تحميل رواية «عاشقه السفير» PDF

عاشقة_السفير21

الكاتبةchra kirkuki

سأقتحم حــــــدودك ....

وأجعل دمى يسرى بدمك ... ســـــــأذوب داخــــــــلك ....

سأجعل عطرى ينساب فى هوائك ... سأجعلك ترى وجهى فى مـــــــــرآتك....

فإذا إمتنعت عن النظر،،،سوف أعانق أنفاسك،،،فترآنى فى منامك ...

سأجعل عيناك تعانق عينى وإذا حاولت الهرب منـــى ،،،،

فلن تهرب من طيـــــــفى فإنه سينساب بين حنايا قلبك..

فــحــذارى من حبي.

عماد :كسرت كل قيودي ويا آيه نستني نفسي عشنا احلى ايام يوميه سوية من الصبح لحد الليل كوة لازم نفسي منها كلش حبيتها حسيت بسعادة ماتنوصف حتى أهلي من اخابرهم امي تكولي صوتك متغير مبين مرتاح بسفريتك اجاوبها اي كلش اليوم معزوم على سهره اتعرفت خلال دورتي لفرنسا على نائب بالبرلمان فبقينا نتشاوف كل ماجي للبنان وبينا اتصالات جنت طالع ويا آيه شكد تدلل عليه حبي ارجعج للشقة اني معزوم على سهرة

ماخليك تروح عماد مشبعت منك اليوم كله تشتري ملابس لهالسهرة

امشي هسة بعدين لاتخليني اروح حبيبتي

لخاطري خلي نروح يم البحر كلش حلو الجو هسة

ههههه طبعا كل هذا حتى تأخريني اعرفج مجرمه

وانت ليش مستعجل للسهرة لو تحبني متروح

ميصير حبيبتي عيب ارده شيكول عليه بعدين

اوعدني تغمض عينك وتغض البصر ولاتباوع على بنية

ماكو وحدة تملي عيني غيرج حبي تعرفين شنو يعني عماد يعشق آيه

اوف خجلتني زين رجعني وروح لاتخلي عطر اهواية

حاضر تأمريني أميرتي

رجعت ضايجة شفت ليان مبدلة وكاشخة عبالك عروسة

هم زين جيتي خالج بالحمام عباله انتي نايمه صارلي ساعات وياه حتى مينتبه انتي مموجودة

ضحكت شكرا راح انام من صدك ومن القهر

ماكو نوم اخويه عازمنا لازم نروح وانتي هم معزومة اهلي كالو الا تجي

لا عفية ماكدر عماد مراح يوافق

ليعيني احجيلج كلمتين وبوسة وهو يرضى انتي يمتى تتعلمين

ماعرف اشوف خابرته اكثر من مرة ميجاوب وخالي مصر اروح وياهم احس نفسي تورطت

ناجي :راح نتأخر بالسهرة مراح اخليج وحدج الا تجين

ماكدر روحو تونسو مقبلو واني خايفة من عماد بدلت ورحت وياهم بس بالي يم عماد .

رجعت آيه لشقة خالها ورحت لمكان السهرة رحبو بيه مكان جان راقي هو جان ويا عائلته وجماعة سياسين كعدت شفت كرسي كدامي فارغ والبنية اللي يم الكرسي باوعتلي مصدومة وكفت وراحت استغربت شبيها هالخبله قدمو مشروبات اني اخذتها وخليتها يمي بس مو ناوي اشربها الكعدة جان اكثر من ١٠ اشخاص والميز جبير صديقي كالي

اخو ليان:عماد اليوم انسى نفسك واخذ راحتك اهنا مكان كلهم اصحاب مناصب محد يكدر يصور او يحجي شي والبنات اللي تريدها تحت امرك

شكرته وكتله اذا احتاجيت شي راح اكولك يابنات واني عندي أحلاهم .

جنت ارتب نفسي بالحمامات ضجت من نظرات اخو ليان وتلميحاته انه معجب بيه جتي ليان

آيه اكو مفاجأة حلوة تنتظرج برا اذا شفتيها راح تموتين

شنو هي الصراحة اليوم احس يصير شي مو زين بكلبي مادام اخوج ويانا

مراح اكولج تعالي آيه طوخي المكياج شوية وخلي حمرة

لا ماحب

مو بكيفج ونزلي الفستان من كتافج خليج انثوية

ياانثوية انتي ورطيني كوة دامشي بالفستان ماعرف انتي شلون تلبسيها

تعودي اصلا هذا أستر شي خليتج تلبسيها

ياتعود عماد لو يشوفني يموتني

هههههه من يشوفج هو يموت مو انتي

طلعت كعدت ردت احجي ويا خالي شفت عماد مقابيلي على الميز عرفني خالي عليه جان مسوي نفسه ميعرفني والخبلة اللي يمي بس تكرصني بكلبي كلت هاي مفاجأة لو فاجعة باوعتله ماكو اي تعبير عادي الله يستر طول السهرة اني مو يمهم من التوتر والخوف مجنت اعرف شكو ماكو شفته كام يركص ويا بنية طلب مني اخو ليان اكوم وياه رفضت مقبلت لو بيدي اكوم واحرك عماد افندي مثل مايحركني بس ماريد اخسره لزمت نفسي اجه كعد باوعلي هذا يشرب همينه ويدخن شفت البنية جتي كعدت يمي وتباوعله وتحجي وياه بعد اني خلصت عندي لا اتكيت ولا هم يحزنون جابو العشا اني علاساس ممنتبهه وكعت عصيري عليها فزت وكامت باوعتله ابتسم مرديت عليه سويت نفسي معصبة استأذنت كمت اروح للحمام طلعت شفته بوجهي

شتسوين اهنا شلون تطلعين من غير أذن

بعصبية مثل الي تسوي حضرتك

ترادديني

من حركاتك شلون تركص ويا هاي الرخيصة

وانتي شلون تلبسين وتجين هيجي اماكن متعرفين اغار عليج حبي مسحي مكياج ماتحمل نظراتهم الج زين

الله عليك لاتحجي وياها

خرب شسويتي بيها عيب لزمي نفسج

اذا انت بالموضوع ماكو لاعيب ولا شي

روحي مسحي اوك

ليان :أستاذ عماد ليش متركص ويا آيه خطية هي الوحيدة مكامت تركص

هسة تسويلي مشكله خالي كال اذا تحبين كومي عادي هو هم كيف كمنا نركص حبيبي لاتزعل من ليان

مو زعلان بالعكس كلش متونس هاي جتني من السما حبيبتي بحضني هاي ليان تستاهل هديه

عماد اتمنى نبقى هيجي للأبد سوية كلش فرحانه احلى شي واني بحضنك كدام العالم من غير خوف

واني همينه حبيبتي احتمال بعد باجر ارجع وانتي هم رجعي كافي ماقبل تبقين اهنا اكثر واليوم سماح بعد متجين هيجي اماكن زين حبي

عماد انت تشرب

هههه والله قليل واصلا مجنت ناوي أشرب بس شفتج من قهري شربت ومحسيت بنفسي

لاتشرب زين اخاف عليك يصير بيك شي

اذا انتي كدامي ومحروم منج ماكدر اوعدج حبي آيه خلي نروح نكعد حضنج دمار ماتحمل بعد .

مقداد :خابرت دينا اتفقت أشوفها بكوفي شوب جتي صافحنا بعض وكعدت حجينا بالماضي والحاضر راح اخطبج بس مو من ابوج من جدج وانتي لازم تساعديني بهاي الخطوة وحفلة زواج ماكو بس اخطبج نروح نسافر وعلاقتي بأهلج تكون معدومة لاتنتظرين مني شي ثاني راح انطيج مهلة ايام فكري بيها عدل واني مراح احرمج من اهلج راح تروحين وتجين عليهم عادي وانتظر موافقة ايجابية منج

يحجي واني ابجي اثنينه نحب بعض لا اني اكدر اخذ غيره لا هو بس اللي يكوله صعب اهوايه لازم احجي ويا امي وجدي اشوف شلون تصير ودعته ورجعت للبيت حجيت لأمي مقبلت

مستحيل أخليج ترخصين نفسج مناقصج شي بنتي هسة ياخذج بعدين يبدي يعايرج بأبوج كافي انتي واختج تحملون ابوكم ذنب غيره اني مصدكت آيه نست موضوع عماد تردين انتي تبدين اختاري ياأهلج يا مقداد

عرفت ماكو فايدة كلت اروح لبيت جدي احجي وياه أحسن شي اعرف ابويه كلبه طيب ومراح ياخذ موقف مني بس شسوي مو بيدي احس هالفرصة اخر أمل بعلاقتنا وماريد أضيعها .

#عاشقة_السفير22

الكاتبةchra kirkuki

في عينيك لهيب الاشتياق...

وفي قلبك مزيج الحب والغرام...

ما قلت للحب كفى فكم من القلب للغرام اشتهى

تعلمت الحب منك وادمنته...

وأخذني الشوق اليك وقبلته...

كل شيء في الحب عنك اخبرته ...

وحتى القمر لهواك اسهرته...

وطال السهر والسهر اعياني...

احبك يا نبضا دق قلبي...♡...فأحياني

دينا : ركبت سيارتي حتى اروح لمكتبي باوعت من المرايا شفت مقداد ورايه بسيارته حسيت بفرحة فاقدتها من سنوات طول الليل مسجات حب واعتذار أشرلي اوكف شفته ينزل من سيارته نفس الاحساس اللي جنت احسه من يدخل للجامعه نفس النظرات والابتسامه فتح الباب مكدرت انطق بشي واني اشوف بيده احلى باقة ورد

صباح الحب على الحلوين تجين ويايه لو اني اجي عازمج على مكان يجنن مثلج

مقداد انت متأكد نفسك لو مغيريك راح انجلط شوية شوية عليه اصلا ماكدر اسوق بعد ماشفتك

نزلي وانطيني ايدج لاتخافين اني مقداد بس مع صحوة حب لزمت ايدها اللي ياما عذبني ملمسه واني اتخيلها بيدي

صعدت وياه باوعتله شنو اللي تغير اني عمري مكدرت اكرهك ولا لحظة رغم اذيتني اهواية وجرحتني سنين بدون ذنب

أششش كافي لاتذكريني اصلا اكره نفسي شلون جرحتج يمكن صدمة موت والدي خلاني بهالشكل انتي تعرفيني عمري ماحب ازعل احد مني بكلمه شلون لو جان هذا الشخص قلبي

وصلنا للنادي اللي جنا دايما نلتقي بي ويا اصدقائنا نفطر لو نتغدا اول مرة ادخله بعد فراقنا شفت اصدقائنا المقربين واكفين ينتظرونه محضرين ميز عليه ورود وحلويات كوة لزمت نفسي لاابجي واني اتنقل بين احضان صديقاتي وهمه يباركون رجوعنا لبعض كعدت بصفه هذا مقداد اللي جنت اعرفه صاحب القلب الكبير

شنو رائيج بهالمفاجأة حبيبتي اتمنى كدرت امحي جزء بسيط من افعالي السابقة

يجنن مقداد متصورت نجي اهنا ونلتقي ويا اصدقائنا اخذ ايدي وهو يخلي بيها خاتم خطوبة وسط تصفير وتصفيق اصدقائنا مكدرت الزم نفسي اكثر بجيت من كل كلبي

كافي منريد دموع نريد نفرح ونتزوج ضيعنا اهواية من عمرنا رجعتها لسيارتها ودعتها اصعب اللحظات من تحس بفقدان قيمة الاشياء وتحاول ترجعه الك هذا جان شعوري من حسيت دينا راح تروح من ايديه مكدرت اتصورها ام لاولاد مو مني رحت ويا عمي وياسر طلبتها من جدها وسط اعتراض امي من طريقة الخطبة احتاجيت وقت حتى اقنع جدها يوافق وعدني يحجي ويا ابوها ماتصور دينا بعد اللي مرينا بيها اثنيناتنا راح تتخلى عني

ليان : آيه مباقي شي على زواجي خلي نطلع اليوم نشتري شوية غراض

بس بعد باجر يسافر عماد اريد ابقى وياه هاليومين

روحي بالليل هسة خلينا نطلع وبعدين نروح للصالون نرتب نفسنا وبالليل اتونسو سوية اني راح اطلع وياخالج معزومين ومانرجع للصبح

خلي اخابره واشوف شيكول خابرته حبيبي هسة ماكدر اجي راح اشوفك بليل

بشرط تبقين يمي اوك اتفقنا آيه

بتردد اتفقنا

انتظرج راح أسويلج عشا بنفسي اوك حبيبي ديربالج على نفسج

شنو كالج لونج انخطف

يريدني ابقى يمه بالليل

عادي كل اثنين يحبون بعض يتمنون هالشي وتصير بيناتهم اهواية اشياء وانتي شايفته اكثر من مرة بالليل

هالمرة غير مادري ليش احس نفسي مو مرتاحه رحنا كملت تجهيز وراها ودتني للصالون سويت شعري ومكياج خفيف اشتريت شوية حلويات

عماد :جنت متفق ويا آيه نطلع سويه خابرتني اعتذرت كالت راح اجيك بالليل اني فرحت راح تبقى يمي وحدنا رحت جبت غراض كتلها راح اسويلج عشا رتبت الشقة واشتريت ورود وشموع اريد آيه تكون اليه بأي شكل وشتريتلها ملابس .

وصلت لشقة عماد دكيت باب فتحلي وجرني من ايديه وحضني.

مشتاقلج حبي احبج احبج احبج انتي احلى شي بحياتي

واني اموت عليك شفت شموع ورود حبي شنو هاي كلش حلوة.

عجبتج كلبي هذا اقل شي اقدمها الج عمري تعاي شوفي العشا ضيفي عليها لمساتج .

الله عماد شنو هالريحة تخبل صدك انت مسويها بنفسك

طبعا حبي

والله انت احسن مني بعد شريد اكل من ايد السفير

آيه اني أروح اغسل انتي حضري السفرة

اشكد اوصف فرحتي اعجز طلعت المواعين فرغت الاكل شفت الميز هم مرتبها هذا عماد اشكد رومانسي ولا جان مبين عليه كملت رحت اجيب مي حضني ريحته تخبل الله عماد ريحتك تموت راح اخذها ويايه الشور مالتك .

آيه الشور وصاحبه تحت أمرج اتعشينا احلى عشا جان بالنسبة اليه كعدنا نشوف فلم رومانسي اني اختاريته مخصوص لليوم جنت مخلي ملابس بغرفة نوم ردت اتأكد تكمل ويايه لو لا بعد ماتحمل آيه انتي تحبيني

أي طبعا

متأكدة ومراح تندمين بيوم زين اني راح اطلب منج طلب اريدج تروحين لغرفة النوم تبدلين ثيابج اكو اثنين اختاري واحد بيهم واني راح افتهم واتمنى متخذليني .

بعد العشا عماد اتغير نظراته صوته لمساته جنا نباوع على فلم كالي روحي بدلي اني استغربت سألني احبه لو لا شنو احبك اني ميته عليك لو ماحبك متشوفني يمك هسة كالي اكو ثياب اثنين اختاري بينهم حسيت بخوف من كلامه بس ماريد احسسه بشي فتت لغرفة نوم هم بيها ورود وشموع والفراش عليها ورود شفت ثياب واحد مال نوم واحد فستان سهرة بقيت محتارة ماريد اخون ثقة اهلي واتمادى ويا عماد وماريد اخسر عماد بقيت فترة حايرة حسيته ورايه

آيه سلميني نفسج ماتحمل بعد احبج ارحميني لاتخافين مني اني عماد حبيبج مو اي أحد

انطاني ملابس النوم لزمته وارجف طلع من الغرفة رحت للحمام بدلت كلشي مبين يفضح ميستر متردده اطلع لو لا سمعت صوته

آيه انتظرج

طلعت كوة امشي

خايفة لو متردين

لا مو خايفة واني بكلبي اكول ياربي شلون تورطت جرني للفراش كوة لازمة نفسي يبوسني ويلمسني اني ارجف وخايفة اريد اكول ماريد شي عوفني مينطيني مجال خلص كلشي راح ينتهي آيه انتي نهيتي نفسج.

عمتحملت انتظر تختار اني اختاريتلها وكتلها تسلمني هي ترجف احساس طبيعي تخاف بلحظة فزيت وكمت من عليها ورحت للحمام فتحت الدوش ونفسي سريع ياربي شسويت أني شلون أسوي هيجي بحبيبتي اني مو بشر حيوان اخ اخ متستاهل ألي سويته بيها كسرت كل المرايا بدلت وغيرت ثيابي بدون ماباوع عليها ابقي اهنا للصبح اني راح اطلع صوت بجيها موتني طلعت من الشقة نسيت مفاتيح سيارتي رحت مشي وماعرف وين اروح من الضيقة اللي اني بيها.

اني انتهيت مجنت احس بشي من الخوف واني بين ايده كرهت نفسي وضعفي كدام عماد فجأة كام وعافني راح للحمام سمعت صوت صراخه وتكسير المرايا من الخوف والندم مجنت اكدر اتحرك من مكاني جنت ابجي واضرب نفسي بسكوت شفته طلع حتى مباوع بوجهي جريت الفراش ردت استر نفسي سمعت صوت الباب وراح عافني خلص هذا نهايتي لميت نفسي بعد ساعات بجي غسلت لبست ملابسي صار الصبح خابرت دينا الله يخليج لحكيني راح أموت.

الكاتبةchra kirkuki

عذّبيني بكلّ شيء

سوى الصدّ فما

ذقت كالصّدود

عذاباً وقد قادت

فؤادي في هواها

وطاع لها الفؤاد

وما عصاها خضعت

لها في الحبّ من

بعد عزّتي وكل

ّ محبٍّ للأحبّة

خاضع ولقد

عهدت النّار شيمتها

الهدى و بنار خدّيك

كل قلبٍ حائر عذّبي

ما شئت قلبي،

عذّبي فعذاب الحب

ّ أسمى مطلبي

بعضي بنار

الهجر مات

حريقاً والبعض

أضحى بالدّموع

غريقاً قتل

الورد نفسه

حسداً منك

وألقى دماه في

في وجنتيك.

كعدي دينا سمعت من أمج مقداد الجراح طالب ايدج من جدج صحيح هالشي

رجعت للبيت طول اليوم جنت ويا مقداد استغربت ابويه وامي كاعدين ينتظروني وابويه وجهه ونظراته غريبة عرف بموضوع زواجي

احجي مو تردينه مو كلتي اني راضية لو هو لو ابقى طول عمري بلا زواج ابوج كدامج اني غاسلة ايدي منج من زمان

خليها تحجي لاتضغطين عليها جاوبيني دينا شنو قصرت وياج تدرين انتي اول فرحتي ومعزتج اكثر من آيه وزيد رغم اني ابين حبي لأختج اكثر بس جنت اشوف نفسي بيج واثقة وعاقلة بقراراتها عمري مخفت من قراراتج انطيتج حرية ودعم تحلم كل بنية بيها اخرتها تتزوجين بهالشكل زواج بائس

أصعب موقف هسة اني بي بابا حاولت امنع نفسي مكدرت ارجوك قدر وضعي اني مو ذنبي اللي صار لو ابو مقداد مصار بي هالشي جنت اتزوجه واعيش حياتي وبحضني طفلين او اكثر اني اذبل يوم ورا يوم واضغط على نفسي حتى لااقهركم بحزني عانيت اهواية

لاتكملين كافي الظاهر انتي مقتنعه انه اني قاتل ابو مقداد مثل مايزعم اخوه السفير تدرين عمري متنميت اشوفج مذلولة بهالطريقة كدامي روحي تزوجي وعيشي حياتج بس اكولج هذا البيت تدخلينه زيارة بس تجين يوم وانتي ندمانه على اختيارج اني اول واحد اقفل الباب بوجهج

ارجوك بابا لاتصعبها عليه

ابو زيد اني حجيتلك حتى ترفض الزواجه مو تقتنع خلي تبقى عانس وتنحرم من الامومة اهون عندي اخليها تدمر نفسها بهالشكل بنتي فكري زين بعقلج شتكولين لاهلنا تزوجت واحد ميريد اهلي لو صديقاتج شيكولون عليج تطلعين من بيت ابوج بسكوت عبالج مسوية فضيحه والاخ يتستر عليج لاتضيعين نفسج

متحملت ابقى اكثر بست ايد ابويه اسفة بابا حضنت امي ماكدر ارفض سامحوني طلعت لغرفتي واني ماشوف دربي من الدموع سديت الباب واني اسمع صوت تليفوني آيه تستنجد بيه نسيت نفسي من الخوف عليها

رجعت للشقة بعد مشي ساعات وصوت وصورة آيه ابالي باوعت لنفسي شكلي مبهدل جسمي مي وطين الشقة الي جانت قبل ساعات جنة عشاق صارت خرابة دخلت لغرفة النوم انهاريت شفت الثوب شلتها وشميتها كعدت ابجي على آيه لميت غراضي خابرت حميد اريد ارجع ماتحمل ابقى اهنا دقيقة بعد .

منايمة طول الليل افكر بأختي بعد حجيها البارحة ماكدر افكر بشي رحت على غرفة ابويه وامي صبحت عليهم كتلهم اريد اروح اسافر اتونس يم خالي وآيه نبقى أيام ونرجع بالبداية مقبلو لحيت عليهم

روحي ارتاحي وفكري زين بقرارج ماريدج تندمين خلي مهند يكون وياكم

بابا ميصير اخذ ابن عمتي لبيت خالي مراح يرضى لان خطيبته موجودة وياه

يبقى بالفندق ترجعون وياه

مجبورة اوافق ولو ماحب تصرفات مهند بس لاجل عين تكرم مدينه خابرت مقداد اني لازم اسافر لبنان ضروري

وموضوعنا شلون تسافرين هسة وكته

راح نأجل موضوعنا

ليش شنو صاير

آيه بلبنان صارلها مدة وهسة تعبانة

لحظة اختج بلبنان ترى عماد هم اهناك

شنو مقداد من صدكك آيه بارحة خابرتني تبجي وتريدني يمها

اليوم راح يرجع عماد اكولج دينا حبي احتمال مشايفين بعض لا تاكلين هم تعرفين اختج دلوعة

ويا منو تسافرين لايكون وحدج

لا ويا مهند ابن عمتي

نعم تسافرين ويا مهند لا عيني ماقبل ترى يومية ويا وحدة سوالفه مكسرة اني اثق بيج بس هو لا.

رجعت لشقة خالي مجان موجود رحت طبيت بالفراش الدنيا جان صيف بس اني جنت احس بالبرد ارجف واعرق انتظر وصول دينا على احر من الجمر سمعت صوت تليفوني عبالي دينا سمعت صوت عماد اه عماد وينك ليش خليتني وحدي خلاص اخذت الي تريده وانتهى لا متحبني متحبني بس اني احبك اني اللي خليتك براسي اني جنت عاشقه السفير مو انت مو انت وسديته.

خابرت آيه منهارة انهيار تام عبالها اني عايفها متعرف دموعها نار وتحركني اتذكرت لما جنت منسجم وياها هي جانت ترجف باوعت بعيونها شفت عيون ابويه وهو يباوعلي لما جبت بنية لبيتنا نفس النظرة متحملت صحيت على نفسي وكمت عفتها وهي بعدها طاهرة انهاريت ودخلت للحمام هسة راح ارجع وابدي من جديد آيه راح تكون اليه مهما يكون الثمن.

وصلت اخيرا يم آيه ويايه مهند مخليته يدخل للشقة كتله يروح يرتاح بالفندق باوعلي بأستهزاء

مو تدللين ست دينا انتي وال ولا خليها بدون شي

شنو تقصد احجي بوضوح

ماكو مع سلامه

الله ياخذك صدك حقير شفت آيه منتهية اشبيج حبي بجت

حضنت دينا بكل قوتي اتمنى ادخل بين ضلوعها واحمي نفسي انتهيت دينا اني ضيعت نفسي حجيتلها،

انصدمت

عرفت هاي نهايتج شراح نسوي ولج متعرفين انتو شنو نهايتكم شلون هيجي تسوين مو هذا عماد اللي جنتي تكوليلي يحبني هذا حبه اللي جنتي تحجين بيه ولج الله ياخذج ضربتها موت اي مكان اوصلها اضربها وابجي على حالها ايام ونرجع لازم محد يشوفها وهي بهالحالة .

مرت على السالفة شهرين احضر غراض دينا راح تسافر انخطبت لمقداد بس اهلي مو راضين الخطوبة صارت ابيت جدي وباجر زواجها راح يكون ببيت مقداد الحفلة عائلية

آيه ديربالج على نفسج زين اريد من ارجع اشوف ابتسامتج الحلوة

مستحيل اللي ينكسر ميتصلح غيرت الموضوع وين تروحون لشهر العسل

مادري والله مقداد كالي مفاجأة

ياعيني على العشاق

لعد شعبالج

لاتنسين اختج خابريني محتاجتج دينا

ها ياأخت ماعرف احد غير مقداد

متسويها اعرفج الف مبروك راح انزل اخلي السايق ياخذ الغراض طلعت للصالة شفت اهلي كاعدين ومهند موجود سمعته يحجي ويا ابويه

خالي تصدك بارحة شفت صورة دوختني

مال شنو جان

فضيحة بنيه ويا واحد مسؤول

أستغفرالله يمكن فبركة ابني عيب ماعلينا من الناس

لا خالي شلون ماعلينا علينا ونص

يحجي ويغمزلي اني خفت هذا الحيوان صارله مدة يذبلي حجي

شنو هذا الحجي مهند

خالي راح ارسله بعدين لبنتك آيه خليها تشوفك احتمال تعرف منو همه

عفتهم وصعدت لغرفتي طلعت صور عماد واني ابجي عليه رغم كل شي مشتاقتله بالليل اجاني مسج فتحته جانت صورتي ويا عماد كاعدين بمطعم المرسل مهند جان كاتب اذا ماكو زحمه عليج شوفي لأبوج متحملت خابرته شنو هذا ياحيوان

بدينا بالغلط ترى ماكو حيوان غير حبيبج اشكد الدنيا صغيرة يحارب ابوج بالسوك ومنا ومناك وانتي تحاربينه بالفراش

انجب أدبسز شنو هالحجي صدك متستحي عبالك الناس مثلك

أي اني هيجي ساقط واشوف الناس مثلي

شتريد مني

اللي انطيتيه لعماد اريد مثله ولو هو سبقني بس ميخالف راضين

لو تموت متوصلني حيوان سديت تليفوني وكعدت ابجي ياربي هذا الحيوان راح يفضحني شسوي الله يستر منه .

احلى يوم بحياتي وحياة اهلي زواجي من دينا واخيرا رجع الفرح لهالبيت شفت حبيبتي بفستانها الابيض بأناقتها اللي متعود عليها دايما وهي تمشي بأتجاهي بثقة وشموخ عيونها تلمع من الشوق بستها من راسها وحضنتها لزمت ايدها حتى اكعدها على الكوشة

سوينا حفلة لمقداد ببيتنا جان عائلي شفت آيه دخلت ويا اختها دخلت واخذت كلبي وياها وكفنا واحد يباوع للثاني اكول بكلبي اشكد الفراك مر حبيبتي بقينا طول الحفلة واحد يباوع للثاني رحت كلت لأختي شهد واكع بعرضج الله يخليج خلي آيه تصعد فوك دوريلج حجة .

عماد اتخبلت شلون اسوي هيجي بالبنيه اول مرة تدخل لبيتنا وبعدين مو عيب حركات المراهقين ماعرف شلون قنعني رحت كتلها آيه نسيت غراض بنتي فوك تكدرين تجيبيها اليه رأسا وافقت.

دخلت ويا دينا لبيت عمادجنت خايفة من مواجهته بعد اللي صار تليفوني قافلته من شهرين اباوع لكل ركن بالبيت اتخيله شلون كبر بيه شفته واكف كبالي اخ من حبك استغربت من اخته كالتلي صعدي جيبيلي غراض بنتي من الطابق الثاني بكلبي اكول عدهم كومه خدم وتصعدني يالله ميخالف صعدت فتحت اول باب مقفل ثاني نفس شي دخلت على الثالث ردت اصيح كلبي وكف من الخوف شفت نفسي بحضن عماد مكدرت احجي شفته على شفتي كلشي رجع مثل قبل نسيت وجعي وهجره بادلته الحضن والشوق .

اول مافتحت الباب جريتها وبستها مخليتها تحجي شي بقيت احضنها وابوسها سامحيني سامحيني ياروح عماد.

#عاشقة_السفير24

الكاتبةchra kirkuki

عيناكِ نازلتا القلوب فكلهـــــا........... إمـا جـريـح أو مـصـاب

الـمـقـتــــلِ.

و إني لأهوى النوم في غير حينـه........... لـــعـل لـقـاء فـي

الـمـنـام يـكون.

و لولا الهوى ما ذلّ في الأرض عاشـق......... ولـكن عـزيـز

الـعاشـقـيـن ذلـيل.

نقل فؤادك حيث شئت من الهــــوى........... ما الــحـب إلا

لـلـحـبـيــــب الأول.

إذا شئت أن تلقى المحاسن كلها ففـي.......وجـه مـن تـهوى جـمـيع

المحاسن.

لا تحـارب بنـاظريك فــــؤادي........... فــضــعـيــفــان

يــغـلــبــان قـويــــا.

إذا مـارأت عـيـني جـمالـك مـقـبلاً......... وحـقـك يـا روحي سـكرت

بـلا شرب.

كـتـب الـدمع بخـدي عـهــــــده........... لـلــهــوى و الـشـوق يمـلي

ماكـتـب.

آيه :علاقتي رجعت بعماد مثل قبل عندي أمل نكون لبعض يوم من الايام مثل دينا ومقداد بس بشكل مختلف هو يخابر ويسأل دايما عليه وكل ماننهي المكالمه يعتذرلي رغم اني سامحته بس هو يكول مو بيدي ماكدر اسامح نفسي ابويه وامي كلش تغيرو بعد ماتزوجت دينا على اقل شي يعصب واحنا مومتعودين منه هالشي غير اهله يلومونه ليش زوجت بنتك بهالطريقة اشكد احاول احجي وياه ونطلع برا نغير جو بس ساكت يكول متصورت دينا هيجي تسوي بنفسها ميقتنعون هي اختارت صح صارلها شهرين مسافرة كل يوم تخابرهم وتحجي وياهم بس ميفيد خابرت عماد

حبيبتي اليوم راح يرجعون العرسان امي مسويتلهم حفلة تعالي مو مشتاقة لأختج وتريدين تشوفيها

لا مو مشتاقتلها مشتاقة لسعادة السفير

وسعادة السفير ينتظرج اليوم على احر من الجمر

يمتى رجعت عماد هالفترة تلعب بأعصابي بارحة مو كلتلي مراح ترجع لحد شهر

عفت كل شي حتى اشوفج راح احجي ويا كريم بموضوعنا اليوم نطلع اني ومنال ناخذه لمكان ونحاول نفهمه

مادري ليش كل مااسمع اسم منال اختنك هو شايفني تقريبا صاير بيناتنا تقارب ونسولف بس هو يشبهك ميطلع منه شي بس ياخذ

هههههه لا حبي يعرفج اخت دينا يختلف من تكونين مرت ابوه

دموعي نزلت من كالي مرت ابوه الكلمة اللي اتمناها من زمان احبك يااغلى شي بالدنيا الله لايحرمني منك عماد تذكرت شلون نرتبط وضروف اهلي بهالشكل بس

من غير بس الله كريم راح احاول احلها حتى لو اضطريت اتواجه ويا اهلج ماعندي مانع خلي ارتب اموري هالفترة وبعدها اتفرغ لزواجنا مراح تكونين لغيري

اكيد حبيبي راح استأذن من امي تدري بيها من تزوجت دينا قافلة عليه ومتقبل اطلع براحتي

انتظرج عمري جيبي زيد وياج حتى يتعرفون هو وكريم

فكرت اول شي احجي ويا زيد هو كلش يحب دينا اذا لح على امي متكدر ترفض دخلت لغرفته اخذتله شوية نساتل زيودي تحب تشوف دينا اليوم رجعت وجايبتلك هدية

واخيرا رجعت دينا واخلص منج كومي نروح بسرعه هي وين

نزلنا يم امي زيد طلب منها نروح يم دينا باوعتله كأنه معاجبتها السالفة

حبيبي هي مراح تجي لهنا تروح لبيتها بعدين تجي تزورنا زين ماما راح اكول للسايق ياخذك للمكان اللي تحبه

ماما الله يخليج مشتاقيلها خلي نروح الله يعلم شوكت تكدر تجينا

تردين تشوفين اختج لو غير شي خليني ساكته بعدني متذكرة صور العرس وانتي واكفه بصفه مقتنعت نىوح ضجت طلعت لغرفتي خابرتها اعتذرت منها بعدها بأسبوع سمعت صوت بابا غرفتي جنت ارسم على السريع خبيت اللوحه حتى ميشوفوها ها نانا هاي انتي

بنتي آيه تعالي ابوج يريدج

زين هسة باوعتلها شبيج نانا ليش تبجين

ماكو شي حبيبتي نزلي

تخبين عليه مو اني حبيبتج كعدت تحضني وتبجي

مو بس حبيبتي روحي انتي هسة نزلي وبعدين نحجي

اول مانزلت شفت ابويه واكف ويمه امي ومهند وبيده شي مثل صورة نعم بابا ضربني وجرني من شعري

ليش آيه ليش كسرتيني ولج آيه انتي دنيتي ورفعة راسي هاي سوالفج ملكيتي رجال غير واحد يأذي أبوج ويعتبره قاتل أبوه واني بريئ من دمه هاي تربيتج

مو صحيح

هاي مو صورتج

باوعت شفت مهند يضحك عليه صارله فترة يطلب مني اطلع وياه واني ماقبل اخر شي كتله راح اكول لعماد يذبحك كال نشوف منو يذبح الثاني اني لو عماد. بابا ممسوية شي غلط كله جذب ابويه اتخربط وكع ودينا للمستشفى جان صاير بيه جلطة حالته خطرة بقينا اسبوع صار احسن شوية امي متحجي ويايه ومهند يروح ويجي يكولي انتي السبب راح افضحج بالعائلة اني ميهمني نفسي اني يهمني سمعة ومستقبل عماد راح يضيع كلشي وهذا الجلب مهند مو ناوي يسكت

دينا : قضيت احلى ايام ويا مقداد اول مارجعت سمعت ابويه بالمستشفى عرفت من امي شايف صور آيه وعماد الوضع مو زين ابويه حالته مو مستقرة كعدت اعاتب آيه ياما حذرتج ياما كلت ديربالج على نفسج شاف الصور وهيجي صار بي لو عرف الثاني جان يموت بيها

مو ناقصج لاتحمليني ذنب شي ممسويتها هو من يوم تزوجتي صحته مو زينه ليش كلكم تعاتبوني ليش محد يعاتب الحقير مهند

عندج عين تجاوبين وتحجين

عفتها وكمت دخلت لغرفة طلبني ابويه رحت بست ايده مقبل دار وجه عني

كلمة وحدة ابوج لو عماد

موقف صعب ابويه بأضعف حالاته لا اكدر اخسر ابويه ولا اكدر اخسر عماد بس أضطريت اكوله انت بس داخلي عماد

زين هسة راح يجي شيخ يعقدلكم انتي ومهند واني راح انسى اللي سويتيه بيه .

ليش هسة من تطلع من المستشفى الله كريم حجيتها بغصة

لا هسة حتى ارتاح واطمن بنتي تسمع كلامي واللي صار مجرد نزوة مراهقة وانتهى تسمعيني آيه انتهى

مكدرت انطقها واكول موافقة هزيت راسي بس طلعت من غرفته منهارة شفت مهند الله لاينطيك حقير ليش

لا عيب شنو هالحجي اني احبج واولى بيج راح أتحملج حبيبتي راح يجي يوم وتشكريني خلصتج من عماد

اسكت ماريد اسمع صوتك لو تموت مراح احبك خلال ساعات صرت خطيبة مهند حاول يلزم ايدي مخليته جريته منه بقوة امي كاعدة بصفي تكرصني

تعدلي عيب عليج شيكول جدج هسة لاتخلين يلاحظون شي تصرفي عادي

آيه حبيبتي حضنتها الله يعينج تحملي لاتسوين بنفسج هيجي مسحي دموعج

دينا صدك تحجين انتي اكثر وحدة تعرفين اني اشكد احب عماد شلون اتزوج غيره شكوله من يسألني يعتبرني خاينه راح يكرهني

اذا يحبج راح يتفهم موقفج بعدين هو انسان واعي مو صغير حاولي تنسين عماد وفكري بحالتج شتكولين لمهند اني خايفة عليج ماتصور راح يسكت اذا شاف صوركم وردت فعله هيجي

ميهمني مهند ولا غيره اتمنى اموت واخلص من هالعذاب محد يحس بناري

حبيبتي يالله اوصلج للبيت حتى ترتاحين صارلج ايام منايمه

ام مهند : من هسة خايف عليها محظوظة انتي آيه شوفي ابني أشكد يحبج

الجد : آيه بنتي سمعي كلام خطيبج وروحي ابوج بخير هسة الحمدالله تحقق حلمي وشفتكم سويا انتي ومهند متزوجين من يطلع خالك من المستشفى بسرعة تسوي اجراءات الزواج زين مهند والمصاريف كلها مني هدية لأعز أحفادي

مراح اروح لأي مكان من يطلع ابويه اروح وياه خلوني براحتي بكلبي مو كافي خليتوني اموت واني حيه .

#عاشقة_السفير25

الكاتبةchra kirkuki

يا أجمل الناس في قلبي وفي عيني

يا احلى طيف يمر بالعين ويشقيها

انا أشهد إن لكى بالقلب غلا

قصة غريبة لا أدري باى شيء اسميها

حبيبتى يا من اهواكى

لماذا أغمض عيني يوم الرحيل

فارحالى قبل أن أنتهي من العد وأفتح عيني

فأنا أضعف من أن أشهد بعيني تفاصيل رحيلك عني

عماد:صارلي ايام اخابر آيه تليفونها مقفل عرفت ابوها بالمستشفى وحالته خطر خابرت دينا اريد احجي ويا آيه ضروري .

هي موجودة يم ابويه بالمستشفى مترجع للبيت حتى تخابرك مكدرت اكوله آيه انخطبت

أنقهرت على آيه اعرفها تحب ابوها تذكرت نفسي من مات ابويه شصار بيه تمنيت يكوم ويصير بخير لاول مرة بحياتي اتمنى توفيق يعيش علمود آيه اخذت عنوان المستشفى ورحتلها بالليل دزيت ممرضة عليها انتظرتها بغرفة جتي ومتعرف منو يريدها بس شافتني انهارت بجي كالتلي

اعيش بدوامه كلما اتذكر قبلت بمهند اتمنى اخنك نفسي كلما يخلي عينه بعيني اتمنى اصير عميه وخرسه حتى مااسمع صوته الممرضة طلبت مني اروح يم الدكتور عبالي علمود ينطيني ملاحظات لان راح ناخذ ابويه للبيت دخلت شفت عماد وحده واكف متحملت بجيت وصيحت ليش جيت اهنا مو جنت تتمنى ابويه يموت تحقق امنيتك راح يموت

من شفتها بهالشكل ترددت احضنها بس مكدرت الزم نفسي اعرفها تحتاجني هسة أكثر من اي وقت حبي شنو هالحجي اصلا بس سمعت ابوج مريض متحملت جيتج آيه عمري أني علمودج جاي ومااتنمى الموت لأبوج اكو واحد يتمنى الموت لأبو حبيبته اني سامحت ابوج علمودج .

اني حضنته اقوى جنت محتاجه احتفظ شوية بهاللحظات صدك عماد يعني انت مصدك ابويه مو قاتل

آيه اتمنى متفتحين هذا الموضوع مرة ثانية اختج هسة زوجة أخويه وأنتي راح تكونين زوجتي شلون اتزوجج واني اكرهه اني علمودج افتح صفحة جديدة حتى امي كالت كافي الحقد والانتقام نتيجته خراب بيوت وبس واني من حبي الج اريد انسى وابدي حياتي وياج ترى كبرت وصلت ٣٦ سنه بس يطلع أبوج من المستشفى نتزوج بعد صبر ماكو احبج اريد اكضي باقي عمري وياج .

اسمعه وابجي شكوله ابويه خيرني بينه وبينك واني بعتك واختاريت ابويه وانخطبت لواحد غيرك وانت جاي تفكر بحياتنا سوية دست على نفسك ونسيت كرهك لأبوية علمودي ياعذاب هذا عماد اني انخطبت

شنو هالحجي اكيد تمزحين مو آيه .

سامحني عماد ابويه خيرني بيانتكم جان يموت وضعه خطر وعرف بسالفتنا عرف اني احبك مهند جان جاي لبيتنا حاجيلهم علاقتنا وصورنا بلبنان بابا شافها بسبي صار بي جلطة

لاتكملين آيه لاتدوريلج حجج بعتيني من اول موقف صار وياج ليش مكلتيلي ليش آيه تريدين تموتيني بدل أبوج اختاريتي هو يعيش على حسابي ليش مفكرتي بيا ليش مخابرتيني

عماد الله يخليك كلبي نار عليك ترى اللي بيه اني موت بطيء عبالك متونسة ابويه جان يموت وامي اخويه يضيعون وراه اخويه بعده صغير.

الموقف اللي اني بيه مينحسد عليه حب حياتي تضيع مني آيه انتظرج بسيارتي اهنا ماكدر احجي وياج لاتعترضين .

آيه رحنا كعدنا بسيارة حجينا اهوايه بس ميفيد شي اخر شي كالي

ماظل عندي حل آيه جيبي جوازج ومستمسكاتج راح نروح اخذج لغير دولة ونتزوج فترة ونرجع لحد ماهلج يوافقون

عماد الله يخليك افهمني شلون تريدني اخذل اهلي وبعدين اني مراح اخليك تضيع مستقبلك علمودي انت تعبت لحد ماوصلت لهالمستوى ماريدك بلحظه ضعف تخسر الاول والتالي .

آيه ليش اشوفج راضيه باللي انتي بيه عبالج عادي تتزوجين واحد وانتهى ترى هذا زواج مو لعب ينام وياج يحضنج راح اجيبين جهال منه مو بسيطه شعبالج مهند يخليج مثل مانتي بنيه

يابنيه عماد انت نسيت الي صار .

مادري أضحك لو ابجي عليها هاي عبالها مو بنيه آيه حبي انتي بعدج بنيه

شنو والي صار شنو عماد اشبيك تريد تخبلني ضليت ايام منايمه من الالم وتكولي مصار شي

يمكن حسيتي بالالم من الخوف بستها من راسها

اريدج قويه مثل ماشفتج تذكرين اشسويتي بيا لحد ماعلقتيني بيج شلون تريدين مني اعوفج بسهولة

تدري هسة اتمنى انت ماخذني صدوك بس الحجي ميفيد اوعدك عماد مراح اخلي يلمس شعره مني

الي تحجين عليه مهند تربيه ملاهي وبنات ليل شلون متخليه يلمسج

عماد انت متثق بيه

فكري منا لحد باجر اني مستعد اخسر كل شي حتى وظيفتي نسافر نعيش حياتنا

اني ماكدر أخليك بهالموقف اهلك وابنك شنو ذنبهم خليني اني اضحي ولا انت نزلت من السيارة رجعت على البيت مكدرت اروح للمستشفى لا دموع تفيد بعد ولا ضرب ملخت نفسي

مقداد : دينا صحيح اللي سمعته اختج تتزوج لعد عماد مفكرتو بي شنو جانت تلعب عليه فهميني راح اموت من التفكير عماد صارله ايام ميكدر يكوم من الفراش

موقفي صعب بيناتهم عماد اللي اعزه من محبتي لمقداد واختي اللي هي جزء من روحي اشوفهم كدام عيني ينتهون وماكدر اسوي شي مقداد لخاطري لاتكول هالشي على آيه لو تعرف اشكد تعز اخوك مجنت وكفت كبالي وتحجي عليها

اي والدليل تزوجت ابن عمتكم دينا لاتدافعين عليها

صدكني حتى اني محبيتك ربع حب آيه لعماد تدري سلمت نفسها لأخوك وهي راح تتزوج غيره شنو تتوقع راح تواجهها من ظروف لو مهند كشفها وفضحها ابويه يذبحها بدون ميسألها اكو أعز من هالشي وحدة تتخلى عنها علمود حبيبها

استغفرالله وهاي شلون ورطت نفسها بهالزواج راح انجلط من التوتر والقلق اختج بخطر واخويه فاقد دبريني شنسوي احس نفسي عاجز

دينا : ماكدر اوكف بوجه اهلي موقفي ضعيف اهلي بعدهم شايلين مني واصلا محد يسمع كلامي

كلما يقترب موعد زواجي من مهند احس نفسي اروح للموت رحت لمركز تجميل سويت مكياج ملبست فستان ابيض جان ذهبي وبدون طرحة والحفلة ابيتنا عائليه مقبلت بقاعه وعلاقتي بمهند سيئه وعماد مسافر حتى تليفونه مقفل كملت تزيين كالي صاحب المركز ممكن مدام تتفضلين بمكتبي ترتاحين شويه قبل متروحين استغربت شنو هالحجي حسيته يريد يكولي شي كمت رحت وياه فتحلي الباب كال اخذي راحتج اني راح اروح هاي شكو فتحت الباب شفت عماد بوجهي يالله شنو هذا العذاب حبيبي جايني بعرسي لغيره اتعلقت بيه مفكيته بجي وحضن عماد راح اموت اليوم اني جبانه ماتحمل

كافي حبيبتي صيري قويه لاتخافين اني وياج مراح اخليج ابد راح اصير مثل ظلج

راح تتزوج وتنساني مراح اعاتبك

آيه لو اموت نفسي ماتزوج راح ابقى انتظرج طول عمري بس لاتخلين مهند يلمسج ويأذيج زين باوعيلي فدوة لحبيبتي اشكد حلوه لاتبجين مكياجج راح يخرب

عماد شلون عرفت اني اهنا ومخفت جيت .

آيه من اليوم الي دخلتي حياتي واني نسيت نفسي سفير عقل مبقى براسي امشي ويا عواطفي وشلون جيت هاي سهله مدير المركز صديقي كالي تعال آيه موجودة اهنا

يعني هذا صديقك

اي لعد شلون ماخذ راحتي هسة

شلون عرف نحب بعض

هذا ياسر ميسكت كل اصدقائنا القريبين يعرفون بحبي الج قبل لا انسى هذا رقم جديد خابريني باي وقت اذا ردتي شي زين اخليج هسة ومثل ماتفقنا آيه اذا لمسج دزيلي رصاصة اني راح افتهم طلعت واني انزف من الالم والندم كلش صعب حبيبتك تروح لغيرك وانت واكف متكدر تسوي شي ركبت سيارتي مشيت لمكانه المفضل تمنيت اني مو سفير تمنيت اني شخص عادي ابجي وافرح وعيش براحتي .

هذا جان احساس عماد بهالليلة

ناطر بعتم الليل وناطر

حبيبك ناطر عبابك ناطر

نرحل سوى بهالليل نسافر

عالغيم نسافر بالحلم نسافر

انا الشط اللى ضايع

انا البحر الغريق

لاقينى يا حياتى بهالطريق

واقف انا عطراف الغابة

حامل رحيلي وشنطة غيابى

وشوك الغدر علق عتيابى

ووجك دليلى يهوون عذابى

شفتك انا حلم بمنامى

كنتي قدامى وخلفك ضبابة

لا تكونى هالدنيى واحلاما

بتوعدنا وياما بتطلع كذابة

كونى العشق اللى والع

كونى الحب الصديق

لاقينى يا حياتى بهالطريق

ناطر بعتم الليل وناطر

حبيبك ناطر عبابك ناطر

نرحل سوى بهالليل نسافر

عالغيم نسافر بالحلم نسافر

#عاشقة_السفير26

الكاتبةchra kirkuki

ياَ أمرأةً طَاوّعها الحُبْ وَ بِـ سكينِ الغَدرِ تَذّبحُنيّ

وَرمتنيّ فيْ البَحرِ بِلا أملٍ يأخُذنيّ المَوجُ فَـ يُغرِقُنيّ

أمُسكُ بِالزَورقِ والذِكرىْ تُمسكُ مّجدافاً يَضرِبُنيّ

يَا حُباً تَوّجنيّ مّلِكاً بِـ الحُزنِ كَسانيّ وَ ألّبَسنيّ

عَلّمنيْ الحُبَ بِلا خَوفٍ ..أحبَبتُ فَـ جاءَ يُعاقِبُنيّ

أشكَوّ مِن جَرحٍ يُؤلِمنيّ .. أمْ أشكَوّ مِن دَمّعٍ يُحرِقُنيّ

أمْ أشكوّ قَلباً لا يَشعرْ..وأن نَاديتُ لا يَسمَعُنيّ

هَلْ أحيّا جَرحاً مَفتُوحاً أتَوسلُ قَاتِليّ يُعالِجُنيّ!!

عَانَقنيّ حُبكِ مِثلَ سِوارٍ وَ اليَومَ سِواركِ يَشنُقنيّ

ياَ أمرأةً قَتلتْ كَلِماتيْ فَـ كتبتُ الحُبَ علىْ كَفني.

مقداد : نزلت تليفوني عجزت هلكد مااخابر عماد تليفونه مقفول ها ياسر عرفت شي

ماكو لابالمزرعه ولا بالشقه خابر مرتك شوف آيه بيا صالون احتمال رايح يمها

ماتصور يسويها بس خلي اتأكد خابرتها عرفت المكان شنو هالصدفه

ها مقداد شبيك

آيه جانت بمركز جان صديقنا وعماد رايحلها يمكن جان مخابره ماتصور آيه بنفسها تكوله تعال شوفني واني اتزوج غيرك

شلون نسينا حميد وينه هو مشفته من دخلت يم البوابه

هم زين أمي وشهد رايحين لبيت خالتي والا جانت تتخبل من تشوف ابنها منهار كول لشهد لاترجعها يبقون اهناك هاليومين

زين هسة ابلغها خلي اشوف حميد متأكد هسة يراقب عماد من بعيد خابرته جاوبني انطاني العنوان رحنا ويا مقداد

نزلت من سيارتي منهار راح اختنك ولا ذرة عقل باقي براسي ضربت الكاع بأيدي ماحس بوجع مادري اشكد ظليت ابجي واتذكر من اول يوم شفت آيه لحد أخر لحظة ودعتها حسيت بحركه ورايه متأكد حميد مو غيره من غير ماالتفت جم مرة نبهتك لاتمشي ورايه ارجع حميد خليني وحدي

اسف سيدي ماكدر

كمت مسحت عيوني باوعتله ليش تعاند ماريد حماية ماريد شي شايفني بمكان احتاجلك عوفني براحتي من غير شي مخنوك

سيدي اني احميك مو لان واجبي لان احبك واعزك اعتبرك اخويه الجبير ولان ماكو انسان بأخلاقك ونزاهتك مستحيل اتخلى عنك وانت بهالظروف بس انطيني اوك وراح تشوف شسوي ماعاش من يخليك مخنوك

أشكرك حميد واني هم اعزك اهوايه صدكني مااحتاجك لحظة شنو تقصد

راح اروح اقلب الحفلة عزا ومهند الجلب اجيبه يم رجلك تسوي بي اللي تريده المهم ست آيه تكون ألك ومراح أخلي احد يشك اني من طرفك والله لحظات وينتهي كل شي وحضرتك ماعليك بشي بس أمرني واني انفذ

لا حميد احنا مو عصابة لو جان ظروفي غير جنت اخذ آيه واسافر بيها بس اني مقيد وعاجز كدام القسم اللي كلته من تعينت سفير وكدام ابويه اللي وعدته دوم ارفع راسه ماريد آيه تتأذى بسببي وماريدك توسخ أيدك بمهند

سيدي ماعليك بيا مهند ميسوى ظفرك اصلا هو اكبر جبان بس يسمع صوت طلقات راح ينهزم ويعوف كل شي

لا مهند عرف يلعبها صح عرف ينتقم مني هو كالي بنفسه راح احرك كلبك مثل ماحركت كلبي على الفلوس اللي خسرتني حجيت وياه عرضت عليه فلوس مقبل يعوف آيه شفت سيارة ياسر يقترب من عدنا حميد ليش دليتهم على مكاني

سيدي خفت يصير بيك شي اني كدامك عاقبني مثل ماتريد المهم حضرتك تكون بخير

شكرا حميد روح خلي اتفاهم ويا سعادة السفير باوعت على عماد جنت مخلي ببالي اول مااشوفه اعاتبه بس من شفته منهار بهالشكل مكدرت غير احضنه بكل قوتي راح تعدي هالازمه صدكني انت اقوى من هالشي

غلطان مقداد اني ضعيف اكثر من اي وقت مضى طول هالسنوات محسيت بوجعك وانت تعاني من خسارة دينا جنت اضحك عليك واكولك انساها وتزوج غيرها عبالي عادي اليوم اني حسيت بيها بس الوضع يختلف انت جنت متأكد مراح تتزوج غيرك واني خسرتها بسبب انتقام من شخص حقير .

عماد باسني من راسي وراح تمنيت اركض وراه واعوف كل شي خلي شيصير يصير شلون وافقت اتزوج مهند وين جان عقلي أبويه يزعل مني أيام وبعين ينسى مثل دينا بس لا وضعي يختلف عماد عدوهم بلحظة ضعف ردت اقتل نفسي شفت سكين بالمكتب جريته ونزفت ايدي المسكه جانت بيضه صار عليها دم حسيت بدوخه فرحت راح اموت واخلص من هالكابوس نسيت اني من فترة لا اكل ولاشي الدوخه من قلة الاكل يعني مراح أموت

هاي شمسوية بنفسج ايدج تنزف مخبلة تريدين تموتين

عوفيني دينا على الاساس اني هسة عايشة خليني اموت واخلص حتى لو بابا يزعل مني خسرت نفسي وخسرت عماد علمود ارضيه

كافي لاتبجين مباقي وقت ونطلع يم المصور راح اكوللهم يعدلون مكياجج

ماريد اتصور ولا اريد اصلح شي عاجبكم اني هيجي مو عاجبكم عوفوني

زين بس اوكفي خليني اربطها لأيدج حتى فستانج اتوسخ امشي نروح انضفها

لا خليها هيجي اني اريد مهند يعرف ماريده اموت منه والله العظيم اذا تقرب مني راح اموت نفسي

لاتحجين كافي ادعي تعدي الليلة على خير لازم تكسبين مهند لان اذا عرف انتي مو بنية يفضحج

اتمنى يصير رجال ويخليني بحالي اتمنى اطلع منا اروح أدور على عماد اتمنى اهواية اشياء مراح تصير طلعنا على بيتنا الحفلة بحديقتنا كل مايلزم ايدي اني اجره بقوة منه

مو مصدك آيه اني وانتي سويه واخيرا تحقق حلمي كل هالجمال ملكي

مجاوبته لان احتمال بس افتح حلكي استفرغ عليه طول الوقت ماما تحجي عليه وبابا يبوسني على راسي

عفية بنتي رفعتي راسي بين اهلي شوفي كلهم فرحانين انتي اختاريتي صح راح يجي يوم وتشكريني

مكدرت اسكت جاوبته واني خانكتني العبرة المهم فرحتكم ميهم اني بشنو احس اشكرك ذبحتني بيدك بابا اشكرك على محبتك اليه اشكرك خليتني اتزوج احقر رجال على وجه الكرة الارضية

راح اسوي نفسي مسمعت شي صيري عاقلة لااتصرف وياج تصرف اخليج طول عمرج تنصدمين منه رفعي راسي يم زوجج سمعتي اريد اسمع اخابر زينه راح تخلين مهند بين عيونج وتنسين اللي ببالج

ليش كلهم فرحانين على ذبحي وهذا القرد اللي يكمز كل دقيقه ويا كل اغنية عبالك ممصدك ليش عمري محسيت يحبني امي مبقت شي متحجي عليه بدل ماتواسيني كلهم يدورون على واجهتم كدام الاهل والاصدقاء واني ولا شي كأنما حبي لعماد جابلهم العار وبزواجي من مهند رفعت راسهم

راح تفضحينا كومي رقصي ضحكي شنو هالفستان كله دم دينا اختج ليش ايدها مربوط روحي جيبيلها بتوت خلي ناس متشوفها

انقهرت على آيه ومو بيدي شي خايفة من مواجهة عماد بعد مارجع للبيت شكوله من يسألني عليها حاضر هسة اجيبلها صعدت لغرفتها فتحت الخزانه كلها صور عماد راسمتها بنفسها علمود هاي نانا مجانت راضية تنطيني مفتاح خزانتها اكثر من آيه مقهورة هي نانا حتى مطلعت للحديقة بقت بالمطبخ لبستها سوارات عريضة غصبتها تشرب شوية عصير

ودعنا الناس بقينا اني ومهند واهلي تخيلت هسه ينتهي كل هذا وارجع لغرفتي ارتاح واخابر عماد احجيله عن شوقي وحبي اله صحيت من شرودي على صوت مهند

خالي نترخص احنا ورانا سفر وطيارة خلي الخدامه تنزل غراض آيه

رديت عليه بعصبية ياسفر احنا اتفقنا نعيش بيتكم

بابا انتي عروسة ومهند ياخذج لشهر عسل مثل كل الناس ليش معصبة خزرتها

آيه انتظرت هاليوم طول عمري حبيبتي راح نسافر لبنان اعرفج تحبيه اهوايه مو غمزتلها حتى متكولين مهند ميحبني راح اخليج ملكه

حتى سفرته بي حقارة مردت اروح عارضت اهواية غيرت ملابسي وذبيته بسلة الزبالة مكانه الاصلي ميهمني امي اشكد دافعه فلوسه شفتها واكفه ورايه

تردين تموتين ابوج بكلشي معترضه ترى تصرفاتج جانت مبينه للناس انتي مجبورة بالله تشوفين نفسج عروسة لاحفلة مثل العالم لا فستان لاو جهج وجه عروسه وهاي الورود ماعرف شنو معناتها لازمته بيدج ليش آيه كل هذا علمود عماد ارحميني كافي من هالليلة تنسين شي اسمه عماد الله لاينطي الحقير غاسل مخج

لاتدعين على عماد ماأسمحلج ادعي على بنتج اني عشقته وخليته يحبني ادعي عليه حتى ترتاحون ادعي عليه واني اكون ممنونة اتمنى جثتي تطلع من هالغرفة ولا اني اطلع برجليه واروح ويا مهند

كافي نزلي بسرعه مو وجه احترام ودلال احنا السبب خليناج هيجي تصيرين قليلة ادب تطلعين منا وانتي زوجه مهند ماريد بيوم من الايام اسمع من عمتج كلمه عتب عليج ولا من مهند لاتنسين هو يعرف بسالفتج ويا عماد رغم هالشي تزوجج لان يحبج لاتخسرينه

#عاشقة_السفير27

ﺣﺒﻴﺒـــــــــــــــــــــــــﻰ

ﺳﺄﻋﺰﻓﻚ ﻗـﺼﺔ ﻋــﺸﻖ ﻋﻠﻰ ﻭﺗﺮ ﺍﻟﻔﺆﺍﺩ

ﻭﺳﺘﺼﺒﺢ ﺳﻴﻤﻔﻮﻧﻴﺔ ﻏﺮﺍﻣﻰ ﻟﺤﻨﻬﺎ ﺃﻧــﺖ

ﻭﺃﺳﻜﻨﻚ ﻫﻤﺴﺎﺗﻰ ﻭﺑﻴــﻦ ﺣﻨﺎﻳﺎ ﺍﻟـــﻘﻠﺐ

ﺳﺄﺭﺳﻢ ﻣﻼﻣﺤﻚ ﻋﻠﻰ ﺭﻭﺣﻰ ﺍﻟﻬﺎﺋﻤﺔ ﺑﻚ

ﻭﺃﺭﺳﻞ ﺍﻟﻴﻚ ﺑﻨﺒﻀﻰ ﺃﺷﻮﺍﻗﺎ ﺗﻌﺎﻧﻖ ﺍﻟﻘﻠﺐ

ﺳﺄﺟﻌﻞ ﻧﺒﺾ ﺍﻟﻘﺼﻴﺪﺓ ﻳﺼﺮﺥ ﺷﻮﻗﺎ ﺍﻟﻴـــﻚ

ﺳﺄﻫﻤﺲ ﺍﻟﻴﻚ ﺑﻌـــﺬﺏ ﺍﻟﻐﺮﺍﻡ ﻛﻞ ﻣﺴـــﺎﺀ

ﺳﺄﺯﺭﻉ ﻭﺭوﺩ ﺟﻨﺎﺗﻰ ﻟﺘﺤﺼﺪﻫﺎ ﻋﻨﺪ ﺍﻟﻠـــﻘﺎﺀ

ﺳﺄﺗﻴﻚ ﺑﺎﺣﻼﻣﻚ ﻭﺗﺘﻤﻨﻰ ﻟﻮ ﺃﻥ ﺃﻃﻴﻞ ﺍﻟﺒـﻘﺎﺀ

ﺳﺄﺭﺳﻞ ﺍﻟﻴﻚ ﻣﻊ ﺍﻟﻨﺴــﺎﺋﻢ ﻋﻄﺮﻯ ﻟﻴﺤﺘﻮﻳﻚ

ﺳﺄﻫﻤﺲ ﺍﻟﻴﻚ ﺑﺼﻮﺗﻰ ﻟﺤﻨﺎ ﻟﻦ ﺗﻨـــــــﺴﺎﻩ

ﺳﻴﻌﻠﻦ ﻗﻠﺒﻰ ﻋﻠﻲ ﺭﻭﺣﻚ ﻭﻓﺆﺍﺩﻙ ﺍﻻﺣــﺘﻼﻝ

ﺳﺘﺼﺒﺢ ﻗﺼﺔ ﻋﺸﻘﻨﺎ ﻟﻬﺎ ﺑﺪﺍﻳﻪ ﻭﻟﻴﺲ ﻟﻬﺎ ﻧﻬﺎﻳﻪ

اول ماوصلنا للمطار تذكرت سفرتي ويا خالي وليان اشكد جنت فرحانه واني اخذ كل لحظة صورة وارسلها لعماد هو يجاوبني بكلمات غزل هسة احس رايحه للمشنقه صعدنا بالطيارة كعد بصفي لزم ايدي بقوة وتملك حسيت راح يكسرها

من زمان تمنيت أكعد وياج هيجي واخلي ايدج بايدي اتحسس دفوها وملمسها

اتمنى اصدك احاول وماكدر منين طلعت بهالحب والحنان ميلوكلك

راح اتغيرين نظرتج عني اخليج تشهكين بأسمي لاتستعجلين من نوصل راح تعرفين شنو مخبيلج من مفاجأت حتى بأحلامج ممتخيلتها هههه

بكلبي سم وزقنبوت على هالضحكه اول ماوصلنا للشقه اني استغربت مكانه راقي وغالي والشقه جبيره واثاثها من اجمل مايكون ماتصور هذا عنده ذوق يأجر بهيجي مكان اعرفه يموت على الفلوس وين غرفتي اريد ابدل وارتاح ضحك

هههه شنو حبي ترتاحين ورانا سهرة ماكو راحه تقربت منها لزمتها

كوة طلعت نفسي من حضنه وخر عني لوتموت ماخليك تلمس شعره مني اتقرب جرني من شعري اي شعري تخبلت

ها ماكدر المسه ترى مو المسه اطلعه همينه انتي عبالج اني ميت عليج حتى المسج حالج حال الي انام وياهم لاتكونين ناسيه انتي منو فضله عماد.

انصدمت منه مو قبل ساعات جان يتغزل بيه ويكولي احبج طلع على حقيقته حتى مانتظر يمر يوم علينا سويا جاوبته اي عفية عليك مهند أني فضلة عماد ومراح اخليك تلمسني لو تموت

نشوف ست آيه منو راح يموت اذا مخليتج تبوسين رجليه حتى بس المسج فلا اني مهند ياحقيرة ياعديمه الشرف والاخلاق

واذا اني عديمه الشرف والاخلاق وانت مسوي نفسك رجال ليش اتزوجتني كام ضربني

اني حرقت كلب عماد بيج تدرين اشكد خسرني فلوس

هسة يبقى طول عمره يتحسر ويندم مو مهند اللي يخلون راسهم براسه لا خلي يفهم يلعب على كده اما انتي راح العب بيج لعب صبريلي بس

حيوان الله يحرك كلبك كل همك فلوس ميهمك شسويت بينا جنت تطلب فلوس واني انطيك

هههههه منين تجيبيلي فلوس اه نسيت تنامين ويا عماد وهو ينطيج المقابل بس لا ماحزرتي انتي مستعمله مراح ينطيج هالمبلغ لو تبقين وياه 20 سنه

انت عبالك الناس مثلك الله لايوفقك دنيا ولا اخره

بالعكس وفقني كلش زين عماد وخلصنا منه باقي بس ابوج واحقق اللي اريده راح اخليكم جوا رجليه

خدم عندي

حسيت بخوف من كلامه شنو تقصد بابويه لوين تريد توصل

لحظة خليني افهمج لوين اريد اوصل بعد ماابوج يموت استلم كلشي راح تكون بيتكم والشركه كلها اليه وانتي بنفسج راح تقدميلي اياه وانتي الممنونه

ايا حيوان تنتظر ابوي يموت حتى تاخذ ورثنا عبالك يبقى كلشي الك نسيت اخويه وامي ودينا.

دينا ممحتاجه شي اما اخوج وامج رصاصه طائشة وباي باي يلحقون ابوج ترى اني كلبي كلش طيب ماخليهم يشتاقون اله اهوايه اما انتي راح تكونين خدامه اليه وبس وهسة روحي من وجهي تبدلين تدكين راسج بالحايط ماشالله الشقه جبيرة اختاري الحايط اللي يعجبج راح تبقين اهنا لحد ماكمل كلشي واخلص من اهلج

لساني انربط شنو هالدنائة اللي بي ابويا طول عمره معتبره ابنه وذراعه اليمين وهو شلون يفكر ابويه جبرني اتزوجه لان يثق بي ثقة عمياء

اي قبل لاانسى اريد اتونس هسة راح تجي صديقتي روحي حضريلنا كعدة حلوة.

عفته ومجاوبته ماصدك اني شلون اعيش ويا هيجي حيوان بدلت قفلت الباب واني ابجي اشراح يسوي بيه تذكرت خلي اروح اجيب جنطي بيها موبايلي اخابر ابويه واحجيله خلي يخلصني منه طلعت شفته كاعد يشرب ويا وحدة بدون ملابس

على شنو تدورين لو غيرتي رايج تردين تشاركينا الجلسة متعودة على الرياجيل متتحملين

تفلت بوجهه ورحت جنطة ماكو جرني من شعري واخذني للغرفة بدا يسبني واني اكوله اريد موبايلي ماريد منك شي

موبايلج انطيتها هديه لصديقتي انسي شي اسمه تليفون هاي ثمن هالليلة .

آيه خلتني منتهي من الحياة واني عايش متخيلتها تستسلم ومتوفي بوعدها اليه وين حبها وين عشقها شلون هيجي سوت بيا لا اكدر اركز بشغلي ولا اكدر اعيش وانسى تليفونها مقفول صوتها ويا مهند ميخليني انام لا ليلي ليل لانهاري نهار اتمرضت اهلي انتبهو عليه متغير وعصبي حتى بشغلي صارالموظفين يخافون مني كريم ماديرله بال لا اطلع وياه ولا اكوله تعال اريد اشوفك اهلي حاولو يعرفون اشبيه مانطيهم مجال يسألوني مثل كل يوم من اكون موجود بالبيت اعزل نفسي بالمكتب ماريد اشوف احد سمعت صوت كريم

دادي اليوم مباركتلي حتى مجيت لحفلة التخرج

باوعتله ياحفلة ليش خلصت الامتحانات

اي من فترة بس انت متسمعني ولا تحجي ويايه اني استاهل تعاقبني

شفت دموعه تمنيت اموت اول مرة كريم يبجي واني السبب هلكد مقصر وياه حضنته اسف حبيبي اوعدك بعد ماانسى لاتزعل مني

دادي راح اسافر ويا ماما حبيت اودعك

طلعت للصالة ضايج هو صعد لغرفته عاتبت اهلي ليش منبهوني

ابني منو يكدر يحجي وياك طول الوقت معصب لو مسافر ومن تكون اهنا حابس نفسك لو بالشركه لو بالمكتب عاتب نفسك لاتحجي علينا

ماما شفتوني مشغول جنتو تكولون عنده حفلة

طول عمرك مشغول ولا يوم نسيت شي حتى الذكرى السنوية مالت ابوك سافرت بيها ومعارضناك شنو اللي تغير بيك شبيك فهمني ريحني

حسيت الجو متكهرب بيناتهم اصلا ماكدر اخلي عيني بعين عماد استاذنت منهم رحت على غرفتي حتى اخابر امي اسال على آيه كل ماخابرها تليفونها مقفل خابرت مهند جاوبني متريد تحجي وياكم عوفوها عايشين سويا مرتاحين خصوصا انتي دينا لاتخربين حياتها احاول اصدكه بس اكو شي يمنعني آيه شلون كدرت تنسى عماد بهالسهولة وتعيش بحب ويا مهند مااقتنع هاماما ماكو اخابر محجيتو وياها طوقني مقداد بيده ودعت امي وانداريتله اسفة حبيبي

اخويه ضايع ومنكدر نسيطر عليه عقلي راح يوكف ماكدر اساعده ولا اكدر اشوفه كدامي ينتهي واسكت

صدكني مقداد اني مقهورة اكثر منك احس بذنب من اشوفه لو اشوف امك تعاتبه وتشتكي منه واني اظل ساكته ماكدر اكول اختي السبب لو القدر

لاتزعلين مني بس اختج تعيش حياتها مابيها شي مو مثل عماد اللي حتى ناسي ابنه الوحيد اول مرة يتجاوز ويجاوب امي بهالطريقة ردت اكوم اضربه بس عفتهم وجيتج للغرفة من اشوفج بحضني ارتاح

خابرت منال فرغت بيها عصبيتي مو متفقين من تسافرين وتاخذين كريم وياج تنطيني خبر لو تردين تخليني على الامر الواقع

على كيفك عماد ليش صاير عصبي كل نهاية السنة اني اخذه ويايه من اسافر مو اول مرة يمتى صرنا ناخذ اذن من بعض حتى نفرح كريم

هسة تخابرين كريم وتعتذرين منه اني اخذه بنفسي وين مايريد انتي روحي تونسي ويا جهالج وزوجج

عماد اعرف تمر بظروف صعبه بس كريم مااله ذنب ياريت تنتبه على تصرفاتك كريم يشتكي منك حتى طلب مني نسافر بسرعه

مع الاسف منال تستغلين ظروفي حتى تخلين ابني يكرهني وتبقي يمج للأبد اني الج راح احجي ويا عمي مااضيع وقتي وياج

لحظة عماد انت قبل ماتكون ابن عمي اخويه واني اعزك اهواية لاتسوي شي بلحظة غضب تندم عليها طول عمرك انت احجي وياه بنفسك قنعه يبقى يمك وتسافرون سويه اني مراح اعارض ابدا اذا هو يفرح بهالشي

لاتمثلين دور انتي احسن من عندي بعدين شنو كل كلمة وثانية تكولين ظروفك انتي شعليج بيا اني مابيا شي سديتها بوجها حاولت امسك اعصابي دخلت بعد مااستأذنت منه شفته يرتب ملابسه كريم ممكن نحجي سويا

اكيد دادي خلي اقفل الجنطة بس

عوفك منها اني شوية تعبان وضايج اريد اسافر واتونس بس اضوج وحدي تكدر تجي ويايه نروح لو تخليني اروح وحدي واظل ضايج

احب اسافر وياك حتى متضوج وحدك بس ماما لازم اعتذر منها وابلغها وعندي شروط

بسته من خدوده ماما مراح تعارض وشروطك راح انفذها شنو هي

ماريد اشوفك ضايج وزعلان ولاتهملني اوعدني دادي وخلي ناخذ بيبي ويانا لان سمعتك وانت تحجي وياها احتمال هي هم زعلانه منك خلي نروح نراضيها ونبلغها

من عيوني حبيبي نروح ونصالح ست الكل ونكوللها على المفاجأة ايام وسافرنا كدرت اطلع من حالتي شوية

واتجاوب وياكريم حسيت براحه فاقدها من بعد آيه .

مسحت دموعي سمعت صوت الكريه هو والبنية اللي وياه

مو تسمعيني اصيحج ليش مغلسة ومتجاوبين تردين أضربج

شتريد استاذ مهند كول وخلصني اريد انام تعبانه

جيبيلي فلوس انطيها لهالحلوة اللي تفتح النفس مو مثل وجهج اللي يجيب المرض ظلي ابجي على عماد كل يوم لحد ماتنتهين

جبتله الفلوس شمرته بوجه وسديت الباب كعدت أبجي على حظي وعلى اهلي اللي ناسيني وميسألون عني اموت واشوف عماد بس لحظة اخذ مني صورته وتليفوني يريد يمحي عماد من بالي ميدري عماد محفور بالكلب

#عاشقة_السفير28

الكاتبةchra kirkuki

حبيبـــــــــتي

أشتـــاق ويقتلنى حنيــنى اليكي

أشتاق للحظات حب وجنون معك

اشتاق للحظه سكون وهدوء

بين احضانـك لاسمع نبضات قلبگ.

عماد راح اسافر بعد ايام واستقر بالامارات حاول تسيطر على نفسك وتداري ماما هي شاكه صاير شي بس تنتظر تروح بنفسك تحجيلها

شتريدني اكوللها مقداد حبيت وحدة وعافتني حبيت وحدة خانتني اني صاير ضعيف علمودها اني اللي ماعرف نفسي هسة بسببها مراح أسامحها ابد

مو كافي قفلنا على هالسيرة لاتفكر بيها ولا شي عيش حياتك وانساها

طبعا انساها لان كلش سهل جاوبته باستهزاء اني عندي مؤتمر احضر نفسي ياسر راح يبقى يم ماما وكريم مراح يقصر ومبروك على البيبي

الله يبارك بيك حبيبي راح نجيب بنوته حلوة نزوجها لكريم غصب

لا يابه احنا الممنونين ميحتاج غصب تخيلتها تشبه آيه وابني اصلا يشبهني يحبون بعض ويتزوجون بارك لدينا بدالي اني لازم اطلع هسة عندي شغل مع السلامه

بارحه خابرنا مهند اني وابوج حجينا وياه كال راح احاول وياها تقبل تحجي وياكم لو مقبلت اسافر واخذ زيد ويايه

ماما احس اكو شي يخبي مهند علينا مستحيل آيه متخابرنا حتى لو زعلت منكم انتي وبابا على الاقل تحجي ويايه اني اقرب وحدة الها

لا تطمني هي بخير ومهند دايما يمدح بيها الحمدالله نست الافندي وصارت عاقلة تسمع كلامه ياريت من زمان مزوجيها قبل لاتفضحنا وياه

ماما انتي ماخذة موقف من عماد والا هو مو هيجي اصلا ثكيل كلش وجنتل عكس مهند

اي صدكتي جنتل مبين من تصرفاته يلف على بنات الصغار عرفت علمود ينتقم من ابوج راد يكسر بنتي بس الله يحبها لان هي طيبة قلب وانقلب السحر على الساحر

سكتت لان متصدك اشكد احجي واكول شفت نانا كاعدة وايدها على خدها ها نانا ليش متشاركينا بالحجي بس ساكته حتى مباركتيلي على حملي

نسيت حبيبتي دينا كلش بالي يم آيه مشتاقتلها اهواية

انشالله تكومين بالسلامه

نانا يوميا مهند يطمنه هي راسها يابس من اليوم اللي سافرت انتي متغيرة اعرف تحبيها اهواية ولو زعلانه منج لان جنتي تعرفين تحب عماد ومكلتيلي اكثر من 30 سنة اني اعرفج واعتبرج اختي عمرج مخبيتي شي عليه علمود آيه سويتيها بس ماكدر على زعلج

راح اخذج ويايه من نسافر يمها

ياربي راح اموت صدك جذب شلون اعيش وياه يوميه يضربني ويربطني بساعات يجيب نسوان للشقة اشكال والوان ياخذ من فلوسي وذهبي ينطيهم يكولي اونس نفسي على حسابج حياتي جحيم كلشي اتغير بيه لا اعرف شي عن اهلي ولا عن عماد بس ابجي من الضرب والاهانات عمري بحياتي محد ضاربني وهذا الحيوان يوميه يعذبني مو مهم عندي اهم شي ميلمسني يجي ويروح يكولي احجيلي شلون نمتي ويا عماد

هههي انتي ياعديمه الاخلاق تعالي علمي صديقتي شيسوون بنات الاكابر ويا الرياجيل

اني هم ماسكتت من تصير رجال اجاوبك تفو عليك وهو تخبل ضربني شك ملابسي باوع على ظهري جنت مسويه تاتو جبير على طول ظهري مكتوب عاشقه السفير

شنو هذا ياادبسز راح امحي اسم عماد من الوجود اني اله تدرين هسة لو عماد يشوفج حتى ميتفل بوجهج

ابوج الكواد معرف يربيج راح اربيج من جديد اخليج تفزين من تسمعين اسم عماد

عوفني حقير على السريع دخلت لغرفتي قفلت الباب لبست ملابس ثانية ماكو مكان بوجهي مابي اثار ضرب ولا جسمي وينك عماد حتى انت تخليت عني متحس بيا اني بيا عذاب عايشة يوميا ادعي الله يخلصني من مهند

كملت المؤتمر تعبت اهواية جنت بس اوصل للفراش انام ماكدر اتحرك من مكاني من التعب اخر يوم طلعت غيرت ملابسي اجرت سيارة حتى اسوقها بنفسي المدينة كلش جانت حلوة كل ماامر يم منطقه بيها بساتين ورود أتذكر آيه من جانت ترسم تتمنى تروح لمكان يشبه اللي اشوفه وكفت يم جبل مرتفع صرخت باعلى صوتي طلعي من راسي كافي ماريد اتذكرج خاينه غمضت عيوني لحظات اتخيلها تنام بحضن مهند لو تكوله احبك مثل ماجانت تكولها اليه نبرة صوتها الدافية لو عيونها المليان شوق وحب من جانت تخليها بعيني من اكوللها نزلي عينج متقبل تجاوبني ماشبع من عيونك كل هذا جان كذب

آيه أهلج اكلو راسي هلكد مايخابرون احجي وياهم ديربالج تحجين شي من اللي يصير بيناتنا لان راسا اقلب الطاولة على راسج واكوللهم بنتكم مستعمله وانتي تعرفين أبوج شيسوي بيج وبعماد واتصور هو مو اول واحد يمكن اهواية جانو قبله

جيب الله ياخذك ميهمني شتكول عليه اريد اسمع صوت اهلي اللي خلوني بهالمكان وياك سمعت صوت ابويه ردت احجي حسيت شي حاد بظهري وهو يسمع ويايه مخلي سجين بظهري ينتظر أحجي حتى يسوي شي مكدرت اخذ راحتي سلمت ودعته بسرعه وخر مني انتهى المكالمه

خليج عاقلة هيجي واحترمي حالج تكدرين تولين لغرفتج

مهند الله يخليك خليني احجي ويا دينا بس شوية اباركلها

دينا لو اللي عايش وياهم حبيبج السفير عادي اذا تردين اخابر احجي وياه شوفي شلون راح يرد عليج اني كلبي طيب ماحب اشوفج تبجين ليل نهار عليه حتى لو تشوفينه ماعندي مانع اذا هو يقبل يشوفج اصلا

لاطولها وهي قصيرة كتلك دينا مجبت اسم احد غيرها ردت اطمن عليها ومنها اعرف اخبار عماد

ليش صافنه تردين تعرفين شيسوي حبيب الكلب اني اكولج لان هاي امانه لازم اوصلها الج يريد منج رصاصة

باوعتله مصدومه شنو منين عرف هالشي بيني وبين عماد شمسوي من ورايه

اول يوم من شهر عسلنا الحلو نمت وياصديقتي سجلت صوتها جانت حيل منسجمة ويايه دزيته من موبايلج لعماد

اني وكعت من طولي مصدكت ياحيوان ياناقص شلون هيجي تسوي متستحي من نفسك

والله سئلي نفسج هالسؤال لان هو صدك هاي انتي يمكن عنده صديقات اهواية فمعرف مو صوتج لو يمكن مجان يستمتع وياج احجيلي عندي وقت اهواية شنو جنتو تسوون من تلتقون لالا مااتفقنا على هيجي لاتبجين لطمي بدون صوت حتى تختنكين ههههههه

بقيت طول الليل افكر بطريقة اهرب من مهند بعد مايهمني شي متأكدة عماد هسة يكرهني حتى لو اضطريت ارمي نفسي من الشقة لازم اطلع منا اروح يم خالي وليان راح يساعدوني بقيت اراقبه من يسكر ويدخل لغرفته يعوف موبايله على الميز طلعت من الغرفة بهدوء واني اسمع صوت ضحكات اللي وياه

عابت على شنو متونسة ويا هالحيوان اللي ميشبه بشر شفت الموبايل واخيرا ردت افتحه اخذها من ايدي

لالالا آيه صايرة حرامية مو خوش شغلة هاي بس ذكرتيني خلي اخابر عماد واسمعه صوتج الحلو لان يمكن ناسي صوتج هسة ادخل للغرفة سمعي بنفسج واحكمي

لا لا توبة اتوسل بيك مهند لاتسويها شتريد اني حاضرة الله يخليك

مو كلتلج راح يجي يوم واشوفج مذلولة يم رجليه بعد تسمعين الكلام اللي اكوله يتنفذ افتهمتي بدون مناقشة ولسانج الطويل كصي لان ميفيدج يالله وخري من طريقي حبيبتي تنتظرني جوا وانتي روحي نامي وياكوابيسج .

#عاشقة_السفير29

لو كونتى على يقين أنكى لا تُحسنى القرار ما أسلَمتك دفتر قراراتى

ولا همست على مسامع قلبك إعترافاتى

فالضعفاء لا يستحقون القلوب

والكاذبون لا يستحقون الحقيقة

والخائنون لا يستحقون الوفاء

اما أنتى تستحقى كل ما أخذت

قلبى وعقلى وفؤادى انتى تستحقى حياتى

خابرن ليان حتى تروح تشوف آيه طلعت مسافرة وراح ترجع بعد ايام وعدتني اول ماتوصل تروح يمها وتتطمن عليها انطيتها العنوان خليت ايدي على بطني لو خالتك تعرف بيك راح تفرح أهواية عشقها الاطفال ليش أحسج مو بخير ماكدر اتصور متريدنا شفت عماد كدامي يمتى رجع مو جان مسافر سلمت عليه ردت اعوف المكان وانهزم منه

لحظة دينا أذا تسمحين ممكن اخذ من وقتج دقايق

اي تفضل ميحتاج تستأذن ياربي بس لايسألني على آيه

شلونها آيه مرتاحة حجيتها واني احس بغصة بس كلبي ميكدر ينساها

مادري شكولك عماد  انت مو غريب آيه متحجي ويانا مرتين سلمت على ابويه بالتليفون وخلص

أستغربت حتى اهلها ناسيتهم مثلي ومتريدهم عفتها وهي تحجي دخلت لغرفتي شنو السالفة لايكون جانت تلعب بيه ومتفقة ويامهند ينتقمون مني شلون اتأكد يمتى ارتاح والله اذبحج بيدي اذا جنتي متفقة وياه عليه لو كل كلامها كذب بس من سلمتني نفسها مشفت منها غير محاولة ارضائي راح اتخبل

نضفت الشقة مثل كل يوم من بقايا العلب واوساخهم بغرفة النوم شفته واكف خلفي

اليوم راح نطلع اني وانتي راح اوديج لمكان راح يفرحج

وين ترجعني يم اهلي واخيرا

ليش مستعجلة على شوفه اهلج

هالفترة  اهلي مسألو عليه مكالو وين بنتنا

بلي سألوني يوميه يخابرون اكوللهم مشغولة ويايه متشبع مني مد الحك اطلع من الفراش كلش متونسين سوية متريد تحجي وياكم

الله ياخذك حقير ليش هيجي تسوي بيا اني شمسويتلك

نعم شنو شمسوية اني امشي واشتغل شغل ابوج واخليكم تلعبون بالفلوس لعب على حساب تعبي  وعماد يخسرني واني العائله كلها تحجي عليه يكولولي صوجك متعرف تدبرها جدج يحجي يكول بعدك زعطوط

واني شعليه مهند عوفني لخاطر ربك

لا عليج ونص اني اتعب انتي تسافرين تريحين العالم من شقه لشقه ويا عماد شلون ماعليج والله راح اخليه مسخرة للناس ترى محضرتلكم خوش مفاجأة شوفي هاي الصورة

باوعت صورة مفبركة اليه ولعماد بالفراش مكتوب عليها فضيحة السفير شنو هذا متخاف ربك انت بشر ولك اني شرفك شلون هيجي تسوي

هههههه واي ضحكتيني ياشرف انتي هم عندج شرف سكتي وخليها شفتي الفلوس شلون تسوي معجزات بالله مو عبالج صدك الصورة حقيقيه والناس تموت بهيجي سوالف راح اموت عصافير بحجر فضيحة عماد واخلص منه وانتي اهلج يذبحوج واخلص منج ابوج ينجلط واخلص منه امج واخوج وراها ودينا زوجها يطلقها وتولي شفتي شلون عقل عندي ولج اني معجزة نازل من السما.

شتريد بالمقابل

اي عفية بديتي تفهمين هسة اول شي نبدي بيها اشكد عندج فلوس بالبنك تحوليه بأسمي

مبلغ قليل ماتصور تستفيد منه حتى ذهبي خلصت انطيتك ياها

لا ذهبج جان ثمن اشباع رغباتي اما الاهم الفلوس نروح نطلعها من البنك حتى اشتري شي لنفسي مثلا ساعتج اللي من جناب السفير

ركضت على غرفتي دورت بين الغراض ماكو رجعت عليه وينه مهند لاتخليني اذبحك هسة جيب الساعه لاتلمس شي مو ملكك

بعتها واخذت واحد رجالي لنفسي تتصورين من يصير بينتنا شغلات النوم راح أحبج مثل عماد واجيبلج هدايا

لو تموت متوصل لظفر عماد انت مريض روح تعالج بعدين قارن نفسك بأسيادك

اذا اني هسة مريض فحبيبج من زمان مريض بالانتقام

صدكني راح يجي يوم واندمك مهند راح اخلي متسوى فلس بس اوصل لعماد حتشوف شيصير بيك لاتنسى كلامي احفظه مثل أسمك

هاج تليفوني خابري خوفيني من عماد ليش واكفه تحركي

مجاوبته عفته باوعت على نفسي عماد يمتى تخلصني من هالحياة ياترى نسيتني لو تفكر بيا ليل نهار مثلي وتبجي عليه اتمنى اوصل يمك قبل لا اموت بعدها بأيام شفت مهند بيده كيس سلمني ياه

راح تخلصين مني اليوم بس سمعي كلامي انتي باجر يم اهلج

شنو هالكيس

هذا لبسي فستان ابيض وبدلي زين سوي نفسج مثل العروسه

خير ناوي شتسوي بيا هالمرة

اليوم شفت رسالة عماد تكدر باجر تجيني لبنان احتاجك اهوايه حبيبتك آيه اني مصدكت اخابر مقفول حجزت وسافرت دزيتلها اني وصلت وين انتي ماكو مقفل بالليل جاني مسج كالتلي على منطقه اشوفك اهناك استغربت المنطقه شبه مقطوعة ويبعد عن المدينه شيوديها اهناك اخذت سلاحي ويايه اني ماستعملها بس حسيت بشي مو طبيعي بدلت ورحت.

رحنا الصبح حولت فلوسي على حسابه مقابل يحذف الصورة المفبركه وبالليل بدلت

مصدكت بدلت وتزينت بالليل  رحنا مسافة شفته ديطلع من المدينه المكان صار يخوف سألته وين موديني

اشبيج حبي يعني متثقين بزوجج حبيبج

هذا تخبل يازوج ياحبيب محجيت شي بس داخلي ميته خوف لاياخذني يلعب بيه ويا اصدقائه كلشي اتوقع منه لا عنده ضمير ولا اخلاق وصلنا لمكان صدك بديت اخاف شفته طلع مسدس اول شي خلاها براسي

سوي نفسج عادي ولا كلمه تحجين هسة يجي عماد تحجين وياه تكوليله يحولي الفلوس الي خسرني ياه وبعدين اخليج تروحين

شجاب عماد لهالمنطقة انت نصبتلي فخ شكوله انطيني فلوس حتى ارجعلك مو كافي كل ذهبي وفلوسي اخذته

لا باقي الشقه وهاي اوراقها مال تنازل وقعي عليها اذا تردين حبيبج ميموت

على شنو ناوي جاوبني  وبعدين شيجيب عماد لهنا

حبي ذاكرتج اشكد ضعيفة مو انتي دزيتي رسالة تردين تشوفينه

احس صار عندي حالة من الهيستربا  جذاب اني مشايفة موبايلي صارلي أشكد انت شتريد تسوي ديربالك تأذي عماد والله أذبحك بيدي ولايهمني شي افتهمت

ههههه  شرسه عشيقه عماد اكولج يستاهل هيجي تسوين بيا من ورا ترى اني بعدني شاب واحسن منه اذا جربتيني راح تنسين اسمج 

مجاوبته كلبي يرجف

تعاي مكاني اني راح ارجع وراه لاتكوليله اني وياج اذا سمعت حجي مو زين طلقه واخلص منه افتهمتي

بست ايده راح اسوي كلشي الله يخليك لاتسوي بعماد شي .شفت السيارة نزلت وهو هم نزل بقينا واحد يباوع للثاني احس صارلي قرن مشايفته واخاف اتقرب منه ماعرف شحجي وشكول

شنو الموضوع الي ترديني بيها

عماد لحظة

آيه بدون لف ودوران جبتيلي رصاصة لو لا

يارصاصة

مو اتفقت وياج اذا سلمتي نفسج لمهند انطيني رصاصة انتي موفيتي بوعدج بس اني راح اوفي بوعدي اريد رصاصه منج

:عماد بس اريد اكولك شي مهند يريد تنطيله فلوس حتى يعوفني ويخليني انت متعرف اني شصاير بيه هالمدة ومو اني الي خنت الوعد ترى كله جذب انطي اللي يريده وراح تفتهم

يافلوس

يكول مخسرني فلوس وهسة يريدها مقابل ارجعلك ضحك

هههه انتي تحجين صدك لو شنو يعني يبيعج اليه مو

الله يخليك خلصني منه

:سمعي آيه فلوس الدنيا متهمني بس اني ماريدج بعد محافظتي على نفسج

بين مانحجي سمعت صوت سيارة مهند اتقرب ونزل

وهذا هم جاي وياج .ها مهند تريد فلوس مقابل مرتك مو قبل ماتتزوجون خابرتك كتلك اشكد تريد انطيك عوف آيه شنو رديت عليه مابدل خطيبتي بالدنيا وسويت نفسك عصبي هاي بنت خالي وشرفي شلون هيجي تحجي واني احبها من وهي صغيرة مو هذا جان كلامك ليش هسة تريد تبيعها .

خلص ماريد منها شي اللي ردته اخذته وهسة بالعافية عليك

اني انطيك فلوس بس ماريد آيه بعد خليها ترجع لاهلها

بين مانحجي مهند طلع مسدس وضرب على صدر عماد ماعرف كم طلقه بس شفته وكع اني رجليه مشالتني بين اللي صار بلحظة وبين جسم عماد اللي بالكاع

#عاشقة_السفير30

متى ستعرف كم أهواك يا رجلا ********أبيع من أجله الدنيـــا وما فيها

لو تطلب البحر في عينيك أسكبه ******أو تطلب الشمس في كفيك أرميها

أنـا أحبك فوق الغيم أكتبهــا *********وللعصافيـر والأشجـار أحكيهـا

أنـا أحبك فوق الماء أنقشهــا ******* وللعناقيـد والأقـداح أسقيهـــا

أنـا أحبك يـا سيفـا أسال دمي ********يـا قصة لست أدري مـا أسميها

أنـا أحبك حاول أن تسـاعدني ********فإن من بـدأ المأساة ينهيهـــا

وإن من فتح الأبواب يغلقهــا ********وإن من أشعل النيـران يطفيهــا

يا من يدخن في صمت ويتركني ******في البحر أرفع مرسـاتي وألقيهـا

ألا تراني ببحر الحب غارقـة *******والموج يمضغ آمـالي ويرميهــا

انزل قليلا عن الأهداب يا رجلا ******مــا زال يقتل أحلامي ويحييهـا

كفاك تلعب دور العاشقين معي *******وتنتقي كلمــات لست تعنيهــا

كم اخترعت مكاتيبـا سترسلها ********وأسعدتني ورود سوف تهديهــا

وكم ذهبت لوعد لا وجود لـه ********* وكم حلمت بأثـواب سأشريهــا

وكم تمنيت لو للرقص تطلبني ********* وحيـرتني ذراعي أين ألقيهـــا

إرجع إلي فإن الأرض واقفـة *********كأنمــا الأرض فرت من ثوانيهــــا

إرجـع فبعدك لا عقد أعلقــه **********ولا لمست عطوري في أوانيهــا

لمن جمالي لمن شال الحرير لمن ******ضفـائري منذ أعـوام أربيهــا

ارجع كما أنت صحوا كنت أم مطرا ******فمــا حياتي أنا إن لم تكن فيه

كومي عندج فرصة أخذج ويايه هسة ونفتح صفحة جديدة أنسي شي أسمه عماد راح بح ماكو عماد بعد مستحيل يعيش جريت شعرها حتى ترفع راسها شوفي واكع بلا حركه هذا اللي تحتمين بي جثة هسة لو تجين نروح نعيش حياتنا لو ابقي يمه موتي محد يعرف مكانكم ومتعرفين تساعديه شوفي هذا عماد اللي جنتي ليل نهار تبجين عليه ميت

ليش مااحس برجلي ليش ماكدر اتحرك اسمع كلام مهند اللي مثل السم وعيني على روحي الي تنزف معقول خسر حياته بسببي اني قتلته بيدي عماد ماكو بعد حسيت يجرني يريد يشيلني رجعت لوعي دفعته من يمي

لاتضحين بنفسج رجعي لعقلج بعد ميفيدج ماعندج حل غيري حتى لو ضليتي يمه متكدرين تسووين شي

ليش ذبحته وعدتني متسوي شي  انطيتك كل شي الله ياخذ روحك مهند

الحجي ميفيد وياج واني مو مستعد اخسر اللي سويته علمودج خليج يمه بعد ساعات  انتي وهو تصيرون مجرد هيكل عظمي محد يكدر يلكيكم مثل ماتشوفين المكان مكطوع لحظة نسيت بالليل يطلع جلاب شوفيهم بعينج وهمه ينهشون لحم عماد كدامج ماريد اتخيل منظرج

الله يخليك مهند شتريد اسويلك بس ساعدني ناخذه للمستشفى راح اعوفه واروح وياك وين ماتريد وانسى بس خلي عايش

صدك تحجين تردين تلعبين بعقلي اخذه بنفسي للمستشفى حتى يعيش ويكوم بعدين  يمحيني من الوجود وترجعون لبعض على حسابي خوش فلم تألفين

وتصيرين البطله المنقذة واني مهند المرحوم

شفته اخذ شي من جيب عماد اني ابجي واكوله ليش ليش عافنا وراح بقيت وحدي وياعماد زحفت من مكاني حتى اكدر اوصله ابجي والطم على راس عماد   الجلب اخذ تليفون عماد بقيت وياه نبضه ضعيف وميتحرك واني  شسوي ماعرف اني وين وهذا جسمه صار كله دم عماد الله يخليك جاوبني عماد لاتعوفني الله يخليك والله العظيم مخنتك بعدني مثل ماني لزمت ايده ابجي على راسه واحجيله اشصار بيه طول هالمده كوم الله يخليك لاتعوفني راح اموت نفسي ماريد حياتي بدونك فدوة افتح عيونك خلي اشوفها لأخر مرة قبل مانموت أثنيناتنا عيونك اللي خلتني عاشقة عماد لو تحبني افتح عيونك بست راسه وعيوني الدم يطلع من بين شفايفه ماكدر احركه ولا اكدر اسوق سيارة خليت راسه بحضني واني ادعي يالله ساعدني ماعندي غيرك كلما يطلع دم اني امسحه بفستاني  سمعت صوت جلاب من بعيد خفت ياربي الله ياخذك مهند على اللي سويته بيه عماد خلص راح نموت سويا مراح اعوفك يمكن الله استجاب دعوتي سمعت صوت تليفون دادور حولي ماكو كلت بلكي مهند ناسي فتشت جيوب عماد ماكو الصوت يجي من ناحيه السيارة ماكدر امشي زحفت وصلت  للسيارة لكيته مكتوب حميد جاوبته الله يخليك الحكنا عماد راح يموت .

آيه شصاير وين سعادة السفير

ماعرف حميد ماعرف عمادمصاب و ينزف ميجاوبني

شغلي السيارة وطلعي احداثيات تحديد موقع

ماعرف شلون الله يخليك انقذنا

سمعيني شكولج سوي وراح يطلع

سويت مثل ماكالي انطيته عنوان  المكان

عرفت المكان تحملي شويه وراح أوصل ويا الاسعاف ابقي يمه آيه صيري قويه آيه خلي قطعة قماش على الجرح حاولي توقفين النزف لحد مانوصل راح اكون وياج على الخط

ماعندي شي لحظة باوعت فستاني طويل بس شلون اكصه يمكن من خوفي على عماد عقلي وكف بأسناني قطعت منه ركضت عليه حميد يحجي ويايا واني اسوي مثل مايكول تحمل حبيبي راح نروح من هالمكان عماد مراح تموت بعد فترة حسيت نفسي راح افقد ماتحمل جسمي مخدر بالكامل اقتربت صوت الجلاب وسمعت صوت سيارات بعدها محسيت بشي .