تحميل رواية «على قمة الحكيم» PDF

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

شمأخرك ماتجي ما ظل الك كل عذر اهلال جرحك كمل آي كمل وأصبح بدر صدكني حيل أتعبت حبك عسر مو يسر اترجيت وتوسلت بيك شكثر وشكثر ما فاد بيك الرجه وجبرتني لهل أمر ما بعد اضلن شهد خليك مني حذر واحجيهه لاتستحي كول أنت طبعك غدر ..

تابعوني انستا duu_199

_________________________________________

نرمان : رجفت واني اباوع على نجاة مبندة من البجي .. حجيت بصوت يرجف .. والله مالي دخل هية خلتني اطلع وياها اني مارضيت لان اخاف حباب لا تضربني ابوس ايدك

حكيم : بصدمة .. وين رحتن

فاروق : لكيتهن يم ابو الاسواق بين الم*** يفترن

نرمان : باوعلي بنضرة تمنيت اموت وماشوفها بعينة كعد على التخم شبك ايدة وحنة ضهرة للامام مدنك ..

حكيم : شلون اطلعن بدون علمي !

نرمان : شهكت بالزايد .. والله اني ما اريد اطلع اصلا ما ارتاح من اروح للاسواق

حكيم : فتحت عيني على وسعها .. ليش شكم مرة رايحات

نرمان : تلعثمت انداريت اباوع النجاة تبجي وتخزر بية .. هاي اول مرا .. بس كلتها اتقرب علية لزمني من زندي بقوة وهمس من بين سنونة

حكيم : اجذبن مو وتستغفلني ..

نرمان : هز راسة بغضب هدني وراح على نجاة جرها من اذانها ..

حكيم : عود كبرتي وكمتي تمشينة بكيفج نجاة اصحي على نفسج ليش اجبريني امد ايدي عليج وصلت بيج اطلعين بدون مندري ..

نجاة : اذا انتو مطلعونة وين نولي مو راح اموت من الحبسة

حكيم : انتي شنو اشوفين اكدر اطلعج ولج مو جاي اطلعكم من حلك الموت انتي لو ذاك العار ولا بعينكم ولا بحاجبكم انعل الساعة الشفتكم بيها جلاب

نجاة : بجيت بحركة .. وخر ايدك مني حتة انتة تضربني

حكيم : تستاهلين ركع النعال انتي وذيج الثولة

نرمان : من شفت ملامحة كمت ارجف من الخوف .. عفية هدها الخاطري ..

حكيم : امشي نزلي لج وجهج ما اريد اشوفة بعد

نرمان : اني شعلية شعلية كلشي براسي هية اخذتني والله

حكيم : وانتي شنو مطية وجارتج وراها ماعندج السان لو دياحة وركع بوب وطز بحكيم منو قابل فد مندلة

نرمان : ضليت واكفة مصنمة بلعت غصتي ولزمت ايدي باضافيري كمت اجلغ بيها اريد اسيطر على غضبي

فاروق : شكلت .. يلة لج قندرة اطبين الغرفتج وقسما بالله اذا لكفتج طالعة بالنعال اركعج ..

نجاة : دفعني وطردني من الباب نزلت جوة اشهك

فاروق : راح الغي الباب الورا البيت اريد اشوف منين يطلعن بعد من زرف الحايط

نرمان : دنكت راسي ونزلت جوة ورا نجاة طبينة للبيت صارن بوجي مرت نجم وكمال عبرتهن ورحت ورا نجاة الغرفتة فتحتة وطبيت شياطين الدنيا كلها اجمعت براسي

_ لججججج انتيييي شكدددد جلبة كلة منوررراج انهانيت وصغرت بعينة كلة منوراج الف مرة كلتلج ما اولي وياج عوفيني بحالي ولي وحدج يطبج مرض معليج بية

نجاة : انجبي ولا صيحين ترة واصلة وياي لهنا اطلع قهر الله كلة بيج يلة ولي طلعي برا

نرمان : اطلع برا مو .. رحت لزمتها من شعرها وضربتها .. تلازمنة وكامت تضرب بية صار صوت صياحنة يرج البيت .. ادفعت الباب وطب حكيم .. ملخني من شعري وخرني عن نجاة

حكيم : صايرة صلفة هااااا

نرمان : هية جلبة هية ورطتني ..

حكيم : باوعت على الكل صارو بالغرفة وعيونهم بيها الف سؤال .. جريت شالها صعدتة وضميت شهرها

نجم : شبيهن ذني يزاكطن

حكيم : انعدن منك

نجم : صوتهن واصل للشارع ميستحن

حكيم : وهسة شتريد !

اسراء : شدعوة شكال قابل .. دغيت روان كبر مو ديحجي على رجلج

روان : عندة السان ويجاوب اني شنو

حكيم : باقر عمو ..

باقر : ها عمو

حكيم : شوفلي ابوك وين خل يجي يربط حصونتة

باقر : هسة اصيحلة

نرمان : اسراء كامت تخوزر بينة تريد تاكلنة لحضات وحكيم عاط بيهم

حكيم : يلة برا برا

نرمان : جرني من زندي وطلعنة سد الباب على نجاة وزمخ بية

حكيم : روحي ولي الغرفتج حساب بعدين ..

نرمان : عافني وراح طبيت الغرفتي افور من القهر رحت الميز المراية شلت العطور كلها شمرتها بالكاع حتة الفرشة ملختها وشمرتها حرت شسوي كعدت بالكاع حضنت نفسي ابجي .. قررت بعد صدك ما احاجيهم

_ ما ادري شكد مر وقت على كعدتي .. كمت اباوع للغرفة مكلوبة كلاب جريت غطة وتمددت وضليت ابجي لحد ما غفيت ..

ثاني يوم "

_ فزيت الضهر احس جسمي مكسر وبلعومي مشخط .. جريت نفسي من الفراش اذكرت البارحة مالي نفس اكوم انتبهت الغرفة صايرة زبالة طبيت للحمام غسلت ولبست حجاب ويا تراكي طلعت برا شفت الكل بالهول كاعدين ماسلتمت عليهم .. رحت لورا البيت جبت طشت ترستة مي وقطعة قماش قديمة وديتهن للغرفة ورشيت معطر وبديت انضف من كل كلبي قربت اخلص حسيت احد وراية التفتت ..

نجاة : شنو اليوم نازل عليج وحي النضافة

نرمان : انطيتها الاذن الطرشة ومادرتلها بال ضليت انضف

نجاة : خاب لا اجاوبين يطبج طوب

نرمان : شمرت الوصلة من ايدي ونترت .. هسة اني يمك شدخلك انتة

نجاة : ولج مكروصة وسم انتي محد دواج غير عمتج الحية

نرمان : دفعت الباب ورتبت الفرشة وكملت كلشي سديت الباب علية وبعد ماطلعت ولا احد اجة علية .. صار المغرب واذن لفيت نفسي بالحاف ونمت مقهورة محد صاحلي .. تقريبا مرت ساعة واندكت الباب .. كمت فتحتها وصرت وراها

نزار : ها ابو علي طلع راسك المربع خل اشوفة البيت بدونة فاهي

نرمان : ضليت ورا الباب .. تريد شي

نزار : اي هاج ذني جبت الي والج لان اني هم ما فطرت مسوين باجة

نرمان : اخذتة منة شفت فتحتهن لفات مال كص .. لا ما اريد بالعافية اصلا ما مو جوعانة

نزار : شسوي بيهن هواي جايب خليهن يمج اذا ما اكلتيهن عود اخذهن منج بالسحور

نرمان : اخذتهن واشكرت منة وسديت الباب .. طلعتهن وكعدت اكل ميتة من الجوع .. حسيت ذني مو من نزار من عمو خلصت وفتحت مبايلي دخلت على الواتساب اشوف حسابة انصدمت من شفتة حاضرني .. يعني هيج كام يكرهني .. سديتة وشمرتة كمت توضيت وصليت حسيت نفسي تعبانة وبلاعيمي مورمة .. طلعت برا ما لكيت احد بس البنات بالمطبخ رحت للحديقة شفت نزار يسقي الزرع صحت علية .. نزارر

نزار : ها شبيج

نرمان : برطمت .. بلاعيمي توجعني كلش

نزار : جا منو كلج اني فولتارين

نرمان : لا مو قصدي .. اءء عمو وين

نزار : هنا الحجي .. طالع

نرمان : شوكت يجي

نزار : ما ادري

نرمان : يلة ماشي .. رجعت الغرفتي اكح وصداع موتني وصلت للغرفة

اصيلة : شبيها الدايحة .. جا حكيم من اخذج ما درة انتي بت عواطف وما ادراك ما عواطف

نرمان : لا يدري عمتي اصيلة وما ادراك ما اصيلة

اصيلة : جا لوما اني يكلبج قحط انتي اخخخ لو يرجع الزمن جان خليتج تاكلين من الزبالة وروح ابوية

نرمان : متت من القهر كزيت سنوني وضليت ساكتة بس بداخلي افور سمعت صوت التفتت

نزار : لو يرجع الزمن جان هواي عالم خليناها تاكل من الزبالة

نرمان : كامت عمتي تخوزر بي من فوك ليجوة عفتهم وطبيت للغرفة راسي صاير طبل .. ضليت كاعدة وحدي النص الليل كامت الكهرباء تطفة وتشتغل كمت فتحت الباب شفت بس غرفتي هيج .. هاي ليش شغلت فلاش المبايل شوية وطفت المبردة وكام يطلع منها صوت غريب كمت ارجف طلعت من الغرفة لازمة كلبي وما اكدر اتنفس طبيت للهول ..

نزار : ها يولو شعندج سهرانة

نرمان : صار انباري

نزار : يولو انتي وام الكركاش متعاركات ؟

نرمان : عرفتة ميدري بشي عن سالفة البارحة .. لا ممتعاركات

نزار : غمزتلها .. علييية ولج عاجنج وخابزج

نرمان : حجية فتنة

نزار : ابو علي

نرمان : اكلك .. شو المبردة طفت وجدها مااشوفليها حارة انام بدونها حتة الضوة ما ادري شبي يطفة ويشتغل وحدة

نزار : تعالي خل اشوفها .. رحت كدامها طبيت للغرفة شغلت المبردة .. اشتغلت مابيها شي

نرمان : قبل شزية طفت وحدها حتة الضوة

نزار : يجوز الكهرباء ضعيفة

نرمان : اي صح .. طلع من الغرفة طبيت ورحت سديت الباب كبل طفت حتة الضوة رجعت فتحت الباب اشتغلن .. اخذت مبايلي وطفرت من الغرفة اركض والهث .. ولك نزار اكو جن بالغرفة

نزار : جا انتة مو ابو علي شلون تخاف من الجن شو ذولة ماخذين عليك خاوة ميحترموك

نرمان : عوف الشقة والله طفة وحدها والقران امشي شوف بعينك .. اخذتة ورحنة للغرفة

نزار : ها شبيها الكهرباء مو كدامج كلشي مابيها

نرمان : وروح ابوية ما اجذب عليك باوع خل انسد الباب واشوفك شلون تطفة

نزار : لا يابة كعدي ميصير اسدين الباب وحدنة تجيج حجاية .. طلعت من الغرفة

نرمان : زين طب وحدك وسد الباب وشوف

نزار : خوش .. طبيت وسديت الباب .. صحت ترة ما طفت .. فتحت الباب ها ارتاحيتي

نرمان : اووووف يلة روح امري لله .. طبيت مرا لخ وهم صار نفس الشي .. رجعت طلعت مبرطمة بس ما اريد اضعف وابجي كدامهم .. معقولة اكو جن بالغرفة وين راح انام بعد .. كعدت بالهول مجتفة ايدي ..

نجاة : ها شسوين هنا كاعدة جنج شمعة فكر

نرمان : انجبي خووش ومعليج بية لا اكوم اسحلج مثل البارحة

نجاة : رحت كعدت يمها .. نونو

نرمان : وسم

نجاة : اسفة والله الصار بسببي وشفتي اني انكتلت وانتي محد مد ايدة عليج

نرمان : روحي نجاة كل سالفة اسويها اكبر من الثانية ماعندج اي احساس بالمسؤلية

نجاة : انجبي ولا تحاجيني هيج على اساس انتي شلونج تخرخرين مسؤلية

نرمان : ما سويت تصرفاتج

نجاة : حبابة خل نصالح والله روحي طكت اليوم بدونج حتة لكمة ما اكلت .. تقربت ابوسها

نرمان : لا وخري لا تبوسيني مريضة خاف اعديج

نجاة : شبيج

نرمان : ما ادري بلاعيمي ومصخنة وراسي وكلشي بية

نجاة : يا عمري والله احبج نونو لا ازعلين

نرمان : باوعتلها صفح .. ماشي

نجاة : بعد ما حجيتي ويا حكيم

نرمان : برطمت .. لا حاضرني

نجاة : اي عوفي هل يومين بلكت ينسة ويحاجيج

نرمان : وانتي هم ميحاجيج

نجاة : رحت اعتذرت منة بس ما قبل وطردني وطيح حظي بلكت يبرد واروحلة

نرمان : ان شاءلله .. عادي ابات بغرفتج اليوم

نجاة : اي نامي بيها اني راح انام فوك يم نزار

نرمان : ليش متباتين يمي

نجاة : يردوني فوك علمود قبل الاذان اسويلهم سحور

نرمان : ها براحتج ..

نجاة : راح اصعد فوك اتمدد يمهم اذا تريدين تعالي يمنة

نرمان : لا خليني روحي الله وياج .. كمت طببت الغرفتهة وسديت الباب تمددت بيها تقريبا ساعة مابيها شي كعدت العب بالمبايل لعبة .. ورا شوية كام الضوة يطفة ويشتغل فتحت الباب اشوف منو برا البيت مابي نفس .. للحضة فقدت من الخوف كمت ابجي واشهك فتحت مبايلي اريد اخابرة لكيتة حاضرني من كل البرامج .. استسلمت ورحت نمت بالصالة

ثاني يوم الصبح "

نجاة : طبيت للهول شفت نرمان نايمة على التخم دغيتة بجتفها .. يمعودة شعندج هنا كومي

نرمان : هممم هسة شوية واكوم

نجاة : كومي راح يجون الولد حتة ضهرج طالع

نرمان : كمت مفزوعة اغطي بنفسي .. عمو وين

نجاة : ما ادري من الصبح طلع

نرمان : هزيت راسي وكمت .. ضلينة نحوس بالبيت طول اليوم سوينة فطور وجبرتني اكعد وياهم فرشنة السفرة وحضرنة كلشي .. شفتة طب .. كلبي كام يدك سريع .. كعدنة على السفرة صرت كبالة وهل مرة ما رفع عينة ولا باوع علية كئنما مموجودة ..

حكيم : اقرو الدعاء قبل لا تفطرون

نزار : اللهم يا قاضي الحوائج اقضي علينا

نرمان : متت من الضحك وحكيم كام يخوزر بي ..

حكيم : يعني فطور وما جايبات مي

نرمان : كمت بسرعة جبتلة واجيت مديت ايدي انطيهيا ما اخذة وضل ياكل .. كلها انتبهت على تصرفة

كمال : البنية واكفة اخذ المي منها

حكيم : كوم باقر جيبلي مي

نرمان : رجعت المكاني كعدت وكلها تباوع علية .. اتصنمت من الخجل

اصيلة : جا بعدنة على البر اذا ما تريدها خل انطيها للمدرس لا توغف على كلبي ..

نرمان : رفعت راسي اشوفة ياكل وساكت .. خفت من كلام عمتي لا يسويها صدك ويزوجني

نزار : بوية بعد 4 ايام ونعيد .. حضر روحك ابو علي ورا العيد نشوف صخام وجهك

نجاة : لا ان شاءلله ناجحة

فاروق : بوية كلبي مفرفح شوكت يخلص رمضان

حكيم : حتة ترجع النشاطاتك المعنوية

نزار : ماعندة شخصية الما يشرب عرك

فاروق : ماعندة شخصية

حكيم : باقر كوم جيب الصوندة خل اقوي شخصياتهم

نزار : لا بالعباس جذب

نرمان : عفت الاكل وكمت طبيت للمطبخ روحي طاكة .. شوية واجتي اسراء شايلة المواعين الفارغة

اسراء : سوي جاي لاضلين صافنة

نرمان : رحت سويت جاي وصبيتة ورحت اقدمة بالهول وصلت يم عمو اخذة وعينة على كمال يسولف قدمت الفاروق

فاروق : ما اريد رجعي متعرفين اسوين جاي

نرمان : هزيت راسي واخذتة وديتة للمطبخ ..

_مرت الايام وصار ميديرلي بال اكثر رجعت ابات بغرفتي .. حسيت اني بدونة ولا شي بمجرد يشوفو ميحاجيني يستغلوها فرصة ويئذوني .. خلص رمضان واليوم اول يوم العيد .. كعدت الصبح سبحت وبدلت ولبست حجاب .. طلعت برا لكيت البيت مكلوب كلاب نسمة ورحاب وعماتهم وبيت عمامهم اغلبيتهم ما اعرفهم

_ صباح الخير

الكل : صباح النور

نرمان : ضليت صافنة على كمية الناس .. ذولة كلهم راح اعايدهم ؟ .. شفت نجاة كامت باتجاهي

نجاة : تعالي نونو خل اعرفج علي بيت عمي

نرمان : ابتسمت ورحت وياها ..

نجاة : هاي باجي فاتن مرت عمي سامي وهاي رشا بتها الصغيرة والباقيات مزوجات ميجن

نرمان : اهلا وسهلا خالة .. بوستها وعايدتها هيو وبتها

نجاة : وهاي مرت عمي نضال وهاي نجوى بتها متزوجة وعدها 3 جهال

نرمان : هم بوستهن وعايدتهن شفت نسمة ورحاب ؤحت سلمت على رحاب وعفت نسمة الجلبة .. كعدت بمكاني .. شوية وطب حكيم سلم عليهم وبدة يوزع عيديات للجهال والخواتة .. ما ادري شلون اجت عيني بعينة برطمت بوجها كبل اندار وطلع

نسمة : ههههههه جا ما انطاج عيدية

رحاب : حبيبة اكيد مو كدامنة ذيج العيدية الثكيلة

نجاة : يمة متكدرن اذا متحشرن رواحجن

نسمة : يا وشكلنة قحط هية ورجلها

نجاة : احترمي نفسج تاج راسج حكيم

نرمان : كبر وين ما اكعد يغثوني كمت اساعدهم بالمطبخ بالغدة لان عيد وكلها جاية على الغدة ما خلصنة الة واحنة هلكانين .. صبينة الغدة ودينا للنسوان والزلم طبخو برا ..

_ ماصدكت شوكت تغدو وراحو ..

اسراء : اكلج عيناي رمضان كلة مكركة بغرفتج وضاربة چادر المواعين كلهن عليج هسة

نرمان : ماشي

نجاة : لا والله مو خدامة عندج مواعين الكاونتر كلهن وصخات تريدين اشلعين جتفها كلنة نتعاون وكلنة نغسل مواعين ونسفط

اسراء : اني العيلة بلغتجن اريد اروح انام وارتاح

روان : امشو اني اساعدتجن

نرمان : طبينة للمطبخ نغسل مواعين سمعت واحد صاح

نزار : يالله يالله سون مجال

نرمان : شهكت من شفت الصواني الجايبيهن ذبوهن بالمطبخ

نزار : يلا غسلن

نرمان : وكفنة نغسل وصدك ايدي وكعت من الجلف .. كملت ونشفت ايدي رحت للغرفة ذبيت حجابي وبعد ما طلعت

_ لليل وهم رجعت الكهرباء تطفة والمبردة بس هل مرة صار صوت مال بزون فززني وكف كلبي خلاني اطلع اركض من الغرفة .. اجة بوجهي فاروق

فاروق : الله الله هاي شنو مطورة صايرة تفلينة وطلعين

نرمان : انتبهت على روحي بلا حجاب وما اكدر اجر نفس لزمت كلبي بخوف .. اءءء اكو اكو بزونة بالغرفة

فاروق : وهلي البزونة هيج اسوي

نرمان : عفية دير وجهك جريت خاولي لكيتة كبالي وحطيتة على شعري وايدي

فاروق : خاف حكيم بعد ميفيدج وادورين واحد لاخ يحمج ترا احنة بالخدمة ..

نرمان : شكد ما محترم انتة

فاروق : اوووي يابة

نرمان : نصة علية مبتسم لفحتني ريحة نفسة عرفتة شارب لان ريحتة غريبة ..

فاروق : تريدين اجي وياج نشوف البزون سوة

نرمان : ابتعدت عنة وطبيت الغرفتي رجع نفس الصوت يطلع غمضت عيني اخاف اشوف شي موزين للحضة ضعفت و كمت ابجي لزمت صدري وكعدت بالكاع .. فززني صوت الباب من اندك بقوة كمت فتحتة

نزار : لج نرمان بيج شي

نرمان : شكو شبيك

نزار : صوت صراخ طلع من غرفتج رج البيت نزلت من فوك اركض .. بيج شي ليش اصيحين

نرمان : اني اني ما صيحت والله

نزار : يا ولج صوتج السابع جار البيت ارج رج

نرمان : لبست حجابي وطلعت ارجف .. والله ماصيحت منين سمعتو الصوت خاف مو من غرفتي

نزار : ما ادري اذا تريدين تعالي يمنة فوك باتي اليوم وخل نشوف شنو سبب الجاي يصير بهاي الغرفة اسم الله خاف بيها مس شيطاني

نرمان : بصدمة .. مس شيطاني لا عفية لا تكول هيج اخاف

نزار : امشي لا تخافين

نرمان : رحت ويا صعدت فوك طبيت وكلت .. السلام عليكم .. محد جاوبني غير نجاة

نجاة : وعليكم السلام

نرمان : كعدت بصف نجاة نباوع تلفزيون

فاروق : ماعرفتو شنو مصدر صوت الصياح

نزار : ما ادري اتكول مو اني صيحت

فاروق : اليدري يدري والمايدري كضبة عدس

نزار : شني هاي

حكيم : ما سامع بيها ؟

نزار : لا

نرمان : باوع علية وكام يسولف النزار

حكيم : هاذة اكو رجال عندة بنية يثق بيها ثقة عمياء بيوم طب عليها للغرفة لكاها ويا واحد مثل ما ربها خلقها الاب تخبل جر سلاحة وركض ورا والولد الطفر من الشباج .. يركض والاب ورا والعالم شافتهم ركضت وياهم على الواهس لمن لزمو للولد كامت العالم تسئل هاذه شمسوي حتة نعرف يستحق نكتلة لو لا حار الاب شيجاوب يكول الصدك ويفضح بتة وينزل راسة بين الوادم لو يسكت ويستر على روحة .. اخر شي كال .. يابة لكيتة جاي يبوك كونية العدس مالتي فالعالم كامت تضحك كالولة يمعود تكتل روح علمود كضبة عدس .. جر حسرة الزلمة وهز ايدة وكللهم .. اليدري يدري والمايدري كضبة عدس

نزار : ها افتهمت

نرمان : عرفتة يقصدني كمت ابلعم ونجاة كامت تكرص بية

نجاة : سمعتي السالفة

نرمان : اي سكتي لا تبينين الة عرفنة يقصدنة

نجاة : لا ذكية

نرمان : سويت روحي صافنة على التلفزيون بس بداخلي احرك بروحي .. شوية وكام طب الغرفتة ..

نجاة : اني راح افرش بالهول افرشلج وياي ؟

نرمان : اي

نزار : هلااااا اليوم للصبح راح يبدي فلم شكاكي

نجاة : اطلع اشتريلنة

نزار : الصراحة اني مشتري الروحي وهسة لو تعالجن كدامي ما اطلع .. نصيحتي الجن طبخن تمن ومركة ومزمزن بيها

نجاة : انتة تاكل حلويات واحنة تمن ومركة

نزار : والي تباوع اكص ايدهة

نجاة : ههههههههههههه قصدك الي تمد ايدها تكصهة

نزار : لا الي تباوع اكص ايدهة

نرمان : كاااافي راح تتعاركون

نزار : اوي حجية فتنة ازعجناج

نرمان : احم .. شعجب عمو طب ينام من وكت

نزار : الفجر طالع البغداد

نرمان : هاا صدك

نجاة : همست الها .. لج استغليها فرصة بلكت كلبة يحن علينة

نرمان : يحن ؟ بعد القصة الحجاها ما اتوقع مبين كلبة مورم

نجاة : جربي متخسرين شي

نرمان : صبري ما ادري خل افكر

نجاة : تفكر ام الوصخ

نرمان : اشش سكتي خل اسمي باسم الله واطب .. رحت اتمشى بالممر وكلبي يريد يطلع من صدري .. دكيت الباب سمعتة صاح

حكيم : منووو اريد اناااام

نرمان : احم اني نرمان .. سكت ثواني وصاح

حكيم : شتريدين

نرمان : اجرئت وفتحت الباب .. شفتة متمدد وبيدة مبايلة بس شافني كلب وجها .. عادي ادخل ؟

حكيم : لا طلعي برا وراية طريق

نرمان : كمت ابجي حجيت بصوت مبحوح .. حباب لا سوي هيج والله اسفة وبعد ما اعيدها اذا عدتها شتريد سوي بية

حكيم : شكم مرة كايل .. اكره الاسف

نرمان : شنو اسوي لعد واسامحني جاي اكلك ما اعيدها واني مالي دخل كلة من نجاة

حكيم : ماكو شي اسمة كلة من نجاة انتي عندج عقل ومسؤلة من نفسج ومسؤلة على تصرفاتج نجاة لا جارتج بحبل ولا ضاربتج على ايدج بس هاي هيلكة وهمرعة واستهتار واني هيج تصرفات ماتعجبني

نرمان : بعد ماعيدها

حكيم : هاي اول مرة ؟

نرمان : قررت ما اجذب علية .. لا هاي ثاني مرة

حكيم : ثاني مرا اطلعن من البيت بدون ما ادري ؟

نرمان : نهض من الفراش وجهة ميكصة الطبر تقرب علية لزكني بالحايط .. وضرب الحايط بقوة

حكيم : تعرفين ليش ماراح امد ايدي عليج !

نرمان : هزيت راسي بخوف .. لا

حكيم : لان ما جذبتي .. ونجاة حسابهة بعدين

نرمان : ما اعيدها

حكيم : تدرين ليش اني معترض على طلعتجن وحدجن .. مو استهزاء بيجن لو قلة ثقة لااا لاكن من خوفي وحرصي عليجن لا سامح الله اذا تعرضلجن واحد بالشارع لو حاول يعتدي عليجن لو تنخطفن ويبتنزني بيجن شراح يكون موقفي شراح يصير بية .. نرمان افتهمي عاد

نرمان : برطمت .. صحيح

حكيم : شوكت عقلج يكبر .. مو شلعتي كلبي

نرمان : سامحتني ؟

حكيم : ممنوع اجذبين علية بعد واذا تختنكين وتريدين اطلعين كليلي اني اخذج ..

نرمان : التوبة والله

حكيم : يلة روحي نامي خليني انام

نرمان : اخاف انام جوة

حكيم : والمطلوب

نرمان : راح انام يم نجاة ونزار

حكيم : لااااااااا تعالي هنا نامي

نرمان : مسحت دموعي وابتسمت .. رحت تمددت على الجرباية ونمت بصفة .. عادي احجي وياك

حكيم : احجي

نرمان : غرفتي بيها جن شلون اطلعة .. بس كلت هيج شفتة خرب من الضحك .. شبيك شكلت قابل

حكيم : تريدين اطلعة ؟

نرمان : اي .. شفتة يضحك

حكيم : متخترعين

نرمان : لا من اطلعة ما اباوع

حكيم : اكيد

نرمان : اي بس خلصني مو والله كلبي وكف .. باوعت علية جر شورتة يريد ينزع .. عطت هااااي شنوووو

حكيم : جا مو كلتي ما اخاف

نرمان : استغفرلله ..

حكيم : جا هسة شلون بالجني

نرمان : ما ادري باجر اذا رحت البغداد اني وين انام .. ضيق عينة وباوعلي ..

حكيم : معقولة المبردة مسكونة

نرمان : ما اعرف هية المبردة تنسكن بس شلون طبولها من الحلفات

حكيم : عدهم واسطة ويا الطوافة .. هههههههههههههههه

نرمان : ليش تضحك ترة صدك اخاف والوضع مينسكت علية

حكيم : ادري بالوضع صاير فيطي .. راح اكلج معوذة بس تقريها بعد ميصير شي بالغرفة

نرمان : تنهدت .. كول

حكيم : اقري الفاتحة

نرمان : غمضت عيني وقريتها .. وبعد

حكيم : صلي على محمد

نرمان : وبعد

حكيم : ميلت راسي .. بوسيني وعايديني

نرمان : فتحت حلكي مصدومة .. اءء كل عام وانتة بخير ان شاءلله حجي .. صفن بوجي ورفع راسة يحجي ويا رب العالمين ..

حكيم : استغفرلله يارب هية تجبرني .. عاب هل حلك الاهدل

نرمان : شكول لعد

حكيم : كولي ان شاءلله عريس غمزتلها .. ان شاءلله النسر يفطر

نرمان : ان شاءلله النسر يفطر .. شصار على الجني ؟

حكيم : صبري خل احاجي ..

نرمان : عمووو تضحك علية

حكيم : طاحضج زعل

نرمان : بصدمة .. منوة

حكيم : الجني

نرمان : باستهزاء .. وهسة شلون اراضي

حكيم : يريد شفطتين ويطلع من غرفتج .. ثواني خل اسمع شيكول .. هااا يكول لو اني اشفطها لو هية

نرمان : ايييع اسم الله ما اريد

حكيم : يمعودة انطي شفطتنين لا يصير جن عاشق وميطلع الة يم حجي ثقب

نرمان : ضيقت عيني بمكر .. تضحك علية صح

حكيم : اهووو باع هاي هسة تريدي يطلع لو لا

نرمان : لا خلي يبات بالغرفة اني راضية

حكيم : مو صوجج يلة كومي ولي الغرفتج

نرمان : كمت اريد اطلع صاح ..

حكيم : اوكفي اوكفي .. كمت طلعت 100 دولار من بنطروني .. هاج بوية هاي عيديتج

نرمان : خجلت من تصرفة .. لا ما اريد شكرا شموخي ميسمحلي اخذها منك

حكيم : منو هاذة شموخي .. على العموم براحتج

نرمان : اخذتها من ايدة قبل لا يرجعها .. لا عمو ما اردك خير ومدت ايدك

حكيم : ادب سز يلة بوسي

نرمان : تقربت بستة بخدة وطلعت فرحانة من الغرفة لان صالحني .. سمعتة يكول

حكيم : والله لانعل ابو شكلج

نرمان : ههههههههههههههه

نجاة : فرحينة وياج

نرمان : صالحني صالحني

نجاة : يوم الالي .. يلة تعالي نامي يمي

نرمان : لا راح انزل الغرفتي عموشي ميرضة

نجاة : فتحت حلكي بصدمة صرنة اني ونزار واحد يباوع للاخ .. عموشها ؟

نزار : جا عموشتي وين اني

نجاة : خاب انتة حقوقي بس اني لا هدف ولا عموشات وما ادري ليش عايشة

نرمان : متت من الضحك .. نزلت جوة طبيت الغرفتي مابيها شي عرفت هاي سوالفة تغطيت ونمت .. مرت الايام مرتاحة بيها نوعا ما بيوم جنت كاعدة بالهول طب مبتسم ..

حكيم : نصيت عليها ولزمت حنجها ..

يتبع ..

نهاية البارت : خلصو البارت وروح تابعوني انستا باجر راح انزل صورة من مذكراتهم .. يوزري duu_199 او دخلو على صفحة الواتباد تلكون الرابط

الكاتبة :( Duha al amer )🦋

_تابعو حسابي

_صوتو للبارت❤

_ فرحوني بتعليقاتكم الحلوه

أرَاكَ عَصِيَّ الدّمعِ شِيمَتُكَ الصّبرُ * أما للهوى نهيٌّ عليكَ ولا أمرُ ؟ بلى أنا مشتاقٌ وعنديَ لوعة * ولكنَّ مثلي لا يذاعُ لهُ سرُّ ! معللتي بالوصلِ ، والموتُ دونهُ * إذا مِتّ ظَمْآناً فَلا نَزَل القَطْرُ ! .. فراس الحمداني

تابعوني انستا duu_199

_________________________________________

نجاة : خاب انتة حقوقي بس اني لا هدف ولا عموشات وما ادري ليش عايشة

نرمان : متت من الضحك .. نزلت جوة طبيت الغرفتي مابيها شي عرفت هاي سوالفة تغطيت ونمت .. مرت الايام مرتاحة بيها نوعا ما بيوم جنت كاعدة بالهول طب مبتسم ..

حكيم : نصيت عليها ولزمت حنجها .. بحلقت بعيونها الحلوات

نرمان : ابتسمت .. اشتاقيتلك

حكيم : ضيقت عيني .. اريد اكلج شي

نرمان : شنو .. صفنت بملاحمة الي تبدلت للحزن ..

حكيم : راح تعيدين السنة .. بس لا تنقهرين السنة الجاية راح تشتهدين ووتنجحين

نرمان : فتحت عيني بصدمة .. لا عفية كول غيرها ليش ليش رسبت والله قريت وحلكي انشك

حكيم : شنو بيدي عليج بابا لا تنقهرين ..

نرمان : فحطت بالبجي ..زين بكم درس راسبة بلكت امتحن وانجح

نجاة : سودة علية لاتبجين

نزار : طيح الله حضج يا فاشلة

حكيم : حضك مو حضها بنيتي مطلعة معدل 92 رافعة راس رجلها

نرمان : فجئة البيت كلة كام يضحك ويباركلي .. اجذب علية مو اني فاشلة مو .. دنكت ابجي ..

نزار : ارفع راسك انتة عراقي نونو

نجاة : لج والله ناجحة جاي يشاقة وياج

حكيم : كعدت على الكرسي وجريتها بين رجلي .. مسحت عيونها .. فدوة لهل دموع اتكول مي ارو

نرمان : ابتسمت .. وبداخلي اريد اكمز من الفرحة

حكيم : همست يم اذنها .. بهاي المناسبة تستاهل حضن وشفطة من زنودك

نرمان : ضربتة بصدرة .. وخرت منة ..

نزار : بهاي المناسبة السعيدة كلكم معزومين على حساب حكيم

حكيم : كفختة على راسة .. مو فلوسي تت***

نزار : لا خوية عيب هاي المصطلحات كول تتكاثر بالتزاوج

نجاة : حطيت ايدي على حلكي واباوع النرمان ..

اصيلة : مبروك عمة ان شاءلله يوم عرسج

نرمان : الله يبارك بيج .. طبن مرت كمال ونجم هم باركلي

نجم : مبروك بت خالي .. ابوج لو عايش وشايف هاي الحضة ..

نزار : قاطعتة .. جان ما مات

نرمان : خزرتهم الله يرحمة .. تقرب علية حكيم لزم ايدي ومشة مشيت ورا طلعنة من الصالة صعدنة فوك وهوا على نفس الزمة طببني الغرفتة وسد الباب .. كعد على السرير وبحلق بوجهي مبتسم

حكيم : ناري

نرمان : ها

حكيم : شنو تريد هدية

نرمان : اريد سلامتك والله

حكيم : زين اختار .. تروح وياي البغداد اونسك قبل الدوام لو عاجبك اضل هنا وهم اونسك وعندي مفاجئة الك

نرمان : ابتسمت .. بكيفك

حكيم : سحبتها كعدتها على رجلي وسحبت الشال من شعرها .. مشيت اصبعي على وجهة

نرمان : قشعر جلدي من لمساتة ..

حكيم : هسة شنو تختارين

نرمان : استحيت اكولة اروح وياك البغداد .. لا اضل هنا

حكيم : براحتج .. كومي بدلي وتعالي اريدج

نرمان : وين اروح انتة تعبان من الطريق

حكيم : ابوية انتي بدلي وتعالي معليج بية

نرمان : ماشي .. نزلت جوة بوجهي الغرفتي وكفت ابدل .. لبست بطرون اسود وقميص احمر لفيت شالي و رشيت عطر وطلعت ..

نجاة : وين اخذوووني وياكم

نرمان : طلعة مو مال جهال

نزار : راح اشغل السيارة واكعد بيها

نرمان : هههههههههههه خرب يومك .. عفتهم وطلعت بالحديقة لكيتة مبدل واكف يم السيارة .. صعدت بصفة شغل شغل السيارة وطلعنة

حكيم : تدرين وين راح اخذج

نرمان : لا .. ضل ساكت طول الطريق .. دخلنة بكاع ترابية واسعة باوعت على حدودها اشجار المنطقة تخوف .. وكف السيارة

حكيم : نزلي

نرمان : شنو نسوي هنا المنطقة تخوف

حكيم : وياي وتخافين ؟

نرمان : اكيد لا .. نزلت بدون تردد ضليت واكفة انتضرة .. شفت بيدة سلاح حط الشاجور بي

حكيم : تعالي

نرمان : يا سودة بوجهي راح تكتلني وتشمرني خاف علمود معدلي اذا تريد اعيد السنة واطلع 101

حكيم : هههههههههههه ادب سز .. جريتها من ايدها وحطيت بيدها المسدس

نرمان : ياا هاي شنو شسوي اخذة اخاف منة

حكيم : راح ياكلج .. صيري سباعية ترة ماحب المرا الفاهية والجبانة

نرمان : مو جبانة اني .. اخذتة منة اكلب .. بي شسوي بي ؟

حكيم : راح اعلمج شلون ترمين بالمسدس .. فتحي دماغج واسمعيني

نرمان : هزيت راسي .. وبدة يشرح

حكيم : هاذة شنو اسمة .. بريتا عيار 9 ملم

نرمان : اي .. سحب الشاجور وعبا طلقات كدامي ورجع طلعهن

حكيم : شفتي شلون حطيتهن وطلعتهن يلة سوي مثل ما سويت

نرمان : اخذتة منة وعبيتة .. طلب مني اطلعهن بس عصن

حكيم : غلط مو هيج اطلعيهن ضخطي من اليسار وطلعيهن ..

نرمان : ضل يعلمني شلون افتحة واسدة واعبي طلقات واطلعهن واسحب اقسام ..

حكيم : هسة لزمي بثنين ايدج وصوبي على الشجرة للمدى البعيد ودوسي على الزناد

نرمان : كلبي صار خفقان .. اخاف اضرب طلقة

حكيم : لا تخافين مابيها ردة فعل سمي بس الله وجربي بس اهم شي ايدج ثابتة متهتز

نرمان : ما اكدر اخاف

حكيم : انطينيا راح اطلق نار كدامج وشوفي شلون شغلة بسيطة

نرمان : اخذة مني وضرب طلقة بدون كيرفلة جفن حطيت ايدي على اذني من صوتها فتحت حلكي مفزوعة

حكيم : شبيج .. يلة دورج

نرمان : مابية .. اخذتة منة وكمت ارجف سميت بس الله باوعت علية يخوزر حسيتة تحملني هواي .. غمضت عيني وضربت طلقة من الهبطة كمت اضحك بصوت عالي

حكيم : عفية وابوية شفتي شلون بسيطة .. خفتي !

نرمان : هزيت راسي فرحانة لا" ما خفت صدك متخوف

حكيم : جا اغشج اني

نرمان : كول علية بعد جبانة

حكيم : سباعية نجرة

نرمان : بس يحاجيني نزار اركعة طلقة

حكيم : حتة اشمرج من السطح .. هاذة السلاح ابقي يمج لا سامح الله يصير ميصير

نرمان : هزيت راسي واخذتة فرحانة بي حطيتة بجنطتي وصعدت بالسيارة

حكيم : شغلت السيارة وباوعتلها مكشرة .. باجر شنجيب كتب علمي لو ادبي ؟

نرمان : اممم ما ادري ياهوة اسهل

حكيم : العلمي

نرمان : خوش لعد

حكيم : تريدين نروح اشتريلج هدوم مال مدرسة ما ضل شي للدوام

نرمان : اذا قياس 44 ماريد

حكيم : شتريدين لعد 36

نرمان : لا 40 حالي حال البنات من هسة اكلك اذا اجيبلي كبار خل نرجع للبيت احسن

حكيم : بت عماد صايرة دلالة

نرمان : باوعتلة صفح .. الله يرحمة

حكيم : امشي بوية بس من هسة اكلج الما تعجبني ما اجيبها

نرمان : اوك .. اخذني لنفس السوك الياخذني الة كل مرة صف السيارة ونزلنة كل شوية يباوعلي من فوك ليجوة

حكيم : قميصج طافر ولنطرونج ضيك لو ادري هيج فلا اجيبج لهنا

نرمان : ما ادري راح تاخذني للسوك جان لبست جبة

حكيم : نزلي شوية وامشي كدامي

نرمان : متت من الخجل نزلتة ومشيت كدامة انداريت علية شفتة ينافخ

حكيم : امشي خل نشوف هاذة المجمع

نرمان : طبينة .. كمت اكلب بالملابس ما عجبني شي انداريت ادور علية اختفي برطمت ولزمت كلبي شوية وطب بيدة جاكيت بيجي حفر وطويل يخطي الفخذ

حكيم : هاذة حلو خل احاسب علية لبسي فوك قميصج ولونة مناسب ويا

نرمان : باوعت علية كلش حلو .. راح دفع الحساب وانطانيا لبستة .. ةنتبهت على الناس الي بالمحل كلهة تباوع علية جر ايدي وطلعنة

حكيم : هسة شوية لبسج مستور اخذي راحتج

نرمان : ضلينة نفتر طبينة مجمع ثاني عجبني صداري سادة وبيهن فيكة من الضهر اشرتلة حلوات .. اجة لزمهن يكلب بيهن

حكيم : هاي صدرية لو قميص نوم ؟

نرمان : يااا عزا هاي صدرية

حكيم : شوفي غيرها ما عجبتني

نرمان : تئفئفت ورجعتها اخذت غيرهن تقريبا يشبهن مال العام وقمصان سادة ابيض

حكيم : تريدين مثل كل سنة اجيبلج الجنطة والحذاء من بغداد

نرمان : بكيفك

حكيم : ضجتي لان ما اخذتي قميص النوم

نرمان : حجيت بنتر .. صدرية مو قميص نوم وهاذة المديل هسة كلهن هل سنة راح الكاهن لابسات منها الة اني

حكيم : يعني شنو يلبسن لازم نلبس مثلهن اذا اصلخن نصلخ وياهن مو .. لا ادلغمين اشتريلجياها تلبسيها بالبيت حتة تطلع من نفسج

نرمان : بالبيت ؟ جتفت ايدي .. ماريد

حكيم : يطبج طوب

نرمان : صعدت بالسيارة كالبة وجهي

حكيم : ولج مو هسة ذبيت عليج دم كلبي .. اخخ كلبي الحكلي يابة ناس ميغزر بيهم

نرمان : لزمتني الضحكة على سوالفة ..تعايرني بيهن اخذهن ماريدهن

حكيم : جيبيهن خل اوديهن الحنان هل سنة اداوم وماعدهة صدرية سودة علية

نرمان : بصدمة .. حنان منو يعني صدك تحب وحدة اسمها حنان زين هية مو مزوجة شلون اداوم مدرسة يعني ماجذبت اسراء ..

حكيم : كفختها .. ابوس حلكج عقلي مو شيبتي كلبي

نرمان : حطيت ايدي على حلكي .. صخام

حكيم : تتغدين لو نطير للبيت

نرمان : نطير للبيت .. ضل ساكت وصلني للبيت نزلنة طبيت شفت البيت مكلوب كلاب ونجاة تبجي .. شكووو شبيييج

نجاة : ابوية ما ادري شبي

نرمان : شبي .. باوعت عليهم مخبوصين وحكيم طب للغرفة سمعتة يصيح بعصبية

حكيم : انتة زماااال فهمني من شفتة متخربط ليش ما اخذتة للمستشفى

نزار : لا اصيح ماعندي سيارة بشنو اخذة بالبايسكل

نرمان : شالة حكيم وطلع بي برا صعدة بالسيارة وراحو للمستشفى .. ضليت كاعدة بالهول ابوع عليهم يبجون

اصيلة : الله يمسح على كلبك العافية .. اخخخ يمة لو صار بي شي اموت ورا ابو بيتي العزيز هاذة

نهاد : صلي على محمد مابي شي ان شاءلله هسة يجيبو

نجاة : لطمت على رجلي .. لج عمة مابي شي صبيتلة غدة وديتلة مي ورا شوية سمعتة يضرب بالباب فتحت الباب شفتة مختنك ..

نهاد : اتهدن بالرحمن مو هيج اسون لا تفاولن على الزلمة

نرمان : للمغرب وخابرو عليهم كالو عندة ذبحة صدرية و هسة صار احسن تحت الاجهزة ..

روان : كومي نرمان نسوي عشة نسمة وؤحاب هم جايات بالطريق

نرمان : كمت وياها وكفنة نطبخ ونحضر ورا ساعتين طبن البنات هم يبجن ويلطمن رحت للهول يم نجاة

نجاة : راح اخابر حكيم اشوف شصار

نرمان : لعد نجم وكمال وين

نجاة : وياهم بالمستشفى ..

نرمان : حطيت اذني يم المبايل اسمعهة تحجي .. شوية وسدتة .. هااا طمنيني

نجاة : ما ادري يكول راح نبات ويا اليوم واحتمال باجر يطلعو

نرمان : ان شاءلله خير مر اليوم بالي كله يمهم

ثاني يوم ..

_ كعدت الصبح سمعت هوسة كمت من الفراش بدلت وطلعت شفتهم جايبي وحاطيلة فراش بالصالة نايم وكاعدين بصفة اولادة كلهم

حكيم : هاذة العلاج مالتة يستمر علية بوقت محدد لازم يلتزم بي واي تقصير انتي المسؤلة كدامي

اصيلة : جا بس اني بالبيت ذني بناتة وهاي جنتة اذبوها براسي

نرمان : علمني علية اني انطيهيا

حكيم : لا انتي مدرسة والصبح مموجودة .. نجاة انتي انطيهيا هاي الحباية الصبح وهاي بالليل تحت السان

نجاة : ماشي

نرمان : ضل ابوهم متمدد كبالي انكسر كلبي علية شكلة ضعيف وهزيل ..

حكيم : ممنوع ياكل تمن ومركة ولا كبب وهاي السوالف غير الدجاج المشوي والبيض السلك ماكو نهائيا اي دهن يكتلة خلاص

نجاة : ماشي اني ادير بالي على اكلة

حكيم : راح انام راسي راح ينفجر واذا اختنك مرة ثانية كعدوني

كمال : اني موجود لا تخاف

نرمان : كام طلع .. ضلو بس فاروق ونزار ونجم وكمال والبنات كاعدين يمة

نجاة : خطية حكيم سودة علية مبتلي بينة كلنة

نرمان : ادري ذولة مو ولدة بس هوا ابنة ويركض بي

نجاة : بدينة بسوالف الحياية

نرمان : لا والله انقهر كلش علية عود هوا البارحة اجة من بغداد .. انكسر ضهرة

نجاة : كومي خل نشوف شنسوي ويا البنات لا يمدن السانهن علينة

نرمان : كمت وياها بدن يطبخن وذبن علينة التنضيف عزلنة البيت من فوك ليجوة كنس ومسح للعصر بدت العالم تجي كرايبهم وشيوخ يتحمدولة بالسلامة ..

_مرت الايام مشابهة كل يوم يجون خطار علمود ابوهم وحكيم صار اغلب وقتة بالديوان وما اشوفة بس جابلي كتب العلمي قبل الدوام بيوم .. اجت المدارس واليوم اول يوم بدلت وطلعت برا

نزار : صوفرت .. يا صباح الانوار

نرمان : صباح الخير

حكيم : صعدو ما ضل وكت

نرمان : صعدت ليورا ونزار ليكدام .. شغل السيارة ومشة باوعلي بالمراية ..

حكيم : نونو هل سنة صديقاتج مو وياج الي اختارت علمي اداوم بصفج والي اختارت ادبي مو وياج يعني اغلبيتكم من غير صفوف او نقل .. مثل كل سنة العلاقات من برا البرا لا تتعمقين باي صداقة ولا تحجين سرج البشر هدفج رايحة تقرين وترجعين البيتج اعتبري مهام يومي بابة ما اوصيح

نرمان : ماشي

نزار : جا واني ما توصيني

حكيم : انتة هل سبوع اخذلك سيارة صغيرة تروح وترجع بيها عاد خل اخلص من واحد بيكم

نزار : صغيرة لا ماريد

حكيم : لعد شتريد جكسارة

نزار : الراكبين جكسارة احسن مني

حكيم : لا تخليني اعاند واخذلك سايبة

نزار : لا عدا الشقة اريد بي ام زعرة

حكيم : تصرف بانزين ومكينتها غالية

نزار : من توصل يمي هيج اصير

حكيم : اني علمودك .. انتة مطي يومين وتكوم المكينة واجيبلياها

نزار : رحم الله والديك

حكيم : بالخدمة

نرمان : بس لا زعل نزوري .. لاضوج عود اقنع عموشتي ياخذلكياها

نزار : عمي حتلو ستوتة راضي

حكيم : ولج منو هاذة عموشتج

نرمان : لزمتني الضحكة وتلعثمت .. اءء انتة

حكيم : اخلص من عمو تطلعلي عموشي شوكت تنقرض هاي الفصيلة مو شكتني

نرمان : ضحكت بدون صوت .. وصلني للمدرسة نزلت واشرتلة بحركة باي .. طبيت للمدرسة ادور على صديقاتي بلكت وحدة وياي بالصف اعرفها .. شفت بنية كاعدة جانت وياي من العام .. رحت سلمت عليها ..

رغد : هلو حبيبتي

نرمان : تعرفين عائشة صديقتي جانت وياي بالثالث

رغد : اي .. اذا اسئلين عليها ترة بطلت

نرمان : يا ليش

رغد : ما اعرف الله واعلم

نرمان : زين وباقي البنات

رغد : حبي بس اني وياج وزينب من صفنة اجينة بالعلمي الباقيات راحن ادبي واغلبيتهن دخلن معهد

نرمان : ها لعد مو صعب الادبي

رغد : بالعكس العلمي اصعب اذا طلعنة معدل نروح طبي

نرمان : صفنت بوجها اذكرت سوالف عمو يعني جذب علية العلمي اصعب

رغد : وين صفنتي

نرمان : لا هيج .. عادي اكعد يمج

رغد : اي تعالي

نرمان : كعدت بصفها ضلينة نسولف شوية ودك الجرص اجو عدد بنات جبير من غير صفوف داخلات علمي وياي مرت الدروس وحدة ورا الثانية .. للضهر صارت الحلة وطلعت وكفت باب المدرسة انتضر

رغد : المن تنتضرين

نرمان : عمي

رغد : ها اني اخوية يجي علية

نرمان : باوعت من بعيد شفت سيارتة وكفت .. يلة حبي باي اجة عمي .. رحت اهرول للسيارة صعدت بالصدر وسديت الباب

حكيم : الله يساعدج بنيتي

نرمان : ويساعدك

حكيم : شلونة يومج

نرمان : حلو اتعرفت على صديقة اسمها رغد

حكيم : حلوو

نرمان : وتقريبا كل صديقاتي ادبي ومعاهد ومبطلات

حكيم : اي مثل ما كلتلج

نرمان : رفعت حاجبي .. بس طلع العلمي اصعب من الادبي

حكيم : جا غير اريد يصير براسج حض اسويج دكتورة ارفع راسي بيج كدام الوادم ..

نرمان : اخوانك كلهم واصلين بس اني ترفع راسك بية

حكيم : انتة غير نونو

نرمان : ابتسمت .. رجعني للبيت ومن اول يوم بدينة دراسة بديت اقرة والما افتهمة هوا يشرحليا

حكيم : ما هو التشريح الداخلي ؟

نرمان : اسم الله واني شمدريني

حكيم : ك** امي احسن

نرمان : ياااا

نزار : لا صرتي دكتورة

حكيم : هنا هوسة امشي الغرفتج اقريج

نهاد : عود ليش بغرفتها قريهة هنا وبعد منحجي

حكيم : غمزتلها .. لا مو هناك تدخل المعلومة اسرع

نهاد : يا سرسري

حكيم : هههههههههه امشي ولج

نرمان : طبينة للغرفة وسديت الباب

حكيم : نزعي جبتج وحجابج وتربعيلي بالكاع

نرمان : ردت انزع اذكرت اني لابسة دشداشة نجاة الحمرة فضيحة

حكيم : شبيج مذبيها

نرمان : لا خليني مرتاحة بيها .. عقد حاجبة وباوعلي معاجبة الوضع

حكيم : روحي شغلي المبردة وذبي جبتج عالسريع

نرمان : يما شكد يعاند رحت شغلت المبردة ونزعت الجبة وشالي ذبيتهن وكفت عدلت شعري رحت اكعد كبالة صارت المبردة علية والدشداشة كودري وقصيرة كبل ارفعت من جوة لزمتها وفتحت عيني اباوعلة بس لا شاف شي .. شفتة صافن على فخذي شوية وكال ..

حكيم : هبت الرياح فرأيت ساقيها ثم فخذيها ولولا يديها لرأيت اعز ما لديها فما اجمل الريح وما اسوء يديها

نرمان : عضيت شفتي ورجعت خطوة ليورا من الكلام السمعتة

حكيم : تعالي بوية احترك شيب الخلفوج

نرمان : رحت كعدت كبالة وبدة يقريني كمت اوسوس خاف يطلع مني شي لان عيونة تحوس علية

حكيم : ها بعد تريدين شي افهمجيا

نرمان : لا تسلم

حكيم : ابتسمت بمكر .. شو روحي جيبلي ذاك العطر اشوفة

نرمان : ياهوة الوردي

حكيم : اي

نرمان : كمت اجيبة .. حسيت ضربني الهوة ورفع ثوبي لزمتة و انداريت علية باحراج .. شفت الابتسامة شاكة حلكة .. تقربت منة دفعتة بخفة ارتد ليورا مبتسم

حكيم : وعلي ضيم

نرمان : بصدمة .. وين جنت تباوع

حكيم : مو شغلج

نرمان : ضجت منة جريت جبتي ولبستها ضل يباوعلي من جوة ليجوة .. سبل عيونة وحجة ..

حكيم : روحي جيبلي جهاز السكر مال نزار

نرمان : شسوي بي

حكيم : انسحنت روحي من الحلا

نرمان : ابتسمت بخجل .. طلعت من الغرفة وسديت الباب علية .. بعدين اذكرت هاي غرفتي رجعت طبيت .. شفتة يلعب بجنطتي مال مدرسة ويكلب بالدفاتر

حكيم : خطج حلو

نرمان : اي من جنت بالخامس ابتدائي معلمة العربي شافت خطي وعجبها كلش ثاني يوم جابتلي قلم هدية وطلعتني بالصطفاف .. كرص خدي مبتسم

حكيم : عفية وليدي الابيض

نرمان : اوووي اذيتني

حكيم : ابوسة يصير زين

نرمان : اوي ولا يكعد سيفكس .. كبل كفخني

حكيم : ثولة سيفكس مال بلاعيم

نرمان : يوو شمدريني يلا روح عيني اريد اخذ راحتي

حكيم : نمنمة البربوك اخذي راحتج

نرمان : عافني وطلع خربت من الضحك على ملامحة .. شوية وهم انفتحت الباب

نجاة : تعالي سوي عشة لابوية مو عمج ابتليت اني

نرمان : ماشي جاية .. طلعت وياها للمطبخ .. شويتلة تكة دجاج وديتها الة بس شافني ابتسم حطيتة كبالة وسئلتة .. محتاج شي بعد

حكيم : ميكدر يحجي

نرمان : هزيت راسي .. تقرب علية عمة كعد كبالة وكام يوكلة بيدة

فاروق : شنو صافنة على مسرحية ؟

نرمان : باوعتلة صفح شبي هاذة .. طلعت من الغرفة .. مر اليوم عادي ثاني يوم سافر عمو البغداد وانطاني خبر اروح ويا فاروق .. كعدت الصبح بدلت وطلعت

_ صباح الخير

فاروق : صعدي

نرمان : ستحيت اصعد بالصدر صعدت ليورا وسديت الباب ..

فاروق : شنو خدام الخلفوج نزلي لج صعدي ليكدام

نرمان : استنرفزت من اسلوبة الوقح .. صعدت بالصدر كلبت وجهي .. شوية وحسيتة يباوع على حذائي وجنطتي

فاروق : طلعتي بكلشي تعرفين تنسقين مو بس بال

نرمان : واشر على صدرة .. شهكت وباوعتلة بغضب .. شتقصدددد

فاروق : عيناي كلشي ولا تعصبين .. نزلي نزلي

نرمان : نزلت كبال المدرسة وكفت اباوعلة يعلج غمزلي وراح .. ضليت لازمة كلبي واتلفت خاف وحدة من البنات شافتة وصيرلي سالفة

_ طبيت للمدرسة روحي طالعة وافكر بكلامة بس مجاي افتهم شي

رغد : وين صافنة

نرمان : لا هيج

رغد : اكلج .. متنطيني رقمج حتة نتخابر او يوزر انستا حساب فيس

نرمان : تنهدت .. لا اهلي ميقبلون

رغد : خرب بس لا معقدين

نرمان : لا بالعكس بس حريصين علية

رغد : هااا .. زين عندج مزرعة ؟

نرمان : ولج اني بيت ماعندي انوب مزرعة

رغد : لا ثولة هاي دي المزرعة متعرفيها

نرمان : لا

رغد : باعي هاي لعبة تحمليها وتربطيها لو على الفيس لو على الكوكل وبيها احياء ادخلين بيها ونسولف كل بنات الصف عدهن نزليها حتة نحجي بيها وحتة اشعارات ميجيها ولا يشوفو اهلج كئنما لعبة عادية

نرمان : لا ماسوي شي بدون علمهم اسئلهم قبلو اسوي ماقبلو ما اسوي

رغد : بلكت يقبلون .. والله كلش حلوة راح تحبيها

نرمان : ماشي بس اسئلهم .. دك الجرص اجت المدرسة وبدة الشرح مر اليوم وطلعت .. لكيت فاروق مرتجي على سيارتة ويدخن .. وبنات المدرسة كلهن مبحلقات بي

رغد : منو هاذة

نرمان : ابن عمي

رغد : بشرفج عندج هيج ولد عم شبيهم لعد ولد عمي جنهم ليفة محروكة

نرمان : حرام خلقت الله .. يلة راح اروح باي

رغد : بايات حبي

نرمان : رحت صعدت ويا بالسيارة ..

فاروق : بوية فاتت من يمي وحدة كفتني ريحة قاتلة

نرمان : طيبة ؟

فاروق : خايسة

نرمان : ايع .. شغل السيارة وساق والطريق كلة ما حجة شي .. وصلني للبيت مر يومين يوديني ويجيبني بس ميحجي وياي بس نضراتة غريبة لدرجة متتفسر .. قررت اخابر عمو اشوفة وين صار روحي طكت

_ الو

حكيم : ابوية حبيبي

نرمان : ابتسمت .. عموو شوكت تجي روحي طلعت

حكيم : جا حضري زنودج راح اجي اشفطهن الفجر

نرمان : كول والله راح ترجع

حكيم : اي بابة الفجر اني يمكم

نرمان : يعني باجر انتة توصلني

حكيم : ههههههه اي ..

نرمان : فدوة القلبك الله لا يحرمني منك

حكيم : كامت ادك اليتيمة

نرمان : هههههههه يلة لعد باجر اكعد من الصبح

حكيم : ماشي

نرمان : سلمت علية وسديتة فرحانة راح اخلص من فاروق الغثة .. بهل اثناء اندكت الباب ... منوو

نجاة : اني

نرمان : بدلت وطلعت .. شبيج معبسة .. سمعت صوت عركة بالهول رحنة ركض طبيت واشوف نزار واسراء كالبين البيت كلاب

نزار : ولج ام الخبط افضحج واشهرج

اسراء : والله اختك حمارة

نزار : مو اكو فرق بين الحمار والمستحمر ذاك خلقة الله اشرت عليها .. وهاذة مجهود شخصي

اسراء : شهكت .. سودة بوجهك اني مستحمرة بالعباس ما اضل بالبيت اليوم جا بكد بزري ويهيني هاذة احترامكم

نزار : جا احترم تحترم تهين تهان

اسراء : ما اضل اليوم ما اضل

_ بهل اثناء دخل كمال ..

كمال : شكوووو شبيكم صوتكم للشارع

اسراء : اخوك يغلط علية ترضة

كمال : جا تحطين عقلج بعقلة بكد ابنج

نزار : خاب كلنة عدنة عقول بس اكو ناس الاماكن عدها مختلفة

اسراء : سمعت

كمال : ولك انتة صاير متحترم احجي عدل لا افرك حلكك

نزار : تعال فركة منو لازمك يلة

كمال : لا انتة دواك حكيم اخابرة وهوة يصرف

نرمان : ضليت صافنة مو لسان رشاشة .. دغيت نجاة .. هاي عليمن العركة

نجاة : خل تولي تنتر واصيح علية واصيح بيتي ما بيتي

نرمان : ام حلك صار بيتها

نجاة : اي وسمعها نزار وصيح عليها وطلكنة ثنينة عليها وسبتني وكبت الطلابة

نرمان : حيل بيها خل تولي .. بس خطية ابوج هاي المشكلة يمة وهوا محتاج راحة

نجاة : كون حكيم يشوفهم

نرمان : اي والله

نجاة : دامج خلصتي العركة روحي سويلنة عشة اني وياج ونزار ذنيج مسويات رجيم وابوي تعشة

نرمان : ماشي .. رحت للمطبخ بديت اسويلهم فنكر وفلالفل وفول حميت صمون وديتة للهول كعدنة يم ابوهم ناكل

نزار : طيب بس مال عامر دبل اطيب

نرمان : لعد روح اكل يمة

نزار : جا انتي المن خاليج بالبيت و نعلف عليج

نرمان : انقهرت منة وبرطمت

نزار : لا وعلي اشاقة لاتبجين اصلا تخبل

نرمان : بالعافية .. كملنة وشلتها غسلتهن بسرعة ورحت الغرفتي تمددت صارت ساعة 2 بالليل وبعدني كاعدة كلت بلكت يجي اخر شي اخذتني النومة بدون ما احس ..

حكيم : وصلت الفجر للبيت فتحت بوجهي الغرفتها فتحت الباب شفتها لامة نفسها بوضعية الجنين ونايمة عفتها وطلعت ماردتها تحس

_صعدت الغرفتي نمت 3 ساعات وكعدت على صوت المنبة .. بدلت ونزلت انتضرها .. شوية وطلعت مبدلة بس شافتني ضحكت واجت تركض

نرمان : اشتاقييييتلك

حكيم واني هم .. جريت الكلمة مثلها .. اشتاقيييييتلج

نزار : ارحمو من فالارض يرحمكم من فالسماء

نرمان : اففف والله كلبي خلص من سفرات بغداد

حكيم : شنسوي يا نونو غير شغلي

نرمان : صعدت ورا .. اباوعلة بالمراية

نزار : اريد سيارة .. ماجاوب.. اشتريلي سيارة .. زين ستوتة .. دراجة .. بايسكل .. عربانة دفع .. زين حذاء ابو الجروخ اروح وارجع بي

نرمان : هههههههههههه فحطت

حكيم : هل اسبوع

نزار : يا اسبوع مو راح يصير 3 شهور

حكيم : ميخالف مشوف عندي شغل

نرمان : اذكرت المزرعة اريد اكولة .. عمو

حكيم : وعمة

نرمان : احم .. العفو حكيم

نزار : الصراحة فجعتيني

نرمان : اريد اكلك شي .. مارد .. اكو لعبة حلوة اسمها مزرعة وكل بنات الصف عدهم اريد انزلها والعب وياهم

حكيم : نزعت نضاراتي .. التفتت على نزار .. تعرف هاي العبة

نزار : اي

حكيم : هم بيها ملاعيب العيد

نزار : كلشي بيها حالها حال اي تطبيق .. للامانة اني ما منزلها بس عندي كلاش الزحف بيها للرچاب

حكيم : ومنو من صديقاتج عدها هاي العبة

نرمان : رغد والبنات

حكيم : عندج رقمها

نرمان : لا

حكيم : نزليها

نرمان : خوش لعد من ارجع

نزار : سمو حي الاوفياء خاف انزلها و ادزلج طلب

نرمان : شنو اسمك

نزار : زوزو يتكلم والكل يتعلم

نرمان : صدك تحجي

حكيم : جا موزين هاذة الاسم جان مسمي البلوتوث مالتة قناص وعيوني رصاص

نرمان : ضحكت بصوت عالي

حكيم : بس لو تبطلين ضحكة الرقاصات اني بخير

نرمان : وصلني باب المدرسة نزلت .. طبيت سلمت على رغد

رغد : هلاو حبي

نرمان : اجت علية ويا مجموعة بنات وكفن

رغد : اكلج ذولة صدك بيت عمج احجي بيناتنة والله متطلع ..

نرمان : اي والله

رنا : شو يومية ويا واحد وسيارة شكل

نرمان : عرفت قصدها على فاروق .. عادي ولد عمي كل مرا واحد يوصلني وانتي شكو

رنا : لا هيج .. ذولة مزوجين

نرمان : منو قصدج

رنا : الي يوصلوج

نرمان : اي مزوجين وعدهم بنات بكدنة

رغد : يا ولا مبين

نرمان :اي صح ممبين عليهم

رغد : امشي دك الجرص راح تجي ست ايناس وشيخلصنة منها

نرمان : رحت للصف روحي طالعة لازم انغث اذا مو فاروق بنات المدرسة ميقصرن .. مر اليوم وطلعت من المدرسة انتضرة يجي علية

رغد : ها حبي وين ابن عمج لعد

نرمان : ما ادري هسة يجي .. ضليت واكفة انتضر بالنص ساعة

رغد : اجة اخوية تجين .. تروحين وياي خاف ميجون عليج

نرمان : لا انتضرة بلكت يجي .. راحت رغد شوية ورجعت

رغد : ولج مينطيني كلبي اعوفج البنات كلهن راحن اضلين وحدج قابل .. امشي وياي

نرمان : لا اخاف يجي وميلكاني .. سمعت صوت انداريت علية

اركان : السلام عليكم

نرمان : وعليكم السلام

اركان : خوية اوصلج وياي خاف اهلج مايجون واضلين وحدج

نرمان : عادي اضل

اركان : ميصير بهل ضهرية امشي ويانة وبهل ركبة

نرمان : احتاريت شسوي .. وافقت ورحت صعدت بسيارتة ..

اركان : تندلين البيت

نرمان : اي طب بهاذة الشارع

اركان : من نوصل البيتكم كليلي

نرمان : دخت ما ادري اني وين .. لا مو هاذة الشارع غيرة

اركان : اهدي هسة اطب بالثاني وشوفي هوة لو لا

نرمان : طب بالشارع الثاني شفت هوسة مكلوب كلاب والسيارات سادتة من الطول للطول

اركان : انتو بيت منو

رغد : صدك انتو بيت منو

نرمان : بيت حجي فاضل ابو كمال

اركان : انتي بنت الشيخ فاضل والنعم

نرمان : تسلم ..

اركان : انتضروني بالسيارة انزل اشوف شكو واجي

رغد : ادري اكو وحدة متعرف شارع بيتهم صدك تحجين

نرمان : ضليت انافخ واتلفت بلكت اشوف واحد اعرفة .. شوية ورجع يركض فتح باب السيارة يلهث

اركان : خوية نزلي اهلج يردوج

نرمان : اخترعت من كال هيج اخذت جنطتي ونزلت .. اتلكاني باقر ابن كمال يبجي .. فتحت عيني بصدمة شبيييك

باقر : جدي مات

نرمان : حسيت انضربت على راسي من كال هيج .. حجيت بصوت متقطع عمي فاضل مات

باقر : امشي طبي من ورا البيت

نرمان : طبيت مصدومة ركضت للهول شفت نجاة وعمة اصيلة والبنات كلها ملخات روحهن ويلطمن شمرت الجنطة من ايدي وركضت على نجاة حضنتها

نجاة : ابوية راح نرمان مات مات

نرمان : كمت ابجي وياها وتعالت الاصوات صار صوت الصياح مخيف لدرجة عرفت جابو التابوت طبو ولدة شايلي من ضمنهم حكيم .. تركت كلشي وركزت بعيونة الحمر الشكن كلبي .. نزلو بالكاع وبدة الدك والطم

اصيلة : سودة علية عليك يا الغالي سودة بوجهي رحت وخليتني المن المن اخخخ ياحركت كلبي لو ميتة اني ولا انتة

نرمان : انصدمت بيها حسيتها صدك تحبة لان موتت روحها على التابوت

اصيلة : حجي بريني انتة رايح يم رب كريم ورحيم ابريني الذمة اروحلك فدوة

نرمان : صيحت ونزعت شيلتها ملخت شعرها كلة بيدها وتردد بحجاية ابريني الذمة .. صارو كل الولد يبجون الة حكيم .. والصدمني اكثر حتة فاروق يمسح بدموعة

حكيم : شيلو خل نشيعة

نجاة : لاااا لاتاخذو بعدني ما شبعت منة ابوس ايدك حكيم عوفة لا تاخذة

نرمان : صرت ما اعرف بمنو اهدي بنفسي لو بنجاة .. ترحميلة لا سوين هيج

رحاب : بوية لا تعوووفني منو يحن علية من بعدك من عمري العمرك بس ارررجع اموووتن وراك

نرمان : طلعو التابوت شيعو بجملة لا اله الى الله .. انعادت علية مئسات وفاة والدي كلها رجعت الغصة والحركة البكلبي

روان : امشي وياي خل نسوي جاي للعالم وروحي لبسيلج شي اسود عيب بهدوم المدرسة واكفة

نرمان : مسحت عيوني .. ما ادري بنفسي هسة ابدل واجي .. طبيت للغرفة بدلت وطلعت وياهم .. ما ادري منين العالم كامت تجي افواج .. لليل شوية خفت بس الاكثرية باتو بالديوان .. رحت كعدت يم باب المطبخ انتضر اشوف حكيم او المح شكلة لنص الليل اني على كعدتي شفتة طبك سيارتة ونزل بيدة الجكارة ركضت علية اشوفة

حكيم : روحي نامي باجر عدنة فاتحة اجلي دوامج هل يومين

نرمان : طفرت دمعة من عيني على شكلة شكد تعبان بحيث يوم واحد صار كفيل يكبرة سنة عافني وصعد فوك .. انداريت بالكراج اباوع الشباك غرفتة الضوة طافي ما اجرئت اصعد حسيتة محتاج يبقة وحدة .. رجعت طبيت للبيت بوجهي الغرفتي قفلت الباب ونمت جسمي مكسر

ثاني يوم "

_ فزيت على صوت المنبه طفيتة وطبيت سبحت وطلعت مشطت شعري ولبست دشداشة سودة وحجاب اسود طلعت شفت الكل كاعد يحجي بس صوت جان راج البيت بالبجي

اصيلة : شلون بات وحدة بالكبور شلون يومية اصبح بوجهة السوم بوجه منو اصبح .. لطمت على وجهي وصرخت

نرمان : صباح الخير .. محد رد علية عرفت روحي جفصت .. رحت للمطبخ اساعد البنات .. مرت 3 ايام الفاتحة وراحت العالم بقينة بس احنة بالبيت .. بيوم كاعدين بالهول

نزار : اريد كهوة راسي راح ينفجر ما جاي اكدر اصحصح

نرمان : اني اسويلك .. بس وين عمو ضل بالي علية ..

نزار : بس خلصت الفاتحة سافر البغداد

نرمان : ها .. رحت سويتلة كهوة ورجعت انطيتهيا .. نزار فدوة باجر وديني للمدرسة صارلي هواي غايبة

نزار : ماشي .. اروح سوة اشوف نجم يوصلنة

نرمان : ان شاءلله .. ثواني وسمعت صوت نجاة تبجي وتغلط بالمبايل بشكل هستيري ..

يتبع ..

نهاية البارت : حبابات على كيفجن وياي ادري مقصرة بس لاتنزلن علية بالتعليقات وهاذة تعويض 5000 كلمة

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تواعدنا..

ان نبقى سوياً مدى الحياة

ان نجعل حبنا يفوق الخيال

ان نكتب قصة حبنا في كل مكان

ان نغسل قلوبنا من نهر العذاب

معلومة عن البحيرات الي يملكوها .. الاحواض او البحيرات هية ملك اهلي تنباع وتشترة تحتوي على كمية اسماك خيالية واصحاب هاذة الشغل نفسهم يوردون للمحافضات ..

ملاحضة : ما ذكرت اسم المجلة لان 18 + والي يبحث عنها اتصير بذمتي

والي حجيتة راح تفهمو من خلال احداث البارت ..

_________________________________________

نزار : ماشي .. اروح سوة اشوف نجم يوصلنة

نرمان : ان شاءلله .. ثواني وسمعت صوت نجاة تبجي وتغلط بالمبايل بشكل هستيري .. رحت اركض علية فتحت باب غرفتها ..

نجاة : نذل انتة واحد نذل وجذاب الله لا يوفقك لك انتة كل عقلك ارجعلك بعد لو تطلع نخلة براسك ..

فلاح : وروح ابوية متندم على كلشي ارجعي وحتة طفل نسوي وما اخليج يم سهى اطلعج بيت وحدج

نجاة : وهسة شتريد اتعلك بذيالك وارجع لك فلاح انتة متستاهل اضفر من اضافري بس الصوج مو بيك كلة بية اني الغبرة الحبتك ..

نرمان : جر المبايل منها نزار .. ونزل علية دوسة ونص

نزار : انتة لو زلمة جان اجيت واجهتنة النة مو جنك مراهق تتخنس بالمبايلات وتتبجبج .. نجاة انسها وطلعهة من قاموس حياتك ذيج المرة وكعنة بيتك هل مرة نخلص عليك

فلاح : انتة منو وتحاجيني هيج .. اني حجيي مو وياك ويا الاكبر منك انتة بعدك جاهل روح حبيبي العب بعيد

نزار : هية خربت من قلة الخيل شدو على الچلاب سروج

فلاح : اصبرلي عبالك افو .. سدة بوجها

نرمان : تقرب لزم نجاة من شعرها .. رحت افكهم اكلت دفرة منة .. اوووي شبيك

نزار : كلج احنة بياااااا حال وفاتحة علية خط هاااا .. متعرفين يحرم عليييييج تريدين ترجعين تنزلين روسنة بالوحل

نجاة : اخخخ وخر والقران ما ادري هوا لان رقم غريب واني حاضرتة .. بس كلت هيج هدني

نزار : ممنوع تفتحين خط على اي رقم غريب افتهمتي لو يحتاج اعيد

نجاة : يووووو افتهمت ماعدكم غير تكفخون بية قبل لاتفهمون السالفة

نزار : الي يسمعج يكول موتيج ولج انتي جاي تلعبين علينة وساكتيلج

نرمان : كعدت بالزاوية تبجي ولازمة وجها .. لاتبجين كافي صار 4 ايام بس نبجي حتة عيون ما ضلت

نجاة : حبابة طلعي وعوفيني مخنوكة اريد اضل وحدي حتة مبايلي اخذي ماريدة

نرمان : طلعنة من الغرفة وسديت الباب عليها رحت الغرفتي كلش اختنكت .. فتحت مبايلي واتصلت ..

حكيم : الو

نرمان : الو شلونك عمو

حكيم : احم .. زين انتي شلونج

نرمان : شوكت تجي اريد اشوفك

حكيم : ما ادري .. ليش بيج شي

نرمان : خنكت صوتي وبجيت ما اريدة يسمع

حكيم : الو انتي وياي .. تبجين ؟

نرمان : لا

حكيم : باجر فاروق ياخذج للمدرسة فاتتج هواي دروس اذا تندلين بيت وحدة من صديقاتج خلي نزار ياخذج حتة تقرين

نرمان : مسحت انفي .. ماشي

حكيم : لا تبجين باجر ارجع

نرمان : صدك .. انتضرك لعد

حكيم : يلة بوية غسلي وجهج وبدلي وهسة اخابر نزار حتة ياخذج

نرمان : حاضر .. ترجع بالسلامة

حكيم : الله يسلمج ..

نرمان : سديتة فرحانة لان راح اشوفة .. من يوم الدفنة ولهاذة اليوم ما شايفتة .. كمت غسلت وجهي ولبست على السريع طلعت للهول

نزار : ها تروحين خابرني حكيم علمود اخذج

نرمان : اي ماشي

اصيلة : وين ماخذها

نرمان : اروح الصديقتي اشوف واجباتي

اصيلة : مو المفروض تكولين قبل لا اطلعين لو صارت سفردحة السالفة

نرمان : العفو عمة بس حكيم يدري وبعلمة

اصيلة : ميخالف البيت الة حرمة واني ام البيت هنا

نرمان : تنهدت .. ماشي عمة تسمحيلي اروح هسة

اصيلة : روحي بس لا تتأخرين

نزار : امشيييي عااااد واكفة تثرم براسي بصل

نرمان : طلعنة نتمشة

نزار : تندلين بيتها ؟

نرمان : لا

نزار : جا المن رايحين لمي

نرمان : بفرع المدرسة بيتهم بس ما اعرفة يا بيت

نزار : امشي خل نهبد

نرمان : مشينة للمدرسة علما رجلي تكطعت .. صرنة بالفرع وصار كبال المدرسة اسواق

نزار : اوكفي هنا اطب اسئل واجيج

نرمان : وكفت انتضرة شوية وطلع ويا جاهل صغير يدلي

الطفل : هذاك الباب الاسود بيت ابو اركان عدهم بنية اسمها رغد

نزار : خوش .. امشي

نرمان : وكفنة باب البيت دك الباب طلع نفس الولد الوصلني بيوم الدفنة .. وكف يحجي وعين علية وعين على نزار

اركان : اهلا وسهلا بيكم .. البقاءلله اخر الاحزان ان شاءلله ويصبركم ويرحمة برحمتة الواسعة

نزار : حياتك الباقية شنسوي كلنة على هاذة الطريق .. احم جاين علمود اخذ الواجب لاختي .. دغيت نرمان تحجي خاف اكول اسمها ويفصلوني ..

نرمان : اريد الواجب من رغد

اركان : والله ما موجودة راحت البيت جدي من ترجع اخليها تنطيج الواجب ..

نزار : ها خوية رحم الله والديك

اركان : تريدون اوصلكم هاي سيارتي

نزار : لا هسة نتمشة ماعدنة شي

اركان : ثواني لا تروحون

نرمان : طب البيتهم ضلينة واكفين ونزار ماعجبة الوضع بس ينافخ

نزار : هسة شعندة لح جاي نكلة اروح مشي صعدت عندة الغيرة

اركان : العفو اتأخرت عليكم

نزار : لا ولايهمك

نرمان : راح كدامنة شغل السيارة واشرلنة نصعد .. كعدت ليورا ونزار ليكدام حرك السيارة والطريق كلة يسولف بس نزار ممعبرة

اركان : اني اداوم بالاتحادية الحمدلله صح ما كملت دراسة بس ما شكلتلي فرق بحياتي .. احم اني الوحيد لهلي وهل فترة جاي يلحون علية ازوج ما ازوج

نزار : جا متزوج

اركان : والله جاي ادور على بت الحلال وان شاءلله البي خير الله يقدمة

نزار : يمك يمك ..

اركان : ها العفو اخذتني السوالف ما حسيت بالطريق

نزار : رحم الله والديك ما قصرت

اركان : تدلل

نرمان : نزلت كالبة وجهي .. هسة منين اخذ الواجب طبينة للبيت روحي طافرة

نزار : هسة عليمن مبوزة

نرمان : منين اخذ الواجب شلون اداوم باجر

نزار : لليل هم نمرلهم بلكت موجودة

نرمان : افففف ما اصدك الكاها .. رجعت الغرفتي حايرة شنو اسوي لليل وقررت اقرة واحضر من كيفي .. فرشت كتبي وكعدت .. انفتحت الباب مال غرفة

نجاة : تعالي اجت صديقتج

نرمان : ما صدكت من كالت لبست وطلعت للحديقة شفتها واكفة بالباب هية واخوها ويمهم نزار

اراكان : هاي جبتها تنطيج الواجب مثل ما كلت

نرمان : شفتة مبتسم بوجهي .. ابتسمتلة مجاملة عفتة وطبينة اني و رغد للهول

رغد : كل المدرسات يسئلن عليج عبالنة بطلتي

نرمان : لا اسم الله بس تدرين عمي توفة

رغد : اي كلتلهم بس طولت غياباتج

نرمان : اي صح .. رحت جبتلها مي وجبت جنطتي حتة أشر الواجب .. انطتنيا وطلعت .. رحت وراها اوصلها للباب

اركان : خلصتي

رغد : اي

نزار : بنترة .. ما قصرت

اركان : ولو

نرمان : طلعو وسد الباب وراهم وكف كبالي نزار يخوزر بية من فوك ليجوة .. شبيك

نزار : شكو اضحكين ويا

نرمان : هيج مجاملة .. عافني وراح كدامي صعد فوك

_رجعت الغرفتي اقرة ضليت النص اليل علما ضهري انكسر .. كملت ونمت

ثاني يوم "

_ كعدت بدلت وطلعت برا لكيت فاروق ونزار مبدلين و منتضريني .. صباح الخير

نزار : صباح النور

نرمان : صعدت بالسيارة .. لعد شو عمو مارجع

فاروق : ملحك يرجع يشوف الشكولات الجايفة

نرمان : حسيتة يقصدني سكتت وارتجيت على الكشن

نزار : خابرتة كال بالطريق يعني من ترجعين من الدوام تلكي

نرمان : ان شاءلله .. وصلني للمدرسة وراح .. طبيت واتفاجئت اول درس عدنة امتحان شهري كلشي ما ادري عنة ضليت صافنة بوجه رغد ..

المدرسة : شبيج صافنة خاف ادورين غش

نرمان : برطمت وكلت .. ست اصلا ما ادري بالامتحان ما قارية

المدرسة : طبعا متدرين عبالك بس انتي عمج مات واعلنتي الحداد علينة تموتن على هاي السوالف حتة ما اداومن

نرمان : قهرني حجيها وبجيت اكثر .. ست عادي أجلة حبابة

المدرسة : ما أجل عود اذا اكو راسبين عدد جبير اخليج تمتحنين ويا الراسبين

نرمان : سكتت وكمت ابجي واباوع الرغد بحقد لزمت الورقة وكتبت الاجوبة الاعرفها سلمتها ودك الجرص

رغد : عذريني نسيت اكلج علية والله

نرمان : شلون تنسين لج هاذة شهري

رغد : ما ادري حتة رقمج ماعندي اخابرج واكلج

نرمان : ضليت كاعدة بمكاني مدمعة ومالي نفس حتة اطلع بالفرصة دك الجرص وحلينة .. طلعت برا انتضر احد يجيني شفت سيارة حكيم .. حسيتة اجة بالوكت المناسب رحت اركض صعدت بالسيارة

حكيم : شلونج نونو مشتاقلج .. التفتت عليها .. ليشششش تبجييين

نرمان : اليوم امتحان شهري وما جاوبت

حكيم : وعلى هاي تبجين

نرمان : اي

حكيم : لا تبجين اليوم اقري وباجر اخليهم يمتحنوج

نرمان : صدك كول والله

حكيم : يا يوم مجذب عليج

نرمان : صح فدوة اروحلك .. جان كلش هادء لدرجة ما كدرت اعبرلة عن اشتياقي عكس كل مرا نحجي ونشاقة .. وصلنة للبيت

حكيم : نزلي بوية

نرمان : نزلت وسديت الباب صعد كدامي البيتة .. طبيت جوة .. ذبيت جنطتي وسبحت وبدلت قررت اضل لابسة اسود وياهم .. طلعت من الغرفة ميتة جوع

نجاة : ها نونو جوعانة

نرمان : اي والله

نجاة : بعدة ما صاير الغدة انتضري شوية ونكعد كلنة على السفرة

نرمان : شعجب اليوم ساعة بالوحدة ونص والغدة بعدة

نجاة : عيني هاي طلبات زوجج المصون يريد الغدة يتأخر حتة نلتم

نرمان : ها

نجاة : تعالي سوي زلاطة

نرمان : وكفت اساعدهم ربع ساعة وطب فاروق بيدة 5 سمجات .. مدينة سفرة ورتبنة الاكل وكعدنة .. ثواني ودخل ..

حكيم : السلام عليكم

الكل : وعليكم السلام

حكيم : تقدمت كعدت على السفرة كبالهم ..

كمال : محتاجين هاي المة ياخوي من وفاة ابوي والبيت صاير مينطب

فاروق : على اساس من جان عايش شرمتوها ويا هوا انتو بيا غرفة متندلو

حكيم : مو وكت هاذة الحجي خوش

نرمان : ضلينة ناكل بهدوء ..

نجم : احم .. دام كلنة ملتمين انة اريد اكللكم حاجة

حكيم : كول

نجم : اني اريد نسوي قسام شرعي وكلمن ياخذ نصيبة ابوي ومات الله يرحمة

نرمان : من كال هيج كلهم صفنو بوجهة كلت راح يكومون يكتلو حتة حكيم شمر الخاشوكة من ايدة ..

حكيم : تريد حصتك !

فاروق : ولك حلكك متروس دم تراب ابوية ما نشف ادور حصص ماخابت نضرتي عنك الشربت بي مي بالمطبخ اذكرة ؟

نجم : يا مطببببخ يامييييي شنو دخل هاذة الحجي اريد حصتي اريد استقر والله لا اني ولا مرتي مرتاحين بهاذة البيت

حكيم : كزيت سنوني .. وانتة كمال هم تريد حصتك

كمال : والله ما اعرف شكول بس اذا تقسموها اخذها ما تقسموها ماعندي مانع اضل هنا هوا اني شعندي غير مرتي وباقر

حكيم : زمخت بي .. يعني تريد حصتك لو لا

نجم : اي يريد حصتة جا ليش

حكيم : خلص انطوني مهلة اسبوع ونسوي قسام شرعي واعرف كل واحد بيكم شكد الة حصة

فاروق : بصدمة .. يعني رررراح تبيع البيت وكلشي يروح علمودهم

حكيم : منو كال ابيع البيت هاذة البيت ما افرط بي لو على ركبة نجم

كمال : جا خوية انة ماريد حصتي اريد اضلن هنا نجم اذا يريد خلي ياخذها

حكيم : يجرالكم اخوتي بس خلي يصير بعلمة نجم اذا طلع من هاذة البيت مالة ردة وهاي كدامكم

نرمان : صار البيت متوتر حتة اكل ما كملو .. ضلو يصفنون

حكيم : يچد ابو كلاش وياكل ابو جزمة .. كملو اكل دام اني طيب كملو

نزار : منو بعد الة نفس ياكل اذا نجم سوالنة دعاية مال حموضة

نرمان : رغم عصبيتة بس يضاهر الهدوء .. كملنة وشلنة المواعين

نجاة : سوي جاي خل اغسل مواعين

نرمان : سوي انتي فاروق ميعجبة الجاي مالتي

نجاة : يطبة مرض لايعجبة راح اغسلهن عود سوي مالي خلك اطب و اشوف وجه نجم

نرمان : وكفت سويت الجاي وصبيتة طبيت اقدمة بالسرة

حكيم : يسلمو .. تنهدت .. اصيلة خاف انتي هم تريدين حصتج حتة مرة وحدة لا يومية رايحين وجاين

اصيلة : ههه اني ماعوف هاذة البيت الة جنازتي تطلع منة

نرمان : خاط الاستكان ويهز براسة رحت اقدم النجم جان اخر استكان بالصينية جرة نزار

نزار : عود شربة ابيتك الجديد

نجم : هاذة احترامك

نزار : جا هاذة مستواك .. خطت الجاي .. صدك كيمو البارحة خابر فلاح يتبجبج يريد يرجع نجاة

حكيم : ما عفطتلة

نزار : راحت من بالي ..

فاروق : جيرة بفركة .. ما شايف واحد يحب الاهانة مثلة

حكيم : قسما بالله اذا اصرفت بشي من روحك ادفنك وانتة عايش

فاروق : لا عليمن اكتفيت بجرة اذنة ذيج المرة

نرمان : شرب الجاي وكام يريد يطلع ..

حكيم : تمغطت .. راح انام ما اريد صوت

نرمان : كام ورا نزار وفاروق يمشون ..

نزار : كيمو ادري مو وكتها بس اريد سيارة

حكيم : باجر اروح للمعارض واخذلك وحدة

فاروق : شراح تبيع وتنطي حصة نجم

حكيم : ما ابيع شي اشوف شكد حصتة وادبر المبلغ وانطيهيا واوقعة على تنازل من كلشي حتة شغل البساتين والاحواض اذا راد يضل بيهن ياخذ يومية حالة حال العمال .. طبيت للهول كعدنة

فاروق : منين ادبر المبلغ

حكيم : خل نشوف لاتنسة احنة 5 ولد و3 بنات واصيلة يعني حصتة مو قوية

فاروق : الله كريم

حكيم : نزار هاي كدام اخوك اشتريلك سيارة بشرط

نزار : انوب شني

حكيم : تلزم شغل البحيرات ويصيرلك نص بالوارد

نزار : ودوامي

حكيم : ميأثر فاروق جان يداوم ويشتغل حالك من حالة

نزار : جا انكلب من حقوقي لسماج

حكيم : اي مو حاطلك عربانة بالسوك ولك انتة مدير تبيع وتشتري واخلي كمال يعلمك كلشي وانتة المستفاد باجر عكبة تشتريلك بيت شي بأسمك

نزار : من هسة اطردوني خلفلة عليكم

حكيم : ولك بطل سوالفك مال سرسرية

فاروق : اذا نجم يصير عامل اني الزم الشغل امكانة

حكيم : اهوووو هاي شلون طلابة خل انام وعود من اكعد ونحلها .. عفتهم وطبيت الغرفتي

نرمان : كعدت اقرة امتحاني على امل باجر يخلوني امتحن .. للمغرب كلش مليت ما اعرف شنو اسوي قررت اراسلة اسئل عنة .. فتحت مبايلي ودزيت ..

_ هلو شلونك .. عادي اجي يمك

_ انتضرتة مارد طفيت المبايل وكمت اروح منا واجي منا اخر شي يئست وطلعت برا للهول كعدت

نزار : نونو جيبلي مي

نرمان : جبتلة واجيت ..

نزار : رجعت شعري ليورا .. من اليوم ورايح بعد ماكو نزار الحقوقي

نرمان : لعد

نزار : من اليوم اسمي الاستاذ المدير نزار الحقوقي

نرمان : ليش وين راح يحطوك بالرئاسة

نزار : تخسين احم .. راح اصير مدير الاحواض مال ابوي رحمة الله علية

نجم : شنوووووو يا احووووواض

نزار : مال ابوي انتة مو تريد حصتك راح ينطوكياها على الكزمة الائديمة

نجم : احترم نفسك لك اكوم اخبزك هنا خاف عبالك خايف منك .. ترة الاكبر منك ميهز شعرة مني

نرمان : كام وكف يهدد بنزار وينتر .. لحد ما استوقفة صوت ..

حكيم : جا اذا ميز شعره منك مد ايدك علية يلة

نجم : الخاطرك محترمة

نزار : ايبااااخ مو توك نافش ريشك علية

حكيم : خزرتة .. كافي نزار انجب واكعد

نرمان : كعد كبالي لابس كلبية رصاصية كلش حلوة علية ابتسمت بوجها بادلني ..

حكيم : تعاي نونو بصفي

نرمان : كمت بصفة ميتة من الخجل لان الكل كامو يباوعون علينة .. شوية وقرب من اذني همس

حكيم : قريتي زين

نرمان : اي الحمدلله

حكيم : عفية وليدي

نرمان : رفعت راسي اباوع بعيونة .. بعدك مقهور على ابوك .. شوف مو ابوية هم مات بس انتة عوضتني ونسيتني

حكيم : اني عوضتج .. بس اني منو يعوضني

نرمان : اني

حكيم : العوض سيأتيك ، بقدر ما صمت وتألمت .. لزمت حنجها وانتة العوض وليدي

نرمان : احم .. زين عمو صدك راح تبيع البيت .. اني وين اروح

حكيم : شسوي .. حطيلج فراش بالباب ونامي

نرمان : صفنت بوجهة يعني صدك .. حسيتة كرصني بخفة من جتفي

حكيم : انجب حبيبي .. رفعت صوتي للكاعدين .. من رخصتكم

نرمان : كام طلع .. اني هم رحت الغرفتي راجعت لحد ما صارت ساعة 11 نمت

ثاني يوم "

_ كالعادة كعدت على صوت المنبة بدلت وطلعت .. صباح الخير

حكيم : صباح النور .. صعدي بابا

نرمان : صعدت ليورا ..

حكيم : راح اوصلج واطب وياج احاجي المدرسة

نزار : ليش شكو

حكيم : عدها امتحان وما مجاوبة اريد احاجي المدرسة تعيدة الها

نزار : اطب وياك

حكيم : ما اتأخر عليك ضل بالسيارة

نرمان : وصلنة للمدرسة نزلت ونزل وياي عمو عبرنة الشارع اريد نطب لكيت نزار عابر قبلنة .. متت من الضحك

حكيم : ولك اني شكلت

نزار : شني ناطور بالعباس اطب وياكم

الحارس : اعتذر منكم ممنوع دخول غير الطالبة

حكيم : ما اتأخر بسرعة اطلع

الحارس : انتضرني انطي خبر للمديرة

نرمان : طب للادارة شوية وطلع

الحارس : 10 دقايق بس يخلص الاصطفاف

نرمان : ضلينة واكفين بالباب خلص الاصطفاف وطبينة للادارة

حكيم : السلام عليكم

المديرة : وعليكم السلام تفضلو

حكيم : همست .. شنو اسم مدرسة المادة

نرمان : ايناس

حكيم : ولو اخذ من وقتج بس نرمان طالبة بالرابع علمي غابت عن المدرسة ما يقارب 5 ايام وجان اكو امتحان شهري وهية متدري بي وامتحنت بس ما جاوبت .. واريد تعيدو الها

المديرة : غابت بدون اجازة ؟ هل شي ممسموح بي

نزار : والله لو كايل الحجي راح اموتن جان اخذنالها اجازة يا بعد عيني .. بس المرحوم سواها فجئة

المديرة : الله يرحمة .. ما اعرف شوفو مدرسة المادة اذا قبلت تعيدة الها

حكيم : وين الكاها اني غير اصيحيلها

المديرة : ثواني

نرمان : صاحت على المنضفة تنده الست ايناس .. شوية واجتي طبت تعلج وتنورتها فوك الركبة باوعتلها وتخوصرت

ايناس : اهلا وسهلا بيكم استريحو

نرمان : اباوعلها مبتسمة وترمش بعيونها جنها حكيمة مرت دواس حجالها على الامتحان وما رفضت ..

ايناس : لا مو تدلل حبيبتي اذا قارية هسة امتحنج

نرمان : اي قارية .. دغني نزار وهمس

نزار : هاي عالكة دبل اشارة فوك عيونها

نرمان : عليك الله حلوة

نزار : من حنجها وجوة اطك بالكاع

نرمان : ضربتة بعكس ايدي .. تلعب النفس

حكيم : رحم الله والديج ما قصرتي

ايناس : والديك نرمان مثل اختي الصغيرة

نرمان : من شفتها اسبل بعيونها رحت وكفت بصفة ولزمت ايدة وحجيت .. شكرا ست يلة روح حكيم وراك شغل

حكيم : محتاجة شي

نرمان : سلامتك .. طلع ضليت واكفة بالادارة منتضرة تمتحني

ايناس : راح عليج الدرس الاول تعالي امتحنج بالفرصة

نرمان : اوووف عفتها ورجعت الصفي صدك بالفرصة رحت امتحنت وطلعت .. دك الجرص طلعنة من المدرسة شافتني رغد من بعيد اجتي

رغد : اكلج

نرمان : كولي

رغد : انتي عايشة ابيت عمج فاضل يعني لو شنو

نرمان : ماعرفت شنو اكول .. اي

رغد : يعني هوا اخو ابوج .. لعد ابوج وين

نرمان : ابوية متوفي .. وذولة بيت عمتي

رغد : انتي متصفيلج على جذبة يوم بيت عمج ويوم بيت عمتج

نرمان : عليمن اجذب بس اني عندي ضروفي وذولة بيت عمتي ارتاحيتي

رغد : شبيج ضجتي .. يعني هسة الرجال المات ميقربلج شي غير رجل عمتج

نرمان : اي كافي تحقيق .. لمحت سيارتة من بعيد استئذنت منها وعبرت الشارع .. مساء الخير

حكيم : مساء النور

نرمان : صعدت بالسيارة ..

حكيم : شبيها وياج هاي البنية

نرمان : ما ادري داخلة تحقيق

حكيم : اعصابج نونو المهم شلونج اليوم

نرمان : زينة جاوبت الحمدلله

حكيم : عفية عليج

نرمان : رجعنة للبيت .. طبينة للهول سلمت وذبيت جنطتي على التخم وكعدت

حكيم : وين نجم

اصيلة : بالشغل

حكيم : طلعت مبايلي اتصلت علية

نجم : ها خوية الله يساعدك

حكيم : ساعة 3 الضهر جيب كمال وتعال

نجم : تأمر انتة

حكيم : سديت المبايل وحطيتة بجيبي

اصيلة : من هسة اكلك هاذة البيت محد يبيعة احط نجم وادوس ابطنة وبطن مرتة

حكيم : هزيت راسي .. كومي بدلي وصبي غدة

نرمان : كمت بدلت ورحت للمطبخ لكيت نجاة تجلف بالارضية

نجاة : ولج ضهري انكسر اليوم

نرمان : اجي اساعدج

نجاة : كملت بس اشطف الارضية

نرمان : فتحت الجدورة كفختني ريحة الفاصولية .. جبت مواعين وصبيت الي والة وديت الصينية

حكيم : اغسل واجي

نرمان : ماشي .. ابلوع على عمتي اصيلة كاعدة تقرة قران بكلبب كلت سبحان مغير الاحول من حال الى حال .. فززني صوتة

حكيم : اكلي ليش منتضرة

نرمان : لا متتنيتك .. كعد كبالي وبلش اكل .. خلصنة وسويتلة جاي وديتلهيا .. استغربت لان ما صعد فوك للعصر طبو كل اخوانة سلمو علية وكعدو

حكيم : رحت اليوم المحامي انتطيتة كل الاوراق الازمة وهسة راح يجي يفهمكم

نرمان : فتح مبايلة واتصل علية يدلي مكان البيت بالضبط

حكيم : الزلمة بالباب كومن طبن جوة .. بس اصيلة اضل

نرمان : كمنة طلعنة

نجاة : اوكفي اريد اعرف شيصير

اسراء : وخرن اني اسمع واكللجن

نرمان : كامن يتعاركن على الباب علما طلع نزار عاط بيهن

نزار : ولجن الزلمة اجة طيح الله حضجن

روان : العباس عليك شوية واطلع سولفلنة شنو صار

نرمان : طب وركع الباب بوجها .. وكفنة نسمع ..

المحامي : ابوكم ما مخلي وصية لذالك راح تاخذون حصصكم بالعدل من المزرعة والاحواض وعمارتين

نجم : لا مو بس ذني بعد البيت الكاعدين بي واكو عمارة ثالثة وبساتين ثنين غيرهن

المحامي : بس الي كلتلكم علية موجود بأسم الحجي مزرعة واحواض وعمارتين

نجم : شلوووووون لعد البيت بأاااااسم منووووو

حكيم : اششش لا اصيح

المحامي : هاذة تقرير سحبتة ينص على الكلام الي جاي اكولة

كمال : لا خوية غلطان .. التفتت على حكيم .. لعد حكة البيت وين

حكيم : طلعتها من جيبي .. هاي نسخة منها

نرمان : ما افتهمنة شكو للحضة كب البيت بالصياح وصارت اصواتهم ترج البيت

نجاة : يما اسم الله شكو

نرمان : ما ادري .. شوية وطلعت عمتي فكت الباب تبجي وفاتحة دشداشتة تدعي

اصيلة : حسبي الله ونعم الوكيل بيك يا حكيم عساك ما تنام ليلك مرتاح الله لا يشوفك الخير

اسراء : عمة شبيج شكووو شنو سوة حكيم

اصيلة : ولجن الامالاك نصهة بأسمة الحرامي الما يخاف الله باكنة كلشي ما مخلي تفاليس

نرمان : حطيت ايدي على حلكي بصدمة .. صدك يعني مستحيل مسحيل يسويها .. مرت ساعة على صوت العركة عرفنة طلع المحامي طبينة للصالة ..

نجم : شوووف الله شراح يسوي بيك انتة مبصمة قبل لا يموت وعبالك اسكت هسة اروح ارفع عليك دعوة

حكيم : ضحكت باستهزاء .. وشنو تكول مركز بلة

نجم : اكللهم انتة حرامي ونذل

نرمان : منشوف غير حكيم زنكة من ياختة وركعة بالحايط

حكيم : لا تااااكل تبن لا اركعك بالقندرة كدام العالم

نجم : وخرررر حكييييم انتة تمد ايدك علية

كمال : كافي هدة وفهمنة شلون البيت والعمارة والبساتين صارن باسمك يعني نص الاملاك بأسمك

حكيم : هديتة ورجعت كعدت على القنفة .. الاوراق لكيتو بيهن توقيع ؟

كمال : اي توقيع ابوي موجود وبصمتة هم

حكيم : خلص لو مبصمة بدون ميدري لو نايم جا شلون وقع

نجم : هووووا هاذة الراح يخبلني

حكيم : لا تعب روحك بالتفكير ترا محلولة شافكم مو كفو تمشي بيدكم فلوس وانطانياهن

فاروق : زين ليش احنة هم مندري

حكيم : مو بس انتة محد يدري

نجم : جا اني ما اريد حصتي راح اضل بهاذة البيت وما اطلع بعد

حكيم : تأنس وتنور

نرمان : انتهى النقاش بس داخلهم صاير معركة .. كبر الحقد والغل بينهم صار كلشي ماصخ وما الة طعم بس الفلوس عمت على عيونهم

نجاة : دغيتها .. كومي

نرمان : طلعنة من الهول

نجاة : لج معقولة حكيم اكل فلوسهم

نرمان : ما ادري اني هم ما اصدك ..

نجاة : امشي نكعد بالغرفة لا يلوحنة طشار

نرمان : ضلينة نغلي ونفكر بالموضوع بس ما الة اي اجابة .. لليل اجتني رسالة

حكيم : لبسي عباية ام الراس وتعالي يمي اني بالغرفة

نرمان : دزيتلة .. حاضر .. كمت لبستها

نجاة : وين

نرمان : راح اصعد فوك اشوفة

نجاة : ها براحتج

نرمان : طلعت من الغرفة لكيت نزار وصديقة بالحديقة بس بعيدين ميشوفوني .. عرفت ليش كال لبسي عباية .. عبرتهم وصعدت فوك .. طبيت الغرفتة لكيتها ضلمة وبس دخان الجكاير يطير

حكيم : شغلي التيبلام

نرمان : شغلتة وكفت اباوعلة يدخن ولحيتة صايرة بارزة .. اكلب نام على بطنة وحجة بصوت خشن

حكيم : تعبان

نرمان : ادري بيك

حكيم : فركيلي ضهري

نرمان : نزع فانيلتة ورجع نام على نفس الوضعية .. ضليت واكفة متصنمة

حكيم : شبيج صافنة

نرمان : لا هيج بس اذا تريد ادعك ضهرك البس .. رفع الغطة على ضهرة .. وغمزلي

حكيم : دعكي

نرمان : نزعت عبايتي حطيتها على الشازلونة وتقربت منة حطيت شعري على ركبتي ودنكت علية كمت افرك بضهرة من ورا الغطة

حكيم : اقوى ماجاي احس

نرمان : ضغطت اقوى على ضهرة .. شوية واندار يباوعلي .. شبيك ماعجبك .. ضل صافن نزلت راسي شفتة صافن على دلعة ثوبي نازلة وحمالة صدري مبينة رفعتها وباوعتلة ماشال عينة حك انفة وكال ..

حكيم : قد شاقها ثغرة أبدت تعجبها من ثغرة ورأت عينيه مرتسمة في صدرها نحو انهاد تعذبها قد جاءها عاشق عينيه مضطرمة .. وزادها فتنة لما رأت يداه تمتد نحو نهود بضة ورمة ..تأوه قلبي على جسدها الله اكبر إن العشق معجزة اذا عشقت فتاة وهي محترمة

نرمان : فتحت حلكي وحطيت ايدي على صدري حسيت الدم جمد براسي .. مد ايدة على كرصني من خصري .. بعد حتة الكلام كام ميطلع مني

حكيم : ضربتها راشدي بخفة ايدي ..

نرمان : اريد انزل

حكيم : سحبتها من خصرها .. تعوفيني

نرمان : هزيت راسي .. اي بس هدني

حكيم : ما اهدج

نرمان : اخاف

حكيم : تخافين مني

نرمان : اجرء اكثر وسحبني الة حسيت اطرافي بردت من الخوف .. قرب راسة من راسي .. وهمس

حكيم : جنج كطف جكارة وارجف من اشوف طولج

نرمان : عمو كلبي صار يرجف

حكيم : ليش يرجف ياجفون عيني مو كلبي ورم

نرمان : دفعتة من صدرة بخفة ارتد ليورا .. صرت ادور بعيوني على عباتي ما ادري وين حطيتها

حكيم : هنة كلمتين وضيعن دربج

نرمان : وجهي كام يطلع نار .. شفتها واكعة بالكاع جريتها حطيتها على راسي وفتحت الباب

حكيم : والله لانعل ابو شكلج

نرمان : ابتسمت لان هاي الجملة لازم اسمعها نهاية كل حديث .. طلعت برا اهفي على وجهي .. نزلت كبل الغرفتي طبيت وسديت الباب ..

_ مر اسبوع وحسيت الاوضاع بدت تهدة بس نجم صارت تصرفاتة تخوف بارد كلش ويضحك ولا هامة بيوم كاعدين بالحديقة اني ونجاة نكلب بمجلة جايبها نزار مادري منين

نجاة : عززززة باعي ولج هاي مو مجلة عادية اقري شنو اسمها

نرمان : **** اي اني سامعة هل احرف من تنضاف معناتة شي استغفرلله

نجاة : يا مشوفين الغلاف مغوشين على المناطق الحساسة

نرمان : عود اخوج ليش يدور هل سوالف ميستحي

نجاة : اي اذا ما اوديها الحكيم وبعد لكيت اقراص بالابتوب مالتة هم يمكن بيهن سوالف صبريلي

نرمان : لا خطية والله يكوم يكرهج .. جاي نكلب وكل صورة تطلع نشهك لحد ما سمعت صوت خلانة نكمز

حكيم : شنو بيدج !

نرمان : اءء كتابي

حكيم : شنو من كتاب هاذة خاف مدخلج مدرسة مال ك*** وما ادري بروحي

نجاة : والله لكينا

حكيم : انطينيا

نرمان : كمت ارجف انطيتهيا كام يكلب بي ويباوعلنة بنضرات تخوف

حكيم : هاذة اجابة بيدج

نجاة : لكينا بالحديقة مشمور

نرمان : اي مثل ما كالت

حكيم : بالحديقة ؟

نرمان : هزيت راسي بخوف .. اخذة وراح يتمشة .. مرت ثواني واندكت باب الشارع .. اندار علينة عاقد حاجبة

حكيم : طبن جوة

نرمان : طبينة جوة ركض .. امداج كل موقف ولا الثاني منوراج

نجاة : اي والله غير اكرص صفحتي واكعد بس ما اكدر

نرمان : لزمت كلبي الهث .. سمعت صوت عمو يرحب بناس .. شوية ودخلو نسوان وياهن رغد

ام اركان : السلام عليكم

اصيلة : وعليكم السلام تفضلي حبيبة

نرمان : سلمت عليهم وعلى رغد اشرتلي عمتي

اصيلة : تعرفيهم

نرمان : صرت بصفها شاورتها .. ذولة بيت صديقتي

اصيلة : ها .. يا اهلا وسهلا تفضلو كعدو زارتنة البركة

ام اركان : بالمهلي حبيبة

نرمان : كعدنة وضلو الكل ساكتين بس النسوان يباوعلي ويتبسمن

اصيلة : كومن سون جاي

نرمان : طلعنة برا اني ونجاة سوينة جاي وصبينا طبينة نقدمة

اصيلة : والله يا خية ما ادري شكلج

ام اركان : لا تكولين شي عيني شاوري اشاورو بينكم وردولي خبر وهاذة رقمي شوكت ما صفيتو على رأي خابروني

نرمان : اخذتة عمتي وكامت تبلعم .. شربو الجاي وكامو طلعو بس لحد الان ما ادري شكو

اصيلة : مع السلامة كل الهلا بيكم .. سدت الباب وراهم

نرمان : شبيهم ذولة

اصيلة : يريدوج لابنهم الجبير

نرمان : فتحت حلكي وباوعت وصرنة وحدة تباوع للخ اني ونجاة .. وشنو كلتيلهم

اصيلة : اردلهم خبر .. انتي مو صغير وصار اكثر من مرة يجون عليج وحكيم ضاربهة سكتة السالفتكم ومايصير اكسر بنصيبج اكثر باجر عكبة تطلع عليج حجاية هلكبرها بالمنطقة

نرمان : بهتت من كلامها كعدت على القنفة لا اخذ ولا انطي ..

اصيلة : اني اليوم احاجي وانشوف لو ياخذج لو يخلي قسمتج تمشي

نرمان : كمت ابلعم من الخوف .. خاف صدك يسويها ويعوفني .. لليل التمو كلهم على العشة فرشنة السفرة وكعدنة

حكيم : ذني النسوان الطبن العصر منو ما شايفهن اول مرة

اصيلة : همزين انتة فتحت الموضوع .. هاي ام صديقت نرمان تريد نرمان الابنها اركان

نرمان : ركع الخاشوكة بالماعون وانكسر كلها كامت تباوع علية .. متت من الخوف والخجل

حكيم : وهاذة وين شايفها النرمان ؟

نزار : رحنة مرة اني وياها البيتهم وطلعلنة يوزع ابتسامات .. ومرة اجانة للبيت هم يوزع ابتسامات ..

حكيم : حجيت من بين سنوني .. وباي اصفة يجي للبيت

نزار : يجيبلنا الواجب .. شاب حنون

نرمان : خزرني خزرة خلاني معت كدامهم .. فجئة ارتخت ملامحة وشال خاشوكة ياكل من الماعون البصفة ..

حكيم : اي كليلهم مزوجة

اصيلة : والله ما اكسر بخت البنية شو انتة لا ترحم ولا تخلي رحمة الله تنزل

حكيم : مرتي

نرمان : كام يحجي برود كلة عمتي تلطم على رجلها

اصيلة : جا انتة مو تريد اطلكها من تتخرج .. طلكها هسة وخل تاخذ الوليد هاذة وامة كالت يخليها تكمل

نرمان : صار وجهة ينفض دم رفع راسة يباوعلها بغضب زمخ بيها ..

حكيم : منو كال اني اريد اطلكها ؟

فاروق : هاذة مو حجيك

حكيم : هاي قبل هسة اني اريدها وبالعطلة اعرس عليها

نرمان : غصيت بالكمة وعيوني دمعت

نجاة : اسم الله اسم الله هاج اشربي

نرمان : ما اريد ..

اصيلة : يعني هاي كلمة اخيرة .. اردلهم خبر البنية يريدوها

حكيم : رديلهم خبر البنية مزوجة ..

نرمان : باوع علية وكال ..

حكيم : كدام الكل كولي هاذة الحجي بعد

نرمان : هزيت راسي .. وعفت الاكل وكمت .. طبيت للغرفة اريد اجر نفس ما اكدر .. ما اعرف شنو شعوري افرح لو ابجي لو اخجل .. شوية وطبت نجاة مبتسمة

نجاة : ياااا ولج راح اصيرين مرت الحكيم

نرمان : بلعت ريكي .. اي

نجاة : شفتي شلون يرجف عليج

نرمان : لا

نجاة : وثول شو ما فرحانة

نرمان : ما ادري كومي طلعي اريد انام

نجاة : نامي حبيبة نامي وراح كوم وكطيعة

نرمان : كامت تضحك دفعتهة طلعت ادردم .. سديت الباب وكعدت على الجرباية افكر .. صارت ساعة 2 بليل وما اكدر انام باجر جمعة حتة مدرسة ماعندي كمت اريد اصبغ اضافيري اذكرت صلاة الفجر بطلت .. ما ادري شسوي كمت احوس بالغرفة لحد ما اجاني اشعار على مبايلي فتحتة من رقم لكيتة مكتوب

_ طلعي بالحديقة اريد احجي وياج

نرمان : من قريتها حتة رجلية بعد مشيلني .. دزيت .. منو انتة .. رد

_ 10 دقايق اذا ما الكاج بالحديقة اجيج للغرفة ..

يتبع ..

نهاية البارت : طبعا البارت الجاي بي حدث راح يصدمنة بس مو الي ابالكم لا شي ممتوقعي ابدااااا والبارت ممقصرة بي 5000 كلمة .. صوتو للبارت احبكم

الكاتبة (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

أشعلت السفن التي حملت أحلامنا وأصبحت رمادًا من حطام الماضي وأصبحت أنا جزءًا من ألعابها بل جزءًا من ترانيم أقوالها دفنت حيا في حفرة سوداء محرومًا من حبي والوفاء الذي أصبح لي الهواء والدواء لماذا؟...لماذا يا حبيبتي؟ أوهمتني بأن أضلاع الهوى أضلاعي أحببتني بنظرات عاشقة قتلتني أرجوك حبيبتي ارحمي الخضوع في عيوني ارحمي السكون في كلماتي إن لم تحبيني...؟ لماذا أخضعتني بين نيرانك ..

_________________________________________

نرمان : كامت تضحك دفعتهة طلعت ادردم .. سديت الباب وكعدت على الجرباية افكر .. صارت ساعة 2 بليل وما اكدر انام باجر جمعة حتة مدرسة ماعندي كمت اريد اصبغ اضافيري اذكرت صلاة الفجر بطلت .. ما ادري شسوي كمت احوس بالغرفة لحد ما اجاني اشعار على مبايلي فتحتة من رقم لكيتة مكتوب

_ طلعي بالحديقة اريد احجي وياج

نرمان : من قريتها حتة رجلية بعد مشيلني .. دزيت .. منو انتة .. رد

_ 10 دقايق اذا ما الكاج بالحديقة اجيج للغرفة ..

نرمان : لزمت كلبي ما اكدر اتنفس بسبب الخفقان الصار .. صارت فكرة تضرب فكرة منو هاذة وشنو يريد مني .. المبايل بيدي يرجف وما اكعرف شنو اصرف .. فتحت المبايل ودزيتلة .. منو انتة اذا متحجي راح اودي المبايل الزوجي .. ثواني و ..رد

_ منتضرج حتة الكعدة جهزتها علمودج

نرمان : طار كلشي من عقلي .. لبست عباية على راسي وطلعت اتمشى على اطراف اصابيعي ما اريد واحد يشوفني فتت للمطبخ اخذت سجينة ضميتها جوة عباتي وطلعت من باب الخلفية للحديقة .. ضليت اتلفت ماشفت احد مشيت شوية .. حسيت واحد جرني من عباتي وسد حلكي .. صرت ارفس بيدة .. سحبت السجينة بدون تردد وضربتة بجتفة هدني ..

فاروق : حيوانة انجلبتي

نرمان : باوعت جتفة ينزف بس مبينة ضربتة مو قوية بس شخطة .. شنو تريد مني احجيييي انتة الي تراسلني مو

فاروق : لا مو اني

نرمان : بجيت ولزمت كلبي .. لعد منو منو .. جرني طببني ورا البيت شفتة حاط كرسي ومشروب كاعد يشرب

فاروق : تعالي يمي

نرمان : نترت ايدة .. وخرررر وزقنبوووت انتة تريد تخبلني

فاروق : اخخخ احلى شي عندي بالدنيا حتة احلى من فريدة .. من اشوفج خايفة لو تبجين بطل فودكا ينزل على كلبي

نرمان : انتة شبيك وياي ليش هيج تكرهني اني شنو مسويتلك

فاروق : للامانة ما مسويتلي شي باعي نونو شنو عندي الج

نرمان : طلع من جيبة تعلاكة زركة مال حمالة صدر .. كام يفر بيها ويضحك .. عض شفتة وكال ..

فاروق : والله تختارين الوان تخبل هنيالة عليج كيمو

نرمان : اتذكرت عندي حمالة صدك مكطوعة .. هاي منيلك .. تقرب علية مبتسم

فاروق : مصدومة مو .. شو راويني شلابسة هسة

نرمان : جر تشيرتي يريد يرفعة ضربت ايدة وابتعدت بخوف لازمة صدري

فاروق : تؤ تؤ تؤ ويكولون نونو مو شريفة لعد هاذة الشرف الجاي يخر منين

نرمان : ما اتحملت كلامة القذر صرخت بي .. احترررم نفسك شكد كلب انتة .. بس كلت هيج تحولت ملامحة صار وجها يخوف لزمني من شعري وضربني راشدي بخفة .. وهمس

فاروق : شكم واحد لاعب بيج شكم واحد نايم وياج شكم مرا نايم وياج مصطفى واحنة موجودين .. صفكتها راشدي

نرمان : من جاب طاري مصطفى رجعتلي كل ذكرياتي المكان والرهبة وملابسي التمزقت ..

فاروق : انبلع السانج .. ك**** زين انتي ما فكرتي من راح ياخذج .. عبالج ما راح يعرف انتي ملعوب بيج

نرمان : مصطفى ما سوالي شي والله

فاروق : يلة راويني واني احكم

نرمان : رجفت وكمت ابجي وكعت بالكاع كمت الطم على وجهي

فاروق : احجيلي وما اسويلج شي

نرمان : هزيت راسي .. بديت احجي بصوت متقطع .. والله والله وروح ابوية صعدت باليل يمكم دكيت الباب لان اخاف انام وحدي .. وروح ابوية ما اجذب .. اجة جرني .. جرني جوة وخنكني وضربني وشك ملابسي وهاي هاي بيدك هوا شكها ومن صار صوت طلقات ضربني براسي وبعد كلشي ما ادري والله ما ادري ..

فاروق : هاذة الحجي بيوم الي اخذناج للمستشفى وكلتي جلب ركض وراية !

نرمان : بجيت بحركة وهزيت راسي .. اي"

فاروق : جا ما اطولها عليج .. انتي ما ضل شي وتمتحنين نص السنة تكمليها وبوجهج .. صوفرت .. تروحين لامج تخليج يمها وتستر عليج

نرمان : بصدمة .. اروح لامي .. لاااا حباب لاسوي هيج اني ما اكدر اعوفكم ابوس ايدك لادمر حياتي

فاروق : اذا ضليتي هنا راح ادمرين حياة حكيم وحياتنة كلنة ..

نرمان : الصار كلة مو بأرادتي اني شنو بيدي ليش تحملني ذنب مو ذنبي .. نصة علية صار بمستواية

فاروق : تريدين اسولفلج اذا ضليتي هنا شنو راح يصير ؟ .. راح تكملين امتحانات وراح يجهزلج ويسويلج عرس تحلمين بي انتي وعشيرتج .. وبعدين ؟ بيوم العرس راح ينصدم .. شكوووو ناري مو بنية بكل بساطة بطلع المسدس ويسويلج طاااخ طاااخ وتصيرين العروس بالكفن الابيض عنوان مال مسلسل

نرمان : ما اعرف شنو اكول اريد اخلص نفسي مستحيل اكدر اروح ويا امي واترك حكيم ما اكدر مستحيل

فاروق : هااا شو سكتي

نرمان : ميخالف حتة اذا يكتلني اريد اضل هنا ما اروح

فاروق : بدينة بالكلان النعل مالتج

نرمان : ليش هيج تحاجيني ..

فاروق : هاا انتي من هاذة النوع .. سمعيني بابا حبيبي روحي نامي وحلكج الوردي لا تفتحي لحد ما ماما عواطف تجي تاخذج ..

نرمان : حرك كلبي برودة صرخت بي .. ما اررررروح وياهااااااا ما ارررروح

فاروق : يطبج مرض لعد انطي سير ست*** الحكيم وانتي ويا تجازون

نرمان : لا ابوس ايدك لاسوي هيج عوفني لا تأذيني .. نصيت راسي .. مصطفى ما سوالي شي والله .. جر البطل مالتة وشرب منة تشنجت ملامحة وغمض عينة شمر البطل كسرة

فاروق : جا ثبتيلي

نرمان : شلون

فاروق : نزعي واني احكم

نرمان : تخبلت من كلامة القذر .. ردت اضربة راشدي لزم ايدي ولواها

فاروق : الستك** هاذة مو علية صيري ريلاكس .. وروحي نامي وروح ابوج الك*** طيارات حربية جاي تخوط براسي ..

نرمان : شال الكزاز من الكاع شمرة من فوك الحايط وعافني وراح .. كمت ارجف وما اكدر اتنفس لزمت كلبي واشهك .. سحلت روحي وطبيت جوة افكر بكلامة .. دخلت الغرفتي قفلت الباب ورحت للحمام فتحت الدوش وكعدت جوا بملابسي صرت ابجي بحركة وصوت مسموع .. اني شنو بيدي على نفسي شنو ذنبي وين جانت هاي المصيبة .. ما ادري شكد مر وكت على كعدتي بالحمام .. سديت الدوش ولبست ملابسي وطلعت دخلت بالفراش وغطيت نفسي .. ضليت الوب بالفراش الهوى جاي يخنكني بدون تردد فتحت مبايلي ودزيت رسالة ..

_ الووو كاعد .. مخنوكة كولي اي شي .. انتضرت ثواني ودزلي ..

حكيم : تعالي يمي

نرمان : لا ما اكدر اروحلة بعد ابد .. دزيتلة لا عمو ما اكدر راح انام تصبح على خير

حكيم : وانتي من اهل الخير

نرمان : شمرت مبايلي .. وغطيت راسي .. ثواني وحسيت الباب انفتحت وخرت الغطة من وجهي وصرخت

حكيم : اشششش

نرمان : حطيت ايدي على وجهي وبجيت .. حسيتة كعد بصفي ومد ايدة على جتفي

حكيم : هاي شنو .. شبيج ابوية انتي

نرمان : عمو احضني خايفة .. تقرب علية لمني الصدرة وشبك ايدة الثنين على ضهري

حكيم : شبيج غير افتهم

نرمان : اخاف عمو اخاف

حكيم : مسدت على شعرها .. اششش اني يمج بابا

نرمان : شهكت ريحتة حسيت بديت ارتاح بحضنة .. بعدت عنة ولزم وجهي بثنين ايدة

حكيم : ليش ناري يبجي ..

نرمان : مارديت ضليت مبرطمة .. تقرب مني رجع جسمي على الفراش وصار بصفي رفع راسي وحطة على ايدة والايد الثانية يمشيها على وجهي

حكيم : تكدرين تحجيلي

نرمان : تمنيت احجيلة بس خاف صدك يخلص علية .. بلعت ريكي بخوف .. عادي اسألك سؤال

حكيم : اي سألي الي يعجب

نرمان : اذا اكو شخص يعرف شي عن بنية وجاي يهددها بي ويريد يدمر حياتها شنو اسوي .. صفن بوجهي وعقد حاجبة .. خفت من نضراتة حسيتة فهم شي

حكيم : تروح تكول الاهلها او الشخص قريب منها يساعدها

نرمان : هاا واذا ما عدها احد

حكيم : بهيج حالة تلجأ للقضاء ..

نرمان : هزيت راسي وضليت ساكتة

حكيم : ممم منو هاي البنية يجوز اكدر اساعدها

نرمان : تلعثمت بالكلام .. ما اعرفها بس سمعت البنات بالمدرسة يحجون عنها

حكيم : وانتي ليش تبجين ومختنكة علمودها

نرمان : اي

حكيم : بوووية وليدي كلبة رهيف

نرمان : ابتسمت .. كام يلعب بشعري

حكيم : نونو

نرمان : هممم

حكيم : اريدج

نرمان : باوعتلة وعضيت شفتي ..

حكيم : لا تعضيهن ذني اني اعضهن ..

نرمان : لزم شفتي بيدة يمرد بيها

حكيم : اووووف تكول حلقومة .. جا متحنين علية بشفطة

نرمان : اشرت على شفتي بصدمة .. منا

حكيم : جا منين

نرمان : كمزت من الجرباية حسيت وجهي جمر .. من الخجل

حكيم : لازم تب**** الحضة

نرمان : اطلع اريد انام

حكيم : راح اطلع بس عبالج انسالجياها .. ورفة جفوني اخليهن يجرن دم ..

نرمان : غمزلي وطلع .. فتحت حلكي بصدمة .. منين اتلكاها .. قررت اخمد نفسي لان تعبت اليوم بما فية الكفاية

ثاني يوم "

_ كعدت الصبح راسي يموتني وجع اتذكرت الصار البارحة .. تمنيت يطلع حلم واصحى منة ضليت كاعدة بالغرفة ماطلعت لان جمعة وماكو دوام .. صرت افكر شلون راح اخلص نفسي من هاي المصيبة خاف صدك اني مو بنية ويوم العرس انكتل .. زين السير شلون صار عد فاروق .. فركت وجهي اريد ألم راسي يهدء .. سمعت الباب انفتح

نجاة : صباح الضهر ولج ما شبعتي نوم

نرمان : لا من زمان كاعدة

نجاة : وشعندج كاعدة و٩دج كومي طلعي يمنة اليوم شاوين سمج الولد حتة نتغدة سوة

نرمان : كلهم موجودين .. حتة فاروق

نجاة : اي هوا شوة السمج اليوم مزاجة وردي

نرمان : مو جوعانة اذا جعت عود اجي اكل

نجاة : وراح اضلين بغرفتج اليوم هاي لان سمعتي راح تعرسين بعد ماطلعين

نرمان : لاااا .. احم اكلج نجاة تعالي كعدي خل احجي وياج

نجاة : هاا كولي

نرمان : اءء اكلج احجيلي عن يوم العرس شنو يصير

نجاة : ادب سززز كمتي ادورين هاي السوالف

نرمان : لا بس هيج فضول .. اريد اعرف كم شغلة

نجاة : كعدت .. مثل شنو اسولفلج

نرمان : يعني اذا بنية ما طلع منها دم شنو يصير ؟

نجاة : يذبحوها

نرمان : اسم الله .. زين شلون يعرفون البنية ماكو احد لامسها يعني .. بدون ماصير سوالف عيب .. فهمتي علية

نجاة : لا

نرمان : يعني مثلا انتي لو استغفرلله استغفرلله اشوفج راح اعرف اذا انتي مزوجة لو لا .. فتحت حلكها تباوعلي حسيت نفسي جاي اجفص

نجاة : هااااا باعي هاي السوالف ميعرفن بيها غير الجدة او القابلة لو الدكتورة هيج .. واتوقع عمتج اصيلة هم تعرف لان هية جيبت مرت كمال

نرمان : ماشي شكرا .. رفعت حاجبها تبحلق بية

نجاة : العفو .. راح اطلع عود تعالي راح نصب غدة

نرمان : اي ميخالف .. طلعت وسدت الباب .. حسيت بالبداية لازم اعرف اني بنية لو لا قبل فوات الاوان وبعدين اصرف .. كمت لبست عباتي وطلعت للهول شفتهم ملتمين يلعبون دومنة

فاروق : دوووووشيشششش

نزار : خرب عرضك شايل حض مال ك****

حكيم : لا تمضرط .. انتبهت على نرمان طبت .. صباح الخير نمنمة

نرمان : صباح النور

فاروق : راح اطلع اشوف السمجات لا يعطبن

حكيم : شوفهن ترة ما اكلهن يابسات

نرمان : تقدمت كعدت يمة .. ابتسم بوجهي

باقر : عمو اشرحلي هاي هاي المسألة

حكيم : جيب قلم ورقة مسودة

نزار : بقوووري شنو حلمك

باقر : اصير دكتور

نزار : اخخخ لو مطلع معدل جان دخلت تخدير بوية المريضة جوة ايدي اسبوع ما تصحة

حكيم : هاي ماتخدرها تنتقم منها

نزار : اركعها بحلك اخليها ماشوف اليمنى من اليسرى

حكيم : طيح الله حضك يا عار

نجم : اذا صدك ارجع للمدرسة واطلع معدل

حكيم : جا انتة ما فالح ويا ومرتك تفلح بالتخدير

نزار : لا خوية انتة انفخ عليها كلش كافي حتة احنة نغيب عن الوعي

نجم : شنو قصدك ولك

نزار : غير حلكك بي ثاني اوكسد الفسفوت

نرمان : لزمت ضحكتي .. ثواني ودخل فاروق يدخن بسرعة رخت ملامحي .. باوعلي وكال

فاروق : بلا زحمة عليج جيبيلي البلم الازرك

نرمان : جمدت بمكاني من البسمار ..

حكيم : شبيج نونو مو يحاجيج

نرمان : اي هسة اجيبة .. رحت للمطبخ سألت نجاة علية

نجاة : يا بلم ازرك ماعدنة هيج بلم هاج هاذة الابيض ودي الة

نرمان : اخذتة ورحت انطيتهيا ابتسم ..

فاروق : شكرا

نرمان : العفو .. رجعت المكاني بدو يصبون غدة التمو الكل كاعدين على السفرة ياكلون بهدوء

حكيم : ليش ماتاكلين .. خاف علمود العظام

نرمان : مو جوعانة .. شال نص السمجة الكدامة وكعد يفلس بيها طلع العظام كلة وكام يسويلي لكم وينطينياهن

حكيم : اكلي وليدي

نرمان : كمت اكل مدنكة اخاف ارفع راسي واشوف فاروق .. خلصنة اكل وبديت الم بالسفرة

فاروق : عود سويلنة جاي العروس

نرمان : لا جاي محمود اطيب

نزار : جبهة منو جاي تفتر فوك المواعين

نرمان : ضاج وكام يخوزر بية .. عفتة وطلعت شفت عمتي اصيلة كاعدة بالمطبخ تتأمر على نسوان ولدها

اصيلة : بين ما اخلص النومي بصرة الكا المطبخ يلمع وانتي روان تكملين وتروحين تغسلين الهدوم صار يومين ماحد غاسلهن

روان : حاضر عمة

اصيلة : تعالي انتي وراية اريدج

نرمان : بصدمة .. اني

اصيلة : لا امي .. امشششي وراية

نرمان : استغربت منها شنو تريد مني هاي اول مرا من 3 سنوات ونص تصيحلي اروح الغرفتها .. مشيت وراها طبيت للغرفة وسدت الباب

اصيلة : فتحي البردة خل يطبلنة ضوة وفتحي ذاك المجر جيبلي مراية وخيط

نرمان : سويت مثل ما كالت جبت المراية والخيط انطيتهيا

اصيلة : حفيلي وجهي

نرمان : ابسمت .. تدللين .. ربطت الخيط بيدي وكمت احفلها

اصيلة : اخخخخ ولك بوية خريبط الحكني .. ايدج مسمومة

نرمان : صارلج سنة ما حافة

اصيلة : جا منو بيها خير تحفلي حايرات يهلسن برواحهن .. صحت الج كلت بلكت مغزر بيها الملح

نرمان : عادي شوكت متريدين احفلج

اصيلة : يلة كملي

نرمان : كمت احفلها لحد ما خلصت باوعتلي كاشة ونترت

اصيلة : يلة ولي

نرمان : شبيها هاي تتحول .. ماشي عمة العفو

اصيلة : تقلدين ولج ام حلك

نرمان : هزيت ايدي وطلعت من الغرفة اتذكرت كلام نجاة ورجعت طبيت

اصيلة : شتريدين خاف طكيتي ميانة لان حفيتيلي

نرمان : لا عمة بس

اصيلة : بس شنهو

نرمان : هيج عمة ماكو شي .. طلعت من الغرفة اخاف منها تفضحني .. مرت الايام وطلع اربعين ابوهم وفاروق ضرب السالفة سكتة بس اني حالتي يومية اسوء اكثر كمت ما انام باليل وبس ابجي لحد ما فديوم لزمتني الباردة .. فتحت مبايلي ودكيت ..

حكيم : ها حبيبي

نرمان : حجيت بصوت يرجف لان كمت اطك سن بسن .. ت تعال ج جاي ارجف

حكيم : شبيج بوية .. انتضري جايج

نرمان : سديتة وكمت اغطي بنفسي اريد ادفة احس بداخلي محترة بس جلدي بارد .. دقيقة وانفتحت الباب دخل بالهفة تقرب علية حاضني

حكيم : شبيييج بوووية

نرمان : م ماادري .. جر عباتي وحطها على راسي

حكيم : تكدرين تمشين لو اشيلج

نرمان : اكدر امشي .. كمت ويا سند ضهري وكام يمشيني خطوة خطوة للسيارة فتحلي الباب وصعدني وصعد بصفي

حكيم : شلون هيج صرتي الضهر مابيج شي

نرمان : ما ادري شبية اريد غطة

حكيم : جا منين اجيبلج غطة بالسيارة من شيب ابوي

نرمان : وصلنة للمستشفى فتح الباب ونزلني لازم ايدي ويمشيني دخلني للمستشفى اول ما دخلنة للطوارئ جان فارغ مرت دقايق واجت ممرضة استقبلتني

الممرضة : بلا زحمة مانكدر اندخلك وياها انتضر هنا

حكيم : شووو وخررري لا احركها على راسج

نرمان : سحبني ودخل لاحد الغرف شفنة الدكتورات حاطات اكل جاي ياكلن .. كبل زمخ بيهن

حكيم : مرررتي جاي تموت وانتي جاي تزقنبين هنا انتي بهاذة الوكت عندج غفارة ولازم تستقبلين المرضى كاعدتلي هنا ودزيلي وحدة مادري منين قسما بالله اشتكي عليج واخليج تحلمين بهاذة الروب الابيض بعد

الدكتورة : اعصابك اخوية .. دخلها خل اشوفها

نرمان : حسيت روحي ماعت و لشتي كلها خدرت من الرجف .. طبيت تمددت على سدية

الدكتورة : شنو تحسين

نرمان : جاي ارجف ما ادري ليش

الدكتورة : جري نفس ..

نرمان : حطتلي جهاز الضغط وقاستة مستغربة .. رجعت قاست السكر .. التفتت على حكيم

الدكتورة : ضغطها صاعد والسكر نازل .. لهاذة السبب جاي ترجف

نرمان : ضل ساكت مارد عليها .. علكتلي سيروم ..

الدكتورة : انتي حامل !

نرمان : لا .. باوعت على حكيم واكف بعيد و داير وجهة تقربت على الدكتورة وهمست .. دكتورة تكدرين تفحصيني

الدكتورة : داخلي

نرمان : لا بس هيج من برا

الدكتورة : هاذة زوجج

نرمان : خطيبي .. بس اريد نفصخ وهوا جان يسويلي سوالف موزينة .. ما ادري شلون خطر ابالي هيج اجذب ..

الدكتورة : تريدين تعرفين اذا البكارة موجودة

نرمان : اي .. راحت جابت ورقة واخذت اسمي بيها

دكتورة : هاذة الوصل دفعي 25 الف مال فحص

نرمان : صفنت اني منيلي 25 .. احم هسة اجي .. كمت وجريت وياي العصة مال سيروم .. دغيت حكيم

حكيم : ها يجمرة افادي ليش كمتي

نرمان : اريد 25 .. فتح محفظتة بدون تردد انطانياها .. ابتسمت و رجعت للسدية بعيدة عنة لان صالة جبيرة وبنصها غرفة

الدكتورة : تمام هسة نزعي وفتحي رجلج حطيهن بذني العلاقات

نرمان : نزعت وسويت مثل ما كالت تمددت ميتة من الخجل اباوعلها .. لبست كف خفت من المنضر غمضت عيني ما اريد احس انها جاي اشوفني بهيج وضع .. انتضرتها فترة .. بداخلي ختمت القران .. مرت ربع ساعة وكالت

الدكتورة : لبسي

نرمان : لبست وكمت كلبي يدك سريع وكوة اجر النفس .. هااا

الدكتورة : بعدج بنية باكر ..

نرمان : صدك والله اروحلج فدوة دكتورة من الفرحة ردت ابوس ايدها جرتها عاقدة حاجبها

الدكتورة : اعتبري خوفج الوصلج لهنا جرت اذن حتة مرة ثانية تحسبين حساب لذيج السوالف قبل لا اسويهن

نرمان : ماشي .. بداخلي ضحكت على حجيها ياريت لو صدك

الدكتورة : شو هسة صرتي جنج حصان هيج غاثج وتريدين تخلصين منة

نرمان : منوة

الدكتورة : هاذة العكرة الخبصنة من طب ليهسة

نرمان : ها اي

الدكتورة : حقج ما الومج جنة فرعون

نرمان : خلص السيروم شلعتة من ايدي وكمت حسيت نفسي احسن شفتة اجة من بعيد يمشي وبيدة علاكة نصة المستواية وكال ..

حكيم : شلون صارت بنيتي

نرمان : زينة كلش

حكيم : الله يجعلج .. رحم الله والديج دكتورة ما قصرتي

الدكتورة : والديك

نرمان : طلعنة من المستشفى احس روحي اريد اطير .. صعدنة بالسيارة انطاني العلاكة فتحتها .. شفت حلويات وعصاير

حكيم : اكلي خل يصعد سكرج

نرمان : جريت نفس براحة وكمت اكل على كيفي .. وصلني للبيت ويا طبتنة شفت فاروق هم طب بسيارتة صفطها .. نزل يتمشى

فاروق : هاا وين جنتو بهل ليل

حكيم : وين يعني بالمستشفى سكرها هابط

فاروق : لا اسم الله عليها ما اشوف شر

حكيم : شر ما يصيبك

فاروق : ما محتاجين شي

حكيم : سلامتك

نرمان : طبينة جوة وصلني الغرفتي وضل يمي علما نيمني بفراشي

حكيم : تريدين اضل يمج

نرمان : لا اخذ راحتك الحمدلله صرت زينة

حكيم : نامي وارتاحي باجر عندي حجي وياج

نرمان : كرص خدي وطلع انداريت اريد انام سمعت مبايلي اجتة رسالة .. فتحتة

فاروق : وداعت شواربج ما اخلي الصبح يصبح عليج بهاذة البيت لان الضاهر انتي مو ادمية

نرمان : قريت الرسالة لو حسيت اركعت على راسي .. دزيتلة .. انتة شنو تريد مني كاف اعتقني .. شفتة ما رد .. رجعت ادزلة الووو .. هم ما رد لبست عباتي وطلعت افتر بالبيت وافرك بايدي باوعت على الساعة صارت 4 الفجر كمت اتخيل اصوت صياح مموجود حسيت مابقة ذرة بعقلي من الخوف .. والصبح ما جاي يرضة يطلع

يتبع ...

ملاحضة : البارت قصير 3000 كلمة باجر انزل التكملة مال البارت لان اليوم صارلي ضرف منعني من الكتابة وما لحكت

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يا صميمَ الحياة إنّي فؤادٌ فتحت النجومُ يُصغِي مَشوقُكْ كُنْتُ في فجركَ، الموشَّحِ بالأحلامِ عِطْراً، يَرِفُّ فَوْقَ وُرودِكْ حالماً، ينهل الضياءَ، ويُصغي لكَ، في نشوة بوحي نَشِيدِكْ ثمَّ جاءَ الدّجى فَأمسيتُ أوراقاً بداداً، من ذابلاتِ الورودِ

البارت تكملة ..

_________________________________________

نرمان : قريت الرسالة لو حسيت اركعت على راسي .. دزيتلة .. انتة شنو تريد مني كاف اعتقني .. شفتة ما رد .. رجعت ادزلة الووو .. هم ما رد لبست عباتي وطلعت افتر بالبيت وافرك بايدي باوعت على الساعة صارت 4 الفجر كمت اتخيل اصوت صياح مموجود حسيت مابقة ذرة بعقلي من الخوف .. والصبح ما جاي يرضة يطلع .. طبيت الغرفتي .. وقفلت الباب

_ صارت بالسبعة الصبح واني على كعدتي .. تعبت كلش نفسيا وجسديا من التفكير لفيت نفسي بالغطة وماحسيت شلون نمت

حكيم : صباح الخير

نجاة : صباح النور

حكيم : نرمان ما كعدت

نجاة : لا نزلت جوة شفتها نايمة ما ادري شبيها مسلمتها تراب

حكيم : عوفيها ترتاح البارحة اتخربطت واخذتها للمستشفى

نجاة : صددك شبيها ليش اتخربطت لعد اني وين جنت ليش ما كلتولي جان اجيت وياكم

حكيم : ضغطها صاعد وترجف .. الحمدلله عدت على خير وصارت احسن

نجاة : سودة علية هسة انزل اشوفها

حكيم : شو تعالي كعدي

نجاة : خير شكو

حكيم : نرمان شبيها هاي الفترة ما عاجبتني ابد

نجاة : والله ما ادري علمي علمك

حكيم : اذا تعرفين شي احجيلي حتة اتصرف

نجاة : ابد والله ما اعرف شي اني هم ملاحضة عليها متغيرة حتة صايرة ماتاكل واطب عليها باليل الكاها تبجي

حكيم : تبجي !

نجاة : اي والله ومن اسألها تكول ابجي على ابوية

حكيم : تنهدت .. مادري راح تخبلني هاي البنية

نجاة : اليوم احجي وياها واشوف

حكيم : لا انتي لاتدخلين اني اشوفها

نجاة : براحتك .. هية اليوم جتة للمدرسة ما راحت

حكيم : اي ما وديتها اريدها ترتاح هل يومين

نجاة : خوش .. تريد ريوك

حكيم : لا عندي شغل راح اطلع .. اذا كعدت نرمان خل تصعد يمج شوية سولفي وياها طلعيها من الجو

نجاة : ماشي .. شنو تريدون اسويلكم غدة

حكيم : اني ماريد .. سوي الج وحسبي حساب فاروق

نجاة : ونزار

حكيم : راح اخذة من الكلية واطلع

نجاة : وين تروحون ..

حكيم : وانتي ياهو مالتج

نجاة : اخخخ حسرة ما سألتة اذا ما فشلني .. طب بدل وطلع بيدة علاكة سودة صار عندي فضلول اعرف بس مينطيني مجال .. كمت انضف البيت صاير هوسة كلش شوية وسمعت صوت طكطة بالبيت ..

نرمان : صباح الخير

نجاة : ولي نزلي زعلانة منج

نرمان : ليش

نجاة : ما ادري متغيرة صايرة مو نونو الي نعرفها .. لعد من باب اني اختج وتحبيني وراح اصير حماتج ومن باب اضمين علية

نرمان : باوعتلها وهزيت براسي .. هوا منو بيكم حاس بية لو يدري شكو

نجاة : ها شو سكتي

نرمان : يووو نجاة اني روحي طالعة لاتلحين وياي

نجاة : براحتج بس بعد لاتحجين وياي

نرمان : لا حبابة لازعلين اني شعندي غيرج نجوتة

نجاة : انوب نجوتة

نرمان : اكلج .. حكيم والولد وين

نجاة : كامت تصيح حكيم ..

نرمان : جاوبي يمعودة

نجاة : حكيم طلع ونزار بالكلية وفاروق بالدوام

نرمان : هاا .. زين فاروق وين يداوم

نجاة : تعين بشركة اهلية

نرمان : يعني ساعة بيش يرجع للبيت

نجاة : 2 الضهر يخلص دوامة

نرمان : باوعت على الساعة 12 ونص ..

نجاة : لاضلين صافنة تعالي ساعديني خل نكمل تنضيف

نرمان : شنو تريدين اسوي وياج

نجاة : اني اعزل الصالة وانتي كملي باقي البيت لان الصالة بيها هواي شغل اريد انزل البردات .. يلة حبابة لاضلين واكفة

نرمان : فرحت من كالت هيج .. يلة لعد راح ابدي بالغرف

نجاة : بكيفج

نرمان : شفتها صعدت تنزل البردات .. ركضت اخذت ماسحة وسطل وطبيت الغرفة فاروق درت مي بالكاع وصرت احوس بالغرفة مثل المخبلة ادور على السير الضامة .. كلبت الغرفة كلاب مالكيت شي انتبهت على الساعة صارت بالوحدة سمعت صوت نجاة برة

نجاة : يمعوووودة وينج تعالي ناوشيني الماسحة

نرمان : اي جاية .. يأست الكة شي بالغرفة طلعت انطيتهيا ورجعت امسح بالغرف والاخشاب .. كملت وطلعت الهث

نجاة : ها خلصتي

نرمان : اي

نجاة : عاشت ايدج .. خل اسوي بتيتة وطماطة على السريع لا يجي فاروق يفضحني

نرمان : براحتج اني راح انزل عندي امتحان اريد اقرى

نجاة : عود كملي وصعدي يمي والله ضايجة

نرمان : اوك .. نزلت جوة طبيت الغرفتي فرشت كتبي بالكاع وكعدت اقرة مرت ساعة .. سمعت صوت مبايلي وصلتة رسالة .. فتحتها .. لكيت صورة السير الازرك .. وكاتب جوا

فاروق : الرجاء اعدت المحاولة في وقت لاحق

نرمان : من شفت الصورة الدم كلة صعد براسي .. دزيتلة .. مرة ثانية اذا تهددني راح اروح واسولف كلشي الحكيم .. لان الضاهر انتة ماعندك غيرة

_ قراها ومارد .. بعد الخوف الي عشتة قررت شيريد يصير خل يصير طز .. كمت بدلت ولميت كتبي وطلعت للهول لكيت مرت كمال ونجم لابسات علاليك براسهن وكاعدات

اصيلة : ولجن بمعزايات متخافن توكع شعورجن

اسراء : لا عمة ما اخلي هواي 5 دقايق اغسلة

اصيلة : جا شبيها حنة الزهراء ( عليها السلام ) تخلي الراس احمر ويفوح

اسراء : اريد اسوي اصفرررررر شنو خطيبة فراس احسن مني

روان : اي والله شفتي يخبل بلكت يطلع مثل مالتها

نرمان : ضليت صافنة عليهن الرجال ماصارلة شهرين من مات .. عبالك عدهن عرس .. شوية وطبت نجاة بس شافتهن صفنت ..

نجاة : يااااااااا صخاااااااام الضخمجججججن

اسراء : اسم الله الرحمن علينة

نجاة : الرحمن يشيلجن .. وانتي مو رجلج المات لو اتي غلطانة

اصيلة : جا مشسوية اني كاعدة وساكتة

نجاة : متحجين وياهن مو جناينج العالم اذا شافت عطوبهن شيكولون علينة ..

اسراء : اووووي خربتي واهسي

نرمان : كامن طلعن ضايجات .. غمتهن نجاة وطبت كعدت

نجاة : تغديتي

نرمان : لا

نجاة : راح اجيباج لفة من البتيتة السويتها

نرمان : مو هسة .. كومي خل نطلع نتمشة بالحديقة

نجاة : امشي

نرمان : طلعنة برا كعدنة على الكراسي الجو كلش حلو

نجاة : اكول .. انتي منين تعرفين هاذة اخو صديقتج اركان

نرمان : مو كال نزار مر اخذنة منة الواجب ومرة وصلني بيوم وفاة ابوج .. رفعت حاجبها وضيقت عينها تباوعلي

نجاة : حالج ميبشر بخير من يوم الرفضهم حكيم وكال اريدها تغيرتي

نرمان : اهوووو لا تحللين بكيفج اني مناقصني .. بهل اثناء انفتحت الباب ودخلت سيارة حكيم وسيارة ثانية .. كمنة مستغربين .. نزل حكيم من سيارتة مبتسم اجة باتجاهنة

حكيم : روحن باركن لابو السمج

نرمان : عاينت السيارة بداخلها نزار .. فجأة شغل اغنية بصوت عالي كلش ونزل من السيارة يهز

_ياصاحبتي ياصاحبتي .. اشتريتج بالعمر وانتي .. اشتريتج للاسف انتي تركتيني وتزوجتي تركتيني وتزوجتي .. اي اي اي اي اي اي

نرمان : لزمت بطني كد ما ضحكت .. طبت ويا نجاة على الخط وكامت تهز .. ما اشوف غير حكيم فتح الصوندة مال مي وجها عليهم خلاهم يكمزون

حكيم : ادب سز هيلك امشي ولي لا بالنعال

نرمان : اي والله .. بس كلتها وجه الصوندة علية ونكعني طبيت اركض للبيت ملابسي تنكط مي

نزار : يا اهل الدارررر وينكم

نجم : هاي شنو اشتريت سيارة

نزار : لا ستوتة

نجم : ولك غير تخبل

نزار : عوذة ..

اصيلة : اذبحلها طلي فجران دم

نزار : لو اذبح بعير هم يحسدها نجم ويسلك جد جدها

حكيم : عوف هاي السوالف الحافظ الله

نرمان : طب نزار جوة شوية طلع بيدة اربع بيضات .. طلع للحديقة طك على كل تاير بيضة

حكيم : تريد اجيبلك طماطات وصمونة تغمس

نزار : اذا ما افجر شي اليوم نجم ميخليها تبات يحركها بمكانها

حكيم : وهاي كل قوتك تفجر اربع بيضات

نرمان : هاي شنو اسمها السيارة

حكيم : دوج تشارجر ..

نرمان : حلوة كلش الله يحرسكم من العين

حكيم : يحرسك الي وليدي .. روحي بدلي لايلزمج مغص

نرمان : اي رايحة .. جاي اطلع جان يطب فاروق ..

فاروق : عالخير عالخير

نزار : خير يصيبك فوفو .. همست .. جذب شيل حرف الخاء وحطلة عين

فاروق : شلون يخليني اركعة بالقندرة

حكيم : انطمو

فاروق : تمغطت .. جا ليش ماخذ بيضة الزركة احلى

نرمان : باوعتلة من فوك ليجوة وما اهتميت ابتسمت بوجها .. انتبهلي ورفع حاجبة بتحدي ..التفت على حكيم وكال ..

فاروق : اذا ماعندك شي اريد احجي وياك

حكيم : اي كول

فاروق : لا مو هسة الكاع محضورة

نرمان : تبسمرت بمكاني .. طبيت الغرفتي افرك بيدي .. خلص اني اكلة قبل لا هوا يكول بس شلون وشوكت .. بدلت وطلعت يمهم بالصالة .. صار كبالي حكيم باوعلي باستغراب .. ولزم مبايلة .. سمعت صوت اشعار المبايل فتحتة

حكيم : راح اصعد فوك تعالي وراية

نرمان : بلعت ريكي بخوف معقولة فاروق حجالة .. كام طلع كمت ورا

اصيلة : بس يكوم كبل تلبد بثوبة

نرمان : باوعتلها صفح ومارديت .. صعدت ورا فتحت الباب لكيتة واكف ينزع ملابسة

حكيم : سدي الباب

نرمان : اي .. سديتة اندار يمشي باتجاه الغرفة .. رحت ورا امشي بطئ كعد على جرباية وسحبني من ايدي كعدني على رجلة فتح شالي شمرة وطلع شعري من ضهري

حكيم : ليش متغيرة مو راح اسودنيني ..

نرمان : ذبلت ملامحي ودمعت ..

حكيم : احجي لاضلين ساكتة

نرمان : اخاف اعوفك وبعد ما اشوفك .. عقد حاجبة باستغراب

حكيم : وين تولين يعني !!

نرمان : نصيت راسي وكلت .. اريد اروح لامي كافي تعبت كلبي خلص

حكيم : امجججج ؟ باوعيلي نرمان تريدين امج

نرمان : اي

حكيم : جا انتي الما تريديني بعد

نرمان : لا اريدك .. ضحك مستهزء

حكيم : انتي تريدين تنهزمين من العرس ..

نرمان : كمت من حضنة كعدت يم رجلة بالكاع شنو اسوي وتذبحني

حكيم : شلون !

نرمان : المراة عندك شنو اسوي يلة توصل مرحلة تذبحها .. كز سنونة وكال ..

حكيم : تخوني

نرمان : واذا شخص تعدة عليها

حكيم : مو برضاتها ؟ امحي

نرمان : بلعت غصتي .. تذكر بيوم الاخذتني للمستشفى .. من ركض وراية الجلب .. ركز بوجهي مضيق عينة

حكيم : اي اذكر

نرمان : جانو بوكتها بيت عمتك يمنة ومصطفى ابن عمتك .. سكتت

حكيم : شببببببببي قندرررررررة

نرمان : هوا جرني للحديقة وشك ملابسي .. حكيم والله ماسوالي شي من سمع صوت الطلقات ضربني بالطابوكة وانهزم والقران اني بنية وروح ابوية .. استوقفني صوت وراية ..

فاروق : بس مصطفى كال غير هاذة الحجي

نرمان : صار حكيم يباوعلي ويباوع الفاروق والدم ينفض من وجهة .. كام بحركة سريعة لزم فاروق من ياختة وحصرة بزاوية الحايط

حكيم : مصطفففففففى متعدددددددي على نررررررمان

فاروق : هزيت راسي .. يكول برضاتها

نرمان : ماشوف غير حكيم ضربة بوكس على خشكة كام ينزف .. تلازمو ومددة بالكاع حكيم وصار فوكا يضرب بي .. تخبلت وكعدت بالكاع اصرخ

حكيم : لككككك كو**** صرررررت حتةة شرررررف ماعنددددك

فاروق : روح اسأل مرتك ست*** شيسوي عد مصطفى

حكيم : يا قندرة

نرمان : التفت يباوعلي بصدمة كام من فاروق واجة لزمني من حنجي بقوة

حكيم : كومي

نرمان : ضليت كاعدة وبس دموعي تنزل .. صرخ بية بصوت رج البيت

حكيم : كوووووووومي لا اكفررررر بيكم

نرمان : كمت ويا جرني من زندي شمرني على التخم وكعد كبالي ينتفض ..

حكيم : احجيلي كلشي بالتفصيل

نرمان : كمت ارجف واحجي بصوت متقطع .. شرحتلة كل الصار من البداية لحد ما اخذوني للمستشفى وبكل كلمة كلتها غصيت

حكيم : وانتة شمدريك بمصطفى !!!!

فاروق : هزيت راسي .. ورا ما صارت السالفة بفترة خابرني مصطفى يطقس ..

مصطفى : الوو ها ضلعي

فاروق : هلا بيك

مصطفى : باجر جماعتي طالعين للفاو كعدة ومشاوي

فاروق : بيها مزاج

مصطفى : واصلي جايبي من لبنان

فاروق : جا صايرين

مصطفى : مو تضربنة بوري باجر بالتسعة نتلاكة هناك

فاروق : لا هاي هية انطيتك حجاية ..

_ ثاني يوم ساعة 9 بدلت ورحت للمكان المتفقين علية

مصطفى : وصل ابو الفوارق

فاروق : صفيت السيارة ونزلنة جوة على الشط حضرنة شرب ومزة ومشاوي

هيثم : الكعدة ناقصها لحمة

فاروق : هيثم دعارة

هيثم : هيثم يابسة احسن كفيلكم الله لا شايف ابيض ولا اسود

فاروق : خااااااام

مصطفى : هاي .. هاي البنية بت عماد المات الة قطعة

فاروق : حسيتة ثكل بالمشروب وكام يخرط .. شبيها

مصطفى : من اجيتكم سحلتني سحل بت الك*** ادور احضان وبوس

فاروق : نرمان ؟ انجب لك هية غير متعرف كوعها من بوعها

مصطفى : دقيقة ..

فاروق : كام للسيارة يروط فتحها شوية واجة بيدة تعلاكة مال ملابس داخلية

مصطفى : هاي مال منو .. بقيتها يمي ذكرى اخخخ لوما اخوك جان شبعت

فاروق : من شفت السير اتذكرت ملابس نرمان من جانت مشكوكة نفسها .. بيومها كرهتها كره العمة لان جنت حاسبها غير حساب .. ومن سابع المستحيلات اخليك تاخذ وحدة نكسة مثل هاي

نرمان : ضل صافن حكيم بالحايط مرت دقيقة وهوا متشنج وما اتحرك باوع على فاروق ونصة راسة

حكيم : انتة ماعندك لا غيرة ولا شرف يومية جاي تثبتلي انك واحد عار

فاروق : علمود نرمان ؟ رحم الله والديك

نرمان : جيب قران واني احلفلك علية هاذة الكلام جذب واذا اني اجذب بالقران الله يحاسبني

فاروق : جيب قران وثنينة نحلف

نرمان : كام من مكانة وانفجر بفاروق لزمة من ركبتة وخنكة حسيتة راح يموت بيدة كمت اصيح بكل ماعندي صوت اخاف يموت بسببي .. فجأة كلهم التمو يفكون فاروق من حكيم ماحسيت شوكت طبو ..

حكيم : لكككككك انتة واحدددد عاررررررر وخسيسس ما اريد اشوفك بعد ما ارررررريد اشوفك

كمال : ما اخليك اشوفة بس هدة راح يموووت

اصيلة : يماااااا اذابحو ولد الحجيييييي

اسراء : هاي شكو خاف علمود الورث

نجم : شنو لكفتة شارب

نرمان : صارو كلهم يحجون بأن واحد .. لحد ما سمعت حكيم صرخ بيهم للحضة الكل الصم

حكيم : *** بيكم وبالخلفكم كو**** مابيكم واحد شريف ** اخت الي يخليكم بهاذة البيت

نزار : ليششششش تخنكة تندري جاااان مات علمود شنووو

نرمان : عافنة حكيم وطلع ركع الباب بقوة كمت ارجف سمعت فاروق يكح ويشهك النفس

نزار : جيبيلة مييي

نرمان : ركضت نجاة جابتلة مي صارو كلهم يسألون على السبب .. عفتهم ونزلت جوة طبيت الغرفتي .. جريت جنطة وحطيت بيها قسم من ملابسي ومبايلي لبست عباتي وكعدت بالغرفة .. فجأة انفتحت الباب

نجاة : هاي شنو شكو فهموني

نرمان : لزمت ايدها ارجف .. راح يذبحوني راح يذبحوني مو راح انذبح

نجاة : اشششش اسكتي .. ليش يذبحوج

نرمان : حكيم وين خابري حكيم .. روحي العمتي اريد مبايلها اريد رقم امي

نجاة : لج احجي شبيج مو راح اموت

نرمان : حكيم عرف عرف

نجاة : شنو عرف شكو

نرمان : طلعي طلعي اريد اضل وحدي ما اريد اشوف بشر اخخخخ جسمي يرجف نجاة جاي اختنك لحكيني

نجاة : اسم الله صبري بلكت احصل حكيم

نرمان : كامت تتصل علية ويفصلة تقريبا 4 مرات ومارد

نجاة : انتي شمسوية

نرمان : بجيت بحركة .. ما مسوية عفية اريد امي ما اضل هنا

نجاة : اهدي لا تخافين .. كمت قفلت الباب ورجعت كعدت كبالها .. ما خلي واحد يطب بس اهدي وسكتي

نرمان : شمرت جنطتي ونمت على رجليها

نجاة : والله اخليهم يكتلوني وميمدون ايدهم عليج

نرمان : بجيت اكثر من كالت هيج اول مرا احس عندي اخت .. ضليت نايمة على رجلها صار اليل واحنة على نفس الحالة ونجاة ما بطلت تسأل شكو

نجاة : سمعي مو اكو صوت صياح

نرمان : هزيت راسي اي .. عفية كومي شوفي شكو وتعالي كليلي ..

نجاة : ماشي

نرمان : ضليت بالغرفة كاعدة الوب صار صوت صراخ نسوان .. دقايق وطبت نجاة مخروعة .. شكو

نجاة : ما ادري عمتج جاي ادك وتلطم وطب نزار يكول صيحي النرمان

نرمان : هزيت راسي بخوف حسيت اذا يذبحوني مابية قطرة دم .. طلعت من الغرفة واصوات الصياح تعلة بس ما جاي اميز شنو يكولون

نزار : ابقي هنا نجاة .. وانتي امشي وياي

نرمان : التفتت على نجاة وطلعت امشي بخطوات بطيئ ما اعرف شنو منتضرني لو شنو مصيري .. فتح باب غرفة بالحديقة ضلمة و بيها اصوات عالية

نزار : طبي

نرمان : راح اذبحوني

نزار : اشششش طبي محد يسويلج شي

نرمان : طبيت اختض مثل السعفة وريكي ناشف حسيت هاي اخر لحضة راح اشم بيها الهوى .. بس شفت منضر خلاني اجمد

حكيم : تعالي

نرمان : اتهسترت من شفت مصطفى مربوط وجهة مغطة بالدم وملابسة كلها مشككة

حكيم : شسوالج مصطفى

نرمان : حجيت بصوت مبحوح .. راد يعتدي علية وشك ملابسي

حكيم : وبعد

نرمان : ومن اجيتو ضربني بالطابوكة على راسي .. شفت نزار شال طابوكة وركعة بيها ..

مصطفى : ما سويتلها شي ما مسيت شعرة منها

فاروق : وكلامك بالفاو !!!

مصطفى : جذب والعباس جذب ماسويتلها شي

_احم ترة سيارة نزار

نهاية البارت : ماخليتها حسرة وعرفتكم مصطفى الي بالغرفة ♡ كولن ما وفيت بوعدي .. البارت الجاي عمو حكيم راح يسويلة شي ميخطر على البال وراح نركص ركصة جماعية

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

كما لَم يُوجِعْ أحدٌ أحداً، سلَّمْتَني النّصلَ كي أطمئنّ.. ثمّ غرسْتَهُ في قلبي، لقد أبكيتني حتى ابْيضَّت روحي، واشتعلَ القلبُ شَيباً! أنا لستُ لك.. أنا للنسيان والنسيان والنسيان، بي سحابةٌ ما امتلأَتْ ..

من كتاب .. اشعل القلب شيباً ..

_________________________________________

حكيم : وبعد

نرمان : ومن اجيتو ضربني بالطابوكة على راسي .. شفت نزار شال طابوكة وركعة بيها ..

مصطفى : ما سويتلها شي ما مسيت شعرة منها

فاروق : وكلامك بالفاو !!!

مصطفى : جذب والعباس جذب ماسويتلها شي ..

نرمان : التفت حكيم يباوع على فاروق بنضرة كره .. رجع يباوع على مصطفى ..

مصطفى : هدوني وبعد ما اشوفوني بالبصرة وين ما تلكوني كتلوني بروح ابوك المانشف ترابة تعوفني .. خوية انا غلطت واطلب منك العفو

فاروق : لكككك ك*** يا عفو هاذة اذا ما اطلعك منا خ** ميطلع اسمي فاروق

نرمان : جر زنجيل وهم على مصطفى يضربة بهستيرية .. خفت من المنضر وصوت الصياح رحت لزمت قميص حكيم وصرت ورا

نزار : تريدون نكصكص اصابيعة حتة كلما يريد يزقنب يباوع عليهن ويبجي

حكيم : برود .. وخر عنة ثنينكم نفس الخيسة

نرمان : اني اخاف اريد اطلع

حكيم : ضلي هنا لا تتحركين ..

نرمان : تقرب علية نصة ركبتة وطلع مسدس من حزامة حط بي طلقتين وجهة على فخذة

مصطفى : اذا تكتلني متستفاد شي راح تدخل السجن والشمس بعد متشوفها لاتتهور اهدر دمي وبعد ما اخليك اشوفني بالعراق بس لا تكتلني

حكيم : حاضر .. راح اهدر دمك

نرمان : لا تكتلة ابووس ايدك اني اخاف ما اريد ابقة هنا لا نزار كلة لا يكتلة ..

حكيم : شنو رايك اجيب واحد يعتدي عليك واصورك وانشرك بكروب الخوة النضيفة وعندك الحساب

مصطفى : حكيم لاتنسة انا ابن عمتك واكو زاد وملح بينة لا ضيع روحك واضيعني وياك متستفاد شي .. خليني اطلع منا سالم واحلفلك على القران ما اكول لاحد انتة هيج سويت بية

حكيم : بجفون عيني ..

نرمان : فجاة دوى صوت اطلاق النار بالغرفة رجها رج فتحت عيني مصدومي وحاطة ايدي على راسي واني اشوف الدم صار بكل مكان .. وصوت مصطفى يصرخ

مصطفى : اااااااااخ رررررجلي رررررراح اموووووت ابوس ايددددكم عوووووفووووني وووووودودني للمستشفى .. اااااااااخ الحكوووني

نرمان : بعد صياحة فجاة صار السانة ثكيل وسكت كمت اصيح .. ماااات ماااات موووو يمااا عززززة بعيني ماااات

نزار : ما مات غاب عن الوعي

نرمان : تخبلت من سمعت صوت طلقة ثانية .. كتلتلة ؟ مات ؟ طلعوووووني طلعوووووني .. كبل فتحلي الباب نزار وطلعت برا كعدت على ركبي ولزمت راسي ابجي طبو كمال ونجم يركضون .. سمعت صوت حكيم كال ..

حكيم : فارررروق سحلة وشمرة يم بيت اهلة

فاروق : حاضر

كمال : خووووية شجاي اسوووون ليش وكعتو رواحك بهبية لييييش هيج سوووويت متكلي متخاف على روحك

حكيم : ما اخاف بس من الخلقني هوة وهبني الروح وهوة ياخذها

نجم : عبالك اهلة راح يسكتون .. عود اذا انكتل واحد من اخوتك راح تفيدك منو نرمان

نزار : خل يكتلوك وتنحل دم بدم

حكيم : ها اها

نرمان : طلعو مصطفى كبالي ساحلي من ايدة صعدو بالسيارة اجت نجاة تركض علية

نجاة : لج نرمان شبيييج اسمعيني

نرمان : هزيت راسي اي " ضربت خدي

نجاة : ولج شبييييج وجهج صار ازرك باوعيلي

نزار : غسلي وجها و شربيها مي وملح خاف ضغطها نزل

نجاة : اي .. كومتها وياي .. امشيييي

نرمان : بصوت مبحوح .. ما اكدر

نزار : خليها هنا اني يمها روحي جيبيلها مي وملح

نرمان : راحت شوية ورجعت بيدها كلاص

نجاة : هاذة المي ترستة ملح رفعي راسج خل اشربج

نرمان : شربتني منة .. كشيت

نزار : هوا هلكد يحطون ملح

نجاة : ميخالف شربي انهبطتي ..

نرمان : جبرتني شربت منة نصة .. وحسيت روحي جاي تطلع من راسي .. نصيت راسي وغمضت

نزار : ولج شبيها البنية

نجاة : ما ادري .. اجيبلها عطر اخليها اشم

نزار : ولج يا عطر

نرمان : رجفت وجسمي بدة يرخة ماحسيت غير وكعت على وجهي

نجاة : صخاااااااام بوجهيييي نرمان كوووومي .. التفتت شفت حكبم اجة باتجاهنة

حكيم : وخرو .. شبيها ؟

نزار : ما ادري تخربطت ونجاة شربتها مي وملح وكعت

نجاة : والقررران هوة كلي انطيهااا

حكيم : شلتها من الكاع طببتها جوة

اصيلة : كتلت الوووووولد سودة بوجهج نررررجس ولدج جتالين

حكيم : اششش ما اريد اسمع حسج

اصيلة : انطينة مبايلاتنة

اسراء : جا انا شعلية وتاخذ تلفوني

حكيم : انطيهن مبايلاتهن نزار .. بس ورب العزة الاذا اعرف ولو همساً الموضوع طالع اندمكم

اسراء : لا والله قابل شعلينة

روان : اي بس جيبهن

نزار : هاج تموتن اذا ما تاخذن غيبة الوادم

حكيم : جيبلي مقياس الضغط

نجاة : ماشي

نزار : راح ادك على فاروق .. اشوفة .. الوو

فاروق : الوو .. هاذة الكو** صحة

نزار : دير بالك منة وين وصلت

فاروق : ما ضل شي واشمرة بإقرب خرابة يم بيتهم

نزار : خوش دير بالك على نفسك .. سديتة

نجاة : هاك

حكيم : فتحت مقياس الضغط وشكلتة بيدها .. انصدمت من شفت ضغطها 18 ..

نجاة : التفت يخوزر بية وزمخ

حكيم : شلون تنطيها مي وملح

نجاة : والله معلية .. كام شالها وطلع .. طلعنة ورا

نزار : لا تاخذها للمستشفى اني اجيب المضمد للبيت ينطيها شي ينزل ضغطها

حكيم : استعجل راح اصعدها فوك

نزار : اي اي ما اتأخر

حكيم : اخذتها وصعدت طببتها بغرفتي نيمتها وكعدت يم راسها افرك براسها .. لج بوية اسمعيني

نرمان : ااااخ راسي ..

حكيم : اششش لا تحجين عسى بية ولا بيج يابعد راسي .. غمضت عينها .. فتحت شالها ومسدت على شعرها .. شوية وسمعت صوت احد دخل البيت غطيت شعرها وكمت طلعت ..

نزار : تفضل حجي ..

المضمد : يا اهل الدارررر سولي درب

حكيم : تفضل حجي هلا بيك .. اخذتة وطبيت للغرفة .. فتح مقياس الضغط قاس ضغطها مرة ثانية

المضمد : شكد عمرها

حكيم : 16 سنة

المضمد : بهاذة العمر وضغطها صاعد

حكيم : تنهدت .. حجي اتلاحكلها اروحلك فدوة

المضمد : لازم اشكللها كانونة .. واريد هاذة المغذي من الصيدلية اجيبو

نزار : كتبة بورقة حتة اجيبة

حكيم : تقربت كعدت بصفها لازم ايدها .. بهل اثناء طك خشمها دم باوعتلها بصدمة والتفتت على المضمد

المضمد : اهدء اهدء هاي من الزينات حتة ميصير عدها نزيف داخلي ولا سامح الله نفقدها

حكيم : مسحت الدم من وجها .. فتحت مبايلي اتصلت على نزار رفضة .. خاف يتأخر وموزين عليها

المضمد : لا ابني مو لهل درجة البنية متخربطة ما داخلة بغيبوبة .. هاذة اجة السبع

نزار : هاك حجي

حكيم : لزمت ايدها حتية يحطلها الكانونة .. نزت متألمة من دخلت بايدها .. كامت تون

نرمان : اااخ عمو

حكيم : سكتي بوية

المضمد : بس يكمل السيروم املصة وشلع الكانونة من ايدها

حكيم : رحم الله والديك حجي .. انطيتة حسابة وطلع ..

نزار : جاي ادك على فاروق مغلق

حكيم : شنووووو مغلق

نزار : ما ادري

حكيم : دكيت علية .. لييييش مغلق ليييييييش

نزار : اهدء هسة يجي قابل

حكيم : ضليت اروح وارجع بالبيت .. ادك علية ميجاوب تخبلت

نزار : خاف خلص شحن

حكيم : موووو وووووكتة يخللللص تبن ..

نزار : اءءء المغذي خلص

حكيم : رحت شلعتة وطلعت الكانونة من ايدها .. طب كمال

كمال : ها اخوك وين صار

حكيم : ما ادري حركت المبايل علية ميجاوب

كمال : بردا وسلاما للان ماكو اي خبر من اهل مصطفى

حكيم : *** بيهم

فاروق : السلام عليكم

حكيم : بس شفت طولة تنهدت براحة .. وعليكم السلام

فاروق : شلتة وشمرتة بركن مال زبالة ..

نزار : بوووية سكري صعد عبالي سوالك شي

فاروق : هوة غير الطريق كلة يبجي ويون

حكيم : لهنا بعد اكتفي بالمشاهدة من بعيد

كمال : شنو قابل ما راح يعرفون اهلة ويكاومونة

حكيم : خل يك*** بي احسن

فاروق : خاف يشتكون عليج

حكيم : تؤ تؤ ذولة مالهم بالمراكز والدعاوي .. ذولة من جماعة الفصول .. و عشائريا اني احكهم تعدو على شرفي يعني لو اذبحة همة الممنونين

فاروق : زين شنو دليلك علية

حكيم : فتحت جهازي وطلعت التسجيل الصوتي .. اسمع

مصطفى : اءء اني سديت حلكها وسحلتها للحديقة و .. وشكيت ملابسها .. ردت اعتدي عليها .. ومن سمعت صوت الطلقات ضربتها بطابوكة على راسها وانهزمت .. بس والله ما لمستها ولا كربتلها ..

فاروق : تستاهل مطكة من هاذة الراس

حكيم : هسة حسابة خلص وياي .. ضل حسابك

فاروق : اني ؟

حكيم : طلعت تلفون نرمان من جيبي وفتحتة .. هااا شو كمت تبلعم

فاروق : اني غير علمودك عبالي وحدة س .. قاطعتة ..

حكيم : اياااااااك تنطقها هاي الحجاية تكولها الروحك كل ما شفتها بالمراية لان فعلا انتة واحد ساقط

فاروق : ارررريد افتهم ليش هيج تعاملني اني غير سمعت منة وخفت عليك منها لا تستغفلك انتة تذكر سيرين ؟ سنة كااااملة تضحك علية طلعت مزوجة وعدها جهال شصار بية تذكر من وصلت للموت لو هاي جزاتي .. اعترف اني أذيتها وخوفتها وحتة احترام ما بقيتلها بس لو شيصير لاتنسة اني اخوك وهية البارحة اجت

حكيم : مو لان انتة اخوية اني م راح انسة

نزار : لازم تندمة

فاروق : اكل تبن انتة

كمال : جا انا مو واكف

حكيم : خاف يدزون عطوة لو واحد عفطي منهم كلشي لاتصرف بس كلي

كمال : اووووف منكم .. ان شاءلله

حكيم : تمغطت .. كااافي روحو نامو تعبت

كمال : تصبحون على خير

حكيم : وانتة من اهل الخير .. عفتهم وطبيت للغرفة وسديت الباب طفيت الضوة وشغلت التيبلام .. حسيتها كاعدة ومغمضة .. مشيت اصبعي على خدها .. كاعدة ؟

نرمان : فتحت عيني وحجيت بصوت مبحوح .. مااات الولد

حكيم : عوفينة من الولد .. شلون صرتي

نرمان : ما ادري جسمي يرجف

حكيم : فتحت شالها وجبتها شمرتهن .. كمت ادور بالمجرات لكيت ماشة جبيرة مال نجاة .. رفعت راسها ولميت شعرها

نرمان : كمت تكرهني بعد

حكيم : ما اكرهج بس حسابج كبر يمي

نرمان : اريد تحضني

حكيم : تنهدت .. تقربت علية نيمتها بحضني وحطيت راسها على صدري .. حضنتها بقوة .. دفيتي

نرمان : اي

حكيم : اااااااخ نمنمة گلبي

نرمان : اني احبك اكثر من امي وابوية اني ماعندي غيرك بالدنيا لاتعوفني ..

حكيم : بوية انا احبچ لو يشتلونچ كزازة بمجرة دمي

نرمان : شلت راسي من صدرة .. اباوع بعيونة .. مد ايدة ومسح دموعي ..

حكيم : يافكة عيون الكلب

نرمان : يعني متعوفني

حكيم : ياهو يعوف ماي عينة

نرمان : ما اخاف يسجنوك

حكيم : يخسووون

نرمان : ليش ما بلغت علية ليش كتلتة .. انتة مو تكول اني امشي بالقانون

حكيم : من عندي حك يم واحد اخذة بقانون العشيرة بس من واحد عندة حك يمي اني ويا والقانون

نرمان : شلووون

حكيم : بالعشيرة اخذ حكي وزيادة .. يعني لو مبلغ علية چا صنفوها تحرش وبالزايد يسجنو شهرين واذا دفع كفالة اسبوع ميبات .. بس بالعشيرة اني ابو الحك واخذة بذراعي وحتة القانون ميكدر يدخل ..

نرمان : زين لو ضاربة بس طلقة وحدة

حكيم : شلووون بابا غير ثنين وبالعصب .. حتة من يمشي بالعكازة يذكرني وعيونة ادمع

نرمان : ابتسمت على حجية ..

حكيم : نامي بوية وارتاحي

نرمان : سحبني الصدرة وطبينة بالفراش .. مرت دقايق .. وسمعتة يشخر .. حطيت ايدي على بطنة وغفيت ..

صباحاً ..

حكيم : فزيت على صوت ركع الباب بقوة .. منوووووو

نزار : كووووم حكيم يريدوك

حكيم : كمت لبست كلبية وفتحت الباب ..

نزار : اجتي سيارات وناس طلعولهم كمال وفاروق طبو للديوان يريدوك استعجل

حكيم : هزيت راسي .. وطبيت للحمام غسلت وطلعت ..

نزار : ذولة اكيد جماعة الك*** مصطفى

حكيم : نشوف ما ورانة شي .. نزلت طبيت للديوان .. السلام عليكم

الطرف الاول : لا سلام ولا كلام حتة چايكم ما نريدة .. انتم چاتلين ابنة وذابي بالزبالة وحنة نريد حقة

حكيم : ابنكم مهدور دمة موزين عفتة الكم مكرم

الطرف الثاني : احنة الندري بي انتم نسايب

حكيم : ام مصطفى عمتي

الطرف الاول : چا شمالك تكتل ابن عمتك

فاروق : مات لالة

الطرف الاول : بالمستشفى بين الحياة والموت وامة وابو وعمامة رواحهم كتلوها علية

كمال : شيخنا جيتكم على عيني وراسي بس ابنكم تعدة على شرفنة

الطرف الاول : شسوة يعني

حكيم : ياهو جبيركم

الطرف الاول : انا .. والجبير الله

حكيم : فتحت مبايلي وشغلت التسجيل الصوتي ..

الطرف الاول : معقوووولة

كمال : جا شعدنة ويا رجعنة حك بتنة وحيرو بابنكم وربو

الطرف الثاني : خوية احنة شمدرينة من سألنا كال كلشي ما مسوي .. احنة نشتم كفة ادينة

حكيم : وصلو الحجي الابو وعمامة وين ما اشوف ابنهم اكتلة وهاذة من حقي

الطرف الاول : اذا هيج السالفة اني متبري منة لان هاذة اسمة صخام وجه

حكيم : رحم الله والديك

الطرف الاول : من رخصتكم

حكيم : الله وياكم ..

نرمان : نزلت جوة للمطبخ .. صباح الخير .. محد رد غير نجاة

نجاة : صباح النور شلونج اليوم

نرمان : احسن

اسراء : اكلج روان .. الي ما يدني زبيلة محد يعبيلة مو ؟

روان : شمدريني خية

نجاة : هاي عليمن مو اجي اشك حلكج

اسراء : هم عايزة تعالي شكي واراويج النسوان شجيب

نجاة : انجبببي اسراء واحترمي نفسج

اصيلة : بسسسسجن امالخ حتة الضراير ماسون هيج

نرمان : تنهدت .. امشي نجاة معليج بيها المبلل ميخاف من المطر واني مبللة

نجاة : تروحلج فدوة الحية

نرمان : راحو العالم ؟

نجاة : اي .. سكتي مصطفى بين الحياة والموت

نرمان : لا اسم الله انوب يبتلي حكيم .. طبينة للصالة لكيتهم مجتمعين بس شافني فاروق نصة راسة ولزم مبايلة ..

حكيم : شبيك انتة كالب الجهرة

نزار : صادقت وحدة بالكلية

حكيم : اي !

نزار : واطورت علاقتنة وجنت حاب ميدخل بيها طرف ثالث ونخرب

فاروق : وشصار ضربتك بوري

نزار : لا طلعت اني الطرف الثالث

فاروق : ههههههههههههههه حيييل

نزار : تشمت بية ابو النسوان على الاقل ما مكطع رجلية افتر وراهن واصررررررف عليهن هااااااا

حكيم : عيب انتو مو جهال واحد انكس من الثاني

فاروق : چا غير ادللهن بجالي

نزار : ههههههههههههههه طييييييط

نرمان : ابلوع عليهم ومابية حيل اضحك .. اشرلي حكيم اروح اكعد يمة .. رحت بصفة

حكيم : باجر اخذج اداومين بس هل اسبوع ونبدي نراجع النص السنة

نرمان : ماشي

حكيم : اكو شي يوجعج

نرمان : لا

حكيم : كومي اريد احجي وياج بالغرفة

نرمان : ماشي .. راح كدامي .. كمت ورا خجلانة من نضراتهم .. طبينة للغرفة وسد الباب

حكيم : كعدي كبالي

نرمان : كعدت .. بس ارجف ما ادري ليش رغم نضراتة مريحة .. مسد على شعري وكال ..

حكيم : انتي مستعدة نزوج واخذج اصيرين ابيتي وبغرفتي وبعد تنسين هاي الغرفة وهاذة المكان .. يعني اصيرلي حصة بيج واصيرين حلال الحكيم

نرمان : نصيت راسي افرك بيدي بتوتر .. ما اعرف شجاوب

حكيم : رفعي راسچ وباوعيلي .. انتي موافقة اصيرين على قمة الحكيم ..

نرمان : ابتسمت لا اردياً .. هزيت راسي اي "

حكيم : كوليها اريد اسمعها منج

نرمان : اي اريد اضل وياك ما اعوفك ولا تعوفني ابد .. لزم وجهي بثنين ادية

حكيم : بوية انتي اول حرورة شوك واول طيحة الرجفة

نرمان : حضنت ركبتة واخذت نفس من عطرة .. عمو

حكيم : لا عاد طلعت من ماعونها ترة انعل ابو شكلك وليدي

نرمان : حكييييم

حكيم : ماي عينة

نرمان : شنو اسم عطرك

حكيم : بوووية حاطة عينج على عطري اسمة اسد

نرمان : ريحتة كلششش طيبة

حكيم : مو اطيب من ريحتج

نرمان : نصيت راسي ساكتة

حكيم : كلامنة كلة يتأجل تكملين امتحانات اخر للسنة وتلزمين شهادتج وبالعطلة مال خامس يصير خير

نرمان : ان شاءلله

حكيم : يلة كومي سبحي وارتاحي وتعالي نتغدة

نرمان : حاضر .. طلع من الغرفة .. كمت افكر بكلامة سبحت وبدلت وكعدت اجمع .. يعني اصعد يمهم اعيش.. يمة فشلة .. سمعت الباب انفتح

نجاة : ها ياحلو .. كومي صبينة غدة

نرمان : كمت وياها طلعنة .. كعدت على السفرة نتغدة .. مر اليوم عادي ثاني يوم كعدت الصبح بدلت وطلعت برا ..

حكيم : صباح الخير

نرمان : صباح النور .. سمعت صوت سيارة التفتت على نزار صاعد بسيارتة ويدوسلها بانزين

حكيم : شيغلصنة بعد

نرمان : خطية فرحان بيها .. صعدت بالسيارة شغلها وطلعنة .. طلع كدامنة نزار يستعرض شخط السيارة وطلع كبل

حكيم : ههههههههههه خرب عرضك شراح اسوي بينة

نرمان : بس جاي يمشي سرعة كون يدير بالة

حكيم : ان شاءلله ماكو شي

نرمان : اليوم شلون راح اداوم واني صارلي 4 ايام غايبة

حكيم : اني اطب وياج للمديرة

نرمان : لااااااا .. ما اتوقع تكول شي اكللها مريضة .. رفع حاجبة يباوعلي صفح

حكيم : همممممم

نرمان : ضليت ساكتة سويت نفسي ما انتبهت الحركاتة .. شوية وصلنة

حكيم : نزلي وديري بالج على نفسج .. وهاذة مصروفج بعد كل شهر انطيج مثلة ما انطيج يومية

نرمان : خجلت كلش منة .. ماشي .. اخذتهن حطيتهن بالجنطة ورحت اتمشى .. صاح وراية بصوت ناصي

حكيم : عود سلميلي على ايناس

نرمان : انداريت علية .. عبالك ما سمعتك

حكيم : ههههههههههههههه

نرمان : ابتسمت من شفت ضحكتة .. وطبيت للمدرسة

رغد : صباحووو .. شلونها الغايبة

نرمان : هلووو .. زينة وانتي

رغد : الحمدلله .. بس لو اعرف ليش تختفين وفجأة اضهرين

نرمان : جنت مريضة .. حجت بعدم تصديق

رغد : سلامتج .. مرت عمج شلونها امي من اجتي لحد الان تحمد باخلاقها واسلوبها

نرمان : اي الله ينطيها الصحة والعافية خوش مرة

رغد : احم .. بس اهلج ماردو خبر

نرمان : رفعت حاجبي مستغربة .. يعني عمتي مارجعتلهم خبر

رغد : هيوووو شبيج

نرمان : لا مابية .. ما ادري .. دغتني بجتفي

رغد : اوووي مسحية .. لج الله نصير اني وياج ابيت واحد والله اركان وردة وكلششش حباب وماعندة سوالف بنات

نرمان : حرت شجاوبها .. الله يحفظة

رغد : تعالي .. دك الجرص

نرمان : طبينة للصف .. مرت الدروس والحمدلله محد رزلني على غياباتي .. حلينة وطلعت انتضر برا شفتة من بعيد .. رحت علية .. شلونك

حكيم : من شفتج صرت زين امشي صعدي

اركان : السلام عليكم

حكيم : التفتت .. وعليكم السلام .. مد ايدة يصافحني

اركان : اني اركان ..

حكيم : ضيقت عيني .. اريد اذكر هاذة وين شايفة !!!

اركان : العفو خاف ازعجتكم

حكيم : لا حبيبي اهلا وسهلا

نرمان : راحو وصعدت بالسيارة ويا .. شغلها عاقد حاجبة وبغير عالم .. شبيك

حكيم : هاذة وين شايفة

نرمان : اءءء هاذة اخو رغد الاخذ منها الواجب .. فتح عينة على وسعها يباوعلي ويهز براسة

حكيم : كلتيلي اخو رغد

نرمان : اي

حكيم : خووووش

نرمان : ضل عاقد حاجبة الطريق كلة وميتحاجة .. لحد ما وصلنة

حكيم : نزلي

نرمان : نزلت .. اخذت جنطتي وطبيت جوة ..

اصيلة : شرفت ام المشاكل

حكيم : قصدج ام البيت

اصيلة : يلوك

نرمان : تقربت عليها همست .. شبيج يا عمة خاف شواربج طولانات وادورين حفافة

اصيلة : انجبي ادب سز

نرمان : ضحكت وابتعدت عنها كعدت كبالها وفتحت شالي

حكيم : كومي توضي وصلي حتة نتغدة

نرمان : اي .. كمت توضيت وفرشت سجادتي بالهول لان ماكو احد بالبيت بس البنات وكفت اصلي كبالة .. ويا كل صلاة اكملها الكا مبحلق بوجهي

خلصت صلاتي و .. نزعت الجادر ولميت السجادة وديتها المكانها .. رحت صبيت غدة الي والة .. كعدنة سوة ناكل

حكيم : هم فاتتج دروس

نرمان : هوووواي .. اليوم لازم اكعد اقرة لان اتراكمن علية

حكيم : نرمان .. ما اريد اهمال بدراستج اليوم تكعدين بغرفتج تقرين ما اشوفج برا الة من تكملين كلشي

نرمان : اييييي .. رجعت اكل وكل ما ارفع راسي اشوفة يضحك

حكيم : ولج بعدنة ما كايلين يا الله وبديتي اضوجين

نرمان : مو النصايح مرات تبين على هيئة رزالة

حكيم : ايبااااااه چا شبعي رزايل

نزار : غددددة وبانية خرب حضي المشكك

حكيم : كول السلام عليكم بالاول

نرمان : شبيها البانية طيبة

نزار : ماحبهااااااااا .. اريد دولمة

حكيم : اهو كام يتمقلج .. هاذة الموجود يعجبك لو لا

نزار : لا

حكيم : يطبك مرض

نزار : اجي تعبان بالتشارجر مالتي الكا هيج غدة ياعيب الشوم

نرمان : اكو طرشانة بالمجمدة احميلكياها

نزار : ايييييييع استغفرلله باع هاي الثانية

نرمان : اكلي كبة تاكل ؟

حكيم : خلصي اكلج وكومي طيري الغرفتج نامي شوية وكعدي اقري شتفقنة هاااا !

نزار : هاي الخوة النضيفة

حكيم : يعجبك هاي نعمة الله تاكل وتسكت ميعجبك روح نام ماكو شي ميتاكل .. غيرك ما لاكي خبزة

نزار : اروح انام احسلي

نرمان : خلصت اكل وشلت الصينية وديتها للمطبخ سمعت صوت حكيم وراية ..

حكيم : نجاة سوي كبة النزار وصعديها فوك واذا نايم سويهن لفات وحطيهن يم راسة ..

نجاة : تدلل

نرمان : غسلت ايدي ورحت الغرفتي نمت .. حسيت على نفسي ساعة 5 العصر ..عززززة شكد نمت .. طفرت من فراشي .. فرشت كتبي بالكاع وكعدت اقرة .. وصلت للكيميا عصة علية موضوع صعب ما جاي اكدر افهمة لبست حجابي ويا تراكي واخذت الكتاب وصعدت فوك لكيت نزار يتفرج تلفزيون

نزار : هاا ولج كيمو نايم

نرمان : تعرف تقريني قانون الغاز المثالي

نزار : هوا اني مو مثالي تريدين اقريج موضوع مثالي

نرمان : اووووف شلون لعد

نزار : اكوم اغسل الحديقة واسكي الزرع اشرفلي

نرمان : شعجب

نزار : والله كيمو هددني يغير رمز الراوتر اذا ما اغسل الحديقة

نرمان : حيل بيك .. بهل اثناءدخل فاروق كعد ..

فاروق : حكيم وين

نزار : نايم

فاروق : اريد احاجي روح كعدة

نزار : لا يعيوني روح انتة كلاواتك مو علية

نرمان : ركع نزار بالكوشة وكام دك الباب علية .. طب وسدها ورا .. ضليت احوس اريد اعرف شكو ..

حكيم : متخلون واحد ناااايم

فاروق : دكوم موزين نومة المغرب مو هاذة حجيك

حكيم : تفضل غرد

فاروق : اني اسف

حكيم : وبعد

فاروق : فوكاها

حكيم : لا جواها .. امشششي لك مكعدني تكلي اني اسف حطة تدري وين وكوم

فاروق : مو صوجك عود جايبلك خبر بشده

حكيم : شنو بعد

فاروق : بترو رجل مصطفى اليمنى وابو يريد يموت يتوسل بالشيوخ وكلها اتبرت منة بعد السمعو .. طشيتلك السالفة طشة

حكيم : بس لا جبت طاري نرمان

فاروق : لااااا يخوي اني اعرف شحجي حرام حتة شفقة محد شفق علية ياهو اليسمع بي يكول يستاهل واحد عار .. ادري شو ما فرحان

حكيم : مو كتلك اوكف واستمتع من بعيد ..

فاروق : مينضم عليك شي .. كوم شوف مرتك لازمة كتابها وجها معفوس

حكيم : يما بنيتي هنة ساعتين نمتهن الله واكبر ..

فاروق : هاي مو بنية تايكر

حكيم : ههههههههههه ساقط .. طلعت من الغرفة لكيتها حاطة ايدها على خدها تباوع تلفزيون والكتاب بحضنها .. هيج وصيتج اني

نرمان : ما اعرررف اقرة ساعدني

حكيم : راويني شنو المتعرفين تقري ..

نرمان : فتحت الكتاب .. هاذة

يتبع ....

نهاية البارت : ما قفلتها قوية الخاطرجن .. والبارت الجاي بي سبرايز انتضروني

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

انا عيوني تسولف عالغرام ويّــاك

ومن عيوني أعرفك تفتهم قصدي

ما أحب الوكت لو خلص بلــيّاك

بالقرأن محد حبك بگـــــدي

وإذا تنساني صدگ آني ما آنساك

لأنْ غيرك محب بالدنيا ماعندي

ملاحضة : محفوظ الاربعين الكالتة اسراء معنى +18 لاسألون بي

_________________________________________

نرمان : ما اعرررف اقرة ساعدني

حكيم : راويني شنو المتعرفين تقري ..

نرمان : فتحت الكتاب .. هاذة

حكيم : جيبيلي قلم ومسودة ..

فاروق : اكو بغرفتي اخذو شينزلها

نرمان : كمت طبيت الغرفتة وكفت على الميز لكيت كومة كتب اخذت مفكرة وقلم جاف وطلعت .. طبيت للهول بس شاف المفكرة جرها من ايدي

فاروق : لا مو هاي .. هسة اجيبلكم

نرمان : طب الغرفتة شوية وطلع بيدة دفتر عادي انطانيا وكعد

حكيم : عقلج تفتحي ما اعيد مرتين راسي مسطور

نرمان : ماشي .. كعد يقريني واحس عيوني نملن واريد انام

حكيم : احطلج مخدة تاخذيلج غفة

نرمان : لا مركزة وياك ..

نزار : سو درب اجو ام حسيبة وابو حسيبة

نرمان : صخام منو ذولة .. عدلت كعدتي وماشوف غير طبن بزازين ثنين يركضن .. كمزت من مكاني وكفت فوك القنفة اجن علية وكمت اصرخ .. لااااااا نزاررررر اخااااااف بروح ابوط وخرهن

حكيم : شيلهن فضحتنة

نزار : لا ازعلين ام حسيبة تغار من عيونج

نرمان : صار البزون يقتربلي طفرت اكمز مادري شلون وادوس على فخذ حكيم

حكيم : ياااا بت الكلب

نرمان : العفو ما ادري

حكيم : نزار طلعهن لا اطردك انتة وياهن

نرمان : طلعهن برا وسد الباب .. شوية وطب للمطبخ طلع بيدة علاكة سودة

حكيم : اوكف هاي شنو بيدك

نزار : اكل

حكيم : شنو الاكل ؟

نزار : لكيت كيلوين لحم بالمجمدة .. ثواب الك

فاروق : البزازين دليم ؟

حكيم : انجب وروح رجع الحم اعلف عليك وعلى بزازينك

نزار : چا شوكلهن سريلاك

نرمان : اكليلهن بتيتة

حكيم : هههههههههههههههه لا يدورن تمن ومرك

فاروق : جيبلهن افخاذ من الاسواق

نرمان : منين ذني اول مرة اشوفهن

نزار : لكيتهن بالشارع كاتلهن القهر

نرمان : يعضن مو

حكيم : لا ميسون شي .. بس ممنوع يطبن للبيت وينكسنة خاف يدررن لو يتغوطن واحنة نصلي .. خليلهن بيت بالحديقة واعتني بيهن ..

نزار : ام حسيبة حامل وتريد تغذية

حكيم : لا تلح اخذلهن الحم

نرمان : بس اني اخاف منهن

حكيم : مالج علاقة بيهن لاتقربيلهن

نرمان : هزيت راسي ورجعت اقرأ .. مرت اكثر من ساعة

حكيم : هسة افتهمتي

نرمان : اي شكرا

حكيم : ولو .. نزلي وسدي الباب وراج

نرمان : ماشي .. نزلت جوة شفت البازين كشت نفسي لان ما احبهن انتبهت على نزار يباوعلي بخبث .. طبيت اركض لا يهدهن علية .. السلام عليكم

اسراء : بابتسامة .. وعليكم السلام

نرمان : شفت الكل مبتسمين وفرحانين استغربت وكعدت على صفحة

اصيلة : كومي باركي الاسراء حامل

نرمان : ماشاءلله مبروك

اسراء : الله يبارك بيج عيني

نرمان : طبت نجاة اشرتلي اروح وياها .. كمت وراها طبينة الغرفتها

نجاة : لج شفتي طلعت حامل

نرمان : وليش متعجبة

نجاة : مو كمال ميخلف اصلا عندة ضعف وباقر بالقدرة صار

نرمان شقصدج لادخلين بخطيتها مو بعيدة عند ربج تحبل

نجاة : ما اقصد شي بس مصدومة

نرمان : سكتت من سمعنة صوت برا .. هاذة مو صوت حكيم ؟

نجاة : اي

نرمان : طلعنة من الغرفة مهبوطين على صوت صياحة طبينة للهول .. شفتة يخابر

حكيم : تهجين بيتي ؟؟ ليش منو انتي يابة .. اششششش اششششش لا تعلين صوتج لجججج

بزبانة ما اشتريكم لا انتي ولا شيوخ المحشي الدازتهم ..

نرمان : كام يصيح ويسب سد المبايل يفشر عليهم

حكيم : ** خواتكم ان رحتو او اجيتو

كمال : حقهم السويتة قليل

حكيم : بالعكس اول مرة احس روحي متندم ما خلصت علية

نجم : استر علينة ابو الغيرة

نرمان : كمت افرك بايدي من الخوف .. باوعلي وحسيتة انتبه علية .. عافني وطلع

نجم : عود هوة سبع ويذبح ويصلخ ولد دمرت مستقبلة علمود شنو يابة تحارش بمرتك من جانت صغيرة

كمال : اسكت انتة تخوط بصف الستكان

نجم : بعدين اراويكم تعرفون منو يخوط بصف الستكان

اسراء : كومن سون عشة اني نفسي تلعب وما اكدر اشم ريحة المطبخ

نرمان : اي ميخالف

نجاة : منو يريد عشة

كمال : چا غير كلنة اسويلنة

نجاة : راح اسويلكم لفات بتيتة تريدون

كمال : امرنة لله كومي

نرمان : طبينة للمطبخ كشرنة البتيتة وكليناها وسويت لفات وزعتهن بالصالة بس نزار وفاروق وحكيم مموجودين .. صارت ساعة 11 طبيت الغرفتي حضرت ملابس المدرسة مال باجر تغطيت ونمت الثاني يوم

صباحآ

_ كعدت على صوت المنبه سبحت و بدلت طلعت ارتب بحجابي شفت حكيم .. صباح الخير

حكيم : صباح العسل .. اتأخرتي

نرمان : ابتسمت .. اي صح .. صعدت بالسيارة حطيت جنطتي على صفحة

حكيم : سابحة

نرمان : شلون عرفت

حكيم : شالج تبلل

نرمان : اي لان مانشفت شعري

حكيم : ليش يا بابا مو تتمرضين والجو كاسر على الاقل لو لابسة شي ثكيل

نرمان : ما ادري استعجلت لان انتة منتضرني .. وما ضل وكت

حكيم : بس نوصل طبي للصف كبل ولا طلعين حتة ميضربج الهوة

نرمان : اي .. حسيت شفايفي كامت ترجف .. وصلت نزلت من السيارة وطببت للمدرسة اطك سن بسن

رغد : شبيج ترجفين

نرمان : باردة

رغد : انطيج جاكيتي ؟

نرمان : لا ميحتاج

رغد : براحتج

نرمان : ضليت كاعدة وبدة الدرس الاول حسيت صرت احسن جسمي تعود على الجو .. مرت دقايق ودخلت المعاونة

المعاونة : نرمان عماد !

نرمان : كمت .. نعم

المعاونة : يريدوج بالادارة

نرمان : ضليت صافنة شيريدون مني طلعت والبنات كلها تباوع علية .. طبيت الغرفة المديرة شفت حكيم كاعد يسولف وياها بس انتبهلي كام حط جاكيت اسود على جتفي .. ورفع الكلاو منة لبسنيا

حكيم : اسف اتأخرت عليج .. بردتي مو

نرمان : بوكتها حسيت الله يخلق سند لمن لا سند له .. ابتسمت وعيوني دمعت چان بودي احضنة بس استحي من المديرة

حكيم : روحي للصف كملي دروسج ومن تخلصين تلكيني منتضرج

نرمان : حاضر .. شكرا الك .. كرصني من زندي

حكيم : ولو

نرمان : رجعت للصف مرتاحة .. دفيت بحنيتة قبل الجاكيت .. مر اليوم وطلعت من المدرسة جاي اعبر ولكيت رغد واخوها واكفين بس شافوني اجو ورانة .. دخيلهم شكد يلزكون

حكيم : اجة خطيب مرتي

نرمان : عضيت شفتي بخوف .. وصل وكال ..

اركان : السلام عليكم

حكيم : عليكم السلام

نرمان : خنزر بوجه الولد وعصر ايدة .. كمت ابلعم

اركان : شلونك ان شاءلله بخير

نرمان : باوعلي اركان مبتسم ويحجي ويا حكيم وما اشوف غير ضربة على ضهرة حسيتة طبع ايدة علية صار الولد يكح ويتحمحم

حكيم : بخير اذا انتة بخير ضلعي

اركان : اخاف ازعجناكم

حكيم : بالعكس اذا محتاج شي كول اني بالخدمة لا تستحي

اركان : سلامتك ان شاءلله مو غربة وامون عليك

حكيم : اكيد ولو

اركان : احم .. بلا زحمة تبلغ الاهل اليوم الحجية تمرلكم

حكيم : خير

اركان : كل الخير بس .. بعد ما رديتولنة خبر وانه طالب الكرب بينة

حكيم : الكرب ؟ منو قصدك

اركان : المحروسة بت خالك انه سامع يتيمة و ..

حكيم : قاطعتة .. اشرت على نرمان .. هاي اليتيمة

نرمان : انحرجت من تصرفة والولد صار وجه دم

حكيم : ام حسيبة روحي صعدي بالسيارة جايج ..

اركان : اعتذر منك بس اخاف انه متوهم

حكيم : لا حبيبي ما متوهم هاي مرتي ام حسيبة وان شاءلله حسيبة بالطريق

اركان : يوصل بالسلامة .. العفو يجي بالسلامة

حكيم : الله يسلمك يوم الالك

نرمان : راحو هوا واختة وجوهم متتفسر .. اجه صعد بالسيارة

حكيم : ابن الك*** المحروسة اليتيمة ..

نرمان : انداريت اباوع من الجامة حتة ميكب بوجهي

حكيم : ام حسيبة مط*** الموضوع

نرمان : اني شعلية عمتي ما ردتلهم خبر مثل ما كلت انتة

حكيم : اخخخخخ ذيج البربوك دواها عندي

نرمان : طلعت بطل مي اشرب

حكيم : وانتي حسابج صار جبير .. جبير كلش .. بس وين تفلتين اطلعهن من خشمج بالسرة

نرمان : من كال هيج غصيت بالمي وطلع من خشمي .. كمت اكح

حكيم : غصيتي موووو اني اعلمج والله لانعل ابو شكلج

نرمان : رجعني الطريق كلة عاقد حاجبة ويدردم .. نزلت من السيارة اخذت جنطتي وطبيت اهرول للبيت .. لكيت عمتي بالهول تخابر

اصيلة : لا حبيبة صدك جذب وهاي هستوها طبت كليلها واذا ما رضت هية وربها

نرمان : اجتي انطتني المبايل حطتة على اذني واني ما ادري شكو .. كلت .. الو

عواطف : الو نرمان يما شولنج ضل بالي عليج هيج تعوفين امج من تزوجين هاذة حق الربة .. مو جبت واجة اخوج بالسلام متريدين اشوفي

نرمان : جمر كلبي من سمعت كلامها يعني صدك صار عندي اخ من غير اب .. التفتت شفت حكيم وراية واكف منصي راسة ويستمع للكلام

عواطف : الووو متردين يما وينج

نرمان : ها الحمدلله على سلامتج هاج عمتي .. شمرت المبايل على القنفة وكعدت كبالهم

اصيلة : هاذة احترامج الالمج طيح الله حضج

حكيم : سدي

اصيلة : خل اجاوب المرة

حكيم : كلتتتتتتتت سددددددي

نرمان : سدتة وكفت متخوصرة

حكيم : انتي منو كلج تنطين المبايل النرمان !! ومنو سمحلج اجاوبين هيج كح***

اصيلة : بكيفي تحكمني

حكيم : اصيلة مو الوي ذراعج وانتي مو كد هاي الوية كبرتي وعظامج رخن

اصيلة : تهددني

حكيم : ما اهدد انفذ

نرمان : عفتهم يتعاركون وطبيت جوة ركعت باب غرفتي واجتفت وكعدت الف فكرة اجت ابالي .. امي صار عدها ولد وبعد متريدني .. زين مو هية من البداية متريدني شتغير .. سمعت الباب اندكت .. منووو

حكيم : اني ادخل ؟

نرمان : لا .. فتح الباب وطب يتمغط سدتها وجة على سريري

حكيم : ليش تغثين نفسج احنة شنو اتفقنة الي يبيعني ابيعة ..

نرمان : اني مو قوية مثلك

حكيم : لج بابا افهمي لاصيرين صلبة حتة لاتنكسرين ولاصيرين لينة حتة لاتنعصرين

نرمان : واني جاي انعصر يومية .. هاي امي ربتني وعشت وياها احلى ايام حياتي عمو اني لو اصير عجوز اضل محتاجة الامي واضل اريدها بس ما اكدر صار بينة حاجز جبير

حكيم : عمو !!

نرمان : من اختنك لازم اصيحلك عمو ومن ارتاح اكولك حكيم

حكيم : حلو خوش لغز

نرمان : حط ايدة على شالي فتحة ولزم ايظي يفرك بيها

حكيم : انتي قوية والدليل عشتي بينة وقاومتينة وحدة غيرج متقاوم هاي العيشة لا تستهينين بنفسج دائما باوعي الداخلج وفكري بالحلو قبل المر اكتشفي الحلو البيج لانكولين اني مو قوية نونو انتي غرير العسل

نرمان : ضربت جتفة بخفة ايدي وضحكت .. صفن بوجهي وكال ..

حكيم : ضاعن ابيات الغزل بعيونج نونو

نرمان : ضميت وجهي بيدي ..

حكيم : ابوس خجلك كو***

نرمان : صخام .. كام طلع وسد الباب .. دخلت سبحت وطلعت انشف بشعري .. مرت الايام وسالفة مصطفى بدت تندفن لان محد قبل يساعدهم واعتبرو الصار ثار شرف منسبة لمنطقة عشائر الناصرية تحديدا الارياف الينتمي الها مصطفى .. خلصت امتحانات نص السنة طبيت للبيت تعبانة وفرحانة لان راح تبدي العطلة

حكيم : تعال اكعد يل كسول

نرمان : ليش كسول مجاوبة الحمدلله

حكيم : اييييي البارحة لساعة بيش مشغلين اغاني بالصالة عبالكم ما اسمعكم

نرمان : خطية نزار شغلنة ساجدة عبيد شوية سمعنة وطفينا

حكيم : غضب الله على راسة الملعون

نزار : نعل الله امتا شالت غيبتي

حكيم : جبنة سيرت القط ..

نرمان : هههههههههههههه تجي على ريحة الحجي

نزار : افااا اشيلون غيبتي واني محضرلكم جم نكتة تفك شفرة وجوهم

حكيم : فاروق وين

نزار : ما ادري اجة من الدوام بدل وطلع مستعجل .. بس البارحة سمعتة يحجي بالمبايل ويا واحد ضليت فاك حلكي

حكيم : ليش اسمعت ؟

نزار : يكلة انتة عمي وتاج راسي واني اعتذر منك وباجر نتفاهم اجيكم حضرولي غدة ويتمضحك

حكيم : عمة ويعتذر ويدور غدة ؟

نزار : وروح ابوية هاذة السمعتة

حكيم : اليوم اجة من وكت

نزار : ما ادري اني طبيت للبيت لكيتة جاي يبدل ويتعطر

حكيم : الله كريم

نرمان : نكت خل اضحك

نزار : اهووو كامت تشمر بالحجي المهم اكو مجدي راد يعزل صم ايدة

نرمان : كهكهكهكهكه

نزار : اكو عنكبوت كطعو علية الشبكة لان مدافع الاشتراك

نرمان : هههههههههههه لا هاي حلوة

نزار : صاير خفيفة ثكلي

نرمان : رفعت حاجبي وبرطمت .. تقبل يحاجيني هيج

حكيم : اشك حلكة .. اليحاجيج

نزار : ثنينكم يراد تحطون طابوك بجيوبكم

نرمان : شال المخدة حكبم وركعة بيها طلع يركض للصبة خربان من الضحك

حكيم : بلا أمر عليج اكويلي قميصي

نرمان : تدلل .. صعدت فوك جبت قميصة وكعدت اكوي بي .. كمت سمعت خطواتة التفتت شفتة وراية جاي ينزع ملابسة خجلت ودنكت راسي

حكيم : خجلتي چا شلون بيج ويا النسر

نرمان : يا نسر .. احم كملت انطيكيا تلبسة .. تقرب علية صار صدرة يطخ بضهري همس حاط ايدة على خصري

حكيم : شوكت نبدي نلعب

نرمان : ثكلت انفاسي ويا حركة اصابعة على خصري .. شنلعب

حكيم : نلعب لعبة تعجبج

نرمان : ابتعدت عنة حسيت نفسي عركانة رغم الجو بارد

حكيم : اوووويلي علييييج نمنمة البربوك ركضتيني

نرمان : طلعت من الغرفة عاقدة حاجبي وميتة من الخجل نزلت جوة بالحديقة كعدت كبال القفص مال بزازين نزار .. ثواني وشفتة يتمشى للكراج صعد سيارتة وطلع بيها ما ادري وين ..

نجاة : بخخخخخ

نرمان : بسم الله جفلتيني

نجاة : ترة عطلتي ورواحنة طالعة خل يطلعونة

نرمان : لعد الية تكولين

نجاة : لعد المن غير انتي مرت الحكيم وكلها بيدج

نرمان : استحي ما اكولة يطلعنة عيب

نجاة : بالعباس الج مهلة لليل اذا ما طلعنة احطج واكتلج

نرمان : خل يجي واكلة

نجاة : ميخالف .. تعالي نوكل البزازين

نرمان : شلون متخافين

نجاة : لا قابل شيسون

نرمان : راحت كدامي فتحت القفص مالتهن بس طلعن نفخن بوجها وفكن حلكهن صار منضرهن يخوفن صرخنة وطبينة جوة نركض ..

نجاة : يمااااااا لحكيييييني سووووودة بوووووجهي

نرمان : لحكوووووونة سودة بوجهج نجااااة .. ركضنة للمطبخ صعدنة على ميز الطعام ضلن جوة يحومن .. طب نجم

نجم : هاي شنو ذني منو فتحهن يا مطي

نجاة : اني

نرمان : ضحك وطلعهن برا وسد الباب شافنة فوك الميز باوعلي بنضرة غريبة وطب جوة

نجاة : شبي هاذة

نرمان : هزيت جتفي .. ما ادري .. طبينة للهول لكيت اسراء تاكل تفاح وملح وتمطك

نزار : اشتهيتة انطيني حضة لا تطلع بزرورة

اسراء : هاااك وحدة بس

نزار : نيال الطفل بطنج

اسراء : ليش

نزار : بيها غرفتين وصالة وين ميعجبة ينام

نرمان : فحطت من الضحك وهية تفرفح

نزار : بشرفج احجيلي من خبطتي الكمال وانتضرتي من طب هم صار سه*** من الخوف

اسراء : بيك ولا بي

نزار : وجهج جنة شجرة مال كرسمس

فاروق : السلام عليكم

الكل : وعليكم السلام

نرمان : كعد كبالي مرتجي ومرجع راسة ليورة يون ..

فاروق : اريد جاي

نجاة : ماشي

فاروق : خلي نرمان اسوي

نرمان : بدون ما ارد علية كمت سويتلة جاي وصبيتة طبيت للهول قدمتلهيا

فاروق : عاشت ايدج

نرمان : ضيقت عيني .. بالعافية

نجاة : شعجب رضيت على الجاي

فاروق : انجبي انتي

نجاة : اايوم اطلعنة معلية

فاروق : وين

نجاة : عشينة برا دلعنة دللنة ثواب الك

فاروق : ماعندي مانع

نزار : احلف صكد جذب مني هاذة !!!

فاروق : كسار راسك

نزار : خل اسمعك ام حسيبة اشك زيجها

فاروق : لعبت روحي

نرمان : ضليت كاعدة ضايجة لحد ما دخل حكيم

حكيم : هااا رجعت ابو الفوارق

فاروق : اي

حكيم : وين جنت !!!

فاروق : يم جماعتي

حكيم : وجماعتك اصيحلهم عمي

نرمان : كام فاروق يباوع النزار بغضب صك سنونة وحجة بعصبية

فاروق : هاذة المكلكل سولفلك

نزار : احترم نفسك ولا تجاوز

فاروق : اكل تبن

حكيم : كافي الصمو لا بالقندرة ثنينكم .. نرجع الموضوعنا .. وين جنت

فاروق : بجهنم

حكيم : عساك

فاروق : حتة الكعدة وياكم متراد

نرمان : كام طلع كعد حكيم يهز براسة بعصبية صاح ..

حكيم : يطببببك مررررض عباااالك ما راح اعرف شعندج ك****

نزار : ولا يهمجن اني اطلعجن بسيارتي

حكيم : وين بعد

نجاة : ضايجين

نرمان : ضل ساكت ما رد .. كمت الغرفتي لليل انفتحت الباب

نجاة : كومي بدلي

نرمان : وحكيم يدري

نجاة : اي وكال روحو

نرمان : ماشي .. كمت بدلت شلون ما جان وطلعن للحديقة انداريت اباوع للبيت لكيتة واكف بالبالكون يدخن

نجاة : ما ادري فاروق شمسوي من مصيبة

نرمان : الله يعلم فاروق ميكعد

نزار : يلة راح يعزل ابو الفلافل

نجاة : فلافل ؟ ماروح

نزار : صعدي ام نفس

نرمان : صعدنة وشغل اغاني عالية ويغني

نزار : يصاحبتي يصاحبتي .. اشتريتج بالعمر وانتي .. اشتريتج للاسف خنتي

نجاة : مضروب بوري

نزار : انجبي لج منيلج هاذة الحجي

نجاة : اوووي شبيك شكلت يعني

نزار : مو عيب .. مضروب بواري مو واحد

نرمان : ههههههههههه نزوري لاضوج راح اصير محامي واصير كتل عليك

نزار : علية لو على الطلايب ..

نجاة : تذكر ام شمس جيرانة من اطلكت واتكول لان يشوخر

نزار : اي وهوا يكول عدها غازات .. ههههههههه استغفرلله

نرمان : اييييع

نزار : تاكلون بالمطعم لو بالسيارة

نجاة : بالمطعم اكيد

نرمان : نزلنة طبينة .. كعدنة على طاولة وراح يوصي اكل بدون ميسألنة

نجاة : هاذة حالنة من نطلع ويا واحد بخيل

نرمان : موزين من طلعنة .. لزمت المنيو اباوع على الاكل شفتة انجر من ايظي رفعت راسي شفت نزار .. ليشش

نزار : خاف تشتهين اطلبين شي ..

نرمان : ههههههههههه عززززة ماريد

نزار : وصيتلجن على تمن ومرك خفيفة باليل واشبع

نجاة : عليك العباس

نزار : جذب عمي راح تنجلطين وصيتلجن بيتزا وصاج وحركات اكلن بفلوس اريدجن اشبعهن بطونجن

نرمان : شوية واجة الاكل .. هواي جايب المن هلكد

نزار : لا مو كلتلهم احنة يتامة وجواعة نزلونة ثواب

نرمان : جذااااب اجدي بينة

نزار : ابو علي اكل واسكت

نرمان : كعدنة ناكل .. صدك الاكل طيب مادري نفسيتة طيبة .. كملنة ودفع الحساب .. صعدنة بالسيارة ورجع للاغاني مالتة يغني ويهز .. رجعنة للبيت

نجاة : ما قصرت زيزو اردلكياها بعرسك

نزار : هاذة الحجي الحلو نجيوة

نرمان : شكرا نزوري .. طبيت جوة تعبانة كبل تمددت وماحسيت بعد غير اني نايمة

صباحآ

_ كعدت متأخر الوكت لان عطلة وماخذة راحتي طبيت سبحت وطلعت امشط بشعري .. بدلت وطلعت للهول .. صباح الخير

حكيم : صباح النور وليدي تعالي اشوفج لان الفجر اطلع البغداد

نرمان : هم بغداد .. رحت كعدت يمة طب فاروق

حكيم : ما مداوم اليوم ؟

فاروق : لا ماخذ اجازة

حكيم : والسبب

فاروق : بدون سبب

نرمان : تبادلو تضرات غريبة بينهم ..

نزار : شلونك حكيم

حكيم : اكعد ولك عود انتة زعلان ومتسلم حتة فاروق لايرد كبر الجمجمة

اسراء : اكللكم منو محفوض اربيعينة يعرف بية ولد لو بنية ؟؟

نرمان : من كالت هيج الكل صفن بوجها حسيت روحي فشلت من يمي

نزار : فاضل الله يرحمة نفسة دنية ما حافظ العشرة حتة يحفظ الاربعين

نرمان : اباوع عليها فشلت .. واني من يمي معت

حكيم : لا زودها

نزار : الباب جاي تندك

حكيم : كوم شوف منو

نرمان : باوعت من الشباك شفت رجال جبير طب ويا بنية شابة بس شافهم فاروق انتفض وكام على حيلة وجهة صار ميتفسر

يتبع ...

نهاية البارت : اعرف كلش قصير بس هل مرة اطلب تعذروني .. باجر انزل بارت تكملة واعوضكم .. وثانيا فاروق مسوي دكة متسولف ..

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

بهيدة على بختك يا كمر، مساهر وأريد أشكيلك إنه غريب ابدنيتي مضيّع وأدور ابليلك عن ربعة أهلي، ودلّة الديوان ومواويلك عن ضحكة البربين لعيون الدلو عن رقصة الصفصاف والماي الحلو عن صحبتي، وخلاني، وعيون النّهر بهيدة على بختك يا كمر يا غربتي غربة عصافير التودع عشوشها برفّة جنح ويا دمعتي دمعة الكاع اللي تبكي موت أهروشها بجيت الملح يا دار أهلنا الطاهرة مر العمر عيون الحب امساهرة وما مش خبر بهيدة على بختك يا كمر

_________________________________________

حكيم : كوم شوف منو

نرمان : باوعت من الشباك شفت رجال جبير طب ويا بنية شابة بس شافهم فاروق انتفض وكام على حيلة وجهة صار ميتفسر

حكيم : منو ذولة تعرفهم ؟

فاروق : اءء .. اي

نرمان : سبق حكيم وطلع برا رفض يدخلون للبيت

حكيم : هاي شكو شبيكم

راضي : عبالك راح نسكت اريد اعرف هاذة الولد اهلة وين ليش ما الة رداد

حكيم : هدي عمي واتفضل جوة منا العالم .. باوعت على البنية منصية راسها وتبجي بهدوء

فاروق : انتوووو منو دلاكم البيت شلون تجون بدون علمي احنة مو قررنة كلشي ينتهي شتريدون بعد مني

راضي : مو بنتي لعبة بيدك وكلشي انتهة .. عمي انتة شتصير منة

حكيم : اخو الجبير

راضي : تدرون ابنكم خطب بنتي وراح يصير 8 اشهر لا يجي ولا انشوفة ومن اروحلة يكول مثل ما دخلنة بالمعروف نطلع بالمعروف هاذة حجي .. اصبح الصبح الكا مطلكها شكول اني كدام العالم ليش

نرمان : التمو البيت كلة نباوع من الشباك منشوف غير حكيم ضرب فاروق راشدي سفط وجهة بي

كمال : هااااي شكوووو

حكيم : امشي حجي تفضل جوة وميصير خاطرك الة طيب

نرمان : سحب بنتة جاي يدخلون للديوان رحنة نسنط من الباب الثاني

راضي : بنتي مو لعبة بيدة يزوج ويطلك بدون سبب شنو موقفنة كدام اهلنة واقاربنة شنكول .. غسر الجذب السفطة بروسنة

حكيم : وانتو شلون تنطون بتكم هيج كبل اي واحد يجيكم لا اهل لا تعرفون اصلة فصلة وتنطون هاي وين صايرة

راضي : جاب امة ويا وكال ابو ميت وهوا الوحيد الاهلة ومن سألنة علية مختار المنطقة مدح باخلاقة وشيم بيها .. قابل اشم كفة ايدي

حكيم : اخذت امك وياك ؟ .. يصيرلك خير

كمال : وهسة شنو الصار

راضي : ميريد البنية عمي انه مو منا انه من النجف والضروف جابتني للبصرة .. واعتبروها اختكم تقبلوها

حكيم : لا عمي ما ارضاها .. هوا عاقد محكمة

راضي : بس سيد وطلكها غيابي

فاروق : اي وما اريدها كوة تلزكوها بية قابل اول واحد يخطب ويفصخ

حكيم : انتة صم حلكك وخليني محترمك .. كومي بوية طبي جوة يم بناتنة

راضي : كومي بوية طبي وانه من اريد اروح اصيحلج

ايثار : حاضر ..

نرمان : حسينة الباب انفتحت طفرنة كلنة على الدرج طلعت من الديوان نفس البنية الجانت ويا الحجي .. عيونها حمر وتقريبا تطلع من عمر نجاة .. ملامحها حلوة بيضة بس وجها بي حبوب التفتت تباوع علينة

نجاة : هلو منو انتي ؟

ايثار : احم .. اني الاجيت ويا ابوية هسة

نرمان : رحت جبتلها مي وطبينة للهول انطيتهيا شربتة منة

ايثار : شكرا

اصيلة : شمصخم وجهج فاروق

ايثار : لا خالة اني ما اصخم الوجه ولا اجيب العيبة لاهلي بس الضاهر ابنكم مصخم وجهكم

نجاة : همست .. طلعت صلفة

نرمان : تستاهل عمتي

اصيلة : اني ادري منين جاي يجيبولنة هل شكول ولد نرجس

اسراء : عمة لا والي ولا ام تحاسب جاي يخوطون ويلوطون

روان : لا تبتلشن ويا فاروق سكتن

نجاة : انتي شنو اسمج

ايثار : ايثار راضي

نجاة : شكد عمرج

ايثار : 18 سنة

نرمان : اكبر مني بسنتين .. هزت راسها وسكتت

نجاة : مبينة حقنة

نرمان : اشفنة منها قابل

نجاة : شنو بينج وبين فاروق

ايثار : كلشي ماكو

اصيلة : چا اجابج علينة

ايثار : حضي الاغبر

نرمان : شفت نزار يأشر كمت .. ها

نزار : ابوها يريدها صيحيلها

نرمان : اي .. ايثار ابوج يريدج

ايثار : ماشي ..

نرمان : كامت طبت للديوان من باب المطبخ صارو يحجون كلهم سوة بهوسة شوية وفضت وطلعو العالم .. ركضنة للديوان شفنة حكيم صاير فوك فاروق وضرب بي التمو عليهم يبعدوهم

حكيم : سااااااقط ما توووووقعت توصل بيك النذالة لهنااااااا لككككككك اذبحك واشررررب من دمك ومحمد

فاروق : انتة اااازوجت نرمان حسبت حساب الواحد بينة كلت خل اخذ ررررائي واحد بس اااااااني من اسووووووي شي الدنياااااا تنكلب على رااااااااسي

حكيم : لك نرمان يتيمة ورادو ياخذوها مني انتة لو مكااااني شسوووي كل هاذة حقد بداخلك علية

كمال : يمعودين ضحكتو الناس علينة والله

فاروق : ما الك حق تحاسبني سبق وكلتلك راح اعاملكم بالمثل مثل ماتحترمون وجودي ما احترم وجودكم

نرمان : رجع ضربة راشدي كام منة وشال مزهرية يريد يركعة بيها لزمة كمال وجرها منة

حكيم : انطيني سويج سيارتك

فاروق : اخذتها بفلوس ابوية الهفتهن

حكيم : فلوس ابووووك فلووووس ابوك الي انتة كاعد وتاكل وتشرب وتصرف على ك**** منهن واني ماكل تبن ويومية رايح جاي البغداد وللمحلات حتة نهاية الشهر اوزعهن عليكم *** بيكم اذا يغزر يا كو****

نرمان : جر السويج من جيب فاروق اخذة وطلع صاير بركان

فاروق : يلة طلعووووو كلكم براااااااا ما اريد اشوف واحدددد يلةةة

نرمان : عفنا وطلعنة

نجاة : الله يساعد كلب حكيم علينة

نزار : فاروق نذل جايب ام طارق صديقة خاطبتلة يكول الرجال من سألت علية كالو ولد ذهب بعمرنة جكارة ما شايفي يشرب

نجاة : صخااام ضاحك على العالم

نزار : اي بس البنية متريدة وابوها من سامع هوا ابن حجي فاضل وعندة فلوس جلب وكام يتبجبج ويبيع شرفيات

نجاة : شمدريك

نزار : فاروق كال عبالهم عندي ورث

نجاة : وحكيم شراح يسوي

نزار : عزم الرجال يوم الجمعة على الغدة حتة تنحل السالفة وكالة ماكو هيج حجي وبتكم بتنة بعد ما ادري فاروق ميريدها شلون راح تصفة

نرمان : خطية ليش هيج سوة

نزار : ما ادري

نرمان : اريد اروح اشوفةبس اخاف يتعارك وياي

نزار : كعدي لا يطلع حركة فاروق بيج

نرمان : انتضرة يهدء ؟

نزار : سأليني باكلة بالعبة اجاوبج بس هاي الحبجيات المحمضة مالي بيها

نجاة : اي انتضري يهدء وروحيلة .. حتة غدة ما اتغدة سودة علية

نرمان : هزيت راسي وسكتت .. طبينة للمطبخ لكينة عمتي واسراء وروان ونجم يتغدون

نجم : ها نزير شبيهم اخوتك محطمين قلوب الفتيات

نزار : عزابية وماخذين راحتهم اويلي على المزوج ويدور فتيات

روان ؛ منو قصدك نجم !!!

نجم : اني ماعندي شي الحمدلله عفت الك*** الكم

نزار : البعبة طلي يمعمع

نرمان : اصب غدة ؟

نزار : لا اني راح اطلع يم جماعتي

نجاة : صبيلنة اني وياج

نرمان : التفتت للجدورة صبيت ماعون النجاة وسويت صينية الحكيم حتة يتغدة

نجاة : فد وحدة انتيييي

نرمان : لعد اخلي جوعان

نجاة : ام كليب

نرمان : اخذت الصينية وطلعت صعدت الدرج .. فتحت الباب مالكيتة طبيت الغرفتة لكيتة متمدد وحاط ايدة جوة راسة شغلت الضوة ضاج

حكيم : تؤ تؤ تؤ طفييي

نرمان : كوم اتغدة

حكيم : ما اريد اخذي الاكل وطلعي

نرمان : واذا اكلك الخاطري

حكيم : نزلي نرمان لاتلحين

نرمان : حطيت الصينية على الشازلونة ورحت كعدت على طرف السرير

حكيم : لاتباوعيلي هيج

نرمان : ليش كلشي تحلو بالعركة والمشاكل ليش متحجي ويا تحاول تفهم ليش هيج سوة

حكيم : بعدج متعرفين فاروق منو .. شايل مخة وحاط مكانة حجارة

نرمان : بس اكيد مو من فراغ يخطب ويترك

حكيم : حتة يساويني

نرمان : ابتسمت بوجهة احاول انسي .. انام بصفك

حكيم : لا

نرمان : تمددت على ايدة صار ميفصلنة شي .. انتة مو جفون عيني ؟

حكيم : ادب سز بالعكس

نرمان : شلون يعني

حكيم : انتي جفون عيني

نرمان : همممم غمض عينك

حكيم : ليش

نرمان : حباب غمض واسترخي

حكيم : سالمين

نرمان : حطيت ايدي على عيونة مغمضتهن .. رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ رَبَّنَا إِنَّكَ مَن تُدْخِلِ النَّارَ فَقَدْ أَخْزَيْتَهُ وَمَا لِلظَّالِمِينَ مِنْ أَنصَارٍ رَّبَّنَا إِنَّنَا سَمِعْنَا مُنَادِيًا يُنَادِي لِلإِيمَانِ أَنْ آمِنُواْ بِرَبِّكُمْ فَآمَنَّا رَبَّنَا فَاغْفِرْ لَنَا ذُنُوبَنَا وَكَفِّرْ عَنَّا سَيِّئَاتِنَا وَتَوَفَّنَا مَعَ الأبْرَارِ رَبَّنَا وَآتِنَا مَا وَعَدتَّنَا عَلَى رُسُلِكَ وَلاَ تُخْزِنَا يَوْمَ الْقِيَامَةِ إِنَّكَ لاَ تُخْلِفُ الْمِيعَادَ)

حكيم : فتحت عيني مبتسم .. كل يوم اثبتيلي قراري صح

نرمان : عموشتي كل هاذة بفضلك چا منو علمني

حكيم : چا ؟

نرمان : اي

حكيم : چا وشحلات العمر لو يخلص وياك

نرمان : خجلت ونصيت راسي مبتسمة .. عادي اسألك سؤال

حكيم : انهزمي انهزمي .. يجيج يوم تنحصرين يم هاي البردة حصرة الجلب

نرمان : شهكت .. راح انزل

حكيم : انجبي وكعدي .. شتريدين اسألين

نرمان : ممم .. هم حبيت قبل

حكيم : قبلج يعني

نرمان : ترة انزل

حكيم : وتخلين حسرة الجواب بكلبج ؟

نرمان : حباب جاوب خل انزل

حكيم : ماحبيت انعجبت ببنية وماصرت قسمة بينة

نرمان : نغزني كلبي بحجايتة .. يعني صدك حبيت

حكيم : تقريبا اي

نرمان : منية شنو اسمها وليش عفتها

حكيم : منو .. متعرفيها .. اسمها هيفاء وليش عفتها اتوقع مو من حقج تعرفين شي من الماضي ومالة داعي نذكرة

نرمان : كمت من الجرباية وشلت الصينية .. براحتك يجوز ازعجتك بسؤالي اصلا اني شعلية ميهمني

حكيم : زعلت ام حسيبة

نرمان : لا على شنو ازعل

حكيم : رجعي كعدي

نرمان : شمرت الصينية حيل على الميز ورجعت كعدت رفعت حاجبي واهز برجلي .. رجع شعرة ليورا وتمغط كال ..

حكيم : جانت وياي بالكلية وبينة تواصل بيوم قدمت على منحة للخارج وطلعتلها طلبت مني اسافر وياها ورفضت .. سافرت وحدها وضلينة فترة على تواصل بعدين قررت امسحها من حياتي لان البنية شافت حياتها وحرام علية اعلقها بية اكثر ..

نرمان : انهضم كلبي واختنكت بس لزمت روحي .. يعني حبيتها

حكيم : تغارين .. لج بوية انتي فكة عيون الكلب .. هيفاء منو ؟

نرمان : هزيت راسي وضليت ساكتة

حكيم : شبيهن عيونج وجرن

نرمان : ما ادري شنو طب بعيني

حكيم : تغار شبيت كلبي

نرمان : على شنو

حكيم : تحبيني !

نرمان : انتة روحي وكلشي عزيز بداخلي

حكيم : نمنمة تبجين .. هيج تحبيني

نرمان : هزيت راسي اي"

حكيم : اويلي عليچ يابة .. تعالي بحضني

نرمان : سحبني من ايدي نيمني على ايدة وحضن ضهري وطبع بوسة بخفة على ركبتي .. حكيم !

حكيم : اشششش اريد انام سكتي

نرمان : ضليت بمكاني ما اتحركت لحد ما حسيت نفسة ثكل وانداريت علية لكيتة نايم ..مشيت اصابيعي على وجها وكرصت خدة كمت احجي واخذت راحتي .. انتة شنو هل جمال وليدي ترة يحسدوك هااا .. دير بالك ترة جاي احبك من بعيد ..

حكيم : چا متحبيني من قريب منو كاضج

نرمان : فتحت عيني بصدمة واشنجت من الفشلة

حكيم : بربوك مو اكوم امرعدج

نرمان : لا مو هيج اعصابك عموشتي

حكيم : نزلي خل انطمر نمنومتي

نرمان : بست خدة وكمت من الجرباية

حكيم : لا تتمطرحين بت الكلب

نرمان : جريت شالي وجبتي لبستهن وشلت الصينية وطلعت .. باااي

حكيم : والله لانعل ابو شكلج

نرمان : ضحكت بصوت عالي وطلعت نزلت جوة ذبيت الصينية بالمطبخ

روان : حبابة بناتي جاي يبجن غسلي المواعين ونضفي الطباخ

نرمان : روحي شوفيهن تدللين .. رفعت ارداناتي وكفت اشتغل

نجاة : لجججج نرمان

نرمان : ها شبيج يومية تخرعيني

نجاة : باعي هاذة رقم غريب مراسلني

نرمان : وين شو اشوف شدازلج

نجاة : ما ادري باوعي دازلي هلاو وقلوب

نرمان : حضري

نجاة : خاف احد نعرفة

نرمان : كتبي منو حضرتك وشوفي شيكول

نجاة : اي هسة

نرمان : كملت المواعين وبديت انضف بالطباخ

نجاة : يكولي انتي منو .. صدك يحجي

نرمان : والله حضري خاف زعطوط

نجاة : ما ادري صبري جاي يكتب ويبطل

نرمان : هديت البيدي وكفت اراقب وياها فجأة اجت رسالة .. اتمنى اسمعيني للاخير ومتفشليني .. صرنة وحدة تباوع للخ

نجاة : جاي يدك

نرمان : لا اجوبين

نجاة : لج منو هاذة بطني كامت توجعني

نرمان : اهدي اهدي .. سمعت صوت احد جاي للمطبخ

نزار : شبيجن تبسبسن

نرمان : ماكو شي سوالف بنات روح

نزار : سوالف البنات لعبتي احجيلي

نجاة : اهوووو نزار لاتلح جاي نكلك سوالف بنات

نزار : يعني ممحتاجات شي منا منا عادي اروحلجن للاسواق

نجاة : باع هاذة وين شطح عقلة

نرمان : صخام كلهم ميستحون مثل اخوهم الجبير

نزار : بكيفجن بعد هاي الامو اصير باحسن العوائل

نرمان : استغفرلله .. رجعت اشتغل .. شوية وطلع ركضت على نجاة .. ها

نجاة : داك 4 مكالمات

نرمان : امشي بغرفتج جاوبي وشوفي منو

نجاة : ماشي

نرمان : اخذتها وطبينة للغرفة .. باعي اول متكولين الو اذا طلع الصوت عرف احجي باحترام اذا متعرفي نزلي علية اكس مربع على كولت نزار

نجاة : ماشي .. دكيت

_ الو

نرمان : انصدمنة من سمعنة صوت بنية

نجاة : منو انتي

_ حبيبة سمعيني ولا اسدي بوجهي

نجاة : سهى ؟؟؟؟

_ اي .. سمعيني نجاة اروحلج فدوة لاسدي ترا والله متندمة على كلشي اني كلشي ما اريد منج بس اريدج ترجعين الفلاح راح يموت بدونج واني هم حالتي مدهورة واسم الله عليج يمكن بية ذاك المرض

نجاة : يطبج مرض واني شنو

_ رحم الله والديج .. نجاة فلاح محتاجج ويريد يرجعج واوعدج اني بعد مالي علاقة بيكم منج الة تجازون بس اريد اطلع من خطيتج

نجاة : سديتة بوجها

نرمان : هاذة صدك الجاي اسمعة

نجاة : ما ادري مصدومة معقولة صدك بيها سرطان وتريد ترجعني الفلاح بعديش

نرمان : حضريها وانسي ذولة يخوفون احنة مو كدهم

نجاة : دخت

نرمان : جريت المبايل من ايدها حضرتها ومسحت الرقم حتة خاف تفكر تتواصل وياهم بالحضة ضعف منها

نجاة : كل عقلج لو يموتون

نرمان : لا تخليهنم يضحون عليج نجاة فكري وانصحج تسولفين كلشي الحكيم

نجاة : ميخالف

نرمان : طلعت من الغرفة افكر بيها واخاف عليها منهم .. مر اليوم وفاروق ما اجة ابد ثاني يوم بالعشرة الصبح .. كاعدين نتريك طب فاروق يطوطح

فاروق : صباح الخير تتريكون بدوني

نرمان : خفت من شكلة مطفي ويروح يمنى ويسرى بس شافة حكيم ذب الستكان من ايدة وباوعلة

فاروق : لا تباوعلي هيج بذات محد دمرني غيركم انتة اخذت التحبها واني لا ونجم .. نجم يسولة عيد ميلاد من جان صغير واني لا حتة نزار مدلل لان يابة شنو ؟ .. بي سكر عسا بية وادلل مثلة

نرمان : كام حكيم وجرة من ايدة يريد يطلعة

حكيم : امشي اسبح اصحة كااافي فاروق انتة مو صغير انتة رجال افهم

فاروق : وخررررر وخرررررر روح اكعد اكل يم نارك چا مثلي الله عكلني بوحدة جنها جلب وتنبح

حكيم : امشي لا احطك وادوس راسك بالقندرة

فاروق : اريد اكل

حكيم : انطو زقوم

نرمان : تقرب دفر عمتي اصيلة وكعد بصفها ياكل زيتون وحدة ورا الثانية

فاروق : هاي مزة ؟

نزار : هاذة مو جاي عرك صابي بالستكاين

فاروق : مو اكول طيب

نرمان : لزمت روحي ما اضحك عيب من حكيم

حكيم : يلة كوم لا انعل والديك

نرمان : جرة من زندة طلعة برة الصالة و طببة للحمام وسد الباب صارت اصواتهم عالية

فاروق : المييي بارررد

حكيم : حتة يغسل روحك النكسة

فاروق : سبحني

حكيم : انزع

نرمان : عزززة حطيت ايدي على حلكي صدك يحجون

نزار : شجاني ما طبيت وياهم

نجم : اني هم

نرمان : خربنة من الضحك عليهم .. مرت دقايق معدودة وطلع حكيم من الحمام صاح

حكيم : نجاة صعدي فوك جيبيلة خاولي وملابس

نجاة : اي

نرمان : راح شوية ورجعت انطتهن الحكيم فتح الباب مدهن الة من ورا الباب ورجع طب للهول

حكيم : ممنوع واحد يحجي ويا حتة اذا راد شي لا جيبولهيا وعاملو كأنما مموجود

فاروق : صباح الخير

نرمان : محد رد علية طب لاف الخاولي على وجها ويرجف .. كعد كبال الصوبة

فاروق : صبيلي جاي

نرمان : هم محد جاوبة

فاروق : شبيكم يمعودين الله بالخير

حكيم : نرمان لمي السفرة وجيبيلي مي

نرمان : تدلل

فاروق : نجاة موووو احجي وياج اريد جاااي

نجاة : اغسل المواعين لو روان تغسلهن

روان : لا غسليهن انتي

فاروق : اني مو احااااجيكم شبيييك

حكيم : صوتك لا تعلي افتهمت لو لا

نزار : احم صبولي جاي

نرمان : صبيتلة وانطيتهيا كعد يشرب ويمطك كدام فاروق وذاك عيونة وجرت

فاروق : قز القرط

نزار : احححح بكلبك

فاروق : انجب حيوان

نرمان : وديت المواعين بالمطبخ وانطيت مي الحكيم جبت وصلة وكمت انضف باخشاب الهول .. دك مبايل فاروق .. فتح خط

فاروق : الو نعم ..

نرمان : كبل التفتت على حكيم يباوع بصدمة

فاروق : اييييي ليشششش شبدر مني .. طوط طوط طوط

نرمان : محد عبرة ثواني وكال ..

فاروق : فصلوني من الشركة

حكيم : نزار جيب الريمونت

نرمان : كام طلع وركع الباب بعصببة صعد فوك يركض

نزار : والعباس انتة فصلتة

حكيم : اي .. بس اذا فكيت حلكك اشكة

نزار : عاشت ايدك زين اسوي

نرمان : رجعت انضف بالتراب .. يعني اليوم مراح تروح البغداد

حكيم : اجلتها لسبوع الجاي

نرمان : فرحت من كال اجلتها .. ممم خوش

يتبع ...

نهاية البارت .. هاي التكملة الوعدتكم بيها .. كولن مقصرة

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تكلي شعرك ليش اهات ودموع

انته حقك ما شفت خط الشروع

انته ساعة سين تعرفهه اشتلوع

الغايه تعرفهه تعرف الهاونات

شعري فك عينه لكه كباله نطاق

وبندقيه وسفري وحب العراق

حب له وحده والمواعيد التحاق

وجان موعدهم يتم بالعارضات

شعري شاف الموت ما شاف الورود

لا بنفسج لا اغاني لا وعود

الشاف ذوله كباله يكتب عالخدود

الشاف بعيونه التعوق واللي مات

سمير صبيح ♥️

ملاحضة : رجاء بدون كلام بذيء على نجاة صح هية هواي تخطاء بس ميخالف تحملوها لان عيب من حكيم 🌺

_________________________________________

حكيم : اجلتها لسبوع الجاي

نرمان : فرحت من كال اجلتها .. ممم خوش

نجاة : باجي تكول شتريدون غدة

حكيم : خل سوي بانية

نزار : لااا اذا سويتو بانية اروح اسولف الفاروق كلشي

حكيم : شكد مستهتر

نجاة : شتريد لعد

نزار : اريد باكلة ودهن

حكيم : بس احنة نتغدة بلكلة ودهن

نزار : صدك مراهمة .. لعد سويلنة عمام مصطفى .. شيخ محشي

نجاة : هسة اثبت على شيخ محشي

حكيم : اي

نجم : شو اني محد يسألني

نزار : انتة كلشي الچان تعلف

نجم : اكوم ادوس بطنج كلب

كمال : صلو على محمد واستهدو بالرحمن

نرمان : خلصت ورحت وراها للمطبخ

اسراء : اخذي الماسحة ونضفي البيت

نرمان : اي .. انداريت عكسها شفت نجاة كاعدة على ميز طعام تراسل بس رحت يمها طفت مبايلها .. ويامن تحجين

نجاة : ويا زينة بت عمي

نرمان : ها .. اخذت الماسحة والسطل ورحت انضف بالبيت من الصالة وطلعت للممر وغرفتي والمطبخ كملت ورجعت كلشي بمكانة ..

اسراء : كملتي

نرمان : اي

اسراء : والغرف الفوك وغرفة عمة نهاد وباجي اصيلة ؟

نرمان : الفوك انتي واسراء كاعدات بي وغرفة عمة نهاد مقفولة من راحت البيت اختها بالفاتحة وغرفة عمتي متقبل واحد يطب الغرفتها

اسراء : والله مسوية زحمة على روحج هاشة البيت

نرمان : لعد انتي من تنضفين مو بس غرفتج وبعدين انتي شعليج

اسراء : علية ونص الي بهاذة البيت مثل ما الج وعيونج افكسهن

نجاة : لج لازوديها ترا اكوم اهلس شعرج

اسراء : انتي لا تدخلين اني وياها .. تروحين تنضفين الفوك وباقي الغرف غصبا عنج

نرمان : ركعي راسج بالحايط احسن .. انداريت اريد اطلع من المطبخ ملختني من حجابي وكمت ما اعرف منين الضربة تجيني .. وخرررررري اسررررراء جلببببببة

اسراء : ارررريد ارررربيج من جديد

نرمان : ما ادري شلون صفكتها راشدي ودفعتها حيل وكعت على ضهرها وتمددت بالكاع وكامت تصرخ

اسراء : لحكووووووووني بطنييييييي رااااااح اموووووت كماااااال الحكنيييييي

كمال : شكوووووو هاي شبييييج اسراء .. اسراء كووومي ما اكدر اشيلچ

اسراء : ما اكدر اكوم كمال

نزار : همست .. ولج منو كتلها

نجاة : اشرت على نرمان .. اذابحن

نزار : خوية تريد اخابرلك على رافعة

كمال : لا تعال ساعدني

نرمان : عدلت شالي واباوع على خراميشها بيدي تجري دم .. رفعت راسي شفت حكيم واكف مرتجي على الحايط وحاط ايدة على فكة ويباوعلي ويهز براسة

اسراء : بجي .. اذا صار شي بالطفل البطني اموووتج

نرمان : بداخلي كمت ادعي ميصير شي بالطفل لان صدك راح ابتلي ..

اصيلة : يا معزاية هيج اضربين البت واشمريها بالكاع اني الج

نرمان : اريد ابجي بس لازمة روحي كدامهم ضل حكيم واكف كبالي وساكت .. مرت دقايق وصار صوت الصياح عالي

اسراء : مااااات الطفل مااااات جاي انزف الحكووووني

نرمان : صرت ارجف من الخوف طلع حكيم للممر طلعت ورا .. شفت دشداشتها كلها دم جمدت بمكاني تقربت على حكيم كرص جتفي وهمس

حكيم : لاتبينين نفسج خايفة

نرمان : هزيت راسي وضليت جامدة

نجاة : هاي شمدريها طرحت ماصارلها دقيقتين صعدت فوك ونزلت

نرمان : ما ادري لج راح اموت من الخوف عزة بعيني وعين امي

كمال : جيبو عبايتها خل اخذها للمستشفى

اسراء : لا ما اروح للمستشفى وكع الطفل اني شفتة بعيني وكع

حكيم : لازم تروحين للمستشفى ميصير اضلين

روان : اجيب عباتج

اسراء : لا لا ما اريد عووفوني انيييييي اعلممممج نررررمان

اصيلة : ميحتاج لاتاخذوها للمستشفى بعدة چبدة وكع وحسبي الله ونعم الوكيل بالچان السبب

اسراء : 10 سنين انتضر هاذة الطفل كمال اذا متاخذلي حقي اني اخذة .. اااااخ يمة بطنيييييي

نجم : يعوضك الله كمال

نرمان : واكفة كبالهم بس اتمنيت الكاع تنشك وتبلعني من القهر .. بجيت وطلعت الخراميش البيدي .. والله هية ضربتني والنبي ما سويتلها شي ونجاة شاهدة كدامها الصار

نجاة : اي والله ذيج ضربت نرمان وبس دافعت على نفسها شمرت روحها بالكاع

نرمان : شفت كمال دمعت عيونة وراح كعد على الدرج حسيت روحي ماعت من القهر

نزار : مراح يسولها كركاش

حكيم : لا .. تعال اريدك

نزار : ها ..

حكيم : راح اشغلهم روح الغرفة كمال طب للحمام شوف شحطت اسراء واجتي ..

نزار : شحطت ؟

حكيم : روح شوف .. طبين للممر .. دغيت نزار وراح يم كمال على الدرج

نزار : خوية كوم اكعد بالصالة موزين عليك كعدة الدرج يصير عندك بواسير

حكيم : امشو كلكم بالصالة

اسراء : لا اريد اصعد الغرفتي ارتاح بطني راح اموت من وجعها

حكيم : تعالي تفضلي يمنا فوك نرمان اداريج

نرمان : طبو للصالة كلهم ضليت بالممر شفت نزار صعد يركض

نجاة : وين راح

نرمان : بجي .. ما ادري .. لج مات ابنها بسببي

نجاة : مو بسببج الله ما كاتبلة عمر

نرمان : لا نجاة راح اضل العمر كلة اكل بروحي من الندم .. بهل اثناء نزل نزار يركض وبيدة مبايلة طب للهول

نجاة : امشي خل نشوف شكو

نرمان : روحي انتي اني استحي اباوع بوجوهم

نجاة : بكيفج .. طبيت لكيت نزار حاشك روحة بحكيم شوية ويكعد بحضنة

حكيم : ها ! .. فتح مبايلة طلع صورة

نزار : باوع حكيم عقلي وكف .. حاطة صبغة مال طعام حمرة والثولة صاير الحمام كلة احمر حتة غرفتها والفرشة معدومة

حكيم : دز الصورة الكمال

نزار : العبببببب

حكيم : دزلة امشي اصعد الغرفتك مرتك غركت روحها صبغة الوزين

نزار : دزيتها

حكيم : خل ننتضر المسرحية .. دقايق وطفر كمال الغرفتة ومرتة المتخربطة ركضت ورا اسرع من يوسين بولت

نزار : شد ابو النضيف

اصيلة : يا هاي شبيها

حكيم : يمكن اجاها نبأ الطفل كاعد فوك مانزل .. كوم انتة خل نصعد فوك نشوف ابو الفوارق .. وانتن اصعد وانزل الكه الغدة جاهز

اصيلة : اي عيني اي

حكيم : صعدت فوك .. كعدنة كبال التلفزيون

نزار : اكلك شنو عقاب السكير والزاني ؟

حكيم : انجب لازودها .. كام طلع فاروق

نزار : وين راح

حكيم : ما ادري .. طب اركض الغرفتة اكو فلوس بالمجر جيبهن

نزار : بوية راح نبوكة ..

حكيم : كوووم لايجي .. طب للغرفة شوية وطلع

نزار : لكيت ذني

حكيم : اخذتهن منة حسبتهن .. 3 ملاين

نزار : واحد ونص الك واحد ونص الي

حكيم : كوم ضمهن بحذائي الاسود

نزار : صدك تحجي

حكيم : اهوووو .. اخذتهن وطبيت الغرفتي اجة وراية

نزار : شبيك على الاقل بس 500 زين 50 عمي ماريد 25 اتعابي

حكيم : هاي 25 وچفيني شرك

نزار : مشكور الله لايكثر من امثالك

حكيم : راح اركعك بالحذاء

نزار : ريلاكس ريلاكس

حكيم : ضميتهن سمعت صوتة طب .. اششش لا جفص كدامة

نزار : اكو 60 الف بجيبة اجيبلكياهن

حكيم : لا .. طلعت برا اسمعة يخابر

فاروق : انجبي لج لا تاكلين تبن

ايثار : انتة اشايف نفسك عليمن عبالك كاتلة روحي عليك طز بيك

فاروق : اذا طز بية الجمعة لاتجون وبعد لادكين وكولي لابوج اذا يريد شكم فلس انطيهيا على القندرة

ايثار : عايزين على فلوسك اطلع كلبة بت كلب اذا طبيت بيتكم الجمعة

فاروق : انعل ابوج لابو الجابج علية .. اني كو** استاهل

حكيم : همزين تدري

فاروق : اذا اجو الجمعة اني لا اجي ولا اوصل وبعد هية كالت تطلع كلبة بت كلب اذا وصلت .. خل نشوف بت الكلب تجي

حكيم : تؤ تؤ احجي عدل لاتكول هيج على مرتك

فاروق : مرتي !! مرتي الله يمرمر كلبها ام وجه الاصفر

حكيم : الطبختة تاكلة

فاروق : انتة شتريد مني بعد

حكيم : اسألك واجاوب بذمتك

فاروق : اي

حكيم : البنية ليشخطبتها الها بذات

فاروق : لان سامع عنهم خوش ناس وبناتهم مؤدبات ومحترمات

حكيم : چا شكو بعد

فاروق : السانها وسوالفها مال عربنچية

حكيم : عربنچية دلالة عدها بسطية مو مشكلتي هوا انتة منو تعاشرك موزين رضو ينطوك مرة على سمعتك الفازكة

فاروق : اني هيج وما اتغير شتريد !!

حكيم : خليك .. هيج احسلك

نزار : همست .. بعد متقبل ابوك 60 الف مالتة

حكيم : يا منجي يونس من بطن الحوت نجيني من هاذة البيت

نرمان : فزيت ما ادري شلون نمت من الهبطة اخذت ملابسي وطبيت سبحت وطلعت لكيت نجاة تحط حمرة

نجاة : نعيما ..

نرمان : شكرا .. ذبيت الخاولي من شعري وكعدت امشطة .. شلونها اسراء

نجاة : عززززة متدرين .. طلعت جذب مو حامل وكمال كطعها من الكتل وداها البيت اهلها طلعت حاطة صبغ بدشداشتها .. مو كلتلج كمال مايخلف

نرمان : صدك ! ليش هيج سوت

نجاة : الله اعلم

نرمان : حكيم عرف

نجاة : ما ادري اني سمعت من عمتي اصيلة وبعدين صار صوت صياحهم بالبيت عالي

نرمان : الله يهديها واني ردت اموت من الخوف .. صفنت عليها بالمراية .. اجاي اسوين ؟

نجاة : احط مكياج

نرمان : حلو بس مو صارخ المع الفوك عينج !

نجاة : لا حلو ويا حمرة جوزية يطلع يجنن

نرمان : اي .. ضوجة

نجاة : عكب باجر تجي مرت حماج ونتونس بيها

نرمان : منو

نجاة : ايثار مرت الغالي

نرمان : يوووو ذولة هم يرادلهم كلب الله يساعد كلبك حكيم

نجاة : اوووي نونو

نرمان : هم بعد راسلتج سهى

نجاة : لا

نرمان : والله

نجاة : والله شبيج اجذب عليج قابل شلي علاقة بيها هل جلبة

نرمان : زين تغديتو

نجاة : بس نجم ومرتة وعمتج .. كومي صبيلنة خل نتغدة سوة

نرمان : ماشي .. طلعت رحت للمطبخ وكفت اصب اكل لكيت باقر كاعد ياكل شافني كلب وجها وخزرني .. عود يقلد امة .. كملت صب رجعت للغرفة سمعت نجاة تحجي بس شافتني فتحت الباب ارتبكت

نجاة : يلة حبي بس اتغدة واخابرج .. يمعودة شبيج باي

نرمان : ويامن تحجين

نجاة : اوي كلما شفتيني اخابر تتخبلين وانتي شعليج ترة مو وصي علية ماشي

نرمان : حطيت الصينية كبالها .. وكعدت مجتفة ايدي

نجاة : متاكلين شبيج صافنة

نرمان : ما اريد المهم انتي تغذين روحج تدرين وراج سوالف بالمبايل

نجاة : لا تلحين اكلي وسكتي معليج بية انتي متحاسبيني

نرمان : يطبج مرض واني شنو بيج .. بس خل يكون بعلمج حكيم ميستاهل ادوسين علية بعد اكثر

نجاة : شو متعرفين تحجين ترة البارحة اجيتي لاسوين روحج ام البيت والخايفة علينة وعلى مصلحتنة

نرمان : هزيت راسي وبلعت غصتي .. كومي طلعي اريد اضل وحدي

نجاة : اصلا غرفتنة هاي انتي طلعي

نرمان : شكد زعطوطة .. كمت طلعت من الغرفة كعدت بالحديقة ما اتحملت كمت ابجي واشهك .. اني صوجي انصحها يطبها مرض عساها بأبو زايد جلبة .. فجأة انحطت ايد على جتفي

حكيم : شبيج يبوية

نرمان : مسحت عيوني .. تعاركنة اني ونجاة

حكيم : صايرة وكحة

نرمان : همة يندكون بية

حكيم : يندكون بيج هههههههه

نرمان : ما اريد غرفتي بعد

حكيم : چا وين تنامين

نرمان : بالصالة

حكيم : هلا ونشلح باليل كدام الوادم

نرمان : كام يطك صبعتين ويضحك .. ماجاي اشاقةما اريد بعد غرفتي نجاة طردتني منها وتكول هاذة بيتنة وكلامها صدك هاذة بيتكم واني غريبة عليكم

حكيم : ليش اطردج

نرمان : ماعرفت شكول .. هيج بيناتنة

حكيم : مهما كان سبب اكسرلج راسها

نرمان : لا عوفها ما اريد بسببي تتعاركون

حكيم : وداعت سواد الليل الة انيمها بالصالة

نرمان : معلية بس بعد ما انام بالغرفة ما اريدها

حكيم : كولي اريد انام يمك لا تستحين

نرمان : لااا

حكيم : نمنمة خل نزوج بعد ما اتحمل

نرمان : رفعت راسي اباوعلة وضليت ساكتة ..

حكيم : اريد انطيج فلوس اجهزين نفسج

نرمان : معت من كال هيج كمت اتحمحم

حكيم : شبيج خجلتي ؟

نرمان : لا

حكيم : سمعيني بوية ما اريد تخجلين مني انتي راح اصيرين على ذمتي ومشتركين بكلشي بهل حياة وهاي الدنيا طويلة مو يوم لو يومين

نرمان : اي صح

حكيم : دام صح .. اني شكد كاتبلج مهر ؟

نرمان : ما ادري ما اذكر

حكيم : 25 مليون .. راح انطيج منهن اجهزين نفسج وراح اشتريلج بالباقي ذهب

نرمان : لا عمو ما اريد شكرا

حكيم : هههههههههههه .. بطلي الفهاوة .. امشي اريدج

نرمان : رحت ورا امشي صعدنة فوك لكينة فاروق مبدل وجاي يلبس بحذائة

فاروق : اريد سويج سيارتي

حكيم : مو عندي

فاروق : چا عدمن !

حكيم : بعتها باجر يجون ياخذوها

فاروق : شنو بعتها مو هية بكيفك

حكيم : هاذة الموجود

فاروق : اشوف واحد يمد ايدة عليها

نرمان : عافنة وطلع بدون السويج

نزار : اريد اشوف من يخلصن 60 الف وين يولي

نرمان : ضحكت على سوالفة .. طبيت ورا حكيم للغرفة شفتة فاتح قاصة بداخل الكنتور طلع منها فلوس حسبهن والتفت علية

حكيم : شكد يكفيج ؟

نرمان : ما اريد والله

حكيم : 5 ملاين كافي اجهزين نفسج بيها

نرمان : يا شسوي بيهن خمسة شجيب بيهن

حكيم : تعالي كعدي

نرمان : كعدت على الجرباية

حكيم : ذني خليهن يمج واني اخلي نزار ياخذكم دائما للسوك حتة على كيفج تشترين الي يعجبج ومتخلين حاجة بنفسج والذهب اني اجيبة ..

نرمان : اخذتهن منة .. شكرا

حكيم : ضميهن زين

نرمان : ضمهن انتة اخاف اضيعهن

حكيم : راح اخليهن بالقاصة ومن يعجبج سحبي منهن بكيفج وانطيج نسخة من المفتاح تخليها يمج

نرمان : اي احسن .. اخذهن وحطهن بالقاصة رجع انطاني مفتاح

حكيم : مو اضيعي ماعندي غير النستختين

نرمان : لا ابد

حكيم : ضمي بالخزنة

نرمان : يا خزنة

حكيم : ههههههههههه فاهية

نرمان : راح انزل

حكيم : وين حبيبي ضل يمي

نرمان : متابعة مسلسل واليوم الحلقة مهمة

حكيم : اهم مني

نرمان : الصراحة اي "

حكيم : يا طايحة الحظ

نرمان : ضحكت .. حباب لاتزعل هاذة سيونغ جو مو اي واحد .. ماحس غير شالني من بطني وشمرني على الجرباية والتقرب علية بنضرات خبيثة

حكيم : ولج منو هاذة غونجو

نرمان : ههههههه سيونغ جو .. اتقرب علية اكثر .. ها ها

حكيم : ياهو اهم اني لو هوة

نرمان : هوة .. ضربني راشدي بخفة

حكيم : هوة مو ؟

نرمان : نزع تشيرتة وجاي ينزل بجامتة صرخت .. لااااا انتة انتة

حكيم : متأكدة ؟

نرمان : اي

حكيم : چا كومي شفطيني

نرمان : مو تدلل .. كمت كعدت على ركبتي اتقربت من ركبتة وحطيت شفتي يم اذنة وصحت .. طووووووط

حكيم : نعلعلا والديج

نرمان : ضحكت بصوت عالي وكمت ركضت على الباب فتحتها وطلعت طلع وراية حكيم لكيت نزار بالهول .. عادي اكلب التلفزيون

نزار : براحتج

نرمان : اخذت الريمونت وحطيتة على قبلة مرحة توها بادية كعدت كبال التلفزيون مركزة .. فجأة طلعت لقطة البطل شال ملابسها الداخلية ويهددها بيهن وهية تركض ورا عضيت شفت وكمت اتلفت شفتهم مركزين وعيونهم مترمش .. صخااام

نزار : هاذة شنو بيدة ؟

حكيم : جواريب

نرمان : فشلت وسويت روحي ما سمعت .. لليل هم طب فاروق سكران

فاروق : صباح الخير

نزار : صباح النور تريد ريوك

نرمان : لزمت ضحكتي

فاروق : اريد عشة .. كومي لج سويلي عشة

نرمان : اشرلي حكيم ما ارد واجاهلة

فاروق : عود متعب مرتك تخاف عليها امداها هسة ازوج ايثار التنبح واجيبها خدامة الي

نرمان : باوعتلة عاقدة حاجبي

فاروق : عود خوفتيني ام صماخ

نرمان : ما اتحملت وكمت اضحك خزرني حكيم وسكتت

فاروق : سولي عشة جوعان يامسلمين

حكيم : اكل برا

نزار : ما شبعت من المزة

فاروق : لا مشبع

نزار : الايدة بالعرك مو مثل الايدة بالكوكتيل

نرمان : خربنة من الضحك حتة حكيم ما اتحمل حط ايدة على حلكة ويضحك

فاروق : لا تبجون ما اريد عشة

نرمان : حلكي اشنج من الضحك شوية ومنشوفة غير كام يتقيء شي بسيط واختنك وجهة صار ازرك وعيونة طلعت من مكانها ركضو علية حطة حكيم بحضنة

حكيم : فارررررروق فاررررررروق تسمعني

نزار : اخابر الاسعاااااف

حكيم : افتح حلكك

نرمان : فتح حلكة وانكلبت عيونة حكيم تخبل فوت اصابيعة بحلك فاروق للاخر كبل كام يزوع واتخربط بس لون وجهة تغير صار اصفر

حكيم : نزعة قميصة

نزار : اي

نرمان : نزعو القميص وشالة حكيم وطببة للحمام ثواني وصاح

حكيم : جيبلي ملابس

نرمان : ركضت الغرفتة طلعتلة ملابس من الكنتور وديتلهيا .. اخذهن مني وكال ..

حكيم : نزلي جوة

نرمان : بس خل انضف الصالة

حكيم : لا لا انتي معليج نزلي اني انضفة

نرمان : هزيت راسي براحتك ..

حكيم : تكدر تمشي !

فاروق : لا

حكيم : اخذك للمستشفى

فاروق : لا اريد انام

حكيم : شلتة من جتافة طلعتة برا بملابسة الداخلية المبللة .. طببتة للغرفة ابدلك

فاروق : لا اطلع اني ابدل

حكيم : كمل وصيحلي .. ذني هدومك .. طلعت انتضرة برة

نزار : خاف يصير بي شي

حكيم : لا تفاول علية

نزار : اصيح نجاة تنضف الصالة

حكيم : نضفها انتة

نزار : بصدمة .. اني ايع

حكيم : اروح يمة واطلع الكاها نضيفة

نزار : لا بروح ابوية لا اسوي هيج

حكيم : عفتة وطبيت سديت الباب لكيتة مبدل ومتمدد جريت كرسي وكعدت كبالة شابك ايدي .. الى متى !

فاروق : معليكم بية

حكيم : يا طريق اسلكة وياك بعد !!

فاروق : ميفيد

حكيم : بطل الشرب الزم درب ربك واني اعينك لا ادمر شبابك اذا متت منو راح يفيدك

فاروق : انتة مو لازم درب الله مرتاح ؟

حكيم : المؤمن مبتلى احتمال اني ما مرتاح بس الله ضاملي شي بيوم من الايام يبكيني فرح ويعوضني عن كل الايام الماضية حلاة الفرحة بالصبر

فاروق : ما اكدر ابطل اخفف

حكيم : موافق .. خفف وراها اني وياك حاول تترك

فاروق : وبت الجلب ما اريدهة

حكيم : متريد تزوج ! يصير عندك مزعطة تربيهم وتكفخ بيهم

فاروق : من هاي الصفرة .. لا

حكيم : شبيها .. اذا على ردت فعلاها بتصرفاتك حقها لو انتة بمكانها وتخطب بنية واحتمال تحبها وفجأة تكاك ما اريدك شيصير بكلبك

فاروق : يتهشم

حكيم : خلص

فاروق : لك حكيم صلفة رعنة لسان دلالة من غير ابوها الطماع

حكيم : انتة راح تزوج ابوها ؟ وبعدين كل شخص يتحمل نتيجة افعالة

فاروق : الله كريم

حكيم : اعوفك ترتاح

فاروق : نام يمي

حكيم : كمت وجريت الكرسي رجعتة بمكانة .. ادنة

فاروق : هلا

حكيم : نمت بصفة مديت ايدي اتحارش بي كرصتة من من صفحتة

فاروق : اااااه يوجع

حكيم : ياساقط

فاروق : لازم كلة هيج انتة ونونو

حكيم : شايف نرمان من تنام ؟

فاروق : شبيها

حكيم : اصير جنها نجم

فاروق : ههههههههههه ليش

حكيم : تاخذ خاوة عالجرباية

فاروق : ههههههههه يمعود نرمان فقيرة اجيبها الايثار

حكيم : هاي يلة تقاوم المعيشة وياك

فاروق : له له له شماخذين نضرة عني

حكيم : كول شنو الما ماخذي عنك

فاروق : ادنة راح اوكع من الجرباية

حكيم : وين اروح .. انفتحت الباب

نزار : هاي شنووو استغفرلله ما اتوقعتها منكم صدك اذا كال المثل من الطكطوكي فوت ومن الخنيساوي موت

حكيم : لا تمسلت انزل جوة شوف نرمان وين ونجاة وين وتعال كلي

نزار : جايكم جايكم

حكيم : طلع وسد الباب

فاروق : شبيهن ذني

حكيم : متعاركات ونجاة طاردة نرمان من الغرفة

فاروق : نجاة هواي منطيها مجال زايد يرادلها جرت اذن

حكيم : خطية يمعود استخطيها

فاروق : دواها عندي .. انفتحت الباب

نزار : مرتك كاعدة بالصالة جنها شمعة فكر واختك خانسة بغرفتها فتحت عليها الباب لكيتها قافلتها ومن فتحتلي تارسة وجها مكياج ومبدلة

فاروق : طفرت من مكاني .. شعدها ساعة 1 باليل

حكيم : وانتة شعليك بنية بغرفتها

نزار : ما عجبتني نجوتة اليوم

حكيم : ارجع نام وانجب معليكم بيها

نزار : عبطوني

حكيم : شنو !

نزار : عبطوني .. حضنوني

فاروق : هية جرباية ام النفر الله واكبر

حكيم : سمعت صوت سحل التفتت شفتة يسحل جربايتة

نزار : صارت ام النفرين

حكيم : خرب عرضك .. كمت

فاروق : كيمو وين رايح

حكيم : انزل اشوف مرتي المسوية حجة

نزار : عود عبطها وارجع

حكيم : خوش .. طلعت من الغرفة نزلت جوة لكيتة تباوع تلفزيون وتاكل باضافيرها تقربت عليها بدون متحس وضربتها على ايدها

نرمان : اعوذ بالله متت

حكيم : لا تاكلين باضافيرج موزين

نرمان : اي اعرف

حكيم : كومي نامي بغرفتج

نرمان : ما انام بيها بعد

حكيم : خرب يومج اذا عاندتي .. عفتها ورحت الغرفة نجاة فتحت الباب عليها لكيتها نايمة ومغطية راسها بس حست بوجودي كمزت وارتبكت

نجاة : شوكت اجيت خرعتني غير ادك الباب

حكيم : عبالي نايمة

نجاة : لا جاي اباوع فلم

حكيم : شنو اسمة !

نجاة : اءء Queen

حكيم : هااا .. ليش طاردة نرمان من غرفتها وحاجية حجي ماصخ وياها

نجاة : جنت اشاقة وياها مو قصدي شي بس هية تتحسس زيادة

حكيم : نرمان .. تتحسس !! سحبتها من ايدها طلعتها برا للصالة

نجاة : تريد شي

حكيم : نامي بالهول

نجاة : ما

حكيم : نونو كومي نامي بغرفة نجاة

نجاة : شنو تنام بغرفتي لو تموت

حكيم : اشرتلها روحي ..

نجاة : اوكفي اوكفي

حكيم : نجاة اذا ماصيرين ادمية اعدل وجهج براشدي

نجاة : ممسويتلها شي

حكيم : يلة فرشي ونامي هنا

نرمان : طبيت الغرفت نجاة تمددت بفراشها احس مختنكة وعيب انام بمكان٧ا وهية برة مرت دقايق واحس الفراش يكرصني .. انفتحت الباب

نجاة : لا اصيرين حقيرة

نرمان : تعالي نامي بفراشج اصلا ما مرتاحة بي

نجاة : اسفة

نرمان : باوعتلها صفح .. عيب اطرديني

نجاة : اكلج شي بس متنطيني محاضرة

نرمان : كولي

نجاة : فلاح يريدني

نرمان : يحاجيج مو ! والله عرفت انتي مو خالية لج شوكت تفتحين هاذة واشغلي

نجاة : اهووو لاسوين سوالف حكيم لج والله كام يبجي من حاجيتة كطع كلبي

نرمان : دموع التماسيح

نجاة : ما ادري شوفي ادزلي

نرمان : طلعت صورتة لحيتة طولانة ويدخن .. يطبة طوب

نجاة : يكول يريد يرجعني

نرمان : يعني يعقد عليج مرا ثانية

نجاة : لا يصير طلاق رجعي اتوقع

نرمان : لا اني سامعة من نزار الطلاق الرجعي لازم اثناء العدة وانتي راح يصيرلج اكثر من سنة

نجاة : ما اعرف

نرمان : حكيم اذا عرف ينجلط

نجاة : انتي تقنعي

نرمان : مو لعب زعاطيط واقنعة

نجاة : تعالي خل انام ونسولف

نرمان : تمددت بصفها ضلينة نسولف للفجر صلينة ورجعت لفراشي مرت الايام عادية اجة يوم الجمعة كعدنة من الصبح انضف ونطبخ حتة عمة نهاد اجتي اساعدنة

اصيلة : خفن اديجن ما ضل شي وتجي العالم

نجاة : روان كلبي التمن راح يحترك

روان : شصير اني

نرمان : للضهر التمو كلهم بالديوان لابسين دشاديش كلش مرتبة

حكيم : تعالي نونو سفطي المي بالمجمدة

نرمان : تدلل

فاروق : خل اشوف بت الكلب تجي

حكيم : اخلاقك عدلها

نرمان : صارت ساعة 1 الضهر دكو على حكيم

حكيم : وصلو طبي جوة والغدة نص ساعة وصبو ما اريد اي غلط لازم كلشي جاهز

فاروق : شدعواك همة خلك طماعين

حكيم : بالشركات مالتك .. الصم وكوم خل نستقبل العالم

نجم : خاف انتة بكت نص الورث راح يكمل على النص الثاني ابو ايثار

باقر : افاا عليك هاذة عمي حكيم ابو الحق كلة

حكيم : لا اضل تمضرط نجومي بابا .. عمو باقر عود اكعد بصف عمك نجم وعلمة يسولف بالديوان

نزار : بممممم

حكيم : فتحت الباب واستقبلتهم دخلو للديوان ناس مبينين اجاويد .. الله بالخير

الكل : الله بالخير والصحة والعافية

راضي : هاذة ابني عاشور وهاذة محرم وهاذة باسط

نزار : ماعندك فرحة الزهرة

فاروق : دغيتة بروح ابوي لاجفص

حكيم : اتشرف بيكم على راسي

راضي : وذولة عمامها ابو مخلد وابو صابرين

حكيم : نورتونا اهلا وسهلا

نزار : همست .. محرم اخو المرة ههههههه

فاروق : لاتضحك عيب يمعود

راضي : والله بس احجي بيك وباستقبالك وجهك البشوش الطيب

نزار : همست .. جذاب شم ريحة الغدة

حكيم : خزرت نزار .. رحم الله والديك من طيب اصلك

باقر : عمو يكولون نصب

حكيم : اي بوية .. كوم نزار وياهم

نزار : محرم مايكوم ويانة من اسمة أمنت بي

حكيم : استغفرلله .. انتبهت على الولد كام يضحك طيح الله حضك نزار

نرمان : طبت البنية ويا امها وخواتها ثنين صغار جانت كلش حلوة عكس اول مرا جان وجها متهيج من القهر كعدت بصف امها مبتسمة

ايثار : اساعدكم بشي

نهاد : لا خالة ارتاحي البنات يقومن بواجبج

نرمان : كمنة نصب للنسوان وللزلم انخبصنة خبص

اصيلة : سون لبن وكثرن الحشو مال التمن

نرمان : اي اي

نزار : يلة وينجن محرم جاع

ايثار : اخوية !

نزار : لا محرم ولد صاحبي فقير يومية انطي غدة

ايثار : العفو .. اساعدكم بشي

نرمان : حبيبتي ارتاحي كملنة ماعدنة شي .. اخذ الصواني نزار وباقر يسفطون بيهن بالديوان تقريبا كملنة كلشي رحنة للهول وهم خلصنة غدة النسوان

اصيلة : تفضلو عيني

شروق : يزيد فضلج .. تعالي كعدي ماما لاتستحين

نرمان : ام ايثار كلش لطيفة وبشوشة ضلت طول الكعدة تحجي عن خواتها وبناتها

نجاة : ايثار انتي شنو مكملة دراسة ؟

ايثار : سادس بعدني

نرمان : اني رابع

ايثار : انتي شنو اصيريلهم

نجاة : هاي مرت حكيم اخو فاروق الجبير

شروق : يابعد كلبي بعدها صغيرة

نرمان : كلش اضوج من ينذكر هاذة الحجي .. دنكت اكل ساكتة

ايثار : وانتي

نجاة : اني اختة

ايثار : اشرف بيكم

نرمان : خلصنة الاكل ولمينة السفرة كعدنة بالهول نشرب جاي

نجاة : شلون تعرفتي على فاروق .. اقصد شلون خطبج

ايثار : خطبني عن طريق الاهل والصراحة جنت ما قابلة بس بعدين من سمعت ان هوة انسان متدين ويخاف الله ويصلي ويصوم وهم موضف ومناقصة شي وافقت

نجاة : فتحت حلكي .. منو هاذة !

ايثار : فاروق

نرمان : فاروق اخو حكيم ونزار ونجاة !!! لو غيرة

ايثار : اي .. ليش شبي

نرمان : صرنة وحدة تباوع للخ اني ونجاة .. مابي صح كلامج حتة صلاة الصبح ميفوتها

ايثار : الله يحفظة

نجاة : دغيت نرمان .. سمعتي الجذب

نرمان : اي عزة بعينة على هاي الدكة .. شوية وطب نزار لابس عباية مال شيوخ فوك الدشداشة

نزار : سولي درب

اصيلة : شبي هارون الرشيد

نرمان : فطست من الضحك يما بطني

ايثار : فدوة فاروق هم هيج مثل اخو

نجاة : لا وبعد احسن منة ذاك ماكو منة بالعالم بس فاروق والثاني عيب اكول اسمة

نزار : رجلج يريدج

نرمان : كمت طلعت ورا شفت حكيم واكف اباب المطبخ

حكيم : نونو صيلي للبنية خل تجي بالمطبخ وروحي اريد فاروق يشوفها ويحجي وياها

نرمان : حاضر .. رجعت للصالة شاورتها كامت للمطبخ

نجاة : اريد اروح اسمع

نرمان : عيب ولج

نجاة : غير اموت اذا ما اسمع

نرمان : كامت طلعت .. طلغت وراها وكفنة بالركن قبل الباب سمعنا طب صار صوت شحط الكرسي ..

ايثار : نعم !

فاروق : شلونج جلبة

ايثار : احترم نفسك

فاروق : منية كالت اطلع جلبة اذا اجيكم الجمعة

ايثار : اني

فاروق : لعد انجبي واحجي عدل

ايثار : وهسة شتريد

فاروق : لج اني كوة بالعج لا تزوملين كعدي

ايثار : كعدت وبعد

فاروق : تريدين نزوج

ايثار : ايع باوع شلون يطلب زواج من بنية

فاروق : ايها الارملة السوداء تقبلين الزواج مني

ايثار : لا

فاروق : يطبج هوش .. اتفقنة ويا ابوج الطماع العرس ورا السنة مال ابوي يعني شكم شهر بعد

ايثار : يادوب اجهز نفسي

فاروق : خفي علينة نانسي عجرم

ايثار : نانسي اليسا شي راجعلك حبيبي

فاروق : ولج انتي عليمن صلفة على ابوج

ايثار : تاج راسك ابوية

فاروق : صبريلي اذا ما اكسر خشمج وابجيج دم على كل حجاية ميطلع اسمي فاروق

ايثار : حووووش حووووش

فاروق : الة اردحج

نرمان : سمعنة الباب اركع معناتة طلع

نجاة : عزة ذولة شلون يعيشون سوة

نرمان : والله ما ادري .. فجأة طبت ايثار شافتنة عرفت نسنط

نجاة : شكد عيب

ايثار : يلة ميخالف اني هم فضولية

نرمان : طبينة للهول ..

شروق : يلة حبيبة كومي ابوج دك علية .. احنة نترخص منكم واشرفنة بيكم وانشاءلله اهل

اصيلة : اي والله اهل واعز انتو هلا بيكم شوكت متجون نحطكم على روسنة

نرمان : ترخصو وطلعو كلهم التمنة كلنة بالهول ..

فارو : جانت العالم كاعدة وما اكدر احجي .. فلوسي وين

نزار : اذا قصدك 3 ملاين مالتك مندري بيهن

حكيم : يا فلوس

فاروق : لاسون رواحكم غشمة ترة فلس ماكو بجيبي

حكيم : واحنة شنو

فاروق : وين راحن طارن

نزار : سبحان الله احتمال معجزة

حكيم : تريد تشرب

فاروق : لا اريد فلوسي

حكيم : مادري بيهن دورهن يجوز واكعات

فاروق : اضحكون علية انتو

نرمان : عافة حكيم وصعد فوك .. ضلو يتناكرون هوا ونزار مر اليوم فاروق بس يفرفح على الفلوس ثاني يوم باليل كاعدة بغرفتي انفتحت الباب شفت نجاة مبدلو وحاطة مكياج ومسوية شعرها

نجاة : ولج لحكيني اجة فلاح

نرمان : وين اجة ساعة 12 باليل

نجاة : ورا البيت واكف يكول طلعيلي اريد اشوفج

نرمان : سودة بوجهج واذا شافوج اخوتج

نجاة : بروح ابوج اوكفي راقبيلي خاف يجي احد

نرمان : معلية اخاف

نجاة : كومي ابوس ايدج

نرمان : لبست عباتي وطلعت وياها برة وكفت اراقب يم المكان الجنة نطلع منة للاسواق فتحت الباب وطلعت ضليت واكفة علما تعبت كعدت بالكاع من التعب مرت ساعة تقريبا وما اسمع غير صوت الصياح والمنطقة كلها التمت طبت نجاة ترجف وتركض ركضت وراها طبينة للبيت .. شكو

نجاة : الجيران عبالهم فلاح حرامي وكطعو تكطع وطبيت قبل لايشوفوني ولج راح اموت بس لا شافوني

مزرعة نرمان ارتب من حياتي

يتبع ...

نهاية البارت : بنات شلون المدارس فهموووني والثلاثاء بالتحديد بارت الحدث الجبير الي كلنة منتضري من اول بارت 😭😭😭😭😭 قنعو اهلكم الثلاثاء لازم اتابعون 💔

ملاحضة : نسيت احجيلكم نزلت مشهد من رواية الاخزم روحو اقرو وتعالو انطوني رأيكم ابدي بيها بعد قمة الحكيم

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

يريدونك تضيع وانتة نور بليل

وتموت من العطش يالماي يردونك

ويضيعونك عجيب وانتة مثل الريح

وين بيا مكان اتضيع يلكونك

مشوك بدرب ما مات جدمك بيه

وحتى اتضيع كلش شدو اعيونك

وغشو عينك وايدك مزنجلة ومجتوف

تهد هدة اسد لو ناس ينخونك

يل المغفي الجمر منقلة وبيك اتنام

وهمة رماد موكة ما يجوونك

اذا ظلك طلعته وظل وراك ايحوم

ابد لتخاف منهم ما يظلمونك

عاشرنة التعب والاه والحرمان

كلها لخاطرك ولخاطر اعيونك

_________________________________________

نرمان : لبست عباتي وطلعت وياها برة وكفت اراقب يم المكان الجنة نطلع منة للاسواق فتحت الباب وطلعت ضليت واكفة علما تعبت كعدت بالكاع من التعب مرت ساعة تقريبا وما اسمع غير صوت الصياح والمنطقة كلها التمت طبت نجاة ترجف وتركض ركضت وراها طبينة للبيت .. شكو

نجاة : الجيران عبالهم فلاح حرامي وكطعو تكطع وطبيت قبل لايشوفوني ولج راح اموت بس لا شافوني

نرمان : لطمت على رجلي .. عزة بعينج عبالج اخوتج مراح يدرون ..

نجاة : كافي سكتي سكتي اريدج تبردين على كلبي مو تحركي عزة بعيني امداني

نرمان : امشي غسلي وجهج وبدلي وسوي روحج نايمة اني هم تعبت اريد انام ورجاء بعد لادخليني بسوالفج اني مو حمل مشاكل

نجاة : هيج تتخلين عني واني حاسبتج اخت .. حبابة لاتعوفيني نامي يمي خاف يطب يكتلوني واني نايمة

نرمان : واني شسويلج الف مرة حجيت طلعت مو خوش ادمية

نجاة : لج نرمان جاي ارجف اختنكت ما اكدر اتنفس

نرمان : لزمت ايدها افرك بيها سمعت صوت الدرج نزل نجم يركض للشارع بدون ميباوعلنة .. لج طبي قبل لايلكفوج بهاذة البس والمكياج ويعرفون

نجاة : اي اي ..

نرمان : طبينة الغرفتها كبل راحت للحمام سبحت وبدلت وطلعت عيونها حمر

نجاة : بعد ما اعيدها يريدني خل يجي يحاجي اخوتي ويرجعني

نرمان : يا الله بدت تشغل عقلها

نجاة : لا اضحكين مالي خلك

نرمان : راح ارجع الغرفتي نعسانة اريد انام

نجاة : روحي

نرمان : رحت طبيت الغرفتي وسديت الباب تمددت بفراشي ونمت .. مرت يومين فاروق ميطلع من البيت سافر حكيم البغداد ونجاة رجعت لسوالفها ومكياجها ولبسها .. كاعدين بالهول نشرب جاي طبت نجاة

نجاة : نرمان وين جهاز الويفي

نرمان : صفنت بوجها مكياج مال عروس ولابسة دشداشة سودة ربع ردان قصيرة .. بالمجر ..

فاروق : شو تعالي

نجاة : ها شكو

نرمان : تقرب عليها لزمها من اذانها وزمخ بيها ..

فاروق : سوالفج صايرة متعجبني خاف اكو شي مندري بي

نجاة : شكو يعني فاروق وخر ايدك عني اخابر حكيم واسولفلة والله

فاروق : خوفتيني يمة كمت ارجف .. سمعي لج اذا متنعدلين واصيرين ادمية صدكيني ابچيچ دم

نجاة : هدني فاررروق شكد حقير انتة .. والله كمت اكرهك

فاروق : يطبج نعال .. انطيني مبايلج وروحي

نجاة : مبايلي !! لا ما انطي انتة مو من حقك تدخل بية وتفتش بمبايلي واذا فكرت والله اكلب الدنيا على راسك

نرمان : جر مبايلها من ايدها ودفعها كامت تبجي وترجف كعد مرتخي على القنفة يكلب بي ورافع حاجبة

نجاة : جيبة شبيك شكد متستحي تشك بية

فاروق : اشك بروحي وما اشك بيج نجوتة مو انتي مرت فلوحي لو غيرج

نرمان : ربع ساعة وشمر مبايلها عليها .. اخذتة وطلعت تبجي

نزار : تستاهل ولا مرتاحلها

نرمان : ضليت ساكتة واباوع عليهم صارو ثنينهم يباوعون علية ما ادري ليش .. حسيت من الخوف راح انطيهم مبايلي يفتشو

نزار : انتي عندي كعدة وياج

نرمان : اني

نزار : اي

نرمان : هزيت راسي وضليت ساكتة .. للعصر بدل فاروق وطلع ما رجع غير نص اليل سكران وجها وملابسة كلها طحين

نزار : هاي وين جنت تخبز

فاروق : اي كتلني الحر وجهي كسب

نرمان : كعدلت كعدتي مصدومة .. صعد فوك يطوطح

نزار : اشتغل خباز !

كمال : لا فاروق ميسويها

نجم : سكير وخباز كمت استحي اكول هاذة اخوية من ابوي

نزار : لا تكول خباز .. كول مهندس خبز ارقى

نرمان : اني تصبحون على خير مني

نزار : الله وياك ابو علي

نرمان : كمت فتحت الباب على نجاة لكيت بيدها جنطة سودة تحط بيها ملابس استغربت .. هاي شسوين بيها ؟

نجاة : جاي اطلع الملابس الما اريدها

نرمان : لج ذني ملابس مال نوم المن تنطيهن ؟

نجاة : يعني الفقراء ميلبسون هيج ملابس احسن ما مشمورات اوزعهن

نرمان : ثوابج غريب عجيب

نجاة : روحي باوعي سيونغ جو احسلج

نرمان : اي والله فديتة على الاقل ميسوي مكسورة ويجي يتبجبج .. عفتها وطلعت قبل لاترد طبيت الغرفتي كعدت على الجرباية دزيت رسالة الحكيم .. البيت وحشة بدونك .. شفتة مارد عرفتة نايم لان هواي يتعب بالشغل هناك ..

صباحا ..

نزار : كوووومي يمعووودة ام الغيرة اريد ريوك

نرمان : فزيت على صوت ركع الباب صدك يحجي ؟ .. كمت فتحتها .. ها

نزار : يلة لبسي حجابج وطكيلنة بيضات

نرمان : مسوي الروحك

نزار : افا مكنش العشم

نرمان : هسة جاية ثواني .. سديت الباب غسلت وبدلت باوعت للساعة 11 فتحت مبايلي لكيتة دازلي الفجر اكيد من كاعد للصلاة ..

حكيم : صباح الخير وليدي .. اعتذر جنت نايم .. اني زين اذا انتي زينة .. نونو كافي نوم اريد ارتوي بصوتج

نرمان : ابتسمت على كلامة الحلو .. دزيتلة .. كعدني نزار هسة .. شوكت تجي مشتاقتلك .. مارد طفيت مبايلي وكمت طلعت برة .. صباح الخير

اصيلة : ادري مشبعن نوم طابكات الصبح واليل نوم طيح الله حضجن

نزار : باجي انتي هم وكت الفراغ جربي تنامين .. لأن نوم الظالم عبادة

نرمان : سمعتها ادردم بصوت ناصي

اصيلة : عساك تروح بانفجار وميعرفون الحم من العظم

نرمان : انصدمت بكلامها واحترك كلبي شلون هيج تدعي علية وهاي مو اول مرة اسمعها تدعي هيج حتة على نجم مرات هيج تدعي

نزار : مكال شوكت يجي حكيم

نرمان : لا والله .. لعد فاروق وين

نزار : ما ادري طلع من الصبح

نرمان : ها .. طبيت للمطبخ حضرت ريوك بس الي والنزار عناد باصيلة .. طبيت للهول حطيتة كبال نزار شفتها كامت تلوب

اصيلة : متعرفين تكولين تفضلي ولو ما عايزة على اكلج الماصخ حشة نعمة الله بيض متعرفين تكلين

نزار : مجدي وخنجرة بحزامة

نرمان : باوعتلها ورفعت حاجبي .. كامت غمتني وطلعت كمنة نضحك ..

نزار : لاتكيفين صدك بيضة متعرفين تكلين

نرمان : فتحت حلكي .. مو صوجك

نزار : اشاقة وياك ابو علي

نرمان : اجتي ابالي نجاة ما شفتها اليوم سألتة .. وين نجاة ؟

نزار : يمكن بعدها نايمة دكيت الباب عليها ما كعدت

نرمان : استغربت نجاة لحد هسة نايمة .. خلصنة الاكل شلت الصينية وديتها بالمطبخ لكيت روان جاي تغسل البتها

روان : صباح الخير

نرمان : صباح النور .. اءء اسراء ما رجعت

روان : لا والله كمال مزوركها واهلها ميقبلون يرجعوها الة يجيب اخوتة كلهم ويردلها اعتبارها

نرمان : بكلبي كلت .. يا اعتبار هية غير جذبت علية وهمتة بطفل

روان : بس حطيلي جاي على النار اودي بتي واجي

نرمان : تدللين .. حطيتلها الجاي .. رحت انضف بالصالة صارت الساعة 1 الضهر ولسة نجاة نايمة

نزار : صدك تحجي بعدها نايمة روحي شوفيها خاف ماتت

نرمان : ذبيت البيدي وكمت فتحت الباب عليها شفتها نايمة ويمها الجنطة البيها ملابس متريدهن .. دغيتها .. نجاة نجاة كومي ساعة 1 الضهر

نجاة : ها بس ساعة وكعديني

نرمان : يا ساعة شنو البارحة سهرانة

نجاة : لا .. فاروق وين ؟

نرمان : طالع

نجاة : حبابة من يجي لاتكولين كدامة اني نايمة .. وطلعي وسدي الباب

نرمان : تقربت اريد اشوف شنو بالجنطة فزت ملختها من ايدي

نجاة : لا تتمادين طلعي برة

نرمان : امداني اذا احاجيج بعد .. طلعت من الغرفة اعصابي تفور قررت صدك ما احاجيها بعد لان صايرة كلش متستحي

نزار : شبيج مخنچرة

نرمان : مابية

نزار : نجاة كعدت

نرمان : ما ادري شعلية اني .. كمت طلعت وكفت اساعد عمتي بالغدة

اصيلة : حمسي البصل راح يحترك

نرمان : والتمن راح يعجن خل اصفي وانتي حمسي البصل

اصيلة : اريد افتهم شلون راح اصيرين ام بيت

نرمان : حاضر عمة راح اصفي التمن واحمس البصل بايد وحدة

اصيلة : عفية سباعية

نرمان : استغفرلله .. وكفت اشتغل للعصر وطب فاروق هدومة كلها طحين

فاروق : غدة غدة روحي ماعت من الجوع

نرمان : هسة دقايق واصبلك .. طلعت مواعين من الكوانتر كبل لكيت نجاة واكفة يم ميز الطعام

نجاة : اصبلة اني

نرمان : بكيفج .. طلعت كعدت بالهول .. شوية وطبت بيدها الصينية حطتها كبالة

فاروق : عاشت ايدج هيج اريدج

نجاة : وينة وين جاي تروح وتجينة جنك كيكة

فاروق : اشتغل

نزار : بصدمة .. تشتغل ؟

فاروق : لعد منين اصرف على روحي اخوك عبالة سباعية من فصلني من الشركة وباك فلوسي

نرمان : عزززة شلون عرف .. ؤعني انتة خباز

فاروق : اي اشتغل فرن مال صمون خاف ماعاجبج

نرمان : لا عاجبني ..

اصيلة : ليش هاي البهذلة اني اسويلك كليجة بيعها بالسوك

نرمان : من كالت هيج فاروق راد ينجلط كام يباوعلها بنضرة تخوف

فاروق : باجي اذا احجي اخليج سنتين ادورين قطع غيار الكرامتج

نرمان : صارو يتناكرون مر اسبوع واليوم يجي حكيم .. كعدت الصبح سبحت وبدلت وكفت على المراية احط مكياج بسيط .. سمعت صوتة برة يسولف وياهم ما ادري شجاني كمت ادبج عدلت حجابي وطلعت برة كلت .. السلام عليكم باوعلي مبتسم

حكيم : عليكم السلام

نرمان : شلونك .. طبطب على القنفة بمعنى تعالي كعدي هنا .. كمت صرت بصفة

حكيم : اشتاقيتلك ساقط ..

نرمان : اني هم

حكيم : خل نتغدة واخذك فوك

نرمان : عضيت شفتي مبتسمة

حكيم : فاروق وين ؟

نزار : طالع

حكيم : وين راح هم جاي يشرب

نزار : لا ابد بس اشتغل بفرن مال صمون حتة يطلع فلوس سهراتة يطلع من الصبح لليل يجي كلة طحين يسبح ويبدل ويطلع يسهر ومرات ميلحك يبدل يطلع بهدومة

نرمان : صفن حكيم بوجه نزار وضرب على رجلة

حكيم : صدك تحجوووون

نزار : وروح ام حسيبة

نرمان : ماتت

نزار : لا بعدها حامل

حكيم : انييييي ووووووين وانتووووو ويين .. بيا افران يشتغل

نزار : افران الزيتون الي براس الشارع

فاروق : السلام عليكم

حكيم : يشيلك الله ويركعك لك مصيرلك چارة فهمني مو راح اجلطووووني

فاروق : وصلتك السالفة

حكيم : ** عرضك .. فاررروق اذا ما اكسر ضهرك ميطلع اسمي حكيم

فاروق : ماعندي شي اخسرة

نرمان : طلع حكيم يسب ويلعن بي ركع الباب وصعد فوك رحت ورا اركض .. حكيييم اووكف دقيقة

حكيم : نززززلي نرمان عوووفيتي

نرمان : لا ماعوفك .. طب الغرفتة وسد الباب فتتت ورا

حكيم : عوفيني وحدي كلت ماااالي خلك بشر

نرمان : تخوصرت وكفت اهدء

حكيم : وابو فاضل اذا ماطلعتي اسوي شي ميعجبج

نرمان : يااا واني شعلية ترجع علية .. شفتة كام ينزع ملابسة ذب قميصة وفتح حزام البنطرون هم شمرة نزع فانيلتة وصل للشورت .. ضليت صامدة حتة يبطل

حكيم : يعني ماطلعين انزع

نرمان : زودتها ..

حكيم : عيشى تكصر العمر وياكم

نرمان : تمدد ولزم مبايلة ما ادري على منو دك سمعتة يحجي

حكيم : الو .. شلونك حجي .. الله يسلمك .. ما يأمر عليك .. تعرف اخوي فاروق الوسطاني .. اي المهندس .. يشغل يم ابو علي صاحب افران الزيتون .. اريد اليوم تحاجي يبطلة واي واحد بالمنطقة توصي ميشغل فاروق .. لا جرت اذن بسيطة .. جزيل الشكر

نرمان : سدة ولزم راسة بألم .. منو هاذة

حكيم : مختار المحلة

نرمان : ليش هيج اسوي ويا وتحاربة راح يكرهك ويعاند اكثر

حكيم : ميخالف خل يعاند متفرغلة

نرمان : بهل اثناء فتح الباب نزار ومد راسة

نزار : خل نخطف طارق ونضمة بغرفة عمتي اصيلة منا لما فاروق يبطل شرب

نرمان : ركعة حكيم بالكوشة .. سد الباب وطلع

حكيم : تنهدت .. ناري تعالي يمي

نرمان : رفعت حواجبي هئ هئ

حكيم : مو اكوم احصرچ

نرمان : نزعت حجابي وفليت شعري ذبيت الجبة ورحت يمة على الجرباية .. باوعلي بنضرة خبيثة وكال ..

حكيم : احنة مو عاقدين ؟

نرمان : لا عيني ما عاقدين تسمي ذاك اليوم عقد ؟ .. سحبني من جتفي وكعدني بحضنة صار ضهري على بطنة ومتنچين على الجرباية

حكيم : چا شسمة

نرمان : لعبان نفس ..

حكيم : شفطيني واجيب شيخ جديد يقعدلنة

نرمان : ادري بي يضحك علية .. انداريت تقربت علية

حكيم : مو اطوطين بأذني

نرمان : من كال هيج متت من الضحك .. لا بستة بخفة من خدة شفت وجها سنح

حكيم : بعد وحدة

نرمان : هزيت جتفي هئ ..

حكيم : بعد روحي انتي متمشين الة بالعين الحمرة

نرمان : كلبني وصار فوكاية صارت عيونة تفتر على جسمي دفعتة ارتد ليورا .. منحرف

حكيم : هاي منيلج بربوك

نرمان : من قبلة مرحة

حكيم : خوش جاي يعلموج سوالف .. چا ما علموج على القبلة المرحة مو انشكيت وروح هويدر

نرمان : عود بالحلقة الاخير اشوفها .. ضربني راشدي وقرب وجها من وجهي

حكيم : ميضر اذا نعتبرها اليوم الحلقة الاخيرة

نرمان : شلت راسي اريد اكوم .. لا ميجوز نحرك المسلسل .. باوع على شفتي ورجع راسي بيدة

حكيم : احرك ابوها

نرمان : صار قريب علية كلش .. كلبي صار خفقان رفستة برجلي لزمها وجر شعري مقربني الة همس

حكيم : اششش اليوم اريد اسبح من كل كلبي

نرمان : طخت شفتة بشفتي .. شهكت و باس شفتي الجوة بقوة لحد ما انكطع نفسي دفعت جسمة عني بخوف واني الهث

حكيم : اريدج نرمان اريدج

نرمان : كمت من الجرباية عاقدة حواجبي خفت من السوا .. سحبني من ايدي وقبض لمساتة على بطني باوع بعيوني ومشة ايدة على شفتي وكال ..

حكيم : اه يا سيدتي وانا أعرف طعم العرق المالح يجري من مساماتك ..والجرح الطفولي على ركبتك اليسرى

.. وهذا الوبر النامي على سلسلة الظهر .. كأسلاك الحرير

والدبابيس التي ترقد في شعرك ،والعطر الذي يستعمل السكين في الإقناع والنهد الذي يحترف القتل وجاهياً ..

ومازال على القتل صغير ..وأنا أعرف وقت المد والجزر ..وتوقيت الإعصار ..وأشكال النباتات ..وأسماء العصافير التي تنقر من ثغرك ..رماناً .. وقمحاً .. وتطير ..

نرمان : ركزت بعيونة الذبلانة حط راسة على صدري وحضني حطيت ايدي على ضهرة جسمة حار حسيت الغرفة صارت بوخة .. حجيت بصوت مبحوح .. اتركني

حكيم : ضلي وين رايحة ما شبعت منج

نرمان : فلتت ايدة من خصري جريت جبتي وشالي لبستهن شلون ما جان باوعت علية مسنح بوجهي ارتبكت وطلعت من الغرفة اتنفس سريع ..

نزار : شبيك ابو علي جنك مخروع

نرمان : لا مابية اريد انزل .. شفتة فتح ابرة ورفع تشيرتة حقن بطنة انقهرت علية

نزار : سكري صاعد بس لاتحجين كدام حكيم ما ناقصة

نرمان : ليش صاعد غير تبهرز بالاكل .. هز راسة وضل ساكت .. نزلت جوة لكيت الكل ضايجين ومنفخين .. رحت يم نجاة ..شكو

نجاة : مو على اساس متحجين وياي

نرمان : مو وكتج شكو

نجاة : تعاركو فاروق ونزار وصار دماية

نرمان : ضربت على صدري ليش

نجاة : فاروق انجلب علية

نرمان : خطية اكول ليش صعد سكرة

نجاة : اي .. راح اصعد اشوفة واجي

نرمان : طبيت الغرفتي وسديت الباب ذبيت جبتي صرت اتلمس جسمي مكان لمساته باوعت بالمراية على شفتي منفوخة وصايرة حمرة قشعر جلدي كعدت على الجرباية انعاد ابالي السوا كلة صرت اكشر وابتسم بنفس الوكت مشاعري ملخبطة .. شوية وانفتحت الباب

نجاة : لج ماعندج رصيد

نرمان : لا

نجاة : اوووف منو يجيبلي هسة

نرمان : تخابرين فلاح ؟

نجاة : لا بعد ما حاجيتة من يوم السالفة خل يولي

نرمان : ولا افهمج .. طلعت برة ضايجة .. سديت الباب وراها .. مرت الايام وفاروق صار ميطلع بس من يجتمعون يتعاركون حكيم التهة بشغلة وصارو الكل بكفة ونجاة بكفة .. الكل لاحظ عليها اتغيرت وصارت تنام بالنهار وتكعد باليل ومرات اسمع صوت طكطكة بالبيت وحجي بس اخاف اطلع اشوف .. خلصت العطلة واجة موعد الدوام من النصف الاخير من السنة ..

حكيم : صباح اليمون ياحلو يامزيون

نزار : غمزتلها .. صباح الغرام ممكن انستغرام

نرمان : ضحكت وصعدت بالسيارة .. نزوري اليوم تروح ويانة

نزار : اي .. سيارتي عطلانة

حكيم : جذاب يخاف عليها

نزار : لا شيلون غيبتي دنكول عطلانة

نرمان : وصلني للمدرسة والطريق كلة يباوعلي بالمراية .. نزع نضارتة واندار علية

حكيم : هاج بابا ذني مصرف الج

نرمان : اخذتهن منة وفتحت باب السيارة اجت تركض علية رغد قبل لا انزل

رغد : بذاتة اشتاقيتلج حتة مزرعة صايرة متفتحين

نرمان : نزل نضارتة نزار وباوعلها كال ..

نزار : مساء التوت تحبيني ولا اموت

نرمان : خجلت البنية .. نزلت من السيارة اشرتلهم بحركة.. باااي

رغد : شبي هاذة الولد

نرمان : ههههه .. حنون

رغد : جنة اهبل

نرمان : عزززة كون يسمعج

رغد : صدك هاذة زوجج وانتي حامل بحسيبة

نرمان : عضيت شفتي صخام .. لا يشاقة

رغد : لعد ليش رفضتو اركان انتي اضحكين علينة

نرمان : مو اني خطيبة حكيم

رغد : بصدمة .. هاذة الي يوصلج !!!

نرمان : اي .. هزت ايدها وعبرتني ومشت عرفتها زعلت .. ما درتلها بال .. طبت المدرسة شرحت الدرس دك الجرص فرصة ما اشوف غير التمو علية البنات

بنين : صدك انتي مخطووووبة ؟

رهف : خطية ليش اهلج زوجوج بهاذة العمر انقهرت عليج

نرمان : عادي شكو بيها لا اول وحدة ولا اخر وحدة ازوج صغيرة .. سألني الف سؤال وراحن .. صرت اعصاب رحت على رغد .. انتيييي منوووو كلج تحجيييين

رغد : يمعودة اصلا كلها شاكة بيج ادورين ولد اذا يومية يوصلج واحد

نرمان : شكد ادب سز وسافلة

رغد : هاي عليمن لج قندرة امسح ببج الكاع بأذن مني للبنات

نرمان : اجمعو علينة يفزعن الرغد .. عفتهن وطبيت للحمامات كمت ابجي دك الجرص وما طلعت من الحمام

المنضفة : منو هنا !

نرمان : اني

المنضفة : طلعي جاي انضف

نرمان : طلعت غسلت وجهي .. رجعت للصف

المدرسة : وين جنتي

نرمان : بالحمام

المدرسة : مو بكيفج اطبين درسي وكت ميعجبج اخلص الدرس وتعالي

نرمان : كزيت سنوني ودي الزمها املخها .. طلعت كعدت على مسطبة بالساحة .. مرت الدروس واني على اعصابي .. صارت الحلة طلعت من المدرسة شفت حكيم واكفلي .. صعدت بالسيارة مغندبة

حكيم : تمغطت .. شلونة يومج

نرمان : ززززفت وبعدددد ما اداوم اريد ابطل خوش .. كمت ابجي بهستيريا .. لزم فكي عاقد حاجبة

حكيم : شبييييج منوووو وياج

نرمان : محد وياي رجعني للبيت مخنوكة وبعد ما اداوم اريد ابطل .. ساق السيارة وضل ساكت الطريق كلة ابجي واشهك وكف يم مخبز جاب خبز وصعد وصلني للبيت

حكيم : نزلي

نرمان : نزلت وجريت جنطتي ..طبيت للبيت امسح بوجهي

اصيلة : شبيج منو وياج

نرمان : محد عوفوني

نجاة : متعاركة بالمدرسة !

نرمان : هزيت راسي اي "

حكيم : ويامن

نرمان : رغد .. فضحتني بالمدرسة اني مخطوبة والبنات كلهن التمن اشكال سمعني حجي ورادت تخليهم يضربوني وفوك كل هاذة المدرسة طردتني لان اتأخرت على الدرس

فاروق : واحطها واطلع مصارينها عليمن تبجين لاصير دمعتج رخيصة

حكيم : رغد اخت اركان ؟

نرمان : اي .. عفتهم وطببت للغرفة قفلت الباب وطبيت سبحت وطلعت امشط بشعري .. كملت وتغطيت ونمت .. للعصر فزيت على صوت فتح الباب عرفتة حكيم ضليت على نومتي سمعتة سدها وحسيتة كعد على السرير كشف وجهي

حكيم : جمرة افادي .. نايمة ؟

نرمان : ضليت مغمضة وكلت .. اي

حكيم : ههههههه هاي نومة بربوكية

نرمان : سحب ايدي وعض اصبعي الوسط .. اوووي

حكيم : ناري .. تنهيدة منج اقدملج روحي على ايدي

نرمان : ابتسمت بس مافتحت عيوني .. لحد ما حسيتة لبسني شي شلت راسي فاتحة عيني .. باوعت على ايدي بيها حلقة ذهب

حكيم : جنت مقرر البسجياها كدام العالم كلها بس ما اتحملت اشوف دموعج .. نرماني لا تخلين وحدة تقلل منج او تستهزاء بشي انتي تملكي وتحبي اعرفي هاي تتمنة تملكة هية بدالج .. لاتخلين اي شخص يهزج .. هية لو صدك ما عاجبها وضعج ميحترك دمها وتخليج ابالها وتنشر الخبر وضوجج

نرمان : بعد ما انزع هاي الحلقة حلوة اجنن

حكيم : تؤ تؤ ينكطم اصبعك اذا تنزع

نرمان : وانتة حلقتك وين ؟

حكيم : چا غير الحلقة على العروس

نرمان : مو تدلل .. كمت من الجرباية فتحت حلقة المفاتيح مال كنتور ورحتلة .. جيب اصبعك

حكيم : والله لانعل ابو شكلچ

نرمان : تؤ تؤ ينكطم اصبعك اذا تنزع

حكيم : ابوس نهودك

نرمان : منحررررف ..

نجاة : نرمااان انتي هنا .. فتحت الباب

نرمان : كعدلت كعدتي وتحمحمت

نجاة : العفو ما ادري بيكم

حكيم : تعالي حبيبتي طبي

نجاة : عبالي نطلع اني ونرمان بالحديقة نكعد

حكيم : تريدون اليوم اطلعچن .. ترة ادري مقصر بحقكم

نرمان : اخخخ اريد اشتم هوة

نجاة : لا اني ماريد اطلع

حكيم : اول تالي نجاة نجاة متريد تطلع

نرمان : باوعتلها مستغربة خزرتني

نجاة : والله كنتوري هوسة اريد ارتبة ومتابعة فلم يبدي ساعة 9 اريد اشوفة خليها غير مرة

حكيم : بكيفج اني اخذ نمنومتي واطلع

نجاة : تتأخرون ؟

حكيم : ما معلوم

نجاة : مو حتة اذا تتأخرون اتعشة واذا تجون من وكت اجيبولي وياكم

حكيم : بوية يطلابة النسوان .. تعشي وانجيبلج يلة

يتبع .....

نهاية البارت : اليوم بارت وباجر هم راح انزل تكملة .. علمود متسهرون وراكم دوامات .. اذا كملتو قراية روحو للرواية النزلتها جديدة بحسابي الاخزم صوتولها وانطوني رأيكم بالتعليقات احببببكم .. ويارب سنة خير عليكم وتقضوها نجاح وتفوق