٢.. .طيبه قالت... انا كنت عارفه يا سحر ان انتى اللي ورا الموضوع يعني بجد بعتني عشان الفلوس ماشي انا هتجوز عشان ما تتحبسش لانى لو رفعت عليكم قضيه وقلت ان انت جوزتني ليه من غير ما اعرف وان انت اخدت منه فلوس من غير ما اعرف هتتحبسوا انتوا الاتنين مش عشانك لان انت ما تستاهلش بس عشان البنات اللي جوه ميتشردوش لما انت هتتحبس لان دي هترميهم وهتتجوز من بكره غيرك يا سيد الرجاله ودخلت أوضتها وقفلت الباب بغضب
سعيد قال.. زعلت قوي
سحر قالت.. يا اخويا يومين وترضى هي بتتكلم كده دلوقتي لما تروح وتقعد مع الود وتشوف العز والفلوس وتاكل وتشرب وتلبس وتنام هتقولنا شكرا على اللي عملناه مش فاهمه مصلحتها فين يعنى بتاع الاناتيك اللي كانت هتتجوزه ده هيعيشها ده لو مات وجت تورث فيه مش هتورث باظت ورد
سعيد قال... بس هي بتحبه
سحر قالت... الحب ما بياكلش عيش يا سعيد واديك شايف الدنيا غلت ازاي
سعيد قال.... يا رب يكون كلامك صح انالو طلعت غلطت وخسرت اختي هروح فيها
سحر قالت... ويعني انت لما تتحبس مش هتتشرد مش هتروح تشتغل مش هتخلى اللى يسوى واللي ما يسواش يترزل عليها انت يا اخويا اللي ساترنا بعد ربنا انت روح خدلك نومك وانت تصحى زي الفل وانا هروح اجهزلها شنطتها عشان هتمشي مع جوزها يلا يا اخويا ودخلت عندها
وقالت.... يا مساء الانوار
طيبه قالت... حلي عن سمايا وارضي يا بنت يا سوسه انتى احسن والله الساعه دي هجيبك تحتي
سحر قالت... لا بقولك ايه الرجاله ما ينفعش معاها الشغل الناشف ده ابدا بيحبو المحن تعرفي تتمحني يا بت
طيبه قالت... استغفر الله العظيم يا رب
سحر قالت... يبقى تعرفى تعالي هنجيب شويه قمصان من جوه هيخلوه يحلف انه ما يسيبكش ابدا
طيبه قالت.. ومين قالك ان انا مش عايزاه ما يسيبنيش ابدا ده انا رايحه اطلع عينيه واخليه يقول حقى برقبتى لحد اما يطلقني
سحر قالت... يا ندامتي يا بت العروسه تقول عايزه احط دي عشان جوزي ما يشوفش غيري عايزه احط دي عشان جوزي ما يبصش بره وانتى رايحه تخليه يطلقك ليلة دخلتك ايه ده يا بنت يا هبله انتى تعرفي ده مين
طيبه قالت... واحد نصاب ومزور هو وجوزك اللي نايم جوه وضلالي وهيتحبس قريب باذن الله
سحر قالت.. ده رياض باشا البنهاوى عارفه يعني ايه يعني مال وعز يعني لو اهله رضيوا بيكى انتى اصلا في العيله تبوسي ايدك معدوله مقلوبه
طيبه قالت... يا رب ما يرضوا ويقولوله يطلقني يا اختي انتى يا بنت ليه شايفه ان الفلوس كل حاجه في الدنيا عارفه اقولك انا ليه عشان انتى فاكره انك ناقصك فلوس بس انتى مش ناقصك فلوس انتى ناقصك دم انتى ما عندكيش دم عشان انا من ساعه ما دخلت هنا وانا بعتبرك اختي وانتى عايزه تكرشينى من الشقه قال يعني الاوضه اللي واخداها هي اللي كانت مضيقه عليكى
سحر قالت.. يا هبله ما انتى كنتى ماشيه هتتجوزى بتاع الاناتيك ده انا هجوزك جوازه هتيجي تدعلى بعدها
طيبه قالت... ما انا دعيت بره دعيت عليكى انتى وجوزك وهو كمان دعيت انكم لا تشوفوا الراحه فى الدنيا ولا فى الاخره
سحر قالت... ادعي يا اختي براحتك انا مانيش عامله حاجاه تزعل يا بت انا عايزه اسعدك وهنيكى جوازه ترتاحي فيها تعالى نوضب الهدوم
طيبه قالت.. انا بس مش عارفه انتوا ازاي تجوزونى ومحدش يقولى طب كنتو تعالوا قولولي تخلوني اخطب واعمل حفله واجيب الراجل ويجي في الخطوبه يقولي انتى مراتي ويطلعني بتجوز مرتين قدام الناس طب اعمل فيكم ايه
سحر قالت.. عادي وانتى مين اللي شايله همو في الناس يا اختي بلا خيبه الناس ما بتعرفش غير تتكلم لا بيجيبوا حق المظلوم ولا بيهزقوا الظالم بيتفرجوا ويتكلمو عليكى شويه وعلى التاني شويه يلا يلا لمى هدومك
طيبه قالت... مش انتى اللي ظبطتى الجوازه لمي الهدوم انتى يا اختي
سحر قالت... ماشي نلمهم تاني يوم بالليل كانت الحفله خلصت وكانوا راحوا على بيت رياض
وطيبه قالت... دي فلتك
رياض قال... ايوه بتاعتي عجبتك
طيبه قالت.. لا عادي دي زي دي مش هتفرق
رياض قال.. تمام يلا بقى النهارده الفرح بتاعنا مش هنقضيها اسئله كتير
طيبه قالت... ما تيلا هو انا مسكتك
رياض قال... طب انتى قالبه خلقتك ليه
طيبه قالت.. انت عارف انا قالبه خلقتي ليه عشان انا متجوزاك غصب وانا اصلا عايزه واحد تانى اقوم اتجوز واحد ما عندهوش دم
رياض قال.. انا ما عنديش دم وانتى متجوزاني غصب وبتقوليلى ما تيلا ليه
طيبه قالت.. ليه لو هقولك ملكش دعوه بيا هتسيبني انت لو كنت عايز تسيبني ما كنتش اتجوزتنى الشكوى لغير الله مذله انا ما بشكيش لحد وانت عارف ان انا مش عايزك
رياض قال.... هي وصلت لكده طب انا اقرب ازاي بقى بعد الكلمتين اللي زي السم دول سميتي بدنى
طيبه قالت... ليه طلع عندك دم وبتزعل يمكن بقولك ايه يا جدع انت اخلص فى ليلتك دي انا عايزه انام
رياض قال... طب انا هطلع جدع معاكى وهسيبك الليله ولو اني هموت عليكى بالفستان ده بس يلا تتعوض في يوم تاني
طيبه قالت بستغراب... بجد هتسيبني انت ايه مش عايز ولا ايه ولا هيطلع عندك دم وتعبرني اصلا
رياض قال.. انا متجوزك عشان انتى عجباني هو انا عايز مش مش عايز بس عايزك مزاجك اكيد مش وانتى قالبه وشك كده خلينا بكره الدنيا مطارتش
طيبه قالت... ماشي عن اذنك هغير هدومى وحطت الشنطه على السرير وبتطلع هدومها بس بصيت للهدوم بصدمه وبقت ترميهم على السرير رياض بصلها بستغراب وراح عندها
وقال... ايه خير في حاجه ضايعه منك ولا ايه
طيبه قالت... الهدوم مش لاقياها دي كلها بتاعه قمصان نوم في شنطه تانيه طيب
رياض قال... لا لا انتى جيتى كده بشنطه واحده بس طيبه بصتله بحده رياض حمحم
وقال... انا اقصد يعني ما فيش شنطه تانيه
طيبه قالت... عملتها فيا بنت المتضايقه
رياض قال... هي مين دي
طيبه قالت... مرات اخويا انا قولتلها حطيى انتى الهدوم حطيتها كلها قمصان
رياض قال... مرات اخوكى ده متجوزه
طيبه قالت... مرات اخويا
رياض قال... اه
طيبه قالت... متجوزه اه
رياض قال... عشان كده مسكينه طب حتى بيجامه بس لما حد يجي الصبح يلا مش مشكله شوفيلك اى حاجه كده وتلبسي فوقها روب وخلاص
طيبه قالت... انا في اللى هياجى الصبح انا في دلوقتي هلبس ايه
رياض قال.... دلوقتي ما فيش حد غيرنا البسي اي حاجه ان شاء الله حتى ما تلبسيش خالص
طيبه قالت... ايه ده ايه الالفاظ دي
رياض قال... ألفاظ عشان قولت ان شاء الله حتى ما تلبسيش امال لو قلتلك بس طيبه حطت ايدها على بقه وقالت... اسكت
رياض قال... ايه
طيبه قالت... اقعد ساكت لو سمحت ما تتكلمش وراحت على الحمام بعد شويه طلعت بكاش مايوه رقيق للنوم رياض بصلها باعجاب
وقال... ايه الجمال ده كله براحه احنا مش قدك
طيبه قالت.... ايه شكلك بيقول يعني انك مقطع السمكه وديلها زي ما بيقوله
رياض قال... والله انا ما قطعت حاجه لسه بس هي السمكه لو تحن وترضى اقطعها استنيني بقى هخد شاور انا كمان واجى اخدك في حضني وننام سوا طيبه بصتله بطرف عينها ومردتش عليه وهو راح بسرعه اخد شاور وجيه
وقال.... اهو جيت بسرعه ومتعمليش نايمه عشان ما لحقتيش احسن انا بستغل الفرص وانتى نايمه ممكن اعمل وقرصها فى وسطها وقال... حاجه كده كده
طيبه قعدت بسرعه وقالت... انت بتعمل ايه
رياض قال... انا عملت ايه انا بشرحلك بس
طيبه قالت.... طب خليك بعيد
رياض قال... ماشي يا ست البنات وقربها ليه هي كانت هتبعد بس مسكت فيه ونامو هما الاتنين في صباح يوم جديد قامت طيبه من النوم اخدت شور ولبست كاش مايوه خفيف وطلعت بس سمعت صوت خبط على الباب راحت لرياض
وقالت... رياض رياض
رياض قال بنوم ...امم ايه
طيبه قالت... في حد بيخبط على الباب رياض فتح عينيه
وقال.... اه طب ما تفتحي تشوفي مين انا مفرهد خالص
طيبه قالت... لا ما ينفعش افتح ازاي بالبس اللى انا مش لابساه ده
رياض قال.... ايه الكلام ده وبصلها باعجاب
وقال.. طب والله قمر عسل يا ناس
طيبه قالت.... طب ما تروح تفتح
رياض قال.... رايح اهو وراح فتح الباب وكانت بنت في العشرين
وقالت بضيق .... صباحيه مباركه يا عريس
رياض قال... الله يبارك فيكى يا سما
سما قالت... انا عايزه اعرف بقى انت ازاي تتجوز من غير ما تقولي
رياض قال.... واقولك ليه عادي
سما قالت.... هو ايه اللي عادي انت ناسي ان كان في بنا اتفاق
رياض قال... اتفاق ايه ده
سما قالت... ان احنا هنتجوز
رياض قال.... اه لا ده كان زمان قبل ما اعرف اللى ما بينك وما بين حسام ها
سما قالت... قولتلك ان ما كانش في حاجه ما بيني وبين حسام انت فاهم غلط انت ليه مش عايز تفهم
رياض قال .. خلاص علشان طيبه نايمه نخلي عندنا دم بقى ونحل عن قفا بعض يلا يا سمسم روحي شوفي مصلحتك اصلا انا مش فاضي زي ما انتى شايفه عريس بقى وعايز اروح لعروستي
سما قالت.... عروستك انت لو فاكر انك لما تتجوز انا هبعد عن حياتك تبقى غلطان انا اللي عايزه اوصله بوصله يا رياض حتى لو كان بينى وبينو بحر ف بنت زي دي مش هتوقفني يعني لو زي ما انت فاكر انا جايه مع حسام وعايزين ناخد منك حاجه هناخدها بس انا ما كنتش جايه عشان كده انا بحبك وعايزه اتجوزك وباللي انت عملته ده عملت عداوه ليها اول ما لهاش اخر ما بيني وما بينك كده فعلا هتخليني اتفق مع حسام وقتها هترجع وكلك ندم على اللي انت عملته ده وعلم على كلامي ومشيت رياض قفل الباب بغضب
وقال.... بنت مستفزه حد يصطبح بالوش ده قفلتلي اليوم الله يخرب بيتك يا حسام
طيبه قالت.... هى مين دي
رياض قال بضيق... دي سما
طيبه قالت... اخدت بالي وانت بتنادي عليها انا بقصد عايزه ايه ومين حسام ده وعايز ايه منك
الفصل الثالث من هنا