تحميل رواية «سلاف» PDF

سُلاف//طلقنييي…….بكرهك مش عوزه اشوف وشك

عابد//بدأنا نفس السيناريو تاني…….أنتِ مش بتتعبي انا زهقت منك

سُلاف//وانا كرهتك…..وتعبت منك…..انت مش بتحس انت فاكرني لعبة في ايدك تجيب بيها ريتش ومتابعين

عابد//حبيبتي فوقي لنفسك محدش اصلا مصدق انك مراتي واني بحبك انتي……كل الناس شايفة ان يليق عليا بنت اجمل منك بكتير انا بس اللي ساكت

كنت واقفه بعيد…….جمب السفرة……انا وقلبي المكسور…..وهو ماسك البلاستيشن ومش مركز معايا اصلا…….ولا عنيه قابلتني للحظات!!……مكنش مهتم بشكل….بشع!!!……وكأن كلامه عادي!!……وكأني مش بحس؟؟؟

كلامي بيخرج مني وانا منهارة……دموعي اللي مش بتقف…نفسي اللي باخده بصعوبة……….حالتي بقت صعبة……يمكن صعبان عليا حالي…..اكتر من كرهي لوجودي جمبه!!

سُلاف//انا همشي……مش قادره اقعد هنا اكتر من كده

عابد//تفتكري ده هيفيدني انا بحاجه؟؟……اينعم وجودك مزعج……لكن لو غيابك مفيد يبقي مع السلامة

سُلاف//اعتقد غيابي هيكون مثير للاشخاص الفضوليه اللي هيكونو سبب ان الريتش بتاعك يزيد

بقولها بسخرية…..وانا بمسح دموعي وبدخل اوضتي.. بقفل الباب…….بنام علي السرير وانا عيوني للسقف…… مش قادره اوقف دموعي!!……مش قادره اسيطر عليا!!؟؟…مشاعري جوايا كأنها بتعاند معايا……..ايدي اللي علي قلبي بشكل تلقائي مني…..وكأني بلمس اكتر حاجة وجعاني جوايا…..بحاول اهدي مشاعر الغضب….. الحزن……الانهيار…..التوهان اللي بقيت فيه بعد ما بقيت مش عرفاني…..

يمكن كل المشاعر دي مكنتش حاجة…..قد احساسي بالخوف….والوحده…..بعد ما جيت بلد مش بلدي!!…. لمجرد انه يقدر يصور فيديوهات احسن!!…..او يوصل فكرة معينه عن حياتي معاه وقد ايه هو راجل مثالي!!!

بفتكر كل الكومنت اللي جت علي شكلي!!…..وانه احلا مني؟….وازاي احنا مع بعض!!!!!……كلام كتير…..من أشخاص اكتر…..كل واحد فيهم بيقول رآيه فيا!!!!!

علي المقابل…..بنات كتيره بتمدح فيه…..شيفاه شخص مثالي…ياريت الرجاله كلها زيه!!!!!!…….ياريت جوزي كان زيك؟؟……كومنت كتيره كانت بتثير اشمئزازي وموجه الغضب اللي كل يوم تريد……منه……ومن الأشخاص المزيفة اللي عقولهم ساذجه

يمكن مش اجمل بنت……لكن اعتقد كان كفاية اني كنت انا….الحقيقة….كنت بحبني….كنت شيفاني فعلا جميلة…. لون بشرتي الاسمر…..اللي مكنتش شيفااه حاجة وحشه!!……شعري الكيرلي اللي كنت بضيع كل فلوسي عليه……وانا مبسوطه!!…..كل تفصيله فيا حلوة…كنت شيفاها حلوة……قبل ما اقابله…..

وابدأ اشوفني بشكل مختلف…….في مقارنة مع بنات كتيره……دايما بخرج منها انا الطرف الاقل جمالا!!!!!…. الطرف الاقل في كل حاجة!!!!!!…..

يمكن مشاعري مش بتهدى!!!……غضبي بيزيد…ووجعي كان اكبر….يمكن كانت اخر حاجة ممكن اتوقعها ان يجي يوم واكون فيه كده!!!!!……خسرت نفسي يمكن بأكثر الطرق بشاعة!!!!!!

♡_♡_♡_♡_♡_♡_♡_♡_♡_♡_♡_♡_♡_♡_♡_♡

نور الدين//صباح الخير

آمين//لا صباح ولا مساء

نور الدين//انت تطول اصلا اقولك صباح الخير

آمين//استغفرالله العظيم اسيبهالك وامشي!!!

نور الدين//هاتلي شاي يابني…..تصدق بالله يا آمين انت بتتقمص اكتر من مراتي

آمين//ربنا يصبرها ده انا مش قادره استحمل وشك

نور الدين//وانا اللي دايب في دباديبك!!!!!

قاسم//انتوا تاني؟؟؟…….الصبر يارب

آمين//شوف اخوك…..وخليه يبعد عن وشي

قاسم//عملت ايه تاني يااعم

نور الدين//معملتش حاجة……..هو ياادوب خبطت عربيته بالغلط……بقي مكبر الموضوع زي ما انت شايف كده

قاسم//اه لا فعلا معندوش حق

آمين//انا مشوفتش في بجاحتك

نور الدين//ما خلاص بقي مش كفاية نازل بمستوايا وقاعد معاك علي قهوة…..وعلي الصبح كمان

كنت واقفه في البلاكونة….وسامعة جدالهم المعتاد……. ومندمجة معااهم جدا…..ونور الدين بيحاول يداري عليا…….بما اني انا اللي خبطت العربية……..والشاي بالنعناع رفيقي…..المهدئ…..الحل لكل مشكلة……

ساجد//بس بس بس…….انتي يابت ياامراتي

بيقطع تركيزي معااهم……صوته…..اللي جالي من البلاكونة اللي فوق…..ببتسم ابتسامة بلهاء بتظهر عليا دايما لما بسمع صوته!…..مؤخرا بدات احس بنوع من انواع العبط الحركي!!…

شمان//كده صوتك واطي يعني!!

ساجد//مش ناويه تشيلي البلوك عجبك كلامنا وهو بث مباشر كده…..

شمان//كمان ليك عين تتكلم

ساجد//طيب فكي البلوك ونشوف الموضوع ده علي الواتس

شمان//مستحيل اكلمك عليه

ساجد//اتخانقتي معاه هو كمان!!!!

بنزل راسي…..وانا بتجاهل كلامه……بكمل النعناع بتاعي…..وعنيا علي نور الدين وهو بيكلم بابا….كالعاده بعمل المصيبه…..هو بيداري عليا…….ابنه بيطبلي…… والحياة ماشية

شمان//اتعلم يابني…..شايف بيداري علي مصايبي ازاي وكأنها مارون جلاسيه…….

ساجد//ايه البتاع ده؟؟؟؟

شمان//انت منزلتش الشغل؟؟؟

ساجد//صباح الفل النهاردة الجمعة

شمان//يبقي ننزل نتمشي بليل

ساجد//ننزل!!!!!!!!!!! لا مينفعش النيه لله يعني هصلي الف ركعه قيام لله

شمان//يسلااااااام

ساجد//اه انا راجل قوام إلا صلاتي ما اخليها

شمان//ساااااجد……انا اصلا مش طيقاك متزودهاش

ساجد//ما انتي مش بتتلمي من الشارع اعملك ايه النية هنتمشي الواقع بنرجع الصبح عشان الهانم ملهاش مزاج ترجع البيت

شمان//وانت بقي ياعيني بتبقي مجبور

ساجد//حصل انا عمري اصلا ما شوفت بنت بتحب القهوة البلدي……الكافيه قصر معاكي

شمان//قصدك اني مش بنات؟!!!!!………طيب والله لتقمص ياساجد……..وشوف مين هيفك البلوك ده انا همسح رقمك يابن نور

ساجد//خدي هنااا يابت…….انا هنزلك اوريكي ازاي تقفلي البلكونة في وشي يابنت آمين…….

بدخل الاوضة بتاعتي….وانا بضحك عليه….النهاردة الجمعة….اليوم العالمي للتنضيف معروفه!…….بغير هدومي…….للمرة اللي مش فاكره عددها…….بحاول احافظ على البيجامه من اي ارهاق لمشاعرها….عشان تفضل محتفظة بجمالها…….بما انها هدية منه…..مؤخرا بقيت اطبق اسلوبه معايا…..في البيجامه…..في الورد اللي مكنتش بحبه قبل ما اعرفه!!!!…….في الهدايا اللي كنت شيفاها شيء مبتذل بين اي اتنين!!!!!!!!!

بقي عندي شعور غريب اتجاه الجماد……وكأنه بيحس زي!!!……عيوني بقت تشوف مشاعري في اهتمامي بالتفاصيل…….في كل حاجة حلوة كانت بدايتها فكرة عنده!!!…….

يرقات//يلاااا يابنتي كل ده بتغيري……

شمان//طيب جايه

برفع شعري……اللي طول مؤخرا لوحده من غير منتجات بمليون جنية!!!!…..وبنبدأ حملة التنضيف….مع محاولات الانتهاء قبل معاد الصلاة……ومع شخصيتي الاخري اللي بتتذمر من تصرفاتي مؤخرا……وان انتي بجد حبيتي راجل!!!!!!!!!!………جزء قرر يحبه واتخاذ شخصية الجيرل اللي جوايا…..وجزء بيبعد بحذر شديد……بيفكرني كل شويه……بيحاول يقولي فوقي مينفعش ياخد مني الامان…..معقول هتثقي فيه!!!!!!

يرقات//هاتي المياة من جوه…..علي ما انفض السجاد

شمان//هاتي هنفضة انا

يرقات//ده من امتي ده؟؟؟؟؟؟

شمان//خلاص انا غلطانه

يرقات//ياريت بس ننفض السجاد علي طول عشان الصلاة هااااا

شمان//وانا هعمل ايه يعني يأخرك ياا لمضه

يرقات//لا مفيش خااالص انا بقولك تحسباً يعني بفكرك……

باخد منها السجاد وانا فاهمه قصدها……يمكن عندها حق بس ليه تقولها في وشي كده!!!!!!…..ببدا ادخلهم البلكونة……وحقيقي ليه الإنسان ممكن يعمل كده في اخوه الانسان!!!……ليه ميبقاش في سجاد اخف من كده؟؟؟؟؟…….ببدا افردهم علي البلكونة وانا بهزقني علي افكاري العقيمه…….واحدهم بيضحك فوق….. مقدره والله اني بحبه مبسوط…….لكن مش عليا!!!!!!

شمان//هو انت مش وراك غير البلكونة؟؟؟؟؟ وبعدين بتضحك علي ايه

ساجد//واحد وبيضحك انتي مالك……امرك عجيب

شمان//اه صح مش بكلمك

ساجد//انزل اساعدك…….انتي زي مراتي يعني زي بعضه

مُهاب//قفشتكم……ادخلي جوه يااابت

ساجد//انت مالك انت…..وبعدين انت اخويا انا ياغبي

مهاب//اه صحيح……..بس برضو ادخلي جوه عيب كده انا سنجل……تخدشوا حيائي

ساجد//نعم يا اخويا نعمل ايه؟؟؟؟؟؟؟!!!!!!!

يرقات//انتي كل ده لسه بتحطي السجاد علي البلكونة!!!!!!!!!!

مُهاب//ايه ده……اليوم نور والله

ساجد//ايه!!!!!!!!!!……حيائك يااااا

مهاب//حياء ايه ياعم اقعد بس……انا مرفوض خمس مرات يعني مش باقي علي الدنيا

يرقات//ادخلي انا هكمله…….

ساجد//ربنا يخليكي لفعل الخير……..

بيقولها بسخرية…..وهي بتقرب من البلكونة اكتر بعد ما بتسمع صوته…..بترفع رأسها وهي متعصبة منه…….. هي وساجد توم وجيري…….كانت عارفة سبب تاخيري ودلوقتي اتاكدت……لكن مش بترد عليه……..وبتنزل راسها على طول……..وبتتكلم بجدية وهي بتقولي ادخل اكمل علي ما تخلص السجاد وتدخله هي………

وانا بفهم انها شافت مهاب……..وبتاكد من صوت صرصور الحقل

اللي بسمعه بعدها……اعتقد هو كمان مكنش متوقع يشوفها!!!!!!!…….رغم اننا ولاد عم وجيران……لكن مش بيتقابلوا كتير……بعد ما هي بترفضه اكتر من مره……وبعد ما الكل بيفهم انه بيحبها

هروبها منه كان غريب جدا بالنسبالي……….لانه فعلا كان غريب……حدتها معاه كأنه عدوها…….اعتقد كانت السبب انه ميحاولش تاني معاها……او بشكل اصح ميحاولش للمرة السادسه علي التوالي

♡_♡_♡_♡_♡_♡_♡_♡_♡_♡_♡_♡_♡_♡_♡_♡_

عابد//لسه عوزه تمشي

بيدخل وانا بجهز شنطتي…….عنيا مش بتقابله بتجاهل كلامه…….وانا بقفل الدولاب……وببدا اشيل كل حاجة علي الكمود……المرايا……باخد كل حاجة……..وانا نيتي ان مستحيل ارجع هنا تاني

عابد//اعتقد محتاجه تفكري شويه…….خصوصا بعد اخر حاجة اهلك قالوهالك……..هتعرفي ترجعي؟؟

سُلاف//كويس انك قولتها بنفسك……اهلي…..يعني ملكش دعوة.

عابد//……ربع ثقتك وانتي راجعه……ولآمين!!!!!!

بيقولها بسخرية….وبيخرج….وانا بقعد جمب الشنط والزمن بيقف بيا لثواني…….مكنتش محتاجه حد يزود خوفي……او قلقي من رد فعله!!!!……مكنتش قادره اتوقع نهائي ايه ممكن يحصل؟؟؟؟؟…….مش هنكر ان عابد عنده حق نوعا ما……..وان آمين فعلاً شديد ومش فاهمه جايبه الثقه لرجوعي دي ازاي!!!!!!!!!

لكن اعتقد اي حاجة هتكون ارحم من الذل اللي شوفته من اللحظه اللي اتجوزت فيها عابد………يمكن شديد لكن كان هو اكتر مكان آمن بالنسبالي

الوقت بيعدى كله في التفكير……بتحرك وبكمل وعقلي بيفكر…….بفوق وانا في الطيارة!!!!!……وبقرر مفكرش واسيب كل حاجة زي ما تيجي…….

لكن بيقتحم عقلي كل ذكرياتي قبل عابد……وقد ايه حياتي كانت جميلة…….هادية…….كنت قادره احبني وعنده قدرة لرفض اي وضع مش مناسب ليا………

لكن دلوقتي بقيت مجرد ذكرى……شخصية في الماضي…..وخسرتها في طريقي معاااه………..بفوق من موجه الذكريات لكل الأشخاص……وبيتنا……علي وصولي……بستني الشنط وانا بدعي اليوم يعدى بسلام

♡_♡_♡_♡_♡_♡_♡_♡_♡_♡_♡_♡_♡_♡_♡_♡

سليمان//يابني اديني فرصة بااااااكل

ساجد//عوزين نلحق الصلاااااااة

مُهاب//حلوه البسطرمه دي……هاتيلي طبق مع سليمان

ساجد//يختاااااااااااااااااااي

مهاب//امك اكلها حلو يا سليمان……..هنزل اتغدى عندكم النهاردة

ساجد//لا انا حاسس ان هيحصلي حاجة عيسى فين

ريان//انا هصحيه…..تعالي افطر معاهم

ساجد//فطرت تسلم ايدك

مُهاب//اقعد اقعد هتندم لو مكالتش…تسلم ايدك

ريان//بالهناء والشفاء

سليمان//متمدش ايدك علي الطبق بتاعي

مهاب//هعجنك والله لو مسكتش

ساجد//ياشويه مفاجيع……….

قاسم//سلام عليكم

ريان//وعليكم السلام

قاسم//ابوك كان لسه بيسأل عنك تحت

مُهاب//هنزله لما اخلص اكل……..اقعد اقعد كل معانا البيت بيتك برضو

قاسم//ااه زي بعضه مراتي تاكلني صح؟!!!

مهاب//اه متتكسفش اقعد

عيسي//صباح الخير………هو انا كل ما اصحى الاقيك عندنا……

مهاب//شايفة مش مخليني عارف اكل ازاي!!!؟؟؟؟؟

ريان//صح ما تسيبوا الواد ياكل ايه كميه الزن دي….. كل ياحبيبي بالهناء والشفاء

قاسم//اه كل ياحبيبها اصلك ياعيني خاسس اليومين دول

ساجد//البس بسرعة عشان ننزل دول معاهم ربنا

عيسي//خمس دقايق واكون جهزت

سليمان//وانا خلصت اكل خمساية وهبقي معاكم

مُهاب//انا لابس جاهز والسبحه في جيبي وحافظ الاسم اللي هدعي عليه وكله تمام

قاسم//طيب ياااخفه خلص وتعاله عوزك

مهاب//انا!!!!!!!!!!!!!

قاسم//لا خيالك

مهاب//معملتش حاجة الأسبوع ده

سليمان//اشك…….سابك ودخل البلاكونة…….اعتقد عملت وناسي

عيسي//يمكن هيرميك المرادي منها ونخلص!!!!!

ساجد//او جايبلك عروسة……..

مُهاب//حلوه الاقتراحات دي……بس الواقع بيقول اني هتهزق

ريان//ينفع كل واحد فيكم يشوف هيعمل ايه عشان الصلاة…….وانت كمل اكلك براحتك وشوف عمك بس كل الاول

♡_♡_♡_♡_♡_♡_♡_♡_♡_♡_♡_♡_♡_♡_♡_♡

سُدى//مالك يا آمين انت تعبان….

بتحرك من مكاني…..بعد ما بسيب الچاكت اللي في ايدي علي الكرسي….وبقعد جمبه……يمكن فاهمه سبب سرحانه بالشكل ده……بطبطب علي ايده……وانا ببتسم فاهمه انه قلقان من زعل نور الدين……لكن بقرر اعمل نفسي مش عارفة حاجة…….وبسيبه يتكلم……يمكن ده يكون حل……

آمين//لا متقلقيش…….تفتكري نور الدين هيزعل!!!! انا عرفته واحنا تحت…….وكان بيضحك وبيدعيلي ان ربنا يتمم بخير ويكون محترم……حاول يأكد علي كلامه وانها زي بنته ويتمني ليها الخير……..لكن انا متاكد انه اضايق عشان مُهاب…….

سُدى//طبيعي يا آمين ده ابنه……خصوصا انه جه كذا مره واترفض من غير ما تفكر تقعد معااه اصلا

آمين//انا مش فاهم هي ليه رافضة بالشكل ده يعني تعرف عنه ايه مخليها كده

سُدى//آمين…….اقعد معاها انت……انا شايفة ان كلامك هيفرق معاها اكتر……ممكن تكون خايفة

آمين//خايفة!!!!!

سُدى//ايوة يا آمين……البنات في المرحلة دي بذات حتي لو مش بتخاف……هتخاف…..وممكن خوفها يبعدها خاالص…..وتقرر انها مش عوزه تجرب اصلا تدي فرصة…….جرب تقعد معاها…….لكن تتعامل علي انها خايفة وطمنها بشكل غير مباشر……..

آمين//فزوره!!!!!!!!

♡_♡_♡_♡_♡_♡_♡_♡_♡_♡_♡_♡_♡_♡_♡_♡

قاسم//كل ده بتاكل انت بتخزن

مهاب//اكلكم جميل انا اصلا هبقي عندكم في الغداء

قاسم//لا الغداء النهاردة عند عمك

مهاب//عمي مين!!!!……انتوا جايين عندنا!!!!

قاسم//بقول عمك مش ابوك……..جايين ضيوف عنده النهاردة

مهاب//ضيوف!!!!!……طيب احنا هننزل ليه؟؟؟؟؟

قاسم//…..في ناس جايين النهاردة يطلبوا ايد بنته طبيعي هننزل

مهاب//………….هو عنده بنات تاني من ورانا!!!!!!

قاسم//مهاب……..جايين ليرقات انت الاكل اثر علي دماغك

مهاب//وهي موافقة!!!!!

قاسم//الناس لسة اول مرة تيجي…….هتقعد معااه لو وافقت هنقرأ الفااتحة

هتقعد معاه!!!!!!!……يمكن استغربتها اكتر من ان جاي عريس…..رفضها من غير ما تقعد معايا كانت قصدها!!!!

محاولة كتم عصبيتي……وان الموضوع عادي كانت ارخم من اني هقعد معاهم!!!!!!……..او يمكن نزولي معاهم اسواء……عقلي اللي بدا يفكر في حجات كتيره تضايقني اكتر

مكنتش فاهم هنزل ازاي…….هشوفها…..لكن وهي خارجه تقعد مع انسان طفيلي لوحدهم!!!!! حتي لو في مكان قادر اشوفها فيه……يقعد معاها ليه!!!!! ممكن يعجب بيها!!!!!!! او يكون بيحبها اصلا؟؟؟؟؟؟…..يكلمها ليه وازاي؟!!!!!!!!!!!ممكن تحبه!!!!!!…….او توافق عليه ويخطبها؟؟؟؟؟؟؟؟

للحظات حسيت ان دماغي صدعت من العصبية اللي حسيت بيها فجاة…….كان جوايا نار غريبة……احساس بالغيرة…..مع الكره للشخص اللي مشوفتوش ولا مره مع الضيق منها ومن تصرفاتها وعندها الغريب……. بتعند في الرفض!!!!!…….معقول تكون بتكرهني!!!!!!!!

قاسم//مُهااااب……بكلمك

♡_♡_♡_♡_♡_♡_♡_♡_♡_♡_♡_♡_♡_♡_♡_♡

سُلاف//ايوه البيت اللي علي اليمين ده……..

بوصل عند البيت….وانا قلقانه……..قلبي بيدق بشكل غريب…..جايه اخاف كده دلوقتي!!!!!!!!………ببدا انزل شنطي…..والعربية بتمشي…..وانا بفضل مكاني مش عارفه اعمل ايه!!!!!!……..مش مستعده لآمين نهائي دلوقتي!!!!……..مش قادره اقابله…..ولا اشوف عنيه

هقوله ايه!!!!!………بسمع اصوات رجل نازله علي السلم لكن…….اعتقد انهم اكتر من حد……اصواتهم بتداخل مع بعض وهما بيتكلموا…….بحاول الاقي صوته بينهم لكن…….مش بقدر اميز صوت حد فيهم………لكن بيكون في صوت اقرب منهم……بينزل قبلهم……

ضحكته بتختفي لما بيشوفني……..مكنتش فاهمه مصدوم…..من وجودي……ولا من شكلي……رغم ان لبسي مكنش ضيق…….يمكن مبقتش بلبس حجاب وخلعته بعد ما سافرت…….لكن كان لبسي مازال واسع طويل…….

عيسي//سُلاف!!!!!!!!!!!!!!!!!

….بتكلم بالعافيه بين توتري اللي بداري فيه…..دقات قلبي السريعة…….وعيوني اللي خايفة تلاقي آمين نازل بعده……..

سُلاف//ازيك يا عيسي……..

بيفوق من صدمته علي صوتهم اللي قرب……بيتكلم وهو موطي صوته بعصبيه……..يمكن مكنش عاوزهم يسمعوا!!!!!!!……لكن بيشاورلي علي مكان اقف فيه توقعت يكون آمين معاهم؟؟؟؟؟؟ عشان كدا بعدت!!!!

ساجد//ايه الشنط بتاعتك؟؟

عيسي//مش عارف نزلت لقيتهم…….هنلاقي صاحبها جاي دلوقتي…….

ساجد//كده هنتاخر علي الصلاة……يلا نمشي

عيسي//روحوا انتوا هستني يمكن حد يجي ولو الاذن أذن هسيبها واجي

سليمان//لازم نبقي في المسجد قبل الأذان

عيسي//خلاص هاجي وراكم مع مهاب هو نازل دلوقتي مع قاسم

بيمشوا بعد استغرب ومحاولات من عيسي……..اللي بيبدا يشيل الشنط وبيطلع قدامي…….وهو بيقولي اطلع ورااه علي طول…..اعتقد الكل هناا مش هيحب وجودي……

سُلاف//شكرا تعبتك….

عيسي//………..

بيقف لثواني…….وبيكمل تاني من غير ما يرد عليا كنت حاسة اني محتاجه اعيط من اللي لسه هقابله!!!!بيقف قدام باب الشقة…….بيرن الجرس وانا ايدي بتبدا تترعش من الخوف…….والقلق……….بحس بنبض غريب في وشي……وبحس اني عوزه ارجع تاني خلاص غيرت رآي……..لكن وقتها الباب بيتفتح

آمين//سُلاف!!!!!!