زوجها المهم بنتنا يمنا خلي يروح

شامل : يعني هاي المرة مادري من شنو مخلوقة لو غيرها جانت تتوسل يخلصوها من زوجها بس مادري شكول عليها

أمل : تعودت عليها لو مجاية تتوسل علمود رضا جنت أستغرب منها اوعدك ماروحلهم همه انتهو من حياتي

شامل : راح

اخذج تطلعين كل قهرج بيه بعدين ارجعه اروح ابدل

نزار : دخلت للمركز اول مرة ادخله صارلي سنوات اهنا الضابط عرفني جنت بموقف محرج هو دايما يجيب زوجته بالمختبر عندي من شافني هو هم انصدم خير خابرتوني وزوجتي شتسوي عدكم

الضابط : اعرف اللي اكوله صعب عليك بس مع الاسف انسان مثلك عنده هيجي أهل زوجتك طلعناها من مكان مشبوه واحد دجال مسوي نفسه شيخ وداخل بيته اكو شبكة دعارة نسوان ورياجيل يروحوله بحجة انه شيخ ويسوون حجاب وهالسوالف

نزار : حلكي يبس شفايفي تهتز ماكدر اجاوب لو اسأل أكثر سمر تروح لهيجي اماكن صاح العسكري وجابلي عصير شوية كدرت ارجع لوعيي ممكن اشوفها

الضابط : اي طبعا وياها امها همينه تكدر تاخذهم ماعليهم شي بس اذا ردنا أستجوابهم لازم يكونون موجودين

نزار : شفتهم لابسين عباية ونقاب ضحكت بعد شنو تسترتي ركبت سيارتي بدون مااحجي وياهم كلمة رغم حماتي حاولت تشرح مقبلت اسمع شي نزلتها ورحنا على بيتنا

سمر : الله يخليك نزار احجي كلمة والله العظيم اول مرة اروح لهيجي مكان جاوبني ليش ساكت

نزار : تردين جواب مو عندج عين تحجين حتى اسمي صرت اكرهه منج اني اعلمج هذا نتيجة دلالي ألج وصلت لمرحلة تنسين شرفج لزمتها من شعرها كتلتها كتل مخليت مكان مضربتها بي

سمر : انت السبب انت اللي وصلتني لهالمرحلة ادور على شيوخ تغيرت عليه كله منهم

نزار : الظاهر ميفيد وياج حتى الضرب انتي طالق مو مرة الف مرة حتى لا يجي يوم واضعف ارجعج تخسين تحجين على اهلي يازبالة اني طالع ساعتين وارجع مااشوفج ولا اريد اشوف شي يتعلق بيج موجود بهالبيت يامريضة هاي حوبت أمي اللي ياما حاولتي تبعديني عنها

يمر : لا لا مااصدك نزار لا طلقني عفية خليني خدامة جوا رجليك اني ماكدر اعيش من دونك مستعدة ابوس رجلين امك اي شي تريد اسوي بس لاتكولها ضاع نزار مني راح بديت الم جروحي وألمي خابرت أمي تلحكني وتساعدني تذكرت من رحنا يم الشيخ حسيت بخوف المكان رهيب والنسوان كاعدات شكلهم مو راحة ربع ساعة وطبت الشرطة علينا واخذونا امي حاولت تحجي وياهم مقبلو يسمعونا دخلونا للحجز وانواع الغلط والفشار سمعنا

مدينة : ياربي سترك حامد باجر الصبح وديني يم أخوك خابرني جان يبجي شلون انام اروح اصلي واقرا قرأن فدوة كوم من وكت نروح

مرمر : وكفت اسمع شيكولون معرفت شنو المشكلة رحت اخذت تليفون عفرا وخابرته بعد 3 مرات جاوب وصوته مبين جان يبجي أني مرمر لاتقفل

نزار : روحي طالعة مو وكتج شتريدين مني

مرمر : لحظة بس اسمعني الله يخليك نزار خليني اوكف وياك واساعدك انت مو ساعدتني من زمان خلي ارد جزء بسيط

نزار : مساعدة منج انتي مرمر روحي نامي ماريد اغلط عليج ومن اجي اطلكج ونخلص من الموضوع

مرمر : لالا ديربالك تسويها والله احرك روحي افتهمت ماريد تطلكني عفية خليني هيجي بس لاتضوج نفسك تروحلك فدوة متستاهلك

نزار : هههههه سبحان الله اللي حبيتها صدمتني وانتي اللي جنت اعتبرج مجرد عالة تردين تساعديني شكرا مرمر على شعورج عفية عليج اريدج دوم هيجي حبابة ورافعة راسنا تصبحين على خير

مرمر : احبك احبك خليته على صدري واني اكمز من الفرحة اليوم متريدني باجر غصبا عنك تموت عليه سمعت صوت عفرا من الخوف

ذبيت التليفون

عفرا : عفية مرمر كوني سباعية ولاتتنازلين عن حقج بس كلشي بالادب زين حيوانة مرة ثانية من تخابرين استأذني عندي خصوصيات

مرمر : من زين خصوصياتج هذا رقم من فلان دولة منين تعرفيه منو عدنا اهناك من كرايبنا

عفرا : كانه نبهتني بكلامها على شي صدك اني ليش مدققتت جيبي اشوف لايكون هذا روحي مرمر وسدي الباب

مرمر : الله يخليج بداعت حسن لاتكولين لفرح والله تذبحني

عفرا : روحي لاتخافين لا مستحيل مو هو بس نظراته كعدت اتذكر تصرفاته ويايه مااتصور شيريد مني هو صيدلاني واستاذ بالجامعة واني لا ياربي شلون اتاكد لازم اروح لبيتهم عن قريب واتاكد

امل : شامل وين جايبني هالمنطقة مقطوعة اخاف ميت هسة وليش جبت هالمزعج ويانه كلش اتحسس من وجوده من كالي احبج يوميا يذكرني بهالشي لو يرسل ورود على بيت شامل واني أرمي وام شامل تخلي بغرفتي تغصبني اتقبل وجوده

شامل : ماعليج ميصير بيه شي صارلي اشكد عايف شغلي ومستلمه لاتخافين منه طلعي قهرج كله بيه اريدج قوية زين ليش متغيرة ويا امجد طبعا اعرف سالفتها بس اسوي نفسي غشيم امجد يريدها وهي تعاند واني ماريد اغصبها بس مصيرها تقبل بي ماكو مثل امجد يصونها

امل : باوعت على رضا تذكرت كلشي بحياتي مثل الشريط يمر كدامي واني طفلة يتحسس رجلي واني ماافتهم بطني وغير اماكن كل مااكبر يزيد تحرشاته ضربته على وجهه

رضا : اتوسل بيج سامحيني والله حتى اسمج انسى اذا تردين امج اطلكها واعوفها بس خلي شامل يعوفني بحالي بنتي اني كبرت مو حمل هالأذية لخاطر اخوانج

امل : على يااخوان تحجي اللي ميغزر بعينهم شي لو امي خلصت منها تريد تعوفها وتذبه براسي مو راح اعوفك واسلمك بيد ربي بس بشرط امي تخليها على راسك حتى البيت خلي الكم بس انسو شي اسمه امل طلعت مخنوكة وامجد يحاول يهديني

امجد : كافي ميستاهل لاتبجين دموعج غالية لاتنزليها على هالحيوان يمتى ترضين عليه ما تعبتي وتعبتيني وياج شلون تردين اثبتلج حبي الج مو شفقة عشق

شامل : شلت رضا وخليته بصندوك السيارة اسمعني كلمة تطلع من حلكك اقرا على روحك الفاتحة افتهمت

رضا : اي افتهمت خلص ابوس رجلك

عامر : بديت اداوم استاذ بالجامعة ويوميا أرسل رسائل حب وغزل لعفرا مرات اروح بسيارتي افتر بمنطقتهم أتخيل تطلعلي من الباب وتسلم أرجع للبيت تعبان الشي الوحيد بصالحي هي اهواية تجي يم اطفالي خصوصا بنتي متعلقة بيها دايما تخابرها ولو تحجي حجي مو مفهوم مكسر نص لغتنا ونص لغتها المتعلمته أبويه بدى يزن على راسي اتزوج اريد اكوللهم على عفرا اخاف ميقبل انتظر امي بنفسها تكول أطلبها ألك أعرف هي تحبها اهواية

عفرا : حبيبتي جيبي موبايل ابوج خلي ناخذ صورة حجيت ويا بنت عامر هو جان نايم بغرفته حسيته متلهف من يحجي ويايه جابت موبايله بقيت العب وياها حتى ماابين شي دكيت من الرقم طلع هو وكاتب حبيبة عمري ايديه ترجف شفت واكف على راسي ليش عامر ليش

عامر : اني انطيت الموبايل لبنتي حتى تعرفين احساسي تدرين حبيتج من صوتج حبيتج بدون مااعرف منو انتي وشنو شكلج حتى من عرفت انتي جنتي خطيبة حسن هم ضليت احبج

عفرا : اسكت ماريد اسمع شي انت اليوم قتلتني متصورتك هيجي مع الاسف حقه حسن مجان يحبك

عامر : متعرفين شي عن حسن انتي انخدعتي بي مثل اهلي احقر انسان جان هو حرمني من كلشي خلاني دايما اسوء الناس بنظر اهلي هو يسوي مشاكل ويذبه براسي شوفي جسمي رفعت تيشرتي هاي اثار ضرب ابوية من ورا حسن

عفرا : اسكت حقير كافي ماريد اسمع شي ولا اريدك تحبني حرام انت اخو حسن وانت واحد جذاب طلعت بسرعة من بيتهم مااتصور حسن اللي فنيت عمري وياه يطلع نذل وخسيس

أمجد : احاول اتواصل ويا امل متقبل احس عندي مشاعر مكبوتة واريد افجرها صرت مااهتم لسوالف امي وخواتي كل همي أخلي أمل تصدكني حضرتلها مفاجأة بمساعدة نور بوكس فطور واخذتها على المستشفى اريدها تحس بيا

أمل : اخ راسي تعبت طول الليل منايمة شبيكم متجمعات شنو هذا واو أكل مال منو

منار : أكيد اليه مبين من شامل هو كلش ذواق

أمل : والله لو من اخويه اكلها وياج كل وحدة من البنات بقت تجر بالبوكس شفت ورقة مكتوب احبج ياغبية هذا خط أمجد اعرفه كلش زين منو غبية يقصدني اوكفي انتي وياها غلطانين هذا يخصني وخرو خلوني استمتع

منار : لا مستحيل انتي عندج حبيبي وهيجي عنده ذوق حرام يمكن اعمى

أمل : اي شفتي هو اعمى لان مثل شامل ميشوف زين كعدت اكل وسط استغرابهم شفت مسج منه على تليفوني يتأكد وصلني البوكس لو لا جاوبته وصل و ذبيته ياادبسز لاتسويها بعد خليت رجل على رجل واني مستمتعة وتارسة حلكي أكل

امجد : على كيفج بيت شامل مجوعينج لهالدرجة وين الزبالة ردت ارجع البوكس حرام تنرمي نعمة الله بيها

امل : الله ياخذك خوفتني اشجابك اذا تريد ترجعها اخذها ماريد شي منك وعيب عليك هالحركات لا اخلي شامل يسوي بيك مثل ماسوى برضا

أمجد : شنو عيب وارجع البوكس فارغ لاتهدديني بأخوج لا اخليه يزوجني هسة غصبا ماعليج

وافقي وخلينا نعيش مثل الناس لاتخليني أتهور واخذج غصب

امل : هالسنوات كلها جنت كدامك ساكت من شفتني اتبهذلت صرت تحبني وتعشقني انت اخر واحد افكر اتزوجه بعد ماعرفت كلشي عن حياتي ورضا ماكدر اعتبرك

امجد : لاتكملين اني مو اخوج وانتي تعرفين اني مجنت اكدر ابين الج شعوري حتى لا أخسرج لاانتي ولا شامل بس خلص وصلت لمرحلة ماكدر بعد أحبج

أمل : والله حلو عجبني يتوسل بيه والينات اللي بالغرفة شوية ويموتون يردون يعرفون بشنو نحجي دايما جنت اسمعهم عمري مجان عندي موضوع احجيلهم بيها من راح حجيتلهم هذا معجب واني ماريده اللي تريده تاخذه بالعافية عليها حسيت بانتصار

منار : صدك انتي وامجد مكبلين هسة واو بعد شتريدين متصورت اشوفج يوم عندج حبيب مثقف وخريج وطاك حلم كل بنية بس حظوظ

امل : شفتي يعني حتى الفقرا عدهم حظ وفرص يصير عدهم فلوس فلا تظلين لازكة بالحلم المستحيل

البنات : مبروك امل تستاهلين كل خير لعد معجبينج العجايز شتسوين بيهم

امل : انطيهم لحبيبة قلبي منار تستاهل هههههه

ميرا : طلعت من الكلية ماشوف السايق الكلية فرغت واني ماعندي موبايل اخابر البيت مكدرت اخذ من اي وحدة لان ماعندي علاقة بيهم شفت سيارة تروح وتجي خفت ارجع داخل الكلية بقيت التفت اخاف حتى متبقى بنية اريد اروح اوكف يم مجموعة محسيت الا شخص يجرني ودخلوني للسيارة لحظات وحسيت الدنيا سودة وظلمة

#علمني_كيف_الحب_يداوي 27

شامل : ماكو خطوبة من غير ابوك افتهمت اشكد احبك واعزك بس امل غير تخابره يجي يطلبها من ابويه متكدر تنرفض مني ومن ابوية

أمجد : ليش تصعبها عليه زوجوني اياها وماعليك والله اخليها بعيني

أمل : جبت شامية وحب وببسي وزعت عليهم وشغلت فلم كعدنا نباوع وهذولة الأثنين يحجون بهمس ضجت لو تشوفون ويانا مثل العالم والناس لو تسكتون وانت أتصور عدكم بيت ليش متروح

أمجد : ماكدر اعوف المكان اللي انتي بيه حتى لو بقيت يم باب بيتكم عادي اقبل

أمل : اول مرة احس بأحراج كمت بسرعة ورحت لغرفتي اعيد حركات وسوالف امجد ويايه ضحكت شعور حلو

نور : ههههه عفية عليك صاير شاطر وين هديتي بعد ماكو نصايح بلاش

شامل : كومي قبل لا اكسر راسج صايرة معلمة امجد وتنقلين اخبار امل وتاخذين رشوة أستغفرالله شلون جيل كومي ولج

نور : لاتصيح كمت ماكو حرية بهالبيت اروح يم ابوية بالحديقة احسن

حامد : وكع التليفون من ايدي سايق ميرا متاخر عليها بسبب الازدحام خابرني ميرا ماكو بلبس البيت طلعت ماعرف شلون جنت اسوق سيارتي يارب احفظها من كل سوء وين راحت وصلت ماكو احد باقي بس حراس والسايق ينتظرني سمعت خاطفين بنية والحارس ميعرف منو

ميرا : رجلي مااحس بيها عيوني وايدي مربوطة اريد اصيح احس لمسات على وجهي وريحة وسخة وخر مني منو انت شتريد مني وين ماخذني عفية عوفني

ولج شنو هالجمال خرب حتى صوتج مثلج اويلي شلون اصبر ونوصل لاتبجين وتصيحين ميفيدج انتي ملكنا خلص انسي نفسج

مدينة : كومي حبيبتي ماكو شي هسة يرجع حامد وياه ميرا

فرح : خالة مشفتي شلون ركض على سيارته وراح حتى مجاوبني وميرا ساعتين متأخرة كلبي مو مطمن بارحة حلمت بأمي

عفرا : اهدي ماكو شي كولي يالله خطية هسة مرمر ترجع من السوك لاتخوفيها خابرت ابوية يرجع بسرعة بديت اخاف

ميرا : بقينا اهواية نمشي بالسيارة الطريق طويل اريد بس نوصل نقطة تفتيش حتى اصيح وافضحهم نزلوني وهذا الحقير يجرني من شعري الاصوات صارت أكثر رحت بيها ياربي شيسوون بيا من الخوف كمت ارجف ماكدر احجي

ضربوها أبرة وخلوها بالمخزن لحد مانشوف الرئيس شيقرر بس نزعوها الذهب والجنطة خاف بيها موبايل

ميرا : لا عفية اخاف من ابرة شتريدون فلوس اخذوها حنى ذهب رجعني عمو لبيتنا

هههههه خوش عمو تخافين من ابرة مو لعد اعلمج شلون متخافين بعد

ميرا : وخر ريحتك موطيبة وخر مني لاتلمسني افتح ايدي واني انطيكم ذهبي لاتلمسوني ضربني اكثر من راشدي وجهي مااحس بيها من ألالم حتى دم طلع من خشمي لحد ماحسيت شي دخل بأيدي صيحت واحد بيهم يغلط عليه ويجرني من شعري هسة حسيت شنو يتيمة وماعندي اب هاي نهايتي

نزار : جنت بالمختبر اشغل نفسي بس وقت نوم ارجع للشقة اي شي يذكرني بسمر اكرهه مرمر اذا مو كل يوم بين يوم ويوم تسأل عليه دايما اهددها لاتخابر تعاند اكثر اكثر شي عاجبني بيها أصرارها على مساعدتي رغم اني مااشكيلها سمعت تليفوني هلو حامد شلونك شنو ميرا مستحيل هسة راح اطلع واجيكم لاحول ولا قوة الا بالله

حامد :رجعت للبيت بعد ماانتظرنا اهواية ومحصلنا دليل البنية راحت بيها شكول لفرح ومرمر اهلي شنجاوب الناس اللي ماترحم الله يكون بعونج ميرا اليوم اني انتهيت خابرت نزار حتى يجي احس نفسي تايهه دخلت فرح ركضت عليه واهلي منتظرين هزيت راسي ودمعتي نزلت اسف فرح

مرمر : رحت ويا عمي للسوك اشتريت لابتوب وموبايل لميرا بمناسبة نجاحها حبينا اني وياه نسويلها مفاجاة رجعنا البيت عمتي غايبة عن الوعي وعفرا تحاول تصحيها شكو خالة مدينة

مدينة : شكولج خالة الله يستر اختج مرجعت وحامد طلع ومفتهمنا شي

مرمر : شنو ميرا اختي تضحكون عليه مو ركضت لغرفتها طلعتلها ملابس حتى من ترجع تلبسها شغلت الشموع اللي تحبها راح ترجعين مو ميرا خليت هديتها على السرير ماريد افكر بشي مو زين اختي بخير

ابو حامد : يالله يالله ابني شنو صار

حامد : باوعت على فرح خاطفيها والحراس مكدرو يروحون ورا السيارة جانت سريعة وبدون لوحة

فرح : لا لا ضيعت بنت طلعت اني السبب ياريتني مخلينها تروح للكلية

ابو حامد : ادري فرح تعاتبيني اني خليتها تروح غصبا عليج كوم حامد نروح للمراكز عفرا جيبيلي صور ميرا نوزعها يمهم وراح اخابر صديقي مسؤول بلكي يساعدنا

حامد : حضنت فرح ومسحت دموعها اوعدج احاول بكل قوتي ارجعها بس لاتضعفين انتي

نزار : مادري شلون وصلت اقاربنا موجودين السالفة كبرت مو مال واحد يخبيها دورت على مرمر شفتها بغرفة اختها نايمة ودموعها على خدها مرمر كومي حبيبتي نامي بغرفتج لو نزلي يمهم عمتج حالتها موزينة

مرمر : حضنت نزار راحت ميرا مو مراح ترجع اني اموت من غيرها كلبي يوجعني هي مو بخير

نزار : لازم ندعيلها ماكو بيدنا شي نسوي وماكو دليل على اللي خطفوها كومي نزلي ويايه صيري قوية مثل ماعرفتج دايما مو انتي يوميه تنصحيني شوفي اني نسيت كلشي وعايش حياتي وميرا راح ترجع ونعيش كلنا سويه وننسى هالغيمة السودة

أمجد : خابرت ابوية حتى يجي امي متعرف اليوم من نروح راح اخليها كدام امر الواقع هي والعروسة همينة مكلنالها دزيتلها ورود وعلبة شوكولاته الصبح والظهر غدا من مطعم هي تحبه طبعا اقرا رسايلها واني اموت ضحك على سوالفها

شامل : يالله عريسنا نروح للحلاق ضبطت كلشي بالبيت امي تاخذها للصالون وترتبها الك بعد شتريد شوفنا احنا شلون ندللك اريدك تخلي امل بعيونك وامك شوية احجي وياها بهدوء فهمها لان اذا سوت حركاتها وياأمل ماكدر اسيطر على نفسي

امجد : صدكني مو بس بعيوني اخليها بروحي همينه انت تشك بحبي الها شتكول من بعد الحلاق نروح عليها للمستشفى

شامل : ماكو امشي يالله لاتأخرني احاول اضحك واني اليوم اتذكر شلون خطبت غسق ورحت للحلاق وهي بالصالون رحنا للمصور كل الذكريات رجعتلي بلحظة تعوذت من الشيطان وركبت السيارة لازم اليوم افرح لخاطر امل .

امل : خابرت نور سمعي زمالة كولي لأمجد لايرسل شي على المستشفى فضحني كله من وراج انتي معلمته هالسوالف بس ارجع للبيت أذبحج بيدي

نور : عشتو والله خاتون بدل ماتشكريني اعلم زوج المستقبل شلون يصير رومانسي ويدللج طاح حظج غبية مبروك اليوم تصيرين حرم أمجد

أمل : شنو يازوج احجي صدك شمخبية عليه انتي مو راحة

ام شامل : اشرت لنور تسكت لسانها متبري منها اخذت التليفون منها حبيبتي يمتى ترجعين محتاجتج ضروري اريد اروح لمكان زين لاتتأخرين عليه

عامر : رحنا اني واهلي بعد ماسمعنا المصيبة اللي صار بيت عفرا شفتها ذبلانة كعدنا وياهم وعيني عليها دزيتلها رسالة ياريت الالم اللي بيج بيا تمنيت اني وهي مرتبطين هسة واحضنها كدام الكل واكو بينا حواجز رجعت طول الطريق بالي يمها لحد ماصحيت على صوت امي

ام حسن : يمه شنو رأيك بعفرا والله ست البنات كل المواصفات الزينة بيها وهم تحب جهالك

عامر : متشوفين وضعهم اني اتمنى عفرا تكون ام اولادي اصلا مراح أتأمن عليهم الا وياها اني امهم غاسل ايدي منها

ام حسن : ليش يمه حتى اسمها لاانت ولا جهالك تجيبوها شنو السبب

عامر : هاي غلطة حياتي جانت تونسية ويايه بالكلية جنت ادرس واشتغل فهي استغلتني ومثلت عليه دور الحبيبة واني وحيد تدرين انتو بعيدين عليه تزوجتها بدون ماعرف عنها شي جنت اصرف عليها كملنا كلية صار عدنا طفلين وهي مرتاحة تعينا بالمستشفى بدت تطلع على حقيقتها ورادت تنهي علاقتنا خيرتها بيني وبين الاولاد تنازلت عنهم بمبلغ خيالي اضطريت اخذ قرض وانطيها أخذته منا وسافرت بعد معرفت شي عنها

ام حسن : سودة عليه كل هذا يصير بيك واحنا مندري عنك سامحنا عامر اهواية قسينا عليك ومهتمينا بيك الله يرحمك حسن ابوك اشكد جان يفرق بيناتكم سامحني حبيبي

أمل : رجعت للبيت غسلت وبدلت ارتاح

ام شامل : كومي بسرعة نروح للصالون عندي كومة شغل عيد ميلادي اريد ارتب نفسي

امل : اخذي نور كلش تعبانة ماما صح شامل وين مشفته من البارحة

ام شامل : ماعليج بيهم ميحق لي افرح واتونس اخذتها غصب خليتهم يحفون وجهها وحواجبها رغم اعتراضها

امل : ماما كافي والله كرهت روحي باوعت على المرايا يع شنو هاي كرهت روحي نروح لو باقي تكرهيني بنفسي بعد رجعنا طول الطريق تنصحني وتمدح امجد البيت صاير كله ورود احمر وبالونات ملونة مكتوب عليها تزوجيني واحبج أمل سنو هاي نور تهلل ومبدلة امي جرتني لغرفتها طلعت فستنان وردي كلش حلو

ام شامل : اذا عندي خاطر يمج البسيها اليوم اريد اشوفج احلى عروسة أي شي يصير متحجين غير اللي يقررها ابوج واخوج

امل : ههههه يعني ماكو مفر من امجد والله ماما صعبة عليا هسة اهلي اول الناس راح ياكدون جان بيناتنا شي ماريد هالشي

شامل : مبروك حبيبتي طالعة تخبلين ماما عوفينا وحدنا شوية بستها تمنيت هاليوم بس متخيلتج بهالجمال الله يحرسج كعدي ليش مستحية ههههه

امل : شامل لاتخليني اعيش بحلم انت تدري امجد وعائلته يختلفون عنا وتعرف امه شلون

ماريد اصحى على كابوس مصدكت خلصت من حياتي السابقة

شامل : لو اعرف واحد بالمية ميستاهلج مجنت اقبل بيه لو هو اخوية مو صديقي انتي اهم من كلشي صدكيني انتي وهو تستاهلون تعيشون حياتكم انطي لنفسج فرصة مراح تخسرين هياتهم وصلو يالله رتبي شعرج وخبلي امجد اليوم

امجد : طول الطريق ابوس بأيد امي واتوسل بيها متفشلني كدام الجماعة ماما اي شي تردين اسويلج

ام امجد : عرفت نهايتك تضيع الله يعني واشوف الحقير ابوك همينه اني الك بداخلي أوكفيلي امل اذا مخليتج مو بس تعوفين امجد تعوفين البلد فلا اني صبيحة

ميرا : نايمة وين اني شنو هالمزبلة باوعت عبايتي ماكو شعري مفتوح ايدي توجعني شنو هاي العلامات تهسترت لايكون لالالا طلعوني من هنا

روح سكتها صدعتني بس لاتخليها تموت حتى نخلص منها على حظنا مسافر ميكدر يجي بسرعة وناخذ فلوسنا

انتظر على نار مادري شلون كضيت هالاسبوع وهاي يمي الله يعيني عليها كوة لازم نفسي منها

#علمني_كيف_الحب_يداوي 28

أمل : حفلة خطوبتي اليوم رحت ويا امجد اختاريت الفستان احس بخجل مرات واسكت من يحجي شي مرات اجاوبه واحجي عليه مثل قبل

أمجد : شنو شعورج امل اني اسعد انسان حاليا لزمت ايدها واحنا كاعدين على الكوشة حرام عليج جنتي مخبية هالجمال والله الفستان يخبل عليج

أمل : جريت ايدي كافي امك تباوع علينا هسة ضغطها يرتفع والحفلة نخلصها بالمستشفى واني ماريد هالشي تعبي يروح بلاش اني دومي حلوة وانيقة مو بس اليوم بس حضرتك عندك قصر نظر

أمجد : ميلوكلج تستحين اريدج امولتي ام لسان وميهمها أحد سمعي ماكو فترة خطوبة شهر كافي اسبوع لحد ماتجهزين نفسج.

امل : بكيف ابوك مو تختار موعد عرسنا يمتى مردت يصير احتمال بعد سنة سنتين هههههه شفت امي من بعيد جاية ومرتبة نفسها متخيلت تجي واني اصلا علاقتي مقطوعة بيهم وخواتي وياها تقدمو مني يباركولي وامي تبجي بحضني

ام امل : سامحيني بنتي الله يخليج انشالله تفرحين دايما تستاهلين اني مجنت ام زينة وياج

امل : بست ايدها واشوف ام شامل ترحب بيها وكعدت بصفي اكيد هاي عمايلها هي عازمتهم باوعتلها بأمتنان

شامل : اني يمكن اسعد من اثنيناتهم الحمدالله كدرت اوفق بين أكثر شخصين عزيزين على قلبي جريت امل حتى ترقص ويايه وامجد يصيح

أمجد : حرام عليكم راح انجلط من وراكم تعال ولك شامل ملكيت غير خطيبتي ترقص وياها والبنات مالين القاعة وعينهم عليك

شامل : ارقص ويا أختي ماريد وجع راس تريد تبليني بوحدة واضطر اتزوجها مو ارقص ويا امك خطية كاعدة ماكلة بروحها .

عامر : عفرا ارجوج لاتسدين التليفون واسف خابرتج من تليفون امي أعرفج متجاوبيني

عفرا : عامر مو وقتك احنا بيا حال لا ليلنا ليل ولا نهارنا نهار

عامر : والله العظيم ادري بس حبيت اطمن عليج انشالله تلكوها حتى أهلي مثلكم على نار ينتظرون اي خبر اليوم راح نجيكم لاتهربين مني مثل كل مرة اتوسل بيج

عفرا : الله كريم سديت التليفون بين يوم ويوم يجون لبيتنا وعامر يومية يحاول يطمن عليه بس اني خايفة بديت أتعلق بيه واني ماريد هالشي من يجون اني ماكعد وياهم ومااجاوبه ابد من يخابر عبالي امه هي متعودة كل يوم الصبح تخابر تسال على ميرا ياترى شصاير بيج حبيبتي رجعت للصالة باوعت اهلي روح مابيهم بس عايشين امي كاعدة وسبحتها بيدها وابوية وحامد اللي كبرو عشر سنوات على عمرهم وفرح اللي بعالم ثاني مرمر اهون منها نزار وياها

فرح : عفرا حبيبتي اخذي الجهال صعديهم لغرفتج ماكدر اتحملهم راسي ينفجر وهمه كل واحد يريد شي أحس نفسي عاجزة عن كلشي الندم ماكل بروحي باوعت مرمر ماكو استغفرالله وين راحت اكيد ويا نزار اشكد اهددها ميفيد وياها

حامد : عمري اني رايح للمركز أشوف الأخبار ديربالج من نفسج كافي اللي بيج زين اوعديني متبجين بعد وداعتي

مدينة :ابني اخذ اخوك وياك دورو بالمستشفيات بلكي لاسامح الله موجودة بيها وانتي فرح كومي نصلي وندعي كافي بجي

نزار : مسحت على شعر مرمر وخليتها بفراشها وطلعت اشكد انقهر عليها نزلت اروح ويا حامد فرح تباوعلي بعتب ويا امي غلست ميعجبهم تعلق مرمر بيه واني ماكدر من تجيني اردها

حامد : نزار محبيت احجي كدامهم لاتخلي البنية تتعلق بيك اكثر وانت تعرف شنو مصيركم يكفي خسرنا ميرا خلي نحافظ على مرمر

نزار : اني اساعدها وبس لايروح بالك بعيد وهي تتوسل بيه ماعوفها شتريدني اسوي متكولي عبالك فرحان بهالوضع واني جديد طالع من خيبة دمرت نفسيتي شفت تليفوني سمر باليوم مية مرة تخابر وتتوسل ارجعها شوف البلوة ماعرف يمتى تفهم هي انتهت من حياتي افكر احجي ويا ابوها

حامد : مو وكتها خلي نشوف شيصير بقضية ميرا وبعدين الله كريم واكسر رجلك تروح تنام يم مرمر أكعد ويانا بالصالة وهي متكدر تجي يمك

ميرا : أخ راسي وجع مو طبيعي صحت أشوف الغرفة نفسها بجيت بارحة حلمت اني بفراشي يعني حلم بس وهذا المزبلة صار واقعي باوعت على ايدي أكثر من مكان ابرة شفت الولد دخل جايب اكل وجهه مو مبين رجعت ليورة

تعالي اكلي بسرعة واخذج للحمام اذا تصيحين اضربج ابرة افتهمتي

اشرتله براسي زين حلقي جاف ماكدر احجي شفايفي صار بيها شقوق ودم بس شربت شوية حليب اريد اكوم راسي يفتر هو يجرني بيده اباوع ماكو منفذ اهرب

لاتتأملين اهواية ايام ويجي ياخذج اشكد محظوظ بيج اوف اتمنى اكون بمكانه واني اخلي ايدي على شعرها هاي وجهج شيصير بي من ابوسه تقربت منها

شدتسوي حيوان مو اتفقنا متسوي شي بيها انت مو مال واحد يامن بيك تريد نسلمه ناقصة ونخسر فلوس

ميىا : شفتهم يتعاركون بيناتهم وهذا الحقير اللي جان يريد يبوسني باوعلي بنظرات تهديد شفت الثاني وكع من الضربة الحقير اضخم منه ركض عليه

اليوم راح العب بيج حقيرة وساقطة مسوية روحج شريفة الله يعلم شمسوية ويا والشباب اذا مطلعت قهري بيج فلا اني ابن ابويه لزمت راسها وركعتها على الحايط مرة مرتين وكعت دفرتها برجليه كومي لاتمثلين عليه جبت أبرة بيها نسبة مخدر حتى تكون غايبة عن الوعي ومتصيح تصدع راسي جريتها للزواية حسيت بعدني اريد اشفي غليلي منها وهي صارت جثة متتحرك بعد

مرمر : طول هالأسبوعين وميرا ماكو احس اخذت روحي وياها كرهت كلشي حولي ألوم فرح اهواية لو عدها تليفون جانت تخابر لو نحصل مكانها كمت باوعت هي كاعدة تنتظرني

فرح : كومي خاتون احجي وياج غسلي انتظرج باوعت قميص نزار وملابسه موجود بغرفتها اوف لوين تردين توصلين ها

مرمر : متعبتي من العتب واللوم والنصايح شنو استفاديتي متكوليلي اختي وضاعت واني هاي حالتي لا دراسة لا زواج مثل العالم والناس ولا مستقبل شتريدين مني

فرح : اشكرج يعني اني بس دمرتكم مو وضيعتكم وميحقلي احاسبج وانتي تروحين برجلج للهاوية ترى هذا مراح يكون الج بيوم من الايام هو يحب زوجته ويجي يوم ويرجعها وانتي شنو موقفج ساعتها انسحبي من هسة بكرامتج بعدج صغيرة الف واحد يتمناج

مرمر : اللي عشته وشفته كافي خلاني اتقبل كلشي بحياتي بس نزار ماعوفه وسمر انتهت من حياته هو ملكي من اليوم اللي ابوج طلعني من البيت وكالي زوجتج وخلصت من عارج معرفت شنو يعني زواج انتي جنتي بحضن زوجج اللي ظلمني وميرا بغرفتها كالعادة جبانة وتبجي بهدوء واني بوحدي ماعرف ليل لو نهار محبوسة بالمخزن اون من الالم وهو بكل جبروته واكف ويكولي زوجتج نزار واياني واياج احد يعرف غيرج مو اذبحج هالمرة شنو تتوقعين من طفلة تسمع هالحجي كبرت وعشت بعيد عنكم وعرفت بعدها شنو يعني زواج متقربت من نزار ولا من زوجته ولاتدخلت بحياتهم أصلا جنت دخيلة عليهم ضليت ساكته وصابرة هسة اني محتاجته وهو نفس الشي مااسمحلج تدخلين بيا بعد ضربتني راشدي

فرح : وكفت اسمعها شلون تتهمنا كلنا ناكرة المعروف شنو اسويلها ميغزر بعينها متحملت ضربتها اكسر راسج ولسانج اكصه افتهمتي ردت اضربها خالتي لزمتني

مدينة : شكو هالصياح وكت هذا هسة فرح تخبلتي تضربيها وانتي مرمر مو عيب عليج تردين هيجي على عمتج احنا بيا حال وانتو شتسوون اهنا

فرح : خالتي عوفيني اربيها متستاهل تدافعين عليها مع الاسف

نزار : جنت موجود يم الباب وسمعت كلشي محبيت ادخل صحت امي تشوف شنو سالفتهم بعدها دخلت باوعت على مرمر لازمة خدها وتبجي فرح مرة ثانية لاتمدين ايدج عليها واي شي عندج احجي ويايه هسة مو وكتها خلي كلشي بوقتها

فرح : انت وياها وصلتوني لهالحالة اني اعتب عليك المفروض تفهمها مو تشجعها الحجي ويا عمي المسالة كبرت وطلعت من ايدي طلعت من الغرفة واني حايرة شسوي باوعت حامد كاعد ومنزل راسه مردت اساله على ميرا الجواب مبين بديت اشتغل والهي نفسي ويا جهالي صارلي فترة هاملتهم

حامد : عوفي كلشي وكعدي يمي لاتسوين هيجي بنفسج ادري تطلعين حرتج بهالحركات ميرا ماكو مبقينا مستشفى مدورنا بيها شنسوي هسة وين انطي وجهي مبقيت احد من معارفنا بالحزب وبالدولة محجيت وياهم

فرح : مسحت دموعي يعني اشوفها تغلط ويا اخوك واسكت تريد زوجها هسة وكتها ماريد اسمع شي مو زين عن ميرا غيرت السالفة على مرمر واني جواية بركان من النار عليها سامحني طلعت سامحني

عامر : مااصدك اشوفج كدامي لايكون بعدني بالبيت وبالفراش احلم

عفرا : شنو صارلي خابرني وعزمني على قهوة وطلعت رحت يمه تخبلتي عفرا اكيد هسة وكتها جاوبته مو لحيت عليه وحلفتني بأمي مكدرت اردك رجاء بلا حجي حبيات كول شعندك اصلا وضعنا غلط اهنا اباوع لا يشوفني احد من اهلنا ومعارفنا وانفضح

عامر : الله رجعتيني لايام زمان من البنية تكعد كدام حبيبها وتخجل وتتورد خدودها وتلتفت حتى لايشوفها احد حاسة بخوف ليش خايفة احنا معارف واني مو جاي من الشارع حتى تخافين على صورتج كدام الناس تدرين عفرا هاي عيونج لغز بيها فرح وحزن بنفس الوقت اشكد اتامل بيها مااشبع ياريت تحسين بربع احساسي بيج

عفرا : كافي عامر اني هم بشر ويمكن راح اضعف من الحاحك واني ماريد شي جربت مرة وضعت بعدها متصورت راح ارجع اوكف على حيلي من جديد محد حس بالالم والمعاناة اللي عشتها

عامر : خليني اداوي جروحج واني هم عانيت اهواية بحياتي ماريد اكولج بسبب منو وتكرهيني حتى زواجي اللي جان اشبه بسيناريو فلم فاشل انتهت بالطلاق أنطيني فرصة بس فرصة مراح تخسرين شي داويني واداويج

عفرا : خليها على الظروف مادري ليش هالمرة معارضته رجعت طول الطريق احجي ويا نفسي صدك اريد أنطي لروحي فرصة ثانية واعيش الحب من جديد عامر مينرفض شاب ناجح وخلوق واهلي يحبونه اهوايه خصوصا بعد اللي صار بميرا لاهو ولا اهله قصرو ويانه اف ياربي

ميرا : سمعت صوتهم من جديد خفت احس دم على كتافي ورجلي شنو هذا صحت لا لايكون مغتصبني هالحقير جان يهددني اني ليش اغيب عن الدنيا ومااحس بروحي بعد مايضربوني ابرة مديت ايدي على راسي ملفوف بشاش

كومي ولج بسرعة خليتها على كتافي حيلها منهد من الضرب والابر

وين نروح الدنيا مكلوبة بالمنطقة وهاي البلوة ابتلينا بيها

انخليها بكيس زبالة ونعوف الاسلحة ونروح عادي محد يشك بينا خابرني الريس نغير مكانه لحد مانشوف الوضع شيصير بيه كله من وجه الفكر هاي

الله لو ينطيني الريس هالفكر جان اني بخير والدنيا امان ههههه

ميرا : اسمعهم شلون يضحكون على مصيري بيناتهم الله يخليك بس عبايتي اريدها رجليه وايدي يبين طالعات كلش اخاف من نظرتتهم على جسمي واصلا مادري شمسوين بيه

شنو تردين تسترين خلص شرفج ضاع صرتي رخيصة ومتحتاجين عباية لبسج حلو يلوكلج ويفتح نفسنا وعبايتج حركناها بنت الكلب

ميرا : لا عفية اعتبرني اختك حرام عليكم اني بشنو مأذيتكم تردون فلوس بس اخابر اهلي ينطوكم اهواية

ههههه مسوية نفسج مسكينة وفقيرة طلعتي دهية تردين تورطينا مو تستغلين ضعفنا وحاجتنا للفلوس واختي مو مثلج لاتقارنين نفسج بيها هي حتى اكسسوار عادي ماعدها وانتي كومة ذهب جنتي لابسة غير خاتم الماس اللي جان بيدج فلوسها بكد شعر راسج مادري الله ليش ينطي فلوس للناس الطايح حضها ابجي ابجي بعد شنو شفتي

ميرا : لا بجي ولا توسل يفيد وياهم خلوني بكيس واني مربوطة ايدي ورجلي وحلكي خلوني بالسيارة والله اعلم هالمرة لوين ماخذيني طول الطريق ادعي يصير حادث وتنقلب السيارة اريد اموت ماريد اعيش ماتحمل العار

شانل : جنت كاعد ويا اهلي نسولف ونشرب جاي اليوم بالليل اروح للشغل بالي يم القضايا ولازم اسافر اغير جو وارتاح شدتني سالفة تحجي بيها نور اختي

نور : ماما اليوم سمعت البنات يحجون على سالفة البنية المخطوفة يكولون جذب هي رايحة وياهم عدها علاقة بواحد اهلها رافضين يتزوجون فهي متفقة وياه يخطفها واصلا مسافرين رايحين شهر عسل

أم شامل : لا واني اشكد انقهرت عليها طلعت هاي سالفتها ليش هيجي مسوية بنفسها

ابو شامل : استغفرالله وانتو اي شي تسمعوها تصدكون الله يعلم شنو اللي صاير وانتي نور لاتحجين بهاي السوالف بنتي هاي اعراض ناس مو نكتة تنقلوها بيناتكم زين حبيبتي واني اعرف اهلها خوش ناس ومتربيين

شامل : خوش سيناريو مسوية تنخطف وتروح ويا حبيبها بابا هسة كلشي يصير والله اللي اشوفه بشغلي يشيب الراس اهواية صادفتنا هالحالات واكو لا مظلمومين بس الناس مترحم

ابو شامل : الله يبعدنا عن هالناس ابني الأنسان المؤمن لازم دايما يستر حتى لو شاف الغلط يحاول يصلحه بالسر والكتمان مو يفضحه لعد شلون نطلب الرحمة من رب العالمين واحنا منرحم عباده

شامل : اني شفت صورتها بالمركز قضيتها يم واحد صديقي الله يساعد اهلها الفضيحة تكسر الظهر

نور : حلوة لو لا يكولون كلش حلوة وعدها فلوس اهواية ابوها تاجر جبير

شامل :هههههه ماعرف مدققت حلوة لولا بس مبين اول سنة كليه صغيرة ابوها تاجر مو تاجر ماعرف مسألت بس شفت الصورة

نور : صار عندي فضول اشوف البنية من كد مايحجون عليها الطلاب بكليتنا

حامد : خابروني من المركز رحنا اني وابوية ونزار كلش جنت متفائل كلت اكيد هي موجودة يمهم هسة وصلنا

أبو حامد : الله يساعدكم ابني واني ادور بعيوني على الوجوه اريد اشوف ميرا بس وجه الضابط ميتفسر

الضابط : اهلا بيكم تمنيت اجيبكم تسمعون اخبار حلوة بس مع الاسف مكدرنا نلحك على بنتكم البقية بحياتكم يمكن هاي غراضها هذا الكيس بيها عباية وجنطة اوهاي صورة المكان اللي لكينا بيها الغراض

ابو حامد : جريت الكيس اي هاي عبايتها مو حامد وايدي ترجف اتذكر هاي الجنطة اشتريناها اخر مرة اخذتها للسوك لاحول ولا قوة الابالله

نزار : باوعت على الصورة مكان بيها دم وصورة ثانية مبين حرق وباقي بيها رماد باوعت على الضابط شنو اللي يثبت هي ميته

الضابط : الدليل حارقين الجثة وياها اخشاب واوراق اهواية حتى تضيع بيناته

نزار : لعد المعمل الجنائي شنو شغله حجيت وياه بعصبية مو المفروض تحققون وبعدين تنطون النتاىج لو بكيفكم تخلصون الموضوع هاي حالتكم ضيعت اهواية ناس وتسجلون قضية ضد مجهول وتروح ارواح وشرف الناس بشربة مي مو الله لايوفقكم

الضابط : تجاوزت حدودك لو لا حضرة الوالد واحترم شيباته جنت احبسك على اتهامك المباشر بشغلنا

حامد : بقيت واكف مثل الصنم عقلي ميستوعب شكول لفرح ومرمر جبتلكم بقايا ميرا شكول لروحي ضاعت وردة بيتنا بلحظات والناس اللي مترحم يارب عونك طلعنا من المركز مكدرت احبس دموعي لا اني ولا ابوية ولا نزار .

#علمني_كيف_الحب_يداوي 29

عفرا :عامر كلش متفائلة اليوم مادري ليش يمكن راح نسمع شي عن ميرا اخواني راحو للمركز بس تأخرو بعدهم مجايين على البيت

عامر : انشالله ترجعلكم بالسلامة وتفرحون بيها وتنسون هالايام العصيبة ونكدر نحجي بموضوعنا اشكرج عفرا انطيتني هالفرصة واتقرب منج متدرين اشكد احس بسعادة حتى اهلي يلاحظون هالشي

ميرا : غيرو مكان حبسي هسة ويا الحيوانات مربوطة كلش اخاف منهم وخصوصا من يطلعون اصوات اني ارجف من مكاني شفت الدجاجة وهي تسوي اصوات مادري فرحانة تعبانة مسوية بيضة تذكرت من نسوي حلويات اني اكرهه ريحة البيض بالبيت و اتذمر منها وعمو ابو حامد يوديني ويا جهال فرح نشتري كيك وحلويات على ذوقنا ونتعارك اني اريدها فراولة هم يريدون شوكلاته نمت واني احلم بأجواء العيد شفت أبوية مديت ايدي ياخذني ضحك بوجهي سألته بابا انت جاي تاخذني مو مزعلان مني اني مو عار مثل مايكول جدي هز براسه وابو حامد راح وياه عافوني وبديت ابجي وراهم اريد امشي احس رجليه مربوطة وشخص شالني من مكاني باوعت عليه ماعرفه منو هذا صحت بابا لاتعوفني عمو اخذوني وياكم فزيت على صوت الجلاب

ابو حامد : مكدرنا نرجع للبيت احس نفسي ضيق محد بينا يكدر يحجي بقينا نفتر بالسيارة بدون هدف اوكف ابني راح اختنك

نزار : طفيت السيارة شبيك بابا جاوبني تحس بشي نروح للمستشفى

حامد : جنت بعالم ثاني افكر شلون أوصل الموضوع لفرح شيصير بيها سمعت ابوية ونزار يحجون نزلت وفتحت الباب ابوية وضعه مخربط

ابو حامد : لاتسوون شي نزار وصيتي مرمر لاتعوفها وعفرا زوجوها

حامد : بابا جاوبني بابا نزار خلي ناخذه للمستشفى نبضه ضعيف ميجاوب

نزار : ماعرف شلون وصلنا دخلنا للطوارئ وتليفوناتنا يدك ماكدر ارد ولا حامد لحظات مرت كأنما سنة وسمعنا بيها رحيل اعز اب وصديق واخ وكلشي بالدنيا

حامد :جنت شايل هم فرح شكوللها بنت طلعت راحت هسة الحمل زاد عليه أمي وعفرا شجاوبهم اخذت ابويه برجله ورجعته الكم جثة يارب صبرني كملنا أجراءات وخابرنا اقاربنا علمود الفاتحة

مدينة : عفرا جيبيلي حبوبي من الغرفة كلبي يوجعني اهواية يمكن نسيت اخذ حبوب الضغط الصبح ياربي هذولة وين صارو الدنيا ليل وماكو خبر منهم ولايجاوبون مرمر خابري مرة ثانية بلكي يجاوبون

مرمر : اخاف ميرا بيها شي ميردون يكولولنه شتكولين عمتي مو

فرح : لا انشالله ماكو شي سمعت صوت السيارة لبست حجابي وطلعت برا شفت حامد باوعت عليه وين عمي ماعرف ليش بالذات سئلت عليه

حامد : مسحت دموعي ابويه انطاج عمره سمعت صياح امي ورا الباب عرفت سمعتنا ركضت عليها فاقدة الوعي صرت بينهم ماعرف اسكت منو الجوارين التمو علينا

عفرا : عبالي أسوء ايامي هو موت حسن بس يختلف موت ابوية كسرنا كلنا اللي يهون علينا الناس اللي تجي تعزينا اشكد جان انسان طيب وبسيط كل الناس جانت تحبه وتقدره عامر واهله يمنا وخصوصا امه متكفلة بأمور النسوان والاكل امي وكعت اول يوم هسة احسن كاعدة تقرا قرآن وتصلي على روح ابوية وجود عامر بحياتي شال عني اهواية هموم وضغوط

أمل : بدينا نشتري الغراض الضرورية اللي تخصني اما البيت نكعد وياهم اشترينا غرفة نوم بعد مشادات بيني وبين امه اللي مادري شلون اتصرف وياها

أمجد : مو كافي تعبت خلي نرتاح وناكل شي بعدين نكمل انتو روحو جهة المطاعم واني اخذ الغراض اخليها بالسيارة

أم امجد : اني اروح اختار مطعم ناكل بي خلي امل تجي وياك ليش تشيل وحدك كل هالغراض حمال لو شنو الخاتون مابيها شي الحنة مراح تروح من رجليها

أمل : باوعت على امجد اي صدك حبيبي اجي وياك اتونس ماريد اسمع مغثة تدري معدتي تكلب واحتمال نفسي تنسد يالله حبيبي خليت ايدي بايده على عنادها شوية وانفجر بمكاني

امجد : ايدي كسرتيها كلش ماكو رومانسية حياتي على كيفج ليش تطلعين قهرج بيه تحمليها لخاطري زين

أمل : اشكد احاول الزم نفسي ماكدر هي تجبرني اتصرف بهالشكل مادري اني زوجة ابنها لو ضرتها متاكدة تكرهني اكثر من زوجة ابوك ياريتها هي امك شلون وحدة طيبة وخلوقة

امجد : الله يعيني عليكم انتي وياها اني ضايع بيناتكم تدرين شنو لو تملخون بعض مراح اتدخل شيبتو شعر راسي

امل : هههههه على الاساس عندك شعر مو خابر شامل خلي نجتمع اليوم بالشقة من زمان عنها الله على ذيج الايام

امجد : من زين ايامكم انتي واخوج اشكد جنتو نذلين تتحاضنون كدامي واني حتى سلام بالأيد ممنوع عليه مو قبل اسبوع جنا اهناك تحجين عبالك قرن مشايفة لو تردين تبوسيني وتستحين

تنطيني اشارات نروح للشقة هسة فهمت

أمل : هسة اخابر شامل يسمعك شتكول متستحي من نفسك ها يمتى نروح

أمجد : علمود البوسة مستعجلة ارجع امي للبيت وبعدين نروح

أمل:😗

ابو شامل : ابني اذا طالع برا اخذني وياك واحد صاحبنا انطاك عمره ماكدر اسوق سيارة تعبان

شامل : انتظرك بابا مواعد امجد مو مشكلة منو هو اعرفه صعدنا بالسيارة وصلنا طلب مني انزل وياه نزلت سلمت وكعدت يم شخص سمعته يحجي ويا اللي بصفه يكوله ضربه جلطة من ورا حفيدة أخوه اللي هربت ويا حبيبها صار عندي فضول سألته منو هي جاوبني اللي انهزمت من الكلية جابت العار لاهلها ناس زينين ميستاهلون باوعت على اهل المتوفي مبين عليهم محترمين وحالتهم زينة

ابو شامل : اشكرك حبيبي اخرتك على موعدك بس هذا واجب لازم نسوي الله يعينهم مجان بي شي قبل فترة رحت يمه بس المشكلة اللي صارت مو هينه

شامل : بعيني اخذك مادري احس اكو شي بخصوص هالبنية يعني مو معقولة عايشة بالعز وتروح ويا واحد تنهزم سمعت عائلتها مثقفين ومعروفين بين الناس

ابو شامل : والله مادري شكول ابني الله يصبرهم اكول شامل ليش متستفسر من الضابط صاحبك بلكي نكدر نساعدهم بشي

شامل : تأمرني انت هسة من اوصلك للبيت اروح يمه يمكن اني جان نفس الشي بداخلي استفسر وصلت بعد السلام والكلام سألت على القضية وبن وصلتو بيها

الضابط : قبل ايام انطيناهم غراض البنية ميتة وحارقين الجثة القضية خلصت وصدر قرار سجلت ضد مجهول

شامل : منين جبتو الادلة بقيت اباوع على اوراق التحقيق والتحريات والادلة شنو هذا اكو نقص اهواية اني ساعدتك اهواية اريد منك تنطيني معلومات اكثر راح استلم هالقضية منك ويا جماعتي وبمساعدتكم

الضابط : شامل ادري بيك متقصر وتريد تساعد بس هالقضية مبينة واضحة متونسين بيها وكاتليها اهواية تصير

شامل : تجي ويايه نروح للمكان لو لا لان راح اروح اني متأكد اكو شي طلعت خابرت جماعتي واخذت اذن من رئيسي وباجر راح اروح ابدي ادور على ميرا رجعت للبيت حضرت غراضي ردت انام مكدرت خابرت صديقي طلعنا بالليل اندور على المكان طريق خارجي بعيد ومزارع موجودة على الاطراف بين المزارع مسافات اهواية يعني اي شي يصير محد يعرف

شامل يمكن هاي المزرعة شتكول ندخل لو ننتظر يطلع الصبح

شامل : لا أنت أبقى بالسيارة وأوكف بعيد راقب الطريق لأن المزرعة فارغة احتمال يجون عليه خابرني اني اروح ادور بلكي نحصل دليل او معلومات تساعدنا دخلت للمزرعة ريحة وساخة والمكان مبين مو اي شي مال واحد عنده فلوس دورت بالغرف لكيت بقايا حبوب وأبر وأوراق تحت السرير مخبيها خليتها بكيس نزلت للطابق الارضي دخلت للغرفة اللي محتركة ابوابها اهنا جانت ميرا مبين قاعة مو غرفة عادية اثار دم على الحايط مو قديمة اهواية تأكدت معذبيها وضاربيها والحرق صاير بزاوية وحدة مو كل القاعة رجعت للسيارة اني اقرا بالاوراق وصديقي يراقب الطريق.

فرح : ودعنا الناس البيت فرغت علينا تذكرت موت ابوية نفس الشي صار نسينا ميرا وماكدر اسأل عليها من حامد هو وضعه صعب بس أدعيلها الله يحرسها حضرت الفطور محد يقبل ياكل حلفت حامد وخالتي غصب كعدتهم رحت على عفرا اخاف رجعت لعزلتها فتحت الباب

عفرا : هاي انتي عبالي مرمر ردت ارزلها امي كامت جنت احجي ويا عامر طول الليل محسينا بالوقت من فتحت فرح الباب عبالي سامعتني واني اودعه حسيت بخجل شتكول عليه هسة

فرح : اي كاعدة تفطر ويا حامد كومي نروح ناكل وياهم وصيحي نزار ومرمر ماريد ادخل لغرفتهم واشوف شي

عفرا : ماتصور صاير شي من اللي بالج حلال عليج حرام عليهم مرمر كبرت مو صغيرة وهي قررت تبقى ويا نزار انتي ليش شايله همهم

فرح : كعدت يمها اخاف من أخوج يجي يوم ويحن لسمر وهاي الغبية تنكسر كلبها وانتي احسج مخبية شي عليه من دخلت يمج خفتي

عفرا : جنت احجي ويا عامر تدرين يختلف اهواية عن حسن جرىء اهواية واثق بنفسه بشكل مو طبيعي متصورت يهون عليه رحيل بابا كلش ساعدني اتجاوز هالأيام

مدينة : ابني ماكو شي عن ميرا من الفاتحة واللي صار بينه نسيناها طول الليل ببالي ابوك راح بس لازم أحنا نشيل هالأمانة من بعده

حامد : نسيت سالفتها بعد ماتوفى ابويه جاوبتها انشالله مو ناقصنا فاتحة ثانية صدك هالمرة اهلي يروحون بيها مثل ابوية فضلت أسكت هالفترة

نزار : بست امي وخليت راسي بحضنها مشتاقلج حبيبتي هسة حسيت اني يتيم من راح عمي كلش صعب عليه وامي مكسورة بس علمودنا صامدة حبيت اشاقيها مثل ايام زمان باوعت حامد منزل راسه وساكت

مدينة : متكبر ابد ومتشبع من حضني لايكون مرمر مقصرة وياك

نزار : ضحكت على كلام امي ميعرفون ماكو شي بيناتنا بس ارتاح يمها وهي نفس الشي

حامد : وعيت على كلمات امي ماما ابوية اخر كلماته جانت على مرمر لازم تروحون للمحكمة وتسون عقد زواج زين نزار هاي وصية بابا وعفرا انتي هم نفس الشي بابا وصلني ازوجج بعد مايمر فترة على وفاته اذا اجاج قسمة زينة راح تتزوجين وماكو اعتراض

عفرا : اول مرة من يجيبون سيرة زواج مااعارض وابجي بس بجيت على وصية ابوية حتى بأخر انفاسه جان شايل همي هزيت راسي لحامد وكعدت أكل

مرمر : سمعت وصية عمي سجدت شكر لله واخيرا نزار حيكون اليه تذكرت ميرا وينج حبيبتي تجين تشوفين اختج لو انتي ويايه هسة جنت أسعد انسانة

ميرا :اباوع على اصابيع ايدي اللي جانت مزينة بأحلى صبغ ومحابس اللي نادرا ماانزعها وسوارات وهسة كلها مكسورة وايدي صاير عظم يخوف ومكان الابر اللي صاير بنفسجي على ازرق بسبب اكلي القليل مديت ايدي على راسي ملفوف والشاش لازك بشعري ياترى وجهي صاير مشوه لو لا احسن شي ماكو مراية راح أموت اذا شفته مشوه رجليه نفس الشي دم وخدوش عليه أهلي ميسةلون عليه ممبلغين الشرطة ومرمر اشكد مشتاقتلها وليش اشوف ابوية اكثر من مرة بالحلم يباوعلي ويبتسم ويروح ياخذني شخص ثاني

ههههي انتي ام الصفنات باجر يجي الرئيس ويشوفج راح اجيبلج ملابس نظيفة حتى تغسلين متأكد راح يتخبل عليج ايام وترجعيلي بعد طلعة ماكو اخذج لمكان نعيش بيه وحدنا ويصير عندي فلوس اهواية اروح انظف وارتب المزرعة

ميرا : مجاوبته بقيت ساكته تقدم مني رجعت ليورة وارجف لاتلمسني كافي حرام عليك

من قهري ضربتها على اي مكان بجسمها ماعدا وجهها حتى لايبين ولج حقيرة اني مو عاجبج لو مو من مستواج اذا مخليتج تبوسين رجلي حتى اتقرب منج ازين شواربي

ميرا : حتى دموع مبقت بعيني هلكد مابجيت يعرفني اخاف من الحيوانات جاب الدجاج وشمرهم وحدة وحدة عليه واني اكمز بيناتهم خايفة لايجيب عليه الجلب اللي مخليها كدام الباب بس اسمع صوته اموت من الخوف وأصحابه يباوعون ويضحكون عليه

شامل :بقينا ايام بالسيارة نراقب مشفنا يجون صديقي صار عنده احباط ميجون بس اني متاكد راح يجون خابرت يجي بمكانه واحد ثاني تأكدت الجماعة يشتغلون بالمخدرات عصابة

شامل أسمع كلامي وخلينا نرجع سوية حتى الاكل والمي نفذ عدنا أموت وينطوني جكارة هسه

شامل : شفت سيارة تقترب اش اسكت ونزل راسك بلكي يطلعون همه من طريقة السرعة اللي تمشي السيارة حسيتهم جايين على المزرعة فعلا دخلت اهناك انتظرنا ربع ساعة واحنا منعرف عدد الموجودين قربت سيارتي من البوابة ونزلنا ويانا سلاح دخلنا ندور عليهم اني صعدت للطابق الثاني لان الاوراق جانت اهناك شفت واحد يدور تحت السرير جريته من ياقته وطلعته واحد صايع

منو انت وشلون دخلت لهنا حرامي مو

شامل : يحجي ويرجف من شاف المسدس بيدي شلته مبين مااحتاجه طلعت سكينة تريد تعرف منو اني ملك الموت وكعته وخليته جوا رجلي وين البنية

ماعرف عن يابنية تحجي راح تندم منو مفكر نفسك هسة يجون جماعتي اقرا على روحك الفاتحة

شامل : زين خلي نخلص اوعدك اقرا الفاتحة على روحك جريته من شعره ونزلته للطابق الارضي الظاهر تريد تتعرف عليه متريد تحجي شي شفت صديقي

شامل ماكو غيره دورت بكل المكان شنسوي بيه هذا

شامل : بقينا نسأله ميجاوب ويستهزء طلعت سكينة وخليتها على ركبته وجرحته تحجي لو اكمل للأخير

والله ماعرف شي الله يخليكم عوفوني اني أنظف هالمكان واروح مجرد خادم

شامل : المشكلة الخادم ادرى بأمور البيت اكثر من صاحبه شتكول اقطع ايدك لو رجلك دخلت السكينة بفخذه هسة تحجي لو ابقيها وينها

لا لا اتوسل بيك يوجع طلعه مو اهنا بمكان ثاني انت مو كدنا اخذ صاحبك وروح

شامل: تأكدت من كلامه ميرا عايشة باوعلي تدري شايل اكثر من مسدس افرغها كلها بيك المكان اللي هي بيها جم واحد موجودين وياها

راح احجي بس طلع السجينة رجليه تنزف اخ اخ يأذي اني واثنين من اصحابي

شامل شتكول نخابر يجون فرقة يساندونه اخاف يكذب ونروح اهناك نتورط

شامل : انت اصعد بسيارتي واني اسوق سيارة هالحقير واربطه بالكرسي لاتخابر هسة يجون يخربون علينا خلي نستعجل لايتأخر هذا الجلب عليهم ويأذون البنية الطريق بين المكانين اهواية بقيت اسأله من ميجاوب لو يكذب اضربه وصلنا المزرعة هاي اكبر طلعت تليفونه من جيبه خابر صديقك يفتح الباب خليت المسدس على راسه كلمة زيادة وتعرف شيصير بيك دقايق وانفتحت الباب دخلت السيارة صاحبه من شافنا انهزم نزلت بسرعة وركضت وراه جانو كاعدين مسوين حفلة الهم شرب ونركيلة ومشغلين اغاني بسرعة لزمته وصاحبي دور على الثاني ميكدرون يركضون اهواية بسبب المخدرات اللي ياخذوها سألته وين البنية

يم حظيرة الحيوانات اني ماعليه عوفني اتوسل بيك عندي جهال

شامل انتبه ردت أروح اوكفه ضرب شامل على كتفه

شامل : انداريت طلقة جتي على كتفي ضربني وركض تعال اربط هالحقير وخلي بالسيارة واروح اجيب الجلب

شامل انت مصاب لاتركض اني اجيبه ابقى اهنا

شامل : اقفل البوابة اول شي وبعدين نلزمه اخذت اللي بيدي وخليته بالسيارة شفت صديقي هم لازم اللي ضربني خليناهم مربوطين بالسيارة وخابرت الضابط يجي ياخذهم انت ابقى احرسهم اي حركة يسووها اضربهم على رجلهم رحت ادور على البنية الحظيرة شوية بعيدة عن البيت وصلت صحت بأسمها متجاوبني ميبين شي من الغراض والحيوانات شفت وحدة ضامة رجليها ونايمه تتمتم بينها وبين نفسها ملابسها مشكوك ورجليها عليها اثار دم وراسها مربوط احجي وياها متسمعني لو متريد تجاوب

ميرا : جنت مابين نايمة ودايخة سمعت صوت طلقات خفت هسة يموتوني لو شنو سمعت صوت رجلين تقترب مني وتصيح بأسمي مكدرت اجاوب لو افتح عيني منو هذا صوته غريب حسيته شالني ويضرب على ايدي هاي نهايتي انتهيت هذا جاي ياخذني للرئيس بقيت اردد بابا ساعدني اخذني يمك بابا لاتعوفني .

#علمني_كيف_الحب_يداوي 30

نزار : شبيج مرمر رايحة جاية تعالي ساعديني حتى اكمل ترتيب الجنطة بسرعة واروح

مرمر : يعني متكدر تاخذ إجازة بعد لخاطري عفية 😢 لاتعوفني لحد ماترجع ميرا

نزار : من كالت ترجع ميرا وكعت زجاجة العطر من ايدي احنا شلون نسينا هالسالفة طلعت من غرفتي ادور على حامد عرفت رايح للمكتب رحت يمه

حامد : رجعت افتح مكتب أبوية وأباشر شغله كل شبر بهالمكتب يذكرني بيه شفت نزار يدخل للمكتب استغربت خير نزار شجابك مو قبل ساعتين ودعتك لان تسافر صاير شي

نزار : اي سالفة ميرا احنا نسيناها بعد وفاة بابا شلون نكوللهم ميصير نخبي مرمر تنتظر أختها ترجعلها اني ماكدر اسكت بعد شتكول

حامد : مو وكته نزار محد بيهم يتحمل فرح طول الليل كاعدة تبجي تلوم بنفسها اذا عرفت ميته تروح بيها خلي ننتظر شوية والله كريم وانت كمل امورك وارجع بسرعة ياريت تخلص كلشي اهناك اني بحاجتك أكثر تكون جنبي

شامل : وديت ميرا للمستشفى كعدتها بالكراسي الخلفية ولبستها قميصي خابرت الضابط يجي يستلم الخاطفين طول الطريق تنادي على ابوها وصلنا لزكت بيه متريد تنزل خايفة شلتها ودخلنا استقبلتنا منار حتى تفحصها دخلتها للغرفة وبقيت ادور على امل تساعدني كل هذا ومااحس بجرحي

امل : يمه شنو هالدم شامل راح تجلطني فديوم متحس شنو مو انسان مو بشر وينها البنية

شامل : تعالي بهاي الغرفة ديربلج عليها

منار : متت قهر جايبلي وحدة وملبسها ملابسه وحاضنها دخلتها للغرفة طلعت برا منو هاي شامل تعرفها

شامل : اي اعرفها هاي جانت مخطوفة اليوم كدرنا نخلصها ساعديها عدها جروح ونزفت دم اهواية

ميرا : الريحة الوسخة اختفت اشم غير عطور وحضن دافي يمكن هذا بابا فتحت عيني قليل ماكدر اشوف زين من التعب لا مو بابا غير هاي مستشفى لو شنو سمعت صوت نسائي يحجون عليه منقهرين كل مكان بجسمي يوجعني وحدة بيهم تنظف وتعقم جروحي والثانية تحجي ويايه كوة اجاوبها من التعب

منار : تذكرين شنو الابر اللي جانو يضربوج لو شكله

ميرا : لا ماعرفه بس جنت انام

امل : هسة اسحب دم منج ونسويلج تحليل نظفت جروحج الدكتورة هسة تفحصج داخلي

ميرا : اني من سمعت اخر كلامها وعيت على نفسي تقربت مني لا وخري ماريد عوفيني

منار : لاتخافين لازم افحصج علمود التحقيقات

ميرا : لا ماريد لاتحقيق ولا شي وين اللي جابني اهنا خابرو اهلي لاتلمسيني

شامل : سمعت صوت صياح ميرا دخلت امل حاولت تمنعني مركزت منزعيها ملابسها باوعت على وجهها تتوسل بعيونها تريدني أحميها متردين يفحصوج ميرا بس حركي راسج افتهم

ميرا : هزيت راسي مكدرت احجي ويا نزلت راسي بعدها تقرب مني ساعدني اكوم من مكاني

شامل : تحبين اخابر اهلج يجون عليج لو اخذج بنفسي

منار : شامل وين تاخذها لازم نكمل مو بكيفك تصير الشغلة مدير المستشفى ميقبل وانتي رجعي لمكانج

شامل : اني اتحاسب مو انتي وخري من يمي لاتهدديني بالمدير لو بيكم خير روحو شوفو الناس اللي تصيح بالطوارئ ومحد يمهم

ميرا : ماعرف الدكتورة شبيها ويايه عبالك عدوتها وتتعارك ويا هذا الشخص اللي ساعدني وياها الممرضة بس تباوع عليهم وساكته ساعدتني البس القميص عفية رجعني للبيت تعبانة

شامل : تعاركت ويا منار سمعت صوت ورايه شفتها ميرا تريدني ارجعها للبيت جاوبتها هسة يجي صديقي وأرجعج شوفي ايدي ماكدر اسوق

أمجد : شامل شبيك شنو هالدم باوعت وراه بنية عبالك جاية من الغابة ملابسها وراسها ملفوف مبين مغاسلة صارلها دهر

امل : ماكو شي حبيبي لاتهتم هذا شامل اذا ميشوف دم وجروح بجسمه ميرتاح واني هم راح ارجع وياكم دوامي انتهى بس بقيت علمود شامل

شامل : زين ست امل تسلمين وميحتاج نحجي اهنا بعدين افهمج أخذي ميرا وياج للسيارة اجيب ادوية وجاي وراكم

منار : انتظر شوية شامل شفتهم راحو والبنية عينها على شامل منو هاي وليش مهتم بيها تعرفون بعض هاي اخرتها نسيت اختي ماتت بسببك

شامل : شنو منار بعد كل هالسنوات اللي مرت هسة جايه تحاسبيني على موت اختج انتي اخر وحدة تحجين بهالموضوع اما هاي البنية اعرفها لو لا مو شغلج

منار : حرام عليك انت ليش متحس بيه دايما خياراتك غلط

شامل : جنت معتبرج مثل اختي بس من هاللحظة انتي ولا شي طلعت ركبت السيارة باوعت ميرا مغمضة عيونها وامل مطنكرة مسوية روحها زعلانه امجد تعرف فلان منطقة بقيت اوصف بيت ميرا

ميرا : لزكت راسي على الجامة مو متصورة راح ارجع لبيتنا كلما نقترب اني شعوري بالخوف يزيد اخاف ميردوني بعد بس شفت باب بيتنا صيحت وكف بلا زحمه اهنا

شامل : شبيج اوكفي لاتفتحين الباب باقي بيتين ونوصل ليش تردين تنزلين

ميرا : تذكرت مرمر من شافوها خفت لاأصير مثلها شفت الرجال نزل ودك الجرس وفتحلي الباب

حامد : سمعت صوت الباب كلهم بغرفهم اني الوحيد جنت باقي بالصالة ارتب اوراق شغلي طلعت شفت شاب بعمري لو اصغر مني اني شايفه بس مادري وين باوعت بصفه ميرا ميرا هاي انتي حضنتها بكل قوتي حتى نسيت اسأل منو هذا الشخص

مرمر : جنت احجي ويا نزار كلش تعبت من سافر الح عليه يرجع ميقبل

نزار : خبلة اليوم رجعت والله احس بوحدة فظيعة تعودت عليكم هالفترة كلها جنت وياكم حجيت وياها بصيغة جمع بعدني ممقرر شسوي بعلاقتنا رغم كلش فرحان بيها وبسوالفها نستني سمر بسهولة وبدون مادري دخلت كلبي

مرمر : لحظة اسمع اصوات برا رفعت الستارة باوعت على جوا شفت حامد بحضنه شنو هاي ميرا نزار ميرا رجعت ذبيت التليفون واني اصيح بعلو صوتي ميرا رجعت خالتي عمه تعالو نزلت مثل الطلقة

ميرا : من شفتهم ملتمين عليه مكدرت اوكف على رجلي وكعت من الصدمة والتعب اللي مريت بيها غبت عن الوعي

فرح : شبيها ميرا حياتي

امل : نزلت من السيارة من شفتهم متجمعين عليها بجيت على منظرهم هسة افتهمت شامل حضنته اسفة سامحني شفت البنية وكعت رحت عليها فاقدة الوعي بلا زحمة اخوية دخلها جوا واني افحصها تعرفت عليهم على السريع

شامل : دخلنا لبيتهم ميرا بالصالة اني وامجد

كعدنا بالاستقبال

حامد : باوعت ايده ملفوفة رحبت بيهم شلون جبتوها كومة اسئلة ببالي بس ماعرف منين ابدي

شامل : حقك بعد اللي عرفتوه انت والمرحوم والدك صعب هسة تشوفها كدامك راح نحجي بالمركز اني رجعتها للبيت على مسؤوليتي بس لازم خلال يومين تجي تقدم شهاداتها واقوالها وهسة احنا نترخص وهذا رقمي خابرني لو احتاجيت شي طلعنا وصعدنا بالسيارة سئلت امل عليها

امل : ماكو شي جسمها ضعيف تحتاج تغذية بس الابر مشكلة لازم ننتظر نتيجة المختبر

شامل : صدك اني راح من بالي هالشي اشك بمخدرات لو مهدئات لان شفت علب ابر فارغة بنفس المكان المهم رجعت هسة الباقي ينحل كلش تعبان احتاج حمام دافي ونوم

امجد : لا والله ممحتاج غير شي حضرت البطل حضن دافي كلمات غزل مو مثل بعض الناس تحضن اخوها بكل المناسبات ناسية حبيبها

امل : لا اخويه مسكين مو مثلك تدور على هيجي سوالف بوس وحضن ولا تستحي لاتفتح عينه

أمجد : اي صدك اخوج بعده عذراء حقج تخافين عليه هههههههه شوف شامل بنفسها اعترفت اني ابوسها واحضنها

شامل : اي صدك امل ولج متستحين ههههه

امل : مكروهين صوجي ادافع عنك شامل بعد توبة

مدينة : كافي بجي موتو البنية كلش انقهرت على شكلها مبين شايفة الويل روحي عفرا حضريلها حمام ساخن اكوم اسويلها شوربة

عفرا : صعدت حضرت الحمام تذكرت ابوية ياريته جان موجود بيناتنا يفرح برجوع ميرا ملحك يشوفها خابرت عامر وبلغته كلش فرح راد يجي بهالليل ويا امه مقبلت كتله باجر راح يشكون اهلي بجيته

عامر : سديت التليفون واخيرا عفرا بدون متدري صرت جزء من حياتها هي تخابر من تزعل لو تفرح تشاركني يومها بدون مااني اطلب بس يمر سنة على موت ابوها رأسا اتزوجها وماانتظر

فرح : غسلناها اني وعفرا كل لحظة امسح دمعتي ماكو مكان بجسمها مابي رضوض واثار ضرب شمسوين بيها محد بينا تجرء يسألها شي

مرمر : حضرت ملابسها وجبتلها أكل وفرشت فراش يمها راح انام وياها شفتها طلعت رحت عليها جريتها وكعدتها على السرير امسح وجهها وشعرها

ميرا : احس نفسي غريبة وماانتمي لهالمكان روحي انتهت ليش رجعت سألت روحي شكوللهم اني خلاص باوعت عليهم متحملت صحت طلعو برا ماريد اشوف احد بغرفتي طلعو

عفرا : شبيج حبيبتي ميرا جاوبينا ليش تبجين راح نطلع بس على كيفج جريت فرح ومرمر ويايه انصدمنا جانت هادية فجأة تغيرت محد بينا كدر ينام هالليلة واكفين يم باب غرفتها خايفين تسوي شي بروحها

حامد : مرت اسبوع على رجوع ميرا حالتها تسوء وتضرب نفسها تخبلت ومتقبل تحجي ويا احد

فرح : حامد سوي شي تعبنا من هالحالة ماعرف شمسوية بيدها صاير كله جروح

حامد :نزار راح يحجي ويا دكتور نفساني صديقه يشوفلنا حل شامل خابرني يريدون ميرا للتحقيقات والله خجلت هلكد اختلق اعذار مكدرت اكوله البنية تخبلت سمعنا صوت كسر غراض صعدنا فوك كسرت الباب ودخلت

ميرا : تعبت اريد اموت ارحموني عمو حامد موتني الله يخليك راسي موتني من الالم

فرح : حبيبتي انتي رحمي بحالج جيبيلي وصلة مرمر ليش هيجي تسوين بروحج باوعت على الغرفة ممبقية بيها شي عدل كاسرة غراضها والمقص يم ملابسها

حامد : لفينا ايدها متتحمل الالم ومتقبل نروح للمستشفى شلتها غصب راح اوديج كافي ميرا رجعي لحياتج وديناها للمستشفى استلمت التحاليل بيها نسبة مخدر بجسمها تحتاج علاج

شامل : اليوم عرس امجد وامل حضرت نفسي ورحت وياامل للقاعة وديتها بنفسي وسلمتها لأمجد بعد العرس راح اسافر ويا عائلتي نروح يم دعاء اختي احتاج فترة راحة كلش تعبت هالفترة من الشغل

أمل : كلش فرحانة ربي عوضني بأمجد نساني كل أحزاني يعاملني مثل أميرة ميخليني احس اني وحيدة مالي حياتي

امجد : حبي يمتى يخلص هالحفلة مجان اكو داعي لهالهوسة كله من اخوج جان سافرنا مو احسن ونوفر وقت اهواية تأخرنا 😘😘

ام امجد : شنو هالبوفيه معاجبني اكيد اختيار امل ماتصور من ذوقك انفضحنا بين الناس وبعدين لبسها هم مو شي

امجد : ماما خلي اليوم يعدي على خير مو وكتها وبعدين القاعة والترتيبات شامل مسويها على حسابه وممقصر بشي روحي ارتاحي

امل : واكفة تحجي عليه براحتها محبيت اجاوبها واسكتها انطيتها ظهري حتى مااسمع شي مخليت اغنية ومرقصت عليها

شامل : ودعنا العرسان رجعنا للبيت وبدلنا خابرت السايق يجي ورانا ونروح للمطار

نور : تعبت ونعسانة كلش ميصير الطيارة تشيلني من بيتنا ماريد اروح للمطار

ام شامل : اي هم زين روحي نامي ولا تجين ابقي بالبيت أحسن توفرين علينا فلوس وجع راس

امجد : واخيرا حبيبتي بحضني تدرين حلمت بهالليلة اهواية الله لايحرمنا من بعض

امل : تدري كلش جوعانة وميتة من الصبح مماكلة شي خلي ناكل بعدين نحجي بس انزع هذا الفستان بقيت اكل من كلشي لعبت باعصابه هو يحجي رومانسيات واني اكوله جرب هالاكلة

امجد : كافي انتفخت حرام عليج خلي نروح نرتاح

امل : تروح تنام وحدك تصير عاقل حتى الاكل متريدني مثل العالم والناس اكلها اذا سويت اي شي اخابر شامل صدك متستحي فعلا لحظات وراح نام الغبي عباله بعدنا مخطوبين كدرت اضحك عليه

امجد : كمت الصبح امل نايمه بصفي عظيتها فزت هيجي تضحكين عليه بارحة جنت دايخ لعبتي بيه اني الج لا ابوج لا ابو شامل اذا مطلعت عينج

ميرا : صرت مثل فار تجارب يوم دكتور نفساني ويوم دكتور اعصاب لو باطنية صرت ماتقبل شي لافرح ولا حزن ميخلوني بوحدي خايفين اسوي شي بروحي اسوء من اللي صار بيه هو موت عمي متأكدة اني السبب رغم همه ينكرون هالشي بس اعرف كله مني لو اني اموت همه يرتاحون

مرمر : مو ناوية تجين ويايه نروح للصالون تدرين انتظر هاليوم من زمان احتاجج اهواية كملنا عقد زواجنا مرت 6 اشهر على وفاة عمي راح اروح للصالون والبس فستان واسافر وياه منسوي لاحفلة ولا هوسة ردت اطلع ميرا من حالتها مقبلت رحت ويا عفرا رغم سعادتي بزواجي بس من اشوف ميرا بهالشكل انقهر اهواية

حامد : ميرا جاهزة نروح للدكتور

ميرا : اي جاهزة ردت اليوم اروح يم الدكتور بالذات ابتعد عن اجواء البيت وماريد اودع مرمر واني هاي حالتي لو بيدي من اطلع البس عباية ومحد يشوفني ويتعرف عليه يكولون هاي المخطوفة نزلنا من السيارة صار بوجهي شخص اني شايفته بس مادري وين بقى يحجي ويا حامد عيوني ماكدر انزلها اشكد احاول ياربي وين شايفته هذا مركزت ويا الدكتور بالي مشغول