تحميل رواية «شي من الخوف» PDF

رواية شئ من الخوف

الفصل الاول1

بقلم رحاب القاضي

وقبل ما نبدا حكايتنا اعرفكم بنفسي انا الدكتور سلوي عندي خمسه وأربعين سنه دكتوره نفسيه في مستشفي امراض عقليه وعصبيه..

ديما بيقولو علي اي مريض نفسي مجنون، بس نسيو يقولو او يفهمو ان اي حد. دخل المستشفي دي مش مجنون ولا مريض نفسي، لا دي ناس اتأذت وتعبت من مرضي نفسين كانو عايشين معاهم..

والحكايه اللي هحكيها النهارده تعتبر من اصعب وابشع الحكايات اللي سمعتها، وخلتني اقول هو الظلم الكتير والقسوه والخوف ممكن توصل البني ادم انه يتحول لوحش او شيطان ما عندوش رحمه..

تعالو قبل ما احكيلكم الحكايه بتاعت النهارده اعرفكم علي صاحبة الحكايه النهارده واللي اسمها سماء بنت زي ما بيقولو تقول للقمر قوم وانا اقعد مكانك، اتولدت من غير اب وام..

باباها ربنا مات بعد ما عمل حادثه هو ومراته مع بعض حادثه ومامتها كانت حامل فيها كمان تعبت اووي في الحادثه وهي كمان ماتت بس سماء طلعت من بطن مامتها عايشه والكل قال دي معجزه انها اتولت من جسم ام مش عايشه اصلا..

واخدها عمها ومرات عمها لما اتولدت وربوها مع ولادهم وكان عندهم ولدين اكبر من سماء واللي حصل وقتها..

فوزي العم

كلام ايه ده يا استاذ نعيم، بنت اخويا دي بتي وهتتربي وسط ولادي ما تقولي حاجه لجوزك يا سهير..

سهير

يعني هي بنت اخوك لوحدك ما بنت اخويا انا كمان، بقولك ايه يا فوزي انت ولادك صبيان انا ما حلتيش غيرها بنت واحده سيبهالي وانا هربي الاتنين سوا..

فوزي

العيال كلهم صغيرين ولما يكبرو يبقي يحلها حلال يا سهير، هاخد انا البنت بقي وفايزه مراتي هتشيلها في عينها...

_وقام فعلا مشي واخد. معاه سماء، وكان نعيم جوز سهير مدايق وقال..

نعيم

والله انا صعبانه عليا البت الصغيره دي اللي هتتبهدل معاهم هناك انتي عارفه اخوكي طبعه هو ومراته وبلدهم الارياف دي هيطلعو البنت مش واخده حقها لا في العيشه ولا في التعليم..

سهير

يا اخويا البت لما هتكبر تحمد ربنا انها لقيت حد. يربيها اصلا، وبعدين انا ما كنتش عايزها تتربي مع بنتي انا عايزه خيرنا كله يبقي لبنتنا وبس.

نعيم

لا والله اومال ليه كنتي عامله فيها العمه الحنينه وعايزه تاخدي البنت تربيها..

سهير

هو انت صدقت انا بس عايزه ابان قدام فوزي اخويا اني باقيه علي البت عشان الحاجات اللي بيبعتها من البلد تفضل تيجي وافضل قريبه منه..

نعيم

انتي ايه الطمع ده با وليه، اعملي خير عشان ربنا وعشان تلاقيه في بنتك الواحد مش عارف ايه اللي مخبيه ليه ربنا ما يمكن اا

سهير

فال الله ولا فالك ليه بس الكلام الوحش ده. علي العموم دي بنت اخويا وانا هعمل اللي يريحني وما ليش دعوه بحاجه تانيه..

قام نعيم وقال

انا نازل اقعد تحت وروحي شوفي بنتك جوه لتصحي وربنا يهديكي يا سهير علي نفسك..

خلص كلامه ونزل ودخلت سهير اوضتها وطلعت علبة الدهب بتاعت ام مياده وقالت لنفسها...

سهير

الحمد لله وان مرات اخويا ما لهاش حد يدور وراها ولا حد اخد باله من الدهب ده، اهو ده كله هيبقي ليا انا ولبنتي..

وفي البلد بتاعت فوزي اول ما وصل وادي البنت لمراته فايزه وقال..

فوزي

خلي بالك من البنت بقي يا فايزه دي لسه عمرها كام يوم..

فايزه

ايه يا اخويا هو انا مش كفايه عليا العيال جايبلي هم كمان انشغل بيه..

فوزي

يا فايزه دي بنت يتيمه وبنت اخويا، خلينا نربيها مع الولاد ونبقي عندها تلات عيال بدل اتنين وربنا يباركلنا فيهم.

فايزه

اربي بنت مش بنتي ليه واخلطها في عيالي، وبعدين انت عيالك رجاله هنربي وسطهم بنت ازاي اتقي الله في كلامك شويه..

فوزي

اتقي الله انتي يا وليه يا خرفانه دول لسه عيال وبنت حتت لحمه حمرا علي ايدك ومقسيه قلبك عليها، واسمعي بقي اخرة الكلام البنت دي هتتربي هنا وسط عيالنا ولو انتي مش هتقدري تربيها يبقي اتفضلي علي بيت ابوكي وانا اجيب وحده تربيلي التلاته..

فايزه

خلاص يا اخويا هيتخرب عليا ولا ايه بسبب البنت دي، هربيها وامري لله واهو كله بثوابه..

فوزي

عليكي نور كله بثوابه، والبت دي لو لقيتك مهمله فيها او بتعامليها مش كويس انتي عارفه انا هعمل فيكي ايه...

فايزه

يا اخويا دي عيله صغيره وبرضو انا عندي قلب بس كل الحكايه انا مش عايزه اتعب وما صدقت العيال كبرو ودخلو المدرسه وقولت ارتاح..

فوزي

والله استني بس كرم ربنا ليكي بعد ما نربي البنت دي، المهم انا لسه ما سميتهاش ومش عارفه اسميها ايه..

فايزه

الله يا فوزي بص عينيها لونها ازرق زي السما..

ابتسم فوزي وقال

انا خلاص لقيت الاسم اللي هسميه ليها،انا هسميها سمااء يلا خدي سماء وخدي الفلوس دي وانزلي هاتيلها شوية هدوم حلوين

فايزه

طيب هو ينفع طيب نجيب للبنت وما نجيبش لولادك هات بس قد الفلوس دول اهو نفرح العيال..

وطلعلها فوزي الفلوس وقال

خدي يا ستي اهو، وربنا يقدرني واجيبلكم كل اللي انت عايزينه..

واتربت سماء فعلا مع بيت عمها، وكانت كل ما تكبر كل ما جمالها يزيد اكتر وكان اي حد يشوفها ينبهر بجماها وهدؤها،ولحد. ما بقي عندها 18 سنه واللي حصل..

كان راجع فوزي من الشغل وقربت منه سماء وقالت وهي مبسوطه..

سماء

باركلي يا عمي انا نجحت وطالعه الاولي علي الثانويه العامه..

فوزي فرح وقال

بجد. يا سماء الف مبروك يا بنتي ربنا يباركلي فيكي وتعيشي وتفرحيني..

دخل عادل ابن عمها وقال

البركه فيا علي فكره انا اللي كنت بذاكرلها ولا ايه يا سماء..

سماء

علي كام مره شرحتلي فيهم، وبعدين واحد. زيك في كلية الطب اكيد مش فاضي اشرحلي انا..

ضحكك فوزي وقال

هههههه اكيد انتي معاكي حق يا سماء ينفع نفسه الاول وبعدين يتكلم..

وعلي الكنبه جنبيهم كان قاعد يحيي ابن فوزي ومعاه فايزه امه وقال يحيي وهو مدايق..

يحيي

شايفه يا ماما بتتكلم مع عادل ازاي وانا مش مداياني اي ريق حلو..

فايزه

لا وكمان عايزه تدخل كلية الطب وابوك يصرف عليها..

يحيي

وفي الاخر الدكتور ياخد. الدكتوره وانا اقعد بقي اغني ظلموه..

فايزه

فشررر طيب استني عليا ان ما خليت البنت دي تبقي ايامها معدوده هنا ما ابقاش انا...

يحيي

يعني ايه الكلام ده يا ماما انا مش عايز سماء تسيبني انتي عارفه اني بحبها واني مش هكمل تعليمي عشان اشتغل واتجوزها بسرعه..

فوزيه

اتنيل علي خيبتك انت اللي مش فالح في التعليم ما تاخدش البت دي حجه عشان تبطل تروح الكليه ويارتها كليه عدله حتي..

يحيي

خلاص طيب يا ماما المهم اتصرفي بقي وشوفي حل في الموضوع ده، عشان لو عادل اتجوزها انتي ما تعرفيش انا ممكن اعمل فيهم كلهم ايه

فايزه

هتعمل ايه يعني اتنيل علي خيبتك، وسيبني انا احل الموضوع ده...

وتاني يوم راحت عندهم. سهير اللي كانت لابسه هدوم غاليه ودهب في ايديها وقعدت مع فايزه وقالت..

سهير

خير يا فايزه جيباني من القاهره لحد هنا علي ملي وشي كده ليه، خير ان شاء الله حصلت حاجه ولا ايه؟..

فايزه

لا كل خير ان شاء الله بس ايه الصيغه دي كلها والهدوم دي يا حبيبتي، كل ده من المشروع اللي فتحتيه..

سهير

اومال يعني هكون جيبتهم منين، اهو المشروع بقي دلوقتي مدخل همه بالعافيه..

فايزه

لا والنبي بقي كل الشياكه دي ومدخل همه بالعافيه، بس الا هو انتي جيبتي الفلوس بتاعته منين؟..

سهير بحده

جرا ايه بقي يا مرات اخويا هو انتي جيباني هنا تحققي معايا علي لبسي وشغلي ما تقولي في ايه انا عايزه ارجع قبل الشمس ما تغيب..

فايزه

هقولك يا حبيبتي، بنت اخوكي البت كبرت واحلوت وادورت وبقيت تقول للقمر قوم وانا اقعد. مكانك وانا عندي اتنين رجاله في البيت والشيطان شاطر..

سهير

من غير ما تكملي فهمت اللي عايزاه من كلامك ده، اسمعي عايزه تجوزيها لواحد. من ولادك. عندك. يحيي انما الدكتور عادل ده هيتجوز عزه بنتي..

فايزه

جواز ايه يا اختي دلوقتي الولاد لسه في الكليه ولا حد. منهم جهز شقته ولا حاجه انا قصدي تخليها عندك وتاخديها من هنا لحد ما ابني يحيي يجهز نفسه ويتجوزها..

سهير

لا بقولك ايه يا مرات اخويا انا ظروفي علي قدها ومش فاضيه بصراحه اربي واصرف..

فايزه

اعتبري جوازة بنتك من عادل قصاد انك تاخدي البنت دي، اصلها راسمه عليه ولو فضلت قدامه الله واعلم هيحصل ايه، وبعدين انا مش عايزاها تدخل اي كليه..

سهير

اوووف طيب هاخدها سبيني انا هتكلم مع اخويا فوزي وهاخدها..

فايزه

يبقي كده اتفقنا يا سهير يا حبيبتي، تعالي بقي ارتاحي جوه..

وبره البيت كانت سماء ماشيه مع عادل وهي مدايقه اووي، وقال عادل..

عادل

مالك يا حبيبتي زعلانه كده ليه؟..

سماء

بصراحه كده يا عادل انا مش هقدم علي كلية الطب مش عايزه اتقل علي عمي في المصار يف اكتر من كده..

عادل

بس ده حلمك يا سماء، بابا هيتصرف وهيجيب مصاريفك..

سماء

معلش يا عادل انا كده هكون مرتاحه كده اكتر..

عادل

ان شاء الله نتجوز يا قلبي بعد. ما اخلص الجامعه ووقتها هعوضك عن كل حاجه واخلي اي حاجه تحلمي بيها تبقي ملك ايديكي..

سماء

طيب تفتكر بقي انت بعد كلامك ده هستني ايه تاني، انا بحبك يا عادل ومستعده ااعيش معاك في اي ظروف..

فرح عادل بكلامها وقال

طيب يلا بقي بينا نروح عشان عندي مذاكره كتير بالحال ده مش هتخرج من الكليه خالص..

سماء

يا سلام هو انا اللي قولتلك تخرجني يعني...

ضحكو هما الاتنين وبعدين رجعو البيت واتفاجئو لما لقيو عمتهم سهير عندهم..

فايزه

اهلا اهلا نورتو الدنيا كلها كنتو فين بقي؟..

سهير

لا لا اخص عليكي يا فايزه بقي سيباهم يتصرمحو مع بعض من غير زابط ولا رابط..

عادل

ايه الكلام اللي انتو بتقولوه ده، انا كنت مع سماء بتعمل التنسيق عشان تشوف هي هتدخل كلية ايه..

سهير وقفت وقالت

خلاص يا عادل يا حبيبي ما تزعلش احنا مش قصدنا حاجه، انت نيتك خير بس الناس مش هتفهم ده وسماء بنت ولازم نخاف علي سمعتها..

فايزه

وعشان كده بقي عمتك جايه تاخد سهير معاها وتعيش في القاهره لحد ما يجيلها نصيبها...

سماء بخوف

لا انا مش عايزه تمشي من هنا انا بحب القعده هنا اووي..

فايزه

قولت لا ما ينفعش انتي كبرتي يا اختي وانا عندي رجاله وعيب تقعدي وسطيهم...

عادل

ايه يا ماما الكلام اللي انتي بتقوليه ده..

فايزه

اخرس يا واد انت وبعدين ابوك موافق وهو اللي قال لعمتك تيجي وتاخدها، يلا يا سما روحي لمي هدومك..

سما دموعها نزلت وقالت

حاضر يا مرات عمي...

_ودخلت سماء جابت هدومها ومشيت مع عمتها ودموعها بتنزل علي وشها وكل شويه تمسحها، واول ما رجع فوزي قالتله فايزه..

فايزه

وبس بقي يا اخويا لما لقيت ان الموضوع زاد عن حده قولت اخليها تقعد عند سهير..

فوزي

تصدقي انك وليه... والله ما في داعي للكلام، بس كنتي قوليلي وانا اتصرف..

فايزه

يخلص بس يحي الكليه ونرجعها وهي مراته، بس نعمل ايه بقي في عادل..

فوزي

ماله عادل بس، هو يكره ون سماء تتجوز اخوه..

فايزه

اصل عادل سمعته بيقول ليحي ان واحده زي سماء هترضي بيك ازاي واتخانقو راح عادل قالو والله لاخدها منك رغم اني مش بحبها بس مش هخليك تتجوزها...

ادايق فوزي وقال

اخص عليك يا عادل، طيب خلاص نسيب الموضوع ده لوقته، وانا هبقي ار ح ازورها واديها مصاريف كليتها...

فايزه

نعممم مصاريف ايه تاني ما اولي بيها عمتها هي اللي تدفع المصاريف..

فوزي

دي حاجه ترجعلي والفلوس دي بتاعتي وانا ادفع اللي عايزه، ما قولتكيش تجيبي حاجه من بيت اهلك...

قال كلامه وراح دخل اوضته، وقرب يحيي من مامته وقال..

يحيي

انا بحبك اووي يا ماما ربنا يخليكي بيا يا ست الكل وما يحرمنيش منك ابدا...

فايزه

ولسه ان ما خليتها تيجي هنا وتبقي شغاله تحت رجليك ما يبقاش اسمي فايزه..

الفصل الثاني من هنا

رواية شي من الخوف

الفصل الثاني2

بقلم رحاب القاضي

وصلت سماء مع سهير بيتها اللي في القاهره، واول ما دخلت معاها كانت عزه بنت سهير اللي اكبر من سماء بسنتين قاعده في الصاله ولما شافت سماء قالت..

عزه

انتي مش قولتي انك رايحه تزوريهم وجايه، جايبه ليه البتاعه دي معاكي..

سماء بحده

ايه بتاعه دي، انا اسمي سمااء يا عزه..

قبل ما ترد عزه زعقت سهير وقالت

جرا ايه يا عزه ما براحه علي بنت خالك اللي خلاص هتعيش معانا وتبقي زي اختك الصغيره..

عزه

نعمم اختي الصغيره وتعيش معانا، لا طبعا انا مش بحب البنت دي خليها تمشي..

سماء بدموع

لو سمحتي يا عمتي كلمي عادل او عمي يجو ياخدوني..

عزه

وانتي مالك ان شاء الله ومال عادل، يا ماما خلي البنت دي تمشي انا مش طايقه اشوفها قدامي..

سهير

ما تخرسي يا بت انتي وانتي يا سماء روحي الاوضه اللي جنب المطبخ دي روقيها واقعدي فيها يا بنتي يلا

سماء

حاضر يا عمتي عشان خاطرك انتي بس....

ودخلت سماء اوضتها وقعدت سهير جمب عزه بنتها اللي كانت متعصبه جدا وقالت..

سهير

انتي ليه ما بتسمعيش الكلام مش انا بقولك اسكتي..

عزه

لا والله بقي جيبالي البت دي هنا وعايزاني اسكت انتي عارفه اني مش بطيقها ولا بحب اتكلم معاها..

سهير

لا والله اومال يعني عايزاني اسيبها قاعده عند عادل لحد ما تاخده منك...

عزه

نعمم ده يبقي اخر يوم في عمرها لو فكرت في عادل..

سهير

خلاص يبقي تسمعي كلامي بالحرف الواحد. يا عزه فاهمه ولا لا وانا هخلي عادل ما يتجوزش غيرك..

عزه

حاضر يا ماما هسمع كلامك، بس انا مش عايزه البت دي تقعد. هنا وتحط راسها براسي..

سهير

فشر هو انا في حد زي بنتي، ده انا هخليها تبقي المرمطون بتاعت البيت هنا بس كله بالهداوه..

عزه

اذا كان كده ماشي يا ماما..

وبالليل كان كلهم قاعدين بيتعشو ومعاهم سماء ونعيم جوز سهير بص لسماء وقال..

نعيم

منورانا يا سماء يا بنتي اوعي تعملي نفسك ضيفه دي بيتك وانتي هنا زي بنتي عزه مش عايزك تتكسفي من حاجه وكل اللي تحتاجيه تيجي وتقوليلي..

سماء

شكرا يا عم نعيم ربنا يبارك فيك يا رب...

نعيم

قوليلي بقي انتي ناويه تدخلي كلية ايه؟..

سماء

انا عملت التنسيق علي كلية تربيه انجليزي..

نعيم

وليه مش طيب او هندسه انتي جيبتي مجموع كبير ده انتي طالعه الاولي علي الجمهوريه..

سماء بحزن

يعني عشان احمم انا حاسه اني هكون احسن في تربيه..

نعيم

ماشي يا بنتي وانا معاكي في اللي انتي عايزاه مش عايزك تشيلي هم اي حاجه...

سماء

شكرا يا عمي والله انا مش عارفه اقولك ايه؟..

بصت عزه لسهير بغيظ وقالت

سماء قومي هاتيلي مايه من المطبخ وحطيلي فيها نص لمونه..

نعيم

وانتي فيكي رجلين سيبي اختك تاكل وقومي هاتي لنفسك اللي انتي عايزااه..

سهير بحده

في ايه يا نعيم ما بالراحه علي البنت، وبعدين سماء اختها وعادي يعني لو طلبت منها حاجه..

وبعدين بصت لسماء وقالت

معلش يا سماء هاتيلها مايه اصلها لما بتقوم من علي الاكل وترجع نفسها بتتسد..

قامت سماء وقالت

حاضر يا عمتي من عينيا...

وراحت سماء جابت مايه لعزه وقعدت كملت اكلها معاهم، وبالليل كانت سماء قاعده في اوضتها ودخلت عندها عمتها وقالت..

سهير

كويس انك لسه صاحيه يا سماء، كنت عايزه اتكلم معاكي شويه..

سماء

اتفضلي يا عمتي انا تحت امرك..

سهير

ما يؤمرش عليكي عدو يا حبيبتي، المهم انا كنت هكلمك علي موضوع الكليه..

سماء

لو سمحتي يا عمتي انا كنت عايزه ادخل تربيه انا مش قد كلية الطب..

سهير

وبصراحه كده ولا احنا قد اننا ندخلك كليات اصلا..

سماء

يعني ايه الكلام ده يا عمتي انا مش فاهمه حاجه..

سهير

الكلام واضح والمفروض انك تاخدي بالك، عمك دفع اد كده عشان يخليكي تاخدي الثانويه ولما لاقاكي لسه مكمله وكليه ومصاريف رماكي عندي وانا بصراحه الكليه الخاصه بتاعت عزه والجهاز بتاعها ومصاريف البيت هما اللي بقدر عليهم يعني لا هقدر ادخلك كليات ولا اصرف عليكي غير في الاكل والشرب لحد ما يجيلك نصيبك ونبقي نشوف بقي هنجيب فلوس جهازك منين..

نزلت دموع سماء وقالت

بس عم نعيم قالي انه يعني ممكن اا..

سهير

عمك نعيم يا حبيبتي طيب وبيقول كلام في الواسع، انما انتي ترضيها يتداين عشان يصرف عليكي..

مسحت سماء دموعها وقالت

لا طبعا، واللي حضرتك عايزاه اعمليه انا فعلا كفايه عليا اني لاقيه بيت يسترني وباكل وبشرب..

سهير

عليكي نور انتي كده فهمتي كلامي كويس،بكره لما نعيم يسالك علي تقديمات الكليه تقوليلو انك مش عايزه تكملي عشان عايزه تقعدي في البيت فاهمه يا بنت اخويا....

سماء بصت للارض وقالت

فاهمه يا عمتي حاضر

وقامت سهير وطلعت بره اوضة سماء اللي فضلت تعيط وراحت وقفت في الشباك وقالت..

سماء

ياارب انت عارف ايه اللي جوايا واللي حاسه بيه دلوقتي وكلتك اموري انا ما ليش غيرك يهون علي قلبي..

وتاني يوم كانت سهير قاعده، وقرب منها نعيم وقال..

نعيم

انتي يا وليه قولتي لسماء حاجه، البنت بدل ما كانت فرحانه بالكليه بقيت رفضاها وبتقولي عايزه تقعد في البيت..

سهير

الله وحده غبيه وكسوله انا مالي، بقولك ايه يا نعيم خلي البنت براحتها وانت طلع نفسك منه الموضوع ده..

نعيم قام وقال

انا سيبهالك وماشي اصلا، رايح اقعد علي القهوه لو احتاجتو حاجه كلموني وهاجي...

سهير

روح يا اخويا بالسلامه والقلب داعيلك..

طلع نعيم بره البيت وندهت سهير علي سماء بصوت عالي وقالت..

سهير

سمااااء يا بت يااا سماء خدي هنا بسرعه..

طلعت سماء من اوضتها وقال

نعم يا عمتي في حاجه ولا ايه؟..

سهير

بصي الشغاله ما جاتش الفلوس اللي كنت بديهالها الفلوس مش هتيجي لتن مصاريف البيت بعد كده هتزيد بسببك انتي وقعدتك معانا، وانا قولت بقي مش هجيبها تاني وتبقي انتي تساعديني في شغل البيت بدل ما تبقي قاعده. واهو تتعلمي عشان تبقي ست بيت شاطره لما تتجوزي..

سماء

حاضر يا عمتي انا اصلا كنت بساعد مرات عمي في اللي وبعرف اعمل حاجات كتيره في شغل البيت كله..

سهير

بجد. طيب يلا وريني شطارتك يلا، امسحي الحمام وبعدين اغسلي ايديكي كويس تعملي غدا لينا وابقي لما تيجي عنه شوفيها عايزه تتغدي ايه وتعمليه وبعدين روقي المطبخ..

سماء

كل ده هعمله انا لوحدي يا عمتي؟..

سهير

دي حاجه بسيطه شغل البيت ساهل اصلا يلا يلا روحي اعملي اللي قولتلك عليه بدل ما انتي قاعده كده...

بصت اسماء للارض وخاقت ترفض هي هتروح فين يعني وعملت كل اللي قالته سهير، وتعبت جدا ولما جات تنام قالتها سهير..

سهير

علي فين دلوقتي يا حبيبتي، انا رايحه الشغل بتاعي تستني يجي جوز عمتك عشان تجهزيله الاكل وعزه لما. تيجي اوعي تزعليها انا بكره اي حد. يزعل بنتي فاهمه..

اسماء بحزن

حاضر يا عمتي...

وسماء من الوقت ده وبقيت شغاله في بيت عمتها، وبتستحمل كلام عزه ورخامتها عليها واتعودت تسمع وتسكت وتقول حاضر ونعم وفي يوم كان عمها رايح عندهم ، ودخلت عندها سهير وقالت..

سهير

بت يا سماء عمك جه بره تعالي سلمي عليه وادخلي علي طول لانه جاي يكلمني في موضوع خاص..

سماء

عمي ده واحشني اووي وانا عايزه اقعد. معاه شويه..

سهير

انتي ما بتفهميش يعني بقولك جاي عايز يتكلم معايا في حاجه خاصه يعني تسلمي وتدخلي جوه علي طول..

سماء

حاضر يا عمتي اللي تشوفيه..

وعملت فعلاً سماء زي ما طلبت منها عمتها سلمت ورجعت اوضتها بسرعه وفوزي سألها وقال..

فوزي

مالها سماء يا سهير دي البت خست النص ووشها بقي دبلان..

سهير

والله مش عارفه ده. انا غلبت اراضيها يا بت يهديكي يراضيكي مالك مش بتتكلم، ده. حتي عزه بتتدخل تتكلم معاها وتقولها يلا نخرج بتزعق فيها وتكسفها وانا بقول معلش تلاقيها بس تغير المكان هو اللي مخليها مش كويسه..

فوزي

ما يمكن طيب زعلانه عشان الكليه هي ليه اصلا ما دخلتش وا..

قالت سهير بسرعه

عشان يحيي اللي خدت بالي منه. ان البنت سماء عينها علي يحيي وبتحبه واللي مزعلها هو بعدها عنه..

ضحك فوزي وقال

يا ستي كلها سنه ويكون يحيي خلص الكليه وانا هخليه يظبط الشقه بسرعه واخليهم يتجوزو، ونخلي عادل وعزه لبعدين لحد ما عادل يخلص كليته ويفتح العياده هنا في القاهره..

سهير

ايوه هو ده الكلام ربنا يريح بالك وقلبك..

فوزي

طيب امسكي الفلوس دي خليهم معاكي او ادي سماء شويه منهم انا مش عايز تكون حاجه نقصاها...

سهير

اخص عليك يا ابو عادل بقي تديني فلوس عشان اصرف علي بنتي...

فوزي

ايه اللي بتقوليه ده. يا سهير، امسكي طيب دول قرشين توسعي بيهم علي نفسك وعلي البنات...

سهير

ربنا يخليك ليا وما يحرمنيش منك ابدا يا حبيبي...

قام فوزي وقال

يلا بقي امشي انا عشان الحق اوصل البيت قبل الضلمه ما تضلم..

سهير

طيب استني نتغدي مع بعض..

فوزي

لا ما انا اتغديت مع نعيم لما روحتله المكتب بتاعه، يلا بقي فوتك بعافيه..

وبعد ما مشي فوزي دخلت سعير اوضتها وكلمت فايزه وقالتلها..

سهير

ايوه يا فايزه جوزك جه ومشي وعملت زي ما انتي قولتي ما خلتش سماء تقعد. معاه..

فايزه

جدعه يا سهير دي لو كانت قاعدت معاه كانت قالتله علي اللي عملاناه انا وانتي..

سهير

جرا ايه يا فايزه هو احنا عملنا ايه يعني، انتي بتحافظي علي عيالك عشان كانت هتخرب بينهم، وانا عايزه آمن مستقبل بنتي..

فايزه

ايوه انتي معاكي حق، علي العموم هو قريب اووي هجيب يحيي وارجعها عندي تاني انا بصراحه بحبها وغاليه عليا وهي وحشتني اووي..

ضحكت سهير وقالت

هههههه لا ضحكتيني والله المحبه يا اختي باينه ومقطعه بعضها..

فايزه

اسكتي انتي مش عارفه حاجه، انا ايوه بحبها بس مش عايزه ولادي يخسرو بعض، ولا عايزاها تبقي اعلي من يحيي في العلام وعشان كده انا سيبتهالك..

سهير

انا المهم عندي تجيبي ابنك وجوزك وتيجو تاخدوها من عندي قأقرب وقت..

فايزه

حاضر بس تجهز الشقه وهنيجي....

وقفلت معاها فايزه وراحت لابنها عادل اللي كان بيذاكر في اوضته ودخلت عنده وقالت..

فايزه

مش هتبارك لاخوك يا عادل؟..

عادل

خير يا ماما هباركله علي ايه ان شاء الله..

فايزه

قال انه عايز يخطب سماء وانا وابوك وافقنا..

عادل بعصبيه

ايه الكلام ده. يا ماما، انتي عارفه وكلكم عارفين ان انا بحب سماء وانا اللي هتجوزها..

فايزه

ابوك هيخطبلك عزه بنت عمتك، انما سماء دي مناسبه لاخوك وهو اللي قال عليها قبلك..

عادل

انا مستحيل اوافق علي الكلام ده.، انا بحب سماء مش عزه ليه بتعملو فيا كده.؟..

فايزه

انت عاقل وهتسمع الكلام لما تتجوز عزه اللي متعلمه تبقي مرات دكتور تبقي لايقه عليه، انما سماء اللي واخده الثانويه مش هتليق بيك هي هتبقي كويسه مع يحيي وهو بيحبها هتكسر قلب اخوك...

عادل

يحيي قالك انه بيحبها يا ماما؟..

فايزه

ايه اللي بيحبها، اخوك لو ما اتجوزهاش يا عادل هيعمل حاجه في نفسه ابوس ايدك. يا ابني بلاش تعمل مشكله ولا تخليني اخسر اخوك...

عادل عيونه اتملت دموع وقال

براحتكم اللي انتو عايزين تعملوه اعملوه..

فايزه

شاطر يا حبيب امك ربنا يخليك ليا وميحرمنيش منك ابدا انت واخوك...

قالت كلامها وطلعت وعادل طلع صورة سماء من بين الكتب بتاعته وقال وهو بيعيط..

عادل

هو انا اللي لازم اضحي بيكي يا سماء عشان اخويا، انا اسف بس مش هقدر اقف في وش سعادة اخويا حتي لو علي حساب نفسي..

ــــــــــــ ـــــــــــ

_وعدت سنه كامله كانت سماء بتتعرض لكل ما هو ظالم مع عمتها وبنت عمتها، وفي يوم دخلت عندها سهير اوضتها بالليل وقالت..

سهير

قاعده صاحيه ووقفه في الشباك والصبح تقومي بالعافيه...

سماء

نعم يا عمتي في حاجه عايزاني اعملهالك...

سهير

ايوه بكره تصحي بدري وتاخدي شاور وتلبسي حاجه حلوه عشان عمك ومراته جايين يقرو فاتحتك..

فرحت سماء وقالت

هيقرو فاتحتي انا وعادل مش كده؟..

قربت منها سهير ومسكتها من دراعها جامد وقالت بحقد...

سهير

عادل ده عريس بنتي انا هياخد عزه، جايين يا روح امك يخطبوكي ليحيي..

اتملت عيون سماء دموع وقالت؟؟...

الفصل الثالث من هنا

رواية شئ من الخوف

الفصل الثالث3

بقلم رحاب القاضي

سماء

اييه ازاي يعني يحيي، عادل اا..

سهير

والله العظيم لو اسم عريس بنتي جه علي لسانك تاني هوريكي الوش التاني وانصحك بلاش تشوفيه انا ممكن اخلي عمك يموتك ونخلص منك فاتقي شري..

سماء ببكاء

مش عايزه اتجوز خالص، لا يحيي ولا غيره..

سهير

وانا يا روح امك هفضل مقعداكي عندي، انتي تقولي حاضر وبس والا هخليكي تتجوزيه وبفضيحه وانا اقدر اعمل كده...

الدكتوره سلوي

وقالتلي سماء انها وافقت ورضيت بالجوازه اللي وصفتها بانها من البدايه هم علي قلبها..واتعملها فرح حلو وبتقول انها ما شافتش عادل خالص وما كانتش مهتميه تشوفه لانه ما اتمسكش بيها..

_ وتاني يوم جوازها الصبح طلعت بره اوضتها وقعدت في الصاله وشويه والباب بتاع شقتها خبط ولما فتحت كانت فايزه مرات عمها جيبالهم الفطار ..

سماء

صباح الخير يا مرات عمي اتفضلي.

فايزه

صباحيه مباركه يا عروسة ابني...

_ ودخلت وحطت الاكل علي الترابيزه، وقالت وهي مدايقه..

فايزه

ايه ده يا سماء هو انتو نمتو وسيبتو التلفزيون مفتوح ولا ايه؟..

سماء

لا والله يا مرات عمي ده انا بس صحيت من شويه وما جاليش نوم..

فايزه

حتي لو برضو اياكي تقومي مره تانيه من جنب جوزك انتي فاهمه ولا لا؟..

سماء

وفيها ايه يا مرات عمي بس اا..

زعقت فيها فايزه

تسمعي الكلام يا بت انتي، انا ايوه بحبك بس بحب ولادي اكتر يعني في يوم الاقي يحيي زعلان هتشوفي مني وش يا سماء عمرك ما شوفتيه واللي كان من ناحية عادل كأنه ما كانش فاهمه ولا لا..

عيطت سماء وقالت

والله العظيم انتي فاهمه غلط يا مرات عمي وكل ده ليه يعني عشان قومت بدري شويه..

فايزه

ايوه ما تقوميش من جنبيه غير لما هو يصحي وافردي وشك عليه شويه ده عريس ما تكسريش بنفسه فاهمه ولا لا..

سماء

حاضر يا مرات عمي..

_بصتلها فايزه من فوق لتحت ونزلت وسماء راحت قعدت قدام التلفزيون تاني، وطلع يحيي من الاوضه وقال..

يحيي

هي امي كانت بتزعق ليه دلوقتي؟..

سماء

زعلت عشان قومت من جنبك قبل ما تصحي، وجابت الفطار..

يحيي

والله العظيم امي دي ست بتفهم..

سماء

هتفطر طيب ولا هتكمل نوم..

يحيي

لا هفطر طبعا قومي اعمليلي شاي وبلاش القعده دي ما بحبهاش انااا..

_قال كلامه وسابها ودخل الحمام وهي قامت قفلت التلفزيون وعملتله شاي وبقيت تسمع كلامه وتقول حاضر ونعم وبس، لحد ما في يوم كانت فايزه قاعده عندهم وقالت..

فايزه

هي مال شقتك كده يا بت انتي ما فيهاش روح وانتي وجوزك علي طول كده ساكتين..

سماء

ابدا يا مرات عمي والله احنا علي طول بنتكلم مع بعض اومال متجوزين ازاي يعني..

فايزه

انا عارفه يا اختي متجوزين ازاي، علي العموم انا عايزه حتت عيل افرح بيه من ابني..

سماء

دي حاجه بأيد ربنا يا مرات عمي لما ربنا يريد هتحصل..

فايزه

علي عيني وعلي راسي الكلام ده، بس بقالكم اربع شهور متجوزين وما فيش حاجه حصلت، ابقي كلمي جوزك وخديه وروحي اكشفي..

سماء

حاضر يا مرات عمي لما يرجع يحيي من الشغل هبقي اقولو...

فايزه وقفت وقالت

اما نشوف يا سما وابقي افردي خلقتك كده واضحكي في وش جوزك.، تعالي شوفي عزه عامله ايه مع عادل ، عيني عليك وعلي حظك يا يحيي ياريتني كنت جيبتله واحده من بنات مصر زي عزه وكنت خليته يقعد هناك هو كمان بس اعمل ايه هو اللي اختار....

_قالت كلامها ونزلت، وسماء كملت تجهيز الغدا ولما جه يحيي قعدت تتغدي معاه وقالتله علي كلام فايزه..

يحيي

وانتي بقي عايزه تخلفي مني ولا لا..

سماء بضيق

عادي انا شايفه ان دي حاجه بتاعت ربنا تيجي وقت ما تيجي..

يحيي بحزن

ولو كنتي متجوزه عادل كنتي هتقولي كده برضو يا سماء..

سماء بضيق

انت ايه اللي بتقوله ده، انا دلوقتي مراتك انت يعني عادل اخويا وبس ومدام انت فاهم كده اتجوزتني ليه..

زعق فيها يحيي وقال

انتي تحمدي ربنا اني اتجوزتك هو انتي ليكي اهل اصلا ولا ليكي حد ده انا لميتك من الشارع اللي كنتي هتترمي فيه..

عيطت سماء وهو قال

احترمي نفسك معايا بقي وتسمعي الكلام لان في اي وقت هتزعليني هطلقك وارميكي في الشارع فاهمه يا سماء..

سماء

حاضر يا يحيي اللي انت عايزه انا هعمله..

_وسابها يحيي ونزل وراح عند مامته تحت وقالها اللي حصل..

فايزه

جدع يا يحيي، انت بس اسمع كلامي وهي مش هتكسرلك كلمه..

يحيي

ماشي يا ماما، بس هي لو سألت وعرفت انها لو اطلقت هتاخد. القايمه وكمان ابويا مش هيسيبها و..

فايزه

انا مظبطه كل حاجه وانت وشطارتك بقي، هي ما تعرفش حاجه عن الحاجات دي وانت بقي تخليها كده لا تعرف الشرق من الغرب..

يحيي

حاضر وان شاء الله خير..

الدكتوره سلوي

سماء كان كل خوفها في الوقت ده انها تترمي في الشارع وما كانتش عارفه حاجه عن القانون ولا اي حاجه وكانت فاكره انها لو اطلقت مش هيبقي ليها اي حق ولا حد هيقف معاها،وكان يحيي ومرات عمها مانعين تماماً انها تتكلم مع حد غريب او ختي تتفرج علي التلفزيون غير معاهم،كانت زي المسجون في سجن الحريه،حاجه كده معقده بس دمرت سماء خلتها طول ما هي عايشه خايفه من كل حاجه..

ـــــــــــــــــــــــــــــــــــ

_وعدت السنين وخلفت فعلا سماء من يحيي اربع بنات وكان لسه عمرها سته وعشرين سنه، وكانت اكبر بنت من بناتها عندها ست سنين واللي حصل وقتها...

فايزه

يا سمااااء تعالي شوفي بناتك دول انا مش ناقصه صداااع..

طلعت سماء من المطبخ وقالت

طيب يا مرات عمي معلش خلي بالك منهم بس شويه لحد ما اخلص الغدا يحيي وعمي علي وصول..

فايزه

انا مش عارفه هما عاملين كده علي ايه اومال لو كنتي مخلفاهم ولاد...

سماء بضيق

والله يا مرات عمي اللي بيجيب ولاد وبنات ربنا دي حاجه انا ما ليش ذنب فيها...

فايزه

اهو ده اللي انتي فالحه فيه، اهي عزه جيباهم تلات ولاد، احسن منك في ايه بنت سهير..

_ما ردتش عليها سماء ودخلت تكمل تجهيز الاكل، وبالليل كانت قاعده هي ويحيي..

يحيي

انتي هتنامي ده لسه العشا ما اذنتش؟..

سماء

اسكت يا يحيي انا ما صدقت البنات نامو ده انا مش بقعد خمس دقايق علي بعض خالص..

يحيي

طيب انا عايز اخلف ولد عادل اخويا معاه تلاته وانا هتبقي خلفتي بنات..

سماء

امم وده بقي كلامك ولا كلام مرات عمي..

يحيي بحده

كلامي او كلام امي انا عايزك تبطلي تاخدي المانع وتخلفي وولد..

سماء بدموع

لا حول ولا قوة الا بالله يا رب وانا اعملها ازاي دي هدخل في حكم ربنا..

يحيي

هي اخر مره دي ولو ما جاش الولد انا هجيب اللي تجيبه..

سماء

ياريت اهو تيجي واحده تشيل عني شويه..

مسكها من دراعها جامد وقاال

ايوه ما هو ده اللي انتي عايزاه، بس عمرك ما هتنوليها يا سماء وهتفضلي عايشه معايا عمرك كله وبالطريقه اللي انا عايزها..

الدكتوره سلوي

وفي الوقت ده سماء وافقت علي كل اللي يحيي عايزه، وبعد فتره بقيت حامل وكانو بناتها صغيرين وكانت بتعمل كل حاجه في البيت برضو عند حماتها وكانت كمان مش بتنزل الشارع لوحدها ولا بتتكلم مع حد...وقبل ما تولد بكام يوم حصل..

يحيي

انا مسافر بكره يا سماء جهزيلي الشنطه، في شغل مهم والمدير قالي لازم انا اللي اروح القاهره اخلصه.

سماء بتعب

هتسافر وتسيبني يا يحيي وانا علي وش ولاده....

يحيي

وانا اعملك ايه يا سما عندك امي وابويا، وبعدين انا مش عايز اخسر شغلي واديكي شايفه المصاريف بتاعت البنات والبيت عامله ازاي..

سماء

حاضر هجهزلك الشنطه يا يحيي..

يحيي

بقولك ايه انتي ما عرفتيش برضو انتي حامل في ولد ولا في بنت..

سماء

ما انت عارف ان هنا في البلد ما فيش دكاتره اصلا اكشف عندها، وانتو مش بتخلوني اروح اكشف بره البلد ده انا ولدت البنات بالدايه...

يحيي بحده

علي العموم هي كلمه يا سماء لو جيبتيلي البت الخامسه هرميكي في الشارع انتي وبناتك وهجيب واحده تجيبلي ولد....

عيطت سماء وقالت

وانا مالي طيب يا يحيي، حرام عليك والله..

يحيي

اللي عندي قولته يا سماء...

_قال كلامه ودخل اوضته وسماء فضلت خايفه جدا تجيب بنت وتترمي بيها وباخواتها في الشارع، وفضل تقلها يصورلها حاجات مش كويسه... وتاني يوم في شقة فايزه..

يحيي

اومال فين ابويا انا عايز اسلم عليه قبل ما يمشي..

فايزه

ابوك نزل شغله وبعدين انت مش مهاجر، قولي بقي انت قولت لمراتك زي ما قولتلك..

يحيي بضيق

ايوه قولتلها ومن امبارح عماله تعيط، انا مش فاهم ايه لازمته..

فايزه

لاا ليه لازمه عشان لو جابت بنت وانا جيت اجوزك تحمد ربنا انها جات علي انك تتجوز عليها ومش هتترمي في الشارع..

يحيي

وانتي مين قالك اني هتجوز علي مراتي ولا هرميها في الشارع، انا روحي في سماء يا ماما وعمري ما هسيبها..

فايزه

انت حر خليها تشوف نفسها عليك وتسيبك، ما هي مش بتحبك وانا وانت عارفين كده كويس وهي قاعده معاك بالخوف يا عين امك...

يحيي بضيق

انا ماشي يا امي بعد اذنك..

_قال كلامه ومشي وبعد كام يوم سماء ولدت وطلعت الدايه من اوضتها وقالت لفوزي وفايزه..

الدايه

الف مبروك يا حج فوزي جاتلك بنت زي القمر صوره من امها...

فوزي

الحمد لله اللي يجيبه ربنا خير..

قامت فايزه ودخلت عند سماء وقالت

جيبتي بت خامسه يا سماء، استني بقي لما يجي جوزك وهتترمي بيهم في الشارع ونخلص منكم..

سماء بخوف عيطت وقالت بتعب

لا والنبي يا مرات عمي هروح بيهم فين بس ، والله انا ماليا ذنب في حاجه..

فايزه

اديني قولتلك اللي فيها اجهزي بقي يا حلوه..

_قالت كلامها وطلعت وسابت سما تعيط، وبصت لبنتها اللي لسه مولده جنبيها وقالت بخوف..

سماء ببكاء

انتي السبب انتي اللي هتخليني انا وانتي واخواتك نترمي في الشارع والله اعلم ايه اللي هيحصل فينا..

_وشالت البنت وحطتها علي رجلها ولفت ايدها علي رقبتها وخنقتها،تملك منها الخوف خلاها تقتل حته منها باديها،كتر القسوه والظلم قتلو براءتها قبل ما هي تقتل بنتها...

_وبعد كام يوم رجع يحيي وكان مدايق جدا وقال..

يحيي

خلاص يا سماء ربنا هو اللي جابها وهو اللي خدها..

فايزه

الحمد لله اهو ربنا اداكي فرصه لما خد بنتك انك المره الجايه تجيبي ولد...

عيطت سماء اكتر ويحيي قال

لو سمحتي يا ماما بلاش الكلام ده دلوقتي..

فايزه

هو انا قولت حاجه المهم روح اطمن علي حنين بنتك تعباانه من يوم ما اختها ماتت..

قام يحيي من جنب سماء وقال

انا هروح اطمن علي حنين وجاي عندك تاني يا سماء..

فايزه

بطل يا اخويا الحنيه دي، وروح شوف بنتك..

_طلع يحيي وراح لبنته اللي كانت نايمه وقالها..

يحيي

عامله ايه يا حبيبت بابا ايه اللي تاعبك..

حنين ببكاء

بابا انا خايفه من ماما لتعمل فيا زي اللي اللي عملته في اختي..

يحيي

وهي عملت ايه في اختك بس؟.

حنين

خنقتها قدامي انا شوفتها بس هي ما تعرفش اني شوفتها..

قام يحيي بسرعه وراح لسماء وقال بدموع

ايه اللي عملتيه ده، بنتك فين يا سماء خنقتي بنتك يا سمااء؟..

سما ببكاء

صوتها في وداني انتو السبب، بنتي صوتها بتعيط انا هروحلها انا هروح اجيبها واقعد في الشارع اقعد في الشارع المهم بنتي ترجعلي..

يحيي بحزن علي حالتها

انا اسف والله ما كنت هعمل حاجه زي كده، انا بس كنت خايف تسبيني..

سماء بانهيار

ابعد عني انتو اللي عملتو فيا كده انتو اللي وصلتوني لكده، بنتي انا عايزه بنتي انا عااايزه اروح لبنتي انا مش هسيبها لوحدها..

الدكتوره سلوي

وسماء فضلت كل يوم تهرب تجري في الشارع وراحت لقبر بنتها وكانو بيرجعوها بس كانت بتسمع صوت بنتها بتعيط وكانت بتروحلها ، لحد ما عقلها راح وبقيت عايشه وكانها في دنيا تانيه..

_وفي الوقت ده باب أوضة سلوي خبط ودخل يحيي جوز سماء.، والدكتور سلوي قالت..

سلوي

تعالي يا يحيي انا هسيبك تتكلم مع سماء شويه زي كل يوم..

يحيي

هو ما فيش اي تحسن في حالتها؟..

سلوي

ربنا يشفيها من عنده، المهم انت تخلي بالك منها وتحاول تصلح اللي عملته زمان..

يحيي

انا عملت كده عشان بحبها، انا كنت خايف تسيبني..

سلوي

لو بتحبها كنت اشتريت سعادتها حتي لو كانت مع غيرك، انما انت اناني بصيت لنفسك بس وانت وامك دمرتوها.. وعلي فكره اللي محتاج يتعالج دلوقتي اكتر من سماء امك وعمتك وبنت عمتك دول مرضي وحيوانات والله حتي الحيوانات عندها رحمه وبتفهم عنهم

يحيي قرب من سماء وقال

وحشتيني اووي يا سماء، البنات مستنينك ترجعي تاني...

_ما ردتش عليه سماء وكانت باصه قدامها وساكته لا بتتكلم ولا بتعمل اي حاجه غير انها عايشه في دنيا تانيه...

_ تفتكرو بقي ايه اللي هيحصل؟

ــــــــــــــــــــــــــــــــــــــــ

ملحوظه: احداث القصه دي حصلت بجد حقيقي من زمان يعني بسمعها من ماما والست دي اللي قتلت بنتها لسه للنهارده عايشه، وان شاء الله هكملكم باقي حكايتها..

الفصل الرابع من هنا

رواية شئ من الخوف

الفصل الرابع4

بقلم رحاب القاضي

_ بعد سنه بالظبط..

الدكتوره سلوي

كنت قاعده في مكتبي في المستشفي ودخل عندي يحيي جوز سماء بعد ما خبط علي الباب وقال..

يحيي

السلام عليكم يا دكتوره سلوي..

سلوي

وعليكم السلام يا استاذ يحيي اتفضل..

يحيي دخل وقعد قصادها وقال

اسف لو هزعج من حضرتك او هاخد من وقتك شويه...

سلوي ابتسمت وقالت

لا طبعا ولا يهمك انا تحت امرك المهم انت قولي، اطمنت علي سماء واتكلمت معاها زي ما اتفقنا علي فكره موضوع الكلام معاها ده هيحسن نفسيتها جدا...

يحيي بجديه

ما هو ده الموضوع اللي انا جاي لحضرتك فيه يا دكتوره...

سلوي باهتمام

خير يا استاذ يحيي اتفضل اتكلم انا سمعااك...

يحيي

انا عايز حل اخرج مع. سماء اجيبلها البنات، عايزها تتأكد اني والله بحبها ومستعد اعمل اي حاجه بس عشان ترجع زي الاول...

سلوي

طيب انا هسألك سؤال يا استاذ يحيي هي لو سماء خفت وطلبت منك. تطلق هتوافق تطلقها وتسيبها. تعيش لوحدها مرتاحه ولا هتعمل نفس اللي عملته زمان عشان تفضل معاك...

يحيي بدموع

لو هتكون مرتاحه هعمل كده واطلقها ومستحيل اخليها ترجع تاني زي ما هي دلوقتي...

سلوي

تمام تعالي بقي قولها انك بكره هتيجي تاخدها وتخرجو سوا وشوف رد فعلها هيكون ايه..

اتحمس يحيي وقال

تمام يلا بينا...

وقومت من علي مكتبي وروحنا انا ويحيي ودخلنا عند. سماء اللي كانت واقفه عند الشباك ودموعها ماليه عيونها، قرب منها يحيي وقال..

يحيي

معلش بقي متقل عليكي النهارده جيتلك ومشيت ورجعت جيت تاني...

ما ردتش عليه سماء وكأنها مش سمعاه وهو قال

بكره... اا... ايه رئيك بكره اخدك. ونروح نقعد في الكافي اللي انتي بتحبيه هنا في القاهره واجيبلك الكيك اللي بتحبيه...

بصتله سماء بحزن وهو قال بدموع

ايوه عارف كل حاجه بتحبيها عشان طول عمري مركز معاكي انتي وبس يا سماء...

قربت منهم وقولت

تمام كده يا استاذ يحيي اتفضل انت دلوقتي وبكره سماء هتستناك عشان تيجي تاخدها...

يحيي مسح دموعه وقال

حاضر يا دكتوره وخدي بالك منها، بعد اذنك...

قال كلامه وطلع وانا قولت لسماء

مش ناويه تتكلمي معايا برضو يا سماء، قوليلي احساسك طيب دلوقتي...

وكان الرد علي كلامي معاها صعب جدا، دموعها نزلت علي وشها وكأنها بتقولي انها مش بخير خالص...

وفي بيت يحيي اللي في القاهره اول ما دخل لقي مامته وبناته قاعدين، ولما شافوه البنات جريو عليه وبنته حنين قالت...

حنين

وحشتني اووي يا بابااا...

يحيي وهو بيشيلها علي ايده

وانتي كمان يا حبيبتي وحشتيني ما قولتوش يعني انكم جايين...

فايزه بهدوء

بنكلمك مش بترد وقولنا نيجي نطمن عليك احنا وبناتك يشفوك..

يحيي نزل بنته وسابهم يلعبو وقرب من فايزه وقعد جنبيها وقال...

يحيي

نورتو يا ماما هو بابا جه معاكي ولا في البلد؟...

فايزه

لا ابوك طبعا جه معايا مش هيسيبني اجي لوحدي بس هو راح يسلم علي اخوك وعمتك، هو انت مش بتزور اخوك ليه مدام قاعد في القاهره ونقلت شغلك هنا؟...

يحيي

مش فاضي وبعدين انا يا اما بشتغل يا بكون عند سماء في المستشفي..

فايزه بحزن

هي كويسه طيب ابوس ايدك يا ابني خليني اروح ازورها..

يحيي بسخريه

خايفه عليها يا ماما ولا ده تانيب ضمير علي اللي عملتيه فيها وفيا، ياريتني ما سمعت كلامك ياريتني اصلا سيبتها لعادل كان هيعرف يحافظ عليها اكتر مني...

عيطت فايزه وقالت

لو كنت بتحبها قراط فا انا بحبها اربعه وعشرين قراط ده انا اللي ربيت وكبرت، بس غلطت وندمت واللي حصلها فوقني وخلاني اندم علي اللي حصل من البدايه كله...

يحيي بحزن

ادعيلها يا ماما وان شاء الله لما الدكتوره تقول انك ينفع تزوريها انتي وبابا، هدخل اقعد مع البنات شويه بعد اذنك...

فايزه مسحت دموعها وقالت

اذنك معاك يا ابني، وربنا يريح بالك ويقوملك مراتك بالسلامه....

وفي البيوتي سنتر بتاع سهير كبر اكتر من الاول وبقيت سهير غنيه جدا، وكانت قاعده علي المكتب بتاعها وقرب منها ولد. شباب وقال...

عمر

وحشتيني اووي يا سوسو...

سهير

وبعدين معاك. بقي يا عمر احنا في المحل قدام الناس، وبعدين خلصتلي ورق الضرايب اللي قولتلك عليها...

عمر

ايوه خلص اهو كل حاجه هو انتي معاكي اي محامي ولا ايه، المهم مش هنروح نتعشي بره النهارده...

سهير

لا طبعا عشان نعيم جوزي بقي مدايق من سهري بره الكتير اليومين دول...

عمر ادايق وقال

ما انتي لو تسمعي كلامي وتطلقي منه ونتجوز وانا هخليكي ترجعي عمرك اللي ضاع ده...

سهير

والناس بقي تقول ايه عليا بقي اطلقت من جوزها ابو بنتها وراحت اتجوزت واحد من سن بنتها...

عمر بحزن

براحتك يا سهير بس علي فكره السن مش المشكله الكبيره اللي هتفرقنا عن بعض....

قال كده وسابها ومشي وسهير قالت لنفسها

هو انت مش ناوي تتكل علي الله يا نعيم وارتاح منك واشوف حياتي بقي...

وبعدين موبيلها رن وردت وقالت

في ايه يا عزه يا حبيبة ماما...

عزه ببكاء

تعالي يا ماما بسرعه شوفيلك حل في ابن اخوكي ده...

سهير بضيق

يا ربي هو كل يوم كده ابن فايزه منكد عليكي انا جيالك اهووو..

وقفلت معاها سهير وراحتلها البيت فعلا ولقيتها هي وعادل بيتخانقو جامد وقالت..

سهير

بس انت وهي وفهموني في ايه؟...

عادل بعصبيه

بنتك دي يا عمتي انا زهقت وقرفت منها، لو سمحتي خديها معاكي يومين اريح فيهم دماغي..

عزه بحزن

شايفه يا ماما طريقته انا فعلاً هروح معاكي ومش هاجي هنا تاني وهو لو عنده كرامه يطلقني...

سهير بحده

اخرسي يا بت انتي ما فيش طلاق هيحصل ابدا انتي فاهمه ولا لا، وانت يا ابن فايزه ما تلم الدور بقي مخنوق ومدايق اتفضل من غير مطرود..

عادل

هو انتي هتطرديني من بيتي ولا ايه يا عمتي؟..

سهير بحده

لا يا حبيبي ده مش بيتك انت ده بيت بنتي وولادها، بس اقول ايه قليل اصل ده بدل ما تحمد ربنا علي مراتك وولادك وتبص للي حصل لاخوك وتتعظ...

عادل اتنهد بضيق وقال

خلصتي كلامك يا عمتي اشبعي بيه البيت انتي وبنتك...

عزه بقلق

انت رايح فين بس يا عادل؟...

عادل زعق فيها وقال

رايح في ستين داهيه، ده بقيت عيشه تقصر العمر...

ودخل اوضته غير هدومه ومشي وعزه فضلت تعيط وسهير رجعت بيتها تاني...

وتاني يوم كان يحي واخد سماء وطلعو بره المستشفي واول ما وصلو المكان اللي كان كله اطفال مسك ايدها وقال...

يحيي

اما انا عاملك حتة مفجأه يا حبيبتي...

اتنفضت سماء وسحبت ايدها منه وهو قال

انا اسف مش قصدي اخوفك بس انا جيبت البنات عشان تشوفيهم اهم بيلعبو هناك...

بصت سماء لبناتها وابتسمت ويحيي قال

اندهم ليكي عشان يشفوكي، هما تعبانين اووي من غيرك يا سماء...

هزت سماء راسها بالرفض وعرف يحيي انها مش عايزاهم يشفوها...

يحيي

خلاص سبيهم يلعبو هما معاهم المربيه الجديده اللي جبتهالهم وتعالي احنا نقعد هناك...

وراحت سماء معاه وقعدو بعيد شويه عن البنات بس كانت هي باصه عليهم وعيونها كلها دموع..

يحيي

عارفه لما هترجعي معايا البيت اللي هنا في القاهره مش هخليكي تتعبي خالص، المربيه هتاخد بالها معاكي من البنات وشغل البيت وانا كمان هساعدك...

سكتت سماء ويحيي قال

وكمان انا نقلت كل حاجه هنا ووقت ما تخفي هقدملك علي الجامعه وكلية الطب كمان لو ينفع يعني هنسأل ونشوف حل...

بصتله سماء وهي مش مصدقه كلامه ويحيي مسك ايدها بكل هدوء وقال..

يحيي

انتي بس ارجعيلي بالسلامه وانا هعملك كل اللي يسعدك يا سماء، وهعوضك عن كل حاجه يا حبيبتي..

بصت سماء لايده اللي ماسكه ايدها وسكتت زي العاده، وبعد شويه رجعها يحيي المستشفي ولاول مره نامت من غير ما تيجي الممرضه وتقولي انها بتعيط وهي نايمه او صحيت تعبانه...

وعدت فتره طويله كانت سما اغلب الايام في الاسبوع بتخرج مع يحيي وبقيت تتعامل مع بناتها اللي عايزينها تروح معاهم البيت، وفعلا طلعتلها اذن خروج انها تكمل علاج من البيت، واخدها يحيي معاه وكان مبسوط جدا واول ما دخلو البيت قعدت مع بناتها وقالت حنين بنتها..

حنين

يا ماما هو انتي ليه مش بتردي عليا؟...

قالت جني بنتها الصغيره

يا غبيه ما بابا قال انها هترد علينا بعد سبح ايام...

ابتسمت سماء ويحيي قال

سبح ايه انتي ما تتكلميش تاني يا جني، شايفه بنتك بتتكلم ازاي..

حنين

انا من رأيي انها تسكت. زي ماما احنا مش ناقصين صدااااع...

ضحكت سماء ويحيي ضحك بصوت عالي وقال

هههههه طيب يلا يا لمضه انتي وهي علي اوضكم عشان تذاكرو...

قالت نور الكبيره المره دي

والله يا سي بابا ما فيش حد بيسمع الكلام غير انا والبت الغلبانه ندي انما الاتنين دول مش اخواتنا هو انتو جيبتوهم منين..

يحيي ضحك وقال

جيبناهم من عند اللي جيبتك منه يا اختي يلا جوه...

قامو ودخلو اوضتهم ويحيي مسك ايد سماء وقال..

يحيي

تعالي بقي شوفي الاوضه بتاعتك عملتها ازاي هتعجبك اووي...

ودخلو فعلا الاوضه وكانت حلوه اووي ومعموله بنفس الالوان اللي بتحبها سماء وقال يحيي..

يحيي

المره دي كل اللي انتي عايزاه هيحصل يا سماء المهم انك تبقي مرتاحه ومش عايزين نفتكر اي حاجه عدت ونبدأ من اول النهارده...

بعد عنها وفتح الدولاب وقال

ودي بقي هدوم جديده وشيك اووي عشان تليق بجمالك يا حبيبتي، وانا هنام علي الكنبه هنا عشان تبقي براحتك لحد. ما تتعودي علي الوضع الجديد وما تخافيش اللي كان بيحصل الاول ما فيش حاجه منه هتتكرر ولا في حاجه في حاجه انتي مش عايزاها هتحصل، انا هدخل اغير هدومي جوه واجيلك..

دخل يحيي الحمام وابتسمت سماء وغيرت هدومها هي كمان وطلعت فضلت قاعده مع بناتها بتتفرح عليهم وهما بيذاكرو وكانت مبسوطه بيهم اوي انهم كبرو وبقيو هادين وحلوين جدا وكلهم شبها جدا...وافتكرت بنتها اللي راحت بسببها وقامت بسرعه ودخلت اوضتها وفضلت تعيط لحد ما نامت...

وفي بيت سهير كان جوزها بره وهي قاعده في اوضتها وبتكلم عمر في الموبيل وقالتله..

سهير

لا لا انا مستحيل اقابلك تاني ولا حتي اقعد معاك لوحدنا..

عمر

ليه كده بس يا حبيبتي هو انا عملت حاجه ولا ايه؟...

سهير بخبث

يعمي مش عارف عملت ايه، ده انت مسكت ايدي قدام الناس كلها...

عمر

الله مش حبيبتي المهم هنتقابل بكره تمام...

قبل ما ترد عليه دخل نعيم جوزها وقال وهو مدايق..

نعيم

بتكلمي مين يا سهير؟..

سهير ما ردتش عليه وقالت لعمر

خلاص يا استاذ عمر نكمل كلامنا بكره في الموضوع اياااه، مع السلامه...

قالت كده وقفلت وقال نعيم

موضوع ايه ده اللي هتكمليه معاه بكره ومش دلوقتي يا هانم لما انا دخلت...

سهير بحده

وانت مالك انت انا حره اعمل اللي انا عايزااه، انت بقي عملت ايه في الموضوع اللي قولنلك عليه...

نعيم بضيق

حرام عليكي يا سهير طلاق ايه اكبري يا وليه ده انتي بقيتي جده...

سهير

وفيها ايه وبعدين انا شكلي حلو وعايزه اعيش سني كفايه اللي ضاع عليك انت وبنتك مش هضيع الباقي...

نعيم

طيب يا سهير وانا مش هطلق ولاخر مره بقولك اتلمي يا تيته، وابقي كلمي بنتك متخانقه مع جوزها بدل ما انتي بتفكري في الكام سنه اللي باقين من عمرك واصلحي فيهم بينك وبين ربنا عشان تعشيهم مرتاحه...

سهير بعصبيه

انت بتفول عليا يا نعيم، طيب ايه رايك بقي اني هطلق يعني هطلق...

ـ قالت كده وسابته ومشيت وهو قعد مدايق جدا...

الفصل الخامس من هنا

رواية شئ من الخوف

الفصل الخامس5

بقلم رحاب القاضي

_ وعدي اكتر من اسبوع وكانت سماء اتعودت علي الحياه الجديده مع يحيي وبناتها وبقيت تتعامل معاهم اكتر من الاول...وفي يوم رجع يحيي من شغله متأخر وكانت سماء نايمه وهو غير هدومه وراح نام علي الكنبه وكان باين عليه انه تعبااان، قامت سماء وقربت منه وقالت..

سماء

يحيي قوم نام علي السرير انت شكلك تعبااان...

يحيي بتعب

لا عادي روحي انتي نامي وانا اا... ايه ده هو انا اللي سمعته ده بجد؟...

سماء بهدوء

ايوه بجد انا لقيتي اتكلمت فجأه مع البنات امبارح وعادي..

يحيي فرح جداً وقال

وكمان من امبارح، انتي بتتكلمي بجد يعني انا مش تعبان اووي عشان كده بيتهيألي...

ابتسمت سماء وقالت

لا مش بيتهيألك ممكن تقوم بقي عشان انا كمان عايزه انااام..

يحيي حضنها وقال

انا بحبك اووي يا سماء وعمري ما بكون مبسوط غير وانا معاكي وانتي كويسه..

بعدت سماء عنه وقالت

طيب يلا بقي تحب اعملك حاجه الاول قبل ما انام؟..

يحيي

كمان لا لا كده كتير عليا والله، وشكرا يا حبيبتي مش عايز حاجه يلا ننام...

ـ وراحو هما الاتنين نامو وتاني يوم الصبح طلعت سماء من اوضتها لقيت يحيي بيجهز الفطار...

سماء

انت بتعمل ايه يا يحيي، وليه كل يوم بتجهز الفطار انت بتحب تصحي اصلا تلاقي كل حاجه جاهزه..

يحيي

لا يا سماء انا ما مش كده انا كنت ببقي كده لاني ما كنتش فاهم حاجه وكنت غبي، وبعدين يا ستي انا كده كده بصحي بدري ما فيهاش حاجه يعني لو جهزت الفطار وانتي كفايه عليكي بتجهزي البنات..

سماء

طيب ما فيش داعي بقي للشغاله اللي هنا، كلمها قولها ما تجيش انا كده كده فاضيه وهعمل كل حاجه في البيت...

يحيي بهدوء

لا الشغاله هتيجي وانتي مش هتضغطي نفسك في البيت لانك هتقدمي علي كلية وتكملي تعليمك..

سماء بعدم تصديق

هو انت بتتكلم جد يا يحيي انت بجد. عايزني اكمل تعليمي، ازاي بس طيب والبنات مش كفايه الفتره اللي عدت دي وانا بعيده عنهم...

يحييي

كل حاجه هتتعوض بس انتي كمان ليكي حق ولازم تاخديه، وانا مستعد اعمل كل حاجه للبنات بس انتي تكملي تعليمك وتحققي حلمك..

سماء

الحلم ده كان زمان يا يحيي انا حلمي دلوقتي بناتي وبس ومش عايزه حاجه في الدنيا غير انهم يبقو كويسين وو وعشان ربنا يسامحني علي اللي عملته في ااا..

لاحظ يحيي توترها فقرب منها وقال

انسي يا سماء خلاص انتي كل الدكاتره قالت انك ما كنتيش في وعيك وربنا عالم بحالك وقتها، ولو حد ليه ذنب في اللي حصل ده هو انا عشان ضغطت عليكي في كل حاجه...

بعدت عنه سماء وقالت بدموع

انا هروح اشوف البنات، بس انا مش عايزه اسيب البنات لاي سبب من الاسباب يا يحيي...

_قالت كلامها ومشيت راحت اوضة البنات وجهزتهم عشان المدرسه...

ـــــــــــــــــــــــــــــــ

_وفي بيت عادل وعزه كان عادل طالع من اوضته ومالقاش الفطار جاهز وقال وهو متعصب...

عادل

انتي يا ست هانم هو فين الفطااااار؟...

طلعت عزه من المطبخ وقالت

اديني اهو يا عادل بجهز وانت كنت تقدر تسألني من غير صوتك العالي ده..

عادل بحده

اهو انا كده وطريقتي كده روحي يلا كلمي امك وقوليلها جوزي زعقلي يلا مستنيه ايه...

عزه بدموع

انا بجد تعبت انت ليه بتعمل فيا كده، انا من لما اتجوزتك ما شوفتش معاك يوم حلو..

عادل

اهو بدأنا مرحلة النكد انا ماشي افضلي بقي غني وعيطي وردي علي نفسك...

_ قال كلامه وسابها ومشي بس هي وقفته لما قالت بعصبيه..

عزه

انت رايح فين استني خد الولاد معاك وديهم المدرسه...

عادل بحده

ما توديهم انتي هو كل حاجه علي دماغي انا بس...

عزه بحزن

حرام عليك والله انا برجع اخدهم واوديهم النادي ده غير شغل البيت وانت مش راضي تجيبلي شغاله تساعدني ولا مخلي ماما كمان تجيبلي حد...

عادل ببرود

دي حياتي وده نظاام حياتي ولو مش عاجبك الباب يفوت الف جمل مش جمل واحد، انا ماشي ده انتي بقيتي ست تجيب الهم وتخنقي...

_قال كلامه وسابها ومشي وهي فضلت تعيط وطلعو ولادها وكانو بيعيطو وخايفين جدا هما كمان...

احمد

ماما هو مش احنا هنروح المدرسه النهارده؟...

عزه مسحت دموعها وقالت

لا يا حبيبي احنا هنروح عند. تيته سهير كام يوم وبكره نروح المدرسه من هناك يلا بينا نجهز..

_وقامت فعلا جهزت واخدت حاجتها وراحت بيت اهلها وقالت اللي حصل لباباها ومامتها ونعيم اتعصب وقال..

نعيم

لا بقي الولد ده زودها اوووي، هو فاكر نفسه ايه...

سهير ببرود

بنتك اللي غلطانه ازاي تسيب بيت جوزها وتيجي بعيالها كده...

عزه ببكاء

هو انتي عايزاني بعد اللي حصل ده يا ماما اقعد معاه تاني، ليه ما عنديش كرامه ولا ماليش اهل...

نعيم. بحده

قطع لسان اللي يقول كده يا حبيبة بابا انتي اللي ما يعملكيش ملكه ويحافظ عليكي يبقي ما تشوفيهوش اصلا...

سهير بغيظ

اممم انت عارف بقي سماء بنت اخويا طلعت من المستشفي وجوزها جابلها شقه هنا في القاهره ورجعت بيتها عايزه ايه انتي بقي يا عزه عايزه اللي من غير اهل دي المجنونه تفتح بيت وسرها يبقي هادي وحياتها مستقره وانتي تبقي مطلقه...

نعيم بسخرية

ما هي ذنوب وبتخلص يا سهير، وبنتي مش هترجع لعادل غير لما يجي ويعتذر. اقعد انا وعزه ونشرط عليه انه يغير طريقته دي ويتلم والا زي ما دخلنا بالمعروف نخرج بالمعروف...

سهير بعصبيه

يعني ايه الكلام ده انت عايز تخرب علي البت وكمان تقطعني من اخويا للابد لا بقي ده انت كبرت وخرفت....

عزه بحزن

بابا ما خرفش يا ماما هو بيتكلم صح جدا وانا اللي كنت غلطانه من الاول لما اتجوزت واحد مش بيحبني...

سهير

سيبك يا اختي من كلام السيما اللي لا بيودي ولو بيجيب ده، وتهدي يومين وتاخدي عيالك وترجعي بيت جوزك فاهمه ولا لا، انا ناقصه هم فوق همي بس يا ربي...

قالت كلامها ومشيت ونعيم قال

سيبك من امك خالص ومدام ابوكي عايش ما حدش هيقدر يقولك تلت التلاته كام يا حبيبتي ولا يجبرك علي حاجه...

عزه بدموع

ربنا يخليك ليا يا بابا وما يحرمنيش منك ابدك يا حبيبي...

ـــــــــــــــــــــــــــــــ

_وتاني يوم في بيت يحيي وسماء، كانت قاعده في اوضتها متدايقه وخايفه جدا ودخل عندها يحيي وقال...

يحيي

انتي ليه عامله كده، لو مش عايزه تقابليهم خلاص اخليهم يمشو هما اصلا جايين عشان عادل وعزه وما كنوش يعرفو انك خرجتي من المستشفي اصلا..

سماء

لا انا هطلع اقابلهم بس هما فاكريني مجنونه مش كده، عمي اكيد زعلان مني انا خذلتهم وو...

يحيي بهدوء

ولا حد زعلان منك ولا في اي حاجه من الكلام اللي في بالك ده خالص يا حبيبتي عشان انتي ست العاقلين يلا نطلع نسلم عليهم...

سماء ابتسمتله وقالت

ماشي...

_وطلعت سماء مع يحيي وراحو لفوزي وفايزه اللي كانو قاعدين بره وقامت فايزه لما شافتها وقالت..

فايزه بدموع

حمد لله علي سلامتك يا حبيبتي، وحشتيني اووي يا بنتي...

حضنتها فايزه وسماء فضلت تعيط وقالت

انتي كمان وحشتيني يا مرات عمي، انا كنت فاكره انك زعلانه مني...

فايزه بعدت عنها وقالت

مين قالك اني زعلانه انتي اللي حقك عليا، انا اللي ظلمتك با بنتي وعايزاكي تسامحيني...

قام فوزي وقال

خلاص بقي يا ام عادل مش وقته الكلام ده، واوعي خليني اسلم علي بنتي واطمن عليها...

_وفرحت سماء اووي بمقابلتهم ليها وخصوصا فايزه اللي اتغيرت معاها للاحسن جدا، وبعد ما مشيو قعد يحيي جنبيها وقال..

يحيي

شوفتي بقي طلعو اهم مش زعلانين منك ولو زعلانين اوعي تخافي طول ما انا جنبك عشان والله المره دي بجد. مش هسمح لاي حد ياذيكي ولا يتعبك...

قامت سماء وقالت بتوتر

طيب انا هروح اقعد مع البنات شويه..

يحيي بخبث

لا علي فكره انا بغير جدا يا حبيبتي، طول اليوم قاعده مع البنات وجوزك الغلبان يعني مالوش شوية اهتمام من الاهتمام ده كله اللي رايح للبنات..

سماء بتوتر

بص يا يحيي انت بجد. اتغيرت اووي فانا مش متعوده عليك كده خالص، فا لما اتعود بقي علي الطريقه دي هبقي اهتم وكل حاجه ما اعطلكش بقي...

_سابته ومشيت ودخلت عند البنات وهو فضل يضحك اووي وكان مبسوط ان علاقتهم بدأت تتحسن جدا عن الاول...

ـــــــــــــــــــــــــــــــ

وفي المحل بتاع سهير كانت قاعده هي وعمر المحامي بتاعها وقالها..

عمر

اسمعي مني انتي بس واعمليلي التوكيل وانا في خلال اسبوع هخلعك منه وبعد العده علي طول هنتجوز...

سهير

انا خايفه برضو من كلام الناس، ما حدش هيفهم حبي ليك يا حبيبي...

عمر بحده

واحنا مالنا ومال النااس يا سهير بقي، لا معلش انا عايزك مراتي قدام العالم كله واللي هيتكلم انا هقف في وشه انتي متجوزن راجل مش رجل كرسي يا سهير...

سهير بقلق

خلاص يا حبيبي ما تزعلش، وانا هفاتح عزه بنتي في الموضوع وهبقي ارد عليكي..

عمر بضيق

انتي كمان عايزه تاخدي الاذن من بنتك يا سهير.، لا معلش انتي ما تقوليش حاجه لحد ما تطلقي وبعدين هنتجوز وابقي قوليلها انا مش عايز اي حاجه تحصل توقفلنا الجوازه...

سهير

خلاص يا حبيبي انا موافقه علي كل اللي انت عايزه، عشان تتأكد بس اني انا كمان بحبك اووي وبثق فيك يا عمر...

_وقبل ما يردعليها موبيلها رن وطلعته من النشطه وقالت...

سهير بضيق

اووف ده نعيم، معلش يا حبيبي هرد عليه هو برضو لسه جوزي برضو...

عمر اتنهد وقال

طيب يا سهير انا ماشي وبكره هجيلك عشان تعملي التوكيل...

سهير

حاضر يا حبيبي وخلي بالك من نفسك وابقي طمني عليك...

ومشي عمر وهي ردت علي الموبيل وقالت

خير يا نعيم نعممم عايز ايه مش قولتلك وانا في الشغل ما تكلمنيش انة مش فضيالك...

نعيم بحزن

معلش يا ستي ازعجتك، بس اخوكي ومراته وعادل هنا وجايين يصالحو عزه هتيجي ولا هتفضلي قاعده عندك...

سهير بحماس

لا طبعاً جايه اومال اسيبك تخربها انت وبنتك، اقفل وانا مسافة السكه وجايه...

_وبعد شويه كان الكل مجتمع في بيت سهير وعادل كان متعصب جدا وقال...

عادل

انا ما غلطتش هي اللي مش عارفه تفتح بيت..

نعيم بحده

وهي بعد عشر سنين مش عارفه تفتح بيت، لا اذا كان كده يبقي كل واحد فينا يروح لحاله احسن وانا بنتي قاعده معززه مكرمه عندي...

فوزي بضيق

يا جدع ما تقولش كده بس وانت يا عادل اياك تتكلم علي مراتك كده تاني وانا يا عزه يا بنتي هجيبلك حفك من حبابي عينيه...

فايزه بحزن

انا مش عارفه ايه اللي حصلكم بس دي عين وصابتكم...

سهير بهدوء

خلاص حصل خير وبعدين دي عزه روحها في عادل وهتقوم تلم حاجتها وتاخد ولادها وترجع معاه..

عزه بحزن

انتي ايه اللي بتقوليه ده يا ماما، معلش بس انا مش عايزه ارجعله تاني ومش هكون مرتاحه معاه لا انا ولا عياله اللي بقيو علي طول خايفين بسبب خنقاته معايا..

عادل بحده

ما تشوفي تصرفاتك الاول يا هانم هو أنا يعني اتجننت عشان ازعق كده وخلاص من الهوا..

نعيم بحده

انا بنتي قالتلي كل حاجه، وهي ما غلطتش واللي انت بتعمله ده اسمها قلة تربيه...

عادل بعصبيه

لو غلطت ونص كمان يا جوز عمتي ازاي تمشي اصلا وتخرج من البيت من غير ما تقولي..

فوزي بحده

اسكت بقي يا واد انت ايه مش عامل اي حساب للكبار اللي قاعدين، وقوم بوس راس حماك وطيب خاطره..

سهير ببرود.

الموضوع فعلا مش مستاهل، وعادل هيهدي ومراته هتفهمه وفي بيتهم بعد كده..

فايزه

امك معاها حق يا عزه قومي يا بنتي وما تخربيش بيتك يا حبيبتي...

بصت عزه لسهير بحزن وقالت

انا عمري ما هسامحك عشان انتي قليتي من قيمتي دلوقتي، وانا هريحك وامشي واللي يعمله فيا يعمله ومش هجيلك تاني عشان ترتاحي يا سهير هانم...

_ وقامت فعلا لمت حاجتها واخدت ولادها ومشيت مع عادل وهي بتعيط وزعلانه جدا لانها كانت متاكده انه جه يرجعها بسبب اهله..

الفصل السادس من هنا

وبعد ما رجع عادل البيت هو وعزه واولادهم، كانت داخله اوضتها بس هو مسك ايدها وقال بعصبيه..

عادل بحده

عارفه يا عزه لو خرجتي من البيت تاني من غير ما اعرف، مش هيجي في بالك انا هعمل فيكي ايه فاتلمي واتقي شري...

عزه بحزن

هو انت زعلان ليه عشان مشيت، اااه انت زعلان عشان عمي خلاك ترجعني مش كده...

عادل بكل برد رد عليها وقال

بالظبط كده ولو عليا كنت لقيتها حجه وطلقتك بس للاسف امك كلمت اهلي وخلتهم يجو يخلوني ارجعك..

عزه بدموع

طيب لو راجل بجد اعملها وقتها ما فيش حد هيرتاح قدي انا...

عادل بحده

طيب امشي من وشي يا عزه عشان ما اقوملكيش، ده انتي بقيتي حاجه اخر نكد..

قال كلامه وسابها وطلع وعزه راحت نامت وهي بتعيط..

وفي بيت سهير كانت فايزه قاعده معاها في الصاله بيشربو شاي وقالتلها بهدوء..

فايزه

طلاق ايه يا وليه، انتي خرفتي يا سهير ولا ايه ده حتي عيب علي سنك..

سهير بسخريه

وماله سني انا اصغر منك ومن جوزي، ولا نسيتو انكم جوزتوني بدري...

فايزه

ده مش موضوعنا وبعدين يا اختي تلاقي فين احسن من سي نعيم في طيبته وجدعنته ده بيتمنالك الرضا ترضي..

سهير بضيق

خلاص بقي انا واخده قرار، المهم قوليلي ابنك عايش ازاي مع سماء وانتي ازاي تخليه يطلعها من المستشفي اصلا افرض عملت حاجه في العيال زي ما عملت في اختهم...

فايزه

انتي بتتكلمي ليه عليها وكانها مجنونه، فوقي يا سهير دي سماء بنت اخوكي ومرات ابني وكفايه اووي اللي عملنااه فيها زمان..

سهير بحده

وطي صوتك ايه ما شافوهمش وهما بيسرقو هيشفوهم وهما بيتحاسبو، وبعدين انتي اللي كان هيتفرق بينك وبين ولادك مش انا...

فايزه بحزن

وهو دلوقتي ما اتفرقش ده عادل بقي بيعامل اخوه زي عدو ليه، ويحيي بقي مش بيحب يسمع سيرة اخوه انا لو كنت عملت صح كنت بعدتها عن الاتنين انما انا تعبتهم كلهم وربنا ابلاني بضميري اللي بقيت ما احط راسي علي المخده يفضل يأذنب فيا لحد ما جابلي المرض..

سهير بملل

اممم طيب سيبك بقي من كلام المسلسلات ده، انا قولت انصحك مش اكتر واوعي قلبك يحن وتخليها تقرب من بنتي او جوزها..

قامت فايزه وقالتلها بعصبيه

انتي ايه شيطاانه اخليها تقرب من مين، من اخو جوزها يا شيخه اتقي الله شويه وفوقي قبل الوقت ما يعدي وتخسري كل حاجه ووقتها تقولي ياريت اللي جرا ما كان...

سهير وقغت وقالت

طيب تصبحي على خير بقي يا فايزه لو هتباتي انتي وجوزك اوضة الضيوف متروقه عندك..

فايزه

لييه من قلت البيوت هنيجي ضيوف عندك يا سهير، ده انا ولادي الرجاله كل واحد فينم عنده بيت يسد عين الشمس فوتك بعافيه...

ومشيت فايزه بعد ما ندهت لفوزي اللي كان في البلكونه مع نعيم وراحو عند يحيي وباتو عنده..

وتاني يوم الصبح كانو كلهم قاعدين بيفطرو وسماء بتاكل في بناتها ويحيي قال...

يحيي

يلا يا سماء سيبي البنات مع ماما ويلا احنا بينا..

سماء

خير ان شاء الله هنروح فين يا يحيي؟...

يحيي

هقدملك علي الجامعه ومن غير ما تعترضي دي مش كلية الطب هتدخلي تجاره زيي وانا هساعدك في المذاكره وكل حاجه..

فوزي ابتسم وقال

اسمعي كلام جوزك ية بنتي والبنات انا هبعتلك الوليه دي حماتك تقعد بيهم كل كام يوم وفي الامتحانات واهو هندك شغاله في البين...

فايزه

وانا يوم الهنا يوم ما تدخلي الكليه يا سماء وتعملي اللي كان نفسك فيه زمان وما تشليش هم حاجه احنا كلنا جنبك...

يحيي

مش يلا بقي عشان ما اتاخرش علي شغلي...

سماء فرحت وقالت

حاضر ثواني بس هغير هدومي وجايه علي طول...

ودخلت سماء جوه وفوزي بص لابنه وقال

جدع يا يحيي ربنا يا ابني يريح بالك ويسعدك...

وبعد كام يوم في بيت سهير الباب خبط وراح نعيم فتح وسهير طلعت بره اوضتها وقالت..

سهير

مين كان بيخبط يا نعيم عندك؟...

نعيم بحزن

بقي انتي يا سهير ترفعي عليا قضية خلع انتي واخده بالك انتي بتعملي فينا ايه، هو احنا صغيرين علي الكلام ده...

سهير ببرود

قولتلك طلقني بالذوق انت اللي موافقتش، يا راجل ده انت بقيت تقيل تقل علي قلبي ما بقتش طيقاااك حس بقي علي نفسك وطلقني...

نعيم بحزن

معاكي حق اصلا اللي زيك ما ينفعش معاها الستر وانها تبقي ست محترمه..

سهير

طيب طلقني بدل ما تبقي انت راجل كبير ومخلوع..

نعيم

انتي طالق يا سهير انتي طالق بالتلاته كمان تقدري بقي تاخدي هدومك وتمشي من هنا..

سهير ضخكت وقالت

ههههههه لا ما هي العماره دي كلها بتاعتي انا خليتك تمضي عليها من يجي سبع او تمن سنين كده عشان كنت خايفه تجرالك حاجه وتيجي واحده من اخواتك العقارب تورث معايا...

نعيم بدموع

كمان ضحكتي عليا، وناويه علي ايه بقي يا سهير ايه اللي هتعمليه بعد ما امشي انا من هنا..

سهير بخبث

هتجوز ولد صغير يرجعلي عمري اللي ضاع عليك وعلي بنتك..

نعيم بحزن

روحي يا شيخه حسبي الله ونعم الوكيل، ربنا ينتقم منك...

قال كده ودخل اوضته اخد هدومه وراح شقته القديمه قعد فيها...

وفي بيت يحيي كان سماء قاعده مع بناتها ومدايقه ويحيي قاعد جنب باباه وقالت سماء..

سماء

والله لو انتو زعلانين قالو لبابا هو اللي ضحك عليا..

يحيي

شايف يا بابا بتقول للبنات ايه عليا...

ضحك فوزي وقال

هههههه لا مالكيش حق يا سماء، بقي الراجل ياخدك يفسحك وانتي تقولي عليه ضحك عليكي..

يحيي

قولها المفتريه دي والله ما بيطمر فيها حاجه..

سماء

ماشي ياخدني يفسحني ساعه ساعتين مش اسبوع يا يحيي نسيب فيه البنات..

يحيي بغيظ

هو احنا هنسيبهم في الشارع ما كانو مع ابويا وامي، وبعدين محسساني اننا قعدنا اسبوع بجد ده هو يوم يا بابا والصبح طلع عليها بناتي بناتي عايزه اروح لبناتي وما ارتاحتش غير لما سيبنا الاوتيل وجينا..

فوزي

لا لا غلط يا بنتي اهو تغيرو جو...

طلعت فايزه من المطبخ وقالت

بس يا فوزي ما لكش دعوه بيهم، في الاخر يا اخويا مالهمش غير بعض وانا وانتي اللي هنبقي غلطانين، المهم يا سماء انا مليتلك الفريزر اكل اشي باميه وملوخيه ولحمه وفراخ يدوب تطلعي تسخني وتجهزي علي طول وقبل ما يخلصو هكون جيت وعملتلك غيرهم..

سماء

ليه بس تعبتي نفسك يا مرات عمي انا كنت هعملمهم..

فايزه

انا وانتي واحد يا بنتي، يلا بينا يا حج فوزي..

قام يحيي وقال

خلي بالك من البنات يا حبيبتي لحد ما اوصل ماما وبابا للمحطه واجيلك علي طول...

سماء

ماشي تروح وتيجي بالف سلامه...

وتاني يوم راحت سهير المحل بتاعها بس اتفاجئت بعمر قاعد مكانها علي المكتب..

سهير

ايه ده انت هنا يا حبيبي وكمان قاعد مكاني، وحشتني اووي علي فكره..

عمر

مش عيب عليكي ست كبيره زيك تقول كده لواحد من سن عيالها...

سهير

انت بتقول ايه يا عمر، بطل تهزر معايا كده عشان والله هدايق منك بجد..

عمر

وانتي مين قالك بقي اني بهزر معاكي يا طنط سهير انا بتكلم بجد ولو سمحتي اطلعي بره ده مكان اكل عيش..

سهير

انت ايه اللي بتقوله ده، اطلع انت بره المحل بتاعي والا والله هوديك في ستين الف داهيه...

عمر

شوف ياجدع اما الدنيا دي دواره بشكل بقي بعد ما انتي ضحكتي علي جوزك زمان واخدتي منه البيت بتاعه انا بنفس الطريقه وانتي بتمضي علي التوكيل خليتك تمضي علي تنازل عن المحل والشقه بتاعتك شغل محاميين بقي..

سهير ببكاء

بقي دي اخرة اني وثقت فيك، منك لله يا شيخ..

عمر بحده

بقي انتي اللي زيك. تعرف ربنا ده انتي كنتي ماشيه معايا وانتي متجوزه والله واعلم كنتي بتعملي كده مع كام واحد غيري...

سهير ببكاء

رجعلي المحل انا ما اذيتكش في حاجه عشان انت في الاخر تعمل فيا كده..

عمر بحده

اطلعي برت والا هفضحك قدام الناس كلها واخلي اللي ما يشتري يتفرج عليكي يلا بره واياكي تروحي شقتي هدومك مع البواب تحت اختي رمتهالك عنده اصلي بجهزه عشان اتجوز بنت عمي عندها عشرين سنه وبنت زي القمر يا طنط لا طنط.ايه بس انتي تليق عليكي تيته...

طلعت سهير بره المحل وهي بتعيط، وقبل ما تعمل اي حاجه موبيلها رن ولما ردت حد قالها..

الراجل

السلام عليكم الست سهير معايا؟..

سهير

ايوه انا انت مين وخير ان شاء الله..

الراجل

انا الموظف بتاع المستشفي العام، ياريت حضرتك تتفضلي تستلمي الجثمان بتاع بنتك واحفادك لاننا بنكلم جوزها وباباها ما حدش بيرد..

سهير اتنفضت بخوف وقالت

انت بتقول ايييه، انت ازاي تقول علي بنتي وولادها كده انطق..

الراجل

يا ستي انا مقدر صدمتك بس هي عملت حادثه بعربيتها والبقاء لله ياريت تتفضلي عندنا في اسرع وقت...

وقع الموبيل من ايد سهير وفقدت الوعي، وفااقت بعد كام يوم وكانت تعباانه جدا ويحيي وعادل كانو عندها..

سهير

هو ايه اللي حصلي انا مش قادره اتحرك..

عادل بحزن.

ارتاحي يا عمتي انتي جاتلك جلطه علي معظم جسمك ومش هتقدري تتحركي الفتره دي خالص...

عيطت سهير وقالت

انا السبب في كل اللي حصل ده، انا السبب في اللي بنتي عاشته معاك..

عادل بدموع

ربنا يرحمها انا عمري ما هقدر اسامح نفسي علي اللي عملته فيها ولا علي ولادي اللي راحو..

سهير ببكاء

انا السبب بنتي كانت بتحبك وانا اللي خليت يحيي يحب سماء كنت بفضل اقوله انه هيتجوزها وانها حلوه لحد. ما فعلا حبها وخليت امك. كمان تخليك تتجوز بنتي مش سماء وكنت بسخنها علي سماء لحد ما طفشتها في عيشتها...

عادل بصدمه

اييه كل ده انتي عملتيه، وانا وسماء ذنبنا ايه بس خلاص دلوقتي هرجع كل حاجه زي ما كانت..

يحيي بقلق

قصدك. ايه انك هترجع كل حاجه زي ما كانت، سماء دلوقتي مراتي...

عادل

لو بتحبها بجد. سيبها تختار، خليها ترتاح من. اللي حصل زمان هي مش بتحبك سماء عمرها ما حبت غيري..

يحيي بدموع

ماشي هخليها تختار روحلها بيت اخوك وقولها الحقيقه واللي تختاره سماء انا هعمله المره دي...

وفعلا مشي عادل وراح البيت ويحيي كان وراه بس ما دخلش وعادل كان جوه وسماء سابت الباب مفتوح ومن غير ما تاخد. بالها من يحيي اللي دخل بعدهم وكان قاعد في المطبخ وبيسمع كلامهم...

عادل

دي كل الحقيقه يا سماء انا وانتي كنا ضحية شرهم كلهم..

سماء بحزن

ربنا يصبرك علي مراتك وولادك ويشفي عمتي، ويسامحنا كلنا انا مسامحه في حقي يمكن ربنا يسامحني انا كمان علي اللي عملته في بنتي..

عادل

بس انا لسه بحبك يا سماء، اطلبي الطلاق وخلينا نبعد عن الكل و...

وقفت سماء وقالت.

انت ايه الكلام اللي بتقوله ده، مش كفايه اللي عملته في مراتك جاي وبتقول كده لمرات اخوك..

عادل

جرا ايه يا سماء انتي نسيتي اللي كان بينا انا وانتي و..

سماء

ايوه نسيته يوم ما انت سيبتني ويوم ما بقيت علي اسم اخوك وانا مش بفكر فيك حتي وما فيش في حياتي غير جوزي..

عادل

بس هو اذاكي وتعبك واناا اا..

سماء

برضو كان جوزي ولو كان عمل ايه طول ما انا الي زمته عمري ما هسمح لنفسي اشوف غيره.. ويحيي بالنسبالي احسن راجل في الدنيا واحسن منك مليون مره والحمد. لله ان هو بقي من نصيبي..

عادل بصدمه

انتي بتقولي ايه يا سماء معقوله كلامك ده ليا انا..

سماء

وايه انت يعني، انت كلمه بتوديك وكلمه بتجيبك واحد غيرك علي اللي حصل فيمراته وولاده ما يخرجش من البيت ويفضل حزين عليهم عمره كان، وده الفرق بينك وبين يحيي لما عملت اللي عملته في بنته قدرني ووقف جنبي بقالي اب واخ وكل حاجه رجعني للحياه تاني بعد ما كنت فاكره اني خسرتها، انا عمري ما اقدر احب حد. زي ما انا بحب يحيي دلوقتي...

بص عادل للارض وقال

انا اسف يا مرات اخويا، ربنا يسعدك. بعد اذنك...

طلع يحيي من المطبخ وقال

نورت يا عادل ووقت ما تحب تيجي بيت اخوك مفتوح..

ما ردش عليه عادل ومشي ويحيي قرب من سماء وابتسم وقال..

يحيي

ايه الحلاوه دي ده انا جسمي قشعر من كلامك..

سماء بتوتر

احم بس بقي ما تكسفنيش يا يحيي..

يحيي

وانا كمان بحبك يا سماء يا اغلي حد ليا في الدنيا...

الدكتوره سلوي

ودي كانت نهاية حكاية سماء، من كل قلبي فرحتلها زيكم وعشان هي بنت طيبه و قلبها مش اسود ربنا سامحها وعوضها خير وكذلك اللي حصل مع فايزه ويحيي انهم فاقو وعرفو ان الله حق، اما سهير الشر فضل مالي قلبها وبقيت لعبه في ايد عيل في سن بنتها وربنا انتقم فيها في بنتها اللي ارتاحت من شر جوزها ودفعت هي كمان تمن انها اتجوزت واحد مش بيحبها..

_ الحب مش بيتباع ولا حد بيشتريه دي فطره في الانسان ربنا بيزرع الحب في قلوب ناس لناس تانيه، احنا مش بنختار نحب مين ولا بنختار مين بيحبنا...

تمت