رواية زواج من أجل المال — الفصل 2 — بقلم سولييه نصار
حضرتك عايزة ايه ؟!
قولتها بنبرة هجو.مية…مهما كان دي الست اللي هتتجوز جوزي وهي عارفة اني مراته ….مكنتش عارفة أزاي فيه ستات تقبل على نفسهم كده …ازاي !!!!
ابتسمت رانيا في وشي وقالت بلطف زا.ئف:
-ممكن ادخل ؟!
للأسف تربيتي مكنتش تسمح اني اطردها برا بيتي …فسمحتلها تدخل ….دخلت بيتنا البسيط وهي بتبص عليه ….الانتريه اللي قدم والسجاد اللي موضته قديمة…بس بيتي رغم أنه قديم بس كان مرتب …منظم …دافئ وانا بحبه …
-العيشة في بيت زي ده صعب أوووي يا شيماء …
قالتها رانيا فجأة وهي بتسمح الانترية اللي كان بالفعل نضيف وقعدت عليه وقالت :
-على الأقل بالنسبة لعيالك …اصل لما يكبروا اكيد هيتكسفوا يعزموا اصحابهم هنا ….
-أنا عملت عيالي عينيهم تكون مليانة ومهما حصل ميتكسفوش من ظروفنا يا رانيا هانم ….والحمدلله عيالي دايماً بيحمدوا ربنا على نعمة البيت والستر والقناعة …
-لما يكبروا هيتمر.دوا ….محدش هيقبل يعيش العيشة البسيطة دي ….
اتعصبـ.ت وقولت ودموعي بتنزل :
-أنتي عايزة ايه يا هانم …جوزي وخلاص هيتجوزك …سيبيلي عيالي على الأقل ….أنا مش عايزة فلوسك ….
-كان على عيني بس جوزك متعلق بيكي و بعياله …وانا جاية اعرض عليكي عرض ….
بصت لها فقالت :
-تلاتة مليون جنية ….وشقة حلوة في الزمالك …مدرسة نضيفة لعيالك ….حياة مريحة جدا …أنا معايا فلوس يا شيماء…فلوس كتير اووي وهينولكم من الحب جانب …أنا مش عايزة الا طاهر وبس ….عايزاكي تعامليني زي ما أكون اختك وانا هدلعك انتي وعيالك …ومش هاخد جوزك منك …هخليه يعدل ما بيننا ها قولتي ايه …فكري في اولادك …حرا.م تدخليهم مدارس حكومي …وحتى مش هتقدري تديهم دروس خاصة تأسيس..مش عايزة عيالك ينجحوا … مش عايزة تدلعي عيالك …ليه عايزة تعيشيهم الفقر اللي عشتيه….ليه عايزة تحر.ميهم زي ما اتحرمتي …أنا ربنا مكتبش يكون ليا عيال بس انا اعرف الام بتكون عايزة تخلي عيالها احسن منها …وجاتلك فرصة فأ.ستغليها كويس. …وكده كده طاهر هيتجوزني ومش هيتراجع مهما عملتي فاستـ.غلي انتي الفرصة …
بصت لها ببرود وقولت وانا بمسح دموعي :
-لو كان طاهر باع نفسه فأنا لا ….أنا هعيش عيالي من شغلي وابوهم مضطر يبعتلهم نفقتهم لحد عندهم …..وانا بقولك يا رانيا هانم …لو طاهر اتجوزك يطلقني ….لاني مش هقبلك ضرة ليا. …اشتري حد غيري ….
ابتسمت رانيا وقالت :
-تمام …متزعليش من اللي هعمله معاكي
