رواية زواج اطفال "لين وزين" للكاتبة الصغيرة — الفصل 1 — بقلم الكاتبة الصغيرة
بعد مرور ١٤ سنة، نزل من عربيته بكل هيبة ودخل يؤدي التحية.
اللوا: اتفضل يا سيادة الرائد.
مالك زين البنا، ٢٤ سنة، عيون قمر ودقن قمرين وشعر قمرات.
مالك: اتفضل يباشا.
اللوا: عندنا مأمورية مهمة بكرة.
مالك: النوع؟
اللوا: سلاح عن طريق شركة WL. هجيب لك كل المعلومات وأبعتها لك ع المكتب، جهز نفسك.
مالك: تمام يا باشا.
راح مكتبه، حد خبط ودخل.
عز: اتاخرت ليه؟
مالك: صحيت متأخر.
عز: ماشي، اللوا قالك ع المأمورية؟
مالك: أيوه.
عز، يبقي صاحب مالك من أيام ثانوي ودخلوا جامعة واحدة.
عز: على فكرة شكلها مهمة، لأنه حريص عن كل مرة.
مالك: ازاي يعني؟
عز: جايب معانا دكتورة عشان لو في إصابات.
مالك: هنشوف بكرة.
لين: سليم، قوم بقا الظهر أذن، مش وراك جامعة.
سليم: مش رايح.
لين: قوم بدل ما أنادي لبابا.
سليم: يووه، ده انتي قفوشة، بقولك حاضر، رايح.
لين: ههه، غلباوي.
سليم باسها: حبيبتي.
سليم زين البنا، ٢٠ سنة، ميختلفش عن مالك في الجمال، في كلية هندسة، بس طايش عن مالك وبيحب الهزار.
زين: بتذاكري إيه؟
همس: بذاكر عربي يا بابا.
زين: ربنا معاكي يا حبيبتي وأشوفك دكتورة قد الدنيا.
همس حضنته: أحلى بابا في الكون، بحبك.
لين: خيانة.
زين: والله هي اللي حضنتني.
همس: ههه.
لين: يا كلبة، بتحضني جوزي ليه؟
همس حضنته تاني: ده بابا بتاعي.
زين ضحك عليهم وحضنهم الاتنين: ربنا يخليكم ليا.
سليم: وأنا ماليش من الحب نصيب؟
زين: تعالي يافاشل.
سليم: حبيب قلبي. أنا رايح الجامعة، وأما أخلص هعدي عليك في الشركة.
زين: ماشي، ربنا معاك.
في مكان تاني.
"أروى يا حبيبتي قومي يلا".
"حاضر يا ماما".
"هتروحي الشغل؟"
"آه، لازم، في مأمورية بكرة ولازم أكون هناك".
"خلي بالك من نفسك يا بنتي".
"متخافيش يا ماما".
مالك خلص شغله وروح البيت.
مالك: ماما، مااااما.
لين: حاضر، جايه. حمد الله على السلامة يا روحي.
مالك باسها: الله يسلمك يا ست الكل.
لين: مشوفتكش الصبح وأنت ماشي.
مالك: معلش، كنت متأخر ومشيت بسرعة.
لين: ربنا معاك يا قلب ماما.
مالك: أيوه، ادعيلي عشان عندي مأمورية بكرة.
لين قلبها اتخطف: يارب استر.
مالك مسك إيدها: اهدى، إنتي خايفة ليه؟ دي مش أول مرة يعني، هرجعلك بالسلامة.
لين حضنته: يارب يا حبيبي، يارب.
مالك: أنا داخل أرتاح عشان أقرأ الملفات بتركيز.
لين: ماشي يا حبيبي، روح.
زين راح الجامعة، ولما خلص راح الشركة لزين. خلصوا شغل وروحوا.
مالك صحي بليل عشان يقرأ الملفات. عرف كل المعلومات وراح يقرأ اسم مالك الشركة.
"وائل مصطفى سالم السويدي".
اتصدم.
قام وقف: ازاااي؟
فضل رايح جاي في الأوضة. شريط حياته من ١٤ سنة مر قدامه بكل ذكرى وحشة فيه. اتضايق جداً وراح أوضة الرياضة يطلع غضبه فيها. وفضل يردد: مش هرحمك، مش هرحمك.
في وسط ضيقته، دمعة نزلت من عينه. وقف مسحها: أنا مش ضعيف ومش هزعل، وهجيب لك حقك، هجبهولك.
تاني يوم، مالك كان لابس الزي الخاص. وكلهم ودعوه، ولين كانت بتعيط.
مالك حضنها: متعيطيش يا ماما عشان خاطري.
لين: حاضر، بس طمنّي عليك عشان خاطري أنا.
مالك: إن شاء الله.
زين: لا اله الا الله.
مالك: محمد رسول الله.
مشي وسابهم.
عز: أهلاً ي مالك، اتاخر شوية كمان.
مالك: كنت بودع أهلي.
عز: طب يلا، متأخرين ربع ساعة.
الفريق مشي. راحوا ونفذوا الخطة. كان فيه ضرب نار كتير. مالك كان مسيطر ع الوضع. لف عند الدور الأرضي من ورا، لقي وائل بيحاول يهرب. صوب المسدس عليه.
"اثبت مكانك".
وائل وقف. مالك كان باصص له وحاسس إن دم أخوه على وشه. الغضب عماه. كان لسه هيضغط ع الزناد، لقي حد بيصوب مسدس جنبه. بص، لقي بنت واقفة ورا العمود. ضرب طلقة في رجل وائل، وعز جه أخده هو والظباط.
البنت صوتت ولسه هتجري. كان اللي واقف هيجيب الطلقة فيها. راح مالك قدامها: ابعديييي.
الطلقة جت في دراعه اليمين. عز مسك اللي ضرب نار.
البنت صوتت: ااه يا ماما.
مالك كان ماسك إيده، والقميص اتملى دم. وقع ع الأرض وكان ساند ع العمود.
البنت دي تبقى أروى، عندها ٢٣ سنة، متخرجة من طب عسكري وبتشتغل في الشرطة معاهم. بنت جميلة جداً وضغنونة، محجبة.
أروى قعدت جمبه: اااه أنا اااسستنى.
مالك: إنتي هتفضلي تتأتى كتير؟
أروى بخوف: معلش، بس بسس اااه أنا بخاف من الد*م.
مالك: إنتي مين؟
أروى: أنا الدكتورة أروى.
مالك: نعم!!! دكتورة وبتخافي؟
أروى: اسكت بس، متتكلمش عشان إنت بتنزف جامد.
مالك: معاكي تليفون؟
أروى: آه.
مالك: هاتي لحظة كده.
مالك: الوو، أيوه يا ماما.
... مكنش قادر بس حاول ميبينش. لأ، أنا كويس، ااه. لأ يا ماما مفيش. سلام دلوقتي.
أروى: قوم معايا.
مالك: عز فين؟
أروى: معرفش، قوم بس ومتتكلمش والنبي.
مالك قام بصعوبة، مكنش قادر يمشي. أروى سندته ووصلوا المستشفى، كان أغمى عليه. دخلت العمليات وطلعت الرصاصة من إيده.
بعد ساعة، فاق. لاقاها جنبه.
مالك: عز فين؟
عز دخل: أنا جيت يا صاحبي، حمد الله على السلامة. والدتك رنت كتير وأنا قولت لها إنك في اجتماع.
مالك: طيب.
عز: في الزنزانة، متقلقش.
مالك: طيب، أنا عايز أمشي.
أروى: ارتاح شوية.
مالك: لأ، ماما زمانها قلقانة أوي.
أروى: لحظة. أنا بشكر حضرتك جداً على اللي إنت عملته.
مالك: ده واجبي.
مالك روح، ولين وزين وكلهم مستنينه.
لين جرت عليه: مالك حبيبي، إيه ده؟ في إيه؟
همس: إيه اللي حصل؟
زين وسليم كانوا واقفين برضو.
مالك: اهدوا بس، دي إصابة خفيفة وأنا كويس قدامكم أهو.
فضلوا قاعدين معاه، وبعدين طلع نام.
تاني يوم في الشغل.
مالك: هي الدكتورة اللي كانت معانا امبارح دي اسمها إيه؟
عز: اسمها أروى.
مالك: ما أنا عارف، اسمها كامل؟
عز: أروى وائل مصطفى سالم السويدي.
مالك: إيه؟