_ بتحبني؟
_ اه بحبك.
_ لا مش حساك.
_ لا والله، طب أعملك إيه؟
_ تحبني أكتر.
_ وحياة أمك ما ناقص وجع دماغ، سيبيني في حالي، على الجواز، على اللي عايز يتجوز.
_ عاااا، مش بتحبني، طلقني حالًا.
_ عارفة أمك ده عندها...
_ طب أنا نسيت أقولك حاجة معرفش تهمك ولا لأ.
_ قولي يا آخرة صبري.
_ أنا حامل.
قالتها وهي تأكل الفشار وكأنها لم تقل شيئًا.
_ نعم؟!
_ بقولك أنا حامل يا مُصعب، الموضوع مش مهم صح؟ أنا قولت كده بردو.
_ اه يا بنت المجانين انتي، انتي حامل مني ومقولتليش، دا انتي ليلتك فحلقي يا بنت سميرة.
_ في إيه مالك؟!
_ غرام انتي هبلة، بتقوليلي أنا حامل ولا كأن بتقولي أنا عندي صداع، انتي مش معقولة والله.
_ لا والله، ما انت لو مهتم كنت عرفت لوحدك.
_ ليه شيفاني اختبار الحمل؟ غوري يا غرام من وشي، جتك نيلة، مش مخلياني أفرح.
_ طب انت مش فرحان إني حامل منك؟
_ لا طبعًا فرحان إنك شايلة حتة مني.
_ لا يا خويا ده بتاعي لوحدي.
_ بتاع مين لوحدك ياختي، ليه بتتكاثري ذاتيًا؟
_ على فكرة بقا انت قليل الأدب، عبشكلك، أنا قايمة أعمل كيكة أحسن.
_ لا أنا كده مش هلاحق على مصاريف البيت منك.
_ مستكتر عليا الأكل يابن مها، وبعدين ده ابنك مش أنا، وبعدين فيه حاجات مش كاملة، انزل هات الطلبات.
_ هنزل بس متعمليش مشاكل مع حد.
_ عيب عليك، ثق فيا.
_ يبقى هنتحبس انهاردة، انجزي عايزه إيه.
_ خد الطلبات في الورقة دي.
لينزل مُصعب حتى يجلب الطلبات وتجري غرام سريعًا إلى الشرفة.
_ عم محمد يا عم محمد.
_ نعم يا بنتي.
_ عندك سكر؟
_ اه يابختك، إحنا معندناش، هيهيهي.
_ يابنتي عيب كده، انتي مش صغيرة.
_ انتي بتعملي إيه؟
_ نهار أسوح، انت لحقت جيت.
_ هتبطلي مشاكل وحركات العيال ده إمتى؟
_ طب بص هقولك حاجة مهمة جدا.
_ قولي.
_ بص احنا نعمل فيلم أكشن، هتضرب ناس وبعدين تهرب منهم بسرعة، وبعدين تطلع فوق جبل تنزل تقع في حبي، ههههه، يخرابي عليا، عسل عسل والله.
_ اه يا بنت الظريفة، غوري يا غرام اعملي الكيكة.
_ حاضر يا باشا.
لتدخل غرام إلى المطبخ تعمل الكيك وتخرج بعد فترة وهي تصرخ.
_ عاااااااا.
_ اتحرقت صح؟ قالها وهو يضحك بشدة.
_ انت مكنتش جايبها بنفسك أصلا.
_ كنت عامل حسابي عشان كده جبت كيكة جاهزة والله.
نظرت له وهي تضحك مثل الطفلة.
_ مش بحبك من فراغ أصلا، خد قلبي مش عايزاه.
