تحميل رواية «صرخة قلب» PDF

الكاتبة

سحر الغرام 🌷

*********ب4

بنات اريد اعرف البارت الرابع ناشرته اني لو لا

لان صار عندي خلل

اتمنه تعجبكم صوتوا للقصه

واذا ممكن منشن لصديقك

حتى توصل القصة

*****************

ما تگدر تعيد الراح بدموع

                      ولا تگدر تعوضني الخسرته

عشت العمر كله وياك مخدوع

                   خذت كل اللبالك مني ردته

ما ريدك تجيني انتهة الموضوع

                   جنت ماضي بحياتي وراح وكتة

خسرت العمر مثل سنين الشموع

                      يضحي بكل حياته ويطفي سكته

************************************

فرح …كررنه الخطه اكثر من مره وكل مره البس فستان من ملابس هيام واخلي ضرغام يشوفني

لابسه هل فستان واروح لهيام واخليها تلبسه

وبدينه بالخطه الثانيه كمت اخذ مبايل هيام وفهد يرسلي كلام على جهازي واني انقل لجهاز هيام على اساس هيام التراسل فهد وهيام مو كلش تهتم بالمبايل بس تتصل بضرغام وتترك الجهاز

مشغوله  بشغل البيت وبالعائله

لحد اليوم القررنه بي نفجر القنبله الموقوته ببمممم

******&******&******&*******&*****

هيام …هل فتره ضرغام متغير اهواي ما اعرف ليش وكل ما اسأله يجاوبني نفس سؤالي هم يكلي اشبيج هيام ليش متغيره انتي التغيرتي مو اني

ونسيت اكلكم هو بنه بيت ابصف بيت اهله وسواه مثل الفله يجنن تصميمه خرافي وعلى ذوقي تقريبن كملناه نصه بقت اشوية تجهيزات

وما خلاني اشوفه لمن كمل المطبخ رحت وياه وشفته عجبني كلش تقريبا شهرين ونگعد بي واني الفرحه ما واسعتني حتى خفت لا احسد روحي على هل فرحه

                    * ############*

وعمتي امل راح تسافر ل لبنان هي وجدي وجدتي وعلي للعلاج لان جدي محتاج يتعالج وجدتي هم واحسن دكتور كالولهم بلبنان وراح يرحون بعد يوم

مره جنت بالداير مالت البيت انضف بي شلت راسي ورتعبت من فهد جان منتجي على الحايط ويشرب جكاير ويباوعلي بقذاره

ردت اروح بس هو ما خلاني سد عليه الطريق

انته اشجاي اتسوي ابتعد عن طريقي خليني اروح

لا تخافين راح ترحين بس بعد ما تسمعيني يا حلوه

شتريد هااااا اااااحجي

اريدج يا حلوه عاجبتني وبصراحه دخلتي دماغي ومستحيل افوتج

اتفووو عليك يا نذل لك اني بت عمك ومرت ابن عمك

عرضك يا سافل اشلون تفكر بيه بهل طريقه خسيس

اني راح احجي لضرغام كلشي وهو يتصرف وياك اله اخلي يعيد تربيتك من جديد

انصحج ما تحجيله تدرين ليش لان اني لعبته صح وبس تحجين راح ينكلب عليج الكلام كله ف نصيحه يا حلوه الاحسن توافقين وتجين لعندي هي ساعه وحده وينتهي الموضوع كله وضرغام ما راح يعرف

لو تموت ما راح يصير هل شي وضرغام راح يصدكني اني لان يثق بيه

يله وخر عن دربي خسيس

انتضرج يا حلوه الج فرصه يومين بس وبعده اني راح اروح لضرغام واحجيله كلشي

واحد مجنون

°°°°°°°°°°°°°°°°°°°°°°°°°°°°°°°°°°°

رجعت للبيت وكلبي يدك بشكل كلش غريب حسيت راح يطلع من اضلوعي وعمتي امل طلعت قبل نص ساعه يمكن هسه بالطياره اشلون وين اروح خايفه وهل مره وحدي ماكو امل الي دوم تنطيني الامل بالحياة وتخليني قويه وين اروح المن اشكي همي

امي وابوي اي همه خليني اروح اشوفهم رحت الهم لكيتهم كاعدين يشربون جاي

هله بهل طله اشلونه ابنيتي

بخير بشوفت اعيونك يالغالي رحت بست جبينه وايده مثل كل مره وامي هم نفس الشي وكعدت بحضن ابوي

ولج انتي ما توبين صرتي مره مزوجه وبعدج تگعدين  بحضن ابوج

خليه يا مره هيام ابد ما تكبر وتبقه ابنيتي الزغيره

خلاص ام منتضر اذا القاضي راضي انتي شلج علاقه

اشتاقيت الكم يالغوالي واجيت ارتاح اشويه يمكم

هله بيج يا عمري بكل وكت

تسلم يالعزيز

هيام بنتي اشبيج ليش هيج وجهج اصفر ومخطوف لونه يمه

ما بيه شي يا بعد روحي بس اشويه تعب ورحت حطيت راسي بحضنه كامت تلعب بشعري وبصراحه شعور حلو انتابني حسيت بالراحه واني بحضن امي الام هي كلشي بالدنيا بقيت فتره بحضنه واني اسمع حديثهم

عن مشاكل الناس واشلون ابوي يحلها ما اعرف اشلون حجيت وياهم

زين بابا اذا احد اتهمو ابشي مو زين وهو ما عنده اثبات

اشلون يدافع عن حاله

بنتي اله ما يكون اله حل وحتى لو ما كدر يثبت برائته

الله يفرجه

زين اذا احد اتهمني بشي شنو راح يكون ردكم راح تصدكوني لو تصدكون الشخص الاتهمني

شنو هل حجي يمه هيام انتي بنتي وتربيتي مستحيل انشك بيج ولو ل لحضه وحده

صح كلام امج هيام مستحيل اصدك احد غيرج انتي بنتي واثق من تربيتج

اوووف احبكم يا اغله شي بالدنيا

ماشي اني صار لازم اروح

ابقي للغدا يا عمري

لا ما اكدر بعدين اني مخصصه الجمعة الكم انتو بس هسه الكي ضرغام خابص البيت خبص اذا ما يلكيني يله اودعناكم

الله اوياج

*********&********&*********&******

رجعت للبيت صدك لكيت ضرغام موجود وشكله ضايج

ما اعرف اشبي وبس يخوزر بيه

معقوله فهد راح اله ولفق تهمه عليه بس ليش اخاف هو المفروض يخاف لان اني ما عدي شي حتى اخاف منه

مشى اليوم عادي وبليل اتصلت امي امل وبصراحه العبره خانگتني اريدها وياي خايفه وگلبي مقبوض بس ما بينتلها شي وطمنت عليها وعلى جدي وجدتي

وبقيت كاعده وصافنه بغرفتي محتاره بزماني اني كلبي حاس هل فرحه ما تدوملي وفززني صوت ضرغامي

هنياله الماخذ عقلج

انته الماخذ عقلي وكلبي وروحي وكلشي

معقوله هذا اني ماخذهن كلهن خاف واحد ثاني

بس انته البلكلب يا غالي ضرغام حبيبي اريد انام بحضنك اريد اشبع منه

ها يعني اذا شبعتي معناها راح تعوفينه هل حضن

تعرف لمته اعوفه حضنك

لمته

من ياخذني الموت  يله اعوفه حضنك وتعرف شني وصيتي من اموت اتمنه تبقيني بحضنك واني ميته يوم كامل وبعدها تدفني بديك

اششششش ولا كلمه ما اريد اسمع منج مثل هل كلام مره ثانيه فاهمه تنسين هل كلام اني اريد اموت بحضانج هيام وكون يومي كبل يومج

انتي مو بس مرتي انتي بتي وروحي وعمري وخلاص كافي كلام وتعاي نامي على صدري وغمضي اعيونج ولا تحجين بعد

ههههههه خلاص راح اسكت وانام

بس مو تنسين بوست اليل

وهاي احله بوسه ل احله ضرغامي

بس هاذي ما عجبتني عيديها

ضرغااااااام انته محتال دوم تنكته بيه

ولج تعاي اني كلبي طاك عليج واليوم ما اهدج للصبح

لاااااا حباب ...وووووو

……………¢……………¢…………¢…………

يوم جديد ………

البارحه جانت احله ليله كضيته ويه ضرغام ليلة من العمر ما تنسه

كملت شغل البيت وكملت الغدا وصعدت لغرفتي اخذت دوش وكعدت اسرح بشعري ومنتضره ضرغام

في مكان ثاني ……

فهد …ماكو فايده منها لازم ابدي بالخطوه الاخيره واكيد بعد ما احجي كلشي لضرغام ما راح يصدكني بس عندي الرسائل احسن دليل واكيد راح يصدكني ومن بعد هذا كله

راح ينهي علاقته بهيام ويطلكها واكيد اني راح اسوي معروف لعمي العزيز اذا اتزوجتها لان سمعته راح تصير على كل السان واكيد يحاول يطم العار الراح يصيبه وبساعته اني ادخل واصير المنقذ اله صح هي تكرهني بس اكيد اهلها راح يجبرونها تزوجني

واكيد راح احرك روح ضرغام من اخذ منه هيام مو حبن بيها بس اريد ادمر ضرغام واخذ منه حبيبته

شفت ضرغام اجه بتجاهي وسويت روحي ضايج ومغتنب كعد يمي وسلم رديت السلام كوه حس عليه وحجه

خيرك ابو الشباب اشبيك

ضرغام تعبت بعد ما اكدر اضم عنك اكثر

شنو الضامه عني فهد احجي

مصيبه ضرغام مصيبه ما تسولف ما اعرف اشلون احجيلك وهل مصيبه اتخصك انته واذا عرفت ما اعرف شنو راح يكون ردك او تصرفك

فهددد احجي شنو ضام عليه وعد مني ما اعصب او اسوي شي يزعلك بس احجي

خلاص راح احجيلك كلشي بس اريد منك وعد الشخص الراح احجيلك عنه ما اتأذيه احلفلي هسه يله احجيلك

والله العضيم ما راح ااذي هذا الشخص الراح تحجيلي عنه هسه ارتاحيت

ماشي اسمعني زين تذكر مره من شفتني ضايج وحجيت وياي

ضرغام ويتذكر ……(فهد اشبيك كول لا تضل ساكت احجيلي

لا ضرغام عندي شغل مهم غير مره احجيلك اذا ما انحلت السالفه على خير راح اجي واحجيلك انته اول واحد وعد

اي اتذكرت

ضرغام جانت هيام تحجي وياي وتكلي اني احبك واموت بيك

بعدني ما امكمل كلامي وضرغام هجم عليه ولزمني من رگبتي خنگني خنگ وگال

شوف ولك  كلمه وحده بعد وصدكني راح اگطع عليك الهواء لا تجيب طاري هيام على السانك فاااهم لك حقير هيام اشرف منك ومن عشيرتك

كلامك صحيح بس والله اني ما اتبله عليها اكثر من مره تجيني وتحجي وياي واني بسبب هل شي بعد ما اكدر اجي لبيتكم وحتى بعدت عنكم لان اني احبك واعتبرك اخوي الماجابته امي

صدكني نصحتها وردتها اتبطل بس ماكو فايده حتى كامت تراسلني وتطلب مني اشوفني وهواي شغلات بعد ما اكدر احجيها لان اني استحي اكولها الك

واذا ما تصدكني هاك شوف مبايلي وانته راح تتأكد من صحت كلامي صايرلها شهرين تراسل وما ملت وبعد ما اكدر اضم عنك لازم انته تفهمه هي ازغيره ومراهقه واكيد اذا كعدت وياها وفهمته كلشي راح تفهم

ضرغام …اخذت المبايل وشفت رقمها ودخلت على الرسائل

واني مصدوم من الرسائل معقوله هيام يطلع منها كل هذا

الكلام المكتوب مستحيل اصدك هذا كلام هيام تحجي حجي مال وحده استغفرالله ما اكدر الفظ هيج لفض طالبه منه شغلات مستحيله

تريد تختلي وياه حتى لو ساعة وحده تكفيه العمر كله

وتحجيله عن اعجابه بيه واشلون امفصله معالم وجها وشلون مشتهيه تضوك شفايفه وراسلتله صوره الها وشعرها طالع اااخ

الحقيره السافله اله اندمها واخيلها تتمنه الموت  وما تحصله والله اله اعذبه واندمه على حقارتها وستهتارها تستهين بيه هين اصبريلي

لو واحد غير فهد جان كيف وسوه كلشي تطلبه بس فهد يتيم ويخاف الله. واني اكثر من مره شفتها وياه بس هو دوم عصبي ويصيح عليها ويتركها ويروح

لو فهد جذاب ما كان صدها من قبل

اخذت المبايل ورحت واني النار تكوي كوي بكلبي احس صار الطريق اشطوله بس اريد اوصل والزمها بين اديه اريدها تعرف الامهات شجيب

وصلت وطبيت للمطبخ ما لكيتها شفت زينب مرت اخوي وسألتها وين هيام جاوبتني فوك بغرفتها

رحت اركض سويت الدرج خطوتين دفرت الباب لكيتها تسرح بشعرها ومن دفرت الباب فزت وكامت مخروعه حاطه ايدها على كلبها جان شكلها يجنن استوها طالعه من الحمام وريحتها تارسه الغرفة للحضه ردت انسه كلشي

نفضت الافكار من راسي ورحت بتجاها

ضرغام حبيبي خوفتني اشبيك هيج دفرت الباب

لطمتها راجدي 👋من قوت الراجدي افترت وطاحت على الارض رفعت راسها وعيونها اتجمعن بيهن الدموع

ليش ضرغام

ليش تسألين هااا ما اتعرفين شمصخمه هااا ولج انتي وحده حقيره وسافله وخاينه والله اله ادمرج هيام اشلون تغدرين بيه وتتمعشكين وانتي مرتي هاا ما تارس عينج اني شنو ناقصني ورحتي تدورينه عد غيري

انته اشتحجي ضرغام ما فهمتك

ولج تتمسكنين شوو تعاي اليوم اله اكضي بيج التوبه

هيام …اجه ضرغام مثل الاعصار وما فهمت منه كلشي غير بس خاينه وكام يضربني بوحشيه ونزع الاحزام وكام    يضربني بكل مكان دماني خله كل جسمي يون من الالم    اريده يبطل ماكو انتهيت حتى ما اكدر ادافع ان نفسي ولا انطاني مجال افتهم منه كلشي لمن حس عليه بعد ما اكدر كمشني من شعري وسحلني سحل

وينه مبايلج وييييبن ااااحجي

كوه رفعت ايدي واشرت على مكان المبايل سحلني من شعري ورفعني لمستواه وتفل عليه ودفرني ووكعت على. طبله كانت موجوده من زجاج بس من وكعت عليها اتكسرت ونص الزجاج صار بجسمي وبديه

وهو ولا هامه يكلب بالمبايل ويفتر داير الغرفه

مثل الثور الهايج شال المبايل ورگعه بالحايط واجه بتجاهي وعيونه حمر دم شالني من ازنودي ورفعني من الارض وگال

من لمته وانتي تراسلينه هاا

ش......ش.......شنو اراسل منو

ضربني راجدي بس اجه على حلكي وكام يجري دم

اااااه اااه اه كافي اهئ اهئ اهئ

لا تستغفليني ولج وعلي انهيج هسه اموتج بيدي وما يرفلي جفن اااااحجي ازماله گوووولي من لمته ونتي تراسلينه

والله ما اعرف اهئ اهئ اهئ  عن منو تحجي

اراسل منو اني ما اعرف اجهل هل موضوع ضرغام الله يخليك راح اموت بعد ما اتحمل اتركني

فهمني ليش هيج تضربني اني اشسويت

(ضرغام يحجي بحركه)

ماشي تردين تعرفين هاج شوفي انتي مراسله منو وشنو تطلبين منه شوفي حقارتج وستهتارج شوفي هاذه من دلالي الزايد الج انتي مو مالت احترام مال واحد يسحگ عليج ولا يهتم

( هيام تحجي وتبجي)

حبيبي والله العضيم هذي الرسائل مو الي اهئ اهئ اهئ  اني حتى المبايل ما استعمله اهوواي بس اتصل بيك واتركه

الله يخليك صدكني مستحيل افكر اخونك انته اكثر شخص حبيته بحياتي

وهل حقير اهئ اهئ هوه جذاب هو من فتره حجه وياي بس اني صديته وهددته راح احجيلك اذا ما بطل مضايقاتي صدكني

سحلها من شعرها وقربه اله وليش ما حجيتي اذا انتي كلامج صح ليش ما خبرتيني بوكتها

ما عندي الجرئه احجيلك خفت ما تصدكني مثل هسه

وما راح اصدكج لان انتي وحده سافله وهو واحد صادق ويخاف الله هل يتيم اجه بنفسه وحجالي كلشي

واني بعيوني  شفتج كم مره واكفه وياه وتترجينه وهو يعصب منج ومره شفتج لمستي ايده وضميتيها لكلبج وهو سحل ايده لان خجل وانتي لا خجل ولا حيا

بكل عين صلفه تحاولين ويا بس كون يرضه بطلبج

گومي هل حجي لازم يعرف بي ابوج ويشوف بنته الزغيره اشلون وحده عار كومي

سحلها من شعرها وحالها يبجي الصخر كوه تمشي والدم بكل مكان من وجهه ومن اديها وحتى من جسمها بسبب الزجاج الجرح خصرها نزلو من الدرج وصارت اكبالهم

زينب مرت علي جانت لازمه صحن  فواكه من شافت منضر هيام ارتعبت وختل توازنه وطاح صحن الفواكه ونكسر

خير ضرغام اشبيها هيام

انتي لا تدخلين هل شي بيني وبين مرتي

لحضه بس كلي ليش تضربها الله يخليك هيام ما تستاهل تعال انته وين ماخذه ضرغاااااااام

تركني وراح هذا مجنون راح يجرم بيها خليني اخابر عمي يلحكه

وصلو لبيت ابو هيام وجان الكل موجود ابوها وامها واخوتها

سحلها وذبها يم رجلين ابوها

هاك عمي هذي العار خاينه وما تستحي ولازم تتربه

هيام بنتي اشبيج يمه منو هيج ضاربج منو امأذيج هااا احجي

اااني الضربته وااااااني السويت هيج بيهااااا

هل حقيره تحب تتمعشك من وراي

شنووو مستحيل بنتي متربايه تربات اشيوخ وما توصل لهل مستوى

ابشرج يا خالتي العزيزه وصلت لهيج مستوه واني شفت ابعيني

والمصيبه هي ذابه روحه على الرجال وتطلب منه تكضي وياه ساعه بس الرجال لان متربي ومعتبرني مثل اخو اجه وحجالي كلشي واني ما صدكته بس لمن راواني رسائلها اللخاتون اتخبلت

وصارلي فتره اشوفه تحجي وياه كلت يجوز هيج حجي عادي بس طلعت الحقيره اتخطط لشي وهااك عمي شوف سوالفها المكسره

ابو هيام …اباوع وما مصدك بنتي هيج اتسوي حتى كلامها مو مطابق لشكلها البريء ما اكدر اصدك معقوله بنتي الربيته بديه ولهذا عمرها وهي مكانه بحضني هي اعز وحده من بين اولادي وبناتي ويمكن من كثر دلالي الها اتمادت وستهترت

بس لازم احط حد لهل مهزله لازم تتعاقب عقاب كلش جبير

نزل لمستواها لان (هي مرميه على الارض وحالتها حاله)

ليش هيام بنتي بشنو قصرنه وياج هااا جاوبي

بويه ....والله العضيم اني مضلومه مستحيل اخون ضرغام

لا تكولين بويه بنتي ماتت من رادت اتحط راسي بالارض وضربها راجدي 👋

اااه لا لا تكول بنتي ماتت لا تتخله عني اني بعازتك بويه الله يخليك لا تتركني اهئ. اهئ. اهئ. ما عندي غيرك بوييييه اااه اهئ اهئ اهئ

ام هيام ....ابو منتضر ليش هيج هذي بنتي لا تتخله عنه

تردين ما اتخله عنها هاااج شووووفي بنتج شمصخمه

ام هيام وهي تشوف الصوره وتلطم عل خدها

ولج عزه العزاج يا ملعونه ليش لييييش هيج يمه بشنو غلطنه بتربيتج ليش تصخمين اوجوهنه ولج موتج حلال يا سافله

اكيد ام منتضر كتلها حلال وهسه راح تكون اخر انفاسها

سحب المسدس من خصره وحطه على. جبينها

تشاهدي هيام بلكي الله يغفرلج

لااااااا بويه لااااا ص.صدكني اني مضلومه ضرغام اني حبيبتك هيام لا تصدك كل هذا معقوله تكدر على فراكي معقوله اتخلونهم ينهون حياتي هاااا احجي ليش ساكت

ما.ما.ماشي مو مو تردون تموتوني اني اني اني  اريد اموت على ايدك انته مو تكول لازم نغسل العار انته انته  موتني حابه اموت على ايدك ضرغام

هاي امنيتي الاخيره الله يخليك

هيام الموت الج راحه واني مستحيل اخليج ترتاحين

عمي من بعد اذنك هيام مرتي واني الاتكفل بعقابها

وما اقبل تموت بهل سهوله

اذا ماتت راح ترتاح واني ما اريده ترتاح اريدها تشوف الويل اريدها تتعذب راح تكره اليوم العرفتني بي

سحلها من شعرها وكومها واخذها وهي تمشي كوه اندارت لبوها لاتصدك هذا كله بويه اني بنتك يمه احجي شي لا تسكتين

ابو هيام ....لحضه ضرغام قبل لا تروح اريد اكول شي وكدام الكل بنتي هيام ماتت وطميتها بالنجف وهذا البنت مو بنتي متبري منها وهسه تكدر تاخذه واتمنه ما اشوفها طول عمري

لااااااا بووووويه الله يخليك لا تعوفني لا تحجي حجي بعدين تتحسف عليه

كام ضرغام يجر بيها جر وهي تبجي وبنضراتها تترجه اهلها بس ماكو ولا احد صدكها

بوووويه ما راح اسامحك بحياتي ما اسامحك واني الاتمنه اموت وما اشوفك

يتبع …………💥…………