تحميل رواية «سر الصندوق الأسود» PDF

في الصعيد في فيلا فخمه كان قاعد الحاج حامد كبير العيله في الصالون وساند ايده على العكاز وعمال يفكر يرجع ابنه يونس تاني ازاي

وفي الوقت ده دخلت ابتسام الخدامه اللي عندها 40 سنه وكانت معاها القهوه وحطيتها قدامه على الترابيزه وقالت

ابتسام

تؤمرني باي حاجه يا كبير

حامد

لا يا ابتسام ولا عايز اي حاجه طمنيني انت محتاجه اي حاجه وبنتك ندى عامله ايه دلوقتي

ابتسام

بنحمد ربنا وبنبوس ايديك يا باشا ربنا يخليك لينا انت مش مخلي ندى محتاجه اي حاجه

حامد

وهي عامله ايه في كليتها زين ولا متضايقه من حاجه

ابتسام

هنتضايق من ايه بس يا باشا ربنا يخليك لينا

وفي الوقت ده دخل علي ابنه الكبير ومراته رانيا المكتب عند حامد وهو بيكلم ابتسام ورانيا بصت الابتسام وقالت

رانيا

مالك يا حبيبتي هو حمايا بيقول نكت ولا ايه ما تقفي عدل وبطلي مياعه وقله ادب ويلا غوري على المطبخ اعملي الفطار

ابتسام بخوف

حاضر يا رانيا هانم ثواني والفطار هيكون جاهز بعد اذنك

وبعديها ابتسام راحت على المطبخ بسرعه وحامد بص لعلي ورانيا وقال

حامد

هتتعلمي امتى بس يا يا رانيا جبر الخواطر يا بنتي ده جبر الخواطر على الله وبطلي تكسري بخاطر الناس

رانيا

هو في ايه يا حمايا هو انت هتسمي ابتسام دي من ضمن الناس ولا ايه دي راحت ولا جت خدامه انت بس اللي بتعامل الناس كلها كانهم اصحابك واخواتك

حامد بعصبيه

ما هي دي الاصول اللي احنا تربينا عليها عاوزه تعرفي ابن الاصول ازاي لما يتعامل مع الناس الغلابه باسلوب كويس ولا ايه يا متربيه

في الوقت ده رانيا اتوترت وعلي اتدخل في الكلام

وقال

علي

بقول لك ايه يا بابا بلاش تكبر المواضيع دي بقى كده وانا ورانيا جايين نتكلم معاك في موضوع مهم جدا وانت اكيد عارف هو اى

حامد ضرب بايده بعصبيه على المكتب وقال

حامد

عارف وحافظ عيونكم وكلامكم وجايين تقولوا ايه بالظبط يخرب بيت الورث انا اتخنقت وزهقت قلت لكم ما فيش جنيه هيتوزع غير لما يونس يجي بالسلامه

علي بعصبيه

يعني ايه الكلام ده يا بابا يعني احنا تحت رحمه يونس هو دلوقتي مشي وساب البلد كلها قال ايه عشان العلام ذنبنا ايه نستناه

حامد

انت عارف يا علي انا اصلا ما لكوش ورث دلوقتي طول ما انا عايش بس انا هديكم الورث وهقسمه قبل ما اموت علشان ما تاكلوش في بعض وانا عارف انت ومراتك اول ناس هتاكلوا في عيالي

في الوقت ده دخلت عليهم صابرين بنت حامد لسه ما اتجوزتش بس كبيره في السن عندها 40 سنه واكثر واحده حنينه على ابوها واول ما دخلت باست ايد ابوها واخذته في حضنها وقال

صابرين

صلي على النبي يابا مالك صوتك عالي كده ليه هو كل ما علي ورانيا يدخلوا لك المكتب دايما صوتك بيعلى هو انتم ايه مش خايفين على صحته ولا ايه

علي

احضرينا يا صابرين دلوقتي احنا ثلاثه انا وانت ويونس وعايزين ابونا يقسم الورث بتاعه وبيقول لي ما فيش جنيه هيطلع غير لما يونس يرجع انا ذنبي ايه استنى شهور وشهور لحد ما يجي

صابرين

اخرس يا علي قطع لسانك ورث ايه اللي يتقسم ربنا يخلي ابويا طول ما هو في الدنيا ما فيش جنيه هيتفرق علينا ايه اللي انت بتقوله ده هو انت بتفول عليه ولا ايه

رانيا

ما تهدي شويه يا صابرين وتخليكي بعد الخير مالك يا حبيبتي داخله علينا بزعابيبك وعصبيتك كده ليه

صابرين بصت لرانيا من فوق لتحت وقالت

صابرين

انت اللي مالك يا حبيبتي في ايه لو عايزه ورث روحي عند بيت ابوكي الله يرحمه وخدي ورثك من اخواتك اللي ضحكوا عليك لكن ما لكيش دعوه بينا هو اللي داخل بينا خارج يا رانيا سامعه ولا لا

رانيا

حاضر يا ستي اديني هسكت ومش هتكلم بس على فكره بقى انا اللي سبت الورث بتاع ابويا قلت مش عايزاه عشان ما بحبش اعمل مشاكل

حامد بص لعلي بعصبيه وقال

حامد

سامع يا واكل ناسك بتقول ايه مش عايزه تعمل مشاكل عايزه تعمر بيت اهلها وتخرب بيتنا شايف مراتك الاصيله بتقومك على اهلك ازاي

اطلعوا بره انتم الاثنين ومش عايز حد يفتح الكلام ده ثاني

وبعديها علي ورانيا خرجوا من المكتب وصابرين هدت ابوها ومسكت كوبايه القهوه واديتها له وقالت

صابرين

ايه ده بقى كده وصلي على النبي يا كبير الصعايده ما ينفعش عصبيتك دي كل يوم انت عندك الضغط ويا ريت بقى تقلل من القهوه انا مش مستغنيه عنك يا حبيبي ده انت سندي وتاج راسي في دنيتي

حامد بص لها بابتسامه وطبطب عليها وقال

حامد

وانت روح قلبي وعيوني اللي بشوف بيها يا صابرين ما فيش اغلى منك انت والواد يونس انتم الاتنين غاليين على قلبي ربنا يخليكم ليا

اما في اوضه علي ورانيا كانت قاعده متعصبه وعماله تكسر كل البرفانات والمكياج اللي على التسريحه وعلي قرب منها وقال

علي

بس يا رانيا ما ينفعش كده ايه اللي انت بتعمليه ده اهدي شويه هم لو سمعونا انت هتعملي مشاكل بزياده

رانيا

اسكت خالص انت يا سبع الرجال يا اللي ما عرفتش تجيب لي حقي من ابوك واختك لما غلطوا فيا

علي

بقول لك ايه انا سبع الرجال غصب عنك احترمي نفسك وبعدين هو انا هعمل لك ايه يعني قلت لك بلاش نتدخل ونتكلم في موضوع الورثه انت اللي مصممه

رانيا

ماشي يا علي بس احب اقول لك ان كل حاجه هتخلص وتنتهي وقريب قوي وهتشوف بنفسك انا اللي هكون هنا سبت البيت مش صابرين

علي

بقول لك ايه بطلي افكارك الشيطانيه دي انا مش عايز مشاكل تاني مع اهلي واسكتي بقى شويه ويلا ننزل علشان نفطر عشان ابويا ما يحسش بحاجه

وبعديها فعلا علي ورانيا نزلوا من على سلم الفيلا وقعدوا على السفره وكان حامد وصابرين قاعدين بيفطروا

وفي الوقت ده دخل فارس ابن الجنايني شاب جميل عنده 42 سنه واول ما دخل قال

فارس

صباح الخير يا حامد باشا ابويا قال لي ان حضرتك عايزني اؤمرني في حاجه

حامد

اه يا فارس حضر العربيه علشان هروح الشركه بعد الفطار طمني فطرت انت وابوك ولا لسه

فارس بابتسامه

فطرنا يا باشا ربنا يخليك لينا يا رب ثواني والعربيه هتكون جاهزه

وفي الوقت ده يا فارس بص على صابرين وابتسم وصابرين ضحكت له وبعديها خرج على طول

ورانيا خدت بالها من الابتسامه اللي ما بين صابرين وفارس وقالت بصوت عالي

رانيا

مالك يا

صابرين في ايه يا حبيبتي بتضحكي لمين وايه اللي ضحكك ما تقولي لي يمكن اضحك معاكي انا كمان

في الوقت ده صابرين كشرت وبصت لرانيا وقالت

صابرين

لا يا رانيا ما فيش اي حاجه يا ريت تاكلي وانت ساكته

وبعد شويه حامد خلص اكل وطلع بره الجنينه ركب عربيته وراح الشركه وبعد شويه كمان علي راح الشركه وراه

وابتسام شلت الاكل ونظفت البيت ورانيا طلعت اوضتها وكلمت ابن عمها محروس في التليفون وقالت

رانيا

ايوه يا محروس انا عايزاك في موضوع مهم جدا قابلني قدام دار ابويا

محروس

خير يا بنت عمي انا ما برتاح لكيش سبحان الله ما بيجيش من ورا مكالمتك اي خير عايزه ايه قولي

رانيا

كده برده على العموم الموضوع ده فيه مصلحه ليك وفيها قرشين حلوين تمام تمام مش تمام هشوف غيرك

محروس

لا لا حيلك حيلك هتشوفي غيري ده ايه طبعا ده تمام ونص كمان انا ثواني واكون قدام دار ابوكي قابليني يلا

وبعديها رانيا قامت تجهز عشان تقابل محروس قدام دار ابوها

اما عند صابرين خرجت للجنينه وكان فارس بيرش الورد قرب منها وقال

فارس

صباح الخير على اجمل ورده في الدنيا عامله ايه يا صابرين

صابرين

الحمد لله يا فارس انت اللي عامل ايه ما رحتش النهارده شغلك ليه

فارس

كل الحكايه ان ابويا تعبان والورد النهارده لازم يتسقي وكمان نقطع الزوايد ولازم اكون في الجنينه النهارده انت عارفه ان حامد باشا اهم حاجه عنده الجنينه

صابرين

طول ما انت في الجنينه هتفضل جميله كفايه اهتمامك بيها

فارس

انا اتربيت واتعلمت ان الورده الغاليه لازم اسقيها واعتني بيها عشان تفضل جميله وحلوه وبصراحه ما لقيتش ورده احلى منك في حياتي كلها

صابرين اتكسفت وبصت في الارض وفارس قال

فارس

احلى حاجه فيك خدودك لما تحمري وانت بتتكسفي نفسي بقى يا صابرين اتقدم لك بس خايف من حامد باشا يرفضني

صابرين

ابويا عمره ما يعمل كده ابويا عنده الفقير زي الغني كلنا في كفه واحده هو اللي ممكن فعلا يرفضك هو علي اخويا

فارس

يبقى انا لازم اتقدم في عمر ابوكي الله يدي له الصحه انا هبطل خوف وفعلا هتقدم لك يا اجمل بنت في الدنيا

في الوقت ده كانت رانيا جهزت وقربت عليهم وسمعت اخر جمله قالها فارس وبصت بضحك وتريقه وقالت

رانيا

ههههههه يا سلام والله لايقين على بعض عصفورين يا ولاد مش عايزين شجره واثنين ليمون بالمره تتقدم لمين يا واد يا جربوع انت انت رحت ولا جيت حته جنايني معقوله هتبص صابرين هانم امشي غور من هنا

في الوقت ده صابرين اتعصبت على رانيا وقالت

صابرين

احترمي نفسك يا رانيا واتكلمي كويس انت مالك بتتكلمي معاه كده ليه حد قال لك ان هو شغال عندك وانا ما اعرفش

رانيا

ايوه يا عيوني شغاله عندي هو انت مش واخده بالك ولا ايه بقول لك ايه انا مش عايزه كلام كثير وعلى فكره بقى انا هقول لابوك واخوك على كل حاجه

وبعديها رانيا مشيت وصابرين بصت لفارس وتاسفت له وقالت

صابرين

انا اسفه جدا حقك عليا يا فارس ما تزعلش هي رانيا كده شايفه ان هي احسن واحده في الدنيا وما حدش احسن منها

فارس

انا مش مهم انا خايفه اعمل لك مشاكل يا صابرين مش عايز حد يزعلك باي كلمه انت زعلك عندي غالي قوي

صابرين

ربنا يخليك ليا وتفضل دايما حنين عليا كده وما تخافش احنا ما بنعملش حاجه غلط

وبعديها صابرين دخلت على الفيلا وفارس كمل شغله

اما عند يونس كان قاعد في شقه في القاهره علشان جنب كليته وقام جهز نفسه عشان ينزل الكليه وبص في المرايا وقال

يونس

اخيرا هتخرج وهبقى دكتور وكل حاجه هتنتهي وايام الكليه خلاص خلصت انا لازم ابعت لابويا يجي يحضر معايا حفله التخرج ربنا يخليه ليا يا رب

وفعلا يونس كلم ابوه في التليفون وقال

يونس

ايه يا ابويا عامل ايه يا حبيبي وحشتني جدا خد بالك الاسبوع الجاي حفله تخرجي ولازم تيجي على خير عشان تحضر معايا

حامد بفرحه

انت بتتكلم بجد يا يونس ده انا وعلي اخوك فاكرين ان انت قدامك شهور وشهور لحد ما تيجي الصعيد تاني الله يريح قلبك يا ابني ويجعلك ناجح دايما يا دكتور يونس

يونس

ربنا يخليك ليا يا ابويا خلاص ما بقاش في غربه تاني اول ما هتخرج وهكون دكتور رسمي هاجي الصعيد وهفتح عياده وهكشف على كل الناس ببلاش ومحدش هيشيل هم حاجه ثاني

حامد

انا فخور بيك يا ابني ربنا يخليك ليا يا رب خلي بالك من نفسك ومن عيوني الاتنين عرفني يوم حفله التخرج وهاجي لك يا قلب اخوك انا وصابرين كمان

يونس

صحيح يابا صابرين عامله ايه طمني عليها دي وحشاني قوي كل ما ببص في وشها بفتكر امي الله يرحمها

حامد

صح عندك حق ده هي بتعاملني كاني عيل صغير بتديني العلاج في ميعاده وتاخد بالي من صحتي والله من غيرها انا كنت زماني اتبهدلت

يونس

ما عاش ولا كان اللي يبهدلك يابا ربنا يديك الصحه ويخليك لينا مع السلامه

وبعديها يونس قفل السكه وحامل كان قاعد على المكتب فرحان جدا وفي الوقت ده دخل علي المكتب وقال

علي

ايه الفرحه اللي على وشك دي يابا هو في حاجه ولا ايه

حامد

في حاجات يا علي مش حاجه واحده يونس الحمد لله هيحضر حفله التخرج وهجيبه وهنيجي على طول وكده خلاص ما بقاش في غربه ثاني وان شاء الله هفتح له اكبر عياده في الصعيد

قرب منه علي بعصبيه وقال

علي

وايه لازمه الفلوس دي كلها يابا مصاريف على الفاضي ما يشتغل في اي مستشفى وخلاص مش يمكن في الاخر هيطلع دكتور فاشل مش شاطر

حامد

احترم نفسك قطع لسانك اوعى اسمعك تقول الكلام ده تاني على اخوك يونس اشطر دكتور في الدنيا انا متاكد من كده

علي

نفسي تحبني نص الحب اللي انت بتحبه ليونس يابا انا مش عارف انت ما بتحبنيش ليه هو انا مش ابنك زيهم يابا ولا ايه

حامد

يا ابني ليه بتقول كده انت حبيبي وابني الكبير وسندي بس انت اللي بتسمع كلام مراتك كثير يا علي طلع مراتك من الموضوع دي غريبه عننا وما ينفعش تتدخل بينا ابدا

علي

ما علينا يابا اقفل على الكلام اتفضل الملفات دي امضي عليها عشان الصفقه الجديده يتم على خير

وبعديها حامد مضى على الصفقه وعلي بصله بزعل وخرج على طول من غير ما يتكلم وحامد قال في نفسه

حامد

امال لو تعرف السير اللي انا مخبيه يا علي هتعمل ايه اه يا قلبي انا مخبي اسرار لو اتفضحت الدنيا كلها هتخرب والعيال هياكلوا في بعض

انا عند رانيا كانت واقفه قدام دار ابوها وقدامها محروس ابن عمها بصيت له بضحك وتريقه وقالت

رانيا

يا واد يا واد شايل لي موبايل وعامل فيها ستايل حلو الموبايل ده وايه الطقم الشيك ده لا لا ده انت شكلك كده ورثت وانا ما اعرفش

محروس

لا عقبال عندك اشتغلت مع ياسمين هانم بودي لها طلبات ما بين شركتها وفيلتها وبتراضيني وبتديني مرتب حلو

رانيا

ويا ترى ياسمين دي حلوه يا واد ولا وحشه يعني شكلي كده هنقول مبروك قريب ولا ايه

محروس

سيبيني في حالي ده ياسمين هانم دي عندها 55 سنه يعني قد امي قولي لي بقى انت عايزاه في ايه يا بنت عمي

رانيا

عايزه قزازه سم بس سم من اللي بيخلص على طول يا دوبك احطه في كوبايه القهوه اللي يشربه في ثانيه الا ثانيه يكون طاير في السما هتعرف تجيبه لي ولا اشوف غيرك

محروس اتصدم من كلام رانيا ورجع لورا خطوه وقال بصدمه

محروس

يا نهار اسود ايه الكلام اللي انت بتقوليه ده هو انت عايزه تسمي مين الله يخرب بيتك هو انت دايما كده بتعملي مشاكل

رانيا

هو في ايه يا واد يا محروس بتتكلم معايا عدل وبعدين انت مالك انت انت عايز فلوس وهتاخدها وبزياده كمان هات السم وما لكش دعوه مش عايزه حد يعرف حاجه سامع ولا لا

محروس

صحيح انا مالي طيب يا ست البنات الكلام ده هيكلفك 20000 جنيه قلت ايه

رانيا

يخرب بيتك هو انت بتستغل الفرصه يا واد 20000 عفريت يركبوه هم 3000 جنيه وبس وانا كده اكون كارماك وتجيب لي السم وما سمعش صوتك سامع ولا لا

محروس

ماشي يا ستي هاتي بقى ال 3000 الاول انا بحب اخذ فلوسي مقدم عدم لا مؤاخذه يعني

رانيا

كنت عامله حسابي خدي الفلوس اهي حار ونار في جدتك النهارده بالليل يكون عندي السم

وفعلا بعديها محروس مشي ورانيا دخلت البيت عند ابوها عشان تسلم عليهم واول ما دخلت قابلها اخوها فريد بعصبيه وقال

فريد

يا اهلا وسهلا بجلابه المصايب خير جايه لنا بمصيبه ايه المره دي ما انت كل مره بتيجي تخلي البيت يولع حريقه وتسيبيه وتمشي

رانيا

هو في ايه يا فريد كده برده يا اخويا بدل ما تقول لي نورت البيت بقول لك ايه كده كده حريمكم هم اللي عقارب وعاملين نفسهم ملايكه

فريد

على العموم يا رانيا انا رايح الشغل مش عايز اجي الاقيكي ايده البيت نار سلام

وبعديها فريد راح الشغل ورانيا وقفت في نص البيت وولاد الترابيزه عليها تراب اتعصبت وزعقت وقال

رانيا

نهاركم اسود النهارده انت وهي فين الحريم اللي هنا بنت يا هاجر بنت يا شروق كل واحده فيكم تيجي هنا ايه التراب ده كله

في الوقت ده هاجر وشروق خرجوا من الاوض واول ما شافوا رانيا بصوا لنفسهم بزهق وبصوا لها وقالوا

هاجر

اهلا وسهلا يا عمتي اتفضلي ايه النور ده كله

رانيا

طبعا منوره غصب عنك يا بنت امال ايه يلا غوري اعملي لي كوبايه قهوه

شروق

انا هعمل لك يا عمتي علشان هاجر تعبانه يكفيك الشر النونو راح منها وسقطت هي دلوقتي بتعرف تتحرك لكن لسه تعبانه

رانيا

يا سلام يعني هتكسروا كلمتي طب ما حدش هيعمل لي القهوه غير هاجر وانت يا بت يا شروق امشي نظفي البيت كله

وفي الوقت ده رانيا قعدت وحطت رجل على رجلي وهاجر عملت لها القهوه وهي تعبانه وشروق دخلت لها مطبخ وقالت

شروق

معلش يا هاجر اعدي اليوم ده على خير خليها تمشي من هنا احنا زهقنا منها ده احنا قلنا عايشين في البيت لوحدنا وحماتنا ميته اتاري في عقربه بتيجي تقرفنا

هاجر

انا زهقت منها والله انا مش عارفه جوزها واهل جوزها مستحملينها ازاي دايما بتهزقنا وبتغلط فينا رد عليها بتمد ايديها فاكره القلم اللي ضربته لي

شروق

ايوه فاكراه ضربه في ايديها البعيده

في الوقت ده دخلت رانيا عليهم المطبخ وقربت من شروق وجابتها من شعرها وقال

رانيا

هي مين دي يا بنت يا ضربه في ايديها قصدك عليا انا طب وغلاوه امي لاهربكي من اول وجديد

وفعلا بعديها رانيا مسكت شروق وضربتها علقه سخنه ورميتها على الارض وبصيت لها وقالت

رانيا

بعد كده لما سيرتي تيجي تتكلمي عليا بكل احترام وادب ده انا عمتك يا جربوعه

وبعديها رانيا بصت لهاجر وقالت لها بعصبيه

رانيا

وانت يا بت قفلي على القهوه كتكوا القرف حريم غم سديته نفسي انا ماشيه

وبعديها رانيا مشيت وهاجر قومت شروق من على الارض وطبطبت عليها وقالت

هاجر

حقك عليا انا يا شروق ما تزعليش رانيا دي قوي يا مفتريه ربنا يجيب لنا حقنا منها يا رب

شروق بدموع

انا كل اللي مزعلني ان احنا لما بنزعلها وبناخد حقنا رجالتنا بتزعل مننا وتمشينا من البيت وهم عارفين ان هي غلطانه لكن مش عايزين يغلطوها

وعدى ثلاث ايام على ده الحال ورانيا مستنيه محروس يجيب لها السم

وفي يوم حامد صحي من النوم جهز هو وصابرين ورك بالعربيه وراحوا على القاهره علشان خاطر حفله تخرج يونس

وبعديها بكم ساعه وصلوا الكليه وكان يونس واقف بلابس بدله ومستنيهم واول ما شافهم جري عليهم بس ايدي ابوه وباس ايد صابرين وسلم عليهم وقال

يونس

وحشتوني ربنا يخليكوا ليا يا رب طمنوني قولوا لي عاملين ايه وكل الصعيد عامله ايه

صابرين بابتسامه

كلنا بخير يا قلب اختك يلا بقى علشان نحضر حفله تخرج

وفعلا حضروا حرفه التخرج والكل كان فرحان وسعيد وبعد كم ساعه يونس لما حاجته وركب العربيه مع ابوه وروح على الفيلا على طول

اما عند ابتسام كانت قاعده سرحانه وندى بنتها عروسه وجميله واقفه قدامها في اوضتهم البسيطه اللي في الفيلا وندى قربت منهم وقالت

ندى

مالك بس يا ماما معقوله مش فرحانه ان يونس هيرجع انت عارفه ان هو حبي الاول والاخير انا بحبه قوي يا ماما وهو كمان بيحبني

في الوقت ده ابتسام باصت لها بصدمه وصرخت في وشها وقالت

ابتسام

ايه الكلام اللي انت بتقوليه ده لا لا ما ينفعش كده انتم ما ينفعش تحبوا بعض اصلا دي سامعه ولا لا

ندى رجعت لورا خطوه وكانت خايفه من كلام مامتها وقالت

ندى

ليه يا ماما بتقولي كده ليه ما ينفعش نحب بعض وانت جايه تقولي الكلام ده دلوقتي ده انا مستنيه السنين دي كلها عشان يجي ويكون عريس اللي بحلم بيه

ابتسام قربت من ندى ومسكتها من ذراعها وقالت بعصبيه وصريخ

ابتسام

انت لازم تنسي يونس ده اوعي تفكري فيه ابدا انت سامعه ولا لا ده ما ينفعش يتجوزك دي ممكن تحصل مصيبه انت عارفه يونس زي ابقى مين

ندى

وانا مستنيه

منك الاجابه يا ماما ماله يونس يبقى مين ابن الراجل الطيب عم حامد اللي رباني وعلمني وكبرني يبقى ايه المشكله

ابتسام بحزن

يونس ده يبقى ……

وبعد كده حصل

ابتسام

يونس ده يبقى يبقى مش من اللي انتي فاكرهم خالص يا بنتي هو عايش في مستوى تاني بعيد عننا واحنا طول عمرنا في مكان تاني خالص ومش شبهه ولا قريبين منه في اي حاجه

ندى

يعني ايه يا ماما انا مش فاهمه كلامك انتي بتخوفيني منه ليه فجاه كده وهو عمره ما عمل حاجه وحشه معايا بالعكس كان دايما بيقرب مني وبيطمني وبيخليني حاسه اني مهمه كنا بنلعب مع بعض احنا صغيرين ايه اللي حصل

ابتسام

انا مش بخوفك بس بحاول افهمك الحقيقه زي ما هي ان في فرق كبير بينكم ومفيش طريق ممكن يجمع بين اللي انتي فيه واللي هو فيه حتى لو قلبك مش عايز يصدق

ندى

بس انا مش شايفه فرق انا شايفه يونس بس شايفه انسان طيب وبيضحك معايا وبيفهمني ومش شايفه اي حاجه تانيه تخلي الكلام اللي بتقوليه منطقي

ابتسام

انتي شايفه بعين القلب بس القلب ساعات بيغفل عن الواقع اللي قدامه وبيخلي الانسان يصدق حاجات مش هتستحملها لما الحقيقه تظهر قدام عينيه

ندى

يعني انتي عايزاني ابعد عنه عايزه اعيش وانا حاسه اني خسرت حاجه كبيره جوايا من غير حتى ما اكون عملت حاجه غلط

ابتسام

انا عايزه احميكي مش عايزه اشوفك بتتكسري في طريق انتي مش قد وجعه ومش قد نهايته ومش هتعرفي ترجعي منه لو دخلتيه

ندى

وانا ليه احس ان في حاجه مستخبيه انتي مش بتقولي كل اللي عندك في كلامك وده اللي مخليني مش قادره اصدق ان الموضوع بسيط زي ما انتي بتقولي

ابتسام

في حاجات لو اتقالت دلوقتي هتولع البيت كله وهتخلي كل اللي حوالينا يتغيروا بطريقه مش هتتحملوها ولا انتي ولا انا ولا اي حد قريب منا

ندى

انا مش عايزه حكايات ناقصه انا عايزه افهم ليه كل ما يونس ييجي سيرته اشوف في عينك خوف مش طبيعي كانك شايله حاجه تقيله

ابتسام

الخوف مش منه هو الخوف من اللي ممكن يحصل لو الطريق ده كمل زي ما هو ومحدش وقف في النص قبل ما الدنيا تنهار على الكل

وفي الوقت ده ابتسام فضلت تتهرب من ندى علشان مش عايزه تقول لها الحقيقه المره وقالت

ابتسام

يلا يا ندى ندخل المطبخ نجهز اكل حلو يونس باشا جاي النهارده ومعاه صابرين هانم وابوه ولازم البيت يبقى جاهز وفرحان بيهم كلهم من غير ما حد يحس باي توتر او زعل

ندى

حاضر يا ماما انا نفسي اشوفه واطمن عليه بجد وحاسه اني عايزه اعمل له كل حاجه حلوه عشان هو دايما كان بيخليني احس بالامان من واحنا صغيرين

ابتسام

ربنا يسترها علينا كلنا ويعدي اليوم ده على خير انا حاسه ان في حاجه هتحصل بس مش عارفه هي ايه ومش مرتاحه خالص

وفي الوقت ده

رانيا

نازله من على سلم الفيلا وهي بتزعق بصوت عالي وقالت

رانيا

ايه القرف ده هو انتوا فاكرين نفسكم اصحاب البيت ولا ما اعرفش انتوا حبه خدامين فاكرين نفسكم اسياد في المكان ده ولا ايه اخلصوا شغل بقى بدل الوقفه دي

في الوقت ده ندى كانت متضايقه جدا من كلام رانيا اللي كانوا واقفين قدام المطبخ وهي كانت على سلم الفيلا بابتسام مسكت ايد ندى علشان ما تردش عليها رانيا قالت

رانيا

انا رايحه مشوار وارجع الاقي كل حاجه جاهزه قدامي فاهمين ولا لا واللي هيغلط هخليه يشوف ايام سوده

وبعدها رانيا خرجت بره الفيلا قابلت محروس في مكان بعيد شويه ومحروس اول ما شافها قال

محروس

خير يا بنت عمي انا مش مطمن لكلامك قولي انتي عايزه ايه بالظبط انا جاي اخذ بقيه فلوسي علشان السم طلع زياده شويه بس انا مش مطمن لك انت عايزاها ليه

رانيا

اسمع يا واد انت مالكش دعوه انا عايزه قزازة سم واحده بس وخلاص مش عايزه اسمع صوتك تاني

محروس

سم ايه يا رانيا انتي عايزه تقتلي مين هو انتي كل مره داخله في كارثه اكبر من اللي قبلها

رانيا

وانت مالك انت انا عندي فار في البيت وعايزه اخلص منه وخلاص مش عايزه كلام كتير هات السم وخليك في حالك وما تدخلش في اللي ملكش فيه

محروس

فار ايه انتي فاكراني اهبل ده شكله مصيبه كبيره انتي داخله عليها

رانيا

قولت لك ملكش دعوه هات السم وخلاص

محروس

ماشي خدي اهو بس خدي بالك ان اللي انتي داخله فيه ده نهايته وحشه قوي واستني عندك هاتي بقيه الفلوس

رانيا

خذ يا اخويا الفلوس اهه وبدل ما تنصحني انصح نفسك يا موكوس يلا غور من وشي وانت لا شفتني ولا انا شفتك سامع ولا لا

رانيا اخدت السم بسرعة وخبتها في ايديها وطلعت تجري على الفيلا وكانها خايفه حد يشوفها وطلعت على اوضتها على طول

وفي اوضتها

رانيا دخلت وقفلت الباب وبدات تبص حواليها بخوف ومسكت السم في ايديها وبتبوص شمال ويمين كأنها متوتره ومش مصدقه اللي معاه

وفي الوقت ده باب الاوضه اتفتح وكان جوزها واول ما دخل

رانيا اتخضت بسرعه وحطت ايديها ورا ضهرها وقالت

رانيا

خير في ايه انت خضتني كده ليه في حاجه ولا ايه

علي

انا جيت اطمن عليكي مالك شكلك مش طبيعي في حاجه مخبياها ولا ايه

رانيا

لا لا مفيش حاجه انا بس كنت تعبانة شويه وداخلها انام عايز حاجه ابوك واخوك جم ولا لسه

في الوقت ده جوزها ما ردش عليها وكان متوتر جدا وحاسس ان هي عامله مصيبه بس مخبيه عليه عشان من عوايدها ان هي بتعمل مصايب كثير وبعدها رد عليها وقال

علي

لا لسه ما جوش يا رانيا انا كلمتهم على التليفون وزمانهم على وصول بس طمنيني انت مش عامله مصيبه جديده

رانيا بتوتر

ايه الكلام اللي انت بتقوله ده يا علي انا برده بعمل مصايب لا لا ما تزعلنيش منك

وبعد كم ساعه حامد دخل الفيلا وكان بيقول

حامد

يلا يا يونس يلا يا صابرين ادخلوا الفيلا البيت نور بيكم النهارده ربنا يتم فرحتنا على خير ويجمعنا دايما على خير يا ولاد

يونس

وحشتني اوي يا بابا وحشتني الايام دي كلها من غيركم والله يا ريت الايام ما تبعدناش عن بعض تاني ابدا وانا فرحان اني رجعت الصعيد من تاني وسط اهلي

صابرين

ربنا يخليك لينا يا اخويا احنا مش عايزين حاجه في الدنيا غير اننا نبقى متجمعين في الخير دايما يا رب

الكل في الفيلا

اهلا اهلا يا يونس نورت البيت يا دكتور يا رب دايما نشوفك ناجح ورافع راسنا كده يا ابن حامد باشا

يونس

الله يخليكم ليا والله

انا مش عارف ارد على كلامكم الجميل ده انا بس بحاول اكون قد الثقه اللي انتوا حاطينها فيا

في الوقت ده رانيا كانت واقفه من بعيد بتبص ليونس بغيره وعلي كان جنبها قربوا من يونس وقالت

رانيا

ايه ده هو ده يونس اللي ساب الصعيد سنين ورجع دلوقتي دكتور قد الدنيا وكلامه نضيف ومتعلم كده طبعا عايز يبقى شايف نفسه علينا كلنا

حامد بعصبيه

رانيا اقفي عندك وانتي بتتكلمي عن اخوك جوزك كده اسمه يونس مش اي حد ومش مسموح انك تقللي منه ابدا فاهمه ولا لا

رانيا

انا ما قلتش حاجه يا حمايا بس انا مستغربه هو بس مش اكتر هو اتغير قوي عن زمان وبقى شايف نفسه اوي كده

حامد

اسكتي خالص مش عايز اسمع صوتك تاني في الموضوع ده يونس ده نور البيت كله وانتي لازم تحترميه زي ما هو بيحترم الكل هنا

يونس

سيبها يا بابا مفيش حاجه انا عارف اني رانيا مرات اخويا عمرها ما هتتغير ابدا انا مش واخد مقلب في نفسي ولا شايف نفسي عليك يا رانيا بس انت اللي شايفه نفسك دايما قليله

في الوقت ده كانت رانيا هتتجنن من كلام يونس بس ما كانتش عارفه ترد عليه ويونس سلم على علي وحضنوا بعض وعلي قال

علي

حمد لله على السلامه يا اخويا نورت البيت كله خلاص كده هكون فخور بيك في الصعيد كلها وهقول انا اخذ دكتور ههههههه

صابرين

تعالى يا يونس اقعد معانا بقى واحكي لنا عن الكليه والحياه هناك انا مستنياك من زمان اوي

رانيا من جوه نفسها

اللي جاي مش هيعجب حد خالص انا مش هسكت على الكلام ده كله ولا على شكله ولا على حب الناس ليه كده

حامد

يلا يا جماعه نقعد كلنا مع بعض ده يوم فرحنا كلنا ومش عايز اي توتر في البيت النهارده خالص

وفي الوقت ده ابتسام خرجت وسلمت عليه لكن ندى كانت لسه في المطبخ عشان ابتسامه رفضت ان هي تخرج من المطبخ

لكن يونس سلم على ابتسام وسال على ندى ولما عرف انها في المطبخ دخل على طول واول ما شافها ندى الجميله اللي كان بيلعب معاها كبرت وحلوت وبقت اجمل بكثير بص لها بابتسامه وقال

يونس بابتسامه

ايه الجمال ده يا ندى انتي كبرتي اوي وبقيتي احلى من زمان بكتير انا كنت فاكر اني اول ما ارجع هلاقيك زي ما انتي بس انتي اتغيرتي خالص وبقيتي قمر كده

ندى بكسوف وهي بتبص في الارض بصيت بابتسامه وقالت

ندى

انت اللي اتغيرت يا يونس بقيت دكتور كبير وكل الناس بتتكلم عليك انا كنت مستنياك من زمان وكنت حاسه ان اليوم ده هيجي لانك انسان شاطر جدا وعندك طموح

يونس

انا طول عمري كنت شايل في قلبي اني لازم ارجع واشوفكم تاني ومش اسيب الصعيد من غير ما اكون عملت حاجه تفرح بابا وتفرحكوا كلكم

ندى

انت فعلا فرحتنا برجوعك البيت كله منور بيك ومحدش كان ناقصه غيرك بس في حاجه جوايا مش قادره افهمها كل ما اشوفك بحس اني مطمنه وبخاف في نفس الوقت

يونس بص لها بستغربه قال

يونس

خوف من ايه يا ندى انا هو انا ما تغيرتش اوي للدرجه دي ولا انتي شايفه حاجه انا مش واخد بالي منها

ندى

مش عارفه بس في كلام مش بيتقال وفي حاجات في البيت كلها كأنها متخبيه وانا مش فاهمه ايه اللي بيحصل

يونس بابتسامه

اللي بيتخبي دايما بييجي يوم ويبان بس انا مش جاي اجيب غير السلام للبيت ده ومش عايز غير اننا نكون كلنا كويسين

في الوقت ده ابتسام كانت واقفه من بعيد وبتبص عليهم وعيونها فيها خوف وقالت في نفسها

ابتسام

ربنا يسترها اليوم ده مش مريحني خالص وقلبي حاسس ان اللي جاي مش سهل ما ينفعش ندى ويونس يحبوا بعض اابدا

وفي الجنينه رانيا كانت واقفه بتكلم علي بعصبيه وقالت

رانيا

هو ده بقى يونس اللي كل البيت بيجري عليه كده انا مش فاهمه ايه العظمه دي كلها هو احنا كنا ناقصين تمثيل الاحترام ده

في الوقت ده حامد بيجي من وراها بعصبيه وقال

حامد

رانيا اقفي عندك وخدي بالك من كلامك فاكره انك مخبيه عليا نظراتك دي انا عارف انك مش طايقه تشوفيه ناجح ومحبوب

رانيا

انا يا حمايا لا طبعا انا بس مستغربه التغيير الكبير اللي حصل فيه مش اكتر

حامد

مش عايز اسمع صوتك في الكلام ده تاني يونس ده ابني وسندي وانتي لازم تفهمي كده كويس

رانيا

ماشي يا عم بالمناسبه بقى انت تفتح الورث امتى مش انت كنت عايز توزعه على حياه عينك اديك عايش اهو ولا انت ناوي تعمل ايه

حامد

لا خلاص رجعت في كلامي انا اهم حاجه عندي صابرين ويونس وعلي ومش هفتح الورث دلوقتي والورثه هيتفتح لما اموت وابعدي عننا بقى

في الوقت ده رانيا اتصدمت لانها عامله مشاكل كبيره قوي مع واحد وماضيه على وصلات امانه علشان كانت عملت مشروع كبير وخسر ومش عارفه تجيب الفلوس منين وتسدها وللاسف خدت منه فلوس وسدتها وهو كان اذكى منها

وفي الوقت ده حامد مشي وعلي قرب من رانيا وامسكها من ايديها بعصبيه وقال

علي

وبعدين معاكي يا رانيا هو في ايه اللي انتى عماله تعمليه ده ورث ايه اللي بتتكلمي عليه هو كان البيت بتاع ابوكي وانا ما اعرفش

رانيا بتوتر

هو في ايه يا علي يا حبيبي ما انا مراتك برده وخايفه على حالك ومالك وبعدين فلوسك هي فلوسي

علي

انا مش مستغني عن ابويا سمع ولا لا ابويا قال الورث بعد ما ربنا يختاره يبقى خلص الموضوع على كده ما تفتحيش موضوع الورشه ده تاني وكفايه بقى فضايح

وبعديها علي سابها ومشي اما رانيا كانت واقفه متوتره وفي الوقت ده تليفونها رن وكان الباشا اللي واخده منه فلوس وعايش في الصعيد وكلمها

رانيا وهي ماسكه التليفون وبتبص حواليها بخوف

ايوه يا مدحت في ايه انا مش قلت لك استنى عليا شوية انت ليه مستعجل كده

مدحت بعصبيه

استنى ايه يا رانيا انتي فاكره اللعبه دي هتفضل ماشيه كتير انتي واخده مني مبلغ كبير ومش عايز هزار فلوسي يا اما النهارده يا اما هتتحاسبي انتي وجوزك

رانيا بتوتر وخوف

لا يا مدحت استنى بس الموضوع مش سهل زي ما انت فاكر البيت كله فيه ناس ومفيش اي حركة تنفع دلوقتي اجيب لك اي فلوس استنى عليا شويه انا مضغوطه والله

مدحت بتريقه

ضغط ايه انتي اللي دخلتي نفسك في الضغط ده انتي اللي جيتي وطلبتي الفلوس عشان تخلصي اللي في دماغك دلوقتي تقوليلي استنى

رانيا

انا قلت لك عايزه فلوس عشان اسدد ديون عليا انت فاهم انا

مش عايزه مشاكل بس انت كده بتحطني في نار

مدحت

نار ايه يا رانيا اسمعي كويس انتي لو ما جبتيش الفلوس خلال 24 ساعه انا هبعت لك حد من عندي مش هيبقى في كلام تاني لا معاكي ولا مع جوزك ولا مع حد فاهمه

رانيا

لا لا استنى بس ما تعملش كده انا هظبط لك المبلغ بس اديني وقت

مدحت

وقت خلص انتي لعبتي بيا كتير كفايه اوي اللي جاي مش هيعجبك انتي مش عارفه انا ممكن اعمل ايه

رانيا

طب هات الحل قول لي اعمل ايه دلوقتي

مدحت

الحل بسيط يا رانيا يا تدفعي الفلوس

يا تنفذي اللي انتي طلبتيه الاول وتخلصي الموضوع اللي قولتي عليه واوعي تفكري تهربي لانك عارف انا اوصل لك فين

رانيا بتبلع ريقها وخوف وقالت

رانيا

ماشي ماشي انا هتصرف بس بلاش تهددني كده

وانت عارف ان انت اللي طلبته صعب قوي وانا هحاول اعمله انا اصلا بجرب اعمله بس مش عارفه

مدحت

التهديد ده اول الكلام بس يا رانيا اللي جاي اسود من كده بكتير وخلي بالك كويس اوي من جوزك لان اي غلطه صغيره هتخلي البيت كله يقع فوق دماغك

وقفلت المكالمة ورانيا كانت واقفه مرعوبه وقالت في نفسها

رانيا

انا دخلت في طريق لو كملته مش هطلع منه حيه

انا ايه اللي دخلني الطريق ده بس كان لازم اعمل المشروع ويخرب وكان لازم اخذ الفلوس من مدحت يا ريتني ما عملت كده انت متحده طلع تعبان وافعى كمان اداني الفلوس وهو عارف هو عايز ايه بالظبط

في مكتب فخم جدا عند مدحت كان قاعد على كرسيه ورا المكتب وبيلف القلم في ايده بابتسامة فيها خبث وهو بيتكلم في التليفون وقال

مدحت

قولت لك يا باشا متقلقش خالص رانيا هتعمل اللي احنا عايزينه بالحرف واحد واحد هي بس متلخبطة شوية بس الخوف اللي جواها هيخليها تمشي في السكة لحد الاخر

رد عليه الباشا الكبير اللي عايز يخلص من حامد وقال

عزيز

وانت متأكد انها هتقدر تخلص على حامد بالسهوله دي حامد مش سهل زي ما انت ما فاكر يا مدحت

مدحت

ايوه متاكد حامد عامل فيها امان للكل وعامل فيها كبير الصعايده لكن خلاص حياته كلها هتنتهي يا باشا

وبعديها مدحت ضحك ضحك عاليه وقال

مدحت

لو حامد غار في داهيه زي ما انا مخطط يبقى خلاص فص ملح وداب وساعتها نفتح احنا بقى الصندوق الاسود ونطلع منه خريطة الورث كله

عزيز

تعرفي يا مدحت لو كلامك صح وفعلا الخريطه وقعت في ايديا ساعتها بس هكون فعلا ذراعي اليمين وانت عارف يعني ايه ذراع عزاز باشا اليمين بيشوف العز كله

مدحت

ورث ايه بقى ده لوحده يكفي الصعيد كلها مش بيت واحد ولا اتنين وانا يا باشا يشرفني ان انا اكون دراعك اليمين

اما في اخر اليوم في فيلا حامد كان اليوم هادي والكل متجمع على السفرة

حامد كان قاعد في النص وهو مبسوط وقال

حامد

النهارده عايزكم تقعدوا معايا كلكم من غير شغل ولا مشاكل يوم جميل زي ده لازم نفتكره

يونس بابتسامة

والله يا بابا الايام دي رجعتني لكل حاجه حلوه في حياتي زمان الكليه كانت اجمل فتره عشتها كنت حاسس اني ببني نفسي خطوة خطوة

صابرين

فاكر يا يونس لما كنت بترجع تعبان من المدرسه بس فرحان كنت دايما تقول انك هتبقى دكتور كبير وهترجع ترفع راسنا

ابتسام كانت بتبص ليونس بحنان وكانت فرحانه بيه قوي وندى قالت

ندى

انت فعلا حققت اللي كنت بتقوله زمان برافو عليك يا يونس ربنا يرزقك بكل الخير انت تستاهل كده واكثر من كده كمان

علي كان ساكت بس عينه كانت على رانيا اللي كانت قاعدة متوترة وبتحرك ايديها بعصبية

علي بص لرانيا وقال في نفسه

علي

في حاجه غلط في عينها النهارده مش طبيعية رانيا في وراها مصيبه وانا متاكد من كده استرها يا رب والمصيبه دي ما تجيش على دماغي

حامد قام وقال

حامد

انا هدخل المكتب شوية هخلص ورق مهم ورجعلكم تفضلوا اضحكوا واتبسطوا يا اولاد اهم حاجه عندي انكم تكونوا فرحانين

رانيا فضلت قاعدة شوية وبعدها قامت ودخلت المطبخ

في المطبخ كانت رانيا واقفة قدام الكوباية وبتبص حواليها بخوف وبعدها فتحت علبة صغيرة وطلعت السم ويديها بتترعش وقالت

رانيا

يا رب سامحني انا مضطرة انا مش هعرف اطلع من دا غير كده

وحطت السم جوا القهوة وغطتها بسرعة وخبت ايديها

رانيا يا رب تسترها المرة دي وخدت الصينية وطلعت على المكتب خبطت الباب ودخلت بابتسامة خبيثه وقالت

رانيا

يا حبيبي اتفضل القهوة دي انا قولت اجيبها لك انت شكلك تعبان من القعدة

حامد رفع عينه وقال

حامد

مفيش داعي تتعبي نفسك يا رانيا انا فعلا كنت محتاج قهوه بس قلت بعد ما اخلص شغل

سيبيها دلوقتي هبقى اشربها بعدين

رانيا بسرعة

لا لا عادي والله انا كنت حاسة انك محتاجها ولازم تشربها دلوقتي يا حمايا دي القهوه ما بتتشربش غير وهي سخنه

حامد خد الكوباية وشرب من القهوه شويه

فاجاه بعد خمس دقائق وشه اتغير وحاسه ان نفسه بدا يتكتم وقال

حامد

ايه ده ايه الطعم ده القهوه غريبه قوي يا رانيا انت حاطه فيها ايه يا بنتي

بدأ ينهج وصدره يضيق ووشه يحمر وما كانش عارف ياخد نفسه وقال عصبيه

حامد عصبيه

انتي حطيتي ايه في القهوة يا رانيا

رانيا بدموع وخوف

بقولك ايه انت قدامك ربع ساعة بالظبط وهتموت قولي فين الصندوق الاسود ابوس ايدك هات الصندوق الاسود بسرعة انا بضيع البيت كله هيخرب

حامد بوجع شديد فتح درج المكتب بايده اللي تترعش وطلع صندوق صغير اسود وبص لها وهو في اخر انفاسه وقال

حامد

منك لله يعني انت فعلا سميتيني وحطيتي لي سن في القهوه انا اللي غلطانه اني شربت القهوه من خبيثه زيك الصندوق الاسود اهو ومش هتاخديه يا رانيا

وبقوة اخيرة رماه من شباك المكتب بره وما كانش قادر ولا ينده على عياله ولا يتكلم عشان حد ينقذه

رانيا صرخت

رانيا ليه عملت كده ليه هو انت هتفضل طول حياتك كده منكد عليا حتى وانت بتمشي من الدنيا عامل مشاكل

وبعديها رانيا خرجت تجري بسرعه بره الفيلا عند الجنينه كانت بتبص في كل مكان

وقفت قدام الشباك المكتب في الجنينه وبصيت على الصندوق ما لقيتش حاجه فضلت تصرخ وحاطط ايديها على بقها بصدمه وقالت

رانيا

لا لا مش معقول يعني ايه الصندوق راح فين ده هو رماه هنا يعني المفروض الاقيه يعني في حد خده يا مصيبتى السوداء ده انا رحت في 60 داهيه انا اللي موتك يا حمايا وسميتك وفي الاخر الدنيا اتخربت فوق دماغي برده هروح فين ولا اجي منين دلوقتي

وفي

الوقت ده ابتسام دخلت تطمن على حامد في المكتب واول ما دخلت لقيته مرمي على الارض والله يرحمه

وبعد كده حصل