تحميل رواية «يوسف و سارة» PDF
بقلم الاميرة
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
اقرأ يوسف و سارة بقلم الاميرة.
رواية يوسف و سارة الفصل الأول 1 - بقلم الاميرة
-أبيه يوسف.
بضحك= أبيه ! إيه يا سارة في واحدة تقول لجوزها يا أبيه !
بتوتر- اصل يعني.
=بهزر معاكِ، إنتِ تقولي اللي على مزاجك، قوليلي محتاجة إيه ؟
-فلوس درس الكيميا.
=ماشي يا ستي، أي حاجة تؤمري بيها تاني ؟
-لأ كدة ميت فل وعشرة.
"فضل يضحك وانا زي ما يكون قلبي هيخرج مني ويحضنه والله بس طبعاً هيقولي إنتِ صغيرة يا سارة ودي داومة مشاعر المراهقه بس"
-بحبه أوي يا ندى.
=هو الشهادة لله يتحب.
-بت إنتِ ما تتلمي كدة اومال، بدل ما أجيبك من شعرك.
=ايه ده إيه ده، الست سارة بتغير.
-اه ومغرش ليه مش جوزي !
=وياترى هو يعرف بحبك ده.
-هيجي يوم ويعرف، بقولك إيه يلا نذاكر قبل ما يجي من الشغل
=يلا
"يوسف يبقى صاحب حازم أخويا من صغرهم، وسنهم من سن بعض، 28 سنة ودي المشكلة الكبيرة إنه أكبر مني ب 10 سنين، ماما وبابا فضلوا مدة على ما خلفوني بسبب مشاكل صحية عند ماما وللأسف ماتت وهي بتولدني من وقتها حازم وبابا كانوا عاملين ليا أراجوزات عشان أفرح وبس أضحك، لوقت ما حازم سافر برا يشتغل، حالنا اتبدل، على طول في زعل وغم بسبب خناق بابا وحازم بس كان يوسف بيهون على بابا لحد ما في يوم….
عودة للماضي.
-يا ابني اسمع كلامي أنا مش ناقص مناهدة.
=يا عمي اللي بتطلبه مستحيل، دي بتناديني بأبيه، ده أنا لسة مديها الشيكولاته برا !
-سارة مش صغيرة يا يوسف، كلها يومين وهتم 18 وانا يا إبني مش هعيش اكتر من اللي عيشته، واهو إنت شايف صاحبك وعمايله، سافر وسبنا أنا واخته واخرتها اتجوز واحدة أجنبية وبقاله 3 سنين ولا بيجي ولا عارفين له طريق.
=بس يا عمي…
-يا إبني أنا كنت عند الدكتور النهاردة وقالي إن الورم زاد لدرجة مفيش عملية ممكن تنقذني، كل اللي بطلبه منك اكتب عليها ولو عاوز بعد ما تخلص جامعة تطلقها ماشي، بس دلوقتي هي ملهاش غيرك، قولت إيه يا يوسف ؟
=موافق يا عمي.
"وبس يوم عيد ميلادي كتبنا الكتاب وبعدها بيوم واحد بابا اتوفى، مش هنسى وقفته جنبي ولا تعبه معايا أيام العزا، عوضني عن أخ محضرش حتى دفنة أبوه، جابني هنا في بيته وقعدت مع مامته في الشقة اللي تحت وهو فوق، وحقيقي مش عارفة ليه ! مش الست مكانها بيت جوزها، بس ده في الجواز الطبيعي مش جواز غصب، اكيد دلوقتي بيعد الأيام عشان أدخل كلية ويطلقني ويخلص مني، بس انا عندي خطة هدخل بإذن الله كلية طب عشان ميفكرش في طلاق أصلاً"
-مساء الخير.
باكل شيبسي=مساء النور.
قعد جنبي وخد مني الكيس- يوه يا أبيه هات الكيس ده كدة.
=تؤ تؤ.
-يوه بقى متعصبنيش.
بضحك= تؤ تؤ برضه.
-يوسف هات الكيس.
بصدمة= إيه ! قولتي إيه.
-ها…
=قولتي إيه من شوية كدة.
-بقولك يوسف هات الكيس.
بيقرب=إنتِ عارفة إن أول مرة أعرف إن إسمي حلو كدة، اثبتي على كدة ابوس ايدك، بلاش أبيه دي، أصل الناس تاكل وشي يا شابة.
"فضلت أضحك على طريقته، قادر يخرجني من أي حاجة ممكن تزعلني وقادر يفرحني ولو حتى بكلام بسيط "
=قوليلي بقى، عاملة إيه في الدراسة، الامتحانات بعد شهر.
-لا متقلقش وراك رجالة.
=يا سيدي على الرجالة، طب فيه رجالة حلوين كدة.
-اه فيه، إنت.
=يا بنت الحلال كفاية كلامك اللي هيخليني اغلط ده، إنتِ مالك النهاردة ولا أقولك مترديش أنا طالع فوق أحسن.
"مكنتش فاهمة هو زعلان من إيه، فاتصلت ببيست التفاح دي يمكن تفهمني."
-يعني إيه مش فاهمة ؟
=حد قالك كنت اتخطبت قبل كدة يا سارة !
-لأ بس عندك اخوكِ خالد، ولد أهو وأكيد فاهم يعني ايه الكلام ده، قولي له الكلام وهو يترجمه.
=اخويا مين ياما ده صايع مع الشلة بتاعته برا، اه يا بت يا سارة لو كان أخويا راسي شوية كدة والله ما كنت فوتك من ايدي، كنت هخليكِ مرات اخويا.
بضحك-وانا موافقة يا ست ندى ابقى مرات اخوكِ.
"فجأة لاقيت التليفون بيتشد مني ولاقيته قصادي وعيونه كلها جمر نار."
-انا ...
=ممكن أعرف بتكلمي مين ؟ وعاوزة تبقي مرات مين بقى !
-والله لأ ده أنا كنت بهزر مع ندى صاحبتي.
=واللي اتهزر تقول موافقة ابقى مرات اخوكِ.
-هو….
=إنتِ لسة صغيرة فاهمة، متركزيش غير في دراستك وبس وسيبك من المواضيع دي.
-مواضيع إيه !
مسك ايدي وشدني له=بلاش استهبال، أخو صاحبتك ده لو بس سمعتك جايبة سيرته هقتله فاهمة، إنتِ ليا متروحيش لغيري.
"سابني ومشي ومن صدمة اللي قاله وقعت على الأرض مش فاهمة حاجة هو اضايق ليه أو بيدافع عن إيه، عن حب ولا عن امتلاكه ليا ! من بعد اليوم ده اتغير معايا، معدش بيكلمني إلا لو أنا كلمته، مش بيقعد في البيت أصلاً، وحتى معدش بيجيب ليا شيكولاتة زي الأول ! "
-ايه مالك ؟
حضنته=امتحان الاحياء كان رخم أوي.
"فضل ساكت رفعت عيني فيه شوفت نظرة مفهمتهاش."
بعدت عنه-انا أسفه.
=احم، ولا يهمك، تعالي اقعدي واهدي.
رواية يوسف و سارة الفصل الثاني 2 - بقلم الاميرة
البارت التاني قبل الاخير 🍒🦋
ببكاء-الامتحان…
=شش، مش عاوز أعرف حاجة عنه، بس عاوز أسألك عملتي اللي عليكِ ولا لأ.
-عملت وذاكرت والله.
=خلاص ده المهم، المجموع بقى والنتيجة من عند الله وبإذن الله ربنا هيرزقك، فاضل مادة صح ؟.
-اه يوم الخميس.
=طيب يا قطتي عاوزك تخلصي كدة وتفوقي ليا عشان محضرلك مفاجأة حلوة.
-الله، مفاجأة إيه.
=ولو قولتلك تبقى مفاجأة ! خلصي بس على خير.
"كنت متشوقة اعرف مفاجأته وفكرت فيها كتير بس موصلتش لحاجة، خلصت امتحانات ورجعت البيت لاقيته حاجز مصيف عشر أيام وهنسافر أنا وهو بس، كنت هطير من الفرحة، عشان عاوزة أغير جو وكمان عشان أنا وهو هنبقى لوحدنا، وصلنا المصيف وللحظ الحلو لاقيت ندى وعيلتها هناك واخوها الغلس اللي مش بينزل ليا من زور ده هناك برضه"
-مقولتيش ليا ليه إن صاحبتك ندى جاية ؟
=مكنتش أعرف والله اتفاجئت زيي زيك.
-طب يلا نفضي الشنط عشان ننزل نتغدى، قوليلي عاوزة سمك وجمبري صح ؟
=فاكر انت كل حاجة أنا بحبها.
-طبعاً اعرف كل حاجة بتحبيها.
=طب وعارف إني بحبك.
-عارف…. إيه قولتي إيه ؟
بتمثيل=بقول إني جعانة.
-انا عارف نهاية عقلي على ايدك يا بنت عمي سليم.
"نزلنا اتمشينا سوا في شوارع اسكندرية وأكلنا واشترى ليا لبس وللمفاجأة اللي هتجبلي ذبحة صدرية كله لبس عامل زي لبس الأطفال مش لبس انسه هتروح الجامعة لأ."
رميت الشنط قصاده-ممكن أعرف إيه ده ؟
=إيه الالوان مش عجباكِ ؟
-انت عاوز تجنني صح، قول اه متنكسفش، ده كله لبس اطفال مش لبس آنسات لأ.
=مهو ده المناسب ليكِ وبعدين مش فاهم عاوزة تكبري قبل آوانك ليه ؟
-عشان فيه طور بحبه عاوزاه يحس بيا.
"عيونه مرة واحدة بقى فيها شرار، مسكني من ايدي وضغط عليها جامد لدرجة كانت هتنخلع في ايده"
=مش قولنا الكلام ده كله لسة بدري عليه، اه عشان كدة لاقيناهم هنا.
-ايدي يا يوسف، هما مين مش فاهمة حاجة.
بعصبية=حبيب القلب، أخو صاحبتك دي.
"أعراض شلل واحتلت تعابير وشي، الطور بقوله بحبك يقولي أخو صاحبتك، طب انتحر ولا اقتله ولا اعمل ليه ؟
ضحكت-هو إنت فاكر إني بتكلم عن خالد ؟
=بقول نكتة أنا صح ؟ وبعدين متجبيش سيرة الزفت ده.
قربت منه-انا كنت بقول عليك ذكي بس لأ طلعت مش بس غبي وأعمى كمان.
=بنت إنتِ اتعدلي أحسنلك.
بصريخ-سيب ايدي بقى بتوجعني.
"ساب إيدي وخرج من الشاليه وانا روحت عند ندى"
-بقى هو فاكر إنك بتحبي أخويا خالد الصايع ده !
بصيت ليها وسكت.
-هو ده حد بيعرف يحب ده كل يوم مع بنت شكل.
=يوه يا ندي هو ده وقته، إحنا بنتكلم في اخوكِ وعلاقاته ولا الطور اللي مش حاسس بيا ده.
-اقولك فكرة حلوة، البسي لبس البنات اللي بنشوفه في التليفزيون ده وهو هينبهر ويحس بيكِ.
=اه وبعدها يقتلني، بقولك جايب ليا لبس اطفال مش لبس واحدة هتم 19 بعد أسبوع.
-صراحة هو بارد ورخم.
بصيت لها بطرف عيني ورفعت لها حاجبي.
-بس حلو وأمور.
=مين هيتقتل ناووو.
-خلاص وحش يا ستي.
=لأ يا حبيبتي أنا حبيبي أحلى واحد في الكون بس حلاوته ليا مش لغيري، أنا هرجع الشاليه قبل ما يرجع وتبقى مشكلة.
"رجعت الشاليه، لاقيته مستنيني، تجاهلته ودخلت اوضتي، اصل كل واحد فينا في اوضه ما شاء الله علينا يعني، خبط
على الباب.
-يا نعم.
=احم، أنا آسف على اللي حصل.
-وده من ايه بقى.
=خلاص يا سارة أنا اعتذرت اهو، وبعدين عندك حق إنتِ كبرتي ولازم تعيشي حياتك بس طالب منك أجلي موضوع طلاقنا لوقت ما تدخلي الجامعة وتكبري شوية.
"طلاق، طلاق يا أعمى البصر والبصيرة، أنا جبت سيرة طلاق، طب حد جاب سيرته، حسيته بيتحجج وخلاص، قفلت في وشه باب اوضتي والصبح قولت له إني عاوزة أرجع مصر.
-سارة يا سارة.
=إيه في إيه.
حضني-الف مبروك يا حبيبتي ألف مبروك 99%
ببكاء=بجد يا يوسف.
-بجد يا قلب يوسف.
"كنت مصدومة شوية من ردة فعله، فرح ليا أكتر من نفسي وحصل اللي اتمنيته دخلت كلية طب ، العلاقة ما بينا كانت علاقة صحوبية اكتر من جواز بيفهمني وبفهمه وده مكفيني في الوقت ده، فات سنتين على الحال ده لوقت ما بنت عمه الملزقة دي رجعت من السفر وكانت على طول لازقة له وهو مش بيصدها وده اللي كان بيجنني اكتر "
"دخلت عليه الاوضة بعد نص الليل وخبط الباب جامد لدرجة اتخض وقام"
-ايه في إيه ؟
=أنا اللي عاوزة أسألك في إيه ؟
-مش فاهم.
=حضرتك كنت مع ياسمين بنت عمك ورجعت متأخر مش خير إن شاء الله.
-إنتِ مصحياني دلوقتي عشان كدة !
=لأ عشان اقولك ازيك واطمن عليك، يوسف بلاش استهبال انا عاوزة أفهم في إيه.
-مفيش حاجة بنت عمي وكنت بوصلها.
=وخطيبتك الأولى اللي سبتها عشان تتجوزني.
-ده ماما قالت ليكِ كل حاجة بقى.
=كنت مستنية أسمع منك إنت.
-كل شئ قسمة ونصيب يا سارة، كنا مخطوبين ومحصلش نصيب.
حطيت ايدي في جنبي= اه ودلوقتي عاوزين تجددوا النصيب بإمارة إنها متجوزتش لحد دلوقتي.
-اف بقى اف، يا شيخة أنا زهقت ومش فاهمك بجد.
قربت منه ومسكته من قميصه=مش مهم تفهم المهم تعرف انك ملكي متروحش لغيري فاهم.
يتبع.....
رواية يوسف و سارة الفصل الثالث 3 - بقلم الاميرة
البارت التالت والاخير 🥀
"سيبته ومشيت وكنت ناوية اتحدى أي حاجة واحارب أي حد ممكن يفكر ياخده مني، تاني يوم جات ياسمين ومرات عمه وطول القعدة عمالة تدلع عليه"
-عن اذنك يا سارة كنت عاوزة يوسف في موضوع لوحدنا عادي بالنسبة لك صح ؟
"وعادي اني اقتلك صح ؟
مسكت ايده= لأ يا حبيبتي مش عادي، بغير على جوزي بقى.
بسخرية-هو أنا يعني هخطفه وبعدين لو مش واثقة في نفسك يبقى العيب فيكِ.
هو اتكلم= ياسمين احترمي نفسك.
-وانا قولت حاجة غلط ؟
=سارة تبقى حبيبتي ومراتي واللي يزعلها يزعلني وفي نظري هي أجمل واحدة في الدنيا.
-اشبع بيها يلا يا ماما.
"دخلت اوضتي وفضلت اعيط، هي عندها حق انا فعلاً معنديش ثقة في حبه ليا ولا عندي ثقة في جمالي، لبسي زي لبس الأطفال، نضارة كعب كباية بلبسها ومش بهتم بشكلي حتى قصاده، أنا مش حلوة !"
قعد جنبي-لو بتعيطي من كلامها تبقي غلطانة أوي.
=بس هي عندها حق أنا مش جميلة.
-والله في نظري إنتِ أجمل بنت في الدنيا واللي يهمك أنا صح ؟
=ميهمنيش غيرك والله.
طبطب على كتفي-خلاص يبقى بلاش زعل ويلا نقوم نتعشى
=يعني أنا حلوة ؟
-ومن غيرك الحلو !
-طب إنتِ زعلانة من إيه ؟
=حاسة إني أنا اللي بحاول بس يا ندى هو مش عاوزني ومستني إني أخلص الكلية عشان يطلقني، تعبت من المحاولات اللي بتنتهي كل مرة بفشل ووجع في قلبي، أنا هطلب منه الطلاق.
-اقعدي وبطلي جنان، بصي آخر محاولة ولو متكلمش بعدها يبقى عندك حق اطلبي الطلاق منه.
=محاولة إيه ؟
-اقولك ...
" فستان حلو ولبسنا، عشا رومانسي على أضواء الشموع وعملنا وموسيقى هادية وشغلنا، يكش يطمر بس"
-ايه الأكل الحلو ده .
خرجت من اوضه النوم= عجبك.
حسيته اتصدم شوية لما شافني بس عملت نفسي مش واخدة بالي واتكلمت عادي.
=إيه العشا شكله وحش ؟
-والله العشا ده هيجنني، هو أنا شوفت أحلى منه.
بابتسامة=هو إيه ؟
-العشا.
=العشا برضه !
قرب مني-امال هيكون إيه.
=عندك حق هيكون إيه، روح يا شيخ اللهي النور يقطع صحيح أعمى البصر والبصيرة لأ والقلب كمان.
بضحك-ايه كل الدعوات دي، إيه ماسورة شتايم واتفتحت.
=عشان تستاهل.
"كنت ماشية بس لاقيته مسك ايدي وقرب مني".
-إنتِ عارفة إنك حلوة أوي.
=عارفة.
-طب عارفة إنك كبرتي وبقيتي آنسه كبيرة وحلوة أوي.
=عارفة برضه.
-طب عارفة إني بحبك.
=عا… إيه قولت إيه !
-يعني مسمعتيش ؟
=لأ مسمعتش.
بهمس-بحبك
=أخيراً أبو الهول نطق.
بضحك-ده انا اتأخرت بقى.
=أوي أوي يا يوسف.
-طب إيه بقى.
=إيه !
-مفيش رد على الكلمة دي.
=لأ عقاباً ليك مفيش
-بقى كدة ! خلاص أنا أروح لياسمين بنت عمي بقى
"مسكته من قميصه وقربت منه وعيني كانت بتطلع شرار"
=ياسمين مين يا عنيا ! اتلم وعدي ليلتك
بغمزة- ونعديها ازاي
بغمزة= اقولك يا حلو
**
"قفلت مذكراتي اللي كتبتها من 10 سنين وخرجت برا الاوضة لاقيته قاعد مع فارس ولين ولادنا وبيلعب معاهم، قعدت بعيد عنهم وسكت"
-قريتي المذكرات صح ؟
=…
-كل ما تكوني مضايقة مني بتقرأيهم وقلبك يحن ليا
=…
-طب أنا اسف خلاص مكانش قصدي ازعلك والله، هي بنت عمي يا سارة وللأسف مش هقدر اغير الرابط ده وبعدين ده مر 10 سنين وهي اتجوزت، لسة بتغيري عليا منها !
بنفاذ صبر= كمل، اتجوزت واطلقت واه بغير واللي تفكر تقرب لك اقتلها فاهم
-طب يلا يا ولاد على اوضتكم اصل الحالة جات لماما بقى
"بصيت له بغضب وسكت، رخمة وباردة بنت عمه دي، اتجوزت واطلقت ولسة حاطة عينها عليه ! يختي اللهي تنخلع عينك يا بعيدة"
-بحبك
=مش هضعف على فكرة
بضحكة جابت قلبي الأرض- لا والله هي الكلمة الوحيدة اللي ب تضعفك
"والله الرجل ما كذب، ابتسمت له وجريت عليه وحضنته"
-وانا كمان بحبك
=كنتِ وهتفضلي هدية من ربنا ليا
-وانت هتفضل سندي في الدنيا وعكازي اللي هتعكز عليه في كبري، يوسف، أنا اخترتك بين الزحام اوعى تسبني
=شش، بحبك
"وإني اخترتك بين الزحام فلا تتركني"