تحميل رواية «على قمة الحكيم» PDF

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تابعوني انستا duu_199 ادخلو الحسابي الرابط بالصفحه

اتنسه على وجهك وارد اشوفك ..

تجي لو بالطفل تطلع حروفك ؟ ..

يازين يامعدل يهيبه يلتسوه وادمنه الجريبه

يلتسوه تنكصلك كصيبه ... !

_________________________________________

_ ها تغديتو بدوني اليوم جان انتضرتوني .. اشرتلي نجاة اسكت ماعرفت شكو باوعت على عمو الي العرك يزخ منه والدنيا بارده رفع عينه خازرني .. شكو شبيكم

حكيم : انطيني مبايلج نرمان

نرمان : بدون تردد انطيتهيا استغربت تصرفه .. ضل يكلب بي ساعه كمت الوب اخر شي حطه بصفه ورجع يلعب بمبايله فتح صوره الي بمكالمه فيديو فاتحه كامرا ويا واحد مغطي وجها بس لحيته مبينه فتحت عيني على وسعها ولطمت على صدري وال قبل ما اكمل الحجايه صفكني راشدي

_ لزمت وجهي ورفعت راسي اباوع بوجوهم متتفسر .. نزلت دمعتي .. حجيت والرجفه ماخذتني .. مو مو اني كعدت بالكاع ابجي جر مبايلي ومبايله وطلع باوعت على نجاة ..

" نجاة مو اني والقران انتي شتعرفيني عليج الله احجي

نجاة : ما ادري اسكتي خل نشوف هاي المصيبه منين اجتج .. تقربت عليها لميتها الحضني وهيا تبجي وترجف ضلينه منتضرين حكيم لليل ما اجه لا هوا ولا نزار بس فاروق اجه وكبل راح الغرفته للوحده باليل طب حكيم ورا نزار

حكيم : راح احجي وكلما اجذبين تاكلين نصيبج

نرمان : اباوع على وجها الينفض دم صرت اختض مثل السعفه عمووو والله ماعرفه وروح ابويه ماعرفه

حكيم : عصرت وجها بيدي .. عندج مبايل ثاني ؟

نرمان : هزيت ايدي بخوف ابعده عني .. كام يعصر فكي بقوه حسيت سنوني راح اطك

حكيم : واذا لكيته

نرمان : لزمت ايده اوخرها .. اذبحني اذبحني اذا لكيت عندي شي

حكيم : امشي .. سحبت ايدها ونزلت بالدرج

نزار : امشي هاذه مخبل وين راح ياخذها

نرمان : طبينا للبيت كلها نايمه فتح باب غرفتي وطببني وركع الباب كبل انفتحت ودخلو نزار ونجاة

نزار : عوفها حكيم شلك عليها اذا صدك عدها شي انطيها لامها وسد السالفه

نجاة : اي والله حرام عليك لا تئذيها وانته محرم عليك حته تلزمها انته مو تخاف من الله ابوس ايدك عوفها .. كمنه نحجي هيج بلكت يعوفها منشوف غير فتح كنتورها وذبه كله بالكاع كام ينبش بغراضها ماخله مجر لو كومدي حته الدوشك شاله صار مثل المخبل طب للحمام شمر فرشت اسنانها وغراضها يدور حته بزرف الحايط

حكيم : ولججججج وين حاطته ووووووين

نرمان : والقران ماعندي وروح ابويه

حكيم : شلون شلون لعد هاي الصوره منين اجتي والمحادثات لج نرمان ليش دستي على شيبت الخلفوني بالنعال وماهمج

نرمان : عمو والله ماسويت شي .. باوعلي بنضره وقبض ايده وضربني بجتفي .. حجه من بين سنونه .. امشي نزار اطلع

نزار : طلعت واجه ورايه كال النجاة

_ فتشي جسمها خاف ضامته بجسمها

نجاة : طبيت وسديت الباب .. ولج احجي ما افضحج صدك عندج مبايل ثاني

_ لا والله ليش مصدكوني وين اخلي قابل .. شلت تشيرتي شوفي والله ماعندي شي نجاة لصيرين ويا وجذبيني والله راح اموت تعبت تبعت ارحموني

نجاة : مصدكتج اسكتي .. طلعت يما .. كلشي ماكو ماعدها تريد جيب قران اني احلف بمكانها غير مكابلتني من الصبح لليل شوكت تخابر يعني

حكيم : لزم راسه بألم ما اعرف اني هاذه المخبلني انداريت سمعت باب غرفه اصيله اطكطك همست اششش تقربت يم الباب رجعت تفتحها على كيفها وتمد راسها بس شافتني رجعت ليورا ولزمت كلبها

اصيله : يما اسم الله الرحمن وكفت كلبي

حكيم : شدسوين

اصيله : سمعت حسكم يم غرفت بت اخويا طلعت اشوف شكو

حكيم : ها كلتيلي .. اكلج باجي اريد مبايلج اخابر بي ماعندي رصيد

اصيله : اني هم ماعندي رصيد

حكيم : دجيبي خطي متوقف اشدلج كرت واخابر بي .. شفته كامت تئتئ وتتلفت طبت للغرفه تريد تفتحه طببت وراها سحبته من ايدها وطلعت امشي

اصيله : وووين ماخذه اوكف اوكف حكيم يما اوكف

حكيم : هسه ارجعه صعدت فوك وسديت الباب وهيا اصيح وادك بالباب فتحت مبايلها دخلت على الوتساب شفت رسائل من هادي اخو اسراء استغربت بينها وبين هل زعطوط كلام فتحته وجانت رسائل ممسوحه باقيه اخر محادثه مكتوب

هادي : شوكت اجي اخذهن

اصيله : بس تاخذها امها انطيكياهن وفوكاهن حبه مسج

هادي : اوك

حكيم : من قريت المحادثه شاغت روحي للسما .. لزمت اعصابي ونسخت المحادثه ودزيتها المبايلي سويتلها تسجيل مكالمات و طلعت انطيتهيا بكل برود صعد نزار راويته المحادثات

نزار : وهسه شراح اسوي .. ترا احنه ما متئكدين خاف ميقصدون على نرمان

حكيم : اني اعرف شسوي .. كلشي لتحجي هسه

_نزل جوه نزلت ورا طبينه الغرفت نرمان كاعده تبجي وجها صاير ازرك من القهر

حكيم : دخلت على حساب الفيس مال هادي وفتحت صورته .. تعرفين هاذه ؟

نرمان : غيةني مغوشه من البجي ماكدرت اميز .. لا

نزار : باعي هاذه جنه ابو الاصبع ركزي

نرمان : مسحت عيوني .. شكله مو غريب عليه حجيت بصوت مشحوط .. اي شايفته

حكيم : ووين

نرمان : يمكن بعرس نجاة .. اي اي هاذه الولد هادي الي نسه مبايله بالمطبخ .. كبل عمو ونزار صارو واحد يباوع على الاخ

حكيم : شلون شفتي وين

نرمان : اجه سئلني شسمج وشنو اقرب لحجي فاضل وو

نزار : يمعوده وشنو احجي

نرمان : و راد يتحارش سوالفه هيلك

حكيم : كزيت وشمرت المبايل على الجربايه .. ليش ماحجيتي بوكتها

نرمان : نصيت راسي .. كمت الوم روحي الف مرا لان ماحجيتله وهوا وصاني شيصير احجيله .. اخخ لعد لو يدري بمصطفى النذل

حكيم : وين صفنتي .. نرمان ليش اضمين اني شكايلج هاذه العرفته اويلي على الماعرفه

نرمان : لا عمو كلشي ما ضامه

حكيم : هزيت راسي اي اي .. من نسه مبايله الخنيث شسويتي

نرمان : رحت وديتلهيا للحديقه

حكيم : غمضت عيني .. ياصبر ايوب واني بيومها شحجيت

نرمان : كمت ابجي خنك خفت من ردت فعله

نجاة : يعمي شنو هوا السوا هيج

نزار : اي يمكن لان لكينه محادثه بمبايل اصيله .. باوعت على حكيم خزرني

نرمان : بصدمه يعني عمتي هيا السبب ؟

نجاة : الله لا يوفقها ان شاءلله

حكيم : عفتهم وكمت طلعت كمت اعيد الصوره الف مرا واني ادور على اي شي يدل على شكي لفت نضري عيون نرمان مكحله اني ماشايفها مكحله بس بالحنه قفلت الجهاز لان حسيت راح اتخبل انتضرت الصبح بفارغ الصبح كمت من فراشي بدلت ونزلت جوا تضاهرت الهدوء امامهم

اصيله : بنوات اليوم طبخن جثير عدنه خطار

حكيم : خير منو

اصيله : خطيه ام نرمان تجي عليها بعد تاخذها طلابه ضاله يمنا

حكيم : قبضت ايدي لحد مابين بياضها اريد اسيطر على هدوئي

_ للضهر شفت نرمان طلعت لامه غراضها ومبدله كعدت بالهول تباوع عليه وتنصي ما انكر هاذه الموقف خلاني انكسر اكثر منها

نجاة : بدموع .. يعني تعوفيني نونو هاي هيه

فاروق : كولي يا الله وكومي رجعي غراضج المكانهن وين موليه منو بعد ينام يم حكيم من يخاف باليل

نجاة : من يمي خفت من نضره حكيم الفاروق تقريبا ضل البيت متوتر للعصر جان تندك باب الهول كام حكيم فتحها ..

_ وانشوف ام نرمان ضلينه صافنين واحد بوجه الاخر وجها استغفرلله حواجبها تاتو وحلكه منفوخ والحمره حمره لابسه جبه سوده كصيفه بارزه بطنها الحامل وطالعه من جوه دشداشتها صفره واكفه اطك بالعلج بس شافت نرمان تفلته بيدها وراحت لزمت وجها تبوس بيها

نرمان : جانت اكبر صدمه الي شوفتها بهاذه المنضر دفعته عندي وابتعدت واكفه على صفحه سويت نفسي ما اشوفها لزمت نفسي ما انزل ولا دمعه من عيني على منضرها المخزي

عواطف : يما بنيتي حبيبه شبيج هيج تعاملين امج المشتاقتلج

نرمان : اني ماعندي ام ماتت ويا ابويه

عواطف : باوعت على اصيله ولج شمسويه بالطفله هيج تحاجي امها

اصيله : سئلي الوالي مالتها اشرت على حكيم .. اني مالي غرض بيها البت موش ربات ايدي

عواطف : وهاذه منو ولج البنيه غير عندج

نرمان : هاذه ؟ هاذه امي قبل لا اصيرين انتي امي هاذه حن عليه وحبني وداراني هاذه مالطلطني ولا شمرني من بيت البيت سوالي غرفه وسواني ادميه مثل البنات خلاني من احلم اتئكد راح يتحقق دام هوا موجود بحياتي

عواطف : يما واني شنو غير امج اني جبتج شعفتج سنه ونص ؟ اجي الكاج هيج تعامليني

نزار : يمعوده هنه سنه ونص فد نمونه

اصيله : خزرت نزار .. خل نتغده وكعديلج شويه وروحي هم وراجن طريق

نجاة : كعدت امها على التخم تكلب بعيونها

حكيم : اي ام نرمان شلونج شلون صحتج بعد وفاة رجلج الله يرحمه شذكرج بتج

نزار : شلون صحتها دشوف بطنها القالون منفوخ على فراك بتها

عواطف : حجت بنعومه ولزمت بطنها .. لا حامل باوعت على نرمان .. ان شاءلله يجيج اخوج نبيل بالسلامه

نرمان : انشك كلبي بحجايتها حامل ؟ اذكرت ايامها ويا ابويه شكد جان يحبها وروحه بيها كمت اردد بداخلي واعصابي ترجف الله يرحمك يابه الله يرحمك يابه

حكيم : وهسه وين كاعده انتي

عواطف : ويا رجلي بشقته

حكيم : هزيت راسي .. وتريدين تاخذين نرمان بشقه رجلج ؟

عواطف : لعد وين اوديها

حكيم : بويه شفتي بتج ؟

عواطف : اي

حكيم : اطمئنيتي عليها

عواطف : الحمدلله

حكيم : يله ضربي الغده وتوكلي

عواطف : شهكت .. يا هاي طرده اني اخذ بتي واطلع شنو عايزه على غداكم اني ..

حكيم : الله بالخير عليج ام نبيل .. ماعندج بنيه عدنه

عواطف : شنو هاذه الحجي كومي يمه كومي

نرمان : كمت وياها وكفت .. سمعت عمو زمخ بيه

حكيم : طبي الغرفتج نرمان

عواطف : رفعت ايدي كباله ولك انته منو شرايد

حكيم : نزلي ايدج قبل لا اكسرلجياها شنو هسه اذكرتي عندج بنيه وين جنتي لعد من **** وشبعتي اذكرتي عندج بنيه

نجاة : منشوف غير رفعت ايدها وضربت حكيم على صدره

عواطف : ولك انته شكد ك**** اني تحاجيني هيج

نرمان : وكفت بنصهم اخاف امي تجاوز اكثر على عمو حكيم ضل ساكت وعيونه تنفض شرار ثواني وانصفكت امي راشدي فر وجها فر التفتت عليه .. لا عمو عوفها اروحلك فدوه

حكيم : طلعي برا ام ****

عواطف : وكعت بالكاع الطم .. ولج اصيله انطيني بنتي اريد اخذها وروح ساعت السوده الطبت هاذه البيت

اصيله : انه عمتها وهاي امها انطيها البت خل تروح انته شلك غرض بيها

عواطف : وحك العباس اخذها منك برضاتك لو غصبا عنك منو يمنعني انته ارفع عليك دعوه واخيسك بالسجن واخذها غصبا ما على شواربك

فاروق : خلصتي ؟

عواطف : تخوصرت .. اي

فاروق : كومي غسلي

حكيم : يله توكلي رفعي دعوه وعود انطيج بتج غصبا على شواربي

نرمان : كااافي عمو خليني اروح ويا امي لسون هيج بيا كافي تعبت اني من البدايه المفروض ما اجي هنا

حكيم : طبي الغرفتج بلا حجي زايد

عواطف : البنيه تريد امها والكاظم ماخليها يمكم عبالك ماكو زلم بضهري يشكون حلوك

نزار : خل يشكوج بالاول

نرمان : طلعت من البيت تبجي وتكمش بيدي

عواطف : حبيبه امشي وياي ذوله ميفيدوج لتبهذليني وتبهذلين روحج بالمحاكك

نرمان : فلتت ايدها من ايدي وطبيت جوه

لزمت راسي بوجع تهسترت لااااا لااااا هاي مو امي وين امي امي مو هيج مو هيج اريد امي بس مو هاي مو هاي .. تقربت نجاة حضنتني .. واني افرفح بديها لليل ضليت على وضعي ونجاة ما عافتني باتت يمي بالغرفه

نجاة : كمت سويتلها اكل وانطيتهيا لان من البارحه مماكله بس تبجي

_ هاج ياعيني من البارحه على لحم بطنج

نرمان : ماريد ماريد .. عمو وين اريد احجي ويا

_ ما ادري من البارحه ماشفته

_ اذا شفتي اريد احاجي اريد ارجع البغداد

_ صدك تحجين تعوفيني نونو على بختج

_ كافي تعبت نجاة .. ما مرتاحه على الاقل ذيج اسمها امي

نجاة : ضليت لليل اقنع بيها ورافضه اضل تريد ترجع الامها لحد ما سمعنه صوت صياح وهوسه برا طلعنه نشوف شكو

كمال : لج عبالج اخوج الك**** راح اعوفه الله لا يوفقكم نزلتو راسي كدام اخوتي ليش شضارتكم هاي اليتيمه هيج اسون بيها

اسراء : بجي .. وابو فاضل ما ادري شكو ولا الي ايد بالسالفه وانته تعرف هادي زين ميسوي هيج واني احلف بمكانه

حكيم : لا على الرسول الا البلاغ المبين انتو شفتو بعيونكم واصيله وهادي اندكو بعرضي شيصير اني ما مسؤل

نجم : انته وهادي امي مالها دخل

حكيم : رفعت ايدي ليفوك .. اني العليه اقدم العندي للمركز

كمال : وتسجن مرت ابوك هاي الما مترجيها منك

نزار : ميجوز عدكم رجال حقوقي بالعائله وميطبق القانون بحذافيره

نجم : ما انخلق الي يمس شعره من امي

نزار : خاب متنجب هيه منيلها شعر نمسه

نجاة : راح نجم لزم نزار وزنكه من تشيرته طب فاروق جره من كفا وشمره على التخم

نجم : ابن الدايحه

نرمان : من كال هاي الحجايه حطيت ايدي على حلكي من شفته شال نجم من دشداشته لزكه بالحايط وركعه بوكس على خشمه والمصيبه محد ادخل كلهم صارو عليه زوعو العافيه ومرته وجهال يبجون ويصيحون

كمال : يابه كاافي انعل ابو نرمان لابو الجابهه علينه منين اجتي

نجاة : صارت طلابه الها اول ما الها تالي محد وكع بيها غير نرمان موتت روحها من الخوف سحبتها الغرفتها وسديت الباب اسراء كامت تدعي عليه واصيله مارفلها جفن

_ حسبي الله ونعم الوكيل بيج شكد حاقده ثاني يوم اسراء راحت الاهلها والعرفته اخوها ساحلي الدوريه متهم بالابتزاز الاكتروني حكيم غلس على اصيله دب بكلبي دب احساس هاذه الهدوء ماقبل العاصفه

نرمان : هل فتره ماشفت عمو ولا حاجيته قربت تخلص العطله كمت اطلع من الغرفه انظف وذا جعت اكل وارجع كرست وقتي للقرايه كمت ارتب بالغرفه وانضف بيها الهي نفسي في سبيل انسى رجعنه للدوام واليوم اول يوم اداوم وهم استلم نتيجتي وداني فاروق استلمت نتيجتي

فاروق : بشري

نرمان : ناجحه

_ سحبتها من ايدها .. عفيه خوش درجات اليوم عمج يسرسح

_ بعدم لا مبالا صعدت بالسياره ويا وكفت اخذ خبز ورجعنه للبيت شفت سياره عمو بالباب عرفته راجع طبيت الغرفتي سبحت وبدلت وكعدت اقرا اندكت الباب لبست حجابي وبديا التراك ومديت راسي شفت عمو رجعت ورا الباب ها عمو تريد شي

_ اكدر اطب

_ اي تفضل .. دخل وضل واكف يباوع عليه من فوك ليجوه بجامتي كصيبه بس حجابي نازل ومغطي

_ ريحت الغرفه طيبه

_ اي ماسحتها معطر

_ احم جاي تقرين

_ بنتره .. اي .. رفع عينه يباوع بعيني ركز بيها وكال

_ امج رفعت دعوه عليه

_ بهتت ملامحي بخوف .. ليش رفعت دعوه

_ اطالب بيج .. ارتجه على الحايط .. تكول اني خاطفج

_ تلعثمت من الخوف .. لا عمو اني اخابرها تسحب الدعوه وارجع يمها

_ وتعوفيني ؟

_ طبعا ما انساك

_ لا حبابه انسيني

_ باوعتله صفح وجتفت

_ تعالي كعدي يمي

_ ماريد مرتاحه هنا

_ سحبتها من معصم ايدها كعدتهه بصفي .. صار ميفصلنا همست باذنها اسف واعتذر منج

_ التفتت صرنه وجه بوجه .. بحديه ماحب الاعتذار

_ شتحبين لعد

_ بتعدت عنه شبر .. دمعت رجعني الامي .. حط اصبعه على خدي مسحها

_ نونو

_ همم

_ اكلج اني خايف

_ منين

_ تمسكن وكال .. باب الحمام تنفتح من وحدها حضنيني

_ عرفته يقلد عليه كمت وكفت .. رفعت حاجبي حرام ميجوز انته كبرت

_ حبابه خاله بس اليوم وباجر رجعيني لاهلي .. كام تقرب عليه رجعت ليورا اركعت بالحايط صار كلش قريب عليه حجه بصوت مبحوح

_ .. نونو خلي الحرام يصير حلال

_ هااا ..

_ ابتعد وسحبني للسرير كعدي عندي حجي وياج

_ هزيت راسي وكعدت بصفه ..

_ احم سالفه تروحين تكعدين يم امج ويا رجلها كطنه وطلعيها من اذنج ..

_ شلون ع قاطعني

_ خل اكمل حجي بالاول .. انتي تريدين تعوفينه وتعوفين مدرستج وحياتج هنا وتروحين للذل برجلج ؟ لو اضلين هنا معززه مكرمه وانقل غراضج فوك يمي تعيشين ويصيرلج نصيب بهل بيت حالج حال عمتج والكل تحسبلج الف حساب

_ مافتهمت

_ تقرب وعينه بعيني .. يعني اصيرين حلالي

_ بصدمه تزوجني ؟

_ تمدد على الجربايه وجر نفس .. اي اتزوجج

_ حطيت ايدي على حلكي .. شلون يصير عمو

_ يا طلابه عمو المتخلص .. شوفي بعد عمج اخذج اضمنلج حقج ومستقبلج بهاذه البيت وبس ادخلين كليه ذاك الوكت لكل حادث حديث

_ ضليت صافنه لا اخذ ولا انطي

_ سمعتيني شكلت

_ شلون نزوج مو عيب ..

_ لا مو عيب شو انتي مطلعتلي سالفه عمو مادري منين شايفه الشيب مكسر بصدري

_ لا بس غير احترمك

_ جا تحترميني لو تب**** شبابي بعمو

_ عفيه رجعني لامي

_ رفع حاجبه تؤ تؤ

_ تسارعت دكات كلبي تقرب عليه عاقد حاجبه ..

_ شبيج منين خايفه .. ابقه عمج حكيم وتبقين نونو بيناتنه مو كدام الوادم .. بس خل اكسر خشم امج الك*** اله اخلي القاضي يعفطلها

_ عمو شلون ازوج بدون اهلي

_ يا اهل ؟ اني اهلج .. بالدين ابوج الوصي عنج ومن بعده جدج وانتي لا اب ولا جد تعتبرين وصيه على روحج امج ماله حق بيج اني الي حق بيج

_ بس

_ نرمان ماكو بس كتلج زواجنه بس ورقه كدام القانون اخيط بيها حلوك العالم واضمنلج مستقبلج بيها

_ شمر مبايلي على السرير وعافني وطلع .. ضليت مثل الثوله صفطت كتبي وضليت بالغرفه ماطلعت دزلي رساله

_ باجر بدلي شي مرتب

_ دزيتله .. ليش

_ باجر اسولفلج يلا نامي لضلين كاعده

_ حاضر .. سديته وتغطيت ونمت احس افكاري صارت وحده تركع بالثانيه ماعرف افكر اتذكرت من ضربني حقدت عليه ضليت اتكلب بالفراش نمت وثاني يوم دك عليه ساعه 7 الصبح فتحت خط قبل لا افتح عيوني

_ هممم مو كلتلي لداومين

_ كووومي ماضل وكت 10 دقايق والكاج مزروعه كبالي

سده

_طفرت من مكاني غسلت وبدلت وطلعت شفته واكف ونزار يمه صباح الخير

نزار : صباح النور .. شو مبدله

_ صعدت بالسياره ليورا .. ما اداوم اليوم

نزار : ليش بس لا عطله وماادري

_ لا مو عطله باوعت على عمو لابس نضاره شمسيه وبدل اخر اناقه وريحته سطرتني من الصباحيات حته معدتي كامت تكلب

نزار : شنو راح تعرسون شو احس روحي فلبيني بينكم

حكيم : اي راح اعرس .. وصلته للكليه نزل .. باوعت عليها بالمرايه .. تعاي بصفي

نرمان : نزلت بهدوء صعدت يما حرك السياره والطريق كله ساكت وكفنه يم بيت .. باوعت عليه باستغراب ؟

حكيم : راح نطب نعقد هنا يعني راح تسجلين شرعا وقانونا الي

نرمان : بلعت ريكي بخوف ونزلت .. طبينه يم رجال مو جبير كلش بالعمر كعدت و بده يحجي ويئكد اني موافقه واني مسئوله نفسي طلب من حكيم حضور شهور للعقد

حكيم : 5 دقايق ويمك الشهود

نرمان : ضل كاعد يباوعلي ويهز برجله .. توترت بشكل مو طبيعي لحد ما طبو ولد ماعرفهم سلمو وكعدو على صفحه حسيت راح اموع من الخجل بده يحجي السيد اخذ هويتي وهويت عمو وجناسي الولد الاجو كتب بياناتنه وكام يقره ايات وحكيم يردد ورا لحد ما سئلني

_ بنتي موافقه على حكيم فاضل هويدر

_ كمت اباوع بوجوهم اشرلي عمو اكول اي " .. احم اي موافقه رجع يسئلني اكثر من مرا واكرر الموافقه

السيد : بارك الله لكما وجمع بينكم على خير

نرمان : كامو كلهم يباركون الحكيم طلعنه صعدنه بالسياره

حكيم : شفتها كالبه وجها .. شبيج جافيه الجهره

نرمان : شلون تزوجني بدون ما ادري .. سمعته يضحك

حكيم : شلون بله ازوجتج بدون متدرين

نرمان : اني ما راضيه من هسه اكلك

حكيم : اوي اخ الله

نرمان : والله .. شلون تاخذ وحده تفتح كامره ويا صاحبها .. ماحس غير انكفخت

حكيم : ولج منين متعلمه هاذه الحجي

نرمان : مادري غير التفتح كامره ويا صاحبها

حكيم : باعي نوميه .. اني زلمه اليوم عرسي لتنغصينه عليه بداعت شواربج

نرمان : لزمت شواربي بخجل عزا صدك عندي شوارب

حكيم : غير ذنيج وياهن مخضرات

نرمان : صكيت سنوني استغفرلله .. مشينه بالسياره وصلنه يم مستشفى كمت ابلعم .. انوب شنسوي هنا

حكيم : نزلت وفتحتلها الباب لزمت ايدها وطبينه للمستشفى خابرت على الولد المتفق ويا يساعدني بالعقد ونطلعه بيومه اجه اخذنه سويت استماره وصلنه يم فحص الدم سحبو مني واجه دورها

نرمان : اخاف ماريد يسحبون مني دم

حكيم : متئذيج نونو الخاطري اتحملي

نرمان : لا عمو اخاف

المحلله : عمو شنو غير رجلج ؟ وانته شدعوه ماخذها هلكد صغيره

حكيم : خزرت نرمان وزمخت بيها .. يلااااا فضيها عاد

نرمان : كعدت وبدت تسحب دم اخر شي من طلعت الابره بجيت

حكيم : اششش سكتي عيب منا العالم

نرمان : اخذني غسلت وجهي وطلعت .. اريد ارجع للبيت

حكيم : لصيرين جاهله بس نكمل العقد وعود روحي

نرمان : بطلت ما اريد ازوج

حكيم : مو جاي نلعب .. قررت اوكل محامي يخلص العقد بدون ما اروح لان حسيتها تعبت وجاي اضغط على نفسيتها اخذتها ورجعنه للبيت

نرمان : نزلنه من السياره متوجهين الباب الصاله بس فتحها حط ايده على خصري مبتسم جانو الكل مجمعين بالصاله عدى اسراء ابيت اهلها من يوم سجن اخوها

اصيله : هلااا هلااا اطورنا وصار بيها لمسات باجر تحبلياها وجيبها

حكيم : وليش ما احبلها ؟

نرمان : التفتت عليه بصدمه الكل جانو يباوعوله باستغراب

كمال : عيب هل حجي حكيم لو شيصير تبقه نرمان عرضي وبت خالي

حكيم : قصدك عرضي ! نرمان مرتي شرعا وقانونا

_ الكل كامو على اثر هاي الكلمه الي خلتهم يصركعون واولهم عمتي

اصيله : لطمت على وجهي .. ولك مرتك سوده بوجهج اصيله اكيد صخمت وجها سوده بوجهج اصيله

نجم : شنو مرتك احنه هنا شنو ارانب

حكيم : اشرت على راسه .. فافون

نزار : صرنه واحد يباوع للاخ اني وفاروق

حكيم : طبي جيبي ملابسج حته تنورين بيتج

فاروق : اوكف اوكف شتلم انته صدك سويتها

حكيم : هاي امكان متكوم لخيك تباركله

اصيله : ركضت على نرمان ملختها من حجابها شكيته عليها

حكيم : لويت ايدها .. ما عاش ولا صار بعده الي يمد ايده على مرت حكيم

اصيله : ك**** حكييييم قصدك وابو فاضل ماعوفكم ووين العقد راوينيا لا ابلغ عليك

حكيم : استجني اصول .. كعدت على التخم وسحبت نرمان بصفي كعدته وحاوطت جتفها بيدي حسيتها مضايقه بعدتها والكل مصدوم على وضعه ابتسمت بخبث الهم .. همستلها .. كومي لمي ملابسج ولحكيني فوك باجر طالعين البغداد

نرمان : رجف جسمي من نضراتهم وكلام عمو ردت حجه حته اطلع من يمهم طبيت الغرفتي مختنكه لزمت صدري كمت اشهك سمعت صوت صياحهم برا قفلت الباب وكعدت بالكاع ابجي الحد ما اندكت الباب بقوه

يتبع ....

نهايه البارت : كلش اعصابي تعبت هاي الفتره بسبب الضغط واني مو بيتي طالعه خطار وما اكدر ارجع زوجي وامي سافرو قدرو ضرفي لا تلفت اعصابي كلش

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

هواي اثار ضلت بس الم لا

المخطط يسموني الكثرهن !

عندي جروح من التفت تلتاف

لن واحد بواحد صرت اشدهن ؛

. صباح الهلالي .

_________________________________________

نرمان : رجف جسمي من نضراتهم وكلام عمو ردت حجه حته اطلع من يمهم طبيت الغرفتي مختنكه لزمت صدري كمت اشهك سمعت صوت صياحهم برا قفلت الباب وكعدت بالكاع ابجي الحد ما اندكت الباب بقوه

_ كافي ما افتح عووووفوووني

نجاة : نرمان اني نجاة فتحي

_ خفت من صوتها فتحت الباب .. شبيج

_ لج نرمان ازوجتو انتي وحكيم.. وطكتها بجيه وحضنتني

_ عفيه نجاة مو وكتها اني تعبانه عوفيني

_ تعاي امشي اريد افكس عيون عمتج

_ لا اروحلج فدوه عوفيني طبت وسدت الباب ..

_ لج شلون ازوجتو شوكت فهميني يعني زواج رسمي

_ هزيت راسي

_ تدرين جان كل فكري بيوم من الايام حكيم يتزوج وحده مثل عمتج اصيله وتخلي يكرهنه ويتخله عنه

_ نجاة يا زواج انتي شتحجين كل هاذه علمود امي رافعه عليه دعوه لا اكثر ولا اقل

_ صدك شكد جلبه امج خاف ازعلين مني بس حرامات تسمه ام النفروض تسمه ام ****

_ اهوو شبيج انتي صرتي مثلهم

_ يو لزعلين حبابه المهم هسه انتي مرت اخويه واني حماتج .. سكتت شويه بس ما اتحملت رجعت عدت الموضوع .. احجيلي شلون ازوجتو

_ باوعتلها صفح وتمددت بفراشي تمددت بصفي

_ ولج حكيم داس ابطن اصيله وطبت لابويه سولفلتله حكيم ازوج بدون علمة ونجم وكمال هم طبو هداده يريدون يخشنون كلب ابوي على حكيم

_ رفعت راسي وشكال ابوج

_ ابتسمت .. باركله

_ ابتسمت ورجعت راسي على المخده حسيته اخذلي حقي منهم بدون ميلطخ ايده بدمهم النكس شويه واجتني رساله منه مكتوب

_ جيبي جنطه بيها ملابس التحتاجيها وصعدي فوك

_ دزيتله .. حاضر .. سديت المبايل وسرحت .. شلون راح اعيش وياهم شراح يفكرون اكيد عبالهم راح نسوي سوالف استغفرلله شكد عيب كدام نزار وفاروق اني ابات بغرفته

حكيم : صعدت فوك بس طبيت طبو ورايه نزار وفاروق

فاروق : انته شلون تزوج بدون علمنا احنه شنو هنا هااااا ترضه اروح ازوج بدون علمك

حكيم : اولا لتعلي صوتك ثانيا ماتزوجت زواج فعلي كل هاذه علمود الدعوه العليه وهم اخليها جوه جناحي

فاروق : انته لو تضحك علينه لو على الله انته مزوج بدين بالقانون مزوج وتعال كلي هاي بس انته تزوج علمود قضيه ؟ حكيم انته سلاح واحد تودي هديه الاكبر راس اسقط الدعوه بس من وصلت يم نرمان انسدت البوب كلها بوجهك ماعندك حل غير الزواج

حكيم : اي ماعندي غير حل الها

فاروق : قصدك الك ..

حكيم : الي الها شي ميخصك اطلع منها انته

فاروق : بس اذا ازوجت فديوم بدون علمك لاتزعل

نزار : انته هاذه الهامك تقارن روحك بحكيم بمكان مادور على اغلاطه وتحاسبه عليهن شوف نفسك اخر واحد يحجي ويا هيج شيريد يسوي خلي يسوي احنه المسؤلين منه مو هوة لتنسى منو ربانه وكسر ضهره علينه حتى نرمان هوة احق واحد بيها اجت هنا جنها ثوله كوعها من بوعها متعرفه

فاروق : انته لاصير شريف براسي ومن امد ايدي عليك تتخربط اذا بيك خير وصاير زلمه لاتوكع مثل النسوان

حكيم : لزمته من ياخته .. فاروق اذا بعد حجيت اطشر سنونك بحلكك .. شفت نزار عيونه صارن حمر

فاروق : وخر ايدك حكييييم

حكيم : شسوي بله ؟ .. وكف نزار بالنص

نزار : عوفه حكيم الخاطري

حكيم : هديته جر سويجه وطلع زمخت بي .. روحه بلا رده بس اذا رجعت سكران وحلكك جايف متلوم الا نفسك

نزار : عوفه يمعود عبالك يقهرني من يعايرني

حكيم : شبكته وبست راسه .. انته عندي بعز روحي اذا مو اعز

نزار : ابتسم .. ليش ما وكلتني جان مشيتلك بالمعامله

حكيم : هههههههههههههه اي وشتنطي للقاضي شهاده البكلوريا

نزار : ادري يعني هسه لازم احترمها بعد وما اصيحلها ابو علي ؟

حكيم : يسوه راسك ابو علي .. فتحت مبايلي دزيتلها رساله تجي يمي فوك لان باجر عدنه طلعه البغداد علمود اسقط الدعوه مال امها كعدنه بالهول شويه وصعدت هيا ونجاة

نزار : يابه مبروك منج المال ومنه العيال

نجاة : بالعكس يمعود

نزار : باوعت على حكيم .. والعباس مو قصدي

حكيم : ودي هدومج بغرفتي وروحن سون عشه ترا لا اني ولا هيه ماكلين شي

نزار : تغذيهه مو حته بعدين اطلعه من خشمها

حكيم : ضحكت على سوالفه .. لاصير سرسري كدامها ما اريد تطلع عينها

نزار : كثرولنه جرجير

حكيم : ركعته بالكوشه شو انته استهترت

نزار : لاجيبن جرجير

نرمان : خلصنه العشه مديت سفره وسفطنه الاكل وكعدت على صفحه

حكيم : متكومين تاكلين ؟

نزار : لا اني اعرف شتريد نونو .. احم نرمان خيتي تفضلي على العشه مدي ايدج لتستحين البيت بيتج

نرمان : ابتسمت وكمت كعدت بصف نجاة

نزار : شكتلك عبالك كعداتي على برامج ابو علي راحن بوله بشط غير كمت اعرف حته اطباعه .. خشن صوته وصاح قال معلمي

حكيم : كافي عليك الرضا خل نزقنب

نرمان : كعدت اكل ولازمه ضحكتي .. خلصنه شلنه المواعين غسلتهن نجاة رحت للهول كعدت يمهم نتفرج مسلسة نزار السخيفه

حكيم : اكلك شنو هاي هم مسلسل متابعهه وين القصه بالضبط

نزار : والله صارلي 100 حلقه مشتول اباوع على هاي ام الازرك حتى اسمها ما اعرفه

حكيم : ههههههههههههههههههه عمي صادق بس عوف الاتراك بحالهم

نزار : خليني على ام الازرك احسلي

حكيم : الله يهديك .. يله اني راح انام تصبحون على خير

الكل : وانته من اهله

حكيم : طبيت للغرفه وفتحت جهازي دزيتلها .. تعالي نامي انتضرج ورانه كعده .. انتضرتها شويه وطبت سدت الباب وضلت واكفه وراها

نرمان : اريد انزل جوه انام

حكيم : باجر من الصبح طالعين عليمن تنزلين

نرمان : ومن نرجع وين انام

حكيم : بكيفج المكان الي يريحج

نرمان : جوه

حكيم : الي يريحج بويه

نرمان : راح افرش بالكاع

حكيم : براحتج

نرمان : بقيت بحجابي وجبتي فرشت وتمددت بالكاع

حكيم : انداريت عليها .. اذا ممرتاحه نزعي مو حرام واصلا الغرفه ضلمه وما اشوفج

نرمان : لا عمو مرتاحه .. ضليت اتكلب بالفراش ممرتاحه بس اضاهر كدامه .. توترت كلش لان ما شال عينه مني اخر شي انداريت عكسه ونمت لان تعبت كلش اليوم

"ثاني يوم الصبح"

_ نرمان نرمان كومي اتأخرنا دغيتها بجتفها تكومين لو شلون بيج

_ عمو اريد انام عيوني مغوشه

_ كملي نومتج بالسياره كومي .. راح اروح للحمام ابدل وارجع الكاج جاهزه

_ استغفرلله .. ضليت الوب بالفراش ميخلي واحد ينام كمت اتذمر قفلت الباب وبدلت ملابسي لبست بنطرون اسود وقميص اسود وشال اسود دك الباب فتحته شفته مبدل وسابح بالعطر كلش معدتي تكوم تكلب من الصبح من اشم ريحة عطر

_ ها جاهزه

_ بس خل اروح للحمام واجي

_ ضليت كاعد انتضرها شويه وطلعت مرتبه شالها بس كله اسود باسود .. وين رايحه الفاتحه

_ لا بس احب هاذه الون

_ يلا امشي لتسين شي من غراضج مبايلج

_ ماناسيه شي طلعنه من البيت على كيف لان كلها نايمه صعدنه بالسياره ضل الطريق كله يحجي ويا واحد يوصفله الطريق لحد ما وكف يم مكتب دخل شويه وطلع بيده اوراق شغل السياره والطريق كله معدتي تكلب ولازمه نفسي .. افتحلي الجامه

_ نزليها من يمج

_ نزلتها حسيت نفسي احسن

_ تريدين نطبك ناكل بمطعم لو من نوصل للبيت

_ مو جوعانه

_ براحتج .. وصلنه البغداد قريب صلاه الضهر الطريق ازدحام صفطت السياره باب بيتي باوعت على نرمان منتهيه وجها صاير ازرك ولازمه بطنهه بوجع نزلتها من السياره طببتها للبيت

_ عمو وخر ما اكدر اشم ريحة عطر نفسي تلعب

_ امشي سندتها للحمام .. طبي سبحي وارتاحي طببتها وسديت الباب عليها جبت جنطتها وكفتلها بالباب دكيتها .. نونو ما خلصتي

_ اي كملت بس

_ بس شنو .. تريدين ملابس ؟

_ اي

_ فتحي الباب هاج

_ وجهي صار احمر من الخجل فكيت الباب مديت راسي بس شافني نصه راسه

_ هاج

_ اخذت الجنطه منه وسديت الباب طلعت ملابس لبست تراك زيتوني وحطيت شال اسود على راسي وطلعت شفته متمدد بالهول يتمغط

_ اذا تريدين تريكي اكو اكل بالثلاجه ما صار هواي من مسوك .. اني راح انام فد ساعه وكعديني

_ ضليت احوس بالبيت طلعت صمون وبيض وطماطه سويت ريوك وكعدته .. عمو كوم اكل

_ ماريد بالعافيه اريد انام

_ ما كوم بس اني اسوي بيه هيج سويت هواي بيض كوم

_ نرمان ولي لتكفريني اريد انخمد

_ تكوم لو اوكلك انته ونايم .. مارد .. سويتله لكمه شفته مغمض قربته منه فتح حلكه واكلها عض اصبعي

_ ااااه ااااه ااااه

_ هااا تخليني انام لو شلون

_ نام بس هدني .. هد اصبعي يضحك كام كعدل كعدته جر الصمون وكام ياكل وياي عالواهس صبيت مي بالكلاص شربته رفعت راسي شفته صافن بوجهي .. شبيك

_ لتخليني اصير ظالم لو اغضب الله بيج نرمان انتي تريدين امج

_ يعني لو اريدها تخليني اروح اعيش يمها

_ تخسين قصدي اسلمين عليها واشوفيها

_ ههه عمو امي ماتت ويا ابويا اصدك اذا اكلك من شفتهه ماعرفتها

_ هزيت راسي .. انتي مقتنعه بهاذه الزواج .. صدكي اني مراح اظلمج وياي واخليج على ذمتي ماريد بيوم تباوعين على شبابج اشوفي معدوم وياي اني اشيب وانتي اطكين وتوردين واصير ريحتج تفوح ابتسم .. الله كريم

_ مارديت استمريت اكل بهدوء .. خلص وكام شلت الصينيه وديتها غسلت المواعين ورجعت شفته فاتح مبايله يكلب بي

_ نونو عندي شغل راح اطلع عادي لو تخافين وحدج ؟

_ لا ما اخاف اضل

_ يله ما اتئخر ساعتين وارجع

_ هزيت راسي .. اخاف اضل وحدي بس كابرت علمود ليكول جاهله وجبانه شفته طب للغرفه بدل وطلع اخذ سويجه

_ اذا تتفلش الباب لتفتحيها ولطلعين بالطرمه بلا حجاب ومن ارجع اجيب غده وياي

_ ماشي .. طلع وسديت الباب ورا طبيت للهول ذبيت شالي وفتحت مبايلي اكلب بي لكيت رسايل من نجاة خابرتهه طمنتها انه وصلنه من زمان شغلت التلفزيون شفت فتح فلم استغفرلله كبل طفيته ضليت فاتحه حلكي وارمش .. كمت تمددت بالغرفه الجوه وماحسيت شوكت نمت

حكيم : خلصت شغلي ورجعت طبيت للبيت شفتها نايمه بالغرفه جذبني شعرها النازل على وجها تقربت عليها اريد اغطيهه بس فتحت عينها شافتني طفرت من مكانها

_ بس الله الرحمن الرحيم .. ليش هيج جفلتني

_ منو يمج انتي اخترعتي وحدج

_ انتبهت اني بدون حجاب سحبت الغطه وتغطيت .. كبل جره مني

_ مو حرام اني احل عليج بعد

_ لا حتلو ميخالف .. ركضت من الجربايه للهول لبست حجابي وكعدت اجه ورايه

_ جبت غده حضري خل ناكل تره جوعان

_ تدلل .. رحت للمطبخ شفت اكل مسلفن تمن ولحم ومرك حطيته بصينيه وديته للهول .. كعدنه ناكل

_ كمت اريد اشغل التلفزيون دست الدكمه ورجعت طفيتها اذكرت عبدلله من اجه حوله اوربي .. رجعت المكاني .. نرمان هم شغلتي التلفزيون من طلعت

_ اتذكرت الفلم .. لا ماشغلته

_ عفيه .. ابد لشغلي

_ سويت نفسي مستغربه .. ليش ؟ اكل لكمه وكال

_ البلك مال الستلايت يكهرب ديري بالج تره تنتلين

_ هزيت راسي وكتمت ضحكتي ..

_ باجر اروح للمركز الصبح اني وياج حته نسقط الدعوه

_ هزيت راسي وحسيت الكمه وكفت ابلعومي

_ شبيج ضايجه .. تحبين نطلع

_ لا

_ خلصي اكل والمغرب بدلي حته نطلع

_ مارديت شلت الاكل وديته للمطبخ ورجعت للهول ضلينه كاعدين واحد صافن بوجه الاخ .. راح اكوم اصلي .. عفته وكمت توضيت وصليت بالغرفه وطلعت شفته مبدل .. يلا امشي خل نطلع .. طبيت بدلت وطلعت صعدنه بالسياره

_ وين ماخذني

_ ما ادري

_ باوعتله صفح وسكتت ضلينه نفتر شويه وكال نزلي .. نزلت طبينه مكان راقي مثل الكافيه .. كعدنه بي طلب اله نركيله

_ وانتي شنو تريدين

_ ما اريد شي .. طلبلي عصير .. ضليت اباوع على المكان كلها عوائل والبنات اغلبيتهن ممحجبات ومشلحات ضليت اباوع على عيونه من تتحرك اريد اشوفه هم يباوع على البنات

_ شبيج وترتيني مبحلقه بيه اول مره اشوفيني ؟

_ تلافيت السالفه .. لا بس مادري شنو برمشك

_ برمشي ؟ .. تلمست عيوني هاا اكو شي بعد

_ لا

_ شو جهرتج مجفيه خاف ادورين نركيله معاجبج العصير

_ يعني تخليني اشربها ؟

_ حته اخلي حلكج يصير ثنين

_ ضجت وروحي طلعت ..

_ طببيها

_ شكد مستفز

_ ضليت على اعصابي وهوا يوزع ابتسامات اخر شي غص وكام يكح .. بويه هاي حوبتج كومي

_ شلت جنطتي دفع الحساب وطلعنه صعدنه بالسياره

_ شكد نكديه

_ ما اتحملت .. انته ليش مستهين بمشاعري اتوقع انته مطلعني لان ضايجه وشفتني ما مرتاحه ليش تنرفزني انته تشوفني مال هاي الاماكن والكعدات مال فايخين اني كلبي طاك وخلصان ..شفته خزرني و زمخ بيه

_ اشششش لج لتسترعنين لا الطمج على حلكج .. انطيتج عين

_ سكتت وبرطمت لازمه نفسي ما ابجي كدامه انقهرت لان صيح عليه .. ساق بسرعه ورجعني للبيت كالب وجه بس طبيت طلع وسد الباب .. امداني هيج احسلي

" صار اليل واني وحدي خفت كلش كمت اتخايل اصوت بالبيت لو الباب تندك فتحت جهازي ودكيت عليه انطاني رفض رجعت دكيت مرتين وثلاثه ومارد دزيتله رساله ..

_عمو اني كلش خايفه حباب ارجع للبيت .. انتضرته يرد ماكو كمت احرك بنفسي ربع ساعه وسمعت الباب ينفتح بس شفته نار وشبت بكلبي

_ ليش هييييج عفتتتني متكووول يضل بالي متوووكل اخااااف اضل وحدي تدري شصار بيه كلبي وكففففف واني اتخيل الباب تنفتح لو تندك ليش هيج تعاملني لان حجيت البداخلي .. عفته وطبيت للغرفه و ركعت الباب فتح الباب ودخل ورايه لزم ايظي لواهه ورا ضهري

_ ااااااااه .. شبيك عمو وخر عني

_ شو استهترتي .. باعي لج اني هاي الصلافه متعجبني

_ اءء اسفه وخر عني .. فلت ايدي وضل خازرني ويتنفس بخفقان

_ نرمان اخر مرا احذرج ترفعين صوتج عليه

_ بجيت وهزيت راسي طلع وركع الباب تمددت بفراشي مخنوكه ضليت بس ابجي لحد اذان الفجر كمت توضيت وصليت طلعت من الغرفه شفته كاعد على السجاده يقره قران .. التفتت ادخل سمعته صاح

_ اوكفي وين رايحه

_ بنتره .. اريد انام

_ تعالي نامي يمي

_ ما اريد مرتاحه بالغرفه .. تقرب سحب معصم ايدي جرني للهول تمدد بالكاع ونومني على ايده بينه مسافه شبر ..

_ ليش تخلينه نتزاعل

_ مو اني انته

_ مقتنعه بروحج ؟

_ مارديت .. شويه ورجع كال

_ هسه منو المفروض بينه يزعل اني لو انتي

_ اني

_ ** امج

_ فتحت حلكي لا عفيه لا شنو هاذه الحجي ..

_ الي يجي من ايده الله يزيده

_ زين اني اسفه

_ واني اكره الاسف

_ شتريد لعد .. شفته صفن على اذني لزمتها

_ شنو اذنج ما مزروفه ؟

_ لفيت حجابي عدل لان زالك .. لا مامزروفه

_ ليش

_ استحيت اكوله ملابسه تراجي بحياتي .. اهلي ما زرفوها ماعرف ليش .. شفته ابتسم وارتخت ملامحه وغمض عينه وكال ..

_ هسه شنو ماصالحيني ؟

_ تقربت بسته من خده .. كبل فتح عينه باوعلي ضليت مبتسمه وارمش بسرعه .. مو حرام صح

_ والله لانعل ابو شكلج " ..

_ شفته اندار ولف نفسه بالبطانيه .. يا هاي ليش

_ نامي لا اكوملج

_ تمددت بصفه ونمت لثاني اليوم الصبح كعدنه غسلنه وبدلنه وطلعنه بالسياره

_ ما اريدج تخافين توكفين كبال الضابط شيسئلج لتباوعين عليه ابد لان راح يشك تجذبين واي سؤال لتترددين اجاوبين عليه شوكت ازوجنه قبل 3 شهور

_ بس مصار هواي اول بارحه

_ معليج انتي كولي هيج .. خاف امج تشوفج ديري بالج تبجين صيري سباعيه ولزمي نفسج ابد لاتخافين اني بضهرج مثل ما وصيتج

_ ماشي .. ضليت الطريق كله ادعي كون اكدر ادبرها وما اجفص .. وصلنه وكلبي صار يخفق

_ ها بويه تنزلين

_ اي .. نزلت من السياره لزم ايدي وطبينه للمركز جان اكو هواي عسكرين وضباط دك الباب ودخلنه شفت امي وياها ولد شاب وسيم يطلع بكد فاروق بس شافتني كامت تصرخ وتبجي

عواطف : يما بنيتي حبيبه واخيرا شفتج يما كليلي شنو اليوجعج شسوه بيج هاذه النذل .. حضنتها وبجيت

نرمان : بعدتها عني وكفت ورا عمو جان واكف يسولف ويا الضابط شويه وكعد على مكتبه

الضابط : استريحو

نرمان : كعدنه وامي تبجي ونازعه حجابها النص شعرها تفشلت من منضرها .. حجه الضابط وكام يسئلني عن اسمي الكامل واسم امي الكامل

الضابط : شنو تاريخ زواجكم

نرمان : ردت اباوع على عمو اذكرت حجيه .. قبل 3 شهور ما اذكر بالضبط اي يوم

الضابط : تمام ..

نرمان : توترت كلش ومنا امي العرفت بخبر زواجي وراد يغمه عليها

عواطف : عزه بعيني عزه بعيني يما راح ياخذون بتي الله لا يوفقج اصيله راحت بتي من ايدددي وكعت بالكاع اخخخ اخخخ اسندني عموري

عمر : اسم الله حبيبتي كومي ..

نرمان : كعدها على الكرسي وحسيت كلبي احترك من اشوف واحد غير ابويه يلزمها دغني عمو

حكيم : كافي لتباوعين *** بيهم

نرمان : خلص الاجرائات الضابط وكام سلم على عمو واعتذر منه على حضوره لان اتعنه من البصره على بلاغ كاذب .. طلعنه من المركز وعمو لازم ايدي ونمشي سريع وامي ورانه بس العسكري منهم صعدت بالسياره مخنوكه كلش اريد ابجي

_حركت السياره .. نونو .. ماردت تباوع من الجامه وفاصله فيشه .. بابه ..

_ها عمو وياي

_ ليش عيونك الحلوه تلمع

_ هيج ما ادري شطب بيها

_ علينه .. شفتي السبايكي مال رجل امج

_ ضحكت من اتذكرته صدك مسوي سبايكي .. والله عمو لو ماخذه واحد من عمرها لو رزن جان محد ضحك عليها لو حرمني منها

_ يوميه جاي اثبتيلي انج اعقل وحده بالعائله الشافطه مالتكم

_ هزيت راسي

_ تدرين امج ليش رفعت دعوه عليه

_ ليش

_ تريدج وفوكاج تعويض مادي 15 مليون

_ وانته تزوجتني علمود لتدفع 15 مليون .. ركز بالطريق وجر نفس

_ لضلين تمضرطين

_ مقهوره لدرجه حته هوا ردت اغثه .. بس اتندمت نزلت من السياره عمو لتزعل والله اني احبك بس من انقهر اصير حيه

_ لا انتي مو حيه انتي غرير العسل ..

_ ابتسمت لان شبهني بالعسل ..

_ شوفي مو اكلج غرير العسل

_ طبيت للبيت طلعت ملابس اريد اسبح

_ اني اريد اسبح قبلج

_ ماشي

_ طبيت اخذت ملابس من الكنتور وطلعت جاي اطب للحمام .. عود كتبي بالكوكل غرير العسل اتئملي ملامحه بين ما اطلع لان يشبهج

_ ابتسمت .. كتبته بالكوكل جان يطلعلي حيوان اسم الله جنه سعلوه شمرت المبايل من الخوف ورحت دكيت الباب عليه .. فتحه ومد راسه وجه وشعره كله شامبو

_ ها شفتي غرير العسل

_ ايييييييي

_ وجعي خل اكمل سبح ونطلع نتعارك

_ ماشي .. سد الباب بعدين اذكرت اني لازم اتعارك ويا رجعت دكيتها ما فتح كمت اسمع بس صوت ضحكه اخخخخ

_ لبست ملابسي وطلعت انشف بشعري ها نونو زعلان

_ مدرتله بال

_ بشرفج ما لعبت نفسج كل شويه ازعلين

_ الصراحه

_ اي

_ لعبت

_ ههههههههههههه يلا كوم وليدي اسبح وفرح اليفه

_ اخذت ملابسي سبحت وطلعت مر اليوم عادي ثاني يوم من الصبح طلعنه للبصره وهم الطريق كله متخربطه ومعدتي توجعني

_ صايره متتحملين طريق

_ اي عموو اوكف راح اذب من راسي

_ وكفت وفتحتلها الباب .. الله الله الله .. طلعت دبه مال مي من الصندوك درت بيدي وغسلت حلكهه

_ لا عمو اني اغسل

_ ججج وخري ايدج اني اغسلج .. غسلت حلكهه وانطيتها كلينكس تنشف صعدت بالسياره وجهت التبريد عليها ورجعتله الكشن مثل المنام صار.. ها متحسين احسن

_ ابتسمت براحه .. اي احسن ..

_ الطريق كله اباوعلها خاف تتخربط .. علما شفتها غفت وصلنه للبصره قريب الضهر سفطت السياره ونزلت فتحتلهه الباب ونزلتها ساند ضهرها

_ دفعت ايده من جتفي .. لا عمو مالي خلك عمتي تشوفني .. باوعلي صفح ومشه يتمغط .. صعد فوك كدامي .. عفته وطببت للبيت من باب المطبخ شفت روان واسراء كامن يخوزرن بيه عبرتهن وطبيت الغرفتي وقفلت الباب شمرت الجنطه وتخطيت ونمت لليل ماحسيت غير على اهتزاز المبايل شفت المتصل عمو

_ بصوت مبحوح .. الووو

_ وين انتي اليوم ماشفتج

_ نايمه تريد شي

_ اي كومي غسلي وتعالي تعشي ..

_ مو جوعانه اريد انام

_ يله انتضرج .. سده بوجهي كمت غسلت ولبست تراك عريض وحجاب وطلعت عضامي متكسره من الطريق شفت الكل مجمعين بالصاله كلت

_ السلام عليكم

_ وعليكم السلام

_ رحت كعدت بصف نجاة بوستها وحضنتها

نجاة : اشتاقينالج البيت ما ممسوح صارله 3 ايام صعدي نضفي

نرمان : ميخالف

نجاة : انجبي اشاقه وياج

نزار : تو ما نور البيت

نرمان : منور باصحابه

نزار : نرمان

نرمان : ها

نزار : نصيت صوتي .. شيلي حرف الصاد وحطيله كاف

نرمان : عدلتها بمخي وفتحت حلكي شفته خربان من الضحك كبل فاروق كفخه وهم يضحك خزرهم عمو وسكتو

كمال : يابه فلاح داز خبر يكول انه اريدن مرتي اريد ارجعها

حكيم : عقد حاجبه .. هاي شوكت

كمال : البارحه داز الخبر بيد فراس

حكيم : اي رجعله خبر .. نجوم السمه اقربله

نجم : ههه يريد يطلبها البيت الطاعه

حكيم : *** بي و بالطاعه

فاروق : خل ياكل تبن .. شفت هاذه كله منوراك لو رافعين عليه دعوه وشاكين امه نصين جان ماسوه هيج

حكيم : خل يطلبها البيت الطاعه وتقرير المستشفى كله عندي مال يوم الحادث واكو شهود هوا الراح يتئذه مو احنه

نرمان : باوعت على نجاة صارت صفره وكامت تبلعم كامت وكمت وراها صعدنه فوك بس طبت كامت تتكاوت وتلوب

نجاة : خاف يرجعوني اله نرمان انتي هاءه متعرفي نذل اخو مرته تلكين سهى الي كايلتله هيج يسوي

نرمان : اهدي موزين عليج لايصير بيج شي

نجاة : لج اخاف على اخوتي منه خاف يعاندون ويا ويسويلهم شي لطمت على رجلي طبو حكيم ونزار وفاروق شافوني

حكيم : عليمن تلطمين

فاروق : خاف تريدي خاف تريدبن ترجعيله كولي هاا شو سكتي ومحمد اذا تريدي ارجعج اله بس بعد تنسين عندج اخوه رجلج اكسرها اذا تعتبين هاذه البيت تدرين من عرستي كلنه جنه حاسبين حساب رجعتج واولهم انته

حكيم : كافي فاروق مو وكت هاذه الحجي الفات مات .. احجي نجاة اذا تريدي اني مستعد ارجعج بس صدك تنسين عندج اهل

نجاة : لا حكيم ما اريده اني اريدكم انتو والقران حته ما افكر بي اني مرتاحه عدكم

نزار : كافي لتنقهرين ليصير شي بالكركاش

نجاة : ادب سز

حكيم : لتفكرين ابد ذبيه ورا ربج ثم ورايه يله روحي سوي عشه واخذ نرمان وياج

نرمان : سوينه عشه وتعشينه عفتهم ونزلت جوه نمت ..رجعت اداوم يوميه .. عمو يوديني ويجيبني بيوم رجعت من المدرسه صعدنه سوه فوك بس طبيت شفت نجاة وجها ميتفسر

حكيم : شبيج

نجاة : مابيه تريدون غده

حكيم : غلست على منضرها .. اي صبيلنه

نرمان : طبت وطبيت وراها .. شبيج احجي

نجاة : خابرني فلاح

_ جاوبتي ؟

_ اي

_ شكال

_ يكول احبج واريد ارجعج و

_ وشنو

_ يكول ما متعمد ضربتج على بطنج وضل يتعذر مني

_ وانتي اقتنعتي

_ لا .. خاف صدك مو قصده .. حسيت واحد واكف ورايه التفتت شفت حكيم جر من ايدي المبايل بدون ولا كلمه طب الغرفته وركع الباب

_ تستاهلين لان جاي تلوصين .. عفتها ونزلت جوه اقرا هواي فاتتني مواد لليل حسيت ضهري مكسور طلعت برا رحت للمطبخ

اسراء : عاش من شافج

نرمان : تسلمين .. تريدون اساعدكم بشي

روان : لا

اسراء : اي ثرمي زلاطه

نرمان : وكفت اثرم زلاطه واسمع

اسراء : اكلج روان تذكرين حكيم من جان مصادق جيرانه حنان الي براس الشارع

روان : لا

اسراء : جنتي بعدج ما جايه الهاذه البيت جان النهار كله كاعد يم حنان ربه دينه هيه

روان : معقوله

اسراء : اي علما فديوم رجلها عرف ولزم حكيم كتله كتله وطلك مرته

روان : ولج هاذه حكيم هيج جان ؟

اسراء : وانكس .. ليش اني جنت كلما اسبح يباوع عليه من الحمام واكول الكمال واصير عركه ويطردو ويرجع يتوسل

روان : بس اني عمري ما شايفته يباوع على وحده بينه حته اختج من ردتي ياخذها ما قبل

نرمان : واكفه اسمع مصدومه بالكلام معقوله عمو يباوع على اسراء من اطب للحمام لو يروح يم وحده متزوجه بس هوا يستحرم .. خلصت الزلاطه وطبيت الغرفتي كمت اكل باضافيري وافكر بحجيها اخر شي مليت ولفيت راسي ونمت " ثاني يوم "

_ كعدت الصبح غسلت وبدلت وصعدت ويا بالسياره ليورا ونزار ليكدام .. فكرت المح بالموضوع واشوف ردت فعله

_ عمو

نزار : عموووو ؟؟ نرمان يو ار مطي

حكيم : انجب ولك

نرمان : احم .. عمو اتعرفت على صديقه اسمها حنان

حكيم : اي

نرمان : شنو اي

نزار : يعني يس

نرمان : فكرت اسولفله لان ما اعرف الف وادور .. عمو

حكيم : ها

نزار : يعني وات

نرمان : انته جنت تعرف وحده اسمها حنان

حكيم : يا حنان

نزار : ولج احنه حنان الام ماشايفي تريدينه نعرف حنان شخصيا

حكيم : لا منين جايبتهه هاي

نرمان : لا هيج .. سكتو وصلت للمدرسه نزلت طبيت للمدرسه مر اليوم عادي اخر درس جان شاغر التمو البنات وكعدن يسولفن عن الحب ضليت صافنه وحده تكول اني احب ثنين وما اعرف المن اختار وحده تكول اني احب ابن عمتي من جنه صغار

عائشه : اني احب ابن جيرانه علي

نرمان : عزا صدك

عائشه : ليش عزا بالعكس يوميه نشاوف من السطح ومرات يبوسني

نرمان : يبوسج .. بس حرام

عائشه : عادي لان راح يخطبني يعني اول وتالي اصير مرته مو حرام اصلا لو اموت ما اصير الغيره

نرمان : استغفرلله ما الوم نجاة بعد

عائشه : وين صفنتي يعني قابل انتي عفيفه متحبين

نرمان : لا ما احب .. دك الجرص اخذت كتبي وطلعت والطريق كله تحلفني ما احجي لاحد .. عفته ورحت صعدت بالسياره اخوزر بيها حته تروح

عائشه : مثل ما كتلج نرمان ترا نخرب اني وياج ..

نرمان : ماشي .. شغل السياره وطلعنه

حكيم : منو هاي

نرمان : صديقتي

حكيم : لعد شبيها شو ما ارتاحيتلها

نرمان : شبيها يعني كلشي مابيها

حكيم : اعصابج خاتون

نرمان : خطر ابالي اسئله عن الحب لان البنات كلهن يحبن بقت عليه .. عمو

حكيم : طلعيها للحمصايه ..

نرمان : انته هم تحب

حكيم : طبعا احبكم كلكم

نرمان : لا مو قصدي هاذه الحب .. قصدي يعني بنيه تحبها

حكيم : ماكو واحد يكدر يعيش بدون الحب كلنه نحب

نرمان : بس اني ما احب

حكيم : انتي منين جايبه هاذه السؤال اليوم

نرمان : هيج اجه ابالي

حكيم : كلتلي اجه ابالج ؟ ..

نرمان : يعني هسه انته اذا تحب راح تزوج ؟

حكيم : طبعا

نرمان : واني

حكيم : انتي شنو

نرمان : هيج ..

حكيم : صيري سباعيه مرا بحياتج وكملي النقاش

نرمان : ما اريد .. سمعته يضحك

_وصلنه للبيت نزلت طبيت جوه شفتهم يتغدون عبرتهم ورحت الغرفتي بدلت ملابسي وطلعت صبيت اكل كمت اكل واقره مرت الايام ونجاة على حطتها لا رجعت ولا طلك صارت فترة امتحانات اخر السنه وكضيتها كلها يمهم فوك لان عمو راح يقريني

نزار : تعالي خل نلعب بلي بين ما رجلج يكعد من النوم وينغص حياتنه

نرمان : كعدت بصفه اخذت جوستيكا وكمت العب ويا مصارعه ضليت ادوس بيها يمنى ويسرى اخر شي فاز عليه كام يضحك ويشاقه

نزار : عفيه عليك ابو علي ردت ادفعها بالشقه من جتفها اجت ايدي على صدرها .. ماشوفها غير عاطت وخرت

_ ترا والقران مو قصدي

نرمان : لا عادي ادري بيك .. وخرت مفزوعه سمعت صوت استوقفني

حكيم : نرررمان .. تعاااالي .. طبيت للغرفه شايط اجت ورايه فاتت وركعت الباب

_ شعندج كاعده تلعبين ويا نزار شنو زعطوطه انتي خاف عبالج بعدج بطول النعال صرتي بكد الهايشه

_ لاصيح وذا لعبت ويا مجاوزت حدودي ومجان قصده

_ قصده مو قصده اني هاي السالفه مصرفلي افتهمتي لو لا تنجبين وتكعدين باحترامج سوالف البرابيك بطليهن

_ هاااي شبيك عموووو لتفشر عليه .. فتحت الباب اريد اطلع ....

يتبع ....

نهايه البارت .. صوتو للبارت احبكم كلششش اموت عليكم اسفه مجاي ارد على الكل بالانستا بس الاكدر عليه مجاي اقر وياكم تلكون رابط حسابي بصفحه الواتباد تابعوني هناك نسولف ونتناقش ♥️♥️

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تابعو انستا الرابط بحسابي duu_199

حاسبني نمت اليل ومغمض العين ؟

وشنمت نوم الذيب ماغمض ثنين ..

مو كتلي امر بليل لا تغفه عينك

شرعت سابع باب عد جاري وينك !

_________________________________________

قصده مو قصده اني هاي السالفه مصرفلي افتهمتي لو لا تنجبين وتكعدين باحترامج سوالف البرابيك بطليهن

_ هاااي شبيك عموووو لتفشر عليه .. فتحت الباب اريد اطلع .. جرني من جتفي سد الباب وزمخ بيه

_ نرمااان صايره سربوت متحترمين

_ اءء عمو ليش هيج تكول عليه .. ليش تشك باخلاقي ؟

_ وهاذه السويتي شنو اسمه

_ قصدك من ردت اطلع

_ اي

_ انهي مشكله قبل لا تبدي .. شفته صفن على ملامحي لزم حنجي بيده وحرصني ..

_ ناري لاصيرين وكحه وتعبيني

_ تقدم عليه .. رجعت ليورا انضربت بالميز ..

_ اريد اطلع

_ وين .. مو قبل ما اتوبين

_ تبت

_ بعد متلعبين ويا نزار ..

_ تؤ تؤ .. قوه لزمته .. ااااه اذيتني

_ اذيتج .. جذبني حنجها المدور تقربت بستها منه ..

_ لفحتني ريحه نفسه تجرء اكثر وسحب شالي تقرب يم اذني همس ..

_ ناري .. لاتخليني اذيك .. احنه شمتفقين

_ نارك ؟

_ وشابه بضلوعي ..

_ رفعت حاجبي باستغراب .. طفيها .. كام يضحك بصوت عالي

_ متطفه

_ ليش

_ الحطب جديد والبانزين محسن .. عضيت شفتي .. خام

_ رجفت من نضراته دفعته عني وفتحت الباب اعدل بملابسي وبشالي .. اءء راح انزل اقرأ مع السلامه ..

"طلعت من الغرفه اهرول

نجاة : ولج وين ؟

نرمان : مارديت عليها نزلت بالدرج طبيت الغرفتي وسديت الباب اهفي على وجهي واتنفس سريع .. يما راح يجلطني هل حكيم .. انفتحت الباب وطبت نجاة

_ شعندج نزلتي من غرفته وجهج بي سبعين لون

_ ها لا جنه نتعارك

_ تتعاركون هاا

_ اكلج شتردين اريد اقرأ .. شفتها كامت جابت خيط واجتي تربعت كبالي

_ شكو ..

_ نفخي خدج

_ ما

_ نفخي لا اهفج براشدي انفخلجيا

_ نفخت خدي وقربت الخيط تحف .. اااااه ما اريد

_ انجبي وركدي جنهن شوارب فلاح

_ هههههههههه .. كعدت كبالها روحي شاطت .. خلصتي ؟

_ بعد حواجبج

_ لاااا

_ ولعلاعه

_ سوتلي حواجبي كمت ارفس من الوجع .. اخر شي وخرت اباوع بالمرايه .. فتحت حلكي .. هاي شنو صدك تغير شكلي

_ اي ولج هسه وجهج يتباوع بي

_ بس خاف عمو ميقبل

_ ليش متنجبين

_ ماشي .. ضليت ابلوع على روحي بالمرايه واتبسم

_ يلا تمعني بروحج وكعدي اقري خلصي وصعدي يمنه ترا ضوجه

_ اوك .. طلعت فتحت كتبي وكعدت اقرأ .. خلصت واجباتي شلون ما جان .. وكمت حطيت كحل وحمره خفيفه فليت شعري امشط بي .. يمااا شكلي طلع يموت ..

"لفيت شالي ويا تراكي وطلعت شافتني عمتي ضلت تخوزر بيه عبرتها بابتسامه خبيثه وطلعت للحديقه شفت فاروق كاعد ويا جماعته يشربون نركيله رحت اصعد بالدرج

طارق : ولك هاي منو .. مو كرايبكم المصادقها حكيم ؟

فاروق : لا مو هيه

طارق : هيه السئلتك عليها وكلت صاحبته تضحك عليه انته

فاروق : لا ذيج راحت لاهله رجعت .. سحبت نفس .. هاي مرته

طارق : شنو شنو مرته ازوج ؟

فاروق : اي خاطب مادري مزوج كلشي ما ادري .. اشرتله بيدي .. وانته شكو ؟

طارق : لا انه شعليه بس اسئل

فاروق : باوعتله صفح .. كلبت الفحم .. احترك المعسل

طارق : طرده بنزاكه ؟

فاروق : يمكن .. كام طلع ..

نرمان : طبيت للهول .. السلام عليكم

حكيم : شلت راسي وعليكم الس .. ضليت فاتح حلكي هاي شلاعبه بوجها

نزار : هلاو يابه كبرنه وحلوينه اوي

نرمان : رمشت بغرور ورحت كعدت وتربعت على التخم .. شويه واجه اشعار المبايلي فتحته مكتوب

حكيم : منو مسويلج وجهج

نرمان : خجلت .. رفعت عيني اباوعله مركز بالمبايل حته ميلفت انتباه .. دزيتله .. نجاة

حكيم : ليش مكحله عيونج ..

نرمان : دزيتله .. ليش مو حلوات .. رفعت راسي شفته يباوع عليه ركز بعيوني وضيق عينه

نزار : حطيت راسي اقره شديكتبلها سحبت مبايله وراها

نرمان : شبيك يمعود

نزار : بابتسامه .. جاي يغلط عليج مو

نرمان : لا وانته شعليك .. شفت عمو كام طب للحمام

نزار : عابتلج .. ولج هاذه ميفيد ويا اله شي واحد

نرمان : بفهاوه .. شنوه

نزار : اطكي بسحر

نجاة : عوووذه من السانك

نزار : معليج بيها هاي خليها يوميه اسوي كركاش .. ولج اني شايف جيبي صورته وزرفي عيونه بدنبوس وكتبي عليها حكيم حكيم زواج زواج حب حب وكتبي الحروف الابجديه من البدايه للنهايه ودفني بغرفه عمتج

نرمان : ههههههههههه وشمعنه غرفت عمتي

نزار : مو لازم بالكبور ومنو يوديج للنجف

نجاة : ههههههههههههههه خرب يومك كون يسمعك حكيم

نزار : يله جيبي 100 دولار

نرمان : يما منيلي

نزار : جا اعلمج ابلاش

نرمان : عندي اقتراح .. جيب صوره مال 100 دولار وزرف عيون الشايب واكتب عليه فلوس فلوس اريد اريد انطوني انطوني وادفنها بغرفتك

نجاة : هههههههههههههههههه

نزار : مو صوجك ابو علي خليك على معلمك الفاشل خل نشوف وين راح يوصلك

نرمان : دغيته بعكسي .. طلع عمو من الحمام صاح على نجاة تروحله .. طبت و ضلينه كاعدين على نار

نزار : شيريد من نجاة الله اليستر .. شويه وطلعت وجها محتقن تريد تبجي كعدت كبالنه .. شكو غير تحجين

_ بهل اثناء دخل فاروق ..

نجاة : باوعت على فاروق خايفه احجي

فاروق : شكو شبي وجهج

نجاة : مابيه

فاروق : احجي لا اركعج بالنفاضه

نجاة : ما اتحملت شهكت وكمت ابجي .. فلاح يريد يطلكني

نزار : ايييييه الله يبشرج بالخير

نرمان : كمت كعدت بصفها حبيبتي لاتبجين بالعكس الله يخلصج منه ضلت تبجي وتهز براسها

فاروق : هاي شوكت الحجي شو اني ما ادري

نجاة : مسحت انفي .. اليوم رافع دعوه ويوم 16 بالشهر المحكمه

فاروق : بيها الخير

نرمان : اخذت نجاة جوه يمي كعدت اهدي بيها .. نمنه سوه بالغرفه ثاني يوم كعدت غسلت وبدلت وطلعت شفت عمو منتضرني بس شافني ضل يخوزر بيه صعدت بالسياره

حكيم : راح تروحين هيج ؟

نرمان : شلون يعني هيج شبي وجهي قابل

حكيم : وحواجبج

نزار : هسه انطيها من شواربي تلزكهن بحواجبها حته ترتاح

حكيم : شدعوه هلكد مكطمتهن

نرمان : خجلت ونصيت راسي اقرأ بكتابي .. ميكدر اذا ميفشلني .. وصلنه والطريق كله ضايج ويئفئف .. وكف السياره واندار عليه

حكيم : تقربي عليه

نزار : يمعود مو بالشارع

حكيم : انجب انته .. تعاي ..

نرمان : قربت عليه .. جر حجابي ونزله على عيني .. عزا شعري كله طالع كبل فتحته ورجعت لفبته من جديد

حكيم : نزلت وعيني وراها لحد ما طبت للمدرسه يله حركت

نزار : ربطت على مبايلي اغنيه وشغلتله .. لا متغيب لحضه وحده عن بالي راح اضل كل عمرك الحب مالي .. ويا الروح حبك ساكت بروحي شنو جروح انسى بحضنك جروحي ..

حكيم : اندمج وكام يهز ويسولف ويا الاغنيه .. ولك منا شارع شنو كاوليه

نزار : اشرت على ايدي ..شنو جروح انسى بحضنك جروحي .. طكيته ابوسه من ركبته ونزلت

حكيم : ساقط مصيرلك جاره .. طلعت خلصت شغلي ورجعت قبل لتطلع نرمان انتضرها شفتها من بعيد تلالي تلمع من بين كل البنات .. اجت تهرول صعدت بالسياره تجر نفس ..

نرمان : اوووف بعد مو مال جاكيت الجو حار

حكيم : اي صحيح .. شلونج .. دك مبايلي نجاة فتحته

نرمان : اسمعه يحجي .. ماشي .. وشبيجن انتن متخبزن .. يلا ما اجيب غيره مالي خلك افتر .. سد المبايل

حكيم : نسمه ورحاب وعماتي يمنا

نرمان : بس جاب طاريهن كلبي انقبض بذات معنى كلامه مصطفى ابن عمته هم موجود

حكيم : وين شردتي

نرمان : عادي ما انزل اليوم اضل فوك

حكيم : ليش قصدج تخافين يسمعوج حجايه .. احط *** بيهم اليمسج

نرمان : يما غطيت وجهي من حجايته .. لا عمو مو اخاف من حجايه بس استحي منهم ..

حكيم : اسمعيني قبل لا نوصل اي واحد يحاجيج لو يغثج بحجايه ومتردي ما اغفرلجياها اشلع عيونج نونو الي يكلج كلمه تردي بعشره افتهمتي ؟

نرمان : ماشي .. ضل بالي كله يم مصطفى الجلب خاف اطب واشوفه .. وصلنه للبيت وكلبي صار خفقان .. اول ما نزلت من السياره اجه لزم ايدي وحط ايده الثانيه على خصري طبينه للهول

حكيم : السلام عليكم .. كامو الكل يسلمون ويباركون وكعو النرمان دك بوس

نرمان : كامن يبوسني منا وامسح وجهي منا اخر شي اجت نسمه سلمت على حكيم وتقربت عليه لزمت زندي عصرته وباستني دفعت ايدها اووي وخري

نسمه : مقبوله منج بت خالي

نرمان : عصرتي جتفي اذيتيني

سرور : اعصابج عمه شسوتلج قابل غير من حبها الج

حكيم : لا عمه بس ناري ترفه متتحمل حته وياي هيج

نرمان : ضليت فاتحه حلكي .. وهنه اخرسن كعدت على التخم ادور بعيوني خاف اشوف مصطفى مالكيته تنهدت براحه

حكيم : كومي حبيبي .. غسلي وبدلي .. وتعالي نتغده كرصت خدها وهمست .. لبسي جبه لاطلعين بالتراك

رحاب : شدعوه تاخذ نرمان ماحلت وحده بعينك غيرها والله من سمعنه ما صدكنه ادري هاي البنات كلها تاخذ جاهله

عطيه : ابو منو يموتون على هيج اعمار

حكيم : بس متكدرين تنكرين احنه ذواقه وندور لحم غزلان .. وغمزتلها

نرمان : كاعده اسمع كلامه شويه بعد واملخ خدودي .. عفتهم وكمت طبيت الغرفتي اخذت ملابس ودخلت للحمام سبحت وطلعت انشف بشعري .. لبست جبه وحجاب وطلعت برا بس طبيت للهول اجه بوجي مصطفى .. نزيت وبلعت ريكي بخوف نفس نضراته القذره يباوعلي بيهن

مصطفى : ان شاءلله الف مبروك متتخيلون فرحتي من سمعت بيكم

حكيم : الله يبارك بيك .. يوم الالك

مصطفى : جر نفس .. جا وحد انه

نرمان : كمت ارجف واباوع عليه ما شلت عيني منه بس هوا ميديرلي بالك .. كل تفكيري اريد اعرف يتقصدني لو لا كل تفكيري ممكن يعيد السوا بيه

مصطفى : بلا زحمه خيتي جيبيلي مي

نرمان : كمت ترستله كلاص وانطيتهيا سحبه نزار من ايدي وشربه

نزار : كوم اترس الروحك

نرمان : رجعت كعدت اشوف عمو مبتسم ويشاور نزار

رحاب : جا صدك راح اطلكون نجاة شنو سمعت المطلكه فشله من الوادم

نسمه : شكد عيب كدام عيالي من حجيت كامو يعايروني بيها اخت المطلكه ميكولون الوادم ليش اطلكت اشاف عليها وطلكها

حكيم : مالهم عندي شي الوادم البي خير خل يجي حجي كدامي حته احط **** بي

نسمه : ورجلي

نزار : صديك انته نفر مشكل يكولك خل يجي ويحط *** بي

سرور : ولك انته مامتربي تحاجي اختك هيج

نزار : مو الرباج رباني خهخهخهخه

حكيم : انطم نزير

مصطفى : ساكتله الخاطرك

حكيم : لا حبيبي ليش تسكتله كومله

نرمان : لزمتني الضحكه اخخ الكعده ناقصها فاروق

اصيله : كومي نرمان ساعدي البنات بالغده

نرمان : كمت بالمطبخ اشتغل وياهم انصب ونودي بالهول رحت اودي المواعين اجه سحبهن من ايدي نزار .. ليش

نزار : أوامر عليا

نرمان : رحت كعدت بمكاني التمو ياكلون

حكيم : كومي اكلي

نرمان : مو جوعانه وما احب السمج

حكيم : براحتك وليدي

نرمان : ابتسمت على سوالفه اليوم شبعني غزل كدامهم .. همست يم اذنه .. عادي اروح للغرفه انام

حكيم : اخذي راحتج

نرمان : طبيت الغرفتي وسديت الباب قررت بعد ما اطلع لان ابد ما مرتاحه النضرات مصطفى .. طول اليوم ماطلعت ولا احد اجاني صار اليل مليت كعدت اكوي قميصي الابيض لان قماشه ميتحمل يتعفس سمعت صوت برا مال حجي ورا شويه اندكت الباب

_ منو

_ اني فاروق اطب ؟

_ لبست حجاب .. اي تفضل .. شفته فتح باب الغرفه مد راسه طلع علج من حلكه لزكه بالزرف مال جرجوبه الباب .. حجه بكثل وعيونه حمر

_ قفلي الباب عليج من تنامين

_ هزيت راسي سد الباب وطلع .. يما اسم الله شبيهم ذوله يوميه واحد يخرعني ورا شويه اجت رساله على مبايلي مكتوب

_ تعالي يمي فوك اريدج

_ ماشي ..

_ طلعت اسحب على كيفي صعدت فوك طبيت للبيت هدوء دكيت باب غرفته كبل فتحها وسحبني من ايدي وسد الباب .. سحب شالي من راسي ولزم شعري عيونه جحضت

_ تقربت شميته مرطوب .. شوكت سابحه

_ العصر .. بعدت ايده اريد البس شالي .. لزم ايدي

_ بعد متلبسين شال كدامي

_ مو حرام

_ يعني البوس حلال والحجاب حرام ؟

_ ضليت ساكته .. جره شمره ..

_ تمسكنت .. تنامين يمي اخاف وحدي

_ ابتسمت .. ماشي بس نحط مخده

_ متفقين .. رحت تمددت اجت بصفي .. بعد شكد للامتحانات

_ سبوعين

_ خوش لعد شدي حيلج حته وراها نطلع الكربلاء اريد ازوركم ورا الامتحانات

_ بداخلي فرحت .. ماشي عمو

_ هم اكو احد غثج اليوم

_ لا ابد اصلا ما طلعت

_ شوكت تخلص طلابه العمو

_ استغبيت .. شنو يعني

_ شو بله كولي حكيم خل اسمعها منج

_ عمو

_ عمه اليعميج

_ شفته اندار .. زعلت ؟

_ لا

_ تقربت على اذنه تحمحمت .. حكيم .. كبل اندار عليه مبتسم

_ خشمه وحلكه

_ عود انته صدك تخاف تنام وحدك ..

_ هزيت راسي مبرطم .. اصلا يوميه ابجي عليج بالليل

_ يا عمو صدك ليش متكلي ليش تكعد تبجي .. شفته طك من الضحك يا شكلت قابل .. شويه وصفن بوجهي .. يما هم رجع يصفن

_ بعد لاتحفين حواجبج

_ ليش حلوات

_ ماعجبني

_ اوووف انداريت من ذيج الصفحه وسحبت الغطه جان كله ريحته غطيت حته راسي وغمضت سويت نفسي نايمه من اني وجاهله قبل ما انام اسوي نفسي نايمه

_ ناري .. نمت ؟ ماردت تقربت عليها جريت المخده البينه وكعدت العب بشعرها صفنت على لونه سواد الليل

_ حسيته يلعب بشعري سمعته يدندن شعرك سواد الليل بالهوى طاير بالهوى طاير .. تقرب باس خصله من شعري كمت اغفي

_ عود مثل الناس مصعد مرتي يمي تنام هههههههههههه"

" ثاني يوم الصبح "

_ فزيت على المنبه طفرت من فراشي

_ على كيفج بعد وكت نزلي بدلي وتعالي .. طلعت تركض .. اوكفي يمعوده لبسي حجاب

_ ها اي اي لبسته وطلعت من الغرفه شفتهم جاي يبدلون بالهول عبرتهم ونزلت اركض

نزار : ولك هاي منين طلعت

فاروق : من غرفت حكيم

نجاة : شوكت اجتي ما شفتها

فاروف : اريد افتهم حكيم ليش هيج جاي يسوي ويا هاي البنيه ليش يعلمها عليه ماشايف فارق العمر بينهم خاف كل عقله ياخذها صدك

نزار : خل ياخذها اول واحد اخر واحد ياخذ اصغر منه

نجاة : اي والله

حكيم : بدلت ونزلت جوه انتضرها شفتها اتئخرت وكفت بالممر مال هول ردت اطب سمعت

رحاب : شنو وين كاعدين احنه وتبات يمنا بالمله

نسمه : دفتحي حلكج واحجي يطلعوج من *** الجلب

عطيه : سكتن ولجن مالنه خلك المشاكل عبالجن احنه راضين ماخله وحده بكد زره لو ما اتعضو من موتت نويره

حكيم : سمعت حديثهم وطبيت .. حجيت برود ما اتوقع شي يخصكم اخذها او ما اخذها ؟ والنامت يمي لو بحضني لو جواي هل شي يرجعلي لا مشتريها بفلوسي ولا ذالها حاطها على راسي وشتكول وشتأمر يصير .. لو بيجن دوده حته على الله مترضن

_ بهل اثناء طبت نرمان تهرول .. يلا ع .. شفتهن واكفات .. احم يلا حكيم .. شفته ابتسم لزم ايدي وطلعنه صعدنه بالسياره ..يلا عمو اتئخرنه فدوه

_ هههههههه يلا بعد عمج لا انعل ابو شكلج " هسه

_ وصلني للمدرسه مر اليوم عادي رجعنه للبيت شفتهم رايحين كلهم ..

_ بعد سبوع عطلنه بديت اقرأ وكالعاده قبل الامتحانات عمو يلغي سفراته حته يقريني .. كاعده بالهول اقرأ طب عمو بيده جيس مال زبيب طلع منه 7 حبات حسبهن قره عليهن بصوت مسموع

اللهم إني أستودعك ما قرأت وما حفظت وما تعلمت، فرده عند حاجتي إليه، إنك على كل شيء قدير ربي أدخلني مدخل صدق، وأخرجني مخرج صدق، واجعل لي من لدنك سلطانًا نصيرًا رب اشرح لي صدري، ويسر لي أمري، واحلل عقدة لساني، يفقهوا قولي، باسم الله الفتاح ..

حكيم : هاج اكلي ذني وكل يوم هيج بلكت الله دماغج يفتح وراج علمي

نرمان : برطمت واكلتهم مرا وحده .. عمو صدك ادخل علمي عود

حكيم : ليش لعد الدخلن علمي احسن منج

نرمان : هزيت راسي ورجعت اقرأ ..

حكيم : عدلي كعدتج لاتحدبين .. شجاي تقرين

نرمان : انكليزي

حكيم : جيبي كتابج وتعالي فوك اقريج

اصيله : يريدله حجه حته ياخذها فوك

نرمان : كمت عناد بيها انطيتا كتابي وحطيت ايدي بايده شبكتها وطلعت اتمايل وصلنه للحديقه اندار عليه .. مصدوم

حكيم : ولج منيلج هاي الحركات المبربكه ..

نرمان : حطيت ايدي على حلكي .. حته اقهرها

حكيم : مو اكلج كور

نرمان : كور شنو

حكيم : غرير العسل بس من غير محافظه ههههههههههه

نرمان : ضحكنه .. صعدنه فوك كعدنه بالهول فتح الكتاب وكام يقريني قاطعنه نزار

نزار : جا ابو علي ما تتنبئلي انجح لو لا مو ابو ابوي انسمط

نرمان : ثواني .. غمضت عيني ناصبه عليه .. لا متنجح

نزار : طاحضج

نرمان : نترت بي .. وحضك هم

نزار : ولج هاي عليمن صلافه

نرمان : تخوصرت .. عليك

حكيم : بس ولك لا تحط دوبك ودوبها اكوم اكمع راسك

نزار : هسه اني الغلطان

حكيم : اي

نرمان : شفت .. لادوس على الجني وتكول اسم الله

حكيم : هههههههههههههه

نزار : اضحك اضحك

نرمان : رجعنه نقره .. مرت الايام وكل يوم يوكلني زبيب مقري عليه خلصت الامتحانات طلعت من المدرسه شفته واكف رحت اهرول صعدت بالسياره لزمت الاسئله وشككتهن

_ خبال

_ عمو فرحانه خلصتتتت

_ بعد الفرحه الجبيره من نستلم النتيجه

_ يارب ان شاءلله ادعيلي

_ راح اوصلج واطلع البغداد

_ انقبض كلبي .. لا عمو فدوه عوف بغداد

_ وشغلي ؟

_ نقله هنا

_ ما اتئخر اسبوعين وارجع

_ ضليت ساكته اجتفت وكعدت يا فرحه ما تمت ..

_ شو انعوجتي

_ اضوج من تروح

_ رفعت حاجبي .. ليش بابه ما اتئخر

_اختنك من تطلع من البصره اصير وحشه يخنك هواها بدونك

_ طلعت اوكسجين وما ادري

_ رجعنه للبيت طبيت الغرفتي شلت دفاتري وجنطتي كلها ضميتها جوه الجربايه ما اريد اشوفهن حته ملابسي ضميتهن رتبت كنتوري ضميت الملابس الشتويه لان صارت حاره كلش طلعت الصيفي اخذت دشداشه رصاصيه نص ردان جوه الركبه طبيت سبحت وطلعت سويت شعري وحطيت كحل فرحانه لان اجتي العطله صار اليل مليت من الغرفه والروتين لبست عبايه ام الراس و طلعت يمهم برا مالكيت احد كلها بغرفها صعدت فوك دكيت الباب فتحتها نجاة

_ ها ولج اريد انام .. فركت عيني .. شنو هل جمال

نزار : كمت افرك بعيوني .. منو اجه .. بوياي

نرمان : وجع اطببوني لو ارجع

نزار : طبي طبي .. تالي هاي الطبات ينفخ القالون مثل امج

نرمان : لا اسم الله ماعندي قالون

نجاة : طبي حبيبه معليج بي هاذه سرسري

نرمان : طبيت جوه شفتهم رجعو لفراشاتهم

نجاة : طبي لتستحين

نرمان : طبيت جوه بسرعه .. دكيت الباب على عمو ما فتحها .. فتحتها ودخلت شفته نايم بالداخليات .. ردت ارجع اطلع بس اذكرت باجر يروح البغداد ويتئخر وكفت يما دغيته .. عمو

حكيم : هممم

نرمان : عادي انام يمك اليوم .. اندار عليه ذبيت العبايه من راسي فتح عينه ضل صافن بوجهي

حكيم : شنو حلمانه

نرمان : لا بس باجر راح تروح كلت اجي اشوفك

حكيم : باوعت عليها من فوك ليجوه .. دشداشتها ضيقه مبينا مفاتنها الجذابه شمرت العبايه من راسها ..

نرمان : شبيك عمو

حكيم : انسحنت روحي

نرمان : من شنو

حكيم : من الحلا ..

نرمان : خجلت وسديت عباتي

حكيم : تعاي بعد عمج تعاي .. تمددت بصفي .. اني ابعد عن الشيطان يجي بصفي

نرمان : اريد غطه ثاني

حكيم : ليش

نرمان : عضيت شفتي .. مو دشداشتي تنرفع بليل

حكيم : ماعندي غطه ثاني .. تقربت على وجها اباوع بعيونها المكحلات اجه ابالي مضفر النواب من يكول ..

يابعدني وعين عيني ، ياحنين اهلي وحنيني كلشي بعدك طعمه فاهي والشكر مات على تيني ..

نرمان : عمو انته شكد حنين

حكيم : مو بحنيه نضراتج .. ناري

نرمان : تدري اني محد حبني ولا حن عليه غيرك اني ممتنه الك العمر كله

حكيم : كرصت شفايفها يلا نامي لا يعلك النسر وين نولي بهليل

نرمان : بسته بخده وانداريت

حكيم : احترك ابوج ..

نرمان : شفته كام .. وين رايح

حكيم : اسبح واجي ورايه صلاه

نرمان : يا عمو بهليل ؟ تسبح

حكيم : شمرت الكوشه عليها .. انخدمي

نرمان : تلفلفت بالغطه المليان ريحته ماحسيت بعد ..

_ثاني يوم كعدت مالكيته يمي عرفته سافر كمت لملمت الغرفه وعدلتها وطلعت برا .

نزار : طلعت عروس البستان

نرمان : لاتكول هم حيوان

نزار : اي ههههههههههههههههه

فاروق : اصبر عالحصرم تاكل عنب ..

نرمان : طنشته لان اعرف قصده مرت الايام كلش ضجت ونفسيتي تعبت وعمو ما اجه مرت الاسبوعين وما اجه كل يوم اراسله اسئل عليه

_ بيوم جنت كاعده بالهول اباوع على ضوه الحديقه ساعه 3 بليل شفت الباب انفتح وطبت سيارته ركضت للحديقه .. اول ما نزل من السياره حضنته بكل قوتي طبطب على ضهري تك ايد باس راسي ابتعدت اشوفه

_ عموووو هااااي شنو صدرك .. باوعت على ايده بيها مسدس

_ بصوت مبحوح .. ماكو شي اهدي

_ للحضه حسيت راح يغمى عليه من الخوف لزمت راسي والحجي كام ميطلع مني .. شفته داخ ولزم البنيد كمت اصرخ

_ عمووووو لااااااااااا صدرك دمممم لاااااااا عموووووو تسمعنيييييييي .. طلعو على صوتي يركضون

يتبع ...

نهايه البارت : خايبات تابعني انستا دخلو بحساب الواتباد تلكون رابط دخلو عليه وتابعني هناك نسولف وانطيكم مواعد النشر واخبار الابطال وحركات😩♥️ لتنسون اصوتون للبارت احبكم .. طبعا بعد كل بارت اكعد اقرأ تعليعاتكم واخرب ضحك😂

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تابعوني انستا duu_199

امس" بليل طيفك مر بلعيون ،وكعدت وياك ساعه وعاتبيتك فجئه وراح طيفك فزت الروح ، كلبت اليل كله ومالكيتك ♡

_________________________________________

بصوت مبحوح .. ماكو شي اهدي

_ للحضه حسيت راح يغمى عليه من الخوف لزمت راسي والحجي كام ميطلع مني .. شفته داخ ولزم البنيد كمت اصرخ

_ عمووووو لااااااااااا صدرك دمممم لاااااااا عموووووو تسمعنيييييييي .. طلعو على صوتي يركضون

فاروق : هاي شنوووووو حكيييييم .. ركضت عليه حضنته جسمه ارتخه وكع بالكاع لازم صدره .. تخبلت حكيييييم ابوووويه شبييييك

حكيم : اخذني للمستشفى ..

نرمان : اباوع على البيت الدنيا انخبصت بي كمت ادك والطم اخذو وطلعو بالسياره ضليت بالحديقه ابجي

نجاة : مسحت وجهي .. كومي طبي خابرني نزار يكول صحه

نرمان : كمت مفزوعه .. كولي والله مابي شي يعني فتح عينه نجاة اريد اروحله ما انتضر بعد .. كعدت بالكاع اشهك

نجاة : باجر يطلعو .. مابي شي لاتخافين مضروب سجينه

نرمان : خرمشت خدودي .. سجينه .. سوده بوجهي منو سوه بي هيج

نجاة : ما ادري بصدره جايه .. كعدت بصفها بالكاع ضلينه نبجي وحده تواسي الثانيه

نرمان : اذا صار بي شي اموت ورا

نجاة : اسم الله .. ولج احنه ماعدنه غيره كلنه نموت ورا

نرمان : خل اروح للمستشفى

نجاة : اسكتي بلكت الله واهل البيت يطلع من المستشفى اليوم

نرمان : اوكفي اتذكرت .. كمت جاي اصعد فوك

نجاة : وين اوكفي .. رحت وراها اركض طبت للحمام توضت وطلعت .. شجاي اسوين

نرمان : توضي وتعالي احسن ما نكعد نبجي مراح يفيدنه بشي ..

نجاة : رحت توضيت وطبينه للهول جابت قرائين

نرمان : خل نقره سوره المزمل كل وحده 10 مرات بنيه الشفاء وراها اطلع دعاء دزليا من جان عندي تكيس اقرأ هم للعافيه

نجاة : يلا زين اسوين .. خلي نبدي

نرمان : بدينه نقره .. ورا ما خلصنه طلعت الدعاء من الواتساب وقريته بصوت عالي

_ "اللهمَّ إنّا نسألك بأسمائك الحسنى وبصفاتك العلا وبرحمتك التي وسعت كلّ شيءٍ، أن تمنّ علينا بالشفاء العاجل، وألّا تدع فينا جرحاً إلّا داويته، ولا ألماّ إلّا أسكنته، ولا مرضاً إلّا شفيته، وألبسنا ثوب الصحة والعافية عاجلًا غير آجلٍ، وشافِنا وعافِنا واعفُ عنا، واشملنا بعطفك ومغفرتك، وتولّنا برحمتك يا أرحم الراحمين ..

نجاة : صلينه الفجر ورجعت نرمان تبجي ورافعه ايدها تدعي

نرمان : يارب البسه ثوب العافيه واذهب عنه البأس رب الناس بيدك الشفاء لا كاشف له الا انت يارب العالمين اشفي حكيم ابن نرجس ..

نجاة : ضليت فاتحه حلكي .. ولج انتي منو علمج هاي السوالف

نرمان : مسحت عيوني المغوشه .. عمو

نجاة : اووف الله يطلعه بالسلامه

نرمان : ضليت بجادر الصلاه الوب كل شويه انزل جوه بلكت اجو وماكو ضليت على هاذه الحال لثاني يوم صلينه الضهر سمعت باب الحديقه انفتحت طلعت اركض شفت هواي ناس اجوي اكثر من سياره ماكدرت اقترب ضليت واكفه اعين عليهم

فاروق : افتح الباب خل انزله

حكيم : ميحتاج اكدر انزل

نزار : كيمو اليوم نشبعك دلال حته بيره انجيبلك بس صير زين

فاروق : لاجفص

حكيم : نزلت من السياره وجانو عمامي ولدهم ورانه

فراس : يابه الحمدلله على سلامتك مابيك غير العافيه من سمعت بيك اجيتك بالشورت مالحكت البس كلابيه

ايهاب : اي بالعباس كمنه نتراك المهم انته سالم

حكيم : رحم الله والديكم

كمال : يابه تره اضل عدنه منا لما تتعافه احنه انداريك

حكيم : رحم الله والديك ما ارتاح اذا مو فوك

نجم : يابه ضل يمنا ومن اصير زين اصعد البيتك

حكيم : ابتسمت .. ما يحتاج هوا كله بيتي من يعجبني وين ما اريد انام بس خلوني براحتي هسه

كمال : ابد والعباس ما تصعد فوك اضل جوه

نزار : يمعود لا تحلف لا يسطرك العباس انته عوزك

حكيم : طبيت جوه لان اكو ضيوف كعدنه بمضيف ابوي .. مدولي فراش حته انام .. لا يمعودين وين انام شنو السالفه

ايهاب : ما راح تسولفنه منو سوه بيك هيج

حكيم : هزيت راسي .. سلابه

فاروق : سلابه ؟

حكيم : اي

يوم الحادث

_________________________________________

حكيم : لميت غراضي وطلعت من البيت متوجه للبصره .. وصلت للسريع منطقه مال تريلات .. وكفتني سيطره اول مرا لشوفها بهاذه المكان

_ السلام عليكم

حكيم : عليكم السلام

_ هويتك والسنويه

حكيم : طلعتهن انطيتهيا صفن بيهن شويه وكال

_ انزل لازم اندكك حاسبه

حكيم : هاي وين لكيتها .. شو اول مرا اشوف سيطره هنا .. نط واحد من الواكفين

_ اي لان اكو تجار جاي تعبر مخدرات من الميناء

حكيم : استغربت جوابه لان الضابط مينطي معلومات سويت نفسي مصدك .. سيدي الله يوفقكم انتو حماة البلد .. تقربت للكابينا مال الاستراحه حسيت بتصرفاتهم غريبه .. بعد اذنك اجيب جداحتي من السياره .. صعدت بالسياره فتحت الجكمجه طلعت مسدسي ضليت لازمه وكاعد منزل ايدي

_ شجاي اسوي تعال اخذ هويتك

حكيم : دقايق عصه السويج .. اقترب عليه واحد طلع سجينه واشري انزل .. مباشرا طلعت مسدسي وحطيته براسه دجني سجينه بصدري وابتعد سيطرت على نفسي وشغلت السياره وركعته طلقتين برجله وعبرتهم ضربو طلقات ورايه اجت وحده بالتاير الخلفي وحده طبت بالكشن الورايه استمريت على طريقي لحد ما وصلت لهنا ..

فاروق : *** ب** خواتهم الك****

ايهاب : الله دفع عنك بلاء جان لا سامح الله سلبوك وذبحوك وشمروك جان كلشي مادرينه عنك

نجم : اي والله

حكيم : الحمدلله دفع الله ماكان اعظم

نزار : اني هم اريد مسدس .. خاف يسلبوني

حكيم : عمي انته تسلبهم مو همه

الكل : ههههههههههههههههههه

فاروق : خل نشوف حكومتنه العظيمه شراح اسوي

حكيم : اني نجيت الماعنده سلاح اله الله .. دخل ابوي بالكرسي مالته .. كمت بست راسه

فاضل : ا اءء انته بخير

حكيم : اي بويه بخير ارتاح لا تحجي وتعب روحك الحمدلله عدت سلامات

فاضل : دمعت عيونه .. اءء لحمدلله بويه اءءلحمدلله من انته بخير

حكيم : ضليت كاعد يمهم على اعصابي مامرتاح .. للضهر تغدو وطلعو كلمن البيته ..

نزار : تريد اكومك تصعد فوك

حكيم : لا خليني بس صيح نرمان وقفل باب الديوانيه ما اريد واحد يطب

نزار : غمزتله مو تدلل .. طلعت برا شفتها تغسل مواعين ويا البنات والبيت هوسه حرت شلون اصيحلها شفت نجاة .. اوكفي ولج صيحي نونو

نجاة : شتريد منها

نزار : مو اني كيمو

نجاة : ثواني .. رحتلها .. نرمان حكيم يريدج

نرمان : اني .. وينه

نجاة : اعصابج عيني روحي النزار يفهمج

نرمان : نشفت ايدي ورحت اهرول شفته واكف .. هااا صدك عمو يريدني

نزار : اي طلع اسمج بالقرعه .. امشي بالديوانيه كاعد

نرمان : وحده

نزار : لا ويا جماعته .. اخذتها للديوانيه طبت وكفت انتضر برا

نرمان : طبيت شفته متمدد وباقي بالفانيله .. صدره جهت جتفه كله ملفوف .. انهضمت على منضره .. حجيت بصوت يرجف .. عمو

حكيم : ها يشيبه راسي

نرمان : تقربت عليه .. كام عدل كعدته .. كعدت كباله وعيوني مغوشه بالدموع

حكيم : ناري .. ليش تبجي

نرمان : عمو كلبي طك عليك كلبي خلص والله بعد ما اتحمل بعد لسافر والله كرهت حياتي وكرهت حته نفسي من تعوفني و تروح وانوب تجي متصاوب تدري من اخذوك تمنيت الموت ولا اشوفك متئذي .. قاطعني حط اصبعه على شفتي

حكيم : اششش بويه سكتي تعالي .. سحبتها نيمتها على صدري .. شويه وحسيته ارتخت نونو

نرمان : بدموع .. ها

حكيم : تدرين صدري يوجعني والمهدء خلص

نرمان : شلت راسي من صدره وزدت بجي .. هسه اكول النزار يجيبلك من الصيدليه

حكيم : لا اكو علاج بس كون الله يهدي عليه

نرمان : شنو ؟

حكيم : تبوسيني

نرمان : يا عمو بس بوسه .. تقربت عليه بعفويه بست خده وركبته .. ها عمو هدء الوجع .. كمت احاجي ميرد .. يا عمو شبيك اسم الله

حكيم : جنج انطيتني جرعه زايده

نرمان : تريد اشفطها ؟

حكيم : ههههههههههههههههههه بويه انتي شافطه

نرمان : ابتسمت على ضحكته الحلوه رجع مدد وغمض عينه وتغطه .. تريد اطلع ؟

حكيم : ججج .. مديت ايدي .. نامي عليها

نرمان : من لهفتي بدون تردد حطيت راسي على ايده واقتربت صار ميفصلنه شي اول مرا نكون بهاذه القرب .. فتح عينه والتفت عليه صرنه وجه بوجه

_ اريد انام

_ نام

_ بس متكومين ؟

_ هزيت راسي .. ما اكوم .. عمو

_ هممم

_ عادي بعد متسافر

_ جريت نفس .. الله كريم .. اريد تورثيلي جكاره

_ وينها ..

_ طلعي الباكيت بالبنطرون

_ رفعت جسمي طلعه انته

_ لا انتي طلعي

_ صفنت بوجها .. جان يطكها بضحكه .. طلع الباكيت والجداحه .. ورثتها اله

_ شفتي الجكاره شلون ورثت ؟

_ اي

_ هيج كلبي مورث عليج ..

_ مافهمت كلامه ضليت كاعده كباله كام يدخن وينفخ بوجهي وريحه عطره طاغيه بالمكان .. ليش متنام

_ ما اكدر اريد اسبح يله انام تعبان نونو

_ تريد اساعدك

_ تسبحيني يعني

_ فتحت حلكي بصدمه .. كام يضحك .. شفته ارتجه على الحايط يريد يكوم حطيت ايدي جوه ايده كووم اني اسندك

_ ميحتاج .. جاي تحسسوني مكسر

_ لا اسم الله

حكيم : طلعت من الديوانيه برا شفت نزار واكف وجها اصفر .. شبيك .. مارد .. سمعت صوت صياح التفتت على مصدر الصوت

نرجس : يماااااااحكييييم بس اشوووووفك كلشي ما ارررريد ارررروحلكم فدوه عوووفوني بس اطب اشوفه

رامي : يما اهدي انتي ماجاي اشوفيهم ميرضون اطبين اهدي

نمير : المن جايه ماعندج كرامه مو جاي يطردوج

فاروق : اكل تبن انته مطي .. ويلا اخذوها وطلعو المن جايه كلبها رهيف مقهوره على حكيم جان انقهرتي عليه من عفتي طفل وبركبته 3 جهال

نرجس : ولك عليمن طالع هيج كلبك حجرررر اني امك رضيت او ارضيت اني امك

فاروق : يلا بويه اخذو ست الحبايب مالتكم وطكطكو نعالاتكم

حكيم : طلعت بالحديقه اشوفها كاعده بالكاع هدومها متربه وتلطم اجت تركض عليه شبكتني .. ما انكر اني محتاج هاذه الحضن من 14 سنه و 9 شهور .. دفعت ايدها ..

نرجس : اروح فدوه الطولك اجيت اموت من عرفت بيك ما ادري شلبست وشلون اجيت

حكيم : رحم الله والديج .. عفتها جاي اصعد بالدرج

نرجس : اوكف يما وين رايح بس خل اشوفك خل امتع عيوني بشوفتك وروح ولكم اني شذنبي اخذت ابوكم وسوه بيا هيج عبالكم مر يوم بدون ما افكر بيكم عبالكم ما رسمت اشكالكم بخيالي ماشفت طول فاروق لو شوارب حكيم لو عيون نزار كلهن جنت احلم بيهن مرا وحده حضنوني خل كلبي يبرد

حكيم : زمخت بنزار .. تعاااااال افتح الباااااب اررريد اناام

نزار : جمدت بمكاني .. كمت ما اكدر اتنفس وعيوني غوشت .. صعدت فوك فتحت الباب الحكيم طب وركعها .. شفت المرا الواكفه لزمت كلبها وكامت تشهك التمو عليه الولد الوياها لازميها

نمير : يما امشي نرجع

نرجس : روح ارجع ويا اخوك اني ما ارجع اريد اشوف جهالي

رامي : يما لاسوين هيج امشي خل اروح مو فشلتي روحج وفشلتينه وياج

فاروق : همزين تدرون

نرجس : عبالك قوتك وجبروتك كبالي بطوله اطلعها على امك

فاروق : امي حلوووه هاي الحجايه بس ملايكلج الدور

نرجس : باوعت على نزار .. حته انته مثله

نزار : انداريت عنها وطبيت ورا حكيم

نرمان : ضليت واكفه مصدومه .. الكل طلعو على صوت عياطها وكامو يصيحون عليها ويطردون بيها ما عدا عمتي اصيله طببتها جوه وطبطبت عليها

نجاة : مريدج تفتهمين لو لا لتجيييين بعد

نرجس : اخخخخ تعاي يما خل اشبكج اروحلج فدوه شوكت كبرتي هيج

نجاة : عبالج انقهر عليج من اذبين دموع التماسح

نرجس : الله يسامحج

نجم : والله عشنه وشفناج بعد بهاذه البيت

نرمان : ضلو يتعاركون وياها لليل وما قبلت تطلع .. نجاة ونزار وحكيم كلهم فوك ولا واحد نزل منهم عدا فاروق ركب سيارته وطلع ..

اصيله : كومي سوي عشه ويا البنات

نرمان : عفتها وكمت اساعدهن وبالي كله يم عمو .. جرحه ما طاب ويوميه قهره شكل .. وكفت اشتغل وياهن بالعشه خلصت وعفتهن يدردمن على ام حكيم طببت للهول شفتها كاعده وحدها ..

_ خاله محتاجه شي

نرجس : لا يما بس بالي يم ولدي ضلو برا

نرمان : اصيحلهم ..

نرجس : علوى بلكت يطبون سوده عليه من الصبح طالعين وياي

نرمان : ماشي .. طلعت برا شفتهم بالحديقه واكفين ويحوسون بيها .. بلا زحمه امكم تريدكم

رامي : اذا خلصت خل تطلع حته نروح

نرمان : لا تريدكم يمها جوه طبو .. استوقفني صوت عاط بيه

حكيم : نرررررررماااان تعااااااااالي

نرمان : رفعت راسي شفته واكف يدخن .. خفق كلبي من الخوف ومتت من الخجل كدامهم من عاط بيه .. عفتهم وصعدت فوك امشي بس طبيت جرني من حجابي

حكيم : انتيييييييي لييييش سرررربوت ومستهترررره

نرمان : دفعت ايده وصحت .. شسوووويت قابل شبيييك وياي

حكيم : لاصيحين حيوووانه

نزار : شبيك حكيم اطلع حركتك بيها

حكيم : اكل تبن

نجاة : عوفها يمعود شسوت قابل

نرمان : جرني من حجابي وطببني للغرفه وركع الباب شمرني على الجربايه وخنكني .. حجه من بين سنونه

حكيم : .. شعندددج واكفه برا يم ذوله الم****

نرمان : امك دزتني اصيحلهم .. ماحسيت غير صفكني راشدي

حكيم : لا تكوووولين امك لا تكووووولين

نرمان : لزمت وجهي وغرغرت عيوني .. تقرب عليه لمني بأيده حيل وحط راسه بركبتي

حكيم : اسف لاتبجين لاتبجين وخرت ايدها من وجها ومسحت عيونها .. نرمان اريد انام بحضنج

نرمان : انهضم كلبي عليه .. تعال

حكيم : تمددت وفتحت ايدها نمت بيها .. لا تروحين ضلي يمي

نرمان : لا عمو ما اروح

حكيم : ايدي تنكسر قبل لا تنمد عليج

نرمان : عادي

حكيم : لا مو عادي .. حطيت ايدي على بطنها .. نرمان .. رجعت تكول اني امك رجعت تطمئن على جرح بصدري زين جرح كلبي منو يداوي منو يفكده

نرمان : حسيت بحراره دموعه الهزتني .. ما اتخيلت بيوم كل هاذه الجبروت والقوه واشوف عيونه مدمعه بيوم من الايام .. مرت دقايق وحسيته ارتخه وذب نفسه نايم التفتت عليه اشوف وجها وجسمه وطوله وضخامته نص جسمه بكدي .. سحبت ايدي من جوه راسه وغطيه فتحت الباب وطلعت

نجاة : ها نام

نرمان : هزيت راسي .. اي "

نزار : اني هم راح اطب انام ..

نرمان : كعدت بصف نجاة ضلينه وحدنه بالهول

نجاة : ما راحت

نرمان : لا جوه .. ليش متحاجيها والله انكسر كلبي عليها صيري انتي احسن منهم ادري هيا غلطت بحقكم بس تكول الصار غصبا ما عليها

نجاة : انجبي نرمان ولتدخلين خوش .. من اجتي امج شو كشيتي منها وشردتي

نرمان : يوووو .. شو محد يتحاجه مو صوجكم .. عدلت حجابي ونزلت جوه طبيت الغرفتي .. العرفته امهم ولدها مستقبلهم كمال وبايتين بالهول .. تمددت بفراشي احاول انام .. ما ادري شلون غفيت ..

" ثاني يوم "

_ كعدت الصبح سبحت وبدلت طلعت برا شفتهم يتريكون .. صباح الخير

الكل : صباح النور

روان : متتريكين ويانه

نرمان : لا راح اصعد فوك

نرجس : وين فوك ؟ .. يم الولد

نرمان : اي خاله

نرجس : اخذيني وياج

نرمان : كامت من السفره طلعنه بره جاي ينصعد بالدرج

نرجس : انتي شتصيرين منهم

نرمان : اصيله عمتي اخت ابويه

نرجس : بت عماد

نرمان : اي

نرجس : ها حبيبه اتشرفت بيج

نرمان : الي الشرف .. طبينه جوه لكيت بس نجاة كاعده بس شافتها كامت طبت للمطبخ .. خاله كعدي هنا هسه اجيج .. طبيت ورا نجاة

_ شبيج خطيه الخاطري كعدي يمها

نجاة : كتلج لاتدخلين

نرمان : وجع مكروصه .. عفتها ورحت الغرفت عمو دكيت الباب سمعت صوته

حكيم : ادخل

نرمان : صباح الخير

حكيم : صباح الورد

نرمان : شفته متمدد وبيده المبايل .. تريد احضرلك ملابس تسبح

حكيم : والله اسوين فضل

نرمان : لا تأمر انته .. رحت للكنتور طلعتله ملابس داخليه وتراك لفيتهن بخاولي ورحت علكتهن بالحمام ورجعتله .. اساعدك تكوم

حكيم : لا بويه اني اكوم

نرمان : بين ماتسبح اسويلك ريوك ..ابتسم .. طلع وطلعت ورا

حكيم : اليوم نشاط كاعده من الصبح ..

نرمان : ابتسمت .. اي علمودك .. قبل ليوصل للحمام وكف التفت عليه باوعلي بغضب

حكيم : هاي شصعدهاااا هناااا

نرمان : اءء اني

حكيم : انتي شنوووو شدخلللللج هااااا صايرررره مصلحه اجتماااعيه

نرمان : شبيكم بس اصيحون واني شعليه هيه كلتلي

حكيم : كزيت على سنوني .. راح اسبح واطلع ما اريد الكاها هنا مفهووووم

نرمان : مارديت طب للحمام منا طلع نزار من غرفته

نزار : هاي شنو شجابها هنا كومي نزلي يلا

نرجس : اجتفت .. ما انزل

نزار : باعي لاتلعبين على اعصابي ترا متحملج كوه

نرجس : وشتسوي مثلا

نرمان : ضليت فاتحه حلكي على اجوبتها ..

نزار : انتي شتردين هااا

نرجس : اريدكم

نزار : شفتي واحد بينا يريدج ؟

نرجس : اي

نزار : يا محمد العربي

نرجس : كلكم تريدوني بس تكابرون و انته اول واحد لاتحرموني اشم ريحتكم لو بالجذب تعالو حضنوني

نزار : ههه شلون عفتي رجلج ولدج واجيتي مو عيب منهم

نرجس : لا العيب انته تحاجيني هيج

نزار : واحد وين يولي بعد لهنا لحكتينه .. طبيت للمطبخ طلعت ابره السكر من الثلاجه سحبتها .. ورحت للهول

نرمان : كعد كبالها ضربها النفسه .. حسيته متعمد يحسسها بالذنب

نرجس : يما منين اجاك السكر

نزار : من السعاده

نرجس : سوده عليه

نزار : باوعتلها صفح وضليت كاعد شابك ايدي

نرمان : تريد ريوك

نزار : اي

نرمان : يما ميكول لا

نزار : شراح اسوين

نرمان : بيض وطماطه

نزار : اي بس كثري

نرمان : هههههههههههههههههههه ماشي

_ بهل اثناء طلع عمو من الحمام ينشف بشعره طب للهول كعد كبالها كئنما ميشوفها

حكيم : انطيني الريمونت

نرمان : انطيتهيا وطبيت للمطبخ شفت نجاة واكفته تبجي وحاطه طاوه على النار محروكه واطلع دخان .. ولج هاااي شنو

نجاة : مخنوكه

نرمان : طفيت الطباخ ودرت مي بالطاوه شاطت .. طلعت وحده جديده وكمت اسوي ريوك وسويت جاي واسمع بس شهكات نجاة

نجاة : ليش خليتيها تصعد

نرمان : استغفرلله اني شعليه غير هيه شبطت بيه .. شلت الصينيه .. تعاي تريكي .. طبيت للهول حطيت طبله كبالهم وكعدو ياكلون كعدت وياهم

_ تفضلي خاله ويانه

نرجس : بالعافيه

نرمان : عمو شعرك مبلل والسبلت مشتغل اطفي

نزار : اكلج .. شو اني من اسبح محد يكلي هيج وفوكاها اشغلون السبلت ؟

نرمان : ههههههههه بعد منشغله .. طبت نجاة مدنكه كعدت ويانه على السفره تاكل وتبلعم

نجاة : انطيني مي

نرجس : كمت جاي اصبلها .. هاج يما

نجاة : درت وجهي ما اريد اشوفها

نرمان : انطينيا خاله اني اشربه .. باوعت عليهم يخوزرون بيه .. يماااا شبيهم ذوله .. خلص عمو وكام طب الغرفته ونزار راح ورا

نرجس : يما وين راحو

نرمان : الغرفت عمو

نرجس : وينها اريد اروحلها

نرمان : ذيج الكبل .. كامت وراهم فتحت الباب وطبت صار هدوء شويه وكمت اسمع صياحهم

حكيم : كافي يما كافي ابوس ايدج رحميني ورجعي منين ما اجيتي

نرجس : يابعد امي وابويه انته احلى يما اسمعها بحياتي تعال يما بس احضنك الخاطري .. شفت ملامحه ارتخت اتقربت عليه لزمت ضهره وحطيت راسي على جتفه اشتميت ريحته المانسيتها ولا لحضه .. حضني حيل عصرني بين ايده

حكيم : ليش عفتيني وحدي ليش خليتيني ارجع وحدي للبصره خليتي روحي معلكه بغداد ليش يتمتيني اني و3 جهال تدرين شكد حاربت بغيابج

نرجس : ماكدرت انطق بحرف واحد .. كل البيدي دموعي .. يما انته لاتعوفني بعد عفتك وانته بأمس الحاجه الي انته لاتعوفني صير احسن مني والله جاي اموت بس محد يحس بيه

حكيم : للحضه ابتعدت عنها فركت راسي بألم باوعت على نزار واكف بعيد ودموعه تجري

نزار : خاف انته غفرتلها لا اني ولا الله راح نغفرلها ولا اريدها اني انولدت بدون ام وتربيت على هاذه الاساس

حكيم : بس كاااافي طلعو براااااا

نرجس : طلعت من غرفته نزلت جوه قررت اروح بس ما استسلم ..

نرمان : نزلت وراها ما ادري شكو طبيت للهول شفتها لملمت ملابسها وسلمت وطلعت مستعجله واعصابها ترجف .. طبيت الغرفتي اتكرضم عليهم شكد تبهذلو منوراها .. بليل دزلي رساله

حكيم : حضري نفسج الفجر نطلع الكربلاء

نرمان : بداخلي فرحت اذا يغير جو احتمال يرتاح دزيتله .. حاضر .. كمت لملمت ملابسي بجنطه صغيره وما نمت لان ما ضل شي للفجر .. اذن الصبح توضيت وصليت طلعت بالطرمه شفتهم دينزلون .. صباح الخير

الكل : صباح النور

نرمان : صعدنه الغراض بسياره فاروق لان مال حكيم بالتصليح بسبب الحادث .. ركبنه كلنه بيها وفاروق يسوق .. اول ما حرك كبل غفيت .. ما حسيت غير قريب منريد نوصل

نزار : ادري مكبسله هلكد نمتي

نرمان : ما ادري ما حسيت

حكيم : راح نوصل ما ضل شي صحصحي

نرمان : شويه وصلنه يم فندق اسمه ريحان .. حجز غرفتين ديلوكس

نزار : اني اريد غرفه وحدي

نجاة : واني هم

حكيم : هنه غرفتين وحده الكم وحده النه

فاروق : منو الكم والنه ؟

حكيم : انته ونزار ونجاة بغرفه واني ونرمان بغرفه

نزار : لا ربحنه

حكيم : انجب انته

نرمان : شفت فاروق يخوزر بينه صعدنه بالطابق 4 الغرف حطينه غراضنه ونزلنه جوه اكو مطعم بالطابق الارضي كعدنه بي

حكيم : شتاكلون

نزار : اريد كباب ولبن عيران

فاروق : اذا تكللهم اريد عيران ي****

حكيم : استغفرلله

نزار : جا شكول

فاروق : شنينه .. علساس انته متدري ابو الوصخ

نزار : احم .. احنه بكليه الحقوق نسمي عيران

فاروق : والحليب شسمه ني**ان

حكيم : خر* بشرفه اليطلعكم

نجاة : عفيه متنه من الجوع

نرمان : شويه ونزل الاكل ماخله شي ما طلبه كل واحد على ذوقه

حكيم : خل نصعد نرتاح والعصريه نطلع نزور على برد الهوه

نرمان : دفع الحساب وصعدنه فوك طبينه اني ويا للغرفه اول مرا احس بهيج رهبه نزع ملابسه علكهن وبقه بالداخليات استحيت من منضره اتغاضيت النضر عنه .. راح تمدد بفراشه

حكيم : اذا تريدين طبي سبحي وارتاحي

نرمان : لا مرتاحه هيج

حكيم : نزعي شالج وعباتج لتتقيدين

نرمان : نزعتهن علكتهن ورحت كعدت على طرف السرير

حكيم : شبيج بويه ترا ما اغتصبج تعاي نامي حته من نطلع مرتاحين

نرمان : بلعت ريكي بخوف .. ماشي تقربت تمددت بصفه

حكيم : مراح تنطيني مسكن اليوم ؟

نرمان : ها لا

حكيم : زين خل اجرب اني انطيج

نرمان : شنو شلون ..

حكيم : تقربت عليها لزمت خصرها وطبعت بوسه على خدها وشميت ركبتها ...

_هاي الصوره من محل حكيم الي بغداد ..

يتبع ... باجر انزل بارت

نهايه البارت : تابعوني انستا duu_199 والي تحجي عليا اموتها والله ممقصره اني 🥲💔 والكزاب بيروح النار

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

ما حاولت تلتفت ؟

تفتقد حنيتي ؟

مو جنت كلشي الك لميتك من الهوى

وضميتك بريتي

وذاك النطيته الك مو وكتي عافيتي ..!

_________________________________________

حكيم : مراح تنطيني مسكن اليوم ؟

نرمان : ها لا

حكيم : زين خل اجرب اني انطيج

نرمان : شنو شلون ..

حكيم : تقربت عليها لزمت خصرها وطبعت بوسه على خدها وشميت ركبتها ..

نرمان : ابتعدت عنه بسرعه اتذكرت مصطفى من حاول يعتدي عليه كشت نفسي منه ..

حكيم : احم .. شبيج هيج شردتي ..

نرمان : حسيت نفسي احرجته .. انداريت ونمت من غير جهه شويه وكمت اسمع شخيره .. خرب يومه كمت دغيته .. عمووو

حكيم : ها

نرمان : لا تشوخر اريد انام ارحم حواسي الخمسه

حكيم : من انام ممرتاح اكوم اشخر

نرمان : ليش مامرتاح

حكيم : مو انتي ما حضنتيني فخفت وكمت اشخر

نرمان : هههههههههههههههه لعد ضل اشخر خاف يجينه حرامي يخاف منك ويشرد

حكيم : هههههههههه ادب سز انخمدي مو صوجج

نرمان : تمددت ونمت الجو كلش حلو والسبلت مشتغل والاضويه خافته ماحسيت على نفسي من نمت

حكيم : كعدت على صوت المبايل فتحته .. المتصل فاروق

فاروق : الو

حكيم : ها يمعود

فاروق : شنو ماشبعت نوم ؟ صارت المغرب ونجاة اكلت شعر راسي تريد اطربك

حكيم : تمغطت .. يله بدلو بين مانجيكم .. سديت الخط التفتت على نرمان غركانه بالنوم وتشيرتها مرفوع وبطنها طالعه حطيت ايدي على تشيرتها اريد انزله .. كمزت

نرمان : هاي شنو

حكيم : تشيرتج مرفوع نزلته

نرمان : ها ما ادري .. شال الجداحه انطانياها وحط جكاره بحلكه ..

حكيم : ورثيها

نرمان : شعلتها .. تمدد يدخن ومطلع نص جسمه من الغطه

حكيم : كوم حبيبي بدل خل نطلع نصلي بالأمام ..

نرمان : ماشي .. كمت اخذت ملابسي وطبيت للحمام سبحت وبدلت .. طلعت شفته يحضر بملابسه طب للحمام صحت ورا .. عمو اطلع اروح يم نجاة

حكيم : لا انتضريني من اطلع .. يله روحي اني لاحكج الغرفه البصفنه رقم 93

نرمان : ماشي .. طلعت من الغرفه بارده واني سابحه دكيت الباب عليهم وطبيت شفت نجاة ونزار جاي يتكافشون وفاروق كاعد على صفحه يخابر

نجاة : اذا متنطيني البطل ادعي عليك يم العباس ابو فاضل

نزار : واني ادعي عليج يم ابا عبدلله الحسين

نرمان : والسبع يطلع دم

نزار : مو اطلع دمك ابو علي استقر

نجاة : شوفي شلون يحاجيج وانتي مرت اخو الجبير المفروض يحترمج

نزار : ولج اني لحد الان اخلاقي جميله وياج بس اذا غردتلج خل تفيدج جميله

فاروق : بسسسسس شنو زعاطييييط جاي اخابرررر

نزار : مو اوبامه جاي يخابر ميشيل

نرمان : طكيتها بضحكه .. شفت فاروق يخوزر بيه يماااا

_ بهل اثناء دخل حكيم ..

حكيم : يله نتوكل

نزار : هاي شنو شو سابحين شكو شجاي يصير خاف المي جاي يمشي من جواي

حكيم : من فوكاك يمشي

نرمان : طلعنه من الفندق نتمشه للامام لان قريب بشارع اسمه الولايه وصلنه للامام طبينه اني ونجاة من جها وهمه من جها واتفقنه نلتقي يم الكشوانيه .. طبينه لحضره الامام ابي فضل العباس .. كعدنه والهوى جان يرد الروح قرينه الزياره وصلينه طبينه للمقام

اَلسَّلامُ عَلَيْكَ اَيُّهَا الْعَبْدُ الصّالِحُ الْمُطيعُ للهِ وَلِرَسُولِهِ وَلاَِميرِالْمُؤْمِنينَ وَالْحَسَنِ والْحُسَيْنِ صَلَّى اللهُ عَلَيْهِمْ وَسَلَّمَ، اَلسَّلامُ عَلَيْكَ وَرَحْمَةُ اللهِ وَبَرَكاتُهُ وَمَغْفِرَتُهُ وَرِضْوانُهُ وَعَلى رُوحِكَ وَبَدَنِكَ، اَشْهَدُ واُشْهِدُ اللهَ اَنَّكَ مَضَيْتَ عَلى ما مَضى بِهِ الْبَدْرِيُّونَ وَالُْمجاهِدُونَ فِي سَبيلِ اللهِ الْمُناصِحُونَ لَهُ فِي جِهادِ اَعْدائِهِ الْمُبالِغُونَ فِي نُصْرَةِ اَوْلِيائِهِ الذّابُّونَ عَنْ اَحِبّائِهِ فَجَزاكَ اللهُ اَفْضَلَ الْجَزاءِ، وَاَكْثَرَ الْجَزاءِ، وَاَوْفَرَ الْجَزاءِ، وَاَوْفى جَزاءِ اَحَد مِمَّنْ وَفى بِبَيْعَتِهِ وَاسْتَجابَ لَهُ دَعْوَتَهُ وَاَطاعَ وُلاةَ اَمْرِهِ،

نجاة : بدموع .. نرمان ادعيلي ارتاح تعبت من هاي الدنيا حالي حال الطير المكسر معلكه لا طايله سمه ولا طايله كاع .. فلاح دمرررني

نرمان : طبطبت على ضهرها .. دعيت الها والحكيم والنزار والفاروق وابويه الله يرحمه حته امي مانسيتها .. خلصنه وطلعنا برا شفناهم ينتضرونا اخذنه اخذيتنه لبسانهن

حكيم : امشو اخذكم السوك صاحب الزمان ونزور كف العباس

نرمان : ابتسمت

حكيم : انتي كيفتي تموتين على السواكه

نرمان : هوا منو ميحبهن

نجاة : حكيم حضر جيبك

حكيم : الله يستر من نيتج

نرمان : طلعنه للسوك قريب على الامام اكثر شي يبيعون بي ترب وسبح ومداليات وعبي

حكيم : تريدين شي منا

نرمان : اي اريد سبحه

حكيم : تعاي اختاري

نرمان : عادي اي وحده

حكيم : اخذلج اني .. باعي هاي ام الابيض والاسود حلوه

نرمان : اي حلوه .. اخذها وطلعنه نتمشه كلش حبيتها لان هوا اختارها كمت اسبح بيها بالشارع

حكيم : تعرفين سر السعاده بهاي الدنيا ؟

نرمان : لا

حكيم : الاستغفار مفتاح السعاده كلما الانسان استغفر كلما خفت وزن ذوبه بالاخره وارتاح بالدنيا

نرمان : بس اني حته صلاتي متاركتها ابتسمت .. يعني ماعندي ذنوب

حكيم : ماكو انسان معصوم من الذنوب كلنه عدنه ذنوب اني وانتي وكل النعرفهم وبالاستغفار راح الله يرضا علينا ويغفرلنه والملائكه تشفعلنا بيوم القيامه

نزار : اله عمتج اصيله سفينه مال قرائين متشفعلها يكضوها الملائكه يربطوها بضهر ابو لهب

الكل : هههههههههههههههههههههههه

نرمان : ضلينه كل شويه واكفين نجاة تشتري حاجه حته سجاده اخذت

فاروق : طبعا انتي كلشي ممحتاجه بس تريدينه نصرف

نجاة : احب اجدد نفسيتي تنكرب من الروتين على الاقل منطلع نصنع اجوائنه الخاصه بالبيت

نزار : هاي منين تعلمتي هاي السوالف خاف من سولج كركاش

نجاة : لا من كمت اشرب عيران

فاروق : راح اكطع النعال على روسكم

نرمان : وصلنه لمطعم خربانين من الضحك

حكيم : تتعشون ونزور الامام الحسين لو بالعكس ؟

نجاة : اي والله جوعانين

نزار : اني ما اريد هسه

حكيم : حيرتوني

فاروق : خل نتعشه ونزار اذا جاع خل ياكل بمطعم الفندق

حكيم : خوش حجي

نزار : لا اتعشه وياكم واذا جعت بليل هم اتعشه

حكيم : هههههههههه امشي

نرمان : طبينه للمطعم طلب اكل كعدو ياكلون ..

حكيم : شو متاكلين .. خاف ماعجبج اطلبلج شي ثاني

نرمان : خير من الله بس مو جوعانه .. رجعو كملو اكل .. دفع الحساب وطلعنه نتمشه طبينه للامام الحسين هم زرنه وصلينه بيومها صدك ارتاحيت وتونست رجعنه للفندق ميتين من التعب راحو الغرفتهم واحنه طبينه الغرفتنه

حكيم : جعتي لو بعد

نرمان : لا والله موجوعانه

حكيم : بس اجوعين كليلي

نرمان : هزيت راسي .. طبيت للحمام غسلت وطلعت نزعت شالي امشط بشعري فتحت الثلاجه شفت بيها مي وعصير طلعته شربته اباوع عليه بالمراية شابك ايدة وصافن علية اشرتلة بحاجبي .. شكو

حكيم : تريدين اضفرلج شعرج

نرمان : ابتسمت " اي .. بس شلون ايدك تكدر

حكيم : جيبي مشط وقراصه .. وتعاي

نرمان : جبتهن ورحتله كعدني بين رجليه وكام يمشط بشعري

حكيم : شعرج صابغته هيج سواده

نرمان : لا من الله .. قسم شعري 3 اقسام وكام يفر بي يمنه ويسره .. شدسوي

حكيم : جاي اضفره ثبتي

نرمان : شو احسك جاي تعكد بي

حكيم : مجرد احساس نونو

نرمان : تقريبا ربع ساعه وكمت اباوع بالمرايه .. هاي شنوووو

حكيم : عجبتج

نرمان : حرام عليك شيفتحه بعد

حكيم : ههههههههههههههههه تعالي اني افتحه

نرمان : عقدت حاجبي .. اذا متعرف شكو تتعلم بشعري شنو حاطتلكيا وقف

حكيم : صايره دلاله

نرمان : ورعنه هم

حكيم : وسربوت

نرمان : وهيلك

حكيم : ومبربكه

نرمان : يلا كوووم فك شعري لا اصير صدك دلاله وافضحكم

حكيم : والله لانعل ابو شكلج .. كمت وكفت وراها افتح بشعرها خطر ابالي فستانها الاحمر .. احم ناري

نرمان : همممم

حكيم : الفستان الاحمر تعرفي مال حنه نجاة

نرمان : التفتت عليه مايعه من الخجل .. شبي

حكيم : بعده عندج

نرمان : لا

حكيم : ليش وين وديتي خوما ذبيتي لو انطيتي الوحده

نرمان : لا ضميته ويا الملابس الشتويه

حكيم : هااا اي ضمي حرامات جديد ... اءء ما جعتي

نرمان : الصراحه

حكيم : اي

نرمان : جعت

حكيم : باوعت على الساعه 2 بالليل .. لبسي وتعالي

نرمان : يا وين بهليل

حكيم : شعليج امشي .. اخذتها ونزلنه من الفندق كمنه نتمشه بشوارع كربلاء .. ندور مطعم

نرمان : اذا ماكو خل نرجع مو ضروري .. ضل ساكت شويه وشعل جكاره سمعته يدندن وصوته كلش حلو

حكيم : دهري .. راواني انواع الألم دهري .. كل لحضه يرميني بسهم دهري .. واعرف نهاية هل عمر .. دنيا .. دنيا مابيها بس هم وغدر دنيا ومنين اجيبلها صبر ...

نرمان : صوته مليان حنيه انهضمت على تعابير وجها غمضت عيوني استمعله

حكيم : جر نفس .. ها اندمجتي

نرمان : صوتك مررريح للسمع كلش

حكيم : يعني تنصحيني اصير رادود

نرمان : اي حته من اسافر اسمع صوتك

حكيم : هههههههههه هاذه همج

نرمان : اي بس والله صدك صوتك حلو ويطرب سمعي

حكيم : الدلاله طلعت تعرف تعبر

نرمان : باوعتله صفح ومرديت وصلنه لمطعم بالشارع شخص يسوي مشاوي وحاط كراسي بالشارع

حكيم : تعالي كعدي

نرمان : كعدنه وطلب اكل الي واله اول مرا احس طعم الاكل هيج طيب ماعرف شنو السبب ضلينه كاعدين وعمو كام يسولف ويا الشايب صاحب المطعم .. كلش تئخر الوكت سمعنه صوت الاذان

حكيم : يله وليدي اشبعج فر اليوم .. الحجي بيناتنه راح اتكرم من المشي

نرمان : ههههههههههه بس نصلي ونرجع

حكيم : احلى وقت للزياره الفجر هوا بدايه لكل يوم جديد وبهاذه الوقت بالتحديد تنزل الملائكه تقسم الارزاق حسب الاعمال .. يشوفون منو تعنه وكام يسجد لارب الكون تضمنله حصته ورزقه وسعادته بهاذه اليوم .. ابد لا تقطعين صلاه الفجر

نرمان : لا عمو ان شاءلله .. بس بالدوام صعب لان ما انام كفايه

حكيم : حتلو منو اهم النوم لو الخالق ؟

نرمان : صحيح .. وصلنه للأمام توضينه وكفنه نصلي بينه فاصل حديد ذهبي قرينه قرأن وسبحنه استغفار .. لحد ما طلعت الشمس كمت اهلوس من النعاس

حكيم : ها بابا نتوكل

نرمان : اي كلش نعست .. كمنه سلمنه وطلعنه صعدنه بسيارات مال سياح وصلنه للفندق طبينه الغرفتنه نطوطح كبل شمرت نفسي بالفراش بحجابي

حكيم : نمتي ؟ نونو .. تقربت عليها نزعتها الحذاء والعبايه وشالها حطيت ايدي جوه خصرها عدلت نومتها باوعت على شفتها شي بداخلي يوزني عليها .. استغفرت ونزعت ملابسي تمددت بصفها كل شويه اسرق النضر الها لزمت شفايفها بيدي عصرتهن اريد كلبي تطفه ناره رفعت راسها حطيته على صدري واخذتني النومه ..

" ثاني يوم ساعه 12 الضهر "

حكيم : فزيت على صوت الباب .. طفرت من الفراش فتحتها

نزار : يمعووود عبالنه متو حركنه المبايل عليك وعلى نرمان محد يجاوب

حكيم : حكيت شعري .. لا مو البارحه مانايمين

نزار : عدكم ليله حمره مووو البيره وين المزه وين شو خل اباوع .. مديت راسي اشوف ماحسيت غير انكفخت

حكيم : بط***

نزار : زوجوني بالعباس افضحكم واشهركم ..

حكيم : حته تنكلب من الحقوقي للوقي

نزار : هوا اني بلا كلشي لوقي ..

حكيم : دفعته جاي اسد الباب .. امشي لا انعل ابو شكلك

نزار : نعله بس زوجني .. رجعت الغرفتنه

فاروق : ها احياء اموات ؟

نزار : جنهم صاعدين نخل للفجر لان ميكدرون يكومون من الفراش

فاروق : اي عرفت .. بس لاجفص كدام نجاة

نجاة : طلعت من الحمام سمعت حديثهم .. بكلبي .. معقوله نرمان انطت نفسها بالخطوبه الحكيم او هوا قبل ياخذها كمت الوب اريد اعرف .. احم ما اسئلتهم شوكت نطلع

نزار : لا سد الباب بوجهي

فاروق : ثواني اني اروحله حته اذا ميطلعون نطلع احنه .. تمشيت الغرفتهم دكيت الباب

حكيم : هاااا يمعووودين

فاروق : تجي لو نروح

حكيم : خل اشوف نرمان تكدر تكعد لان مانايمه البارحه

فاروق : اخذتها ؟

حكيم : استغربت من سؤاله .. لا

فاروق : لعد ليش ماحجزت غرفتين وخليت البنات وحدهن حكيم انته شتريد بالضبط تبقيها على ذمتك وتلعب بيها وبمشاعرها ومن اطب كليه تكوللها بيباي ؟

حكيم : منو كلك هاذه الحجي .. منو كلك اني العب بيها واعوفها

فاروق : شنو معنى تصرفاتك تريد تقنعني انته متحبها وماحاطها ابالك اذا اتريدها اخذها وذا متريدها عوفها

حكيم : طلعت وسديت الباب ما اريدها تسمع .. فاروق ما اكدر اكمل وياها اخاف عليها .. ما اكدر اتحمل ذنبها اخاف اخاف تموت اخاف متتحمل اخاف تتندم عليه

فاروق : لعد ليش اسوي روحك متدري متذكر نور شلون خلت نجم النكس يلعب بيها لو من انتحرت اتريد تعيد نفس المأساة ؟

حكيم : كافي شيل نور من بالك لاتقارن نرمان بنور ذيج اهلها باعوها بيع وعقلها ثلاث ارباعه ن*** لو شريفه متخلي نجم يلمسها

فاروق : هوا اني لو انته الجاي يقارن ؟

حكيم : كافي سد الموضوع مو وكته ..

فاروق : شوكت وكته ؟ .. من اطب كليه وتحبلها واحد

نزار : وينك هاذه كله جاي اسئله يطلع لو لا البرلمان قر الموازنه مال دوله بربع ساعه وحكيم ماقرر يطلع لو لا

حكيم : يله بدلو هسه نجي .. طبيت للغرفه .. نونو كومي يابه

نرمان : نعسانه

حكيم : دكومي ملحكين على النوم

نرمان : كمت كوه افتح عيني سحلت روحي للحمام غسلت وجهي وطلعت

حكيم : يلا استعجلي منتضرينه

نرمان : بدلت بسرعه وطلعنه شفناهم منتضرينا بصاله الانتظار

نجاة : وين صرتو يمعوده ..

نرمان : جنت نايمه .. شفت نضراتهم غريبه طلعنه بالسياره ونجاة كاعده بصفي تحوص .. شكو شبيج

نجاة : نصيت صوتي وهمستلها .. باعي لاتفهمين غلط بس جاوبي على سؤالي الي جاي ياكلني

نرمان : كولي

نجاة : حكيم اخذج ؟

نرمان : شنو يعني

نجاة : يعني تقرب منج مثل العرسان

نرمان : حطيت ايدي على حلكي .. لا ابدددد

نجاة : ها عبالي اسفه ما ادري لازعلين

نرمان : انداريت اباوع من الجامه اكيد كلهم جاي يفكرون هيج وحقهم لان تصرفاتي غلط .. وصلنه للقطاره مكان بين الجبال كلش حلو دخلنه وهناك جان اكو مي للعافيه وكفنه نشرب منه

حكيم : فاروق انته لاتشرب منها .. هاي طاسه الخلاص وعليها ايات قرانيه وانته تشرب

فاروق : لا ما اريد اصلا

نرمان : رجعنه بالسياره تغدينه بالمطعم ورحنه الغرفنه طبينه .. عمو

حكيم : شيباته

نرمان : منيلك شيب شعرك اسود من شعري

حكيم : عوذه حاطه عينج عليه

نرمان : هههههههه حته نسيتني شريد اكول .. ها اذكرت .. شوكت نرجع

حكيم : نصلي المغرب ونتوكل

نرمان : ها يعني منبات

حكيم : لا ليش

نرمان : هيج .. كمت لملمت غراضي .. عادي اروح اكعد يم نجاة

حكيم : امشي اني هم اجي وياج

نرمان : رحنه الغرفتهم شفنه نزار حاط كيك ياكل بس شاف حكيم ضل فاتح حلكه

حكيم : هاي شدسوي ؟

نزار : والعباس طيب تعال ضوك

حكيم : زقنبوت مو عندك سكر

نزار : هيه بس هاي الكمه الله واكبر

حكيم : على راسك يلا ذبها .. لعد انتو شنو كاعدين هنا مشوفو شجاي ياكل

فاروق : كتله يكلي الكيك ميئذي لان طيب

حكيم : جريت الجيس منه انطيته النرمان

نرمان : الله شكد طيبه انوب محشيه كوكو

نزار : سم الحسن

نرمان : بكلبك

نزار : عمتج اصيله شنترجه منج تسس تسسسس

نرمان : برطمت .. تقبل هيج يحاجيني

حكيم : كرصتها من ضهرها

نرمان : اوووي اذيتني .. شفتهم صفنو عليه حرت شلون الزكها .. الحذاء ضيق

حكيم : متتلزك سكتي

نرمان : ضلينه نتناكر للمغرب صلينه وطلعنه للبصره كضيت الطريق كله نوم ونزار ما سكت حجه قصت حياته وحياة الطلاب الويا .. وصلنه للبيت هلكانين جريت جنطتي وطبيت للبيت جان ضلمه فتحت غرفتي ونمت مجفيه على وجهي ..

ثاني يوم "

_ كعدت الصبح واسمع البيت هوسه غسلت وبدلت ضليت اتمغط ماودي اطلع لان ادري راح انغث اخر شي كتلني الجوع وطلعت

" صباح الخير "

الكل : صباح النور

نرمان : شفت نسوان 3 كاعدات بالهول يسولفن ويا عمتي بس شافني ضلن يتشاورن

_عفتهن وطلعت للضهر صبينه غده نزلو الولد ونجاة ويانه التمينه كلنه على السفره

اصيله : حكيم شفت ذني النسوان الاجني هسه

حكيم : شبيهن

اصيله : تريد نرمان الابنها المدرس هم شلون ولد شاب

حكيم : اكلت لكمه .. اي وشكلتيلها ؟

اصيله : كلتلها مخطوبه

حكيم : بين قوسين ( متزوجه)

نزار : وهيه منين تعرف نرمان

اصيله : شافته تركص بحنه نجاة بعد بت عواطف شتريدوها علويه غير تورج العالم علينه يلا ترتاح

نزار : جا العرس يلطمون بي غير يركصون لو انغثيتي لان متعرفين تهزين

اصيله : شوف اخوك الادب سز يقارني بهاي الزعطوطه واني بكد امه

حكيم : انجب لك ترا ما مغثوثه لان متعرف تركص مغثوثه لان نونو صارت ام البيت

نرمان : لزمتنه الضحكه اني ونجاة وحده تباوع للخ ضل حكيم يخوزر بينه خلصنه الاكل

_ رحت غسلت المواعين خلصت وطبيت الغرفتي طب ورايه وسد الباب كعد على الجربايه ويباوعلي من فوك ليجوه

حكيم : فرحانه موو ؟

نرمان : على شنو

حكيم : من خطبوج حته وجهج رد الدم بي .. عجبتج السالفه

نرمان : لا والله ولا ابالي

حكيم : تمددت .. ماجذب البردوني من كال ..

لا تغضَبي مني ألَستُ فتاكِ أهواكِ يا قَدري ولا أَهواكِ لا تحسَبي أني عشِقتك طائعاً قَدرٌ لعَمرُكِ زارني ونسيكِ قد كنتُ أحيا خالياً مُتَحفِّظاً واليومَ شُغلي في الحياةِ رضاكِ ماذا صَنعتِ بهامَةٍ لم تنحني فحَنيتها وكَسَرتها بِحلاكِ

نرمان : كالها وضليت صافنه فاتحه حلكي .. طلع يجر حسرات .. سديت الباب ورا

_ضليت كاعده لليل طكت روحي وصعدت يم نجاة شفت البيت ضلمه ونايمين بغرفه فاروق هيا ونزار وعمو بغرفته طبيت للمطبخ ادور شي اكله .. لكيت كبه بالفرن سويت لفه وكمت اكل سمعت طكطكه ورايه التفتت شفت ..

فاروق : انتي شجابج هنا

نرمان : حطيت حجابي عدل على راسي .. اءء جاي اكل

فاروق : طبي نامي لا يفز عمج مخروع

نرمان : هزيت راسي بخوف .. يمااا نضراته تخوف .. ركضت الغرفه عمو فتحت الباب وغصت بحضنه .. عمو .. شفته ما رد ابتسمت على ملامحه معبس وجها تقربت على وجها .. وصحت

_ كيمو .. كبل رد ..

_ نمنمه البربوك

_ صخام بوجهي الرجال كاعد .. انداريت انام بعيد عنه .. صار صوته قريب على اذني

_ مدرس مو ؟ .. والله لانعل ابوج المشتوي

يتبع ...

نهايه البارت : شوفن بنياتي هاذه البارت كرزن بي حب هديه مني الجن لان وعدتجن ادري مو طويل بس منوراجن باجر ان شاءلله هم انزل ومو الفجر من وكت لان مقدره ضروفجن الدراسيه بس امانه الله اريد تدعولي على شغله ابالي حته انزللكم مرتاحه امانه لاتنسوني بالدعاء

الكاتبة : ( Duha al amet ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

اخذ دمي حبر لو وشلت حبرك لازم كلبي بيدي وكاعد انتظرك تانيتك تجي وماجيت شمصبرك... واكف كل كياني وروحي تتلكاك... من كلبي اندعي المانع عسه لأمرك... دكات الكلب تحسبلك اللحظات وعيني معلكه اعله الباب تنتظرك... لحظات انت عندك وانه عندي سنين...

تابعوني انستا duu_199

_________________________________________

نرمان : هزيت راسي بخوف .. يمااا نضراته تخوف .. ركضت الغرفه عمو فتحت الباب وغصت بحضنه .. عمو .. شفته ما رد ابتسمت على ملامحه معبس وجها تقربت على وجها .. وصحت

_ كيمو .. كبل رد ..

_ نمنمه البربوك

_ صخام بوجهي الرجال كاعد .. انداريت انام بعيد عنه .. صار صوته قريب على اذني

_ مدرس مو ؟ .. والله لانعل ابوج المشتوي

_ رفعت حاجبي .. لاتسب ابويه

_ ماسابه شاعله .. مثل ما شاعلتني

_ يووو واني شعليه بالمدرس قابل شايفته اعرفه .. رفع راسه يخوزر بيه ..

_ خاف وياج بالمدرسه ؟

_ لا والله اصلا ماعدنه مدرسين بس مدرسات والمعاون رجال جبير

_ كيفتي من خطبج المودرس

_ لا

_ وجعه امي .. شو باوعيلي ولج ..

_ نعم

_ نعنع الله ضلوعج

_ لزمتني الضحكه من شفته يفرفح ويضرب على رجله اخر شي تقرب عليه وصك اسنانه ..

_ والله لانعل ابوج على ابو المدرس على ابو اصيله اخخخ سربوت لا تعرف الرحمه

_ طكيتها بضحكه كام يخبط فصحى وجلفي ..

_ لا ضحكيييين .. جنج فرخه مطلكه

_ انداريت عنه .. اوووي انزل انام بغرفتي بكرامتي

_ انزل حبيبي بس خاف اشوفين واحد يفوت خطف من يمج راشدي طاير تنشالين وتركعين بالهوى لان البارحه سمعت بالمنطقه يكولون الطنطل طاب المنطقه مالتنه

_ رجفت من كلامه وبلعت ريكي بخوف .. بس البارحه جنه بكربلاء شوكت كالولك

_ خابروني

_ لا عمو ما انزل الغرفه تخنك .. شفته يضحك كرص خشمي وسحبني الحضنه همس باذني

_ اني شصير منج

_ التفتت عليه .. ختيبي .. ماحس غير كفخني

_ هاي منين سامعتها

_ من البنات بالمدرسه كلهن يصيحن ختيبي وبس ترزلها المدرسه تحط الحلقه بعينها وتهددها بعنتر ابن شداد

_ من اكول السان دلاله .. نامي لا ابتلي بيج

_ ابتسمت وغمضت عيني كام يلعب بشعري ويعكد بي لحد ما نمت ..

_ كعدت الصبح شفت نرمان شويه وتشمرني من الجربايه تلعب ملاكمه من تغفه ..

"كمت اتمغط تقربت ارفع جسمها لا توكع .. وكعت عيني على تشيرتها مزحلك ومبينه حماله صدرها رفعتها من الجربايه ونيمتها بالنص جريت الغطا وذبيته عليها ماكدرت اعوفها واكوم ضليت بصفها رفعت شعرها عن وجها .. ناري

_ همم

_ كافي نوم كومي لا النسر يدغدغج ..

_ بس شويه نعسانه

_ والنسر

_ شعليه بي عوفني

_ تقربت على وجها اعاين شفايفها الورديه مشيت اصبعي عليهن وصلت الركبتها

_ لادغدغني

_ خلي اعضهن .. فتحت عينها فازه ..

_ شنوه

_ شنوه ؟

_ شتعض

_ اني

_ اي انته تريد تعضهن

_ تنهدت .. حلمانه

_ ما ادري يمكن

_ يلا نمنمه كومي ضمي عود السكر وسواد الليل خل نطلع نتريك عندي شغل لازم اطلع

_ عضيت شفتي الجوه .. تروح البغداد

_ لا اجيب سيارتي من التصليح و

_ وشنو

_ باجر اروح بس ما اتأخر

_ انقبض كلبي ودمعت عيوني .. اخذني وياك

_ لا وين اخذج وياي بويه ما اتأخر بحيل الله 4 ايام وارجع .. ما اكدر اعوف شغلي

_ براحتك .. كمت مهضومه لبست وطلعت للهول .. صباح الخير

الكل : صباح النور

نزار : كعدت ام الخير

نرمان : ابتسمت .. اوي خجلتني

نزار : لا ابو علي كلشي ولا تخجل يلا توكل سويلنا ريوك جوعانين

نجاة : اي والله منتضرج اله انتي تكومين تسويله رحمه على ابوج من خلصتيني من بطنه

نزار : عالساس جنتي مشرمتها قبل

نرمان : يما محد يخلص من السانك رحت للمطبخ يردون 12 بيضه طلعت تبسي يلا يكفي اكلي بي .. خلصت وطلعت وديت الصينيه التمينه ناكل

حكيم : راح اجيب السياره من التصليح

فاروق : خابروك كملت ؟

حكيم : اي بس السمكري يريد عليها 4 اوراق لان اكو ضربه بالچاملغ

فاروق : خل تولي بيعها متسوه

حكيم : اي راح ابيعها واخذ غيرها طابت نفسي منها

نزار : جا انتو نفوسكم طيبه اني نفسي جايفه متنطونياها

حكيم : خل انشوف ابداعاتك هل سنه والله كريم

نزار : شنو اشك بقدراتي

نرمان : لا منو يشك بقدرات ابو السحوره

نزار : انجبي لج انتي ردتي سحر حته حكيم يصير محبس بيدج

نرمان : فتحت حلكي .. والله جذاب

حكيم : متستحي انته شهل حجي كل جفصه اكبر من راسك المدوحس

نزار : هم رجع عليه

نجاة : مو انته ساس البلاء كله

حكيم : نجاة اول يوم رمضان الجلسة مال المحكمة .. يعني اسبوع الجاي

نرمان : كلنه انتبهنه على وجها الصوفر

نجاة : هزيت راسي .. ان شاءلله

نزار : اني اجي وياكم لان هناك كلها محامين جماعتي واعرف اتفاهم وياهم وهم اطب وياج للقاضي خاف يغثج بحجايه

حكيم : هاذه قاضي مو مرت ابوك

نجاة : ضحكني واني روحي طافره

نرملن : شلت الصينيه وديتها للمطبخ و عمو بدل وطلع ضلينه كاعدين بالهول نجاة لازمه بجيتها وعيونها تلمع ونزار حاط دفتر ما ادري شيكتب وفاروق كالعاده كالب وجها .. اني راح انزل جوه

نجاة : اخذيني وياج

نرمان : نزلنه جوه طبينه للبيت تلكتنه عمتي

اصيله : هلا بأم البيت هلا بسورها ونورها

نجاة : والحسين المضلوم اطلع قهر الله كله بيج اذا متعوفينه

نرمان : كبل اندارت وطبت للهول .. عوفيها خل تولي

نجاة : ام حلك الاهدل عدها السان وتحجي محد طيح حظي غيرها ..

نرمان : كافي يمعوده .. طبينه الغرفتي .. كعدنه على السرير اباوع على نجاة لزمت راسها بألم تفرك بي

نجاة : يعني صدك راح يطلكني اشفت ويا شهرين كسرني وشبع مني وذبني لعد ليش ما راح ازوج متعه وعافني اذا هيج مقرر .. لج انتي تذكرين من جان يبجي عليه بالمبايل لو اني متوهمه

نرمان : هزيت راسي مابيدي شي عليها ..

نجاة : بس هيج يطلكني واعوفلهيا مخضره تونس وارتاح ورجع المرته وجهاله .. هيهات اذا ما ابرد كلبي بي العار فرخ الجلب

نرمان : حطيت ايدي على جتفها .. اهدي موزين هيج اسوين بروحج منو يفيدج

نجاة : اخخخخ ولج محد يحس بالنار اله صاحبها هديني نرمان هديني

نرمان : عافتني وكامت كمت وراها .. طبت الغرفتها وقفلت الباب .. رجعت الغرفتي صبو غده اكلت وغسلت المواعين وبعد ما صعدت فوك دزيتله رساله بالليل

_عمو تصبح على خير واتغطه زين لا يجيك الطنطل ..

ثاني يوم الصبح .. بس فزيت لبست عباتي و ركضت فوك

نجاة : صباح الخير

نرمان : صباح النور .. عمو وين اريد اسلم عليه قبل لا يروح

نجاة : طلع من الفجر

نرمان : لااااا صدك تحجييين

نجاة : والله .. تعالي طبي خل نتريك سوه ماكو احد

نرمان : طبيت جوه سوينه ريوك وكعدنه ناكل فتحت مبايلي شفته مجاوبني على رساله البارحه

_ يعني اليوم سواد الليل مينام يمي .. على العموم هوا الخسران .. زين بس مهدء انطيني وروحي .. والله لانعل ابو شكلج ..

_ ضليت اقراهن واضحك لا اراديا

نجاة : ضحكينه وياج

نرمان : لاهيج فيديو تافه ..

نجاة : عوفي فيديواتج التافهة .. اني مخنوكه

نرمان : تريدين انضف البيت نلتهي ؟

نجاة : باع هاي اكللها مخنوكه تكلي خل انضف

نرمان : لعد شنسوي مال طلعه محد يخلينه نطلع

نجاة : امشي ننزل جوه بالكت يجي نزار نقنعه يطلعنه

نرمان : ليش وين راح

نجاة : صديقه بالدوام مسوي عمليه وراحله

نرمان : هاا .. شلت الصينيه غسلت المواعين ونزلنه جوه بس طبينه انصدمنه ..

ام فلاح : شلونج خاله بعد كلبي

نجاة : فتحت حلكي واطرافي بردت شتريد هاي .. باوعت عليها بخزره ونترت بيها .. زينه

ام فلاح : ياحبيبه من سمعت بيج زعلانه لليوم لا لليلي لليل ولا نهاري نهار

نجاة : مو زعلانه اريد اطلك

ام فلاح : يا ولج يما تنعلي الشيطان من كلي فلاح اسودنت هيه مال طلاك بعدج حديثه شتكول العالم عليج

نجاة : همه وهاذه اشرت على نعالي ..

ام فلاح : يااااا ولج احجيلج شي ام كمال فدوه العينج

اصيله : جا اذا ميريد طفل المن اخذها لو كاعد وساكت على مرته احسن ولا ضلم هالبنيه

نجاة : يا باجي صاير حجيج حكم من شوكت هيج شايله همي من صوتياتج ويا سهى ؟

ام فلاح : تنعلي الشيطان ولمي جنطتج وتعالي وياي خل ارجعج البيت ويجي رجلج من الداوم يالكاج كاعده منتضرته ومفيره شعرج وعلى حب الله ورسوله

نجاة : ترا ابني المات مو فرخ دجاجه عمه رحمه الوالديج خليني ساكتة ابنج خركه بيد مرتة واني مامستعده اكمل ويا هيج واحد

ام فلاح : يااااا ولج مو عيب هل حجي احترميني حشميني .. هوا الرجال مرته تعدله ومرتة تخلي يكرها ويعاملها هيج ما اريد احجي بس

نجاة : بس شنو

ام فلاح : هوا يكول من يوم الاخذتها لسانها شطوله وترادد حته من اجي يمها جنها حجاره .. جا الرجال غير يريد مرا لهلوبه جوا

نجاة : تخبلت من سمعت حجيها تهسترت وكمت اصيح .. يا لهلوبه هاااااا يااااا لهلوبه اني الخلووووني ساكته .. يعني انتي ترضين يجيني بوصخه من مرته لا سابح ولا غاسل ويتقربلي حته نفسي تلعب منه واكبر حرام هاااذه وانتو شنو تعرفون الحرررام

نرمان : كامت المرا لا تاخذ ولا تنطي وجها صوفر والصمت شربت الجاي وكامت طلعت ضلت نجاة كاعده على اعصابها ترجف

نجاة : وحق اهل البيت لوما عيب وتطلع بوجه حكيم لاجان حطيتها ودست بطنها .. اني اني يحجون عليه هيج اخخخ لو يصبوك ذهب يا فلاح بعد ما افكر بيك

نرمان : خل يولي طاح حظه وحظ امه ويا

نجاة : عوفيني نرمان اريد اكعد وحدي

نرمان : براحتج .. كمت طلعت اتذكرت انضف الفوك لان فارغ وهاذه انسب وكت ..

_صعدت فتحت الباب والشبابيك ذبيت جبتي وحجابي بقيت بالتراك انضف بالصاله خلصت ورحت الغرفه فاروق فتحت الباب انصدمت لكيته يصلي تذكرت اني بدون حجاب ركضت للهول لبست سمعت خطواته ورايه

فاروق : شعندچ هنا وجايتني للغرفه ؟

نرمان : جريت نفس حته ما اتوتر .. جاي انضف

فاروق : تنضفين باوعتلها من فوك ليجوه تراكها ضيق ورب ردان .. هيج تنضفين ؟

نرمان : جريت جبتي البس بيها مارفع عينه مني

فاروق : عبالج ذني يعبرن عليه ابتسمت .. شنو الي تريدي بالضبط

نرمان : خفت من نضرته .. ما اريد شي جاي انضف

فاروق : ايباااخ .. لج بابه عيب اني محترمج لان على ذمت اخوية لوما على ذمته جان انطيتج المقسوم وماخلي بنفسج

نرمان : نضراته فهمتها اكثر من كلامه السم .. شبيك هيج تعاملني شسويتلك اني متكلي من اجيت جنت شلونك ليش هسه تكرهني واني ما مأذيتك فديوم

فاروق : جنت استخطيتج ..

نرمان : غصبا ما عليك احترم نفسك وياي ترا اكول الحكيم وميصير خير

فاروق : اخ لشتي كامت ترجف

نرمان : شمرت الماسحة من ايدي ونزلت جوه .. خر* على هاذه البيت ميكدرون يوم واحد اذا ميحركون كلبي جاي اطب للهول شفت نزار طب للبيت لابس نضرات شمسية نزعها واجه مبتسم

نزار : شبي ابو علي ضايج خاف لان معلمة مسافر

نرمان : ههههههه خرب يومك عوفني راحت هيبة القهر منوراك

نزار : ياقهر ولج جنج فص مال ثوم مدحدح بس كل البلاء بي

نرمان : والمطلوب ؟

نزار : امشي سويلي ريوك

نرمان : طبينة للهول لكيت نجاة تباوع تلفزيون

نجاة : هاا رحت الصديقك

نزار : اي

نجاة : شوديتله فضل

نزار : سكتي غير وديتله كيكة ضلو صافنين انوب اجيت اتحمدله على سلامتة كتله .. ان شاءلله مشوف العافية .. عبالهم جاي اشمت بي

نرمان : وكعنة بالكاع اني ونجاة من الضحك

نجاة : وماطردوك

نزار : لا انوب طبت امه تقدملنه مي عود جاي اسولف وياها مقهور كلتلها .. خاله البواسير عدكم وراثة ..

نجاة : كافي بداعت ابوك راح ابول ..

نرمان : عيوني دمعت من الضحك .. طبيت اسويله ريوك كملت وجبتلهيا

نزار : كفو

نرمان : تدلل تريد شي ثاني

نزار : سلامتج فاروق وين

نرمان : نغزني كلبي من جاب طارية.. فوك

نزار : ها ..

نرمان : طبيت الغرفت نجاة ضايجة ..

نجاة : شبيج

نرمان : حرت شكول بس كلت المح الها عن فاروق .. اكلج فاروق ليش يضوج مني

نجاة : لا يول ميضوج منج هوا هيج

نرمان : شنو هوا هيج شو بس يخوزر بية

نجاة : لا ولج هوا ماجان هيج.. سالفته طويله ..

نرمان : احجيلياها كمت اشيل على روحي منورا

نجاة : اذا عرف اني مسولفتلج يشك حلكي

نرمان : والقران ما احجي

نجاة : ترا يتخبل علينة حته حكيم لازم ميعرف اني كلتلج ترا نخرب

نرمان : اشرت على اذني .. ابددد اطبب منا واطلع منا

الرجوع الى الماضي 2011

_________________________________________

فاروق : بداعت الغوالي خل اخذ سيارتك والعباس ارجعلكياها مثل ما اخذتها

حكيم : مالي خلك لاتلح على راسي حته اجازه ماعندك اذا لزموك ما اشفعلك بالمراكز

فاروق : اذا لزموني لاتجي شبيك حكيم الخاطري

حكيم : اخذها وساعه 8 ضبط الكاك بالبيت ودقيقه زايده العب الصونده على ضهرك

فاروق : جريت السويج من الميز وطلعت خابرت على وليد وحسين حتة امر عليهم اخذهم

_ ها ضلعي

وليد : بشر اخذت السيارة

فاروق : افااا حضرو روحكم جاي

وليد : دقايق اني بالباب

فاروق : طلعت متوجه الوليد اخذتة ورحت لحسين

حسين : عمي لو عدي اخ مثل حكيم شريد من الله بعد

فاروق : لاتحط عينك النكسة جا اني لو عندي ام مثل امك هم شريد بعد

_ : الله يرحم امك وامواتنه اجمعين

فاروق : تنهدت .. امين

وليد : يله لتكلبوها كأبه

فاروق : خل نتعشة على الشط ونطلع نسهر يم خويلد

_ : متفقين

فاروق : توجهنه للمطعم وحسين كل شوية ادك عليه صاحبتة .. يمعود افتح خط عبالها جاي تخونها

حسين : ثواني جاي ادك كامره صيرو بصفي بس لا تمدون صماخكم كبالها

فاروق : كمنه ورا احنه نشوفها بس هية مشوفنة

حسين : ها حبيبي طالع ويا جماعتي

_ كليبي اشتاقيتلك اريد اسولف وياك

حسين : جماعتي يمي ما اكدر احجي بس ارجع للصبح نسهر

_ ماشي يروحي دير بالك على نفسك

حسين : وانتي هم شربي دواج لاتنسين .. محح .. سد الخط

فاروق : لك كواد البنية جاهلة ومبينه فقيره ليش هيج اسوي

حسين : يا فقيره هاي فقيره جيره بكصتها

فاروق : ما ادخلت اكثر لان ميخصني .. يله شطلبون ..

حسين : اريد همبركر

وليد : اني هم

فاروق : يله 3 راح اوصي .. جبت الاكل تعشينة وخلصنة طلعنه بالسيارة

حسين : خل نجيب شرب ونكعد بالسيارة

وليد : اي حتة نشرب بانزين ونروح لبيوتنة

فاروق : براحتكم .. رحنة على ابو المشروب وصينه كبسة مال بيرة قسمتها علينة وكعدنة نشرب بالسيارة

حسين : اسمعو راح اخابرها

فاروق : يول خطية عوفها

حسين : كبر لفك مو وجه نعمة ونسه وابلاش

فاروق : وحق الحسين افضحك واخليها تتفل بنص وجهك

حسين : عار

فاروق : بس مو كو***

وليد : يمعودين طالعين نتونس لو نتعارك دسكتو خلينه عايشين الحضه

فاروق : واكفين بشارع داخل منطقة بيها بيوت سكنيه .. مديت راسي من الجامة شفت بنية فاتحة الباب وبيدها صوندة ترش بالشارع ومطلعة نص جسمها بس سبحان السواها فتحت حلكي صافن على وجها وشعرها اليطير على وجها

حسين : هااا وين صافن

فاروق : لا هيج .. احم اريد انزل للاسواق

وليد : جيبلي وياك جبس

فاروق : نزلت من السيارة طبيت اسواق بصف بيتهم اشترؤت جكاير وجبس وطلعت ضليت واكف اعاين بوجها

سيرين : عمة بعينك شنو ماشايف مرا قبل

فاروق : فركت وجهي بيدي .. العفو تقصديني

سيرين : لا قصدي على الجلب الواكف كبالي

فاروق : تلعثمت كمت ادور بعيوني يا جلب ماكو غيري واكف .. ولج ادب سز

سيرين : ابتسمت ورفعت حاجبي ..

فاروق : عجبتني حركاتها .. ثواني هسه اجي مو اطبين .. ركضت للسياره طلعت ورقه وقلم كتبت رقمي ولزكته على الجبس ورحتلها لكيتها على وكفتها .. هاج هاي عربون محبة

سيرين : ابتسمت واخذته منا .. شكرآ

فاروق : العفو ولو .. رجعت للسيارة لزمت كلبي دكاته سررريعة جريت نفس

وليد : ها وين وديت الجبس

فاروق : ياجبس

وليد : الجبتليا

فاروق : اكسباير رجعتة

حسين : شبي هاذه

فاروق : ما خصلتو

وليد : يله بويه يله رجعنه للبيت

فاروق : وصلتهم لبيوتهم واحد قريب على الاخ

وليد : اوكف خل امص الصونده مال بانزين حتة تروح الريحة من حلكي

فاروق : فتحتلهم الدبة تمضمضو بيها وراحو .. رجعت للبيت .. فتحت الدبه هم تمضمضت وطبيت تلكاني حكيم

حكيم : الساعة بيش ؟

فاروق : باوعت على ايدي .. بالعشرة

حكيم : واني شكلت

فاروق : ما ادري ماحسيت بالوكت لا تنغصها عليه بروح هويدر .. هاي سيارتك رجعتلكيها جنها العافية

حكيم : شو اوكف .. لزمت وجها عصرته بيدي هاي شنو حلكك

فاروق : شنو

حكيم : شارب ؟

فاروق : اءء لا

حكيم : حكيت ارنبه انفي جريت منه السويج وركعته بوكس على وجها

فاروق : لزمت وجهي بألم .. شبيييك جاااااي اكللللك ما شارررب ما شارررب

حكيم : رجعت ضربتة مرا ثانية .. انتة شوكت اصير رجااال هااا لاجذذذب الف مرااا كايلك لاااا اجذب تريد اشك حلكك

فاروق : اجو على صوتة كل البيت

كمال : شبي ليش جاي اضربة

حكيم : اطلع برا ولا واحد يفكر يدخل يلااااا

فاروق : طلعو كلهم اله نزار طب حضني من بطني

نزار : لا اضربة

حكيم : وخر عنه لا اسكطك ويا

فاروق : وخر نزار اريد اشوف شلون يسكطني

حكيم : واكسر راسك حيوووان .. لك بابه ليش هيج جاي اسوي منو ابوك لو اخوك شرابين عرك

فاروق : اني حر مالي دخل بيكم

حكيم : قسمآ برب العزة اذا عرفت بيك بعد شارب اكطع النعال عليك كدام العالم واضحكهم عليك ..

فاروق : طلع دمه فاير دفعت نزار الخانكني

نزار : ولك مو صوجك لو عايفه يكطع النعال عليك

فاروق : اكل تبن .. صعدت بغرفتي تمددت على الشازلونه فتحت جهازي لكيت رسالة من رقمها كمت وكفت كلبي صار خفقان .. مكتوب

سيرين : طيب الجبس بس ما احب نكهة الكچب

فاروق : ابتسمت لا اراديآ .. دزيت .. ولا اني احبها ..انتضرتها اجاوب طب نزار نام ضميت المبايل للفجر دزت

سيرين : انته جيرانة ؟

فاروق : لا صدفة طبيت بفرعكم وشفت "عيون الريم "

سيرين : وبعدين

فاروق : شنو اسمج

" سيرين "

فاروق : عاشت الاسامي ..

نجاة : من يومها كمنة نشوف فاروق مو هوا بطل الشرب ورجع يصلي حتة جماعتة عافهم حتة من يصيح الواحد بينة يغلط بالاسم ويكول سيرين .. مرت سنة على علاقته بيها .. بيوم اجة

فاروق : حكيم

حكيم : همم

فاروق : اريد ازوج

حكيم : تزوج ؟ عمرك 19 سنة كل عقلك انتة

فاروق : اي ليش شبية شناقصني جاي اشتغل واداوم وحته سيارة صارت عندي واكدر اعيشها

حكيم : منو تعيسة الحظ

فاروق : بنية احبها

حكيم : عقدت حاجبي .. تحبها منو هاي منين

فاروق : منا من منطقه ****

حكيم : وشتعرف عنها وتريد تاخذها

فاروق : كعدت كباله .. اعرفها زين صارلي سنة وياها حكيم احبها اموووت على ربها والعباس بطلت الشرب علمودها حتة جكاير مترضة اشرب وعفتهن

حكيم : ههههههههههههه بوية كل هاذه سوته بسنة هاي مو بنية مصلح اجتماعي

فاروق : المهم اني اريد اتقدملها ما اريدها اضيع من ايدي لو يطلعي ابن عمها صفح .. بس يت الكلب شالعة فتيلة كلبي مترضة اروح اخطبها

حكيم : ليش ؟

فاروق : ما ادري كلما اكللها وكالت .. امي مريضة .. اخوية مسافر من يرجع .. ابن عمي يريدني .. شكت *** بهاي السوالف ..

حكيم : والله ياخوي امرها عجيب .. بس انتة مشوف روحك صغير خاف هاي نزوة وباجر عكبة تكوم ادور غيرها وتعاي يم حسن جيبي الشيوخ ودي الشيوخ

فاروق : لا وداعتك غير هيا هنا تثرد .. واشر على روحة

حكيم : خل اشوف ابوي واذا هيج المرا تعدلك ماعندي مانع

فاروق : كمت بست راسة من الفرحة صعدت فوك دكيت عليها .. سوسو

سيرين : عيونها

فاروق : راح اجي اخطبج بعد ما اتحمل حتة اهلي كلتلهم عليج

سيرين : اءء شكلتلهم ؟

فاروق : شبيج شو ما فرحانه كلتلهم اريد اخطب وما مانعو

سيرين : لا فاروق مو هسة فدوة اروحلك خليها بعدين امي مريضة واخاف تموت ويتأجل عرسنة

فاروق : بس صيري على ذمتي وشيريد يصير خل يصير

سيرين : ها اووف فاروق بعدين اخابرك امي اجتي

فاروق : سديتة ما اريد اصير مشكلة او عرقلة هسة ضليت انتضرها طول الليل ما خابرت دكيت عليها فوك 30 مرا مجاوب دزيتلها رسالة ..

_ ليش ادك مجاوبين حتلو دزيلي رسالة طمنيني عليج ..

_ ماردت مر اول يوم والثاني مر اسبوع وشهر اختفت سيرين من حياتي لا رسالة ولا اتصال وصلت مرحلة الجنون كمت اضرب الدوام واكف اباب بيتهم بالكت تطلع والمح طولها .. بيوم طكتني الشمس حركت راسي رجعت للبيت ضاربني تيفو

حكيم : شبيك ..

فاروق : ما ادري تعبان عووفني اريد اروح للحمام راسي فدنوب

حكيم : رحت ورا شفتة يتقيئ فاروق بيك شي بوية

فاروق : عوفني اريد اضل وحدي راسي راح ينفجر

حكيم : انشي اخذك للطبيب .. شفتة بده يتخربط اخذتة وطلعت للمستشفى بعد اجراء التحاليل عرفت بي تيفو اخذتلة علاج ورجعت للبيت تمدد شبه جثة .. لك بوية بيك شي وكعتك ماعاجبتني

فاروق : اخخخ عوفوني رحمة للكاظم

حكيم : بعد عناء عرفت منة البنية مختفية من حياتة .. اخذت عنوان بيتهم نزلت استعجلت اصيله تروح وياي

اصيلة : اووكف انطيني مجال

حكيم : يله قبل المغرب عيب من الوادم

اصيله : اخوك واكع هل وكعة ورايح تخطبلة والله يا الله

حكيم : بلا تمضيك امشي .. اخذتها وطلعنه وصلت للعنوان بابهم اسود ثالث بيت بعد الاسواق .. نزلت من السيارة دكيت الباب انفتحت ..

باسم : اتفضل اخويه

حكيم : انتو بيت ابو باسم

باسم : اي اني اتفضل

حكيم : يابة اءا الحجية موجوده خالتي تريدها

باسم : اي عيني تفضلو

حكيم : طبت اصيلة ورجعت للسيارة انتضرها مرت ربع ساعة وطلعت صعدت .. ها بشري

اصيلة : اصلا ماعدهم بنية اسمها سيرين المرا عايشة ويا ابنها ومرتة بيدأ من كلتلهم جاين نخطب بتكم كامو يضحكون علية

حكيم : صدك تحجين

اصيلة : وروح ابوية

حكيم : اخذتها ورجعت للبيت ماكدرت احجي كدام فاروق لليل بعد ملحته سولفتلة

فاروق : شنو ماعدهم بنية اسمها سيرين لاتخبلوني

حكيم : هاذه الحجي من السان اصيلة

فاروق : كمت من مكاني رحت الغرفت اصيلة ونفس حجي حكيم ..

حكيم : اوكف اوكف شو طلع صورتها راويها الاصيله

فاروق : فتحت مبايلي طلعت صورتها

حكيم : ها هاي ماشفيها عدهم

اصيلة : لطمت على صدري .. هية هاي اجتي وكالت اني مرت باسم

حكيم : بس كالت هيج فاروق تخربط وكام ميكدر يتنفس

نجاة : ومن هذاك اليوم حكيم يصلح بالحطام الصاب السفينة .. رجع يشرب كل يوم وبنات وعربدة وكام يكره كل بنية وميثق بيها

نرمان : حطيت ايدي على حلكي مقهوره عليه .. خطية الله لا يوفقها وبعد ابد ما حاجتة

نجاة : لا حاجتة وكالتلة اني مزوجة وعندي اطفال بس مضلومة ويا زوجي ويضربني وميحبني ومالكيت لا حب ولا حنان بس عندك وبيومها كسر البيت على روسنا وجان مقرر يدز صورها الرجلها بس حكيم اخذ مبايلة كسره وراحت كل صورها ومحادثاتها وفاروق حقد على حكيم .. خيرآ تعمل شرآ تلقى

نرمان : خطية ولج

نجاة : اي ضلمت روحها وضلمتة وياها

نرمان : بس اني ما فهمت ليش يكرهني

نجاة : يكول كل البنات ك**** على الحب الي حبة البيدأ ولعبت علية

نرمان : ما ادري انقهر علية لو على روحي ..

_ بهل اثناء اندكت الباب

نرمان : كمت فتحتها

نزار : حكيم حرك المبايل عليج يكول ليش مجاوب

نرمان : فتحت مبايلي لكيت مكالمات ورسائل دكيت علية ..

حكيم : ليييييييش مجاوووبين

نرمان : صامت

حكيم : ليششش اجنتي اسوين

نرمان : كاعده ويا نجاة

حكيم : عبالي ارجع اليوم بس صار عندي شغل ..

نرمان : سده بوجهي ضجت كلش وانقهرت طلعت من الغرفة مر اليوم عادي ما صعدت فوك ابد صارت ساعة 12 بليل طبيت الغرفتي تمددت اريد انام ..

حكيم : وصلت للبيت ساعة 1 بليل صفيت سيارتي ونزلت فتحت باب المطبخ وطبيت البيت هدؤ وصلت الغرفة نرمان فتحت الباب شفتها ضلمه وبارده وريحتها طيبة دخلت وسديت الباب ..

_ نزعت حذائي وقميصي شمرتهن على الميز .. شفتها نايمة ومطيتني ضهرها فتحت الغطه وتمددت بصفها .. وخرت شعرها عن وجها وشميت ركبتها .. حجيت بهدؤ

_ ناري

_ امم

_ مديت ايدي على بطنها نرمان كومي لا اخلف بوعدي

_ فزيت مخروعه انداريت علية شفتة بالفانيلة نايم ويباوع علية .. ها عموو اجيت

_ لا بعدني

_ همزين اجيت اليوم كلش انقهرت من شفتك ماكو

_ نونو

_ ها

_ عكب باجر رمضان .. تعرفين شنو يعني ؟

_ اي نصوم

_ مو بس نصوم بعد ما المحج لا بالليل ولا بالنهار

_ ليش .. اتمسكن وكال ..

_ النسر يريد يحرك الاخضر واليابس ..والله يغضب على راسة

_ استغفرلله

_ طيح الله حظ امريكا ..

_ شعجب اجيت

_ صدري يوجعني واريد مهدء

_ يا وبغداد مابيها صيدلية شنو السالفة

_ عضيت شفتي .. بيها بوية بس مو ثوبي ..

_ اكوم اجيبلك من الثلاجة

_ لا بوية انطيني وحدة ام الطكة هسة اكوم اروط كبالج

_ ابتسمت .. تقربت علية وصدك انطيتة بوسة ام الطكة ابتعدت شفتة مغمض فتح عينة الذبلانه نزلها على صدري وكال ..

_ انعل يومة يديد ..

_ انصدمت وتلعثمت ..كبل غطيت نفسي ..

_ مدرس مو ؟ احط **** بي وباليطلع ورا

_ يااا شو وخر اريد انااام كووم روح الغرفتك شعندك يمي

_ اطرديني مو ؟

_ هزيت راسي اي"

_ تقربت حصرتها بين الجرباية والحايط .. اطرديني ؟

_ لا

_ وين انام اليوم ؟

_ يمي

_ تقربت اكثر .. وين انام ؟

_ بحضني

_ برمضان شوفيلج ديرة تلفيج ..

_ حاضر

_ مديت ركبتي .. بوسي

_ صلي على محمد ..

_ الله مصلي على محمد وال محمد .. بوسي

_ بستة بخفة .. ها .. الووو ..

يتبع ..

نهاية البارت : ولكم تحجون علية ما انزل وشالعة كلبجن ياحيف 🙄🙄 والله اكطع عليجن المي والكهربأ يغني نزوري وحكومي 😂💔

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

اخذ دمي حبر اخذ دمي حبر لو وشلت حبرك لازم كلبي بيدي وكاعد انتظرك تانيتك تجي وماجيت شمصبرك... واكف كل كياني وروحي تتلكاك... من كلبي اندعي المانع عسه لأمرك... دكات الكلب تحسبلك اللحظات وعيني معلكه اعله الباب تنتظرك... لحظات انت عندك وانه عندي سنين... غنه الاخرس .. اني منتظرك

تابعوني انستا duu_199

_________________________________________

برمضان شوفيلج ديرة تلفيج ..

_ حاضر

_ مديت ركبتي .. بوسي

_ صلي على محمد ..

_ الله مصلي على محمد وال محمد .. بوسي

_ بستة بخفة .. ها .. الووو .. تقرب لزمني من خصري اجرأ اكثر وكرصني من صفحتي .. حسيت رجلية بادن وكامن يرجفن

_ بصوت ذايب .. شبيج ترجفين

_ ما ادري رجلي ترجف

_ مو بس رجلج .. رفعت ايدها على صدري .. حتة كلبي يرجف

_ و وخر ..

_ ميلت ركبتي اباوع على شفتها .. حصرتها لزكتها بالحايط ..

_ لاااا لااااا فدوه وخررر

_ مشيت اصبعي على شفايفها وركبتها ..

_ حباب اطلع باوعت على عيونة .. ليش صارت عيونك حمر .. وجهك يخوف .. حكيم

_ امة وابو

_ دفعته من صدره .. عوفني

_ ابتعدت عنها .. فركت وجهي اصحصح .. نزلي اريد اسبح

_ فتحت حلكي مصدومة .. احنة جوة انته اصعد فوك

_ اي ادري

_ لا واضح .. سحب قميصة لبسة شلون ما جان وصل للباب يريد يطلع .. تصبح على خير .. اندار ورجع

_ مو هيج يكولوها .. حط ايدي على ضهرها حضنتها واخذت نفس من عطرها وطلعت .. صعدت فوك ما اشوف بعيوني طبيت سبحت وطلعت تمددت بفراشي .. فتحت مبايلي شفتها متصل دزيتلها

_ ويامن تحجين

_ وياك .. اريد اكلك نسيت حزامك مال بنطرون

_ ضمي يمج بعدين اخذة

_ تصبح على خير .. احلامك سعيدة ..

_ ابتسمت ، دزيتلها ..شميتك كبل بس ما قاومت وياي

ولميتك نفس واتعثر بالمك وهسه تريد اشمك خايف اني عليك يمكن راح اخلصك لمن أشتمك ..

_ ابتسمت .. حرت شنو اجاوبة ما اعرف اكتب هيج حجي كتبت بكوكل شعر طلعلي هاذه ودزيتلهيا ..

_ يكلي اصبر ولك شصبر اخاف من الصبر اكفر .. دزيتها وضليت منتضرتة يجاوبني مرت 10 دقايق دزلي

_ اكفر ؟

_ سديت المبايل لازمتني الضحكة تمددت وخطيت نفسي بالبطانية ماحسيت غير ثاني يوم الصبح على دفرت الباب

نجاة : كومي شعندج متوثة نوم

نرمان : الناس تكول صباح الخير ولو هوا اليشوفج يشوف خير

نجاة : باجر المحكمة ..

نرمان : يطبة مرض فد مندلة وتنقهرين

نجاة : مخنوكة اريد اطلع

نرمان : وين نولي

نجاة : كومي خل نتريك ..

نرمان : كمت ارتب بفراشي سمعتها شهكت

نجاة : هاذه حزام حكيم شيسوي عندج ؟

نرمان : اءء مادري نسى يمكن

نجاة : ليش هوا شوكت رجع من بغداد

نرمان : البارحة بليل

نجاة : جريتها من ايدها .. سولفيلي حبابة شسون من تبقون وحدكم

نرمان : وسم وانتي شعليج كلشي منسوي شهل تفكير السز عمو حكيم ابد ماعنده هل سوالف البالج

نجاة : على كولت نزار نصبر على القالون شوكت يكبر

نرمان : غيرت الموضوع .. شناكل ؟

نجاة : اريد جبن وزعتر

نرمان : امشي .. طلعنة من الغرفة صعدنة فوك لكيتهم بالهول عدا فاروق طالع .. صباح الخير

نزار : صباح الفل والورد والياسمين

حكيم : صباح الخيرات

نرمان : طبيت للمطبخ اسوي ريوك كملنة ودينا بالهول

نزار : شو عم تاكلي اختي

نجاة : زيت وزئتر

نزار : بالئافية

حكيم : فاهمين الهجة من ط****

نرمان : غصيت بالكمة من الضحك

نزار : شوبو زوجك نونو كئنو مئهور

نرمان : اي كتير

حكيم : ازا ما بتسكوت راح ئوم شئك شئتين

نزار : يستر على حريماتك شو شئتين

نرمان : خزرة حكيم واحنة فطسنة من الضحك اخر شي غصيت وسكتت

نجاة : شلنه الصينية وحكيم طلع عندة شغل كعد نزار يلعب بلي .. نرمان

نرمان : ها خير

نجاة : خل نطلع روحي طكت

نرمان : منو يخلينة نطلع وحدنة

نجاة : عضيت شفتي .. بدون ميدرون

نرمان : عزة بعينج والله ما اطلع

نجاة : بداعتي والله مخنوكة وروحي طافرة خل اشم هوه مروح مكان بعيد للاسواق نشتري ونرجع مدام كلها ملتهية محد راح يحس بينة

نرمان : كل عقلج لا عفية مالي خلك الخاطر الله عوفيني

نجاة : حبابة بداعتي ضلت حسره بكلبي اطلع افتر واشتري اليعجبني بدون حكيم والغثة فاروق

نرمان : وذا لكفونة

نجاة : ذبيها براسي

نرمان : اخاف والله عوفيها العصر ندز نزار يشتريلنا

نجاة : لج لصيرين جبانة مرا بحياتج طيعيني .. جريتها من ايدها وطلعت بالهول .. نزوري راح نعزل غرفتي لا اصيحلنة عدنة شغل

نزار : اليوم الترتيب يخرخر

نجاة : نزلنة جوة طبينة الغرفنة جبنة جبب وشالات لبسناهن وطلعنة نمشي على اطراف اصابيعنة من ورا البيت حتة الحارس ميشوفنة ..

نرمان : لج اني شلون طعتج

نجاة : انجبي وخري حجابج من وجهج عالساس مشهورة ويعرفوج

نرمان : وخرتة وارجف كلما تفوت سيارة عبالي حكيم لو فاروق اخر شي شفت سيارة بالضبط مثل مال عمو .. ولج نجاااة

نجاة : وزقنبوت ..

نرمان : ذيج مو سيارة عمو

نجاة : لا مشوفين بيها عائلة شنو اشتغل تكسي حكيم ..

نرمان : ما ادري اخاف

نجاة : وصلنة .. طبينة للمحل .. السلام عليكم

_ وعليكم السلام ..

نجاة : وكفت اشتري ونرمان ملثمة روحها جنها مخبلة .. ولج اتصرفي طبيعي مو كلها شكت بينة

نرمان : عوفيني راح ابول من الخوف ..

نجاة : طاحضج .. اشتري عيب من الولد صارلة ساعة يباوع علينة

نرمان : ما اريد

_ اشتري عيني ليش صافنة

نرمان : وانتة شكو .. سالمين

نجاة : اخذت الاريدة وؤحت ادفع الحساب

_ خليها علينة

نرمان : بعد احسن .. جريت نجاة جاي نطلع صاح

_ وين اوكفي

نرمان : انطيتة الفلوس .. اذا مو كد كلمة خليها علينة لاتكولها .. طلعنة من المحل

نجاة : ولج خطية امداج اكلتي وشربتي

نرمان : خيولي هيلك

نجاة : اوووي مرت حكيم مترضة واحد يحاجيها

نرمان : ابتسمت .. اتمشينة للبيت ناكل جبس ونسولف

نجاة : بربج مو شمينة هوا

نرمان : قصدج بكنة طن هوا من الخوف

نجاة : هههههههههه اي والله ..

نرمان : وصلنة قريب البيت .. ولج نجاة هاذه مو نزار

نجاة : اي ولج صخام الصخمنة شديسوي هاذه هنا

نرمان : ما ادري شلون راح انطب خاف يجون وميلكونة سودة بوجهج نجاة شورطتيني هسة ارتاحيتي

نجاة : اششش .. عزا ولج هاذه شديسوي

نرمان : جاي يشرب عرك ؟

نجاة : لا جاي يشرب عصير عنب غازي والطبيب مانعة منة لان يخلي يتخربط

نرمان : يا مخبل هاذه لج هسه فهميني شلون انطب

نجاة : امشي من ورا البيت بالكت نفوت بدون ميشوفنة

نرمان : فتنة من يمة غشينة وجهنا بدون منباوعلة مدنكات طبينة ورا البيت نركض كبل ذبت نجاة جبتها بالحديقة وصعدنة فوك .. يما احس كلبي راح يوكف ممصدكة طبينة

نجاة : التوبة اطلع بعد

نرمان : قصدج التوبة اسمع كلامج .. نزلت جوة واحس الرجفة بعدها بجسمي رتبت حجابي وطبيت للمطبخ

اسراء : هوب هوب

نرمان : وياي

اسراء ويا امي .. شنو بلا زحمة داخلة فندق انتي يا صاعدة يانازله يادايحة ترا مو خدم عند امج احنة تاكلين وتغسليلج ماعونين وتنخمدين

نرمان : تخصرت وكفت .. مو جاي اغسل مواعين ؟ مقصرة بيهن والتنضيف بينج وبين روان ولاتنسين عندي بيت ثاني هم جاي اعتني بي

اسراء : خفي علينة ام البيوت والعقارات الله يرحم برمودتج المخركنة الجيتينة بيها

نرمان : شكت كلبي من عايرتني .. احترمي نفسج اسراء لاتجاوزين علية لحد الان اني ما مضوچتچ بحچاية ..

اسراء : ابتسمت .. لا ضوجيني بداعت حكومي لاتخليها بكلبج

نرمان : حيوووانة

اسراء : هاذه الكدرتي علية ..

نرمان : ضربتني بجتفي بقوة ..

اسراء : يلا حبابة روحي نضفي لا انضف بيج البيت

نرمان : عافتني ومشت تضحك حركت كلبي .. رحت عليها جريتها من شعرها ضربتها راشدي .. احترررمي نفسج مليون مرا كتلج كااافي انتو متفتهمون شوكت تعوفوني بحالي ..

اسراء : يا ك**** اني تمدين ايدج علية

نرمان : حسيتها كيفت من ضربتها هجمت علية اضخم مني وسمينة صرت نملة جواها ..

اسراء : جلبة ك**** ام الولد الله يرحم جم واحد لاعب بيج قبل لا تجينة لو بيج خير امج ما اشمرتج علينة عبنج عايبة وماتتلفين .. سمعت صوت زمخة رفعت راسي

حكيم : اسررررررررراء

اسراء : ه ها

حكيم : انصدمت باسراء لازمه نرمان تضربها تقدمت على اسراء دفعتها من جتفها وزمخت بيها .. شلون تمدين ايدج على مرررتي ؟

روان : مو عيب اطب علينة هيج واحنة ما لابسات لعد وين الغيرة

حكيم : عفتها الرجلج الدثو

اسراء : وا .. قاطعني

حكيم : اشششش وخرت شعر نرمان عن وجها واشوف عيونها مغوركة بالدموع ضميتها الصدري

نرمان : لزمت نفسي ما ابجي كدامهم بس عيوني فضحتني .. سحبني من ايدي وكفت

حكيم : ليش ضربتج

نريمان : مسحت انفي .. اني مامقصرة بشي بالبيت هنا وبيتك الفوك وتكولي يا انضف يا انضف بيج البيت

حكيم : التفتت على اسراء .. متنضف يلة اريدج تنضفين بيها البيت

اسراء : اءء مو واللة

حكيم : والله ؟ هسة اختاري هية اتنضف بيج البيت لو انتي تنضفي بيها ؟

اسراء : هية مدت ايدها علية بالاول .. اشرت على وجهي اراوي اثر الضربة

حكيم : باوعت عليها وعلى نريمان الي وجها مصبوغ احمر .. جريت ملابسها اشوف صدرها هم بي اثر .. يلة بابة رجعيهن الها

اسراء : تخوصرت ..

نرمان : عدلت ملابسي .. وصدك ضربتها راشدي على وجها .. كامت تعيط وتسب بيا .. دفعتها وطلعت من المطبخ

حكيم : والسماج اسراء احوس بمصارينج وانعل ابوج لابو اليطلع وراج .. بس خل اعرف بعد ماده ايدج على نرمان

اسراء : والله ما اسكتلكم اني الكم

نرمان : فرفح كلبي من القهر طبيت امشي سريع الغرفتي ركعت الباب وكعدت على السرير .. انفتح وطب

حكيم : ليش تبجين

نرمان : جريت نفس وكمت حضنتة بكل قوتي .. كمت اشهك .. عمو تعايرني بملابسي وبااهلي .. ما اذتني من ضربتني والله .. لزمت صدري ما اكدر اتنفس

حكيم : عصرتها بحضني ونصيت صرت بمستواها .. مسحت دموعها ..

نرمان : تعبت ليش ميعوفوني

حكيم : يغارون منج .. لان انتي احسن منهم

نريمان : بشنو احسن منهم على الاقل عدهم اهل اسراء يومية تروح وروان هم اني منو عندي هية عمتي وتعاملني معاملة اليهود

حكيم : واني ؟ مو ختيبج شو نسيتيني

نرمان : ضحكت .. لا انتة كل اهلي والله

حكيم : كعدت على السرير وسحبتها بين رجلي وخرت شعرها من وجها .. تروح فدوة الس*** اسراء

نرمان : حطيت ايدي على حلكي خجلانة .. احمم

حكيم : نمنمة البربوك

نرمان : لاتفشر علية

حكيم : مو فشار .. تعرفين البستوكة النشرب منها مي بالحديقة

نرمان : اي

حكيم : الرجل مالتها اسمها بربوك وصارت هاي الحجاية تنكال للمرا الوتية وهم اكو قسم يستخدموها للمراة الجميلة

نرمان : ابتسمت وهوا يشرح .. يعني هسة كلنة برابيك عدى عمتي واسراء ههههههههه

حكيم : عفية

نرمان : اذكرت خل انطيك حزامك شافتة نجاة عندي وموتتني

حكيم : جيبي

نرمان : فتحت كنتوري طلعتة وانطيتهيا .. اخذة وكام يريد يطلع .. عمو

حكيم : اشتعلت لشتة

نرمان : الله لا يحرمني منك

حكيم : ولا منج .. اخ جمرة افادي

نرمان : ابتسمت ورحت جاي اسد الباب ورا ..

حكيم : باجر رمضان وصيام ما اريد اشوفج لو خطف

نرمان : حاضر .. طلع ملتفت علية سديت الباب وكعدت على السرير طلعت مبايلي اكلب بي اريد التهي فتحت الفيس شفت نزار ناشر صورتة ويا اصدقائة وكاتب .. مو شباب ادكول حلويات ابو عفيفي .. متت من الضحك خرب يومك .. ضليت افرفر بالبرامج ما اريد اطلع واشوف اسراء للمغرب دزلي رسالة

_ صعدي فوك جبت عشة خل نتعشة

_ دزيتلة ماشي .. كمت بدلت وطلعت شافتني اسراء تكلب بعيونها عبرتها وصعدت فوك .. طبيت شفتهم مجمعين على الاكل رحت كعدت على التخم استحي اكعد اكل

حكيم : صحتلج حتة تكعدين على التخم ؟

نرمان : مو جوعانة اجيت اشوفكم

حكيم : عرفتها تستحي سويتلها لفات وحطيتهن بماعون وانطيتهيا

نرمان : شكرا

نزار : من البداية كولي اريد لفات ام السحورة

نرمان : طلعت لساني اعيب علية انخزرت وكعدت اكل .. كملنة وشالو الصينية كعد نزار كبالي لازم راسة

حكيم : شبيك

نزار : ما ادري عيوني مغوشة وما اكدر ارفع راسي ادوخ

حكيم : ماخذ علاجك ؟

نزار : اي

حكيم : لعد ليش

نرمان : اذكرت شرب عصير عنب وكالت نجاة موزين .. بعرتها وصحت .. هاي من عصير العنب الي اشربة .. بس كلتها ضل صافن بوجهي حسيت اطرافي بردت من الخوف طبت نجاة بيدها نستلة وفاتحة حلكها بصدمة

نزار : وانتي شمدريج اني شارب عنب

نرمان : شفتك

حكيم : صدك نزار

نزار : اي بس وين شافتني اني شربتة برا

نرمان : كامو يباوعون علية ويخوزرون بية .. كمت ارجف ما اعرف شكول

نجاة : لاااا من صعدنة بالسطح شفناك

حكيم : شتسون بالسطح ؟

نجاة : يوو والله راح نموت من الضوجة اريد نشم هوا

نرمان : شفت ملامحهم ارتخت .. جريت نفس براحة

حكيم : نزار انتة تريد تموتني يعني جاي اسوي عناد وياي لو ويا روحك لك بابة هاذه سكر سكر تعرف شنو مخاطر نفسك الدنية .. ابسط شي لو انجرحت يصير بيك كنكري من غير عمى الاوان والضعف الجنسي ليش جاي اسوي هيج بروحك

نزار : يطبني مرض تعبت بطني عفنت من الخبز شعير والبيض المسلوك حسرة ما اكلت حاجة طلعتوها من خشمي

حكيم : زمخت .. كومي جيبي مقياس السكر

نجاة : ركضت جبتة وانطيتهيا

حكيم : انطيني اصبعك

نزار : عوفني ما اريد

حكيم : لاصير زعطوط جريت ايدة اخذت عينة وقستة .. سكرك 290 صاعد .. باجر لاصوم

نزار : بلكت اموت واخلص

حكيم : لاتمضرط فدوة اروحلك

_ بهل اثناء دخل فاروق

فاروق : السلام عليكم

حكيم : وين جنت من الصبح لسة

فاروق : موجود بهل دنيا

حكيم : ندري م**** بهل دنيا وين جنت ؟

نجاة : كومي خل ننزل راح حكيم شاش عليهم اليوم

نرمان : نزلنة جوه طبينة بغرفتي

نجاة : لج شلون اجفصين هيج جفصة يا غبرة

نرمان : شمدريني غير صرت كونان وعود جاي اكشف اسرار نزار تالي طلعت جاي افضح روحي

نجاة : ههههههههه همزين تدرين

نرمان : لج خاف يتعاركون

نجاة : ما ادري فاروق السانة زفر واذا اجاوز حكيم يجنزة

نرمان : ان شاءللة ميتعاركون

نجاة : اي .. باجر المحكمة

نرمان : الله يسهل امرج

نجاة : الة احرك كلبة صبريلي

نرمان : شلون

نجاة : احط مكياج وابدل اراوي معايزه علية بجال اخوتي

نرمان : اوي راح تهتز مشاعرة ولج هوا اليقتل ابنة ويحجي عليج كدام امة بسوالف طايحضها تريدي يهتز من يشوف مكياجج والله بطرانة

نجاة : حطيتي امالي ودستيهن بالنعال

نرمان : والله

نجاة : ايع مو مال اكعد يمج انتي غثيثة تصبحين على خير

نرمان : وانتي من اهلة .. طلعت .. تمددت بفراشي صارت نص اليل دزلي رسالة

_ حبيبي كوم سويلك لكمة حتة باجر بطونج مجوع

_ ابتسمت .. دزيتلة .. مو جوعانة راح اشرب مي وانام .. تريد اجي اسويلك سحور

_ لا بابة اريد اصلي نافلة الليل من اجوع اني اسوي شربي مي واقري هاذه الدعاء حتة باجر الله يسهلة عليج

_اَللّهُمَّ ارْزُقني فيهِ الذِّهنَ وَالتَّنْبيهِ، وَ باعِدْني فيهِ مِنَ السَّفاهَةِ وَالتَّمْويهِ ، وَ اجْعَل لي نَصيباً مِن كُلِّ خَيْرٍ تُنْزِلُ فيهِ ، بِجودِكَ يا أجوَدَ الأجْوَدينَ .

_ ماشي تصبح على خير .. قرية وكمت شربت مي ونمت

_ ثاني يوم .. كعدت ساعة 11 رتبت جربايتي وسبحت وبدلت طلعت شفت البيت فاروغ رحت للهول لكيت نزار كاعد .. صباح الخير

نزار : باوعتلها صفح .. سويلي ريوك

نرمان : مو يدلل ابو العنب .. رحت للمطبخ سويتلة ريوك وديتة للهول كعد ياكل ويخوزر بية ..

نزار : ولج اني تفتنين علية

نرمان : غير اخاف على صحتك

نزار : رفعت عيني خزرتها رجعت اكل .. سمعت صوت وحده ازمخ رفعت راسي

اسراء : ها يل وصخة كاعده هنا وعايفة المطبخ يضرب يكلب وجاي اضربين فچ من سويتي سم ليش ما نضفتي

روان : كافي اني انضفة .. شيخلصج هسة

نزار : ولج سم ابطن منو ام عطوب ام الخبط

اسراء : مو وياك ويا هاي ام وجه الاصفر

نزار : اصفر بس مو ازرك ..

اسراء : اني زركة هئ تروحولي فدوه

نزار : فتون ساحرتهم بالعباس اذا ماعفتي ابو علي بحاله اخلي معلمة يعلكج من اذاناتج

نرمان : كافي اني انضف المطبخ بس مرا ثانية احجي عدل وياي

اسراء : اوي يما خفت

نزار : خفة هل وجهج الاچلح

نرمان : التفتت على الباب شفت نجاة وراها حكيم طبو وجوهم مدلغمة دخل فاروق يمشي سريع لزمها من حجابها عتها

فاروق : الله ياخذ عمرج ياكلبة يابت الكلب

حكيم : عوفها فاررروق

نجاة : كمت اشهك .. كافي عوفوني رحمو بحالي ترا اكوم احرررك روحي والله

فاروق : يطبج الف مرض موتت النعال

نزار : شكو ليش هيج تعاملها

نرمان : اباوع على عمو مجتف ايده ويتنفس بغضب

فاروق : هسة شراح نسوي ويا هاذه الك***

حكيم : انطيني مجال

فاروق : راح انطي مهله منا الباجر اذا ما احتركت الكمبيالات ادزله جماعة يكسحو

حكيم : ممنوع تصرف بكيفك

نزار : غير تفهمونه شكو

فاروق : الم*** ساحب قرض وموقع نجاة على كمبيالة 10 ملاين

حكيم : طز بيهن فد مندلة هنة ونعالها بس ما جابتة امة اليضحك علية عود صار لوتي طلكها واستفاد براسها

نزار : وانتي مطية هوش توقعين على كلشي

نجاة : كمت الطم على رجلي والله ما ادري كال اريد اخذ قرض ولازم كلكم توقعون اوراق مال دوله اني شمعرفني

نرمان : حطيت ايدي على حلكي مصدومة ومحد كاسر كلبي غير نجاة .. طلع فاروق وعمو حذره يسوي شي بلا علمة رفع مبايلة يخابر .. وهم عافنة وطلع .. نجاة لاتبجين

نجاة : الله ياخذ عمري ولج شفتي شسوة بية الله لا يوفقة عسا حوبتي بجهالة كون مرض وما الة علاج ويدادي بيهم

نرمان : سكتي حرام هل حجي جهالة شعليهم ادعي علية وعلى مرتة الجلبة .. كمت طلعت ورا عمو شفته بالحديقة يحجي

حكيم : لا باجر ورا الفطو اني يمج .. بحيل الله .. رحم الله والديج .. سديتة والتفتت شفت نرمان ..

نرمان : لاتنقهر انته صايم موزين عليك

حكيم : عوفيني بابا راسي راح ينفجر

نرمان : تريد اجيبةك مي تفطر .. شفتة يخوزر بية يماا شكلت قابل .. زين مشتهي شي اسويلكيا بالفطور

حكيم : روحي بوية روحي

نرمان : عفتة ورحت للمغرب وكفت ويا البنات سوينة فطور وعمتي على راسنة واكفة كل شوية ترزل وحده خلصنة ومدينة السفرة كلها التمتت على الاكل عدا فاروق ماكو كعدت كبال عمو اباوعلة مياكل بس يبلعم مرت 10 دقايق طب فاروق يركض باوع على حكيم وكام يتنفس سريع .. كلهم طفرو من الاكل

حكيم : شبيييك شكوووو

فاروق : دكيت بيت فلاح النذل وكعتة على روسهم

نرمان : كبل عمو ضرب الحايط ولزم فاروق من ياختة ركعة بوكس .. البيت كلة تكهرب وصار صوت البجي والصياح يرج

حكيم : على السريع تلم هدومك وتاخذ مفاتيح بيتي البغداد .. دكيت على عبدلله ميجاوب دكيت على العامل الهندي فتح خط

_ ووووين عبدللة .. بسرعة انطينيا .. الوو

عبدلله : ها حكيم جنت افطر

حكيم : راح يجيك اخوية تستلمة من كراج العلاوي ويا ولد صاحبي تاخذة البيتي وتبات ويا مفهوم .. مو مهم تعرف بعدين .. سديت الخط

_ خابرت على صاحبي يشتغل على بغداد اتفقت ويا يجي على فاروق هسة

نزار : اروح ويا

حكيم : لاااا .. روح شوفة وين صار راح يجي الولد .. شوية ونزل بيدة جنطتة .. روح واني اضبط الوضعية هنا والحكك فد يومين .. اكو احد دره بيك

فاروق : لا متلثم محد شافني

نرمان : كمت ابجي واهدي بنجاة الي رجليها مشيلها

كمال : شراح نسوي نخابر عمامي

حكيم : لا ممنوع تطلع هاي السالفة دام محد شافة لا ندري بشي ولا النة علاقة

اصيلة : هاي عود انتة التعرف الحلال والحرام تهجمون بيت الرجال وتتبرون منة

حكيم : كماااال سكت ااااامك

كمال : سكتي يما الخاطر الله

نرمان : ضلينة النص اليل انلوب كل شويه عمو يخابر فاروق يشوفة وين صار اخر شي كلة وصلت للبيت يلا شوية ارتاح

حكيم : عبدلله دير بالك علية ما اوصيك بس هل يومين ضل يمة وراها اني اجيكم لاتخلي وحده رجلك على رجلة حتة المحل والمخازن سدهن هل فترة .. طززز بكلشي مثل ما جاي اكلك

نرمان : طبت نجاة نامت بس صارت جنها مخبلة هلكت كلمن راح الغرفتة ضليت كاعدة يمة .. انتة مماكل شي اجيبلك تاكل

حكيم : لا

نرمان : تقربت علية ببطئ .. الخاطري

حكيم : راسي راح ينفجر تعبان

نرمان : افركة ؟ .. ما رد .. تقربت علية اكثر لزمت وجها بيدي غمض عينة .. وحجة بصوت مبحوح

حكيم : اريد انام

نرمان : تصعد فوك

حكيم : هزيت راسي لا

نرمان : اروح الغرفتي .. كوم نام بيها

حكيم : كمت وراها طبيت الغرفتها وسديت الباب .. طفي الضوة

نرمان : طفيتة وشغلت المبردة فتحت الشباك شوية دخل ضوة خافت .. جريت الغطة دخل اتمدد بي وفتح ايدة

حكيم : تعالي بحضني

نرمان : تقربت نمت بحضنة وانطيتة ضهري جتف ايدي وحضني حيل حط رجلية بين رجلة صار كل جسمة يلامسني قشهر جلدي من قربة

حكيم : ليش كل الدنيا جاية علية

نرمان : يغارون منك

حكيم : هههههههههه والله ضحكتيني مو متعارك ويا اسراء

نرمان : شوف ضحكتك شلون حلوه

حكيم : اوي يابة كامت تعرف تتغزل بية ختيبتي الفاشلة

نرمان : ليش فاشلة .. تروحلي فدوة المحامية الخابرتها

حكيم : وشجاب المحامية على بالج

نرمان : مو خاف عبالك هية احسن مني

حكيم : بس لا يغار ابو علي

نرمان : وعلى شنو اغار من هاي .. العجوز .. برطمت شفتي

حكيم : اخخ الله حديثة لا تعرف الرحمة

نرمان : حسيتة شوية ارتاح كمت من الفراش ..

حكيم : وين رايحة

نرمان : هسة اجي ثواني .. ركضت للمطبخ فتحت الفرن طلعت منة الاكل سويت لفات ثنين ودولكة مي وجبتهن للغرفة شفتة غافي ويشخر .. ياااااا كووووووم

حكيم : وحمس .. شتريدين

نرمان : ابتسمت .. اكل وياي .. رمشت بعيوني كام عدل كعدتة انطيتة وحده واخذت وحدة كعدت بصفة وارتجينة على الحايط .. طيبة

حكيم : دام من ايدج تخبل

نرمان : الف عافية

حكيم : ابتسمت .. شو اضوك مالتج

نرمان : نفس الشي .. انطيتهيا عضها

حكيم : لا البيدج اطيب

نرمان : ضحكت ..

حكيم : تجين وياي البغداد هل سفرة

نرمان : اي اروح

حكيم : بس خل اخلص من طلابت نجاة اخذج وياي ادري بيج ما شفتي شي من العطلة ..

نرمان : اي والله غير عبالك عايشين بفلم اكشن من بطولة فلاح ونجاة

حكيم : ادب سز تقلدين على اختي

نرمان : لا كلشي ولا جوجو ام المشاكل

حكيم : بربوك مو اعضج

نرمان : سبقتة وعضيتة من ايدة بكل قوتي

حكيم : بربوك ما ملقحيج

نرمان : عضيتة اكثر .. كلبني على صفحتي وعضني من زندي كمت اعيط واضحك اوي اوي اوي ترا هاذة مو عض وجعتنيييي .. كمت شردت اباوع بالمراية شهكت .. هااااي شنوو

يتبع ....

نهاية البارت : وروحو للانستا راح انشر الصورة الوعدتكم بيها بس مو هسة بالليل كلش واريد انشر هواي صور المذكراتهم مع مرور الوقت .. صوتو للبارت احبكم كلشششش من كل كلبي 🤎🦋

بعد كمية الطلب على اشباه الابطال ولو اني ما احب هاي السالفة لان ماكو شخص يشبه الثاني

فاروق

حكيم .. بدلت الصوره لان ذاك مضابط عليه احس هاذه اضبط وبطلب منهم ..

نرمان

نجاة

_تابعوني انستا duu_199

_وتابعو حساب الواتباد ليش ممتابعيني هااا ؟؟؟

_واليوم ماكو بارت باجر انزل .. احبكم

_رجعو للبارتات الاولى الممصوت خل يصوت ..

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

حليني بين السمر تعبني ذرف الدّمع

بس ما طفالي الجمر بركان في داخلي

ويا خوفي لا ينفجر شو مأخرك ما تجي

ما ظل إلك كل عذر

أهلال جرحك كمل أي كمل وأصبح بدر

صدكني حيل اتعبت حبّك عسر مو يسر

اترجيت وتوسّلت بيك شكثر وشكثر

ما فاد بيك الرجه وجبرتني لهل أمر

ما بعد أضلن شهد خلّيك منّي حذر

واحجيها لا تستحي كول أنت طبعك

تابعوني انستا duu_199

_________________________________________

حكيم : بربوك مو اعضج

نرمان : سبقتة وعضيتة من ايدة بكل قوتي

حكيم : بربوك ما ملقحيج

نرمان : عضيتة اكثر .. كلبني على صفحتي وعضني من زندي كمت اعيط واضحك اوي اوي اوي ترا هاذة مو عض وجعتنيييي .. كمت شردت اباوع بالمراية شهكت .. هااااي شنوو

حكيم : شنو شو اشوفها

نرمان : باوع ايدي زركة ليش هيج مو حرام عليك كامت توجعني

حكيم : جا بس انتي عندج سنون وتعضين

نرمان : اجتفت اباوعله صفح .. ليش تشفط زندي

حكيم : ههههههههههه بوياي شيبت كلبي

نرمان : برطمت وخر اريد انام

حكيم : مو قبل ما نصالح

نرمان : ما نصالح .. اني عضيتك انته شفطت

حكيم : راح امووت اشفطت ولج لاحد يسمعج .. هاي عضة مو شفطة

نرمان : عفتة ورحت كعدت على السرير اجة يمي مبتسم ..

حكيم : اني عندي اقتراح حتة نتساوه

نرمان : شنو

حكيم : مثل ما شفطتج شفطيني

نرمان : جيب ايدك

حكيم : مو من ايدي مصير زركة انتي ترفة اني اچلح

نرمان : لعد منين

حكيم : ميلت راسي واشرت على ركبتي .. منا

نرمان : لااا ما اريد

حكيم : بخبث .. ليش متريدين تنتقمين راح تعوفين حقج مو زوركتج ..

نرمان : حتلو

حكيم : جبانة

نرمان : مو جبانة .. محترمة

حكيم : ضيقت عيني .. والله لانعل ابو شكلج

نرمان : تمددت وتغطيت ضل كاعد بطرف السرير يدخن .. خطر ابالي سؤال .. عمو

حكيم : اشتعل بكاز

نرمان : انتة هم تحاجي بنات

حكيم : اكيد

نرمان : فتحت حلكي بصدمة .. يعني تحاجي بنات

حكيم : اي ليش ؟

نرمان : لا هيج بس خطر ابالي .. احم كم صديقة عندك وهم حاجيلهم عني وعن نجاة وحياتنة

حكيم : يعني لازم من احاجي بنية احجيلها قصة حياتي .. جريت نفس .. داخل اطار العمل فقط عندي تواصل مع كلا الجنسين وهل شي حتمي باي عمل سوأ تاجر او اي عمل اخر المرا الها دور كبير صار بمجتمعنا مو معناتة احاجي بنية لازم عندي شي وياها واحجيلها قصة حياتي هسة حتة بالاسلحة ومواد البناء والسيارات صارت النساء مساهمة بكلشي والها راس مال بي .. هسة استوعبتي

نرمان : واني طالعة طابة حته اعرف

حكيم : ميحتاجلها دياحة وركع بوب ..

نرمان : لزمت مبايلي فتحت قصة جاي اكملها وين واصله لان مليت والغرفة صارت دخان

حكيم : شجاي اسوين

نرمان : اقرا قصة

حكيم : هم فصلية

نرمان : اي بس مو مثل ما كلت حلوه احجيلك .. هاي بنية طالبة كلية خالها كتل واحد وانطوها فصلية المنطقة مال عرب والرجال مزوج ومرتة تغار بس هوا كام يحبها

حكيم : رفعت ايدي .. منك الصبر يا الله

نرمان : ليش شكلت

حكيم : بوية وين اكو وحدة ينطوها فصلية علمود خالها مو حته ب الك*** ماصايره

نرمان : طفيت المبايل وشمرتة وعدلت كعدتي اباوعلة

حكيم : عابت لهل زنود تكول كيمر عرب

نرمان : غطيت زندي .. وكمت انفخ .. استغفرللة

حكيم : نعست نيميني

نرمان : اهزك يعني

حكيم : ليش مو اني الاهزج

نرمان : انتة مو نعسان وراسك يوجعك واخوك خطية احتمال يسجنو وعائلتكم تشتت دفكر بيهم ونام

حكيم : ماجابتة امة اليسويها ..

نرمان : حرت شلون اخلي يعوفني وينام

حكيم : ادني لابارك الله بيج ولا بهل زنود

نرمان : ادنيت اجة حشك روحة بصفي جر ايدي حط راسة عليها وغمض عينة .. شوية وحسيتة ذب نفسة علية وثكل ابتعدت ونمت صفح صرنة وجه بوجه اخذت نفس من ريحتة وغمضت عيني

" ثاني يوم الصبح "

حكيم : فزيت لكيتها مقرفصة نفسها ونايمة .. جريتها الحضني وطبعت بوسة على خدها وغطيتها .. نونو

نرمان : هممم

حكيم : شوكت نمتي

نرمان : فزيت اتمغط .. وراك

حكيم : فتحي عيونج خل ابدي صباح الخير بيهن

نرمان : فتحت عيني ارمش ..

حكيم : بعدت خصلات شعرها المتناثره على بشرتها الناعمة .. كوم حبيبي عندي شغل

نرمان : بلعت ريكي .. وهزيت راسي

حكيم : كمت تمغطت افك عضامي تكسرت لان مو مكاني

نرمان : راح اطب للحمام

حكيم : يلة روحي واني اطب وراج ..

نرمان : طبيت غسلت وجهي وفرشت اسناني وطلعت شفتة فاتح المجر يلعب بغراضي ..

حكيم : عقدت حاجبي .. هاي شنو

نرمان : مسكارة

حكيم : شسمكرين بيها

نرمان : مسكارة مال رموش حتة يطولن

حكيم : يعني رموشج جذب

نرمان : لا ماحاطة منها قليل

حكيم : سديت المجر فتحت الثاني .. شفت ملابسها الداخلية جريت قطعة شكلها غريب هاذه الج

نرمان : شهكت جريتة من ايده وضميتة وراية .. منو سمحلك ادور بغراضي

حكيم : نفسة السمحلج تب*** بغراضي

نرمان : دفعت المجر بجسمي وسديتة .. مو تريد تروح للحمام روح ..

حكيم : شو جيبي خل اشوفة هاذة شلون يلبس

نرمان : وجهي صار دم من الخجل فتحت الكنتور وشمرتة بي

حكيم : عفتها وطبيت للحمام اضحك .. عاينت علية عجبتني نضافتها وريحت الديتول باوعت على ترتيبها داكة رف خشب بالحمام حاطة بي شامبو وفرشة اسنانها وصابونة ومعطر ابتسمت لا اراديا غسلت وطلعت مالكيتها .. شردت البربوك

_طلعت من الغرفة ماكو احد بالممر صعدت فوك .. كعدت بالهول .. دكيت على فاروق

فاروق : الو

حكيم : ها يابة الله يساعدك شخبارك

فاروق : زين .. اريد افتهم منو كال العبدللة يضل يمي شنو زعطوط اني

حكيم : اني كلتلة علمود لاضل وحدك وهم انتة كلشي متندل بغداد هوا وياك يضل بين ما اشوف الوضع هنا والحكك

فاروق : مالة داعي خل يرجع البيتة ما مرتاح بوجوده

حكيم : فاروق انتة شتريد فوك صخام وجهك تردح على كلبي ترا اذا اشتكة عليك فلاح تروح اربعة ارهاب ومنو الواكع بيها اني .

فاروق : يطبة مرض خل يشتكي و*** ب ** اختة الميخلص علية

حكيم : لاضل اتهوبز راح اخابر عبدلله يرجع للشغل بس اذا عرفت بيك جايب ك*** لو شرب ومنكسلي البيت اسلمك بيدي الهم

فاروق : مو بيت اية الله العظمى .. لا اجيب ك*** ولا مشروب بس خل يفك ياخة عني

حكيم : سديتة بوجهة تعبني هاذه الولد ..

نزار : مو كتلك خل اروح ويا اكبصة

حكيم : حتة لو يكتلك لو تكتلة

نزار : خل يولي يسترجي

حكيم : كافي كوم بدل وامشي وياي

نزار : وين

حكيم : كوم خل اشوف طلابة فاروق شلون راح تفض

نزار : بدلنة وطلعنة بسيارتة ..

حكيم : راح نروح البيت ايهاب بحجة نشوفهم ومشتاقين نطقص اخبار فلاح منة اذا سئلو فاروق وين شنكول ؟

نزار : شرد البغداد

حكيم : يادين محمد

نزار : جا شنكول

حكيم : راح البغداد قبل اسبوع .. شيسوي ؟

نزار : يدور ك***

حكيم : راح افشر

نزار : يلة راح يتونس

حكيم : راح يلزم شغلي بغداد منا ورايح

نزار : ياحيف الخوه ادز فاروق يلزم شغلك واني مخليني مكابل ابو علي الفتان

حكيم : انزل نزار اروح وحدي

نزار : لا والعباس اشاقة وياك

حكيم : مو اجفص وتفضحنة ترا مابيها مجال

نزار : ابددد اطلعلكيا مثل الشعره من العجين

حكيم : خل نشوف .. وصلنة البيتهم صفيت السيارة ونزلنة دكينة الباب

ايهاب : يابة غير منورين البيت تفضلو تفضلو ..

حكيم : يزيد فضلك منور باصحابة

ايهاب : شعجب اليوم ذاكرينة صار سنين على هاي الجية بس احنة نجيكم ونتعنة

حكيم : عمر الدم ماصار مي اشتاقينالك وكلنة نزورك

ايهاب : منورين خوية .. جا فاروق وين ليش ما اجة وياكم

حكيم : دزيتة البغداد يلزم شغلي وياي يعيني

ايهاب : خاف المرا مترضة تروح البغداد بعد تريدك يمها

نزار : الله وكيلك مشيتة على الوحدة ونص

حكيم : خزرت نزار

ايهاب : ههههههههههه كلنة هيج من نخطب ورا الزواج احنة نمشيها بس توكع بالفخ

نزار : جا متوكعوني بالفخ وياكم

حكيم : تخرج وبيك خير وتدلل .. اي شخبار فراس الولد

ايهاب : زينين الحمدلله .. عقدت حاجبي ليش مادريت بفلاح خطية

حكيم : باستغراب .. شبي

ايهاب : جاي غير صاير صلي على بيتة ورامي كلة واكعة الستارة مال السطح للكاع

حكيم : لااا هاي شوكت الحجي

ايهاب : البارحة بالليل وخطية بتة واكع على رجلها انقاض ومكسورة

نزار : وما عرفو منو هيج مسوي

حكيم : باوعتلة صفح اريده يسكت .. يجوز رمي عشوائي

ايهاب : ما ادري فلاح متخبل يكول هاي السالفة بيها انة ومقصودة

حكيم : ما راح للمركز بلغ

ايهاب : لا يكول اني الزمة مطلع كامرات الجيران بس ما شايفين منو الرامي لان البيت ركن وما موجهات

حكيم : وبنتة شلون صارت

ايهاب : خطية مجبرين رجلها وطالع غلط وراجعين كاسرين العظم ومجبري من جديد

حكيم : لا اله الى الله

نزار : يطبة مرض

ايهاب : لا يمعود هاي الطفلة شذنبها .. كول همزين ما طالعين ولايحتهم طلقة تايها

نزار : حرامات ماطلعو

حكيم : احم .. اي فراس شخباره مشتاقلة الكو***

ايهاب : زين يريد يخطب بالعيد ومكيف

حكيم : الله يسهل امره ويدزلة بنت الحلال

نزار : همست الحكيم .. اريد ارجع جوعان

حكيم : اصبر

ايهاب : اليوم مطلعون اضلون يمنا للفطور

حكيم : لا بوية بيت العامر عندي شغل غير مرا نجيكم

ايهاب : شلون يصير كل عقلك اعوفك تطلع

حكيم : غير مرا نجيكم .. وانتو هم لاتكطعون بينة

ايهاب : ان شاءلله بس هاي مو جية ما محسوبة

حكيم : اجيكم اجيكم .. سلمت علية وطلعنة بالسيارة

نزار : ميدرون بشي حتة الكامرات ما لاكفتة .. شبيك شو ساكت

حكيم : اذا رجعنة اريد منك شغلة اسويها لان باجر اطلع البغداد

نزار : شنو

حكيم : من نوصل اكلك

نرمان : كاعدين اني ونجاة بالهول حاطين صينية بالكاع انضف خضرة وسلك

نجاة : مو هيج يلكطون راحت نص السلكاية

نرمان : معليج خليج بشغلج

حكيم : السلام عليكم

نرمان : رفعت راسي مبتسمة .. وعليكم السلام

حكيم : حطي حجابج على راسج راح يطب نزار

نرمان : رفعتة من جتفي لبستة

نجاة : هاا بشرو

حكيم : بعد مندري

نزار : طبت اصيلة للهول كعدت وحطت رجل على رجل .. باجي

اصيلة : نعم

نزار : عندج برنامج باونتي

اصيلة : شني هاذه بارنتي

نجاة : ولك هاي مو نستلة ؟

نزار : لا هاذه برنامج من يخلص الرصيد بس تضغطين علية ينطيج رصيد ابلاش كلت افيدج واسويلجيا

اصيلة : يا هسة اجيبلكيا علوى

نجاة : اني هم سويلجيا

حكيم : اششش سكتي

نزار : جابتة واجتي اخذتة منها دخلت على الاسماء حذفت رقم سهى وفلاح واي شخص قريب منهم وانطيتهيا .. ميصير

اصيلة : يا ليش

نزار : لازم تنطيني 30 الف ادفع رسوم البرنامج ويضل سنة كاملة يتمطيج رصيد ابلاش

اصيلة : يا هسة انطيك 30 بس يا ويلك اذا جذبت علية سنة كاملة اخابر ابلاش نزير

نزار : وراسج باجي .. باوعت عليهم لازمتهم الضحكة

حكيم : ابو فليس

نزار : جا شلون اطلع مصرفي .. شوية واجتي

اصيلة : هاك هاي 30 يلة سويليا

نزار : لازم تبقين مبايلج يمي هل فترة لان تثبيت البرنامج يرادلة اسبوع

اصيلة : اسبوع وشلون تخابر نسمة ورحاب بعد

نجاة : خابريهن مني

اصيلة : خوش

نزار : اني ميت من الجوع

حكيم : اتحمل لاصير زعطوط مابقة شي للاذان

نرمان : لملمنة الخضورات ورحت غسلتهن وكفت اساعدهم

اسراء : طفي الطباخ

نرمان : رحت طفيتة

اسراء : كلي الكباب.. سوي زلاطة .. طركي البن

نرمان : ترا عندي بس ادينات ثنين والله

اسراء : شكنالج عيني ست

نرمان : صبيت الشوربة وبدينة نودي الاكل

حكيم : كوم جيب الاكل وياهم جنك وحدة حامل النهار كلة نايم

نزار : جا ميجيبنة هنة اني شنو

نرمان : لا ضوج نزوري لايصير شي بالجنين

نزار : تنكتين حضرتج

نرمان : لازمتني الضحكة .. خلصنة السفرة والتمينة عليها

نزار : اللهم لك صمت وعلى رزقك افطرت انطيني الدولكة

نرمان : انطيتة الدولكة كام يشرب .. على كيفك لا الجنين يغرك

نزار : كهكهكهكه ضحكولها جاي تنكت

حكيم : جا مثلك دمك جنة دهن كريز

نرمان : باوعت على ابن كمال ياكل خبزة اسمها حنونة اصير صغيرة مسويتها اسراء لكيت وحدة زايده اخذتها جاي اكل

نزار : انطينياها

نرمان : ما

نزار : شوفي هاااذه الجلب منين طلع

نرمان : يماااا وينة .. اندارين مالكيت شي حسيتة جر الخبزة وكام .. هاااي ليشش

نزار : القانون لا يحمي مغفلين

نرمان : يحمي جذابين

حكيم : تعاي نونو كعدي بصفي خل يولي هاذة

نرمان : كمت غيرت مكاني وكعدت بصفة حط ايدة على ضهري مبتسم ..

حكيم : ولا يهمك وليدي هوا انتة جنك حنونة

نرمان : لا عادي اصلا ما احبها كعدت اكل واخزر بي وهوا مبتسم ويرفع بحواجبة ..

_كملنة ولميت السفرة لان دوري بغسل المواعين .. كملت ونشفت ايدي رحت الغرفتي طبيت سبحت وطلعت ضليت كاعدة اجتني رسالة فتحتها

حكيم : بابا اني رايح البغداد اتسحري وشربي مي لان باجر درجة الحرارة عالية ولا تحتكين با اسراء اتجاهليها وديري بالج على نفسج ..

نرمان : انقهرت كلش من رسالتة مو كال اخذج وياي .. دزيتلة ماشي سديت المبايل ونمت ..

ثاتي يوم "

_ كمت كالعاده غسلت وبدلت وطلعت برا لكيتهم نايمين برمضان ميكعدون من وكت صعدت فوك شفت نزار ونجاة جاي يلعبون بلي .. صباح الخير

نزار : صباح النور

نجاة : تعالي لعبي ويا خل اشوف الهدوم كملن حتة اشرهن

نرمان : باوعت على القنفة اليكعد عليها مكانة وحشة بلعت ريكي وكعدت بصف نزار كمت العب ويا وهوا يكمز ويسب كل شوية

نزار : هاذه كرستيانو الجبار اليشجعة اسد واليكرهة حمار

نرمان : الحمدلله لا اعرف كرستيانو ولا جبار

نزار : شبيك ابو علي احجيلي شو ضايج .. لان معلمك سافر

نرمان : كهكهكهكه

نزار : كهكهو ضلوعج كولي امين

نجاة : نزار كوم الغسالة مجاي تشتغل وطلعت ريحت شعواط منها

نزار : طفيها وغسلي هدوم بالطشت

نرمان : عوفي يخاف على الجنين

نزار : انوب اشيل حاجة ثكيلة ويسولي كركاش اووي ما انزع كدام احد

نرمان : متنة من الضحك اني ونجاة .. كام يدردم راح للغسالة شوية ورجع

نزار : البلك مايع لازم ابدلة

نرمان : نزل ضلينة كاعدين شوية وطب صاير اعصاب ركع الباب وفات الغرفتة

نجاة : شبي هاذه .. ولك شبيك وين دزيناك

نرمان : ثواني معدوده ودخلت امهم

نرجس : السلام عليكم

نجاة : شعندج جاية يومية كافي لعبتي رواحنة

نرجس : احجي عدل نجاة عود كبرتي وكمتي تردين هاي تربيتج

نجاة : لو عندي ام بيها خير جان ربتني بس ماعندي .. عفتها وطبيت ورا نزار

نرجس : شلونج حبيبة

نرمان : الحمدلله خالة

نرجس : لعد وين حكيم وفاروق

نرمان : مسافرين

نرجس : يا وين

نرمان : بغداد

نرجس : ما ادري بيهم .. فدوه كلاص مي ريكي يبس

نرمان : تدللين .. رحت جبتلها مي وكعدت كبالها ضلت صافنة على البيت والغراض وكل شوية تغرغر عيونها وتمسحهن .. خالة عن اذنج راح انزل جوة

نرجس : لعد اخذيني وياج

نرمان : نزلنة جوة انتبهت على ايدها بيها علاليك حمر طبت للهول واستقبلتها عمتي بوس واحضان كعدت وهل مرا بس ولد وياها جاي

نرجس : لعد حجي فاضل وين

اصيلة : نايم اصيحلجيا ؟

نرجس : لا عوفي مرتاح اني جاية علمود ولدي

اسراء : نورتينة خالة

روان : شلونج خالة واخيرا ضهر القمر .. ماشاءلله اكول نجاة عليمن طالعة

نرجس : ابتسمت مجاملة .. حبيبتي تسلمين

اصيلة : خاي مرت نج وذيج مرت كمال وهاي مرت ابنج حكيم

نرمان : بهتت ملامحها من كالتلها اني مرت حكيم باوعت علية بنضرة ماعرفت افسرها

نرجس : حكيم ازوج ؟

اصيلة : اي عاقد على بت اخوية

نرجس : يعني حكيم ماخذ بت اخوج .. باوعت عليها .. يما انتي شكد عمرج

نرمان : باوعت على عمتي .. 15 سنة

نرجس : حطيت ايدي على صدري جاهلة صدك يحجي يريد يعيد ماضي فاضل

رامي : يما انتي شعليج لاتحجين هيج

اصيلة : عيني ابن الوز عوام .. احم هاذه ابنج صلاوات بس مو جنة جبير

نرجس : هاذه وليدي الما جابتة بطني رامي ابن حجي عواد رجلي .. ونمير الي اجة وياي مرتين ابني

اصيلة : يعني خلفتي من رجلج

نرجس : اي بس نمير

اصيلة : اي الله يحفظهم

نرمان : رجعت تباوعلي من فوك ليجوة معاجبها الوضع كمت طلعت مقهورة طبيت الغرفتي دك مبايلي فتحت خط ..

حكيم : شلونهة نمنة البربوك

نرمان : احم .. زينة

حكيم : شنو زعلان

نرمان : لا قابل على شنو ازعل

حكيم : جا شبيج

نرمان : مابية

حكيم : لا شلعين كلبي بطيها للحمصاية

نرمان : مو كلت اخذج وياي هل سفرة

حكيم : يعني ترضيها اخذج وفاروق وياي بالبيت راح ترتاحين ؟ .. نط من يمة

فاروق : ليش شبية ابزز

حكيم : الصم

نرمان : لا عادي اصلا ما اريد اروح وياك لاي مكان بعد

حكيم : بوية جمرة افادي تزعل واعوفنها سليمة تكرف فاروق اذا صدك

فاروق : مو حاطيني وقف للعباس

نرمان : لا يلة هاي هية

حكيم : تقرب فاروق حط اذنة يم المبايل .. دوخررر .. روحي بوية بعدين اخابرج

فاروق : افا هاي الخوة

حكيم : *** بيها

فاروق : رحم الله والديك

حكيم : كوم سويلنا لكمة للفطور ترا ما اطلع اجيب شي حاره الدنيا

فاروق : دغيتة بجتفة عود من يصيح الله واكبر ادكلك عليها افطر بصوتها

حكيم : مو شوربة عدس

فاروق : جا شمعرفني اطبخ شكلولك علية الشيف حسن

حكيم : رجلية يونن من الصبح ليهسة افتر بالمخازن .. عود روح انتة للشارع العام كلشي تلكة بي جيبلنا اي شي وتعال

فاروق : خاف اضيع

حكيم : انتة مثل الك*** انضيعك نلكاك بالملاهي

فاروق : هاي عود صيام احنة

حكيم : حرام الي يكابل وجهك ميحصل غير الذنوب

نرمان : طلعت من الغرفة ضليت افكر اكولة على امة . تنهدت وصعدت فوك شفت نجاة تاكل باضافيرها ونزار ما طلع من الغرفة .. لج خاف صعد سكرة

نجاة : ما ادري

نرمان : كمت دكيت الباب علية ميرد .. نزار .. لج نجاة خاف بي شي

نجاة : شو دكي مرا لخ

نرمان : دكيت اكثر من مرا ما فتح الباب

نجاة : فتحيها

نرمان : فتحتها .. مقفولة

نجاة : خاف صار بي شي .. نزار حبيبي افتح الباب . شوية وسمعت القفل فتحها

نزار : شتريدن

نرمان : باوعت على عيونة حمر دنكت مقهورة علية ..

نجاة : حضنتة حيل .. وكمت ابجي .. حبيبي فدوه الطولك اني

نرمان : بلعت غصتي ونزلت لان ادري بي يستحي يبجي كدامي .. قررت اخابر عمو واسولفلة فتحت جهازي دكيت علية

حكيم : ها بابا

نرمان : شهكت وكلت .. عمو نزار يبجي

حكيم : ليييش شبيييي

نرمان : مو .. خالة نرجس اجت .. خفت اكولة امك ويتخبل

حكيم : شعدها جاية هااااي ليشششش تريد اطلعني من دييييني ..سديت المبايل

فاروق : شكو شبيك منو اجت

حكيم : نرجس

فاروق : شعدها جاية هاي

حكيم : ما ادري نزار يمكن متخربط .. فتحت جهازي دكيت علية ميجاوب رجعت اتصل ..

نزار : ها

حكيم : شبيك شنو تبجي

نزار : لا عليمن

حكيم : تريد اجيك

نزار : احمم .. تعال ارجع اني ضايج هنا وحدي

حكيم : ابوية فدوة اروحلك اتحمل هل ليلة شلون ماجان وباجر اجيك

نزار : براحتك

حكيم : سديت المبايل .. راح ارجع للبصرة

فاروق : اجي وياك

حكيم : لا ابقة انتة اخاف عليك اني اروح بس خل يهدة الوضوع واخليك تجي

فاروق : لا رجلي على رجلك

حكيم : يطبك مرض اني روحي واصلة لهنا امشيي .. لمينة غراضنة على السريع طلعنة بالسيارة اذن المغرب واحنة ما واصلين

فاروق : خل نوكف نفطر

حكيم : هاي المطاعم وصخة ولحمهم هندي خل نوصل يلة

فاروق : استغفرلله راح يموتنة من الجوع اليوم

حكيم : لا تتمضيك خل نوصل وازقنب .. وصلنة للبيت صايرة 10 بالليل منورا الازدحامات .. صفيت السيارة ونزلنة .. طبيت للهول ..

_ السلام عليكم

الكل : وعليكم السلام

حكيم : باوعت عليها ودنكت .. كام الولد الوياها مد ايده يصافحني ..

رامي : شلونك خوية

حكيم : صافحتة .. الحمدلله .. توجه الفاروق

فاروق : عبرتة وطبيت كعدت .. ارتجيت على القنفة

حكيم : يما شتريدين جاية يومية اني هل مرا لا راح اردج ولا اطردج لان لو شيصير تبقين امي كدام الله وباجر عكبة اتحاسب على عقوق الوالدين .. بس انه اريد افهم انتي شتريدين من عدنة بعد هل سنين

رامي : خوية انته فتحت الموضوع وامي نرجس جاية تريد اشوفكم وتشبع منكم .. ابوي الله يرحمة طول ذيج السنين حارمها منكم مو ذنبها وماجان بيدها شي اني الي اترجا منكم تسمعولها لو مرا وحدة بدون ما تكسرون كلبها تراها ما تستاهل

فاروق : تفضلي خلصينة من هاي الاسطوانة مال يومية

نرجس : بالاول خل يجون اخوتك كلهم يكعدون

حكيم : روح عمو باقر صيح العمك نزار وعمتك نجاة

باقر : ماشي عمو ..

نرمان : واكفة اباوع عليهم من بعيد ما طبيت .. شوية واجوي نزار ونجاة طبو كعدو استمعت الحديثهم ..

نرجس : ادري كلكم تضوجون مني وما تريدوني .. وكلوبكم شايلة علية ايام وسنين

فاروق : همزين تدرين

نرجس : لا تقاطعني خل اكمل .. باوعت على حكيم .. تذكر من وديتني البغداد البيت ابوية .. جانت اخر مرا اشوفك بيها لحد الان اذكر ملابسك ونضراتك من عفتني وانتة تدري هاي اخر مرا نشاوف بيها .. من ذاك اليوم اني ما شفت الراحة ولا ضكت طعمها ليل ونهار افكر بيكم شحالكم هسة اكلتو شربتو نمتو نزلت دموعكم على المخدة جنت اغص كل غصة ولا الثانية .. لحد ما صدك ابوك سواها وطلع مطلكني غيابي ..

مقتطف من الماضي بغداد 2002

_________________________________________

نرجس : يما شبي ابوي هيج يعاملني من يوم الاجيت الهاذه اليوم اذا مايريدني ما اضل هنا

رباب : لا يما لا تكولين هيج بس صبريلي شوية خل اشوف شبي اليوم شايش

نرجس : ضليت كاعدة الوب نص ساعة وطلعت امي تبلعم .. ها يمة شبي

رباب : كعدي خل احاجيج

نرجس : لزمت كلبي بخوف لان ادري اكو شي ..

رباب : تعرفين حجي عواد صديق ابوج

نرجس : اي ابو رامي

رباب : اي

نرجس : شبي

رباب : خاطبج من ابوج اليوم

نرجس : عقدت حاجبي .. شنوووو يما اكبر من فاضل الله يخليكم شنو زايدة عدكم اني ليش وين ما تجون اذبوني رحموني شوية عاد مو عفت 4 جهال مثل الورد منورا ابذل تريدون اذبوني مرا لخ

رباب : لعد اضلين جوا رحمت ابوج ومرت اخوج الما تخاف الله اذا متت اصيرين ذليلة هنا كل العمر وانتي جاي تكبرين موزين من خطبج حتلو شايب يما ضل رجال ولا ضل الحايط بلكت يطلع خوش ادمي ويعوضج ترا فاضل ما منة رجة بعد اخذله حديثة وتدرين بي من يوم يومة جبروت

نرجس : حطيت ايدي على خدي ابجي .. وين ما احطها سودة مصخمة فهموني وين اروح ..

_ مرت الايام وصدك اجة خطبني وكطعت مهر بدون ما اشوفة بيوم العقد طب يلبسني ذهب رفعت عيني اباوعلة رجال بكد ابوي بلعت غصتي وضليت صامدة مر شهر ..

حامد : باجر يجي رجلج ياخذج البيتة لمي هدومج وتحضري

نرجس : ضليت ساكتة وحاطة ايدي على خدي كل فكري يم جهالي يعني صدك راح ازوج واعوفهم اهمداية .. ثاني يوم اجة اخذني من ابوي البيتة طبينة ..

عواد : سمعيني يبت الناس اني الادري بي انتي مطلكة وعندج اولاد من اليوم تنسين جهالج اني ماعندي خري مري وها .. الحجية الله يرحمها ماتت وعافتلي رامي وسعدية مزوجة فا اريدج تحطين الله بين عيونج ثمة هل ولد ..

نرجس : بعد هاذه الكلام كطعت كل امل بالقاء جهالي .. مرت الايام ويا ابو رامي بين الحلوة والمرة ربيت هاذة الولد وعاملتة مثل جهالي واكثر وجان يحن علية ويخاف من الهوه لا يجرحني .. بيوم كمت اتخربط ورحت للدكتورة والصدمة طلعت حامل ..

عواد : بفرحة .. الف مبروك كمت بست راسها الله يكومج بالسلامة

رامي : بوية خاف فرحان ادور ولد ترا شنو اني مو بعينكم

عواد : انتة الخيرة كلة وشينطيني الله الف الحمدلله والشكر بنية ولد نعمة فضيلة

_ رغم كل هاذة ما ضليت ساكتة ضليت اون عليكم كل اسبوع افتح الموضوع ويا عواد بلكت كلبة يحن ويجيبني اشوفكم .. اصير طلابة وتاليتها اسكت واضل للصبح مخدتي ناكعة بدموعي ومحد جان يصبرني على هاي العيشة غير رامي ..

_ ورا تسع شهور جبت نمير وربيتة وجنت دوم احجيلة عنكم واوصفلة اشكالكم حتة خاف اموت واني ما شايفتكم يوصل خبري عن طريقم وعلى الاقل همة يشوفوكم اذا الله ما كاتبلي

_ وتاليتها اجة اليوم الي الله اخذ امانت الحجي وبس طلع اربعينة واجيتكم بيدي وبرجلي اشوفكم .. والله ينطي اصيلة ما خلتني كامت كل فترة تخابرني تنطيني اخباركم ومنها عرفت انتة مضروب سجينة واجيتك كلبي مفرفح عليك وما شفت منكم غير الجفة وكلوبكم المحملة ..

نرمان : كلهم وجوهم غندبت من القهر وبين عليهم

رامي : واحد يحجي حك الله من يوم الي ابوي ازوج بي امي نرجس وهية كل يوم تون عليكم وتبجي وما تكدر تجي وتكسر حجايت الحجي ..

نرجس : ليش ساكتين يما كولو شي

رامي : بعد السمعتو خوية اذا ما تريدوها ومتتقبلوها بحياتكم انة ماخذها وراجع وتاخذوها من شاربي بعد ما خليها تجيكم لو تعتب البصرة

نرجس : كمت كعدت كبال حكيم بالكاع .. يما كول شي فدوة اروحلك مو شكيتة الكلبي .. فاروق يما لا تخلوني اروح ميتة لزمت ايدة بستها ولكم انتو روحي من هاي الدنيا

نرمان : كامت تنزل دموعي بدون ما احس هضمة كلوبهم هزتني .. لحد ما شفت عمو لزم امة من ايدها كومها من الكاع واخذها بحضنة غمض عينة ومنشوف غير رجفة جسمة بحصنها

نرجس : اخخخخ ولك يما لا تبجي ابوس ايدك كلبي مات كلبي خلص من الفراك لا تعوفوني مو بيدي الصار كلة مو بيدي عسى الله ياخذ عمري اذا جذبت بحرف

حكيم : مسحت وجهي بجتفها جنت محتاج احضنها محتاج اشمها من سنين واني اكابر واخاف من هاذه اليوم ..

_ حضنيني يما بكلبي تسعر نار محتاج الحنانج فدوة ضميني .. حضنيني يما عيوني اجت خطار تشكيلج عذابي وغربة سنيني ..

فاروق : شنو يعني سامحتها هاي هية نسيت ؟

رامي : خوية صلي على محمد ترا مو عدوتكم هاي

نرمان : منشوف غير فاروق لزم رامي من ياختة وركعة بالحايط ..

_ بهل اثناء سمعنة صوت صياح برا وهوسة طلعو الكل يركضون .. وكفت لازمة كلبي اسمع

فلاح : اطلعوووو لاتختلون مثل النسوان اني هيج اسون بية وتهجمون بيتي وابو فاضل بيتكم اسوي رماد اليوم

حكيم : شفتة رفع سلاحة يريد يرمي .. فلااااااااح اذا ضربت طلقة وحدة اندمك بكد شعر راسك وانتة تعرف الحكيم اذا حجة

ايهاب : استهدة بالرحمن احنة ولد عم دم واحد لا صخمون وجوهنا كدام العالم

حكيم : عوفة .. اذا عندك حجي تريد تكولة هاذه ديوانة مفتوح وذا ماعندك ..

فلاح : ماعندي اي حجي وياكم انة اريد دم بدم مثل ما ساح دم بتي وهدمتو بيتي اردلكمياها واخذ حكي مربع

فراس : لاااا فلاح مو هيج الحجي

فلاح : هاذه العندي

حكيم : الما اطولة بيدك طولة برجلك واني وياك والقانون وطبتك هاي بسلاح غير مرخص محسوبة عليك واكو ناس وكامرات تشهد وذاك الوكت نشوف الحك ويامن

نجاة : اباوع من شباك الهول فلاح سحب اقسام وجه السلاح بوجه حكيم .. تكهرب البيت بصوت الصياح والطم للحضة حسين نرمان راح يغمة عليها ..

يتبع ..

نهاية البارت : ترا البارت مو قصير ♥️

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

أحبك مو لأن أنت حلو... لا لأن روحي التقت كبلي ولك بيك إذا إنت تمُّر ع الأعمى يصيح الله والأخرس لَّون حاچيته يحاچيك أذب كلبي على سهمك وآنه مجروح وأكلك دير بالك أخاف أأذيك إجرَّحني ولك بس كون عالكيف لأن إنت ويَّه دمي وخاف أبديِّك إجرحني ولك بس كون ما موت حتى مِن يتهموَنك أبريّك ..

تابعوني انستا duu_199 ..

_________________________________________

فراس : لاااا فلاح مو هيج الحجي

فلاح : هاذه العندي

حكيم : الما اطولة بيدك طولة برجلك واني وياك والقانون وطبتك هاي بسلاح غير مرخص محسوبة عليك واكو ناس وكامرات تشهد وذاك الوكت نشوف الحك ويامن

نجاة : اباوع من شباك الهول فلاح سحب اقسام وجه السلاح بوجه حكيم .. تكهرب البيت بصوت الصياح والطم للحضة حسين نرمان راح يغمة عليها ..

حكيم : اذا انتة زلمة وطالع من ضهر ابوك اضغط الزناد ..

فلاح : زلمة غصبا ما على شواربكم ..

حكيم : اتقربت علية خطوة رجع ليورا خطوتين حاط المسدس بوجهي .. للحضة غافلتة وشمرتة من ايدة .. ركعتة بوكس كعد بالكاع لازم وجها .. ما عاش ولا صار الي يحط سلاح بوجهي ..

فلاح : مسحت الدم من حلكي .. عبالكم راح اسكت اذا ما خليكم تخيسون بالسجن ميطلع اسمي فلاح واختكم اني الها اذا ما اندمها على اليوم العصت بي حجايتي واندمكم قبلها

ايهاب : كافي فلاح اذا على البيت اني خسارك شتريد انطيك عمر بيتك واكعد

فاروق : ماليش انتة خسارة مو سحب قرض وسددنا مكانة خل يعمر بي بيتة

فلاح : كمت من الكاع انفض بهدومي .. طلعت مبايلي

ايهاب : اجاي اسوي

فلاح : ادك على الشرطة لو اعرف يعتقلوني ما اخليهم يباتون هل ليلة مرتاحين

ايهاب : جريتة من ايدة .. تريد اصخم وجوهنا

فاروق : عوفة مشتهي نكعد اني ويا امكان واحد نتسامر للصبح

فلاح : يعني انتة الرميت البيت

فاروق : تؤ تؤ

حكيم : يلا اكسر الشر وروح لا اضحك العالم عليك

فلاح : مو قبل ما اكسر روسكم ..

نزار : شو من اجيت لحد هسة بس تهدد دراوينة حركة منا منا .. اضرب جقلمبة ..

فلاح : تريد اراويك

ايهاب : تلازمو وكفت بنصهم .. كافي يمعودين احنة انطفيها انتة تشعلها .. احجيلك شي حكيم

حكيم : يلة اطلع برا .. دغيتة بجتفة .. خلص الشوط الاول

فلاح : بعدكم ما شايفين شي

نزار : ترة ثبرتنة صاحب الدار البيضاء ادري شواكعلك هية 50 متر ماكلها الرطوبة

كمال : كافي انتة لاتشعلها

فاروق : يلة طكطك نعالاتك اريد انام ..

نرمان : اباوع من الشباك واحس كلبي راح يوكف من الخوف .. صار مدافع بين فلتح وفاروق صار بنصهم حكيم ركعة كلة على وجهة لزم خشمة ورجع ليورا دايخ ..

ايهاب : فلاح شبيك تسمعني .. يمعودين خابرو الاسعاف

فلاح : مسحت خشمي من الدم .. مابية شي وخرررر

نرمان : شوية والولد اخذو فلاح وطلعو بس الكراج انسد من السيارات اجو شيوخ والجيران كلها التمت .. نوعا ما ارتاحين

اصيلة : روحن سون جاي اجتي الوادم كلها وانتن كاعدات ..

نرمان : باوعت عليهن ولا وحدة كامت يحسبن مالهن دخل هنة .. كمت للمطبخ طلعت قوري عملاق من الكاونتر .. ترستة مي وجاي وحطيتة على النار

_ وكفت ارتب بالستكانات .. سمعت صوت بجي مخنوك انداريت شفت نجاة .. ليش تبجين بعد يمعودة

نجاة : مسحت انفي .. اريد ارجع الفلاح

نرمان : وكع الستكان من ايدي .. شنوووو صدك تحجين انتي

نجاة : اي اريد ارجعلة ما اعوفلهيا مخضرة اريد انتقم منة واخذ حقي وحق اخواني .. كلبي بي نار نار تسعر

نرمان : ليش مسكتين انتي كد فلاح لو سهى خاف اول مرا كتلو ابنج وجابوج مدماية هل مرا يخلصون عليج شوكت تفكرين بعقلج متكليلي مو دمرتي نفسج ودمرتي اخوانج ..

_ بهل اثناء دخلت امهم .. بس شافت نجاة ركضت عليها حضنتها

نرجس : يمة حبيبة ليش تبجين اخوتج ميخلوج يخلصوج من هاذة النذل ان شاءلله

نجاة : شو دوخررري هسة اذكرتي عندج بنية وين جنتي من جنت محتاجتج وخررري ايدج

نرجس : مو سولفتلكم لشوكت اضلون هيج مو خلصتو كلبي .. كومي يمة كومي من الكاع مفاصلي ما اكدر اكعد

نجاة : كمت كعدت على ميز الطعام كعدت بصفي

نزار : مديت راسي .. جاي لو باجة وين صار العالم راح تنام

نرمان : ثواني .. وكفت اصب رتبت صواني ثنين وانطيتهيا

نجاة : تعالي كعدي من الصبح ليهسة على فد وكفة انتي

نرمان : جريت كرسي وكعدت بصفها .. شوية ورجع نزار

نزار : جهزن مي

نرمان : كمت اريد اترس مي

نجاة : كعدي اني اكوم .. سويت كم دولكة وكلاصات وكفت اعاين اريد المح نزار اختفة صحت .. باقررررر تعاااال

نزار : وسم وزقنبوت منا العالم جنج معزة

نجاة : بسم الله منين طلعت .. عالساس صوتي بي اغراء وذوبهم

نزار : دولي .. اخذت الصينية وطبيت

نجاة : هزيت ايدي .. رجعت للمطبخ كعدت ..

نرجس : احم .. انتي شلون تعرفتي على حكيم يعني شلون شافج وخطبج

نرمان : مو خالة اني عايشة هنا من وفاة ابوية

نرجس : يا صدك لعد امج وين عمج وين

نرمان : موجود .. حرت شكول .. خالة تريدين جاي اصبلج باوعتلي بنضرة حسيتها عرفت ما اريد احجي

نرجس : اي صبيلي

نرمان : كمت صبيت الها والنجاة رجعت كعدت على نار بالي كلة يم عمو والولد صارت نص اليل وهمة ماكو ..

نجاة : طلعو الزلم كومي خل نشوف شنو صار

نرمان : كمت وراها ملهوفة اعرف التفاصيل .. طبينة للهول

نجاة : ها بشر شكالو

حكيم : باوعت على فاروق بخزرة .. هل مرة فضيتها بمبلغ مالي يرمم بيتة وراح تنسد السالفة بس قسما بالله مرا ثانية ما اشفعلك

فاروق : محد كلك تدفعلة شي انتة اطوعت اني لو علية شيريد يسوي خل يسوي اشرت على حذائي .. وهوا وهاذة

حكيم : ولكم انتو تريدون تموتوني يلة ترتاحون انتة تعرف شنو السجن ماخذها بحيل صدر وتهوبز على راسي .. منو جاي يدفع ثمن اخطائك هاااا

فاروق : اهوووو كلمن عندة حجاية كام بحجيها .. جريت سويجي وطلعت

حكيم : يطبك مرررض .. روحة بلا رجعة

نرمان : طلع ورا عمو وركع الباب .. ضل نزار كاعد يدور حجة ..

نجم : المفروض حكيم ياخذ بيت فلاح ويشتريلة واحد البيت صاير انقاض

نزار : تريدة شرقي لو غربي ؟

نجم : شتقصد

كمال : شنو انتو زعاطيط ماعدكم اي احترام لا الجبير ولا لصغير كوم نجم اخذ مرتك وروح نام لادور مشاكل

نزار : لا عوفة ما ضل شي واكوملة

نجم : تكوم المن

كمال : جريتة من ايدة .. كومي ولي لا احرك البيت عليكم

_ بهل اثناء اندكت الباب ..

رامي : يا اهل الدار ..

كمال : اتفضل خوية

رامي : ياالله .. يابة اني اترخص منكم اريد ارجع البغداد واسف على ازعاجكم اجينة بوكت مو مناسب

كمال : وين تروح بهل ليل كول يا الله وبات اليوم وباجر اتوكل

رامي : رحم الله والديك متقصر بس عندي شغل الصبح ولازم ارجع ..

نرجس : يمة وين بهل اليل الخاطري لا تروح

رامي : تقربت عليها همست .. يمة امشي لبسي وتعالي وياي خل نرجع سوة

نرجس : لا يومة اريد اشوف ولدي بس هل يومين كلبي طاك عليهم

رامي : ما أمن اعوفج هنا وحدج مشوفين الوضع شلون صاير

نرجس : حبيبي بس هل يومبن وارجع ..

رامي : بست راسها ديري بالج على نفسج

نرجس : وانتة هم فدوة الطواك درب السلامة ..

رامي : الله يسلمج

نرجس : جاي اسد الباب ورا لمحت فاروق كاعد يدخن جريت حسرة وسديت الباب .. ورحت للهول

نجاة : اتي راح انام تعبت

نزار : اني هم

نرمان : اخذني وياك .. طلع وطلعت ورا

نزار : ادورين على عمج مو

نرمان : هزيت راسي .. اي

نزار : هسة اشوفلجيا .. صعدت قبلها فتحت الباب شفتة كاعد على التخم مرتجي ومطفي الضوة ودخانة الجكاير خنكتني وكفت بالدرج ملتفت الها .. تعالي صعدي موجود

نرمان : صعدت اهرول .. طبيت للبيت كحيت من الدخان .. هاي شنو

نزار : حريق

حكيم : بكلبي

نرمان : تقربت علية اباوع لعيونة الجاحضة .. عمو

حكيم : تنهدت .. ها

نرمان : كوم وياي حباب لا تردني

حكيم : وين

نرمان : امشي وتعرف .. اشر على انفة

حكيم : ترا واصلة وياي لهنا مالي خلك

نرمان : بغلاتي عندك كوم .. سحبت ايدة طفة الجكارة بالنفاضة وكام .. طلعنة برا نزلنة لبست برجلي وفتحت باب الشارع .. خل نتمشة

حكيم : مالي خلك

نرمان : لا الك خلك امشي وياي حباب .. كمنة نتمشة مرت فترة واحنة ساكتين .. عمو

حكيم : وعمة

نرمان : ليش

حكيم : مو شيبتي راسي بعمو .. رفعت اصبعي بتحذير .. ورب الكعبة اذا سمعتج اصيحين عمو بعد افلش وجهج

نرمان : ما اعرف متعلمة اصيحلك عمو

حكيم : بطليها مو شكيتيني

نرمان : من اتزوجنة شنو اتفقنة ؟

حكيم : ايبااا جا من تدرين احنة مزوجين متدرين حرام اصيحيلي عمو

نرمان : شسوي مو بيدي

حكيم : نعقد اتفاقية !

نرمان : شنو

حكيم : اذا صحتي بعد عمو تنشفطين

نرمان : تلعثمت .. لا مو هيج بعد ما اكولها

حكيم : رفعت ايدي .. اني العلية كلتلج بكيفج بعد ..

نرمان : بلعت ريكي بخوف .. عمو خل نرجع للبيت

حكيم : هاي وحدة

نرمان : حطيت ايدي على حلكي .. ما ادري نسيت سمعتة يضحك ضحكتة الشريرة

حكيم : نمنمة البربوك بعد كيلو ونوصل للناصرية

نرمان : ابتسمت .. اندارينة ورجعنة نتمشى طبينة للبيت .. صعدنة فوك بس فتحت الباب شفت امهم

نرجس : ضل بالي وين جنتو امي حبيبي انتة ..

نرمان : باوعت على عمو رفع حاجبة وعيمة على امة

حكيم : نونو الحكني للغرفة

نرجس : حبيبة فرشيلنة اني وياج خل انام بالهول سوة

نرمان : تلعثمت ماعرفت شكول .. اءء لا خالة انام يم عمو

نرجس : يا عمو ؟

نرمان : قصدي حكيم

نرجس : اني الادري بي انتو مخطوبين ما معرسين حتة تنامين يمة

نرمان : مو .. سمعتة صاح

حكيم : ووووين صررررتي

نرمان : خالة راح افرشلج وين متريدين واروح .. شفتة خزرتني عافتني ونزلت جوة اني هم مدرت بال عفتها وطبيت للغرفة ..

_لكيتة نازع ملابسة وباقي بالداخليات ..

حكيم : راحت

نرمان : اي نزلت جوة .. انحرجت من شكلة ودنكت

حكيم : راح يأذن ما ضل شي

نرمان : اي صح .. اذكرت هوا بدون اكل .. هسة اجيك ثواني .. رحت للمطبخ حرت شنو اسوي .. كليت بيض عيون سويت طاوة جبيرة وحميت خبز واخذتة ورحت للغرفة ..

حكيم : اي والله بوكتة

نرمان : ابتسمت وحطيت الاكل بالكاع حسيت الباب اندفرت انداريت ..

نزار : جا اني يهودي محد يصيحلي ..

نرمان : طب اتربع بالكاع وكعد ياكل

حكيم : على كيفك كول اكو بشر جاي تاكل وياك

نزار : اكلت لكمة .. جوعان

نرمان : بالعافية اذا تريدون بعد اكوم اكلي

حكيم : صفنت علية .. اذا زاعجيك بكعدتنة شيل الصينية وروح اكل بغرفتك

نزار : اي والله

نرمان : ما حس غير شال الصينية ولملم الخبز وطلع من الغرفة ضليت فاتحة حلكي ..

حكيم : لا تنصدمين الحقوقي بعد

نرمان : ضحكت على سوالفة .. اذا بعدك جوعان اسويلك

حكيم : لا الحمدلله .. كومي خل نتوضى ونصلي

نرمان : كمت ويا طبينة للحمام توضى قبلي وطلع .. حسيت بشي غريب سديت الباب وعرفت اجتني الشهرية باوعت بالحمام ماكو فوط .. لبست وطلعت من الحمام

حكيم : ها بابا توضيتي

نرمان : اءء ، عمو راح انزل جوة شوية واجي

حكيم : شسوين بهل ليل

نرمان : اجيب مبايلي نسيتة جوة

حكيم : حبيبي صلي ونامي عوفي المبايل هسة

نرمان : لا ما اتأخر هسة اجي .. عفتة وطلعت قبل لا يحجي نزلت جوة طبيت الغرفتي واستعملت الفوطة وبدلت ملابسي .. حسيت براحة ..

_طلعت على كيفي امشي صعدت فوك شفتة جاي يصلي .. تقبل الله عمو

حكيم : سلمت .. صارن ثنين

نرمان : اففف والله نسيت

حكيم : مو ذنبي

نرمان : لم سجادتة وكام ..

حكيم :يلا صلي وتعالي

نرمان : ها .. صليت جوة

حكيم : عقدت حاجبي انتبهت عليها نزلت بتراك وصعدت بواحد ثاني .. هزيت راسي بعدم تصديق

نرمان : رحت بصفة تمددت .. انحرجت لان ما شال نضرة مني

حكيم : بيج شي ؟

نرمان : لا .. تحسست انام بغرفتة اخاف اوصخها بدون ما ادري .. عادي انزل جوة انام

حكيم : براحتج

نرمان : كمت من الفراش وصلت يم الباب ..

حكيم : راح تعوفيني ؟

نرمان : انقهرت من نبرتة .. تقربت علية بطئ بستة بخدة ابتعد عنة اباوع بعيونة الذبلانة .. حجة بصوت مبحوح

حكيم : راح صيامي

نرمان : رفعت حاجبي لازم وجها بيدي .. ليش

حكيم : والله لانعل ابو شكلج .. وخري

نرمان : غطة نفسة وتحمحم .. ابتسمت بوجها تصبح على خير ..

حكيم : هوا صومي راح راح .. شو دتعالي .. جريتها من ايدها شمرتها على الجرباية تقربت على شفتها صرنة وجه بوجه

نرمان : اريد انزل

حكيم : مو قبل ما تتعاقبين

نرمان : بعد ما اكول عمو

حكيم : جذابة .. مشيت اصبعي على ركبتها .. ليش ترجفين

نرمان : ما ادري

حكيم : بعدت شعرها من ركبتها قربت شفتي منها

نرمان : فتحت عيني على وسعها من حسيتة عضني بكل قوتة اتحول الوحش كمت ادفع بي .. لا وخر حباب وخر حكيم ، حكيم .. ابتعد عني يباوع على شفتي

حكيم : كومي نزلي

نرمان : كل جسمي وجهي كام يطلع نار كمت بدون ما ارد نزلت جوة وطبيت الغرفتي جريت نفس لازمة كلبي

_ وكفت على المراية اباوع الركبتي شهكت بخوف .. هاي شنوووو تخوف صرت اعصاب فتحت مبايلي ودزيتلة .. ليش هيج مسوي بية حرررام عليك .. شافها وما رد

_ شمرت المبايل ولفيت نفسي بالحاف ماحسيت شوكت نمت .. ثاني يوم ..

_ سمعت الباب تندك بقوة كمت مفزوعة فتحتهة

نزار : شنو تمبل مال نوم كووومي عاد رجلج ثبرنة يسئل عليج

نرمان : ابتسمت .. هسة اجي .. رحت غسلت وبدلت بوجهي كبل صعدت فوك .. صباح الخير

نجاة : باعي الساعة بيش ولج

نزار : صباح الضهر

حكيم : تعال حبيبي اكعد يمي معليك بذولة السرسرية

نرمان : رحت كعدت يمة .. ما ادري راحت علية نومة ..

نزار : يمكن ابو علي البارحة سهران

حكيم : انجب وعوفها لا انعل ابو الخلفك

نرمان : منشوف غير كام وكف على الطبلة ويهز جتف صاح ..

نزار : انعل ابو الخلفك وانعل وانعل

فاروق : دكيت على الطبلة انعل ابو الخلفك وانعل وانعل

حكيم : خزرتهم ..اذا كملتوها صدك انعل ابو الخلفكم ..

فاروق : ضمي صدرج يولي نهودج طلعن ..

نزار : احوووي

فاروق : والشفايف من الحمرة توهن لمعن .. هاذة كلبج جم واحد غيري عشكان ..

نزار : لا تبتلش بالزركة واشلك بيها لا تبتلش بالسمرة واشلك بيها

فاروق : مثل البارودة المنكسر سركيها . خذلك روسية اصيلة وحارب بيها ارفع راسك لاربعك خلو نيشان

نزار : احووووي للكاع

نرمان : كام عمو ركعهم بعلبة الكلنكس وطفرو خربانين من الضحك

حكيم : سرسرية وين كاعدين بملهى مو رمضان والناس كلها صيام انتو ادورون روسية

نزار : غير طاكني الجفاف للجعب

_ بهل اثناة دخلت امهم مبتسمة كالت ..

نرجس : السلام عليكم

نرمان : وعليكم السلام تفضلي .. طبت بيدها نفس العلاليك الاجت بيهن .. بس شافها فاروق جر سويجة يريد يطلع

نرجس : اوكف وين رايح ضل خل اشوفك مو راح اروح

فاروق : الله وياج بس جفينة شرج

نرجس : ميخالف بس اكعد .. نتر ايدي وطلع

حكيم : كعدي

نزار : اني هم راح اطلع

حكيم : وين تولي انتة بهل حر ذاك عندة سيارة انتة يضربك تيفو وترجع انجب واكعد

نرمان : كعدت كبالي مبين على ملامحها القلق .. كامت انطت علاكة من الي بيدها النزار والباقيات الحكيم

نرجس : ذني الكم ولو شي بسيط بس خلي ذكرى مني

نزار : فتحتها شفت مبايل .. انتي منو كلج اني محتاج مبايل ؟

نرجس : احم ماعرفت شنو اجيبلك

نزار : رحم الله والديج خلي الابنج

نرمان : اخذ العلاكة وكام طب للغرفة ورجع

حكيم : وين وديتة

نزار : شمرتة بالغرفة

نرمان : لزمتني الضحكة .. شكد لوتي

حكيم : اذا متريدة ليش وديتة للغرفة رجعة

نرجس : لا يمة خلي هوا اني جايبتة الة

نزار : ترة عادي اكوم ارجعة ميهم

نرمان : عوفي خالة اذا ميريدة اني اخذة ولا يهمج

نرجس : عذريني يمة ما جبتلج حاجة لان ما ادري حكيم عاقد عليج

نرمان : ضليت ساكتة .. طبت نجاة متخوصرة

نرجس : ترة ما نسيتج .. شلت علاة وديتها الها .. هاي الج

نجاة : شكرا خليها السعدية اولى بيها شمرت الكيس وكعدت حطيت رجل على رجل

نرجس : حجيت بغصة .. اني راجعة العصر ..

حكيم : بالسلامة

نرجس : دنكت اريد .. اريدك تبريني الذمة يمة

حكيم : هزيت راسي

نرجس : تقربت علية كعدت بالكاع .. ابريني الذمة خل اروح مرتاحة

حكيم : خليها للايام

نرجس : راح يشفى كلبك وتنسى

حكيم : انسى ؟ تريدين ابريج الذمة

نرجس : اي

حكيم : ابريج بس رجعيلي شبابي رجعيلي مراهقتي الجنت بيها اب وام رجعيلي دراستي واحلامي الكلشي ما حققت منها علمودهم علمود ما التهي عنهم ..

نرجس : قاطعتة .. لو بيدي ارجعهن

حكيم : تكدرين تكليلي ليش اني ما حققت طموحي ، ليش نجاة اخذت فلاح ، ليش نزار صار بي سكر ، ليش فاروق عركجي ويدور ك*** بكد امة واكبر .. ليش جاوبيني وابريج الذمة

نرجس : يمة كافي شيبتو كلبي ساعة السودة العفتكم بيها

حكيم : سمعيني عدل .. شئت ام ابيت تبقين امي وباجر لو عكبة اتحاسب عليج امام الله .. كل الاريدة منج بعد لا تجين واني ما اكطع بيج راح انطيج رقمي وشنو تحتاجين باي وكت جان دكي علية وذا تريدين شوفيني لا تجين اني اجيج كافي لا دمريهم اكثر لا تخربين البنيتة

نرجس : ما رديت اكتفيت بدموعي تشرح ..

حكيم : انطيني مبايلج

نرجس : فتحت جنطتي وانطيتهيا

حكيم : كتبت رقمي .. هاج مودعة بالرحمن

نرمان : ماردت علية نزلت جوة .. كعد حكيم على التخم لازم راسة ويتنفس سريع .. تقربت علية ..

_شبيك عمو لا تخوفني عليك

حكيم : راسي

نرمان : طبيت للمطبخ عصرتلة ليمون وطلعت انطيتهيا جرة من ايدي وشربة مرا وحدة .. شلون صرت

حكيم : هزيت راسي وارتجيت

نزار : بصدمة ..انتة فاطر ؟

نرمان : اي البارحة بطل صيامة .. باوعت على نزار خرب من الضحك

حكيم : طيح الله حضج

نرمان : ليش شكلت

نزار : وقبل شوية انطيتنة محاضرة بالدين ها حكيمو صاير متتحمل هل فترة ..

حكيم : كفختة على راسة .. دامج فضحتيني كومي سويلي لفة خل اكل

نجاة : تريد زيت وزئتر

نزار : يخرب بيتك شو حبيتك

نرمان : معليك بيهم حبيبي ذولة سرسرية

حكيم : كفختها .. امشي ولي يرادلج جرة اذن

نرمان : اوووي فوكاها ..

نجاة : خل اسوي فطور بعد منلحك شتريدون اليوم

نزار : اححح جوعتيني .. ضيقت عيني باعي .. اريد فاصولية وتمن وبي شعرية وزلاطة ولبن عيران اهم شي

نجاة : ماشي .. طبيت للمطبخ بديت احضر

نرمان : للعصر عرفت ام حكيم رجعت البغداد مرت الايام وصارت كعدة ثانية علمود فلاح وحكيم منطي 3 ملاين تعويض .. وبهل فترة كمت انام جوة لان ما ارتاح اوسوس من سالفة النضافة اخاف من ردت فعلة اذا وصخت شي ..

نزار : اخخ بعد اسبوع شيخلصة

حكيم : بالعكس كول الحمدلله هاي السنة ما حسينة برمضان

نزار : جا اذا انتة حكيم قدس الله سرك اني ياهو مالتي

نرمان : صفنت على الفرق الشاسع بينهم .. ادري انتو عليمن طالعين .. شفت فاروق خزرني

نزار : خاب اذا فاروق ابو العرك اخوي واصيلة ام السحورة مرت ابوي وفلاح النسيواني نسيبي شطلع امام جامع

نرمان : بس جاب طاري فلاح نجاة غصت .. الله الله هاج مي ..

حكيم : حرام هل حجي على النعمة اكلو وانتو ساكتين

نرمان : خلصنة فطور بدينة نشيل بالمواعين ..

حكيم : نمنمة بلا أمر عليج سويلي جاي

فاروق : اني هم اريد بس مو اسوي خفيف

نزار : اني هم باوعت على حكيم .. بلا شكر

نرمان : طبيت للمطبخ سويت جاي وكفت نجاة تغسل مواعين كملت وصبيتة بالستكانات ودينة بديت اقدم الهم بالسرة وصلت الفاروق شال الستكان بقرف

فاروق : هاذة جاي العروس ؟

نرمان : ليش ترة مابي شي ثكيل

فاروق : شنو اعمة كدامج هاذه جاي لو مي وشكر

نرمان : شلتة .. هسة اسويلك غيرة .. ماحسيت غير جرني من ايدي وكعدني

حكيم : انتي معليج اذا ما عجبة خل يكوم يسوي الروحة متشتغلين عندة انتي

نرمان : لا عمو عادي هسة اسويلة غيرة

حكيم : بحدية .. شكلت اني ؟ كعدددي التفتت علية .. ذاك المطبخ كلشي بي كوم سوي

نرمان : شفت نضراتهم تنفض شرار كمت اردد يا هادي يا مهدي حتة ميتعاركون

فاروق : هوا جاي ميسوة ما مشتهي

نجاة : كومي نونو خل ننزل جوة

نرمان : استئذنت منهم ونزلنة جوة كعدنة بغرفت نجاة

نجاة : اكلج اني ضايجة ومخنوكة

نرمان " بس تكولين ضايجة ومخنوكة اعرف وراها نصيبة

نجاة : لا لج والله محد يحس بينة حتة طلعة ميطلعونة

نرمان : انتي شتشوفين الوضع شو يومية طلابة ترة عمو ميقصر ويانة .. تنهدت .. بس الضروف كلهة عكسة

نجاة : اليوم راح يبدي فلم على اكشن يموووت مال زومبي

نرمان : عود نشوفة

نجاة : خل نطلع نشتري حتة نسهر وناكل نمنميات

نرمان : كل عقلج ؟ لو تموتين ما اروح

نجاة : الخاطري بس هل مرا والقران روحي طافرة ما شفتي ذاك اليوم شلون تونسنة من طلعنة

نرمان : قصدج طاح حضنة ولج انتي متوبين

نجاة : لا شكو بيها اذا رحنة للاسواق راح ياكلونة بداعت عمج خل اروح

نرمان : روحي وحدج اني ما ارووووح تدرين اذا فكسو بينة يطيحون حض حضنة

نجاة : عود ذبيها براسي .. دكومي لاصيرين جبانة

نرمان : عوفيني بحالي مناقصني اني

نجاة : كمت لبست جبة وحجاب ولفيت شالي وحطيت مكياج خفيف .. يلة كومي

نرمان : لو تموتين

نجاة : لج غبية هسة بادية مسلسل كلهم متابعيها مراح يشوفونة شايفتهم شلون يصفنون من تبدي والله ميحسون دكومي عاد لا شلعين كلبي

نرمان : راح اروح وياج هل مرة بس اذا لكفونة علية وعلى اعدائي

نجاة : كومي ام الاعداء

نرمان : طلعت من الغرفة لابسة جبة وحجاب ميشكون بية لان هاذة لبسي بالبيت شفت ماكو احد اشرت النجاة طلعت طكيناها ركضة لباب الخلفية طلعنة وسدينة الباب

نجاة : الله الهوى يرد الروح

نرمان : امشي ولج من امداني من طاوعتج ..

نجاة : اباوع عليها ترجف .. لج انتي لو ازوجتي شلون الله يساعد حكيم عليج

نرمان : وصلنة للاسواق بس رجلية بادن من الخوف شفت لمة مال شباب بالباب كاعدين يشربون نركيلة لمحت وياهم وجه فاروق شهكت وكرصت نجاة من خاصرتها

نجاة : وسم جج عكرب

نرمان : ولج باوووعي هاذه مو فاروق

نجاة : وينة دباوعيهم وجه مجرمين

نرمان : هاذة ابو الابيض مو فاروق

نجاة : لا .. طبينة للاسواق بديت اشتري ..

نرمان : فضيها عاد .. مديت راسي من المحل اباوع صرنة وجه بوجة اني ويا كمت ارجف صحت ولج نجاااة هاذة فاروق سودة بوجهج

نجاة : لج ثولة سكتي فضحتينة وين شفتي

نرمان : بهمس .. ذاك الجاي يشرب نركيلة شافني والله شافني

العامل : اختي بيكم شي

نجاة : لا كلشي مابينة

نرمان : تمشينة اريد نطلع شفنة واحد اجة بنفس الاتجاة طب للمحل .. رحنة وكفنة يم الثلاجات مندارين عنة كال ..

_ اليوم المحل منور والكيمر صاير غالي ..

نرمان : سمعتي سووودة بوجي يقصدنة

نجاة : اسكتي ولج لايسمعج انوب يحطونة ويغتصبونة

نرمان : يغتصبوني ؟ راح ابول على روحي نجاة

نجاة : شوية وحسيت المحل فرغ .. امشي نطلع على كيفنة ونغطي وجوهنة بلكت ميلمحنة

العامل : خوية بيجن شي ؟

نجاة : لا رايحين .. طلعنة من المحل نمشي متغشاين ابتعدنة شوية وطكيناها بركضة حسيت واحد ورانة

نرمانة: ولج اكو احد ورانة شيوصلنة للبيت

نجاة : وصلنة وصلنة .. قريب ما ندخل حسيت روحي انكفخت وانسحلنة للحديقة

فاروق : ك*** شمطلعجن بهاذة الليل بنص الم*** اليوم اراويجن نجوم الضهر طبن

نجاة : بجيت .. بس خل افهمك

فاروق : هزيت راسي .. تفهميني مو

نرمان : سحلنة بالدرج صعدنة فوك فتح الباب وشمرنة جوة كمت ابجي واباوع علية عروكة نطت من العصبية نزع حزام البنطرون وركع نجاة بي على فخذها

نجاة : اااااااخ بداعت ابوية فاروق عوفني والله ما اعيدها عليك الحسين وخررر

فاروق : ضربتها الثانية على ايدها .. ولجن شايفاتنة شادين كرون اطلعن واطبن بدون مندري بنات ليل انتن

نرمان : كمت ارجف ما اعرف شسوي وماكو احد لاحضة انفتح الباب ودخل حكيم مستغرب المنضر

حكيم : هاي شكو ليش تضربها

فاروق : هل مرة احترمت وجودك وما مديت ايدي على مرتك راح اخليك انتة تربيها لان الضاهر ما شايفة تربية

حكيم : لزمتة من ياختة .. احجي عدل لا تخليني امد ايدي عليك وخرررر من نجااة .. جريت منة الحزام

فاروق : سحلتها من شعرها ولخلختها راشديات

حكيم : دفعتة عنها .. شنو انتة مالك رداد .. ليش هيج جاي اسوي فهمني

فاروق : اسئلهن شسون

حكيم : شسووويتن

نرمان : رجفت واني اباوع على نجاة مبندة من البجي .. حجيت بصوت يرجف .. والله مالي دخل هية خلتني اطلع وياها اني مارضيت لان اخاف حباب لا تضربني ابوس ايدك

حكيم : بصدمة .. وين رحتن

فاروق : لكيتهن يم ابو الاسواق بين الم*** يفترن

يتبع ...

نهاية البارت : هل مرة ما خليتجن بحسرة القفلة قفلتهة على الخفيف واسفة كلش لان ما نزلت البارحة عرفتو ضروفي واعوضكم عن اليوم الفات صوتو للبارت والي يحب يترك الرواية لحد ما تكمل حتة متتعذبون .. احبكم 💘