الفصل الرابع

رواية سموم العشق الجزء الرابع 4 بقلم صباح عبدالله سموم العشقرواية سموم العشق الحلقة الرابعة تاني يوم… في مول ملابس… ماشية ملك وشيماء، كل واحدة شايلة أكياس كتير. شيماء باستغراب انتي متأكدة إنه عزمك انتي على قهوة؟ ملك أنا استغربت زيك كده، وما كنتش مصدقة والله، وقعدت أخرف بالكلام لحد ما زهق مني وسبني ومشي. شيماء

ملك، أنا عارفة وفاهمة انتي تفكيرك راح لفين، بس يا حبيبتي بلاش تعلقي نفسك في قشاية. مش معنى إنه عزمك على فنجان قهوة يبقى في حاجة من ناحيته وكده، فاهماني؟ ملك بحيرة طيب لو هو مافيش حاجة من ناحيتي، أمال كان عزمني ليه؟ مش فاهمة. شيماء بشك

أنا كمان مش فاهمة بصراحة، بس أكيد لو في حاجة كان اتكلم واصرّ عليكي، يعني مش من أول كلمة اتحجج ومشي. المهم يا لوكة انسي وما تشغليش بالك، وصدقيني لو ليكي نصيب في حاجة ما حدش غيرك هياخدها يا حبيبتي، وبلاش تغضبي ربنا، ولعل ده الخير. واللي هيحبك هيعوزك في الحلال، وهيدخل البيت من بابه، مش هيعزمك على فنجان قهوة. شيماء تسكت وتبص باستغراب ناحية منه وأحمد واقفين بيشتروا هدوم. شيماء تشاور ناحيتهم. شيماء

مش دي البت منه ولا أنا غلطانة؟ ملك تبص باستغراب، وبعدين تقول بزهق. ملك أيوه هي، يلا خلينا نمشي، مش ناقصة حرقة دم. شيماء استني بس، هو مين اللي معاها ده؟ ملك تبص لأحمد بغضب. ملك واحنا مالنا؟ أكيد واحد قليل أدب زيها. شيماء بشك هو انتي تعرفي ولا أيه… ملك تحكي لها أول مرة شافت أحمد.. شيماء تضحك جامد وهي بتقول. شيماء يا خربيت عقلك يا ملك. أيه يا بنتي حرام عليكي، هزقتي الراجل وفي الآخر انتي اللي زعلانة. ملك بغيظ

وأنا غلطت في إيه يعني يا فزلوكة انتي؟ هو اللي شتمني وغلط فيا، وأنا علشان محترمة سكت له وما رديتش عليه. منه وأحمد يلفوا علشان يمشوا، يشوفوا ملك وشيماء بالصدفة. منه بغرور هو انتي بتعملي إيه هنا؟ ثم انتي ورايا في الجامعة وبره الجامعة كمان؟ ملك هو المول ملك أبوكي وانا ما أعرفش؟ وأنا هامشي ورا الخنافس أعمل إيه؟ أحمد يحط إيده على فمه علشان ما يضحكش، هو وشيماء، ومنه تقول بغيظ. منه هي مين الخنفسة دي يا جيش خنافس في بعض؟ ملك

جيش خنافس ده هيقعد عليكي يكسر عضمك ويمصمصه. شيماء تنفجر في الضحك وهي بتقول. شيماء يا لهوي هموت، مش قادرة، هو انتم الاتنين ما تقفوش في حتة غير ما تهزقوا بعض كده؟ أحمد باستغراب هم يعرفوا بعض منين دول؟ شيماء ما هو احنا زمايل في الجامعة وكده. أحمد يبص لملك وهو بيقول. أحمد آها، طيب أهلا وسهلا بيكم، هسيبكم أنا علشان ترتاحوا في الكلام مع بعض. شيماء بضحك انت مش معانا على الكوكب ولا إيه يا أخ؟ انت شايف هم طايقين بعض أصلًا؟

منه بغرور يلا يا أبيه خلينا نمشي، دول ناس بيئة ما ينفعش نقف معاهم. ملك تبص لها بغيظ، وأحمد يقول. أحمد منه، عيب كده، دول زمايلك. ملك بغيظ ما يشرفنيش زميلة قليلة ذوق زيها. منه اسم الله عليكي، الذوق ماشي يتنقط منك ومن لسانك. شيماء بس بقى، اسكتوا انتم الاتنين، الناس ماشية تتفرج علينا. ملك تبص لهم بغرور وتتحرك علشان تمشي، أحمد يتحرك بالكرسي وراها وهو بيقول. أحمد ثواني يا آنسة لو سمحتي.

منه وشيماء يبصوا لبعض باستغراب، وملك تبص لأحمد وهي بتقول بحنق. ملك أفندم… أحمد بهدوء هو ممكن نشرب فنجان قهوة مع بعض خمس دقايق؟ أصلًا مش هينفع نتكلم هنا.. ملك تبص لشيماء وبعدين تقول بشك. ملك هي إيه حكاية القهوة معايا اليومين دول؟ أحمد باستغراب انتي بتقولي إيه؟ مش فاهم.. ملك حضرتك اتفضل قول اللي عندك، أنا ما بشربش قهوة. أحمد بتردد

هو بصراحة كنت عايز أعتذر منك على اللي حصل امبارح، وعارف إني ما كانش ينفع أكلمك بالشكل ده تحت أي سبب، وأتمنى تقبلي اعتذاري. ملك بخجل تمام، وأنا كمان بعتذر على الأسلوب اللي كلمتك بيه. أحمد بهدوء هو بصراحة أسلوبك زبالة بس حصل خير ولا يهمك. ملك بغيظ ما هو أنا مش بس أسلوب زبالة، ولبسة جزمة بكعب كمان. أحمد بابتسامة طيب أنا بستأذن بقى علشان عندي شغل مهم، وأتمنى ما تقعيش بالكعب تكسر رقبتك. عن إذنك.

أحمد يتحرك بالكرسي، وملك تبص له بغيظ.. منه تجري ورا أحمد، وشيماء تقرب من ملك وهي بتقول. شيماء بضحك معلش بقى يا لوكة، تعيشي وتاخدي غيرها، الراجل قصف الجبهة وفلسع. ملك تبص لها بغيظ وتسيبها وتمشي، وشيماء تجري وراها وهي بتضحك. شيماء استني يا لوكة، خلاص انا آسفة، مش هضحك تاني. بت يا ملك استني.. -في كافتيريا. قاعد حازم ومراد مع بعض.. حازم أنا بصراحة مش قادر أتقبل ملك، حاولت أتقرب منها، بصراحة ما قدرتش مراد

طيب وانت ناوي تعمل إيه دلوقتي؟ ثم اتجوزها وخلاص، سدد ديونك يا عم، ومع الوقت الحب والقبول هييجوا. حازم بزهق بقولك ما قدرتش أستحمل خمس دقايق وأنا واقف معاها، تقولي اتجوزها وخلاص! أنا لو ما حبتهاش دلوقتي وحسّيت بالقبول ناحيتها، مش هقدر أتقبلها طول عمري. مراد بحيرة طيب خلاص سيبك منها، وقولي ناوي تعمل إيه دلوقتي؟ هتجيب الفلوس دي منين؟ حازم ينفخ بزهق وبعدين يقول.. حازم

هتكلم مع أحمد حامد، صاحب شركة المعامر، لسه نازل مصر امبارح، وأتمنى يوافق يساعدني. مراد باستغراب طيب وهو هيساعدك بحجة إيه؟ ده راجل بتاع بيزنس، وانت تعتبرعلى الحديدية دلوقتي. حازم بزعل هقدّم له مشروعي اللي كنت شغال عليه، وأتمنى يقبله. مراد بصدمة انت بتتكلم بجد؟ هتضحي بمشروعك وتعبك طول سبع سنين؟ حازم بزعل ما فيش حل تاني. مراد والله ضميرك اللي تعبك ومقيّدك، اسمع مني هترتاح. حازم

هو فعلًا تعبني، بس لو عملت اللي بتقولي عليه هتعب أكتر. أنا دلوقتي تعبان لوحدي، لكن أحسن ما أتعب إنسانة مالهاش ذنب معايا. —في عربية أحمد أحمد ومنه قاعدين في الكرسي الخلفي، والسواق سايق العربية. أحمد بيبتسم وهو بيفكر في ملك. منه تبص له باستغراب وهي بتقول: منه شكل الصنّارة غمزت خير يا حمودة، مين شاغل بالك؟ أحمد يبص لها وبعدين يقول: أحمد بقولك يا منه، هي البنت اللي اتخانقتي معاها في المول دي اسمها إيه؟ منه بقرف

وانت مش لاقي غير البقرة دي تسأل عنها؟ أحمد بغيظ منه، عيب كده. دي بنت زيك مهما كان شكلها ومنظرها. مش علشان ربنا مديكي نعمة تذلّي المحرومة منها. وهي ممكن تكون مريضة، فبلاش تحرجيها وتجرحيها. بدل ما تشوفي نفسك أحلى منها، حطي نفسك مكانها وشوفي لو انتي مكانها هتزعلي ولا لأ. منه تبص له بكسوف وهي بتقول: منه بصراحة أنا لو مكانها أنتحر، ده مافيش واحد في الجامعة غير ما بيضحك ويتريق عليها. أحمد بحزن

لا حول ولا قوة إلا بالله العلي العظيم وأتوب إليه. طيب ليه ما تكونيش انتي شمعة منوّرة في أوضة ضلمة وتصلّحي بدل ما تقلّدي؟ منه طيب يا عم خلاص، انت فتحت محاضرة. المهم مالك كده بتسأل عنها ليه؟ أول مرة تسأل على بنت. أحمد هاا… لا مافيش، هو سؤال عادي يعني، مش لازم يكون في حاجة. منه بابتسامة طيب، عيني في عينك كده. أحمد اعتبريني ما سألتكيش عن حاجه ولا اتكلمت. منه طيب يا عم ما تزعلش، علي العموم هي اسمها ملك. أحمد بتردد

طيب هي مرتبطة أو في حد في حياتها وكده؟ منه لا… ده كده الموضوع شكله كبير قوي. —في بيت أهل ملك ملك داخلة شايلة أكياس في إيدها، تلاقي حسام أخوها نازل من على السلم وبيجري عليها وبين عليه الغضب. حسام منك لله يا ملك، الكلب، ويخربيت اللي يعوز منك خدمة! ملك باستغراب الله! مالك ياض؟ ما أنا ظبطتلك الدنيا، عاوز إيه تاني؟ حسام بغيظ انتي نيلتيها مش ظبطتيها يا جحشة! ملك بغيظ ولاه ما تتلم وتاخد بالك، إنت بتكلم أختك الكبيرة! حسام

طيب يا ختي، أنا أقولك ظبطتي مع شيماء، تروحي تدبسيني في جواز! ملك باستغراب أمال إنت كنت عاوز تكلمها ليه ما دام مش جواز؟ حسام أنا غلطان إني طلبت منك حاجة! ثم أنا لسه مش متأكد من مشاعري ناحيتها. كنت عايز أعزمها وأتعرف عليها علشان أشوف في قبول ولا لأ، بس انتي خربتي الدنيا والبت فاهمة إني عاوز أتقدم لها. ملك تفتكر لما حازم عزمها على القهوة، تبص لحسام وهي بتقول: ملك يعني إنت كده بتحبها ولا بتحبهاش؟ حسام غبية!

أنا إمتى قلت بحبها؟ أنا بس كنت عايز أتعرف عليها مش أكتر، بس انتي خربتي الدنيا! ملك بصدمة أنا فكرتك بتحبها وعاوز تتقدم لها. حسام بغيظ هو انتي هبلة؟ هو أي واحد يعرف بنت أو يتكلم معاها يبقى بيحبها وعاوز يتجوزها؟ بجد انتي غبية قوي! حسام يسيبها ويطلع، وملك تكلم نفسها باستغراب: ملك ياتار الدكتور حازم كان عازمني علشان يشوف في قبول ولا كان عايز مني اي.. (تنفخ بزهق وهي طلع غرفتها) اوووف انا زهقت من أم التفكير في الموضوع ده..

ــــــــــــــــــ في شركة أحمد.. أحمد قاعد في مكتب باصص لملفات قدامه الباب يخبط. أحمد أدخل تدخل السكرتيره. مستر أحمد في شخص بره بيقول أسمه حازم صاحب شركة الملكة عاوزه يقابل حضرتك وبيقول موضوع في حياة وموت. أحمد باستغراب حياة وموت… طيب داخلي.. السكرتيره تمام يا فندم بعد أذن حضرتك.. السكرتيره تطلع وبعدين يدخل حازم شايل ملف يسلم علي أحمد. حازم مساء الخير… مع حضرتك حازم صاحب شركة الملكة. أحمد

اهلاً وسهلاً اتفضل اقعد وقولي تحب تشرب اي. حازم يقعد وبين عليه القلق والزعل. حازم ولا حاجه شكرا.. انا جاي وعشمي في الله وفي حضرتك.. و بصراحه محتاج دعم اقتصادي منك شركتي وبيتي محجوزا عليهم من البنك كنت صاحب قرض وللأسف دخلت في مشروع وخسرت. وفي المقابل تقدر تعتبر المشروع ده ملكك لو عجبك بأذن الله. حازم يناول أحمد الملف.. أحمد يبص له باستغراب ويفتح الملف وبعدين يبرق بصدمة وهو بيقول. أحمد انت بجد هتفرط في مشروع زي ده.

حازم بحزن والله لولا الظروف اللي انا فيه ما هفرط في تعبي المشروع ده تعبت فيه سبع سنين وللاسف خسرت كل حاجه بسببه. أحمد يبص له ويسكت شويه وبعدين يقول. أحمد للأسف ما قدرتش أقبله تحت اي ظرف انا مش ببني مستقبلي علي حساب احتياجات غيري. بس عندي فكره حلوه مستعد ادخل معاك شريك في لكن مش هكون مالك اساسي هقدم دعم اقتصادي المشروع كويس جداً ويستحق الدعم. حازم يبص له باستغراب وهو بيقول. حازم حضرتك بتتكلم بجد؟ أحمد

قولي عليك قد ايه للبنك وانا تحت امرك وعتبرهم قرض بره المشروع ده. ولما المشروع ينجح بأذن الله ردهم. حازم باستغراب طيب وانت هتساعدني كده من غير مقابل. أحمد ومين قالك من غير ماقابل انت شكلك مش مركز في كلامي. انا قولت هدخل شريك في مشروعك وأظن مقابل عادل لينا احنا الاتنين قولت اي؟ حازم بفرحة

موافق طبعاً وشكرًا جداً لحضرتك بجد مش عارف اقولك ايه والله ربنا يكرمك وبأذن الله هشتغل ليل نهار علي المشروع ده وبواعدك مش هخيب ظنك أبداً. أحمد متأكد انك مش هتخيب ظني. وحط في بالك مش علشان خسرت مره تحكم علي نفسك بالفشل الفشل هو اللي يقع وما حاولش يقوم. واوعي تفرط في تعبك علي حلمك من اول خبطة مشروعك يستاهل تحارب علشانه. حازم بسعادة اكيد يا فندم وبشكرك جداً بجد انت ما تعرفش مساعدك دي هتغير حياتي قد ايه بجد شكرا.

-بعد شهر في الجامعه ماشيه ملك مسكه ملف مع شيماء. ملك بسعادة بجد انا مش مصدقه نفسي الدكتور حازم اتغير معايا اوى وبقي بيكلمني كويس هو ممكن يكون حبني زي ما انا بحبه. شيماء بحيرة ملك هو انا مش شايفه في حاجه مميزة في تعامله معاكي بعترف انه اتغير شويه وبقي بيهزر ويضحك بس ده مع الكل مش معاكي لوحدك بلاش تعشمي نفسك في حاجه. ملك بغيظ طيب يا ختي تعالي معايا اديلها ملاحظتي علشان نسيتها في البيت امبارح. شيماء بزعل

ملك انا مش عدواتك والله ولا كرهلك الخير بس انا خايفه عليكي ومش عاوزكي تعشمي نفسك في حاجه علشان ما تتجرحيش في الأخر. ملك بحنق طيب ماشي خلاص اقفلي السيرة دي. شيماء تبص له بزعل وتسكت… في مكتب حازم.. قاعد حازم ومراد مع بعض. مراد بقولك ايه ما تظبطلي مع الاستاذ أحمد انا عايز اتقدم لأخته بصراحه عجبني اوى. أحمد بحنق

مراد اتكلمنا قبل كده في الحوار ده وانا قولتلك وهرجع اقولك انا امشي في جنازة ومامشيش في جوازه ثم انا حاسه انك في دماغك حاجه مش موضوع حب وجواز وكلام ده علشان كده خليني بعيد الراجل واثق في ومشغلني معاه وستددلي ديوني ومش عايز اخسره وخذله مهما حصل. مراد الله الله اي يا عم حازم هو انا عشان قولتلك اتجوز ملك وسدد ديونك من فلوسه هبقي انا هتجوز واحده علشان فلوسه يعني. حازم

والله انا لحد دلوقتي بحمد ربنا اني ما سمعتش كلامك والا كان زمان دلوقتي مدبس في واحده زيها لا جسم ولا منظر استغفر الله العظيم. انا مستحيلها طالبة في صفي بالعافيه مش عارف كنت هعيش معاها ازاي دي. علي الباب واقفه ملك وشيماء سامعين كلام حازم. ملك دموعها نازله وشيماء باصه لها بحزن. ملك بحزن ودموع. وانت ليه جاي علي نفسك اوى كده يا دكتور ما كنت تعرفني وانا والله كنت سبت الجامعه باللي فيها.