تحميل رواية «على قمة الحكيم» PDF

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

ودي ابوكن جسمي وابعد ودي افك باب السنين السوده واشرد . !

_________________________________________

دزيت ما اضربها عمووو عووفني انته وياها والزمن عليه ضليت انتضره مارد كمت اكل بروحي حته اضافيري شلعتهن امدداني شكوو حجيت طلعت برا شفته طب باوعلي بنضره وكعت كلبي اجه يمشي ناحيتي بيده صونده بس شفته حسيت شي صاح براسي لتخسرين كرامتج مرتين رحت على بسمه جانت كاعده تاكل كيك مشيت سريع وكفت باوعتله بس رفعت راسها صفكتها راشدي حته ايدي كامت توجعني منه كامت على حيلها لزمتني من شعري وكامت تغلط وتفشر ماشفت غير حكيم شال بسمه من شعره وشمره على التخم وكال

حكيم : سمعي لج رعنه اذا ما ضبوج اخوتج العارات اكسر راسج بقندرتي فتهمتي

نسمة : يبووووووووو يبووووووو حكييييم راح يذبحني لحكوووووووني

حكيم : حطيت ايدي على حلكها بقوه وركعتها بالصونده على فخذها صرخت اول صرخه وبعدين فحطت عفتها وخرت

نرمان : كمت ارجف بلزايد واني اشوف عمه اصيله وبناته موتن رواحهن يدكن ويلطم على صوتهن طبو الولد

كمال : هاااي شنو شبيه بسمه رحت يمه لزمته من وجه وهيه زركه وتبجي

نجم : منوووو سوه بيييه هيج

حكيم : انيييي

كمال : ليشششش تمد ايدك عليييه

حكيم : وهيه ليش تمد ايدها على نرمان

نجم : اييي هنا الحجي *حبان بالموضوع

حكيم : نجم لتخليني اهينك كدام مرتك اوكف عدل واحجي عدل

كمال : كااافي سكتوووو كعدت بسمه وشربته مي بس جرت نفس فتحت حلكه تغرد

بسمه : والقران اله اخلي رجلي يطيح حظكم يامابيكم حظ اني تمدون ايدكم عليه انته وهاي بطول النعال اله اندمكم

حكيم : قبضت ايدي بقوه و تقربت عليه جاي اضربه حط روحه كمال واجت الصونده بي

اصيله : ولك حته اخوووك الجبير تمد ايدك عليييه لا انته مااااااالك رداد اشرت على نرمان .. وهاي بت الكلب اني اله

حكيم : ايييي واحد يتعده حدوده بهاذه البيت ياخذ المقسوم مااااليش بسمه تجيب جهالها قذرين وتريد نرمان تنضفهم اذا انتي جايفه ضلي ابيتج حته لتطلع ريحتج

اصيله : احفادي ينكطون ورد خصير بنضافتها هاي المعفنه وبعدين خل تحجي

حكيم : على الاقل هاي المعفنه ما فديوم شام بيه ريحه عرك بسمه ريحتها واصلة لابو موزه وعيب نكعد نعاير انته معفن وانته وصخ كلمن يحفظ قذارته وكرامته والي يطب هاذه البيت باحترامه احطه على راسي بس الي يهين اهل بيتي امسح بي البصره من جنوبها لشمالها

بسمه : والله ما ابقه بعد بهاذه البيت جريت مبايلي اخابر رجلي

اصيله : والعباس ابو فاضل اذا طلعتي من هاذه البيت زعلانه دقيقه متبقه نرمان افتح الباب واشمرها واخلي الجلاب تاكلها وانعل ابوها لابو الجابها عليه

حكيم : اني موجود وانتي موجوده واريد وحده طالعه من ضهر ابوها تطرد نرمان لو تمس شعره منها

نجاة : كلنه ضلينه فاتحين حلكنه على سوايه حكيم .. بسمه خابرت رجلها تبجي وسولفتله حكيم ضربه متدري السوته مو المصلحتها الثوله راح يضل يعايرها العمر كله اجه عليها ومارضه يطب واصلا ولا واحد طلع استقبله لمت هدومها وراحت ضلت اصيله واكفه وتدبج بعوجيتها بالكاع وعيونها تريد تنط على نرمان وحكيم كاعد كباله مرتجي برود اعصاب كئنما يتحداها .

حكيم : باوعت على نرمان الي قطره دم ماضلت بروحها ترجف وتفرك بيدها جليت صوتي .. كومي نامي بويه

نرمان : مم ماريد

حكيم : عطت بيها ولييييي اتخمدددددي

نرمان : طلعت اركض الغرفتي والعيون كلها عليه جان اصعب موقف يمر عليه طبيت وسديت الباب اجت نجاة ورايه طبت

نجاة : لج شفتي حكيييم اسوووه بيها

نرمان : اي

نجاة : شبيج راح تموتين يطبهن مرض يستاهلن

نرمان : راح تطردني وين اروح فهميني عفيه حاجي عمو خل يرجعني يم عمي ما اريد اضل هنا

نجاة : وجع لشوكت اضلين هيج جبانه انتي عبالج هاي المشكله غريبه علينه اصلا جنه كل يوم هيج متعودين هاي شبيج اصلا عمتج كلشي متكدر اسوي بس تعصي كلمه لحكيم ابوي ميخليها بالبيت ترا بس ديكور خاليها بالبيت

نرمان : هههههههه والله ضحكتيني واني خايفه

نجاة : ضحكي طز بيهة فد مندله

نرمان : حبيبتي اسفه بهيج يوم صارت مشكله وخربت فرحتج

نجاة : والله لو يحترك البيت متخرب فرحتي المهم صرت على ذمته بااااعي شداز بيد نزار

نرمان : طلعت كارتون مال مبايل ابل

نجاة : شوووفي صارلي ساعه منتضره المبارات النهائيه الاصيله حته اخابررره حيوكف كلبي من الفرحه

نرمان : الله يسعدج ياروحي انتي ويخليكم البعض والله من شفتكم مشابكين دمعت عيوني من الفرح

نجاة : يوم الدمع عيوني عليج

نرمان : ههههههههه شطالبتني

نجاة : اريد ابدل واصعد الفاروق اخابر فلاح

نرمان : ولج انتي غير شرانيه متكدين واسترين على روحج

نجاة : هههههههههههه ما اكدر اريد افرسه فرس يلا جاوووو

نرمان : عافتني وطلعت تضحك دعيت من كلبي الله يتمم الها لان تستاهل قفلت الباب وراها .. حته ماطلعت ساعدتهن بالبيت بقن مرت نجم وكمال ينضفن تمددت لزمت المبايل فتحت الفيس شفت عندي طلب صداقه بس ويا ناشر صور مال سلاح وعليه كلام بلنكليزي وارقام وتواريخ مفهمت شنو معناه دخلت على التعليقات شفت هواي كاتبيله مبروك الافتتاحيه الي فهمته انه فاتح محل او مخزن مال سلاح وعنده اكثر من فرع لان هوا راد عليهم ومن ضمنهم بنات هواي معلقاتله وجان يرد عليه بورده او كلمه شكرا دخلت على حساب نزار لكيته كاتب يعمل لدى كلام بالحب خربت من الضحك ناشر كوومه صور اله كلبت شويه وسديته تغطيت وحاولت انام رن المبايل رساله فزيت فتحته مكتوب ..

حكيم : هم خايفه

نرمان : رديت لا "

حكيم : هم حاجتج بعد اصيله

نرمان : رديت لا "

حكيم : باجر اني طالع البغداد محتاجه شي

نرمان : انقهرت كلش من عرفت بي حيروح كتبت لا

حكيم : ماعندج كلمه غير لا

نرمان : تروح وترجع بالسلامه

حكيم : الله يسلمج ان شالله بعد فاروق يوديكم وانتي ونزار رجعو مشي لحد ما اجي ما اتأخر باذن الله

_ ماشي

_ يلا نامي لضلين سهرانه واذا احتاجيتي شي لو حاجتج اصيله راسليني والمبايل موقتلجيا كل يوم يدك ساعه 7 عدى الجمعه والسبت ديري بالج على نفسج تصبحين على خير

_ رديت وانته من اهل الخير سديت المبايل حسيت الدنيا ضلمت بعيني تغطيت وحاولت انام ..

_ ثاني يوم كعدت وضليت للضهر اخاف اطلع لحد ما توكلت على الله وطلعت بس شافتني خزرتني ما ادري منين اجتني القوه ورجعتله الخزره كبل حطيت ايده على حلكه لزمتني الضحكه رحت للمطبخ شفت روان اسوي غده وكفت اساعده طبت عمه نهاد شمرت الستكان بالسنك حيل نزيت من الصوت تقربت يمي ودفعتني متعمده

_ شوووو وخررري جنج شمعه فكر

_ وخرت وكفت تغسل وتكلب بعيونه كملت وهم طخت بيه بعكس ايده وطلعت هزيت ايدي على سوالفه كملت شغلي وروان واسراء يسولفن بيناتهن بحجي ميلبس عليه ثوب

روان : ولج اني منورا الجهال والتنضيف حته حيل ما ضل بيه والبارحه ابن العوبه يكلي اذا متلبسين قميص نوم الاسود بعد متفيديني النهار كله يدور وحده لابسه وكاعده لا شغله ولا عمله

اسراء : نيالج لعد مثل حضي احير شلبس لو حجر جان وكف تك رجل

روان : ولجج لسانج البنيه واكفه

اسراء : على اساس فقيره هاي تعلمج وتعلمني

روان : ياااا انوب راحت على البنيه

نرمان : ذبيت البيدي وطلعت من المطبخ اخذت كتبي وكعدت بالصاله اقره علما خلصت واجباتي مر اليوم طبيعي بس ناقصه شي جبير كلش تحس البيت مابي روح ردت اراسله بس استحي مر يومين على هل حال

_ الاحد كعدت على صوت المنبه طفيته وبدلت وطلعت لكيت نزار كلعاده عاقج وجه ومبوز وصلنه فاروق وراح مر اليوم كلششش ممل عكس من جان يودينه عمو الطريق كله يحفزنه ويخلينه نتفائل بليوم

________________________________________

حكيم : طلعت البغداد الفجر كلبي ممرتاح وما مأمن على نرمان بس مضطر لان شغلي يوكف اذا اعوفه وصلت تقريبا ساعه 8 الصبح بوجهي للمخازن جردت المبيعات والمرجعات اخذت الايراد ورجعت هلكان للبيت اول ما طبيت ذبيت ملابسي وسبحت فتحت جهازي راسلت نباء

_ رجعت البغداد مباشرا ردت

_ اكول ليش بغداد منوره اليوم

_ تسلمين

_ الله يسلمك ، شويه وكتبت اكدر اجيك للبيت استغربت من جرئتها وكلش ضجت لان مرخصة روحها دزيت

_ اني وحدي تجين ؟

_ اي اجي . ردت ارسى وياها على بر اتفقت وياها تجي باليل

_ الووو

_ الووو حبيبي اني بحي العدل على الشارع العام تكدر تستقبلني

_ دقيقه ضلي مكانج اني جايج ، بدلت وطلعت تلاكينة على الشارع .. مشت وراي بسيارتها لحد ما طبيت للفرع صفيت السياره ونزلنة فتحت البيت وطبينة اول ما طبت ضلت تتلفت وتباوع بكل ركن بالبيت ومبتسمه

نبأ : هاذه بيتك

حكيم : جريت نفس من الجكاره مو بيتي مأجره

نبأ : كلش حلو ومرتب ونضيف

حكيم : تسلمين تفضلي بالصالة

نبأ : طبيت ورا كعدت على القنفه

حكيم : كعدت كبالها .. اي تكدرين تحجين شو سبب الزياره ؟

نبأ : يعني الا اكو سبب يلا نشاوف

حكيم : طبعا

نبأ : انته ليش رافضني

حكيم : افهمي اني ما رافضج بس انتي متوالميني واني ما اكدر اضحك عليج

نبأ : ليش ما اوالمك طلعت من جنطتي حجاب وحطيته على راسي باوع مستعده البسه علمودك ومستعده اروح وياك للبصره

حكيم : تلبسي علمودي ؟ الله يسلم مودج

نبأ : ليش تستهزء يلا مو علمودك علمود الله وبعدين اني وياك متوالمين والله متقاربين بلعمر والثقافه والهدوء وهواي شغلات مشتركه بينه

حكيم : تنهدت والمطلوب

نبأ : اذا اضل هيج تحاجيني اكوم اطلع

حكيم : اذا اخذتج متقاومين وياي اني اكو 4 بركبتي

نبأ : يعني متريد وحده اشيل مسئوليه وياك ابتسمت اله وهوا ولا يما معبس ويدخن وحده ورا الخ

حكيم : ترضه امج اخطبج وحدي ؟

نبأ : اصلا حاجيتلها كلشي يخصك

حكيم : شنو حجيتي يعني

نبأ : حجيتلها على شغلك واهلك

حكيم : وانتي منو كلج تحجين بخصوصياتي ؟

نبأ : يا خصوصيات هوا اني شعرف عنك اسماء اخوانك ما اعرفها

حكيم : مو مهم تعرفين خلص نبأ اذا اريد اجي لاهلج انطيج خبر

نبأ : يعني رررررراح تخطببببني

حكيم : الله كريم

نبأ : خرب يومك تكول فد كلمه تفرح مو عليته الكلبي عل

حكيم : انطيني مجال وكومي روحي اتأخر الوكت ترا اني هيج ميعجبني

نبأ : هسه راح اروح

حكيم : كمت حته افتحلها الباب توجهت ناحيتي وحاولت تبوسني دفعتها عني وخزرتها .. طلعت كالبة وجها ركعت الباب وراها .. راح تخبلني هاي البنيه بس كله صوجي اني انطيتها مجال وخليتها اذب ميانة زفره طبيت للهول فتحت جهازي واتصلت بنزار

_ شلونه ابو العيشه

_ زين انته شلونك

_ مشتاقلك البيت اضلم بلاك تعال شوف فاروق جنه اسد الغابه يفتر بالبيت عود مسيطر

_ هههههههههههههه انجب ولك لتعيب عليه المهم هم شفت نرمان اليوم

_ اي شفتها بالهول تقره

_ واصيله خوما سوت شي

_ هيه تجراء .. غير تشرب بهل نومي بصره وترجع ليوره تريد ضغطها يتعدل ماكو كل ساعة وصاحت اااااااااخ وانكول يالله راح اجيب

_ ههههههههههههههههه خرب شرفك .. عود اقرأ ودير بالك على نرمان تروح وياك وترجع وياك لتخلي بالي يمها

_ ماااشي وبعد متريد اشربها حليب قبل النوم

_ لا شرب روحك اذا بيك خير ، ديلا ولي سديت المبايل وشمرته لفيت راسي ونمت للصبح .. مرت الايام كل يوم الكا رساله من نبأ وافتحها وما اجاوب الاحد كعدت ساعه 6 الصبح دكيت على فاروق ..

_ بنعس .. الووو

_ كوووم بدل ما ضل وكت حته توصلهم وتروح للكليه

_ يمعود صدك تحجي ارررريد انام

_ شنو تنام لعد منو يوديهم ذوله

_ يلااا كايم كايم

_ ديلا ترا نزار عنده امتحان اول درس لا تأخرة

_ ماشي اوأمر ثانيه ؟

_ لا سلامتك سديته ورجعت كملت نومتي للعشره الصبح طلعت للمحل ضليت كاعد بي والعمال يشتغلون للعصر اجتني رساله من نرمان مكتوب ..

نرمان : شلونك عمو

حكيم : بخير دامج بخير ..

نرمان : ردت اكله شوكت ترجع لان روحي طكت بس استحي .. كتبت .. مرتاح بشغلك .. دزيتها وكمت الوم بروحي هوا هاذه هم سؤال

حكيم : ضحكت على سؤالها دزيتله انتي مرتاحه بدوامج

نرمان : يعني

حكيم : يعني شنو

نرمان : الدوام بدونك مو حلو .. دزيتها وعضيت اصبعي خاف يرزلني لان ما افهم نفسيتة

حكيم : يابووويه ان شاءلله ما اطول اذا خلصت شغلي هل اسبوع ارجع

نرمان : هلا بيك تنور ، دزيتها وضربت كصتي شهل خفه

حكيم : منور بيج نونو ، بعد ماردت دزيتله ، تريدين اجيبلج شي وياي

نرمان : اريد سلامتك نهى الحديث بكلمة .. الله يسلمج

حكيم : كمت كل يوم اتصل على فاروق اتأكد انة موديهم واسئل على نجاة و نرمان واحوالهم من نزار مر 20 يوم اني ما طاب للبصره بسبب ( حواله ) منتضرها توصل بأي وكت .. بعد كل هاي الفترة استلمتها وضبيتها بالمخازن قررت باجر اطلع للبصره .. رجعت للبيت تغديت ونمت دك مبايلي نزار سويته صامت رجع دك 5 مرات جاوبته

_ خيررررر شتررريد ارررريد انخمددد ، سمعت صوته يلهث

_ حكيم اصيله المبربكه تريد ازوج نرمان لحجي سعد الخطيب

_ كمت مصدوم بالجاي اسمعه المن ازوج ؟

_ نرمان واليوم ورا صلاه العشا المشية

_ سديت الخط منه ولبست تراكي .. اخذت سويجي وطلعت كمت عيوني ما اشوف بيهن رجع يدك نزار ما جاوبته سويته صامت ودست للسياره اخذني لازدحام وضليت كاعد على نار عبالها اذا اسافر تكدر تلعب بذيله وياي بت العار ساعه وفك الطريق وصلت للبيت على اعصابي نزلت من السياره شفت سيارة بالباب عرفت اكو ناس جايه فتحت الباب مال هول وطبيت صحت

_ سلامن عليكم يابه

الكل : وعليكم السلام

حكيم : طبيت كعدت بنصهم وحطيت رجل على رجل واني اباوع على كمال ونجم يبلعمون ، الله بلخير

سعد : الله بلخير والعافيه

حكيم : اليوم منورنه حجي شعجب

سعد : حبينه نسير عليكم وان شاء لله مو اخر مرة

حكيم : عم السكوت بالمكان لحد ما طب نزار باوعلي وابتسم بده يصب كهوه بالسره لحد ما وصل يم حجي سعد وشمر الفنجان عليه كام الحجي فتح رجله واشله يصرخ كامو ولده يطافرون دارو عليه مي بارد

_ ججججج غير ادير بالك اثول

نزار : مو حاره بس الحجي ميتحمل تسلخات

حكيم : ما كدرت الزم روحي من الضحك همستله صيح نرمان

نزار : طلعت لكيتها على الدرج واكفه وجها اصفر نونو روحي حكيم يريدج بالصاله

نرمان : نزلت دموعي من كال يريدني حجيت بخوف يعني راح يزوجني حتى هوة راح ينطيني الهم

نزار : هسه هاي شجاوبها .. مسحي وجهج وطبي

نرمان : مسحت عيوني برداني وطبيت للهول بس شافني عمو ابتسم وصاح

_ تعاااي عمووو سلمي على جدج لتستحين

نرمان : من باوعت على الحجي دشداشته لونين ماكدرت امنع نفسي من الضحك تقدمت عليه كلت شلونك جدو

حكيم : اباوع على سعد وجه كام يطلع نار

سعد : هلا

حكيم : صحت روحي عمو اقري ونامي باجر عندج صبحي

سعد : احم .. يابه احنه جاين اناسبكم شو صار بيها جدو صح البت صغيره بس مو مال جدها اني

حكيم : المن تناسب ؟

نجم : الحجي جاي على بت خالي ورايد يناسبنه اني وكمال

حكيم : اي بله وبعد

سعد : والله عمي سمعت عدكم بنيه وانه جاي على سمعتكم وشرفكم وانه ان شاء الله ما اقصر وياها اكعده ويا جنايني واخليهن ايديرن بالهن عليها ويدارنها

حكيم : شاب ومن حقك

سعد : احم وانه الادري بي هيه من بغداد بس ربات ايدكم والبت بس تكبر ماتخلونها مثل الوادم المسيبه بناتها بالمدارس

نجم : اي حجي اي البت عدنه بس تبلغ متضل

حكيم : زين تريدها خدمه توصيل لو حجز عالحبايه ؟

سعد : شنو هل حجي ابني اني طاب بيت حجي فاضل ابو الشيم والاخلاق

نجم : حجي البت بتنه وهوه ماله غرض بيها الحجي ويانه البت ماتكربله اني وكمال مسؤلين عنها

حكيم : خاف اعفط ويوكع ثوبك

سعد : باوعتله صفح .. وبعد الراي رايكم وماضن تردوني خايب

كمال : استغفرلله حشه شيخنه انته تأمر أمر وان شاءلله خير

حكيم : يلا حجي تأخر الوكت اريد انام كوم انته ستهدي بالرحمن جنك حلمان وجاينه

عادل : ترا ما نسمحلك تحاجي ابونه هيج الحشيمه لحجي فاضل والا

حكيم : والا شسوي اطهرني ؟

نجم : حكيم انته لتدخل البنيه بنيتنه واحنه انطينا كلمة والبت يتيمه وتريد الستر مالك غرض

حكيم : رجعت على القنفه وحطيت ايدي جوه راسي مرتجي رفعت رجلي حطيتها عالثانيه

سعد : رفعت حاجبي اهم شي البت عندي لا طالعه ولا طابه واني اعيشها شيخه زمانها

نجم : حجي احنه البت عدنه ما تعتب الحوش نحش رجولهة

حكيم : جذاب والله يوميه تنام بحضني

سعد : شهل حجي لوما جاي البيت الشيخ اني كومونه بويه مالنه كعده هنا

كمال : صلي على محمد عمييي

سعد : ماكلنه شي بس انه هيج ما اتحمل مايصير بكد ابو انه

حكيم : اذا تدري بكد ابوي متحفظ شيباتك وتلململ البقه من كرامتك قبل لا اغسلك وانته والعفطيه الجايبهم وياك باوعت على ولده .. خاب انتو مزعطه بله هوا مخرف انتو شبيكم مخزين رواحكم وحاطي تفترون بي

_ دارو وجهم وطلعو يهددون ويدردمون وهمه افرغ من جيب نزار

كمال : يابه انته شعليك ليش كطعت بنصيبها خل نطيها ونخلص مو خلصت كلوبنه

حكيم : منين خلصت اكلوبكم ؟ شو انتو واحدكم يكل لثاني اني انكس منك اريد افتهم شمسويتلكم هل مكروده .. هيه نكطه بلكصه لو وكعت اقره عليها السلام

كمال : شقصدك

حكيم : اسأل بيها يفهموك

اصيلة : ولك انته شلك غرررررض طفشششت الرجاااال لييييش تكطع بنصيبها ابوك اذا دررره مراح يسكتلك ولا راح يرضه اني ما اريدها لو ازوجها لو اذبها عد اخوي اختار

_ اول شي حسج لتعلي والي حاطتهن براسج ثنينهن ميصيرن نرمان الها بهاذه البيت مثل ما الج

_ شلون بلا

_ والله هاي بعد اذا ميعجبك ذني واحد ثنين ثلاثه اربعه ركعي راسج بلي يعجبج

اصيله : باوعت على نجم وكمال تفووو على البطن الشالتكم

حكيم : اي والله

اصيلة : باوعتله بخزره وتقربت عليه صار ميفصلنة شي همست بهدوء اني ساكته بمزاجي والماسويتة بنجاة اسوي بنرمان والشوطه الماشفته بعينك اشوفكياها

_ ابتسمت بخبث وكرصتها من خدها انتي موجوده واني ماجود تصبحين على خير انطيتها بوسه بالهوى وعفتها وصعدت فوك .. لكيت فاروق كاعد يدخن ذبيت ملابسي بتعب وكعدت يمة

_ ادري ما اختنكت من هل دخان متخاف على روحك

_ خاف على روحك انته بالاول

_ عدلت كعدتي .. شلون

_ مالكيت غيرها

_ منيه ؟

_ هسه كمت متعرفها

_ شنو سكران

_ لا يخووي صاحي

_ طب نزار خربان من الضحك .. سالمين ؟

نزار : لك اصيله شكت ثوبها وحطت نجم وكتلته بالنعال

فاروق : يطبه مرض

حكيم : اي !

نزار : اي ونرمان خاتله بالغرفه وقافله الباب

فاروق : بالعباس هاي البنيه انضلمت كبر لفهم شكد عارات وهاي امه اذا الزمه اسويه نصين

نزار : لا عاب حلكك

حكيم : فتحت مبايلي دزيت رساله النرمان كتبت

_ تكدرين تجين

_ لاا عمتي تريد تضربني عفيه عمووو الحكني راح تكسر الباب هيه ونجم عليه

حكيم : من قريت الرساله .. جريت الصونده مال ترك ونزلت جوه بس شفتهم ضربت نجم على فخذه كمز وكع يرفس باوعت على اصيله طبت تركض الغرفتها وسدت الباب فتحت باب الغرفه وطلعت نرمان سحبتها من ايدها صعدتها فوك وياي بس طبت جانت تلهث وترجف

_ اهددي لاترجفين كعدتها .. رحت جبتلها مي شربت

نرمان : لزمت كلبي برجفه وبجيت بحركه كعد بصفي وهمس بهدوء

_ اشششش لاتبجين

_حطيت راسي على جتفه وغمضت عيني ،

حرت مابين ألم روحي والم روحي

_ مشيت اصابيعي على جف ايدها نونو

_ همم

_ تريدين نحجي ؟

_ هزيت راسي اي"

_ باوعت عليهم صافنين عليه سحبتها و طببتها الغرفتي .. سديت الباب تعااي اكعدي .. كعدت على السرير كنبصت كبالها بالكاع صرت بمستوى ركبها

_ احجي اسمعج

_ ما اريد اضل هنا بعد

_ وين تروحين

_ خلوني اروح لامي

_ مو تكولين ازوجت ؟

_ ما اعرف سمعت من باجي كفاح

_ خلص تكدرين تروحين يم امج واشوفين رجال غير ابوج يمها

_ هزيت راسي ونزلت دموعي لا "

_ لعد انتي مو تكولين اني عمج شلون تعوفيني منو يعلمني انام وحدي بعد ؟

_ ضحكت على حركاته الي يسويه بشفايفه ، تقلد عليه !

_ لاااا قابل انتي تخافين تنامين وحدج

_ لا .. راح تبطلوني من المدرسه !

_ هاي منيلج نوب

_ اني سمعت نجم يكول

_ يعني نجم شيكول اصدكين بي باعي هسه هاذه الكرسي لو حجه اصدكي

_ لا

_ خلص لعد نجم اعتبري كرسي بالبيت

_ ههههههههه

_ ايي هيج خل اشوف سنونج صار شكد ماشايف اللؤلؤ

_ خجلت من كلامه وعضيت شفتي

_ سمعيني وفتحي اذاناتج الصغار وياي اريد شيصير تجين تسولفيلي .. اذا مسافر او مموجود بالبيت اريد اسمع منج ما اريد اسمع من احد ثاني ... خاف تجي تكلج اصيله امشي نطلع لاي مكان ممنوع تروحين وياها وكبل دزيلي رساله وخاف يجي احد ممنوع اطبين اسلمين لو تكعدين ضلي بغرفتج وذا حاجتج اتطيها الاذن الطرشه مفهوووم

_ مفهوم

_ نرمان كلامي حلقه باذانج تخلي

_ حاضر

_ احمم يله كومي خل نطلع يمكن اجت نجاة ما شايفها صار هواي مشتاقلها فتحت الباب وطلعنه طبينه للصاله

نزار : شفتو شحجه بهلول كتلكم هتدخل حاكه وتطلع حاكه تانيه خالص

نجاة : هههههههههه رحت ركضت على حكيم حضنته وبسته

حكيم : حليانه ولج

نجاة : خجلت ونصيت راسي

فاروق : بزود الشايب

حكيم : فارووووق

فاروق : مجذب !

حكيم : باوعتله صفح وغيرت الموضوع .. شنو اليوم متعشونة

نجاة : بعيني عفتهم ونزلت اركض

حكيم : هاي وين ولت

نرمان : هزيت جتفي ما ادري .. شوي ورجعت بيدها جدريه مال دولمه طبت كلبتها بصينيه وجابتها

نزار : هااااي منين جبتيها صدقه لالله

نجاة : هههههههه اصيله وعمه نهاد سوها بس زعلن وماقبلن يتعشن شلتها وضميتها قبل لا مرت كمال تاكلها

نزار : يارب دوم الزعله بس مو هيج عاديه لا ام الشوطه على شرط يصير بيها خيط تبخير

الكل : ههههههههههههههههههههههههههههه

نرمان : غصيت بالاكل منوراهم كمت شربت مي وسمعت مبايل عمو يدك بالغرفه طبيت جبتة وقريت الاسم نبأ شفت صورتها خلفيه واتساب بنيه حلووه كلش .. لابسه نضارات شمس وشعرها اصفر وكاعده بمكان راقي وديت المبايل العمو حكيم وشي بداخلي انقبض ..

_ اخذة مني وسواه صامت .. اشرلي اكعد اكل

_ ما اريد شبعت

نجاة : ما اكلتي شي

نرمان : والله شبعانه لضغطين عليه .. رجع مبايله يدك نفس البنيه ويسوي صامت اخر شي رد اسمعه

_ الو ها لا اني بالبصره خير ليش ، لا اعتذر لو بغداد جان ما قصرت ، لا ولو .. سديتة

فاروق : منو هاي

حكيم : زبونه

نزار : الله يجثر من هيج زبونات تكول ماكنتوش

حكيم : عندك ليزر مو عيون

نزار : عووذه

فاروق : اخيك محدق ماشوفلي وحدة ماكنتوش كندر راضي

حكيم : اخر واحد يحدق انته

نجاة : خلصو اكل اخذت الصينيه ونزلت جوه اجت وراي نرمان تاكل بضافيرها وبكلبه حجي ذبيت الصينيه وطبيت الغرفتي .. احجي شتردين تكولين مو اضافرج خلصن

نرمان : منو هاي الخابرت

_ قصدج حكيم

_ اي

_ زبونه اعرفها اني من قبل لتجينه هاي تراسله تريد يعلمها على الرمايه

_ ليش هوا شيشتغل ؟

_ عنده مخازن ومحلات مال اسلحه مستورده ونادره ومرخصه وغير مرخصه يعني حاويهن كلهن

_ همممم زين وهاي صارله فتره تحاجي علمود يعلمها بس

_ والله ما ادري .. ضيقت عيني ليش ؟

_ يلا اني شعليه بس صار عندي فضول اسئل لا اكثر

_ تعاااي خل اخابر فلاح

نرمان : دكت على فلاح وضلو يسولفون وكلشي ما اسمع لا صوته ولا صوتها شلون يحجون بصوت ناصي هيج ما ادري عبالك تشاور روحها عفتها وطلعت الغرفتي طبيت وقفلت الباب كعدت اكلب بجهازي مجايني نوم شفت كم مقطع باليوتيوب اخر شي مليت ونمت ثاني يوم الصبح كعدت متأخره لان طفيت المنبه .. لبست ملابسي شلون ما جان وطلعت شفت عمو واكف وجها ميكصه الطبر بس شافني ركب بالسياره ضايج

_ لعد وين نزار

_ راح لان اتأخر وحضرتج مهملة متفكرين بغيرج

_ اخذتني النومة

_ مو جبتلج مبايل المن حاطته !!

_ دك وطفيته .. ضل ساكت مارد ضل الطريق كله مطنكر عفته ونزلت طبيت للمدرسه مر اليوم واتعرفت على بنيه اسمها عائشه كلش حبابه وحسيتها تشبهني من جاي نطلع لحكتني للسياره

_ نرمان انطيني رقمج حتى نتواصل

_ التفتت اباوع على عمو عاكد حاجبه ومخنزر بوجهي ..احم محافضه رقمي عمو انطيني رقمي من مبايلك حتى اراسلها

_ ماجايبه وياي

_ باوعت على البنيه منحرجه .. باجر انطيجيا حبي

_ على راحتج

_ يلا باي لوحت بايدي الها وصعدت

نزار : مالكيتي غير هاي الزركه ؟

حكيم : استغفرلله خلقه ربك لتعيب خالقه ايد رجل هيه

نزار : عمي الصمت

حكيم : باوعتلها بالمرايه وحجيت .. ممنوع تنطين رقمج لاحد

نرمان : ليشش شكو بيها

نزار : لو بيضه جان قنعته

نرمان : باوعتله صفح كلشي ماخذه بالشقه حرك اعصابي

حكيم : وصلنه للبيت صفيت السياره نزلي بعدين نحجي

نرمان : نزلت ادبج بالكاع من القهر عبالك معتقل درت وجهي عليه وصحت اله انطيها رقمي وطلعتله الساني ماشوفه غير اجه يركض وراي واني فاحطه من الضحك لحد ما طبيت للهول واشوف ؟! ....

يتبع ........

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

غيرك جانت امنيته احبه وافتهم قصه كامل جان مابي عيب بس مشكلته مو انت .

_________________________________________

نرمان : نزلت ادبج بالكاع من القهر عبالك معتقل درت وجهي عليه وصحت اله انطيه رقمي وطلعتله الساني ماشوفه غير اجه يركض وراي واني فاحطه من الضحك لحد ما طبيت للهول واشوف مرا لابسه عبايه وحجاب وكاعده وبصفه شباب ثنين واحد يطلع بعمر فاروق واحد شوي اصغر مني كشرت وكلت

_ السلام عليكم ، محد رد عليه الكل وجوهم متتفسر لحد ما دخل عمو حكيم بيده كلاص يشرب مي بس شاف المرة ملامحه كلها بهتت فتح عينه وصار صدره يصعد وينزل سريع خفت كلش من منضره عم السكوت بالبيت لحد ما طب زوج عمتي بالعربانة

فاضل : اش ش شعند ج جايه ه هنااا بعد هل سنييييين

حكيم : منو هاي ؟

نرمان : اباوع على عمو حكيم عروكه راح يطكن جان بيده الكلاص كد ما عصر عليه طك و تناثر اختلط المي بالدم ضلت عيني على قطعه الكزاز الي بيده تقربت عليه ولزمته اريد اخذه سحب ايده بنتره وانفتح جرحه بالزايد ..

حكيم : ليشششش اجيتيييي ! كمت ما اسمع بس صوت شهكاتها اتقرب ولد وحضنها وباس جتفها ضبيت ايدي على الكزازه

نرمان : حطت ايدها على وجها تتلمس لزم ايدها وطفرت دمعة من عينة .. بسرعة دفها عنة وابتعد ..

نرجس : مو مهم المهم لزمت ايدي

حكيم : ليش اجيتي عصرت ايده بقوه وحجيت بصوت مبحوح .. احجي

نرجس : اريد اشوووفكم تعبتتت تعبتتتت صار 13 سنه احارب علمود شوفتكم تستقبلني هيج

نجاة : كوووووومي طلعي كوووووومي طلعي ما ارررريد اشوووفج ما ريدددد انتي هم حاسبه رووووحج ام طلعييييي طلعيييييي

نرمان : باوعت على نجاة تبجيرحت يمها لزمتها و بهل اثناء طبو نزار وفاروق ضلو جامدين .. الي فهمتة ميعرفون هاي منو

حكيم : باوعت على اخوتي .. اذا تدرين بيهن 13 سنه المن جايه ششوفين جهالج ؟ لو جهالي؟

فاروق : شكووو غير تفهمونة هاذة البيت بس مشاكل .. حكيييم شبيهااا ايدددك

رامي : خويه كعدو خل نتفاهم امي راح تموت وانته ايدك انفتحت

حكيم : تقدم باتجاهي .. سحب الكزازه من ايدي

نرمان : عمووو ايدك فدوه اروحلك لتعوووفها اخاف عليك ركضت لغرفتي جريت تشيرت من كنتوري ورحتله حطيته على ايده رفعت راسي على عيونه اول مرا بحياتي اشوف تنزل منه دمعه بحيث قبل لا توكع من خده وكعت من خدي

فاروق : شجااااي يصيرررر لتكفرررروني

نزار : ضلينه اني وفاروق واحد يباوع بوجه الاخ لحد ما حجة ابوي

فاضل : ن نر جس ام امكم ..

فاروق : باوعت على حكيم ام منو هاي ؟

نرجس : اي يمة اني امكم .. راح توكفون كلبي

نرمان : وكفت كبال فاروق وباوعت على رجل عمتي ولطمت على صدرها

نرجس : اخخخخخ الله لا يوفقك فاضل ولك صاررررو زلم صاررررو زلم

اصيله : انطمي لج من شبعتي من بغداد اذكرتي عندج ولد

نزار : منو هاييي حكيم هاي منووو شتكول

حكيم : امك

نزار : امي ؟ اني ماعندي ام شبكت ايده ، انته امي وابوي

نرجس : يما لاسون هيج اموووت اذا تعوفوني بعد نص حيلي راح بفراكم ولكم تعالو حضنوني عاتبووني لسكتون لتنزل منكم دمعه عليه ما استاهل اتقربت على نزار انسوووو يما انسوووو خل نفتح صفحه جديده احجووو شي احجوووو جاوووبوني

حكيم : انتي منو وتفتحين صفحه جديده انتي شنووو اصلا من الاساس علوى لو اكو صفحه قديمه نطويها بس المشكله حتى صفحه ماكو

نرجس : نسيت كلشي سويتة علمودكم انتة بذات نسيتتت !!

حكيم : لااااا الا هاااي ما انساها بشرفج اني انسى افعالج مووو عيب يلا فاروق نزار نجاة روحو شبكوها وبوسوها

نرجس : رحت ضربته بصدره واني احترررك لاسوووووي هيييج لاسووووي اني امك

حكيم : انطيني دليل انتي امي وشاربي مو عليه اذا ما ارجع وياج البغداد ، انتي سهرتي ربيتي قريتي علمتي شسويتي ضربتينه بعرض الحايط طزززززز ورحتي البغداد عفتيني طفل بركبتي 3 اربي واعلم وادافع واحمي صرت اخاف انام خاف واحد منهم يطب للحمام وميعرف يغسل الروحه لو خاف واحد منهم يروح للمدرسه محافظ واجبه لج نجاااة صارررت مرا المن راحت المننننننن اجتني الي اني انييييي علمته تغسل اني اخوه الجبير فنيت عمري كله لجلهم وبعدددني اربي لهاي الساعه زين اني منو الي منو اجاني سهر على راسي منو علمني حرف انتي كل عمرج عبده لبوي وتخافين يزوج عليج ومن سواه لبستينه وطلعتي

نرجس : ما اكدرت اضل ليش مترحموووني والله ردتكم والله طالبت بيكم حته دعوه رفعت بس مااا اجه ابوك ولا حضر وبعدين اذا اخذكم منين اعيشكم جااان صار حالكم حاااال الضيييم يم ابوي لك اني بته ما اتحملني سنه وزوجني

فاروق : قاطع افكاري كلمه صدمتني ازوجت ؟؟؟؟ رفعت راسي بصدمه ازووووجتي ؟

نرجس : اي يما ازوجت واشرت على نمير هاذه اخوك من امك هاذه بزررري

فاروق : ضحكت وعيوني مغوشه باعو يا هاي الام يامتراد تعوفك وتروح تزوج وتحبل وتخلف وتربي وجيبه وتجيك ورا 13 سنه اشوفكيا عمي المفروض كلها تتعلم منج

اصيله : هسه شفتي بعينج محد يريدج منهم كومي رجعي منين ماجيتي وانسي عدج بزر بعد

حكيم : لزمت نزار وهوا يرجف بيدي خفت عليه من نوبه السكر دقايق مرت وحسيت بجسمه بده يرتخي هزيت وجه نزاررر نزارررر صحت نجااااااة جيبي ابرررته من الثلاجه الفوك رااااااح يمووووووت

نرجس : يمةةة سوووده بوجهي ولك يما شبي اخوك ليش هيج صار ولك يما حاجيني اروحلك فدوه

رامي : عمييي شبي الولد تريدون اخذه للمستشفى

فاروق : مو طنطات كبالك وانته تاخذه للمستشفى

نجاة : رحت اركض جبت الابره بس ما اعرف ياهيه مستعمله وياهيه جديده لكيت ثنين بالثلاجه واخذت الانسولين المائي ونزلت انطيهن الحكيم

حكيم : لييييش جايبه ثنين هااااي مستعمله شمرتها عليها وسحبت الابره وحقنته بجتفه شفته بعده فاقد وفاتح حلكه حضنته بقوه الصدري .. اذا صارله شي احسبي الله ماخلقج

نرجس : ولكم يمةةة شبي بس فهموني رااااح اموووووت عساني لا اجيت عساني لا اجيت

فاروق : سكر

نرجس : منين اجا السكر سوده بوجهي تقدمت حطيت ايدي عليه دنكت على وجها اريد ابوسة

حكيم : سحبته من جوه ايدها .. شلته وطلعت من الصاله

نرجس : وين رايح وماخذه ابقوو يمي خل اشوفكم

نرمان : رجعت طبت وكعدت على التخم تبجي تقدم عليها فاروق وهمس

_ عسا حركت كلبج ازيد ونارج تاكلج ومتطفه العمر كله عسا كل يوم نمت بي خايف لو جوعان ميتعداج

نرجس : رفعت راسي ابجي ساااامحني يمة

فاروق : لو ينيموج على دجه المغيسل كبالي هم ما اسامحج "

نرمان : عافها وصعد فزك ضلت كاعدة تبجي وتباوع بالوجوه

فاروق : امشي اخيط ايدددك

حكيم : هزيت راسي .. لا

_ كلها طززز بيها الا انته ما اكدر اشوف بيك وجع

_ انزل جوه ما اريد اشوف احد

_ انساها تمل وتروح لاتفكر بيها

_ هزيت راسي بتعب .. اني راجع البغداد

_ الي يريحك

_ دير بالك على نزار لتعوفه وحده

_ ليضل بالك اني موجود

_ اخذت سويجي وطلعت مهزوم من الواقع اول مرة احس بالهزيمه كلشي هزمني ما كدرت اتحمل نضره عين نزار من صارت بعينها ولا كبرياء فاروق واصراره على النسيان وداخله يحترك وينطفي .. وصلت البغداد ويا الغروب طبيت للبيت قفلت جهازي وشمرته رحت للحمام فتحت الدوش وصرت جوا بملابسي رجع بيا الزمن

البصره سنه 2005

_________________________________________

فاروق : معليه اني هم اريد عيد ميلاد مثل بسمه

اصيله : روح شوف امك وين دايحه وخل اسويلك عيد ميلاد

فاروق : بجيت بحركه ولزمت ثوبها اعت بي باجي حبابه لاسوين هيج اني هم اريد كيكه عليها اسمي

اصيله : صيحلي يمة وافكر بالموضوع

فاروق : بس انتي مو امي ليش اصيحلج يمة مو عندج بنات ولد يصيحولج يمة

اصيله : خلص دام اني مو امك بسمه مو اختك حتى اسويلك عيد ميلاد وياها

فاروق : دبجت برجلي معليييه لاسوين هيج حبابه والله اني احبج مثل امي

اصيله : لضل تنك على راسي روح ابجي فوك بالكبر مالتكم ودير بالك تنزل جوة لو تموت مضوك الكيكه

فاروق : بجيت علما صرت ازرك رحت اصعد بالدرج افرفح طبيت الغرفتنة وركعت الباب

حكيم : وصمه ليش تركع الباب

فاروق : ارررررريد عيد ميييلاد اني وحدد وحددد محد يسويلي

حكيم : اني اسويلك من يصير عيد ميلادك

فاروق : شوكت

حكيم : بالشهر العاشر

فاروق : شنووو ما انتضر اريد هسه

حكيم : مو عيب عليك تغار من بسمه هسه لو غيران من وحده بيها حض ما انقهر

فاروق : باجي اصيله متقبل اطب للحفله ولا تقبل اكل كيك وياهم

حكيم : ولك عمه نهاد مسويه الكيكه حشه نعمه الله وعازمين البصره كلها عليها على شمه شمه تخلص

فاروق : ضليت ابجي واضرب بالميز بحركه للعصر بدلت ونزلت كعدت بالصاله وبدت العالم تجي كمت العب ويا فراس ابن عمي لحد جابو الكيكه وطبت بسمه تكمز

اصيله : تعال يما فاروق سحبته من ياخته امشي حبيب خل نجيب ببسي

_رحت وياها اركض فرحان ماشوفها الا طببتني بغرفه عمه نهاد وسمعت صوت طكت القفل من برا .. باجي وين رحتي الغرفه ضلمه كمت ادك بالباب حيل واصرخ اريد احد يسمعني ماكو كعدت بالكاع ارجف وماشوف اشغل الضوه كمت ابجي بحركه

_ حبابه فتحي الباب والله اخاف وحدي والله ما اكل كيك بس طلعيني عمممه وووينج قرفصت نفسي وحضنت رجلي بالكاع ضليت على هاذه الحال 3 ساعات محد فتحلي الباب ماحسيت نفسي الا واني ادرر بجيت اكثر على نفسي لحد ما انفتح قفل الباب كمزت اريد اطلع

نور : فااااروق منو قفل عليك الباب

_ مسحت دموعي .. باجي اصيله حبابه طلعيني اخاااف

_ اخاف اطلعك ومتقبل وتضربني

_ حبابه طلعيني والله اخاف

_ امشي اطلع بس لتكول اني فتحتلك

_ مااشي .. طلعت اركض وملابسي مبلله كبل صعدت فوك نزعت هدومي وضليت كاعد بالحمام اخاف اطلع واشوفني

نور : جاي اطلع وجان ادوس بمي باوعت جواي .. هاذه شنو ؟ تقربت شميت ريحته خرررب يومك

_ طلعت جبت وصله ومسحته وذبيت الوصله بالنفايات جبت بطل مي ورد وذبيته بالكاع بلكت تخف الريحه

نهاد : ولج شسووووين بغرفتي

نور : اءء اء امسحه

نهاد : وانتي منو عاتب عليج تمسحين وهاذه شنو بيدج ولج ام السحوووره هاذه شنو تريدين اسحريني تريدين تخبليني الله لا يوفقج

رحاب : شبيج عمه منو وياج

نهاد : ولج مرت ابوج اسوووي سحوره

نور : والله عمه مسحت الكاع بي والقران

نهاد : عمه العماج ان شاءلله مو هازه كاروكج

رحاب : لج عمه هاذه البطل امي جابته للمحلبي

نهاد : باوعت عليها وشميت ريحته .. يجوز مو نفسه هاذه غير شكل ماشايفه منه

رحاب : والله عمه امي جابته البارحه

نهاد : يجوز ذابتلي بي شي

نور : ليش اذبلج بي شي شعندي وياج

نهاد : بلا حجي زايد طلعي برا يلا انوب عليه امهات الوصخ ينضفن غرفتي .. روحي نضفي روحج بالاول

نور : صعدت فوك بالسطح ابجي شفت فاروق كاعد بالزاويه تقدمت عليه شبيك تبجي

فاروق : مابيه

نور : رحت يمة حضنته وبسته حبيبي انته لاتبجي اني مثل امك

فاروق : من كالت اني مثل امك كمت اضحك لا اراديا

نور : شبيك تضحك ابوك يكلي اني مثل امكم هههههههه

فاروق : كعدنه اني وياه نلعب محيبس شويه وصاحولها نزلت واني نزلت وراه طلعت بالشارع لكيت حكيم وفلاح كاعدين يلعبون دومنه

_ لعبوووني وياكم

حكيم : تعال .. خلصنه الكيم وبدينه نلعب سوه ضلينه بالشارع لساعه 12 باليل لحد ما شفت فاروق كام يغفي

_ يلا خالي راسي انسطر وهاذة راح ينام بالشارع

فلاح : اني هم راح اروح امي جاي ادك عليه

حكيم : اخذت فاروق وطبينه البيت سنطه صعدنه بالدرج نمشي بهدوء

فاروق : اريد مي

حكيم : لعد ماحجيت من جنه جوه

فاروق : هسه عطشت

حكيم : انزل اشرب وتعال

فاروق : اخاف اروح وحدي البيت ضلمه

حكيم : شوكت اصير رجال انزل اشرب وتعال اني كاعد اذا تكح اسمعك

فاروق : نزلت امشي على كيفي بالدرج وصلت للمطبخ جاي اطب واشوف نجم حاضن نور ويبوسها من حلكها تقرب عليها لحد ما لزكها بالحايط فتحت حلكي اريد اصرخ ماحس الا واحد كتم نفسي وجرني كمت ارفس لحد ما شفت

حكيم : اشششش حسك ما اسمعه

فاروق : شفت نجم شيسوي النور باسها بحلكها

حكيم : كلشي شفت تنسى ممنوع يطلع حرف منك

فاروق : يصير يبوسها من حلكها يعني ؟

حكيم : لا ميصير

فاروق : عوووفني اريد اروح اكول لبويه

حكيم : انته معليك حلكك متفتحه اكسر ضهرك اذا حجيت

فاروق : ضليت جامد بمكاني كل ما اذكر الموقف اريد اتخبل

حكيم : روح نام ولطلع صوت

فاروق : ما اصعد

حكيم : اذا ما صعدت فوك اخلي الصونده تلعب على ضهرك .. صعد يتذمر طبيت للمطبخ بهدوء واني اشوف نور رافعه ثوبها ومستسلمه حطيت ايدي بجيوبي وصحت

_ السلام عليكم ؟

_ جمدو وابتعدو ضلو واحد يباوع على الاخ

نور : ح حك حكيم وا

_ قبل لتكمل صفكتها راشدي

نجم : والعباس اني معليه هيه تريد هيج والقران مالي دخل

_ تقدمت عليه وهوا يرجع ليورا لحد ما لزك بالحايط تسارعت انفاسه وهوا يرجف لزمته من ركبته وخنكته بالحياط انته بدون كلشي واحد عار ماكلنه شي بس ويا عرضك يانذل لك عفت الدنيا كلها وتدنه روحك على عرضك ويامن ويا مرت ابوك

نجم : والله معليه هيه تريد اتقربلها هيه اجت طلبت ابوس ايدك لاتحجي شتريد اسوي بيه سوي بس لتفضحنه يذبحوها وانته السبب ترضى اخيك ينكتل كدامك ابوس رجلك حكيم بداعت نجاة لاسويلي شي

_ لك مجاي تدخل عقلي ولك نجم ويا نورررر عفت الدنيا كلها والك*** كلها واجيت على مرت ابوك لك كو**** قبضت ايدي على ركبته لحد ما قطع النفس صار يصارع ويتوسل حتى اهده اجت نور تدفع بيه وتبجي

نور : عوووفه ليموت اروحلك فدوه عوفه والله يموت بيدك كعدت بااكاع اتوسل بي حتى رجله بستها

_ كلكم ت**** مابيكم واحد شريف وانتي لو ادفنج وانتي عدله هم ما يبرد كلبي

نور : لطمت على رجلي ادفني ادفني اخخخخخخ

حكيم : لزمت راسي مصدوم لفيت ايدي على شعره وجريتها همست باذنها تقربلج ؟

نور : هزيت راسي متهستره لا لا والله لا والقران لا

حكيم : صكيت على سنوني .. ليش هيج سويتي ابويه ك**** وابوج ك**** ليش ما حافضتي على شرفج لييييييش

نور : تعبت تعبت لطمت على رجلي اريد احس روحي بنيه ويااااا اريد واحددد يشوووفني حلوووه شنو حياتي فهمني ويا ابوك الشايب عبالك نايمه ويا جدي

حكيم : صفكتها راشدي ثاني وطلعت من المطبخ ما اتحمل اسمع اكثر بيومها مانمت للصبح واني افكر بيهم مر شهر ماشفت لا نجم ولا نور من اكون بالبيت محد يراويني وجها لحد ما طبيت فديوم واشوف رحاب ونسمه يتراكضن

_ شكوووو ؟ صاير شي ؟

رحاب : فركت ايدي .. نور

_ شبيها نعال

_ حامل

_ بصدمه حامل ؟؟؟

_ اي وامي جابت الجده حتى توكعه

_ ليش

_ لان ابوي ميريد بزر

حكيم : ضليت واكف متصنم معقوله حامل من ابوي ؟ لا لا استغغرلله اني اجاي افكر .. طبيت للهول شفت نزار كاعد يبجي كعدت بصفه واني اسمع بجي وصريخ نور ويا كل صرخه جنت اسد اذان نزار لحد ما طبت امه

_ خاله هاك ادفن هاذه الحم

_ باوعت على جيس بي قطع مثل المعلاك ومغطه بالدم باوعت عليها بصدمه هاذه شنو

_ الجنين

_ وكع ؟

_ اي شسوي لعد ابوك الشيخ مايريد وهددها يطلكها شسوي الله يعوضها ويهدي عليها

_ اخذت الكيس منها جازه نفسي طلعت للبستان حفرت 3 اشبار تحت الارض فرغت الجنين بقطعه قماش حطيته وجبت شتله ( جذور زهره ) زرعتها بمكان القبر وطميته داير مادايره

_ من يومها صارت نور بقايا متهالكه قطعت الاكل والشرب صارت متطلع من غرفتها هواي حاول وياها ابوي حتى تطلع من حالتها بس ضلت على حالها نجم بعد ما شفته تقربلها لو حاجاها بيوم جنت كاعد على الدرج اقري نجاة

نجاة : حكيييم اريد اقلام جاف الوان مثل ملات فاروق

_ ميخالف اذا باجر جبتي 10 بالاملاء اجيبلج منهن

_ بسته واني فرحانه كام يردلي املاء واني اكتب

حكيم : كتبي ( يذهب صباحا ) سمعت صوت الباب اركع رفعت راسي شفت نور طلعت من غرفه ابوي تسحل بروحه وشعره مكفش وملابسها بالمكلوبي لابستهن نزلت عيني منها وكفت تباوعلي وتبجي

_ احم نجاة صعدي فوك واني اجي وراج ونكمل

_ ماشي

نور : اريد اوصيك بشي واحد

_ لازم راح تموتين ؟

_ مو بعيده عند الله .. نزلت دموعي وحجيت بهدوء اريد الشفته كله تنسى وخاف اموت ما اريد واحد يعرف بعلاقتي بنجم وحق الاخذو مني بلا ذنب مالمسني ولا سوالي شي

_ كملتي ؟

_ هزيت راسي بجي عفته ودخلت للحمام

حكيم : ضليت كاعد على الدرج صافن عليه هاي البنيه ذنبها بركبت منو ؟ لا أله الى الله تقريبا نص ساعه ما طلعت سمعت الباب تندك رحت اتمشى فتحتهأ

فلاح : شلونك يلعضيد شو اليوم ماكو انتضرتج وما اجيت

حكيم : نجاة عدها امتحان وجاي اقريها

فلاح : ودوامك شو هامله ؟

حكيم : لا ولك جاي اداوم بس هواي محاضرات جاي اضربها حتى اجيب نجاة من المدرسه

فلاح : الله يساعدك ياخوي صاير داده

حكيم : اي حجي بزود امي .. بعدنه نحجي وسمعت صوت صريخ رج البيت رج طبينه نركض للبيت لكيتهم ملتمين على الحمام وخرتهم وطبيت شفت منضر جان اصعب منضر اشوفه بحياتي من يوم الانخلقت بي

_ نور معلكه بجنكال مال حمام ومربوطه ركبته بشال عيونه مفتوحه وشعره نازل على وجه رجليناته ملتويات من الرفس غمضت عين نزار الجمد بمكانه

طلعت من الحمام مفجوع طب نجم يبجي ويتراجف بس شافها ذب من راسه محد كدر يقتربلها او ينزلها جبت بطانيه ولفيت جسمه من جوه ورفعته حتى تفلت وتنزل وكعت بيدي ما انكر الرهبه والرعشه الصارت بجسمي مو خوف بس الموقف اله رهبه لفيتها بجرجف من فوك ليجوه وحطيتها بسياره ابويه

صعدنه اني وفلاح وكمال وابوي اخذناها للمستشفى جان عندي امل بيها روح ويتلاحكولها بس وصلنه وطببناها كالو متوفيه جان خبر صاعقه لدرجه رفضت اصدكه والي صعقني اكثر ابوي ما رفله جفن عليها فتحو محضر وتحقيق واتأكدو بالتشريح من سبب الوفاة اجو اهلها هداده وعراكه صارت كعده والصدمه انهم يردون فصل

_ مارفضنه انطاهم ابوي 4 ملاين وانطمت السالفه واعتبرناه جبران خاطر من يومه نزار صار يرجف ويتخربط من يجوع وشفته دائما يابسه وصل مرحله يدرر على نفسه بيوم جنت واكف انتضر اخذه من الروضه اجت المعلمه بيده نزار

_ السلام عليكم

_ عليكم السلام

المعلمه : انته اخو صح

_ اي تفضلي خير

_ صار 3 مرات اخوك يبول على روحه كدام الطلاب وهل شي ممقبول ابد وهوا مو صغير المفروض تعلمو عيب هيج

_ كمبصت عليه شفته يجر بخشمه ويمسح بعيونه ليش بايل على روحك ؟؟؟

_ كلت للمعلمه اريد اروح للحمام متقبل

_ رفعت راسي عليه مو كايلج اريد اروح للحمام ليش ماخليتي يروح

_ والله عندي درس وكل شويه ينط يريد تواليت بس اخلي يروح الجهال كلها تطلع وراه

_ وتعوفي يسويها على روحه ؟

_ شمدريني اني كتله الزم نفسك هسه يدك الجرص ماشوفه الا جيحنه بالصف

_ استغفرلله يارب هاي مرا صارت مرا ثانيه اذا راد يروح للحمام وماخليتي يصير شي ميعجبج

_ حضرتك تهدد

_ شتعتبريها اعتبريها .. اخذت نزار صعدته بالسياره شفته يرجف شبيك ؟

_ ما ادري مجاي اكدر اشوف عيوني غوشت

_ ضليت صافن حرت المن اخذه ما اعرف بهل سوالف قررت اطلع بي لدكتور مال اطفال حجزت ورحت اخذتله لفه اكل شويه ارتاح اجه دورنه دخلته للطبيب وحجيتلة اليصير وياه

_ اتوقع عنده سكر ولازم انسويله تحاليل

_ ماعندي مانع

_ بس لازم معدته فارغه

_ لا هسة اكل

_ ميهم هسه اسويله تحليل فقر دم وتراكمي ومن خلالهن راح نفتهم وباجر جيبه صايم ونحلل سكر

_ اخذته وسويتله الاجرائات طلع عنده سكر كلبي تكطع عليه صرت اعامله معامله تختلف عن الكل صرتله ام واب بكل خطوه ..

الرجوع الى الحاضر

_________________________________________

فزيت من صفنتي على الجرص يندك ذبيت هدومي ولفيت خاولي على خصري وطلعت فتحت الباب

_ السلام عليكم

_ تفضلي حجيه

_ هاك يمة هاذه ثواب اقرأ الفاتحه لحجي صبحي

_ تشكرت منها واخذته حطيته بالمطبخ بطبيعتي ما اتقبل اكل من ايد احد غير اهل بيتي حرت وين اودي رحت للغرفه بدلت وطلعت بااشارع شفت بنات جهال يلعبن صحت لوحده منهن تعاااي عمووو اجت تركض

_ ها عمو

_ هاج .. انطيتهيا وراحت تركض للبيت فرحانه بالماعون اجت الثانيه

_ حتى اني انطيني

_ ضحكت على برائتها والله عمو خلصت ذيج اختج الي اخذت الماعون

_ اي

_ روحي اكلي وياها واقرو الفاتحه الحجي صبحي

_ هزت راسها وراحت .. هم وراح من كلبي لان استحرم اشمره ضليت افتر بالشارع مخنوك كلش وبالي يم نزار خاف بي شي رجعت للبيت اهرول بس طبيت فتحت جهازي لكيت 50 مكالمه وطن رسايل دكيت على فاروق

_ الووو

_ ها يابه الله يساعدك

_ ويساعدك

_ ضل بالنه عليك ليش مجاوب مو كلبي خلص

_ خير خوماكو شي

_ احم لا ماكو شي

_ لعد احجيييي لتفور اعصابي

_ ماكو شي والله اسأل عليك

_ نزار شلونه كعد

_ اي كعد واتعشا وكاعد يقرأ ويا نرمان

_ ونجاة

_ زينه بغرفتها كاعده

_ يلا خوش ريحتني احم المرة راحت ؟

_ يا مرة .. هااا اي راحت

_ يلا خوش اني بس اخلص شغلي ارجع سديته منه وفتحت الرسائل لكيت نجاة ونرمان هوواي مراسلات

نرمان : عمووو الووووو ، وين صرت الووو ، خاف بيك شي فدوه جاوب ، ما انام ترا انتضرك ترجع ، عمووو رحت تخيط ايدك ، الووو ليش مجاوب ، ايدك شلون صارت ، الووووو

_ دزيتله ، اني مو بالبصره نامي وايدي صارت زينه

_ طفيت المبايل وانتبهت الايدي متقرحه من المي اتذكرت تشيرتها الفت بي ايدي ذبيته بالسياره طلعت المضمد على الشارع العام حتى يخيطها اول ما طبيت كام ينضف بيها خلص وبده يغرس الابره بيها

_ تريد مخدر

_ لا زين هيج

_ كمل خياط ولفها بشاش

_ عمي اسف بس خلص المخدر انته جايني تالي الليل حتى ما اكدر ادبرلك

_ جريت نفس لا حجي اصلا ما حسيت بيها ، نطيته حسابه وطلعت ضليت احوس منا ومنا ممرتاح اريد شي يبرد كلبي ما اريد اذكرها اريد امسح هاذه اليوم من حياتي شلووون لزمت راسي بوجع وصلت مرحله اريد افتح الخياط وارجع اخيط ايدي اريد وجع ايدي يطغه على كلبي كعدت بالكاع واني اذكر ملامحها وبياضها وعيونها انفه اليشبه انفي عضيت ايدي بقووه اجابج اريد افتهم ليش فتحتي جروح سنين اخيط بي كمت اروح واجي بالبيت لحد ما صاح ( الله اكبر ) صلاه الفجر تنعلت الشيطان وكمت توضيت وصليت نمت على السجاده وكمت اقرأ

( اللهم إليك أشكو ضعف قوتي، وقلة حيلتي، وهواني على الناس، يا أرحم الراحمين، إلى من تكلني، إلى عدو يتجه مني، أو إلى قريب ملكته أمري، إن لم يكن بك علي غضب فلا أبالي، غير أن عافيتك أوسع لي، أعوذ بنور وجهك الذي أشرقت له الظلمات، وصلح عليه أمر الدنيا والآخرة، أن تنزل بي غضبك، أو يحل علي سخطك، لك العتبى حتى ترضى، ولا حول ولا قوة إلا بك. )

لميت سجاده وطبيت لغرفتي احاول انام ما ادري شلون غفيت مرت تقريبا شهر واني ما اخابرهم ولا ارد على اي اتصال التهيت بشغلي كرست وكتي كله للشغل بس كمت احس يوم بعد يوم اختنك ما اكدر ابعد اكثر من هيج همه شنو ذنبهم ابتعد عنهم بس يمكن ردت وكت النفسي يا نفسي وهمه نفسي خلصت شغلي وطلعت لملمت غراضي بالسياره وطلعت للبصره وصلت قبل الحله مال دوام ضليت واكف منتضرهم يطلعون حتهى اخذهم وارجع للبيت طلعت مدرسه نرمان شفتها من بعيد وجها طماطه واكفه تهفي بيدها وتدور بعيونها ابتسمت على منضرها

نرمان : بس طلعنه كتلني الحر ضليت واكفه بالشمس اريد اشوف نزار حتى نرجع رفعت راسي شفت واحد يشبه عمو حكيم عقدت حاجبي احاول اميزه نزع النضاره مبتسم عفت كلشي وشمرت جنطتي ورحت اركض عليه بس وصلت يمة شمرت نفسي بحضنه

_وخررري ولج منا الشارع

_ عمووو اشتاقيتلك ليش هلكد طولت مو كلت بعد ما اعوفج هلكد ليش اجذب عليه

_ جريت نفس عميق .. ونصيت عليها ولج منو مجذب عليج شو متعرفين تحجين

_ يووو عمو حجايه حجيناها من شوكي الك

_ ابتسمت الها وفتحت باب السياره صعدتها

_ هاااي شنو كلهن هدومك

_ لااا بيهن الي وبيهن الكم

حكيم : شغلت التبريد وضليت ملتفت عليها اباوعلها ومبتسم لا اراديا ماحس غير شفايفها صارت على خدي التفتت بحركه سريعه طخت بشفتي وخرت

_ لوحتله بيدي الوووو عمووو وين صافن الله بالخير

_ هاي شسويتي ؟

يتبع .....

نهايه البارت : عمو حكيم مسجل تاريخ هاي البوسه على ربع دينار وضامه 😂😂

الكاتبه ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

خلو البارت اكبر نسبه تعليقات ولايكات واذا وصل 1000 لايك انزل اليوم بعد بارت / صلو على الحبيب

_________________________________________

ابتسمت اله وفتحت باب السياره صعدتها

_ هاااي شنو كلهن هدومك

_ لااا بيهن الي وبيهن الكم

حكيم : شغلت التبريد وضليت ملتفت عليها اباوعلها ومبتسم لا اراديا حسيت شفتها صارت على خدي التفتت بحركه سريعه طخت بشفتي وخرت

_ لوحتله بيدي الوووو عمووو وين صافن الله بالخير

_ هاي شسويتي ؟

_ ضليت صافنه على ملامحه البهتت وعيونه التنسد وتنفتح بثكل خفت احجي اءءء

نزار : الله يساعدهم عبالي نسيتنه

حكيم : احم عدلت كعدتي ورفعت راسي بثكل اباوع النزار اجه حظني حيل

نزار : شبيك شنو ممشتاقلي

حكيم : احم ابووويه حبيبي انته اني ما اشتاقلك ؟ رجعت حضنته من جديد وعدلت كعدتي

نزار : شوكت اجيت

حكيم : بوجهي الكم ما طاب البيت

نزار : فدوه الطولك

حكيم : حبيبي انته شلونك صحتك جاي تاخذ الانسولين ؟ جاي تقيس السكر يوميه

نزار : حكيم كلش تعبت بطني كل طكعه بيه ولا الثانيه مال اثر الابر وجتافي هم والله مرات الولد بلمدرسه يكلولي منو مصمصك

حكيم : ههههههههههههههههههه

نزار : تضحك عليه ؟  ترا صدك تعبان احس بعد ما اريد اخذ علاج يوميه لازم انضرب واسحب دم من نفسي تعبت كلششش

حكيم : اي شسوي يابويه هاذه الله كاتبه لا اعتراض على حكمه والعلاج لا بكيفي ولا بكيفك انته عندك مزمن لو يصيرله جاره كفيلك الله ما اخليك تعاني

نزار : الله كريم

نرمان : نزار you are sad ( يو ار ساد ) (انت حزين)

نزار : رحم الله والديج

حكيم : ليش شكلتلك ؟

نزار : انت اسد

نرمان : وكعت من الضحك من كاله اباوع على عمو عيونه كامت ادمع من الضحك

حكيم : ولك الثول من يا عشيره ؟

نزار : من ال****

نرمان : كال اسم عشيرتي

حكيم : لطيرون جبهات يمعودين السياره جديده

نزار : ام الكمل عود هيه تحجي انكليزي بري منج الانكليزي

نرمان : احسن منك صف سادس ومطفي

حكيم : ولج السانج شطوله صاير

نزار : ولا يهمك اكصلهيا

نرمان : شهكت اااااه تكص السان منوووو

حكيم : ابتسمت واني اباوع عليه بلمرايه كلنه صيري قويه بس مو دلاله

نرمان : همه يجبرون الواحد يطلع من طوره

حكيم : ههههههههههههههه

نزار : هاذه كله صوجك

نرمان : اهووو كام يغار

نزار : منين اغار من ابو علي الشيباني

نرمان : اووي عيني جاستن بيبر العرب

حكيم : لو كاعد بغداد مو اشرفلي

رجعنه للبيت صفط السياره بلكراج ..

_ تعالو يمي فوك نتغده باوعت على نزار .. نزل الجنط والعلاليك كلهن

_ بووويه ذني ألمن

_ دنزلهن وتعال

نرمان : شمرت جنطتي باالحديقه وصعدت ورا بلدرج

_ ليش شمرتيه بلحديقه شو صايره مرعبله

_ خجلت من الرزاله مديت راسي من الدرج وصحت نززززار جيب جنطتي وياك

نزار : اشايفيني كلندايزر نزلي انتي اخذيه باعي شكد شايل

نرمان : نزلت جوه جبته وصعدت ورا فوك اول ما كعد بده يفتح بلغراض ويحجي ويا نزار

حكيم : هاي وهاي وهاي والجنطه والكارتون الطويل وديهن الغرفتي

نزار : لعد شبقه النه ؟

حكيم : هاي الكارتونه الك وذيج الفاروق

نزار : بشرفك بس هاي

_ هسه افتحه وذا ماعجبتك رجعه

نزار : امري لله

نرمان : كاعده على التخم وحاطه ايدي على خدي اباوع على نزار البطران منسمع غير فتح الكارتون وشهك

_ عليك العباااااااس هااااااذه اليييييي

_ شو كلما جبت حاجه الواحد انصدم وسألني هاذه الي شايفيني فديوم جايب حاجه وكايل مو الكم ؟

نرمان : طلع حذاء ابيض عليه علامه ✔ كام يكمز بي اباوعله واضحك صدك خبل ... قحط ترا هوا حذاء

نزار : خاب ماتنجبين تدرين هاذه شكد سعره هاذه مالبسه اشتريله جنطه واخذه وياي لدوام

حكيم : ههههههههههه خرب يومك الي يشوفك يكول مشايف

نرمان : حلو بلعافيه

نزار : ترا حذاء مو لفه فلافل

نرمان : استغفرلله .. احم عمو اني راح انزل اريد اغير ملابسي وارتاح .. ابتسم واشرلي بيده اروحله رحت وكفت يما همس 

_ روحي لغرفتي اني لاحكج

_ بدون مارد رحت امشي كدامه وكلبي دكاته الف بس لا راح يحاسبني على البوسه امددداني حبكت اله ابوسه فتحت الباب ودخلت طب ورايه وعاف الباب مفتوح حسيت براحه معناته ماكو رزاله لن نزار يسمع الصوت رفعت راسي اباوعله مبتسم وعيونه تضحك شكله مريح للنضر ضحكت على ضحكته

_ غمضي عينج

_ بفهاوه هاا ليش

_ غمضي يا بابا

_ غمضت ، شويه وصاح فتحي ، رفعت عيني واشوف ساعه فضيه على شكل حلقات وبيه احرف مزخرفه بلون اسود ناعمه كلش

_ عجبتج

_ كلش .. بس هاي شنو الكتابات البيه

_ اقريه

_ صفنت عليه اتهجه الاحرف بس مجاي اكدر اربطهن

_ ها بشري فحل نثيه

_ ايه قرانيه ؟ ماحس غير انكفخت

_ استغفرلله اسمج صار ايه قرانيه

_ ايي شمدريني كتابه مسماريه مدري شنو

_ لج وينه المسماريه ن ر م ا ن ع م ا د

_ بفهاوه هااا

_ وجعا .. وبعدين تعااي شو صايره هيلك

_ من حجاه صخنت عرفت عليمن يقصد من الفشله وجهي كام يطلع نار

_ متحجين لو انبلع السانك

_ لءء ليش شكو

_ شلون اني واكف كدام العالم تجين تحضنيني انتي متخافين على سمعتج  بهمس ، وصعدين بلسياره تبوسيني ؟؟

_ اءء اسف

_ وين اصرفه هاي

_ صليت ساكته منصيه راسي ومايعه من الخجل

_ بغضب .. جيبي ايدج

_ رفعت ايدي ليفوك انطيتهيا واني مدنكه راسي

_ بعد حطيه بحلكي

_ حطيت ايدي على حلكي لازمه ضحكتي ، سحبه ولبسني الساعه وكام يباوع عليه مضيق عينه ،

_ بسم الله ليش هيج يباوعلي

_ مكصفه صدريتج ؟

_ لا

_ احجي الصدك

_ والله لا

_ لعد ليش هيج ضابه على جسمج

_ عزززا شبيك عمو

_ شنو شبيه اثول كدامج صدريتج صغرانه

_ والله ما صغرانه بس

_ بس شنو

_ احم اني سمنانه

_ ليش

_  ياااا انوب ليش .. عمو راح انزل

_ اوكفي .. راح جاب علاكه انطانياه

_ هاي انطيه النجاة

_ ماشي

_ صدريتج بعد مداومين بيه

_ لعد بشنو اداوم بدشداشه

_ اني اخذلج غيره

_ هزيت راسي وطلعت جاي انزل اذكرت اني ما شكرته على الساعه ومبينه مو رخيصه انوب ناحت اسمي عليه بله مو حقه من يكول ثوله رجعت طبيت للبيت وصلت الغرفته فتحت الباب شفته نازع وباقي بلشورت صرخت وسديت الباب

_ يماااا هاااي شنووو

_ انتي ثوووله اطبين بلا مدكين الباب وين كاعدين بطوله احنه

_ انقهرت كلش من كلامه عفته ونزلت طبيت جوه للبيت تلكتني نجاة

_ هااا شعيله بعد وكت

_ عفته وطبيت للغرفه وركعت الباب نزعت الساعه وحطيته على الميز شكد ماعنده اسلووووب كمت الوج بلغرفه نزعت ملابسي وغسلت لبست تراك وكعدت على السرير لزمت مبايلي اريد ادزله رساله واتراجع كتبت

_ ترا مو قصدي افتح الباب عليك لا اخلاقي ولا اسلوبي بس حبيت اتشكرك على الساعه

_ رجعت مسحته واني اروح يمنى ويسرى ليش هيييج يعاملني يخرب زيناته كلهن بهاذه اسلوبه اوووف هسه شبيه اني اموته روحي لن صيح عليه شو كله اصيح عليج .. اففف بس هوا غير عنهم ما اتحمل يصيح عليه انقهر منه ما اعرف ليش اخر شي طبيت بفراشي وغطيت راسي ونمت للعصر

_ كعدت افرك بعيني طبيت سبحت وطلعت نشفت شعري واتذكرت الصار اجت عيني على العلاكه النطانياه النجاة لبست دشداشه مستوره وحجاب اسود رشيت عطر وطلعت شفتهم بلهول يشربون جاي حرت شكول واني كاعده من النوم تاهت عليه

_ صباح الخير .. اباوعلهم صفنو بوجهي

حكيم : صباح ؟

_ اءء غير توني كاعده .. تقدمت انطيت العلاكه النجاة اخذته مني

_ هاي شنو

_ رفعت راسي اباوع عليه دزه عمو الج

نجاة : حبيبي فدوه القلبك فتحته شفته جنطه جلد طبيعي يارررروحي والون العاجبني كمت بوسته واتشكرت منه

نجم : جا واحنه

حكيم : تريد جنطه

نجم : لااا بس غير تذكرنه بحاجه ماحوجه

حكيم : باوعتله صفح

اصيله : لعد مجيب الخواتك سوده عليه لو حاير تكفخ بيهن

حكيم : عود من يصيرن ادميات يدللن

نزار : اني اخذله ولا يهمج

حكيم : باوعتله صفح شتاخذ

نزار : الجادر مال فاتحه عمي لحد الان ضامه ورا البيت اطلعه واخيطلهيا اتك

فاروق : ميكفي ههههههههههههه

اصيله : توصلون البسمه والجماله المربربه

نزار : قصدج الهايشه

حكيم : كافي نزار

نزار : احم كووومي نونو جيبيلي مي

نرمان : كمت جبتله مي وبلطريق كام ينجفي شربت منه شويه وانطيتهيا

نزار : لج ادب سز عود شنو معناه المي ناقص ؟

نرمان : شربت منه

نزار : شتقصدين 

حكيم : نزار متعلملك حجايتين من الديوان جاي اطبقهن براس نرمان

نرمان : ما اقصد شي ترا

حكيم : ادري عمو روحي كعدي معليج بي

نزار : لا شتقصد اني ناقص

حكيم : رفعت ايدي تنجب لا الطمك على حلكك

نرمان : شكووو ترا ماسويت شي بس تريدون حجه حته اصيحون لو ترزلوني مو صوجكم صوجي اني اكابلكم عفتهم وطبيت الغرفتي اتنفس سريع ولازمه كلبي

اصيله : ياااااع شبيه هاي المكروصه من اكلكم خل ادبنها مترضون ترا البزون يحب خناكة

حكيم : ليش شسوت

اصيله : لعد مو عيب تعلي صوته على نزار اكبر منها

فاروق : هاي منو جاي يحجي

حكيم : اذا نزار يتعلم الحجامه بروس اليتامة

اصيله : مووو هم نزل وهم يدبج عالسطح

حكيم : اعصابج باجي القرد لو شاف اذانة حار بزمانة

نزار : يمعودين هاي جبهة منو ؟! جاي تفتر بلصاله

فاروق : جبهتك يلغبر

حكيم : فتحت مبايلي ودزيتلهة رسالة

_ ليش ضايجة .. مرت دقايق وماردت رجعت دزيتلة

_ وينج مو احجي وياج

_ موجوده

_ شو صايره صلفه

_ ليش نزار يصيح عليه وبعدين انته مو تكول اخذي حقج شو من رديته ضجت

_ منو ضاج

_ انته

_ شلون عرفتي

_ مبين لن ماحجيت

_ مو انتي حجيتي واخذتي حقج ليش احجي اني بعد

_ وانته هم صيحت عليه فوك

_ لان من الاصول ادكين الباب يلا ادخلين صح لو غلط

_ صح اصلا رجعت حته اشكرك على الساعه بس

_ بس شنو ما استاهل ؟

_ لا حشاك

_ راح اصعد فوك تعالي يمي

_ عندي امتحان شهري

_ جيبي كتبج وتعاي .. انتضرج سديت المبايل وحطيته بجيبي كمت اتمشه صعدت بلدرج

نرمان : ارتاحيت من حاجاني احس اكثر شخص يحيني واكثر شخص يحطمني بلحضه عصبيه منه اخذت مبايلي و كتبي وطلعت اتمشى من باب الصاله صعدت بلدرج ورا

حكيم : كعدت مرتشي على التخم طبت نرمان مبتسمه بس شفته عدلت كعدتي

_ تعااالي كعدي كبالي

_ كعدت وحطيت الكتب بصفي

_ بعدج ضايجه

_ هزيت راسي ججج فتحت كتبي وطلعت الفصل الواصلته .. تقريني !

_ جريت منه الكتاب اكلب بي نظريه فيثاغورس

_ اي

_ شمرت الكتاب من ايدي .. بعدين اني اقريج خلي شويه نكعد سوه

_ ماشي

_ تغديتي

_ لا

_ مم شخبار مدرستج هم تعرفتي على بنات جدد

_ بس عائشه ومو دائمآ نحجي

_ ليش

_ عده صديقات غيري ومرات ميقبلن احاجيه يغارن

_ يغارن عليمن

_ عليهة

_ هاي شنو صدك

_ اي والله يخافن اخذ صديقتهن منهن

_ زين شنو تحجين وياه هم حاجيتله عن حياتج

_ لا بس هيه سئلتني وين عايشه وشنو سبب وجودي بلبصره واني من بغداد جاوبته على كد السؤال

_ سمعيني بابا كائن من يكون مالج حق اثقين بي حته اذا حجالج اسراره وطلعج على حياته مو معناته انتي هم لازم تنطين سرج ترا المقابل يراوج بس الي يريدج اشوفي هوا مو قصدي امنعج من اخذ حريتج والتعبير عنه بس الاريده منج تكون حياتج الخاصه خط احمر محد يتعدا حته اهل بيتج خلي عندج موقف اتجاه كل شخص يتعدا حدوده وياج لصيرين فضه ويا الكل خليج حديه مع اقرب الناس الج خلي سرج ابطنج واهم نقطه من هاذه كله والاريدج تفهمي دائما اخذي ولتنطين

_ شلون

_ اخذي منهم حجي وافعال ششوفين لتتفاجئين ولتسرعين ودائما احتفظي بهدوئج امام اكبر بشر تواجهي اخذي منا كلشي يراويجيا بالمقابل لتنطين مثل الاخذتي

_ هزيت راسي حاضر

_ حطيت ايدي فوك ايده ترا الناس بيت بلأ وميرحمون احد ... تعرفين ليش اكلج هاذه الكلام

_ اي ؟

_ لن ما اريد اشوف عيونج تبجي ولا اسمج ينجاب بلسان واحد اريد امشي رافع راسي بيج انتي هسه محسوبه عليه كرصت انفه

تعرفين لو بيوم اخطئتي مراح امد ايدي عليج ابد

_ بخوف شسوي

_ تقربت عليه بهمس اندمج بدون ما امس شعره من راسج ..

_ يما عمو انته صدك تخوف الي يشوف تصرفاتك ميشوف نضراتك البارده بس رجفن كلبي

_ ضحكت بصوت عالي باعي يجوز انتي متعرفيني اني اذا واحط عقلي ويا عقل بشر لو يصير مثل ما اني اريد لو يصير مثل ما اني اريد

_ عمو انته دتنصحني دتخوفني

_ الاثنين

_ صدك تعاااي

_ هممم

_ شلون صرتي على العلاج

_ بكلبي كلت يا علاج صارلي قرن من خلصته هستوك اذكرت

_ وين صفنتي

_ هااا لا ماكو شي بس زينه

_ يعني صار مثل مكالت الدكتوره امورج تمام

_ فتحت حلكي عليه يا امور

_ قصدي يعني طبتي ميحتاج ترحين بعد ترا نسيت اسئلج مو تحجين عليه بكلبج

_ ههههههه عزا شلون عرفت

_ بشرفج شكلتي

_ ضحكت خجلانه كلت توه اذكر يسئلني هههههههههه

_ وغلاتج عندي نسيت باعي لتستحين مني اني مو مثل ابوج

_ اي

_ اذا محتاجه طبيب حته اوديج لن اني ما اعرف بهاي الامور وذا خجلانه تكليلي كولي النجاة واني اشلعين هاي عيني قبل هاي

_ باوعتله بامتنان اروحله فدوه العينك عموو  بكلبي حجيت يعني بعد هاي افعالك وياي وتسئلني ليش ابوسك

_ يلا تعاي اقريج وبس تمتحنين اخر السنه عندي مفاجئه الكم

_ صارلي واهس اقره من كلامه الحلو كعدت وبده يشرحلي مر ساعه واحنه نقره وكل شويه يكول

_ افتهمتي

_ اهز راسي ، ونرجع نكمل لحد ما طب نزار بس شافنه نزل يركض

_ شبي هاذه

_ يخاف اكله جيب كتبك وتعال اقريك

_ هههههههههههههههه

_ ضلينه كاعدين نقره لحد ما خلصت ماده الامتحان كله شكرا عمو الله لا يحرمني منك

_ ولا من مخج المربع

_ ياااا انوب

_ صفن عليه شويه وكال "جنج عجوز عرب "

_ كمت على حيلي تخصرت اني عجوز عررب ياظالم

_ شعل جكاره ورجع جسمه ليوره سحب نفس وذبه عليه  واني واكفه كباله كمت اكح كلش اختنك كعدت على التخم لازمه صدري تقرب عليه صار ميفصلنه شي طفه الجكاره بلحايط وحط ايده على ضهري يدك

_ بهل اثناء دخل فاروق صاح " يابه العفوو قطعنه عليك الخلوه الشرعيه "

_ باوعتله صفح .. انته ليش متعرف تحجي

نرمان : اخذت كتبي وطلعت اركض من البيت بس فتت من يمه باوعلي بنضره غريبه وهوا يبتسم عبرته ونزلت

_ فاروق اول واخر مرا اسمحلك تحجي هيج حجي

_ يعني تريد تفهمني كابصه فوك وهيه كاعده وانته واكف فوكاه اجنت اسوي اطبب الماده براسه

_ اني ما اسمح البشر يرضي فضوله بشي يخصني بس هل مرا اني راح ارضي فضولك نررررمان بنتيييي الا ما حرم الله وبعد هاذه التصرف و الكلام البذيئ ما اسمح بي مرا ثانيه

نرمان : مرت الايام كام عمو كل يوم يودينه ويجيبنه كمت اداوم وحدي نزار خلصو الماده وكام يراجع بلبيت كام يروح البغداد ايام معدوده ويرجع لن فتره امتحانات ذب حمله كله علينه كام يقرينه الصبح واحد والعصر واحد بهل فتره كلش تعبنه وتعب ويانه كمت ما اصعد فوك نهائيا ينزل جوه يقرينا بلهول

_ نرمااان فتحي مخج راح تكفررريني

_ برطمت .. عموو مجاي افتهم والنبي خليه باجر ماعندي امتحان وقريني

_ لج بابا هاذه اخر واحد راح الهواي وبقه القليل

_ زين خل اروح انام واكعد ونقره

_ مو اشتغل عدكم اني

_ اففففف كعدت اقره قريب الساعتين مخي زنجر

_ يلا كومي اكليلج لكمه وارتاحي وممنوع حته تلفزيون تباوعين

_ يعني المبايل تاخذه حته التلفزيون .. كمت ادبج برجلي  "مووو روحي طلعت "

_ طببيه

_ فتحت عيني منيه ؟

_ روحج مو طالعه

_ رااااح تجلطنييييي

_ كعدت مجتفه واهز برجلي .. هافني وصعد فوك شغلت التلفزيون وكعدت اباوع ثاني يوم رحت امتحنت اخر امتحان ورجعت اكمز فرحانه بس طبينة فتحت ايدي

_ سالمين

_ جيب مبايلي

_ خلصت امتحانات وانفخت علينه بس اصعد فوك انطيجيا

نرمان : بس صعد رحت ورا اركض اخذته منا ونزار مبوز

_ شبيك يووول

_ زقنبوت معليج بيه

_ اووي بعد عندك امتحانات سوده عليه تهون تهون

_  اذا ما تنزلين اكوم انتف ابو علي الشيباني

_ ضحكت بصوت عالي شفت عمو خزرني اخذت جهازي ونزلت ضل عمو ما سافر البغداد ابد لحد ما نزار خلص امتحانات بيوم دزلي رساله

_ لمي ملابسج الفجر طالعين

_ انقبض كلبي من رسالته معقوله راح يرجعني لبيت عمي دزيت .. ليش عمو خوماكو شي سويت شي غلط اني

_ خبله دا اخذكم البغداد تغيرون جو

_ منو تاخذ

_ انتي ونزار ونجاة وفاروق

_ من كال هيج كمت اكمز من الفرحه لميت ملابسي ورحت النجاة اركض تروحين ويانه

_ غصبا ماعليج

_ كعدنه نلم بغراضه اخذت 3 جنط وجنطه مال مكياج

_ لج المن كل هاذه ؟

_ خاب غير اول مرا اشوف بغداد واول مرا اشوفني انتي لميتي ملابسج

_ اي

_ كملنه لم الملابس وضلينه سهرانين للصبح ما نمنه دك عمو حكيم ساعه 4 الفجر كال يلا طلعو

_ لفينه حجاباتنه وطلعنه لابسين طويل بس شافنه ابتسم صعدنه بلسياره واجو نزار وفاروق مبدلين صعد جنطنه وضل الطريق كله يرزل بنجاة

_ لج وين رايحين حفله ماخذتلي 4 جنط المن ماخذ وياي انجلينا جولي

_ تروحلي فدوه بت جولي

_ مو انزل اشمر الجنط بلشارع

_ لا لا فدوه القلبك

نرمان : وصلنه البغداد الطريق كله يتناكرون هوا ونجاة نزار كضاه نوم وفاروق الطريق كله يسب ويلعن بلسواق بعد عناء طويل وصلنه بس نزلت ذبيت من راسي

حكيم :  الله الله الله كنبصت بلكاع افرك بيده وجه صار ازرك ولازمه بطنه تبجي

نرمان : عمووو رررراح امووت

حكيم : اشششش اهدي اسم الله عليج حضنته الصدري ضميته

فاروق : نحن هنا

حكيم : يمعود بيا حااااال احنه حاوطت خصره وفتحت باب البيت وطبينه

نزار : اوبا البيت دا كامد خاب ماتخليني يمك ونس

حكيم : واخلي البيت لام طيره

نجاة : الله حكييم يخبل البيت بقيني يمك

نرمان : كعدت روحي مشلوعه من الطريق اول مرا يصير بيه هيج شويه واجه عمو بيده كلاص حليب حار

_ ما اكدر جاي تلعب نفسي .. حصر وجهي بيده وشربنيا كله طلب مني اتمدد وحط جوه رجلي مخده .. خجلت كلش كدامهم

حكيم : راح اطلع اجيب ريوك واجي

فاروق : انته جايبنه هنا خايب حته تعوفنه وتطلع رجلي على رجلك

نزار : واني هم

حكيم : اخذتهم وطلعت من البيت جبنه ريوك ورجعنه للبيت كعدنه ناكل كملنه وكامت نجاة غسلت المواعين

نزار : يلا طلعنه

حكيم : بهل ضهريه ؟ عود العصر

نزار : اخذني وياك لمحلك خل اشوفه بداعت الخوه

حكيم : لعد كوم

فاروق : واني خراع خضره

حكيم : يلا امشو حته العصر نرجع واطلعكم بدلنه وطلعنه وصيت نجاة على البيت

_ ممنوع تفتحين الباب الكائن من يكون يدك الباب

_ حاضر

نرمان : طلعو الولد وضلينه بلبيت اني ونجاة كامت اطكطك صور وتفتر رايحه راجعه للعصر مارجعو ضلينه الوب جان تندك الباب طلعت نجاة تركض فتحته

_ السلام عليكم

نجاة : باستغراب وعليكم السلام منو ؟

_ انتي المنو

نجاة : صاحب هاذه البيت

_ انتي شصيرين الحكيم

نجاة : تخصرت وكفت اخته"

_ اوووي حبيبي فدوه العمرج

نجاة : طبت حضنتني وكعت دك بوس وخرته عني واني اباوع على طوله بكلبي .. هاي شلابسه كبر

طبت جوه بدون ماكلله كعدت وباوعت على نرمان مبتسمه

_ انتي هم اخته

_ لا

_ لعد شصيريله

نجاة : بت عمنه

_ هاا الله يخليكم مدت ايده اسمي نبأ "

نجاة : اتشرفنه بس انتي منين تعرفين حكيم

_ احم نصت راسه مبتسمه " اني ويا اصدقاء

نجاة : يعني شنو مفهمت

_ تكدرين تعتبريني صديقته المقربه

نرمان : بس هوا كال انتي زبونه

_ مو هوا ميحب يحجي اسراره الاي كان

نجاة : كمت جبتله مي قدمتله " انتي شلون تجي للبيت وهوا عايش وحده ؟

_ عادي شكو بيه ترا ماكاعدين بلبصره

نجاة : ابتسمت تاج راسج البصره حبي 

بهل اثناء انفتحت الباب وطبو الولد ......

يتبع .....

نهايه البارت : اسفه البارت قصير بس كتبته باصعب ضروف والله اني بيت اهلي وعدنه خطار كلش تعبت اذا عجبكم صوتوله وبليل ارجع للبيت بلكت اعوضكم باجر والبنات الوعدتهم انزل ليزعلون مني فدوه والله احبكم

الكاتبه : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

_________________________________________

_بهل اثناء انفتحت الباب وطبو الولد ، بس شافها حكيم جمد بمكانه

نبأ : وكفت ، حبيبي حكيم ياروحي تقدمت مديت ايدي اريد الزم ايده نترها .. بمياعة شبيك كيموو باوعت على اخونة مبتسمه .. اني نبأ

نزار : اذا حكيم كيمو اني زيزو اشرت على فاروق وهاذه فيفو

نبأ : فدوه شكد لطيف ياعمري

نجاة : انوب لطيف

حكيم : انتي شجابج هنا

نبأ : والله شفتك مترد على اتصالاتي كلت اسويلك سبرايز

فاروق : غير احلى سبرايز انداريت علية غمزتله كيموو مووو

حكيم : باوعت على نجاة اني مو كلت من تندك الباب متفتحيه كلتتتتتت لو ماااا كلتتتتتت

نجاة : شعليه اني هيه اجتي

حكيم : منين طبت من الحايط قاطعتني

نبأ : على الاقل احترم وجودي وبعدين شهل تخلف متخليها تفتح الباب شنو سجن

حكيم : زمخت بيها انتي بذات اني الج

نزار : همست الفاروق .. منييي هااي

_ جنه راح اصير جنتنة

_ بالعباس اذا شافتها اصيله تشرنه على الحبل

نبأ : شبيكم ليش جاي احس متريدوني اكو شي

نزار : لا يابة مو عيب هلا بيج

حكيم : كعدت على التخم اعصابي تفور كمت اهز برجلي واباوعلها تسولف وتضحك وياهم فجئة نبأ باوعت على نرمان وكامت تصرخ

نبأ : دممممم دممممم

نرمان : شكو شبيييج وين الدممممم

_ هاذه هاذه على رجلها دم

نرمان : نزلت نضري على رجلي اباوع عليها ماكو شي رفعت راسي اشوفها تصركعت وترجف تقربت عليها لزمت رجلي وابتعدت خفت منها

نبأ : ها ها ما ادري العفو هاذه صبغ اضافر

نزار : اسم الله هاي مخبلة مدري شبيها

نجاة : شلون يعني اليوم منطلع المن جاين احنه

حكيم : شفت مبايلي اشتغل .. اجاني اشعار من عبدلله فتحت الرسالة

نرمان : كعدت اتذمر كبرررر شبيها هاي .. شويه وباوعت على عمو فتح مبايلة وراها .. وجهة كام ينطي الوان ويتلفت

_ خير عموو بيك شي

_ لا

نبأ : شبيك حبيبي اذا مضايقك وجودي اروح

فاروق : لا بالعكس منورة

_شويه واشوف عمو كام كعد بصف نبأ وحط ايده على جتفها كلنة انصدمنة من تصرفة بذات هوا يستحرم يلزم وحدة

نجاة : حكيم شبيك مصخن

حكيم : بالعكس اني باحسن حالاتي هسة .. باوعت على نبأ مبتسم

نرمان : انقهرت كلش من تصرفة .. كمت طلعت كعدت بالمطبخ واحس نفسي صرت اعصاب شمعنه هيه يلزمها واني ايدي يستحرم يلزمها .. شويه وطبت نجاة

_ شبيج ولج

_ مابيه شفتي تصرفاتها

_ والله اني لحد هسه مصدومة معقولة حكيم يحب وحدة مثل هاي ويتزوجها ويجيبها للبصره غير يسوينة مضحكة

_ من كالت يزوجها ويجيبها للبصره حسيت كلبي انقبض لزمت صدري افرك بي احس اختنكت

_ شبيج يمعووده اسم الله من اجيتي لسه كل ساعة تنتكسين

_ مابية اريد انام بس خل تطلع هاي العوبة

_ ضلت واكفة يمي شويه واجة حكيم صاح بصوت عالي

_ياااا بناات جهزن غده اليوم نبأ تبقه يمنا تقرب علينة بهدوء ولزم نجااة من ملابسها نصة صوتة وحجة بغضب

_ اخذذي نرماان وطبن للحمام و ممنوع اطلعن لو يحترك البيت

نجاة : بصدمه شكوووو

_ اشششش لطلعين صوت سوي مثل ماكتلج اخذي نرمان وقفلن باب الحمام عليجن ومطلعن ابددد لو شيصير واذا وحده سوت شي غير الجاي اكوله احط طلقه براسها

نجاة : كمنة نباوع وحدة على الثانيه بخوف فجئة تغيرت ملام حكيم الى مبتسم .. طلع يمهم اخذت نجاة وطبينه للحمام وهية تباوعلنة بنضرة غريبة بحيث راسها يلتف ويا مشيتنة

حكيم : لزمت ايدها ، حبيبي مشتاقلج

نبأ : يروحي شكد اتمنيت اسمع هل كلمة منك

فاروق : يمعووودين كولو يا الله

نزار : يعيني يافايزه اما تبقي عايزه ههييي

حكيم : خزرت نزار حته يسكت ضليت كاعد على نار لازم اعصابي واني اباوع على الساعه مرت نص ساعه جانت مثل السنة منسبة الي سمعت الباب يندك التفت على نبأ الي كامت ترجف وتتلعثم بالكلام كمت اريد افتحها لزمت ايدي

نبأ : عووفهم خليك يمي لتروح هسه يملون ويرحون

حكيم : حبيبتي طالب اكل بس اخذة واجيج

نزار : همست الفاروق .. شو معدتي كامت تكلب من الرومانسيه

_ حته اني

شويه ودخل بيده علاكه لزم نبأ من ايدها كومها

_ حبيبي صبي الاكل انتي اريد اكل من ايدج

نبأ : تأمر أمر .. لعد وين البنات

_ كامت تريد تطلع ومنشوف غير حكيم لزمها من ضهرها وجتف ايدها ليورة .. سوة حركة بايدة .. وطبو الجيش

نزار : للحضه البيت انكلب كلاب جيش ومسلحين البنية بيد حكيم كامت تصرخ وتقاومة تريد تفلت اجو لزموها وهيه تبجي وتصيح شمرت نفسه بالكاع شالوها وكلبشو ايدها سحبو جنطتها وطلعو منها مسدس نوع Heckler وخنجر واوراق من ضمنهن مستمسكات لشباب ومبايلات عدد 4 شدو عينها وحلكها بقطعة قماش وسحلوها للسياره طلع وراهم حكيم صاح

_ نزار ابقه هنا اني لازم اروح وراهم للمركز

فاروق : اني هم وياك اروح خلي نزار هنا

حكيم : امشششي

فاروق : طلعنه بسيارتة وراهم للمركز

_ شكووو غير افتهم هاي منو وليش اخذوها

حكيم : ماعرف كلشي ما اعرف بس طبينة اجتني رساله من عبدلله الولد اليشتغل وياي بالمحل مكتوب بيها

_ حكيم اكو وحدة جايتك للبيت

_ اي

_ اقره الي راح اكوله بدون متنطي اي رده فعل هاي البنيه تشتغل علاسة ويا عصابه لزمو جماعتها واعترفو عليها ان هية عدها عمليه نصب على شخص تاجر مال سلاح ثكيل ومن عرفت جماعتها الزمو راحت ختلت ابيتة حته متلزم وانطو عنوان محلك واسمك اجوني للمحل وطلبو مني ابلغك واحنه جايك بالطريق بس دير بالك على اهلك بين منوصل ولتبين الهم اي شي

فاروق : ياااااا ك*** وانتة شلون اتئمن اطببها لبيتك

حكيم : لك نغللللله عرفت تلعبها بس عليييمن رادت بس تعرف شي عني لو عن شغلي ذبحت روحه بت الم****

_ طلعنة للمركز قدمنا بلاغ بيها .. رجعنه بالليل كلش للبيت شفنه البنات مبوزات وعيونهن مورمة مبين باجيات .. ونزار مدلغم

_ شبيجن

نجاة : كلشي مابينه اريد ارجع للبصره بربك عود انته ماخذنه نغير جو لو نغير مشاكل مو من اجينه لحد هسه حضنه طاح معليه اريد ارجع والتوبه اطلع وياك

نزار : دنجبي موزين الله ستر جان هسه احنه بالفتحه السابعه

حكيم : نجااة لتلحين موزين الله سترنه روحو بعد نامو وارتاحو وباجر من الصبح اطلعكم

نجاة : استغفرلله عفتة وكعدت روحي طاكه

حكيم : اباوع على نرمان عيونها مورمة وكاعدة شابكة اصابيعها وتمسح بدموعها تقربت كعدت يمها

_ شبيها الحلوه

_ مسحت وجهي مابية

_ خايفة ؟

_ هزيت راسي وطفرت دمعه من عيني

حكيم : احم .. كومي نجاة فتحي الكنتور طلعي غطوات ومخاديد خل ينامون بالكاع ماعندي دواشك

نزار : بشرفك راح تنيمنه بالكاع

حكيم : لعد وين احطكم

فاروق : والله اني انام بالغرفة والميعجبه خل ينام بالهول

حكيم : وهاي غيرتك انيم نرمان ونجاة هنا وانته على الجرباية

فاروق : بربك شهل ذله زين اني اريد اطلع

حكيم : وين

فاروق : اي مكان اني مجاي انام

حكيم : افتهمت دروبه .. باجر عود نطلع ساعه 12 بعد ماكو طلعه اصلا محد مفتح بس الملاهي

فاروق : اي مو مفتحات هاي هيه

حكيم : رجعت راسي اهز بي هاااااا " طلعت لباب المطبخ طكيت القفل مالته وحطيته بجيبي

فاروق : يامحمد العربي

حكيم : يلا نجااة وين صرتييي ، شوي وطبت بيدها الفراشات والمخدات شمرتهن بلهول وراحت

_ يلا اذا يعجبكم نامو على الديوان والي يدور بروده خل ينام بلكاع

نزار : ههههههههههههههه بالعباس انته تضحك علينه

حكيم : ديلا انجبو ونامو .. رحت للغرفه اخذ ملابس اريد اسبح شفت نرمان كاعده على الجربايه وعيونه حمر تقربت يمها كعدت بلكاع اتئمل ملامحها الباهتة

_ شبيهن عيونج الحلوات بس يبجن شنو طاك السد مالتهن

_ ابتسمت واني امسح دموعي .. عمو عادي اسوي شي بس مترزلني

_ مثل شنو

_ ماتحملت اكثر حطيت راسي بركبته وحضنته حيل لدرجه ماكو شي يفصلنه جسمي كله طخ بجسمه كمت اشهك بصوت عالي واني مجلبه بي بثنين اديه ما اريد اهده شوي وحسيته ارتخه وغمض عينه رفع تك ايد وحطه على ضهري حسيت جسمي ارتجف طخت لحيته بخدي مشه ايده على ضهري وهمس بهدوء

_ اششش اني يمج

_ بجيت بصوت مسموع .. خفت عليك خفت ليصير بيك شي وتعوفني اني ماعندي غيرك لو عفتني امووت

_ اششش لتكولين هيج وين اعوفج انتي مخبله

_ عمضت عيني بسته بخفه على ركبته ماحس غير دفعني حيل وعقد حاجبه مسح وجه بثنين اديه وتلمس ركبته وباوعلي بغضب

_ نرمااان ليش تجرئين وياااي

_ اءء كمت وكفت واني ارجف .. لعد مو حطيت ايدك على جتفهة ليش بس اني ادور حلال وحرام وياي لعد انته مو تكول اني مثل ابوج اني اريد احضن ابويه وابوسه

_ اي اي مثل ابوووج بس مو ابوووج انتي مطالعه من صلبي ابوج وحد واني وحد

_ فهمت كلامه ودنكت .. اني ما اتقصد اجرء وياك بس بحضنك احس بالامان الي بحضن ابوي محاسه بي عموو لتفهمني غلط بس اني احبك

_ اني هم احبج بس مو معناته نغضب الله انتي تعرفين شنو السبب مديت ايدي على نبأ

_ اي كالت نجاة

_ خلص اني لو ما خايف عليكم كفيلج الله ما احط اصبعي عليه تلعب نفسي

_ خلص اني اسفه .. ماحسيت اله تقرب عليه لزم ايدي وباسه .. ضحكت واني خجلانه من تصرفه هاي شنو ؟

_ هاي الختاميه مال حرام

_ هههههههههههههههههههههه

_ وجع صوتج مال دلالات .. نونو بعد ماوصيج

_ لا عموو واني اعتذر منك

_ مسح على راسي وطلع اكره هاي الحركه لن سامعه ام الاسلاميه تكول المسح على راس اليتيم ثواب واني كلش انقهر من واحد يسويه وياي

_ رحت تمددت واني اتكلب يمنى ويسرا لحد ما اذن الفجر ونجاة فوك بالبيتونه تخابر كمت توضيت وصليت ورجعت لفراشي مادري شلون غفيت للصبح شفت نجاة لابسه واكفه "هااي وين ولج "

_ رااااح نطلللللع نتريك بررررررا كووومي لبسي بسرعه قبل ليبطل

_ فركت عيني واباوعله حاطه كيلو مكياج

_ ولج متخافين تترزلين

_ مزوجه وبكيفي ختيبي قابل همة شكو

_ لاجذبين فلاح اذا شافج هيج طالعه ينتفج

_ هيه مرا بالعمر دكووومي

_ كمت فتحت جنطتي وطلعت بنطرون كابوي وقميص طويل للفخذ سمائي وشال وردي اخذتهن وطبيت للحمام سبحت وبدلت وطلعت شفت الولد بالصاله مبدلين وكاعدين

حكيم : راح يصير العصر فضنها عاااد

نرمان : ماعندي شي اني رحت كعدت يمهم طلعت نجاة لابخه وجها لبخ بس شافها فاروق زمخ بيها

فاروق : بت النعاال وين رايحين للملهى

نجاة : شحاطه قابل ..

حكيم : نجاة مسحي ترا ابطل

نجاة : افففففف طبيت مسحت الحمره وخففت فوك عيوني وطلعت

حكيم : يلا كومو

نرمان : كمنه ورا صعدنه بالسياره جان الجو بارد شوية وصلنة يم مكان اسمة البيروتي " على الشط الكعدة مالتة ترد الروح كعدنة على ميز وكراسي راح حكيم ونزار وصو اكل ورجعو شويه وانملت الطاوله اكل بكل ما تشتهي الانفس اكلنه لحد ما شبعنه دفع الفاتوره وجانت مبلغ شهكت بداخلي من سمعتة طلعنة من المطعم اخذنة للمول افترينة ونجاة ماخلت شي ما اشترتة

_ عفيه حكيييم اريد هااي النضاره

_ وين تلبسيها

_ حتلو بالبيت معليه اخذلياها

نرمان : طبينه للمحل اشترالهيا وطلعنه نزار وفاروق راحو محل البسه رياضيه ضلينه نفتر

حكيم : نونو شو ما اشتريتي شي

_ ماعجبني شي

_ المول كله معاجبج شي بي ؟

_ اي

نجاة : جذابه والله اصلا مبينه تمشي وتتحسر

نرمان : باوعت على نجاة بخزره .. ليش اتحسر ؟ اصلا كل هاذه مو بعيني ولا ابالي

حكيم : صايره هواي اجفصين

نجاة : شكلت والله اشاقه وياها شبيكم حطيت ايدي على جتف نرمان وبستها والله مو قصدي

نرمان : لا عادي .. كعدنة عمو على كراسي وطلبلنه حلويات وعصاير

_ ابقن هنا اكلن هسه اجي

نرمان : راح شويه ورجع بيده علاليك حطهن بالكاع يلهث

_ نجاة امشي وياي اريد اخذ رايج بحاجة

نرمان : اخذها وطلعو ضليت كاعدة اباوع على الرايح وعلى الجاي رغم المكان كلش حلو بس ممرتاحه بي وكلش اخجل منهم احسه مو مكاني شوي واجو نزار وفاروق يضحكون كعدو على الطاوله وجرو العصاير والحلويات كلها اكلوها

نزار : خلصت العصير وماعون الكنافة وباوعت على نرمان " العفو هاذه مالتج ؟

نرمان : هههههههههههههه لا بالعافيه

نزار : الله يعافيج اشتريت شلون جنطه مال مدرسه حته اداوم بيه السنه الجايه

نرمان : بصدمه ليش رسبت ؟

نزار : لا بس احضر نفسي حته ما انصدم

فاروق : هههههههههههههههه

نرمان : شويه واجو عمو ونجاة يتمشون بيدهم علاليك

حكيم : اتخرت عليكم

الكل : لا عادي

حكيم : ذبيت الاكياس بالكاع وضلينه كاعدين طلبتلهم بعد نمنميات لان عندي مزعطه لازم اشبعهم

نجاة : يلا هسه وين نروح بعدددد

حكيم : نتغده ونرجع للبيت حته بالليل اخذكم لموسى أبن جعفر ازوركم

نزار : ياااابه صارلي شكد مارايح للزياره

نرمان : حته اني مزايرة ابد

حكيم : لعد بالليل حضرو نفسكم الاجواء الها طقوس خاصة ومريحة كلش للنفس ..

نرمان : طلعنة من المول رحنه لمطعم اسمه ( شميساني ) تغدينة سمج ورجعنه للبيت هلكانين بس طبينة اجت نجاة للغرفه جابت اكياس تقريبا 6 حطتهن وكالت ذني من عمج وطلعت استغربت يا عم ؟ رحت وراها خاف متوهمة

_ نجاة ياعم ذني الي

_ اي من حكيم روحي فتحيهن خل اخابر فلاح لكيتة حارك المبايل عليه وصامت

_ رجعت للغرفه وسديت الباب فتحت اول كيس شفت بي جنطة وشال والثاني جان بي حذاء رياضي والثالث بي حذاء كعب اسود والرابع بي قمصان ثنين نفس الشكل بس الوان مختلفه اسود وردي والخامس بي جنطه ثانيه سوده فتحت الكيس الاخير وحسيت وجهي كام يطلع نار واطرافي بردت شفت بي ملابس داخليه رجعت سديته ماريد اشوفهن ميته من الخجل باوعت على نفسي بالمراية صايره جني طماطة عزززززا شلون هيج يسوي مو عيب طبت نجاة للغرفه مبتسمة ..

_ ها شفتيهن

_ لج شلون جايب ملابس داخليه مو عيب مو عيب

_ وجعه امي ذني اني جبتهن اصلا ماطب للمحل

_ من كالت هيج قالب ثلج ونزل على كلبي .. فتحتهن شفت الوانهم حلوه واشكالهم بسيطه رجعت ضميتهن صدك اني محتاجه ملابس بس ما اكدر احجي رحت بوست نجاة من فرحتي انهن مانسوني بس خجلانه منة قابل منو اني وجيبلي هلكد ملابس بمبلغ مو قليل ضليت بالغرفه افتر شنو اسوي وارد لو ربع الجميل الديسوي شوية وسمعت صوته يكول ..

_ يلا لبسن حته نصلي بالامام

_ كمت لبست كله اسود ويا حذاء الرياضي الجابه لفيت شالي وطلعت بس شافني ابتسم

نزار : شطالع ابو علي اليوم

نرمان : خزرتة

نزار : العفو يابة

نرمان : صدك اشبه ابو علي اروح ابدل ؟

حكيم : خيولي يغار منج طالعه جنج "ليلة كمرية"

نرمان : حسيت بجسمي رجف دنكت واني احسهم كلهم يباوعون عليه طلعنه بالسياره وكل شويه اشوف عمو يباوعلي بالمرايه ويبتسم لحد ما وصلنه صف السياره بالكراج وطلعنه نمشي بسوك ونطب من تفتيش التفتيش

حكيم : امشن خل اشتريلجن جوادر لان مطبن

_ صدك وكفنة يم محل اشترالنة جوادر وجواريب لبسناهن فوك ملابسنه بالشارع وطبينه احنه من جهة وهمة من جهة تلاكينة جوه بس اكو حاجز فاصل بين النساء والرجال ..

حكيم : هنا نتلاكه كبال باب رقم 4 شوفنها

_ ماشي .. طبينه جوه بالامام ازدحام كلش اول ما لزمت الشباك همست بصوت ناصي كمت اعدد همومي ودموعي تجري بست الشباك "

بحقِّ يس والقرآن الحكيم ، وبحقِّ طه والقرآن العظيم ، يا من يقدر على حوائج السائلين ، يا من يعلم ما في الضمير ، يا منفِّس عن المكروبين ، يا مفرِّج عن المغمومين ، يا راحم الشيخ الكبير ، يا رازق الطفل الصغير ، يا من لا يحتاج إلى التفسير ، صلِّ على محمد وآل محمد " ( عن زين العابدين )

دعيت من كل كلبي الله يفرج همي ويحفظ عمو حكيم ويخلي الي دعيت النزار بالنجاح والفاروق بالتوفيق والنجاة بالسعاده الدائمه كملت زياره وصليت صلاه الزياره وقريت الدعاء خلصنه وشفناهم واكفين ينتضرونه رحنه نركض

حكيم : يلا بابا طلعن تلكونة يم الكشوانيه رقم 7

_ افترينه وطلعنه اندور على الكشوانيه لحد ما لكيناهم ينتضرونه راح حكيم جاب احذيتنه واجه حطهن بلكاع اول مادنكنه صاح

_ اوكفن اخذن الاحذيه وروحن للحمامات لبسن وتعالن

نزار : صدك تحجي ؟

حكيم : لعد اعوفهن يتنحن كدام العالم

فاروق : الله يطولج ياروح .. لو ضال يم طارق احسلي

نرمان : بدون نقاش رحنه لبسنه وطلعنه نتمشه وصلنه للسياره ورجعنه للبيت طبينه كلش تعبانين كبل الولد شمرو روحهم بالفراش طبينه اني ونجاة للغرفه بدلنه وكالعاده اخذت مبايله وصعدت للبيتونه تنطي الملخص الفلاح كعدت ضايجه وافكر شلون اشكره على الديسوي وياي فتحت مبايلي شفته متصل على الواتساب ت ادزله بس بطلت استحيت ذبيت المبايل ونمت ثاني يوم اخذنه للجادريه جانت كلش حلوه ركبنه ماطورات مال مي وصعدنه العاب تغدينه برا ورجعنه لليل

_ لمو ملابسكم باجر راجعين

نزار : خاف اشفننننننه متكلي

حكيم : كول الحمدلله

نزار : استغفرلله ..

حكيم : ثاني يوم الفجر طلعنه للبصره وبالطريق ريكتهم حته ميذمرون عليه وصلنه للبصره تلكتنة اصيله من الباب بس نزلنه من السياره تقدمت على نرمان وركعته راشدي اباوع على نرمان طفر الدم من حلكه عقل ماضل براسي رحت على اصيله لزمته من ركبتها خنكتها ولويت ايدها

_ لججججج غبره تمدين ايدج عليها لييييييش

_مو ك ك ك**** وخ خررر ايدك

_ لج نرمان ك**** انتي وعشيرتج كلهم متوصلون الاضفر من اضافرها تقربت عليها وجهي ينفض دم همست بحدية

_ لييييش اخليها اضربج كدامهم وماطالع من حجي فاضل اليفتح حلكة .. كامت تصارع لحد ما خلصوها فاروق ونزار

حكيم : اني تعبت لعبت نفسسسسي من هااااذه البيت وييين اولي لج طفلة طفلة ماعرفتي تحتويها الله واكبر على راسج لج اصيله مو عددددج بناااات لتنسين

اصيله : ولك يا طفله ك*** هاي اكو بنيه بكد البغل تطلع ويا 3 شباب البغداد وووين كاعدين احنه عبالك اسوي بية هيج اخاف منك واسكت والله ما اعديلكياها

نرمان : عمة حبابة ماعيدها كااافي سكتي عموو راح يصير بي شي تقربت يمة وهوا يتنفس سريع ردت الزم ايدة من الخوف بس هم اخاف منة يارررب وين اروح

اريد ارتاح لو ليله ياهو اليخسر حجايه ويكلي شبيج واحجيله .. !؟

يتبع ......

نهايه البارت : ادري البارت مو كلش طويل بس اليوم باليل هم الكم بارت مني بس ادعولي زوجي ميجي حته اخذ راحتي بالكتابه منوراكم حته الرجال بعد ماريده😂😂😂

بنات عليجن الله لتنزلن عليه بلتعليقات😁😁

سالفه نبأ راح تفهموه بلبارت الجاي

الكاتبه : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

_________________________________________

نرمان : عمه حبابه ماعيدها كااافي سكتي عموو راح يصير بي شي تقربت يمه وهوا يتنفس سريع ردت الزم ايده من الخوف بس هم اخاف منه يارررب وين اروح

اصيله : امشي لج قندره طبي جوه وحسابج عندي

حكيم : روحي طبي جوه كدامي خل اشوف شلون تحاسبج

نرمان : اباوع عليهم وارجف الله ياخذني لو كاعده وساكته كمت ابجي بصوت عالي تقربت يمي نجاة لزمتني وسحبت ايدي صعدتني فوك ضلت عمتي تسب وتلعن بس صعدنه فوك طبو الولد صايرين اعصاب

فاروق : انته عليمن هيج مسوووي بروحك منو يستاهل عوف البنيه يم عمتها جوه معليك بيها هيه عمتها وحره بيها يتجازن

حكيم : كافي فاروق اني ماناقصك

فاروق : لا مو كافي باجر لو عكبه تزوج وتروح وتنساك عليمن هيج مسوي بروحك حكييييم احنى مناقصين مشاكل ولا انته ناقصك تربي وتتحمل بعد

حكيم : كتلك كااافي هيه لو عدها ام بيها خير جان ضلت هنا وكامت تسمع حجي وتنضرب من اليسوه والميسوه هيه شذنبها العالم كلها عافتها وين تروح فهمني تقبلها غيرتك اهيتها بالشوارع

نرمان : بسسسسس كااااااااافي بسسسسس كلكم ماريدكم ودوني يم امي وذاا متودوني اني ارررروح

حكيم : اشششش لتعلين صوتج

فاروق : لج انتي عليمن اصيحين مو حلكج اشكه

نرمان : تحترررم نفسك وكاااافي عووووفوني عوووفوني كعدت على التخم حتى حجابي ذبيته وكمت اصيح واملخ بروحي كرهتكم كرهت الكل منو يحبنييي اني محد يحبنييي ليششش

نزار : كااافي سكتي عليمن هيج اسوين بروحج عمتج تنبح وتسكت اهدي

نرمان : اريد امي اريد ارجع لامي ماريدكم

حكيم : مديت ايدي الها كووومي اريد احجييي وياج

نرمان : ماريد عووووفني

حكيم : سحبتها من ايدها ..

_ هدددني عمووو هددددني

_ طببتها للغرفه وسديت الباب شمرتها على السرير كورت ايدي بغضب .. ياااا ام الترديها

_ امي على الاقل اذا تضربني لو تهيني تبقه امي كافي كافي انضرب وانكسر عمو اذا متدري اني كاعده بيت رجل عمتي وبالاخص بيت ابنه قاطعني

_ معليج بكلام فاروق صكيت على سنوني م ع ل ي ج

_ لا عليه كلامه كله صح

_ لا مو صح يامه ويامه اكو ناس ربت بنات من الميتم وصارو ابنائم وعاشو مرتاحين وهمه بيت غربه

_ انته كلته صارو ابنائم اني بنتك ؟

_ لا

_ خلص لعد عموو اتركني اني وعمتي نجازه عسى ما اذبني بالشارع بعد ميهمني طفرت من عيني دمعه .. حجيت بصوت مبحوح بعد كدامي سنين شلون راح اخلصهن ما ادري .. كمت طلعت من الغرفه لفيت حجابي عدل وباوعت على فاروق بعتب ونزلت جوه بس طبيت الغرفتي طبت عمه اصيله وسدت الباب نزعت نعاله وكامت تضربني بي ضليت صامده ومغمضه عيني ما اريد اضعف كدامها وشوف دموعي لفت شعري على ايدها وكالت

_ شبعو بيج ولج وووين اوديج فهميييني حتى الشايب العايب مارضى ياخذج منورة حجي حكيم الجلب سمعيني قسما بالله اذا ماجريتي عدل اسوي بيج انكس من السويته ابناتي واحرك كلب حكيم بيج اذا بعد كربتي صوبه لو شفتج صاعده فوك متلومين الا روحج

_ هدتني وطلعت واني ارجف كمت اختض من فوك ليجوه جسمي بند من الضرب حررررام عليكم حرررررام

كمت الزم بالميز وصلت للحمام نزعت ملابسي وذبيتهن سبحت وضليت كاعده بالحمام فتره حاضنه نفسي لحد ما سمعت الباب تندك صحت بصوت يرجف

_منوو

_ اني نجاة طلعي حكيم يريدج

_ كليله نايمه عوفيني وطلعي .. كبل سمعت صوته

_ احمم .. نرمان بويه طلعي اريد احاجيج اذا تكدرين

_ خجلت من عرفت بي بالغرفه لبست ملابسي على السريع ولفيت خاولي على راسي وطلعت مدنكه بس شافني تقرب يمي سحبني من ايدي وباوعلهن

_ ليش هيج ايدج ترجف ؟

_ مادري

_ انتبهت على اضفرها بي دم مجمد وداير مدايره ازرك هااي شنووو منو هيج مسوي بيج

_ مسحت انفي وحجيت بصوت مبحوح .. انسدت على ايدي الباب

_ نزل راسه وغمض رجع فتح وباوعلي .. عمتج ضربتج

_ هزيت راسي لا "

_ اجذبين عليه ؟

_ اطلعو اريد انام

_ متنامين كوومي

_ نترت ايدة .. كااافي اتركني اريد انااام .. باوع عليه بنضره غضب عافني وطلع ركع الباب

نجاة : لج ادب سز صارله ساعه فوك هبد البيت على راس فاروق لان حاجاج هيج وانتي هيج تنترين بي

_ بجيت اكثر من كالت هيج .. نجاة تعبت مجاي اعرف اصرف

_ اشش يروحي انتي لتبجين الله ياخذ عمتج ويحرمنه منها يارب

_ امين

_ يلا نامي خل اروح اشوف عمج ليكتل اصيله ونبتلي

_ طلعت وعافتني كمت اكل باضافيري بس لا اصير بعد مشكله من ورايه كمت اروح وارجع بالغرفه ماكدرت انام بس ماكو صوت برا سنطه ضليت لليل بالغرفه ماطلعت ومحد اجاني بهل فتره انطويت على نفسي كلش صرت ما اطلع الا من اساعدهم حتى ميحجون عليه وارجع للغرفه مر سبوعين واني ماشايفه عمو حكيم كمت الوب صرت مثل السمجه المزوهره اريد بس المحه حتى الولد محد كام ينزل جوه ..

_بيوم جنت كاعده بغرفتي وسمعت صوت هلاهل اريد اعرف شكو كمت الوب لحد ما طبت نجاة مبتسمه

_ خير شكو

_ لج تحدد موعد العرس بعد اسبوعين ..وكامت تكمز من الفرحه حضنتها وبوستها

_ الله يسعدج حبيبتي

_ امين وانتي هم

_ بس شلون قبل عمو وهوة رافض زواجج

_ غير صار سبوع فلاح ماخله واحد من العشيره ماجابه وبعدين اجه انطاني 70 رزاله على 110 نصيحه وطلع

_ ومتأكده ولا وحده فكرتي بيه

_ خاب ماتنجبين اريده بس يوافق حتى شرط عليه لو يكطعني اربا اربا ما اجيكم زعلانه لان هاذه اختياري

_ وانتي شكلتيلة

_ ابتسمت .. وافقت طبعا

_ انتي مو صاحيه وترة عمو ميكول الحجايه على لاهيته والله اصير ويندمج

_ شمفاوله عليه هيه تلام اصيله من اتكتلج

_ ههههههه انجبي لج .. عمو شلونه

_ مترحين اسألي

_ هاا بعدين

_ بحماس .. راااح ابدي من باجر اجهز تجين وياي طبعا ماريد مثل العقد موتيني بس تزعلين

_ الله كريم

_ ندري الله كريم وماكو اكرم منه بس تجييين

_ ميخالف .. طلعت تتمايل بجسمها وتغني ..

_ مر اسبوع ثاني واني مشايفه عمو حكيم من يوم الرجعنه من بغداد نجاة كمت ما اشوفها النهار كله بالسوك ويا عمة نهاد طلبت مني اكثر من مرة اروح وياها بس ما قبلت مالي واهس

_ بيوم قررت انتضره للصبح اريد اشوفه احس كلبي طاك على شوفته وكلامه كلشي افتقدت هل فتره صرت هزيله ودموعي متنشف ضليت اباوع من الشباك عسى ولعل يطب والمح طوله صارت الساعة 2 بليل بديت انعس لحد ما شفته طب بسيارته صفطها بالكراج ونزل بطوله وهيبته ورزانته شعره السرح وعيونه الحاده اتذكرت ملمس لحيته من طخت بوجهي نهضت للحديقه شفته ديصعد

_ عمووو اوووكف

_ التفتت عليه .. خير شتردين

_ اريد احجي وياك

_ باوعت على عيونه تلمع ..

"عوفيني اريد انام"

_حكيم : صعدت بالدرج استوقفني صوت شهكتها درت وجهي واشوفه حاطه ايدها على صدرها وتبجي بحركه" نزلت مفزوع .. شبيج

_ كمت تكرررهني مو

_ لا

_ اي

_ ماكرهج نرمان روحي الغرفتج لتطلع عمتج وتكتلج عوفيني اريد انام

_ افتهمت قصده عود يردلياها .. تكتلني وانته موجود ؟

_ ضيق عينه بخبث .. مو انسدت الباب على ايدج ذاك اليوم ؟

_ ايي عمو اريد احجي وياك مخنوكه ضل يمي

_ نعسااان .. عفتها وصعدت فوك طبيت وسديت الباب فتحت شباك المطبخ اعاين شفتها بعدها على وكفتها وعينها على الباب جريت نفس ضليت واكف انتضرها تروح شويه وراحت سديت الشباك وطبيت لغرفتي نزعت هدومي شمرتهن وتمددت بفراشي حطيت ايدي على راسي افرك بي كلبي يتكطع عليها بس لازم اقسى لازم تتعلم الصح من الغلط ماحب اشوفها تغلط ميلوكلها الغلط اتذكرت دموعها وغصت كلبها الصارت بكلبي ضليت اتكلب والنوم جفاني لحد ما سمعت الاذان كمت صليت وقريت جزء من القران كمت اثاوب سديت القران وسجدت

اللّهم إنّي أسالك إيماناً دائماً، وأسألك علماً نافعاً، وأسألك يقيناً صادقاً، وأسالك ديناً قيّماً، وأسألك العافية من كل بليّة، وأسألك تمام العافية، وأسألك دوام الصحه "

وراحة البال، اللهم لا تكسر لي ظهراً ولا تصعب لي حاجة ولا تعظّم عليّ أمراً، اللهم لا تحني لي قامة ولا تكشف لي ستراً ولا تفضح لي سرّاً. يارب العالمين .

لميت السجاده حسيت براحه مو طبيعه تمددت ونمت ثاني يوم الصبح جان لازم اروح البغداد اكمل شغلي الاوضاع موزينه والطريق صار خطر بعد دخول عصابات داعش الفيطيه الى العراق وهم لازم احضر محكمه نبأ سبحت وبدلت ونزلت جوه اتذكرت عرس نجاة طبيت انطيتها فلوس

_ هاج ذني خلي نرمان تطلع وياج للسوك تشتري شي للحنه والزفه

_ مترضى تطلع وياي اتوسل بيها

_ حاولي تقنعيها .. اني رايح البغداد

_ صدك تحجيييي حكيم  مابقه شي على العرس 6 ايام

_ عندي شغل ما اتأخر بحيل الله عكب باجر اني يمكم حتى اتفرغلج كرصت حنجها " وازفج بيدي "

_ لزمت ايده بستها فدوه الطولك يانضر عيني

_ يلا اني رايح .. طلعت من البيت متوجه البغداد لازم اروح اودي بضاعه للمحل واجرد القوائم واسلم المحل بيد عبدلله لان بعد ما اكدر اسافر هواي الاوضاع موزينه بين ما تهده .. وصلت لبغداد الضهر ضليت مشتول بالسيطره قريب 3 ساعات رحت بوجهي للمحكمه الي فهمته نبأ مصابه بمرض الانفصام بالشخصيه لذالك جانت تتخيل الدم ومرات تحاجيني على اساس اني حبيبها ومن تحس تسد المبايل بوجهي انحكمت حكم مخفف 3 سنوات نصب واحتيال طلعت من المحكمه بوجهي  للمحل بديت اكمل شغلي لحد ساعه 12 بليل قفلت ورجعت للبيت ذبيت ملابسي وتمددت فتحت جهازي شفت مكالمات لم يرد عليها من اخواني دكيت على فاروق وكمال انطيتهم خبر بوصولي سديته وشفت رسايل من نرمان مكتوب

_ عموو شلونك طمني عليك مشتاقتلك ، حباب رد عليه ، ينكص الساني قبل لا اطوله عليك ، الوو عمووو جاوب

_ دزيتلها .. ليش تغلطين وبعدين تتأسفين ترة هل شي مو الصالحج .. مباشراة ردت

_ انته بخير وصلت ؟

_  اي وصلت بيتي

_ متت اليوم ماخليت واحد ما سألته عليك لدرجه اخذت مبايل فاروق ودكيت عليك منة وماجاوبت انجنيت

_ ضحكت على سوالفها  ... دزيت فاروق انطاج مبايله لعد شمسويه بي

_ اي على كولت نزار اخذت المقسوم منه

_  جريت نفس .. شلونج

_ اذا انته بخير اني بخير

_ اني مو بخير

_ ليش

_ لان السانج صاير طويل

_ كصه

_ وبعدين شلون راح اصيحين وتنترين ؟

_ اخخخخ يمة كلبي طك ندمني على اليوم العليت صوتي بي دزيت .. بعد ماعيدها

_ ليش يوميه تغلطين مو خلصتي كلبي شوكت تكبرين

_ عموو هاذه الموجود ابقه نونو وتبقه تحبني صح ؟

_ ههههههههههههه شكد خبله دزيت .. صح بس خفي على كلبي شويه

_ سلامت كلبك قابل شمسويه هوا الساني طول بس يروحلك فدوه

_ صفنت على كلامها هااي شوكت كبرت وكامت تعرف اسفط حجي ؟! غيرت الموضوع .. باجر روحي ويا نجاة للسوك

_ لا ماروح

_ شكلج كولي صار

_ ماروح اضل بس تفتر ورجلي تكوم توجعني وبعدين شسوي رايحه هيه عروس اني ياهو مالتي

_ بووويه كله صوووجي هل لسان دزيتلها .. روحي نامي لاضلين سهرانه

_ بس مجايني نوم

_ مو جنتي نعسانه ذاك اليوم

_ طكيتها بضحكه ونجاة كاعده كبالي تحف بوجها اجت تركض تريد تعرف شبيه سديت المبايل وضميته ورايه

نجاة : جلببببه ويامن تحجين واضحكين اني اعلمج اذا ماكول الحكيم واخلي ياخذ المبايل

_ وجع شكد حشريه مو النهار كله تتمضحكين بالمبايل فديوم ادخلت

_ حبيبتي اني مره مزوجه انتي شعدج

_ خفت لسويلي سالفه .. ترة جنت احجي ويا عمو حكيم وضحكت

_ شتحجووون ولجججج

_ هيج

_ شنو هيج صايره محادثات وكذااا

_ يوو نجاة اني راح انام

_ بعد وكت

_ اجتني أوامر من فوك

_ هههههههههههههههه روحي 

_ رحت الغرفتي فتحت المبايل .. ما داز شي استحيت اراسله بعد غطيت وجهي واني فرررحانه اصالحنه نمت تقريبا مرتاحه ثاني يوم اجت نجاة اتوسلت بيه اروح لان عمو منطيها فلوس حتى اشتري فستان

_ يلا لتضلين تتمقلجين ترا اضلين مجروده بالعرس ويضحكن عليج نسمه ورحاب يغسلنج غسل

_ كمت لبست جبه وحجاب وكفت يلا راح اولي امداني

_ عفيه ..

_ طلعنه من البيت رحنه للسوك ودانه كمال ويا اسراء وروان طبينه ضلينه نفتر ونجاة كلشي ميعجبها وذني كامن يلحن نريد نرجع عدنه جهال

_ كاافي منو كللجن تجن مو دكيتن رجل والقران اضل افتر للفجر معليجن

روان : يمعوده بتي ترضع هسه ماتت من الجوع

نجاة : خلي نجم يرضعها

نرمان : هههههههههههههههههه ضحكت بصوت عالي باوعت على روان تخزرني ضلينه نفتر للمغرب حجزت 3 بدلات لان من العادات لازم عدد فردي هيج سمعت منها طبينه محل اشترت روان فستان ذهبي واسراء اخذت نيلي ردان ضليت اكلب اريد فستان حلو ماكو اخر شي تعبن وكعدن بمحل مال مرطبات وطبيت مجمع مقابيل المرطبات شفت فستان احمر كلش حلوو عجبتني تفاصيله البسيطه اجه ابو المحل بس شافني ابتسم

_ كلش حلو على جسمج هاذه وبذات انتي عندج خصر

_ باوعت عليه بصدمه ونزلت عيني على بطني زمخت بي انته شكد متستحي وبلا اخلاق

_ على كيفج شكنالج .. علي شوووف البنيه شتريد بيعلها

_ عافني وراح يطبه مرض متحرش حقير اجه الولد نزل الفستان خفت اطب اقيسه بس مبين راح يطلع حلو عليه طلعت الفلوس الاخذتهن من نجاة واشتريته اخذته وطلعت شفتهن ينتضرني

_ وين صرتي يمعووده

_ العفو اتأخرت

نجاة : لا عادي يلا امشن هاااج هاذه العصير الج

_ اخذته منها وخابرو على كمال اجة رجعنه للبيت اول ماطبيت جنت كلش فرحانه بالفستان كبل دخلت قفلت الباب وذبيت ملابسي ولبسته وباوعت بالمرايه على نفسي مو جنه مشلح شجاني واخذته

مثل/

_بهل اثناء طبت نجاة بس شافتني شهكت وصوفرت .. لج هاي شنووو بربج راح تكسرين عليه لا عيني نزعي متلبسي

_ صدك اني هم هيج اكول مالبسه عيب كلش مشلح

_ انجبي لج اشاقه وياج طالعه غير تموووتين غير من طبيت عبالي طابه غرفه غلط وبعدين تعااي شنوو هاي الكيمر شو مشايفته من قبل شغلات منفوخه وشغلات منحوته ؟؟؟

_ معت من كالت هيج .. اءء نجااة طلعي اريد ابدل

_ غمزتلي بدلي بدلي

_ سديت الباب وراه ضلبت واكفه على المرايه اباوع على نفسي شكد حلوه بس شيفيد الجمال واني ما مرتاحه نزعت ملابسي لبست تراك مال بيت وعلكت الفستان سمعتهم يصيحون عليه للعشه ماطلعت تمددت ونمت تعبانه كلش من المشي كسرت ضهري نجاة ثاني يوم الصبح فزيت على احلى صوت ممكن اسمعه كمزت من الفراش غسلت وجهي وطلعت بس شفته ابتسمت لا اراديا تقدمت عليه كلت

_ صباح الخير

_ صباح النور

_ متريك لو اسويلك ريوك ؟

نزار : شهل دلال شو انه محد معبرني القنفه راح يطلع بيها طحالب كد ما لازك بيها مافديوم اجت ولو همسا نعم صوته يقلد " تريد ريوك "

حكيم : هههههههههههههه لا ما اريد تريكت بالطريق

نرمان : ليش خل اسوي واكل وياي حباب

نزار : صديك انته مافي مح يكولك انه اكل بالطريك

الكل : ههههههههههههههههههههه

نرمان : رحت للمطبخ سويت ريوك وجبته حطيت الصينيه كبال نزار ..

نزار : هاي رشوه ؟ لو تحسين علاقات

نرمان : خررب لو شسويلك مترضى عمي شتعتبره اعتبره

حكيم : عفتهم يتناكرون وطبيت اسلم على ابوي مفتقده اول ما شافني اشرلي بيده رحت حضنته وبست راسه

_ ا اءء شلونك

_ زين دامك راضي عني

_ اشر على كلبه ورفع ايده بمعنى " على الله   "

_ كعدت ويا شويه نسولف على عرس نجاة استأذنت منه وطلعت صعدت فوك سبحت وبدلت ونزلت جوه شفتهم يصبون غده ما كعدت وياهم

كمال : يابه اتفضل ويانه انته غريب

_ بالعافيه

نزار : والله طيب دتعال اليوم عمة نهاد طابخه التمن ما معجن

حكيم : ضحكت بصوت مسموع واصيله كامت تخوزر بنزار

نرمان : اي والله اكول ليش الاكل طيب اليوم

نزار : هههههههههههههههه

اصيله : ولكم لحم جتافكم من طبخي

حكيم : قصدج من خير فاضل .. الصمت وكمت طلعت مالي خلك المشاحنات صعدت فوك ودزيت رساله النرمان

_ اذا خلصتي غده تعالي يمي .. مر 10 دقايق وردت

_ حباب لتزعل بس حالفه ما اصعد فوك بعد

_ ترا بعدني زعلان من سوايتج

_ لعد مو اصالحنه

_ منو كال ؟

_ وهسه شلون اصالحك

_ تعالي يمي ونتفاهم على الصلح

_ ما اصعد

_ لعد خليني زعلان

_ كمت اكل باضافيري هسه شسوي اذا اصعد معناته ماعندي كلمه وذا ابقه يضل مطنكر ويسمني شسووي اخر شي قررت اصعد ماعندي غير حل شفت البنات بالمطبخ والولد بالهول طلعت بلا ميحسون وصعدت فوك بس فتحت الباب سحب ايدي وسد الباب ضليت جامده بمكاني ام السان تريدين تنامين موووو

_ اءء عمو اسفه

_ شكم مرا كتلج اكره الاسف

_ لعد شكول

_ والله اليغلط لازم يفكر يصلح اغلاطه

_ شلون

_ ميل راسه مادري

_ يعني اذا تطلب مني طلب واسويلكيا ترضى عني ؟

_ احتمال 

_ شنو تريد

_ تقرب عليه صرنه عين بعين واشر على رجلي ذني

_ رجعت ليورا شبيهن ؟

_ لبسيهن جواريب

_ جواريب ؟ مو البس

_ حتى بالبيت كدام الكل

_ رجع ليوراه وكال .. همم شكلتي توافقين ونصالح ؟

_ هزيت راسي وبلعت ريكي .. طب نزار مباشراة طلعت نزلت بالدرج كلبي يدك سريع ليش هيج صار بيه ليش مجاي اكدر اتنفس ليش ويا كل كلمه منه يقشعر بدني طبيت الغرفتي وجهي موجر نار شويه واجتي روان دكت الباب

_ كومي جاي نعزل الهول تعاي ساعدينه

_ كمت غسلت وجهي واني احاول اهدي نفسي طلعت برا وياهم حته التهي

حكيم : للعصر نزلت دزيت رساله النجاة .. تعااي اريدج ماطولت 5 دقايق واجت

_ ها ردتني ؟

_ اي تعالي الغرفتي طبيت واجت وراي سديت الباب

_اسمعيني نجاة

_ كول

_ انتي راح تزوجين وترحين البيت فلاح وفلاح مو غريب ابن عمنه وان شاءلله ترتاحين وميقصر وياج اني اذا ترجعلي ماراضي ومعتز بيج فوك متصورين بس هاذه اختيارج نجاة راح اصيرين مرا مزوجه لا ازعلين على كلشي ولا تبجين على كلشي خلي دمعتج عزيزه مو ياهو اليجي ينزلها وحطي الله بين عيونج بمرته وجهاله مهمى يصير ذوله حالهم حالج شلج عليه حق همه هم الهم نفس الحق ماريد باجر لو عكبه يجي واحد يكلي ماعرفت تربيها اني كسرت ضهري بيج لتنزلين راسي لو راس ابوي وهاي اني اكلج لو رايده هسه تبطلين ونلغي كلشي ماعندي مانع وابن امه اليفتح حلكه

_ لا لا والله ارفع راسك

_ نجاة افتهمتي لو لا اني ما اكدر ادوس وياج بالحجي لان انتي مو صغيره وكلمن يعرف الاله والعليه مفهوم

_ مفهوم

_ يلا كومي طلعي اريد انام باجر عندي كومه شغل على راسي

_ نزلت جوه افكر بكلامه وبالي مشتت طبيت للهول شفتهم ينضفون كمت انضف وياهم على الواهس مرت 3 ايام على احر من الجر اجه اليوم الموعود جنت متوتره لدرجه محد يصوره رحت للصالون واني ارجف خايقه من مصيري المجهول ويا رجال عنده مرا وجهال

نرمان : اجه يوم الحنه بيومها للعصر خلصنه ترتيب اجت العالم واني ما مبدله طبيت للغرفه على السريع سبحت وبدلت وشسورت شعري لبست الفستان مالتي اخذت من نجاة كحله وحمره حطيت شي ممبين بس عيوني برزت اكثر رشيت عطر ولبست الحذاء الكعب الجابة حكيم من المول سمعت صوت رساله اجتني رحت فتحت المبايل قريت

_ خاف اطلعين برا الهول تلبسين جبه وحجاب وللحديقه ممنوع توصلين

_ دزيتله ماشي

_ رجعت اباوع على نفسي استحي اطلع بهاذه الفستان شلووون شويه وسمعت صوت الهلاهل عرفت نجاة اجت دست على نفسي وطلعت بس شافوني ضلو الكل مبحلقين بيه اتلعثمت بنضراتهم سويت نفسي ممنتبه دنكت اعدل حذائي رفعت راسي واشوف عمو حكيم ونزار وفاروق واكفين بالكليدور مبحلقين بيه للحضه عمو زمخ بيهم واندارو .....

_ قوامك فتان وطرفك احور ووجهك من ماء النقاوة يقصر تصورتك في عيني اجل تصور فنصفك ياقوت وثلثك جوهر وخمسك من مسك وسدسك عنبر وانت شبيه الدر بل انت ازهر فلا ولدت حواء قبلك واحدا ولا في جنان الخلد مثلك اخر فيا زينت الدنيا وغايه المنى فمن الذي عن حسن وجهك يصبر فائن شئت تعذيبي من سنن الهوى وان شئت تعفي فائنت مخير

يتبع ..

الكاتبة : ( Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

تعال بصدري نام سنين جيب وياك كل تعبك

واحشر تعبك بصدري انه اهواك واتحمل

فرفح روحي هم اقبل غير وليدي المدلل ♡

عود ليش ممتابعات حسابي ؟؟

_________________________________________

_ رجعت اباوع على نفسي استحي اطلع بهاذه الفستان شلووون شويه وسمعت صوت الهلاهل عرفت نجاة اجت دست على نفسي وطلعت بس شافوني ضلو الكل مبحلقين بيه اتلعثمت بنضراتهم سويت نفسي ممنتبه دنكت اعدل حذائي رفعت راسي واشوف عمو حكيم ونزار وفاروق واكفين بالكليدور مبحلقين بيه للحضه عمو زمخ بيهم واندارو .....

_ قوامك فتان وطرفك احور ووجهك من ماء النقاوة يقصر تصورتك في عيني اجل تصور فنصفك ياقوت وثلثك جوهر وخمسك من مسك وسدسك عنبر وانت شبيه الدر بل انت ازهر فلا ولدت حواء قبلك واحدا ولا في جنان الخلد مثلك اخر فيا زينت الدنيا وغايه المنى فمن الذي عن حسن وجهك يصبر فائن شئت تعذيبي من سنن الهوى وان شئت تعفي فائنت مخير .. ♡ حكيم '

حكيم : طلعنه الصبح الحلاق اني ونزار خلصنه وديت دشداشتي ودشادشت نزار للكوي وصيت على ديجي للنسوان جابو وصيت عشه للحنه ونزار جاب الكيك وكبسات الببسي ترسنه براميل مي وثلج وحجيناهن بيه حته يبردن خلصت شغلي سبحت وبدلت لان عازمين بيوت عمامي بالبستان فلاح قرر ميسوي حنه بس كعده وراح نسويه ابيتنه باعتبار ابوي الشيخ وهمه مو غربه طبيت للهول انشف بشعري شفت فاروق مدلغم ويكلب بالتلفزيون ..

_ شبيك متكوم تبدل ماضل وكت

_ لا اطلع ولا اوصل وييين صايره هاي ياخذون بتنه ونسويلهم كعده وعشه ويجي فلاح النكس يدوس بيتنه بعد ما طعني بضهري

_ فاروق شكم مرا حجينه بهاذه الموضوع لك بابه صارت على ذمته متغير شي بعد بهاي تصرفاتك بس تكره روحك بين الوادم

_ اليكرهني هوا وهاذه اشر على الابسه برجله

_ مو هيج راح تبين كدامهم انته مراضي واختك كسرت خشمك واخذته غصب عنك .. بس كتله هيج انتفض وكام يسب

_ شنو غصبا عن خشمي لو اريد ميت نعال اركعه هيا ويا

_ والعالم شمدريهم ؟! بعد بكيفك تريد الوادم تاكل وجهك انته تدري الناس بيت بلاء ميسكتون واليوم الولد كله جايه .. المهم لتجي بس شكللهم اذا سئلو عليك ؟

_ احم .. عدل كعدته ، لتكللهم راح اكوم ازين وابدل خنشوف شنو تاليته ويا نجاة البربوك

_ كام طب للحمام يدردم زين لحيته وطلع .. تلبس دشداشه ؟ .. حته اخلي نزار يكويه

_ اي .. راح البس الرصاصية

_ خوش .. طب نزار ليهث لزم كلبه ، شبيك بويه ليش تلهث رحت للمطبخ جبتله مي واجيت انطيتهيا

نزار : جد جدي احترك شوكت يخطبوني واخلص منكم

حكيم : ههههههههههههه لعد اليوم رتب روحك بلكت تجيك قسمه زينه

نزار : عمي زينه موزينه راضي المهم يستر عليه " نعم صوته .. كلشي مارايدين غير الستر والمي والكهرباء ..

_ انجب لك شو اخذت راحتك انته بالحجي

_ نزول عليك كيمو .. حط راسه على جتفي يقلد نبأ ... كفخته

_ شو صاير هتلي

_ تربيتك

_ هاي اني مربيك وهيج لو فاروق جان اشطلعت

_ جان كتبنه على البيت لافته .. ديسكو النزارق وجواهة ملاحضة : يوجد لدينا جميع انواع الفواحش .. بادارة الحاجة اصيله اطال الله في عمرها

_ ههههههههههههههههههههههه دمعت عيوني من الضحك

_ شوف وين تلكه واحد يضحكك مثلي

_ فدوه الطولك حبيبي .. يلا روح اكوي دشداشه فاروق ماضل وكت

_ ليش اني ميكويه هوااا

_ جاي على هاذه العجوزي هسه يلبسه بلا كوي

_ لعد خل انزله للبنات جوه

_ دكويه انته ترا مو تعبه البنات جوه تلكاهن مخبوصات

_ امري لله هاي الخاطرك بس

_ غمزتله ان شاءلله يوم عرسك واكويلك دشداشتك بيدي

_ يماااا ليش هيج تخليني اشطح مو حيلي باد .. خاف بيه تابعه ومحد يخطبني قلد صوت نرمان عمووووو

_ ههههههههههه اذا اضل يمك للصبح انضل نجادل .. خابرت فلاح اتفقنه ساعه 5 لازم كلشي جاهز اتئكدت من كلشي كامل شفت فاروق ونزار مبدلين طبيت بدلت وطلعت لفيت شماغ رصاصي واحمر على راسي

نزار : اني هم سويليا مثلك

_ تعال .. اخذته منه ولفيته على راسه باوع بالمرايه وضل يوزع ابتسامات باوعت على فاروق تريد اسويلكيا؟

_ لا ماريد شعري يتخربط خلي هيج احلى

حكيم : يلا امشو خابرت كمال كال جبت نجاة من الصالون خل انشوفه وانباركله قبل لتجي النسوان واصير هوسه

_ نزلنه جوه طبينه من باب الكليدور حته خاف اكو نسوان بالصاله زحمه بس فتنه اجت عيني على وحته لابسه فستان احمر طاغي على بياضه الناصع مدنكه وبارزه مفاتن جسمه الجذابه شعره نازل على وجه منزله ايده تعدل بحذائهه نزلت نضري عنه لحد ما رفعت جسمه وبين طوله وضهرت ملامحه ركزت بيه وانصدمت نرررررمان ؟ للحضه فقدت اعصابي من شفت نزار وفاروق يباوعون عليه ويفصلوه تفصال زمخت بيهم

_ نززززلو روسسسسكم

فاروق : نزلت نضري عنه متفاجئ هاي نرمان ؟

حكيم : اخذتهم وطلعت برا كلبي يرجف من شفته واني مادري شصار بيه انفاسي مجاي تنتضم عيوني ثكلت بس اعصابي جاي اجمر كل لحضه اذكر بيه نزار وفاروق شافوه

فاروق : لك هاااي نرمان وين ضااامه هاذه كله واني الحسبالي طفله تاليته طلعت اني الطفل

نزار : اي والله ممبينه لان لابسه جبه

حكيم : قاطعتهم بعصبيه اكسررررو عيونكم النكسه لا اكسر عظامكم

فاروق : لا يابه عليمن تكسر وتطحن بس والله قطعه خرب عرضه

حكيم : لزمت اعصابي بما فيه الكفايه جريت فاروق من ركبته وحجيت من بين سنوني .. قسما بالله يافاروق اذا ضليت تفكر بيهه ساعته مراح احسب اي حساب الخوتنه

فاروق : تريد تضرب اخوك علمود وحده ؟

حكيم : ما ادري شلون فقدت اعصابي من سمعته يحجي بيهه هديته ورجعت خطوه ليورا صارت تراودني افكار غلط كمت اخاف واحد يفكر بيه وتخيل بجسمه قاطع افكاري كلمه من فاروق هزتني هز

_ حكيم تحبهه

_ هزيت راسي لا فارروق ماحبه جاهله شلون احبه

نزار : فاروق شيحب منه شبيكم صلو على محمد هنه شحمايات شفناهن ونسيناهن .. انتبهت على حكيم خزرني حسيت سنونه راح اطك دنكت راسي خاف يهفني براشدي واذني اطوط

حكيم : نزار احجي عدل

فاروق : يعني انته تريد تقنعني الرعشه البيك مو منهه

حكيم : كافي لدوس بالحجي البنيه مثل بنتي اختي شتعتبره اعتبره بس لتفكر بغير شي عبرته اتمشى

فاروق : زين اني اريدك تخطبلياهه

حكيم : استوقفني كلامه .. شنوو عيد ؟

فاروق : اي اخطبلياها شكو بيه .. عبالي ذيج الفتره نفسك بيها .. واليوم من شفتها مرا كاملة مابيه عيب ويامه ويامه بنات ازوجن بعمرها واصغر

حكيم : انته شجاي تخربط شنو نفسي بيهه وهاي الفكره شيله من بالك وحطه باقرب مزبله

_ ليش عود اني حالي حال الشباب اريد ازوج واستقر احسن متروح للغربه

حكيم : تجاهلته لان كلامه ميصير اله على جثتي طلعت برا ادخن كلما اذكر شكله وجسمه يقشعر جسمي اريد امسح صورته من بالي طبت الكشره على راسي

نزار : لك فاروق صدك تحجي تريد تخطبهه

فاروق : سحبت نفس من الجكاره .. شفته شلون تكهرب من كتله اريده

_ وانته صدك حاط عينك عليه ترا ليغرك شكله بعده جاهله

_ هاي شبيك اغات اغاته عندي اخطب نرمان ؟ بس ردت اشوف رده لان متئكد عنده غايه اتجاه وين اكو واحد بهاذه الزمن يربيله بنيه ويحير شيجبله وشيحطله اذا انته عبرت عليك اني متعبر عليه ..

نرمان : بس شفتهم لزمت صدري لان مفتوح طلعو مباشرا طبيت للغرفه احس وجهي جمر ضليت اهفي ميته من الخجل اني النسوان استحي يشوفني انووب عمو واخوانه شلون احط عيني بعينهم بعد كمت اطكطك باصابيعي وافتر بالغرفه سمعت صوت الباب يندك فتحته شفت روان

_ يلا طلعي اجوي العالم

_ طلعت من الغرفه فتحت للصاله شفت نجاة طالعه مثل الكمر ببدلته السمائيه وتسريحت شعره على طوله حاطه مكياج صارخ بس كلش لايق الملامحه بدت العالم تجي وتقريبا الكل ماعرفهم عدا اهل البيت وام فلاح شايفته قبل طبت ام فلاح وياه وحده لابسه عبايه وبيده بنيه تشبه بس شافته نجاة تغيرت ملامحه واختفت ابتسامته من خلال النضرات عرفت هاي زوجته الثانيه والقاجئني انه حلوه وجسمه مرتب يطلع عمره بالثلاثين بس دخلت نزعت العبايه وبين فستانه الاسود كعدت كبال نجاة تبتسم شويه وابن كمال شغل اغاني ساجده عبيد وكامن النسوان يركصن

روان : باعي هاي مرت فلاح الثانيه صخونه جنه بغل

نرمان : سكتي لسمعج خطيه

_ شويه وكامت شدت وصله على خصره وكامت تركص بشكل هستيري اكثريه الحضور جانو يشاورون من يشوفوها حسيت لو يحجون عليه كدامه افضل لان هل شي يحركهه اكثر انتبهت على نجاة دمعت وكامت تفرك بيده تقربت يمها همست

_ نجاة لزمي نفسج لا كدام العالم ترا من حركت كلبه جاي اسوي هيج .. هزت راسه وضلت صامده رجعت المكاني كامت روان سحبتني من ايدي حته اكوم اركص ماقبلت لان اخجل رجعت كعدت اجت عمتي اصيله سحبتني من ايدي وهمست يم اذني

_ كومي ركصي يما خل نشوف طولج

_ اتفاجئت بيها معقوله الله هداهة عليه كمت فرحانه بتصرفه وكلمت يما دكت بكلبي كمت اركص على اغنيه

_ العب بيها يابو سميره .. العب بيها يابو سميره الضحكه هاي تلوك الك لو بيدي اخطفك من هلك

_ تحمست وكمت اهز واركص كامن بنات ماعرفهن يهزن وياي تكابلنه نركص لحد ما اسفل بطني كام يوجعني كعدت الهث شفت عمه اصيله تشاور وحده وتئشر عليه ابتسمتله ودرت وجهي بعدين صاحو العريس راح يطب يحني العروس طلعت جبت جبه وحجاب لبستهن وطبيت اجه فلاح هوا ولد يطلع عمره 9 سنوات لابس دشداشه وغتره باس نجاة من راسه اجت عيني على مرته الثانيه كامت دموعه تنزل وخانسه

نجاة : من باستي وسمعت صوت بجي مرته بأنين تركني وراح باس راسه انقهرت كلش من الجاي يصير ليش جابه بيومه ماحسيت بفرحه ابد حنه ايدي وضل يشاقه واني مدلغه

فلاح : ولج ام خشم باجر تنامين بين ضلوعي

نجاة : باوعتله بطرف عيني .. تقرب باس ركبتي جمدت بمكاني عرفته يريد يكسره كدام العالم

نرمان : ضلو يطكطون صور كمت طلعت اشرب مي جاي افوت للمطبخ سمعت واحد يسوي بسبس رجعت ليورا خطوتين التفتت شفت الولد الشفته بالمهر اشرت على نفسي تحجي وياي ؟

_ اكو احد غيرج لعد

_ نعم ؟

_ ماكتيلي انتي ياصف ؟

_ استغفرلله

_ قلبك عامر بالايمان

_ تقدم ارتجه على الكاونتر

_ هسه مراح تكليلي شسمج

_ تجاهلته ورحت اشرب مي كملت وذبيت الكلاص جاي اطلع كال

_ حلو الاحمر عليج اختيار موفق

_ رجعت عيني عليه باوعت على نفسي ممبين مني شي شلون عرف اني لابسه احمر حجيت بنتره .. وووين شفتني لابسه احمررر

_ اعصابج يابه ذيل الفستان نازل

_ درت وجهي شفته صدك طالع ابتسم ابتسامه ماعرفت افسرها وكام طلع شوووكت تخلص الحنه شكد اكره هاي المناسبات التفتت شفت مبايله على الكاونتر شلته وطلعت اهرول للحديقه مديت راسي جانت هوسه وماعرفت اميزه ضبيت جبتي عدل حته ميبين مني شي طلعت بالباب اتلفت شفته واكف ويا شباب حجيت بهدوء

_ ياولد مالتفت .. يمعود .. اففف هادي بس كلت اسمه التفتو عليه

_ وياي ؟

_ اي هاذه مبايلك تفضل سحبه مني مبتسم كبل طبيت جوه قبل لا واحد يشوفني واصير سالفه رجعت اساعد البنات بتوزيع العشا جايبين حافظات سفري بيها مشاوي وصمون ومقبلات

اسراء : اي والله رحم الله والديه الحكيم نقذنه من المواعين والهوسه

روان : كمال ونجم مارضو يردون ام العراوي ينصبون وطبخ بس ماقبل الله ينطي

_ كمت ادعيله وياهن على الواهس لان صدك يستاهل الدعاء خلصنه توزيع اخذو الالكل الاغلبيه باركو وطلعو واكو بقو ياكلون لليل ماضل احد غيرنه ورحاب وبسمه هم ضلن باتن بس بدلت ملابسي وطلعت اساعدهن ضلينه نشتغل لساعه 3 بليل وراه كلمن راح الغرفته طبيت الغرفه نجاة اشوفه هم دتكمز من الفرحه بس الفاجئني نجاة تبجي وتشهك رحت اركض عليه حضنته

_ ليش تبجين ولج

نجاة : نرمااان ماريده ماريده شفتي شلون باس مرته شفتي شلون شبكهم وطكو صور ليش ماكلي يحبهم ليش اخذني لعد اذا يحبه

_ احجي بس مزعلين

_ مسحت انفه ايي

_ انتي متدرين بي مزوج وعنده جهال اخذيني على كد عقلي وسمعيني اني شكد صارلي يمكم

_ شمدريني اكعد احسب

_ صار سنه صرتو اهلي واعز واني غريبه مجرد عمو حكيم ينصحني كمت احبه وذا اشوفه يزوج ويبوس مرته يمكن اموت بسكته قلبيه انوب مرته وام جهاله تريديه متبجي

_ لج هاي منو مدرسج حكيم

_ لا والله بس الانسان من يتعلق بشخص يصعب عليه يشوفه مع شخص ثاني

_ اي اني ما اتحمل خلي يطلكني

_ مادري شوفي عمو واحجي ويا

_ مسحت دموعه وفتحت جهازه دكت على فلاح وكامت تبجي وتكوله طلكني كمت اشرله ميصير هيج تحجين بس متسمع مني ضلت تتعارك وتصيح نص ساعه وفجئه بدون مقدمات كامت تضحك وتكول ييي مممم صدك هزيت ايدي وطلعت طبيت الغرفتي ميته تعب نزعت الجبه والحجاب شمرتهن فتحت مبايلي شفت مكالمات لم يرد عليها ورسائل بس دخلت على الواتساب شفت رساله كامت تنطح رساله قريت اخر وحده مكتوب بيه

_ وينج ساعه 3 شدسوووين

_ دزيتله .. شبيك عمو خير مباشرا رد

_ تعالي يمي اريد احاجيج

_ تعبانه خليه باجر

_ تجين لو انزل اني

_ لا راح اجي دز

_ لبسي جفن وتعالي اصبعج مالمحه نرمان

_ كتبت ماشي .. انقهرت من كلامه لبست جبه وحجاب وجواريب مالي خلك الرزايل طلعت من باب الهول لان فارغ صعدت بالدرج كبل انفتح الباب قبل لا ادكه طببني وسده بيده جكاره سحب منه نفس عميق ونفخه بوجهي غمضت عيني من الدخان وكحيت عافني وكعد على التخم يدخن باوعت عليه بعده بدشداشه بس فاتح الدكم مالته باوعلي بطرف عينه وكال

_ شلون اطلعين هيج بالممر

_ شمدريني انتو راح اطبون

_ الفستان منو جابلجيا

_ اني اشتريته

_ منين

_ طلعت ويا نجاة اشترينا من السوك

_ صفن بوجهي صفنه طويله عبالي جمد شوي وحجه بحت صوته

_ ليش تلبسين هيج فساتين مو مال عمرج

_ خجلت من كلامه دنكت وضليت ساكته حسيت نفسي صدك غلطانه الفستان كلش مفتوح وغلط البسه

_ ليش سكتي

_ اخاف اكول اسفه وانوب تكب عليه

_ ماسويتي شي غلط حته تتئسفين تعلمي خلي كلامج عزيز مو كله تستاهل تعتذريله حته اذا جنتي غلطانه ساعات يكون المقابل يستحق تغلطين بحقه

_ يعني بعد لو شيصير ما اتئسف منك ؟

_ هوا هاذه التعلمتي من الحجي

_ ءء عمو نعسانه مجاي اكدر اجمع خلي انزل جوه انام باوع الساعه بيش

_ ضايج ضلي هنا الولد راحو يسهرون ويا فراس

_ اي ليش مرحت وياهم

_ ماحب كعداتهم مو مزاجي

_ بربك لعد شنو مزاجك اني ؟!

_ باوعلي بحديه واخذ اخر نفس من الجكاره وشمره بالكاع وداس عليه برجله وحجه ..

" والله لانعل ابو شكلج "

_ سكيوزمي !

_ ماسمعت غير طكهه بضحكه رج البيت بيهه

_ عمو اني نازله عفته اريد انزل وسمعت صوت حجي كل شويه يقترب التفتت على حكيم كام وكف واشرلي بيه اششش اندكت الباب وصار صوت نقاشاتهم عالي اشرلي ادخل للغرفه واقفل الباب على نفسي سويت مثل ماكلي وسديت الباب لازمه كلبي

_ ياربي شيخلص هاي اليله على خير صار صوت كلامهم عالي واكثر من شخص وكفت اسمع

_ هاذه العار ميرضه يبات اله بالبيت جبنا واجينه نكمل السهره يمكم لان منكدر نستغنه عنه هوا ملح الكعده

نزار : مديتله ايدي بوووس

_ ولا تستقر السلطانه هويام

حكيم : اخذو راحتكم اني اريد انام

_ يمعود وين بعدنه كاعدين

_ باجر عندي هواي شغل وباوع الساعه بيش

الكل : مرخوص اخذ راحتك

_ طلعت من يمهم فتحت باب الغرفه على كيفي حته تعرف اني راح اطب اول ما دخلت شفته على وكفته سديت الباب ..

_ عمووو اريد انزل شلووون

_ ابقي هنا ذوله ميطلعون هسه

_ ابقى هنا ؟ لا فدوه اريد انزل اذا الصبح اجو ومالكوني بفراشي اصير طلابه مالي خلكهه

_ ضلي هنا ومعليج

_ ما اضل خلي اطلع ويشوفني قابل شكو مو لابسه جبه وحجاب زمخ بيه

_ الصمييي نررررمان لتصيرين هيلك بهليل

_ سكتت ورحت كعدت على شازلونه اطكطك باصابيعي نتر

_ جججج ازعااااااج

_ راح تمدد وطفه الضوه .. ضليت احوس بالغرفه اخر شي فتحت مبايلي طلعت قصه مال فصليه لكيته منشوره بالفيس قاريه منها شويه كعدت اكملهه صار موقف كمت اضحك بي شويه وشفته رفع راسه صفن بوجهي شويه ..

_ ويامن تحجين ؟

_ ماحجي ويا احد جاي اقره قصه

_ ماليش

_ رحت يما كعدت على طرف السرير مال فصليه

_ شو وينه .. كام شغل التيبلام واخذه مني ضل صافن ساعه يكلب بالقصه

_ هااا عمووو شجاي تقره مو خوفتني

_ انتي مقتنعه بهاذه الخرط ؟

_ الصراحه " اي لان شوف الاحداث اكلت وشربت وبدلت والمصيبه الصارتلهم خطيه وراحت فصليه بس الله عوضه

_ اذا احجي تقتنعين ..

_ اي

_ اني ابن شيخ وعشاير وطاب وكاعد بمضايف مصاير لو ربع الصاير بهاي القصه ادري منو كاتبه سونك

_ ليش

_ وين اكو واحد ينطي 100 مليون وبنته فصليه بالعرف العشائري كله ماصايره بالقوانين مال عشاير اهل المصاب يكسرون ضهورهم بمبلغ قوي والي ماعنده ينطي بنته فصليه لو دم بدم الفصليه تروح حته يذلوه ويكسرون ضهر ابوها بيها وهل شي معروف عند الكل واضل بدون عقد محكمه العمر كله وذا رادو يدفعون مبلغ ذاك من ذاك الينطي 50 مليون لان بيوم الفصل تحضر هواي عشاير طبابه خير وكل شيخ يوكع من المبلغ شي حته يسهلوها وبعدين وين اكو واحد يودي بنته لبيت الفاصليهم ويكله دير بالك عليه هاي الغاليه وذاك يجاوبه احطه بعيني لعد ليش ماخذيه حته اسد مكان ابنهم ؟ وبعدين ثلاث ارباع الشيوخ الياخذون فصليات يعقدون عليهن زلم بكد ابوي ماكو شاب يرضه ياخذ فصليه اغلبهم يستنكف لان اضل ذليله العمر كله وتنذكر من جيل الجيل لاااا وفوكاه يكلله سنه واطلكج وترجعين لاهلج ..

_ عزا عمووو واني من قريته ليهسه مندمجه وافكر هسه شلون عايشه ونياله راحت فصليه

_ شوفي بابا اني مو من حقي امنعج من شي اذا حابه تقرين هاي الامور خليله حد بعقلج مجرد قصه اتسله بيه ومن اخلص ارجع امارس حياتي اتمنى متخليه من ضمن اساسياتج خلي كلشي اله حد او وقت وبالأخير هاي حاله حال اي مسلسل نشوفه ومن تخلص نشوف غيره

_ والله اني اقره هواي مجرد اضيع وكت لان عطله

_ السنه الجايه ثالث تريدين اجيبلج كتب تهيئين نفسج للوزاري حته الماده اسيطرين عليه ترا اني ما اخلي مدرسين وبذات انتي بنيه

_ بكيفك

_ يلا طفي جهازج وكومي توضي خل نصلي

_ شلون اروح للحمام

_ عفته وكمت توضيت شفتهم مجطلين بالصاله كلمن بمكان اشرتله تجي تتوضه طلعت انتضره برا شويه واجت فرشنا سجادات ثنبن وكفنه نصلي صلاه الفجر سلمنه وكعدنه

_ تقرين وياي دعاء

_ ابتسمت اي

_ هاذه الدعاء تقري 7 مرات ورا اي صلاه واطلبين شنو تريدين بتوسلك بنبي الرحمه محمد راح ادزلجيا بالوتساب حته تقري دائما واضبي عليه بكل شده اذكري

_ هزيت راسي فرحانه بده يقره واني اردد ورا

_ بسم الله الرحمن الرحيم ..اللهم اني اتوجه اليك بنبيك نبي الرحمه واهل بيته الذين اخترتهم على علما على العالمين اللهم لين لي صعوبتها وحزونتها وكفني شرها فأنك الكافي المعافي والغالب القهار ... عبد الحميد المهاجري مجرب "

_ خلصت واني رافعه ايدي مسحت وجهي وكمت لميت السجاده

_ تعاالي نامو خل انزلج

_ طلعت اتمشى ورا بخفه فتح الباب ونزلني ضل واكف ما طب لحد ما شافني دخلت ركضت الغرفتي طبيت بفراشي وحسيت براحه مو طبيعيه ثاني يوم كعدت الصبح لكيت نجاة رايحه للصالون والبيت هوسه طبيت للهول شفت نزار حاط جبس ياكل ويباوع على مسلسل تركي كعدت وهوا فاصل عن العالم ويا المسلسل لحد ما طلعت لقطه سخيفه ضل مركز وماكلبه كمت جاي اطلع سمعته يدردم ....

يتبع ....

نهايه البارت : اذا عجبكم صوتو للبارت لان كلش تعبت عليه احببببكم مووووت

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

إن النجاح لا يتطلب عذراً، والفشل لا يترك أي مبررات. · الفشل ليس عند الخسارة إنّما الفشل عند الانسحاب.

_________________________________________

طلعت اتمشى ورا بخفه فتح الباب ونزلني ضل واكف ما طب لحد ما شافني دخلت ركضت الغرفتي طبيت بفراشي وحسيت براحه مو طبيعيه ثاني يوم كعدت الصبح لكيت نجاة رايحه للصالون والبيت هوسه طبيت للهول شفت نزار حاط جبس ياكل ويباوع على مسلسل تركي كعدت وهوا فاصل عن العالم ويا المسلسل لحد ما طلعت لقطه سخيفه ضل مركز وماكلبه كمت جاي اطلع سمعته يدردم

نزار : خاب لو يجي جدج ما اكلبه صارلي اسبوع منتضر هاي القطه من البدايه كومي طلعي

نرمان : لزمت ضحكتي وطلعت شفت البنات يجهزون للاستقبال مال نجاة وكفت اساعدهم جبنه جرجف ابيض غلفنه بي قنفه وحطينا فوكا تول ذهبي ولمينا من النص صار مثل الفيونكه ولفيناها بشريط صارت كلش حلوه تقريبا ساعه 3 طبو حكيم ونجاة جايبه من الصالون رفعت عن وجه عيونه مجمرات دم والدموع مخربات المكياج

نرمان : لج ليش تبجين مو مكياجج كله ساح .. حضنت عمو وكامت تبجي بالزايد لزم ضهرها وكام يطبطب عليها

حكيم : اشش ياروحي انتي ياشمعه هاذه البيت

نجاة : حكيييم بطلت ماريد ما ازووووج ماعووفك

حكيم : انتي وين رايحه شمرت عصا واصيرين يمنا

نجاة : حتلو مسحت دموعه بخفه وبرطمت ... اخاف انام غير ابيتنه ...

حكيم : ضحكت بصوت عالي ... ولج انتي شوكت اصيرين مرا مو ازوجتي

نجاة : ضحكت على ضحكته ... كام يشاقه ويخفف عني التوتر

حكيم : ولج شهل جمال شوكت كبرتي وصرتي هيج شو باوعلي مو جنج حاطه هواي صبغ فوك عيونج

نجاة : ههههههههههههههه يا صبغ اسمه ( اي شادو )

حكيم : باوعت على نرمان تبجي خنك .. انتي شبيج تبجين هيه راح تزوج انتي شعدج

نرمان : مسحت انفي ... شلون راح افاركه .. وطكيته بجيه

حكيم : اسكت وحده تبجي الثانيه .. شو انتي بعدج بهدومج كوومي بدلي ترا تبقين بالبيت

نرمان : كمت عالسريع رحت للغرفه سبحت وبدلت لبست بنطرون كابوي نيلي وقميص وردي وشال وحذاء رشيت عطر عجبني شويه الطخ وجهي بما انه عرس خطيت عيني بكل وجبت حمره سحريه اول مرا استعمله حطيته على شفتي صار الون كلش صارخ مسحته ماراح عزا العزاني كمت افرك بيه بالصابون متطلع اخر شي حسيت شفتي راح تنشك يئست حطيت شويه بخدودي وطلعت شفت البيت هوووسه عرفت العريس اجه ضليت واكفه اتلفت ادور على عمو

حكيم : يابه عساها زواج الدهر وماوصيك بعد انطيتك ماي عيني هاي رباتي وتعب كلبي امانه يمك

فلاح : اذا مشيلهه عيني يشيلهه كلبي وقبل لا اصير مرتي هيه بت عمي وتاج راسي

حكيم : الله يسعدكم .. جريته على صفحه .. احم مثل ما وصيتك ماريد اطلع نيشانه كدام الوادم

فلاح : شلون والوادم اضل برا وهاي عاداتنه نطلع النيشان ونضرب طلقات اكراما الكم

حكيم : هيييج اكرام ماريد الجاي اوصيك بي سوي عرض اختي مو فرجه كدام الوادم هاي العادات ما اشتريها بزبانه

فلاح : يجرالك

حكيم : طبطبت على ضهره اخذه وفوت بفالك وانته كفوو

فلاح : رحم الله والديك بوسته واخذت نجاة من ايد عمي فاضل وطلعنه سيارات بالزفه

حكيم : دزيت رساله النرمان تنتضرني بالمطبخ بس اتفض اخذه وياي بسيارتي بدت العالم تطلع طلعت وراهم صحت على نزار وفاروق يجون وياي دزيتلها رساله يله تعالي طلعي .. شويه واجت عاينت بوجه هاااي شمصخمه بي .. سكتت وبلعته كدام العالم ما ردت افشلهه طلعنه بسياره والطريق كله نزار يركص

فاروق : لك انته متستحي مو خزيتنه كدلم العالم شيكولون علينه

نزار : عرس ابن عمييييي ما اعترف بنجاة هسه

فاروق : تكعد لا اسحلك كدام العالم والله لوما العيب فلا اعتب

حكيم : كافي فاروق لصير نحس واني الدنيا والله كله فوك راسي تجي انته هم اصير عليه باوعت على نرمان بالمرايه شفايفه يصرخن جريت كلينس وشمرته عليها

_ مسحي نرمااان

_ اخذت الكلينس منا والتفت فاروق يباوع عليه بس شاف حلكي كام يضحك ...

_ اي يابه عوود صارت مرا وكذا كامت يوميه تصدمنه مرا احمر ومرا وردي

حكيم : ومرا انزلك بالشارع واغسلك

_ ضحك باستهزاء وضل يباوعلي بالمرايه لحد ما وصلنه نزلت نجاة طبت ونزل نزار يهز ويا الفرقه واخذ الدنبك علكه بركبته وكام يدك وياهم اشرلي عمو انزل ويا النسوان طبيت جوه كعدت واسمع كولاتهم

_ ياسامعين الصوت صلو على النبي هذا العريس منين جنه اجنبي

_ كمت اضحك والزم نفسي ماجاي اسيطر فلاح جنه اجنبي ؟ .. شوي وطلعت مرت فلاح لابسه دشداشه سوده وشعرها مكفش وعيونه مورمه كعدت والتمن النسوان عليها يشاورن وهيه مادري شسولف وعمه اصيله تهز براسه كمت طبيت جوه يم نجاة شفته كاعده وتختض مثل السفه

_ شبيج ولج منين ترجفين

_ نرمان اخااااف منه

_ هاي شبيج لتخافين ماكو شي ان شاء الله سلامات

_ ياسلامات البارحه شفت فلم مصري اتكول وجع العرس مثل وجع شك الحلك بالضبط ولج الحلك يووووجع من ينشك

_ ههههههههههه سكتي نجاة لضحكين العالم علينه

_ راح اسكت علما يسكت كلبي

_ هسه يبوسج مثل المهر وتخربين وتغمضين تفتحين كلشي ماكو

_ اي مو نايمه بالحضره اغمض وافتح سكتي انوب حجيج قلقني اكثر

_ اباوع على النسوان فلسن الغرفه يفترن بيها وماخلن لا حمام ما طبله ولا كنتور ما فتحنه لحد ما سمعت صوت وحده كالت اجه العريس كامن طلعن واجت تقدمت على نجاة همست

_ حبيبه اني مثل اميمتج لتخافين ابد ولترفضين تطلع العيبه بوجه ابوج

_ هزت راسه نجاة ... عفته وكمت طلعت بطني مغصتني من الخوف كعدت برا يم النسوان اسمع سهى تحجيلهن قصه

سهى : ما ادري هيج فجئه كال اريد بت عمي مادري مسويتلها مكسوره ويسترون عليها مادري غوته شنطته الله يعلم

_ يمكن شربته شي سمعي مني

سهى : اي يمكن لان اتغده عدهم ومن يومها الرجال مو هوا

نرمان : اسمعهن وابلعم كبر لفجن امهات الدود ضليت كاعده لحد ما نفتح قفل الباب وطلع فلاح دشداشته مخربطه والدكم مفتوحه بيده كيس اسود سمعت صوت عمو حكيم كال

_ يالله سو درب .. طب للممر ويا فلاح اسمعهم يحجون

_ الف مبروك منك المال ومنها العيال .. وهاذه النيشان احتفضو بي ماريد غير عيني اشوفه

_ رحم الله والديك يوم الالك ونفرح بيك

_ حبيبي بوجودك .. عدل هدومك وتعال خل نضرب طلقات ونفضهه حته الوادم تروح .. لخذته وطلعنه برا العالم منتظره النيشان بس طلعت سحبت الرشاشه وضربت 3 طلقات افتهمو العالم .. كامو يباركون ويطلعون لحد ما طبيت اخذت نرمان رجعنه للبيت 3 سيارات ويا كمال ونجم ونسوانهم وابوي وخواتي رجعن لبيوتهن بس طبينه فاروق ونزار طلعو ويا جماعتهم

_ضليت كاعد وحدي بالحديقه فتحت المي وكمت اروي الزرع احب ريحت التراب من يتبلل

_ خلصت وصعدت فوك فصخت الرشاشه وكعدت انضف بيها متعود ورا كل طلقه اضربها انضف السلاح شويه وسمعت الباب يندك

_ ادخل

نرمان : شلونك عمو

_ زوين

_ عادي اكعد يمك

_ تعالي

_ ضليت اباوع على غراضه الجاي يشتغل بيهن شلت وحده منهم هااي شنو ؟

_ سبطانه

_ وهاي ؟

_ سبرنكه

_ وهاي

_ شاجور .. وبعد لاسألين راسي مصدع

_ بس اني روحي طالعه

_ طببيها

_ شفته ضايج ومنفس اكثر متي ابتسمتله .. شبي الحلو ضايج

_ وينه الحلو ؟ ابتسمت على برائتها الكفيله تغير مزاجي بلحضه ..

" ما متعلم على واحد من اخوتي يبات برا البيت ما اكدر انام "  كلبي مايرتاح

_ قصدك منو

_ جر نفس عميق بحسره .. نجاة .. حجاها بدون ميرفع عينه ورجع يشتغل

_ حرت شنو اسوي حته ينسا كمت جبت كلينه كصيت منها شويه وضميتها بوحده من اديناتي ومديتهن

" بيا هيه منهن البات ؟

_ اشر بعينه على اليسرى .. فتحته توقعه صح .. رجعت ضميتها من جديد

_ وهسه

_ باليسرى

_ فتحته ماكووو كيم اوفر عمووو

_ ابتسم ورجع يشتغل ضليت امد ايدي ويتوقع وكله خطأ اخر شي ذب الغراض من ايده وعقد حاجبه

_ شو فتحيهن ثنينهن

_ نووو ميصير

_ تفتحيهن لو اجي اني افتحهن ؟

_ ضميت ايدي ورا ضهري .. ادري بي مستحيل يلزمني لذالك مسيطره

_ لججج نرررمان هاااي شنو جريدي على ثوووبج

_ كمزت اصرخ والزم بثوبي يماااااا عزززا العززاني باوعتله يضحك اتقرب على القنفه وشال البات من جواي

_ لج انتي تسوين كلاواتج عليه فصعوونه .. انوب دافي جواج

_ خجلت من كلامه عدلت حجابي واستئذنت منا كلبي يريد يوكف من كلامه جاي اطلع واستوقفني

_ مرا ثانيه لتطجي جواج حطي بين اصابيعج طوال ميبين

_ باوعت على اصابيعي وعليه كعد على التخم يضحك " والله لانعل ابو شكلج " 

_ نزلت اهرول شكد عيب وفشله امداني طبيت الغرفتي ضايجه .. اذكرت نجاة هسه حالهه مثل حالي اول ما اجيت هنا ردت اراسلها بس استحيت ضليت اكلب بالمبايل دخلت على الفيس شفت عمو ناشر صوره ويا فلاح ونزار وفاروق وابو قربت الصوره زوم اباوع على ملامحه عيونه الناعسه وحواجبه الثخينه خشمه وشفايفه كلش متناسقات ويا لحيته الخفيفه وشواربه الثخينه سماره وملوحته باوعت على نزار تقريبا لونه حنطي فاتح اكثر شي مميز بي اسنانه من يضحك وتضهر انيابه البارزه ماعنده لحيه ولا شوارب وجه كلش هادء عكس فاروق العاكد حواجبه وتقريبا اقصر منهم بس منقصه جمال الملامح الي تشبه حد كبير عمو حكيم مر شويه واجتني رساله فتحته

_ نااامي لضلين كاعده

_ دزيتله .. حاضر

_ سديته ونمت .. مرت الايام ماكو شي جديد رجع عمو يسافر البغداد بس مو هواي 3 ايام ويرجع بيوم طب نزار يكمز

_ ناااااجح نااااجح

حكيم : شكد معدلك

_ بابتسامه 7 . 82

حكيم : ماردت احبط معنوياته باركتله وكعدت اسولف ويا عن القسم الراح يختاره

_ يمكن ادخل قانون

_ اختيار موفق وانته لسان دلاله ترهم

_ رحم الله والديك ..

نرمان : يعني اصير محامي

_ ايي كله بعد اطلكهن منا ازوجهن اني منا

نرمان : يعني بعد متروح وياي للمدرسه

_ نجبي لج زلمه شكدني شكبرني رجل قانون اداوم وياج اشر باصبعه .. بعد ممنوع اصيحيلي نزار كولي عمو

حكيم : عمي صيحيله جدو بعد

نرمان : ههههههههه ماشي

حكيم : باجر اخذج اشتريلج ملابس اسبوع الجاي دوام

نرمان : هزيت راسي خجلانه

اصيله : ماليش تطلع وياك وحدهم انطيني فلوس اني اشتريلها

نرمان : شفته تنرفز حك ارنبه انفه وشبك ايده وحجه بهدوء

_ نونو بلا امر عليج اريد تنضفين الفوك محد جاي ينضفه من كلبه كلها شله واعبر

_ حاضر عمو تدلل

_ ابتسمت على كلامه الرزن يعجبني هدوئها وثكلهه .. يلا روحي دام البيت فارغ حته براحتج بس غراض المكتب مال فاروق لتقربين عليهن

نزار : وملابسي لتكربين عليهن

حكيم : باوعتله صفح .. وملابس المحامي لتكربين عليهن بيمن يروح يترافع الصبح

نرمان : ههههههههه علساس هدوم تامر حسني هنه خلاجين جرب .. طلعت اركض على صوت ضحك عمو حكيم ونزار يصيح .. صعدت فوك البيت نضيف بس شسوي دام كلي نضفي لازم انضف شغلت شافطه وكنست البيت كله كملت ومسحت الاتربه مال الصاله نضفت المطبخ والكاونترات هلكت كعدت شويه ارتاح وبعدين دخلت نضفت غرفه فاروق وماقربت يم مكتبه رحت الغرفه عمو كنسته واجيت امسح التراب لفت نضري البوم مال صور على ميزه فتحت اول ورقه شفت صوره قديمه مال عائله ماعرفت احد منهم غير رجل عمتي كلبت الصوره الثانيه شفت عمو حكيم من جان صغير كاعد يم جثه

_ يماااا اسم الله اكو واحد ياخذ هيج صوره بعدني اكلب وجان تطفه الكهرباء كمت ارجف لان وحدي وانوب شفت صوره الجثه .. اتمشيت اريد اطلع من البيت سمعت صوت طكطه صحت .. منووو هناااا محد رد كمت امشي لحد ما طخيت باحد صرخت بهستيريا

_ منووووو احجيييي .. مرت لحضات اشبه بالموت كمت اختنك من الخوف لزمت صدري واني اريد اجر نفس ما اكدر لحد ما اجت الكهرباء شفت نزار خربان من الضحك

_ وجججججع بكللللللبك شكد حيووووان

_ انجبي لا ادوس بطنج زماله

_ نزار لتغلط واحترم نفسك لا اسمعك كلام ميعجبك

اثناء النقاش الحاد بين المسبه والصياح طب حكيم

_ شكووووو وسم صوتكم واصل لشارع

نزار : هاي ادب سز والسانه زفر

نرمان : تخصرت وكفت مو ماكله سمج وممغسله ضحكت باستهزاء

نزار : شوف شوف العرامه بعينك

حكيم : ولج شو صايره شلنفص

نرمان : والله الي يدك الباب يلكه الجواب هوا خرعني وخلاني ارجف شيريد اصفكله

نزار : لك لك لك بالعباس مبربكه مثل عمتج

حكيم : الصم نزار وانتي ولي نزلي جوه حسابي وياج بعدين

نرمان : نزلت فرحانه لان ما انطه بيه طبيت الغرفتي كبل اجتني رسايل ركع

_ ادب سز صايره وكحه

_ لتخليني اكسر عينج نونو

_ باجر اعتذري من نزار ترا جان يشاقه وياج وانتي طوختيها ادري بيج جبانه بس مو هيج ماردت اغسلج كدامه

_ اخر رسلله مكتوب .. عاشت ايدج البيت ينكرط بس مرا ثانيه لتمدين ايدج على غراضي .. عزززا شكد عيب هسه شيكول عليه دزيتله

_ حاضر عمو انته تأمر وتدلل وبعد ما امد ايدي على غراضك مجرد فضول .. شافه ومرد دزيت

_ بس ليش مصور بصف الجثه والله خفت .. قراها ودزلي

_ هاي مو جثه هاي سفره ام البنين عمتج ام اربع عقول مغطيته بجرجف علمود الذبان

_ ضحكت لحد ما لزمت كلبي ذبيت المبايل وضربت كصتي واني راد كلبي يوكف لليل تعشينه وغسلت المواعين لان خلوهن عليه خلصت ورجعت الغرفتي نمت ثاني يوم ساعه 7 دك مبايلي فتحت عيني بنعاس جاوبت بصوت مبحوح

_ ها عمو

_ صحي النومه كومي غسلي وبدلي انتضرج بالحديقه

_ سديته وكمت اتمغط طبيت للحمام غسلت وبدلت بنطرون و قميص سيلفي منورا طويل ومنكدام كصير لفيت شالي وطلعت بس شافني ابتسم فتحلي الباب صعدت وصعد بصفي

_ صباح النشاط

_ صباح الخير

_ شبيج شو مطنكره

_ لا نعسانه

_ اسبوع الجاي مدارس لازم تعدلين نومتج وخلي يكون بعلمج اول شهر اشوف درجاتج اذا ماعجبتني اسحب المبايل وذا رفعت راس اكافئج

_ هزيت راسي بنعس ميدري هسه اشتري الفراش بدمي

_ شويه وصف السياره بكراج ونزلنه دخلنه بسوك لزم ردان القميص حته ميطخ بيه همس

_ اي محل يعجبج تشترين منا كليلي حته نطب لتستحين ترا ما احب افتر هواي بالسواكه هاي علمودج

_ هزيت راسي .. كمنه نفتر هواي شغلات عجبتني بس استحي اكول

_ يمعوده ام الغيره ماعجبج شي

_ لا

_ اخر شي شفته كام يشرب جكايره ويطفيها قبل لتخلص سحبني من ايدي ودخلنه محل يبيع ملابس سلم وفات ضل يباوع بالمحل اخر شي اشرلي على وحده هااي تعجبج ؟

_ لا ماحب بيها شذر

صاحب المحل : اختي كلهن هيج اذا مابيهن شذر ميشترنه البنات

_ لا ماحب اريد ساده

_ شوفي هاي بيه كتابات ناعمه ممبينا

_ لا ماحب

_ مبين ذوقج نازك

_ بس كال هيج حجه عمو ...

_ لا مو نازك بس متعرف تشتري .. عصر ايدي قووي واشر على وحده ساده بيها خطوط بيض من الصفحه هاااي حلوه نزلها واشر على وحده ثانيه بيها كتابه انكليزيا وكصته حلوه من فوك عدله ومن جوه عريضه اخذ قياس 44 ودفع الحساب وطلعنه فتحت حلكي واني اباوعله

_ هاذه حلك نازكه ؟

_ القياس الاخذته قياس عمه اصيله مو قياسي

_ باوعلي صفح امشي اخذي قمصان بيض وملابس داخليه نازكات

_ عرفته ديردليها لزمت ضحكتي ومشيت طبينه بمحل اخذت قمصان بيض عاديات طبينه قسم مال ملابس داخليه

_ اني انتضرج برا .. طلع محفضته من جيبه وانطانيها مليانه فلوس

_ لاااا عمو هاي شنو انطيني منهن ماريدهن كلهن

_ اخذيهن دفعي والباقي رجعي

_ اخذته .. وطلع اشتريت ملابس وكم شغله دفعت مبلغ بسيط وطلعت انطيته محفظته تفضل عمو

_ بعد بس احذيه وجنطه اني اجيبلجياهن من بغداد امشي خل نرجع اتفصخت من المشي

_ تمشينه للسياره صعد الغراض وصعدنه رجعنه للبيت والطريق كله يرزل بيه

_ التصرف مال البارحه عبرته بكيفي ميصير تتعاملين ويا نزار هيج شنو متخوصره وتحجين بعنتكه هل شي ترا ما اسمح بي نهائي

_ يعني ترجع بس عليه

_ لا هوا هم طيحت حظه بس ترجعين تعتذرين منا هوا خلط بس مهما يكون اكبر منج

_ ماشي

_ باجر طالع البغداد بس ارجع اخذج يم نجاة اشوفيها

_ كووول والله

_ والله

_ فدوووه الكلبك ويكلولي ليش تحبي

_ شلنفص يلا نزلي

_ نزلت بيدي العلاليك شفت نزار كاعد بالدرج ياكل حلويات باوعتله وابتسمت

_ امشي ولي ام السان

_ اسفه نزوري

_ هسه صرت نزورج

_ انطيني ببسي

_ امشي لج عووود هيه جايه اصالحني عمي بس جفيني شرج

حكيم : كافي ولك انطيها الببسي لا اديره على راسك انتي موووو بيك سكررررر

نزار : ماشارب منا هواي

حكيم : سحبته من ايده وانطيته النرمان نزلت تركض وطلعت السانه النزار تشمت بي

نزار : هاي تربيتك

حكيم : تاج راسك كوم جيبلنا غده من جوه ...

نرمان : مرت الايام راح عمو البغداد وصدك جابلي جنطه وحذاء كلش راقيات بيومها قرر ياخذني النجاة اشوفها لان من ازوجت لسه متقبل تجي بس عمو هواي يروح يزورها وميضغط عليها انه تجينا بدلت وصعدت بالسياره وصلني بابهم

_ نزلي اني راح اروح بشغله وارجعلج فد ساعه ما اتئخر

_ ماشي .. نزلت مسحيه اطب وحدي قبل لا ادكه فتحولي الباب التفتت على عمو يخابر عرفته متصل بيهم ومبلغهم دخلت جوه سلمت على سهى مرته نزلت نجاة من فوك مشلهه وبيده طشت مال ملابس وشعرها مخربط بس شافتني ذبته واجتي حضنتني ضلت تقريبا 10 دقايق على نفس الحضنه ابتعدت وشفت دموعه تنزل سمعت سهى تكول

_ اوووي علساس عده اهل اجو يزوروها فرحانه بيهم خلفله على اخوج وهاي الزعطوطه

نجاة : طنشتها واخذت نرمان دخلت للغرفه وسديت الباب

_ شبيها هاي وجه النعال ترا اطلع ادوس بمصارينها

_ خلي تولي عوفيها مسحت دموعها

_ ليش متجينا والله كلبي نار عليج

نجاة : لج نرمان كلبي خلص راح امووت والله شفت المحد شافته

_ اسم الله شبيج ليش هيج تكولين

_ اريد احجي اريد افرغ البداخلي بروح ابوج ماريدج تكولين لاحد حلفتج

_ لا وداعتج ما احجي

بعد العرس باسبوع

_________________________________________

نجاة : طلعت اغسل ملابسي لان استحي اذبهن بالغساله واخليه تغسلهن طبيت للمطبخ شفته تسوي غده .. تريدين اساعدج بشي ؟

سهى : لا يمعوده كافي عليج تنامين جوا فلاح ماريد اتعبج

نجاة : سكتت وخجلت من كلامها لان صدك فلاح صارله من يوم العرس ابد ميروحلها .. رحت شغلت الغساله وحطيت ملابسي بيها غسلتهن ورحت شريتهن للعصر اجه فلاح اتعودت من يطب احضنه وابوسا وجهاله هم يلتمون عليه

فلاح : راح تموتوني على كيفكم حطيت ايدي على خصر نجاة وبسته .. جيبلي مي فدوه العينج

_ رحت جبت مي ورجعت انطيتهيا شربه .. ابلوع على سهى حاطه رجل على رجل وتهز بيها

فلاح : شلونج سهى

_ زينه دامكم طيور حب

فلاح : حضريلي الحمام اريد اسبح

_ رحت الغرفتي بيها حمام علكتله ملابس داخليه بيها وخاولي جديد رجعت مالكيته سئلت بنته ووين بابا

_ طب هوا وماما يسبحون

_ بلعت غصتي ورجعت الغرفتي الوب معقوله راح يتقربلها واني ماصارلي سبوع من اخذني من القهر كم اعض باصابيعي مر نص ساعه وطلعت اريد اشوفه لكيته طالع من الحمام وسهى سابحه ولافه شعرها

سهى : روحي حبيبه صبيلنا غده خل نلتم سوه

نجاة : الدمعه غرغرت بعيني بس لزمت نفسي ما ابجي طبيت صبيت الغده وحطيته كبالهم ورحت امشي الغرفتي

فلاح : وووين متاكلين ويانه

_ بالعافيه .. طبيت ارجف من الاعصاب قفلت باب غرفتي وخابرت حكيم بس سمعت صوته كال الو .. كمت ابجي لا اراديا

حكيم : شبيييييج ليشششش تبجين احجييييي

نجاة : مخنوكه

حكيم : من شنو بويه احجي لضمين بكلبج

نجاة : مشتاقتلك

حكيم : هسه اجيج وامسح ذني العنينات اليبجن بيدي

نجاة : ابتسمت على حنيته .. حجيت بصوت مبحوح .. الله لا يحرمني من صوتك

حكيم : ولا من شوفتج بنيتي

نجاة : ما اتئخر نص ساعه واندكت الباب عرفته حكيم بدلت دشداشتي وغسلت وجهي وطلعت بس شفته حضنته وبوسته بكل وجه

فلاح : يابه مو كدامي

نجاة : باوعتله بخزره وكعدت اسولف ويا حكيم حسيت براحه شويه وكام طلع لان ادري بي يستحي لليل ضليت بغرفتي اندك بابها عرفته فلاح مافتحت ضل يدك ويفتح بالكيلون حجه بصوت عالي

_ شنوووو قافله الباب ؟

_ اي اريد انام يلا روح .. تمنيته يتوسل بيه حته افتحه اختفى صوتا وراح ضليت للصبح انتضره يدك الباب ما اجه اخر شي نمت كعدت الضهر طلعت من غرفتي شفت سهى وخواتها بالصاله بس شافني غمني تشاهلتهن لان اخاف يكتلني اذا احجي شي طبيت للمطبخ سويت ريوك الي اكلت وغسلت المواعين وطلعت

سهى : سووويلنه غده مو فارغه اني كاعده ويا خواتي

نجاة : والله اني بعدني عروس ما اطبخ

سهى : ياجلبه ولج اطردين خواتي ..

_ ماشوف غير ذني كامن يتباجن وسهى تهدي بيهن طب فلاح بس شافهن تخبل

سهى : ازووووجت عليه وسكتتتت بس مال ابيتي وتطرد خواتي ما ارضاهة ؤااااح الم هدومي واروووح وياهن

فلاح : لج نجاااة اطرديهن من البيت

نجاة : وداعت ابويه ما طاردتهن وحق النبي محمد ماسويت هيج وراسك انته

فلاح : الصمي وتعاي اعتذري منهن لا اشك حلكج

نجاة : تخبلت من حاجاني هيج فلااااح احترم نفسك والقران اني هم اعوف البيت واطلع

فلاح : لج تهدديني بت النعال ولو هوا انتي منو مربيج حته

نجاة : احترم نفسك فلاح .. ماشوفه غير جر شعري وصفكني راشدي كدامهم شهكت وكمت ابجي طبيت الغرفتي وقفلت الباب .... لليل طلعت من الغرفه شفته تضحك طبيت للمطبخ جان اسمع صوت اصيله

_ ولكم مني تجي زعلانه خير امرعده كليله لا ابوج يريدج ولا اخوتج ام الفتوك خطافت الزلم

_ التفت اشوف مصظر الصوت لكيت سهى تحجي صوتيات ويا عمه اصيله ..

_ لا خاله اعصابج هيه سمعتج بعد ما اتوقع تجي اله اذا مثل امها

_ كمت ابجي بحركه وادعي عليها .. قررت بعد لا اجي ولا اطب على الحجي السمعته ومن اشتاق الاخواني اخابرهم اله فاروق اتوسلت بي يجي وماقبل

نرمان : ياعمرري حضنته اسمه شهكاته

نجاة : نرمااان اريد امي حته اذا مو خوش ادميه اريدها بعد ما اكدر

نرمان : مسحت الدموعي النزلن غصب عني .. بعد ما حاجاج

نجاة : صالحني من راحت الاهله بس شلفايده وهوا كسرني كدام العالم عفيه لتكولين الحكيم بروح ابوج

نرمان : لا والله ما احجي .. شويه ودك مبايلي حكيم انطيته رفض وبوست نجاة ونزلت جوه خزرت البومه مرته وطلعت صعدت بالسياره وكمت اذكر حجي نجاة وابجي

حكيم : شبيج بويه

نرمان : مابيه

_ اكو واحد مسمعج حجايه غاثج ؟

_ لاااا عمووو عوفني اني مشتاقه لامي وجاي ابجي .. جر حسره وضرب الستيرت بخفه وصلنه للبيت نزلت بدون ماباوعله طبيت للبيت رحت الغرفه نجاة واذكرت من جانت يمنا كمت ابجي واشهك ما ادري شكد مر وقت نمت بغرفته بلا ما احس لحد ما انفتحت الباب وسمعت صوت حجي وبجي كمزت مهبوطه ....

يتبع ...

نهايه البارت : بنات ترا ما اتئخرت عليكم بالنشر يعني اني اكتب واتعذب وانتو شكو حجايه سم تكولوها الي اذا الانترنيت صارله يومين مكطوع اني شذنبي طبعا الكلام مو للكل للبعض

عود ليش مصوتون للبارت ؟؟؟

الكاتبة : (Duha al amer ) 🦋

_تابعو حسابي

_صوتو للبارت❤

_ فرحوني بتعليقاتكم الحلوه

اليله عتني الشوك يمك واعتنيتك

اليله لو اضمك بصدري لو اموت أباب بيتك ...

_________________________________________

لاااا عمووو عوفني اني مشتاقه لامي وجاي ابجي .. جر حسره وضرب الستيرن بخفه وصلنه للبيت نزلت بدون ماباوعله طبيت للبيت رحت الغرفه نجاة واذكرت من جانت يمنة كمت ابجي واشهك ما ادري شكد مر وقت نمت بغرفتها بلا ما احس لحد ما انفتحت الباب وسمعت صوت حجي وبجي كمزت مهبوطه ....

_ التفتت اشوف بسمه وجهالها بس شافتني كامت تغلط وتسب

_ الكبرررر لفج وين ما ارووووح الكاااج كووومي طلعي لا اطلع قهر الله كله بيج

_ وسممم واني شنو كمت طلعت وهيه تغلط رحت الغرفتي شفت عمو دازلي رساله فتحته مكتوب ..

_ يعني مراح تحجيلي شبيج ، رساله ثانيه ،

_ اذا حابه تفضفين اي وكت تعالي ما اضغط عليج ..

"طفيت المبايل مالي خلك رحت للمطبخ شفتهم متعشين والمواعين مكومه والمطبخ ريحته تلعب النفس وكفت اغسل بيهن واتذكر كلام نجاة ياررربي شلون اكدر اساعدها واني مابيدي شي عليها خلصت ونشفت ايدي رحت للهول شغلت الضوه البيت مابي احد كله نايمه والضاهر بسمه جايه زعلانه كعدت شويه وحسيت بديت اختنك

" طبيت الغرفتي طلعت ثوب قديم عندي وكمت اكصكص بي اريد التهي بحاجه عزلت الدكم عن الاستيك سويته 10 قطع اخر شي تمددت ونمت .. مرت 3 ايام واجه موعد الدوام كعدت الصبح سبحت وبدلت طلعت شفت عمو واكف وبصفه نزار مبدل وانيييق كلش

_ صباح الخير

_ صباح الخيرات

نرمان : هااي شنو نزار طالع عريس

_ يخسى العريس يم هيج جمال .. اليوم اذوبهم شباب وبنات

حكيم : اهوو حمه

نرمان : لزمت راسي بألم عمو شو داحس بديت اتخربط

حكيم : بخوف .. شبيج بابا اسم الله

_ لا بس شفت نزار وذبت

_ هههههههههههههههههههههه

نزار : يجيج يوم ام الخلاجين من ترحين للكليه اشرج عالحبل

_ صعدنه بالسياره وصلني اول وحده نزلت ودعتهم وطبيت للمدرسه مثل كل سنه اول يوم دوام بس تعارف وطلعونه من المدرسه شفت عمو واكف مرتجي على السياره بهيبته وجماله لابس بنطرون اسود وقميص ابيض مخطط ونضارات شمسيه والبنات كله تباوع عليه تمشيت اريد اقهرهن ابتسمت وكفت يما اسولف

_ شلونك عموو اشتاقيتلك

_ باستغراب .. تشتاقلج العافيه صعدي

_ دقيقه خل احجيلك شايف النستله البرتقاليه اليجيبه نزار

_ اي ؟

_ لكيت منها عند ابو الحانوت

_ شنو هاي المعجزه مهمد سلوات

_ حسيت نفسي شكد تافه صعدت بالسياره تحركنه والطريق كله يضحك ويسوي جججج

_ شكو ؟

_ سلامتج ..

_ شويه وكف يم مخبز نزل اشتره خبز ورجع حطه بيناتنه وضل الطريق كله ياكل بي

_ خلصت الخبز

_ افقد عليه بذات اذا حار .. قسم منه وانطاني كمت اكل ويا على الواهس .. عموو هاذه مو طريق البيت

_ اي خل نضيع وكت حته نجيب نزار من الكليه اني وياج شتكولين ؟

_ بداخلي فرررحت لان اول مرا ادخل كليه وبنفسي اشوفها .. اي اروح .. ضلينه نفتر بالشارع مادري شكد مر وكت وكفنه يم الكليه اباوعله تجنن احلى من مدرستنه والطلاب بدو يطلعون كمت اباوع على الشباب عبالك صدك رايحين العرس اغلبيتهم لابسين قاط رسمي والبنات بيهن المحجبات والمشلحات بس كلش حلوات وحاطات مكياج للحضه اتمنين اكون مكانهن .

" طلع نزار مغندب وجه ميكصه الطبر نزلت صعدت ليورا وصعد ليكدام بمكاني

حكيم : السلام لله

_ مارد

حكيم : شبيك شو كالبها

_ شني؟

_ الجهره

_ عووفني حكيم وبعد حته دوام ما اداوم وانعل ابو الكليه

_ جريت نفس .. شكو غير تحجي .. ضل ساكت طول الطريق ويتنفس بغضب لحد ما وصلنه صعدنه اني ويا فوك

_ احجييي شصاير

نزار : بلال الكلبببببب ابن الكلبببببب عووود يشاقه كدااام الطلاب يكللهم اني بيه سكر

_ وانته هاذه الغاثك

_ اي هااااذه الغاثني اذاااا منسبه الك شي عادي منسبه الي مو عااااادي انتتته ماشفت نضرت الطلاب والعطف البعيونهم .. اكرررره واحد يستعطفني امووووووت

_ كافي اهده ما صار شي لتكبرها انته تتحسس زايد .. نزع ساعته ركعه بالحايط وطب الغرفته وركع الباب .. عفته يهده لان هسه ما اخذ منه لا حق ولا باطل للعصر طلع يفرك براسه كاعد من النوم

_ راسي يوجعني

_ رحت جبتله مقياس السكر كعدت بصفه اخذت دم وقسته طلع سكره صاعد شويه ..

" راح اخليهم يسلكولك بيض حتى سكرك شويه ينزل

_ فتحت مبايلي دزيت النرمان .. نونو سوي 3 بيضات سلك وصعديهن فوك .. شافتهن وماردت تقريبا نص ساعه واجت بيدها قوري انطتنيا

_ ههههههه سالكه البيض بالقوري

_ اي امي هيج اسوي

نزار : كون اشوفج اصيله تعلكج من اذاناتج هاذه القوري جابته من السوك صارلها اسبوع تريد اسوي جاي بي وكلبها ماينطيها

نرمان : ادري بيها هسه اغسله وارجعه واذبها براس نسمه هههههههههه

نزار : عفيه عليج صايره حيه على عمتج

نرمان : شعبالك هاي التعاشرها رحت للمطبخ كشرت البيض ورتبته بماعون وانطيتهيا كعد ياكل بهدوء حسيت صار شي غلط وياي وخفت ملابسي تتبلل

_ احم راح انزل

حكيم : براحتج

_ نزلت جوه طبيت الغرفتي شفت ملابسي مدمره كمت الوب هاذه مو موعد الشهريه ليش الجاي يصير وياي حتى لونها مختلف وغريب كامت بطني تمغصني كعدت بالكاع لازمتها صار من رحت للدكتوره لحد الان بالشهر لو تجي يوم واحد لو تنقطع طبيت غسلت وبدلت لليل كلشي ماكو حضرت ملابس المدرسه ونمت

" ثاني يوم كعدت على صوت المنبه طفيتها وبدلت وطلعت شفت عمو برا ينتضرني ويا نزار الكالب وجها كالعاده الصبح صعدت وياهم وصلني عمو للمدرسه وراح يودي نزار

_ طبيت للمدرسه مر اليوم عادي لحد الدرس الخامس حسيت بحراره وملابسي تبللت و بطني تمغصني كمت الوب مثل السمجه المزوهره شافتني المدرسه واجت علية

_ شبيج

_ راح اموووت من الوجع

_ وين يوجعج

_ بطني

_ خاف تريدين تروحين للحمام ..

_ رفعت راسي اباوع على البنات كامن يضحكن .. استغفرلله لااا مو للحمام كلياتي يوجعني

_ هاا زين عندج رقم احد من اهلج نخابره يجي عليج

_ لا

_ يلا اتحملي بس درس بعد وطلعي .. رجعت تشرح واني كمت اون الوجع يروح ويرجع لحد ما دك الجرص احس روحي طلعت اجت عائشه شالت جنطتي انتجيت عليها وطلعت متألمة

حكيم : اخذت نزار للكليه نزلت وطبيت ويا اسولف شفت بلال وجماعته واكفين سحبته من ايده

_ امشي خل نسلم عليهم .. جماعتك عيب

_ روح انته اني ما اروح فد قنادر ذوله

_ سحبته من ايده وكمنه وكفت يمهم

_ شلونهم الشباب

بلال : هلااااا عمييي حكيم مشتاقيلك

حكيم : حبيبي اني الاشوق شخباركم اموركم

بلال : بخير الله يسلمك .. نزار السلام لله

نزار : لله مو للعارات

بلال : افااااا خوب جاي اسمعه

حكيم : معليك بي صاحبك ويدلل عليك .. عضيت شفتي الجوه ..

" اي ماكتلي اخوك طلع من السجن لا اخر مرا سمعت بي محكوم سنتين الله يعين كلب ابوك صدك نزلتو راسه بس ان شاءلله انته ترفعه طبطبت على ضهره انته سبع كدها

نزار : ضحكت بصوت عالي .. والطلاب كامت تسألة اخوك ليش مسجون وشنو تهمته هوا تنرفز

حكيم : باوعت على نزار ودغيته .. هسه سكرك شلونه ؟

نزار : فول فلالفل صار

حكيم : بالخدمه .. بصوت عالي يله من رخصتكم .. صعدت سيارتي رحت المحلي الي بالبصره لازمي عمال وبي هنود هم يشتغلون كل يوم اروح اجرد القوائم واسجل الطلبات الي توصلني من الخارج طبيعه الشغل يا نستلم اسلحه تنضيف وترميم يا نبيع او تجينه طلبات خاصه باسلحه مستورده ونادره كملت شغلي ورحت النرمان وكفت انتضرها تطلع

_ طلعو الطلاب وهيا ماكو لحد ماشفت بنيه لازمه ايدها وشايله جنطتها اتخبلت من شفته هيج ركضت عليها حضنتهة من صدرها

_ الله الله ابوي انتي شبيج متكليلي

عائشه : عمو ما ادري فجأةاتخربطت بالصف وتبجي من بطنها .. يلا مع السلامه اجه الخط

حكيم : روحي عمو توكلي .. باوعت على نرمان الي مغمضه عينه من الألم ودموعه تنزل صعدته ليكدام بالسياره وصعدت بصفه فتحت بطل واتقربت عليها اشربها

نرمان : ماريد كلشي ما اكدر اشرب راح اموووت

حكيم : اشششش اسم الله لتكولين هيج بس كليلي منين توجعج

نرمان : التزمت الصمت واني احس الكشن الجواي ادمر اختنكت وضليت جامده ما اعرف شسوي ابجي لو ادعي على امي

_ احجي نونو شبيج بس اشريلي على الوجع

_ مسحت انفي وعيوني واشرت على اسفل بطني

_ خاف نفس ذاك اليوم اخذج للدكتوره

_ لاااا اريد ارجع للبيت حجيته وغصيت بالبجي

_ ماعرفت شصرف وياها اخذتهة ورجعت للبيت دكيت على نزار

_ اليوم ارجع للبيت وحدك ما اكدر اجي عليك .. سديت المبايل ونصيت عليها .. تكدرين تنزلين لو اساعدج

_ هزيت راسي بالرفض .. نسيت كل الألم الي بجسمي من الخجل .. اموت ولا انحط بهيج موقف كزيت على سنوني ماعرف شجاوبه

_ احجييي عادددد لطلعيني من طووووري

_ بجيت بصوت مسموع .. عمو اني أسفه

_ نزلت من السياره اتجهت عليها فتحت الباب لزمت ايدها نزلتها من السياره جاي اسد الباب انتبهت على الكشن ورجعت باوعت عليها عيونها حمر دم وتاكل باضافيرها بخوف

_ عمو مادري والله ادري بيك تلعب نفسك اني انضفها .. كمت اشهك من الخجل

_ سديت باب السياره وكلبي مجمر من نضرتها وخوفها ماعرف اصرف اخذتها وصعدنه فوك سديت الباب

" نرمات عادي اسوي شي بس تنسي "

_ شنو

_ تقربت عليه جتفت اديها الصدرها ولميتها الحضني دفنت راسي بركبتها اشتم ريحتها حسيت بنبضها الي بركبتها حتى الدم من يمشي بعروكها جان ينسمعله صوت بست ركبتها بخفه وعصرتها بحضني حيل

_ حجه بصوت مبحوح .. ابد لتبجين ولا تخجلين مني نرمان فدوه الج السياره واهلها

طخ وجهي بوجها كمت استشق انفاسها :- صارت عيني بعينها

_ حجيت بصوت يرجف .. عمو وخرر

" ابتعد بحركه سريعه كام يعدل بملابسه ويتحمحم "

_ نصيت عليها مكنبص .. نرمان ليش هيج صار وياج غير تعرفين بهاذه اليوم موعدها وتاخذين احتياطاتج

_ جمدت بدمي من كال هيج .. لاءء مو موعدها بس

_ بس شنو .. احجي لتستحين

_ صارلي فتره طويله هيج

_ ليش ماحجيتي حته اخذج لدكتوره على الاقل لو كايله العمتج

_ ما اكدر استحي والله .. باوعلي من فوك ليجوه ..

_ روحي سبحي وبدلي وارتاحي والعصر اخذج للدكتوره

_ مشيت بخطوات بطيئه اريد اكوله على السياره شسوي .. احم عمو والسياره

_ معليج بيها نزلي

_ نزلت وراها اتحججت بالحديقه لحد ما شفتها طبت رحت للسياره فتحتها وباوعت عالكشن انوب جلد بيجي استغفرلله .. جبت بازه وزاهي ونضفتها عطرت السياره وعفت الباب مفتوحه تتهوه

نزار : الله يساعدهم

_ هلا ابويا

_ رحم الله والديك من نكتت بية

_ ههههه ليش

_ غير وحده ويانا بنجرت سيارتها وصارت بات مان وكعدت بالكاع اسوي بيها طبت الابره مال بم باصبعها وفحطت .. راح اخوك النجر سوالها التاير وانطاها كلينس وحركات وصلتني للبيت وضلت واكفه لحد ما طبيت يلا امنت عليه وراحت

_ هههههههههههههههه هيه النجره مو انته

_ لعد ابو علي جبته لو هم رجع وحده

_ لك ساقط لتعيب عليها تسوه راسك ..

" طب جوه يمهم ميكدر اذا ميسير على اصيله ويتناكر وياها طبيت ورا واجه فاروق هم شمر سويجه وغراضه وكعد حط رجل على رجل

فاروق : نزار صيح على مرت كمال خل اصبلنه غده

نزار : كمت ادور على اسراء شفتها بالمطبخ لابسه مشلح ازرك وملطخه وجها مكياج بس شافتني انهبطت

_ غير تحجي قبل لاطب ميجوووز هيج

_ وين طاب الغرفت نومج ؟ انتي مافكرتي قبل لاتنزلين هيج

_ وانا شمدريني انته راح تبصبص عليه

_ ابصبص عليها فتون علف بشرفج هاذه مكياج لو ريحتج الخبط ام الالف حتى السكر صعدته

_ يمووووت علي يحبنيييي موت قهررررر

_ ههههههههههههه طلعت من المطبخ وحطت عبايه مجرجفه على راسها المربع " رحت الغرفه نرمان دكيت الباب

_ منووو

_ اني عمج نزار

_ ضحكت واني مالي خلك لبست عبايه شلون ماجان وفتحت الباب

_ نونو صبيلنه غده فدوه لكذله زليخه

_ حطيت ايدي على شعري ضميت كذلتي .. تدلل

_ رحت للمطبخ صببتلهم غده ودويته للصاله

_ تفضلو

فاروق : يسلموو

_ تأمر

حكيم : عمو ليش كمتي

نزار : اني كلتلها :- اسراء اليوم مسويه حفله تنكريه وحالفه تفجعه الكمال

حكيم : لو صاب انته

فاروق : ليش شبيها نرمان ؟

حكيم : مريضه اريد اخذها للطبيب العصر

فاروق : رفعت حاجبي ليش شيوجعها

حكيم : كلياتها

فاروق : هاا يعني تتأخرون ؟

حكيم : ما ادري محاجز بعدني

فاروق : ماعدها غير العافيه

نرمان : الله يعافيك

حكيم : فد ساعتين وبدلي انتضرج برا

نرمان : ان شاءلله .. انتضرتهم خلصو اكل وغسلت المواعين ورحت الغرفتي سبحت بمي دافي حتى ارتاح بدلت ملابسي وطلعت شفته ينتضرني صعدنه بالسياره

_ هم بعد اذتج بطنج

_ لا احسن .. شويه وكام يخابر اسمعه يحجي ويا صديقه يسأله على دكتوره نسائية زينه بالبصره .. دزوله رقم ورجع خابر

_ الوو السلام عليكم .. عياده الدكتوره منال .. بلا زحمه اريد احجز باسم نرمان عماد .. اي .. شكد اكو كدامي ؟ .. هاا خوش رحم الله والديج .. سده والتفتلي مبتسم

_ بس نوصل ندخل اول ناس

_ كلبي كام يدك سريع مادري ليش خفت .. وصلنه للعياده طبينه والاستقبال مليان نسوان وجهال كعدت وكعد عمو بصفي همس

_ ادخلين وحدج ؟ لو ادخل وياج

_ لا عمو اخاف ارتبك وحدي طب وياي

_ ماشي .. عليمن ترتبكين اني وياج احجيلها كلشي لتخجلين لا حياء في العلم

_ حاضر .. شويه وكالت السكرتيره دخلو طبيت لغرفة الدكتوره احس نفسي ضاق من الخوف

حكيم : السلام عليكم

_ عليكم السلام تفضلو

نرمان : كعدنه واحد كبال الاخ والدكتوره تباوعلي مبتسمه

_ انتو عرسان

نرمان : لا

_ لعد شيصيرلج

نرمان : عمي

_ الله يدم المحبه .. اي كول شعندج

نرمان : باوعت على عمو خجلانه

حكيم : العفو دكتوره اتمنى تفتهمين منها لان طبعها خجوله اني راح اطلع .. نونو بس تخلصين منتضرج برا

نرمان : ماشي عمو .. كعدت حجيتلها الي يصير وياي كله والألم والاعراض

_ انتي انسه

نرمان : اي

_ تعالي تمددي رحت تمددت ورفعت ملابسي حطت السونار على بطني .. للاسف التكيس نفسه

_ مسحت بطني وكمت :- يعني هاذه ميروح

_ ماكو شي ما اله علاج بس لازم تستمرين وتنتضمين بالعلاج كتبتلي ادويه وعلمتني شلون استعملهن .. بس حرام اذا افتهمت شي منها طلعت برا شفت عمو واكف مجتف ومرتجي على الحايط بس شافني اجه ملهوف حط ايده على جتفي بخفه وطلعنه برا

_ بشري شكالت

_ نفس التكيس .. اشرت على الورقه لازم اخذ هاذه العلاج

_ اخذته منها وشعلت جكاره طبيت للصيدليه اشتريته وطلعنه فتحت السياره وصعدنه

_ بس نوصل للبيت اعلمج على العلاج

_ ماشي

_ اخذته افترينا شويه نزلت اشتري موطه .. شجيبلج

_ فانيلا

_ طلبت ثنين اخذتهم وصعدت انطيتها وحده وكامت تاكل

_ احب الفانيلا جانت امي اسويلنه حلويات بيضه دوائر ماعرف شسمها بس تحط بيها هواي فانيلا جنت اجيبله جيسين اكل جيس وانطيها جيس واخليها تفرفح هههههه

_ ابتسمت الكلامها مستمع

_ تعرف شي عمو

_ شنو

_ اتمنى اشوف امي هسه واسألها ليش الغريب يحن عليه اكثر منج ..

_ اني غريب ؟

_ لا انتة عمو حبيب

_ حبيب

_ زين اسألك سؤال

_ كولي

_ عمو انته هم تحبني مثل ما تحب اخوانك

_ ليش اسألين

_ الصراحه .. كمت ما احس اكو احد يحبني بالدنيا حتى نفسي ماحسها تحبني احس كل الاحبهم مثل سجاجين بس اقربلهم يجرحوني

_ صفنت بعيونها من تحجي .. لحد ماشفتها ارتبكت

_ رجعنه للبيت والطريق كله نسولف حسيت براحه من افضفض ويا

_ انته شمكمل دراسه .. حك لحيته وباوعلي صفح ورجع مركز بالطريق ..

_ وصلنه للبيت صف السياره ..

_ شكرا رحم الله والديك

حكيم : والديج جاي تنزل .. نرمان

_ ها

_ مكمل اداره اعمال قسم تسويق

_ ابتسمت .. الله يوفقك عمو

_ اوكفي .. نزلت قفلت السياره هاج علاجج ورا العشا انزل اعلمج شلون تاخذي

_ ماشي ..طبيت للبيت كبل الغرفتي غسلت وبدلت وطلعت اساعدهم بالعشا

روان : وين جنتي انتي وحكيم

_ اءء رحت للدكتوره

اسراء : عزا بعينج يادكتوره ليش شبيج واخذج للدكتوره

_ عندي تكيس .. شفتهن وحده تباوع للثانيه

اسراء : تكيس منين اجاج

_ من الله منين يعني

روان : حبيبتي عندج العافيه ..

اسراء : اكلج عمج حكيم شلونه وياج

_ شنو يعني

اسراء : يعني شلون يتعامل وياج .. شفته اتأشر بحاجبها الروان .. يعني قصدي يعاملج مثل نجاة هم يحضنج ويبوسج ويكعدج على رجله

_ شنو هل حجي عمو ورده ماكو مثله ولا باخلاقه كافي النخوه والغيره الشايله

اسراء : اعصابج نونو

_ شبيج جهالج بطولج اسراء ترا تلعب نفسي من هيج حجي انداريت على صوت نزار واكف باب المطبخ

نزار : خلف المنعول جلب طلع انكس منه

اسراء : انته المن تقصد ابووي ؟

نزار : لا اقصد يلوك للهوش ياكل ماكنتوش

روان : هههههههههههه عوفي عليج العباس لو تحطين روحج بروحه متخلصين من السانه اليوم

اسراء : رجعت اشتغل واركع بالكونترات

نرمان : صارت بصفي وحجت بصوت ناصي تسمعني ..

اسراء : انوب عليه وصخ رجليه

_ رجعت اشتغل مادرتلها بال خلصنه العشا صعدت وديت اكل للولد فوك ونزلت تعشينه وغسلت المواعين وطبيت الغرفتي ماعندي شي اسوي حتى دراسه مبادين بيها كلش حطيت سماعات بأذني وكمت فليت شعري وحطيت حمره سحريه وكمت اتمايل ويا الاغنيه لحد ما التفتت اغني اهواك واتمنى اعيش وياك اهواك واشوف حكيم واكف كبالي مجتف ومبتسم بس حطيت عيني بعينه دنك

_ شلووون تدخل بدون مدك الباب

_ ما دكيت الباب بس فلشته عليج ومتفتحين عبالي ميته طلعت صفيناز صاعده مسرح

_ لزمتني الضحكه واتذكرت اني بدون حجاب جريت البطانيه ولفيت نفسي بيها

_ جيبي دواج خل اعلمج عليه

_ رحت جبته وكعدت على السرير كعد بصفي طلع العلاج وكام يأشرلي بقلم ماجك ويكتب بالعربي بخط واضح مو مثل ابو الصيدليه عبالك مسوي حزوره عالغلاف

_ كام طلع بدون ميحاجيني .. متت من الخجل هسه شكال بكلبه غير هيلك الا تتمركصين بهل ليل سديت الباب وتمدت واني اذكر من حضني شكد ارتاحيت يمكن امي لو حاضنتني ماحس بالدفو الي بحضنه اجاني اشعار بالمبايل فتحته رابط مال اغنيه من عمو دخلت عليه

قيس هشام :- بالهوى طاير بالهوى طاير شعرك سواد اليل بالهوى طاير خلاني حاير حسنك ياروح الروح خلاني حاير .. بعيوني اضمك

_ كمت اسمعها وارجع اعيدها مبتسمه وشي بداخلي يرفرف من السعاده دزيتله

_ عمو كلبي رفرف وطار من حنيتك ...

يتبع ...

الكاتبة : ( Duha al amer ) 🦋

رغم كل المشاكل والخلافات

ورغم كل شغله مو حلوه بصفاتي

يجن غيرج وفتره يضلن وياي وبالتالي يطلعن من حياتي ذني كلهن شفتهن نزوه وذنوب واشوفج مثل سجادة صلاتي

..

رايكم ..

_________________________________________

كام طلع بدون ميحاجيني .. متت من الخجل هسه شكال بكلبه غير هيلك الا تتمركصين بهل ليل سديت الباب وتمددت واني اذكر من حضني شكد ارتاحيت يمكن امي لو حاضنتني ماحس بالدفو البحضنه اجاني اشعار بالمبايل فتحته رابط مال اغنيه من عمو دخلت عليه

قيس هشام :- بالهوى طاير بالهوى طاير شعرك سواد اليل بالهوى طاير خلاني حاير حسنك ياروح الروح خلاني حاير .. بعيوني اضمك

_ كمت اسمعها وارجع اعيدها مبتسمه وشي بداخلي يرفرف من السعاده دزيتله

_ عمو كلبي رفرف وطار من حنيتك ... مارد مرت ربع ساعه ورجع دز

_ تنكص ايد امج المدته على شعرج

_ حسيت حلكي انشك من الابتسامه دزيتله

_ بعد ماكصه

_ عفيه وليدي يله طفي مبايلج ونامي

_ طفيته وتمددت نشفت شعري على المخده وكمت اطلع غصل العب بيهن لحد ما غفيت ثاني يوم هم وصلني الدوام والطريق كله ماحجينه شي للضهر اجه يرجعني صعدت ويا

_ الله يساعدك

_ ويساعدج نونو

_ ابتسمت .. اليوم ما صار عندي ألم الحمدلله

_ الفضل للمسكنات ..

_ فتح الجكمجه وطلع سرنجه وابره كزاز حطهن بصف الكير .. بلعت ريكي بخوف شنو ذني ؟

_ راح اخذج اضربين ابره اليوم ان شاءلله وبعد اسبوع بس 4 عندج بسيطات

_ بس اني اخاف ماحب ما اضرب ابر

_ هوا منو يحب يضرب ابر ؟ هاذه علاجج لتتمقلجين نونو هيه جكه ابره متحسين بيها

_ صرت ارجف .. فجئه وكف يم بيت مكتوب عليه لافته مال مضمد وقابله

_ يلا نزلي

_ اءء ليش جايبني هنا

_ طبي للقابله ضربيه وتعالي يله بابا لتعطليني عندي شغل اريد اطلع

_ نزلت خايفه انطاني الابره وياه 5 الاف حته ادفع ضل واكف بالباب وطبيت جان مفتوح دكيت الباب الداخلي فتحتلي مرة متوسطه العمر

_ عندي ابره اريد اضربها

_ ثواني .. طبت شويه وانفتحت باب ثانيه بالحديقه دخلت شفت سرير وبصفه ادويه ومكصات بلعت ريكي وانطيتها العلاج .. حبابه على كيفج وياي

_ هيه جكت ابره شراح اسويلج يعني اكص راسج

_ انغثيت منها .. لااا مو اكو ميفتهمن ويضربن ابر .. بس حجيت هيج صارت اعصاب

_ اني جنت اداوم بالطبابه العسكريه بزمن صدام لواء بالدوله اعالجهم وايدي خفيفه محد يحس بيها جان عميد ميرضى واحد يضربه ابره غيري بس تقاعدت وكمت اشتغل هل شغله الجايفه

_ صفنت عليها متقاعدة ؟ شكلها عبالك وحده عمرها 20 سنه انوب سطرت راسي بطولاتها

_ يله انداري

_ درت وجهي وماحس غير ضربتني داست بالابره ضليت صامده خلصت واخذت الفلوس ورجعتلي الباقي اثناء مجاي تكمل بطولاتها قاطعتها

_ اني اترخص اهلي منتضريني برا .. طلعت شفت عمو عيونه بكصته وميتحاجه

_ شبيك عمو

_ انفجر بيه :- شنوووو وين وليتي عبالي نمتي يمهم انييييي مو كتلججج عندي شغلللل اريد اااااولي

_ اني شعليه غير هية وكفت تحجيلي قصت حياتها

_ متكولين اااااكو مطي منتضرررررني براااا

_ حشاك ..

_ مشى بسرعه وصلني للبيت بس نزلت رجع طلع بالسياره مستعجل اول ما دخلت اجت عمه اصيله بوجهي

_ اشرقت وانورت هلا بسورها ونورها .. شنوووو جان عندج درس اضافييي ؟

_ جنت اضرب ابره ..

_ ابرة ماليش

_ اهوووو شبيكم كلما كلت اروح للدكتوره لو عندي علاج تتخبلون يعني اني وحد ما اتمرض

اسراء : اني اول مرا اسمع ببنيه عدها تكيس ادري بالتكيس عند المزوجات يعني عد وحده مو بنيه حجتها بحديه

_ والله اذا انتي جاهله ومتفتهمين اني شنو ذنبي ؟

اصيله : ولج منين جبتي هاذه السان اجيتينا جنج فاره دايس عليها قطار كلمتين سوه متعرفين تحجين

_ الدنيا علمتني عمه .. اني اريد افتهم انتي ليش هيج تعامليني اني شمسويتلج فوك ضليمتي ابوي مات وامي عافتني .. يعني اقلها اذا متحنين عليه حني على اخوج الميت وكولي ثواب الروحه اعوفها بحاله

_ طركاعه لفت راسج يالمضلومه اني المضلومه مو انتي شو ارقه لبس تلبسين وطلعات وطبات ويا عمج حكيم غير المنعرفه

_ عفته جاي اطلع لزمت ايدي ولوته بالعكس الضهري اااااااه اااااااااه عمممممه ايددددي

_ ولج اني لو اريد اكنس بيج الشارع انتي وعمج حكيم بس اني هسه سااااكته وعايفتكم براحتكم

_ اجت روان تبعدها عندي ضربتها بعكس ايدها على صدرها .. وخررري لج بت الزمال خايفه عليها

بسمه : ولجن هاي لو منج يما الا اخليها خدامه شو انتي عادي عندج هاي المكوده اذكرين نجاة من جان يسبحها ومنكدر نحجي لان اخته بس هاي بت اخوج احطها وادوس بطنها

_ ولج ابطن منو ادوسين ؟

_ التفتت اشوف فاروق واكف وبيده سويجه يفر بي

نسمه : ابطن اخوك لان طلعها من ماعونها

فاروق : هاااا كلتيلي

_ واكف يسولف ابرود لحد ما نزع الحذاء ومنشوف غير كامن يطايرن على نسمه

نسمه : امددداكم راح تموتون عليها الله يعلم شمستفادين منها

فاروق : ابتسم بخبث .. لو مستفاد منها جان ماركعتج بالحذاء

اصيله : عبالك اسكتلك يجون ولدي ويصرفون وياك ..

نرمان : كفختني على راسي

اصيلة : طبي جوه ام الشوارع

فاروق : ام الشوارع اهون من هجامات البيوت

نزار : طبيت اركض على صوتهم .. هاااي شكو شصاير

نسمه : بجي وعياط .. هاي هاي الجلبة يطردوني منوراها

نزار : منيه

_ قندران

نزار : ولج اصيله انتي كافشه نرمان ؟

اصيله : واكسر راسها انته ياهو مالتك

نزار : كفشج البين وعزاوين .. واني اكول هاذه السم منين جاي ينزل اثاري باجي اصيله جاي اضخ

اسراء : احجي عدل ويا عمه هاي تاج روسنه

نزار : تاج راسج انتي مو اني فتون علف سدي حلكج لا افضحج كدام الوادم ام الخبط

فاروق : هدددي البنيه اصيله .. كبل هدته طبت نرمان تبجي وتعدل بملابسها ..

نزار : اكو واحد عنده اخت مثل نسمه ويضربها بالنعال

نسمه : اي والله

نزار : المفروض يضربها بالمنجل ويفتح راسها

فاروق : هههههههههههههه لا هاي جرعه تصبيرات انطيتها علما يجي حكيم

نسمه : لا بداعت ابوي لاتكله والعباس ابو فاضل ماعيدها

نزار : دجيبي 10 وماخلي يكله

نسمه : منيلي غير كتلني وذبني مايريدني عايشه على نكوط الحب الينطينياهن نجم

فاروق : تنهدت .. عود كولي هل حجي الحكيم

نزار : يله خيتي نسمه اني صاعد انام ديرو بالك على العراق بين ما اكعد ..

فاروق : اخذني وياك الكعده هنا تكصر العمر

نرمان : طبيت الغرفتي ابجي ليش لازم اتفشل وانقهر دائما ليش ما الي فرحه تكمل من وجع الوجع ومن حزن الحزن كعدت اندم بحضني وابجي كاتمه نفسي ما اريد واحد يسمعني ويشمت بيه

_حطيت راسي على المخده بدون ما ابدل ماحسيت على نفسي غير نمت للعصر كعدت فتحت كتبي قريت شويه وراها قررت اراسل نجاة اسئل عليها فتحت مبايلي ودزيتلها

_ شلونج حبيبتي نجاة طمنيني عنج .. ماردت عفته بدون ما الح خاف المبايل بيد زوجها اخذت ملابس طبيت سبحت وطلعت شربت علاجي بدون ما اكل شي شويه واجاني اشعار

_ الحمدلله نونو انتي شلونج مشتاقتلج

_ زينه اكو احد يمج لو احجي

_ كولي

_ ضل بالي عليج اصالحتي ويا فلاح لو لا احجي الصدك

_ اي الحمدلله

_ يعني مرتاحه

_ اي ليضل بالج انتي شلونج اخواني شلونهم حبابه لتعوفيهم دائما نضفي بيتهم واتفقدي نزار اذا مماكل لان مرات يضل بلا غده

_ لا لتفكرين ابد شنو يردون جاي اسويلهم

_ اروحلج فدوه والله مشتاقه لكعداتنه

_ تعالي يمنا

_ لا ما اجي

_ براحتج حبيبتي

_ يله اني اترخص مع السلامه

_ الله وياج .. سديته وشمرته على السرير طلعت كعدت بالصاله شفت عمو كاعد يتفرج تلفزيون هوا وابو واخوانه كعدت اتفرج وياهم حاطي على اخبار ويسبون وينعلون بالارهاب شويه وطبت عمتي اصيله انطتني المبايل

_ هاااج امج تريدج

بصدمه :- امي اني

_ اي امج انتي هاااج راح يخلص الرصيد

_ اخذته منها ايدي ترجف وكلبي انعصر سمعتها تكول الو

_ اءء الو

حكيم : دغيت نزار .. نصي خل اسمع

_ نزلت دموعي لا اراديا واني اسمعها

_ حبيبه يما نرمان مشتاقتلج بنيتي الووو اسمعيني ووينج يمةةة

_ ليش يما لييييش هيج سويتي بيا هان عليج اذبيني من ايد الايد هان عليج انام يوميه بمكان

_ لاااا يما ميهون عليه بس الضروف حكمتني المهم انتي مرتاحه ابيت عمتج وان شاء لله اني بنص السنه اجي اخذج يمي بعد نعيش سوه

_ الداس بكلبي انها ماذبت دمعه وتحجي عبالك البارحه جنت كاعده يمها من حركت روحي سديت المبايل بوجها وانطيته بيد عمتي وطلعت افتر بالبيت روحي تلوب كمت افرفح واعض باصابيعي

اصيله : ولج سكط ليش اسدي بوجه امج خاف حلتلج الكعده هنا بس تجي عليج تروحين وياهة

نرمان : صرخت بحركه واعصابي انفجرت .. كااااافي يوميييييه اطرررديني عباااالج اني ماعندددي احساس عبااالج اني عاجبتني الكعده هنا اصلاااا انيييي بعد ما ابقه هناااااا خر* بهاذه البيت وباليكعد بي

_ طلعت امشي سريع من باب المطبخ امشي متوجهه للشارع كمت اسمع صوت صياح بالبيت ارج رج طلعت بالشارع ما ادري وين اروح كمت امسح بدموعي التنزل ماحسيت غير انسحبت من رداني

_ وووين ررررايحه امشي رجعييييي

_ عووووفني نزار ما ارجع بعد ماررررررجع

_ صوووتج لج لاصيحين منا العالم لتخليني امد ايدي عليج امشي طبي ماناقصين فضايح ..

_ عوووفني مخنوكه راح اموت راح اطك

_ زين تعالي نمشي مناك منا بساتين .. سحبته من ردانها باتجاه الشارع العالم اسمعه تبجي وتمسح بوجها .. كاافي عيب هسه شيفكرون ليش تبجين

_ طز بالعالم ميهموني بعد

_ تعاي ام السان خل ارجعج للبيت هسه نلكه عمج حكيم طابك عنده الحار والبارد .. اخذتها ورجعنه للبيت مشيتهة بالبستان ..

" احم على الاقل انتي سمعتي صوتها اني شفتها بعيني بس المشكله مو هنا

_ لعد وين

_ جر نفس بحسره المشكله شفت روحي بيها مثل المرايه العكست ملامحي بس الملامح لا اكثر ولا اقل الداخل اظلم

_ دمعت عيوني عليه حسيته غص بالحجي وغير الموضوع

_ شوفي هاي الجذعه زرعه حكيم وذني الخضورات ملات عمتج تحب تعلف سلك وجرجير فرش على الغده تعاي خل انكطعهن وانذبهن للدجاج

_ ليش حرامات

_ باعي هوا شي تافه بس بلكت يبرد كلبج

_ لا خطيه النبات كائن حي شنو ذنبها نحرمها من المي ونهمشها علمود عمتي

_ اويلي عليج نونو حتى النبات كلبج يحن عليه

فاروق : انته عليمن حارك دمك وراح تموت مو كتلتها وكدام ابوي ولدها .. صفك بيده حيل وصاح

_ ماشفه كلبي

_ تريد العدل .. عض شفته وهز راسه .. انطيها لامها هيه اولى بيها البنيه شافت ضيم هنا على الاقل امها ادير بالها عليها عليمن يو

_ قاطعته .. ما انطيها لو تطلع نخله بروسكم

_ لشوكت اضل هنا

_ الله كريم .. شويه وطبت هيا ونزار كعدت على التخم مرتجي ضلت واكفه بالباب تستحي اطب

فاروق : واكفه قصاص

نرمان : طبيت كعدت يمهم

نزار : حكيم اني راح اروح للاسواق تريد شي

حكيم : لا

نرمان : طلع نزار وكام فاروق طب الغرفته وقفل الباب حته عمو كام طب الغرفته وسد الباب ضليت بالهول وحدي شويه واجه نزار جايب حلويات وببسي طلعهن وجاب كلاصات ثنين بيهن ثلج صبه وكعد بالكاع كلب التلفزيون على مسلسته التركيه

_ هاي نفسها مال ذاك اليوم؟

_ اي بس لتخافين هاي الحلقه مابيها حل***

_ باوعتله بخزره و درت وجهي بتجاه الباب واكل كيك اذكرت اليوم عندي واجب ومقاريه كمت اريد انزل

_ وين رايحه اوكفي

_ اريد جنطتي مال مدرسه عندي قرايه

_ ضلي هنا اني اجيبلجياهن هسه عمتج ت**** بس اشوفج

_ نزل جابها واجه انطانياهة

_ هاج هاذه مبايلج شفته واكع بالكاع

_ اخذتهن منا شكرا نزوري

_ لا بشرفج لصيحيلي نزوري احس روحي سمجة ابو خريزه

_ هههههههههههه اكول هاي ريحته الزفر منين طالعه

_ من حلكج ام الزفر

_ شفته تنرفز كعدت اقرة كملت وكمت افتر بالبيت ضوجه طبيت للمطبخ جبت خيارة وكعدت اكل

_ الله جيبيلي وياج وحطيلي عليها ملح

_ كمت جبتله ورجعت هاك .. ضلينه نتفرج تلفزيون سمعت مبايلي اجاني اشعار على مبايلي فتحته

_ وين انتي

_ يمكم بالبيت

_ نزلي جوه راح يجون اهل رجله النسمه لصعدين فوك علما يرحون .. سديت المبايل وكمت اخذت ملابسي وطلعت سبحت طبيت للهول شفتهه بعدها كاعده

_ ولج شكتلج اني

_ العفو .. كبل كامت طلعت

حكيم : نزار انته هم بدل وانزل واذا فاروق كعد خل ينزل راح يجي رجل نسمه يرجعه

نزار : بهليل ؟ متوازي

_ دكوم بلا حجي زايد .. نزلنه اني ويا بالهول لكيت كمال ونجم هم كاعدين باوعت على نجم من فوك ليجوه

" باقر عمو "

باقر : ها عمو

حكيم : عمك نجم بايك هدومك لو انته بايك هدومه

نزار : هههههههههههههههههه اي والكعبه

نجم : ليش شبيه واصنفون لو مشايفين واحد حضري ومثقف

حكيم : ليش الزلمه الحضري الحوك يلبس شورت اصفر وتشيرت وردي جنك قلم ملاحضات ..

نجم : اكل اليعجبك والبس اليعجب الناس

حكيم : فاهم المثل من *** كوم بابه كوم بدل لاضحك الوادم علينه واذا اضل كاعد بغرفتك بعد احسن

نجم : الكعده مال اختي وما احضر امدا الشوارب الشايلهه

نزار : اول مرا تحجي حجايه بيها خير

حكيم : دغيته انطم واسكت لا اهده عليك

نزار : هههههههه ميخوف اصيله العفو جلبي

كمال : احم يابه نسمه تريد نشرط عليه بيت وحده يلا ترجع

نزار : والله اغبر اذا قبل

كمال : جا شلون نخليها عدنه العمر كله

حكيم : بالاول وبالاخير الكلمه الرجلها .. مرت ساعه واندكت الباب استقبلنا الرجال فطير كلش لا يحل ولا يربط شوره بيد امه ونسمه لاعبه عليه جقه شبر انحلت وكال من الله يمكني اطلعه بيت وحدها اخذها وراح ..

_ تعشينه جوه وصعدت فوك جان الوكت متئخر راسلت نرمان

_ اخذي علاجج ونامي لضلين كاعده

،نرمان : شفت رسالته مسحت دموعي .. حاضر .. طفيت المبايل وكامت تجي اشعارات ما فتحتها كام صوت امي يرن باذني مجاي اكدر انسى برودها وياي ولا السوته بيا عمتي كعدت بالكاع حضنت رجلي الصدري بجيت علما حسيت نفسي ارتاحيت طلعت البيت فارغ الكل بغرفهم طبيت للمطبخ سويت لفه مال جبن اكلتها ورحت شربت علاجي فتحت رسائله

_ نونو اقري سورة المزمل 10 مرات واني راح اقراها الج 10 مرات بنية الشفاء ماشي مو تنسين نبلش بيها هسه

_ الو ليش متردين

_ دزيتله عمو راسي يوجعني اريد انام باجر اقراها .. مباشرا دزلي .. براحتج .. طفيته وتمددت احوس بالفراش لحد ما غفيت الوكت متئخر

" ثاني يوم دك المنبه طفيته كعدت وضليت فاتحه عيني ما اريد ادوام ضليت بالفراش سمعت الباب اندكت كمت فتحته وصرت ورا الباب

_ صباح الخير .. وينج اتأخرنا

_ صباح النور .. ما اداوم اليوم

_ اكدر اعرف السبب

_ ماحس نفسي جاهزه اشوف ناس وابتسم بوجهم تعبااانة عمو

_ سلامت كلبج من التعب ارجعي نامي راح اوصل نزار وارجع

_ الله وياك .. سديت الباب ورجعت لفراشي ماتحركت ولا عيوني رمشن قريب الساعه واجتني رساله فتحته

_ صعدي فوك انتضرج

_ بدون مارد لبست حجاب ويا التراك طلعت من الغرفه وسمعت عمتي اشمر حجي

_ هم يعجبه الذبان ****

_ عبرته وطلعت فوك انتبهت عليها طلعت ورايه تباوع صعدت شفت الباب مفتوح طبيت جوه سمعت صوته من المطبخ

_ سديها وراج .. سديته وطبيت للمطبخ لكيته مشغل فيروز ويغني وياها ويحضر بالريوك وهديتني ورده فرجيتا لصحابي خبيتا بكتابي زرعتا عالمخده شال ورده من المزهريه قدملياها مبتسم هديتك مزهريه لاكنت اداريا ولا تعتني فيها تا ضاعت الهديه ...

_ ضحكت ودنكت شميت الورده وكمت اكح

_ الله الله

_ هاي وين جانت ماكلها التراب

_ ضحك بصوت عالي ..شمدريني راح تندمجين وشميها

_ تعالي وراي شال الصينيه وطلع طبينه للصاله حطها على الطبله وكعدنا بالكاع شفت الاكل كيمر وكاهي ومربة فراوله وجبن وجاي

_ هاي المن هلكد اكل

_ النه اني وانتي شنو ولج خاف مو بعينج انه وغزاله

_ ابتسمت وضيقت عيني .. غزاله منو ؟

_ وحده

_ انعصر كلبي حجيت بهدوء .. حبيبتك

_ هز ايده اقرب من هيج

_ صديقتك ؟

_ بعد اقرب

_ شنو اقرب ماعندك اخت غير نجاة

_ اخ الله خشمي

_ شبي

_ شم ريحت ثول قويه سطرتني من الصباحيات

_ كمت اكل واباوعله بخزرات متعمده ..

_ شو كمت اشك بروحي ليش هيج تباوعين جنج واوي

_ الكمه بحلكي وحجيت غزاله منو ..

_ دبلعي لشركين .. ضحك واكل لكمه .. انتي

_ ياااا اني

_ اي

_ شلون بله وليش اشبهني بحيوان

_ ولج انتي مو صوجج صدك مال اشبهج بحيوان اطفحي واسكتي

_ سويت نفسي ضايجه كدامه بس بداخلي طايره من الفرح .. خلصنه اكل شال الصينيه وداها للمطبخ واجه كعد على القنفه الكبالي .. يكلب بالتلفزيون

_ تحبين احطه على شي اشوفين

_ لا ممتابعه شي .. كلبه حطه على قناة سعوديه تبث قران من بيت الله صوته كلش مريح للسمع

_ باوعتلها من فوك ليجوه لابسه تراك ضاب على جسمها .. ولج انتي شلابسه

_ شلابسه .. مارد

_ تنهد ورجع على التخم وغمض عينه مستمع للقران ضليت اباوع على طوله وضخامته الله مصلي على محمد وال محمد ماد جسمه من التخم لجوه الطبله طابه انتبهت على حفره برجله شكلها غريب عبالك الحم مغيط للداخل اول مرا اشوفها تشبه الغمازه ضيقت عيني اباوع عليها

_ يمعودددده كولي يالله وين جاي تباوعين

_ عمو هاي شنو برجلك غمازه ؟ بس كلت هيج ضحك بصوت مسموع وكام يهز براسه مكشر

_ جا بس اني غمازتي هنا

_ شمدريني .. لعد شنو هاي شو اني ماعندي

_ الله يبعد عنج كل شي نونو هاي مكان مال طلقه

_ ضربت على صدري طلقه انضربت

_ سمعي

الرجوع الى الماضي البصره سنه 2007

_________________________________________

حكيم : كاعد بالهول انضف سلاح ابوي خلصت وشديته طب نجم

_ انطينيا اني لكمل تنضيفة

_ نجم روح بول ونام

_ وحق العباس اذا ما انطيتنيا من تكمل اخذه واطلع اصيد بي

_ اخذه بالكت الله يشيلوك الامريكان ونخلص

_ سمعت الباب تندك عفت السلاح على الطبله وطلعت اشوف منو رجعت للهول شفته لازمه ويحط تفال عليه ويمسحه سحب اقسام وكف يريد يصوب

_ نجم ترا ماكاعدين بالبر اكو عالم ودنيا اذا ضربت طلقه متلوم اله نفسك

_ مجاي تضرب شكلت .. يدوس على الزناد ومتضرب

_تقربت عليه اشوفها ما سمعت غير الصوت مالتها وشمر السلاح وكام يلطم على راسه لهنا اني ماحسيت بألم نزلت راسي اباوع على فخذي مرت ثواني معدوده وكعت بالكاع فقدت السيطره على جسمي من الوجع

نجم : ولج يماااااا لحكييييني حكيم ماااات يمااااااا الدم غركه خلص ددددددمه .. طبو امي وابوي وكمال ورجل رحاب يمنا شالو حطو على القنفه حايرين بي

فاضل : كمال شغل السياره خل ناخذه وليدي راح يموت

كمال : بويه مانكدر انطلعه والامريكان مطوقين الشارع

ياسر : عمي خل نجيبله مضمد للبيت راح يخلص دمه

كمال : طلعت اركض .. دكيت الباب على المضمد حجي علاء طلعلي ابنه

_ ابوك وين

_ طالع تريد شي

_ اخوي اتصاوب وراح يروح من ادينا اريد حجي علاء يسعفه

_ طالع موش هنا خارج البصره اجيكم انه

_ تعرف

_ اي اي بس خلني اجيب الجنطه .. طب شويه وطلع اخذته ورحنه للبيت

فاضل : بويه انته تعرف لو لا

_ اي عمي اعرف

حكيم : حط ايده على الطلقه لو روحي شاغت ... وخررررر ايددددك لا اكفررررر بيك

_ خويه ماعندي مخدر تتحمل وجع

فاضل : يتحمل بويه يتحمل

حكيم : غمضت عيني وكام ينبش بالطلقه يريد يطلع راسها واني اشتعل وانطفي علما طلعه وبده يخيط

_ توجعك

_ الخياط اهون بس كمل .. خلص الخياط وطلع غسل ورجع .. الطلقه مو غميجه جايه بفخذه ماواصله للعظم ان شاءلله مابي بس العافيه

_ابوي انطا حسابه وطلع طب ابوي بيده خيزرانه كام يضرب بنجم علما زوعه العافيه اخر شي وكع بالكاع وكام يبجي

فاضل : صاير سبع يالغمه تسابع على اخوك

حكيم : بويه ما ضربني متقصد

فاضل : ولك منوووو منوووو امك وازتك على اخوك احجييي رجع يضربه

حكيم : بويه رحمه على ابوك هويدر عوفه

فاضل : اخخ اخخ لو ما محلفني بالغالي .. اصييييله اصييييييله وجعه امي التنام بكلبج

اصيله : وكفت متخصره .. شتريد بعد ابنك وكام جنه حصان

فاضل : سوي برتقال واشوي معلاك الحكيم لا ادوس ابطنه وطلع ثربه من حلكه

حكيم : لزمتني الضحكه ضليت متمدد ويجيبولي صينيه ويشيلون صينيه كمت اذا اتمغط يركضون عليه خاف محتاج شي للمغرب طب فاروق يركض

_ حكيم مصطفى ابن عمه سرور ضرب نزار

_ كمت على حيلي اعرج طبيت للمطبخ جريت الصونده وطلعت للشارع شفته فاحط وكاعد على الرصيف .. منو ضربك

_ مصطفى

_ صحت على مصطفى تعااااااال .. اجه يركض يتلفت

_ انته ضارب نزار

_ اءء ماضربته جنه نلعب

_ جتفت ايده ثنين وضربته على خاصرته عاط وكام يجر بيده يريد يطفر جنزته كدام الجهال وعفته جاي اطب اجه بوجهي فاروق ركعته بصونده على ايده صرخ وكام يكز

فاروق : انيييي شعلييييه ليشش تضربني

حكيم : حته مرا ثانيه انته تاخذ حقه صاير بكد البغل ومن واحد يسويلك شي تجي عليه تعال اسندني ماكدر ادوس على رجلي ..

_ تقرب يفرك بيده ارتجيت عليه وطبيت للبيت كعدت على القنفه .. مرت ايام وبديت اتعافه وعلى كولتج خياط ابن حجي علاء صار غمازه

نرمان : ههههههههههههههههههه يستاهل نجم الكتله

حكيم : ياريت الكتل بي فايده

_ بهل اثناء انفتح الباب ودخلت نجاة

_ مساء الخير

حكيم : يابه بنيتي اليوم يمي تقدمت عليها حضنتها .. شلونج بويه

_ بخير دام اشوف وجهك الله لا يحرمني من شوفتك رجعت حضنته بقوه شفت نرمان كاعده حضنتها وبوستها

نرمان : رحت جبتلها مي واجيت

نجاة : عاشت ايدج حبيبتي .. اليوم كاعدين سوه ونونو ممداومه

حكيم : اي راسها يوجعها ماخليتها اداوم انتي شلونج امورج

نجاة : تنهدت الحمدلله زينه .. لعد نزار وفاروق وين

حكيم : بدواماتهم

نجاة : مشتاقتلهم لعد راح اكوم اسوي غده حته نجتمع سوه فلاح ميجي اليوم عليه

حكيم : اخذي راحتج بويه

نرمان : اني راح اكوم اساعدها .. كمت وراها للمطبخ

_ هاي شنو عيني كيمر وكاهي وحركات

_ وخري من ايدج اني اغسلهن .. وكفت اغسلهن وهيا تحضر بالغده سمعت الباب انسدت عرفت عمو طلع بت تركب بالغده بس خلصت سحبتني من ايدي للهول .. يمعوده شبيج اوكفي

_ وكفت تتكاوت كبالي وتفرك بأديها

_ شبيج

_ نرمان ادري انتي مو حمل هيج مصايب والبيج مكفيج بس اني ماعندي غيرج اذا احجي لاي احد راح يفضحوني

_ شبيج نجاة احجي .. خوفتيني

_ اني حامل

_ حلفي

_ والقران

_ حبيبتي الف مبروك الله يقر عينج بشوفته

_ ماريده

_ بهتت ملامحي .. منو المتردي

_ الطفل لبطني .. كعدي خل افهمج

_ كعدت مصعوقه من الجاي اسمعه

_ من عرف فلاح اني حامل كلب الدنيا على راسي ميريد خلفه يكلي عندي ثنين مراويني نجوم الضهر انوب اجيبيلي بعد واحد

_ وانتي قبلتي تكتلين ابنج على حساب فلاح ميريد طفل

_ اني هم ماريده

_ لج انتي مخبله ابنج هاذه ابنج الله .. ضحكت باستهزاء يلا صار عندي عادي الجاي اسمعه امي ذبتني بعمر الورد انتي مذبين هاذه من بطنج بس اريد افتهم انتو شنو من امهات شنو كلوبجن حجرر .. فقدت عليها كمت اصيح وهيه تبجي

_ سكتي يمعوده الدنيا كلها درت

_ اني معليه عسا ما اجيبي واشمري بالشارع عادي انتن ماكو بكلوبجن رحمه

_ كااااافي نرمااااان احتررررمي نفسج زودتيهاااا وياي

" بهل اثناء طب نزار ضل صافن ويخوزر بينه ركضت نجاة حضنته وتبوس بي مسحت وجه قبل ليشوفها

_ شبيجن صوتجن للشارع

نرمان : ماكو شي جنه نشاقه

نجاة : خزرتها ورحت للمطبخ دكيت على حكيم اشوفه وين صار بديت احضر بالغده شويه وسمعت صوتهم اجو طبت نرمان تحضر بالاكل وياي خلصنه ونقلنه الاكل وكل شويه اشوفها تباوعلي وتصفن بوجهي

حكيم : شبيجن صاير شي قبل شويه اضحكن وتشاقن

فاروق : شكو نجاة خوما مسويلج شي فلاح

نجاة : ها لا لا كلشي مابيه

نزار : ياخبر بفلوس بكرا يبقا بلاش

نجاة : كعدنه ناكل بصمت .. خلصنه وشلت الاكل غسلت المواعين والتمينه بالهول كعدت بصف حكيم حضني من جتفي ويسولف وياي

_ مرتاحه بيت رجلج

_ هزيت راسي اي"

_ خوما مشاكل

_ لا ابد

_ عفيه بنيتي ماريد فديوم يجي واحد يشكي منج بست راسها وكمت ترخصت منهم عندي شغل لان باجر عندي طلعه البغداد

نرمان : تنزلت جوه طبيت الغرفتي وقفلت الباب بعد ماصعدت فوك العرفته نجاة العصر راحت مرت الايام واني اداوم وارجع للبيت تعبانه اقره وما اطلع من غرفتي وكل اسبوع اروح اضرب ابره اول شهر من العلاج تعدلت شهريتي رجعت للدكتوره سويت سونار كالت رايح التكيس بيومها كلش فرحت وعمو هم جان مرتاح

_رجعنه للبيت شفنه نجاة موجوده وتلوج وجها اصفر وملامحها باهته سلمت عليها ودخلت بس شافت حكيم حضنته وكامت تبجي بحركه

_ شبيج نجااة

_ حكييييم كامت تكرر اسمه وتبجي وتحضن بي بعدها عنه يباوع على وجها شاف فكها ازرك لزمه يفرك بي

_ شبيييييي وجهج

_ حكيم ابني مات

_ فتح عينه بصدمه ولازم وجها يا ابن شتكولين انتي

_ فلاااح وكعه ضربني علما وكعه فقدت اعصابها وجرت ثوبها وطلعت اثار رجلها المتشوها من الضرب لونها ازرك اخر شي اندارت تشوفه ضهرها حته ملابسها الداخليه طلعت رفع راسه حكيم يباوعلها وملامحه تنفض شرار طب للغرفه شويه وطلع بيده سلاح نزل يركض من الدرج واني وياها انصيح

_ اووووكف عمووووو وين رايح نزلت اركض ورا جلبت بايده نترني وكعت شغل سيارته وطلع طب فاروق شافني ابجي والطم على رجلي صحت

" فاررروق الحكه راح يكتل فلاح اخذ سلاحه لتعووووفه ابوس ايدك .. كبل طلع بسيارته ورا عمو حكيم رجعت صعدت ورا نجاة واصيله وجناينها صعدن فوك يردن يعرفن شكو كعدت بالكاع نجاة ادك وتلطم

اصيله : ولج يمعزايه شداكه من دكه واخوج راح يذابح ويا الوادم

_ ماشوف غير نجاة كامت على اصيله وكعت بيها دك ضرب وين ميوجعها وذيج ترفح جواها

نجاة : كلبببببه حقيرررره الله لا يخليج ولج ماعوووفج اذا ما اشرب من دمج .. ماعفته اله لامن طلعت الدم من وجها سحبوني عنها اعصابي ترجف كمت افكر بحكيم اذا خسر شبابه بسببي عمري كله راح اعيش بندم مرت ساعات اشبه بالموت البطيئ لحد ما شفت فاروق طب لزمني من شعري ملخه تملخ بيده

_ك ***** ساقطه هووووا هاذه البعتينه علموده هاااذه الكتلتي روحج عليه ميريددددج ولج تدررررين من رحنه شسووووه شمر عقد الزززواج صك على سنونه وحجه يكول خل ترفع عليه دعوه واطلكها تعرررفين شنو معناها لو لا ... معناهة مستكثر بيج حته الحاضر والغايب بت الزماااااال اخذ منج الي يريده وشمرج

نرمان : كمت اريد افك شعرها من ايده علما هده تكطع كله بيده وهيا شبه انجنت ملخت روحه تملخ .. ابوس ايدك كولي عمووو وين

_ رجع ليورا يتنفس سريع حجه بصوت مبحوح .. هسه يجي

_ ضليت كاعده على اعصابي منتضره اشوفه سالم يلا يبرد كلبي لليل طب هوا ونزار بيده كانولا بس شفته ركضت عليه حضنته من بطنه طببو الغرفته ماقبل ينام ضل كاعد على السرير يهز برجله ومنصي راسه سمعت صوتهم يتعاركون ويا نجاة تقربت عليه اذكرت من حظني كعدت بصفه وحطيت راسي على جتفه

لزمت ايده البيها الكانولا وبستها

_ عمو انته مصخن

_ هز راسه ورجع جسمه على الجربايه متمدد كمت للمطبخ ادور على قطعه قماش اسويله بيها كمادات ماكو بس ملات الطباخ نزعت حجابي كصيت منا وصله وجبت مي بارد من البراد ورحت اسويله كمادات غمض عينه وملامحه ارتخت سمعت الباب انفتح اشرت النزار

_ اششش نام .. شلت الطاسه وطلعت برا يمهم لكيت كمال ونجم هم موجودين عدلت حجابي وكعدت بصف نجاة ضلو يحجون بسالفتها

كمال : باجر نسوي كعده ونطيح حضه

نجم : عليمن مرته وحر بيها عسما يذبحها دام هيه على ذمته احنه المفروض منشجعه ونكوي شوكتها عليه

فاروق : جني اني الراح اكوم اكسر راسك وشوكتك لضل تمضرط

كمال : معليكم بي بس اي الاريد اعرفه حكيم شلون يروح يفتح جتفه بالساطور

نزار : صدك منين جابه

فاروق : اني جنت شايله بالسياره وانطيتهيا واخذت المسدس

كمال : لا سبع مكان متكحلها تعميها

نجم : من احجي مترضون

نرمان : حسيت نجاة ادغني همست .. شبيج

نجاة : كومي وياي

نرمان : كمت وياها للمطبخ نزعت جبتها وشعرها مكفش نزلت عيني على دشداشتها سابحه بدمها

_ يمااااااا هااااااي شنوووو

_ عفيه لازم اروح للدكتوره بس اخاف اكوللهم نرمان شلون

_ شنو تخافين امشي خل ياخذوج للمستشفى لتموتين

_ اخاااف يرجعون يضربوني

_ اسكتي اني راح اطلع اشوف نزار واكله ياخذج فاروق مجلوب ميتحاجه .. طلعت من المطبخ اشرت النزار يجي

نزار : ها شتريدين

نرمان : ماعرفت شحجي ضليت صافنه بوجه

نزار : هااا بشري

نرمان : لازم تاخذ نجاة للمستشفى جاي تنزف .. مادري شلون طلعت مني .. شفته يباوع على نجاة بخوف ارتبك وكال لبسي حجابج وتعالي

_ بسرعه لبست وطلعت ورا راح وياهم كمال ومرته اسراء طب فاروق الغرفته وركع الباب ضليت بالهول وحدي مينطيني كلبي انزل قررت اطب اتفقده واروح

_ طبيت امشي بالممر على اطراف فتحت الباب على كيفي الغرفه ضلمه بيها ضوه خافت طاب من الشباك انتبهت عليه بملابسه الداخليه نايم والكانونه متحركه وطالع من ايده دم نازله منها قطرات على بطنه تقربت عليه تلمست وجها يطلع نار والغرفه بوخه دغيته بجتفه

_ عمو تسمعني .. انكلب واسمعه يون

_ انته مصخن لازم تكوم تسبح .. ماحسيت غير حط ايده على خصري وسحبني انكلبت على وجهي فوكا دفعت ايده وابتعدت عنا سمعته يحجي

_ نرماان تعااالي يمي لتعوفيني

_ تقربت عليه لزمت ايده لا ماعوفك .. قرفص وكام يرجف ويكرر لاتعوفيني ..

يتبع ....

الكاتبة : ( Duha al amer ) 🦋

جنت اطول بالوداع بلكي منك حجايه التردني

ردت تحسسني اهمك من اكلك هدني ترفض ما تهدني ؟؟

تابعني انستا duu_199

_________________________________________

طبيت امشي بالممر على اطرافي فتحت الباب على كيفي الغرفه ضلمه بيها ضوه خافت طاب من الشباك انتبهت عليه بملابسه الداخليه نايم والكانونه متحركه وطالع من ايده دم نازله منه قطرات على بطنه تقربت عليه تلمست وجها يطلع نار والغرفه بوخه دغيته بجتفه

_ عمو تسمعني .. انكلب واسمعه يون

_ انته مصخن لازم تكوم تسبح .. ماحسيت غير حط ايده على خصري وسحبني انكلبت على وجهي فوكا دفعت ايده وابتعدت عنا سمعته يحجي

_ نرماان تعااالي يمي لتعوفيني

_ تقربت عليه لزمت ايده لا ماعوفك .. قرفص وكام يرجف ويكرر لاتعوفيني ..

" ضليت كاعده واسمعه يهلوس بكلمات ممفهومه ماعرفت شسوي جبت مي بارد ورجعت اسويله كمادات عليت البنكه لان الجو بارد مو مال سبلت فتح عينه بثكل كام يردد

_ بارده ، بارده ، رجعت طفيت البنكه وغطيته زين .. صاح

_ بعد اريد غطه

_ كمت فتحت الكنتور وطلعتله غطه ثاني هم حطيته فوكا نصيت عليه

_ عمو شلونك هسه .. ماحسيت غير سحبني من ملابسي وحجه بصوت يرجف

_ ضلي يمي

_ اءء لا عمو اريد انزل .. شفته رجع غمض انقهرت اعوفه كعدت بالكاع بصفه واباوع على جف ايده نازل منها قطرات دم يابسه حطيت مي باصبعي وكمت امسح بي قربت ايده وبستها بخفه سرحت بملامحه المرسومه وشعره الاسود الكثيف وريحته الطاغيه بجو الغرفه

" قاطع افكاري صوت الاذان اتذكرت سوره المزمل كال اقراها للعافيه كمت توضيت وصليت الفجر شلت القران من يم راسه وكعدت اقرا وانفخ بوجها اخر مرا قريتها جاي نفخ فتح عينه يرمش حجه بصوت مبحوح

_شتسوين

_ اقرالك سوره المزمل

_ غمض عينه بثكل .. وليش تنفخين بوجهي

_ ابتسمت .. حته الايه توصل من حلكي الك

_ كام يضحك ويفر براسه .. خرب يومج والله ضحكتيني حته مفعولها يوصل اسرع

_ فرحت من شفته يضحك .. اي

_ كرص خشمي .. والله لانعل ابو شكلج "

_ شكد اتنرفز من هاي الجمله بس ضليت مبتسمه المهم هوا مابي شي

_ ليش كاعده بالكاع كومي يمي على الجربايه كعدي

_ لا مرتاحه هيج

_ نجاة وين شلون صارت

_ راحت للمستشفى ويا نزار وكمال .. رفع راسه يباوعلي بقلق

_ ليش شبيها

_ اءء عمو مريضه

_ رفع نفسه وفتح مبايله اتصل وفتحه سبيكر دنك ويضرب باصابيعه بطرف الجربايه منتضره يرد رجع يدك مرا ثانيه قريب مينسد جاوبه

_ الووو وين انتو

نزار : بمستشفى **** الاهليه نجاة صاير عدها نزيف وتكول دكتوره يرادلها عمليه كركاش

حكيم : كرداش ؟ ليش هيا بيا شهر

نزار : ماعرف .. ولازم توقيع ال**** فلاح عاد فضيتها وقعت بمكانه

حكيم : وهسه هيا وين

نزار : بعدهم ما مطلعيها

حكيم : انتضرو اني جايكم .. سديت المبايل وكمت بسرعه بدلت واخذت سويجي

نرمان : الله عليك اخذني وياك اشوفها

_ نرمان امشي نزلي بغرفتج بس فاروق بالبيت ومن نجي اني ابلغج حته تجين تشوفين نجاة

_ تنهدت ونزلت ويا صعد بسيارته وراح طبيت من باب المطبخ شفت روان جاي تترس مي

روان : شلون صارت نجاة

نرمان : عبرتها وطبيت للغرفه لان لو مهتمه جان صعدت شافتها ضليت كاعده للصبح ادعي النجاة واسبح الله يسهل عليها صارت ساعه 7 الصبح لبست وطلعت كعدت بالدرج شويه وطلع فاروق يدخن يعني هوا هم منايم

فاروق : شعندج هنا كاعده

نرمان : انتضر نجاة خطيه سولها عمليه .. هز راسه وطفه الجكاره وشعل وحده ثانيه ضل واكف يعاين على الحديقه

_انفتحت الباب وطبت سياره حكيم وكمال كمت اركض عليهم حكيم نزل نجاة من السياره بس شفته بهتت ملامحي تون وتبجي بصوت مخيف لزموها من جتافه يمشوها

نجاة : اااااااه راح امووووت بطنييييي اااااااااه يماااااا لحكيني اااااااه

حكيم : اششش اهدي .. شلتها وصعدتها الدرج نيمتها بغرفة فاروق ونزار

نرمان : عمو شبيها ليش هيج بطنها توجعا كمت ارجف من شفتها جفونها مورمه وبس فاتحه حلكه وتون

حكيم : الك*** يد مسويلهيا بدون بنج عام

نرمان : ضربت صدري بخوف يمااااا ليش هيج الله لا يوفقهم

حكيم : انته مطي غير تسئل البنج مال عمليه شنو

نزار : هيه عمليه شمدريني ميبنجوها اعلم الغيب

نرمان : اباوع على فاروق ساكت ويباوعلها عيونه حمر عرفته يبجي عليها مادري ليش هيج يعاملها وهوا يحبها

حكيم : امشو خل نطلع خلوها ترتاح

نجاة : لااا لتعوفوني وحدي ضلو يمي

_ رجعو كعدو يمها كام حكيم يلعب بشعرها .. بجت ولزمت ايده تبوس بيها

نجاة : سامحني حكيم ابوس ايدك اني غلطت استاهل كل الصار بيه

حكيم : طبطبت على ايدها اهدي مو هسه نحجي

فاروق : لا هسه نحجي ليييش ضربج اريد اعرف

حكيم : سد الموضوع

فاروق : ما اسده ترا مثل ما اختك اختي

نجاة : بجيت وصحت .. لان ميريد الطفل ومرته هم متريده اني ما مزوجه فلاح مزوجه سهى هيا الامر النهاي عني وعنه .. الف مرا كتله ابني ما اموته هاذه اول طفل اليه اول فرحه تقر عيني والقران وراسكم انتو الما احلف بي جذب لا اجاوزت عليه ولا فتحت حلكي اجه الضهر تغده وطب نام بغرفه مرته طب بليل

قبل يومان

_________________________________________

نجاة : سبحت وطلعت امشط بشعري طب فلاح بليل عاقد حاجبه وبيده سبحه يفر بيها

فلاح : حضري روحج باجر اذبين الطفل

_ شلون اذبه اصلا ولا دكتوره تقبل تجهض طفل

_ وانتي شمدريج

_ خابرت دكتوره وسئلتها ورفضت رفض قاطع .. حجيت هيج بلكت الله يشيل الفكره من راسه

_ اي لعد باجر الصبح سهى كالت اجيبلها ابره من بت خالتي صيدلانيه تضربها ويصير عندج نزيف اخذج للمستشفى يذبو

_ تخبلت من سمعت حجيه .. ياسهى يا ابره انته شتحجي فلاح ابني ما اذبه لو تنكلب الدنيا شذنبي اني انته عندك جهال ثنين تريد اضل عمري كله عاكر علمود حضرتك شبعان خلفه حجيت هيج ورجعت امشط شعري

_ اباوعله بالمرايه ابتسم بخبث وكام سحبني الحضنه شمرني على الجربايه وتقرب مني بحنيه وهدوء ابتعد وراح للحمام بدون ميكول ولا كلمه سبح وطلع ضليت صافنه على تصرفه كلش انقهرت من موخر بهل طريقه

" كمت سبحت وطلعت شغلت تدفئه ونمت للصبح سمعت الباب تندك حيل اووووف منو بهل صباحيات

سهى : شنو العروس بعدها نايمه لازم تختختي البارحه

نجاة : فتحت الباب وكفت .. خيررر شتردييين ساعه 9 شكووو .. طلعت ابره كبالي وتخصرت تضحك

_ يلا حبيبه حته تلحكين اضربيها وراح نومه طويله بالمستشفى

_ النومه الج ان شاءلله جاي اسد الباب دفعتها وطبت لزمت ثوبي جرتني منا كمت اصيح ادفعا عندي ماشوف غير فلاح طب وراها

فلاح : حسج بت الكلب انعل ابوج لابو الجابج عليه

نجاة : وخرررروووو عنيييييي الله لا يوفقكم يا جلاااااااااب ماحسيت غير هيا لازمتني وهوا يدفر بطني وبضهري علما طك شي جواي لزمت اسفل بطني بوجع وكعدت بالكاع اصرخ لااااا فلااااااح عليك الله برررروح ابووووك عوووووفني فلاااااح رااااااااح اموووووووت

_ عافني وكعد على السرير يتنفس بسرعه .. بت الجلب كومي اخذي سلاباتج وروحي لك*** يدج خل يربوج ويعلموج الاصول وتعاليلي عود

نجاة : كمت اصرخ من الوجع كمت انتجي على الميز اريد اوصل للحمام طبيت اني سامعه من اصيله الي تفتح رجلها و تكعد مكنبصه عدها وجع لو اجيب لو يوكع الطفل سويت مثل ما اذكر ماحسيت غير مثل الشحم مدمه كام يوكع مني عصرت ثوبي ابجي والوجع موتني طلعت من الحمام بلكت يسعفني

فلاح : يلا لبسي عباتج خل اخوتج الكو*** يحيرون بيج

_ انصدمت بي صدمه عمري .. اذيته بالكلام طغت على وجع جسمي حطيت عباتي على راسي وصلتي باب البيت

_ يلا نزلي ولي واني عندي حجي ويا اخوتج وابوج الشيخ جر الحجايه باستهزاء نزلت من السياره طبيت للبيت تلكاني الحارس وصعد فوك اوون من الالم

فاروق : من كلتلكم ي**** ماصدكتوني اذا ما انبش ابو بكبره

حكيم : ممنوع تصرف بشي بدون علمي اليوم اصير كعده وخلي الحك ويانه خلينه كاسرين عينه

_ سكت وطلع من الغرفه سمعنه ركت الباب مال البيت

نزار : معليج بي هاذه مخبل احنه ناخذ حكج من عينه وداعتج

نجاة : برطمت .. عندي وجع نزار

حكيم : كمت طلعت واشرت النرمان تجي ورايه

_ ها عمو

_ تعرفين اسوين شوربه

_ اي اعرف اسوي مال عدس

_ بلا أمر عليج اسويلها شوربه واني راح اجيبلها معلاك وتمر لان خسرت دم وعدها علاج

_ لا عمو انته مو تئمر انته على عيني وراسي صدك تحجي لو تطلب روحي انطيكياها

_ حطيت ايدي على راسها بامتنان يله استعجلي بين ما اروح واجي

نرمان : طبيت للمطبخ سويت شوربه قريب ما تخلص طب بيده كومه علاليك اخذتهن منا .. الله يساعدك

_ ويساعدج ابويه خلصتي

_ اي بس تثخن شويه واطفيها

_ عاشت ايدج طلعي المسواك وجبت لفات مال معلاك النه كلنه حطيهن بصينيه وتعاي

_ سويت مثل ما كال وجهزت صينيه وطببت للغرفه شفت نزار يشاقه ويا نجاة ويضحكها

نزار : يعني هسه متكليلي الكرداش شلون سولجيا

نجاة : بابتسامه لا ما اكلك

حكيم : شكد مستهتر روح افتحلك كتاب اقرى

نزار : يمعود الدراسه لو تفيد جان فادت اهل الكبور

نجاة : القصيده للطالب المسحول نزار فاضل موو

حكيم : رحم الله والديج يلا كافي كومو اكلو رفعت نجاة من ضهرها عدلتها شلت الطاسه وكمت اوكلها شوربه .. طيبه ؟

نجاة : تخبل

حكيم : يابه هاي نونو ام البيت سوتها موعيب تطلع موطيبه

نرمان : ابتسمت بفخر وكمت اكل واباوع على منضرهم شلون حلو يهتم بنجاة شكد كلبه حنين هل حكيم

نزار : يابه انطوني خاشوكه خل اوكلها مو طكها الجفاف

نرمان : اشرت على نفسي اني ؟

نزار : لا امي نرمان يو ار اسد ؟

الكل : هههههههههههههههههه

نرمان : لا جلب

_ ضلينه كاعدين للعصر يمها نسولف ونضحك وياها حته تنسه كمت اوديها للحمام وعمو يصر اطب وياها و اندار لان متكدر وحدها تكول عندي وجع طلعته من الحمام وديتها للسرير

حكيم : بدلت واخذت سويجي للعصر اجو عمامي ولدهم والتم الفخذ مالتنه خابرت فاروق اجه طبينه للديوان ويا ابوي ونجم وكمال ونزار جانت كلها حاضره بدت ناس ترفع وناس تكبس

فاروق : اذا انته مو زلمه ومو حمل مسئوليه زواج ثاني وخلفه ليشششش ازوجت

فلاح : من البدايه كلت ماريد خلفه عندي جهال واختكم اجاوزت عليه اني مو نيتي اضربها بس هيه جبرتني

حكيم : يابه نعتذر منك هيه اجاوزت وجبرتك تضربها زززين والابره ؟ وبت خالت مرتك الي تريد اطرحها ؟ انته تدري اني هاي الكعده سويتها علمودك لطفا بيك والا اني اكدر اروح ارفع دعوه عليك وعندي ادله كامله واول وحده اسجنها مرتك وبت خالتها وانوب انته وياهن يحطوك .. بس احترمت الزاد والملح الي انته ماحسبتله حساب يعني هسه اني مسوي فضل براسك لو لا

فلاح : اذا هيج الحجي صار مثل ما دخلنه بالمعروف نطلع بالمعروف

حكيم : يله طلك

فلاح : يتلفت يمنا ويسرى .. ارفعو قضيه عليه واطلكها

حكيم : افااااا يبن عمي ليش تريد رضيعتي ترفع عليك دعوه ؟

فلاح : غير هاذه الحجي ماعندي

طرف ثاني : يابه صلو على محمد مو هيج تنحل ماكو رجال ميضرب مرته والمرا لازم تتحمل شني اول وحيده اخر وحيده وحك هاذه المي اليغسل الحي والميت المرا عندي بالبيت افكس عيونها وماتحجي

فاروق : عمي اختنه ماطالعه من زرف الحايط وكلمن ابخص بهله

فلاح : خل تتنازل عن الحاضر والغايب واطلكها انه ماعندي سويتلها عرس تحجي بي البصره

نزار : عرسيش ولك لوما احنه عشيناك بالحنه

طرف ثاني : عيب بويه من تحجي الكبار الصغار يسكتون

نزار : يا صغار عمي انه رجال حقوقي اذا ماتعرفني

فاروق : دغيته لتمضرط مو وكتها

حكيم : شوف فلاح هاي كدام الوادم اطلك ورجلك فوك راسك واشلع حقوق نجاة من عيونك واذا ما سويت الي اكلك عليه الك رب والي رب

فلاح : اطلكها بس اصبرون عليا لان ماعندي ولا فلس

حكيم : فضت الكعده وكلمن رجع البيته ..

فاضل : ا ار اريد اش اشوف نجاة

نزار : اني اصعدك دفعته بالعربانه بس درج ما اكدر اصعده اجه فاروق ساعدني وصعدنا فوك طببنا الغرفت نجاة جانت كاعده تبجي بس شافت ابوي كامت من مكانها باست راسه

فاضل : دمعت عيونه ورفع اصبعه اليرجف .. والله و و والله اخذلج ح حقج منه

نجاة : حضنته جنت بهاي الحضه محتاجه حضن حتلو من عدوي رغم اني مشايفه منه حنيه هاي اول مرا

حكيم : نسصيت على الكرسي مالته اليوم اضل ويانه تتعشه .. هز راسه اي "

نزار : التفتت شفت نرمان تبجي وتباوع عليهم ردت اكول لبوي يحضنها بس خاف ينعجب بيها وياخذها مالنه خلك هوا ضعيف امام هيج اعمار

نرمان : حسيت نفسي محتاجه نفس حضن نجاة من ابويه اتمنيت لو عايش جان كل هل تعب ماشفته باوعت على عمو حكيم بس جان هوا هم ماشفته مسحت دمعتي ورحت للمطبخ كعدت خلي ياخذون راحتهم همه عائله اني شكو بنصهم .. شويه ودخل عمو

_ ها بابا ليش كاعده هنا وحدج

_ لا هيج ماكو شي بس كلت اعوفكم براحتكم

_ ضحك مستهزء شنو انتي راح اضايقينه مثلا

_ مارديت كمت اعدل بحجابي مجاعله نضراته الغريبه شويه واجه سحبني من ايدي للغرفه طب وسد الباب

_ شبيج ؟ ليش تبجين

_ اوووف شكد تسئلني شبيج

_ وشنو معاجبتج ؟ اكو ناس تتحسر على هاي الكلمه تتحسر على واحد يسئلها شبيج بس الضاهر انتي متعافيه

_ اوكف عمو زعلت

_ لا مازعلت بس قبل لا تحجين فكري " لسانك حصانك ان صنته صانك ان خنته خانك "

_ زين هسه شسوي وانته اضوج من الائسف والاعتذار

_ تريدين حضن ؟

_ ارتبكت من حجايته اكيد عباله ابجي على الحضن .. لا لا عمو ماريد

_ متأكده

_ اي متأكده

_ هواي لو شويه

_ شنوه ؟

_ متأكده

_ ضحكت يوو سوالفك عمو سامحني يلا راح اطلع فتحت الباب وطلعت

" مرت الايام ونجاة صارت احسن رجعت الدوامي وكل يوم ارجع الكه نجاة مسويتلنه طبخه شكل ونلتم كلنه بس بليل انزل انام جوه وكلما اطب واطلع اسمع حجي من عمتي واتعلمت على هل موال بيوم وصلني فاروق للمدرسه لان عمو سافر البغداد طبيت للبيت اريد ابدل واصعد يم نجاة

اصيله : هلاااا والله همزين زرتي المك*ب خانه مالتنه

نرمان : عمه فدوه تعبانه بس ابدل واطلع اكعد استمعلج

اصيله : كامت اطك اصبعتين وتهز بركبتها .. ايييي ايييي اني الج بت عماد

نرمان : طبيت للغرفه كلبي مقبوض اخاف صدك اسويلي شي طبيت للحمام سبحت وبدلت وصعدت يم نجاة شفته تكرز حب ويا نزار ويتفلونه بالكاع عطت بيهم

_ ادري هااااي ليش لان المسح عليه هيج اسون

نزار : هيج الحب يصير طعمه اطيب

نرمان : ايييع

نجاة : تعاي هاج شلت صم مال حب وحطيته بحضنها

نرمان : كعدت اكرز وياهم على الواهس

نجاة : والقران روحي طالعه لا مبايل ولا طلعه ولا طبه

نرمان : ليش مبايلج وين

نجاة : حكيم اخذه مني يكول هل فتره ارتاحي من كلشي مارسي الحياة الطبيعيه

نزار : ميدري الحياة جاي تمارس بينه

نجاة : كفخته انجب ولك منا لبنيه

نزار : موقصدي وجع علساس انتي مرا ام الكركاش

نجاة : دعرف كوله بالاول انته اخ انته تعاير اختك بمرضها

نرمان : اهو راح يتكافشون .. ضلينه على هيج نمط صرت اقره واكل كله هنا على واهس نجاة مر شهر على وجودها هنا وهل مرا عمو اتئخر بسفرته وكلبي طك على شوفته بيوم جنت ماقاريه امتحاني ناسيه

_ داومت وماعرفت اجاوب بالامتحان انقهرت كلش طلعت من المدرسه واشوف عمو واكف بصف سيارته مجتف ويباوعلي رحت اهرول للسياره بس ماحضنته رغم حنيني اله صعدت بالسياره

_ شلونك عمو ليش هلكد غبت عني

_ لو بيدي والله ماعوفكم بس شغلي هاذه

_ حباب لتروح بعد هلكد مو كلبي طك عليك .. انتبهتله يباوعلي بنضره بيها ابتسامه غريبه

_ جر نفس من جكارته ونفضها اني هم كلبي طك عليج .. احم اي شلونه الدراسه

_ زفت اليوم سلمت ورقتي فارغه .. التفتعليه عاقد حاجبه

_ ليش

_ ماقريت

_ حقج حقج ملتهيه بسوالف الطايحضها اكل ونوم وسوالف وحش بالعالم ويا نجاة بس نرجع للبيت حته مبايلج اخذه واكعد اقريج وباجر تمتحنين من جديد

_ متقبل تعيده

_ غصبا ما على ابوها تعيده

نرمان : رجعنه للبيت بس طبينه تلكتنه نجاة حضنها وبوسها صبت غده وكعدنه اكلنا وطب نام للعصر كعد

حكيم : جيبي كتبج وتعالي

نجاة : وين تعال قريها هنا يمي ضايجه

حكيم : راح اقريها ما اخذها للمنتزه .. يلا كومي هناك تركزين اكثر

نجاة : تنهدت كووومي نونو كووومي هناك تركزين اكثر

نرمان : ضحكت على حركات نجاة تعوج بحلكه اخذت كتبي وطبيت للغرفه ورا كعد وحط صونده بصفه بلعت ريكي بخوف جر مني الكتاب وكعد يشرح

حكيم : جاي تفتهمين عليه مو

نرمان : اي

حكيم : شجاي اكول

نرمان : شو عيد

حكيم : جريت الصونده .. اعيد ؟

نرمان : لا لا لتعيد كافي حفظته

حكيم : ولج فصمه اضحكين عليه انتي ضربته بالصونده بخفه على ايدها

نرمان : ههههههههههه متوجع

حكيم : مو اخليها توجع

نرمان : لا يله خل نكمل شرح مو مال شقه هسه عندي امتحان باجر

حكيم : ضحكت .. استغفرلله انتي وتالي وياج

نرمان : كمل عمو كمل لضيع وكتنه الوكت ثمين

حكيم : ايبااااخ صفيناز هسه يلا عرفتي ثمين

نرمان : انحرجت وكمت ابلعم .. ابتسم ورجع يشرح بحدود الساعتين حشه الفصل براسي تحشا كمت طلعت يم نجاة .. لحكيني شوا على اذاني بصل

نجاة : حيييل همزين ماعندي لا مدرسه ولا امنتحانات يما اني للخامس وكلت حقي برئبتي رادو عالجو وياي مارضيت اكمل

نرمان : احسلج

حكيم : عطت بيهن هاذه حال الفاشلات من يلتقن

نرمان : سكتنه .. صدك ثاني يوم وصلني وطب وياي للمدرسه بس طلب منهم يعيدون الامتحان مباشرا وافقو هاي لو اني كايلتله جان لعبن لعب بيه طلع وامتحنت مال البارحه واليوم وطلعت من المدرسه جان اخر امتحان الي وعطلنه نصف السنه رجعت للبيت منتعشه بدلت وطلعت من الغرفه مسرسحه من الفرحه شفت عمه اصيله متخوصره واكفه .. عبرتها وصعدت فوك لكيت عمو كاعد

_ ها تغديتو بدوني اليوم جان انتضرتوني .. اشرتلي نجاة اسكت ماعرفت شكو باوعت على عمو الي العرك يزخ منه والدنيا بارده رفع عينه خازرني .. شكو شبيكم

حكيم : انطيني مبايلج نرمان

نرمان : بدون تردد انطيتهيا استغربت تصرفه .. ضل يكلب بي ساعه كمت الوب اخر شي حطه بصفه ورجع يلعب بمبايله فتح صوره الي بمكالمه فيديو فاتحه كامرا ويا واحد مغطي وجها بس لحيته مبينه فتحت عيني على وسعها ولطمت على صدري وال قبل ما اكمل الحجايه صفكني راشدي ..

يتبع ....

نهايه البارت : بنوتات خل نسوي جدول للتنزيل بين يوم ويوم راح انزل بارت والساعه نحددها بالانستا لان راح اروح البيت اهلي وامي مسافره اني مكانها😭😭 وها تابعن حسابي لا اموتجن هناك ندردش وستوريات وحركات duu_199

ملاحضه : لاحد تشيل ذنب عمو حكيم قبل لتعرفن سالفه نرمان والبارت الجاي بي مفاجئات 🙉 وها عمو حكيم عمره 29 بالروايه مواليد 1986