رواية صرخة في بيت الأغنياء — الفصل 1 — بقلم وفاء الدرع
رواية صرخة في بيت الأغنياء الجزء الأول 1 بقلم وفاء الدرع
صرخة في بيت الأغنياءرواية صرخة في بيت الأغنياء الحلقة الأولى
مقدمة ٠٠صرخ في بيت الأغنياء
أحيانًا الحياة بتبدأ بخطوة هروب…
لكن الخطوة دي ممكن تفتح أبواب ما كانتش في الحسبان، أبواب مليانة مفاجآت أقسى من اللي الإنسان هرب منه.
في وسط بيت فقير، مكسور، مليان ضرب وإهانة، كانت عايشة بنت اسمها “حنان”…
بنت بسيطة، قلبها طيب، بتحاول تعيش وتكمل رغم إن الدنيا كلها ضدها، رغم أب بيشرب وبيكسر كل حاجة حلوة في حياتهم، رغم أم تعبت لحد ما بقت بتكافح عشان تعيش أولادها.
لكن في يوم…
صوت الصرخة كان أعلى من أي احتمال، والخوف كان أكبر من أي صبر… وهنا قررت تهرب.
وما كانتش تعرف إن هروبها مش نهاية الألم…
لكن بداية عالم جديد تمامًا… عالم شكله من برّه “نعيم”، لكنه من جوّه مليان أسرار، وخبايا، وقصص حب بتتولد وسط الخطر، وانتقام بيكسر القلوب قبل الأجساد.
دخلت بيت من بيوت الأغنياء…
بيت “ثريا هانم” اللي كان شكله عنوان للأمان… لكنه هيكون شاهد على حكاية حب مستحيلة بين حنان و”آدم”، حب بدأ بنظرة بريئة، لكنه اتلخبط بين الغيرة، والخيانة، والظلم، والأقدار اللي ما بتديش فرصة للراحة.
وفي كل جزء…
الأحداث بتتعمق أكتر، القلوب بتتوجع أكتر، والاختيارات بتبقى أصعب، لحد ما كل شخصية تلاقي نفسها قدام مصير ما كانتش تتخيله.
❓ يا ترى حنان هتفضل ضحية الظروف؟
❓ ولا هتتحول من بنت مكسورة لواحدة تقف قدام الدنيا كلها
“حرام عليك… إنت ليه بتعمل فيا كده؟!”
كنت بصرخ وأنا منهارة من العياط، وأبويا واقف قدامي بعين كلها غضب، كأنه مش نفس الأب اللي كنت زمان أجري عليه أول ما أخاف.
كل يوم ضرب… كل يوم إهانة… كل يوم خوف.
ومن كتر الضرب، خرجت أجري في الشارع وأنا بعيط، وهو جري ورايا، لكن ربنا سترها معايا، دخلت بيت مفتوح بسرعة وقفلت الباب، وفضل يدور عليّا لحد ما تعب ومشي.
قبل ما أكمل حكايتي… تعالوا أعرفكم بنفسي.
أنا حنان أحمد عبد الجواد، عندي ١٧ سنة، من عيلة فقيرة جدًا. لكن الجميع كانوا بيحلفه بجمالي كان كل شباب المنطقه عايزين يتقدم لي كنت برفض مش عايزه أعيش في فقر تاني من إللي شوفته من بابا..
سيبت المدرسة بعد الإعدادية عشان أشتغل وأساعد أمي “رضا”.
عندي أخت اسمها منى عندها ١٣ سنة،
وأخويا عبد الجواد عنده ١٠ سنين.
أبويا كان شغال في شركة، وأمي كانت ست بيت بسيطة،
كان اب كله حب واحترام وأمان ٠كان دائما يقول لي يا دكتوره حنان كنا أسره فقيرة لكن كان في راحة بال
لكن من ساعة ما دخل طريق الشرب، حياتنا بقت جحيم.
كان ياخد فلوس أمي بالعافية، ويضربها لو رفضت.
حتى أنا… أول ما قبض مرتبي من محل الملابس، ياخد نصه بالخناق.
لكن الغريب إن أبويا ماكنش كده زمان…
كان حنين جدًا، بيخاف علينا من الهوا، لكن الشرب ضيّعه وضيّعنا معاه.
وفي يوم، بعد ما تعبت نفسيًا،ومن كتر الضرب وعرفت أنه مشي وبعد رحت لجارتنا “أم مكرم” وطلبت منها تنادي
على أمي بسرعة.
أول ما أمي وصلت، ارتميت في حضنها وفضلت أعيط: “أنا تعبت يا أمي… مش قادرة أستحمل أكتر من كده.”
أمي بكت عشاني ، وبعدها أخدتني وخرجنا سوا…
لكن المفاجأة كانت لما وقفنا قدام فيلا ضخمة جدًا!
بصيت بانبهار وقلت: “يا ماما… ده قصر مش فيلا!”
ضحكت أمي وقالت: “أومال لو شفتيها من جوه هتقولي إيه يا قلب أمك؟”
ابتسمت ودخلت معاها، وانبهرت بجمال المكان…
ولأول مرة أحس إن في عالم تاني غير عالم الفقر والوجع اللي عايشين فيه.
لكن ماكنتش أعرف إن دخولي البيت ده…
هيقلب حياتي كلها رأسًا على عقب!
❓ يا ترى إيه السر اللي مخبيه الفيلا دي؟
❓ وهل حنان هتلاقي الأمان أخيرًا… ولا لسه القدر مخبيلها وجع أكبر؟
….