#شمموخي_وأنكساري 2
جنان : كعدت أخابر عبير ولو ماأطيقها لا هي ولا أهلها بس موضوع السفرة عجبني ألو عبير شلونج
عبير : الحمدلله منو ويايه
اني جيجي
اسفة معرفتج شلونج
الحمدالله تمام
واهلج شلونهم
زينين اوف بداخلي اكول هسة شحجي وياها اني اول مرة اخابرها وهي مو نوعي مفضل بسيطة وغبية اكول عبير حبيبتي انتي مو كدي
تقريبا نفس عمر اي حبيبتي شكو خير
لا بس اكول أحب نكون صديقات
ليش لا حبيبتي اتشرف بيج اخت مو بس صديقة
زين اذا هيجي اليوم بالعصر تعاي لبيتنا اريد اشوفج ومحضرلج حفلة بيناتنا نتونس سوية ونتعرف اكثر
ماعرف خلي اسأل اهلي
ليش انتي صغيرة
لا بس اني تدرين وحيدة اهلي يخافون اهواية عليه
بداخلي اي اكول اشكد تافهه وزعطوطة شسوي اتحمل عرض مؤيد ميتفوت وراح اخذ صديقاتي ويايه همينة اي انتظرج
لعد ليش انتي متجين لبيتنا والله افرح وماما همينه اخدمج بعيوني
اممم تسلمين بس انتي تعالي اليوم وراها اني هم اجي
زين حبيبتي هسة اكول لماما واردلج خبر .
نزلت شفت امي ويا خدامتها منتظرة السايق وتطلع وين ماما
أم مؤيد: حفلة فلان تعاي جيجي يموت حفلاتها اتجيب مغنيين وبس نسوان شوفي لبسي
فتحت عباية ماما من وين جبتي يموت وكلش عاري نوعي المفضل هههههه
دايحة بس تحب تفسخين ابعيني باجر اجيبلج افسخ منها
صدك ماما
اي تحبين تجين
لا اليوم اريد ابقى بالبيت ارتاح
لا ماصدك جيجي متطلع تكعد راحة اي وينها حنان تبدل وتجي ويايه بلكي قسمتها تنفتح وتتزوج اخلص من همها كاتله نفسها على سامي الفكر
ايع ماما والله ماشغله خدام اليه ماعرف هي ليش لازكه بسامي
اي لان ابوج مخليها براسها اهله جلب بس يلف يباوع لذيله ههههه والله لو تموت ماخليها تاخذ ابن بدريه
جتي حنان عبالك هي أم وامي بنتها لابسة طويل وحجاب أمي عاطط بيها
ولج هاي شنو لابستها طالعة جنج بيبيتي
حنان: يعني افسخ واطلع جسمي يالله اعجبج ماما ماجي
لا تعاي نروح
باوعتلها حنونه تخبلين بس اهناك نزعي
الحجاب لخاطر ماما
اوك انتبهي على نفسج باي جيجي
الله وياكم طلعوا اجى مؤيد واني دا اسبح
مؤيد: ها شسويتي اليوم
تجي
زين اروح احضر نفسي اموت بالحب
صدك تحب هلغبية
غبية بعينج اموت عليها بس هي يمكن تحب ابن خالتها
اي الطيور على اشكالها تقع
ولج شنو هالحجي اني اريدها اليه
لا اخويه الحبيب بعدين نسلنا راح يصيرون عليها اغبياء
ليش هيجي ولي ليش اني غبي
لا بس سرسري شنو هيج وردة مال الله
زين كومي صعدي ليث كاعد بلمكتب يشتغل
واني شكو
ستاير على جهتج احتمال يشوفج
ليش هو يعتبر رجال حتى اخاف منه
ميصير لعد شنو رجال طبعا
انتو شبيكم والله كلب حراسه اعتبره أرجل منه روح وعوفني بقيت وحدي بالمسبح اسبح شفت ظل واكف يم الستاير أي الجلب يباوعلي سويت نفسي مشايفته اتقربت من الشباك اسويله حركات بايدي ورجلي.
ليث: جنت اشتغل سمعت صوت اغاني يم المسبح باوعت شفت جيجي تسبح صدك متستحي شنو هالحركات اجاني تلفون شفت اسم ابتسمت هاي سحورتي الحب هلو كلبي هلا اشبيج
سحر : ليش مجيت ويا اهلك جانو معزومين يمنا
مكدرت عندي شغل
واني
هو المن شغل غير الج
أي مبين لحد الان بس حجي
غير ابوج ميقبل شسوي طلباته اهوايه وانتي تعرفين ظروفي
بس اني اريدك
واني هم مشتاقلج اموت بيج لاتغازلني اذوب هسة وانت مو يمي اخ منج ومن لسانج حاركتني حرك
اممم حبي راح أجي يوم الجمعة لبيتكم
اريد هالمرة البوسات على فراشك مو بالسيارة
اوك تدللين حبي عيوني الج
واريد هدية
مال شنو زعلانة منك اليوم ابعيني موبايل جديد قبل شهرين جبتلج
اوي اشكد بخيل
مو قصة بخل بس امكانيتي تعرفين بيها
اني شعليه هسة ليش تحرمني منه
اوك اشوف ميزانيتي
لا اريد باي
باي.سحر بنت خالتي احبها وهي هم حجزتها قبل ٦ اشهر بس ابوها ميقبل انسوي خطوبة طلباتهم اهواية واني مدالحك بين مصاريف حسن وعلاج امي وطلبات البيت فسكتت انتظر الفرج من الله.جنت واكف يم شباك واني احجي سديت الفون هاي شكو اشبيها شنو هالحركات تفو عليج وعلى هيجي جمال صدك رخيصة والله لو غير واحد جان متونس بيها يومية بس اني ماباوعلها احسها شي رخيص متوفر بالرغم اشوف الرياجيل واسمع ميتين عليها بس متلفت نظري.
جيجي: طلعت لغرفتي بدلت خابرتني خدامة مدام عبير ينتظر انت مدام جيجي اوك .رحت لمؤيد جتي
صدك دخليها لغرفتج شوية كعدي واتحججي بشي ونزلي جوا افتهمتي لاتصعدين لحد مانزلج
شتسوي وياها وحدكم
ماعليج وهاي التذاكر والكريدت كارد
اوك مثل غالزالة نزلت شفت بنية ناعمة ومحجبة لابسة لبس بسيط وهي نوعا ما حلوة اتقربت اسلم بايدي بس هيه حضنتني وباستني شوية حجينا دنزعي حجاب ماكو احد
عبير: لا شفت رجال دخل للمكتب
اه لا مو رجال هذا ليث رئيس حماية بابا اشوفه اكثر من اهلي لاتعتبري رجال اكولج تعاي لغرفتي اوك لزمت ايدي
عبير: جيجي ترى اني فرحانة راح نصير صديقات شكرا الج
صعدت لغرفتي باوعت
غرفتج عبالك مملكة الاحلام
عجبتج اي
كبرتها هسة صاير دبل
يخبل بالعافية عليج
وسريرج عبالك اميرات باربي وصدك انتي تشبهين اميرات باربي
دنزعي هسة ماكو احد لاتخافين نزعت جاكيت وحجاب شنو رايج تنامين يمي اليوم
مادري اخابر اهلي
زين هسة كعدي راح انزل نسيت تليفوني جوا وهاي شنو مو تليفونج
امم عندي واحد ثاني راح اخابر صديقاتي نجتمع انسوي حفلة باربكيو
اوك اخذي راحتج
نزلت وسديت الباب رحت لغرفة مؤيد مجان موجود نزلت جوا كعدت انتظرت نص ساعة سمعت صوت صياح وبجي ارتبكت اشصار ليث طلع من المكتب رحت وكفت كدامه
شكو شنو هالصوت
مؤيد ويا صديقتها انته شعليك
هاي دتصيح وتبجي
وانت شكو خليك بشغلك
وخري ماريد الزمج
ماكو متونسين ماعليك منهم
منو هي
وحدة متعرف جديد عليها
وانتي ليش ترجفين هيجي قابل اول مرة يجيب نسوان للبيت
لا بس مادري
اكو شي بس لاتكون انتي مسوية مصيبة
ماعليك مني الزم حدودك ممكن تجيبلي مي من المكتب اي راح رأسا قفلت باب عليه
فتحي حيوانه صعدت دخلت غرفتي شفت منظر يخزي مؤيد مغتصب عبير شافني كام راح لغرفته اني الفيزا والكريدت كارد وكعن من ايدي لملمت الفراش عليها شفت دم ينزل منها اتقربت تفلت بوجهي
ياحقيرة ياساقطة ليش هيجي سويتي بيه متخافين من الله يارب حوبتي تطلع بيج ولج اني شرفج ياعديمة الشرف ياساقطة كلهم جانو يكولون ساقطة ودايحة بالشوارع واني اكول لا عيب هي بت عمنا الله ينتقم منج
بجيت لاول مرة اتندمت والله العظيم كالي يخطبج معرفت هيجي يسوي بيج اني اسفة اتخربطت وفقدت وعي صيحت اجى مؤيد شكو حيوان ليش هيجي سويت بيها
مؤيد: ماكو طريقه تتزوجني بيها مو راضية اضطريت هيجي اسوي بيها
شوفها ماتت
لا عبير فتحي عينج حبيبتي روحي خابري دكتورة اسراء كوليلها تجي بسرعة
الزم التليفون وابجي خابرتها هي مشهورة تسوي عمليات ترقيع للبنات مال كبار مو اي احد تاخذ كومة فلوس نزلت شفت ليث كدامي شلون فتحت باب
اني فتحتها وخري من كدامي اريد اصعد
لزم ايدي بالغلط اجة ايده على صدري اني حسيت بشعور غريب لاتصعد بت عمي فوك
تفو عليج وعلى اخوج
افتهم السالفة ودخل للمكتب وسد الباب صعدت ويا الدكتورة يم عبير وضربتها ابرة واني واكفه مؤيد بالغرفة يم عبير لازم ايدها خابرت امها كتلها اريد تبقى يمي يوم وافقت .just me