تحميل رواية «تقليدي بألف عشق» PDF

#تقليدي_بالف_عشق

#البارت_الاول

#الكاتبة_اطياف_ابراهيم

سيرين .. كاعده ع باية مال درج واظفر لاختي الصغيره بيان شعرها جان تصيحني ماما

ام سيرين (نجاة) .. ماما تعالي اختمر العجين يلاا شغلي التنور بين مااسوي الدواليج

سيرين .. ماما يعني هم عجنتي خررب مو البارحه ماع حلكي واقنعج نشتري من المخبز ولله ادية اتجوت وباجر امتحان تاريخ بعد ماالحك

ام سيرين .. ولله مطيب جنه لاستيك خبزة البيت اطيب ومتهيج القالون من السودا

سيرين .. ولله يا ماما لو احجي وياج عشرين سنه البراسج براسج هههه

ام سيرين .. دكومي يله ولج بس تدردمين ومن متجاوب تذبها براسي اني مخليتها تقره زين

سيرين .. كايمه كايمه ..بيااااااان بيااااان ولج وينج بيااان

بيان .. ها سوسو

سيرين .. تعالي ويايه لميزلي القبق مااسطير عليه ويا المخبازة

بيان .. بس تنطيني الف العصر مو ٥٠٠

سيرين .. يي ولله بس تعالي انحرم من العصريه ولا الجع والبنات يقلدن ع ايدي

ام سيرين .. ياااا يرحلج فدوة غير يغارن شوون نادرة

سيرين .. قشمريني يله هههههههه... كملت الخبز ورحت نكعت المعجانه وغسلتها وغسلت اديه من العجين باوعت تراكي كوله طحين ومحتره من التنور ومااكدر اقره واني بهل حاله انغث اخذت برنص وطبيت اسبح طلعت والمنشفه ع راسي جان يفوت بابا

ابو سيرين (توفيق) .. حبيبه ابوها

سيرين .. بابااااا هلاو الله يساعدك

ابو سيرين .. ويساعدج ... عاشت ايدج بنيتي الخبز يخبل

سيرين .. الف عافيه بابا اني راح اصعد اقره تحتاج شي

ابو سيرين .. شدي حيلج اريد درجه عالية

سيرين .. اكيد بابا بسته بخدة وركضت لغرفتي حتة الحك لان صارت بال٥ العصر  وبعدني مقارية

فتحت الجنطه طلعت كتاب التاريخ حاليا اني صف ثالث متوسط ...اني شبيت قبل عمري تقريبا من سادس ابتدائي بلغت وماما ع كولشي معلمتني ك طبخ وتنظيف وخبز ماما نادره وتحب النظافه وتكول حتى من تتزوجن ويشوفون ندارتجن يكولون امهم خوش ام عرف تعلم بناتها كلشي

اني طويله طولي ١٦٥ ورشيقه حيل شعري طويل يوصل لنص فخذي معتنيه بي وزيوت وظفر ع طول  بس هاي اختي بيان غبية كلمرة تكص شعرها وتلفه بقراصه ام السنون بس اني اكلها لا ظفري شوفي شلون يثخن ... عيوني جوزيات ومستطيلات كبار كلش خشمي ناعم وحلكي وسط شفايفي شويه كبار بس بشرتي حنطي ملامحي يكلولي ملامح اهل الجنوب طالعه ع امج لان امي من العمارة ويتميز شكلهم عيون وحنطيات عكس اختي بيان ملامحها كلها ناعمه عيون وخشم وحلك حتى قزومه وبيضة وشعرها بني فاتح وعيونها خضر طالعه ع بابا لان بابا احمراني وعيونه خضر من نطلع اني وياها محد يصدك اخوات واذا نحلف انكلهم اخوات يكولون كل وحده من ام اختلاف جذري بينه ...عدي اخوان ٦  تلاثه منهم متزوجين وكل واحد طالع ببيت وحده و واحد طالع للخارج دراسة و٢ ويانه

اخواني

عباس اكبر واحد متزوج مرته اسمها فرات و عده ٢ جهال نور وسعاد ويريد ايصيرلهم اخ يتمنى خطية بس ماكو وهو رزق بيد الله يجي يوم ويرزقهم

الثاني ماجد وزوجته مروه وعده ولد واحد اسمه مؤمل

الثالث سمير وزوجه اسمها ياسمين وعده ٤ جهال هو تزوج قبل عباس وماجد لان قصه حب وبسرعه تزوجو عده ولد تؤام حسن وحسين  وبنات فرقد و تمارا

رابع واحد قائد هذا يتخبل من الزواج واقرب اخ اليه بس يراسل اهلي يسال عليه ونسولف اني ويا اكثر شي هو يدرس بالخارج ماجستير صارله سنه

الخامس اثير بصف سادس علمي

اني ورا

وبعدين مهدي اصغر مني بسنتين صف اول متوسط واكبر من بيان بسنه هي صف سادس ابتدائي

هذوله عائلتي رغم متفرقين كل واحد ببيت بس قلب واحد محد شايل حقد ع ثاني كل همنا نلتم سوة ع اكله طيبه وسوالف حلوة لو صينيه جاي وكعك اكثر لحظات تسعدنه لان ملتهين هم بالشغل اخواني المتزوجين بس من يجونه نبدي سوالف وضحك وونسه

فرات وياسمين حبابات ويايه بس مروة مره زينه مره الكه الوجه مكلوب وتسوي مشاكل مرات بس اتجاهلها لخاطر ماجد مااريد اخسر اخويه عليها

كعدت اقره بعد ممشطت ولبست برمودتي صارت ب٦ كعدت اقره لحد.مصارت ب ٩ بالليل طبت بيان

بيان .. لج انتي شنو متجوعين شتاكلين هو اني ورا الخبز اتغديت واشتريت العصر بالف وهسة جعت تعالي كليلي ونتعشا اني وياج

سيرين .. احسن منج شوفي صداري مالتي تموت ومالتج بس وحده وشعرضها لان سمنيه لج بابا قللي ضعفي صايره دبدوب.. برطمت وضاجت والدمعه بطرف عينها

بيان .. هاي خاف تسويلي اكل مااريد اروح لماما

سيرين .. عوفي الماما يم الحب حاليا عصافير وحدهم بالغرفه ديكرزون لو يشربون جاي ويتغازلون اني اسويلج واني احجي لصالحج حبيبتي باعيني اطبك الغده والعشة بوجبه واكل نص خبزه ووراها ساعه امشي بالغرفه نص ساعه حتى اهظم الاكل ويبقى خصري حلو وانتي حلوة من كاعج بس يراد تتعلمين مثلي حتى من تصيرين عروسه تطلعين مثل الباربي

بيان .. هسة خل نتعشى اليوم وباجر افكر بقضيه الباربي

سيرين .. ضحكت عليها وادري مطبق شي هوايتها الاكل هالدبدوبه .... رحنا للمطبخ دنكلي جان يطب اثير شكد صاير مزعج صاير مراهق

وبس يتعارك ويا الكل شافنه وكال

اثير .. اريد عشى وياجن

سيرين .. ماشي

اثير .. منا لنص يكمل لان عدي طلعه للولد اذا مخلصتي احركج

سيرين .. استغفر الله

اثير .. ووجعا المن تتافئفين ترا اجيج اكطع شعرج واخلي سنونج بنص حلكج يركصن

سيرين .. بس روح مااريد شي واكلك جاي.. شلت كل الكليته لبيان واني ووديته دااطلع من المطبخ واجتي بيان تكمز هي مو مثلي اني بعمرها كبرت وصرت مرة بس هي بريئه وبعدها طفله شافت الصينيه وكالت هييي كملتي كتلها لا بعده اكلنه حبيبتي هاي لاثير

بيان .. لااااا الية ما يا صخام خلي يولي مالتي مالتي

سيرين .. ااشر الها تسكت ماكو وهو سمعها غلط عليه جان يركضلها للكراج ولزمها دك ع ظهرها ووجهه وهي تبجي ذبيت الصينيه ع الكاونتر وركضت عليه لك عوفهة عوفهه طفللله حتموت بيدك بابا الحكلنه ماااااامااااااا وصرت كدامها والضرب صار كله علية وهي مجلبه بالبدي مالتي وتناشغ وفحطانه من البجي  والعياط

جان يطلع بابا ركض هاي شكعددددددد يصييييرررررر

اثير .. بابا تراضها اكبر منها ب ٦ سنين تغلط علية هالكلبه اني زعطوطه تغلط عليه بطول نعالي اليوم اله اادبها تعالي حيوانه ورجع يضرب بينه

ابو سيرين (توفيق) .. لك متحترمني واكف كدامك وترجع اتمد ايدك حيواااااااااان وركض بتجاهنه سحله من ياخته لباب الشارع دفعه وكال طبن جووووة انفضحنه

سيرين .. طببت بيان وهي منتهية من البجي وماما واكفه بباب المطبخ حضنتنه وكالت

ام سيرين(نجاة) .. والله لاادبه هالحقير اخوانه كلهم عاقلين اله هو جنه ديج نافخ ريشه يجي لو مايجي اذا مااكطع عليه المصرف اسبوع

سيرين .. لا ماما فدوة خطية ينحرج كدام اصدقائة بس حاجو يغيير تصرفاته هاي طفله بعدها اذا من الصغر تنضرب شيصير بنفسيتها وحتلو كبرت وتزوجت مراح تتذكر منا غير ذكريات الطفولة ويضربها

ام سيرين (نجاة) .. الله كريم بنياتي يله كعدن اني اسويلجن مخلمه اللحم والبتيته طماطه وبيض التحبنها

ابو سيرين(توفيق) .. هيج صارت يعني حزب صرتن عليه واني منو يعشيني

ام سيرين (نجاة ) .. انطيك عيوني مو بس عشة

بيان .. هاهية يتغازلون واني عيني مزوركه شلون حظوظ

كلنه ضحكنه عليها سوالفها تجنن وكلبها طيب وبابا وماما يشوفوها طفله وكل اخواني الا اثير يعتبرها كبرت ويريدها تبطل تطلع للاسواق ولو لصديقاتها ومهدي جان مو بس اخو بيان لا صديقهاالمقرب كل سوالفهم وشقاهم وضحكهم سوة

ماما سوتنه الاكله المفضله من ايدها تطلع تموت طعم يجنن اكلنه وراها نظفت المطبخ وصعدت الغرفتي فرشت داانام  اني  وبيان وجان يطب علينه اثير بالسكته وكمزت بيان ختلت ورايه  وكامت تبجي وحتى اني كلبي مااات من الخوف فات ووجهه يخوووف ومخنزر وسد الباب واجه متحلف .. يتبع

#تقليدي_بالف_عشق

#الكاتبة_اطياف_ابراهيم

#البارت_٢

لتنسووون التصويت ومثل متحبون تنجح قصتي بتصويتكم اتمنالكم النجاح بكل حياتكم يارب❤️❤️

..........................

شجاچن ياسهام الـ آه

و لا واحد عبر عالريش

الما عنده ولف يتفگده من يغيب

چا شنهي

و عليش ايعيش

سيرين.. صعدت الغرفتي فرشت داانام اني وبيان وجان يطب علينه اثير بالسكته وكمزت بيان ختلت ورايه وكامت تبجي وحتى اني كلبي مااات من الخوف فات ووجهه يخوووف ومخنزر وسد الباب واجه متحلف

اثير .. ساقطااااات اني تخلن ابوية يطردني من وراجن اليوم اني اعلمجن كح........

سيرين.. اثير روح منا الدنيا ليل وبيان طفله ومسوتلك شي متفتهم حرام عليك ترعبها هيج ولله مو زين ع حالتها النفسية ليصير بيها مرض من الخوفه

اثير.. ومرضتهم خل يصير بيها هالبهيمه شسمنها يمض بيها مرض قنادر ع راسجن

سيرين.. بيان كلش تتاذه من احد ينتقد سمنها رغم هي خدوده عبالك فصوص شكر بييييض وملامحها شكره وحلوه بس ثقتها دوم مهزوزه كامت تناشغ وتبجي ورايه ومااشوف الا اثير هجم علينه يعت بشعرنه ودفرات بخاصرتي برجليه وبيده نعال ودك ع بيان رغم مختلتها بس هو اقوه مني كدر يسحبها وياذيها م اكتفه بالضرب والجلاليق راح لغراض بيان طلع دفاترها مال تلوين تموت عليهم شككهم سوواهم طحين وهي تكمز عليهن وتكوله لا لا فدوى عليك الله احبهم ولله جبتهم من مصرفي مال مدرسة ولله حرمت روحي من الجبس والعصير واجمع بيهن واشوفهن لصديقاتي كامت تعييييط ومتهستره جانت كتله ولله الا اروح لبابا هو يتصرف وياك يا ظالم

اني كلت هيج لو هجم علية مثل الجلب المسعور شبعني ضرب بيده ع راسي وسريع سريع حسيت الدنيا كامت تفتر بيه

اثير.. يا جلبات اريد ساقطه تحجي لابوها لاعيد هالكتله الكم مرة ثانيه وضعف الضرب

اني ابجي ودايخه وبيان منهارة من الكلام المؤذي والضرب وغراضها الخربها الحقير تناشغ من صدرهة والكلمه التحجيها كوه تطلع من كد متشهك وتبجي واني بقيت بالكاع مااكدر اشيل لا ايد ولا رجل كتلها تعالي حبيبتي

مااجت تبجي ومتاذية رحتلها اني كتلها حياتي تعالي نامي ويايه بجربايتي حضنتني وخلت راسهه عليه وتبجي

مددت ع فراشي وبيان حضنتها وراسها ع جتفي وتحلفتله الحقير باجر اكلب الدنيا عليه هسة ليل ومااريد اهبط ابوية وامي

بقيت افكر وراسي وجسمي متاذايين بيان ثكلت نومتها ع كيفي خليتها ع مخده ونزلت اشرب بونستان داامشي ع كيفي واسمع طكطكه بالمطبخ

فتت وكتله شنوووو هايه بايدك خوانك قبلك اربعه وزلم ومسوووواهاااا شنو هاي هيين اذا مااكول البابا

اثير.. اكلي خره ادخن بكيفي وانتي ووصخ رجلي ركعي راسج بمية انعال

سيرين .. بااع اسلوبه يا ربي .. الله يعيين التاخذها عليك لا نفع ولا دفع هزيت ايدي وفتحت الثلاجه طلعت حباية واحسلك راسي كام يذب حراره قوية عطت بكل قوتي الحقير بوكسني براسي لزمت شعري لكيت دم كمت ابجي بالزايد واصرررخ بعد هاهية انفجرت متت قهر اعيط وكلما يعله عياطي يدفرني ع راشدي وادفع بي اجه بابا ركض

ابو سيرين .. هااااااااي شصاااااااير شنو هالصرررررريخ

سيرين .. طب بابا لكاني عاكفه ع نفسي ورا الثلاجه بزوية واعيط واديةن حمر من الدم واشهك واصرخ واكوله بابا مووتني... كتل بااااابا كتل.. بيان هم بابا... الحكلي شوف الدم بس كلماتي متقطعه كوه اجرة النفس ويا الحجي روحي خلصانه

شويه وحسيت الدنية اظلمت بعيني

فتحت عيني لكيتها صايره صبح وراسي ملفوف بباندج وماما يم راسي وتبجي وبابا مموجود

شويه وطبت فرات مرة عباس ووياها ياسمين مرة سمير تحمدولي السلامه

فرات.. بعدويينج حبيبة جبتلج دولمه التحبيها ومعليج باثير عمي طرده من البيت وراح يجي يعيش يمنه عباس كال اخلي يمي

سيرين .. لا يضايقكم هو بيتكم مو ذاك الكبر

فرات ..يا شنو صغير مساحته ١٠٠ وشعدي بس بناتي ٢ وهادئ وحت يقره للسادس ويعوف الطلايب

ياسمين .. سوسه لو تدرين شجبتلج

سيرين.. مستحيل جايبة بريانييج الطيب وكيكه الككو

ياسمين ..هن هذني ثنينهم

سيرين.. فدوه لنسوان خواتي والله انتو خواتي ومدللاتني شريد اكثر ولله احبكم كلكم حت مروة بس تصرفاتها تحجي الاخرس

ياسمين .. هههه شعدنه غيرج اختنه الصغيره ومروة هي بعد هاي نفسيتها الله يحسنهة

سيرين..الله كريم ...كعدنه نسولف ونضحك فرات جابتلي صينيه بيها كيمر عرب وخبز حار ودبس ومخلمه بطاوة ولاجعه بحيث المنظر ايجوع اكبر واحد وريحه الجاي تضرب بالراس

كمت ع حيلي وكتلهة اجه بوقته ولله وتريكنه كلنا ونسولف ونضحك

بيان جانت نايمه نزلت ومن شافتنه كبل شكلت وكالت هلو للجميع الاكل ينتظرني وهي ابد متعشق الاكل ههه يمشي بدمهة

كملنه دااشيل الصينيه اغسلها جان تكولي ياسمين

ياسمين..دكعدي وستري علينه لتوكعين انتي وياها وتكسرين الكلاصات

سيرين.. هههههه ها هيج صارت بسيطه تضحكون علية شلون راسي معنجر

ياسمين .. عنج حياتي اني اغسلهم اخذتهم مني جان يوم جمعه متعارف كل اخواني يلتمون بي الا حبيبي قائد بالخارج واني عادتي اصور وادزله و

اغور بي وافتح كامرة ايسلم ع الكل حت ع الجهال

طبيت وراها للمطبخ لكيت ماما طابخه بانية وتمن بزل و ع جهه خبز عروك

كتلهم شكد احب الجمع من ورا هالاكلات التفتح النفس

اخذت موبايل ماما وخابرت ع قائد وظل يكمز ع منظر الاكلات

بعدين كلي

قائد.. بله اشوف الجهرة الخرة

سيرين .. هههههه لتغلط لك..لو ضغطك منظر الاكل

قائد.. ديله منيه الاميره ديانه ومطلعين الجهرة سز

سيرين.. درت الكامره وكتله فديتني اخبل شو هذا سكتت وراحت ضحكته

قائد..شبي راسج ولج

سيرين.. بي شعر

قائد.. بعيااااط احجي شصاييييييرلج

سيرين.. حجيتله كولشي انهار كلش كام شكو شي كدامه يدفر ويكسر ويسب ويغلط وكال شلون ابوج ساكت شلون اخوانج ساكتين عليه شلكه روحه طلعتله شكم شعراية بشاربه عباله هاهية صار زلمه الحمار هيين هو سنتين وجاي واريد يا صاقط وكواد يوكف بوجهي

امي وينهة عنه اخواني ابويه من ضربج

سيرين .. بس هدي هاي جمعه بركه مو صياح وغلط

قائد.. دنعل ابو هاليوم ولج يايوم انتن مضروبات احنه اربع زلم مابيوم كربنه صوبجن معززات مكرمات

سيرين.. حبيبي لخاطري اهدئ بابا طرده

قائد.. عايزة يخلي لا وحق الحق اعوف الدراسة واجي افصم ظهرة لهل القندررررة

سيرين.. قائؤؤدي كافي يروح اختك شوف هذا خبز العروك التحبه

قائد.. وانتي من اهمداااج فالحه تشلع بكلبي وتعيشني الغربه بخبز العروك ام راس

سيرين.. شسوي حت تهدا غير انته تحبه

قائد.. اولي اقرة ما وراج بس وجع الراس يا ام راس ...دير بالج ع نفسج وع بيونه الدبدبه كلليها لو تجي هنا يمي محد يصجمها ام كرش ...بوسيلي الحجي والحجية

سيرين.. يوصل حبيبي انتبهه لدراستك

كعدنه نحظر بالغده ووحده تثرم بالزلاطه وثانية ع خضورات وطرشي ولخ ع لبن والخبز

ام سيرين.. جا وينها مروه شو تاخرت

سيرين.. متعرفين بعادتها ست الحسن تجي قريب منصب عتوي وايد ورا وايد كدام وتمثل دور المعاجبها وهي تجرش الاكل واليزيد تلمه بجدورة

ام سيرين.. فلك طرج ابتليت كلت كلمه طلعتي بالبنية حاصل فاصل

سيرين.. غير الحق والحق ميزعل وهي بس جيب خالي وخشم عالي

وفعلا شويه وشرفت الست مروة والوجهه ميتفسر البوسة بساع وتبعد خدها معولت كملت سلام بوجههج للجدورة وخاشوكتها وتاكل وتنتقد ناقصة ملح لو اني ذاك اليوم سويته اضبط من هذا

عاد ردتها ياسمين

ياسمين.. اذا اكلنه ماصخ وهدورة انتي طابخه الدولمه اطيب جان جبتيلنه شي ونتعلم من اكلج ونضوك شي من ايدج مشايفين شي منج بس نسمع ياروحي هههههههه

اني وفرات متحملنه جريناها ضحكه هية كامت تبلعم جان تشمر الخاشوكه وطلعت من المطبخ وجهها مصوفر جان تصيح ماااااااااجد .. .يتبع

#تقليدي_بالف_عشق

#الكاتبة_اطياف_ابراهيم

#اليارت_٣

باررررت طويل لعيوووونكم يارتين سووا

مكافئة للبارت لتنسون النجمه اتضغطون عليها التصويت جدا يفرحني 🌸

حال سيرين...

دعني ارى فالهجر جوآ مغبرى ....

صوت الانين بداخلي يبكي المدائن والقرى ....

اني افتقدت سعادتي وجهي غدا متشائمآ والحزن في قلبي افترى

احتاج منك اجابه ًفضلآ اجبني يا ترى.....

ليش اني بغيابك متت بس ما يموت احساسي....

وين انتة كاعد بالظبط شو اني من اذكرك يوجعني كلبي وراسي

من حقي ....من حقي اتنفس و اون ...

حتى الهوى بهجرك خشن بالكوة اجر انفاسي .....

........

.ياسمين.. اذا اكلنه ماصخ وهدورة انتي طابخه الدولمه اطيب جان جبتيلنه شي ونتعلم من اكلج ونضوك شي من ايدج مشايفين شي منج بس نسمع ياروحي هههههههه

اني وفرات متحملنه جريناها ضحكه هية كامت تبلعم جان تشمر الخاشوكه وطلعت من المطبخ وجهها مصوفر جان تصيح ماااااااااجد ..

سيرين.. ماجد جان طالع من الحمام مغسل وجهه ومتوضي سمعهه يعرف تدور مشاكل ويعرفها بكل جية تكبح ف طنشها وكمل طريقه جان ابد ميدخل بسوالفنه لان مال من مرته

مروة .. ممممم يااا رجلي مسمعني لان مخبوص بصلاته هههه

ياسمين .. يا مسمعج هو غير طورشتينه بس كولي فلت من دوخة الراس

مروه .. يا عشتو اني دوخة راس لو حبيبته الميكدر بدونها

طبت ماما وصاحت عمجن جاع وانتن تسولفن متخلص ولله يله وحده منجن تودي السفرة

راحت ياسمين ودت السفره وطبت فرات بدت هي تصب واني وياسمين ننكل ومروه راحت ع جهالها عود ملتهيه بيهم اول مكمل الاكل نطت مروة وكعدت حتى قبلنه

انمدت السفره وريحة الاكل الطيبة من دولمه برياني تشريب بانية وتمن وخبز عروك وزلاطات وطرشي خضورات ولبن ولمه اهلي ابوية سندنه وظهرنه وامي الحنية والصوت الكل محبة واخواني اللي مدلليني بس اثير جان ماكو وجنايننه صح مروة مااحبها بس فرات وياسمين اقرب صديقات لكلبي وجهال اخواني وصوتهم مسوي حياة بالبيت وضحكه لمه تجنن الله ليحرمني منها

كمزت بيان يم بابا باسهه وبدو ياكلون

كملو جان يصيحون جاي جاي وهو طالعين للمغسله ديغسولون

طبيت للمطبخ اخدر جاي وطلعت كيكه ياسمين ام الككو وهلمرة مخليتلها من فوك كريمه ككويه كعدت الطع بالككو واكطع صغار واكل جان يفوتون عباس وماجد

ماجد.. لك شنو الخيانه والنذاله

عباس.. تريد تخلصها وحدها ولله شنو راسها مفشوخ ادري الكيك بي دوا لو مسكن الام ووحدج هاجمه ولله تكطعيها ويا الجاي

ماجد.. خل ناخذ ضمانه خوية هاي متتامن تلغفها

سيرين .. اني بس اضحك وماارد وماجد سوالها قطعتين كل وحده بكد راسه

طلعو اني كملت الجاي وطلعت مواعين الحلاوه وخليت بيهن قطع كيك

وديتهن اكلو وشربو جاي

وراها كمنا اني وياسمين وفرات

فرات..حبيبه شنو مو بكالوريا شو مااشوفج تقرين

سيرين ..ماعدي شي اكمل تنظيف واروح وراها اقرة

فرات.. بابا يا تنظيل سقط حقج ويانه امشي لتشوفينه وجهج صعدي اقري هذا ثالث مو هين ... انطيناج مجال اكلتي وشبعتي كافي صعدي اقري

سيرين .. ولله ميهلي اعوفكم وحدكم تشتغلون

ياسمين.. اهوو حمت حتى متقرة امشي يلااا

سيرين.. حضنتهم حيييل رغم فرق العمر بيني وبين فرات ١٣ سنه ويا ياسمين ٩ بس قريبات عليه وهم ممبين عليهم مبينات اكبر مني بسنتين تلاثه اي واحد يشوفهم لان حلوات ورشيقات

صعدت اكتب واجب الرياضيات مال جذور وقريت ادب قصيدة النملة

خلصته وحليت الكيمياء اكو تمرين

جان صعب تعبت يلا حليته نطلع نسب وخبصه

تعبت كلت كافي باجر بقالي بس امتحان الاسلامية خل انزل لكيت ماجد ومروة رايحين

بس عباس وفرات وسمير وياسمين وبابا وماما كلهم بالحديقة وسوالف وضحك وناس تكرز حب وناس تجر من باكيت البقلاوه والبرمه وتاكل وجهال ع صفحه يلعبون طوبة جو جان شتوي بي برودة حلوة بس الكل متلفلف وماما وبيان ع قنفه ومتغطيات ببطانية وياسمين وفرات فاطسات ضحك بصف قنفه ماما وواكعات دك تكريز بالحب وبيان حاضنه باكيت البقلاوة وكوه تنطي لواحد ويضحكون عليها وبابا والولد يحجون بالسياسة والاوضاع الامنية والانفجارات

اجيت حسرت نفسي ويا ماما وبيان بالبطانيه بيان كبل خلت باكيت الحلويات بحظني

بيان.. هاج عمري لحكي ولج بدهن الحر

سيرين.. هااا هسة ذكرتيني غير تصيحيني ع لمه هاي

بيان.. ولله حت تقرين والكل مقبل ندز عليج واني لزمت الباكيت وكلت لازم يبقالج

سيرين.. يروحي اكل بس برمايه وحده وتعتبر عشة سعراتها كوووومه

بيان .. امشي لج وبقلاويه هم بعددد ولج اني ٥ برمايات و٣ بقلاويات وهم راح اتعشى

سيرين .. عزا بعينج ولج شيضعفج بعد اليوم تمشين ويايه بالسطح ساعتين

بيان.. يي واني هم مفكره ابدي اسوي رياظه وهم اقلل من الاكل هههع

ياسمين.. ولج بوبي يوم عيد وتبدين ويا سيرين اني اول وحده تشجعج وكل اسبوع اجيبلج ليمون تسوين بي عصير دايت

بيان.. يي خووش الكل يشجعني عليكم الله

فرات.. انتي حلوه بكل حالاتج يروحي.. بس سمعت بت اختي تفور زنجبيل وليمون وتشرب بالليل نازله ١٠ كيلوات بشهر

بيان .. جيبلي منه عليج الله

فرات... صار من عيوني

سيرين.. كعدنه سوالف وضحك لحد مبدت تمطر قطرالندى خفيف طببو الجهال ولملمنه كلشي وطبو البنات حضرو عبيهم وغراض الجهال وجدورتهم وراحو توسلنه بيهم يتعشون مرادو طلعو كالو شبعنا من الحلا والكرزات وضجت مثل كل مرة من يطلعون اعيوني تدمع عبالك مراح يجون جمعه تجي بس لان احبهم

ثاني يوم هدوء والاحلا مخلصه من اثير كابت علينه اني وبيان نقرة براحتنه نركض ناكل نلعب براحتنه

جان بحجه دراسته يكول اي ثوت مااسمع وهو جذب يخابر بالبنات وتارك دراسته

تريكنه وماما كالعاده فاجئتني عاجنه ورحت خبزته وساعدتني بيان بالقبق دخلت الطبك للمطبخ لكيتها مكمله الغده تبسي دجاج وساعه ثنتين ونص

ام سيرين.. من ننجوع نتغده ماماتي

سيرين... تعبت اصعد انام ساعتين كعدوني اتغده واقره

بيان.. سوسو روحي اني مكمله دروسي اني اليوم انظف البيت

سيرين.. فدوة لاختي النادرة

بيان.. برشوه تصير الشغله بيها مونه

سيرين .. الج نص مصرفي اليوم

بيان.. يا هلا يا هلا وتكمز

سيرين..صعدت نمت وبعدين كعدوني اكلنه نظفت المطبخ قليله الاماعين بس ٢ كبار مال تمن وصينيه تبسي وكاسة زلاطه وكاسة لبن كلش سهلات ومطبخ مناك ماما مرتبته كملته صارت بالخمسة وثلث سويت جاي صبيتلهم واخذت كوبي صعدت اقرة اسلاميه احبها كلش احب التفسير بس اتمعن افتهمه وينطبع بدماغي يمكن ساعتين كملته

صفنت صايرة اقدم الغده وهيج اجوع تذكرت من ورا اثير وعركته خربط حتى نظامي

نزلت جوه يمهم لكيت ماما وبابا كاعدين ع تلفزيون طالعه محاضرة دينيه وبيان بالمطبخ تطكطك

كبيت لكيتها مسويه جاي وجايبه جرك من الافران ضحكت ع برائتها اكثر شي تبدع بي وواهسها بي الاكل

صبينه جاي وودينا الصينيه

ابو سيرين .. بناتي اتمنى اشوفكم دوم هيج كدام عيني ومن تكبرن احسن القسم الجن كون مثل ما بارات هيج ويانه الله يكافيجن

بيان.. بابا مااتزوج لان خاف بيت الاتزوجه مياكلون هوايه مثلنه وعصاره اني اضل ابجي من الجوع

ام سيرين.. ههههههه يا ولج كلنه من جنا صغار حجينه حجايتج وتالي بس اول اسبوع نستحي وناكل قليل وراها كامو ميلحكون ع اكلهم من ورانه الجناين ههه

بيان .. لا لا عيب شلون تكدرين اني شكد احب الاكل بس استحي

ابو سيرين.. حبيبه ابوها اشرط عليهم كليوميه عشا كباب ومعاليك وتكه

بيان.. عااا بس لحوم لا لا بابا وياهن كيك وحلويات ورا الاكل بساعه احلي

سيرين .. كافي شكد لغوية يلجوعية ههههه...ورحت بنص بابا وماما حضنتهم وابوس بيهم بيان اشتغلت عدها الغيرة لزت وظلت اتدفع لحد ما اخر شي بابا ظل يصيح ولجن الجاي ليجوينا

مرت ايامنا احلا من العسل بين دراستي وصديقاتي وبابا وماما وشغل البيت وتعلومها اليه خبز وتنظيف وطبخ وبين بيان واكلاتها ونظامي المعروفه بي بس وجبتين وبالليل مشي ساعه ورياضه مرات وبين اخواني قائد حبيبي اعز اخواني واقربهم والبقيه عباس وسمير وماجد ونسوانهم كل جمعه واثير ميجينه لو قليل وع كد سلام اني ويا ومهدي هم بس بالشارع لعب ع كد يجي ياكل ومرات قبلنه ياكل لو ورانه حت منلحك نشوفه ... مضت الشهور وصلت امتحانات البكالوريا وانطوني عطله بالعطله تفرغت كليا للقرايه حت ماما مخلتني اسوي اي شي غير اقرة واجتهد

امتحنه وكملنه وجانت ايام خوف وصعبه بس كدرت اجاوب فتره العطله والامتحانات كلش ضعفت هملت كلشي حت اكل كلش قليل اكل

اجه يوم تسليم النتائج

جانت مشاعري متضاربه خوف ع ارتباك ع فرحه واخيرا راح اخلص ع توتر

بابا وماما جانو متحضرين كالو نروح نجيب النتيجه

ام سيرين.. يا ماما سوسو فدوة لعينج العجين اختمر كلش حبيبتي خبزي ابوج مستعجل عده روحه لعمامج كلي اول منجيب النتيجه اتغده

سيرين.. يعني شنوووو مامااااا...ولله بدلت وكشختي وعطري اررروح للتنور...حت صديقاتي خابرتهم كلهم كالو جايين ارررريد اشوفهم حت بالاعدادية احتمال مااشوفهم ينقلون لو علمي لو ادبي

ام سيرين.. لخاطر ابوج حبيبتي مااريده يتاخر ويعصب علينه

سيرين ..حاضر ماما كلتها بزعل... اجتي عليه حضنتني حيل وباستني مجنت ادري هذا اخر حضن من الغالية ولا اخر بوسة لو ادري مجان ردت نتيجه ولا ردت تروح من عيني ااااااخ لو ادري اااخخخخ

هي هم حسيتها كانو تحس بروحها حتعوفنه تمسكت بيه حيل وكالت تعبتج حت بيوم نتيجتج اسفه ماماتي وحجيبلج هديه تعويض وجان بعيونها لمعه مشفتها بعيون كل البشر عيون حنينه وتلمع ومليانه حب هاي العيون الفتحت عيني للدينا واني بحضنها العيون السهرت علية العيون الشوفتني الشغل شلون يصير العيون التفرح بفرحي ااااخ يا امي يا قطعه الحنان

راحو وبابا من طلع باسنه اني وبيان كانو يدرون حيودعونه

المدرسة جانت بعد عن بيتنه ٣ فروع وبعدين هي بنهاية الشارع العام راحو واني رحت خبزت ع الغده ٤ كرص وطبيت للمطبخ لكيت بيان كاعده ع ميز

...بس اهلي تاخرو ربع ساعه

بعد هالربع ساعه صوت هززز البيت هز

جنه بالمطبخ جان توكع جامه الباب اني وبيان كمزنه وضلينه نعيط ونبجي

واني اصيححححح يمه ياربي يا الله

ارحمنه بهل لحظه دخلت حالة هستيريا شسوي وين اروح محد يمي عمري ١٥ سنه واختي طفله احسهة عمرها ١٣ سنه وحدنه ابوية وامي ماكو ولا اخواني ضليت ارجف ساعه اكوم ساعه ادنك سمعت صوت الجيران عله من حلات روحي بدون حجاب بالبجامه مال بيت ردت احتمي باحد اخذ بيان وركض لباب الشارع واعييط واسمعهم يصيحون تنفجر الثانيه يكولون واني ابجي وبالي يم بابا وماما ركضت يم مره جبيرة عايشة هي وابنها وفقيرة اسمها ام سعيد

سيرين.. خاله خاله فدوة وين انفجر هالصوت شنو اهلي يم مدرستي اني كلتلها هيج لو هي شهكت شهكه وكالت يمه حبيبة ولج سعيد توه اجه من الدربونه الورانه ويكول يم المديرية الكبال المدارس مستهدفينها ولج خل نلحك عليهم اني كالت هيج لو ظليت الطم بنص الشارع واصيح لا لا ياربي لتاخذهم مني لتعوفوني ماما حبيبتي ادموعي احسهم مسكتو

ام سعيد.. بسج يمه هسة يصير بيج شي لتتشائمين خل نروحلهم... سعييييد ولك يمه سعييييييد

سعيد.. ها ها يمه

ام سعيد.. امشينه يمه نشوف اهل البنات خطية وحيدهن هنا وهم بمدرستهن

سعيد.. يي بالعجل خل اجيب سيارتي وجايكم

سيرين.. اني فاقده وحاضنه بيان وهي بس تبجي وكلمه منطقت ومفرفحين جان ام سعيد تطلع عباية ام الراس

ام سعيد.. يمه لبسيها جنج شطب ريحان واحنه بيا حال واكو جلاب عينهم دنيه بس يتنوعون بيج واني ادري بيج هسة عقلج مو وياج

سيرين .. اخذت العباية ولبستها ...صعدنه بسياره ابنها ومشه وصلنه هناك بسرعه لكينه اسعاف واصله وناس منظهرهم مرعب للموت ماانسه منظرهم شي مكطمه اديهم شي رجلين ناس راسها مفتوح من الشطايا والكاع بحر دم واني اتعثر بيهم واعيط بابا بابا ويننننك ماما تسمعيني جان سمعت صوت حارس المدرسة وكال اكو عوائل داخل المدرسة الاهلهم هنا يجون عليهم اباوع ع حارس صاير قطعه من الدم وجهه مجرح والحارس الثانيه شالته اسعاف مغمي عليه

ركضت ع مدرسة طبيت لكيت ناس بالممر واكعه فتت ع الاداره ع غرفه المديره وشفت المنظر الماكدر انيا طول عمري ابوية وامي بالكاع والمديرة الفراشة يمها تحاول تخليها تتنفس

صرخت صرخه باباااااا ماااااامااااااا وبيان ويايه بس تبجي وهنا بلا طلع صوتها بس عياااااط وبس

اجيت لكيت ماما مغمى عليها واديها مكطعات يا روحي منظهرها شلع روحي الف قطعه صرت وبابا دم مواضح وجهها

الفراشة(العاملة) .. حبيبتي الله يعيج توهم وصلو لباب المدرسة وطكت عليهم والحارس ابو ميثاق جان جوة بالاداره يشرب جاي وحت صديقه خالد راح بيها وهو طببهم جوة هنا ..ادعي ربج يعيشون يمه

سيرين.. اباوع واصررررخ ولج حبيبتي ماما راحت اديج العلمتيني بيهم لزمه التنور راحن وبعد مناكل من ايدج اكلاتج الطيبه راحن الادين الحضنتني قبل شوية ولج حبيبتي وووووووووين اديج وراها ركضت ع بابا ...بابا خبزتلك تعال اتغده حبيبي وينك تعال جيبلي النتجية وراها روح لعمامي باااااااااااااااابااااااا جاووووووووبني تهسترت اعيييط وابجي وراها محسيت بشي واختفى كلشي .....يتبع

#تقليدي_بالف_عشق

#الكاتبة_اطياف_ابراهيم

#البارت_٤

لتنسوون التصويت فقط الضغط ع نجمه الصايرة ليجوه بصف التعليقات

................................

بكيت وهل بكاء القلب يجدي؟

فراق أحبّتي وحنين وجدي

فما معنى الحياة إذا افترقنا؟

وهل يُجدي النحيب فلست أدري!

فلا التّذكار يرحمني فأنسى

ولا الأشواق تتركني لنومي

فراق أحبّتي كم هزّ وجدي

وحتى لقائهم سأظل أبكي.

سيرين.. اباوع واصررررخ ولج حبيبتي ماما راحت اديج العلمتيني بيهم لزمه التنور راحن وبعد مناكل من ايدج اكلاتج الطيبه راحن الادين الحضنتني قبل شوية ولج حبيبتي وووووووووين اديج وراها ركضت ع بابا ...بابا خبزتلك تعال اتغده حبيبي وينك تعال جيبلي النتجية وراها روح لعمامي باااااااااااااااابااااااا جاووووووووبني تهسترت اعيييط وابجي وراها محسيت بشي واختفى كلشي

فتحت عيني عبالي كل المر حلم بس شو بغرفه وايدي بيها مغذي وبصفي فرات وياسمين بس شنو عيونهن مبين بيها البجي بس ميبيبنن اول مفتحت عيني حركت ايدي حسيت بنغزه باوعت مغذي رابطي بكانونه

رجعت تذكرت الصار وكمت اعيط ماما بااااابااااا ولكم لحكولولي بنات ماما اديها راحت اريد اروحلها كمت سريع والكانونه نعوجت مهتميت شلعتها قوي واعيييط ومتهستره البنات لازمين يهدون بيه فقدت

اخر شي ياسمين اشويه كلبها قوي اكثر من فرات

جان تكولي كاااافي سيرين اهدئي كااااافي وسمعيني

خلت راسي بحضنها وحضنتني قوي وتحجي وتشهك

حبيبتي سيرين ابوج وامج نالو الشهادة ويم ربج وهذا امرالله ولا اعتراض عليه هم السابقون ونحن اللاحقون

جانت تحجي بسرعه بسرعه واني اختفه صوتي وكانو جبل ثكيل ووكع ع راسي وراها صرررررختتت صرخه هزت الدنيا

ولكم لااااااا لااااااا حررررررام اثنينهم مررره وحده ليييييش يا ربي اخذتهم شفتهمت منهم منو الي

واسمعهن يكولن اخواتج ابوج وامج حبيبتي

واني اصرررررخ ولج ماما من حضنتيني جنج تدريييين راح تعووووفيني ليش يمه ليش منو بعد يعلمني منو بعد يحتويني بحضنه

اااااخ كلبي ااااخ ع حظي الاغبر من امداني من امداني تهسترت كمت املخ بروحي بكل قوتي وشعري واخرمشش بوجهي

من ورا شهادتي من وراي ليش خليتهم يرحووون كلولي لييييش... ولكم ارررريد بابا ارررريد سوده عليه حت غداه مااكله وراحلي يجيبلي شهادتي ليش ياربي ليشششششششششش ولكم وين رحتو وعفتوني وحدي ووووووووين

بعدني صغيره بهل دنيا

دموعي تحرك بعيوني تنزل بحراره وغوشت عيوني منها وتنزل ع خدودي الكلها دم من التخرمش تنزل تيزاب بس مااحس بالم لان كلبي انعصر وانذبح الف ذبحه احس جسمي نار من القهرر والوجع

ياسمين وفرات يصبرن بيه بس مااسمع منهم ومااستوعب شيحجون بس جانو منهارات ويبجون هم مثلي

بقيت ساعتين انوح والطم وابجي واعيييط بهستيريا

وراها تعبت كتلهم اريد اشوفهم كالو ودو جثثهم للمغيسل ويرجعوهن للبيت نودعهم ويطلعون للنجف

هن يحجن واني صافنه ودموعي تنزل بدون توقف

يعني عود صدك كلولي صدددددك اودعهم ولا الوداع الاخير وميرضون نطول وبساع راح يجرون توابيتهم

ولكم شلوووون شللووووون يروحون واودعهم مااريد اودعهم اريددددهم يرجعون لبيتنه منو ظلي بعد منوووووو

رجعت تخبلت بعد بالزايد شبجي ع امي لو ع ابويه عله يا مصيبه هنا تذكرت السيده زينب ومظلوميتها من فقدت اخوانها خمستهم وولدها و ولد اخوها والرضيع وكلهم كدام عينها وبداخلي اتهشم واتفلشالف مره وابجي ع اهلي و ع سيده زينب شلون صبرت ورغم كل مصابها تكول لرب العالمين( ان كان هذا لا يرضيك ف خذ منا حتى ترضى) وصلت بيوم فاجعتهم

هنا ايست بعد من ابويه وامي وكلبي مااعرف اوصفه يابس مابي دم جف مجرد دمام قوي يدك بي ع فقدانهم كلت خل اقرالهم قران افضل شي مثل السيده زينب

كمت اقره شحافظه الفاتحه والتوحيد واية الكرسي وكوثر والمعوذات والهاكم التكاثر وسور حافظه بس اول ايات

(الرحمن علم القران علمه البيان) (يس والقران الحكيم انك لمن المرسلين على صراط مستقيم تنزيل العزيز الرحيم لتنذز قوما... الخ)

اقره واهديها الهم ودموعي تصببببب سرييييع مجفت ابد لشويه طب سمير بس اول مره اشوفه بهل الانكسار

اني شفته واني ركضت الحضنه وابجي واشهك شفففت سميررررر شفتتتت شلون عافونه ارررريدهم كلي عايشين فدوه فدوه اروحلك

اسمعه يثغب ويبجي ومدنك راسه مسح ع راسي وكلنه يله تحضرن نطلع المرحومين راح يوصلون للبيت طلعو من المغيسل

اني هنا بس اشهك واعيييط والبنات هن لبسني حجابي وطلعنه الطريق كله بس اصرررخ واعيييط واشوف سمير كلساع دموعه تنزل ويضرب ع ستيرن بكل قوته رجعت اقرالهم ايات بكلبي وابجي

مااعرف بيان وين واخويه الصغير مهدي وين بعده صغير وفقير وكل وقته ويا اصدقائه ماادري هم وين

انداريت ع فرات وراسي من الالم يريد ينفجر

سالتها ع بيان ومهدي

كالت بالبيت ومروه يمهم ادير بالها عليهم

رجعت درت وجهي وابجي بحرررركه ع روحي وع اخوتي الصغار منو بعد الهم بهل دنيا بعدكم ياهلي

وصلنه للبيت لكينا صاير ملحمه ناس عارفه وةايين من الطرفين

اهل ابويه واهل امي واني مااعرف احد

شفتهن باالصاله ورياجيل كومه بالكراج والاستقبال

فتت للصاله وجهي مصوفر وحلكي ابيض مشككمن الصريخ وهذني النسوان لابسات شيلات واسود وكابلني يلطمن

ويحجن كولات ويصرخن اني ابد ممختلطه بيهم بس شفتهم

واكول بابا ماما هاي صالتكم ماكو انتو بيهاو هذوله العالم جايين يلطمون ع موتتكم متحملت وكعت بالكاع ع ركبي واصرررخ وابجي فقدت واكلهم لتطلموووووون اهلي ميعووووفوني هسة يررررجعون والنسوان تعيييييط وتصرخ

اخر شي جرتني ياسمين وكالت كافي حرام عليج هلكد تاذين نفسج كااافي

كتلها اريد اروح لغرفتهم

ودتني طبيت لكيت بيان ومهدي مكنبصين واحد بصف الثاني ويبجون بخوووف وحزن

شفتهم ركضت عليهم حضنتهم وابجيييي

ضليت حاضنتهم وهم خايفين ونبجي خليتهم بحضني واحس راسي صار شثكله من الالم

اباوع غرفتهم بعدها حلوه من دون البيت وهادئه وريحتهم بيها رحت ع كناتير اباوع دشاديش ابويه واشم بيهن وابجي فتحت كنتور ماما والزم بشالاتها واشم بيهن وابجي بكل حركتي اباوع ع غرفه احس اختفت الالوان بيها واكول يعني بعد مترجعون هنا بعد متجون الغرفتكم

واخواني مكنبصين ويصرخون ويايه

اشويه وفاتت فرات تعالو حبايبي جابو التوابيت ودعوهم

ركضت بكل قوتي

واصييييح يااااااااابه ليش عفتنننني ياااااااابه

ولج ماااااااما حاجيني اثنينكم مره وحده ليييييش فهموني ليييييييش

رفعت الخشبات واخواني ورايه يبجون كمت ابوسبراس ابويه وارجع ع امي من الجفن بس ابوس بيهم واصررررررخ ارجعووووولي لتررررروحووووون ارررررررجعووووووو

طب ماجد وسمير وزلم كالو خل نطلعهم

واني لازمه التابوتين اكلهمم ييييين ماخذذذذيهم ولله مااخليكم وخرو لتاخذووووهم مني وخرررررو

اصرررررخ ولازمتهن بالقوه كدرو يشيلون واني بس اصرخ والطم واملش بشعري وخدودي

من الصبح بس متريكه جنت وصارت ليل ع جره وحده عباط وبجي احس عيوني كامت تغوش ومااشوف زين

ومنا البجي حاجب الرؤيا اجتي فرات وياسمين وكومونه اني وبيان ومهدي من شاف التوابيت بقى يمنه وراها مشفته سالت عليه البنات كالو رجع للغرفه مال ابوج ويصرخ

طبيت للغرفه وشفته منهار ويصرخخخ بكلو علو صوته جان بعده صغيرة ع المصيبه وهو من غير شي بريئ

رحتله حضنته وابجي حييييل

وراها غفو بيان ومهدي بالكاع جبتلهم مخاديد وغطه

كمت رحت للحمام عسلت وجهي من الدم واديه فاتت فرات لكتني اتوضه باستني من راسي وكالت اول شي اغتسلي لزمتيهم ابوج وامج للاحتياط ضليت ابجي يعني تاليها من الزمهم اغسل انهاريت

فرات سدت الباب وهي غسلتلي واني كاعده ع تخته مال حمام من الميت امكنبصه ومحدبه واحس جبال وكعت ع ظهري وكسرته كسرت الاهل هيج

شعور قاسي ومؤلم مينعاش فقدانهم

غسلتلي وراها عدت وضوئي واتوجهت للغرفه من الاعزاز صارت انيسي وملجئي المصبر الوحيد ع بعدهم

علمتني فرات ع صلاة الوحشة

صليتلهم ودعيت ربي يجعل قبورهم نور وروضه من رياض الجنة

بعدها لزمت القران طلعت سورة يس اول سورة بلشت اقراها الهم وابجي واشهك وارجع اتذكر مصيبه السيدة زينب والم الفقدان

ويسالوننا عن الم الفقيد بقلوبنا

فنجيبهم..

هي فلذة

سرقت..

ونزفها اغرق الارواح..... يتبع

#تقليدي_بالف_عشق

#الكاتبة_اطياف_ابراهيم

#البارت_٥

التصوووووووويت حبايبي لتنسو❤️

....................

سيرين تقول لاحبابهه الراحو

واشتاگلك

وارجع طفل مايقتنع هو بعذر ..

ما يعرف فراگ،وهجر كل اليشوفه يريده !!

حاجاته كلهن بس اله ..

وممنوع واحد يقترب حاضنهن بچف ايده

هيج_انه_من_اشتاگلك

سيرين.. بعدها لزمت القران طلعت سورة يس اول سورة بلشت اقراها الهم وابجي واشهك وارجع اتذكر مصيبه السيدة زينب والم الفقدان

من كمت اقرالهم قران شوي هدئت ويا كلام الله

خلصت سورة يس

وبلشت اقرالهم من البدايه اقرة وتخنكني الحسرة ارجع ابجي وراها اكمل بقيت اقرة لحد الفجر واخواني نايمين وكأنو يريدون ينهزمون من الصدمة والحزن

للفجر سمعت صوت عياط خالاتي وعماتي كعدن الكل

رجعو من الدفنه رحتلهن اعيييط

كتلهن يعني دفنوتهم واخذتووووووهم مني يعني بعد مااشوف عيونهم بالدنيا

كللي منو يبقالي بعدهم منو يوكفلي من اوكع بمصيبه َمنو يفرح لفرحتي بعددددددهم ليش اخذتوووهم ليششش كمت املش بروحي وادك والطم تعبت كعدت ع ركبي وادك ع رجليه وخالاتي يصبرن بيه ويحضنن بيه وعماتي يبجن ع بجيي ويسكتون بيه

بس شيسكت كلبي الورم من البجي والقهر احسه كوه يجر النفس كد ماشهكت واختنكت

اجتي ياسمين شالتني ودتني للغرفة وتصبر بيه وتهدي بيه طبت فرات بيدها ماعون كيمر وكلاص جاي

فرات.. حبيبتي هذا التسووي ياذيهم ولله... استسلمي لامر ربج هنيىا الهم الشهادة انتي لازم تاكلين من البارحه قطره مي اكل مفاتت بحلكج ميصير هيج تبقين ميصير

سيرين.. تريديني اكل وانساهم جوه التراب.. دمهم بعد مابرد وترابهم بعده حار شلون اخلي لكمه بحلكي كوليلي شلون احسها تطب مرار بزردموي

ياسمين.. شلونج مساعه من قريتلهم قران ارجعي اقريلهم يفيدهم ويضوي قبرهم نور احسلج من البجي بعدين اكلي مو علمودج علمودهم حت تكدرين تقريلهم اكثر لخاطرهم.. اذا بقيتي هيج توكعين وانقلج مستشفى وشكد راح يضيع عليج وقت مقاريتلهم قران يعني حرامات تضيعين وقت من عمرج وهم محتاجين قرائتج للقران متدرين شكد تضوي وتوسع القبر هم شهداء ودرجه الشهيد عد ربنا نيل الجنة بس لتنسين الهم شباب جان والانسان لو معصوم بفتره الشباب هم يحمل ذنوب من اقل تصرف ف انتي من تقرين الهم قران راح تنمحي شكو ذنوب وحتلو ماكو عدهم ذنوب بس ع الاقل يجيهم ملك يكولهم هذه اهداء من بنتكم شكد راح يرتاحون بكبرهم وراح يحسون صدك ربو وتعبو من تجازيهم هي بس الفاتحه للميت كلش عظيمة والتوحيد اذا قريتيها ثلاث مرات تعتبرلهم ختمة قران اقريلهم قران وقللي انهيار وبجي بس ياذيج وياذي اخوانج باعيهم شلون جنهم عصافير مذبوحة

سيرين.. شويه هدئت ع كلامها وعتني حيل وكلت اقرالهم قران واستسلم لفراقهم بس ع الاقل اتواصل وياهم بالقرآن والدعاء والصلاة

باست راسي فرات وكالت يله اكلي وقوي روحج

اكلت نص صمونه بس كوه تفوت بزردموي احس مطبوك ميتقبل اكل شربت كلاص الجاي كله جنت تعبانه ومنايمه

كمت توضيت وقريت الوبن جنت واصله بقيت اقره بحدود ساعة ومنعزله عن كل البرة مااعرف شيسون شيحجون ومااريد اشوف اي بشر غير القران واخوتي البصفي اهتم بيهم بحدود ساعه قريت رفعت راسي من القران للسما ونزلت دمعة حارة مني دمعة الاستسلام لامر الله دمعة القبول ما قدر الله دعيتلهم بالغفر والراحه وتنوير قبورهم وهديت كل القريته الهم حسيت راسي يريد ينفجر من الليل لل٧ ونص ع جرة وحده

رحت لجربايتهم نمت ع مخده اشم ريحه امي كتلها حرمتيني منج وبعدني اصغيرة من اتزوج من توكف بعرسي ليش عفتوني يمه... حبيبتي اذتج اديج من تكطعو انت وين هسة تنامين بعد... مو هاي جربايتج انتي وبابا

بابا انت ليش عفتني منو يوكف بوجهه الناس التاذيني بعدك ليش بساع عفتوني ليش رحتو مني منو النه بابا اخواني كل واحد حاير بعيشته وجهاله واني واخوتي الصغار منو يحمينه منو يصرف عليهم بابا محتاجتك حييييل كمت ابجي واشهك ماادري شلون نمت

بس شلون نومه كلها كوابيس وتخنك فزيت باوعت ع ساعه ب ٢ ونص والصوت بره من بفرصه المدرسه بس غوي مالتهم

محد مهتم بس بحراره الصواب هسة بس اسمع سوالف وحياة طبيعيه

محتكيت بيهم و لا طلعت

طبعا طول هالفتره مروه مرة ماجد ولابينت و بس مره وحدة طبت اخذت من خاطري وطلعت بس ياسمين وفرات ماانسه وكفتهم ويايه وشايلين الفاتحه ع راسهم

للحظه اتذكرت اخوية قائد شتاقيتله اقرب واحداليه ردت احجي ويا واطمن

طبت ياسمين اخذت موبايلها وطلعت صفحة قائد لكيته ممتصل

خابرت رن رن مرد

رجعت خابرت من جديد ماكو

..

عفته الموبايل بصفي وكلت خل اكوم اسبح واتوضه واقره

رحت دخلت اخذت حمام بس ويا المي دموعي تتسابق الموقف مكاعد ينشال من عقلي من امي حضنتني اخر شي من بابا راد غده ويريد يروح لعمامي احس كانو واحد وكف الدنيا وخربطها واريد ارجع لهل نقطه ونكمل منها من جديد من قبل يومنه اليبدي ويا امي التعلمنه ع تنظيف وخبز وتوكفنه وياها حت محد يكول علينه مو نادرات ومن بابا رجعته ونتلاكا ب ها بابا الله يساعدك بلمتنه كل جمعة وصوت ابويه وامي جان يرن بكل ارجاء البيت راحن راحن بعد ميرجعن دموعي متوكف واقتنعت بالوكف الدنيا وهو قدر الله

والاكثر وضع العراق المو امان بسبب دولتنه الجبنه عمرنه محاميتنه بلحظات كسرت عمود بيتنه ووين هم عن الانفجارات ماادري حقدت ع كل الدوله الحقيرة ليش احنه مو مثل باقي الشعوب ليش بمشوار ابو ربع ساعه انخسرن روحين اعز من نفسي

ماادري شكد طولت بس حسيت تاخرت لفيت الخاولي ع راسي وطلعت احس راسي ثكيل قله نوم واكل وقله حيله ع القدر المشؤؤم

فتحت الباب وطلعت بوجهي مره وجهه اسمر حيل لابسه ثوب عريض وجانت تارسه نفسهه عطر عجايز

كامت تهز بيدها.. ولله فواتح تالي وكت لا تعرف بالاصول لا تلكت العالم صارلنه يومين لا عرفت منو جايها يقيم واجب ومنو متعني ملتهيه تتنظف وريحه شامبوها لسابع جار

اني صافنه شرد عليها كل عقلهم هالناس جايين مو حبا بينه بس شوفو سوينه العلينه رجعنه الدين لا وتريدني اكعد واجامل واسلم هو اني روحي مطايقتها عفتها كلت ماادوخ نفسي يكفي صداع راسي طبيت للغرفه وكمت ادردم بلزايد ركعت الباب وكعدت امشط وابجي غرفتهم فارغه من صوتهم من حنيتهم من نفسهم اووووف يا ربي ليش مخليتني اتهنه بيهم

قررت اترك المدرسه وحقدت ع تدريس لان بسببه راحو اعز اثنين ع قلبي

فتحت الخاولي وممشطت حت شعري هلكانه نفسي وكلبي متحطمات صعبه عليه اتقبل الامر

بهل الاثناء دك موبايل يمي كلت مال منو هذا

باوعت.. ياا هذا قائد

سيرين.. فتحت كتله شفت يا خوي شلون عافووونه شفتتت واناشغ وابجي

اسمعه يحجي ومخنوك ويكلي ولج ماشفتج ولج حت ماودعتهم اني هم اتسمه ابن بار بس كليلي

لج حت مشميتهم قبل ليدفنوهم ومحجيت وباهم

ااااااااااااخ يانار البيه اااااااخ وكام يبجي ويثغب

وابجي ع بجيه

شتسوي يا روحي غير دراستك ومتكدر وحتلو حاجز وجاي مراح تلحك عليهم

قائد.. اني سويتلهم فاتحه يمي

ماكدر ارجع هسه صارت اجرأت بالجواز والفيزه من تخلص اجيكم

سيرين... انتبه التفسك بس انتو البقيتولي بعدهم ياخوتي

قائد.. دير بالج ع بيان ومهدي صيرلهم اب وام بغيابي

سيرين.. سديته منه وكمت احس بااتعب من الم الفقدان والفراق من اقوه الامراض التخترق الروح وتعبت من البجي

تذكرت اني ممتوضيه رجعت للحمام اتوضبت وتوجهت للغرفه بس هالمره الحجي زاد علية واسمع مروه وبا النسوان تنطي بيه

كلت خل افشلها اضيع وقتي ويا تافهه لو افيد ابويه وامي بكم سورة

بس مسكتت لحد مكالت

يا شفايتلجن هيج بس نايمه ومتختخه غير هستوها طكتلها تلفون مدري ويا منو وخلصها مغازل

هنا مكدرت استتحمل تتهمني بشرفي لا وبعزه ابويه وامي واني معايله اهتمام لموتتهم

رحتلها كتله تحترمين نفسج وتجوزين مني لا وغلات العزاز اشوفج يوم اسود عمرج مشايفته

حجت مريه.. يمه يمه شكد صلفة عمي يطلع منها

كتلهم ولكم اخويه الحاجيته الله لا ينطيكم ان شالله

فتت للغرفه مديت السجاده توجهت للقبله رفعت ايدي اصلي

وجان اندفر وانركعت بالميز تواليت

باوعت

صوتج اذا عله افرغه براسج وروح ابويه وامي

باوعت معقوله ماجد

ماجد.. هذا يا كو... جنتي تحجين ويااااا احجي حقيرة وانهد عليه ايد ع حلكي وبرجليه دفرات ع كفخات بوجهي اني مماكله شي وراسي من البجي مورم محسيت غير اختفه كلشي غوش وصار بياض ع عيوني... يتبع

اسفه ع تاخير سامحوني بس مخبوصه بعيد ميلاد بنتي اول وحده ومحتاره بيها

لتنسون التصويت والتفاعل والتعليق

احبكم

#تقليدي_بالف_عشق

#الكاتبة_اطياف_ابراهيم

#البارت_٦

.........................

يلتمن عليه مشتتات البال

وانفضهن نفض وانهض ولاجني

وليت وعف ضميري وماكسرت العود

ولسن شبه الزلم ...بالعلن سبني

كفاني امرح ورع والتذ بحب الناس

وعملات الكبح مايوم خاوني

لازحت الحيا ،،،، لاضيعت معروف

ولاخنت الوفا وربعي اجفلوا مني

اضحك بالوجوه بغير راحة بال

واصبر لو ليالي العسر ضكني

..........................

سيرين.. فتت للغرفه مديت السجاده توجهت للقبله رفعت ايدي اصلي

وجان اندفر وانركعت بالميز تواليت

باوعت

صوتج اذا عله افرغه براسج وروح ابويه وامي

باوعت معقوله ماجد

ماجد.. هذا يا كو... جنتي تحجين ويااااا احجي حقيرة وانهد عليه ايد ع حلكي وبرجليه دفرات ع كفخات بوجهي اني مماكله شي وراسي من البجي مورم محسيت غير اختفه كلشي غوش وصار بياض ع عيوني...

كمت مااشوف زين بس بعدني بوعيي مااحس بس بضربات ع ظهري ورجليه واصوات ممفهومه وضرب قوي واني واكعه بالكاع لحد محسيت وكفت الضرب كمت احاول افتح عيوني وافرك بيهن من الدمع والغواش

سمير.. لككككك حيووووان فضحتنااااا كدام العالم تتحاسب بعدين من نتاكد... هسه شبكولون الناس بس جبتلنه السهبه والفضايح كوم منها يا عار

ماجد.. سمير الزم حدودك ويايه.. هايه الساقطه فوك مكاسره عينه بكل عين كويه تتهجم ع مرتي ومهامهه موتت ابوي وامي تخابر بالولد... ولك وين نررروح نطم روسنه كلي ووووووين هاي وصمه عار علينه اليوم انهييها

سيرين.. جنت بسد سمير واشوفلك ماجد رجع هجم مثل الكائنات المفترسه تريد تكتل فريستها واني لا ايد ولا رجل تقدم وعت شعري جان يدفعه سمير وماجد انركع بحافه الجربايه انضرب زره بيها وشاطتت روحهه

سمير.. لتطلعني من طوري فضحتنا يااااااكلب الصممممم... عدك اثباتات عليها شفت بعينك لو ورا حجي النسوان وكالبنه مثل الثور الهايج

طلعلي دليل ونفهم من الطرفين ولو صدك مو بس اضربها ارمي رجليها اثنينهم واسكطها

سيرين.. اني مكوره روحي النفس عزيزه الم جسمي بجسمي خوف من الضرب

البنات اختفو من كدامي وجانو بس سمير ومتجد وحت سمير مدري منو صايحه بس مهدي جان بالغرفه هم ويبجي عليه وخايف وبيان ماادري وينها

ماجد.. اكلك مرتي سمعتها وغلست وتكول النسوان سوونه علج وحده بنصهن سامعتها وطاشه الخبر لك سوتنه علج هالساقطه

سيرين.. كتلهم ولله قائد ولله قائد اذا متصدكون سالوه هسه خابرته من ياسمين

سمير.. طيح الله حظك يا ماجد ع هالفضيحه اذا صدك

كومي جيبي موبايلها خل اشوف

كمت وجان ع جربايه الموبايل فتت من ماجد واني ارجف اول مره هيج اخاف منه وبسرعه جريته الموبايل وركضت يم سمير فتحه

لكا المكالمه

رجع خابر ع قائد وقائد شتط لسابع سمه من حجوله َكلهم ويايه تحجي جانت

بعدها طبت فرات وياسمين جايبات صينيه اكل بس لكو الولد واني مدمايه شهكن ويبقن يتسالن

جان تحجي ياسمين بنتر... ياا فوك كسرتها وضيمها مكسره هاليتيمه بعد حت ممخلص عزه اهلها غير اني بيدي انطيتها موبايلي تحاجي قائد وكلنه ندري شكد تخابره ويخابرها ع اتفهه الامور لا عاد موتت اهلها

سوده عليه رحت ضحيه لوزوزه المنافقات

ماجد.. خليني محترمج لا اعلمج منو هذا التوزه مره

سمير.. انجبي ياسمين والصمي من الزلم موجوده متفكن حلوكجن.. وانت يا ماجد شويه بحكمك مو شينكال كدامك تهوبز وتصدك بساع

ماجد.. شقصدك شو هواي تماطلت وتجاوزت نسيت اني الاكبر منك شقصدك هااا.. اني كلمه تجيبني وكلمه تردني

سمير.. الحك ينكال ع جبير وصغير.. وانت شلون متفسرها فسرها خلو الفاتحه اتفض ع خير لا وعلي اكلب عاليها سافلها.. وانتي بويه سيرين كابلي عباد الله كلها جايه تعزيج خلي عدج مكانه وشخصيه وقوي كلبج هن اليوم والباجر وكلها رايحه عيب تتختلين وعايفتهم اني جبيره وعليج عتب ولتلزمين موبايل وتخابرين الوادم تفسر بمزاجهه ويموتون ع فتنه وميحسبون لكسرتنه وحزنه جايه تترس بطونها اكال وحلكهم ميفرغ من القال والقلت

سيرين.. ولله يا خويه كاعده اقره قران لعزاز الروح العافوني ومااريد اشوف بشر لان اريد اختلي بروحي ويا دمعتي والقران والصلاة مرايده اشوف بشر كدامي كاعد ومنتظر يخلون الماعون كدامه ويدور لحمه جبيره وميحسب لموتت اهلي اليتموني

سمير.. هي هاي الدنيا شنسوي قابل محد يحس بالنار بس المحترك بيها هم ناس ماشيه حياتهم وامورهم وجيتهم رد جميل وواجب وخلص منكدر نجبرهم ع الحزن والبجي هاي سنة الحياة بعد.. معليج بيهم كعدي ويمج البنات واستقبلي اليواسيج..

وبعدين تكولين يتموني جا واحنه ٦ زلم مو بعينج نسد عين الشمس ونوكف بظهرج لحد ماالله ياخذ امانته يله بويه كومي اخريتني ع الوادم

سيرين.. شكد ارتاخ كلبي صدك الخوة نعمه

اجوي البنات يمي وماجد طلع ويهز بايده حسيته تغير مو ماجد الاولي

حضنني فرات وياسمين

ياسمين.. هايه الحيه الزركه ام براطم اني الها عبالها فالتو تحرك عليج هالسويده تارسه وجهه باودر واحنه بفاتحه وحلكها ابيض من الباودر جنها طالعه من الكبور بكفاله الطماعه مخلصتها لا شغل ولا عمل تلم فضاله وتمن بجياسه الزبل السوده ع ابو زبل وتوديهن بسياره بالسكته كلساع لابسته عبايتها وناكله شكم ودزه لحم وتمن الفضالات

فرات.. يااا واني اكول من تنظف الاماعين تفقل الباب وتكَول وحدي وتبقه كومه زين شلون جابت سويج السياره وشلون طلعت وانوبه تفتح الباب الكاها غاسله ربع الاماعين وتكوم تصيح يله بنات فد وحده توكف ويايه ظهري انكسر.. خرب عرضها شكد فكر.. بس كليلي شلون كشفتيها

ياسمين.. شبيج اني تفوتني اني قبطان نامق

فرات.. اهوو كامت تتمنطق دحجي هو انتي برين الغبي

ياسمين.. دنجبي انجبي ذاك البارحه الظهر فرقد توازت بطنها محصوره والجوه جانن لازمات عليه سره كلتلي راح اروح باللي بره بالحديقه

وشافت مروه تغطي بوجهها بشال اسود وعبايه كامت تباوعلها من بره شوه شالت جيس وطلعت مثل المبوشه وراها طبت بالمطبخ شالت جدر وترسته لحم وهم تبوشت وطلعت ورجعت

فرات.. يجوز كاعد تذبهن بالزبل حشيتيها

ياسمين.. خاب هوو ياهو برين اني لو انتي جا تذب الجدر بالزباله شبيها انكرصت والزبل كلها ع اثير هو يذبهن وبعدين من رجعت ضمت مفتاح بصدرهه وكبل فرقد طبت وتدرين بفرقد الوكيحه كلتلها شنو عمه حتتعشون ببيتكم كلتلها شنو ليش بس فرقد تكول صارت هلكدودها كلتلها فرقد مو اشوفج تودين اكل ومبوشه

تكول كامت تمتمت وتضحك يااا حبيبتي شبيييج شو محلوه بله اشوف ظفيرتج.. ولزمت ظفيرتها وعتتها حيل كلتلها اذا كلتي لاحد اموتج اني ذبيتهن بالزبل

فرقد دفعتها وكلتلها لتجريني واذا ذبيتهن المن ذبيتي الجدر والسويج شيسوي بيدج وها الزبل ع عمو اثير

تكول عصبت مروه وظلت تصيح ودفعتها من المطبخ وراحت

بس، تدرين فرات اني رغم اذت بنتي استحيت اواجهه حت مااخجلها بس ولله لعيون سوسو اله اعييرها واخيسها بمكانها

شكلتي سوسو انداريت هي بصفي كاعده لكيتها غافيه ع جتف فرات ورايحه بسابع نومه

ياسمين. بهمس... يا شو محسيت

فرات. بهمس.. غير انتي مجراشه ولا تطفين كومي جيبي غطه ومخده عدلنه نومتها وغطيناها وظلمنه الغرفه وطلعنه

........

ماجد.. سمعيني يا مروه جوزي من المشاكل لا اكسر راسج

مروه.. اكلك شدخلني اني النسوان وكببنها وخفت ع اختك وبلغتك لتسويها قصة وبعدين شلون نحصل البيت قبل ميخمطه منه سمير شفته شلون كامت يتلوك ويبع بطولات وانته الاكبر منه واولى

ماجد.. انجبي حقيره اهلي البارحه ماتو وتفكرين ببيوت

مروه.. اكلك اني ممفكره ببيوت هم راحو الله يرحمهم وكسرونه بس انت ماجد ظهرك انكسر من الايجارات وانته الاكبر عباس بيته ملك وسمير هم ايجار بس انت الاكبر وراتبك اقل وهو يلعب بالفلوس لعب اني غير افكر بمستقبل مؤمل باجر يكبر يتزوج يدرس واحنه ذاك بيتنه كن مال دجاج هلكدوده

ماجد.. متاكلين خره تالي عمري بت سعدونه الدلاله العايشه بخرابه تريد قصور ولله وكت هو الماشاف وشاف

مروه.. ليش هيج ماجد ليش وكامت تبجي

ماجد.. بسج عاد لتبجين مناالعالم وشكتلج قابل انتي العلتي

مروه.. لعد ترهمها باجر من ينشال الجادر اتفاتحهم بالموضوع

ماجد.. اشبيج هلكد تلحين دمرتيني

مروه.. شبيك ماجد ولله هلكتنه الديون البتوت الذهب ب ٣ ملايين لهسه ممكمله قصطهن من امي سددت بس ٦٠٠ ومناك انت مطلوب مليونين ولله حياتنه متدهوره من الايجار ماخذ نص الراتب ولله خل نعيش بملك ونرتاح ونشتري شكو بنفسنه ملينه من الدين والتحسر

ماجد.. الله اكبر عليج هو ياهو معيشينه بظيم غير شروتج اشفتي كدامج رحتي قلدتي واخواتج حتلو اشترن خرا وتروحين تشتريه

مروه.. حبيبي لتغلط ومبين اقتنعت من كبرت

ماجد.. مو كدامج بلال الحبشي دولي من يمي وخطيت الضرب مال ياسمين بركبتج شيشتيني ولي اني احاجيهم بس لان تعتبت من الديون مالتج ولي من خلقتي

فرقد.. دااوخر وصارت مروه بوجهي فتحت باب الغرفه الفوك مال عمو اثير

اني كمزت وهي صرخت بوجهي

مروه.. ولج شنو من بشر انتي بكد القندره وتتسنطين ع رجال ومرته شو تعاي

فرقد.. هجمت عليه وهي سويده وقزمه وكرشها يركض كدامها جرت اذني دفعتها وتفلت عليها واااااااالله جريتها ركضه سويت الدرج شبختين ليلزمني عمو ماجد

رحت لماما حجيتلها وشاطت لسابع سما وكالت جايتج يبت الدلاله

وبعدين كالت.. ولج انتي نعلان المن صايرة تتصنطين منو معلمج شنو بويه شعدج تلحكين وراها هالزركه

فرقد.. ماما معليه ولله بس عمو اثير دزني اجيبله باكيت الجكاير وصوتهم جان عالي من جابو طاري بابا

عافتني ماما وراحت جنت متاكده رايحه لعمه مروه السويده لحكتها وفرحانه بلكت تكتلها صعدت ماما لكتها كاعده بغرفه عمو اثير وتعلف لحم وخبز ومومل بصفها يبجي يكولها راح ازوع كافي مااريد وتزق بي

ياسمين.. ولج بت الدلاله ام الفضاله منو اليتلوك اني تحجين ع رجلي واسكتلج اذا ماانععلج ضلوعج مااتسمي ياسمين

فرقد.. هي ماما هجمت وانوبه طويله ومؤمل لكاها من الله فلت من الخبز ولحم وفات مني كلي همزبن اجيتو ونزل يكمز واني واكفه بالباب واصيح ماما ماما

جان يعيييييط بينه بعلو صوته الكل جمد بمكانه... يتبع

#تقليدي_بالف_عشق

#الكاتبة_اطياف_ابراهيم

#البارت_٧

.........................

هواي مصدوم وكمت منهن جبير

من حبيب ومن صديق ومن خوي

هنه ثكلن بس عرفت انوب أطير

النار وحدة الشور شور أهل الجوي

صدمة البي مستحه تعوفك جسير

وصدمة المايستحي تردك قوي

الناس تلدغ وأني أبو كلب الفطير

بس تبت من طيبتي وكمت أنزوي

................................

فرقد.. هي ماما هجمت وانوبه طويله ومؤمل لكاها من الله فلت من الخبز ولحم وفات مني كلي همزبن اجيتو ونزل يكمز واني واكفه بالباب واصيح ماما ماما

جان يعيييييط بينه بعلو صوته الكل جمد بمكانه...

اثير.. وللللجن صوووتجن تخبلتن ثيران هايجه

مروه.. الحكلي صيحي ماجد يأدب هالكح...

اثير.. اكلي خرررررا وتحجيها بوجهي هالمصطلحات باعي ترا شايف (كام يكفر)

طلعن من غرفتي وحسجن صوتجن اسمعه اركع راس براس

فرقد.. كيفت مروه حصلت كتله طلعت نافخه ريشي واتبخرت بمشيتي وصلت للباب جان انجر بلويه من اذني راحت الهيبه كلها

اثير.. صخمد وين الجكاير

فرقد.. شبيك. عمو فرقد مو صخمد.. بعدين شفت كدامك حرب البسوس اذا افوت بنص نصير مثل الغيمه والعصافير تركص فوك راسي

جان يضربني جلاق طلعي حيوانه فات لغرفته لو ما عيب جان رجعتله الجلاق وجهه كله حب ومثلث صاير من الضعف وبس جكاير صايره خدامته

بفاتحه بيبي وجدو الله يرحمهم جنت بصف سادس ابتدائي بكد عمتي بيان بس اصيحها باسمها هي وسيرين لان صديقتهم عبالك

.........

سيرين.. كعدت من النوم نفس الخنكه الحاصره صدري.. خساره الاحباب من اقوه الامراض التهلك الكلب والروح مرض قاتل يستحوذ كل داخلنه ومنكدر نعالجه بس الله ينطينه جرعات الصبر التخلينه نتنفس ونعيش ونكمل حياتنه

اوووف يهل دنيا شكد كويه وتتطلب منا ناكل ونشرب ونتقبل الامر واحبابنه جوه التراب

طلعت توضيت وصليت وراها كلت خل اروح اكعد بنص النسوان ونفس اللطم والبجي ورا شويه يهدأن بس كل موجه تطب تلطم وتصرخ وراها تكعد وينسون ويسولفون ويبسبسون بس اني كلبي ملجوم جابولهن عشا وبدات الحرب ع الماعون الزين واللحمه الجبيره وهاي تصيح اريد خاشوكه وذيج تصيح ذبي خضورات يمي

احس كأنو ممقدرين موقف الحزن مدري لان الراحو يعنولي اكثر من روحي ف اتحسس وبعدين اكول هم صح هم جايين كد واجب ويروحون بعدين اكول حتلو يعني مشايفين قابل اكل

لعبت نفسي منهم

رحت توضيت ورجعت لغرفه الامان الصارت ملجئي هل باقي منهم ومن ريحتهم قررت حت اترك غرفتي وغرفتهم تصير ملجئي وانيسة وحشتي

كعدت اقره قران ومرت ايام الفاتحه وبيوم الختمه وسوولهم صينيه كلها شموع وبخور وحلويات ويقرون عليها قران وراها بدت الملا تنعي هنا ملخت روحي لخيت صوت لا خدود مخرمشت لا شعر مكطعته وبجي احس فحطت ع كد الصريخ والدموع

ومرت الايام وصارت السبعه مالتهم وسولهم عقيقة البيت جان هادئ ومهدي وبيان يمي واثير ميحاجيني الكل لاحظ انكساري عن الكل مدري احس بالذنب بسبب نتيجتي بس ولله هو انفجار ارهابي اني بريئه حقدت مو بس كرررهت الدراسه بحيث وين مااشوف كدامي دفتر كتاب الزمه اشككه شكد جنت مجتهده والكل تحبني المدرسات بس حقدت خسرت اعزازي بسبب المدرسه

قررت وخصمت قراري ماادرس للابد واخلص حياتي مااموت والتقي باهلي بعد الموت

(من اكثر القرارات خطأ القرارات التي تتخذ بساعة. الغضب)

جان هالعبارة تتكرر بعقلي.. بس مهميت وكمت اثولها واكول حتلو اني مو غاضبه بس خسرتهم بسبب الدراسه.... خلص قراري انتهى

بعد السبعه ثاني يوم التمو اخواني واتغدو وكملو

صبينه الجاي

ماجد.. يابه عندي موضوع وياكم

عباس.. كول خويه

سيرين.. اباوع ع مروه كامت متعرف شتسوي وتاكل باظافرها

جانت تقاطعها ياسمين.. المن تلطعين غسلي اديج كلها زفره يبووو

اباوع ع مروه ترزلت وبقت مكانها ومردت مو عوايدها بقت عينها ع الولد

ماجد.. اني اريد انتقل للبيت واكعد مدام اكو مجال واني ايجار كاسر ظهري ومديون

سمير.. ولك شنو مدام جنك كيفت بموتتهم وكبل مجهز ومفكر واحنه الهسه بعدنه ممصدكين راحو منه وجفته وحدهم ثنينهم شو متستحي يعد ورثك فد مره

ماجد.. انت مالك دخل اني الاكبر منك مو انت تسوي هيج حت تسبقني حت تكعد بمكاني

سمير.. مستوعب التحجي ولك اسبقك شنو دنك راسك ع كلامك مبين مهز بدنك موتهم... لك اني ٤ بركبتي وايجار وراتبي بالمليم يا دوب كافي ومفكرت ولا اجه ببالي هالفكر الشيطاني ولله وروح ابويه وامي لا ردت اسبق ولا رايد اكعد قبلك شعدنه سباق

عمي تكعد وروح بفالك بس كلش زحمه هاي الطلعه

ماجد.. اكلك اني لو ماالدين جان مخطيت خطوه اني راتبي ميكفي

سمير.. ولك يا دين بس لو قنوعين مجلن وكعتو روحكم بالديون شو بس اوحيد عندك وراتبك وراتبي نفسه واني ٤ بركبتي بس مستوره

ماجد.. معليك شنو تعييرني اني مو مدبر لو شنو ع العموم العدي بس ردت انطيكم خبر ولنهايه الشهر مستقر هنا

عباس.. اكلكم شنو بعدالمن مكعديني بنصكم طرطور لا كلمه ولا شور

اثنينكم تنجبون واثنينكم تحولون هنا ماجد انت جوه وسمير فوك

اثير يحول هو ومهدي بالاستقبال ينامون وجهال سمير ويا سيرين وبيان

ومؤمل بالهول واذا ولد سمير يختنكون بنص البنات ينزلون بالهول

ترا البيت ٣٠٠ وجبير ومااسمع اي اعتراض مفهووووم

سيرين.. اني هنا متحملت حجيت كتلهم يعني غرفه بابا وماما حتاخذوها هي بس هالبقتلي من ريحتهم اني وبيان نستقر بيها الله يخليك عباس والغرفه مالتي الفوك مااريدها اخذوها مااريد جربايه وغراضهم تنذب اموت ولله هن المصبراتني ع بعدهم هن ريحتهم بالدنيا وذكرتهم الوحيده ابوس ايدك خويه مرايدة شي بهل دنيا بس ارضه كمت ابجي واناشغ

كلي عباس

تعالي بويه شهل دمع اني وين رحت اني بظهرج ابوج وامج مو بس اخوج وحضني وخليت راسي بحضنه وابجي

عباس.. يجرالج تنزلن انتي وبنونه انتن معززات مكرمات اليمسجن اكسرله ظهره وماجد وحرمته يحولون بغرفتجن هي وسيعه هو الفوك بس هالغرفتين غرفتجن وغرفه اثير وكبار

الازعطه كلهم بالهول واثير ومهدي بالاستقبال

فرحت بست راسه وكتله الله ميحرمني منك حبيبي تاج راسب بعدهم

كمز ماجد وعاط

ماجد.. بله اني شكبرني مشورب ورجال تشطحني فوك علمود هالزعطوطه شو جبتلي سمير وهوسته وسكتت انوب تحولني فوك لعين هالزعطوطه

عباس.. ماجد شغييرك لتخليني استخدم وياك اسلوب ميعجبك ولله اطلعلك ورثك كم فلس ومن هسه ماالك رجل بهل بيت انتو رجال ومرته فوك اريحلكم جوه جهال سمير وجهالك واخوانك فوك هادي وواسع وجوه بوكت الاكل كلكم جدر واحد متغيير فوك لو جوه

ماجد.. هيين خويه هيين ويخزر بيه

عباس.. شنو تهدد بيه ولك

ماجد.. لا خويه حاشا.. كام وكال راضي بقرارك وان شالله محولين هنا

سيرين.. باوعت المروه احس انضربت مصالحها كامت تخزر بيه وتنافخ ووجهها ميتفسر اما ياسمين مهامها البيت بس جانت كاعد وتحشش هي وفرات واكيد ع مروه لان يتبسبسن

كامو طلعو وفتنا للمطبخ اني وفرات جان تفوتلنه مروه

اول مره تسويها بعمرها هجمت عليه وكامت تضرب اني مااعرف اتعارك واضرب وجسمي منحل لا اكل ولا شرب جان تندار عليها فرات وبعيطه هاااااي شسووووين ولج وتولتها دك وكفش

كوووه فكيتهن جان تتقدم مروه عليه

مروه.. تحديتي الكل واخذ الغرفه الرادها اخوج بس راح تتحول عليج سوده واكرهج بيها وعود تذكري دموع التماسيح... يتبع

فدوه العمركم التصويت بس ضغطه ع نجمه ولله متعب ولله😭

كافئو تعبي بالتصويت اني هالتعب كلها بدون مقابل ولله اكو كاتبات يقفلون القصه ومتنفتح الا برصيد بس اني احبكم ومااسوي هيج بس اريد تصوتون حت تاخذ استحقاقها وتصعد

وها تاكات هم 😁❤️🌸🌸🌸🌸🌸

❤️❤️❤️❤️❤️😒

#تقليدي_بالف_عشق

#الكاتبة_اطياف_ابراهيم

#البارت_٨

...........................

المهم غورگت عيني وناسي منتظرين

شماته وناطرة دموع الخسر حلمه

يهنيال الطفل بالعبرة مايحتار

يلم ادموعه ويذبهه بحضن امه

..................................

مروه.. تحديتي الكل واخذ الغرفه الرادها اخوج بس راح تتحول عليج سوده واكرهج بيها وعود تذكري دموع التماسيح...

سيرين.. وخري من خلقتي ما الي خلكج البيه كافيني وما بيه حيلج

فرات.. ولخلقج ي مروه ان عدتي هالتصرف تكون نهايتج ع ايدي وكلما اجي اشوف شتسوين اكسر راسج ولله

ماجد.. بله كلينه ست فرات يا تصرف وشنو تكسرين راسها شنو احنه عبيد تحت رحمتكم انتي ورجلج شايخين وتصلخون وتذبحون شنووووووو احجيلي

فرات... هاي لان نحجي الحق ونخاف ع حق اليتيم نصير ظلام مرتك التدافعلها لزمت اختك موتتها كتل لان رادت سيرين تبقى بغرفه امها ع ريحه اامها وابوها تراضهه

ماجد.. لتحجين ع مرتي هيج مااسمحلج ولتلفقين كلام مرتي مو تفكيرها مادي ووصخ وبعدين انتي ماده ايدج ع مرتي هالمره عبرتها الثانيه تشوفين غير تصرف

فرات.. ولله مع الاسف بس سبحان الله من توكع على علتة تبين ملتة .... هاي بعدها طفله والدهر يتمها وانت سندها تنضرب وتسكت وتغلس

ماجد.. مدخلج لتصيرين محامي دفاع براسي.. ذيج اختي لو متاذيه تحجي وهلساكته باعي اني سوالف نسوان متصرفلي وخري من طريقي اغسل ايدي

..

سيرين.. ولاول مره اشوف واكتشف اخويه وكانو كان لابس قناع المحبه لحين منفتحله مجال وراحو اليحموني نزعه ماادري تسرع مني ضجت منه او يجوز كل رجال هيج يدافع عن مرته ومينطي بيها وبيناتهم يحاسبها

عفت كلشي وصحت البيان انلملم ملابسنه حت نحول ع غرفه بابا وماما صعدت فتحت كنتوري باب ابو طلاقتين كمت اشيل ملابسي واشمر بالسله بس بدون خلك الدنيا طالعه من عيني كملتهم بقه بس تراكسود شلته جان يوكع دفتر مذكراتي من الاول متوسط للثالث كل سنه يكتوبلي بي صديقاتي وبابا وماما وبيان بس الولد ولا واحد يرضي ذكتب يكولون بطرانه المن ذكري حتطيرين للمريخ وتتذكرين بينه

شفته واني شهكت أصابعي كامت تتسابق ع الاوراق ادور ذكريات بابا وماما وعيوني كامت تصب اوخربالدمع ويوكع ع دفتر وهو تايخه اوراقه اكول لا لتوكعن يخرب وتروح اعز ذكرياتي

طلعتلي باول صفحه.

الى حبيبة. امها

الى ابنتي الحلوة سيرين اتمنى من الله ان يحفظك ويحقق امانيك والنجاح في حياتك العلميه والعمليه

امك نجاة

وقلب بصف اسمها كمت ابجي بقوه وابوس بحروف الورقه

درت صفحات لكيت مذكره ثانيه

بنوتي الحلوة اليوم نجحت وصارت صف ثاني وكذاك ضبطت الخبز زين واني فرحانه وفخوره بيها حبيبة امها احلا بنوته

امج

.... اباوع ع كلامها وابتسم وابجي ومن كاتبه تعبمت ع خبز تذكرت اديها وكمت ادك ع رجليه واصرخ ليش اخذتهم يا ربي ليييييش

جان اخذتني وياهم...

كمت اقره بي هواي ماما كاتبتلي حت من دون ماادري لو الكه احبج بنتي بورقه

بس بابا كاتبه بس ذكرتين

وحده ع نجاحي من الاول للثاني

والثانيه هم ع نجاحي الثاني للثالث جان محتواها

.. الى وردتي الجميله التي كلما نضجت اكثر فاح عطر تفوقها ونجاحها ادعو الله ان يجعلك من الصالحات وان يهبك السعادة و الخير

اباوع وابجي واكوله يا خير هذا بابا يا خير وانتوو رحتو مني

مرت الايام وكانت اشبه بايام الخير من تجف اوراق الشجر ويروح لونها الناصع وتتحول الى لون اشبهه بالتراب هيج صار داخلي محطم ومثل التراب المنثور ماكو اي حياة صحراء قاحله

جانت حياتي عبارة عن انظف واطبخ واخبز لاثير وبيان ومهدي الولد بعدهم ممنتقلين لحد ميكمل شهر ايجارهم

كاعده العصريه بالطرمه واباوع ع سماء واتامل بيها وجههم ابوبه وامي ودمعتي نزلت مثل كل مره احسها جمر ينزل ع خدودي

واني صافنه دخل ماجد وعائلته وكلي فوتي فوتي ع سريع

دخلت للمطبخ وطبت مروه ومؤمل حت مسلمت فاتت وسدت باب المطبخ وضلت تباوع من الشباك

وكفت دااشوف شنو

انفتح باب الشارع ودخلت سياره محمله كومه اغراض عرفت راح ينتقلون

واسمع مروه تحجي ويا روحها بس كون هذا العامل الزمال ميكسر التحفيات ذبيت دم كلبي يله جبتهن غاليات يربي

هزيت ايدي ورحت جان تصيح مروه

مروه.. هيو وين موليه متشوفين اخوج مخبوص تعالي ننكل الغراض ونسفط

سيرين.. بداخلي اكول الزمها واطيح حظها بس روحي خلصانه مالي خلك مشاكل سكتت ووكفت انتظر

راحو العمال وبدينا ننكل والست مروه بس تنكنك لتكسرين فلان ولتشخطين علان وغراضي وغراضي واني مو بحالها مفشلتها واشتغل وياها

بس الصدمني غرفتهم الاخشاب ماكو سالتها مروه وين والغرفه شعجب ماكو

مروه.. ميحتاج غرفه المرحومين ناخذها غرفتنه بعتها محتاجه فلوس واضطربت بعتها لحماتي

سيرين.. اني واحد وضربني ع راسي صحاني... كتلها اكولج انتي ع اي اساس تقررين هيج الغرفه ماانطيها فهمتي

مروه.. شنو ناويه تعرسين بيها ههههه تهي بهي

سيرين.. احترمي نفسج ولتحجين هيج ماانطيها هي الشي الوحيد البقالي من ريحتهم والذكرى الوحيدة وكدام اخواني كلهم اتفقنه اني انام بيها اني واختي

مروه.. باعي سوالفج متوكل خبز عندي مو اني القررت اخوج قرر.. وهاه ابن الحلال بذكره

يابه ماجد مو انته البعت اخشابنه لان معدنه فلوس واحتاجينه

ماجد.. شكو اصواتجن لاخر الشارع.. اكل شنو تساليني اني بعتها متدرين

مروه.. لا مو دااكد الحبيبتي سيرين تكلي انتي بايعتها حتى تبوكين غرفه اهلي انتي ورجلج الحراميه

سيرين.. اني بس فاتحه حلكي ومصدومه ع كميه الجذب انوبه كامت تزيد بالموجه مال جذب وياها بجي ومناشغ

ماجد.. ولج انتي شنو كلبه مخليه كورج من كوري هاااا... شنو شفتي امج ماتت كلتي خل اصير بله تربيه... بصيااااح نسيتي عدج اخوان يكسررررون ظهرج ساقطه

سيرين.. كبل نزلت دمعتي وحسيت بالغربه والوحده.. كتله الاخوان اليسندون الظهر مو يكسروه اني كلت هيج وهجم عليه بلا رحمه ضرب قوي ومروه ولا حامتلي عافتني وراحت للغرفه مال اهلي ماادري شتسوي بس مومل هجم ع ابو ويضرب بظهره من ورا هو بعد بالابتدائي طفل وعنده رحمه.. وظل يصيح ع ابوه ايكوله وخر من عمتوووو يلا وخرررررر

كمل كتل وتفل عليه وطلع من البيت وركع الباب حيل واني امدده بالكاع لا ايد ولا رجل وعيوني تجري من الم الضرب من الم الخذلان باخويه الجان حنين وهسه تغيير وبوقت الاني محتاجه الاهل بس فعلا من توكع على علتة تبين علتة

ضليت بالكاع ابجي وشويه خدوش ودم بايدي كعدت عدل وخليت ظهري ع الحايط ورفعت راسي للسما وكتله يارب مردت شي بس غرفه اهلي لان ذكرتهم اليه الوحيده وحرموني منها ربي اني ضعيفه لا حول ولا قوة بس انته سندي الوحيد اذا الاخ خذلني ف انت متخذلني شويه وطلعت مروه وشمرت دشاديش ابويه وكلبيات ماما بالكاع وكالت هذني لو ينذبن لو ينطن للمجاديه شكو مخلين ملابس موتى بالبيت تعمون عليه بس الفال الشر بيهم هي كالت هيج واني نسيت حت جسمي المكسر والخوف من ماجد ليجرع يكتلني وتغلط وتتجاوز ع اهلي وبعدهم مطالعه الاربعين ركضت عليها بكل قوتي اول شي سويه ضربتها بنص وجهها مثل البوكس خشمها طك دم وبعدين عتيت شعرها وهي قزمه اجر بشعرها واكطع بي ودك ع ظهرها ايدها يطلع كدامي بحركه دم وضرب قوي موتتها كتل واصيح عليها واغلط اكولها ولج انتي الحافيه تستهانين باهلي ملابس تاج راسج يا وصخه يامجديه وانتي الشر الراحَيخييم ع بيتنه يا ططوه

كتلتها وهي بس فالحه تكرص بخاصرتي واديه بس اني جنزتها تجنز كلت شو هي خربت والغرفه واخذوها ظلم...

ضلت تصرخ وتنحب ومحد اجاها اخذت بيان ومهدي وصعدت فوك ولميت ملابس اهلي وصعدتهن ضميتهن بكنتوري وصفطتهن وتمددت اريد انام

جان ينفتح الباب بقوه... يتبع

#تقليدي_بالف_عشق

#الكاتبة_اطياف_ابراهيم

#البارت_٩

.........................

سيرين.. ضلت مروة تصرخ وتنحب ومحد اجاها اخذت بيان ومهدي وصعدت فوك ولميت ملابس اهلي وصعدتهن ضميتهن بكنتوري وصفطتهن وتمددت اريد انام

جان ينفتح الباب بقوه

وجان تطب ياسمين

ياسمين.. ولج شمسويه بهاي خشمها طاك دم وعينها مزوركه جنها گمله مفغوصه ههههههه

فرقد.. ههههه عاشت ايدج عمه زين تسوين هايه متمشي اله بالاهاين جنها الجلب اسبايك بس مجعوص

ياسمين.. انجبي زمو مخصج احجيلي انتي شلون هيج كتلتيها

سيرين.. حجيتلها الصار وياسمين عيونها صارت براسها وكالت ولله مااخليها تاخذ الغرفه منكم شنو تايهه تظلمك ولله اني صح ايجار وعيشتي صعبه بس هواي احب بيتي لان ما بيه شر وقال وقلت ولسبب واحد بقيت هنا حتى تتبقون كدام عيني انتي واخوانج الصغار ادري هالحيه مسمومه بس اني اكسرراسهه ولله

وفعلا خابرت ع سمير ورا ساعه نزلنه جوه طب وبدت العركه وماجد يكله لان ماعدنه بعناها واحنه احق بالغرفه من هالزعطوطه شتصخم بجريايه نفرين علمود نعوصه نسوان وفوكاها ماده ايدها ع مرتي ومدميتها ولك هاي تكسر عينه من اول يوم هيج تلكتني لا حسبت حساب ولا احترام اليه اكبر منها ب ١٣ سنه وهيج متحترم ولك هدني عليها اكسر راسهه هالحقيره

وسمير ممهتم لكل كلامه وصاح بيه بصوت رج البيت رج

ولكككككك كاااافي جشع لخاطر ربكم بس مشتره وديون وسوالف طايح حظها تريد غيركم يدفع ثمن. طيشكم عقلو ولك اني ٥ بركبتي ومعيشهم بخير وممعتاز ولا مداين وانته هال٢ بركبتك وديونك ماالها نهايه ملو عاد شويه

وبعدين بدال متشوف اختك اليتيمه وتواسيها تطب تكتلها ومرتك تشمر ملابس امي وابويه بالكاع وتشيع هذني فال فكر وذبوهن للمجاديه ولك وين راحت غيرتك وهيج ينحجي ع اهلك اربعينهم مطالعه تدري لو مال حرمه جان عرفت شلون اادبها بمكانك وخل اكلك شغله ذنبك ع جنبك تصعد فوك بالغرفه الاتفقنه عليها الك والغرفه تظل لخواتك محد يطخها

مو لعب جهال مو كلساع بطور وروحهم تشوف مني تصرف ميرضيك وخل اكلك شغله الميجر عدل اني متوكف كدامي شغله احترام وجبير وصغير اخذ حكي من حلك السبع فهمت

سيرين.. اباوع ع ماجد ظل يتحركن بمكانه ومروه تخوزر والحقد مالي عيونها علينه

بقو يتعاركون كومه وواحد يرفع والثاني يكبس اخر شي توصلو لحل انتو الغرفه تبقالنه وهم يشترون وحده جديدة من تعويض ابويه وامي لان شهداء وباقي التعويض ينظم للضرورات

قبلو ومروه كامت تشمر ابسامات تشمت عود هي انتصرت متدري اني كل فلوس الدنيا متهمني اليهمني غرفه اهلي والم اخواني الصغار واحميهم واصيرلهن اب وام وميحسون بالوحده

استقرو يمنه ماجد ومروه واثنينهم مقاطعيني وخاصه ماجد وممد ايده عليه خوفا من تهديد سمير

سمير وعائلته ١٠ ايام ويجون يمنه

علاقتي ويا اثير سطحيه ع كد اطبخله واكويله ملابس وانظف غرفته

مهدي احسه مو اخويه عبالك ابني الصغير مهتمه بي واوكله واخاف عليه من الشارع وهو ميحب ينتم يم اثير ف افرشله ويانه بغرفه بابا وماما

ام بيان ف هواي تغييرت راحت لهفتها ع حلويات والمشتره وماجد منعها من طلعه الشارع لان دبدوبه وتبين اكبيرة وقليل تحجي احسها تعقدت من المشاكل وكلشي تغيير بحياتنا

اخويه عباس مشفته بس اخر مره من النقاش الصار ع البيت بس اتراسل ويا فرات احسها امي الثانيه لان مااعرف كرايبي هواي وخالاتي بالسنه مره اشوفهم

اما قائد ف يتصل ع طول من موبايل اثير ويكله اريد اشوف البنات سيرين وبيان ونحاجي يعني كل يوميه هيج يتصل ربع ساعه يتطمن علينه

...

مرت الايام واني نفس المنوال واجوي بيت سمير يمنه ونفس الهوسه والتعزيل بس مروه شافتهم بقت تدردم وتغلط وعبالك بيتها وصعدت للغرفه وركعت الباب بكل قوتها ورا شويه نزلنه مؤمل يبجي ويكول مااحبها

كتله شبيك مو وباك ليش زعلان كال ماما كتلتني لان اريد انزل العب ويا بيت عمو سمير

زين ليش نزلت هي مو مقبلت

مؤمل.. هي كالت لو اكتلك وتنزل لو تبقى فوك واختاريت الكتله

سيرين... هههه لا حبيبي هذا غلط لترضى احد يمد ايده عليك خليك قوي جت تكبر وتصير شجاع يا حلو

مااحس اله عياطها

مروه.. ولج هجامه البيوت تحرضين ابني عليه تكليله اوكف بوجهه امك يا حقيرة الله حرمج من امج تردين ابني يحاربني وينحرم من الامومه بسببج

سيرين.. شبيج لاكفه انتي شينحرم قابل كتله الزم مسدس عليها فهمته من يريد شي ليتنازل بكتله حت ميضربوه وياذوه بالشارع وتعرفين قصدي كلش زين

مروه.. ههو ههو خايفه عليه ولج يالجذابه انتي اخوج واكبر منج ب ١٣ سنه ومخليتي ياخذ الغرفه وركبتي راسج ومحنيتي عله حاله ووضعه تردين هسه تحنين ع ابن بطني

سيرين.. اكلج اخويه وابنه احبهم رغم اذيته يبقه اخويه وانتي تفكيرج احتفظي بي لنفسج... جان تجر مؤمل حيل

مروه.. شوفي وسمعي دين هذا خط احمر اذا اقتربتي منه اشوفج الويل فهمتي لو لا ابني وحره بيه تجين انتي تالي زماني تتحكمين بيه ولله يا الله

سيرين.. عفتها ومجاوبتها رحت ساعدت ياسمين التهينه بالتعزيل والنكل انكسر ظهرنه ومتنه تعب جان ننبطح ع زوليه مكسرين وكلنا وصخ ع كد منظفنه جان يدخل سمير وبيده علاكتين جانت ساعه ب ٩ بالليل ومماكله شي ريوك

سمير.. كومن حضرن الزلاطه وجيبن صينيه وكلاصات اليوم الجن مكافئه كولن مااتذكرجن

ياسمين.. يمه اجيت بوقتك حبيبي شجايبلنه اني بس اشمشم الريحه تشل جني عتوي فواتح

سمير.. جبتلجن كيلو كص واجنحه ع فحم والعلاكه الثانيه دوندرمه ونساتل وجباسه

سيرين.. فدوه لاخويه حبيبي اني لهسه ع ريوك بطني اتقرقر

سمير.. اكلجن تبقن تدردمن كومن سوون الزلاطه لا اخذ الجياسه واروح لجماعتي واخليج تقرقرن وحدجن

ياسمين.. يبووو كلشي ولا جماعه السوء كايمه حبيبي كايمه

سيرين.. كعدنه بسنه ونسوي لفات ونترسهن ترس وناكل بسرعه بسرعه ونحس بعد نريد لحد ما بطنه تاذت انفخت ع كدمااكلنه

سمير كال سون جاي رحت دااخدر جاي لكيت مروه تطلع بكاسه موطه من الجابها سميره وبيدها نستلتين ومؤمل بيده جبس شافتني ولا خجلت وكانو كرامتها صفر كدام مصلحتها اني من يمي فشلت وخجلت خليت القوري وطلعت من المطبخ شويه واسمعلكم عيطه بالمطبخ رحت اركض بسرعه... يتبع

ع هل المفاجئه لحد يغلس ع تصووووويت يلا الكل يدوس ع   ⭐

#تقليدي_بالف_عشق

#الكاتبة_اطياف_ابراهيم

#البارت_١٠

اول شي احب اشكركم ع كلامكم الحلو وتفاعلكم ومقصرتو بالتصويت وان شاءالله تبقون هيج بكل بارع تصوتون❤️❤️❤️❤️

سيرين.. طلعت من المطبخ شويه واسمعلكم عيطه بالمطبخ رحت اركض بسرعه...

لكيت ياسمين ومروه متعاركات و هاي تكلها انتي بدون كرامه ولو صدك انتي صيري زينه وننطيج مو بس اكلنه حتى عيونه بس انتي متعودة نگنگ ببيتكم وتعشأ هنا... ومروه تكولها ولله اني شعليه شو طبيت للمطبخ وسيرين انطتنه شنو تذلني انتن لو شنو بس ولله وصلت حدها اذا ما يجي ماجد واخلي يكسر راسجن

سيرين.. ولج عليمن تجذبين بله ع اخويه تمشي بس ع ياسمين مستحيل ههههه ولج انتي قابليه مال جذب استحي شويه.. وخلي الله بين عيونج كلساع حالفه بي

مروه... باعي يحلوه اني من ذاك اليوم كتلج بس لهسه ممشغله عقلي عليج من اخليج ببالي تنتهين وهاجن اكلجن تفوو ع هالكطع وطلعت

سيرين.. شمرت الموطه بوجهي وجانت هي تاكل بيها وبيها رهاويلها عطت بيها شسوويتييي مقررررفه وركضت ع سنك اغسل ع سريع واباوع ع ياسمين خربانه ضحك.. لج انتي ويايه عليه باعي القرف

ياسمين.. عزاااا حموت ع منظرج ولله ردت اكتلها لان شمرتها بوجهج بس لزمتني الضحكه يمكن تفالها طب بعيونج..

سيرين... بسيطه ياسه ردتج عون طلعتي فرعون

ياسمين.. لج انجبي يكفي فشلانها ولله اني انقهرت ومو طبعي البخل بس ع سوالفها وخباثتها وياج ولتمد ايده ع شغل ردت اخذلج حقج ولو انقهرت عليها حسيتها صارت هلكدودها بس هذا من ايدها لو تجر عدل متنهان هيج

سيرين.. دشوفي القوري رجلج. حيعيط والقوري احترك

رحنا شربنا جاي وراها لزمنه سره ع الحمام نسبح كلنا وصخ وتراب طلعت من الحمام فات ماجد من يمي مسلم كالعاده عفته ورحت بالاستقبال يم سمير

سمير.. يبوو بس لا انسدت البوراي مال حمام

سيرين.. ليش

سمير.. من الدهن والوصخ انتي شفتي روحج من تاكلين جنج بنجرجي وصخ انوبه ياسمين هم طبت تغسل باجر لا محال اجيب ابو البوراي نفتحهن من الدهن

سيرين.. هههه يا هاي اني هيج بسيطه

سمير.. قابل مجذب.. حبيبتي كومي فتحي التلفزيون وجيبيلنه الحلويات والموطه

سيرين.. تذكرت مروه من ركعتها بوجهي وتفالها لزك بيه كمت اضحك وحدي

سمير.. سالمين شنو اجت الحاله

سيرين.. كايمه يمعود كايمه.. رحت شغلت التلفزيون وطبت ياسمين والجهال التمو وبيان ومهدي هم كعدو رحت جبت الحلويات وسمير كام يوزعلنه النساتل والجباسه ويخلينه موطه بالكبوسات واني اكثر موطه داراها اني وبيان ومهدي حسيتنه ابونه وعرفت ينطينه اكثر من عائلته لان يريد يحتوينه ويعوضنه فراق ابويه وامي

سوينه سهره وسوالف تذكرت اهلي كتلهم فدوه العشا والحلويات كلها نعتبرها ثواب ع روحهم ونقرالهم الفاتحه

وصدوك قروها كلهم وراها

كم يوم وصارت اربعينهم اني تجدد حزني كله من جديد واحس رجعت الغصه بكلبي رغم مراحت بس جانو ياسمين وسمير والداير مدايري مخففين عني

تهيئنه ورحنه غسلت وتوضيت واخذت سبحه وقران صغير بي كم صوره وتوجهنه والطريق كله اقرالهم قران ومن احس بدوخه ارتجي ع كشن واسبح استغفار واهدي الهم

جنت قبل ليروحون بس هسه احس الهموم والقهر كبرتني سنين وصلنه لقبورهم وكعدت ابجي ساعه كامله واحجيلهم كلسي صلر بغيابهم واسولفلهم احداث حياتي بعد مراحو و َكانو جان غايبين والتقيت بيهم وياسمين تمسح ع ظهري وحاضنتني وسمير جان يقره قران وعباس هم اما اثير ومهدي وبيان كاعدين يبجون وماجد يبجي وراها يقره قران كلنه انتهينه بلحظتها

وراها كمت وقريتلهم سوره يس والفاتحه والتوحيد ردت بعد اقره كالو يله تحضروه خل نطلع للامام صارلنه ٣ ساعات والشمس صكعتنه

اووف ياهلي حنعوفكم هنا ونروح حتبقون ومترجعون ويانه شلون بيكم بالشمس وبظلمه الليل

جنت رايده بعد اقرالهم قران بس كالو خل نروح انزور الامام

رحنه اول مطبيت الحضرة حسيت بطمأنينه وراحه

رحت ع شباك بجيت ودعيت من الامام يرحمني بهل الدنيا اني واخوتي الصغار الدنيا تخوف بعد الابو والام

وراها طلعنه من الحضره بعد مصلينه الساعه صارت بالوحده واحنه من الفجر طالعين

الجهال كامت تتباجه من الجوع

عاد كالو خل نتغده

نزلنه بمطعم جابولنه شوربات ومقبلات مال ضيافه بعدها نزلو دجاج شويه ع تمن وويا مركه فاصوليا وباميا بكاسات وكباب وخبز

الكل بده ياكل بسرعه بسرعه لان ع عشه الليل ومحد ماكل وهذا اليصيح ناوشني خبز وذاك يصيح اريد الجناح اليه الكل جان يهجم مو ياكل حت اني ماانكر جنت جوعانه بحيث اكلت فخذ وتمن وشيش كباب جان ضخم وجبير وخبزه كامله من غير المقبلات والشوربه

خلصنه كلنا بعد مجنه بحاول هجوم عباس كال اقروه الفاتحه هذا ثواب ع روح ابويه وامي عاد قرينه الفاتحه وتمنينه لو هم ويانه بهل كعده وهاي جانت جيه للامام مو جيه حت نزور قبورهم

رحت للحمامات غسلنه جان تطلع بيان من التواليت َتبجي وخااايفه اني َفرات وياسمين التمينه عليها شبيج احجي شصايرلج

وبس تبجي ومتحجي حسيتها خايفه

كلنالها احجي شنو

كالت استحي اكول اصلا مادري شكاعد يصير

اخذتها فرات ع انفراد وبقو يحجون وراها ضحكت فرات وحضنتها وشكلها اخذت المضمون من بيان

اجت فرات ومخليه ايدها ع جتف بيان

فرات.. يابه بوبو صارت مره وكبرت

ياسمين.. يووو فدوه كبرت الحلوه عاد عقلي وقللي طلعات للاسواق

بيان.. بخجل ومدنكه اصلا اني مااطلع ماجد مانعني

ياسمين.. عفيه ماجد

مروه.. شبيج تحجين ع رجلي مو افرلكلج حلكج

ياسمين.. اهووو نسينه البلبل الفتان ههههه

سيرين.. كافي يمعودات حيرزلونه الولد ولله تاخرنه وتعاي حبيبتي بيان يمي.. اكلكم هسه شلون منين ننطيها تلبسها

مروه.. هاج اني عندي

سيرين.. شكرا

طلعنه من الحمامات بعد ما الا شويه جان علكت

اول موصلنه عباس كال شنو بويه سبحتن بالمغاسل شسالفتجن

مروه.. غير صارت مسرحيه

فرات.. مررررروه

مروه.. هسه شكلت ههههه

سمير.. منو يشرب جاي

كلنه كلنه

سيرين.. شربنا جاي وجددو لان دايخين جانو طلعنه توجهنا للكراج ركبنا سياراتنه وتوجهنا البغداد الطريق

جان شطوله تمشي السياره بينه وميخلص

الجهال كلها نامت جنت ويا بيت سمير وبيان هم نامت جانت متاذيه حبيبتي

الطريق شطوله وهدوء بس صوت السيارات والهواد الحار من فاتحين الجامه رجعنه سديناها وشغلنه تبريد ثلجت السياره جان اخذلي غفوه ع برد مفتحت عيني لحد موصلنه لمنطفتنه

حيل شوكت وصلنه لبغداد محسيت

ياسمين.. هو غير سنفونيه مو شخير

سيرين.. عزااا شوخرت ولله عيب

ياسمين.. ديله هو كلها ورا تشخر مشتغله معزوفه بدال المسجل

سيرين... هههه شلون بلسانج

وصلنه للبيت وبوجهي للحمام سبحت ورحت كبل كملت نومتي

مرت حياتنه طبيعيه ياسمين وجهت البيت كله وقسمت الشغل مروه صار عليها الاستقبال والهول

واني الاماعين

وياسمين الغده والحديقه هي وفرقد ينظفنها

حياتنه طبيعيه وروتينيه مع وجود خباثات من مروه وياسمين تردها وفرات وعباس كل اسبوع يجونه يجيبون غده وونلتم

اثير مخلصها شارع وكهوه ويجي ع كد ياكل وينام بس هم اسلوبه حقير ويايه ويتامر

مهدي وبيان سووه صافين كل الوقت

قائد اختفى عده دراسه وديحضر للرساله قليل اتواصل ويا

ماجد علاقته بيه مو مثل قبل ابدا

هاي الامور كلها صارت بعد الاربعين بشهرين نفس الروتين ونفس الاحدات نكعد ناكل انظف انصلي نسبح انام وهكذا

بده الدوام واني ناجحه اجاني سمير

سمير.. هسه شنو تداومين علمي لو ادبي

سيرين.. اني بطلت مااداوم بعد

سمير.. انجبي شهل خريط تداومين غصبا ماعليج هذا مستقبلج وحياتج

سيرين... مااداوم ولله مااداوم لو تذبحوني مارررررريد تهسترت وكمت اصيح مثل المخبله جان يجيني راشدي بنص وجهي احس خدي كام يوش من القوه... يتبع