تحميل رواية «تزوجتك مرتان» PDF

استيقظت في الصباح متأخره كعادتي في ايام العطله الملله

حضرت لي كوب حليب مع الشاي وجلست اتصفح في الانستغرام

وكعادتي منذ ان افترقنا ادخل على صفحته الخاصه به في الفيس

وانظر لصورته واعاتبه على غيابه

منذ اشهر لم اتكلم مـعه

هل اشتقت الي أم اني اصبحت في طي النسيان لديك!!!

عيناه تلك لازالت تبعثر مشاعري وتجعلني ابحر بعيدا عن هذا العالم

..

دخلت على حسابي في الانستا ونشرت صوره وكتبت عن اشتاقي له

المحزن انني اكتب له والجميع يقرأ ويعجب بتلك الحروف التي تعبر

عن ألمي الا هو لايقرأ ولايشعر فهو بارد المشاعر وهذا ماقتل

عشقي له وجعلني ابتعد عنه رغم انني ادمنت وجوده

فهو استاذي واخي وصديقي قبل ان يكون حبيبي

عندما كنت في المرحله الاولى كانت هناك ماده صعبه لدي

ولم اكن افهمها وكنت قد يأست من النجاح فيها

اتذكر لقائي الاول به…

حين كتبت في صفحه الكليه في منشوري انني خائفه من هذا الماده

وكان هو موجود

بعد ايام ارسل لي رساله واخبرني اذا كنت اريد مساعده ما

فوفقت ..

لم اكن افكر في انني من الممكن ان احب شخصا في الجامعه او انني اتعرف عليه خلال النت

عرفني على نفسه وعرفت انه معيد في الجامعه

وهذا ماجعلني اثق به ..لانني اعلم ان الاساتذه قدوه لايمكن ان يخذلونه

كنت التقي به ويشرحلي المواد الصعبه

اصبحت صديقه له ثم دون ان نخطط لهذا اصبح لايطيق فراقي

وكم هذا مضحك الان لكنـك ابتعدت ولم اعـد اهنيلك وماعاد غيابي

يحزنك وماعدت ان تلك التي تلتجا لها حين تضيق بك الدنيا

كنا اصدقاء حتى تلك الليله التي كتبتها لي

تلك الاحرف التي غيرت حياتي

كتبتها بحروف متقطعه

أ  ح ب ج

وكم كانت الك الليله جميله

لانني ادمنتك وليس فقط عشقتك

كنت مغرمه ومجنونه بك

وهذا مازادك عشقا لي

لكنك رحلت الان…

فقط جعلتني اخر اهتمامتك

فضلت كل شي علي

حتى عملك قد جعلته اكثر اهميه لديك مني

كنت بارد في مشاعرك ولهذا قررت ان ابتعد

لان الاهمال يقتل الحب

حين ترى المرأه من تحبه يهتم بغيرها الا هي

تقرر الابتعاد

وابتعدت وزادني هذا الشي قوه وجمال

وها انت تتمنى لو اعود لكنني لان اعود

لكن

لازالت عيناك هي عشقي

لازالت عيناك مصدر الهامي

لازالت عيناك تبعثرني حين اراها

فـ علمني كيف انساها

علمني كيف انساك

وانـا اعلم انني لان اننساك

لانني عشقتك بقلب طفله  وانت والدها

عشقتك بقلب ام وانت ولدها

عشقتك بقلب صديق يخاف على قلبك من الحزن

عشقتك بقلب حبيبه تغار عليك من عيون المارين

.

.عوده الى الحاضر

كنت اشاهد الصور في الانستا وقررت ان اشترك في مسابقه

(زواج تايم ) واشترك بارسال صوره

ارسلت صوره لفتاه هنديه كانت جميله

وتحدثت مع صاحبه البيج

ـ اريد تتزوج واحد حلو

ـ ههههه ان شاء الله راح اجيبلج عريس حلو بس حظري روحج للمطبخ

ـ ههههه ان شاء الله راح العب بي جوله اخلي هو يطبخ ههههه

شاهدته كان جميل يرتدي تيشرت اسود ونظارات شمسيه

حقا هو جميل ( عااا اريد مثله وين هذول شو مااشوفهم بالحقيقه )

كتب هو بالتعليقات

ـ وين مرتي خ تطبخلي جوعان

ـ عاا مااريده صورته تخوف بطلت اريد اتطلق ( كانت صورته الشخصيه مخيفه )

ـ ههههه حبي انت ردتي واحد حلو شوفي صوره الزواج يجنن ماعليج بالصوره الشخصيه

ـ بطلت وانت مااطبخلك اني روح اكل يم امك

ـ اني اعلمج سويلي دولمه صارلي هواي بره العراق ومااكلتها

ـ ياسوده علي زوجي يريد دولمه من عيوني طبعا هاي لانك بغربه من ترجع مااطبخلك شي

ـ فديت زوجتي اخذج وياي لاستراليا هناك نعيش

ـ ههههه ان شاء الله زوجي اتشرفت بيك

ـ هههههه الشرف الي زوجتي

.

ضحكت كثيرا في هذا المسابقه وعدت لنفس الاعمال اليوميه لا شي جديد

حين ما كنت اتصفح في الانستغرام شاهدته ان لديه رساله في الدايركت

ها هو نفسه صاحب المسابقه

ـ هلو شلونج

ـ هلا منو معاي

ـ ههههه شنو نسيتي زوجك

ـ هههههه اتذكرتك هلا اخوي تفضل

ـ شلونج

ـ الحمدلله

ـ مبين مشغوله واني ازعجتج

ـ لا والله بس ..

ـ اوكي بس حبيت اسلم عليج وشفت كتاباتك كلش حلوه ماشاء الله مبدعه

ـ تسلم كلك ذوق واتشرفت بيك

ـ الشرف الي.. اشوفج بغير وقت

ـ هلا بيك

.

في المساء وجدته رساله منه بعد كل هذا الاشهر ماذا يريد

هل اشتاق لي... ام يريد ان يرى كيف اصبحت من دونه

قرأت الرساله ولم اجبه

.

ـ هلو زوجتي الجكمه

ـ عابتلك علي انت الاجكم

ـ ههههه اتشاقه وياج ورده

شخبارج بالدراسه

ـ امممم زوينه بعد اسبوع راح يبدي الدوام اووف

_شثو تخصصج

- اني ادرس هندسه مدني

ـ حلو ربي يوفقج اني خلصت دراسه بالهند اخذت الصيدله

وتوني جاي العراق ماصارلي شهر وقررت استقر

ـ حلو يالهندي

ـ ههههههه شكلي حلو احله من الهنود مبين انتي شكلك هنديه مثل هذول الي ع الشط يغسلن ملابس

ههههههه عابتلك لاتعيب اجكم

ـ اني اختي هندسه مدني بس رابعه انتي ثالثه مو

ـ يااي شكد حلو من اداوم اتعرف عليها ان شاء الله بس اني اعرف شكم بنيه من الرابعه

ـ من يبدي الدوام راح تلكيني يمج

ـ هههههه لا والله اشرد مااخليك تشوفني

ـ مبين جكمه ههههههه

ـ وجع مو جكمه تعال وشوف احله وحده اني

ـ ع كيفج انجلينا ههههههه

.

وجدت رساله اخرى منها

قررت ان اجيبه

ـ نعم منو انت وليش تدزلي رساله كل يوم

( رغم انني احفظ رقمه عن ظهر قلب واعلم انه هو ولا احد سواه )

ـ ماشاء الله ماسحه رقمي وماتعرفين منو اني.. اني اعرفج بنفسي اني احمد يانوره لو نسيتي احمد هيج بسرعه نسيتي حبي

ـ هههههههه ضحكتني ياحب انت خليت حب بيننا اذا انت عندك كلشي اهم مني هو هذا الحب عندك

ـ نوره والله احبج بس انتي ماتقدرين ضروفي كتلج الشغل مامخليني ارتاح ..بس مااكنت افكر انج تنسيني بسرعه وحتى رقمي ماسحته

ـ وانت تعرف اني بدونك مااكدر اعيش واصلا رقمك حافظته اكثر من اسمي

ـ هههههههه اني اعلمج خ اشوفج واعلمج شلون تجذبين بعد

ـ لا والله ليش تعوف اشغالك علمودي

ـ اعوف عمري كله لخاطر عيونج

ـ ايبااااه هسه

ـ امس واليوم وباجر محد احتل قلبي غيرك

ـ صاير. رومانسي عفتك كم شهر صرت شاعر

ـ هههههه اتعلمت منج. ومن كتاباتج ( لازالت عيناك تلاحقني اين ماا ذهبت وكل المارين انت فكيف انساك )

ـ هههههه متابع جيد

ـ اعجبج حياتي

_احمد ترى اني تعبت كلش لو تريدني لو لا وهاي اخر فرصه بعد مااكدر اكمل لو اتأذيت منك

_ياعيون احمد راح اعوضج صدكيني

_ان شاء الله

_احبج نونه

_ واني بعد

.

لاننا نحبهم يجب ان نعطيهم ونعطي انفسنا فرصه اخرى

الحب يحتاج في بعض الاحيان الى تنازل من احد الطرفين

لكن لو زادت التنازلات سوف يتحطم قلب احدهم

وانا من سيتحطم قلبها في النهايه لانني ضعيفه جدا

.

اعطيتك روحي واعطيتك كل مااملك

ومااذا فعلت انت...

اعطيتني الاوجاع

جعلتني محطمه جسدا بدلا روح

ولازلت تطلب المزيد...

.

عدت لاحمد وكان اهتمامه جميل في البدايه

يوما بعد يوم اصبح يأتي في وقت فراغه فقط..

كنت ارسل اليه الرسائل ولايجيب ..

وبعد دقائق اراه يتحدث مع صديقه في احد الصفحات

هه يالغبائي ..لازلت انتظر ان يتغير..

لازلت اصدق ان يحبني... هو لم يحببني قط وانما يحب اهتمامي ،،يحب خوفي عليه،، يحب ضعفي امامه،،

لكن هيهات ان اضعف من جديد ستره من انا يا من اسميتك حبيبي. .

.

قررت ان انتقم من احمد ،،واصبح قويه ولا اضعف امامه من جديد..

زادت علاقتي مع علي فقد كان جميل معي...

ينصحني ويرشدني للطريق الصواب..

كان يوبخني حين اخبره عن احمد

_ انتي شبيج باباتي اني اكلج هذا مايحبج يريد يلعب

_لايحبني بس هو هيج طبعه

_اوكي. يحبج يحبج ماراح اتجادر وياج ،،بس كليلي انتم كعدتوا مع

بعض لزم ايدج باسج

_عابتلك علي اكيد لا مااسوي هيج شي اني قبل الزواج

_ي صديقتي هاي الشغلات عاديه بين الكبلات

_لا شنو مااقبل مااسوي هيج شي ميصير

_زين هو طلب منج لولا

donyaalfrah

_اي بس رفضت وسديت السالفه

_ههههه صديقتي هو ماايحبج وكاعد يسوي هيج شي حتى تضعفين امامه ويأخذ الي يريده

_مستحيل هو صح مايهتم بيه ومايعاملني عدل بس مو هيج حقير

_ زين تعالي انسوي خطه عليه واختبريه وشوفي صح كلامي لولا

_اوكي

،،

واخبرني علي بالخطه وبدأت بتنفيذها

واول شي في الخطه هو ان اعلم حساب باسم اخر واضيف احمد

وبعد عدت ايام ارسل احمد رساله اليه

_هلو بنوته كيفج

_ي هلا تمام وانت

_اكيد تمام بشوفه حروفج

_ اني احمد مهندس مدني

_ هلا اتشرفت يابش مهندس واني مروه صيدلانيه راح اكون ان شاءﷲ بعد سنه هههه

_دكتوره مروه لعد من اتمرض اجي اخذ علاجي منج

_هههههه حياك صديقي احمد

،،

تحدث اليه كثيرا لعده ايام وزادت علاقتي به

حتى جاء اليوم الذي اعلن عن خيانته امامي لكن لفتاه اخر

_مروش

_عيونها

_اكلج

_كول

_ احبج

_ ها

_وجعا جكمه احبج واريدج واتمنى اجي اشوفج ونكعد سوت

_ها

(كنت في تلك اللحظه منصدمه لا اعرف مااجيبه لم اشعر سوه ادمعي على خدي مثل شلال هه هذا هو حبيبي واستاذي وانا معه يخبر فتاه اخر بأنه يحبها بماذا قصرت معك ..اعطيتك كل وقتي وجعلتك حياتي لا بل اهم وهكذا هو نهايه تضحيتي معك ..)

.

_احمد امي تصيحلب شوي بش

_تصيحلب وبش روحي عمي فديت الخجوله الي تسحك

_عابتلك

_هههههه احبج

_ولك باب

_باب ولج شنو هههههه

_باي باي ولي

_ههههه الله وياج

.

لم انم تلك الليله جلست وانا اشهق بالبكاء ولا احد يعلم بحالي سوه ربي

انهرت ،،بكيت ولطمت وجلست اندب حظي العثر

ولم اتماسك وزاد صوت بكائي

حتى استيقظ الجميع بسبب صوتي

_نونه ماما شبيج شنو صاير

_ماما اهئ اهئ تعبااانه اهئ اهئ

_شنو شبيج كلياتج يأذنج

_اهئ اهئ اي ماما لاتعوفيني تعالي يمي

_امشي انوديج للمستشفى

_مااريد مااريد عوفوني اهئ اهئ تعبااانه ماما راح اموت

_ولج ماماتي انتي امشي حروح لايصير بيج شي اسم الله عليج

_اريد انام

_لا ماما امشي تريدني اموت من القهر كومي حنروح

_اريد انام خايفه اموت وحدي تعالي يمي

_سوده علي ياعمري تعالي بحضني نامي

نمت في حضن والدتي وشعرت بالراحه وقررت ان لااضعف ويجب ان اكمل انتقامي...

_حبيبي

_منو اني منو انتي

_هههههه لك شبيك اني مروه نسيتني

-فديتج هسه يمتى اشوفج

-ان شاءﷲ الاسبوع الجاي حبيبي

-احبج

_اموت عليك

_مروش حبي

-عيونها ياحبيبها

_اريد انام بحضنج و أ أ...

_اي وبعد

_فديتج دزيلي صورتج هسه انتي ونايمه

_اممممم لحظه هسه ادزلك

_ اوكي انتظرج ياعمري

"" كرهته حقا اشعر بأنني قذره لانني احببت هكذا شخص ،،لا اريد ان اتحدث معه ،،لما لم اعرف حقيقته من قبل اين كنت عن هذا ،،لما لم ادرك انه لايستحق كل بكائي وكل حبي ..""

بحثت في النت عن صوره لكي ارسلها له

وفعلا وجدتها بحيث كانت فتاه عربيه ولاتلفت الانتباه واكملت حديثي حتى الصباح

انهيت حديثي معه ودخلت استحم وصليت لكي يسامحني الله على مافعلت فاانا اشعر انني قذره بسبب مافعلته

وحين انتهيت ارسل لعلي واخبرته بما جرى وطلب مني ان اكمل الخطه

وفعلا صورت محادثتي مع احمد ونشرتها على حسابه لكي يرى جميع اصدقاءه ماذا يكون احمد

اتصلت عليه بعد ساعات

_هههههه يالوسخ يالخاين والله انك ماتستاهل ذره من تراب الي تدوس عليه رجليه

_نوره سمعيني اني مستحيل اسوي هيج شي اكيد هاي لعبه من واحد وفوتو سوه لمحادثه

_هههههه صدك ضحكتني ،،علعموم مايشرفني احجي ويا واحد مثلك مع السلامه

ها انا اتخلص من القيود... ڪ عصفوره يفتح لها القفص بعد ان شاخت واتعبها الزمان...

لكنني لن اضعف ولن اسمح لدموعي بان تخذلني وتسقط

فانا امرأه لن تهزمني الايام بل كل سقوط سيجعلني ارتفع...

شكرا لك لانك علمتني ان اكون قويه لا اضعف امام امثالك

علمتني كيف انتصر بعد ان انهزم...

شكرا لك لانك جعلتني اولد من جديد لكن

لن اولد ڪ طفله...

بل ګ امرأه قادره على كسر المستحيل من اجعل ان تحافظ على كرامتها وكبريائها...

..

_علي شكرا لانك وقفت وياي وساعدتني ،،وخليتني اعرف شنو حقيقه هالناس وكيف تفكر

_ ولج جكمه احنا اصدقاء وماكو شكرا بينا

_عابتلك. ماكو اجكم غيرك ،،ابو كوشه

_ايبااه ام شعر الحرير سكتي لج هسه اجي اموتج

_عابت ولك شنو تموتني محد يكدر علي بعد

_عفيه بصقيقتي الشطوره هيج صيري ولا تثقين باحد حتى بيه

ماكو واحد طيب بهالدنيا ،،فلاتفكرين بقلبج فكري بعقلج وصيري قويه

_ان شاءﷲ صقيقي راح اصير قويه ومااسمح لاحد انو يضعفني بس لاتعوفني حباب لان احس مااعرف اتصرف هالدنيا بيها هواي اشياء ومااكدر اتحمله وحدي

_ ان شاءﷲ جكمه وهسه جوعان اريد كيكه سويلي بماانو باجر دوام

حتى اجي اخذها منج

_اممممم تدلل بس اني مو خبيثه ماراح اخلي سم بيها خخخخ

_يا عوبه شنو سويت لج حتى اتسمم

_هعهههه لانك تكلي جكمه

_باجر ان شاءﷲ انشوف منو الاجكم

_ان شاءﷲ تصبح ع خير

_وانتي من اهلو جكوم ☺

..

.

دائما يعوضنا الله بعد ما نفقد شيئا نحبه

لم احزن لانني خسرت احمد ،،لانني كسبت صديق حقيقي ينصحني دون مقابل

..

.

(اهههههف رجعت الكليه ولازم اكعد من الصبح )

حضرت نفسي وشربت قهوتي الصباحيه وذهبت ولم انسى

(كيكه علي مانمت حدما سويتها وزينتها الفجر خرررب )

التفيت بصديقاتي ،،كنت سعيده لانني كنت متشوقه لرؤيته وابتسم بين الحين والاخر كلما تذكرته

_نونه شعندج ولج شو كلساعه توزعين ابتسامات

_ ها لا ماكو شي حبي

_امشي لعد خ نكعد بالقاعه احسن من هنا كلمن يجي يباوع بوجهنا

_ها لا روحي انتي اني اريد اكعد هنا

_شعندج جكومه منتظره

_هههههه ولي هسه بعدين اكلج

_ها يعني اكو شخص بالسالفه ،،كولي حلو ومنو وبيا قسم

_ولج بعدين وهو مجرد صديق لاتخافين

_ايبااه مجرد صديق وهالصديق يخلي عيونج هيج تلمع ومبتسمه ع طول

_اي عادي اصلا الاصدقاء يجيبون السعاده اكثر من الحبيب بس انتي مامشموله لانج تغثين ويالله روحي بسرعه لا اموتج هههههه

_ عابتلج مو صوجج صوجي اني جكمه ديربالج ع روحج ،باي بعدين اكضج واخليج تحجين من الالف للياء

_ هههههههه ان شاءﷲ الله وياج

..

..

انتظرت طويلا. مااصعب الانتظار في اللقاء الاول

تتزاحم كل الكلمات في عقلي

ياترى مااذا اقول له

وكيف ارحب بها

كانني طفله تعلمت الكلام لتوه

اعني يالله...

فالامر مربك للغايه

..

ها هو يدخل ب هيبه ،،كم هو جميل

طويل ويمتلك العضلات ويمتلك عينان تسحر المارين

لا اريد ان يره احدا غيري

..

__علي

_ نعم

_مرحبا اني نوره

_هلا والله شخبارج

_تمام وانت

_دام شفت هالگمر اكيد تمام

_ عابت

__يمه فديت الخجوله،،وين كيكتي

_عزه اكعد ابو بطن بسم الله توك جاي

_اريد اكلها لانها من ايدج واكيد عسل مثلج

_☺ شوي شوي على كيفك علي ماتحمل غزل

_شوف الجكمه صدكت بسرعه ههههه

_ لابالله عابتلك وعابت هالصداقه ولي

_تعالي جكومتي لاتزعلين امشي خ اشوف اختي وين واعرفج عليها

_اوكي جكوم ☺

_اكلج نوره

_كول

_بعدج تفكرين باحمد ،،اقصد تحبينه ؟؟

علاوي هلوو

_هلا زنوبه منور اني

_ بنوري ههههه ،،اكيد هاي نوره الي سمعت بيها

_ههههه ايي هاي هي نورارتي ،، نوره هاي زينب اختي الصغيره وحافظته اسراري

_هههههه اهلا حبيبتي اتشرفت بيج وعلي يحبج هواي لانه يحجي بيج دوم

_حبيبتي ،،بس تصدكين اول مره اشوفج بالكليه ويانا وبعد نفس القسم

_اي مو اني كل وقتي اقضي ويا صديقتي بغير كليه فماتشوفيني هنا

_هسه صرنا صديقات وكل يوم اجي يمج

_ههههه حبيبتي اتشوفج بيج

_احم احم شنو ترى اني الضيف اليوم وامشي يالله روح ناكل كيكه هالجكمه لان جعت

صرخنا كلانا بها

_ولك ابو بطن

_هههههههه اعصابجن يالله امشن جكمات

_جكمات بعينك امشي يالله اختك بعد جوعانه

_هههههه اوكي امشي

*ذهبنا الى نادي الجامعه وقضينا وقتا جميل مع بعض

حقا الصداقه تغني عن الحب

لكنني كنت مشغوله بسؤال علي

لما يسالني عن احمد ؟؟

عدت الايام وعلي يتردد للجامعه .نجلس نحن الثلاثه معا

..

_جكمه نويره

_شنو ولك اريد انام شعندك هسه

_اكلج اني راح اسافر لاربيل الخميس

_شغل

_اوكي ماتطول مو

_لا يومين او ثلاثه وارجع

_اليوم جمعه شعجب من هسه تكلي

_مو اريد اكلج شي قبل لا اروح

_شنو اجكم

_اني احبج ،، باي

كأن اذني سمعتها لاول مره ،،

شعرت باحساس غريب ،،شعرت بصدقها

شاهدت تلك الكلمه قبل ان يكتبها لي

شاهدتها بافعاله وبخوفه ،،من صداقه لم تكن قائمه على مصلحه لاحدا منه

نزلت ادمعي لا اعلم لماذا ..

لكن هل انا استحقه

هل يمكنني ان اكون كما يريد

لا انا لست مستعده لتلك الكلمه

لما فعلت هذا بي ،، اشعر بأنني لااستحقها

وعدت نفسي ان لا احب احدا من جديد

انا اسفه فالحب يقتلني ويجعلني ضعيفه وهشه

سهله الانكسار

ماذا فعلت بي لما بعثرتني هكذا ..!!

Donyaalfrah

_علي اسفه مااكدر اعطيك الحب مااريد احب احد

خلينه اصدقاء

_اوك لاتحبيني واسف انسي كلشي ،، ماحب اضوجج

_علي قدر وضعي الله يخليك

__اوكي براحتج مامجبوره تحبيني واسف لاتهتمين انسي كلشي

_علي حباب لاتضوج

_جكمه ماضايج

__علي هسه اني ضجت

_وهو المطلوب ههههه

_عابت

..

مر يومان وعلي لم يحادثني فانا اراه يحاول الابتعاد

لما هذا لما تحاولون قتلي بالحب

تبا لما لانبقى اصدقاء ،،هكذا اجمل

..

_علي وينك ليش ماتحجي وياي

_هلا نوره شلونج

_ليش مختفي هالايام

_ها لا ماكو شي بس كاعد احضر لسفرتي

_هاا بس بعد وقت على سفرتك شعندك من هسه

_اي احسن ،،،امممم يمكن بعد ماارجع من اربيل اسافر لاستراليا واظل هناك

_ها اوك ،،براحتك مع السلامه

..

هه كلكم راحلون فلما تدخلون حياتي

لما انتم رائعيين في بدايه الطريق

ثم تتحولون لاشخاص يأذون قلبي

يأذون بحق حتى يتحطم

بكيت وبكيت لكن مافائده البكاء ..

..

( علي )

احببتها حقا وانا افقدها كثيرا لكن لااستطيع البقاء معها واتجاهل تلك المشاعر التي تكمن في قلبي لها وحدها

لم يحدث ان احببت فتاة كما احببتها

خجله وجنونها ،،ضحكتها وقلبها الحنون

صدقها ونقاء عيناها..

جعلتني ابحر في عشقها لا بل اغرق

لكن خابت امالي وتحطمت احلامي حينما اتخذت قرارها

وودت لو انها تحبني كما كانت تحب احمد

ان لاانكر انني كنت اشعر بالحزن حين اراها تتحدث عنه وهي في القمه السعاده ،،بالرغم انها لم ترى منه اي سعاده

احببت برائتها واخلاقها ،،لااريد زوجه غيرها ،،لااريد حبيبه من بعدها

لا اريد العيش من دونها

.

..

-- نوره

مر يوما اخر وعلي لايحادثني

انا احتاجه حقا ،،ايامي باهته من دونه

اختفت ابتسامتي خلال تلك الايام التي مرت من دونه

.

اتصفح في الهاتف لعلي اجد رساله منه

شاهدت منشور له ،،لاول مره يكتب شيئا عن احد

..

افتفدك ياطفلتي

افتقد جنونك وضحكاتك الخجوله على كلماتي

افتقد عطرك وعيناگ الجميله

افتقد حرفك قبل صوتك

خذيني اليك وضمدي جروح الفراق

خذيني اليك ياصديقتي لا انتي حبيبتي

وستبقين في القلب وان كان قلبك لايهوى قلبا گ قلبي

خذيني اليك لكي اتبعثر واثمل في بحر عيناگ

أجمعي مشاعري ثم بعثريها كما تحبين

خذيني اليك ياطفلتي

..

شاهدت التعليقات لفتاه

_الله فديتك شكد حلوه

_يفداج الكون واثنين العيون مو بحلات عيونج

..

تنرفزت من تعليقاتهم فعلقت وكتبت

_لو تحبها روحلها اكيد تنتظرك هسه

_لافديته مو اني مزعلته كنت

_هاا ليش هو يقصدج بالحجي

_اي اكيد يقصدني مو اني حبيبته

_حبيبته حلو ربي يخليكم حق بعض

..

هه لا اعلم هل اضحك ام ابكي

كلكم مخادعين

احبك كلمه اصبحت گ شرب الماء

الكل يقولها ولااعلم ماذا يقصدون بها

في مجتمعي اصبح الحب شيئا يستخدمونه لملأ وقت الفراغ لديهم

..

لا اعلم هل ابكي ،،ولما البكاء هم لايستحقون ادمعي

تبا لهم كم اصبحت اكره الرجال

.

وجدت رساله من علي

_هلو نوره اني اسفه بس اشتاقيتلج هواي

_هههههه صدك والله زين شخبار حبيبتك الجديده ماادري قديمه وانت تكص علي

_نوره شنو هالحجي ياحبيبه

_لابالله تسوي روحك ماتعرف اوكي راح اصورلك التعليقات خاف ماشفتهم

_نوره اني مااعرفها وداعتج عندي وروح ابوي مااحب غيرج

_لاتحلف علي عوفني مااريدك

_نوره عيوني انتي صدكيني مااعرفها وامشي اني الها هاي شكو تكول هيج

_لابالله وشنو يفداج الكون واثنين العيون ،هاي ابوي كالها مو انت

_اي هاي عادي بس هي مو حبيبتي صدكيني

_اوكي منو هاي لعد

_تعالي اسالها كدامج وارزلها

_لا مشكور واصلا اني شكو اتدخل هاي حياتك وانت حر بيها ،،مع السلامه

_نوره تعالي لاتروحين خ نتفاهم

..

يالله شكد عنيده وهاي اللزكه ماتعوفني

_زينب شبيج عيني يااختي شكد كتلج اني مااحبج مااحبج كنت اعتبرج صديقه واخت وماحبيتج ليش هيج تردين تدمريني بافعالج

_علي مااكدر احبك ليش مدافتهم وماسويت شي اني حتى يدمر حياتك او يدمرك

_ليش تكولين انج حبيبتي انتي مو حبيبتي فهمتي مو حبيبتي

ورجاءا احترمي الصداقه وروحي عوفيني لاتحجين بعد وياي

_اوكي علي اسفه مع السلامه

_شكرا الله وياج بالتوفيق

.

صورت المحادثه ورسلتها لـٍهآ

__جكمه شوفي حتى لاتكولين يجذب

_هاا وليش انت مصادقها

__جكمه تغار علي فديت

_ولي اني مااغار ولاجكمه ليش اغار اصلا عادي

_اوكي لعد خ اشوفها واحجي وياها ،اتغزل بعيونها وبشعرها واغفى واصحى على انغام صوتها ،،ياربي فديتها لزنوب

_ها ها سالمين روح نام بحضنها بعد

_اكيد وروح ابوي اسويها

_شنو صدك ،اوكي اني اكرهك علي كلش

_ولج جكمه خرب شكد تبجين احجي عن امي الثانيه زنوب اختي

_انت جذاب تحب هاي البنيه

_نوره

_شنو

_احبج والله وروح ابوي اريدج بالحلال

_ علي والله اخاف مااريد اخسرك لان الحب يأذيني يأخذ الاحبهم مني اريدك دوم يمي بس اذا كتلك عن حبي راح يجي يوم وتعوفني

_نوره احجيلي انتي تحبيني بس كلمه

_اي احبك والله وقلبي يوجعني من مااحجي وياك

_واني اموت عليج ياروحي لاتخافين هالخوف كل يزول من اجي لبيتكم اخطبج

_ليش مستعجل

_ولج جكمه مااصبر اريدج يمي حتى اسحلج سحل اذا بجيتي مره الثانيه

_هههههه عابتلك شكد مشاعرك معوقه

_ايباه ام المشاعر الحوله

هههههه اي صدك حوله لان ماكانت تشوفك ☺

_فديت قلبج انا ،،ان شاءﷲ اروح لبغداد وارجع اخطبج وهسه راح احجي لامي حتى ترتب وضعها قبل لانجي

_ امممم ان شاءﷲ بس مو كلت لاربيل

_لا خطر الوضع هالفتره مااكدر اروح

_امممم الله يأخذ داعش شنو سوه بينا ،،اوكي ديربالك ع روحك

_ان شاءﷲ حبيبي انتي

☺☺

..

(علي)

سعادتي اختصرها بكلمه (هي )

هي اميرتي وحبيبتي

لا استيطع الصبر اكثر متى اراها تنام في احضاني واشتمر خصلات شعرها المنثور

..

اليوم هو الخميس ساذهب ليلا لبغداد

__جكمه ولج تعالي راح اشتاقلج

_اسكت مااريد ابجي ارجع بسرعه حباب

_اششش لاتبجين ياعمري يومين او اربعه وارجع

_اوكي الله يرجعك بالسلامه

_ كنت اتمنى اشوفج قبل لا اروح ،،نوره ابريلي الذمه ولاتنسيني

_ علي شبيك ليش تحجي هيج

_نوره مااعرف مخنوق كلش

_حبيبي شبيك ليش تخوفني هيج لا تروح لعد

_لانوره شغل اخوي مااكدر يخسر اذا مارحت

_ شنو انت اهم ،،علي لاتعوفني حباب الله يخليك ولك انت صرت دنيتي شلون تريد تعوفني وليش تبجي كافي

_جكمه مااعوفج للموت ديربالج ع روحج ولاتنسيني اذا صار شي

_الله يرجعك الي بالسلامه واني مستحيل انساك

_نوره احبج لاتنسيني حبابه

_اموت عليك اني ومانساك لان راح اقابل جهرتك من ترجع

_ههههه ان شاءﷲ ،،لازم اروح هسه ديربالج ع روحج حبي

_ان شاءﷲ وانت بعد

مع السلامه

الله وياك ربي يحفظك من توصل خابرني

ان شاءﷲ اني اوصل ب ٤ الفجر ادزلج مسج

اوكي اننظرك مو تنساني

ماانساج جكمه

اكرهك

واني احبج موت

..

(نوره)

ذهب علي كنت اشعر بالضيق ايضا

حقا اختنق

بكيت تلك الليله حتى نمت

واستيقظت في التاسعه صباحا

لم اجد اي شي

هاتفي خالي من الرسائل هذا الصبح

اين انت هل نسى امري

لما هاتفه مغلق

اين هو ..

هل حدث شيئا له

... .

...

...

..

...

اكمل وراه الامتحانات ان شاءﷲ واسفه على التأخير

اصعب انواع الفرق هو الموت

مهما حاولنا لكي نخفف من ألمه

لن يخف

..

ثلاث ايام وانا حبيسه غرفتي البارده

ابكي بصوت مرتفع

عيناي تورمت من شده البكاء

لا اعلم ماذا جرى ل علي

لكن قلبي يقول انه لن يتركني

لن يموت هكذا

سنموت معا

قررت ان اصبح قويه واذهب لجامعه لكي اره اخته زينب

لكن خابت امالي فلن تحضر ايضا

لا اعلم ماذا افعل ولماذا الجميع اختفى ف علي لم يمت

هو لن يتركني ولن يموت

دخلت ل حسابه لعلي اجده قد رجع

لعله متضايق مني ولا يريد الحديث معي

لعله لايحبني وقد قرر الرحيل هكذا

ولم يمت ،،لعل افكاري خاطئه وهو لايزال على قيد الحياه

ليتك تعود يا علي

..

شاهدته ابن عمه محمد قد وضعه صوره حداد

علي لم يمت هو كاذب

..

ارسل الي رساله

_السلام عليكم

_وعليكم السلام

_انتي نوره صح ،،اني محمد ابن عم علي

_وين علي ،سافر هو مو بعده مارجع

_ علي سوه حادث على الطريق السريع ومات ترحميله وابريله الذمه

_لاتجذب علي هو كال راح يروح لبغداد ويرجع يخطبني

_علي مات واني مااجذب تعالي للفاتحه اذا مامصدكه بيه

_انت جذاب مااصدك بيكم

_اذا تردين تتأكدين اكثر روحي شوفي امه بالمستشفى صارلها ثلاثه ايام

واخته زينب تهلوس ظلت من الصدمه ،،علي مات مات فهمي

_هههههههه اوكي ماشي زين كله خ يرجع هو كال مايعوفني

_اوكي راح اكله

_لحظه هو مايقبل احجي ويا ولد يغار فاذا شفته كله انت حجيت وياي مااريده يزعل

_الله يخليج كافي قطعتي قلبي

_لحظه كله بعد اني احبه والله كنت اتشاقه وياه من اكله اكرهك كله لايزعل مني و خ يرجع منتظرته

_اني رايح مااكدر احجي بعد وراح ادزلج العنوان حتى تجيين تشوفين بعينج فاتحته

_انت جذاب كلكم جذابين علي مامات قلبي يكلي مامات انتم ماتحسون ولاتحبونه اني احبه وادري بي ميعوفني

تعال وينك حباب كلي علي مامات الله يخليك مشتاقتله

_ارسلت رساله لعلي

علاوي حبيبي مشتاقتلك ليش ماتقبل تحجي وياي بشنو زعلتك

اجكم اني احبك موت بس ليش ابن عمك هيج يحجي وياي هو يريدني ابجي بس اني ماراح ابجي ادري بيك ماتقبل ابجي،

شوف بعد يومين امتحانات راح تبدي واني راح ادرس حتى انجح وحتى من ترجع تخطبني ونتزوج بالعطله

عاا فديتك احبك موووت جكوم وهسه راح اكل لان صارلي ثلاثه ايام ماماكل شي

_هلو جكوم شلونك مشتاقتلك هسه ابدي ادرس ادعيلي. باي

_جكومي مااشتهي ادرس لو انت يمي كان طيحت حظي ادري بيك ههههههه يالله خ اكمل دراسه

..

هكذا اصبحت ارسل له الرسائل لعله يعود

لعلي يوما اجده باعث برساله لي

اهلي واصدقائي يظننون انني قد نجننت

لكنهم لايعلمون انهم هم من جنوا

فانا اعلم ان قلبي لا يكذب علي

وان علي سيعود لي من جديد

..

بعد عده ايام وجدت رسالة من فتاه

_مرحبا

_اهلا

_ممكن اسألج سؤال

_اي تفضلي

_تعرفين وينه علي

_مااعرف بس يكولون مات

_اي اعرف شفت ابن عمه بس ما دا اصدك

_ليش منو انتي

_اني حبيبته اسمي رسل

_هههههه انتي من البصره

_ لا من بغداد كال راح يجي يشوفني بس مااجه وهذا يكول مات ماتعرفينه وينه

_ كان رايح لبغداد علمودج يعني حلو وحبيبته انتي فدشي لعد ،،

زين من وين تعرفيني وليش اجيتي تسأليني عنه

_ها مو كنت اشوفج تحجين وياه وبعد هو كلي انج صديقته وكلت اكيد تعرفين عنه شي لان تعبت ما دا استوعب شي بعد

_حبيبتي تعيشين وتاكلين غيرها لان نفس الحجي كاله الي علي قبل لايروج يعني مبين كنا لعبه عنده بس الله يسامحه اترحميله

_صدك تحجين يعني انتي حبيبته هم ،،الله ينتقم منهم ليش احنا لعبه

_اي عادي حبي لاتضوجين روحي شوفي حياتج ولاتفكرين بي ميستاهل

_شكرا تعبتج وياي

_لاعادي شكرا الج لانج حجيتي وياي لان هسه عرفت الحقيقه

..

امر مضحك جدا

هل انا لعبه لكي يتسلى بي ثم يرميها

ماذا عني كنت اخبره عن ألمي وعن خيبات التي تحدث لي

كنت اشكو له خذلان الاخرين

وها هو اليوم قد خذلني ورحل دون وداع

رحل دون ان يعلمني العيش دون سماع صوته

دون نصائحه

دون ان يبرر خيانته

ليتك تعود وتخبرني ان كل هذا مجرد حلم

ليتك تعود وتخبرني انهم كاذبون وانك لاتزال تحبني

Donyaalfrah

علي بالله عليك عد فانا في انتظارك

انا حقا احتاجك الان... حتى لو كنت لاتحبني عد

لا اعلم ماذا افعل

هل يحق لي ان احبك بعد الان

بعد ماسمعته عنك

ام يجب علي ان اكرهك واكف عن البكاء عليك

ماذا افعل ..

لما سلبت المشاعر مني

سلبت عقلي وقلبي

ثم رحلت...

..

ارسلت رساله له

علي ان ادري بيك كنت تلعب بس عادي ترى ماراح ازعل

وارجع لحياتك ارجع لامك مو علمودي علمود زينب زين

خطيه تعوفها هيج

ارجع حتى تزفها انت بيدك لخطيبها

الله يخليك ارجع

ترى اني كرهتك كلش مااحبك بعد

ولا راح احجي وياك

اكرهك اكرهك الله لايسامحك ليش هيج سويت

ليش جذبت علي

مو كنت تريد كلمه احبك مني

ليش عفتني

مو كلت ماتنساني وراح تظل وياي

مو كلت احجي ويا اهلج راح اجي اخطبج

شنو اكلهم راح ميرجع بعد

ماكان يحبني اكلهم

شنو اكلهم ،،حباب ارجع وانت احجي وياهم

كلهم ماكنت احبها

كنت اضحك عليها

احجي حباب بس رد علي

اني تعبت كلش بعد ماراح تشوفني بحياتك كلها

خلي لعبتك هاي تفيدك

..

غيرت خطي وعملت بلوك لحساباته وغيرت اسمي ايضا لكي لا يستطيع الوصل لي من جديد

لااريد رؤيته شي يذكرني فيه من جديد

توقفت عن البكاء وكلما اشتقت له اتذكر خيانته فاكره قلبي

لان يذكره دوما دون ان يتعب

..

مضت عشرون يوما ولان يتغير شي

اصبحت بارده في المشاعر حتى مع صديقاتي

لا اتحدث الا نادرا واصبحت كثيره النوم

قرر ابي ان يرسلني لطبيب لكي تتحسن حالتي النفسيه لكني رفضت

..

كنت جالسه وحدي في الجامعه اتأمل اللاشيء

تفاجئت بفتاه تجلس بجانبي

..

_مرحبا

_اهلا

_اكيد انتي ماشايفتني من قبل ولاتعرفيني

_الصراحه اي اول مره اشوفج بجامعتنه

_اني صفا من تكريت

_تكريت ؟؟ شعجب جايه لجامعتنه عندج معارف هنايه

_اني صفا احمد عبد الامام ماسامعه بهالاسم من قبل

_ها لا ماسامعه بي ،،لحظه عبد الامام اتذكرت علي جده بس شدخل ( ياربي بعده ميروح من بالي )

_اي علي يصير ابن عمي

_استغفرالله كولي بعد انه هو مات ولازم اترحمله ترى احساسي ابد ميخيب وادري علي مامات فلا تجذبون علي

_اي صح علي مامات واني اجيت اكلج هالشي

_ حبابه صدك تحجين يعني بعده عايش ،،والله كلت اني ادري بي ميعوفني زين وينه مختفي

_اوكي راح احجيلج كلشي

_كولي بسرعه هو زين مابي شي

..

(علي)

اشعر بالضيق لا اعلم لماذا لكن قلبي يؤلمني

لم ابكي في حياتي الا حين توفي والدي والان

سوف اشتاق لها كثيرا ،،لااحب ان ابتعد عنها

كنت اسوق بسرعه كبيره والدموع في عيناي

لم اشعر الا بصوت تصادم قوي وانقلاب سيارتي

استيقظت في المستشفى بعد عشره ايام

كنت في غيبوبه ب مستشفى الناصريه

تصادمت سيارتي مع سياره (كيه ) بها تسعه اشخاص

وانا العاشر

توفي سته منا واحترق البقيه وكنت انا من بينهم

أتت سياره اسعاف الناصريه واخذونا نحن الاربعه

وحين جاء اخي واولاد عمي شاهدوا من بين السته شخصا يحمل وشما على يده اليسرى

لكن من الشده الحرق لم يشاهدوا وجهه وضنوا انني هو

لهذا مت وان على قيد الحياه

بعد ان استيقظت من الغيبوبه اتصلوا على اخي واخبروها بما جرى

وجاء لكي يراني بعد ان لبس السواد حزنا علي وقد طالت لحيته..

اشقت اليها كثيرا

طلبت من اخي ان يتصل بها لكن لاجدوه

لن اجد لها اثرا

ولا اعلم ماذا جرى لها

هل هي بخير

هل نستني

هل تألمت في غيابي

..

..

_حبابه اريد اشوفه شلون

_اذا تحبين باجر اخذج وياي للمستشفى

_اي ليش مو اليوم

_لا مااكدر اوديج بدون مااكله ،،نوره حياتي علي كلش تعبان ومحتاجج هو يدري بيج تحبينه ولهذا خلاني اجيلج بعد ما دور عليج ومالكاج

_والله اني احبه وماراح اعوفه مهما صار

_بس علي ميكدر يتزوجج او يتزوج غيرج بسبب الحادث

لهذا هو كلش تعبان وكله يبجي

ثقتي بالله كبيره وانا اعلم ان ماكتب لنا سنحصل عليه مهما

طالت المسافاات والحواجز بيننا وبينه

رغم ان الجميع ظن ان الموت فرقنا لكن ها هو يعود من جديد

لكي نتعلم ان الله وحده العالم بما سيحدث معنا

مانفقد وما نكسب

هو رحيم ولطيف ،، فقط دعوه ترفع له

كفيله بتغير اقدارنا

..

ها انا اسير بخطوات بطيئه خائفه

كيف سيكون لقائي به بعد كل تلك الايام

بعد كل ماجرى وماذا سااقول له

بعد ان دخلت الغرفه شاهدته

لم اتمالك نفسي فبكيت وخرجت

ليس لمنظره بل لانني حقا كنت متعبه من دونه

ولم ارد ان يرى دموعي تلك

(علي)

طلبت من صفا ان تذهب للجامعه وتحادثها

اريد ان اراها ،، اريد ان اعلم هل اخلفت بوعدها ونستني

هل اشتاقت لي

ربما لن استطيع ان ابقى معها بعد الان

وكيف لي ان اتزوجها بعد هذا الحادث

بعد ان تشوه وجهي وجسدي بالحروق

اليوم ستأتي كيف سيكون شكلها بعد تلك المده

هل بكت علي وهل لبست الاسود على موتي

حين رأيتها تدخل وودت لو احتضنها وابكي

وودت لو اخبرها عن ألمي

وودت اخبراها عن عجزي

لكنها خافت من شده المنظر

لم اقبل ان اخفي وجهي عنها

اردتها ان ترى ماصابني

اريدها ان تنساني الان فلن اقبل ان احزن قلبها من جديد

..

_علي

_نوره شوفي شنو صار بيه

_كافي لا تبجي الحمدلله على سلامتك وياريت كل الي صار بيه ولا بيك ياريتني متت قبل لايجي هاليوم اهئ اهئ

_اسم الله عليج ياعمري انتي شلونج بغيابي

_اهئ اهئ ليش عفتني ورحت مو كلت ماتعوفني ليش علي اني من لي غيرك بهالدنيا اهئ اهئ

_كافي لاتبجين (قبل يدي وشدني اليه وبكى )

_ان شاءﷲ انت لاتبجي بعد ي عمري بيه ولابيك

_شفتي شنو صار بيه ولج نوره اني علي كلها تعرف منو علي هسه كلاص الماي مااكدر اشربه

ولج نوره اني انتهيت مااكدر ازوج بعد صرت عاجز

ماانحسب ع زلم بعد

_انت علي وراح تبقى علي القوي راح تصير احسن الله نقذك من

الموت يكدر يشافيك هسه وتصير احسن من قبل بس لاتبجي الله يخليك اني اخذ القوه منك فلا تضعف ،، اذا انت تضعف اني منو

يحميني من هالدنيا،، ومااكو شي ماله علاج

_نوره اني اسف اذيتج هواي بس حتى راح اثر الحروق منو يقبل اتزوجج واضيع مستقبلج حتى اني مااقبلها

_علي كافي اني قابله بيك مالي شغل بيهم مااريد شي من الدنيا غير ابقى وياك حتى لو تزوجنه وماتعالجت عادي اني احبك لذاتك وبس

_ نوره سوولي فاتحه واني عايش

بس انتي ليش نسيتيني ،،ردتج قبل امي تلزمين تابوتي ردتج توكفين ويا اختي زينب ماتعوفينها

هيج حبج الي حتى اسود ملبستي

_ علي لاتأذيني كافي والله تعبانه وانت دمرتني بغيابك بس الله يعرف شنو صار بيه

اني صدك كرهتك من غبت انت اذيتني هوااي بغيابك وغير خيانتك

_خيانتي بشنو خنتج نوره اني بالمستشفى كنت ماكنت ويا بنيه كنت بغيبوبه تفهمين شنو

_ (رفعت راسي من على صدره )) ااششش اطلع من المستشفى وراح احجيلك كلشي لان اني عندي عتاب وياك

_عتاب ليش شنو سويت الي صار مو بيدي الله كتبلي انو هيج يصير اني ماعفتج اول ماكعدت من الغيبوبه ردت احجي وياج بي انتي سديتي كل الطرق الي توصلني الج

_اشش حبيبي انت كافي راح احجيلك كلشي بس الوقت مو مناسب هسه اني احبك ومهما صار ماانساك

_واني مانساج ولاراح اعوفج حدما اموت

_بعيد الشر عسى يومي قبل يومك

..

بعد اسبوع خرج علي من المستشفى

وتحدث اخاه مع مستشفى في تركيا لكي يذهب للعلاج فيها

وبعد للاستراليا

واخبرته بكل ماجرى معي في غيابه

لم يقل شيئا سوه لومي لانني لم اثق به

Donyaalfrah

واخبرني انها كانت صديقه زينب التي كانت تحبه

قد تكون متعاونه معها وتريد ان تتدمر حبنا بافعالها

..

بكى حين كان يقرأ رسائلي التي ارسلتها له في غيابه

يالله كم انني ضعيفه امامه وامام بكائه

فانا اعلم ان الرجل لايبكي الا ان كان صادقا في حبه

لا يهمني ان كان علي قد خانني او لم يفعل فهو الان معي

ولن اترك حبنا ان ينتهي بعد كل هذا العذاب

..

_علي جكوم

_عيونه انتي

_فديتك امممم اريد اروح وياك لتركيا اريد ابقى وياك من تتعالج

_لا مااكدر اخذج وياي وبعدين اريدج تحضرين روحج من ارجع نتزوج مااصبر بعد وانتي بعيده عني هيج

_الله يرجعك الي سالم ي عمري

_جكمه احبج

_واني بعد

..

سافر علي وكنت اتحدث اليه بعد ان ينتهي من الجلسات

كان يبكي من الشده الألم

كان ايام لاتنسى من شده الالم

..

بعد ثلاثه اشهر عاد علي بعد ان تحسن كليا واختفت اثار الحروق في جسده

جاء وهو يحمل امل علاجه كليا في استراليا

_جكوم حبي بعد ماراح اروح لاستراليا راح نتزوج ونكدر نجيب بنيه مثلج ونفس عيونج العسليه

_اريد ولد مدنفش واسمر مثلك

_امممم اني اسمي الولد شاه جان

_ لا بربك شهالاسم ،، بس اني اسمي بنتك امل

_ اسم ابني احله من بنتج

_عابتلك اني احله منكم كلكم ههههه

_هههههه فديتج

..

بعد سته اشهر من الدموع

ها هو اليوم الذي لطالما كنت احلم به

سارتدي الابيض له هو فقط

سانرقص معا على الالحان الامل

أمل ان يستمر الحب الصادق مهما وقفت ضده الايام

ربما يقولون ان الحب الذي يبدء خلف الشاشه ليش بحقيقي

لكن ان اقول ان الحب الذي ياتي من الانسان الصادق سيدوم

مهما كانت الطريقه التي أته بها...

وما اجمل الحب الذي ياتي بالصدفه

فقد كنا صديقان ثم حبيبان ثم زوجان حتى اخر العمر

وتذكر

لا تفقد الامل مهما جرى ،، فما هو مكتوب لنا سيكون لنا مهما حصل

ومهما واجهتنا الصعاب ،،طالما قلوبنا تنبض بالوفاء والحب

سيأتي يوما ونبكي من الشده الفرح...

هكذا هي ثقتي ب رَبّـ❤ـيٌ

..

النهايه

بقلمي Donyaalfrah

اتمنى ان تنال على اعجابكم ^_^