تحميل رواية «زواج زوجي» PDF

داليا حست بحد جنبها، في ثانية كانت ساحبة المسدس من تحت المخدة وحطاه على راس الشخص. بس اتفاجأت بإيد بتتحط على بوقها بتقول: "أنا أحمد جوزك".

"أنا أحمد."

داليا بغضب زقت إيده وفتحت النور وقالت: "انت بتعمل ايه هنا يا ابن العبيطة؟"

"أنا اللي ابن عبيطة ولا انتي اللي بنت هبلة؟"

داليا ببرود: "مسكو امك طبله."

أحمد بتريقة وهو بيقلد صوتها: "فال وهو بيقلد صوتها: مسكوا امك طبله."

داليا: "نينينينينيني." وطلعت لسانها بتريقة.

أحمد: "صبرني يا رب، مجوزني بنت اختي. متعقلي يا داليا."

داليا: "لأ بقا." وقامت وقفت وهي بتشاور بصباعها في وشه: "مسمحلكش، مسحلكش خالص. ده من ناحية العقل مفيش اعقل مني. ده أنا حتى كاتبة معروفة."

أحمد: "كاتبة معروفة؟ اه مبلاش انتي يا حاجة، بلاش أتكلم."

داليا: "لأ لتكلم. أنا هخاف."

أحمد: "بصلها بجنب عينه. أتكلم؟"

داليا: "أيوه قوللك مبخافش.... بس متتكلمش قوي يعني وتفتح صدرك."

أحمد: "والله."

داليا: "ما علينا، متتوهش. انت ايه اللي جابك؟"

أحمد: "صبرني يا رب يا بت. بيقولوا أنا جوزك."

داليا: "اه وبيقولوا بابا ضربك وطردك الصبح. وأنا طالبة الطلاق باين."

أحمد: "مانا جاي أصالحك."

داليا بتريقة: "لأ بطلنا ناكل منه الكلام ده."

بابا: "بابا."

أحمد بهزار: "يرضيكي حمودك ينضرب تاني؟"

داليا بصتله بعطف وقامت وقفت وقالت: "اه يرضيني." وقعدت تصرخ: "باباااااا يا بابا الحق احمد هنا."

أبوها دخل بيفرك عينه عشان يفوق وقال: "مالك يا زفتة انتي؟"

داليا: "احمد هنا."

الاب: "وإيه يعني مهو جوزك. اتخمدي والصبح ابقوا اتخانقوا. كتك نيلة وانتوا صنف نكدي عايز الحرق."

أحمد بضحك: "قولها يا عمي."

داليا بمكر: "معاك حق. إحنا فعلاً صنف نكدي. أنا غلطانة إني كنت هقولك إني كنت قافلة الشباك وهو كسره عشان يدخل. يلا ننام يا أحمد ونتخانق الصبح."

الاب بتركيز: "نعم؟ قولتي إيه يا داليا؟"

أحمد بخوف: "مقلتش."

الاب: "اخرس انت وانتي كرري كلامك."

داليا: "لأ قولت إننا ننام ونتخانق الصبح."

الاب: "قولتي الشباك ماله؟"

أحمد: "مفهوش."

الاب: "هو أنا مش قولت اخرس يا حيوان؟ متنطقي يا زفتة. قولتي إيه؟ الشباك ماله؟"

داليا ببرود: "لأ ده أحمد كسره. متخدش في بالك. روح نام انت."

الاب بغضب: "نعمممممممم؟ كسروا؟ كسروا إزاي؟ مش كفاية الباب؟ يلا هيبقي الباب والشباك. أجيب فلوس أنا منيييييين؟" وهوب طار جاب إيد المقشة.

وجه أحمد بصلها وبص لداليا وقال: "ابوكي ماله اليومين دول عامل زي جون سينا؟"

داليا: "أصلنا في آخر الشهر والإفلاس سايد المكان."

الاب بغضب: "انتي لسه هتتساهلي معاه؟ تعلالي يلا."

أحمد: "تاني؟ مبرتحش لـ 'تعالي دي'."

الاب: "خلاص أجلك مانت قليل الرباية." وفجأة جه وراه وأحمد بقى يلف في الشقة وهو وراه. وداليا بتبصله وتداري الضحك. لحد ما أحمد تعب وقعد على كرسي السفرة وهو بيقول: "استوب يا عمي. استنى معلش عايز أقول حاجة ضروري."

الاب: "قول."

أحمد بص لداليا: "والنبي يا دولي هاتيلي كوباية ماية عشان عطشان."

الاب: "ولا انت فكرني بهزر؟ هضربك."

أحمد: "اشرب بس. يرضيك أموت عطشان ويبقى ذنبي في رقبتك؟"

الاب: "معلش يا داليا. هاتيله يشرب."

أحمد جه يشرب مسك إيد داليا وقعد يبصلها.

الاب: "اخلص. انت لسه هتسبل لها؟"

أحمد اتخض، وقع الشفشق والكوباية كسرهم.

الاب: "تنح. يلهوي انت كسرت حاجة النيش؟ عمتك هتقتل*نا." وجري وراه تاني وهو بيزعق: "انت في يوم واحد كسرت نص البيت. طلقها ياض وخلصنا. ناقصين مصايب إحنا."

أحمد وقف جنب الشباك وقال: "قبل ما ينط ده بعينك يا عمي. داليا حبيبتي ومراتي. خدي بالك، أنا جاي الصبح بعد ما محاميي يروح الشغل. أشوفك."

الاب بغضب: "شوف الواد اللي مش متربي. سبوني عليه."

داليا: "أنا مش سامعاك على فكرة."

الاب: "جرى بسرعة وأحمد نط ومشي. وفجأة سمعوه: "آه يا رجلي."

الاب: "تستاهل. عقبال إيدك اللي عمال تكسر بيها الحاجة."

أحمد باستفزاز: "المرة الجاية هخطف*ها على فكرة." ومشي يعرج.

الاب بص لداليا وقال: "عايزة إيه؟ مش كفاية كده؟"

داليا: "لأ مش كفاية يا بابا. لسه شوية لما يتربي."

الاب: "يا بنتي ده...."

داليا: "نتناقش بكرة بعد ما نتفق أنا وانت وخالي على مامورية شنغهاي."

الاب: "تمام. اللي يرضيكي."