تحميل رواية «على قمة الحكيم» PDF

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يا سيِّدتي: كنتِ أهم امرأةٍ في تاريخي قبل رحيل العامْ. أنتِ الآنَ.. أهمُّ امرأةٍ بعد ولادة هذا العامْ.. أنتِ امرأةٌ لا أحسبها بالساعاتِ وبالأيَّامْ. أنتِ امرأةٌ.. صُنعَت من فاكهة الشِّعرِ.. ومن ذهب الأحلامْ.. أنتِ امرأةٌ.. كانت تسكن جسدي قبل ملايين الأعوامْ..

تابعوني انستا duu_199

ملاحضة : اكو نوعين من العقد الي هوة البنية تكون موكلة عن نفسها او توكل الشيخ وهل شي معروف ولاتنسون هية عقد ثاني يكون بهل طريقة .. احبكم وقراءة ممتعة

_________________________________________

نجاة : مو حتة اذا تتأخرون اتعشة واذا تجون من وكت اجيبولي وياكم

حكيم : بوية يطلابة النسوان .. تعشي وانجيبلج يلة

نرمان : ابتسمت بوجهة .. طلعت نجاة

حكيم : كومي بدلي وصعديلي فوك

نرمان : كرص خدي وطلع .. كمت غسلت وجهي وفتحت الكنتور ما اعرف شلبس كلهن قديمات .. لبست حجابي وطلعت الغرفة نجاة

نجاة : ها راح تروحون هسة

نرمان : اي كال بدلي .. ما عندج شي حلو البسة ملابسي كلها قديمة

نجاة : تعالي فتحي الكنتور واختاري الي يعجبج

نرمان : فتحتة وكعدت ادور .. ماكو اسود

نجاة : انتي عروس مال اسود

نرمان : ميخالف عيب كلكم لابسين اسود واني ملونة .. انطيني اي شي

نجاة : هاذة الثوب جابتليا عمة نهاد بالاربعين لبسي حلو

نرمان : اي صدك حلو .. اخذتة وطلعت الغرفتي لبستة .. كلوش شيفون وبي بطانة سودة وحزام قماش .. لبست كعب ناصي اسود وشال اسود حطيت مكياج خفيف وطلعت جاي اصعد فوك شفت فاروق كاعد بالدرج يدخن ويخابر

فاروق : انتي راح تخبليني ما افتهمج

ايثار : لا تفتهم احسلك

فاروق : ولج ثور البين اني اعلمج

ايثار : اخلاقك الجايفة عدلها وخابرني

فاروق : يااااا برررربوك منوووو اخلاقة جااايفة

ايثار : انتة

فاروق : اذا ما اكسر خشمج ميطلع اسمي فاروق .. طوط طوط طوط ..

نرمان : عبرتة وطبيت للهول طب وراية يرعد طخني بجتفة خلاني اعثر .. ركع الباب وطب الحكيم .. طبيت ورا

فاروق : اريد ازوج

حكيم : متعرف ادك الباب ؟

فاروق : ارررريد ازووووج

حكيم : يطبك طوب

فاروق : حكييييم جااااي احجييي وياك عدل جاااوبني

حكيم : سنة ابوية ما طالعة تريد اضحك العالم علينة

فاروق : ازوج سكتة بسكتة اخذها بچفنها

نرمان : واكف على المراية يلبس ساعتة ويعدل شعرة وذاك يفرفح جاوبة برود ..

حكيم : عود من نرجع نسولف

فاروق : العندي حجيتة من ترجع خابر ابوها اريد نعقد من جديد

حكيم : ومنين تعيشون طارق يصرف عليكم ؟

فاروق : ارجع الدوامي

حكيم : والشرب ؟

فاروق : صارلي 10 ايام ما شارب

حكيم : واذا شميت بيك ريحة

فاروق : عود ارجع افصلني

حكيم : متفقين ..

فاروق : باجر اعقد

حكيم : اول نشوف ابوها اذا قبل .. ولتنسة البنية تريد مهر وذهب وجهاز .. منين

فاروق : عندي 3 ملاين واسحب قرض

حكيم : يصير خير ..

نرمان : واكفة مدنكة واسمعهم .. التفت علية

حكيم : يلة نونو امشي

نرمان : طلعت قبلة نزلت جوة فتح باب السيارة صعدت بيها .. شغلها وطلعنة

حكيم : وين عاجبج نروح

نرمان : ما اندل هنا بكيفك .. باوعلي بنضرة مضيق عينة

حكيم : حلو هاذة الفستان منيلج

نرمان : مال نجاة

حكيم : وليش تلبسين من نجاة

نرمان : ماعندي شي حلو اسود

حكيم : بعد ما اريد اشوفج لابسة منها من تريدين شي كوليلي ولا تلبسين من كائن من يكون

نرمان : هزيت راسي وما رديت .. اخذني المنطقة كلش حلوة بيها محلات ومطاعم

حكيم : نزلي

نرمان : نزلت وصار هوى عالي اركعت الباب مال سيارة بقوة رفعت عيني اباوعلة شفتة يخوزر بية .. تقرب علية شعل جكارة بايد ولزم ايدي بالثانية ارتبكت وحسيت العالم كلها تباوع علينة

حكيم : نكعد بمطعم ؟

نرمان : بكيفك .. تمشينة بأتجاه المطعم طبينة واخذنة طاولة كعدنة عليها .. اخذت منيو اقرا بي اذكرت نزار من اخذنة للمطعم كمت اضحك لا اراديا

حكيم : ضحكينة وياج

نرمان : اذكرت سوالف نزار

حكيم : همم .. شخبار نجاة

نرمان : زينة

حكيم : نزار يكول متغيرة هل ايام .. اذا تعرفين شي عن التغيرات كولي

نرمان : ما اعرف شي بس .. ساعات البنية تحتاج شخص تفضفضلة او ينصحها يعني اذا حاب روح اكعد وياها واحجي يجوز تفضفضلك وتحجيلك

حكيم : ضيقت عيني .. يعني متعرفين شي ؟ تمام يصير خير

نرمان : اريد ميلك شيك فريز و كنتاكي وفنكر

حكيم : بس ذني ؟

نرمان : اي نفسي مسدودة ما اكدر اكل

حكيم : يمعودة طلبيلج شي خاف تصوفرين وتوكعين علية

نرمان : اذا ما كفاني اطلب بعد

حكيم : چا الخجل والمستحة التبيعيهن علية من الصبح لليل وين صارن !

نرمان : شنو ما اسمع

حكيم : عالخير انطرمتي

نرمان : ابتسمت .. يلة كوم جيب الاكل اني بدون غدة

حكيم : تدلل جفون عيني

نرمان : راح تقريبا ربع ساعة ورجع بيدة اكل الي والة .. كعدنة ناكل

حكيم : راح تغصين

نرمان : اهووو لا تخاف علية خاف على نفسك

حكيم : يمة نمنومتي يمة سبع عافيات على كلبج

نرمان : الله يعافيك .. كملنة اكل دفع الحساب وطلعنة نفتر بين المحلات .. اخذني المحل مال ملابس

حكيم : تعالي

نرمان : طبينة وبدة يكلب بالملابس ويختار

حكيم : اختاريلج شي العالم تباوع علية عبالهم الي

نرمان : ما محتاجة

حكيم : ميلوكلك الخجل ابو علي

نرمان : مو صوجك .. اريد هاذة القميص الاسود قياس 38 سمعت شكد ؟ 38

حكيم : اي الصمي

نرمان : صار يقرة بالارقام ويفتر بالمحل

حكيم : ماكو 38 بس 42

نرمان : صدكتك .. لعد ما اريد

حكيم : ههههههههه لا هاذة 38

نرمان : اخذتة ودفع الحساب .. فترينة شوية اشترينة موطة ورجعنة للبيت

حكيم : شلون نسية ما جبت شي النجاة

نرمان : اي والله صدك

حكيم : لا تراويلهيا حتة متضوج وباجر اني اخذلها حاجة

نرمان : ماشي .. نزلت من السيارة .. تصبح على خير

حكيم : يا خير .. چا والكروة

نرمان : فتحت حلكي .. يا كروة ..بس كلت هيج اجة باس طرف شفتي وكرصها .. ضليت جامدة بمكاني

حكيم : ولو مو كروتها مجيب فلوس البانزين بس شسوي للبخيل

نرمان : عقدت حاجبي وضربتة بعكس ايدي .. لا تعيدها

حكيم : اووي اخخخ ربي

نرمان : منحرررف

حكيم : بربوك

نرمان : صعد فوك يضحك .. طلعت الساني اعيب علية .. عبرتة وطببت الغرفتي باوعت للساعة 12 بدلت ملابسي ورحت الغرفت نجاة دكيت الباب ما ردت فتحتها ما لكيتها صحت .. نجاااة وووين انتي .. محد رد وماكو احد بالغرفة وكفت اكلب بالغراض ملاتها جبتها مشمورة وشالها وثوب مال نوم احمر اول مرة اشوفة عدها ومبايلها هم مشمور مرت دقايق حسيت احد حط ايدة على جتفي ..

نجاة : شسووووين هنا

نرمان : بسم الله وكفتي كلبي

نجاة : شوكت اجيتو

نرمان : قبل ربع ساعة .. شفت الخاولي على راسها وكحل عيونها سايل اخر شي ركزت على ركبتها وشهكت .. هااااي شنووووو

نجاة : شنو ؟

نرمان : حطت ايدها على ركبتها اضم بيها وتنكر الشفتة

نجاة : شكووو شبيج

نرمان : هاي شنو ركبتج .. منو عاضج

نجاة : محد حكيتها وتحسست

نرمان : وهيج تحكين مشوها ركبتج

نجاة : اي ما ادري فجأة صارت هيج

نرمان : هااا

نجاة : اي احجيلي وين رحتو اسويتو

نرمان : تعشينة وافترينة ورجعنة

نجاة : بالعافية زين اسوين ..

نرمان : اي شميت هوى واتونست الله يوفقة عموشتي .. صدك رتبتي كنتورج

نجاة : لا مالحكت .. جنت اباوع فلم متابعتة

نرمان : تنهدت .. خوش تصبحين على خير

نجاة : وانتي من اهلو

نرمان : رجعت الغرفتي .. تمددت ونمت

صباحا ..

نزار : البارحة وين ماخذ نرمان النص اليل ؟؟؟

حكيم : حسستني مطلعها تبياتة

فاروق : ههههههههههه بوية بعرها

حكيم : تسأل اسألة س***ة

فاروق : عوفك منة شسويت على شغلتي

حكيم : انطيني مبايلي خل اخابر الزلمة ونشوف

فاروق : هاك .. كلة سكتة بسكتة عود نلبسها جفن ابيض ونزفها

حكيم : شمرت المبايل من ايدي .. تعااال تعااال چا انتة اذا هيج ويا بت العالم المن كاتل روحك على الزواج

فاروق : سألتك اني من عقدت على نرمان بدون علمنة ؟

حكيم : لا اضل تمضرط سألتك جاوب

فاروق : اريد اكون عائلة عفطية منها

حكيم : مصيرلك جارة .. جريت المبايل خابرت على ابوها .. الو السلام عليكم

راضي : وعليكم السلام ابني شلونك

حكيم : بخير عساك بخير

راضي : الله يسلمك ..

حكيم : رايدك بكلمة راس .. هية صح مو مال مبايل بس كلنة ناخذ كلمة ونتفاهم عليها وجه لوجه

راضي : أمرني

حكيم : عمي الولد رايد البت ومستعد يعقد من جديد ويسون عرس سكتة بسكتة شكلت

راضي : والله يا ابني هية مو سهلة بس مع ذالك انتة تفصل واحنة نلبس والعصر تفضلو يمنة نتفاهم

حكيم : ان شاءلله بأمان الله

فاروق : ها شكال

حكيم : يكول العصر تعالو ونتفاهم

فاروق : خوش حجي

نزار : وين يزوج ؟

حكيم : هنا بالبيت

نزار : چا واني وين اولي

حكيم : نام بالصالة

نزار : شنهوووو يا صالة لا بالعباس اسولي غرفة حالي من حالكم فاروق ياخذ الغرفة الة والمرتة وانتة بالعطلة هم تزوج واني وين انام

فاروق : فرغلك خانة من الكاونتر حط بيها هدومك ونام بالمطبخ

نزار : خوية هاي كدامك الكم مهلة القبل العرس بيوم اذا ما سويتولي غرفة انام بغرفة فاروق وعلية وعلى اعدائي عود ابلع فاليوم واشتغل براحتك

فاروق : واذا كعدت وشفتنة شلون

نزار : عود ما اباوع

حكيم : نام بالصالة منا لما نرمان تصعد يمي وانطيك غرفتها

نزار : لا حبيبي جنها كن مال دجاج اريد غرفت عمة نهاد حتة اصير بصف اصيلة بوية يومية افتشها قبل لاتنام

حكيم : انطيني مجال اني ما اريدك تنزل جوة تنام اذا اضطر الأمر افلش الحايط مال مطبخ واخذ من الممر اسويلك غرفة

نزار : قد انذر من اعذر

فاروق : هههههههههه ثول

حكيم : شنو السالفة نجاة لحد هسة نايمة ؟

نزار : حتة مرتك متوثة نوم

فاروق : راح ادك عليها تصعد اسويلنة ريوك

حكيم : خليها اني انزل اشوفها .. عفتهم ونزلت جوة صبحت عليهم ودكيت الباب على نجاة

نجاة : منو

حكيم : اني .. فتحت الباب .. شفتها ارتبكت ولبست حجاب .. ها سالمين

نجاة : اءء .. صباح الخير

حكيم : صباح الخيرات .. شو لابسة حجاب

نجاة : بردانة وبلاعيمي مورمة

حكيم : اشربي شي دافي وصعدي فوك سويلنة ريوك وانطيج كبسول مال التهابات

نجاة : حاضر ..

حكيم : يلة بوية فدوة الوجهج

نرمان : فزيت على احد يدغني .. شكو شكو

نجاة : حبابة كومي سويلهم ريوك اني مريضة

نرمان : افففف ماشي .. شمرت الغطة وكفت شفتها لابسة حجاب خبال اي والله .. غسلت وجهي وبدلت .. صعدت فوك سلمت عليهم

فاروق : نجاة ليش ما صعدت

نرمان : مريضة

حكيم : روحي سوي ريوك وتعالي اريدج

نرمان : هزيت راسي وطبيت للمطبخ كليت بيض وطلعت جبن وخبز حميتة وسويت جاي وديتلهميا

نزار : عاشت هاي الايادي العراقية الاصيلة

فاروق : كوم بعد انطيها تحية العلم

حكيم : اكلو وسكتو .. روحي للثلاجة جيبيلي علبة الادوية ..

نرمان : رحت جبتها واجيت طلع منها علاجات ..

حكيم : انطي هاذة النجاة ومكتوب عليهن شلون تاخذهن

نرمان : ابتسمت على حنيتة .. تدلل .. نزلت بالدرج اهرول طبيت للبيت بس الغريب عمتي اليوم ماكو لكيت روان تغسل مواعين .. اكلج عمتي وين اليوم ما الها حس

روان : راحو هية وكمال يرجعون اسراء من اهلها

نرمان : ها .. عفتها وطبيت للغرفة انطيت العلاجات النجاة

نجاة : فدوة العمرة ما نساني

نرمان : لا خطية قبل لا ياكل كال وديهن .. شفتي شلون يحبج دائما اذكري

نجاة : عود صايرة تبسمرين

نرمان : ما ابسمر اطكها بوجهج لان تصرفاتج غريبة

نجاة : اذا قصدج على فلاح والله ماعندي شي ويا وروح ابوية

نرمان : عليج الله مجذبين ؟

نجاة : والله شبيج

نرمان : اوووف ريحتي كلبي

نجاة : حتة مرتة جذب مابيها سرطان

نرمان : شمدريج

نجاة : هوة كال ..

نرمان : ها ان شاءلله يكملج بعقلج نجوتة ومتغلطين بعد

نجاة : حبيبتي شكرا

نرمان : طلعت من الغرفة احس مرتاحة نوعا ما .. وكفت ويا روان انضف للعصر شفتهم مبدلين جاي يطلعون

حكيم : مو اصخم وجهي راح ناخذ شيخ ويانة وفراس وايهاب وعمي ابو رتاج

فاروق : لا بس ما ادفع مهر عالي خمسة بخمسة وهاي هية

حكيم : وين احنة بيا زمن بنية مهرها خمسة بخمسة شجيب بيهن

نزار : حتة درزن لبس** ميجيبن

كمال : عليمن مستعجل خل تعدي السنة وازوج وافرح وطربك

فاروق : اهوووو سويتهن سبع ملاين وما انطي اكثر

حكيم : اني شعلية .. اذا قبلو عود .. واذا ما قبلو اسحلك واطلع

حكيم : اخذتهم بسيارتي ونزار جلب الة يروح بسيارتة .. طلعنة ودليت الولد لحكونة البيت حجي راضي .. وصلنة بالباب نزلنة ومنشوف غير كبت عجاجة .. اباوع على نزار جاي يفحط باب العالم

نزار : جاي اسويلهم خمسات

حكيم : ** عرضك وعرض الخمسات انزل دشاديشنة صارت سيان

ايهاب : لو عايفي بالبيت احسن

نزار : متتحملون شقة

نجم : خطية فرحان ما مصدك عندة سيارة

نزار : كل كلب يتصنع المثالية مع الايام سينبح بالخطاء

حكيم : خزرتة .. دكيت الباب طلع الزلمة استقبلنة طبينة .. الله بالخير

نزار : محرم حبيبي مشتاقلك

حكيم : اباوع النزار وكع دك بوس بالولد لحد ما جرة فاروق

فاروق : الله يسود وجهك

نزار : سكير وابو نسوان ونسابتك محرم وعاشور وعبد الباسط شتريد من الله بعد لو ماخذ خيرة هم متطلع هيج واضحة

فاروق : بس هل مرة عديها على خير واتفل بوجهي اذا اخذك بعد

نزار : منور محرم

محرم : بنورك خوية

حكيم : شوية وطبو بيدهم ببسي وكيك يقدمون

نزار : والله عبالي راح تقدمولنة تمن وقيمة

حكيم : عضيت شفتي اريدة يسكت ..

راضي : عمي انتو تأمرون كبع واخذ

فاروق : نعقد هسة والعرس منا الشهر بين ما يجهزون نفسهم الاهل

نزار : محرم مو تلبس اسود بالعرس عود تبرز شخصيتك ترة وجهك كافي

حكيم : دزيتلة رسالة .. نزار اذا متسكت اكوم اركع الكلاص براسك

راضي : وحق البت ؟

فاروق : المهر سبعة غايب وسبعة حاضر

نزار : دغيتة .. ذني ملاين لو الاف وضح

كمال : لا خوية بس بعدة شاب وهاي ضروفة واكيد من يكون نفسة مايقصر وياها

راضي : ادري منطيكم خروف

نجم : اني ادري

فاروق : لا حشة بس هاذة الاكدر علية وانتة تدري اني ماصارلي هواي متعين وهاي ضروفي

حكيم : 15 ملاين حاضر و40 مليون غايب اخذها كلمة مني

راضي : اذا هيج حشاكم من التقصير .. شوكت تريدون العقد

فاروق : اليوم

راضي : اكوم ابلغ الاهل

حكيم : طول الكعدة فاروق على اعصابة .. طب الزلمة وبلغنة جاهزين بس تقرب البنية على الباب ويعقد لان يعتبر زواجهم الثاني .. بلش شيخنة

الشيخ : يا الله .. بنتي راح احجي واذا موافقة وكليني نفسج

ايثار : اي

الشيخ : على بركة الله .. قد زوجتك وانكحتك موكلي فاروق بالعقد الدائم وبالمهر المعروف 15 ملاين دينار حاضر و 40 ملاين غايب اذا قبلتي قولي نعم وانت وكيلي

ايثار : نعم وانتة وكيلي

الشيخ : على بركة الله .. اذا قبلت الزواج من موكلتي ايثار قل نعم زوجتك وانكحتك موكلتي ايثار بالعقد الدائم وبالمهر المعروف ...

فاروق : نعم قبلت ..

حكيم : كمت بوستة وطبطبت على ضهرة ..مبروك

فاروق : الله يبارك بيك

حكيم : فضت الكعدة ورجعنة للبيت بلغت الكل بالي صار

فاروق : انتة شلون تنطي هيج مهر منو سمحلك

حكيم : چا شلون اكسر ضهرك .. خاف تفكر تكسرها واطلكها عود دبرلك 40 مليون

فاروق : قحط هنة ونعالي لو اريد اسويها ميت جلاق اركعها وميهمني

اصيلة : منك المال ومنها العيال يمة

فاروق : استغفرلله .. بوجودج

حكيم : باجر ارجع داوم بالشركة

فاروق : صارت زحمة عليك

حكيم : رحمة

نرمان : مبروك فاروق

فاروق : احم الله يبارك بيج

نرمان : مرت الايام عادية كل يوم اداوم وارجع معلية بالبنات وصار حكيم كل يوم الصبح يطلعلي حكمة من كتاب اسمة صباح استثنائي .. بي شغلات ايجابية

حكيم : صباح المشمش

نرمان : صباح الوز .. واكف نزار بيدة الكتاب

نزار : اوكفي اكلج حكمة اليوم .. عندما تستيقظ صباحًا، فكِّر في كم هي ميزة ثمينة أن تكون على قيد الحياة؛ أن تتنفس، تفكِّر، تستمتع وتحب». قوة الإرادة مثل خزان الغاز. حينما تستخدم القليل من الغاز في كل مرة تتخذ فيها قرارًا بالتخلي عن خيار من أجل خيار آخر يستمر هذا النضوب طوال اليوم حتى يفرغ الخزان.

نرمان : مو حكمة تنكر مال مي

نزار : هههههههههه اي وعلي

حكيم : خلصتو يلة صعدو اتأخرنة

نرمان : صعدت بالسيارة وراح نزار السيارتة طلع كدامنة يستعرض

حكيم : شلونها معنوياتج

نرمان : زينة عندي امتحان الله يستر

حكيم : انتي بطلة ما اخاف عليج .. قبل لا اطبين رددي . اللهم يا مسهل الشديد ويا ملين الحديد , ويا منجز الوعيد, ويا من هو كل يوم في أمر جديد, أخرجني من حلق الضيق الى أوسع الطريق, بك أدفع ما لا أطيق, ولا حول ولا قوة الا بالله العلي العظيم ".

نرمان : فتح الجكمجة وكتبها بورقة وانطانياها

حكيم : خليها بالكتاب العندج امتحان بي حتة الصبح من ترلجعين تقري واطبين

نرمان : اي ماشي

حكيم : يلة وليدي .يري بالج على نفسج وانتي سباعية لاتخافين

نرمان : وصلني ونزلت من السيارة اشرتلة بااي .. طبيت لامدرسة وضليت اردد بالدعاء حطيتة جوة الرحلة وزعو الاسألة بديت احل

رغد : ست نرمان جاي تغش

نرمان : فتحت عيني مصدومة .. انيييي

رغد : اي اكو ورقة جوة رحلتج

نرمان : اجتي المدرسة جرتها وقرتها

المدرسة : هاذة دعاء

نرمان : حسيت نفسي راح انفجر من الغضب .. اي ست زوجي كتبة الي حتة الله يسهل امري بالامتحان

المدرسة : مزوجة ؟

نرمان : اي مزوجة

المدرسة : الله يحفظة زين يسوي

نرمان : كعدت اباوعلها بنضرة حقد .. شكد حقيرة كملت الامتحان وسلمت الورقة دك الجرص فاتت من يمي وضربتني بجتفي وعبرت .. روحة بلا رجعة

رغد : هههههاي

نرمان : شكد تافهة .. مر اليوم كلة دروس صارت الحلة طلعت من المدرسة لكيتة لابس تراك عكس العادة مبدل رحت علية اهرول

حكيم : ها حبيبي اصعد

نرمان : صعدت بالسيارة .. الحمدلله جاوبت زين

حكيم : الله يوفقج بابا

نرمان : رجعني للبيت نزلت من السيارة حضن ركبتي وطبينة للبيت

اصيلة : عاش من شافكم

حكيم : انتي العايشة باجي ماجاي اعرفج

اصيلة : چا شمسويتلك

نرمان : راح ابدل واغسل واجي نتغدة

حكيم : اخذي راحتج

نرمان : رحت الغرفتي بدلت وطلعت طبيت للمطبخ ما لكيت نجاة .. روان وين نجاة

روان : بغرفتها ما طلعت من الصبح

نرمان : يا .. عفت البيدي ورحت دكيت الباب هليها ما فتحت . فتحتها مقفولة .. نجاة نجاة كعدددي

حكيم : بعدها نايمة ؟

نرمان : اي والباب مقفولة

حكيم : شو وخري

نرمان : وكف دكها بقوة وكام يصيح

حكيم : نجاااة نجااااة فتحي الباب

نرمان : خاف بيها شي

حكيم : راح افتح الباب طبي قبلي شوفيها

نرمان : جاب درنفيس وفتح الكيلون فصخة كبل انفتحت طبيت للغرفة قبلة شفت منضر عمري كلة ما انسى .. صرخت بكل قوتي ولزمت وجهي ارجف

حكيم : شكوووووو .. هااااااي شنوووووو نجاااااااااة نجااااااااة بوووووية اسمعييييني

نرمان : نجاة شاكة ايدها وسابحة بدمها اتهسترت من المتضر صرت ارجف وما اكدر انطق بكلمة التمو البيت كلة وحكيم اتهستر شالها وطلع يركض بيها صعدها بالسيارة وطلع وحدة .. وكفت اباوع للدم وابجي سمعت الكل كامو يخابرون

اصيلة : ولك فاروق الحك اختك راح تمووووت .. ما ادري ما ادري اخذها للمستشفى خابرة

روان : نجم روحلهم لا تخليهم حكيم راح يتخبل من شافها راح يصير بي شي خطية

نرمان : حطيت ايدي على اذني ما اريد اسمع شي .. يعني راح تموت .. خاف مااااتت .. عمة عمة اروحلج فدوة اخذيني للمستشفى

اصيلة : سكتي راح يجي كمال ياخذنة

نرمان : كعدت بالكاع اباوع على الدم المتخثر كمت الطم على رجلي .. الله لا يوفقك فلاح الله لا يوفقك فلاح

روان : ولج شعدها ويا فلاح احجي

نرمان : ما اعرف ما ادري عوفوني معليكم بية .. كمت احجي كلام خرابيط وادعي على فلاح .. مرت ساعة واجة كمال بهدوم الشغل

كمال : شبيها نجاااة فهموووني

اسراء : لكيناها سابحة بدمها

نرمان : حباب كمال ابوس ايدك اخذني للمستشفى خاف تموت وما اشوفها اموووت والله بروح ابوك اخذني وياك

كمال : لبسو ولحكوني

نرمان : لبست شلون ما جان وعمتي حطت عبايتها على راسها وطلعت تركض قبلي .. ساق واحس الطريق صار طويل ما ادري شوكت يخلص .. حباب استعجل

كمال : ادرررري اطيرررر

نرمان : بعد ما كلبي نزف وصلنة للمستشفى نزلت من السيارة اركض سأل عليها وانطونة اسم الغرفة .. صعدنة فوك شفت حكيم كاعد بالكاع وحاط ايدة على راسة ويمة نزار وفاروق يحوسون بالممر

كمال : بشر وينها

نرمان : ما رد علية ضل على وضعة جاوبة فاروق بصوت مبحوح

فاروق : قبل لاطبون طلعت من العمليات خيطولها الاوردة

اصيلة : هية مسوية بروحها هيج عزة العزاها

نرمان : رحت كعدت بصف حكيم ولزمت ايدة ابجي جان جسمة ثكيل وميتحرك .. مرت ساعة احنة على هاي الكعدة دخل طبيب بيدة اوراق نص ساعة وطلع

الدكتور : منو بيكم من اهلها

حكيم : اني

الدكتور : وضعها مستقر لان البنج خفيف صار حتة لا يأذي الطفل ومنا الخمس ساعات المفروض تصحة واضل تحت المراقبة يومين

حكيم : يا طفل !

الدكتور : البنية المنتحرة حامل

نرمان : من كال هيج كلهم انصعقو ..

يتبع ...

نهاية البارت : نستقبل اول عركة على هاي القفلة .. للعلم البارت كلة ويا مال بارحة صارن 6000 كلمة قدرو تعبي بتصويت وتعليقاتكم الحلوة

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تعال بياذنب لوجيت احاجيك

ونه اظنوني الجبيره اتعلكت بيك

شلت حبك ابكلبي وخايف اتظيع

ودمع بين الجفن والعين اخليك

وذا مرني الحزن وايريد له ادموع

اعيوني ابجيهه اله ولتصدك ابجيك

احس حجيك شعر واسوالفك شوك

وحلاتك من حلاتك تنجبر بيك

أنه العود الكبر صوتي اعلى دنياك

أفز واصحه بلحن واغفهاعلى طاريـك

واصوغ اسمك قصيده بلون موال

واحتار ابوفه بياطوراغنيــك

أذا مرك عطش وتريدلك ماي

دهاك ادموع عيني ابفرح ترويـك

حسبت احساب توفي العهد وياي

وخنت باول الممشه وكلت اوافيك

وبعت روحي ابرخص ماردك الطيب

وانه بنبض الكلب لو تنشره اشريك

بعد ماضل وفه ولاجلمه تنكال

أذا اولك هذا اشلون تاليك.

_________________________________________

الدكتور : وضعها مستقر لان البنج خفيف صار حتة لا يأذي الطفل ومنا الخمس ساعات المفروض تصحة واضل تحت المراقبة يومين

حكيم : يا طفل !

الدكتور : البنية المنتحرة حامل

نرمان : من كال هيج كلهم انصعقو ..

حكيم : نجاة حامل !

نرمان : ثكل السانة بالكلمة لزم ايد كمال منتجي عليها ركض علية نزار لزمة .. دفر الباب فاروق وطب صاح

فاروق : اااااااليوم ادفنهاااااااا بيددددددي

نرمان : كلها طبت ورا يركضون بس حكيم صل برة ميكدر يتحرك

نزار : اوووكف خل نفتهم منها

نرمان : جانت بين النايمة والكاعدة ملخها فاروق من الجرباية كامت تصرخ شلع الجهزة الجانت علية حتة الكانونة شكت ايدها وصار الدم يطافر

فاروق : لججججج ك*** نزلتني رررروسنة منين حااااامل منين كلبة بت الكلب اشررررب من دمممممج

نرمان : دفرها ابطنها ونزل على وجها ملخة تملخ بالضرب التمت علينة العالم كلها كمت الطم على رجلي انفضحنة فضيحة ماصايرة لحد ما طبو الحرس جتفو وشالو من فوكاها

فاروق : وخرررررررو عنيييييييي اليوووووووم ما خلييييها اشم الهوى وروح ابوية الكو****

نزار : لككككك كااااافي الله لا يوفقك فضحتنة

نرمان : طلعت برة اشوف حكيم كاعد ومدنك راسة وحاط ايدة على وجها .. بجيت على وضعة .. حجيت حكيييم تسمعني .. هز راسة وضل حاط ايدة على وجها

نزار : حكيم ابوية باوعلي كوم ناخذها ونطلع انفضحنة كلها درت

نرمان : كمت ابجي واشهك لزمت جتفة اهز بي .. حكيم باوووعلي ارفع راسك

اصيلة : يمااااا سوووودة بوجهي سوووودة بوجهي ولكم اختكم سودت وجوهنة ذبحوها ذبحوها لا تخلوها عدلة

نرمان : ضلت الناس واكفة تتفرج علينة طلع فاروق صرت اسمع صوت نجاة تصرخ من الالم بالغرفة ما ادري شجاي يسولها .. اجت شرطة وناس التمت

الضابط : شصاير هنا .. هاي غرفة البنية النتحرت ؟

كمال : اي

نرمان : مسح وجها حكيم وكام يحجي ويا ضابط باوعت على عيونة صايرات دم حجة بصوت مجرح ..

حكيم : البنية اختي

الضابط : التقارير تكول محاولة انتحار وبعد التحاليل اكدت حامل .. زوجها وين

حكيم : موجود

الضابط : اريد هويتها وهويت زوجها .. لازم ندخل تحقيق

نومان : سحبة حكيم من ايدة وطلع يحجب ويا بالممر شوية ودخلو احد الغرف ضلينة واقفين قريب النص ساعة طلع حكيم اسالم ويا الضابط واجة

كمال : اسويت بشر

حكيم : فضيتها حتة لا ندخل سين وجيم .. راح اوقع خروجية واطلعها

نرمان : عافنة وراح يمشي ركضنا ورا اني ونزار وصلنا للاستعلامات

حكيم : اريد اخرج مريض .. باسم نجاة فاضل هويدر

الموضف : ممم المريضة حالتها حرجة ما موقع الدكتور خروج

نرمان : ضرب الميز بقوة رجع الموضف ليورا بخوف .. زمخ بي

حكيم : هسسسة اطلعهاااااااا

الموضف : رجاءً بدون همجية تفضل وقع واطلع

نرمان : سحب منة الدفتر وقع وشمر القلم بوجها وراح يمشي سريع

نزار : اوكف حكيم شتريد اسوي

نرمان : راح وكف باب الغرفة حجة ويا عمتي

حكيم : ثواني الكاها واكفة هنا

نرمان : طبتلها عمتي شلعت الكانونة وضربتها على ضهرها

اصيلة : كومي الله يسود وجهج يا ساقطة لج مو حرام عليج مو حرام اخوتج تركضيهم هاي الركضة ولج اخخخخخ شتكول العالم علينة مربين كح*** بالبيت

نجاة : وين .. وين ياخذوني راح يذبحوني موو

نرمان : نصيت عليها ارجف .. لج انتي منين حامل شلون شلون

نجاة : نرمان اخاف يذبحوني اخاف اموت اخاف من الموت والله

نرمان : جرتها عمتي من ايدها طلعتها من الغرفة

اصيلة : يلة امشو

نرمان : طلعنة من المستشفى كلنا جاهلين مصير نجاة .. صعدوها بالسيارة وطلعنة

فاروق : تالي زمن نجاة تحط روسنا بالوحل ولج ما اخليج تباتين شامة الهوى اليوم بس خل نوصل

نرمان : صار بس صوت ونينها ينسمع لزمت ايدها اريد رجفتها تهدء

نزار : حرامات انتي اضلين عدلة وتنزلين روسنا

نرمان : وصلنة للبيت بس طبينة للكراج همستلي

نجاة : ادررت على نفسي .. لاتعوفيني

نرمان : نزلنة من السيارة تقرب عليها حكيم سحلها من حجابها للبيت طببها بالهول شمرها بالكاع ونزع حزامة نصة عليها يحجي

حكيم : منين حامل !

نجاة : بجيت بصوت عالي .. راح اذبحوووووني

نرمان : ضربها على جتفها بكل قوتة حسيت الحزام راح ينكطم .. لزمت جتفها وتمددت بالكاع من الالم تصرخ

نجاة : ااااااااخ يمااااااااا

حكيم : لج نجااااة انتي جااااي اشوووووفين وضعي لج اني اني واكف اسأل اختي الربيتها منين حامل

نرمان : لزم راسة وصار وجها ينتفض دم ضربها مرة ثانية لزم راسها وصار يضرب بي بالحديدة مال حزام حسيتها بدت تفقد من الضرب وراسها كام ينزف ..

حكيم : لج مووووووتي اني اررررريدج تموووتين اريد اغسل عارج

نرمان : ركضت عليها حضنت راسها ماحس غير اجتني ضربة خلتني اكمز

حكيم : كوووووومي لو حااااااالج من حاااااالها تنضربين

نرمان : لزمت ايدي بألم ابجي ابتعدت عنها .. مرت ثواني طب فاروق بيدة مسدس حط براس نجاة .. كمت ارجف كعدت بالكاع حيلي باد

فاروق : اخر مرة اسألج منين حامل

نجاة : بصوت مجرح .. والله ماسويت شي حرام وروح ابوية ازوجني فلاح

حكيم : لججججج شلووووون شلووووون انتي كح*** فهميييني

نجاة : ازوجني والله جاب سيد وعقدنة

نزار : شوووكت شلوووون احنة مندري

نرمان : لزمها من ياختها حكيم وكال ..

حكيم : كومي جيبي العقد

نجاة : راح .. راح اموت

نرمان : صرخت بألم وكعت بالكاع فاقدة ركضنة عليها نصحيها .. نجااااة نجااااة كوووومي لاتموتين اروحلج فدوة

اصيلة : جيبيلي مي بارد ماعت روحها

نرمان : تقرب عليها فاروق دفرها ابطنها دفرة .. حسيت روحها طلعت لان غصت وكامت تشهك .. الله لا يوفقك جلبببببببب ماعندك رحمة جاي تكول مامسوية شي حرام مامسوية

فاروق : اكلي تبن وسكتي لا اركعج بالقندرة على راسج

حكيم : كعدوهاااااا اررررريد اسمعها

اصيلة : ولج مكموعة منعولة الوالدين كومي احجي وادعي ربج يخلوج عايشة

نجاة : ر.ا.ح اموت

نرمان : احجيلهم اروحلج فدوة خل يسمعوج .. اجة حكيم ضربها راشدي يريد يصحيها كامت تبجي بصوت عالي لزمتني من ملابسي بخوف وكالت ..

نجاة : اح احجيلكم والله

حكيم : احجي احجي

قبل شهرين من ..

____________________________________

نجاة : الوو ضل بالي عليك

فلاح : لايضل بالج فلتت منهم كلتلهم اني ابن عمهم وجاي اشوفهم وفضت

نجاة : ههههههههه بعد ما شبعت كتل

فلاح : غير الخاطرج عوبة

نجاة : والله محد كلك تركض وراية

فلاح : والقران احبج نجاة انتي روحي من الدنيا ولج اصدكين اذا اكلج حتة سهى صاير ما اطيق اشوفها

نجاة : هية مو مريضة ؟

فلاح : لا يمعودة جذابة هاي رادت توكعج ومن عرفت لزمتها كطعت النعال عليها

نجاة : مممم مو ام جهالك ؟

فلاح : فلك صابها وصاب جهالي

نجاة : ولي فلاح انتة متستاهل اخابرك حقير نسيت اسويت بية

فلاح : چا مني قبل شوية واكفتلي بالباب جنها عروس

نجاة : اوووي تندمت

فلاح : ولج خل نزوج ونفضها مو شكيتي الكلبي

نجاة : ذااااااك حكيم كاعد فوك خابرة وا٦تذر منة وجيب العمام والولد ورجعني ماكو اسهل منها

فلاح : ههه شوف هاي شتحجي ولج خابرتة وماخليت واحد ما جبتلهيا يتوسل بي قافل يكول نجاة ما انطيها بعد من غير تهديدات فاىوق اذا وصلتلكم بعد

نجاة : صدددددك تحجييييي ؟؟ هاي شوكت الحجي ؟؟ شو اني ما ادري محد كلي

فلاح : اكيد مايكولون حتة لا يخلوها ابالج .. وديري بالج تفتحين حلكج وتحجين ترة كبل يعرفون انتي تحاجيني

نجاة : لا لا ما احجي شحجي قابل ..

فلاح : الاكدر علية سويتة متكليلي شسوي بعد مو حتة كرامة ما ضلت

نجاة : شلون لعد اذا ميقبلون .. تريد اني احاجي حكيم واكلة اريد ارجع

فلاح : حتة يلزمج يكطعج .. حكيم مو مال كبل صار اخو مريتة

نجاة : اذا هيج مسدودة بوجهي لا تخليني اتعلق بيك وماكو نتيجة الزرعتة تحصدة .. سديتة بوجها ونمت ..

مرت يومين اني ما احجي ويا وهوة يومية يحرك المبايل علية .. بيوم جنت كاعدة بالغرفة اكل اجتني رسالة فتحتها ..

فلاح : اذا متردين قسما بالله اجي البيتكم واخذج وزلمة اليفك حلكة

نجاة : خفت لا صدك يسويها ويحطو ويدوسون بطنة .. دزيتلة .. شتريد

فلاح : احبج

نجاة : اذا تحبني ليش طلكتني ؟

فلاح : ااشيطان لعب بعقلي نجاة احبج ما اكدر اعيش بدونج ابوس التراب التمشين علية

نجاة : من كال هاذة الحجي رجع بيا الزمن قبل لا نزوج حسيت بشعور اول مرة احجي ويا .. دزيتلة .. طريقنة مسدود

فلاح : افتحة

نجاة : شلون

فلاح : اخذج نزوج واحطهم كدام الامر الواقع وذاك الوكت كلشي ميكدرون يسون

نجاة : لا فلاح لا ابد ما اسويها كل عقلك يذبحوني ويتفلون على كبري والله

فلاح : لج ياهو يمس شعرة من راسج نجيوة خلي ايدج بايدي واشلعج من عيونهم

نجاة : كل عقلك لو تموت

فلاح : هيج سهلة عندج اموت

نجاة : وسهى ؟

فلاح : اطلكها ما اريدها

نجاة : شعجب

فلاح : تعبت وما جاي نتألف سوية

نجاة : ما ادري شكلج بس حجيك عجيب

فلاح : انتي بس طيعيني ومعليج

نجاة : شلون نزوج واني من باب البيت ما اطلع .. سمعت صوت اصيلة اصيحلي .. فلاح اجتي باجي بعدين اخابرك .. سديتة وكمت طلعت ..

اصيلة : اخخخخ بس لو اخرف شعدج خانسة بالغرفة

نجاة : اتريك

اصيلة : صارلج ساعة تتريكين .. مو موضوعي كومي نضفي ويا البنات

نجاة : اي رايحة .. وكفت اشتغل وبالي مو يمهم .. لليل رجع خابرني

فلاح : ها حبيبتي .. شلونج

نجاة : موزينة فلاح لاتلعب بعقلي والله اخاف حكيم يكطعني

فلاح : براحتج نجاة .. بس خليها ابالج لو اصيرين الي لو ماصيرين الغيري

نجاة : حاول ويا حكيم بلكت الله يقبل

فلاح : انتي شبيج بابا مو جاي اكلج ما خليت مطي ما اخذتة لاخوج

نجاة : لا اصيح .. وهسة شنو الحل

فلاح : نزوج

نجاة : شلووون ؟

فلاح : حكيم شوكت يطلع البغداد

نجاة : راح قبل اسبوع

فلاح : حلوو .. باجر باليل من ينامون اجيج جيبي وياج جنطة بيها هدوم حتة اخذج نعقد

نجاة : يماااا صخام الصخمني تريدني اطلع بدون ميدرون ونعقد واجيب هدومي انتة تشاقة

فلاح : لا ما اشاقة وثقي بية ما اخلي واحد يحس بس قفلي باب غرفتج واخذي المفتاح حتة ميشكون بيج

نجاة : يما اخاف

فلاح : انجبي ولج .. بس جيبي وياج هدوم حلوة تسوة نعقدلها

نجاة : ادب سززز انتة .. زين ومرتك ؟

فلاح : وعيونج اطلكها بس ما اريدها تحس حتة لا اسويلنة مشاكل خل نعيشلنة يومين متونسين وراها انعل والديها

نجاة : ابتسمت .. ماشي

فلاح : حضري هدوم مو تنسين

نجاة : لا ما انسة لوتي .. سديتة وكمت احضر بالملابس طلعت سيتات نوم عندي من جنت مخطوبة حطيتهن بالجنطة وداخليات .. بهل اثناء طبت نرمان تحقق وياي .. حاولت اصرفها عني الصدكت والماصدكت

ثاني يوم باليل ..

فلاح : طلعيلي بالباب

نجاة : بسم الله الرحمن الرحيم اخاف

فلاح : نزعي حجابج وسوي روحج صاعدة فوك واذا ما لكيتي احد برة طلعيلي

نجاة : اي جاية .. طلعت من الغرفة وقفلتها .. اسحبت للحديقة ماكو احد حطيت حجابي على راسي وطلعتلة

فلاح : هلا هلا بنضر عيني

نجاة : حط ايدة على صدري عطت بي وخر ايدك فلاح منا العالم

فلاح : غير مرتي

نجاة : بعدني مو مرتك وين الشيخ ؟

فلاح : صعدي حتة نروح نعقد

نجاة : باوعت على سيارة راقية .. هاي منيلك ؟

فلاح : مال صاحبي

نجاة : ها .. صعدت ويا اخذني المنطقة تخوف .. احنة وين

فلاح : نزلي حبي

نجاة : نزلت من السيارة ارجف المنطقة ضلمة العمارات شبه محروكة ومصخمة سحبتي من ايدي طببني بوحدة منهن

فلاح : هنا شقة صاحبي ومنتضرني بيها ويا الشيخ يعقدلنة ويطلع

نجاة : فلاح ذمة بركبتك اذا اجذب علية بداعت جهالك عساهم بمرض اذا اجذب ترة والله اخاف

فلاح : لا وداعت جهالي شبيج بابا انتي روحي من الدنيا

نجاة : صعدنة للطابق الثاني دك الباب على احد الشقق طلع ولد شكلة ابد مو راحة باوعلي من فوك ليجوة مبتسم

مجيد : نورتو تفضلووو .. تعالي طبي ياحلوة

نجاة : جريت نفس اريد اهدي نفسي .. طبيت وسد الباب للحضة اتمنيت اني بعدني بالبيت وما طالعة

فلاح : وين السيد

مجيد : بغرفة النوم

فلاح : انجب لك وينة ؟

مجيد : بالحمام هسة يجي

نجاة : كلبي صار يدك سريع مرت دقايق وطب ولد شاب كام سلم علية فلاح بس الصدمني ان هاذة الشيخ ؟ مستحيل ملابسة وشكلة مو مال سيد

فلاح : همست .. شبيج خايفة

نجاة : مابية فضها .. دقايق واجة بيدة ورقة اخذ هويت فلاح وكتب بيانات قرة ايات ورددت ورا واخر شي طلب مني اوقع .. كمل وطلع يضحك ويا فلاح سد الباب وراهم

فلاح : اليوم اجرم بيج

نجاة : شلت جنطتي وركضت للغرفة طب يشاقة ويبوس بية

فلاح : نجاتي طبي سبحي وبدلي وتعالي

نجاة : خليها غير مرة اتأخر الوكت رجعني للبيت

فلاح : كل عقلج هسة لو يداهمونة هم ما ارجعج

نجاة : طبيت على السريع سبحت وبدلت وطلعت

فلاح : انتي ناوية اجلطيني .. اموتج اليوم

نجاة : سحبني للسرير نومني وصار فوكاي بدة يداعبني بحب .. لحد ما فقدت السيطرة وصار يتقربلي للحضة رفضت قربة ودفعتة من صدرة

فلاح : تعبتيني

نجاة : احس الجاي يصير غلط .. مد ايدة على شعري .. باسني وو

فلاح : حبيبي ..

نجاة : رجعني فلاح اخاف

فلاح : اريد شوط ثاني

نجاة : رفعت الغطة وكمت احس نفسي تلعب من الخوف لملمت ملابسي من الكاع وبدلت

فلاح : منسبح ؟

نجاة : لاااا رجعني اسبح بالبيت .. لفيت شالي وطلعت للصالة انتضرة طب سبح وبدل .. طلع يعدل بشعرة

فلاح : هيج صارت

نجاة : امشي بالسيارة نحجي .. فتحت باب الشقة وطلعت

فلاح : اوكفي يمعودة خل البس نعالي

نجاة : اكو واحد يعرس يجي لابس نعال

فلاح : چا شلبس صندل

نجاة : على كولت نزار .. خرب حضي المشكك

فلاح : يلة امشي عوفي اخوتج الهتلية

نجاة : نزلت قبلة .. فتح السيارة .. وصلني للبيت

فلاح : نزلي طبي على كيفج

نجاة : واذا طلعو كاعدين ولكفوني

فلاح : ميلكفوج

نجاة : اخاف عزة بعيني شكد صلفة شلون اطلع

فلاح : انجبي ونزلي وخاف يلكفوج ديري بالج اجيبين طاريي بشي

نجاة : صدك امدة حضي ..

فلاح : شبي حضج موزين وكعج بواحد مثلي ..

نجاة : باوعتلة صفح و نزلت من السيارة ما مستوعبة اني سويت كل هاذة .. فتحت باب الخلفية وطبيت امشي على اطراف اصابيعي .. فتت لباب المطبخ نزعت جبتي وحجابي حطيتهن بالجنطة وترست مي من البراد شربتة وطبيت للغرفة وقفلتها علية .. اتنفست براحة شمرت الجنطة يم راسي وطبيت للحمام سبحت وطلعت لبست دشداشتي السودة وتغطيت ونمت صرت لا اراديا ابجي على السويتة ..

_ مرت الايام .. وكل اسبوع كمت اروح ويا للشقة للفجر يلة ارجع لحد ما بيوم خابرني ..

فلاح : نجيوة كلبي

نجاة : اليوم مابية نطلع ودايخة

فلاح : محضرلج مفاجأة تخبل

نجاة : فلاح

فلاح : ها

نجاة : فاتتني الشهرية صارلها اسبوع

فلاح : يعني شنو

نجاة : حامل

فلاح : تحجين صدك

نجاة : بخوف .. والله

فلاح : احلى خبر اسمعة اليوم .. راح اصير المفاجأة ثنين

نجاة : يمعود يا مفاجأة اني حامل تعرف شنو حا .. قاطعني

فلاح : لج هاي فرحة عمري الجبيرة .. ساعة والكاج برة يلة

نجاة : سد المبايل .. كمت مابية حيل اشيل نفسي .. طلعت بطرك الجبة وهم قفلت الباب اسحبت برة وصعدت بالسيارة

فلاح : حبيبتي اليوم وجها شاحب

نجاة : اي وراسي يوجعني كلش

فلاح : هسة اخلي يصير زين يانضر عيني انتي

نجاة : اخذني وطلعنة للشقة .. وصلنة ونزلنة

فلاح : امشي على كيفج ما اريدج اتعبين

نجاة : صدك تخاف علية ؟

فلاح : واروحلج فدوة هم

نجاة : اخذني للشقة .. اول ما طبينة بدة بسوالفة وطببني للغرفة .. وابتعد عني

فلاح : شبيج حبيبي

نجاة : الجاي يصير كلة غلط اني تعبت كل ما اشوف حكيم كمت اخجل اباوع بوجها حتة فاروق احس لو شيسويلي حقة .. كام من الجرباية شال بنطرونة من الكاع

فلاح : جنت محضرلج مفاجأة بس انتي سبقتيني باحلى تريدين بإي وحدة نبدي ؟

نجاة : بكيفك

فلاح : مسحي دموعج نجيوة وراج كومة بواچي

نجاة : حقير ضحكتني .. شوكت نزوج ؟

فلاح : لج مو هية هاي المفاجأة .. مراح نزوج .. راح اكسر روس اخوتج بطنج البيضة تكبر وجيبيلهم نغل زغيرون يلعب وياهم .. هههههههاي اريد اشوف وجه حكيم من يعرف بوياي

نجاة : ترة هاذة مو شقة احجي عدل لا اضوجني ولا اجيب طاري اخواني ترة مالي خلك

فلاح : شبيج حبيبي مصدكين اراويج المفاجأة الثانية

نجاة : طلع العقد من جيبة سوا 10 قطع ونثرة فوك راسي

فلاح : بحححح لا اكو عقد ولا بطيخ .. بس ركي ههههههه

نجاة : هاي اسوووويت اشلوووون اشك العقد

فلاح : ازي مصدومة عذروها نجاااتي كومي اوصلج ونسولف بالطريق

نجاة : من كال هيج صرت بحالتين لا اكدر استوعب ولا اكدر ارجع للبيت

فلاح : اعوفج وترجعين وحدج

نجاة : طلع 5 الاف من جيبة شمرها علية ولبس ملابسة وطلع يتمشى .. من الصدمة كمت اضحك بصوت عالي والطم على رجلي

فلاح : تخبلت البت

نجاة : لك فلاح اوكف .. كمت ورا بهدوء لزمتة من جتفة اول ما اندار علية صفكتة راشدي بكل قوتي لزمتة من ملابسة وكمت اصرخ اتخبلت .. لككككككك فلااااااااح انتة حيوووووووان حيوووووان حتة الحيووووان احسن منك لك تففففف عليك وعلى وجهك جنت اعرف اعرف اعرف ياكرن يا طنطة يا كو*** .. اصرخ وعيوني اطفر دمع لزمني ولوة ايدي ورا ضهري وكام يضحك

فلاح : نجيوة ما اريد اسويلج شي ويوكف الطفل چا شلون اشمت بيكم بعد من فدوة لهل خدود

نجاة : دفعني من جتفي وكعت بالكاع املخ بشعري كلة كطعتة بايدي كمت اضرب على وجهي بهستيريا .. لا فلاح كلي جذب ابوس ايدك كول جذب راح اموت كلبي الحكني

فلاح : يلة نزلي ترة اعوفج واروح .. جماعتي يريدون يجون

نجاة : عافني وطلع كمت امشي واتعثر لبست حجابي وجبتني طلعت ورا اركض خاف يجون جماعتة ويلكون وهاذة ماعندة شرف عادي يسلمني الهم .. نزلت جوة صعدت بالسيارة اختض مثل السعفة

فلاح : من يعرفون امانة بركبتج توصلين سلامي الحكيم

نجاة : وصلني الطريق كلة يضحك علية وصلنة اباب البيت

فلاح : ترة جسمج ناررررر حرامات هاي اخر مرة يلة نزلي جوجو

نجاة : ما اتحملت بعد نزعت شحاطتي وركعتة بيها على راسة دفعني ونزلني من السيارة على صوت فشارة ..

فلاح : كح*** اخت حكيم شترجة منج كلكم كو***

نجاة : طبيت للبيت لو اذبحوني مابية قطرة دم نزعت ملابسي وطبيت الغرفتي .. صرت اركع راسي بالحايط ما ادري شسوي مرت يومين اني بيني وبين الموت شعرة وصلت مرحلة قررت قرار نهائي وحل اخير ان انهي حياتي واخلص واموت ولا اشوف هاذة اليوم ..

فاروق : شلون ما عرفنة شلون ماحسينة بيج .. لهل مرحلة انتي كح***

نرمان : وكف عقلي من سمعت السالفة كلها كامت تشاور وتتبسبس عليهم كام حكيم من مكانة ينتفض ضربها بالحزام انكطم بالنص

حكيم : لججججج ليششششش ليششششش اريد افتهم اني اسوووويتلج وهيج اسوووين بية دللتج لج نجاااة باوعيلي اريد افتهم اني اسويت وهيج اجازيني

نرمان : طب نجم عليها مثل الاعصار انطاها دفرة ابطنها وهوة سمين خلاها تتمرغل بالكاع

نجم : شكول كدام العالم .. ماعرفتو تربون اختكم كلة من امكم الكح** شردت ادور رجولة بغداد

حكيم : ابن الكو*** منية شردت ادور رجولة

نرمان : هجم علية حكيم ملخة تملخ واسراء وروان يصيحن حسيت روحي ماعت

اسراء : يبووووووووو الحكوووونة

روان : ارررروحلك فدووووة عوفة عندي جهال وين اروح بيهم

نرمان : لزمة نزار من ضرة يريد يبعدة عن نجم ميكدر .. بهل اثناء عمتي جرت نجاة وطلعتها برة قبل لا يشوفوها

اصيلة : طبي الغرفتج وقفلي الباب

نجاة : بطني راح اموت

اصيلة : خل ينخمدون واجيج

نرمان : طفر نجم من جوة ايد حكيم طلع برة ضل حكيم يغلط ويفشر علية

فاروق : نجاة وين

نرمان : م ما ادري

فاروق : وين قندرررررة

نزار : مو جاي تكلك مزوجة مزوجة عوفوهاااا كافي راح تموت بديكم

حكيم : عوف نجاة بعدين امشي وياي

فاروق : وين

حكيم : امشي وتعرف

نزار : اني هم اجي وياكم

كمال : شتريدون اسون خاف تكتلو

حكيم : لا

نرمان : اخذهم وطلعو ضل بس كمال واسراء وروان وعمتي بالبيت .. رحت ركض الغرفت نجاة دكيت الباب علية .. نجاااة فتحييي اني نرمان طلعو اخوتج .. سمعت صوتها تبجي كالت ..

نجاة : اجذبين مو بعدهم موجودين

نرمان : والله راحو والقران .. فتحتلي الباب تعرج وترجف طبت وياي عمتي اصيلة

نجاة : جاي انزف

اصيلة : النزف قوي

نجاة : لا

اصيلة : انتضري خل يهدون يلة حتة اذا نزفتي الطفل مو جبير يوكع مايسممج

نجاة : خاف اموت

اصيلة : لا متموتين سمعتيلج بوحدة عار ماتت

نرمان : كعدتها على الجرباية وحضنتها وكمت ابجي .. لا تخافين متموتين والله ..

نجاة : اريد اموت واخلص بس اخاف حتة من انتحرت دعيت ما اموت .. نرمان ماعندي حل ثاني بس اخاف من الله

نرمان : اشششش كمتي تخربطين نامي نامي

نجاة : وذا اجو ذبحوني واني نايمة

نرمان : ميذبحوج اذا طلعت اقفل الباب عليج ..

اصيلة : كومي جيبيلها فاكهة ومي واي شي من الغدة حتة نقفل عليها الباب ونطلع خاف يجون

نرمان : كمت على السريع حطيتلها اكل بالصينية ومي وديتة الها وطلعنة وقفلنة الباب

كمال : خاف يكتلون الولد ويوكعون بمصيبة

اسراء : خابرهم

نرمان : كعدت بالصالة لامة رجلي الصدري ومغمضة عيني .. شوكت يرجع سالم .. مر الوكت مثل السنين ميمشي للفجر اني على نفس الكعدة ويا عمتي اصيلة تقريبا الساعة 8 الصبح شفتهم طبو واحد ورا الثاني .. كمت من مكاني

حكيم : نجاة وين

اصيلة : البت جاي تنزف ولا ايد ولا رجل .. شكلها مواتة

فاروق : هوة هاذة الاريدة

حكيم : عوفوها مثل الجلب

اصيلة : بس لا كتلتو الوليد

نزار : لا مصلبخ

نرمان : حسيت نفسي تعبت بما فية الكفاية .. كمت طلعت الغرفتي وسديت الباب علية حسيت نفسي مخنوكة غطيت راسي وضليت ابجي اشتاقيت ارجع طفلة ابيت اهلي وامي وابوية سوة تعبت من هاذة البيت وين جنت وين صرت .. ضليت افكر وابجي ما ادري شوكت نمت ..

صباحا

نزار : ما كعدو

اصيلة : نرمان بعدها ونجاة محبوسة اخوك مايقبل نفتحلها الباب

نزار : اريد مفتاح غرفة نجاة

اصيلة : مو عندي هية قافلتها ..

نرمان : فزيت على صوت الباب تندك كمت فتحتها مرعوبة صرت اخاف من اهل شي ..

نزار : اليوم ما داومتي

نرمان : لا محد وداني

نزار : لبسي اريد اطب يمج

نرمان : رحت لبست جبة وحجاب .. تعال

نزار : احم .. نجاة بعدها تنزف ؟

نرمان : نصيت راسي .. ما ادري

نزار : روحي شوفيها بس لاتكليلها اني كلتلج

نرمان : حكيم وفاروق وين

نزار : طلعو من الصبح

نرمان : البارحة وين رحتو

نزار : تنهدت .. معليج

نرمان : عليك الله احجي

نزار : بعدين تعرفين

نرمان : سويتو شي الفلاح مو

نزار : لا ابد بعدين تعرفين والله لاتخافين روحي شوفي نجاة هسة وبعدين اسولفلج

نرمان : طلعت من الغرفة دكيت الباب على نجاة .. افتحي اني نرمتن اخوانج طالعين .. كبل انفتحت الباب

نجاة : وين راحو

نرمان : ما اعرف .. باوعت على صينية الاكل مثل ماهية .. ليش ما اكلتي

نجاة : ما اكدر

نرمان : بعدج تنزفين

نجاة : اي شوية

نرمان : ديري بالج على نفسج والله كلشي ينحل حتة البارحة من اجوي جانو ما ضايجين كعدو سولفو بيناتهم وراحو نامو اصلا ما جابو طاريج يجوز تفهموج .. حجيت هيج حتة ابرد على كلبها

نجاة : كولي والله

نرمان : استغفرلله .. والله ..

نجاة : همزين ياربي

نرمان : راح اطلع خاف يجون .. طلعت من الغرفة رجعت العرفتي لكيت نزار على كعدتة ..

نزار : ها

نرمان : لا زينة احسن ..

نزار : تمشي تحجي

نرمان : اي فتحتلي الباب وحجيت وياها

نزار : الله عليج انطيها اكل معليج بيهم

نرمان : ماشي والله لا يضل بالك بعيني

نزار : اشكرج

نرمان : طلع من الغرفة .. مر اسبوع اني ما اداوم ونجاة متطلع من غرفتها وما اشوف لا حكيم ولا فاروق وحتة من اشوفهم ما احجي وياهم .. بيوم كاعدين على الغدة ..

اصيلة : هاي اختكم صارلها اسبوع تنزف راح يخلص دمها اذا ذاك عار وضحك عليها هية شنو ذنبها الله واكبر على روسكم

حكيم : عوفيها

فاروق : عبالكم هاي هية راح اعوفها بس خل اخلص من فلاح وارجعلها

نرمان : خزرة حكيم حتة يسكت .. انتضرت دقايق واشجعت وكلت .. اريد اداوم راح يفصلوني .. شفتة هز راسة وسكت

نزار : باجر اني اخذج وياي

نرمان : ماشي .. خلصنة اكل ولمينة السفرة رحت الغرفتي كعدت اقرة الاعرفة لان اخاف اكللهم اريد اخذ الواجب .. ثاني يوم الصبح بدلت وطلعت انتضر نزار .. نزل حكيم من فوك مبدل فتح السيارة

حكيم : صعدي اني اوصلج

نرمان : صباح الخير .. مارد علية صعد .. صعدت بصفة ساق السيارة ضليت ساكتة طول الطريق

حكيم : نزار يرجع عليج اني عندي شغل

نرمان : مارديت علي بس بداخلي انهضمت حسيتة تغير .. نزلت من السيارة بدون ما اباوعلة طبيت للمدرسة اول درس جان عندي امتحان طلعت ورقة واني ما ادري شنو .. كتبت شلون ما جان ورحت اسلم الورقة اخذتها مني المدرسة

ايناس : مستواج كلش متراجع وغياباتج كثرانة

نرمان : العفو ست عندي ضروف

ايناس : خل نشوف ضروفج وين راح توصلج

نرمان : رجعت للرحلة روحي طالعة .. طبت المدرسات وحدة ورا الخ يرزلني لان ماقارية حسيتها التمت علية .. طلعت من المدرسة لكيت نزار واكف عبرت الشارع

نزار : صعدي باردة وما لابس جاكيت

نرمان : صعدت بسيارتة شغل تدفئة كمت افرك بيدي اريدها تدفة .. ساق السيارة وصل يم صيدلية ..

نزار : هسة اجي

نرمان : ماشي .. نزل طب للصيدلية اباوعلة ما ادري شيسولف تقريبا 10 دقايق واجة

نزار : نجاة صارلها شكد حامل

نرمان : ما ادري على حساب عمتي كالت شهر و17 يوم

نزار : ها زين تنزلين تحجين اني ما اعرف

نرمان : نزلت من السيارة طبيت للصيدلية ضليت صافنة ما اعرف شحجي .. دغني بجتفي ..

نزار : احجيلها

نرمان : اءء البنية حامل صارلها شهر و17 وتنزف من اسبوع

الصيدلانية : عدها عدها جبود وصاخة لو دم صافي

نرمان : صفنت بوجها .. ما ادري

الصيدلانية : عدها تقيء

نرمان : لا

الصيدلانية : اني ما اكدر انطيها شي بس الخاطر الولد كال حالتها حرجة راح انطيها ابر مثبتة وفيتامينات

نرمان : ماشي .. كتبت العلاج ودفع حسابة نزار وطلعنة

نزار : منو راح يضربها الابر

نرمان : ما اعرف

نزار : شلون سالفة هاي ضروري ابر متكدر تبدلهن بفوار

نرمان : ما اتوقع

نزار : صعدي خل نشوف

نرمان : صعدت بالسيارة والطريق كلة نفكر شلون راح تزرق الابر

نزار : اجيبلها بنية تضربها من يطلعون

نرمان : اليوم اني اصعد الحكيم واتوسل بي ياخذها للطبيب

نزار : الله كريم

نرمان : رجعنة للبيت ما لكيت احد بس عمتي .. السلام عليكم

اصيلة : وعليكم السلام اتأخرتو وين عيني

نرمان : وداني اشتريت ملزمة من المكتبة

نزار : صبيلي غدة

نرمان : شمرت جنطتي ورحت للمطبخ لا روان ولا اسراء ولا الجهال .. صبيت ورجعت للصالة انطيتهيا ..

نزار : عاشت ايدج

اصيلة : اني مسويتة مو هية

نرمان : لعد البنات وين

اصيلة : راحن لاهلهن

نرمان : وحكيم ؟

اصيلة : فوك

نرمان : عفتهم وطلعت للحديقة صعدت بالدرج .. فتحت الباب وطبيت مالكيت احد سمعت صوت الدوش مفتوح عرفتة جاي يسبح .. طبيت الغرفتة كعدت على السرير انتضرة يطلع مرت دقايق طب لاف المنشفة جوة بطنة وجسمة عاري .. بس شفتة شهكت وحطيت ايدي على حلكي

حكيم : شعنج صاعدة !

نرمان : انداريت منطيتة ضهري سمعتة فتح السلايت مال كنتور .. اطلع

حكيم : مستحية !

نرمان : ما كملت

حكيم : انداري كملت

نرمان : انداريت علية لكيتة لابس داخليات وكاعد .. باوعت علية عاقدة حاجبي

حكيم : بيج شي

نرمان : رجعني لأمي

حكيم : هاي انتي كلما ضجتي اجيتي اسويلي رجعني لامي .. نرمان مالي خلكج من الاخير شتريدين

نرمان : رجعني لأمي

حكيم : يطبج مرض روحي ولي لأمج خابريها خل تجي تاخذج

نرمان : لعد طلكني .. بس كلت هيج كام ضربني بضهر كف ايدة على حلكي وزمخ بية

حكيم : كلتيها مرة .. الثانية اسويها صدك

نرمان : لا اراديا كمت ابجي عفست وجهي وصرت مثل الجهال اصرخ بصوت عالي

حكيم : نزلي نررررمان نزلي لاتردحين على كلبي

نرمان : حقيرررر صاير بعد لا اريدك ولا احبك والله اخابر امي وارجع يمها .. عفتة جاي اطلع من الغرفة سحبني من ملابسي طببني وركع الباب سدها

حكيم : ماتريديني بعد خلف الله عليج

نرمان : كعد كبالي .. وباوعلي

حكيم : تدرين بنجاة وساكتة !

نرمان : لا ابد كلشي ما ادري صدكني

حكيم : متأكدة !

نرمان : اي

حكيم : ليش ما مبدلة هدومج

نرمان : اجيت اشوفك

حكيم : اجيت انكد عيشتك ..

نرمان : ضحكت وحضنتة بقوة شميت ريحت جسمة كلها صابون بادلني الحضن بقوة حسيت ضلوعي راح تتكسر ..

حكيم : ااااه يا ريحت هلي

نرمان : بابتسامة .. شبيها

حكيم : جايفة

يتبع ....

نهاية البارت : يلة كولن ما مداريتجن .. اقرو ونامو من وكت 😎♥️ ها نسيت سمطو فلاح بدعوة تلوكلة ♥️

الكاتبة : ( Duha al amer )

_تابعو حسابي

_صوتو للبارت❤

_ فرحوني بتعليقاتكم الحلوه

دهاك ادموع عيني ابفرح ترويـك

حسبت احساب توفي العهد وياي

وخنت باول الممشه وكلت اوافيك

وبعت روحي ابرخص ماردك الطيب

وانه بنبض الكلب لو تنشره اشريك

بعد ماضل وفه ولاجلمه تنكال

أذا اولك هذا اشلون تاليك.

_________________________________________

حكيم : ااااه يا ريحت هلي

نرمان : بابتسامة .. شبيها

حكيم : جايفة

نرمان : ابتعدت عنة بصدمة ضربتة بجتفة .. منوووو ريحتهاااا جاييييفة

حكيم : ريحت هلي

نرمان : تقصدني مو ؟ فدوة الريحتي

حكيم : بوية يشغلوج عمالة بالمدرسة صارحيني مابيها شي

نرمان : صفنت .. لا بس مرات اطلع الزبالة من الرحلة

حكيم : ههههههههههه طيح الله حضج

نرمان : راح اروح فريرة اسبح واجيك

حكيم : اريد انام وراية طلعة

نرمان : وين

حكيم : شغل

نرمان : يعني متريد تاكل من ايدي معكرونة لاچعة

حكيم : معكرونة لاچعة ! جديدة هاي الادري بي الدولمة لاچعة بس المعكرونة هاي اول مرة ادري بيها

نرمان : ضل هنا حباب ما اتأخر الچعها واجي .. قصدي ابدل واجي

حكيم : ابتسمت .. يلة انتضرج

نرمان : نزلت اركض بالدرج .. طبيت للبيت فتحت الجدر وحطيت معكرونة على النار .. رحت الغرفتي سبحت وطلعت ابدل اذكرت المعكرونة طلعت بتراكي اركض للمطبخ

اصيلة : اعصابج راح توكعين على وجهج

نرمان : دبجت بالكاع وصحت .. عجنت المعكرونة عجنت

اصيلة : چا انتي ثولة اني ياهو مالتي

نرمان : ضل شي من الغدة

اصيلة : خير من الله بس الكمال ونجم مو الحلكج

نرمان : ضليت ساكتة ومبرطمة .. انتضرتها تطلع من المطبخ فتحت الجدورة صبيت الي والة تمن وتبسي لكيت دجاجة بالفرن قسمت نصها وبقيت النص الثاني النجم وكمال .. لبست حجابي وصعدت فوك طبيت للغرفة لكيتة يخابر اشرلي اسكت ..

حكيم : شنو يعني ! .. ارجع للبيت ونتفاهم .. انتضرك

نرمان : نتغدة

حكيم : ما اريد سم اخذي وطلعي

نرمان : ضجت من كلامة .. وهاذة الاكل المن جايبتة

حكيم : نرمان طلعي مالي خلك بشر ابوية اذا طلع من الكبور هم ما اريد اشوفة

نرمان : والتبسي ! والدجاجة البكتها !

حكيم : استغفرلله يا الله

نرمان : كلبت وجهي وكمت طلعت وديت الاكل بمطبخ بيتهم وغطيتة حتة من يجوع ياكل .. نزلت جوة مالي نفس شي جبت كتبي وكعدت بالصالة اقرة .. طبو كمال ونجم

كمال : السلام عليكم

نرمان : عدلت كعدتي وعليكم السلام

اصيلة : شحلاتكم من اطبون للبيت ونسوانكم الله يطبر اعمارهن ماكو

نجم : اي والله يمة ولا هوسة المزعطة

كمال : صبيلنة غدة

اصيلة : بعيني

نرمان : من سمعت بالغدة طفرت الغرفتي وسديت الباب انتضرت شوية وسمعت الباب تندك .. صحت منو

اصيلة : الدجاجة وين

نرمان : يا دجاجة

اصيلة : تحجين لو اطب اكصبج

نرمان : حرت شكول .. اءء اكلها فاروق

اصيلة : ليش شوكت اجة

نرمان : اجة اكلها وطلع

اصيلة : ماشي اني اعلمج واعلمة

نرمان : عزززة بعيني لو كايلتلها اني ولا هاي الدكة .. رجعت اقرة وافكر اليوم راح يسحلني فاروق اذا عرف .. للعصر سمعت صوتهم برة يصايحون لبست وطلعت للهول ..

نزار : شنووووو يعنييييي تعوفوها تموووووت

فاروق : اششش لك انتة لاتدخل

نزار : منو تكلة لك ؟ احترم نفسك وخليني محترمك

حكيم : احنة بيا حاااال

نزار : معليكم انتو اني اخذها للمستشفى

فاروق : اذا طلعتها منا رجلك اكسرها

نزار : انتة زلمة اكسر رجلي

نرمان : طلع نزار متوجه الغرفة نجاة مشة اسرع منة فاروق وجرة من ياختة .. عزززة

فاروق : ورب العزة اجنزك اذا تكسر كلمتي

نزار : منو انتة فد قندرة شايف روحك

نرمان : كبل فاروق ضرب نزار بوكس انصدمت وحطيت ايدي على حلكي ركض عليهم حكيم صار بالنص

حكيم : انتة شلووون تمد ايدك علية

فاروق : حتة يتعلم يحجي

نرمان : طفر علية نزار وضربة نفس الضربة وكع فاروق بالكاع لازم خشمة بألم .. راح نزار وركع الباب على نجاة ..

نزار : فتحي الباب محد يسويلج شي

نرمان : نهض فاروق من الكاع يريد يضرب نزار برجلة .. صرخت .. لاااااا .. دفعة حكيم عنة

حكيم : كاااافي ازوملت

نزار : نجااااة فتحيييي .. مترد مترد خاف ماتت

فاروق : شجعها بعد اصير كح*** اكثر

كمال : طبو للهول كافي مشاحنات بينكم

نجم : امشي يمة كل لشة تتعلك من كراعها

نرمان : ضرب الباب نزار كم مرة ما انفتحت تقربت علية همست .. افتحها بالدرنفيس مثل حكيم

نزار : جيبي

نرمان : ركضت للترك جبت الدرنفيس باوعت على حكيم مجتف واكف يدخن والتعب مبين بوجها وفاروق متحزملها

نزار : استعجلي

نرمان : هاك .. انتضرت دقايق وفتح الباب مالكيناها بالغرفة كمنة نباوع واحد للاخ

فاروق : خاف شردت !!!!

حكيم : طبي نرمان شوفيها بالحمام

نرمان : رحت دكيت الباب ماحجت فتحتها وطبيت لكيتها واكعة ورا الباب بس شفتها صرخت .. نجااااااة نجااااااة شبيييييج

نزار : شكلتلكم

نرمان : ضربت على وجها شفت دم هواي جواها صحت .. نجااااة واكعة ..

حكيم : لابسة شي !!

نرمان : اي بهدومها .. ثواني وطب نزار شالها من الكاع طلعها من الحمام طلعت ورا باوعت على حكيم ماشال عيونة عنها بس ما اقترب ضل واكف على صفحة

نزار : جيبي عبايتها

نرمان : جريت عبايتها من الزاوية وطلعت ورا

اصيلة : اروح وياكم

نرمان : اي عمة لازم اني كلشي ما اعرف .. لبست نعالي وطلعنة بسيارة نزار للمستشفى طول الطريق تون من الألم

نجاة : ااااااخ بطنييي راسسسسي

نرمان : سودة علية هسة نوصل .. حطيت ايدي على وجها مصخنة نار .. نزار استعجل حرارتها عالية

نزار : وصلنة وصلنة

اصيلة : وين الله واهل البيت كون البزر طايح

نرمان : وصلنة للمستشفى نزلها وطببنة للطوارئ استقبلونة بس ما خلونة انطب لا اني ولا عمتي ميجوز

نزار : چا  منو يضل وياها جوة

نرمان : ما اعرف ميقبلون

نزار : سبحي اقريلج شي من التعرفي

نرمان : اي ضليت اردد نادي عليا مضهر العجائب .. مرت اكثر من ساعة واحنة الوب

اصيلة : ادري ليش يخلونة ننتضر اذا ماتت خل يكولون اريد اروح اصلي ما مصلية الضهر

نرمان : باوعتلها صفح ورجع اسبح كلشي يجي ابالي

الممرضة : نجاة فاضل !

نزار : اي بشري

الممرضة : جاي تنزف وعدها نقص تغذية حاد هاي الادوية طيبها وتعال بسرعة ونريد دم ماعدنة بالبنك

نرمان : اخذ الورقة وطلع يهرول .. يعني الطفل عايش

الممرضة : بيد الله

اصيلة : وينك يابو خيمت الزركة متاخذة وتاخذ ابو

نرمان : امين .. بس خطية الطفل

اصيلة : ابن زنا

نرمان : ضليت ساكتة وكاعدة على صفحة شوية واجة نزار انطة العلاج للممرضة

نزار : هاذة حكيم جاي يدك

نرمان : شوفة شبي

نزار : الو

حكيم : ها وين انتو ببا مستشفى

نزار : مستشفى ال*** الاهلية

حكيم : وين هية !

نزار : ما طلعوها بعدها

حكيم : راح ادزلك ولد يجيبلك فلوس

نزار : اي لأن ماعندي كلهن جبت بيهن دوة وبعدني ما دافع تكاليف المستشفى .. سديتة ورجعت يمهم

نرمان : حسيت ضهري صار خشبة من الكعدة كمت افتر ثواني وطب ولد للمستشفى يسأل عن نزار .. راحلة نزار

مؤيد : شلونك حبيبي

نزار : هلا بيك

مؤيد : هاي الامانة دزلكياها حكيم

نزار : رحم الله والديك

مؤيد : محتاج شي اضل يمكم

نزار : لا سلامتك ما قصرت

نرمان : بهل اثناء طلعو نجاة بالسدية نايمة وبيدها كانونة وتون وتبجي ركض عليها نزار ضل الولد واكف من بعيد رحت وراها

نجاة : ااااااخ لا تعوووفوني

الممرضة : اذا استجابت للعلاج اصير احسن

اصيلة : بصوت ناصي .. بربوك هسة متريدينة نعوفج يمة من عيارت النسوان

مؤيد : احم اني اترخص

نزار : الله وياك

نرمان : طلع الولد طبينة وياها للغرفة كاعدين كل شوية اطب ممرضة تضربها ابرة وتاخذ فلوس من نزار وتطلع

نزار : ضل بس بنطروني اذا اجو يشلعون المغذي انزعة وانطيهيا

نرمان : ههههههههههه اسكت عيب

اصيلة : عندي الفين دينار بالجوزدان نسيت اجيبهن

نزار : حرامات جان جبنة بيهن عشة

نرمان : عشة بالفين

نزار : شبيهن الالفين يجيبن 4 لفات فلافل واذا اتوسل بي ينطيني قوطية بلاش

نرمان : كون يسمعك حكيم

نزار : يبيع ثكل كبالج يموت عالفلافل

نرمان : باوعت على الساعة صارت 9 باليل .. شوكت نطلع

نزار : احتمال يبيتوها

اصيلة : ياااا اريد ارجع

نزار : خل اخابر حكيم واشوف

حكيم : السلام عليكم

نرمان : نزيت من شفتة طب فجأة .. وعليكم السلام

اصيلة : الله جابك رجعني وياك

حكيم : تبات

نزار : اي لازم

حكيم : دفعت فلوس المستشفى

نزار : اي

نرمان : باوعلة بنضرة خزرني وكال ..

حكيم : يلة امشو

نرمان : عدلت حجابي واشرت النزار باي .. طلعت ورا يمشي اسرع من عدنة صعد بالسيارة وشغلها صعدت ليورا وعمتي بصفة ..

حكيم : شنو وضعها

اصيلة : عدها انيميا نقص تغذية حاد هاذة حجي الدكتورة

حكيم : يطبها مرض

نرمان : ساق والطريق كلة ينافخ ويباوعلي بالمراية خفت من نضراتة وصلنة للبيت حسيت كلبي كام يدك سريع سمعتة زمخ بية

حكيم : نزززلي

نرمان : نزلت وعمتي سبقتنة وطبت رحت وراها حسيتة لزمني من زندي طلع يمشي سريع ويسحل بية

حكيم : صايررررة مستهتررررة كلششششش

نرمان : هدني ما اطلع بعد بدون ما اكلك والله

حكيم : بس افض سالفة نجاة وابدي بحسابج

نرمان : نترت ايدي منة .. عفتة وكبل طبيت الغرفتي وقتت مبايلي ونمت .. ثاني يوم فزيت على صوت المنبه بدلت ملابسي وطلعت مالكيت احد برة صعدت دكيت الباب عليهم فتح الباب فاروق يفرك بعيونة

فاروق : شتريدين

نرمان : عندي امتحان منو يوديني

فاروق : تمغطت ..حكيم طلع

نرمان : اروح وحدي

فاروق : انتضري البس واوصلج بطريقي

نرمان : بس مو تتأخر عندي امتحان مهم

فاروق : اي لاتلحين

نرمان : ضليت واكفة بالباب انتضرة باوعت للساعة صارت 8 صحت .. وين صرت .. ياااا .. مارد علية اخذت جنطتي ونزلت جوة سلمت على الحارس وطلعت برة اتمشى واتلفت اول مرة اطلع وحدي .. وصلت للمدرسة طببني الحارس جان الدرس بادي والامتحان نص ساعة ويخلص بسرعة طلعت ورقة وقلم وكعدت احل

المدرسة : كافي لمو الاوراق

نرمان : ست بس اخر سؤال

المدرسة : وين جنتي نايمة ؟؟

نرمان : انهضمت لان امتحان شهري جرت الورقة وطلعت .. مرت الدروس وطلعت من المدرسة مالكيت احد منتضرني رحت اتمشى للبيت وصلت بعد عناء طبيت للبيت شمرت جنطتي بالهول وتمغطت طبت عمتي تعض باصبعها

اصيلة : ولج مشعولة الولدين اليوم يشربون من دمج

نرمان : بصدمة .. ليش

اصيلة : حكيم اجة سأل عليج مالكاج خابر فاروق كلة ما ادري بيها كلتلها انتضري اوصلج بين مابدلت وطلعت مالكيتها .. وطب للبيت سبانة سبي

نرمان : عززززة بعيني .. وينة هسة

اصيلة : ما ادري اصاير جابو نجاة للبيت 10 دقايق واخذها حكيم وطلعو ولحد هسة ما اجو

نرمان : لطمت على رجلي .. خاف راح يكتلوها

اصيلة : الله اعلم

نرمان : طبيت الغرفتي ارجف شمرت جنطتي وكعدت على الجرباية اكل باضافيري صخام بوجهي .. ضليت بهدومي كاعدة حتة غدة ما اتغديت للعصر سمعت صوتهم طبو طلعت شفت حكيم ونجاة ونزار

نجاة : ابووس ايدك اسامحني اني غلطت واستاهل كلشي اسوي بية

حكيم : اني تالي وكت ماخذ اختي افتر بيها بالمراكز نجااااة

نجاة : بجيت وكلت .. والله مو ذنبي هوة ضحك علية رجلي وابن عمي اني شمدريني يطلع كلب وسافل والله ثقيت بي وعبالي يرجعني لأن كال توسل بيك وانتة مارضيت

حكيم : لج لو جايني صدك انطيج على القندرة ولا هاي المصيبة لج سودتي وجهي اني الجنت رافع راسي بيج وبتربيتج ولج العالم كلها اشك بيج الة اني اشم بتربيتج ليش فهميني ليش

نجاة : لطمت على رجلي .. الله ياخذعمري الله ياخذعمري واخلص والله ما افتهم والله ما ادري ابوس ايدك حكيم اني مالي غيرك بالدنيا

حكيم : ولج خابرت سيد استشرع بالطفل الي بطنج تدرين شكلي كال اختك زانية تعرفين اصار بية من سمعت هااااي الكلمة لو لااااا

نجاة : اذبة ما اريدة كلشي اسوي لاجلك شتريد اسوي حكيم ماريد ابني كلشي ماريد

نرمان : كمت ابجي من سمعت كلامهم باوعت على حكيم عيونة حمر دم بس مابيها دموع ضل ساكت وكام طلع وركع الباب ركضت على نزار .. شنو صار ؟

نزار : تنهدت .. فلاح وجماعتة طلعو ماخذين هاي الشقة يسون هاي السالفة باي بنية يتعرفون عليها

نرمان : شهكت .. صدك تحجي شلون عرفتو

نزار : على وصف نجاة للعمارة المحروكة هاذة المجمع مال موضفين احترك قبل فترة وباوعو للناس العاملة بسعر رخيص وصار ياهو الجان يجي يشتريلة شقة  وفاروق يداوم قريب على المجمع ومن راحو للعمارة طلعو الكامرات مال المحلات الي كبالهن وشافو التصوير يومية بنفس الوكت اكو بنية تروح وياهم ومن ضمنهم نجاة والسيد الجايبي واحد من جماعتهم .. بلغو الشرطة وانطو التصوير وتربصولهم وراها بثلاث ايام جانو جايبين بنية والزمو كلهم ومن ضمنهم فلاح ..

نرمان : عقلي وكف من سمعت حجي نزار معقولة اكو هيج شي .. ونجاة وين اخذتوها

نزار : شهدت عليهم وراح ينحكمون وحكيم لزم فلاح بالمركز نعنع ضلوعة

نرمان : يستاهل الحيوان

نزار : ويكول لازم تنزل الطفل

نرمان : باوعت النجاة كلبي اتكطع عليها

نجاة : تعبت يارررربي تعبت اخذ عمرررري وريحني

نرمان : كمت حضنتها وكعدت بصفها

نجاة : لازم اسقط هاذة هم راح يسقط بعد مايصير عندي طفل ابد

نرمان : فدوة القلبج سكتي الله كريم

نجاة : اخذيني للغرفة اريد انام تعبانة ونفسي تلعب

نرمان : اخذتها وديتها الغرفتها ورجعت للهول اجتني رسالة على مبايلي ..

حكيم : تعالي اريدج فوك

نرمان : سديت المبايل وبلعت ريكي بخوف .. طبيت بدلت ملابسي وطلعت صعدتلة فوك دكيت الباب

حكيم : تعالي طبي تعالي

نرمان : صباح الخير شلونك ان شاءلله بخير متغدي لو اجيبلك غدة محتاج شي ؟

حكيم : شلون اطلعين وحدج الصبح !

نرمان : جمدت من كال هيج .. شفتة جاب صوندة من فوك الثلاجة وكف كبالي .. راح تضربني

حكيم : لج اخخخ لو بيدي امرعدج

نرمان : ضليت واكفة تقرب علية ضربني بالصوندة بخفة على ايدي ما أذتني .. باوعت على عيونة حمر تقربت علية رجع ليورا كعد على القنفة مرتجي ومغمض عينة .. عموو

حكيم : ها

نرمان : تبجي ! هز راسة بالرفض .. تقربت علية حضنتة وحطيت راسي على جتفة

حكيم : كسرتني

نرمان : شفت دموعة نزلت من طارف رمشة حطيت اصبعي ومسحتها ماخليتها تنزل

حكيم : تعبااان صارلي 9 ايام عيوني ماضايك النوم

نرمان : بست ركبتة بخفة احاول اهون علية .. كمت نزعت حجابي وجبتي و كعدت بحضنة وحطيت رجل منا ورجل منل صار جسمي بالنص

حكيم : اجاي اسوين

نرمان : اءءء اواسيك .. صفن بوجهي

حكيم : انتي متخلين واحد بهمة

نرمان : عدل بنطرونة وحط ايدة علية منورة شهكت .. لااااا مو هيج .. كمت اريد افلت رجع لزم رجلي وثبتها ضليت على وضعيتي

حكيم : تعبان وافادي موجر

نرمان : تجرأت لمساتة تقرب علية حاط راسة على صدري وهمس

حكيم : تعبان

نرمان : ضاق نفسي من الخوف .. اريد انزل

حكيم : شما بية حيل اعشكج

نرمان : رفعت راسة شفت عيونة تدمع

حكيم : لا تكسريني بس انتي ضليتي

نرمان : نزلت دموعي .. كلبي انذبح بدموعك

حكيم : اريد اصلي اريد ارتاح كومي عني

نرمان : ابتعدت عنة راح للحمام يمشي بخطوات ثقيلة طب وسد الباب علية ضليت كاعدة وحدي مرت نص ساعة يلة طلع عيونة حمر ومتوضي طب الغرفتة فرش السجادة

حكيم : اللهم استرنا بسترك الجميل، ولا تفضحنا بين خلقك ولا تخزنا يوم القيامة اللهم أعلِ بفضلك كلمة الحق والدين، اللهم أسترنا فوق الأرض، وتحت الأرض ويوم العرض عليك».

نرمان : طبيت توضيت وطلعت فرشت سجادتي بصفة وكفت اصلي

حكيم : اقري سورة مريم النجاة اريد الله يسهل عليها

نرمان : ليش

حكيم : راح تسقط الطفل

نرمان : شوووكت لييييش

حكيم : تنهدت .. اليوم

نرمان : ضليت ساكتة فتحت القران وكعدت اقرا .. خلص صلاة لم السجادة وبدل ونزل جوة خلصت ونزلت ورا

نزار : هاي الابرة جبتها من الصيدلية

حكيم : هسة اجيب وحدة تضربلهيا

نرمان : عرفت هاي الابرة الي اسقط الجنين رحت على نجاة للغرفة فتحتها وطبين .. نجوتة كاعدة

نجاة : اي

نرمان : عادي اكعد يمج

نجاة : اي

نرمان : كومي توضي وصلي حتة ترتاحين

نجاة : ما اكدر مو نضيفة

نرمان : اءء راح يوكعون الطفل تدرين !

نجاة : اي ميهمني بعد

نرمان : باوعت على وجها من الصفحة اذنها وخدها مصبوغ ازرك جتافها بيهن طبع الحزام انكسر كلبي عليها

نجاة : اريد اسبح وابدل مابية حيل

نرمان : اسبحج اني

نجاة : لا لج بس خل تفض سالفة الطفل

نرمان : ماشي .. اصبلج غدة تاكلين

نجاة : لا ما اكدر اكل شي

نرمان : براحتج .. سمعت الباب اندك كمت فتحتها

اصيلة : تفضلي عيني

نرمان : باوعت على مرة طبت عرفت هاي راح تضربها الابرة حتة تنزف وياخذوها للمستشفى يسولها كورتاج .. عفتهم وطلعت خايفة اباوع كعدت يمهم بالصالة

نزار : خاف تموت

حكيم : لا هاي الابرة اعتيادي تنضرب اذا راد يسقط الجنين

نزار : *** كام يوجعني واني مالي دخل

نرمان : عززززة شبي هاذة سويت نفسي ما انتبهت اباوع للتلفزيون طلعت المرة

المضمدة : بس تبدي عدها الالم قوية اخذوها للمستشفى

حكيم : ان شاءلله ..

نرمان : طلع وراها حكيم انطاها فلوس وراحت رجع كعد يهز برجلة وبيدة سبحة يفر بيها

نزار : راح يسولها كركاش !!

اصيلة : يااااا جاي تفكر بالكركاش

نزار : بالي كلة يمة

نرمان : اباوع علية فتح مبايلة مادري شيكتب وراها عقد حاجبة مركز باوعلة حكيم

حكيم : هاي ولادة يالثول

نزار : كتبت كركاش ماطلعلي كتبت ولادة طفل ساقط طلعلي هاذة

اصيلة : ولك انتة ليش نسيواني شعليك

نزار : چا تريديني انام على اذني غير اعرف اجاي يصير بهاذة البيت

حكيم : طيح الله حضك

اصيلة : سليمة اصكك

نزار : برغش ياكلج ويخلصنة منج

اصيلة : شكلت ولك

نزار : الكعبة تحفظج

نرمان : ضحكوني واني مالي خلك .. بهل اثناء طبت نجاة لازمة بطنها كعدت بالهول تبجي

نجاة : بطني

اصيلة : بعد شوية انتضري مو هسة

نجاة : ما اكدر

نرمان : كام طلع حكيم لان حتة بوجها ميباوع شفت سيارة فاروق وكفت بالكراج نزل طب للهول

فاروق : السلام عليكم

نرمان : وعليكم السلام .. انتبه على نجاة ضل يباوعلها بخزرة وهية مدنكة شوية وطلع .. كلعتهم

نجاة : باجي بطني

اصيلة : يبوووو ابتليت بيكم لو رايحة ويا اسراء لاهلها الجايفين ولا هاي الشكولات

نرمان : فوووك البيها انتي اچمليها

اصيلة : طلعلها السان بت عواطف

نجاة : عفية بطني لاتتعاركون

نرمان : كمت طلعت وراهم وكفت بالدرج وصحت .. نزارررر نزاررررر

نزار : ها

نرمان : تعال .. نزل جوة

نزار : شبيج

نرمان : اتخربطت نجاة كلش امشي اخذها للمستشفى

نزار : اي بس اجيب سويجي وابدل

نرمان : يلة بسرعة .. رجعت طبيت جوة يم نجاة

اصيلة : حضريلها جنطة بيها غيارات اخذها ويانة

نرمان : اي .. رحت الغرفتها طلعت جنطة حطيت بيها دشاديش وملابس داخلية الها وطلعت برا انطيتها عبايتها طب نزار اخذها وطلع

اصيلة : جيبيلي جواريبي

نرمان : استغفرلله .. طبيت الغرفتها جبتلها ملابس بدلت وطلعت وراهم ضليت بالهول روحي طاكة طلعت كتبي وكعدت اقرا

حكيم : مارحتي وياهم

نرمان : لا مو انتة متقبل

حكيم : اي ..

نرمان : حباب شوية وخابرهم شوف شصار على نجاة .. هز راسة وضل ساكت .. مرت كم ساعة وكمت احوص .. عندك رصيد ؟؟ 

حكيم : لاتنجلطين هسة اخابرهم ..

نرمان : عدلت كعدتي وحطيت اذنبي بصف المبايل

حكيم : طبي بي بعد

نرمان : لو يصير اطب .. خزرني ورجع حط المبايل على اذنة

حكيم : الو

نزار : ها يابة

حكيم : اصار !

نزار : سولها كركاش وطلعوها وبعدها بالبنج

حكيم : خوش .. الفلوس كفت

نزار : اي ماضل شي ساعة ونطلع

حكيم : الله كريم

نرمان : سدة .. كمت اكمز بالكاع فرحانة طفرت كعدت بحضنة وكلت .. قبلني .. تلفت يمنى ويسرى يتأكد ماكو احد بحركة سريعة .. باسني بشفتي

حكيم : اريد ام الشفطة التبقي اثر بالروح

نرمان : اممم عيب .. بهل اثناء دك مبايلة فتحة يحجي

حكيم : ها عبدلله

نرمان : شفتة مندمج بالسوالف مديت ايدي على صدرة وبستة

حكيم : لا هسة ما استلم بضاعة خل يفرغن المخازن زين

نرمان : لزمت ركبتة شميت بيها ريحة عطرة عضيتها بسنوني شفتة غمض بألم وفتح عينية يخزرني

حكيم : ها .. اي وياك وياك

نرمان : حطيت اصبعي على شفتة عض اصبعي كمت اكمز .. لا لا يوجع يمعووود

حكيم : اي اي يلة مع السلامة

نرمان : سدة وعض اصبعي بكل قوتة حسيتة راح ينكطم .. ليششششش حرام علييييك

حكيم : بربوك مو جاي اخابر انجلبتي

نرمان : مو صوجك باوع الساعة السويتلكياها بالاربعة وربع

حكيم : ** عمتي

نرمان : يااا استهتر الوليد

فاروق : يمعودين كولو يا الله

نرمان : شفت فاروق لو اصركعت كمت من حضنة وحسيت وجهي جمر

حكيم : راح يطلعوها النجاة

فاروق : راح ابن الزنا

حكيم : ماريد اسمعك تحجي هاذة الحجي

نرمان : طلعت من الصالة ضلو يتناقشون .. ضليت انتضرها تجي على نار .. مرت ساعتين وسمعت صوتهم طبو

اصيلة : بوية فرفحتو كلبي جهال نرجس

نزار : غير اني ابتليت اني كاعدة على السبلت ادورين جاي مهيل

نرمان : شفت نجاة تون وجها اصفر طبت متكدر تمشي نزار ساندها رحت لزمتها من الجهة الثانية

حكيم : اخذوها الغرفتها

نرمان : اخذناها ونيمها نزار على الجراية وضل كاعد يمها

نزار : مراح تحجيلي شلون كركشوج

نجاة : نزاررر بطنيييييي

نزار : بفاروق العار ولا بيج

فاروق : انجب لك

نرمان : حطيت ايدي على حلكي عزززة شلون سمع

نزار : نامي هسة اخلي نرمان تشويلج معلاك

نرمان : اشويلها انتة خل اضل يمها خطية اعوفها

نزار : بعد ذبيلج دمعتين

نجاة : كلشي ماريد لاسون

نزار : هسة بيدي اشويلج

نرمان : طلع وسد الباب .. مرت الايام ونجاة بدت تتحسن بس متحجي هواي واضل كاعدة بغرفتها طول الوقت بس للاسف محد صار يثق بيها .. بدت تنسد السالفة بس محد يحجي وياها بالبيت حتة مرت كمال ونجم بس اني ونزار نحاجيها بيوم جنت كاعدة اقرة لان بدت امتحانات اخر السنة

فاروق : هاذة ابو ايثار يدك شيريد ؟

حكيم : جاوبة شمدريمة احنة

نرمان : اشرلي حكيم انتبه على الكتاب بس حطيت اذني يم فاروق

فاروق : العفو حجي جنت اصلي المغرب

نرمان : من كال هيج كلها صفنت على فاروق ..

فاروق : لا حجي شلون بس صار عدنة ضروف والتهينة

راضي : اي شلون يا ابني البنية جهزت نفسها وانتو ضربتوها سكتة

فاروق : شلون جهزت واحنة ما جايبين فلوس المهر !

راضي : اني انطيتها من عندي جهزت منا لما اجيبون فلوس المهر انتو والذهب

نرمان : باوع على حكيم بتعجب وهز راسة حسيت واحد كفخني انداريت على حكيم ... اووووي

حكيم : ركزي صارلي ساعة المن اشرح لأمي

نرمان : مركزة وياك اهدة ريلاكس اعصابك ابو مهند

حكيم : ابو مهند منو

نرمان : ههههههههه الحارس مالتنة المديرة تكلة ريلاكس ابو مهند

حكيم : بس السوالف الطايحضها حافضتها لو درس لو كلمة بيها خير ماتحفضيها

نزار : الله ما انطانة ام انطانة حكيم

حكيم : تاج راسك يلغبر

فاروق : هاي العالم جاي اصفني ادري بنتة جنها ثور بس ماكو هيج شي مجهزلها من فلوسة يكلي كبعها صدك يحجي

حكيم : مو احنة كنالة خل اجهز روحها وضربناها سكتة

فاروق : باجر يريد يجيب هدومها يسفطهن .. ميدري حتة عرفة نوم ما مشتري

حكيم : باجر اختارلك وحدة خل يفصخون غرفتك ويشدون مال عرسك

فاروق : عود انتة جيبها اني عندي دوام

حكيم : كلاواتك بطلهن وابو فاضل فلس احمر مشوف مني روح انتة اشتري غرفة عرسك لا اصير بخيل واحد اذا مايفرح بعرسة ويصرف شوكت يصرف من يموت

فاروق : عميييي بسسسس باجر اجيبلها صخام بوجها

نزار : بشرفك ما فرحان

فاروق : لو مرة بيها خير افرح

نزار : اهوووو كام يسويلي كلاوات العيد ولك انتة لو ما رايدها جان اكبر راس ماوكف بوجهك بس كول اني جاي ابيع ثكل

نرمان : ضيق عينة وشاور نزار ما ادري شكلة وخربو من الضحك باوعت على حكيم خزرهم

حكيم : ضلي اصفني .. قسما بالله اذا ما نجحتي اسوي حياتج جحيم

نرمان : جحيم اكثر من هيج

نزار : بمممم

نجم : العروس تكعد فوك يمكم

حكيم : چا وين بالشارع

اسراء : اي والله زين اسون هوة البيت ضيك علينة ما يتحمل

حكيم : راح اطك الضلع مال مطبخ واخذ الممر مال الطابق الفوك

اسراء : شنو شنو

حكيم : شو انتي نسيتي نفسج !!

كمال : اعذرها خوية معثرة

حكيم : ورا ما اخلص بناء تكون نرمان مخلصة امتحانات ونزوج

نرمان : كمت ابلعم .. احم عيدلي هاذة السؤال .. قرب وجها من وجهي وكال بهمس  ..

حكيم : والله لانعل ابو شكلج

نرمان : بدت الامتحانات وحكيم سافر البغداد .. بدو يفلشون ويبنون بالطابق الفوك وفاروق بدل غرفتة .. داومت اخر يوم الامتحانات رجعت للبيت ويا نزار .. السلام عليكم

الكل : وعليكم السلام

نرمان : شفت ايثار وامها وعمتي والبنات كاعدين طبيت كبل الغرفتي بدلت وطلعت للهول كعدت بصف نجاة ..

نجاة : يكولون تقاليدنة نسفط هدوم العروس

نرمان : جابوهن

نجاة : اي بس العمال يكملون البياض مال المطبخ ويطلعون نصعد فوك

نرمان : كرصت خدها .. شلون صرتي

نجاة : زينة

ايثار : الغرفة يا لون ؟

نرمان : لزمتني الضحكة من جابت طاري الغرفة .. سودة

ايثار : سودة ؟

نرمان : اي يكول حتة هية تنورها

نجاة : ادب سز صايرة خوش اجذبين

ايثار : وانتي شبيج من شفتج اخر مرة شحلاتج شو ضعفانة

نجاة : مسوية رجيم

نرمان : بست خد نجاة .. بهل اثناء طب نزار

نزار : طلعو العمال اذا تريدون صعدو فوك

اصيلة : شيلن غراض البنية خل نصعد فوك

نرمان : طلعنة كلنة وراهم شالو بيدهم جنطة جبيرة وجنطة صغيرة .. صعدنة فوك طبينة للبيت

شروق : الله صلي على محمد وال محمد شلون بيت

نرمان : بين على وجوهم ملامح التعجب .. طبينة الغرغة فاروق جانت كلش حلوة بس سودة حتة البردات معلكهن سود

شروق : اسم الله هاي غرفت عرس

اصيلة : اي حبيبة بيوم العرس نحطلهم فرشة بيضة ورد احمر يكسر الون .. صخم الله وجهك فاروق

ايثار : كلش حلوة عجبتني

نرمان : فتحت الكنتور ايثار .. فطست من الضحك

ايثار : هاي شنو

نرمان : مسفط لبسانة بخانة وفانيلاتة بخانة وقمصانة بخانة ومسوس خل خانة لشي من ملابسة ومبقيلها المجرات فارغة

نجاة : ميعرف يصفط صفطي غراضج انتي وحطي ملابسة شلون ما جان

نرمان : فتحو الجنط وبدت تصفط بهدومها

اصيلة : نزلن حضرن الغدة

نرمان : نزلنة اني ونجاة طبينة للمطبخ بدينة نصب .. طب فاروق للمطبخ

فاروق : اجت ثور البين

نرمان : وشمرت هدومك وخلت هدومها هههههههه

فاروق : عود من توديلهم الغدة صيحلياها اريد افرفح كلبها

نجاة : لا خطية

نرمان : اجاهلها وطلع .. رجعت اصب وياها بالاكل

نجاة : عادي ماضجت حقة

نرمان : خلصنة الاكل وصعدنا فوك .. كعدنة ناكل سوة

نجاة : ايثار .. فاروق رادج

شروق : يا معزاية شيريد منها خل يعرسون بالاول

ايثار : يمة كالت رادني يعني يحجي وياي مايغتصبني

نرمان : عافت الاكل ونزلت جوة

ايثار : نزلت جوة ادور على باب المطبخ شفتة مفتوح لمحتة ياكل موز طببت وحطيت حجابي على جتفي .. كالو زوجج يريدج

فاروق : طلعتي قوية وينخاف منج

ايثار : ليش شمسوية

فاروق : اي عفية احب العرمة .. سمعت مشمرة هدومي بالكاع

ايثار : ايع اكو واحد يلبس الباس ابيض رايح للمدرسة

فاروق : حضري نفسج الخميس اريد اراويج جوة الباس الابيض شكو

ايثار : هيو لا طب بالعميق انتة والباسك الابيض .. عفتة جاي اطلع عثرت بالسيرامية مال حافة وكعت على وجهي

فاروق : غير اجيبين حجلة بالجهاز

ايثار : مضحك تعال ساعدني

فاروق : دي*** راحن

ايثار : نترت ايدة شكد متستحي ابو وجه الاجلح

فاروق : كومي لج وجهج تكول صمون ابو السمسم

ايثار : هنة جم حباية طالعات من القهر

فاروق : يا قهر .. ها خاف لأن ما جبتلكم المهر من وكت ابوج انجلط على فلوس السلابات مالتج

ايثار : نفضت ملابسي وصعدت فوك عيوني وجرت .. كلة منوراهم جايبلي الحجي ..

شروق : ها يمة شفتي زلمتج

ايثار : اي .. اريد ارجع للبيت

نجاة : شبيها هاي

نرمان : والله ما ادري .. صار وجها شوية وتبجي شمرت هدومها شلون ماجان عالساس جاي اسفط اخذت امها وطلعت

اصيلة : صلفة

نرمان : عمة لاتخافين تعاشرج اسبوع يكتلها القهر

اصيلة : يرادلج دكة بالنعال

نرمان : هههههههه دواج بس نزار .. نزلت جوة ويا نجاة لليل اجتني رسالة

حكيم : بدلي وتعالي

نرمان : انصدمت دزيتلة .. انتو وين اجيت للبصرة

حكيم : اي .. لبسي شي حلو وتعالي

نرمان : كمزت من الفرحة .. لبست فستان وحذاء وطلعت برة شفتة ينتضرني بالسيارة

حكيم : اشتاقيتلج جمرة افادي

نرمان : حضنتة وبست ركبتة باوعلي وعيونة نحلانة

حكيم : بوية احبج نمنمة كلبي

نرمان : خجلت وضليت ساكتة ساق السيارة طبينة الشارع كلة بدلات مال اعراس صف السيارة

حكيم : نزلي

نرمان : نزلت مستغربة .. هاي المن

حكيم : الج اريد اخذلج ثوب العرس فاروق

نرمان : ابتسمت ولزمت ايدة .. طبينة لاول محل بي بدلات كلش حلوة

حكيم : شوفي هاذة الوردي مو حلو

نرمان : لا ماحب هيج من فوك

حكيم : بالعكس تصميمة حلو من فوك

نرمان : السفنج البي اكبر من حجم جسمي بس استحيت اكول .. لا شوف هاذة النيلي حلو ؟

حكيم : لا مفتوح كلش .. البسي شي مستور ويا حجاب

نرمان : العرس سكتة بسكتة مو ؟

حكيم : اي

نرمان : لعد المن جايبني هنا

حكيم : چا شمعرفني .. امشي نفتر ونشوف

نرمان : طلعنة نفتر بالسوك مرينة من محل يبيع فساتين محجبات عجبني فستان لابستة العارضة .. طبينة اشترينا وطلعنة

مثل /

نرمان : سحبني المحل يبيع ملابس داخلية .. سلم وكف يأشرلي على سيت مال نوم ردت الطم على وجهي

حكيم : نزلي هاذة بلا زحمة عليج

نرمان : صار وجهي دم ضليت متصنمة اشتراه وطلع مبتسم

حكيم : هاذة بنفسي من جنت صغير

نرمان : لا على بختك .. هاذة منو يلبسة

حكيم : انتي

نرمان : اني

يتبع ....

نهاية البارت : 5000 كلمة ونزلت من وكت ♥️ والبارت الجاي اجواء خاصة 😂💔

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يحسدوني عليك المادرو بيه

جرف حاضن لجاري واماحضه بميه

يرد جغ ايدي خالي وضلعي كصه الروج

والناعور يغرف بيك ليليه

احرس للصبح عن لا تبوكك عين

وتفك الباب بيدك للحرامية

مو كلمن حلو من تعاشره يوافيك

يمكن مو حلو وما مقتنع بيه

مرات العسل للناس سم يصير

والحنظل دوه والنار حنيه

شوف انته بجمالك ياهو ليجاريك

وشوف شلون كلبك كلب زهديه

ضعيف آنه اعترف وضلوعي محسوبات

بس واضح وياك وصافيه النيه

تابعوني انستا duu_199

ملاحضة : البارت جريئ الي ميحب يقرة يعبر ..

_________________________________________

نرمان : لا على بختك .. هاذة منو يلبسة

حكيم : انتي

نرمان : اني

حكيم : چا منو

نرمان : تمشينة وصلنة للسيارة صعدت بيها صعد بصفي يباوعلي بنضرات جريئة

حكيم : انتي بس تخيلي

نرمان : تقرب علية وكرصني من صفحتي نزيت .. حباب اخاف رجعني للبيت

حكيم : تخافين .. هههههههههههه

نرمان : ضل يضحك واني ابلعم من الخوف رجعني للبيت طبينة للكراج ..

حكيم : بدلي وتعالي فوك نامي

نرمان : لا ما اكدر نعسانة واحتمال اطب الغرفتي انام على وجهي

حكيم : ميخالف بدلي وتعالي بخرفتي نامي چفي

نرمان : ما اكدر .. فتحت باب السيارة وطلعت اركض للبيت طبيت من باب المطبخ مديت راسي اباوعلة واكف يباوعلي

حكيم : انعل ابو شكلج هاااا

نرمان : يمة شافني .. طبيت الغرفتي نسيت الفستان عندة عفتة باجر اخذة .. بدلت ملابسي وتمددت فتحت مبايلي لكيتة دازلي صورة السيت المشتري وكاتب جواها ..

حكيم : وين تروحين يعني تلبسي تلبسي

نرمان : طفيت مبايلي وحطيت ايدي على وجهي .. اني لا يمة عزة حتة الملابس الجابتهن ايثار استر

صباحا ..

حكيم : صباح الخير

فاروق : صباح النور

حكيم : ما مداوم اليوم !

فاروق : اخذت اجازة انطوني 15 يوم منا الورا عرسي

حكيم : نزار وين

فاروق : طلع من الصبح مقدم على شغل

حكيم : ما كلي .. فتحت مبايلي اتصلت علية .. يرن

نزار : الووو

حكيم : ها خنيساوي

نزار : كلك فاروق .. قدمت بالانترنيت دام عطلة وكاعد

حكيم : وين .. قبلوك لا

نزار : محاسب بالمستشفى .. قبلوني

حكيم : شلون قبلوك

نزار : كلتلهم يتيم واصرف على اخوتي منا لما اتخرج

حكيم : طيح الله حضك

نزار : شسوي العيشة تطلب

حكيم : هههههههههه ما شافو التشارجر

نزار : لا حطيتها بالكراج وطبيت

حكيم : ضل عايش بللكلاوات

نزار : انتة معلم واحنة منك نتعلم

حكيم : سديتة والتفتت على فاروق .. انتبهت علية يحجي ويا وحدة

فاروق : ها شو تباوع !!

حكيم : ويامن تحجي

فاروق : امي

حكيم : احجي عدل

فاروق : رباب

حكيم : لك عار انتة مو راح تزوج

فاروق : وشنو اليمنع

حكيم : انتة شوكت تكبر

فاروق : اهوووو راح نبدي .. عود من ازوج ابطل

حكيم : احنة جاي نلعب شو انتة تمضرط

فاروق : لا تجاوز عود قبل عرسي اكسر سيم كرتي واشتري جديد وعفا الله عما سلف

حكيم : يطبك مرض بس اذا اجت البنية فديوم تشكي منك ميصيرلك خير وكول ما كال

فاروق : حتة اشك حلكها

حكيم : فاهم السباعية من ط***ها

نرمان : صباح الخير

حكيم : صباح النور ابوية

نرمان : تريدون ريوك

حكيم : اي حبيبي الي يعجبج سوي

فاروق : ميستقر روميو

حكيم : كوم بدل وروح اتفق ويا كصاب ناخذ منة لحم للعشة مال عرسك وهم طيبلك طلي ذيحة جوة رجل مرتك

فاروق : شنوووو العشة مو على اهل العروس

حكيم : سوالف الفكور بطلها

فاروق : اني معلية الي يعجبك سوي

حكيم : تتريك وتطلع واذا مارحت .. العرس بمبايل واحد الغي كلشي

نرمان : عفتهم وطبيت للمطبخ احضر بالريوك لان من يوم سالفة نجاة بعد متصعد ابد .. حضرت الاكل وديتة بالهول ..

"مرت الايام واجة يوم عرس فاروق .. كعدنة من الصبح نرتب بالبيت ونحضر "

حكيم : ما اريد هوسة وطريكة ولا تعزم احد غير ولد العم

نزار : بس خالد صديقي

حكيم : لا خليها سكتة بسكتة اذا عزمت واحد مايعتب الثاني عيب لاسوي هيج لو تعزم لو لاتعزم

نزار : چا ما اعزم

نرمان : واكفين اني وروان نعلك بردات الصالة .. نزلت انفض بملابسي شفت حكيم اشرلي اروحلة ..

حكيم : اخذي هاذة ودي النجاة بس لاتكولين مني كولي اشتريتلج وما عجبج وراح تنطيهيا

نرمان : ابتسمت على كلامة ميلت راسي وكلت .. فدوة القلبك عموشتي شكد حنين

حكيم : ولي .. منا العالم

نرمان : اخذتة منة ورحت لكيتها بالمطبخ وسا اسراء .. نجوتة

نجاة : ها

نرمان : هاج هاذة لبسي جابة حكيم وماعجبني .. اخذتة مني تشوفة صفنت بي وباوعتلي

نجاة : ليش اجذبين .. هاذة منة ؟

نرمان : هزيت راسي .. اي

نجاة : ما البسة ما اريد اصلا ما اطلع اليوم راسي يوجعني ومالي خلك

نرمان : صدك تحجين ؟

نجاة : والله .. اصلا عيب اذا اطلع واراويهم وجهي بعد السويتة

نرمان : لاتكولين هيج شي صار وراح كافي

نجاة : الله كريم

نرمان : اندارت تكمل شغلها رجعت اني هم اشتغل ما لحيت عليها

حكيم : فاروق وين جاي ادك علية ميجاوب

نزار : راح للحلاق

حكيم : متفقين اروح سوة

نزار : ولا يهمك ضلعي اروح اني وياك

حكيم : جبت الطلي ؟

نزار : اي جبتة خليتة يم ام حسيبة خل اروح اشوفة خاف اجوع وتاكلة هية ورجلها

حكيم : ** عرضك

نرمان : للعصر نشتغل وحكيم جاب عشة من برة انخبص البيت واجو نسمة ورحاب وجهالهم .. سبحت وبدلت لبست فستاني الجديد وشال وحذاء وحطيت مكياج خفيف .. رحت جبتلهم مي وطبيت اقدمة

نسمة : لعد نجاة وين خل نشوفها

اصيلة : يا بعد السوتة الها عين تطلع خاتلة مثل النمل

نرمان : لا جاي تسبح وتبدل هسة تجي

رحاب : صلفة بت نرجس مثل امها

نرمان : انطيتهم المي وطلعت دكيت الباب عليها ومديت راسي .. اجاي اسوين

نجاة : اريد انام بلكت تفض الهوسة بين ما اكعد

نرمان : لج لاسوين هيج واشمتين العالم بيج بالعكس كومي سبحي وبدلي لاتخليهم يحجون عليج

نجاة : ضلت عليهم خل يشمتون

نرمان : شفتها رافضة طلعت وسديت الباب حسيت احسن الها اذا ماطلعت لان كلها حادة سنونها على نجاة .. طبيت للهول شفت نزار مبدل ومزين شعرة ولحيتة طالع حلو

نسمة : شو تعال اطكلك صورة اشوفك الحماتي حتة اخطبلك وحدة من بناتها

نزار : ميحتاج اطكين صورة بس كليلها يشبة الامام القاسم راح اجيب بناتها وتجي تركض

اصيلة : استغفرلله وينك وين القاسم جنك قوري مصخم

نزار : مكهووورين

اصيلة : على طاري القاسم عندي نذر من جنت شابة وناسية اسوي ..

نزار : ميحتاج حتة القاسم نسى

نرمان : واكفة اباوعلة واضحك .. انتبهلي وكال ..

نزار : ابوعلي لاتفرحين رجلج رقمتة وحدة بالازدحامات

نرمان : نسيت العالم الكاعدة وتخوصرت وصحت .. شنوووو شنوووو رقمتة

نزار : بالعباس كتبتلهيا بعلج سهم وشمرتة علية من الجامة

نرمان : وهوة اسوووة اخذة موو

نزار : اي اخذة ودك عليها وكاعدين يم الحلاق وبس يخابر اسمعة يكللها .. عدنة بنية زعطوطة كرايبنة بالبيت اذا كلتلها ادني ليةراج كامت تبجي ويضحون

نرمان : وجهي صار نار كمت من مكاني ارعد .. صعدتلة فوك شفت ماكو احد بالصالة رحت الغرفتة فتحت الباب وطبيت .. انصدمت شفتة لابس قميص والباس سويت نفسي ماهمني وكفت كبالة ومديت ايدي ..

حكيم : الله ينطيج

نرمان : وين رقم البنية

حكيم : يا بنية ؟

نرمان : البنية الرقمتك بالازدحام وخابرتها تحجيلها عني وتضحك علية

حكيم : منو ضاحك عليج

نرمان : نزار .. ماضحك علية حجة الحقيقة

حكيم : راح اردلجيا وكتبي

نرمان : فتحت مبايلي انتضرة يرد ..

حكيم : صفر سبعة

نرمان : اي

حكيم : مكعب حزن وجروح

نرمان : المكعب ياهوة الشباك ؟

حكيم : لا باب المطبخ

نرمان : دبجت رجلي بالكاع وصحت .. تضحك علييييية .. باوعلي يضحك شالني من الكاع وشمرني على الجرباية حط رجل منا ورجل منا فوكاية صرت جوا حسيت الساني نبلع

حكيم : اني اخاف بس من الله ومنج

نرمان : هزيت راسي بخوف .. وخر

حكيم : چا اذا زعلتي ياهو يلبس المشبچ فاروق

نرمان : بعدك حاطة براسك رجاء انسى هاي الامور ولاتفكر بيها وابتعد عني عيب هاي السوالف عيب .. لزم شفتي باصابيعة يباوعلها

حكيم : ابوس

نرمان : اذا بست اندمك

حكيم : اموت عالندم

نرمان : تقرب مني باس شفتي بقوة حسيتة فقد كمت اضرب بي بأيدي اريدة يبتعد

حكيم : ااااااخ الله تكول شحم

نرمان : لزمت شفتي بألم وضربتة بجتفة .. بعد لاتعيددددها .. انكلب عني

حكيم : طيبة

نرمان : مو طيبة .. كمت من الجرباية اباوع بالمراية طرف شفتي ازرك التفتت علية .. هسة شلون اطلع كدام العالم ؟

حكيم : حطيلها هاذة الجنة حمص بطحينة يروح

نرمان : ههههههههه فاونديشن

حكيم : جيبيلي فنديشن وحمرة وتعالي

نرمان : فتحت جنطتي ادور لكيت بودرة مضغوطة وحمرة وردية طلعتهن وكفت على المراية

حكيم : اجاي اسوين بابا جيبيهن وتعالي

نرمان : سحبني من ايدي كعدني على الجرباية وصار كبالي اخذهن مني وفتحهن

حكيم : اني اسويلجيا

نرمان : اوووي الماكير حكيم بني اسد

حكيم : فتحي حلكج وسكتي

نرمان : فتح البودرة وضل يمسح بيها بالسفنجة علما طلع لون الحديد الجواها كلها خلصت فتحت حلكي وصار يحط ويمسح يحط ويمسح

حكيم : هاي مو خوش بوطرة

نرمان : هههههههه بوطرة

حكيم : ضلي فاكة حلكج لاسدي

نرمان : ضليت فاتحة حلكي ولازمتني الضحكة .. شوية واجة بيدة كلينسة بللها بالسانة ومسح وجهي .. اجاااي اسووي وخرررر

حكيم : امسح وجهج

نرمان : طفرت منة اباوع بالمراية على وجهي مطع ابيض واحمر .. شهكت وطلعت من الغرفة للحمام اغسل

حكيم : ولج حلو بس يرادلة تخفيف من اليسرى

نرمان : غسلت وجهي بالصابون وسديت باب الحمام حطيت مكياج من جديد وطلعت لكيتة مكمل لبس وجاي يرش عطر اسد

حكيم : شلون طالع

نرمان : مذوب قلوب العذاري

حكيم : هاي من يامسلسل جايبتها الحجاية ؟

نرمان : ههههه الصراحة فلم مصري

حكيم : هنا الحجي .. انصحج بمشاهدة فلم ركلام حتة اطلعين من الطريق للاخير

نرمان : اليوم اسهر علية

حكيم : شنوووو

نرمان : استغفرلله مادور هيج سوالف

حكيم : عبالي ادب سز

نرمان : ادب يك .. من مسلسل قصر عابدين ههههههه

حكيم : ولا تكعد يسرا

نرمان : تقربت علية لزمت ايدة وطلعنة من الغرفة نزلنة جوة سلم على خواتة وبوسهم ..

نسمة : ان شاءلله يوم النفرح بيك انتة ونرمان

حكيم : بوجودج

نرمان : دغني وتقرب علية

حكيم : نجاة وين

نرمان : نامت متقبل تطلع .. هز راسة وضل ساكت .. شوية وصارت هوسة سيارات بالباب وكفنة نباوع من الجام مال صالة .. راح فتح الباب نزار وطبب كومة ولد وضلو يدبجون بالحديقة باوعلهم حكيم وضل فاتح حلكة

حكيم : منو ذولة

اصيلة : خاف اهل العروس مامصدكين اجو يجيبوها

نرمان : فتح مبايلة ودك على نزار ..

حكيم : منو ذولة .. تعال تعال

نرمان : شوية وعافهم وطب

نزار : شبيكم

حكيم : منو ذولة شنو هاي الهوسة اني مو كلت متعزم احد كلت لو ما كلت

نزار : ماعزمت احد بس خالد ومنذر واحمد وحسام وامير وقيس بس المقربين

حكيم : انتة راح تخبلني ..

نزار : عمي اذا على التدبج بعد مندبج

حكيم : ولك عيب كدام العالم راح يجون ولد عمك اني من معارفي كلها ما عزمت غير مؤيد

نزار : كيمو لاضوج الي انكسر يصلح

رحاب : عوفهم شتريد منهم خل يهامصون

نزار : رحم الله والديج

نرمان : باس حكيم وطلع .. 10 دقايق وطب نجم مبدل لابس بنطرون مشكك فيكة .. وتشيرت اصفر وبي كتابة حمرة ومسوي شعرة سبايكي وكرشة شكبرة طب كعدة وخواتة التمن علية

نسمة : يابعد حيلي شطالع ولج روان متخافين علية من العين

رحاب : اي والله يراد اسويلة ورقة وازرف عيون العالم كلها واطكطلك حرمل

نجم : راح البس شفقة محد يشوفني

حكيم : انتة شلابس

نجم : كاجول

حكيم : تشاقة مو بعدك ما مبدل

نجم : لا والله هاذة الوك النهائي

حكيم : ميخالف اطلع هيج بس اذا سألوك لاتكول انتة تقربلنة

نجم : ميت على كرابتكم

نرمان : هز راسة حكيم يضحك علية .. مرت ساعة وفاروق ما اجة

حكيم : وين صار هاذة

نسمة : خاف بطل

حكيم : مو لعبة هية

نرمان : شوية ومنشوف غير طبو ولد للحديقة وياهم فاروق شايلي ويركصون الي عرفتة ذولة ولد عمة طلع حكيم وراهم اسمعة يرزل بيهم

حكيم : صدك تحجون وين جنتو

فاروق : اودع العزوبية

فراس : بين ما بدلنة واجينة

نرمان : اسالم وياهم وصارت الحديقة متنشاف من الزلم سدو البردة وتحضرنة حتة نروح نجيب العروس

نزار : كمال يكول خواتي وياي وروان واسراء ويا نجم ونرمان ويا حكيم .. ها نونو حكيم يكول خل توكف يم باب المطبخ اني اجي عليها

نجم : اخذهم وياك اني اريد افتر بطرك روحي

نزار : شنو ما سمعت عيد

نرمان : عافة وطبع قبل لا يعيد كلامة .. رحت رتبت نفسي على المراية واخذت جنطتي وضليت واكفة يم باب المطبخ .. طلعو كلهم حتة السيارات ضجت للحضة حسيت راح يعوفوني ويروحون فجأة حسيت بأحد ضربني منورا نزيت وانداريت ..

حكيم : اتأخرت عليج

نرمان : شلون هيج اسوي مو عيب

حكيم : بوووية صوتة رنان

نرمان : امشي راحو العالم ومرة ثانية ممنوع تمد ايدك علية .. بس حجيت حصرني بين الحايط والباب وصار ميفصلنة شي

حكيم : كلبي طك امشي خل نعرس كبلهم

نرمان : اءء حكيم وخر

حكيم : بالعباس العب بيج جولة

نرمان : و وخر

حكيم : صارن جولات

نرمان : صحت واشرت ورا .. هااااي شنو .. اندار عني

حكيم : شكو

نرمان : فلتت منة وطلعت من المطبخ

حكيم : امشي بربوك اتأخرنة

نرمان : طلع وطلعت ورا

حكيم : من اطلعين برة دنكي وصعدي بالسيارة

نرمان : فتح باب الشارع سويت مثل ما راد ودنكت .. صعدنة بالسيارة جانت كلها واكفة حتة سيارة الزفة .. بس حرك سيارتة حكيم طلعت كلها ورانة

حكيم : يوم الالي واذبح طلي .. بس كون يحن كلبها

نرمان : احم .. انداريت من جهتي اباوع على نزار يسوق شوية ويهز شوية ماكو زفة وطبل بس نزار الوحيد مشغل اغاني ويركص .. اخر شي صارت سيارة الزفة تروح يمنى ويسرى

حكيم : هاذة المطي سكران

نرمان : صار عصبي .. خابر على ابن عمة طلب منة ينزل فاروق ويسوق بمكانة .. صدك شوية وكفت السيارات ونزل واحد منهم وكام يسوق

حكيم : لا تنزلين انتي من نوصل نجيبها ونجي

نرمان : ماشي .. وصلنة البيت العروس جانت منطقة زراعية تعبانة نزلو الولد بالباب يصلون على النبي .. طبو فاروق وحكيم وكمال جابو وعمتي وبناتها .. جابو العروس ملفلفة صعدوها بالسيارة وطلعنة ..

حكيم : البنية تبجي وفاروق مكشول

نرمان : ههههههه ليش

حكيم : الله يستر من هاي الليلة

نرمان : اخذوهم للمصور يطكون صور ..هم ضلينة ننتضر ..

ايثار : طبينة للمصور وفاروق ما ادري شبي يترنح يمنى ويسرى ويهذري .. وكفنة على الستيج ناخذ صور

المصورة : الزم حصرها وميل راسك على ركبتها

ايثار : ماحس غير طبك جسمة علية وشبكني وحط راسة بوجهي شوية ويفوت بحلكي

فاروق : هيج

ايثار : صدك تحجي اوكف عدل

فاروق : وانتي ليش اصيحين

ايثار : اللهم طولج ياروح .. تقربت المصورة ميلت راسة عدل وكفتة عدل وبدت تاخذ صور ما خلصنة اله بطلوع الروح

فاروق : خلصن الوضعيات شغليتي للغرفة

المصورة : هاي هية كملت اسبوعين وتعالو استلمو الصور .. وادفع 200 دولار للكاشير

فاروق : ليش يابة ترة هاي ايثار مو انجلينا جولي خاف مخربطة

المصورة : بدون وقاحة ميعجبك تفضل

حكيم : لا خوية تفضلي

ايثار : اخو كام يخوزر بي دفع الفلوس وطلعنة والطريق كلة يباوع من الجامة .. اكلك انتة اول مرة اشوف الشارع

فاروق : چا شسوي ميعجبج وين اباوع بعد

ايثار : باوع علية .. اندار يباوعلي مبتسم

فاروق : هيج عاجبج

ايثار : انتبهت على الولد اليسوق يضحك متت من الخجل خطيت وجهي بالبركع زين وكعدت .. وصلنة للبيت وكلبي صار طبل

ايهاب : ليش ما حجزت فندق هية ليلة بالعمر

فاروق : ميحتاج

ايثار : نزل من السيارة والعالم كلها التمت علية تباركلة .. مرت نص ساعة يلة شوية فضت ونزلوني .. صعدوني فوك وبدلتي كوة طبت من الغرفة

شروق : صيري سباعية لاصيرين فاهية ترة الزلمة ميحب الثولة لاثوليها كلش

ايثار : جنت سبعة شو صرت ثمانية

شروق : شكد تافهة دخيلج .. اني راح انزل والبياض مالتج رواي المرت ابو لان امة شو ماكو

ايثار : ميخالف .. طلعت امي وضليت وحدي اول مرة احس روحي هلكد خايفة حتة نفسي ضاق .. دقايق وسمعت خطواتة يم الغرفة وسمعتهم يتهامسون هوة واخو ..

حكيم : لا اصير همجي اول مطب بوسها احجيلك كلمة حلوة حتة متخاف منك وتنفر

فاروق : اي حاضر وهسة اطب ؟

حكيم : اوكف اكلك علج عيب من البنية ريحة المشروب لابو موزة

فاروق : وبعد

حكيم : وخلي ابالك وجعلنا بينكم مودة ورحمة رفقا بيها

فاروق : كملت اطب ؟

حكيم : طب وبياضها لاتراوي لاكائن من يكون لا اصيلة ولا غيرها

فاروق : لا يابة اني اتخبل من هاي الأمور

ايثار : ثواني ودخل .. سد الباب واجة يمي يتحمحم

فاروق : مبارك عرسج يالهيبة

ايثار : الله يبارك بيك شلت البركع من وجهي اباوعلة .. هوة صح حلو بس شلفايدة اخلاقة زفت

فاروق : اطكين بالكاع بس لو تعدلين اخلاقج

ايثار : شبيهن اخلاقي

فاروق : كافي مجاملة كومي نزعي

ايثار : احيييي دة عند امك

فاروق : بدينة الرعووونية ..

ايثار : سحبني من ايدي ونيمني على صدرة يمسد على شعري

فاروق : ما اعرف اجامل .. عليج الكاظم كومي بدلي

ايثار : شلت راسي من صدرة .. وين ابدل

فاروق : البيت فارغ طلعي برة للحمام او طبي الغرفة حكيم الي يعجبج

ايثار : فتحت الكنتور طلعت ثوب ابيض ستن اخذتة وطلعت برة نزعت بدلتي بعد صراع ولبست الثوب عفت البدلو مشمورة والسقات مال السيت نوم بغرفة اخو وطلعت طببت الغرفتنة مايعة من الخجل .. لكيتة نازع وكاعد ينتضرني بالداخليات

فاروق : ابوي ابوي

ايثار : اخجججججل .. رحت يمة على السرير باوعلي بنضرة حلوة بعيونة لزم ايدي وسحبني للسرير .. باس كتفي وطفة التيبلام

فاروق : بطلي اخلاقج السز حتة احبج

ايثار : شنو الفايدة اني ما اطيقك

فاروق : كاسر عينج بابا

ايثار : صرنة جوة الحاف تجرأت لمساتة حسيت نفسي همت ويا بغير عالم عاملني بلطف وحنية بس جان الخجل والخوف مسيطر علية .. جرد ملابسي على كيفة

فاروق : رخي نفسج حتة ما أذيج

ايثار : صرت اتوجع واني من النوع ما اتحمل ألم بعدتة عني وغطيت نفسي بالحاف

فاروق : شجاج انجلبتي فجأة

ايثار : اخاف

فاروق : تخااافين !! والسانج الطولة متر ما يخاف

ايثار : هاي معليها بهاي والله اخاف وجاي اتأذة

فاروق : تعالي ما أذيج

ايثار : نفرت منة وكمت من الجرباية واكفة وخالة ايدي ورا ضهري

فاروق : لا اصيرين جاهلة

ايثار : اني جاهلة عوفني .. اجة باتجاهي لزم يدي يحاول يهديني

فاروق : انتي مقلصة نفسج .. احاول هل مرة اذا ما قبلتي اوخر

ايثار : بدة يقنعني رجعت للسرير .. رجع يبوس ويهدي بية بس بالي مو يمة لان خايفة .. اول ما حاول هم دفعتة

فاروق : لا ازوديها اصغر منج و

ايثار : و شنو ؟

فاروق : ومزوجات ومخلفات

ايثار : روحي شاطت .. عفتة وطلعت من الغرفة طبيت الغرفة اخو وسديت الباب .. سمعتة يدك بالباب

فاروق : لج طلعي .. مو اخابر اهلج

ايثار : خابرهم اريد ارجع

فاروق : هلووو انووب

ايثار : ضل يدك بالباب قريب النص ساعة

فاروق : انتي مو ادمية اني اعلمج مو مال عيني واغاتي

ايثار : طك راسك بالحايط

فاروق : لا اطكج من

ايثار : كملها

فاروق : انطيني مجال .. يعني ماطلعين .. اطلعين وين تروحين ..

نرمان : طبيت الغرفتي بدلت ملابسي جان بداية صيف لبست تراك برتقالي وفليت شعري كعدت كبال المراية احط حمرة وردية وادندن .. بالهوى طاير بالهوى طاير شعرك سواد الليل بالهوى طاير .. شوية وحسيت الباب انفتحت

حكيم : وخلاني حاير حسنك ياروح الروح خلاني حاير

نرمان : يمة خرعتني

حكيم : تستقبلين ضيوف

نرمان : باوعتلة واكف وبيدة مخدة .. تنام هنا

حكيم : چا وين

نرمان : اءء هلا بيك .. كمت من الكرسي جريت دوشك من النضدة الي فوك كنتوري فرشتة بالكاع

حكيم : هاذة المن

نرمان : الك .. ميكفي تنام يمي .. جرني شمرني فوكاع على الجرباية نيمني وغطاني

حكيم : شايفة هاي الحصرة

نرمان : تكتل

حكيم : احلى حصرة الانسان ينحصرها

نرمان : موضوع كله حصرات .. كفخني وضحك طبكني على جسمة صرت اطخ بي .. احم شوية ادنة

حكيم : هيج

نرمان : جرني اكثر علية صرت لازكة بي كلش حسيت بشي غلط .. اريد انام بالكاع

حكيم : تؤ تؤ

نرمان : حباب .. غض ضهري بسنونة .. اوووي

حكيم : منية جانت تصيح ااااه

نرمان : منو !

حكيم : امي

نرمان : اذكرت سوالف نزار من يتحارش بحكيم كلت .. امك صايرة سوالفها مو حلوة ابد

حكيم : هههههههه نمنمة البربوك

نرمان : نزار وين

حكيم : نام بالهول ..

نرمان : صار صوتة هادء كال ..

حكيم : خابرت امي

نرمان : التفتت علية ..شوكت

حكيم : البارحة .. حجيتلها فاروق راح يزوج

نرمان : عزمتها

حكيم : لا .. بس من باب حجاية التنكال .. لأن ضروفها متسمح تجي ابن رجلها خاطب وملتهية بتحضيرات عرسة

نرمان : حسيت نبرتة تغيرت وصارت مخنوكة ..

حكيم : نرمان احبج .. تدرين ليش

نرمان : ليش

حكيم : لأن ثنينة يتامة بس اهلنة عايشين انتي تحسين بشنو احس واني هم .. ما اكلج كدرت اعوضج عن اهلج بس نكدر نكول سديت فراغ بسيط وانتي هم هواي حليتي امور بحياتي وازمات رغم هدوئج وخجلج بس جانت نضراتج اطبطب علية

نرمان : لزمت وجها وعيوني غوشت .. واني هم احبك اني بدونك لا شيئ انتة امي وابوية

حكيم : اذا هيج كومي لبسي سيت النوم الجبتلجيا راوي لامج وابوج

نرمان : ضحكت وضربتة بجتفة ..

يتبع...

نهاية البارت : كلش قصير 3000 كلمة باجر اعوضكم بارت هم 3000 كلمة واني اسفة كلش لان مقصرة وياكم هوااااي

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تابعوني انستا duu_199

مالي أُكَتِّمُ حُبّاً قَد بَرى جَسَدي. وَتَدَّعي حُبَّ سَيفِ الدَولَةِ الأُمَمُ إِن كانَ يَجمَعُنا حُبٌّ لِغُرَّتِهِ فَلَيتَ أَنّا بِقَدرِ الحُبِّ نَقتَسِمُ قَد زُرتُهُ وَسُيوفُ الهِندِ مُغمَدَة وَقَد نَظَرتُ إِلَيهِ وَالسُيوفُ دَمُ فَكانَ أَحسَنَ خَلقِ اللَهِ كُلِّهِمِ وَكانَ أَحسَنَ مافي الأَحسَنِ الشِيَمُ

المتنبي ..

_________________________________________

حكيم : اذا هيج كومي لبسي سيت النوم الجبتلجيا راوي لامج وابوج

نرمان : ضحكت وضربتة بجتفة ..

حكيم : تعالي نمنمتي اطببج بكلبي وانيمج

نرمان : تقربت حضنتة بقوة ماحسيت على نفسي اله نايمة ..

حكيم : نونو بابا

نرمان : هاا

حكيم : كافي كومي

نرمان : فتحت عيني المغوشة باوعت على الساعة .. بعدها 7 الصبح شتريد مني

حكيم : مو كافي نوم

نرمان : مد ايدة يكرص بفخذي ويصعد بيها ما ادري شلون كمت فاتحة عيني ومصحصة اباوعلة

حكيم : لمساتي اقوة من الكهوة

نرمان : لا بس حسيت بالخطر

حكيم : دكومي جنج خطر

نرمان : تلمست شعري صدك اشبه خطر كمت ارتب بي منا ومنا

حكيم : سبحيني

نرمان : نعممممممم

حكيم : جذب عمي نامي

نرمان : راح قبلي للحمام دقايق وطلع ينشف بوجها

حكيم : الزيتوني حلو كثري منة

نرمان : كووووول والله

حكيم : هههههههههه اشاقة ماشفت الزيتوني بس الاحمر

نرمان : رحت ركض للحمام فتحت الباب وباوعت على التعلاكة فارغة .. اتنفست براحة وطلعت .. جذاب

حكيم : ادب سز منو جذاب مو هسة اطلعهن كلهن

نرمان : فتح المجر يريد يطلع ملابسي الداخلية رحت سديتة كبل .. حباب بس اغسل وجهي واطلع عوف الشقة

حكيم : يلة ماسوي شي روحي

نرمان : كول والله

حكيم : وروح قدوري

نرمان : باوعتلة صفح وطبيت للحمام غسلت وجهي وفرشت اسناني وطلعت بسرعة لكيتة على كعدتة ابتسمت بوجها

حكيم : بس هاذة عجبني

نرمان : طلع من ورا ضهرة حمالة مال صدر ضربت على صدري بخوف وركضت ورا صعد على الجرباية لازمها حطها على خشمة يشم بيها

حكيم : افييييش ريحتها

نرمان : دبجت رجلي بالكاع .. جيبها حكيم جيبها

حكيم : كولي حبيبي حكيم جيبها

نرمان : اااااخ كلبي راح يطك ..صحت بعصبية حبيبي حكيم جيبها

حكيم : كولي اترجاك حبيبي حكيم جيبها

نرمان : عفست وجهي .. اترجاك حبيبي حكيم جيبها

حكيم : لا ماعجبتني

نرمان : لا اسوي هيج لا اعيط والم العالم جيبها

حكيم : كولي .. جيبها حبيبي حتة اضمها والبسلكياها باجر

نرمان : خليها عندك ما اريدها

حكيم : هههههههههه بعد احسن انيمها يمي واحتمال البسها نفاخات مي والعب بيهن

نرمان : حباب جيبها مو اكوم ابجي

حكيم : ابجي

نرمان : برطمت وعصرت وجهي اريد دموعي تنزل ماكو .. اهئ اهئ

حكيم : عصري شوية بعد

نرمان : اريد احجي وسمعت الباب اندك

نزار : راح تكعد اصيلة اشركم عالحبل

نرمان : سمعت ! شكد عيب .. جر الحمالة وشمها حيل وعلكها بالبنكة ونزل من الجرباية شغل البنكة عالواحد

حكيم : حتة تهفيلج

نرمان : ضليت فاتحة حلكي .. انتة مو صوجك صعدت على الجرباية نزلتها وضميتها ورا ضهري

حكيم : نمنومة كلبي

نرمان : لا تحجي وياي بعد

حكيم : زعل وليدي .. ابوس شفتة الزركة

نرمان : غير منوراك

حكيم : انتي ادورين بوس اني ياهو مالتي

نرمان : ضيقت عيني ونزلت من الجرباية وكفت على لمراية لبست جبة بيها حزام قماش .. لبست شال بيجي وطلعنة

حكيم : صبحكم الله بالخير

نرمان : شفت نزار ونسمة امددة على القنفة بصفة تشرب جاي

نزار : بعد روحي الحكنة

حكيم : شكو

نزار : شوية بعد واربط نسمة بالشباج

نسمة : ادري ساعة 8 الصبح وين صار كل هاذة نوم

حكيم : وانتي شتريدين منهم عساهم ما كعدو شعليج

نزار : لازمها كراص الخ****

نرمان : حطيت ايدي على حلكي عزززة .. احم تريدون ريوك

نسمة : اني ما اريد بس جهالي من يكعدون ريكيهم

نزار : شوكت يجيج رجلج

نسمة : العصر

نزار : يا غبرة روحي من وكت يكلك ساعة 3 الضهر بالناصرية يوزعون دشاديش كودري

نسمة : كول والله

نزار : وداعت سيد حمدالله

نسمة : چا هسة اخابرة

نرمان : عفتهم وطلعت للمطبخ اسوي ريوك .. شوية شوية بدو يكعدون كلهم

نجاة : شلونج نونو

نرمان : التفتت عليها شفت وجها كلة مورم عيونها وخشمها .. شبي وجهج ؟؟

نجاة : مابية

نرمان : باجية

نجاة : البارحة ضجت وبجيت وين اروح

نرمان : انقهرت عليها لان صدك انحرمت من كلشي حتة مبايلها كسرو وحلف حكيم بعد مشوف المبايل

نجاة : لا تصفنين كلة من ايدي

نرمان : الله كريم حبيبتي

نجاة : ماكو اكرم من ربج

نرمان : كملت الريوك واجتي روان اساعدنة

روان : العرسان وين

نرمان : بعدهم ماكعدو

اصيلة : شنو اهلها ما جابولها ريوك ..

نرمان : لا

اصيلة : چا مو من الاصول اهل العروس يجيبون ريوك بتهم بالصباحية لو حتة هاي ميعرفوها

نرمان : ضليت ساكتة .. ودينة الاكل للهول والتمو الكل على السفرة ..

حكيم : كمال ونجم وين

روان : طلعو للشغل

اصيلة : ذولة شعدهم نايمين ليهسة شوكت يجيبها وينزل ما خاسو من النوم

نزار : باجي فدوة العينج شحارك حمامج

ايثار : فزيت على صوت الباب تندك .. منووو

فاروق : وقز القرط يلة لج كومي

ايثار : ولجلاجة .. كمت لافة نفسي بالغطة فتحت الباب باوعتلة بخزرة

فاروق : وعمة بهل عيون

ايثار : عبرتة وطبيت للغرفة طلعت تراك وطبيت للحمام سبحت وبدلت ..

فاروق : يلة طلعي الي يشوفج يكول جاي تغسل الجنابة

ايثار : جاي ابدددددل .. كملت وطلعت باوعت لتراكي عريض لبست ويا شال ورحت لملمت ملابسي من البيت ورتبت الفرشة بين ما كملت شفتة طلع لابس كلبية بيضة واكف يمشط شعرة

فاروق : خاف يسألوج البنات مرت ابوي ممنوع تفتحين حلكج ازوجنة وخلص واذا سألوج على بياض كليلهم يم فاروق

ايثار : اي

فاروق : يلة امشي واخلاقج عدليها لا اعدلها براشدي

ايثار : ضليت ساكتة مابية حيل اجاوبة .. نزلت جوة طبينة للهول شفناهم جاي يتريكون

فاروق : صباح الخير

حكيم : صباح النور .. مبررروك يابة

نزار : مبررروك وجهك مضوي اليوم ما ادري سابح .. لان ما متعودين عليك هيج

اصيلة : تعالو تفضلو ويانة

نرمان : كامو البنات سلمن على ايثار وباركولها .. فاروق اجة تربع وكعد ياكل وايثار ضلت واكفة بالباب خجلانة

حكيم : تعالي بوية كعدي لاتستحين البيت بيتج صار

ايثار : تسلم ..

نرمان : كعدت على القنفة خجلانة .. كمت بوستها وباركتلها

ايثار : حبيبتي الله يبارك بيج

حكيم : تعالي بوية كعدي بصف رجلج

نرمان : راحت ايثار كعدت بصف فاروق خزرت حكيم وكعدت على صفحة .. كملو اكل وشلنة السفرة

حكيم : نونو جيبلي بعد جاي

نرمان : اي .. رحت صبيتلة جديد وديتلهيا اكلب بعيوني

حكيم : عاشت ايدج

نرمان : تدلل .. رجعت للمطبخ اشتغل سوينة الغدة وغسلنة المواعين

ايثار : اساعدكم بشي

روان : لا حبيبتي انتي عروس شلون نخليج تشتغلين

نرمان : اذن الضهر صار البيت كلة جاهز ونضيف التمينة بالهول .. راح حكيم للحمام توضى ورجع فرش سجادتة وبدة يصلي ..

حكيم : كوم فاروق اول تالي اتأخر صلاتك

فاروق : اني !

حكيم : اي شبيك كوم اليوم عندك ختمة قرانك الاسبوعية

نرمان : كام يبلعم فاروق .. كام توضى وكف كبال القبلة ميعرف يصلي يسجد بالركعة اربع مرات

ايثار : انتة شنو صلي

فاروق : اءء الضهر

ايثار : ليش شنو ديانتك

نرمان : من كالت هيج كلها كامت تضحك لان صدك صلاتة غريبة عجيبة

فاروق : هاي الصلاة الصحيحة مو شله واعبر مالتكم

حكيم : استغفرلله لم سجادتك وكوم عبالي اصلي مثل الاوادم

نرمان : باوعت على ايثار مستغربة ضلت ساكتة لم سجادتة ورجع كعد يمها يلعب بالمبايل .. خلص صلاتة حكيم وطلع للممر اشرلي اروحلة

حكيم : شبيج ضايجة

نرمان : مابية .. لزم وجهي بثنين اديه وباس انفي

حكيم : كولي بابا

نرمان : ليش تكول الوحدة غيري بوية ؟؟؟

حكيم : هنا الحجي بوية

نرمان : اي والله

حكيم : چا واني جاي اكلج اجهزين روحج حتة نعرس

نرمان : ها

حكيم : وجعا .. اريدج تكملين كلشي هل شهر حتة الورا اسويلج احلى عرس

نرمان : ابتسمت .. يعني نسوي عرس !

حكيم : مو بس عرس اسويلج حنة وزفة وسبعة وعشرة

نرمان : واعزم امي !

حكيم : عزميها بوية الف عين لجل عين تكرم

نرمان : احبك حكيمي ..

حكيم : واني اتنفس هواج يبوية

نرمان : بس يرادلي هواي شغلات اشتري

حكيم : يومية اخلي نزار ياخذج للسوك واجيبين التريدي ومفتاح القاصة يمج .. لأن باجر ضروري اطلع البغداد واطول شوية

نرمان : تروح البغداد ؟ لا

حكيم : والله مو بيدي شغلي ورزقي هناك ما اكدر اخلي بيد العمال يلعبون بي

نرمان : تروح وترجع بالسلامة .. حكيم كلبي

حكيم : بوووية شحلو هل حجاية من حلكج

نرمان : اخذني على صفحة شبكني وباس ركبتي بخفة ابتعد عني ورجعت للهول مخنوكة لأن راح يعوفني ..

ثاني يوم ..

نزار : يلة راح يصير اليل ياسوك مفتح بعد

نرمان : ثواني بس اجيب فلوس .. صعدت فوك اهرول .. شفت ايثار طالعة من الحمام اتنشف بشعرها ابتسمتلها وعبرت للغرفة طلعت المفتاح وسحبت 200 الف من الفلوس على كد الي اصرفهن اليوم سديت القاصة وحطيت المفتاح بكوشة حكيم وطلعت

ايثار : وين راح تروحون

نرمان : اريد اجهز العرسي تجين ويانة

ايثار : عالخير حبيبتي لا روحي اخاف فاروق يجي

نرمان : نزلت جوة بيدي الفلوس دكلي هورن نزار .. صعدت بالسيارة ويا راحت ويانة روان ونجاة

نزار : اخر مرة اطلعج

نرمان : لا اصير عصبي نزوري

نجاة : خل نقسم الطلعات اليوم نشتري بس ملابس بيت الطلعة الوراها بس ملابس كشخة واخذية وجنط وراها بس مكياج .. وهل سوالف حتة ماصير هوسة

روان : اي احسن اني هيج سويت بعرسي

نزار : شايلة فلوس لو تريدين

نرمان : اوووي نزوري لا ماشايلة انطيني

نزار : انجبي لج صدكتي

روان : والله كيفت عبالي صدك راح تنطينة شي

نزار : بشرفج اذا انطي .. انطي الج ؟

روان : امداك

نزار : سليمة تكرفج

نرمان : اخذنة الطريق كلة نضحك حتة روان لأن كلها تعرف طبعة يشاقة

نزار : من تخلصن خابرني

نرمان : نزلنة من السيارة نفتر بالسوك وحدة اجر طول وحدة اجر عرض .. لاتخبصوني اني ماحب الوان صارخة وماحب دانتيل .. خلوني براحتي

نجاة : خل نشوف ام الذوق شتاخذ

نرمان : طبينة مجمع اغلبيت الملابس البي حلوة اخذت منة تراكات ثنين ودشداشة قصيرة ستن

نجاة : باعي هاذة الاحمر يموووت لج حكيم خرب على الاحمر

نرمان : اذكرت الفستان السألني علية بالفندق .. اذا هيج راح اجيب الجهاز كلة احمر

نجاة : لا ولج اصيرين جنج شمر

نرمان : اشاقة بس راح اخذة ..

روان : شوفي عدهم داخليات حلوة اخذي من النوعية الي تعجبج كم لون

نرمان : لا مو ذوقي ذني .. ضلينة نفتر بالسوك اخذت شغلات بس التعجبني مو هواي رجعنة تقريبا دنيا ليل .. طبينة للبيت

اصيلة : ها عيني جهزتن للمسعدة

نجاة : اي

نرمان : اخذت الغراض وطبيت الغرفتي مالي خلك الحجي .. فتحت الكيس وطلعت الثوب الاحمر من فوك بي تعلاكة ومن جوة عدل وبي فتحات من الفصحة .. لبستة وكفت كبال المراية فليت شعري وطكيت صورة ودزيتها الحكيم .. مرت ثواني شافها ورد

حكيم : چاحلمي يتحقق بالغربة .. بس لو الزمج اش*** ثنين

نرمان : حلو ؟

حكيم : يشك

نرمان : يلة كافي ارجع الشغلك ودزيتلة سمايل يباوع صفح

حكيم : *** بشغلي اذا ما الزمج بس خل ارجع

نرمان : باي عموشتي .. سديت المبايل وبدلت ..

نجاة : لج نرمان اريد دين حبابة

نرمان : شسوين بي

نجاة : اريد اخذ هدية الفاروق ومرتة وبعدين ارجعهن

نرمان : تدللين .. لملمت الهوسة وصعدت فوك اخذت المفتاح وفتحت القاصة سحبت من الفلوس .. صرت كل يوم اسحب واكتب بورقة شكد اخذت حتة ما اخربط ..

نجاة : راح اخذلها محبس ذهب وزنة خفيف على كد الفلوس

نرمان : براحتج .. كاعدين بالهول مسوين عصير رمان ونشرب فجأة طب فاروق ملابسة عبارة عن طين وشاية حذائة بأيدة وعيونة حمر

ايثار : هاااي شنووو

فاروق : مبلطين الشارع .. وكعت بالتبليط وطمست

نرمان : لزمت ضحكتي كدامة ..

ايثار : شهل لعبان نفس

فاروق : ما ادري هاج غسلي الحذاء وسويلي عشة جوعان

ايثار : اني ؟

فاروق : اي يلة مالي خلك

ايثار : والله ما مجبورةاسويلك

نرمان : شمرت حذائة وطلعت كالبة وجها

نجاة : هاي صدك تحجي

فاروق : امشي انتي سويلي زقوم خل اولي انام

نرمان : راحت نجاة سوتلة اكل ورجعت

فاروق : شوكت يرجع حكيم

نرمان : عكب باجر

فاروق : مشتاقلة

نرمان : مبين شكلة شارب .. استأذنت ورجعت الغرفتي نمت ..

صباحا

حكيم : نونو نمنمتي

نرمان : هااا .. فتحت عيوني شفتة وراية .. حضنت ركبتة وبستة .. شوكت اجيت

حكيم : اليوم

نرمان : رتب شعري بأيدة وباس وجهي من كل مكان

حكيم : حجزتلج بشيراتون

نرمان : وين

حكيم : فندق نسوي بي وكاحة

نرمان : لاتكول هيج عيب

حكيم : خلي العيب بالجيب

نرمان : ههههههههه تعال نكمل نومتنة

حكيم : كومي لج متوثة

نرمان : كرص خدي وكومني طببني للحمام وغسل وجهي وطلعني حطني بحضنة وفل شعري وكعد يمشط بي

حكيم : تريدين ذيل حصان لو ذيل الجلب

نرمان : ذيل البزون

حكيم : شيرازي لو مال شوارع

نرمان : مال شوارع

حكيم : ميحتاج انتي مسويتها

نرمان : باوعت على كفشتي صدك اني مسويتها .. اخذ مشط وكعد يمشط ويكطع بي

حكيم : اريد تيب

نرمان : قراصة ؟

حكيم : اي عفية

نرمان : انطيتهيا ورجعت لم شعري ولبسني طوك مثل الجهال

حكيم : بس مصاصة يرادلج

نرمان : اي والله هسة مال مصاصة بالبرتقال وبنصها حامض لمندوزي

حكيم : عندي وحدة انطيجياها ؟

نرمان : كول والله .. اي اريد

حكيم : نرمان متأكدة

نرمان : شتقصد ؟

حكيم : مصاصة

نرمان : كالها وضحك عرفتة يجذب علية ويقصد سوالف قليلة ادب كمت من حضنة مدلغمة

حكيم : خلصن فليساتي بعدهن

نرمان : فتحت الجرارة وطلعت ورقة مكتوب بيها كلشي اخذتة قراها وكفخني

حكيم : موعيب هاي السوالف اني كايلج هيج اسوين

نرمان : احسن حتة تكون على بينة

حكيم : بوية حالي ومالي وكلبي وغراضة فدة لتراب رجلج الجلح

نرمان : بستة بخدة .. حكيم كلبي انتة

حكيم : راح ابدل واجيج نتريك سوة

نرمان : واني احضر وانتضرك .. طلع .. بدلت وطلعت للمطبخ احضر بالاكل مرت نص ساعة واجة حضني منورة

حكيم : لج نونو انتي هالسة عشيرتي

نرمان : التفتت علية .. ليش

حكيم : ولج نقص فوك الفلوس مال الجهاز 10 اوراق ادري بيا صف انتي ومتعرفين تحسبين

نرمان : فتحت حلكي 10 اوراق ؟؟

حكيم : وعيونج .. فدوة الج

نرمان : بس كل الاخذتة ما تعدن 700 الف واذا اراويك الي اشتريتة انتة راح تحسبهن بعيونك

حكيم : والله ما ادري يجوز انتي مخربطة .. فدوة الج لا اديرين بال

نرمان : انقهرت لان 10 اوراق مو قليلة .. اذكرت ايثار شافتني بس ان بعض الضن اثم حرام علية اشك بيها

حكيم : لا تصفن وليدي جيبلنة اكل خل نثرد بالخمسة

نرمان : شلت الصينية ورحنة للهول ناكل ..

حكيم : وين يعجبج نسافر ورا العرس

نرمان : بكيفك

حكيم : راح اخيرج .. اروح التركية لو الماليزيا

نرمان : ماليزيا

حكيم : حرام كلشي متعرفين بيها كيفي عالصيت بربوك

نرمان : عالساس انتة فارهن شبر شبر

حكيم : السان دلالة ما اكدرلة

نرمان : مرت دقايق وسمعنة صوت صياح فاروق ومرتة تصرخ .. طفر حكيم وكمت ورا اركض ..

فاروق : انعل ابوج لابو الجابج علية .. بت الجلببببب

ايثار : اروحلك فدوة اسكت فاروق ابوس ايدك

يتبع ...

نهاية : البارت .. انزل بارت السبت ان شاءلله ساعة 9 باليل لان اكو هواي احداث اريد ارتبها واطلعلكم بارت تحفة وهاذة تكملة للبارت القديم واسفة على التأخير .. واشكر تفهمكم

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

لأن تضوي وترف.. إبلمسة أيدي اتذوب

تخجل من ضواك وتنطفي الشمعة

يالعينك سفينة تعاند الملاح

تشك روج البحر بس تغرك بدمعة

من كد ماترف ينشاف بيك الماي

وبجيدك نزل شلال مومجعه

ماجلجل علينه من الكصيبة يغار

ومسودن الليل وجيب الي يقنعه

عله خدك ضوه.. شمس الله بي تحتار

وتبجي ويه الاذان وتنحب وتنعه

يالهمسك غنه ويالصفنتك موال

وصفة لكل مريض يطيب الييسمعه

بالليل انته واحد بالنهار اثنين

لان ظلك مرايه وعينه اتبعه

ملاحظة : مؤيد اذا ترجعون للبارت الاول راح تعرفون جان يلعب ويا حكيم طوبة من جانو صغار

روحو انستا duu_199 نزلت صورة جديدة النزار🗿

_________________________________________

نرمان : مرت دقايق وسمعنة صوت صياح فاروق ومرتة تصرخ .. طفر حكيم وكمت ورا اركض ..

فاروق : انعل ابوج لابو الجابج علية .. بت الجلببببب

ايثار : اروحلك فدوة اسكت فاروق ابوس ايدك

نرمان : شبيهم .. وكفنة اباب غرفتهم دك الباب حكيم وطلب منها تلبس حجاب ..

حكيم : شكووووو شبييييييك

فاروق : انتة لاتدخل اخذ مرتك واطلع

حكيم : احجي عدل فاروق لا حلكك اشكة

ايثار : والله ماسويت شي والقران جاي يتهمني باطل

نرمان : كامت تبجي وطلعت من الغرفة طلع وراها فاروق يركض جرها من شالها

فاروق : اخر مرة اسألج منيلج هاي الفلوس ؟

ايثار : من امي الفضل مال عرسي ليش ماجاي اصدك والله

حكيم : يا فلوس !

فاروق : لكيت بكنتورها جوة هدومها ضامة 13 ورقة منين ذني وهية فكر لاطي

ايثار : لاتحجي علية هيج ليش فكر احترم نفسك

حكيم : كافي سكتو منا العالم .. بوية اني اعتذر منج بالنيابة عنة هاذة واحد همجي عذري

فاروق : هاي هسة حليتها ؟ .. حكيم لاتدخل بيني وبينها اريد افتهم منين جابت هاذة المبلغ لاتخلوني اطلع من ديني

ايثار : اني مستعدة اخابر امي واسمع الحجي بأذنك

فاروق : دكي

ايثار : بس اجيب المبايل من الغرفة

فاروق : لا اوووكفي .. روحي نرمان جيبي وتعالي

نرمان : طبيت الغرفتهم جبت المبايل انطيتهيا فتحتة وضل واكف فوك راسها دكت على امها

ايثار : بصوت يرجف .. الووو

شروق : شبيج يمة ليش هيج صوتج

ايثار : مابية .. يمة شكد جبتيلي فلوس فضل مال عرسي

شروق : ما اذكر ليش اسألين

ايثار : هيج اريد اعرف .. اذكري شكد جبتي

شروق : يمكن 13 ورقة من ابوج وعماتج وخالاتج صارن هلكد .. مو ايثار ؟

ايثار : اي يمة .. يلة بعدين اخابرج

نرمان : سدتة والتفتت تباوع الفاروق بحقد .. اشرلي حكيم انزل .. عفناهم ونزلنة بالدرج اني ويا ..

حكيم : هاذة الولد ابد ميعرف يصرف

نرمان : بس .. بس اني اذكر من اخذت من الفلوس مالتك وضميت المفتاح جانت هية واكفة وحتة ما راحت ويانة للسوك ضلت وحدها فوك

حكيم : اني هيج معلمج ؟

نرمان : على شنو

حكيم : ان بعض الضن اثم سالفة اشك واذكر هاي خل تفيدج من تلزمين شي عليها تعالي احجي .. وممنوع اتبينين الها انتي شاكة بيها

نرمان : يعني انتة هم شاك بيها

حكيم : تؤ تؤ .. خليها الوكتها

نرمان : طبينة جوة لكيت الكل كاعدين وماكلين الاكل المسويتة .. والصينية على حطتها بالكاع

اسراء : يااا هاي انتي مسوية الريوك وعايفتة

نرمان : اي

نزار : شوكت اجيت

حكيم : الفجر

نرمان : كام بوس حكيم ورجع تمدد على القنف

حكيم : شو مامداوم اليوم

نزار : اليوم سبت ماكو دوام بالدائرة .

حكيم : اريدك تاخذ اجازة هل شهر .. حتة اخذك وياي البغداد

نزار : ليش

حكيم : اكو هناك دكتور معروف مال سكر اريد اراجعلك

نزار : مالي خلك قابل شيسويلي اكو غير التحاليل ويكعد يتفلسف براسي

حكيم : كول يا الله ..

نزار : الله كريم

نرمان : طبيت للمطبخ اساعدهم بالغدة نزلت ايثار عيونها مورمة من البجي

ايثار : اريد شسوار

نجاة : اكو بغرفتي بأول مجر

ايثار : تمام شكرا

نجاة : شبيها هاي

نرمان : فاروق اتهمها بايكة وضربها

نجاة : عزززة كولي والله شلون

نرمان : ما ادري طبينة على صوتهم ..

نجاة : فاروق ابد ميتفاهم يجي ويجفص

نرمان : الله يهدي

فاروق : السلام عليكم

الكل : وعليكم السلام

فاروق : وين ايثار

نرمان : راحت الغرفت نجاة .. راح وراها فتح الباب وطب شوية وصار صوتهم عالي بس ما مفهوم .. طلع وركع الباب

فاروق : شكد صلفة

اصيلة : عود ذولة عرسان .. غمة

نرمان : كملنة الطبخ وتنضيف ورحنة للهول كعدنة

حكيم : مرتك وين

فاروق : ما ادري يمكن مطمورة

نزار : لك خطية شبيك وياها المفروض هاي احلى ايام وانتة ذرة اخلاق ماعندك وياها

فاروق : يابة مينعاش وياها لحمها مر .. خرب يومها ويوم الخطبتها بي يا يوم اكشر

نرمان : ضلو عادين وحكيم يحجي ويا وذاك يرد السانة شطولة للعصر تغدينة وطبيت الغرفتي كعدت ارتب بملابسي واعزل الجدد عن القديمات

نجاة : اساعدج بشي

نرمان : ثواني ..

نجاة : شبيج اجاي ادورين

نرمان : لج الثوب الاحمر وتراكات ثنين من الاخذتهن ماكو

نجاة : على كيفج دوري تلكيهن لاتخبصين روحج

نرمان : والله ماكو باعي هاي كل ملابسي

نجاة : يا شنو السالفة

نرمان : ماادري .. لميت ملابسي شلون ماجان وكمت ضايجة .. صح ميسون بس الدوخني منو جاي ياخذهن

نجاة : شبيج والله تلكيهن قابل وين يرحن

نرمان : اي صح .. رجعت للهول مطنكرة .. مالكيت احد غير حكيم ونزار كاعدين .. طبينة اني ونجاة هم كعدنة

حكيم : انوب انتي شبيج

نرمان : ملابسي الجدد ماكو

حكيم : هاي شنو

نرمان : والله .. كم سنة صارلي ما انباك شي بالبيت ليش هسة ؟

حكيم : لازوديها قحط الملابس

نزار : منو قصدكم

نجاة : مرت فاروق

نزار : چا اكوم اضم الباساتي بيمن اداوم بعد اذا اخذتهن

حكيم : دير بالك اجيب طاري كدام البنية عيب

نرمان : اني مصدومة .. يعني ليش تاخذ ملابسي لا يمكن مو هية واني دخلت بذنبها

حكيم : شوية وصعدي فوك فتحي القاصة واخذي منها اي شي وحطي المفتاح يم التلفزيون وطلعي

نزار : يمكن جاي تلم المحرم وتاخذلة سيارة

حكيم : سوي مثل ما كلت وخل نشوف

نرمان : للعصر صعدت واجة وراية نزار .. همست بصوت ناصي .. شعندك جاي

نزار : چا شلون

نرمان : طبيت للبيت اسحب شفتها طلعت من غرفتها لابسة حجاب وبيدها جبس تاكل

ايثار : شلونكم

نزار : اذا محرم بخير احنة بخير

ايثار : هههههه ذاك اليوم يسأل عليك هوة

نزار : الله يحفظة النة

نرمان : دغيتة بعكس ايدي وطبيت جوة فتحت القاصة وطلعت منها 25 لزمتها بيدي وطبيت للهول .. نزار هاي الفلوس الكال حكيم جيبيها والمفتاح راح اخلي هنا

نزار : عاشت ايدج

نرمان : جاي اطلع طلعت ورانة

ايثار : ليش تخلون المفتاح كبال العين

نرمان : احسن ماكو غريب بينة .. ما ادري شلون حطيت رجلي على اول باية بالدرج وانچبحت على وجهي نزلت الدرج كلة ادحرج حسيت عظامي كلها تكسرت وكعت بالحديقة ومن الفشلة سويت روحي ميتة

ايثار : عززة عزززة

نزار : لا اله الله والشهيد حبيب الله

نرمان : بجيت وصحت .. تعال ساعدني ركبتي انكسرت

حكيم : الله الله غير اشوفين دربج

نرمان : شالني من الكاع وضمني الصدرة وباس خدي

حكيم : شبيج بابة اكو شي يوجعج

نرمان : ركبتي انكسرت

حكيم : الله يكسر ركبت نزار

نزار : خااااب اني شعلية

نرمان : طببني جوة شايلني صارت كبالي عمتي اصيلة باوعتلي معاجبها حطيت ايدي ورا ضهرة وسويتلها حركة بيدي على عنادج ..

اصيلة : شكول شكول ..

نزار : باجي لاضوجين يجي يوم عزرائيل يشيلج هاي الشيلة

اصيلة : سودة بوجهك اسم الله علية

نرمان : طببني الغرفتي ونزلني

حكيم : راويني منين توجعج

نرمان : نزعت شالي وبعدت شعري عن ركبتي من جهة ضهري .. منا توجعني .. حط ايدة عليها ودنك باسني

حكيم : اطكها الج

نرمان : لا انوب تكسرها .. كعد ورا ضهري يفركليها

حكيم : نمنمتي لاضوجين اجيبلج اغاتهن وعيونج

نرمان : التفتت علية .. لا والله ابد ما اضوج قحط

حكيم : احم .. احطلج زيت وافرك جسمج ..

نرمان : فتحت عيني على وسعها .. لاااا ماررريد كلشي مابية

حكيم : خاف جسمج يوجعج

نرمان : لازينة شكرا .. ابتعدت عنة ورتبت شعري ولبست حجابي وطلعت اعرج

حكيم : زوجتي العرجاء

نرمان : زوجي المنحرف

حكيم : نزززززار

نزار : ها

حكيم : فاروق وين

نزار : جاي يغسل سيارتة برة

حكيم : روح كلة خل يغسل سيارتي هم

نرمان : شفت نجاة سندتني وطلعنة بالحديقة نشم هوى ..

نزار : حكيم يكول ياحيوان يامطي ياهمجي اغسل سيارتي وياك

فاروق : شو انتة متعرف تحجي مو اركعك بالقندرة

نزار : اني شعلية حكيم كال هيج

نرمان : خربت من الضحك علية طب الحكيم روحة طافرة .. طلع نزار من البيت يركض قبل لا يلزمو

نجاة : ؤوحي طاكة .. شوكت تزوجون

نرمان : نهاية الشهر السنة مال ابوج وراها زواجنة

نجاة : الله يتمم الكم

نرمان : انجبي اخجل

نجاة : لا والله

نرمان : بهل اثناء دخل نزار ويا ولد تقريبا من عمر حكيم مرتب كلش ولابس نضارة شمسية .. بس شفناه كمنة طفرنة ورا الشجرة صرنة منبين

نجاة : هاذة منو

نرمان : ما اعرف

نزار : حكييييم حكيييييم

حكيم : ها خير ..

مؤيد : السلام عليكم

حكيم : عليكم السلام تفضل اخوي ..

نرمان : تحاضنو وطبو جوة

نجاة : هسة شلون نطب خاف نترزل

نرمان : ما ادري بلكت يطلع

نجاة : كون الزم نزار اشلع اذاناتة

نرمان : ضلينة واكفين ماطول ربع ساعة وطلع ويا حكيم .. جاي يمشون انتبه علينة عقد حاجبة وطلع

نجاة : صخام راح يكول الحكيم

نرمان : شيكولة يعني .. امشي خل نطب قبل لا يجون .. طبينة للبيت .. كعدت اهفي على وجهي من الحر

نجاة : كل دكة نسويها ولا الثانية

نرمان : عدت على خير .. مر اسبوع وحكيم كل يوم يفحص فلوسة ماناقصات ولا فلس استغربنة السالفة .. بيوم جنة كاعدين نلعب دومنة اني ونجاة وايثار ..

ايثار : عندي هبياض هههههه

نرمان : خسرت

نجاة : غشاشة

اصيلة : ماسمعن الباب تندك

ايثار : اني افتحها ..

نرمان : راحت تفتح الباب كاعدين نباوعلها من الشباك انصدمنة من شفنة نفس الولد صديق حكيم بيدة ماعون دولمة انطا الايثار مدنك .. طبت ايثار

ايثار : الله جاي اشمون الريحة

نرمان : اييي طفرنة ناكل من الماعون ..

نجاة : يمة تخبل

ايثار : صخااام بوجهي نسيت الولد بالباب وخرن وخرن

نجاة : شعندة واكف بعد

ايثار : يريد الماعون واصر ياخذة هسة ..

نجاة : جيبي خل اغسلة واودي

نرمان : خل نخلص اكل ماطاير الولد .. كبل سمعنة الباب تندك

نجاة : جيبن عيب ..

نرمان : رحنة وراها غسلتة وطلعنة بالحديقة وكفنة على صفحة فتحت الباب لابسة حجاب

مؤيد : مشكورة خوية ..

نجاة : جان مدنك رفع راسة انتباه علية ضل صافن بوجهي ..

مؤيد : اءء اريد مي

نجاة : تدلل .. طبيت للمطبخ اباوع النرمان وايثار خاتلات يباوعن علية .. جبتلة بطل مي وطلعت برة انطيتهيا .. شرب منة جاي اسد الباب سمعتة كال ..

مؤيد : عاشت ايدج المي كلش طيب

نجاة : لزمت ضحكتي بالعافية مو اني صنعتة

مؤيد : احم .. مع السلامة

نجاة : سديت الباب قبل لا يجي احد وطبيت جوة

ايثار : هاذة مو صديق الولد !! شعندة جاي وهمة مموجودين من شوكت كلبة علينة يجيبلنا دولمة

نجاة : والله ما ادري

نرمان : هاذة وين بيتهم

نجاة : بينة وبينهم بيتين جيرانة من زمان جان يلعب ويا حكيم من جانو صغار

نرمان : اووي فدوة شيلعبون

نجاة : طوبة

نرمان : للضهر طبو فاروق ونزار من الدوام

ايثار : الله يساعدك

فاروق : هاي منو كالها ما اسمع

ايثار : اني

نرمان : نزوري ولا يهمك الله يساعدك

نزار : سكتي روحي لعبانة راح ابطل

نرمان : ليش

نزار : اول ما طبيت للدائرة طبتلي وحدة ابنها سها* ومتخربط تكلي ماعندك حفاضات رقم 4 .. اكللها طببي للاستشارة راح يموت .. تكلي خاف يسويها على الدكتور

نرمان : هههههههه عزززة وبعدين

نزار : شمرتة علية بالمكتب وطلعت ادورلة حفاضات .. عفتة وشردت ناديت عليها بالسماعة منا الدقيقة اذا ماشالتة اشمرة من السطح

نجاة : يمة انتة فلم

نزار : انعل ابو هيج شغلة ..

نرمان : رحت جبتلهم مي وقدمت الفاروق وراها انطيت النزار اخذ مني الكلاص .. حسيت شي كهربني شهكت وجريت ايدي .. هاااي شنووو

نزار : شنو شبيج

نجاة : لووووتي سواها بيج

نرمان : باوعت على ايدة فارغة .. راحت علية نجاة لزمت ايدة هم انتلت وعاطت

نجاة : اوووي شبيك

نرمان : ضحك وراح وكف ورا ايثار ونتلها بضهرها .. كبل طفرت لازم ضهرها

ايثار : عززززة هاااي شنو

فاروق : كافي اكعد

نزار : صحوة موت

نرمان : ماخلة واحد بالبيت مانتلة .. شلون جاي يسوي هيج وايدة فارغة ؟

نجاة : يفصخ الجداحة ويطلع الجهاز الاسود الي بنصها ويخليها بيدة بس يقرب الواير على واحد يجدحة و يتكهرب

نرمان : الله هسة اسويها بنات المدرسة

نجاة : حتة يفصلوج

نرمان : رحنة صبينة غدة رجعت افرش بالسفرة شفت حكيم طب باوعلي وابتسم

حكيم : السلام عليكم

نرمان : رديت السلام ورجعت للمطبخ ودينة الاكل وكعدنة ناكل

نجم : تاكلون بدوني

نزار : حضرت الشياطين

نجم : قصدك الملائكة

اصيلة : تعال يمة اكعد لأن احلى واحد بالعائلة يغار منك

نزار : حلفي

حكيم : اكل واسكت

نرمان : خلصنة الاكل وطبيت للمطبخ غسلت المواعين لأن دوري .. فتحت باب المطبخ الخلفية وكفت اشتغل مرت دقايق ولاحضت باقر ابن كمال واكف على صفحة ما ادري شيسوي .. شوية وطب اخذ جداحة وطلع .. صار عندي فضول طلعت ورا امشي على كيفي

باقر : شبييييج

نرمان : اجاي اسوووي ؟؟؟ .. باوعت علية بيدة صم مال جكاير مشروبة ( كطوف )

باقر : حبابة لاتكولين العمي

نرمان : روح ذبهن بالزبالة وماكول

باقر : ماشي

نرمان : عفتة وطبيت جوة كملت شغلي وصبيتلهم جاي ورحت اقدمة ..

حكيم : فدوة الايدج

نرمان : خجلت من كلامة الحلو .. كملت وكعدت يمهم خلصو الجاي وصعدو فوك وكمال ونجم راحو الغرفهم بقينة بس اني وحكيم

حكيم : نونو تبدلين نطلع نكمل جهازج

نرمان : ابتسمت .. اي .. طلعت اركض بدلت .. لبست بنطرون وقميص وشال طلعت برة شفتة على كعدتة .. شو مابدلت ..

حكيم : نسيت .. انتضريني دقايق وجاي

نرمان : صعد شوية ونزل مبدل اشرلي من الحديقة اطلع .. صعدت بالسيارة

حكيم : حاولي تكملين هواي شغلات

نرمان : اي ان شاءلله

حكيم : ابوية انتي ادري بيج امور تحتاجين امج تروح وياج بس هاذة البيدي اسوي

نرمان : حكيمي انتة امي وابوية

حكيم : يابوية صايرة نجرة وتتغزلين

نرمان : ضحت .. اخذني الطريق كلة يسولف عن ابو من جان صغير حجالي هواي امور عن حياتة ( ذكرت سابقا )

حكيم : نزلي

نرمان : نزلت واخذت جنطتي .. تقرب لزم ايدي ورحنة نفتر بالسوك .. اني مو سامعة العروس هم اجهز للعريس ؟

حكيم : لا صارت عادات قديمة منو يسويها بعد

نرمان : ميخالف لازم اليوم اجهزلك

حكيم : ايبااااه شجهزين

نرمان : يعني ملابس والباسات .. كلت هيج وحطيت ايدي على حلكي

حكيم : ليش منو كلج امشي بدون الباس

نرمان : لا مو هيج قصدي .. ولادقق بالحجي

حكيم : صارت عصبية عمي بس فضيني اشتري التريدي واني البس كونية شوال بس فضيها

نرمان : اي .. طبينة محلات هواي ماعجبني شي ..

حكيم : عوفيني اشتري على ذوقي بروح ابوج

نرمان : ماشي .. اذا عجبني ذوقك .. اخذني المحل وكف وينزل بالملابس ويطلب قياسي ويختار الاوان الي تعجبة اشترة هواي شغلات ..

حكيم : هاذة الوردي اريد منة اسود .. والدشداشة الصفرة اريد بيجي

العامل : الدشداشة باقي بيها بس اصفر

حكيم : لا تكول واحد واكع علية جدر زردة

نرمان : كمت اضحك .. اشترة واني صافنة علية بس يراويني هاذة حلو واني اهز براسي اي او لا

حكيم : يلة امشي

نرمان : ماخلصنة

حكيم : كومي لج طلابة

نرمان : كمت ويا اضحك ..

حكيم : بعد هاذة المحل

نرمان : اشر على محل مال داخليات وسوالف .. لا ماريد اشتريت على كولتك طلابة .. سحلني وطببني للمحل وكفت حاطة ايدي على وجهي

حكيم : هاذة بي قياسات ..

العاملة : لا فري سايز

نرمان : اباوع على العاملة لازمتها الضحكة .. تخزيت

حكيم : هاذة حلو ؟

نرمان : لا

حكيم : وذاك

نرمان : لا

حكيم : بس اني عاجباتني ..

نرمان : لزمت وجهي .. كل عقلة البس هيج لو اموت .. اشتراهن وطلع يضحك

حكيم : عجبنج بس خجلانة مو

نرمان : عوف الشقة اني ما البس هيج

حكيم : روحي بولي ونامي احسلج

نرمان : باوعتلة صفح وطلعت امشي سريع كدامة .. وصلنة للكراج فتح السيارة وصعد الغراض صعدت مطنكرة

حكيم : تلبسيهن وانتي الممنونة

نرمان : انشوف منو تلبسهن

حكيم : اذكرك يا حلو ياتفاح

نرمان : وكف اشترالي عصير ولفات وانطانياهن

حكيم : علمود الضغط ينزل

نرمان : طلعت الساني اعيب اخذتة منة وشربتة لإن الجو حار .. صعد بالسيارة

حكيم : خل اعدلج التبريد حتة يصير بوجهج

نرمان : قرب ايدة وتعمد يطخ بصدري عدل التبريد وباوعلي لازمتة الضحكة .. هاي اسويت

حكيم : اسويت ما ادري

نرمان : باوعتلة صفح .. بعد لاتعيدها خوش

حكيم : حاضر

نرمان : رجعني للبيت جانت دنيا ليل نزل الغراض وطببتهن الغرفتي سبحني ورا .. وين

حكيم : اريدك يمي تنام مشتاق الحضنك ابوية

نرمان : صعدت ويا فوك .. طبينة لكينة نزار وايثار كاعدين بس ايثار وجها مو طبيعي ..

نزار : شوكت اجيتو

حكيم : هسة ماصار هواي

ايثار : بلا زحمة تكدر تخابر فاروق اشوفة وين صار

حكيم : ليش وين راح

ايثار : ما ادري جاي ندك علية مغلق

حكيم : اذا مغلق منين احصلة اني

نزار : شبكة هوائية عندك

ايثار : لاتقلد

حكيم : وين راح فهموني

نرمان : اشرلة نزار .. بمعنى يشرب

حكيم : يجوز يم جماعتة شوية ويجي

نرمان : كاعدين يمها ويحاولون يغيرون الموضوع وياها .. فجأة طب فاروق يطوطح ونازع قميصة وباقي بالبنطرون والفانية

فاروق : هاي شنو ملتمين جمعة مباركة

نزار : الله يبارك بيك

ايثار : ليش مبايلك مغلق .. متكول يضل بالنة عليك

فاروق : خايفة علية ام الكمل

ايثار : عزة بعينك .. جذاب والله مابية كمل

نرمان : كاملة حكيم حط ايدة على حلكة وطببة جوة وذاك يوخر بيدة يريد يحجي

فاروق : وخررر اريد اشوف شلون اضحكون علية وزوجوني وحدة

نرمان : حط ايدة حكيم على حلك فاروق قبل لا يكمل .. اباوع الايثار كامت تبجي

ايثار : شبي هاذة مريض

نزار : لا بالع

ايثار : شبالع فدوة كلولي

نرمان : كبسول مال التهبات سكتي لاتبجين .. طلعت وراهم طبت الغرفتها .. طلع منها حكيم اسمعة يسولف وياها ..

حكيم : عوفي لاتحجين ويا نام

ايثار : صدك يبلع

حكيم : احم .. لا يشرب

ايثار : بصدمة .. يشرب يعني يسكر

حكيم : اي .. بس بوية انتي بنية واعية مو جاهلة اريد احجي واريدج اسمعيني

ايثار : شسمع بعد

حكيم : فاروق مو مدمن بس من يتعب شرب تكدرين تحتوي وتخلي يبطل ابسط شي متخلي يطلع يعوف طلعاتة ويلتهي وياج

ايثار : يعني يضحك علية جان

حكيم : عفتي الحجي كلة وركزتي على يضحك عليج .. صدكي بهل وكت ماكو شاب مابي صفة سيئة .. واتمنى ماتكبرين الموضوع وتحاولين تحجين ويا بهدوء

ايثار : ياهدوء ..

نرمان : طبت للغرفة وركعت الباب اجة حكيم روحة طافرة كعدنة بالهول واحد يباوع للثاني

حكيم : انتة شلون تكللها يبلع تريد تكحلها تعميها

نزار : جاي امهدلها الموضوع

نرمان : صار صوت بجي ايثار وحجيها عالي ويا

حكيم : كومو نامو وفاروق الة حساب ثاني

نرمان : اخذني وطبينة الغرفتة الي صايرة لزك ويا غرفة فاروق بس الفرق باب غرفتنة بالوجه وغرفة فاروق بالصفحة .. سمعت صوتها تصرخ

ايثار : الله لا يوفقك منين اتلكاها منك من الانذال الذبوني عليك كلكم مابيكم خير حسبي الله ونعم الوكيل بيكم محد يفكر بية اني .. فمهموني مو بشر حالي حالكم

حكيم : حرام تسنطين لاتخلين بالج يمهم

نرمان : انقهرت عليها

حكيم : الله كريم الله مايعوف عبدة .. حشة لله

نرمان : الصراحة .. همزين انتة مو مثلة

حكيم : ماكو واحد احسن من واحد بس الضروف هية التصنع البشر احتمال اني قاومتها غيري ما تخطاها

نرمان : فاروق ليش هيج

حكيم : الحياة جبرتة يكون قاسي ويا نفسة ..

نرمان : حتة ايثار احسها مثلة

حكيم : شلون يعني

نرمان : ما ادري بس تحسها تشبها .. سمعتها شتكول قبل شوية

حكيم : كافي اني اريدج تشيلين همي لو ازيدي تعالي بحضني وانجبي

نرمان : تقربت نمت على صدرة وحضنتة

حكيم : نزعي ملابسج تنامين هيج

نرمان : نزعت شالي وتمددت .. ممم تلعب ؟

حكيم : وكت لعب

نرمان : يو تعودنة على المشاكل المهم تلعب

حكيم : يلة

نرمان : كمت كعدت على بطنة وسحبت ايدة .. ضل صافن وبوجهي بخبث .. شكو

حكيم : ماكو شي كملي

نرمان : جبت مخدة حطيتها على بطنة وكعدت عليها

حكيم : كومي لج انكطع نفسي مو دوشك الخلفج

نرمان : شبيك متتحمل شقة .. كمت من الجرباية احوس بالغرفة وافتح بالمجرات وبالكنتور .. هاي شنو شكد عندك اوراق

حكيم : ذني مال ضرايب ومال بيع وشراء .. اذا ضاعت وحدة اعلكج بالبنكة

نرمان : رجعتهن بمكانهن وفتحت مجر المكتب شفتلة صورة من جان صغير كاعد بحضن امة وبيدة لفة ياكل ومبتسم ..

حكيم : رجعيها لاتلعبين بغراضي

نرمان : رجعتها ورحت يمة .. نكعد بهاي الغرفة ؟

حكيم : قصدج من نزوج

نرمان : ابتسم وغمزلي .. اي

حكيم : لا اكيد ابدلها هاي قديمة اخذلج وحدة على ذوقج

نرمان : ابتسمت .. واريد ثلاجة صغيرة احط بيها اكلات .. وتلفزيون جبير .. و

حكيم : بطلت عمي ما ازوج امشي ولي جفيني شرج

نرمان : ها اذكرت .. اريد مكينة مال شعر بنات احطها فوك الثلاجة

حكيم : نامي بروح هويدر

نرمان : ومال شامية

حكيم : تنامين لو البسج الجبتهن .. ها ؟

نرمان : اندار علية سويت نفسي غافية

حكيم : اسرع منوم بأقل من ثانيتين

نرمان : سحبني من جتفي نيمني على ايدة .. باس خدي وحضني حيل بايدة وبرجلة

حكيم : احبج نمنمتي

نرمان : حسيت انفاسة ثكلت .. بسرعة ينام عكسي اني ما انام اضل افتر بالفراش

صباحا ..

حكيم : صباح الخير نمنمتي

نرمان : صباح النور .. بست خدة وكمت عضامي توجعني .. اووي جربايتك مو مريحة شلون تنام عليها

حكيم : غير انتي ماخذتها مكابل .. اني مرتاح انتي ياهو مالتج

نرمان : يمة شحلو جربايتي .. كمت وكفت على المراية ارتب شعري تقرب علية حضني منورا وباسني

حكيم : يلة كافي امشي

نرمان : بدلت وطلعنة من الغرفة لكيت فاروق كاعد ضايج

حكيم : شبيك كالب الجهرة من الصباحيات

فاروق : مابية

حكيم : مرتك وين

فاروق : ما ادري

ايثار : صباح الخير

نرمان : اجت سابحة ومبدلة وحاطة مكياج شكلها ابد مو مثل ما توقعنا ..

ايثار : شنو تريدون اسويلكم ريوك

نرمان : لا انتي ارتاحي اني متعلمة اسوي كل يوم

ايثار : ميخالف خلي اليوم علية

حكيم : براحتج شتكدرين اسوين سوي

نرمان : طبت للمطبخ وضلينة بالهول اسمع فاروق يهمس الحكيم

فاروق : خاف راح تحطلي سم بالاكل

حكيم : احتمال والله لأن السويتة البارحة مو قليل

نرمان : شوية طبت بيدها الاكل

ايثار : تفضلو

حكيم : عاشت ايدج

فاروق : بالعافية ما اريد

ايثار : ليش سويت البتيتة وبيض علمودك

فاروق : ماحبها

ايثار : كوم حباب اكل شبيك

حكيم : كوم اكل العار ميموت

نرمان : سحلة حكيم ونزلة جوة كعد ياكل ويباوع بالوجوه

فاروق : شو احس بي طعم غريب

ايثار : حطيتلك بي سحر

نرمان : باوع عليها مصدوم كامت تضحك .. رجعو ياكلون ..

ايثار : العصر يجي اخوية اشوفة .. عادي

حكيم : البيت بيتج كل الهلا بيهم

فاروق : شيريدون جاين

ايثار : هيج يشوفوني

نرمان : خلصنة ونزلنة جوة اني وحكيم .. مرت الايام وصارت السنة مال ابوهم بيومها راحو للمقبرة وذبحة عجل وزعو ثواب على المنطقة كلها .. ورا السنة بيوم .. جاي نشتغل بالمطبخ ..

نزار : لاطلعن اجو عمال يشدون غرفة حكيم الجديدة

نرمان : اشترة غرفة ؟ مو كال اجيبها ذوقج

نزار : ما ادري بس الغرفة كلش حلوة راح تعجبج

نرمان : ليش يجذب علية

نزار : صحلها رجل كالت اعور شو انجبي

نجاة : اي والله وبعدين حكيم ذوقة حلو

روان : لازم تبدين اصعدين ملابسج فوك وترتبين لأن ماضل شي

نرمان : اي صح

ايثار : انتي كملتي جهازج ؟

نرمان : اي مابقة شي شغلات بسيطة .. للعصر طلعو العمال صعدنة فوك نشوفها كلش حلوة ومرتبة لونها بيجي تركية بس ضخمة وكلها مرايات ذهبية

نجاة : هاي اذا توصخت لازم اجيبين عمال ينضفوها

نرمان : انوب كلها مرايات

روان : حايرات بالتنضيف

نرمان : شفت كراتين مسفطات بيض .. شوية وطب حكيم طلعهم وسد الباب علية .. باوعلي مبتسم

حكيم : عجبتج ؟

نرمان : كلش حلوة

حكيم : روحي فتحي الكراتين

نرمان : رحت لكيت مكص بديت افتح بالكراتين .. شهكت

حكيم : ها ؟

نرمان : جايبلي ثلاجة ومكينة صغيرة مال شعر بنات .. يخبلن .. تقربت علية بستة بخدة

حكيم : خدي ؟

نرمان : شتريد لعد

حكيم : اريدها من ال

نرمان : من شنو ؟

حكيم : نهودك

نرمان : شنووو شنووو .. تقرب جر ملابسي لزمتها فك ايدي

حكيم : بس بوسة بدون ما اباوع

نرمان : لا حباب

حكيم : اشششش ..

نرمان : تقرب باسني منفوك الملابس وبعدتة ..

حكيم : ضل اسبوع وامطلج هنا

نرمان : اسبوع شنو مو كلنة شهر

حكيم : ادورين شهر بت عماد الزمج هنا هسة وانعل ابو الاسبوع

نرمان : اسبوع قليل

حكيم : هواي

نرمان : فتحت الباب وطلعت اضرب اسداس بأخماس .. اسبوع ؟

نجاة : ها شبيج

نرمان : لج نجاة اسبوع

نجاة : شنو

نرمان : اسبوع ونزوج اني اخاااف .. تقربت عليها حضنتها

نجاة : منين تخافين ولج بالعكس فرحي انعل ابو الخوف اليخرب فرحتج

نرمان : اخذتها ونزلنة جوة طبينة الغرفتي

نجاة : يلة يادوب نجهز الغرفة وارتبها .. دقيقة انتي ماحاجزة بدلات ؟؟؟؟

نرمان : اي لا شلون

نجاة : روحي حاجي شوفي شيكول

حكيم : كملن شغلجن اني حاجز كلشي

نرمان : رفعت راسي بصدمة .. شحاجز ؟ وذوقي

حكيم : انتي عليج تلبسين واني اباوع

نرمان : غمزلي انداريت عنة .. كعدنة نطلع بالملابس حطيناهن بجنط ونقلناهم فوك ضلينة نرتب بالملابس لليل حسيت ضهري انكسر .. بس نجاة وايثار وروان هم ويانة يرتبون

ايثار : شكد جان يعجبني هيج غرفة

نجاة : كولي الفاروق وبدلي غرفتج

ايثار : ميقبل عاجبتة

نزار : حكيم يريدج روحي

نرمان : عفتهم وكمت لكيتة كاعد بالحديقة وفاتح الصوندة يسقي الزرع ..

حكيم : تعالي هاج

نرمان : انطاني المبايل خلا على اذني ما اعرف منو .. ثواني واجاني صوت امي

عواطف : الوو يمة حبيبة شلونج

نرمان : هلو يمة .. باوعت على حكيم ودمعت .. مشتاقتلج

عواطف : اني هم مشتاقتلج باجر اجيج

نرمان : صدك باجر تجين ؟

عواطف : اي والله حتة احضر عرسج .. يمة حبيبة عذريني بس التهيت وصار عندي ولد سميتة مرتضى

نرمان : ماعرفت شجاوبها ضليت ساكتة .. وامسح بوجهي

عواطف : يلة رصيد الرجال خلص باجر اجي ونشواف .. مع السلامة

نرمان : الله وياج .. سديتة وانطيتة المبايل

حكيم : الخاطرج

نرمان : تقربت حضنتة وكمت ابجي احس هواي ضغط علية بس سبب دموعي ما اعرفة شبكني حيل

حكيم : ولج لاتبجين دموعج يشكن كلبي

نرمان : ابتعدت عنة مسحت وجهي .. اريد اشغل مكينة الشعر بنات

حكيم : هههههههه طيح الله حضج

نرمان : مر اليوم وكملن البنات الغرفة طلعت كلش مرتبة .. ثاني يوم جنت كاعدة بالغرفة والتمن البنات يحجن وياي ..

نجاة : لازم تسوين جسمج وترتبين وجهج

ايثار : خل اروح حمام مال نسوان

نجاة : اي والله

نرمان : اكو حمام مال نسوان

نجاة : حمام مغربي يسبحوج ويجلفوج جلف

نرمان : ما ادري بكيفكم .. بهل اثناء دخل نزار

نجاة : نزورررري

نزار : خير الهم اجعلو خير

نجاة : كول الحكيم اريد اروح حمام مغربي يسبحون نرمان

نرمان : ضربتها على جتفها .. ادب سز جذابة

نجاة : يلة حباب روح كول

نزار : روحيلة انتي .. اني شنو

نرمان : همستلي ايثار ..

ايثار : بس بالاول لازم اسوين جسمج وراها يجلفوج

نرمان : سمعت صوت عمتي اصيلة ترحب بأمي .. التفتت شفتها طبت وبيدها جنطة .. كمت وكفت كبالها احس استحي احضنها لأن صار سنين ماشايفتها

عواطف :متجين تشبكيني

نرمان : تقربت عليها حضنتني وباستني بلهفة

ايثار : منو هاي

نجاة : امها

ايثار : عدها ام ؟

نجاة : اي انجبي لاسمعج

نرمان : كعدت ورحت جبتلها مي قدمتلها وكعدت على القنفة البصفها

عواطف : لعد وين رجل بتي ماشفتة

نزار : هاي عايشة الحالة

عواطف : فدوة هاذة الحليو منو

نزار : اخو رجل بتج

عواطف : نسابتنة طلعو كلهم حلوين

نزار : نضرتي ماخابت بيج عطوفة

نرمان : دغيت نزار حتة يسكت .. لعد وين ابنج ؟

عواطف : عفتة يم ابو

نزار : عندج اخ ؟

نرمان : لا ابنها .. حسيت اتندمت عزمتها وجودها يوترني ويخنكني

عواطف : لعد ما عزمتي عمج

اصيلة : اني عزمتة

نرمان : فتحت عيني مصدومة .. شلون تعزمي بكيفج

اصيلة : والله البيت بيتي

نزار : عوفي خل يجي اريد اتونس علية .. اهم شي عمج ومحرم يحضرون

نرمان : كمت طبيت الغرفتي ما اعرف شريد .. طبيت سبحت وطلعت قررت التهي باي شي .. فتحت المبايل دزيت رسالة .. شوكت تجي مشتاقتلك .. بسرعة رد

حكيم : اجتي امج

نرمان : اي

حكيم : شبيج

نرمان : ضايجة اريد اشوفك

حكيم : اكو شي صاير

نرمان : ما اريد اشوف امي بطلت .. وعمتي عازمة عمي مصطفى احس تعبت نفسيتي ماريد اشوف احد منهم

حكيم : باجر اخلي امج ترجع .. وعمج ماخلي يوصل الباب

نرمان : شتكول لامي عيب

حكيم : معليج بس لاضوجين .. وباجر اخذج حمام مغربي

نرمان : حطيت ايدي على حلكي .. شمدريك

حكيم : موعيب ما ادري بمرتي شتريد

نرمان : ابتسمت .. طفيت المبايل وكعدت احسب ماضل شي 5 ايام حسيت الخوف سيطر علية ..

ثاني يوم :-

اصيلة : ولج بربوووك كووومي شكايلة الحكيم

نرمان : فزيت من النوم .. شبيج شكو

اصيلة : امج زعلت وطلعت من الصباحيات وعمج مصطفى خابرني ميرضة يجي .. ولج طلعتي من جوة ليجوة اني اعلمج

نرمان : امي راحت

اصيلة : اي راحت مسوية روحج متدرين

نرمان : ومن وكتها قررت بعد ما الي علاقة بأمي لو شيصير ..

نجاة : يلة نزار منتضرنة برة

نرمان : ثواني بس ابدل .. بدلت شلون ما جان وطلعت وراهم .. نروح بس اني وياج

نجاة : لا عيني ايثار كاعدة بالسيارة

نرمان : ها خوش .. صعدنة ويا نزار حتة يوصلنة

نجاة : هناك يسولج جلسة مال عروس حتة جسمج يسو

نرمان : استحييي

ايثار : بالعكس لج اريح هناك يعتنون چا بيج مثل حضي

نرمان : وصلنة للسنتر .. وجان اكو هواي بنات لبسهم واشكالهم مغرية جاي يدخلون

نزار : راح انزل وياكم بلكت يريدون عمال

نجاة : عزززة اكعد

نزار : بشرفج سأليهم ميردون واحد يضرب ليفة ينزعهن خاف مابيهن حيل

نرمان : نزلنة من السيارة ونزار ميقبل يسكت

نزار : راح انتضرجن هنا اريح عيوني من التلوث المسويتليا اصيلة .. اباوع الهاي الشكولان التفتح النفس

ايثار : عليمن تطلع اخوك فاروق ابو النسوان

نرمان : ليش تدرين بي ؟

ايثار : ليش ولج عندة نسوان

نرمان : اءء لا اشاقة يمعودة

ايثار : بس اني شاكة بي .. سويتلة برنامج مال تعقب بمبايلة ويسجل حتة صوتة ومكالماتة

نرمان : الله اني هم اريد اسوي الحكيم

نجاة : اذا ماسولفلهم

نرمان : اكلج يعني حكيم هم عندة سوالف لو فقير

نجاة : واني شمدريني

نرمان : لا حكيم حباب ميسويها

نجاة : هههههههه سألي وجاوبي نفسج

نرمان : طبينة للحمام .. وكفنة نحجز

العاملة : اذا انتي جلسة ملكية 170 دولار

نرمان : يمة ليش

العاملة : واذا بدون جلسة 80 دولار

ايثار : اني اريد

نرمان : اني هم بس مو هواي

نجاة : اني هم وياجن

نرمان : منو راح يدفع ؟

نجاة :- ايثار : انتي

نرمان : يرادلجن بنك يلة يكفي .. طلعت من الجنطة الفلوس العندي دفعت الي ملكية والهن عادية دخلن همة وحد واني وحد .. جان يوم من العمر

العاملة : نزعي

نرمان : لا ميحتاج

العاملة : تفضلي بدلي بهاي الغرفة وتعالي حتة نبلش

نرمان : طبيت للغرفة .. انجبرت انزع بقيت بس بالداخليات ولفيت خاولي على نفسي وطلعت .. سوتلي جسمي واكس وراها حمام بخار وحمام بارد ودلكو جسمي .. حسيت نفسي راح انام .. قشرو وجهي وجسمي وسولي اضافر رجلي .. دفعت الفلوس واني مرتاحة .. كملت وبدلت وطلعت برة لكيت ايثار ونجاة مخلصات

نجاة : مبين على وجهج النضافة

ايثار : اي لج وجهج صار يلك بس يرادلة حفافة

نرمان : طلعنة من السنتر صعدنة ويا نزار ..

نزار : شنو نمتو

نجاة : من الراحة نمنة

نزار : ارجعجن للبيت

نرمان : اي

نجاة : لا ودينة للصالون خل تسوي وجها ورجعنة

نرمان : اخذنة للصالون سويت حواجبي وجهي .. رجعنة للبيت تقريبا المغرب

نزار : نزلن لابارك الله بيجن ولاباليطلعجن

نرمان : طبيت للبيت نعسانة .. فتت الغرفتي لكيت جنط ثنين استغربت شكلهم حلو وعليهم اسم ماركة فتحتهم .. اتفاجأة بالبدلة والفستان الجايبهن .. حسيت نفسي طرت من السعادة .. فتحتهن وكمت اقيس وحدة ورا الثانية

اشكال الفساتين تقريبا ..

ثوب الزفاف

فستان الحنة

_ باوعت على نفسي بالمراية شكد حلوة طالعة .. لكيت رسالة مكتوبة بخط ايدة ..

حكيم : انت تشبة النجم الوحيد بالسماء الصافية .. ضايعة الدنيا بجمال عيونك

نرمان : نزعتهن وبدلت بس ماعرفت اسفطهن خليتهن شلون ماجان .. كعدت على الجرباية حسيت نفسي اسعد وحدة بالدنيا

" يوم زواج نرمان والحكيم .. 2017/ 7 / 13 ..

نجاة : كومي يمعودة ماضل وكت ..

نرمان : اي ثواني بس اغسل وجهي .. طبيت للحمام غسلت وطلعت احس برجفة بجسمي موطبيعية وصارلي 3 ايام ماشايفة حكيم مختفي وملتهي بالتحضيرات ..

نجاة : حكيم على شنو مستعجل حنة وزفة بنفس اليوم .. وهم تسافرون البغداد ؟

نرمان : خاف اتخربط

نجاة : لا صلي على محمد واستعيني بالله وتسهل

اسراء : اوكفن اجي وياجن

نرمان : طلعنة بالسيارة وصلن نزار والطريق كلة مشغل اغاني ويركص

نزار : اكلجن اذا احط حنة ازوج مو ؟

نجاة : اي حط باصبعك الصغير

نزار : باع هاي تكلي اصبعك اليوم حتة وجهي الطخة

نجاة : هههههههههه على كيفك .. اذا تزوج وين تكعدها بغرفتك جنها كن مال دجاج

نزار : اي راح مديل انام بغرفة وحدة يوم هية تنام بيها ويوم اني والعطل الرسمية اوديها لاهلها

نرمان : خربنة من الضحك علية .. وصلنة للصالون .. اول ما دخلت استلمتني مكياج وشعر .. ونجاة وايثار هم كعدو يحطون مكياج ويسون شعرهم

نجاة : هاذة حكيم جاي يدك علية .. راح افتح سبيكر .. الوو

حكيم : ها يابة وين انتو

نجاة : بالصالون

حكيم : نرمان شلونها .. انطيها جاي لان كاعدة من الصبح خاف راسها يوجعها ورانة طريق

نجاة : اي ذكرتني هسة اجيبلها جاي .. انتة شلونك

حكيم : زين .. وينها اريد اسمع صوتها

نرمان : صحت من يمي .. اني هنااااا .. بس كلتها خربو من الضحك الي بالصالون

حكيم : شنو بوية داك الباب عليج

نجاة : سديت السبيكر .. تدلل بعيني .. يلة مع السلامة

نرمان : شبي ..

نجاة : مشتاقلج عيني

نرمان : ابتسمت ورجعت اباوع بالمراية .. تقريبا صارت 3 ونص الضهر كملنة كلشي ولبست حتة البدلة الحمرة لأن مباشراة اروح للقاعة .. والبنات هم بدلن ..

نزار : شو رفعي اشوف وجهج

نرمان : رفعت الكب الفوك البدلة راويتة وجهي ابتسم وكال ..

نزار : صلاوات على نبي وياعوينة اجنبي وكل المخايط والابر من عين من صد ونذر من عين نثية لو فحل هلا هلا هلا

نرمان : كمت اضحك على سوالفة وهوة فرحان ويهز ..

ايثار : فاروق وين

نزار : جاي يخابر صاحبتة .. العفو يم الحلاق

ايثار : احلف

نزار : ياعيب الشوم

نرمان : وصلنة للقاعة نزلت وجانت هواي عالم جاية الحنة بس بنات بس الزفة راح اصير مختلطة .. لأن حنة حكيم صارت بحديقة بيتهم ..

اصيلة : زبن طالعة حلوة

نرمان : شكرا ادري بروحي حلوة .. طبو نسوان وعالم ما شايفتهم بعمري بس كمية ناس خيالية بحيث ماكو طاولة فارغة .. واغلبيتهم اهل عز من لبسهم واكسسواراتهم .. حسيت نفسي متوترة وغريبة بينهم رغم اني العروس

نجاة : ابتسمي منا العالم

نرمان : اي .. صارت هوسة وبدة الدك والركص وايثار شدت وصلة وكفت بالنص تهز .. شوية وطبت عمتي بيدها الذهب وبدت تلبسني ونزعت سوار من سواراتها وحطتة بيدي

اصيلة : خاف تكولين عمتي ما وجبتني

نرمان : ابتسمت وبوستها .. بديت اتعود على الاجواء .. كمت اركص ويا البنات نسيت اني العروس .. شغلو اغنية

لابسة اسود يالعروسة والبجمال مسوية هوسة ولابسة اسود .. واني بس حبيت اكلج اطلب المرحوم بوسة ..

نجاة : كون يشوفج حكيم

نرمان : مليت شوكت يجي واشوفة

نجاة : هسة يجي يحنيج وتغسلين الحنة وتبدلين ويزفوكم

نرمان : اخر فقرة تخوف

نجاة : لا لج بالعكس لاتخافين معليج بحجيهن والله حكيم يحبج ومستحيل يجبرج على شي

نرمان : رجعت كعدت بمكاني .. هواي ناس انطتني فضل واكو بيهم انطوني ليرات ذهب صغار .. مرت ساعتين وكالو راح يطب العريس صارت هوسة والنسوان انخبصن يلبسن وصار صوت الكولات مالتهم برة .. دخل حكيم وجابو صواني الحنة والشمع جانت اجواء خيالية .. تقرب باسني براسي وعيونة تلمع ..

حكيم : اشوف الدنيا بس انتة الصدك بيها .. والكمر زف اليل .. وعيونج تراجيها .. اترس كليبي فرح بنظرة عيونج نمنمتي

نرمان : خجلت ونصيت راسي حسيت ما اكدر اتنفس واني اباوع الطولة .. جان لابس قاط اسود وقميص ابيض ورباط ماروني بلون بدلتي ..

حكيم : احنيج بعيوني مو بجفوفي

نرمان : مديت ايدي فاتحتها اجت عمتي اصيلة وكفت تعلمة شلون يحنيني .. حط حنة بيدي وجاب مسقول من الموجود ويحط بيها لونين ويسدها ويضحك

اصيلة : عاداتنة بالحنة تجي وحدة بختها حلو تفر الشكر فوك راس العروس حتة حضها يصير حلو

حكيم : باجر نرماني هية تفر فوك روسهن مو همة

اصيلة : بكيفك

نرمان : طلعت من صدري جكليتها وحطيتها بحلكة بدون مقدمات .. سوالف عمتي

حكيم : هاي شنو

نرمان : ما ادري كالولي هيج سوي .. شال جكليتة من الصينية وشمرها بالكاع

حكيم : شو دنكي جيبيها

نرمان : دنكت ورفعت نفسي انطيتهيا شفتة مركز على صدري ..

حكيم : لاتخافين افحص البضاعة

نرمان : دغيتة بجتفة وضحكت بس بداخلي ارجف ..

حكيم : كومي نمنمتي

نرمان : صار كبالي وسحبني من ايدي كومني .. شغلو اغنية .. يارا ..

مابعرف كيف بنضرة بتعمل هيك بتاخذني ليك وبموت عليك .. حسيت بقربك بالامان صرت بزمان غير الي كان ..

حكيم : سوي مثل ما اسوي

نرمان : لزمني من خصري وصار جسمة يتمايل ويا جسمي وكل شوية يبوس ركبتي .. حسيت نفسي صخنت كدام العالم

حكيم : ابوسك قطعة قطعة وضمج بصدري ..

نرمان : وما اطلعة

حكيم : لا اليوم لازم نطلعة

نرمان : فشلت ودنكت ..

نجاة : امشي بدلي ماضللكم وكت ونزار وجماعتة بالباب مسويت حفلة

نرمان : عفت حكيم وطبيت ويا نجاة نزعت البدلة مال حنة ولبست البيضة اخذت مسكة ورد طبيعي جابها حكيم .. لبست فوكاها الكب وطلعت لأن اهلة ولد عمة واخوانة كلها دخلت .. صار دك وركص

نزار : جبنالك برنو ما ملعوب بسركيها ..

حكيم : راح اشك حلكك

نزار : حكومي طفي الكلوب خدها يشع ويا الروب

حكيم : سوالف العجايز عوفها

نزار : سبع ساعات بالصالون لا تلعب بكذلتها .. هلا هلا

فاروق : عين الحارة والحمزة يطفيها وعين الباردة كل الهلا بيها ..

نزار : اسمع هاي احلى .. حكومي حايط مرمر والمحتاج يجلب بي ..

يتبع ..

نهاية البارت : اطول بارت اكتبة هاذة والبارت القادم راح اسويلنة جفاف عاطفي ..

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

إذا ما رأت عيني جمالك مقبلاً وحقك يا روحي سكرت بلا شرب كتب الدمع بخدّي عهده للهوى والشوق يُملي ما كتب أحبك حُبَّين: حبّ الهوى وحباً لأنك أهل لذاكا رأيت بها بدراً على الأرض ماشياً ولم أرَ بدراً قطّ يمشي على الأرض ..

_________________________________________

فاروق : عين الحارة والحمزة يطفيها وعين الباردة كل الهلا بيها ..

نزار : اسمع هاي احلى .. حكومي حايط مرمر والمحتاج يجلب بي ..

نرمان : ضلو يهوسون واحس وجهي جمر من الخجل كعدت بالكوشة وحكيم ويا الشباب يهوس ..

نزار : ام العروس نايمة ومنشولة وام العريس تركع الهلولة

حكيم : بروح هويدر اسكت

نرمان : كمت اضحك واهتز بالبدلة جني غسالة عطلانة ..

نجاة : حكيم يكول يلة كومي ورانة طريق

نرمان : من كالت هيج بطني مغصتني .. اجة تقرب علية وكومني تقرب شاورني ..

حكيم : اهدي وجري نفس لاترجفين فدوة الراسج المربع

نرمان : ضليت ساكتة لأن كوة اسمع صوتة من الهوسة صعدنة بالسيارة والعالم كلها صعدت بسياراتها

فاروق : اسوق اني

حكيم : لا اني اسوق

نرمان : حسيت نفسي دايخة لأن ورانة طريق البغداد حاجز بفندق عشتار شيراتون .. دقايق وصعد بالسيارة

حكيم : اتأخرت عليج

نرمان : لا بالعكس .. انروح البغداد ؟

حكيم : لا بوية بدلت الحجز للفندق الدولي طريق بغداد طويل واخاف متتحملين

نرمان : اي احسن .. باوعلي بخبث وغمز

حكيم : مستعجلة

نرمان : نزلت الكب على وجهي من الخجل .. لزم ايدي ورفعها باسها

حكيم : وشحلاها من امد طولي على طولج

نرمان : نروح وحدنا

حكيم : اسغفرلله مو عيب هاذة الحجي شني وحدنة

نرمان : ادري بي يقلد علية انداريت اباوع من الجامة صارت سيارة نزار بصف سيارتنة طلع راسة من الجامة وصاح

نزار : اليوم يومك يابطل تلعب على الجرباية احووووي

نرمان : انداريت على حكيم بصدمة

حكيم : اذا ما اطيح حظة

نرمان : كام يأشرلة يسكت بي .. وصلنة للفندق نزلني من السيارة لازم ايدي .. اجة شخص استقبلنة .. طبو ويانة نزار وفاروق وايثار وعمتي ونجاة ..

نجاة : ان شاءلله الف مبروك ياروحي .. اهم شي لاتخافين صيري سباعية

نرمان : مو هاذة حجيج هوة الي يخوفني

نجاة : ههههههههه ليش

نرمان : انداريت على حكيم جان واكف يحجي ويا الاستعلامات .. شوية واجة ..

حكيم : هناك صالة نسوي جلسة تصوير

نرمان : اخذني من ايدي وطبينة بس احنة نزعت الكب بقيت بالبدلة وكف باوعلي من فوك ليجوة ..

حكيم : هاي عيون لو دجلة وبيها مجلجل الزيتون !

نرمان : اشتهيت زيتون .. تقرب يضحك ضرب راسي براسة

حكيم : ياريحة مسج ياهيل .. اليوم انعل ابو شكلك

نرمان : بهل اثناء طبت المصورة .. وبدت تصورنة لحد ما خلصنة روحي طكت

حكيم : بلا زحمة اريد صورة اضافية ..

نرمان : استغربت من طلبة .. تقرب علية لزمني من خصري بأيد وبالايد الثانية لزم ركبتي منورا وباس شفتي بخفة .. التقطت الصورة .. ابتعد عني واني بحالة صدمة

حكيم : هاي تذكارية

نرمان : ارتبكت وباوعت بالمراية الحمرة مابيها شي الحمدلله .. لبست الكب وطلعنة

فاروق : ها نعوفكم بعد

حكيم : ليش مستعجلين امشو ويانة فوك

نزار : اي والله بعد وكت

حكيم : مو عازمك بالمضيف

اصيلة : منك المال ومنها العيال

حكيم : امين

نرمان اخذني وجاي نصعد فوك شفت نزار كدامنة يصعد اندار مبتسم ..

نزار : اصعدلكم الجنط

حكيم : اشتغلت بنكلادش

نرمان : يباوعلي نزار ويهمس ..

نزار : ابو علي

حكيم : نجب لك

نزار : زمن خلة ابو علي يصير ام فروخك

نرمان : لاتقلد علية .. صعدنة فوك فتح باب الغرفة ودخلنة دخل نزار حط الجنط وكعد

حكيم : اعوفلك الغرفة واطلع

نزار : بكيفك

نرمان : فتح حزامة حكيم يريد يضرب نزار .. كبل طلع يركض من الغرفة .. راح حكيم سد الباب ورا وقفلها .. حسيت صوت القفل وترني

حكيم : بية شكثر اه و وليش

نرمان : ركض باتجاهي .. بس شفتة ركضت اختل بالحمام عثرت وكعت لأن البدلة مطب .. لزمني من ايدي

حكيم : وين اشردين الزمج

نرمان : حباب عوفني

حكيم : ولج اليوم اشعلهم نفر نفر .. ولج تنامين بصفي لابسة جبة وحجاب جنج ام ستار

نرمان : ام ستار منو

حكيم : ام الخضرة

نرمان : حباب عوفني

حكيم : ولج شيبتيني واني شاب خليتي المنطقة كلها اصيحلي عمو ..

نرمان : ماكول بعد بس خل ابدل .. فلتت ايدة وكفت اباوع علية البدلة مطب حتة بالحمام

حكيم : انزعج

نرمان : لا ميحتاج .. وكفت على المراية احاول افتحها متنفتح تقرب فتح السحاب لأن البدلة تصميم مابيها قيطان

حكيم : بوية اسبح واطلع اخذي راحتج اليل كلة عشة

نرمان : طب للحمام ضليت واكفة حايرة شسوي خايفة وخجلانة .. فتحت الجنطة مالتي لكيت بيها ثوب مال نوم بيجي ستن وطويل وفوكا روب تور اخذتة وكفت على صفحة بدلت ولبست الثوب .. علكت البدلة بالتعلاكة .. باوعت على الغرفة كلش حلوة وجبيرة ومرتبة والجرباية بيها ورد احمر طبيعي وكرت مباركة من الفندق .. ضليت اتفحص الغرفة منتضرتة يطلع .. مرت ربع ساعة وطلع لاف المنشفة جوة بطنة ..

حكيم : اذا تحبين فوتي للحمام اسبحي

نرمان : هزيت راسي ورحت للجنطة اخذت شامبو وشاور جل وعطر .. طبيت للحمام ضليت بالنص ساعة افتح بشعري

حكيم : ها ام الغيرة بشري

نرمان : دقايق .. ضليت واكفة حايرة حسيت شعري تكطع من الماشات .. كملت ومسحت وجهي من المكياج وطبيت جوة الدوش .. سبحت وكملت لبست الثوب نفسة ولفيت شعري بخاولي وطلعت لكيتة يفتح بالاكل

حكيم : هلا ومرحب بجيتك وحيك ..

نرمان : ابتسمت وباوعت على الاكل مشاوي تربعت كبالة وكعدت اكل

حكيم : اكل اريدك تشبع وراك كوم وكطيعة

نرمان : غصيت بالاكل وكمت اكح .. شربت مي وضلينة كاعدين ناكل وكل شوية يباوعلي بنضرة تخلي يكلبي ينغزني

حكيم : ما شبعتي

نرمان : لا .. ضليت اكل غصبا ما علية حتة يمر الوقت .. حسيت راح انفجر شال الاكل حطة على صفحة .. احم اريد اكرز حب واشرب جاي

حكيم : اتهيلكت البت

نرمان : كمت من الكاع اباوعلة بتسأل .. تقرب لزم ايدي باسها ..

حكيم : نرماني لاتخاف مني .. اني استقوي بيج وانتي نقطة ضعفي

نرمان : نصيت راسي .. فتح جنطتة طلع سجادتي وسجادتة .. شوكت جبتهن ؟

حكيم : شلون لعد اول شي ذني حطيتهن بالجنطة

نرمان : فرحت من كلبي لأن راح نصلي .. فرش السجادات واندار علية

حكيم : امشي نتوضى

نرمان : طبينة للحمام توضى وطلع .. توضيت ورا وطلعت لبست الجادر وكفنة

حكيم : نصلي المغرب والعشاء .. وراها نصلي ركعتين شكر لوجه الله تعالى

نرمان : حاضر .. بدينة نصلي .. كمل ورفع ايدة يقرة بصوت عالي

حكيم : اللهم لك الحمد والشكر على نعمك العظيمة، اللهم لك الحمد حتى ترضى ولك الحمد إذا رضيت ولك الحمد بعد الرضى، و حسبنا الله سيؤتينا الله من فضله إنا إلى الله راغبون ، ربي افتح لي باباً كنت أحسبه من شدة اليأس لم يخلق بمفتاح. اللهم يا جامع الناس في يوم لا ريب فيه .. إنك أنت علام الغيوب، اللهم زدنا ولا تَنقصنا، وأكرمنا ولا تهنا، وأعطنا ولا تحرمنا، وآثرنا ولا تؤثر علينا، وأرضِنا وارض عنا، اللهم أعنا على ذكرك وشكرك وحسن عبادتك».

نرمان : امين يارب العالمين .. كمت لميت سجادتي وضليت كاعدة

حكيم : شني اليوم كلبج ميحن مو سحلت روحي من طبينة لسة

نرمان : كتمت ضحكتي .. اجة شالني من الكاع لمني الصدرة ومددني على الجرباية وصار فوكاية .. حجيت بصوت يرجف .. خليها مو هسة

حكيم : اششش ..

نرمان : صار يبوسني بركبتي وشوية شوية ينزل .. فتح الروب وشمرة .. بدة يرفع بثوبي .. غمضت عيني بخوف ورهبة

حكيم : وبستان الورد لولاج ما ورد

نرمان : عصرت وجهي من الألم بس ضليت ساكتة .. ابتعد عني وجها عركان كمت اشهك بألم

حكيم : حبيبي اسف اسف

نرمان : لمني الحضنة يمسد على شعري حسيت مثل شي طك بجسمي واخذني نزيف لزمت مثانتي بألم

حكيم : شبيج ابوية أذيتج

نرمان : هزيت راسي اي .. كاتمة بجيتي .. حسيت كلها التمت علية ألم وخوف وخجل ورهبة .. لميت الفرشة على جسمي اتغطة

حكيم : كومي اسبحج بمي دافي ترتاحين

نرمان : لا اني اسبح وحدي .. كمت لافة الفرشة على جسمي طبيت للحمام كل جسمي يوجهني وكفت جوة الدوش حسيت نفسي احسن .. كملت وفتحت الباب صحت .. اريد ملابس

حكيم : عيوني الج

نرمان : شوية واجة بيدة تراك سمائي قطني انطانيا وكال ..

حكيم : شلون صرتي

نرمان : زينة

حكيم : يلة ابوية لبسي وتعالي

نرمان : بدلت ملابسي حسيت براحة ولفيت شعري وطلعت لكيتة مرتب الغرفة ومطفي الاضوية وبيدة كوب يخوط بي

حكيم : تعال وليدي .. ما لكيت شي دافي غير النسكافية

نرمان : انطانيا وفتح الغطة مال فرشة تمدد واشرلي اجة بحضنة .. رحت بصفة كاعدين على الجرباية وبيدي الكوب اشرب بي .. فتح تلفزيون وباوعلي

حكيم : مرتاحة

نرمان : كلش

حكيم : نرماني الحضة الحلوة بكل يوم من عمري

نرمان : واني هم احبك .. احبك موووت غمضت عيني وباس راسي

حكيم : شربي قبل لايبرد

نرمان : ضليت اشرب بي شوية شوية .. مرت قريب الساعة شغل السبلت و طفة التلفزيون صارت الغرفة هادئة

حكيم : انشف شعرج قبل لاتنامين خاف تتمرضين

نرمان : ابتسمت .. اي .. طب للحمام جاب شسوار صغير مال فندق .. شكلة بالكهرباء وكعد وراية بدة يوزع الهوى الحار على شعري ويمشط بي

حكيم : اكمل واكوم اسبح من كل كلبي ..

نرمان : كلت بكلبي .. واخيرا اجاك هاذة اليوم الفتيت كلبي بي .. كمل وباس خدي اخذ ملابس وراح للحمام دقايق وطلع ..

حكيم : خلص المي الحار .. حتة هنا لاحكني السخان

نرمان : فتحت الغطة واشرتلة .. بسرعة بسرعة

حكيم : على بختج ماكو شوط ثاني

نرمان : كبل لزمت بطني وسويت نفسي جاي اموت

حكيم : عمي جذب جذب كلشي ما اريد بس نامي

نرمان : ضحكت بصوت عالي وتمددت حطيت راسي على صدرة وغمضت عيني

صباحا ..

حكيم : نونيتي

نرمان : فزيت على لمساتة مت الاسفل كمزت .. اباوعلة وامتمت

حكيم : شبيج

نرمان : صباح الخير .. باس شفتي بخفة

حكيم : صباح الزبادي يامعذب فؤادي

نرمان : ضحكت وضربتة بجتفة نزلت من الجرباية باوعت على الساعة 12 الضهر شهكت .. شكد نمت

حكيم : ليش شوراج !!

نرمان : لا بس عبالي ما راح انام .. تمشيت للحمام غسلت وجهي وطلعت

حكيم : ننزل جوة ناكل لو هنا

نرمان : شفت نضراتة خبيثة .. كلت بدون تردد .. ننزل جوة

حكيم : بربوك ما الكفج البارحة استخطيتج .. هااا !!

نرمان : عفست وجهي ماراضية رحت فتحت الجنطة وطلعت بنطرون كابوي وقميص ابيض وبي ورد اصفر لبستة ويا شال ابيض وكفت ارتب وجهي على المراية .. سمعت صوتة وراية يصوفر

حكيم : هاي المزة منين

نرمان : من بغداد

حكيم : ونعم بغداد ولادة

نرمان : ضربني منورا انداريت علية بصدمة .. بطلللللل

حكيم : استحت حسنة .. اذكرج البارحة اصار منو جان ..

نرمان : قاطعتة وحطيت ايدي على حلكة اسكتة .. كافي حباب امشي ناكل

حكيم : يلة انقهرت عليج ما احجي بس منو جان ..

نرمان : رجعت حطيت ايدي على حلكة .. كافي بروح ابوك روح بدل .. ضحك وراح طلع ملابس الة .. بدل وكف ساعة يرش عطر حتة برجلة حط

حكيم : النضافة من الايمان

نرمان : والعطر

حكيم : من الشيطان

نرمان : يمة سوالفك بطت كلبي .. رحت وكفتلة بالباب اجة يمشي بطيئ

حكيم : بس خل اوصل

نرمان : ااااخ فتيت كلبي امشي عاد .. طلعنة وهوة يضحك علية سد الباب ونزلنة جوة جان البوفيه مال غدة مفتوح لأن الوكت متأخر

حكيم : هسة مال تمن و تشريب وكراعين ذني ميصرفلي

نرمان : بالعكس .. اخذت ماعون صبيت بي الاكل الاريدة وهوة اخذ بس ما عاجبة .. كعدنة على طاولة ناكل

حكيم : اول مرة احس بقيمة اكل عمتج

نرمان : والله الاكل يجنن

حكيم : من نسبة الج

نرمان : كعدت اكل وهوة ما طول دقايق وانمسح ماعونة باوعتلة مضيقة عيني .. مو معاجبك الاكل

حكيم : كلها نعمة الله

نرمان : يمة منك .. خلصنة وصعدنة فوك لملمنة غراضنة حتة نسلم الغرفة .. نزلنة جوة بيدة الجنط .. سلم المفتاح واخذ الهويات وطلعنة صعدنة بسيارتة

حكيم : سبوع الجاي نسافر اريدج ترتاحين هل يومين

نرمان : اي احسن .. وين نروح

حكيم : ماليزيا مثل ما ردتي

نرمان : رفعت ايدي اصفك .. صاير تسمع كلام

حكيم : چا غير اخاف منج

نرمان : ليش احسك تاخذني على كد عقلي .. ضحك بصوت عالي وكرص شفتي وساق

حكيم : خاف يسألوج عن اي شي صار بينة ممنوع يطلع ماشي نمنمتي

نرمان : ماشي ..

حكيم : والبومنة نستلمة بعد اربع ايام .. راح اكبر الصورة الركعتج بيها حلك واعلكها

نرمان : غطيت وجهي بشالي .. شكد منحرف

حكيم : بعد روحي اموت عالفجور

نرمان : وصلنة للبيت واحس كلبي صار دمبك من الخجل صف السيارة .. وشفت الكل طلعو .. يدرون احنة راجعين ؟

حكيم : اي خابروني من جنتي بالحمام

نرمان : نزلت من السيارة ودي الكاع تنشك وتبلعني كلهم راحو على حكيم يبوسو ويباركولة .. شوية واجو علية يباركولي ..

نزار : ان شاءلله الولد الصالح وتكومين بالسلامة

فاروق : ههههههههه يعني انتة متكدر

نزار : لا

فاروق : معليج بي .. مبروك منج المال ومنة العيال

حكيم : جفصو بعد كلبي

نرمان : ادري بيهم يقلدون علية .. رديت عليهم والتمو البنات يباركولي

ايثار : بربج حلو الفندق

نرمان : ايييي

نجاة : تعالي طبي جوة .. لو حابة اصعدين الغرفتج ؟

نرمان : لا اكعد يمكم جوة .. طبينة للهول كعدنة ..

حكيم : مو كلتلكم اذبحون الخرفان قبل لا نطب

نزار : لا خوية كلبي مقهور عليهن غير صارلي يومين سرحان بيهن

نجم : شدعوة جايبين 3 خرفان .. بيت بنية

حكيم : چا الواحد يومية يعرس هية مرة بالعمر

كمال : الله يهنيكم زين ما اختاريت بت خالي

نرمان : باوعتلة صفح .. هسة عرف بت خالة

روان : انصبلكم غدة

حكيم : لا اتغدينة .. تكومين نرتاح فوك

نرمان : حسيت شوية وتلزمني هستيريا من الخجل .. لا روح وحدك .. تقرب لزمني من ايدي كومني وطلع ..

فاروق : مرتب وضعك خوية ايامك وردية مثل حضي الاغم

ايثار : اليجي من ايدة الله يزيدة

نرمان : طلعنة نتمشى حتة نصعد فوك شفت نجاة بالمطبخ

نجاة : محتاجين شي

حكيم : جيبي ذهب نرمان اضمة فوك

نجاة : اي ..

نرمان : صعدنة فوك قبلها اول ما طبينة كفختني ريحة كلش طيبة جان البيت كلش نضيف .. وصلنة الغرفتنة

حكيم : فوتي برجلج اليمنى

نرمان : فتح الباب ودخلت .. فتحت حلكي على جمالها وترتيبها والفرشة والورود .. حسيت نفسي اسعد انسانة بالدنيا ويا ..

حكيم : عجبتج

نرمان : كلش كلش

حكيم : انتي تستاهلين مي عيوني .. تدرين ليش اسويلج كل هاذة

نرمان : اي !

حكيم : حتة باجر عكبة اذا متت متكولين حرمني من شي ومن اذكريني تترحميلي من كل كلبج

نرمان : حطيت ايدي على حلكة ودمعت .. لاتكول هيج اني ما اعيش بدونك اذا تعوفني .. رفع ايدي باس كفي من الداخل

حكيم : نمنمتي انتي النفس

نرمان : باوعتلة نبرطمة .. وانتة هم ..

نجاة : ادخل !!

نرمان : اي

نجاة : هاج عيني هاذة ذهبج امانة الله والرسول حطيتة بكنتوري وقفلتة ومافتحتة

نرمان : لاتكولين هيج فدوة الج الذهب

نجاة : يلة اني اخليكم بيباي

نرمان : طلعت وسدت الباب انطيت العلبة الحكيم ضمها بالقاصة واخذ مني النسخة القديمة حطها ويا مفاتيحة

حكيم : هاي المفاتيح من اني يمج اصرفي بكيفج بس من اسافر البغداد اخليلج مبلغ برة .. بين ما اعرف منو ايدة طويلة بهاذة البيت !

نرمان : اي عادي براحتك .. رحت فتحت كنتوري طلعت ملابس الي والة

حكيم : تريدين اطلع !

نرمان : اي

حكيم : سامحيني ما اكدر صرتي شامريها بهاي الغرفة

نرمان : دبجت رجلي بالكاع .. حكييييم اطلع

حكيم : اوووي ..

نرمان : ابوسك وتطلع

حكيم : الله يرحم الشفطة شكد انذليت منوراها

نرمان : ذكريات

حكيم : راح اطلع هل مرة الخاطر الذكريات مرة ثانية اني ابدلج

نرمان : اي بس اطلع .. دفعتة من جتفة طلع وسديت الباب ورا .. وكفت بدلت وسفطت ملابسي القديمة .. شوية وطب لابس تراك

حكيم : مرتي جاي ترتب

نرمان : اي .. جاي ارتب الهوسة

حكيم : اي فدوة الايدج ترة ما احب الهوسة اسويلي صداع

نرمان : كملت وكمت كعدت بصفة .. جرني من ايدي وبدت سوالفة السرسرية

حكيم : خاب شني حلقوم

نرمان : هدني

حكيم : اطلعيني برة مو

نرمان : اخ يمة بطني الحكيني

حكيم : الحكوها يابة

نرمان : ليش مصدك

حكيم : ذني كلهن مسويهن من جنت صغير

نرمان : واني شعلية

حكيم : لج لاتماطلين ..

نرمان : كعدني على بطنة لزم خصلات من شعري يضفر بيهن ويلعب .. حكيم

حكيم : همممم

نرمان : ليش متنام

حكيم : تريدين تخلصين مني

نرمان : الصراحة .. اي

حكيم : وجعي

نرمان : كلبني على ضهري .. ولزم رجلي بيدة

حكيم : افركلج

نرمان : لزم رجلي يسوي مساج غمضت عيني براحة .. الله اي

حكيم : بربخت بت عميد

نرمان : طلعت حلو تشتغل

حكيم : چا شعبالج .. كومي انتي سويلي مساج يلة

نرمان : عافني وتمدد .. كمت افرك بضهرة ..

حكيم : ياااابووووية

نرمان : حسيتة ارتخة غمض عينة .. شوية وابتعدت عنة

حكيم : وين مولية

نرمان : جرني واتقربلي .. رغم حنيتة بس حسيت نفسي تأذيت كمت ابجي لا اراديا .. صار يهدي بية

حكيم : اششش سكتي والله ما ادري هيج راح تتأذين .. اخذج للمستشفى

نرمان : لميت رجلي الصدري .. وحسيت بحرارة جواية غطيت نفسي

حكيم : اسف والله ما ادري شلون أذيتج ..

نرمان : بطني توجعني

حكيم : بية ولا بيج

نرمان : عافني وطلع .. دقايق ورجع بيدة مي وحباية انطانياهن بلعت الدوة باوعت على الفرشة جواية كلها مدمرة

حكيم : كومي اني ابدلها

نرمان : جابلي ملابس لبست جوة الغطة وكمت كعدت على الشازلونة .. شال الفرشة وحط غيرها وثبتها من الجوانب

حكيم : تنامين لو اسبحين

نرمان : اسبح .. كمت فتحت الباب صار كبالي نزار انتبهت اني بدون حجاب رجعت سديت الباب

حكيم : شبيج

نرمان : نزار شافني بدون حجاب

حكيم : مرة ثانية انتبهي لأن احنة مو وحدنة فوك .. ماشي بوية

نرمان : اي .. اخذت شالي لبستة وطلعت .. طبيت للحمام سبحت وطلعت لابسة تراك عريض ويا حجاب لكيت حكيم كاعد بالصالة يمهم بس شافني كام طب للحمام .. حسيتهم افتهمو ..

نزار : طلعت نتائجج

نرمان : صدك .. شوكت

نزار : والله اليوم .. اذا تريدين باجر اروح استلمها

ايثار : اني هم طلعت نتائجي ..

نزار : وشطلعتي

نرمان : عيونها دمعت وباوعت على التلفزيون ..

ايثار : جان حلمي ادخل طب

نزار : وطلعتي بس حرف الطاء مو

ايثار : معدلي 52

نرمان : كالتها وبجت .. بس اني مو بيدي لزمتني الضحكة

نزار : بهاذة المعدل يخلوج تكعدين فوك الاسعاف اصيحين ويو ويو ويو

نرمان : ما اتحملت طكيت من الضحك وفاروق مغطي وجها ويضحك

ايثار : مو صوجكم صوج اليشكيلكم

فاروق : عيدي السنة .. تحسين معدل

نزار : يمعود خاف تعيدها وطلع 50 خليها ساترة على روحها

ايثار : يلة اني رسامة راح ادرس فن تشكيلي وافضها

نزار : شني هاذة تشكيكي

يتبع ..

نهاية البارت : البارت قصير علمود عدكم دوام ما كدرت اتأخر .. واعوضكم .. صورة نزار النشرتها البارحة حقيقية اخذتها من حسابة اعيد واكرر حقيقية مالتة وجها وجها وجها شكلت 😂..

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

(إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا ٥٦﴾ [الأحزاب:56]

_________________________________________

ايثار : يلة اني رسامة راح ادرس فن تشكيلي وافضها

نزار : شني هاذة تشكيكي

ايثار : تشكيلي يحضي

فاروق : انجبي لج لاتحجين ويا اخوية هيج

نرمان : كام نزار فتح ايدة مبتسم الفاروق وراح حضنة

نزار : سندددددددي

فاروق : ط***

ايثار : ديلة يلة كومو لفو دولمة وياي للعشة

فاروق : شو انتي صايرة ادب سز منو يلف وياج دولمة .. كومي لج كومي سوي عشة

نرمان : عفتهم وطبيت للغرفة لكيت حكيم طالع من الحمام وجاي يرتب شعرة .. نعيما

حكيم : الله ينعم عليج حبيبي .. شلون صرتي

نرمان : لا الحمدلله زينة

حكيم : الف الحمدلله .. تريدين تنامين

نرمان : وهم مثل قبل شوية ؟

حكيم : هههههههه لا والله هل مرة نامي مالي دخل بيج

نرمان : ماشي .. رحت باتجاه السرير شمرت نفسي على الجرباية وتغطيت وشغلت السبلت اجة بصفي .. دقايق وغفيت ..

بعد ثلاث ساعات ..

ايثار : شو راويني شلون سويتها

فاروق : باعي

ايثار : شكبرها هاي افتحها ولفها ارفع من هيج

نزار : اني شغلي مرتب

ايثار : اي عفية انتة خوش تلف

نرمان : مساء الخير

ايثار : مساء النور .. كعدي خليهم يشتغلون ترة كوة لازمتهم

فاروق : باعي هيج حلوة

ايثار : حلوة بس الجاية خليها بعد ارفع

حكيم : خوش ربات بيوت

فاروق : ضوجة اكضي وكت

حكيم : انتة اخر واحد يضوج

نرمان : ضلو كاعدين يلفون دولمة .. كملو وطبخوها ..

نزار : اذا طيبة اني مسويها اذا مو طيبة فاروق مسويها

ايثار : انتو لفيتو اني سويتها

نرمان : التمينة على السفرة ناكل .. جانت كلش طيبة

حكيم : حشة النعمة لعبان نفس

نزار : هاي ايثار مسويتها

ايثار : والله طيبة

نرمان : طيبة كلش

حكيم : شفتي شلون خليتهم يعترفون انتي مسويتها

فاروق : اني بعدني مصر على كلامي اني مسويها

نزار : اني هم

حكيم : هم اكو احد جاي يصعد فوك هل ايام

فاروق : منو قصدك

حكيم : يعني كمال نجم نسوانهم اصيلة

نزار : لا اني ما شايف واحد يصعد

ايثار : بس مرة اجت روان اخذت بهارات من المطبخ ونزلت

فاروق : ليش اكو شي

حكيم : لا ماكو شي بس اسأل

نرمان : استغربت سؤالة .. كملنة اكل وشلنة السفرة .. رحت غسلت المواعين ورجعت يمهم

فاروق : اني تصبحون على خير مني

نزار : فد ساعة ويجي صديقي نكعد بالحديقة

حكيم : خوش .. اني هم اخذ مرتي واروح انام

نرمان : كمت ويا ضلت بس ايثار كاعدة على التلفزيون .. طبينة الغرفتنة

حكيم : اني ما جايني نوم نمت هواي الضهر

نرمان : اني هم .. راح طفة الاضوية وشغل التلفزيون

حكيم : تعالي نباوع فلم مسلسل صخام مبين ما وراج شي

نرمان : رحت تمددت بحضنة شغل التلفزيون يكلب بي .. اءء اريد حلويات

حكيم : مابية حيل اطلع

نرمان : اكو بثلاجة نزار اخذهن ؟

حكيم : كومي جيبيهن وتعالي

نرمان : كمت لبست حجاب وطلعت اسحب طبيت العرفتة لكيتة ماكو فتحت ثلاجتة لكيت ببسي ونمبر وان وجبس ليز جبير اخذتهن كلهن وطلعت .. رجعت للغرفة

حكيم : ها نشالة

نرمان : عندة خوش حلويات .. فتحت الجبس ورحت يمة كعدنة ناكل .. ضلينة سهرانين للفجر نباوع فلم .. مصري فجأة لكيت حكيم نايم كمت طفيت التلفزيون ونمت ..

نرمان : مرت الايام وخلص الاسبوع نفس الروتين ما انزل جوة ضلينة فوك وايثار ونجاة يطبخن وميخلوني اشتغل .. اجة يوم سفرتنة كعدت الصبح رتبت الجنط لليل صارت ساعة 11 طلعنة للمطار

حكيم : ما ناسية شي !!

نرمان : لا

حكيم : يلة حتة اذا ناسين نشتري مناك

نرمان : اي .. صعدنة بالسيارة بعد ما ودعنة الكل .. ساق واحس نفسي متوترة لان اول مرة اسافر

حكيم : شبيج بابا ما ماخذج لصالة الاعدام

نرمان : لا بس اول مرة اسافر خارج العراق

حكيم : تتعودين .. تدرين اني اول مرة سافرت جان شكد عمري

نرمان : اي ؟

حكيم : جنت 12 سنة .. سافرت مصر ويا عمي نضال

نرمان : وخفت

حكيم : لا منين اخاف .. الحجي بيناتنة ما انام بليل اضل ابجي

نرمان : هههههههههههههه

حكيم : فدوة الضحكتج

نرمان : وصلنة للمطار نزلنة الجنط وطبينة ضلينة كاعدين ..

حكيم : نامي على رجلي

نرمان : لا عيب من العالم .. لزم راسي ونيمني على رجلة ضل يمسد بجتفي حسيت نفسي استرخيت بس ما اكدر اغفى استحي

حكيم : شلون كو*** واحد يجيبو من اليل للصبح يلة يلحك الطيارة

نرمان : صارت ساعة 6 الصبح صار نداء على طيارتنة كمنة احنة والمسافرين ختمو الجوازات وصعدنة بالطيارة

حكيم : هسة تكدرين تنامين لأن الطريق 11 ساعة

نرمان : يمة انوب 11 ساعة راح ابجي .. لزمت ايدة فتحتها ونمت على صدرة ..

حكيم : نونو حبيبي كومي تعوقت

نرمان : ها ما ادري العفو اخذتني النومة

حكيم : ما ضل شي راح نهبط

نرمان : باوعت من الجامة احنة فوك الغيم .. التفتت على حكيم بصدمة .. هاي صدك

حكيم : لا جذب لزكة على الجامة

نرمان : تضحك علية .. احضني اخاف

حكيم : ولج عيب راح تكعدين بحضني

نرمان : شبكتة وكلت .. جوعانة

حكيم : جابو اكل بس انتي نايمة

نرمان : يعني اكلت !!

حكيم : حاطة عينج علية .. من ننزل اجيبلج اكل .. اكلهم هنا حشة النعمة

نرمان : ماشي .. مرت ساعة واعلنو الهبوط غمضت عيني ارجف لزمت ملابسة لأن حسيت راح نوكع

حكيم : يمعودة وين صاعدين بديلاب الهوى

نرمان : يمةةةة بعدددني شبااااب خاف اموووت

حكيم : لوما اكو عالم جنت حجيت حجاية

نرمان : عفية الزمني

حكيم : علما نهبط هدومي مشككتهن

نرمان : اخااااف

حكيم : هوة صوجي لو فارج بالعشار ومرجعج مو احسلي

نرمان : لو ادري هيج حتة العشتار ماروح

حكيم : عشتار ههههههههه

نرمان : لحد ما هبطنة اني روحي رايحة .. نزلت من الطيارة دايخة ونفسي تلعب

حكيم : ادري بيج تعبتي بس نوصل للفندق ترتاحين

نرمان : اخذنة الجنط وطلعنة من المطار بعد الاجرائات .. صعدنة باص ينقلنة للفندق .. صار الطريق حوالي ساعة اول ما نزلنة يلة جريت نفس

حكيم : امشي كعدي بصالة الانتضار اجيب المفتاح واجي

نرمان : رحت كعدت بالانتضار واباوع على العاملات بالفندق شبة لابسات ملابس ضليت فاتحة حلكي .. انداريت اباوع على حكيم اريد المحة يباوع على وحدة حتة اسويلة عزة هنا ..

حكيم : يلة كومي

نرمان : كمت اتقربت منة مضيقة عيني .. شفت البنات !!!

حكيم : يا بنات ؟

نرمان : العاملات مال فندق

حكيم : وشعلينة هاي ثقافتهم وحياتهم

نرمان : ما كلنة شي .. فاتت وحدة جنها عارضة ازياء كبل باوعت على حكيم يباوع عليها .. تباووووع على البناااات

حكيم : وين باوعت !

نرمان : فتح الغرفة وطبينة وكفت متخوصرة واباوعلة .. اني شفتك تباوع عليهن

حكيم : متوهمة

نرمان : هااا متوهمة موو .. صرت اعصاب اخذت الجنط حطيتهن على صفحة .. نزع ملابسة شمرهن وتغطة وغمض عينة .. كمت فتحت جنطتي اخذت ملابس من الجابهن قبل زواجنة طبيت للحمام سبحت وبدلت لبسته وضليت واكفة اباوع بالمراية جان لونة بنفسجي طوخ .. مستحيل اطلع هيج

حكيم : راح يلبسج جن اذا مطلعين

نرمان : يمة اسم الله .. اريد اطلع بس مترددة اشجعت وفتحت الباب مغطية نفسي بايدي .. بس شافني عدل كعدتة

حكيم : هسة راح تطلع فلوس السفرة

نرمان : مو ارجع ابدل .. كام شالني بحركة سريعة وشمرني عالجرباية

حكيم : اذا كل ما باوعت على وحدة هيج تلبسين اليوم ما خلي وحدة بالفندق تفوتني

نرمان : صوجي اني اكوم ابدل

حكيم : انجب حبيبي

نرمان : باسني بركبتي وسحبني الحضنة .. ووو

حكيم : حبيبي حضريلي ملابس

نرمان : كمت من السرير جسمي كلة يوجعني باوعت بالمراية ركبتي مشوها .. هاااي ليش

حكيم : وشم

نرمان : كمت ادبج من القهر طلعت ملابس وطبيت للحمام سبحت وبدلت طلعت لكيتة نايم .. كيموووو ناييييم

حكيم : احتركت عشيرة كيمو

نرمان : مطلعني اليوم

حكيم : حقج يابة شبعانة نوم شعدج

نرمان : من نرجع نام .. كام من الجرباية ضربتي بالمخدة وطب للحمام سبح وبدل طلع

حكيم : اريد اصرف الورق عملتهم واخذج لمسجد بوترا جايا

نرمان : جاية الماليزيا حتة اروح للمسجد

حكيم : ثول هاذة مسجد اثري بنص البحيرة مكان بعرس امج ما طابتلة

نرمان : يلة امشي .. اخذنة غراضنة وطلعنة .. رحنة الاماكن اشبه بالخيال جمال والشوارع والاماكن ..

_ مرت سبع ايام من اجمل ايام حياتي .. اليوم كان اليوم الاخير بالسفرة ..

حكيم : مابدل هوى البصرة بدول الدنيا كلها

نرمان : هههههههه مليت

حكيم : صار عندي اكتئاب

نرمان : غير اجنن بس انتة عاجبك الكهرباء كل شوية تطفة وتجي

حكيم : من اذكرت الكهرباء اتشافيت من الاكتئاب كبل

نرمان : باجر نرجع

حكيم : اذا رجعنة باجر بخير وسلامة عكبة اطلع البغداد

نرمان : كول والله

حكيم : والله طلابة صارلي 10 ايام ازوجنة ووسافرنة ودحنة .. كافي بعد

نرمان : واني ! تعوفني

حكيم : وين عايفج يابوية لازم اطلع البغداد شغلي كله هناك

نرمان : هزيت راسي .. بس روحي طكت رحت بصفة تمددت ونمت الثاني يوم 12 الضهر طلعنة للمطار متوجهين للعراق ..

حكيم : شوفيلج مكان نامي بي ضلوعي كسرتيهن

نرمان : حطيت مخدة على رجلة ونمت .. اتحمل انتة مو زوجي ؟؟؟

حكيم : نامي على جرباية الخلفوج

نرمان : ضليت كاعدة ما نمت عكس من رحنة .. مر الوكت بين سوالف واكل وضلينة نتفرج على الصور الاخذناها بالسفرة لحد ما هبطنة ساعة .. 12 باليل .. نزلنة من الطيارة للمطار .. اخذنة سيارة حكيم الباتت بالمطار طول مدة السفرة

حكيم : بشرفج هاذة الهوى لو هناك

نرمان : ثنينهن

حكيم : ادب سز

نرمان : رجعنة للبيت هلكانين .. اول ما طبينة عفنة الجنط وصعدنة فوك فتحنة الباب مال بيت صارت بوجهنة ايثار شفتها زركة وشعرها مهوس بس شافتنة طبت تركض

حكيم : شبيج ايثار

نرمان : طبت تركض الغرفتها صار صوت صياح وطلعت من الغرفة لابسة حجاب ودشداشة مستورة كعدت على التخم

ايثار : اني اسفة شفتوني هيج وانتو هسة راجعين .. بس فدوة اريدك توديني لاهلي هسة

حكيم : ليش شكو

فاروق : الله يساعدكم

نرمان : اجة فاروق حضن حكيم .. دفعة حكيم وباوعلة بغضب

حكيم : شبيها مرتك

فاروق : عوفوها تدلل

نرمان : رفعت ردان دشداشتها ايدها زركة وبيها اثر مال شخوط وخراميش

حكيم : انتة هيج مسوي بيها !!

فاروق : اي

نرمان : كعد حكيم على القنفة مصدوم .. حطيت ايدي على حلكي .. شكد ضاربها بوحشية الي هيج اثر صاير بيها

حكيم : ليش هيج سويت بيها

فاروق : ميخصك

ايثار : لأن حامل

نرمان : كام حكيم لزمة من ياختة وزنكة بالحايط .. صار الجو مكهرب طلع نزار من غرفتة ضل واكف يتفرج عليهم

حكيم : انتة زماااااااال حيوووووووان شنو فرقك عن الحيووووان فهمني

فاروق : لا تجاوز .. اني ما اريد طفل وهية تدري ومحذرها

حكيم : تذكر فلاح !!!!

فاروق : شبي قندرة

نرمان : ضربة بوكس بوجها .. ورجع يحجي ويا

حكيم : تذكر من جاب نجاة تنزف شسويت شلون تخبلت مو دكيت بيتهم

فاروق : ما ضربتها لأن حامل هاذة سبب

ايثار : بجي .. ضربني لأن حامل وميريدني اداوم كلية ويريد يحرمني من اهلي ويخليني هنا خدامة هاذة كلامة

فاروق : ميشرفني نسب ابوج .. مو باعج ! خل يستلم

حكيم : انتة مستوعب الجاي اسوي .. انتة صاحي لك ليش هيج اسوي برةحك وبمرتك .. هاذة الطفل هوة الي ميشرفة اصير انتة ابو

ايثار : اني بعد ما اريدة اريد ارجع لاهلي ما اريد اشوف وجها بعد كافي تعذبت بما فية الكفاية

نرمان : اسكتي هسة لاتكولين هيج اذا صار عندج طفل منو يربي اذا تطلكين .. بس كلت هيج ابتعدت عني وباوعتلي بحقد ..

ايثار : انتي وين واني وين

نرمان : ليش هيج تكولين

ايثار : شووو وخرررري

حكيم : كافي بوية روحي نامي وباجر اني اخذج لاهلج

نرمان : طبت الغرفتها وركعت الباب وقفلتها

حكيم : اذا ما انعدلت وصرت ادمي شوفلك مكان تكعد بي لأن بعد ما الفيك .. كدامك فرصة اذا ما احتويت مرتك و الطفل البطنها .. راح تعض اصابيعك ندم ابن نرجس

نرمان : راح للغرفة رحت ورا فتحت الباب لكيتة كاعد ويهز برجلة بتوتر ..

حكيم : تعبت

نرمان : بس يشوف بطن مرتة تكبر راح يتغير

حكيم : اذا ضلت

نرمان : حتة اذا راحت لاهلها ترجع

حكيم : وتالي !

نرمان : نام وارتاح وباجر يحلها رب العالمين

حكيم : ونعم بالله

نرمان : نزع حذائة ونام بملابسة ..

صباحا ..

نزار : حكييييم كافي نوم مارحت للدوام علمودك

نرمان : حكيم .. كوم نزار يصيحلك .. حط المخدة على راسة ميريد يسمع صوت كمت لبست حجاب ودشداشة عريضة وفتحت الباب

نزار : كيفك مرت اخي

نرمان : منيحها

نزار : شو جبتيلنا معك

نرمان : عطر وساعة و حلويات

نزار : وينون

نرمان : بالسيارة ما نزلنة الجنط

نزار : جيبلي المفتاح

نرمان : اخذت البصمة من الميز وانطيتهيا نزل جوة شوية وصعد بيدة الجنط شمرهن بالكاع

نزار : يلة طلعي الغراض

نرمان : فتحت الجنطة الجايبين بيها الهدايا .. طلعتلة غراضة حكيم مخلي كل هدية عليها اسم انطيتهيا

نزار : واجبتو الفاروق النذل

نرمان : مثلك بس غير ماركة .. كبل جر الكيس المكتوب علية فاروق وطلع يركض الغرفتة

نزار : هاي الفلوس الجبس البكتي .. عبالج ما ادري

نرمان : عزززة شذكرك بي

نزار : منو كلج ناسي

نرمان : لميت الغراض وقفلت الجنط وطببتهن الغرفتي .. لكيت حكيم كاعد يخابر شوية وسدة

حكيم : منو جابهن

نرمان : صحي النومة يا حلو .. نزار جابهن

حكيم : وينة اريد اشوفة

نرمان : باك هدية فاروق وراح الغرفتة

حكيم : خل ياخذها فاروق ميستاهل نعال

نرمان : كام طلع من الغرفة راح الغرفة نزار .. كعدت انضف و ارتب بغرفتنة .. مرت دقايق وطبت نجاة

نجاة : يمةةةة شووووكت اجيتيييييي

نرمان : رحت حضنتها .. البارحة باليل

نجاة : يارررروحي اشتاقيتلج موووت ما متعودة تعوفيني هلكد

نرمان : بعد ما اعوفج اكابلج واكعد

نجاة : سمعتي بايثار ؟؟؟

نرمان : سديت الباب .. اي البارحة ضاربها فاروق وميريد الطفل

نجاة : مو بس هيج ..

نرمان : شكو

نجاة : احجيلج بس جنج كلشي ما سمعتي

نرمان : ماشي

نجاة : اول بارحة طب فاروق يدور على ايثار يريدها اصبله غدة ما لكاها دك عليها صعد فوك نزل جوة ايثار فص ملح وذاب .. لج ساعة ندور اني ويا عليها ماكو فجأة ماادري منين اجة باقر ابن كمال كال .. شفتها ورا البيت جاي تسقي الزرع .. طلعنة بالحديقة ما لكيناها طبينة لكيناها بالمطبخ بس وجها مطعون ازرررق واكفة اصب غدة وايدها ترجف

نرمان : وعلمود هاي ضربها

نجاة : ما ادري بس حسيتة يشك بيها انتي تدرين بفاروق حتة بخيالة يشك

نرمان : بس متسوة يشك بيها يجوز جانت بالحمام

نجاة : بعد ما ادري شنو براس فاروق

نرمان : خطية الله يهدي عليها

نجاة : تريدين اساعدج بالغرفة

نرمان : لا اني اكمل ماعندي شي بس اخلص تسفيط الملابس .. كعدت بالكاع اسفط كعدت وياي

نجاة : اشتاقيتلج والله

نرمان : حتة اني كلششش

نجاة : خل نكمل ونطلع نسوي ريوك مثل قبل

نرمان : اي طبعا .. كملنة ترتيب وطلعنة من للمطبخ وكفنة نسوي اكل طب نزار يكص كمع الصمون وياكلة

نجاة : حباب سولفلها القصة الحجيتلياها

نزار : يوووو عوفيني بقهرتي

نرمان : شنو كول حتة اسويلج طماطة لاجعة

نزار : سمعي .. طلعت من الدوام الضهر اجاني جاهل كال عمو عمو اريد 10 الاف اجيب بيهن غدة لاهلي .. باوعت على الولد مرتب وكاشخ مو مال محتاج عبالي برنامج الصدمة وجاي يختبرون الغيرة العراقية .. طلعتلة 10 وبست راسة وشوية وانزع قميصي البسلهيا .. شو هاذة اخذهن وطلع يركض ضليت واكف ربع ساعة لا الاء حسين لا كامرة كلشي ماكو ..

نرمان : وراحت العشرة

نزار : ركبت سيارتي وطلعت ادور عالولد لكيتة يلعب طوبة بالفرع لزمتة وخبزتة واخذت منة العشرة وصعدت بالسيارة

نرمان : ههههههههههههه يمة صدك تحجي

نزار : چا عشرة هنا هنا بيهن مصرف مال اسبوع

نرمان : خطية يجوز محتاج

نزار : اني هم محتاج

نجاة : احتركن البيضات

نرمان : وكفت اكمل الاكل طبت ايثار صبت حليب وكفت تشرب

نجاة : شلونج اليوم

ايثار : زينة

نرمان : تروحين لاهلج ؟

ايثار : شو كاتلة نفسج تريديني اروح لهلي .. لا تخافين ما اروح كاعدة على كلبج

نزار : وشنو الة داعي حجيج شكلتلج قابل ؟؟

ايثار : لا بس احس وجودي زاعجها

نزار : البارحة من كتلها فاروق وكعت منها الاخلاق بالغلط

نرمان : طلعت من المطبخ كالبة خلقتها .. كملنة الاكل ورحنة للهول التمينة على السفرة عدى فاروق طالع للدوام

حكيم : اسمعيني بابا اعتبريني اخوج الجبير وافتهميني

ايثار : شبقة افتهمة

حكيم : كلشي .. كلشي ما مفتهمة انتي .. اذا اريد احجي على اخوية فهو واحد طايحضة وسكير وابو نسوان وكلب ونذل ..

ايثار : اذا تدرون بي هيج ليش ازوجووو

حكيم : هاذة الحجي كولي الابوج مو سأل علية .. اني نايم ورجلي بالشمس لحد ما طبيتي انتي وابوج يلة دريت بالسالفة

ايثار : اي ادري

حكيم : لج بوية انتي لو جايتة من باب اني حامل وابو ابني واحبك ترة الزلمة يتقشمر بحجايتين حالة حال الجهال وبذات فاروق يتقشمر بسرعة

ايثار : مشوف النهار كلة يضحكن علية النسوان

حكيم : اني وين جاي احجي اسمعيني .. بمكان هاي الصراعات الزمي درب الله وادعيلة عاملي معاملة زينة .. اني ما شايفج فديوم لا اصلين ولا تحاجي حجاية بيها خير اذا حجة كبل قصفتي لو رديتي .. صح اني مالي حق ادخل بس ما اريد بيتكم ينهجم واكو طفل راح يصير بين الرجلين

ايثار : هوة ماعندة اخلاق

حكيم : هوة ماعندة انتي خلي عندج اخلاق وصيري احسن منة .. ترة اذا تعلق بيج يفديج بروحة كل الزلم هيج مو فاروق لو غيرة .. وبذات هوة ماشاف حنان الام

ايثار : ان شاءلله .. الله كريم

حكيم : ماكو اكرم من ربج

نرمان : ضل ساكت ورجع يكمل اكل .. خلصنة وشلنة السفرة

نجاة : اني اغسلهن انتي كعدي

نرمان : للعصر دكو على حكيم وكال عندة شغلة ضرةرية وطلع .. كعدنة بالهول اني ونجاة نسولف

نجاة : امي خابرت عمتي اصيلة ورادت تحاجي حكيم بس عرفت بي مسافر وسدتة

نرمان : لاتحجين كدام حكيم البي كافي

نجاة : لج ما كلتلي اجبتيلي ؟؟

نرمان : ذكرتيني كومي اراويج .. اخذتها وطبينة الغرفتي فتحت الكنتور اطلع الهداية مالتها ومال ايثار .. ماكو !!!!

نجاة : شبيج

نرمان : ماكو لا هديتج ولا هدية ايثار بس مال عمتي موجودة

نجاة : لا عزززة كلشي ولا هديتي ..

نرمان : كمنة ندور سوة مالكينة كلشي انصدمت

نجاة : لا عاد هاي السالفة بعد مينسكت عليها

نرمان : لج نجااااة

نجاة : اسم الله شبيج

نرمان : حلقتي ماكو

نجاة : شنو

نرمان : باعي ايدي فارغة

نجاة : خاف نزعتيها بالمطبخ

نرمان : طلعت من الغرفة اركض قبل لا تكمل كلامها طبيت للمطبخ ادور على الحلقة جني مخبلة

نجاة : اهدي شبيج

نرمان : لج هاي من حكيم جابلياها وين رااااحت

ايثار : شبيكم شدورون

نرمان : حلقتتتتي مااااااكو

ايثار : خاف وكعت منا منا بالحمام

نرمان : ما نازعتها .. طبيت للحمام ادور ماكو اخر شي يئست وكعدت بالصالة كمت ابجي

نجاة : لج لاتبجين والله تلكيها

ايثار : خاف نسيتهيا بالمطار

نرمان : ما ادري .. ماحارك كلبي غير انها هدية من حكيم وانطانيها بيوم جان يراضيني

نزار : شبيج ليش تبجين

نجاة : حلقتها ماكو

نزار : حلقتها !!

نجاة : حتة هداية جابتهن الي والايثار هم ماكو

حكيم : السلام عليكم .. شبيييج نررررمان ليييش تبجيييين

نرمان : رفعت راسي .. شفتة اجة كمبص يم رجلي ولزم ايدي ..

حكيم : حلقتج وين

نرمان : حجيت بعصبية .. ما ادري شوف منو باكها

حكيم : شنو السالفة

ايثار : ميجوز تتهمين احد بكيفج

حكيم : هاي السالفة زادت عن حدها

نزار : فتشو الغرف كلها من فوك ليجوة حتة متتهم احد وتحز بخاطر احد

نرمان : كمت طبيت الغرفتي كمت احك جلدي بهستيريا جسمي كلة طكع من القهر ..

نجاة : لجججج نررررمان تعااالي

نرمان : شكو مناقصني خرعة

نجاة : شوفي

نرمان : لزمت وجهي مصدومة .. هاي شنو

نجاة : والله لكيناها هيج جوة التخم

نرمان : باوعت على الحلقة مطبكة ومكسرة صايرة قطعة مربعة صغيرة اخذتها منها وبجيت

حكيم : نجاة طلعي وسدي الباب

نجاة : حاضر

نرمان : كعدت على السرير ابجي واباوع على الحلقة

حكيم : ولج تنزل دموعج على حلقة

نرمان : حضن راسي يمسد على شعري بس اني كلبي محروك ما اكدر احجي

حكيم : ولج يفداج الف حلقة اجيبلج اغاتها .. بس دموعج لايزرفن كلبي

نرمان : منو جاي يسوي هيج

حكيم : وعيونج الزمة واحطة جوة رجلج

نرمان : اسمعني بس لاتكول علية جاي اتهمها باطل .. اني احس ايثار اسوي هيج لان هيا متحبني واضوج مني

حكيم : هم ميخالف اسكتي وصدكي اني ما اسكت .. وداعت عيونج اليبجن

نرمان : ماشي

حكيم : واليوم ما ابيت اصابيعج فارغة

نرمان : كمت حضنتة وغمضت عيني ..

حكيم : ماكو حلويات منا منا

نرمان : لا

حكيم : ابددددد

نرمان : ابد

حكيم : اذكرت المضيفات

نرمان : عمة بعينك

حكيم : عين منووووو ؟؟؟

نرمان : كام نزع حزامة وكف كبالي بعصبية .. اءء اسفة ما اعيدها

حكيم : يرادلج تربية من جديد

نرمان : خفت من كلامة وشكلة راح قفل الباب واجة تقرب مني بعصبية وماحس غير عضني من ركبتي ..

حكيم : بربوك تدعين علية بالعمة

نرمان :عبالي زعلت بس صدك اذا تباوع على غيري الله يعميك

حكيم : ويحولج حتة اني اصير اعمة وانتي حولة

نرمان : اتخيل عزززة ونزار يضحك علينة .. شفتة صافن بوجهي تقرب نام على صدري وضل ساكت ومغمض عينة

حكيم : انت البحر وانا المبحر بك والغريق .

نرمان : احب كلامك يخليني اتنفس براحة

حكيم : شو تنفسي

نرمان : جريت شهيق وزفير حيل باوعلي يضحك

حكيم : هاذة شسمة

نرمان : شهيق

حكيم : لا حبيبي هاذة نهيق

نرمان : ضربتة بجتفة .. ناصب علية

حكيم : عمي انتي ناصبة علية

نرمان : اريد انزل اسلم على عمتي وانطيها هديتها

حكيم : والله جريم الحرامي العدنة عاف هدية عمتج واخذ مالتة ومال نجاة

نرمان : يعني تدري بايثار ؟

حكيم : لا زلة السان

نرمان : ضيقت عيني اباوعلي .. كول والله

حكيم : حرام احلف

نرمان : همممم

حكيم : ما الله هداج

نرمان : تقربت طخيت خشمي بخشمة .. لاع

حكيم : ولعلاعة

نرمان : اوووي مكروه

حكيم : او لا لا

نرمان : الله حلوة هاي .. كام من الجرباية ضربني راشدي بخفة ..

حكيم : وراك مدرسة الشهر الجاي ياحلو

نرمان : مدرررسة

حكيم : ايوا

نرمان : لا اله الا الله والشهيد حبيب الله

حكيم : ورا الاربعين .. عريس الزين يتهنا

نرمان : يمةةةة تزووووع علييية

حكيم : اي ازوع عليج

نرمان : العفو تزززززززززوج عليةةةة

حكيم : چا مرتي توفاها القدر

نرمان : ام زكي تعالجني واطيب بالحلقة الاخيرة

حكيم : هههههههه مرتبة وضعج

نرمان : ايييييي

نجاة : نونو تعالي سويت عصير رمان

نرمان : الله كوووم

حكيم : وكت البطون تعمة العيون امشي

نرمان : طلعت من الغرفة اهرول طبيت للهول اخذت كلاص وكعدت اشرب .. عااااشت ايدج طييييييب

حكيم : فاهي

نجاة : لو نحطلك كيلو شكر هم تكول فاهي

ايثار : اليوم يجي العصر اخوية هنا

حكيم : هلا بي

نجاة : همست .. شو هاي من ازوجت لحد الان بس اخوها يجيها لا امها ولا ابوها

نرمان : والله ما ادري

حكيم : بس بلا زحمة اريد استخدم غرفتج

ايثار : ليش محتاج شي

حكيم : لا بس عندي سلاح اريد اجربة من شباك الغرفة مالتكم لأن غرفتي تشرف على الشارع

ايثار : عادي براحتك

نرمان : كام طب الغرفتنة جاب مسدس وحط بي طلقة وطب الغرفة فاروق وسد الباب ..

ايثار : هاااااايييييي شنوووووو تتهمونيييييي موووووو

نرمان : انصدمت بايثار طبت ورا حكيم تصيح بعلو صوتها ضلينة اني ونجاة وحدة تباوع للخ

ايثار : انييييي ما اسمعلللللك تفهم لو لااااا

حكيم : حسج اذا تعلي اخفي

ايثار : اني شمسويتلكم ليش هيج تعاملوني لان فقيرة عبالكم ابوكم والله كلشي مو بعيني مال الدنيا كلها مو بعيني اني بت خير بس الضروف خلتنة هيج صدك اذا اشوف الذخب بالكاع ما اشيلة

نرمان : صارت تبجي وتميل براسها .. ضرب طلقة حكيم بالجو وطلع من الغرفة

نجاة : والنبي اكو شي

نرمان : والله كمت اخاف من هاذة البيت كل مصيبة تكول للثانية اني اقوة منج

نجاة : امشي هاي مسوية فلم خل ننزل جوة شوفي عمتج

نرمان : اخذت هديتها ونزلت جوة اول ما شافتني اخذتني بالاحضان فرحانة

اصيلة : ليش مكلفة نفسج

نرمان : اخذتها مني وكعدت مبتسمة

اصيلة : ولج روان جيبي عصير المرت حماج

نرمان : فرحت بمعاملتها الي .. مر اليوم واجة اخو ايثار شوية وراح ولليل طب حكيم بيدة حلقة صح منة بس احس ذيج الها طعم خاص بحياتي

حكيم : باجر اطلع البغداد

نرمان : تروح وترجع بالسلامة .. احضرلك جنطتك

حكيم : لا بوية اني احضرها الفجر تعالي اريد اشبع عيوني منج

نرمان : رحت تمددت بحضنة .. شلون انام بدونك

حكيم : وعيونج ما اتأخر

نرمان : انداريت لازمة دموعي حضني من بطني ورفع تشيرتي باس ضهري

حكيم : صرتي بداخلي اكثر مني .

نرمان : انتة كلي

حكيم : شبيج يجفون عيني

نرمان : اريدك

حكيم : ابوس نهودك وترضى علية وما تزعل

نرمان : هزيت راسي .. اي

حكيم : بسيطة

نرمان : ضل يشاقة ويبوسني ويتحرش بية لحد ما صارت ساعة 5 الصبح واحنة كاعدين .. سبح وبدل ولم غراضة

حكيم : ديري بالج على نفسج وشيصير وياج خابريني .. احبج

نرمان : اموت عليك .. طلع برة بعد 60 بوسة بجميع انحاء الوجه سديت الباب ورا وطبيت الغرفتي وقفلتها ضليت اتكلب شوية ونمت ..

الضهر ..

نجاة : نونو كافي نوم

نرمان : فتحت عيني اباوع الساعة 3 الا ربع انصدمت طفرت من الفراش فتحت الباب

نجاة : راح حكيم

نرمان : اي الفجر .. شكددد نمتتتت

نجاة : عروس ومن حقج

نرمان : طبيت غسلت وجهي وطلعت مشطت شعري ولبست دشداشة عريضة وشال

نجاة : تعالي راح يجون بسمة ورحاب يباركولج

نرمان : خل يبقن ابيتهن واني اروح اباركلهن بس لايجن

نجاة : ادب سز خواچي ذني

نرمان : او لا لا

نجاة : سوالف حكيم من يقلد علينة

نرمان : ههههه ايييي .. نزلنة جوة كاعدين بالهول يم عمتي مرت دقايق وطب نزار كالب وجها شمر علية جيس اسود

نزار : مرة ثانية لا شمرين ملابسج منا ومنا

نرمان : ضحكت عبالي يشاقة فتحت الكيس واتصنمت ..

نجاة : هاذة وين لكيتة !!!

يتبع ...

نهاية البارت : هاي منو كمللكم البارت ؟؟ 😋

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

وعجزت عيني ان تراكي ولكن لم يعجز قلبي ان ينساكي. اذا العين لم تراكي فالقلب لن ينساكي . ارايت رصاصه تسأل القتيل . ؟؟؟

ملاحضة : ضروري الشخص يصدق ميتكلم بهل شي لاكن ذكرتة للفائدة

_________________________________________

نزار : مرة ثانية لا شمرين ملابسج منا ومنا

نرمان : ضحكت عبالي يشاقة فتحت الكيس واتصنمت ..

نجاة : هاذة وين لكيتة !!!

نزار : اريد افتهم ليش اشرين ملابسج بالشباك واكو ناس طابة وطالعة على الحديقة

نرمان : انيييييي هااااذة وووين لكيتة اصلا من اجيت لحد الان ما غاسلة هدوم

نزار : لكيتة واكع ودايسين علية بالحذاء شلتة وديتة الايثار كالت مو الي النرمان .. خليتة بعلاكة سودة وجبتة الج

نرمان : حطيت ايدي على حلكي هاذة قميص النوم البستة بماليزيا اول يوم .. حسيت وجهي جمر من الخجل لزمت صدري اريد اجر نفس حسيت البيت يخنكني

نجاة : شبيج يمعودة كولي يا الله

نرمان : اخذتة وصعدت فوك ابجي ما ادري منو جاي يسوي بية هيج .. صارت بوجهي ايثار

ايثار : شبيج حياتي

نرمان : مابية .. عبرتها وطبيت الغرفتي جريت البردة الشباك مسدود وحتة حكيم مغلفة بلون جوزي حتة ميبين شي من الغرفة وصار فترة طويلة محد فاتحة .. رحت فتحت مبايلي ودكيت على حكيم .. شوية واجاني صوتة الملهوف

حكيم : جمرة افادي

نرمان : مشتاقتلك تعال ارجع

حكيم : شبيج !!! اكو احد مضوجج

نرمان : لا بس اريدك ترجع مشتاقتلك

حكيم : ياجفون عيني بس اكمل شغلي اجيج على احر من الجمر والله بدونج احس البيت ياكلني

نرمان : حتة اني مخنوكة بالبيت

حكيم : كولي يا الله وحطي ايدج على كلبج واقري ( ألم نشرح )

نرمان : بقيت الخط مفتوح وحطبت ايدي على كلبي وقريت الاية ..

حكيم : صدق الله العظيم

نرمان : قريتها

حكيم : واني هم قريتها الج

نرمان : شكرا لانك بحياتي .. اني بدونك اضيع

حكيم : بوية اني بدونج لا شيئ ..

نرمان : احبك حكيمي

حكيم : اااااخ نمنمتي جمرة كلبي الما تنطفي

نرمان : لعد اشبهني بالفحماية

حكيم : فحمايتي .. روحي فتحي الكنتور تلكيت قاصة مال دار الايتام اريدج تذبين بيها صدقة كلما تختنكين لو تنضرين

نرمان : صدك يعني هاي توديها الدار الايتام ؟

حكيم : اي كل شهر اجمعهن اوديهن الدار الايتام او الجمعية شهداء سبايكر يوزعوها رواتب للعوائل المتضررين من اجرام داعش الك***

نرمان : الله يحفظك يارب وتنطي اكثر واكثر

حكيم : وجودج بحياتي يصير كلشي بالدنيا بخير اولهم اني ..

نرمان : راح ابجي

حكيم : چا ولي ابجي خل اكمل شغلي

نرمان : جذب ما ابجي فدوة لعيوني .. يلة بيباي لاتباوع على النسوان

حكيم : هاي غيررر لحمة

نرمان : حكييييييم اجيييييك والله

حكيم : ودسم بكلبج

نرمان : هههههههه يلة ما اعطلك باي

حكيم : مودع بالله حبيب الروح

نرمان : سديتة ورحت شمرت العلاكة بالميز على وضعها لان قرفت منة بعد ما اكدر اغسلة والبسة

نجاة : نونو بعدك ضايج

نرمان : لا حاجيت من حكيم ارتاحيت

نجاة : اكلج

نرمان : كولي

نجاة : حكيم هم يجيب طاري موضوع ذاك النكس ؟

نرمان : ابن عمج الحيوان

نجاة : اي

نرمان : لا ابد

نجاة : اريد فديوم اكعد واحجي ويا اتمنى ينسى الصار ونبدي صفحة جديدة .. نرمان احس التفكير ذابحني من يوم سالفة فلاح اني ماعندي مبايل لو الزم مبايلج مرات لو اخاف لايشوفو بيدي تعبت .. دفعت الثمن بما فية الكفاية حتة فاروق من يومها ميباوع بوجهي ابد حتة على الاكل ميقبل اكعد وياكم

نرمان : من شفت دموعها نزلت حسيت كلبي تكطع عليها .. فدوة الكلبج لاتبجين محد يستاهل تبجين علمودة والله حتة فاروق مو يحاربج حياتة كلها خراب وحكيم الي بكلبة كافي

نجاة : يعني شايل بكلبة علية مو

نرمان : لا واني اشجعج اذا رجع تكعدين ويا وتحاجي واطلبين منة يسامحج .. لاتنسين الشرف غالي وانتي مسحتي بيهم الكاع

نجاة : ادري كلة مني .. تذكرين من دك مبايلج بالصالون ورديت على حكيم وما فشلني .. جان اسعد يوم بحياتي

نرمان : تقربت حضنتها كامت تبجي بصوت عالي .. لج والله يسامحوج بس شغلي البطيخة البراسج وبعد لاتغلطين

نجاة : والله شغلتها وبعد كلشي ما اسوي

نرمان : الله يهديج

نجاة : شنو مخبلة كدامج

نرمان : ها مو هستونة شغلنة البطيخة

نجاة : ديلة خوش

نرمان : نامي يمي اليوم وحشة انام بلا حكيم

نجاة : واذا اتخيلتيني حكيم شلون

نرمان : انجبي بلا سوالف نزار ..

نجاة : كومي خل نتوسل بنزار يجيبلنة حلويات حتة نسهر اني وياج

نرمان : طلعنة من الغرفة نسولف .. طب فاروق بدون سلام او كلام كبل اشر الايثار تروح ورا للغرفة .. عفناهم و نزلنة جوة

نجاة : جدر ولكة غطا

نرمان : اي والله .. كعدنة بالحديقة ونزار لازم اسفنجة ويجلف بسيارتة ومشغل اغنية اه يادنيا ويكمز وياها

نزار : الدنيا دي بتحترم بس الي عندو فلوس اما اليحتجلها بتزل فيه ودوس اصل الحياة مدرسة ياما اخذنا فيها دروس .. اه يادنيا الله اه يادنيا الله ..

نرمان : متت من الضحك من شفتة رافع بجامتة ويغني ويجلف .. اخر شي كمل وشال المي الوصخ مال غسل كلة طين ودهن شمرة على سيارة فاروق

نجاة : هسة يطلعلك

نزار : شعلية اني هاي سوالف باقر ابن كمال

نجاة : لا خطية يلزمة يكتلة منوراك

نرمان : نزوري

نزار : وجعة امي شتريدين

نرمان : اشترررريلنة

نزار : بشرط

نرمان : شنو

نزار : اشتري الي والجن منج فلوس

نرمان : موافقة .. كمت اركض صعدت فوك شفت ماكو احد طلعت الفلوس من ملابسي ونزلت جوة .. هاك

نزار : شنيييي

نرمان : الف اشتري النجاة والف الك وهاي خمسة اشتريلي بيها الي

نزار : تدللين

نرمان : انتضرك .. طلع بهدومة المنكعة 10 دقايق ورجع بيدة 3 علاليك

نزار : هاي الج وهاي النجاة وهاي الي

نرمان : اخذ علاكتة وصعد فوك ضلينة اني ونجاة صافنات

نجاة : هاي شنو

نرمان : فتحت العلاكة بيها 4 نساتل من ثنين بربع وياها علج وحاطلنة وياهن كل وحدة جبس ليز ابو الربع

نجاة : اياااا قفاااص

نرمان : خل يصبر اذا ما اكول الحكيم علية

نجاة : والله فطيرة .. خل ينام شوفي منو متاخذ حتة فلوسة

نرمان : اي عفية اريد فلوسي .. صار اليل صعدنة فوك سوينة اكل وتعشينة وحدنة .. طبينة الغرفتي كعدنة ناكل ونحش بعمتي اصيلة للفجر يلة غفينة .. مرت الايام متشابها

_صرت كل يوم اسمع صوت فاروق وايثار لو يتعاركون لو يضربها وصارت متحجي وياي ابد بس ويا نجاة ومرات نزار .. بيوم جنت انضف بالهول الضهر طب فاروق

فاروق : ايثاااااار وووووين

ايثار : شتريد

نرمان : ركض لزمها من شعرها يعت بي ويحجي من بين اسنانة ..

فاروق : مرة ثانية من تريدين قندرة بعينج وعين اهلج مدزيلي ابوج الخيخة

ايثار : احترم نفسك يا عديم التربية

نرمان : دفعها على الطبلة وكعت على وجها لزمت حلكها بألم وصتر يجري دم

فاروق : تريدين اسافرين مووووو .. ولج هاذة البيت مطلعين منة غير جنازة

نرمان : شال كلشي كبالة وركعة بالكاع صار الهول كلة كزاز اتهستر وكام يحجي بغضب

فاروق : لجججججج تعبتيييييني تفتهمين لو لا تعبتيييييني كرهتينيييي بعيشتي .. بس اني ازوووجت بس اني راح اخلفففففف اشفت وياج احجييييي شفت وياج يوم راحة كلشيييييي ماشفت .. حتة من اخذتج جنت مو بوعيييييي وانعل ذاك اليوم الاسود الاخذتج بي لو ضاااالة بنية وشامرج على ابوج اشرررفلي ..

نرمان : ضرب على راسة بثنين ادية وصاح

فاروق : ولج انووووووب طفللللللل طفلللللللل بني ادم ما الة اذنب اني ابوووو وانتي امة .. شلون تربين طفل وانتي محتاجة تربية فهميني شلوووون

ايثار : ماضل هنا بعد ماااااااااضل وديني لهلي

نرمان : سحلها للغرفة وكمت اسمع اصواتهم .. الي افتهمتة ايثار تريد اسافر الايران ويا امها وابوها وتدرس هناك كلية ودازة ابوها يقنع فاروق .. كمت اتكطع على اصواتهم حرت انقهر على منو بس كل الي بداخلي مكسور على الطفل الي بطنها

نزار : الوووو وين صافنة هاي شنو الصالة مركعوة هاون

نرمان : امشي خل ننزل جوة .. طلعت قبلة نزلت اهرول طبيت للبيت سلمت على عمتي والبنات

اصيلة : عندج رصيد .. اريد ادك على كمال

نرمان : فتحت مبايلي وحطيت الرقم من مبايلها ودكيت

كمال : الو

اصيلة : ها يمة وين صرت مو كلت من تجي تاخذني للدكتور

كمال : يمة خليها للسبت اليوم ما الحك

اصيلة : ولك فقراتي ما اكدر احركهن امداك وامدة اخوك العار

نرمان : سدتة وانطتنيا لازمة ركبتها بألم .. تردين ادلكها الج

اصيلة : علوى

نرمان : رحت للمطبخ اتعلمت من حكيم يجيب زيت الزيتون ويخلي بنص جدرية بيها مي يحمة عالبخارة لدرجة الدفو اطفي النار واحط بي ملح ويدلك بي الجسم .. حسب قولة يسحب الالم من العظم

اصيلة : ها انتي هم شردتي

نرمان : لا عمة اجيت .. طبيت للهول لازمة الطاسة بثنين ادية حطيتها على الميز ورفعت شعرها وبديت اسويلها مساج

اصيلة : ااااااي رحمة على ذاك الاب الطيب

نرمان : يرحم والديج

نجاة : اهم شي كثرتي ملح

نرمان : حطيت جلكان ملح

اصيلة : امشي لج صفرة .. انطيتجن عين برابيك

نرمان : ابتعدت عنها اضحك ..

روان : شلونج نرمان

نرمان : الحمدلله انتو شلونكم

روان : بخير الله يسلمج

اسراء : مكانج خالي بالبيت

نرمان : ادري .. بهل اثناء دخل نجم يخوزر بية عدلت حجابي وكعدت على صفحة

نجم : رجلج وين

نرمان : مسافر

نجم : طبعا يسافر اذا عايش بفلوسي وفلوس اخوتي بس عبالج ميعثرنة عساها تطلع بزرة

نرمان : بعلت غصتي وضليت ساكتة .. اخاف احجي ويجسر علية واني ما اتحمل

نجاة : بهمس .. كومي نصعد فوك

نرمان : اي .. طلعت من الهول نار بكلبي صعدت فوك .. لكيت الهول على وضعة وصاختة

نجاة : شنو السالفة منو هيج مسوي تخبلوووو ذولة

نرمان : فاروق وايثار تعاركو تعالي انضفة .. كعدت بالكاع الم بالكزاز ونشمرة بالسطل .. نزلنة بردات الصالة وغسلتهن وعلكتهن ضلينة نلملم ونضف بالبيت وايثار ما الها حس

نجاة : لج خاف خنكها فاروق وماتت

نرمان : لا اسم الله

نجاة : راح اصب غدة بعد ما اتحمل

نرمان : اني ما احب كبة البرغل

نجاة : اصبلج سوب ويا الصمون تاكلين

نرمان : بكيفج

ايثار : اجة اخوية لاطلعن بلا حجاب

نرمان : ماشي

نجاة : الولد يدرون اخوج جاي

ايثار : اي

نرمان : سمعنة صوتهم بالصالة بس الكلام ما مفهوم مرت نص ساعة وسمعنة الباب اركعت طلعنة للهول فتحنة الشباك

نجاة : شو هاي راحت ويا اخوها

نرمان : يجوز تريد اشوف اهلها

نجاة : يمكن .. تعالي ناكل متنة من الجوع

نرمان : كعدنة ناكل .. للعصر طلع فاروق من غرفة لابس بجامة وفانية وشكلة كاعد من النوم

فاروق : صبولي غدة

نجاة : اي

نرمان : ضليت كاعدة العب بمبايلي شوية ورجعت نجاة بيدها صينية الة

فاروق : چا ثور البين وينها

نجاة : مو راحت ويا اخوها

نرمان : دفع الصينية وكام يصيح ..

فاروق : وووووين راااااحت

نجاة : اجة اخوها وبدلت وطلعت ويا .. عبالنة تدري

فاروق : اخوها طب للبيت بغيابي ؟؟؟

نجاة : اي

نرمان : جر مبايلة يدك عليها ويسب ويلعن

فاروق : جاوووووبي .. لججججج بتتتتتت المطيييي اني الجججج .. وانتن شنوووو هنا حميررررر

نجاة : لا صيح احنة شعلينة

نرمان : اشرتلها ننزل معلينة لا يكب بوجهنا .. طلعت بالدرج شفتة جر تشيرتة ونزل للكراج لبسة وصعد بالسيارة

نجاة : عزززة بس لا يكتلها كدام اهلها

نرمان : عدها كومة اخوة يلزمو يخبزو فوكاها

اصيلة : شبي اخوط مزومل

نجاة : معلينة هوة ومرتة

نرمان : ضلينة بالحديقة نفتر لو نصعد فوك ضوجة كلش لليل طب فاروق كبل الغرفة وركع الباب وبعد ما شفناه

نجاة : عيناي اني انزل انام

نرمان : لا حبابة ضلي يمي

نجاة : مو خاف حكيم يجي

نرمان : لا ما اتوقع يجي اليوم كال باجر

نجاة : چا امشي

نرمان : طبينة الغرفتي شغلت مسلسل زهرة القصر وكعدنة نتابع ما ادري شوكت غفيت

_ فزيت الفجر على دغدغة بوجهي .. شميت ريحت نفسة قبل لا افتح عيني ابتسمت وحاوطت ركبتة ..

حكيم : اذا متت منوراج يسموني الشهيد العاشق

نرمان : احضني اريد احس بالامان

حكيم : اليوم افتت ضلوعج

نرمان : فتحت عيني واشرتلة اششش .. نجاة بصفي .. شغلت التيبلام لان الغرفة ضلمة

حكيم : سويلي مكان انام يمكم

نرمان : باوعت على نجاة نايمة بالعرض وجارة الغطة كلة

حكيم : تعالي انام بالكاع

نرمان : رحت طلعت دوشك وفرشتة بالكاع وسحبت مخدتي .. ونمنة عليها ثنينة

حكيم : ليش بعيدة علية تعالي بحضني

نرمان : كل هاذة وبعيدة .. سحبني علية اكثر وخلة رجلي بين رجلة وحضن جسمي من فوك .. حط وجها بركبتي ..

حكيم : هسة اكدر احس بحرارة جسمج

نرمان : العب بشعري حتة انام .. مد ايدة يلوي شعري باصبعة كل ما اريد اغفى يعت شعري

حكيم : بالغلط

نرمان : دغيتة بجتفة بالغلط مو

حكيم : ام شوارب

نرمان : لزم وجهي افحصة والله ماعندي

حكيم : من ابوسج ينغزني

نرمان : انداريت علية مصدومة

حكيم : راح ابوسج وشوفي شلون

نرمان : يلة .. قرب عض شفتي و باسني بقوة حسيت شفتي راح تنشلع .. ابتعد عني مبتسم

حكيم : احححح

نرمان : عضيت شفتي وغمضت عيني بألم .. أذيتني

حكيم : اليحب يوجع

نرمان : انداريت عينة مغمضة عيني .. سمعتة يهمس

حكيم : نلعب

نرمان : نجاتو نايمة .. رفع الغطة فوك راسي وغطاني ويا صرنة ثنينة جوا اختلط نفسي ويا حسيتة عالم خاص بينة

حكيم : (وَلَسَوْفَ يُعْطِيكَ رَبُّكَ فَتَرْضَىٰ ) طول عمري أمن بيها بس من اخذتج حسيت بلذتها

صباحا ..

نرمان : فتحت عيني لكيت حكيم نايم .. انقهرت اكعدة بستة بخدة وكمت ما لكيت نجاة بفراشها .. اخذت ملابس ودخلت سبحت وطلعت انشف بشعري وكفت على المراية احط كحل ..

حكيم : صباح المشمش العيونك الترمش

نرمان : حبيبي خوما كعدتك اني

حكيم : لا بس صوت الركسونة اطربني

نرمان : هههههههه صوت البخاخ عالي

حكيم : ايييي .. اريد اسبح

نرمان : روح للحمام واني احضرلك ملابس .. راح للحمام رحت طلعتلة ملابس واذكرت الثوب طلعت العلاكة حطيتها على الجرباية حتة احجيلة عليها لأن اخاف اضم عنة شي

حكيم : حبيبي اررررريد ملابس

نرمان : لبست حجابي وطلعت برة انطي الملابس ..

حكيم : لاسوين ريوك اني اسوي اليوم

نرمان : مممم يعني ناكل من ايدك اليوم

حكيم : اي

نرمان : طلع من الحمام ينشف بشعرة طب للمطبخ طلع طاوة وبطل زيت وبدة يطك البيض ويخفقة

حكيم : شلون تحبين اسويلجيا

نرمان : عيون

حكيم : ورا ما اخبطهن تحجين

نرمان : يلة سويلي اومليت

حكيم : انجبي لج هنة بيضات خبط احطلج وياهن بصلات وخبز واكليهن وسكتي

نرمان : لحضة صمت

حكيم : ماشي حبيبي

نرمان : اسرع تحول بالتاريخ .. بدة يثرم فلفل اخضر وطماطة ويحط فوكاها عمبة ..

حكيم : اليوم لو بالهدف لو بالنجف

نرمان : شنو اجرب بية اكلات

حكيم : بعد كلبي شعندي غيرج

نرمان : اخذ الصينية وراح للهول اتكابلنة ناكل رش على البيض فلفل اسود

حكيم : كولي رجلي ميعرف يطبخ

نرمان : صدك طيب

نزار : مساء الفلافل ياحلو ياسافل

حكيم : هلااااا بالمحامي

نزار : شني بوية تاكلون بدوني اهمداني

حكيم : اي والله

نزار : شو انتي وخري منا

نرمان : كمت من القنفة وكعد بمكاني .. عطت بي اررريد اكل

نزار : جيبيلج طبلة كعدي علية الاولوية لكبار السن

نرمان : سحبني حكيم وكعدني على رجلة وكعد يسويلي لكم صغار ويوكلني

نزار : زوجوني بروح هويدر

حكيم : اتخرج والله كريم

فاروق : صباح الخير

نزار : صباح الحنية ممكن نتعرف على الحرامية ..

نرمان : خزرة حكيم ورجع ياكل .. كمت من حضنتة لان استحيت من المنضر

حكيم : شلونك شخبارك انتة ومرتك

فاروق : زوينين

حكيم : وينها ما شفتها

فاروق : مكبورة ابيت اهلها

حكيم : الله يهدي سركم

نرمان : كام غسل وضل نزار ياكل كمت ورا للحمام .. كيمو

حكيم : عيونة

نرمان : اريد اراويك شي .. ابتسم بخبث عرفت تفكيرة سد الحنفية وسحبني من ايدي للغرفة وسد الباب

حكيم : راويني

نرمان : رحت طلعت العلاكة وفتحتها راويتة الثوب وحجيتلة السالفة ..

حكيم : نزار جابة !!

نرمان : اي .. جرة من ايدي مركز بتفاصيلة وبالطبع مال حذاء الي بي تقريبا نصة ممسوح وباقي اثر بسيط فتح مبايلة وطكلة صورة وطلع يمشي سريع بدون ولا كلمة صحت ورا .. حكيييم اوووكف شراااح اسوووي

حكيم : تعال نزار اريدك

نرمان : اخذة ونزلو جوة ضليت واكفة بالممر الفوك اسمعهم يحجون

حكيم : اجاب ثوب نرمان ورا البيت

نزار : ما ادري اني طلعت من الباب الخلفية ولكيتة بالكاع وايثار كالت الها

نرمان : شفتة راح للكشوانية وبدة يرفع الاحذية واحد ورا الاخ .. استغربت منة

نزار : شسوي

حكيم : ثواني

نرمان : فتح مبايلة وقلب حذاء اسود ما ادري المن ويباوع على الصورة وعلية

حكيم : هاذة حذاء نجم الك***

نزار : يجوز فات من يمة وداس علية

حكيم : الثوب شلون طلع من الكنتور الورا البيت !!

نزار : مرتك شارتة بالشباك

حكيم : شبيك انتة نرمان اشر قميص نوم بالشباك

نرمان : صعد فوك صاير اعصاب طب كعد على التخم ومانطق بحرف

نزار : لاتحط بالك يمة .. يجوز هوى عالي طيرة ذاك اليوم الباسي لكيتة معلك بصحن مال ستلايت

حكيم : انتة تعرف شي واني اعرف شي

نرمان : صار السكوت سيد المكان .. طبيت للمطبخ اسوي غدة .. طبخت برياني ودجاج للعصر صبيت وتغدينة المغرب صعدت يمنة نجاة بس بعدها تخاف وتستحي منهم ومتحجي الة للضرورة

نجاة : شبيهم مدلغمين

نرمان : حكيم شاف الثوب وضاج وفاروق من يوم يومة

نجاة : عبالي احجي ويا حكيم بس شكلة ميتحاجة

نرمان : اي والله .. لليل فاروق طلع ونزار راح الغرفة ونجاة نزلت جوة ضلينة اني وحكيم وحدنة

حكيم : تعالي بحضني مشتاقلج وعطشان اشم ريحتج

نرمان : الي يريدني هوة يجيني .. عفتة وطبيت للغرفة وقفلت الباب بدلت ثوب مخلع وحطيت حمرة حمرة وكحل اسود ومسكارة فليت شعري وسرحتة .. سمعتة يدك بالباب

حكيم : لج خبلة فتحي الباب

نرمان : ما رديت علية طفيت الاضوية وشغلت السبلت وشغلت شموع ثنين اشتريتهن بالجهاز

حكيم : نونو لاسوين سوالف الجهال فتحي الباب

نرمان : وكفت ورا الباب حبيت نبرت التوسل .. حجيت بصوت مايع .. صاير متحبني

حكيم : اشتعل ابوج اذا ماحبج

نرمان : لاجذب علية متحبني

حكيم : فتحي الباب حتة اراويج شكد احبج

نرمان : هئ هئ

حكيم : ولج بربوك مو صارلي ساعة اتوسل

نرمان : فتحت الباب وصرت وراها .. اول ما طب فتح الضوة .. هاااااي ليشششش

حكيم : What is this

نرمان : صارت عيونة تتحرك بخبث على جسمي سد الباب وقفلها وشالني من الكاع مثل الجهال وشمرني على السرير

حكيم : هسة يبدي الشغل الدقيق

نرمان : يمة لحكيييني .. نزلت من الجربايةما ادري وين اختل صرت اني من جه وهوا من جها حجيت واني الهث .. بطلت جنت اشاقة

حكيم : سولفيها على الدبة

نرمان : اجاني من ذيج الجهة وحصرني بالزاوية ما اكدر افلت .. نزع تشيرتة وتقدم علية طاخ بجسمي

حكيم : take off your clothes

نرمان : شنهووووو

حكيم : يعني خوية نزعي

نرمان : كمت اضحك على سوالفة باسني وهوة يضحك شالني وصار يهمس بأذاني كلمات حنينةةة

حكيم : نرماني نجمتي بسما سودة ..

نرمان : ضلينة للفجر كاعدين .. صار يلعب بشعري

حكيم : اضفرة

نرمان : لا خلي راح اسبح

حكيم : كومي اسبحج وانشف شعرج واضفرة ..

نرمان : اءء ما اكدر .. بست خدة وطفرت من الفراش طبيت للحمام وسديت الباب سمعت خطواتة وراية

حكيم : اني اعلمج يا بربوك

نرمان : سبحت ولبست برنص وخاولي وفتحت الباب باوعت يمنى ويسرى ماكو احد طبيت الغرفتي اركض

حكيم : اني الج

نرمان : كولو الة كدة

حكيم : يراد ارش عالفرشة ملح بلكت يغزر

نرمان : طلعت الساني اعيب .. ضربني بالمخدة وطب للحمام ..

_ مرت الايام وايثار من يوم الراحت ما رجعت مر شهر على زواجنة و بعد اسبوع للمدارس بيوم جنت نازلة اخذ شكر من المطبخ الجوة علمود نزار يريد حلاوة شعرية

روان : شلونج عيني صرتي متبينين

نرمان : دائما انزل بس مرات انتي مموجودة .. انتي شلونج

روان : على الله

اسراء : اي بشرينة ما صار عندج شي صار شهر خانسين فوك

نرمان : ضجت وخجلت من كلامها .. قصدج طفل

اسراء : چا شنوة

نرمان : بعد بيد الله

روان : بعدهم عرسان وينهم وين الخلفة

اسراء : الله كريم شوفي روحج منا الشهر اذا ما صار عندج روحي راجعي شوفي منين الصوج

نرمان : ان شاءلله ..

روان : معليج بيها اني سنة ما صار عندي بزر وذبيتها ورا الله

نرمان : هزيت راسي وطلعت من المطبخ صعدت فوك طبيت للهول وجهي محتقن وما اكدر ابجي ..

نزار : وين الحلاوة

نرمان : اذكرت الشعرية .. رحت اركض للمطبخ لكيتها شايطة والشعرية سودة طفيت الطباخ وكعدت بالكاع ابجي

نزار : شبيييج ولج

نرمان : الشعرية احتركت

نزار : وتبجين عليها .. كومي كومي

نرمان : كمت من الكاع رحت الغرفتي وسديت الباب ما ادري شبية احس مخنوكة دقايق ودخلت نجاة

نجاة : شكالن الحياية وخلنج تبجين

نرمان : ماكالن شي اني اتحسس

نجاة : شو باوعيلي

نرمان : عود اني ليش ماصرت حامل ..

نجاة : غير بيد الله

نرمان : بس اني اريد اروح للدكتورة

نجاة : وشتكليلها صارلي شهر مزوجة حتة تضحك عليج .. وبعدين انتي بعدج صغيرة

نرمان : واذا صغيرة ما احبل ؟؟؟

نجاة : يااااا واني شمدررريني .. كبري عقلج وكومي غسلي وجهج

نرمان : ماشي .. كمت غسلت ورجعت كعدت ضليت افكر بالسالفة للعصر اجة حكيم

حكيم : نمنمة بابا بدلي اخذج تشترين ملابس للمدرسة

نرمان : اي

حكيم : شبيج كالبة جهرتج

نرمان : مابية .. حجيتها بهدوء وابتسمت ورحت ابدل .. كملت ورحت يمة

حكيم : حبيبي جاهزة ؟

نرمان : اي .. نزلنة جوة .. صعدنة بالسيارة وطلعنة ..

حكيم : شبيج ولاتكولين مابية

نرمان : اني ليش ما اخلف

حكيم : شنو مزوجة صارلج 15 سنة

نرمان : حتلو اني اريد طفل .. فتح الجكمجة وطلع مدالية شكل ولد صغير

حكيم : هاج

نرمان : شنو هاي

حكيم : چا مو تريدين طفل

نرمان : ضليت ساكتة واباوعلة صفح .. لزم حنجي يضحك

حكيم : الله كريم ياجمرة افادي

نرمان : رفعت راسي اباوعلة اندار علية مبتسم .. رجعت نضري على الطريق شفت تريلة صارت كبالنة تمشي بسرعة خيالية .. صرخت بصوت طلع من اعماق روحي ..

_ اوووووووووووكف حكييييييييييييييم

واتوضة بعطر لوشفت وكتك حان

اتعثراكبالك بالجذب تمثيل

خاطربالوجه تاخذني بالاحظان

وماجني حضنتك جني ذاك اليوم

حاظن جنس حوى من انخلق للان

تعلة انفاسنة ونعرفها ماهي انفاس

حمم خلص وكتها وتنزل ابركان

ويهب عالي الهوى وشعرك علية يثور

جن ظدي حرب ماخلة حسنك بان

يصعد على الوجه ويبوش الوجنات

انزلة اعلة الزنود ايفصللها اردان

راح اغرك ابشعرك لوردت ماموت ..

نجاة : كاعدين العصر بالحديقة ارش الزرع ويا نزار

فاروق : وين حكيم

نزار : راح هوة ونونو للسوك

فاروق : عبالي الكاه

نجاة : بهل اثناء دك مبايل فاروق .. فتح خط واتصنم

نزار : شبيك خوية سالمين

فاروق : حك .. يم .. مسوي .. حادث

نجاة : من حجة حسيت الدنيا كلها صارت سواد .. وفاروق ويا كل رمشة من عيون تنزل دمعة .. كعدت بالكاع لازم راسي .. مستحيل لااااااا لااااااااا

نجم : شبيكم

نجاة : كمت اصرخ بشكل هستيري .. حكييييييييم حكيييييييم .. اخذووووووني الة ماااااا ابقةةةةة هناااااا اخذوووووني وووووياكم

نجم : امشي اخذج وياي

نجاة : كمت حطيت حجاب على راسي واجت عمتي تركض بعبايتها صعدنة ويا نجم ونزار وفاروق اختفو قبل لا يطب نجم

نجم : بيا مستشفى

نجاة : مااااعرف

اصيلة : بردا وسلاما اقري نادي عليا مضهر العجائب وادعيلة ..

نجم : مرتة ويا

نجاة : اذكرت نرمان كمت الطم على وجهي .. ااااي نرررررمان هممممم وياااااااا .. كمت الطم على رجلي اريد يخلص الطريق اريد اشوفهم

اصيلة : سودة بوجهي عززززة العزاج عواطف بتج راحت

نجاة : خابر نجم على فاروق وانطا العنوان وصلنة للمستشفى .. نزلت من السيارة اركض قبلهم

نجم : اكو شخص اجة بحادث سيارة اسمة حكيم فاضل ويا زوجتة نرمان

الموضف : اي بالطابق الثالث

نجاة : صعدنة فوك .. شفت نزار وفاروق واكفين يبجون انصعقت كل الي اجة ابالي افكار سودة رحت يمهم وصرخت .. حكييييييييم وووووووين

نزار : بالعمليااااااات

اصيلة : وبت اخووي وينها

نزار : ما ادري كلشي ما ادري كلشي ماحجوووو

فاروق : بصوت مبحوح .. بالانعاش عدها ارتجاج بالمخ

نجم : لا اله الى الله

نجاة كعدنة كبال غرفة العمليات على اعصابنة كمت اردد كل الايات الحافظتها مرت 5 ساعات مو من عمري .. لحد ما طلع الطبيب نزع الكمامة واردف بصوت خافت ..

الدكتور : انتو اهل حكيم

فاروق : اي احجي ماضل بية روح بعد

الدكتور : عندة تمزق بجدار البطن مسببلة جرح عميق بالمعدة اثر اصدام السيارة من الامام

فاروق : وهسة شلونة

الدكتور : اجريتلة عملية جراحية ولازم منا الثلاث ساعات يصحى ونكدر نشخص حالتة

نزار : وزوجتة

الدكتور : مو اني المسؤل عن حالتها

نجاة : حسيت جسمي كلة يوجعني لزمت راسي بألم الجاي يصير اكبر من استيعابي

نجم : اني اروح اسأل عن بت خالي

نزار : اكعد انتة لاتدخل

نجاة : رحنة اني ونزار للاستعلامات سألنة عنها ودلونة على غرفة الطبيب المسؤل عن حالتها

نزار : السلام عليكم

الدكتور : وعليكم السلام تفضل

نزار : زوجة اخوية نرمان عماد اليوم جابوها بحادث سيارة

الدكتور : اي اعرفها .. حاليا حالتها مستقرة

نزار : يعني شنو نكدر نشوفها او نخرجها

الدكتور : مستحيل عدها ارتجاج بالمخ من غير الجروح والرضوض وكسر عضمة الرجل

نجاة : نكدر نشوفها حتلو دقيقة

الدكتور : شوفي الممرضة تكدر ادخلج

نجاة : سلمنة هلية وطلعنة للردها .. حجة نزار ويا الممرضة وقنعها ادخلنة بس شنوفها ونطلع ..

نزار : لبسي ذني حتة ندخل لان الغرفة معقمة

نجاة : لبسنة برجلنة وبراسنة ورداء ازرق فوك الملابس .. دخلت للغرفة شفت نرمان ولطمت على وجهي

نزار : اشششش سكتي

نجاة : شوووف وجها نزارررر .. انعصرت روحي من شفت نمنمة حكيم نايمة بغرفة باردة مثل الثلاجة وجها كلة جروح والدم متجمد على شفتها .. بلعت ريكي ولزمت ايد نزار احس ما اكدر اوكف بعد

نزار : نرمان متعوف الحكيم

نجاة : هزيت راسي لااااا

الممرضة : تفضلو برة لان ممنوع

نجاة : طلعت برة لازمة صدري ما اكدر اتنفس رجعنا نتمشى الغرفة حكيم لكيناه مطلعي وكفت يمة اباوع الوجها صاير اصفرررر وصااافي غمضت عيني ولزمت ايدة رجع بية الزمن اليوم العافتني امي .. من جان يسبحني ويقريني ومينام الة انام

نزار : ايدة يابسة خشبة

اصيلة : كافي يمة هدة بلكت ساعة ويكعد

نجم : شفتو نرمان عايشة !

نزار : من عمرك العمرها

فاروق : كافي سكتو

نجاة : مرت ساعة وانكلبت المستشفى كلاب ما ادري العالم منين صارت تجي

فاروق : غطي وجهج وروحي يم اصيلة خل كمال يرجعجن للبيت

نجاة : رحت يم اصيلة

كمال : امشن ارجعجن لاضلن بنص الزلم

نجاة : فاروق يكول ضلي اني ارجعج وياي

اصيلة : امشنا يمة جن اخوها عاجبتة كعدتها بنص الزلم

نجاة : اخذت كمال وطلعت .. ضليت واكفة على صفحة ما اكدر اعوف نرمان وحكيم شوية وسمعتهم كالو صحى طبيت اباوعلة من بعيد اخاف من فاروق يشوفني ..

_ شالو ضهرة وعدلو كعدتة صار يفتح عينة ويسدها بطئ صفن بوجوهم ثواني ولطمت على وجهي من شفتة يتقيئ دم التمو علية ولد عمي وفاروق

فاروق : صيحوووووووولي الدكتوووووور حكيييييييم راااااح يمووووووت

يتبع ..

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

انتظرتك سيدي اليوم والبارحة علّك تجود بنغمة مسموعة كنت خلف السّتار محجوب وكأنّ القيود الحديديّة قد طوّقت لسانك أما علمت أنّ طيفك قد سكن أهدابي فيُشعل بها أشواقي وحنيني فيبعدني شوقي ويُدنيني انتظرتك مع الشّروق ومع الغروب وما بين قوس قزح في الشّتاء وفوق وريقات الشّجر كتبت اسمك بألوان النّرجس والرّياحين فيأخذني ذكرك إلى حيث تفيض بي الدّموع فأُغمض عيناي وأزيـح السّهاد

وأرمي الواقع خلف ظهري وأعود لأتذكّر أجمل أيّام عمري لحظات كانت هي الممرّ

..

_________________________________________

شالو ضهرة وعدلو كعدتة صار يفتح عينة ويسدها بطئ صفن بوجوهم ثواني ولطمت على وجهي من شفتة يتقيئ دم التمو علية ولد عمي وفاروق

فاروق : صيحوووووووولي الدكتوووووور حكيييييييم راااااح يمووووووت

نجاة : ثواني ودخل الدكتور وسط الهوسة واني فقدت الطم على رجلي واصيح

الدكتور : رجااااااء الكل يتفضل برررررة

نجاة : ضليت واكفة والشباب تطلع وفاروق ونزار يم حكيم ما قبلو يتركو .. فات اكثر من شخص طخ بية حاولت ابتعد .. ماحس غير اكو احد سحبني من مفصل ايدي وطلع يمشي وساحلني وراه .. منوووو انتةةةةة عوووووفني

مؤيد : كعدي هناا وين حاطة روحج بنص الزلم

نجاة : دفعني بنترة وهد ايدي .. ابتعدت عنة مسحت وجهي بثنين ادية واحس نفسي دايخة ومعدتي تكلب كمت اكح وصحت .. معليك انتة

مؤيد : ادري معلية بس احترمي غيبة اخوتج عنج وضلي هنا كاعدة لو خل احد يرجعج للبيت

نجاة : عفية لاتحجي كدامهم .. وما ارجع للبيت .. كعدت على الكرسي لازمة راسي

مؤيد : تريدين مي

نجاة : لا كلشي ما اريد .. كمت اريد اطلع

مؤيد : وين رايحة ضلي هنا اني اروح اشوفلج نزار يجيج

نجاة : حجيت بصوت مبحوح .. اريد اشوف حكيم ليش اتقيئ اريد اشوفة واكعد يمة

مؤيد : رحمة لابوج ضلي هنا اني شتريدين اشوفلج وارجع

نجاة : ضليت كاعدة مابية حيل ارادد بالكلام طلع قريب الربع ساعة وهوة ماكو .. طكت روحي وكمت اريد اطب للممر لكيتة جاي يمشي سريع باتجاهي

مؤيد : يكول الطبيب مابي شي الصار طبيعي يتقيئ دم بسبب العملية بمعدتة

نجاة : هاا .. الحمدلله

مؤيد : هم بدة يصحى

نجاة : قبل لا ارد علية سمعت صوت فاروق الخلاني اجمد بمكاني ..

فاروق : انتيييييي شسووووين هناااااااااااا

نجاة : اءء .. و .. و اكفة .. تقدم علية صاير بركان لزمني من حجابي يريد يضربني صار بينة الولد

مؤيد : هدي مو هيج الحجي

فاروق : انتةةةةةة لاتدخل مفهوووووم

نجاة : حسيت نفسي معت من الخجل عتني من ملابسي وطلعنة من المستشفى صعدني بالسيارة وساق

فاروق : كااااافي كاااااافي صخمتي وجوهنة مررررة لج انتي لو احطج بسررررداب جوة الكااااع ما اثق بيج بعد

نجاة : صرت احجي وابجي .. والله جنت واكفة بعيد عن الزلم حتة لايشوفوني واجة الولد ما كال شي بس راد نزار يوصلني

فاروق : صايررررر شرررررريف ابن الك*** انيييييي اعلمة الهاذة العار

نجاة : وصلني للبيت والطريق كلة يسب بية

فاروق : نزلي الله ياخذ عمرررج ونخلص منج ومن عارج

نجاة : نزلت من السيارة وركعت باب سيارتة حيل اتمنيت بهاي الحضة ادير علية نفط واحركة ..

حكيم : فتحت عيني بثكل .. انعادت كل الصور الشفتها قبل الحادث .. عيون نرمان .. المدالية .. لمست ايدها الدافية

نزار : حكيييييم فتتتتتح عينةةةةة

حكيم : حجيت بالسان ثكيل .. نرمان وين

نزار : موجودة لاتحجي وتعب نفسك

حكيم : اني وين شلون اجيت هنا

نزار : من سويت حادث نقلوك للمستشفى ..

حكيم : نرمان وين اريد اشوفها

نزار : موجودة بعدين اخذك اشوفها

حكيم : لزمت مكان العملية وغمضت عيني بألم .. نرررررررمان وووووووين

فراس : خوية الحمدلله على سلامتك مريتك موجودة مابيها شي

ايهاب : رجلها مكسورة بس تتعافة تجيك

الدكتور : السلام عليكم .. الحمدلله على سلامتك مشوف شر

حكيم : زوجتي الجانت وياي بالحادث وين

الدكتور : الحمدلله حالتها مستقرة بالانعاش منتضرين بأي لحضة تصحى وتتعدة مرحلة الخطر

حكيم : لزمت صدري اكح .. ليش بالانعاش

نزار : بخوف .. ليش يكح دم

الدكتور : لاتخافون بسبب التمزق الصار بالمعدة

حكيم : اكدر اشوفها

الدكتور : هسة مستحيل اخليك تتحرك لان جرحك جديد

حكيم : لازم اشوفها .. حسيت بوجع جرحي الملجوم ..

نزار : ابوس راسك لاتتحرك

مؤيد : خوية مرتك بخير بس لا يلجم جرحك مابينة حيل

فاروق : السلام عليكم

حكيم : ارررريد اكوووم اشوووف مررررتي

فاروق : قبل دقيقتين جنت يمها

حكيم : شفتهااااا احجييييي

فاروق : اي زينة

حكيم : انتبهت على ملامحة الي تكول غير هاذة الكلام تقدم علية حاضني رجعني ليورا يحاول ينيمني .. هددددوني

فاروق : كااافي حكيييم ناااام صيحو الممرضة ترجعلة الكانونة

مؤيد : ميحتاج اني اسويها

حكيم : عوفوني

الممرضة : بلا زحمة منو ويا نرمان

حكيم : بالسان ثكيل .. اني

الممرضة : ضربتها جلطة وصار عدها تخثر بالدم والدكتور يريد احد من عائلتها

حكيم : طلعووووني ارررريد اشوفها ..

فاروق : حكيم ما راح تكدر تمشي

حكيم : روحي بين الحياة والموت .. سندني نزار وطلعت من الغرفة امشي ويا كل خطوة احس بطني تتمزق

نزار : ليش هيج اسوي بروحك وبينة اني اروح المرتك واضل يمها وما اعوفها الا اطيب

فاروق : اوكف اجيبلك كرسي متحرك

حكيم : ما اريد اروحلها مشي .. اجة فاروق لزمني ساندني من الجهة الثانية .. وصلت الغرفتها واحس حيلي باد من قريت مكتوب على الباب ( الانعاش )

نزار : لازم البس يلة اطب وياك

حكيم : ما اريد واحد يطب وياي خليكم اريد اطب وحدي

فاروق : تكدر تمشي .. هز راسة ساكت

حكيم : فتحت الباب ودخلت امشي بخطوات متعثرة .. اجت عيني على وجها الشاحب المزين بأثار الحادث .. نرماني كومي بوية فتحي عيونج ماضل بية حيل شلون بية لو عفيني منو الي وين انام بعد منو يلمني بيدة ويشبكني منو يراضيني لو ضاكت الدنيا بية نرمان امي الصغيرة وبنتي الربيتها مرتي وقطعة من روحي .. لزمت ايدها الباردة تقربت ابوسها بكل مابية روح ..

نزار : حكيم كافي اطلع صارت سالفة برة .. غلط تدخل الها بهيج وضع لا انتة تتحمل ولا حالتها

حكيم : تقربت بست راسها وشميت ريحة شعرها المختلطة بريحة الدم .. ردت امشي بس رجلي مشيلني اشرت النزار يساعدني

نزار : حرام عليك نفسك .. امسح عيونك لاتضعف

حكيم : انتجيت علية وطلعت برة .. لكيت فاروق مسوي طلابة ويا الدكتور والممرضة

فاروق : ياااااابة طيررررر مررررتة يريد يشوفهاااا لا تلح

الدكتور : وين احنة بالفندق غير البنية حالتها خطرة هوة بكيفي

فاروق : يلة كافي طلع لاتلح زايد

حكيم : دكتور زوجتي اكو امل تكوم بالسلامة

الدكتور : كول يا الله وان شاءلله خير منا 7 ايام تصحى واذا ماصحت بيد الله

حكيم : اني مستعد الاي شي بس تكوم بالسلامة مستعد اسفرها للخارج واعالجها وانقالها اكبر مستشفى بالعراق بس ريح كلبي

الدكتور : ما الة داعي صدكني هنا راح يحافضون عليها اكثر من اي مستشفى والله يبشركم بيها .. بس رجاء ممنوع الزيارة .. المريضة ماعدها مناعة

حكيم : هزيت راسي وضليت ساكت ..

نزار : ارجعك الغرفتك

حكيم : لا خليني هنا

الممرضة : موزين على جرحك راح ينضغط بالوكفة وحتة كعدة متكدر تكعد ترة جسمك بي بنج منا الساعة كلشي يروح منك وتكوم تصرخ من الوجع

حكيم : ميخالف

فاروق : يعني وكفتك هنا شسويلها تكعدها !!

نضال : عمي امشي الغرفتك واحنة هنا كلنة يمها منعوفها

حكيم : تسلم .. ماعرفو السايق الدعمنة

فاروق : بس داعمكم شارد والموكف عقلي سيارتة شلون ما تفلشت

حكيم : منو اسعفنا

فاروق : ناس بالشارع جايبيكم ولاكين هويتك وعلى اساسها عارفيك .. واحد منهم يعرف عمي نضال مخابرة وهوة خابرني .. وسيارتك اخذوها المركز

حكيم : مستمسكاتي وين

فاروق : استلمتهن عندي ويا مبايلاتكم

حكيم : لزمت جرحي وحسيتة نزف رفعت راسي شفت الكل يباوعون علية

فاروق : امشي حكيم ارجع ابوس ايدك كافي اسوي هيج امشي ارجع الغرفتك

نزار : اروحلك فدوة لاترفض امشي

حكيم : رجعت وياهم للغرفة والالم اشتدت علية لزمت حديدة السرير وضغطت على اسناني بقوة اريد اسيطر على اعصابي من الالم ما اكدر

الممرضة : مو كلتلك ميصير الجاي اسوي .. بلا زحمة طلعو برة وهاي الورقة بيها دوة جيبوليا من الصيدلية

حكيم : اخذها نزار وطلعو الباقين عدى فاروق ضل واكف ..

الممرضة : راح افتح البلاستر وابدلة

حكيم : فتحت الضماد وجان الجرح سايح دمة نضفتة ورجعت ضمدتة وضربتني ابرة مسكن .. مرت يومين اني على هاذة الحال اروح اشوف نرمان واضل واكف يم غرفتها لحد ما يشتد الالم علية وارجع ..

نزار : هسة جنت يم نمنمة

حكيم : شلونها

نزار : لافين رجلها ورابطيها علمود التخثر ما ادري شنو يكول الدكتور جسمها جاي يتورم

حكيم : اخذني اريد اشوفها

نزار : خل اجيبلك كرسي اسهل

حكيم : راح شوية ورجع بيدة الكرسي المتحرك جلست بي واخذني للردها ..

الممرض : متكدر اطب هسة ابددد

حكيم : بس اشوفها

الممرض : الدكتور منع نفتح الباب عليها

حكيم : اريد قرأن

نزار : هسة اشوفلك

مؤيد : اني عندي بالسيارة اجيبلكيا !

حكيم : بلا أمر عليك

مؤيد : صدك جذب تدلل

حكيم : 10 دقايق جاب القران ودخل .. اخذتة منة .. بسم الله الرحمن الرحيم .. فتحت القرأن طلعتلي سورة النبأ .. بديت ارتلها بصوت مسموع

عَمَّ يَتَسَاءَلُونَ (1) عَنِ النَّبَإِ الْعَظِيمِ (2) الَّذِي هُمْ فِيهِ مُخْتَلِفُونَ (3) كَلَّا سَيَعْلَمُونَ (4) ثُمَّ كَلَّا سَيَعْلَمُونَ (5) أَلَمْ نَجْعَلِ الْأَرْضَ مِهَادًا (6) وَالْجِبَالَ أَوْتَادًا (7) وَخَلَقْنَاكُمْ أَزْوَاجًا (8) وَجَعَلْنَا نَوْمَكُمْ سُبَاتًا (9) وَجَعَلْنَا اللَّيْلَ لِبَاسًا (10) وَجَعَلْنَا النَّهَارَ مَعَاشًا (11) وَبَنَيْنَا فَوْقَكُمْ سَبْعًا شِدَادًا (12) وَجَعَلْنَا سِرَاجًا وَهَّاجًا (13) وَأَنْزَلْنَا مِنَ الْمُعْصِرَاتِ مَاءً ثَجَّاجًا (14) لِنُخْرِجَ بِهِ حَبًّا وَنَبَاتًا (15) وَجَنَّاتٍ أَلْفَافًا (16) إِنَّ يَوْمَ الْفَصْلِ كَانَ مِيقَاتًا (17) يَوْمَ يُنْفَخُ فِي الصُّورِ فَتَأْتُونَ أَفْوَاجًا (18) وَفُتِحَتِ السَّمَاءُ فَكَانَتْ أَبْوَابًا (19) وَسُيِّرَتِ الْجِبَالُ فَكَانَتْ سَرَابًا (20) إِنَّ جَهَنَّمَ كَانَتْ مِرْصَادًا (21) لِلطَّاغِينَ مَآبًا (22) لَابِثِينَ فِيهَا أَحْقَابًا (23) لَا يَذُوقُونَ فِيهَا بَرْدًا وَلَا شَرَابًا (24) إِلَّا حَمِيمًا وَغَسَّاقًا (25) جَزَاءً وِفَاقًا (26) إِنَّهُمْ كَانُوا لَا يَرْجُونَ حِسَابًا (27) وَكَذَّبُوا بِآيَاتِنَا كِذَّابًا (28) وَكُلَّ شَيْءٍ أَحْصَيْنَاهُ كِتَابًا (29) فَذُوقُوا فَلَنْ نَزِيدَكُمْ إِلَّا عَذَابًا (30) إِنَّ لِلْمُتَّقِينَ مَفَازًا (31) حَدَائِقَ وَأَعْنَابًا (32) وَكَوَاعِبَ أَتْرَابًا (33) وَكَأْسًا دِهَاقًا (34) لَا يَسْمَعُونَ فِيهَا لَغْوًا وَلَا كِذَّابًا (35) جَزَاءً مِنْ رَبِّكَ عَطَاءً حِسَابًا (36) رَبِّ السَّمَاوَاتِ وَالْأَرْضِ وَمَا بَيْنَهُمَا الرَّحْمَنِ لَا يَمْلِكُونَ مِنْهُ خِطَابًا (37) يَوْمَ يَقُومُ الرُّوحُ وَالْمَلَائِكَةُ صَفًّا لَا يَتَكَلَّمُونَ إِلَّا مَنْ أَذِنَ لَهُ الرَّحْمَنُ وَقَالَ صَوَابًا (38) ذَلِكَ الْيَوْمُ الْحَقُّ فَمَنْ شَاءَ اتَّخَذَ إِلَى رَبِّهِ مَآبًا (39) إِنَّا أَنْذَرْنَاكُمْ عَذَابًا قَرِيبًا يَوْمَ يَنْظُرُ الْمَرْءُ مَا قَدَّمَتْ يَدَاهُ وَيَقُولُ الْكَافِرُ يَا لَيْتَنِي كُنْتُ تُرَابًا (40)

صدق الله العظيم ..

نزار : هاي السورة كد ماتردد بيها حافضها

حكيم : الي يقراها لمدة سنة كل يوم مرة راح تنكتبلة العمرة بس ادور السنة بأي ضروف كانت راح يروح يعمر

الممرض : والماعندة فلوس

حكيم : ما الة علاقة متدري ربك شضاملك رزق و تعمر بس ادور السنة

نزار : اجيبلك ريوك

حكيم : لا ما اكدر اكل

كمال : السلام عليكم .. الحمدلله على سلامتك

حكيم : الله يسلمك .. شفت نجاة ورا

نجاة : حكيم حبيبي شلونك

حكيم : تعالي بوية تعالي بحضني ..

نجاة : ركضت علية حضنتة من ركبتة وكمت اشهك حجيت بصوت يرجف .. مشتاقة الحضنك .. همس بصوت ناصي

حكيم : اني هم مشتاق الحضنج الدافي

نجاة : ابتعدت عنة واكفة بصفة لزم ايدي وطبطب عليها مبتسم

حكيم : اريد احجي ويا الدكتور .. اريدهم يشغلولها قرأن بالغرفة

فاروق : اني اروح اتفاهم ويا

حكيم : لا كلشي ولا انتة اني اروحلة

نجاة : دقايق ودخل صديق حكيم بيدة اكل سفري

مؤيد : تعالو نكعد بالغرفة ناكل ونرجع هنا

حكيم : روحو انتو اني باقي هنا

مؤيد : انتة اول واحد تجي

نجاة : دفعة الولد وحكيم يسب بي دخلنة الغرفتة وفرشو الاكل وكعدو .. وكفت بعيد عنهم اجة نزار بصفي يهمس

نزار : اسويلج لفة

نجاة : لا عيب اكل كدام العالم

نزار : لاتستحين ماكو فرق كلنة زلم بالغرفة .. جنج عباس الفيتر

نجاة : ضربتة بضهرة اندار علية خازرني .. حقير يقلد علية .. خلصو اكل وكعد حكيم يقرة قرأن .. دقايق وطلعو برة بقة بس حكيم رحت كعدت على السرير يم رجلة

حكيم : صدق الله العظيم .. شلونج

نجاة : من اشوف بخير اصير بخير

حكيم : يا يابة ..

نجاة : اني اسفة

حكيم : اششش مو وكت هاذة الحجي ..

نجاة : ضليت ساكتة خفت اسألة على نرمان ما اريد نفسيتة تدهور اكثر .. مر اسبوع من يوم الحادث واجو هواي ناس يقنعون حكيم يطلع من المستشفى لو يوم واحد يرتاح ويرجع وبعد عناء اقتنع ورجعو للبيت ..

اصيلة : هلا هلا يمة حبيب هسة نور البيت

حكيم : بوجودكم

اصيلة : كومي لج صخيلة صبي غدة لاخوج وسويتلة لبن وليمون بالمجمدة طلعي

نزار : حجية شاربة شي من فاروق

اصيلة : انجب لك

حكيم : فاروق ليش ليهسة ما مرجع مرتك

فاروق : هية متريد ترجع

حكيم : الله كريم .. ترة تغدة وارجع ابات بالمستشفى

فاروق : عمي دنام بغرفتك شوف دربك ما لعبت روحك من المستشفيات

حكيم : اكدر انام بالغرفة وامي الصغيرة مو بيها

نجاة : ان شاءلله تكوم بالسلامة وتنور البيت

حكيم : بحيل الله تكوم

نجاة : رحت صبيتلة غدة وحطبتة كدامة ماقبل ياكل غير كم لكمة .. للعصر دك مبايل فاروق

حكيم : منوو

فاروق : هاي الممرضة الوصيتها على نرمان الله يستر

حكيم : عدلت كعدتي .. جاوبة

فاروق : الووو .. وعليكم السلام .. صدك الله يبشرج بالخير .. 10 دقايق ويمكم ..

حكيم : نرمان صحت ؟!

فاروق : اي فاتحة عينها .. ويريدون ملابس الها

نجاة : وكف حكيم بلهفة طلع قبلهم كلهم يمشي بطئ ولازم عمليتة .. خل اجي وياكم اشوفها

نزار : بسرعة لبسي وجيبيلها ملابس وتعالي

اصيلة : چا ضلت علية

روان : اني هم

نزار : بس اصيلة ونجاة ما اخذ احد

نجاة : لبست وصعدت فوك اخذتلها ملابس داخلية وملابس بيت وطلعت اهرول للحديقة صعدت بالسيارة كلبي يدك سريع من الفرحة .. طلعنة للمستشفى لكينة سيارة فاروق واصلة قبلنة .. نزلنة من السيارة وطبينة للمستشفى

فاروق : ميرضة واحد يطب ضل يمها وحدة

نجاة : يااا مو اريد اشوفها

اصيلة : شني هاي وكت حبجيات

حكيم : ضوة روحي من فتحتي عيونج ضحكت الدنيا بوجهي ولج بوية بغيابج ماضل بية حيل وصارت الدنيا سوودة ضلام وفكة عيونج نورت دنياي

نرمان : اااااخ راسييي

حكيم : ولج بوية لو بيدي اني انام بمكانك ولج روحي تنملخ من اسمع صوتج يون

نرمان : جسمي يوجعني

حكيم : اروحلج فدوة قطعة قطعة

نجاة : ادخل

حكيم : جبتيلها ملابس

نجاة : اي .. ذني اجيبهن

حكيم : جيبيهن وطلعي

نجاة : نونو حبيبي شلونج

حكيم : دايخة متكدر تحجي .. اخذت منها الملابس وطلعت .. سدي الباب زين ولاتخلين واحد يطب

نجاة : حاضر

حكيم : راح انزعك واشوف جوة الهدوم .. سمعتها تبجي

نرمان : رجلي توجعني جسمي ما اكدر احركة

حكيم : اشيلج بجفون عيني و اصيرين زينة واحسن من قبل .. بديت انزعها والبسها ملابس نضيفة

نرمان : اريدك تحضني بس ريحتي مو طيبة

حكيم : ياحلو ياهيلة اضمج بضلوع صدري .. اخذتها بين بين ضلوعي وعصرتها واني اشتم ريحتها الترد الروح

نرمان : بصوت مبحوح وثكل .. حكيم شبيها بطنك

حكيم : كرصت خشمها .. انجرحت

نرمان : بية ولابيك

حكيم : لابوية اسم الله عليج

نرمان : رجعني للبيت

حكيم : شو ادني ولج .. تمددت بصفها منيمها على ايدي

نرمان : اريد ارجع الغرفتنا راح تبدي المدارس

حكيم : بس اصير زين اسبحك بيدي واخذك للمدرسة

نرمان : راسي ثكيل وعيوني مغوشة

حكيم : لزمت راسها اسويلها مساج

نرمان : لاااا لااااا حكييييم

حكيم : شبيج .. لزمت مكان الألم فتحت شعرها لكيت جرح مخيط

نرمان : شنو هاذة اليوجعني

حكيم : خياط .. لزمت راسها بألم وبجت

نرمان : اريد اطلع من المستشفى

حكيم : لاتبجين

نزار : لبسهاااااا حجاااااب اريددد نطببببب

حكيم : جريت جنطة نرمان وطلعت منها حجاب لبستها ومسحت عيونها

نزار : الحمدلله على سلامتج ام حكيم

نرمان : الله يسلمك

اصيلة : الحمدلله على سلامتج عمة البيت وحشة

نرمان : شكرا عمة حطيت راسي على صدري حكيم واحس كل قطعة بجسمي تصرخ من الوجع

فاروق : اصيح الدكتور لو بعدكم بالخلوة

نزار : خطية يغار

حكيم : عاذري

نرمان : نزل حكيم من السرير وعدل ملابسة وضل واكف .. دقايق وطب الدكتور

الدكتور : شلونها الحلوة اليوم زينة موو

نرمان : راسي يوجعني وعيوني مغوشة كلشي بية يوجعني

الدكتور : شي طبيعي بعد غيبوبة 8 ايام

نرمان : بصدمة 8 ايام باوعت على حكيم مدنك

الدكتور : لازم تبقين هنا الباجر نسويلج مفراس ( اشعة مقطعية ) ونطمن عليج وترجعين للبيت

نرمان : ماشي

الدكتور : وهسة اذا اشوفين نفسج احسن نروح للفحص بس اول شي كومي وحاولي تمشين على رجلج السليمة

نرمان : تقرب حكيم شالني من ضهري حاولت اكعد بس جسمي بي خدر نزلو رجلي بالكاع وانطاني عكازة انتجي علية اول ما وكفت سندني حكيم وصار ورا ضهري بس هدني وكعت على السرير بجيت وكلت .. ما اكدر اوكف

الدكتور : ميخالف حاولي مرة وثنين

نرمان : رجع يساعدني حكيم حتة اوكف بس ما اكدر .. تقرب الدكتور من رجلي وبيدة مثل الجاكوج حديد بدة يضربني على المفصل ورجلي تنطي ردة فعل تتحرك لا اراديا

الدكتور : الحمدلله رجلها سليمة يعني ماعدها خلل بالعامود الفقري تكدرون بالمحاولة تخلوها تمشي وهسة جيبوها الغرفة المفراس بالكرسي المتحرك

نرمان : ساعدوني وكعدت بالكرسي وصلوني الغرفة المفراس بس انفتح الباب شفت جهاز مثل الفرن ادخل بي خفت وباوعت على حكيم .. اخاف ما ادخل بي

حكيم : بنيتي السباعية متخاف اني ادخل وياج واضل واكف يمج

نرمان : وتدخل وياي للفرن هم

نزار : هاي عبالها راح يشوها

حكيم : اسمة مفراز

نرمان : دخلني للغرفة ودكتور ثاني رحب بينا بعد عناء من الخوف دخلت بهاذة الجهاز تقريبا اكثر من ربع ساعة وهوة مغلق علية حسيت روحي راح تطلع من الخوف وما اكدر اتحرك ولا ابجي لحد ما طلعوني وشفت حكيم روحي ماعت

حكيم : مرت يومين وطلعت نتائج المفراس والحمدلله سليم .. اخذت نرمان ورجعنة للبيت

نرمان : شكد مشتاقة الريحة هاذة البيت

حكيم : هوة هم مشتاق تنوري

نزار : تفضلي نزلي ام حكيم

نرمان : ليش يصيحلي ام حكيم

حكيم : لأن انتي امي

نرمان : ضحكت وفتحت الباب نزلني من السيارة انتجيت علية وحركت رجلي امشي بطئ

حكيم : وليدي كعدي يمهم شوية واخذج اسبحج

نرمان : ماشي .. فتت للبيت لكيت الكل منتظريني اول ما شافوني حضنوني وتحمدولي بالسلامة

اسراء : والله متستاهلين

نرمان : الصار صار

روان : مشتاااقتلج حبيبتي

نرمان : اني هم

نجاة : يمة جان البيت يخنك والله هسة يلة ردتلة الروح الله يبعد عنكم كل شر

نرمان : امين

فاروق : خلو البنية ترتاح

حكيم : راح اخذها للحمام اسبحها

نرمان : لا خليني كاعدة شوية

حكيم : تؤ تؤ .. نجاة جيبيلها ملابس من فوك ونزلي قسم منهن الغرفتها الجوة حتة نضل بيها ..

نجاة : تدلل

حكيم : بالاول البسج كيس برجلج واسبحج

نرمان : ماشي

روان : اني اجيبلك

حكيم : اخذتها وطبيت للحمام كعدتها على طبلة ولبستها الكيس وفليت شعرها

نرمان : استحي

حكيم : يمة من كلاوات النسوان .. صارت تلملم نفسها خجلانة .. فتحت الدوش وكعدت كبالها مكمبص

نرمان : على كيفك ويا شعري

حكيم : انا مشتاک الحضنك والعطرك مشتاك العب اني بشعرك صار شكد لك مابايسني

نرمان : عيوني يلوموني .. بدونك عمري مايسوى ارجع محتاج الك فدوة

حكيم : مدي ايدج المجرجفة

نرمان : فدوة لأيدي تخبل

حكيم : اي بعلي

نرمان : يلة بس ترة هاي ايدي مو جدر

حكيم : باعي شلون طلعت بيضة

نرمان : تضحك علية صح

حكيم : ههههههههه لا

نرمان : يلة نشفني

حكيم : pretty without clothes Exciting

نرمان : يعني شنو

حكيم : يعني كومي ابدلج

نرمان : اي

حكيم : نشفت شعرها وفتحت الباب .. نجااااة وين الملابس

نجاة : اي ثواني

نرمان : طب بيدة الملابس لفيت الخاولي على جسمي بدة يلبسني كمل ولف شعري بالخاولي طلعت من الحمام وطبيت الغرفتي القديمة باوعتلها بتأمل

حكيم : تذكرين من حصرتج هنا

نرمان : لا ما اذكر

حكيم : بس اني اذكر من خليت زنودج زرك

نرمان : استغفرلله

نجاة : ادخل

حكيم : انتي ضلي كل شوية بع*** الباب وطبي

نجاة : جبتلكم غدة

حكيم : اذا هيج هلا بيج

نرمان : عاشت ايدج تعالي اكل ويانة

نجاة : ليش لا

نرمان : ضحكت على شكل حكيم وهوة يخزر نجاة وذيج مسوية نفسها ماشوفة

نرمان : عاشت ايدج .. مر يومين على وجودي بالبيت حسيت براحة مو طبيعية من دلال حكيم الي .. بيوم كعدت الصبح ما لكيت حكيم كمت لبست روب طويل وردان وحجاب وطلعت برة لكيتة كاعد يم نزار رحت اتمشى بالممر بطئ لان للان احس ضهري يوجعني ورجلي بيها خدر صار صوتهم عالي وكفت استمع الكلامهم

نزار : بس انتة ميصير اضل هيج تدري شنو يعني نزيف بالامعاء

حكيم : خل اطيب نرمان واراجع دكتور

نزار : ما اخليك تنتضرها اطيب انتة ليش متخاف على روحك

حكيم : هي روحي

نزار : حجي يفيدك

نرمان : طبيت للهول كلبي يرجف من الكلام السمعتة لزمت صدري بخوف وجريت نفس ..صباح الخير

حكيم : صباح العسل على كلبج

نزار : تعالي بشرفج كعدي

نرمان : رحت كعدت بصف حكيم حط ايدة ورا ضهري باوعتلة واحس كلبي يتكطع من الكلام السمعتة .. يعني هوة مريض وميحجي كدامي

نزار : هسة رجلج جان يسألني اذا اجتني قضية طلاق والزوج ماقبل يطلك شسوي

حكيم : اي بلة شسوي !

نزار : اصادق مرتة وادزلة صورها واهددة اذا ميطلك انشر صورها وافضحة مرتة تخونة وهنا راح يخاف وسطلك .. واربح القضية

نرمان : فتحت حلكي كول والله

حكيم : حتة يشكوك شكتين

نرمان : اي والله

نزار : اذا ما فادت كل الطرق اشوف عمتج اصيلة اطكهم بسحر واخلي يطلك اكو اسهل منها بعد

نرمان : هههههههه هنا اي

حكيم : المدارس بدت وصارلج فترة غايبة .. تكدرين اداومين اوديج واجيبج لو اسويلج انتساب واقريج بالبيت

نرمان : ما اعرف بكيفك

حكيم : راح اخذلج اجازة مرضية بتقاريرج واذا خلصت المدة وماكدرتي اداومين اسويلج انتساب

نرمان : اي احسن

حكيم : بابا اني ابدل وانزل اروح المدرستج قبل لايخلص الدوام واصيحلج نجاة اسويلج ريوك واضل يمج

نزار : اني يادوب الحك على المحاضرة الاخيرة

نرمان : بدلو وطلعو ضليت وحدي فوك انتضرت نجاة تصعد ماكو .. لبست برجلي ونزلت على كيفي

باية باية كل شوية احس راح اوكع .. فتحت باب المطبخ ما لكيت احد بالبيت صحت .. نجاااة نجااااة .. عمةةةةة وينج

_ استغربت ماكو احد بالبيت فتت ادور على عليهم لكيت باقر ابن كمال يلعب بالمبايل

باقر : بيبي وعمة نجاة وباجي روان راحو للسوك

نرمان : وامك

باقر : نايمة فوك

نرمان : زين منو وداهم

باقر : عمي نجم

نرمان : هااا .. فتريت بالبيت شوية ورجعت كعدت يمة على القنفة دقايق وسمعت الباب تندك .. بااااقر كوووم افتح الباب

باقر : عمة جاي العب فتحيها انتي

نرمان : كمت امشي على العكازة والباب تكسرت تكسر .. استغربت حتة الحارس ماكو وكفت ورا الباب وصحت .. منو

مجهول : اني ام خالد حبيبة فتحي الباب

نرمان : ام خالد منو

مجهول : صديقت عمتج وصتني على دجاج ذبح من السوك وجبتلهيا فتحي الباب خل اطببة راح لايخرب

نرمان : لبست حجابي عدل وفتحت الباب شفت مرة مبوشة وهيئتها مرة جبيرة بالعمر دخلت علاليك سود ثنين

مجهول : خالة فدوة لهل وجه ماشيلين وياي مو ضهري انفتح بالنص

نرمان : مو اني رجلي مجبسة

مجهول : فدوة العينج حتلو علاكة كتلني الحر

نرمان : طلعت من الباب اباوع يمنى ويسرى اشرتلي

مجهول : منا ابو الستوتة

نرمان : طلعت اعرج شفت رجال ملثم كاعد بالستوتة بس شافني نزل وانطاني علاكة رجعت باتجاه البيت ماحسيت غير اجة حط قطعة قماش على خشمي وسحلني كمت ارفس برجلي وكعت من ايدي العكازة اريد اصرخ بس ميطلع مني صوت حسيت من قوة ضغطة على خشمي راح ينكسر فكي

مجهول : بسررررعة بسررررعة قبل لا يجي واحد ويشوفها

نرمان : انشمرت بالستوتة وماحسيت على شي بعد ..

حكيم : لحكت على دوام المديرة اخذتلها اجازة و رجعت للبيت فتحت الباب وكفت سيارة تكسي نزلت منها اصيلة والبنات

اصيلة : شلعتن كلبي بعد فلا اطلعجن

نجاة : اني معلية روان ميعجبها العجب

روان : نجم يريد ملابس والوان ماموجودة بالسوك وهددني اذا رجعت وما جايبة الي يعجبة يطردني

نجاة : شلون نجم هوة فدوة لله

حكيم : تعالن طبن منا العالم

نجاة : جبت تراك النرمان يجنن والله

حكيم : عاشت ايدج واجبتي الروحج

نجاة : سوالف بنات

حكيم : الباسات وحركات

نجاة : اهووووو

حكيم : ما صعدتي يم نمنمة

نجاة : لا والله كلت من ارجع اصعدلها لان نجم خبصنة امشو ما امشو

حكيم : وقمر الدين وينة

نجاة : وصلنة للسوك وراح للشغل ورجعنة تكسي

حكيم : ها

نجاة : ذني شنو العلاليك

حكيم : ما ادري مو الكم !!

روان : لا ذني علاليكنة بدينة

نجاة : خاف سوالف نزار

حكيم ما ادري فتحيها خل اشوف

نجاة : اي ..

حكيم : نصيت عليها فتحت هيا الاولى واني فتحت الثانية توقف الزمن بية من شفت ملابس نرمان ملطخات دم

نجاة : بصدمة .. ح .. حكيم .. ذني .. ذني ملابس نرمان اشتريناهن اني وياها بالخطوبة

حكيم : اعرفهن

نجاة : مو ذني الي انباكن منها وكامت تبجي !!!

حكيم : اي .. لكيت ورقة فوكاهن فتحتها مكتوب بيها ..

مجهول : اذا تريد مرتك تسلمنة 10 دفاتر نسلمك نونو وهاا بدون ولا خدش .. بس اذا تلعب احنة هم نلعب

حكيم : نرمان وين !!

نجاة : غير فوك

حكيم : صعدت اركض وماشوف بعيوني طبيت للبيت ادور بكل مكان اريد المح خيالها .. نرررررررمان نرررررررررمان ووووووينج

نجاة : ماكووو

اصيلة : سوووودة بوجهيييي البت وين راااحت

نجاة : الورقة شنووو بيها فهمنة

حكيم : خطفو نرمان

نجاة : شنوووو لاااااا حكيييييم لااااااا كووووول غيررررها لااااااا

حكيم : اسرررراء ووووين

نجاة : اهدة اهدة ابوس ايدك راح تموت

حكيم : اسراء وين

اسراء : شكووو شكووو ليش اصيحون

حكيم : وين جنتي

اسراء : بغرفتي

نجاة : فجأة ماحس غير وكع بالكاع انداريت علية وصرخت من شفتة لازم كلبة غمض عينة وفتح حلكة يشهك النفس كح بشكل مخيف .. حكييييم تسمعنييييي خابروووو على فاروق خل يجيييييي حكيييييم ابوووس ايدك كووووم

اصيلة : الووو ولككككك يمةةةة الحك اخوووك رااااح يموووت

_ سقوطه اشبه بالجبال المغطاة بالبرمال المتحركة كلما اشتدت الرياح زادت ثبات الى ان انتهارت جميعها

يتبع ...

البارت القادم احداث دسمة لاتسون تصويت للبارت ومتابعة الحساب احبكم ..