تحميل رواية «تزوجت سرسجية» PDF

: انت عايزنى اتجوز كارما يابابا كارما

قالها سامر بغضب لابوه ال واقف بيكلمه ببرود

والده : أيوه مالها كارما أدب وأخلاق وجمال

سامر بانفعال : دى هبله

والده : ولد عيب ماتتكلمش على بنت عمك كده

سامر بغضب : دي كارما يابابا انت نسيت ولا ايه دى سوابق

والده : اخر كلام كتب الكتاب يوم الخميس ال جاي خلصنا

سابه ودخل وسامر نفخ بضيق

سامر بوعيد : ماشى ياكارما ده انتي هتشوفى ايام زي وشك

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا

كارما بردح : نننننعم مين دي ال تتجوز وكمان يوم ما أفكر أتجوز أتجوز سامر اصوم اصوم وافطر على الواد سامر الملزق ده

مروه والدتها : بس يابت ايه ال بتقوليه ده

كارما بصوت عالى : انتى بتقولى كلام ميتعقلش ياماما

مروه كتمت ضحكتها على بنتها بالعافيه وقالت بجديه : ماله سامر شباب وحلاوه ورجوله وبيحبك

كارما بشهقه : نننعم بيحبنى !!! ده انا اخر مره شوفته فيها فرجت عليه الشارع وقولت أن هو متحر"ش

مروه بصدمه : انتي اتجننتى يابت

كارما ضحكت ببلاهه : ماهو ال مستفز وبيسلم عليا فى الشارع قومت فضحته

مروه دخلت جوه وهي بتقول : عوض عليا عوض الصابرين يارب

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

سامر بقر"ف : انا مش موافق

كارما بصتله بتحدى وقالت : يعني أنا ال واقعه فيك ايه فاكر نفسك توم كروز

سامر بغيظ : بقا دى تبقى مراتى مش هتجوز

كارما : وانا الجواز ده مش هيتم الا على جثتي

: بارك الله لكما وبارك عليكما وجمع بينكما في

المأذون قال الجمله دي وارتفعت الزغاريط

مروه حضنت كارما : مبروك ياحبيبتى

كارما بصت لسامر وقالت بغيظ : الله يبارك فيكي ياماما

سامر بصوت واطى : مبروك ياعروسة الندامه

كارما ببرود : الله يبارك فيك ياعريس الغم

سامر : هتندمى على ايامك كلها

كارما بسخريه : هه هنشوف مين ال هيندم ياكتكوت

سامر لسه هيرد سمعه صوت بيقول

: سامر حبيبى كده برضوا تتجوز من ورايا

كارما بصدمه : مين دي !!!!!

البنت : انا خطيبته

كارما بشهقه : ننننعم ياعنيا !!!! خطيبته

"رواية تزوجت سرسجية"

سامر حبيبى كده برضوا تتجوز من ورايا

كارما بصدمه : مين دى !!!!

البنت : انا خطيبته

كارما بشهقه : ننننعم ياعنيا !!!! خطيبته

سامر بتوتر : ر رنا ايه ال جابك دلوقتى

رنا بزعل : كده برضوا ياسامر هونت عليك

كارما بعصبيه : ماتبطلى سهوكه يابت انتي وابعدى عن جوزى

رنا بقرف : ده انتى بيئه اووى

كارما : مين دى ال بيئه يابت تعالى هنا

مسكتها من شعرها ونزلت فيها ضرب وسامر واقف مصدوم هو وأبوه وأمها

رنا بألم : اااااه الحقنى ياسامر

سامر قرب من كارما وشالها بصعوبه من عليها وقال بعصبيه : ماتتهدى بقا

كارما بغضب : سبنى عليها خطافة الرجاله دى

سامر بحده : رنا امشى دلوقتى وانا هكلمك

رنا قامت جريت بره البيت

كارما بعدت عنه وبصتله بتريقه : روح كلمها وصالحها ياحبيبى

سابتهم ودخلت أوضتها

محمد والده قال بعصبيه : كويس ال حصل ده انت انسان مستهتر

سابه ومشي من البيت

مروه قربت منه وقالت : ادخل راضيها يابنى كارما طيبه والله وقلبها أبيض

سامر : تمام

خبط ودخل عندها وهي كانت قاعده قدام المرايا وسرحانه

سامر : احم اسف

كارما بصتله بقرف ومردتش

سامر بضيق : بتبصيلى كده ليه

كارما قامت وقفت واتكلمت بغضب : انا متفقه معاك تماما أن أنت مجبور على الجوازه دي زي زيك بس مش لدرجة انك تحرق دمى فى يوم زي ده وتجيب خطيبتك هنا

سامر بتوتر : والله ماكنت اعرف ان هي جايه انا

كارما ببرود : والله خلاص ال حصل حصل مش محتاجه مبررات اتفضل بقا مع السلامه عشان عايزه انام

سامر بصدمه : انتي مش واكل معاكي أن النهارده كتب كتابنا والمفروض نخرج وكده

كارما وهى بتتثاوب : لاء متسرحش بخيالك اووى احنا عارفين ال فيها من هنا ليوم الفرح ميبقاش بينا كلام لحد مانتفق هنعمل ايه فى الجوازه المنيله دي

سامر بصلها بغيظ وغضب وسابها ومشي

كارما ضحكت بسخرية : ولسه يابيبى

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا

رنا بوجع : ااااه دي متو"حشه

الشاب بضحك : انا مش متخيل أن بنت تعمل فيكى كده

رنا بغل : دي مش بنت دي واحده رد سجو"ون ااااه يادماغى

الشاب : احم من كلامك عليها الصراحه عجبتنى ماتيجي نعمل ديل

رنا بعدم فهم : ايه هو !!؟

الشاب : مش انتي عايزه سامر

رنا : أيوه

الشاب : وانا عايز اعرف البنت دي كويس اووى هي اسمها ايه

رنا بضيق : سمعتهم بيقولوا ,زفته كارما

الشاب بخبث : حلو اووى حتي اسمها حلو زي شخصيتها

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

مروه : يابنتى هو أنا هفضل اتحايل عليكي عشان تروحي مع سامر تجيبى الحاجه ال نقصاكى

كارما وهى بتاكل : مايجيب هو يعني هو اتشل

مروه بنفاذ صبر : يابنتي عيب تقولى على جوزك كده

: لاء ياطنط عادي دى بتعتبرنى واحد من الشارع متاخديش فى بالك

كارما بقرف : اهو بيجي على السيره كنتي جيبيى سيرة حاجه عدله

سامر بغيظ : بغض النظر عن لسانك ال عايز قطعه يلا عشان نخرج

كارما بضيق : لازم يعني

سامر : معلش تعالي على كرامتك شويه

كارما : طيب طيب

قامت دخلت تغير هدومها ولبست الخمار وكان شكلها جميل جدا عكس شخصيتها

سامر سرح فى جمالها وبعدين قال : يلا ياختى

كارما : يلا بس متزقش

خرجوا مع بعض ونزلوا وكانوا ماشين مش طايقين بعض

صوت من وراهم بيقول : أنسه كارما

كارما وقفت على الصوت وقالت باستغراب : أستاذ احمد فى حاجه

أحمد باحراج : احم كنت عايز اقولك يعني

سامر بغيره : خير يعنى فى ايه

أحمد باحراج : كنت عايز اتقدم لأنسه كارما ده لو مفيهاش مضايقه

كارما ضحكت ببلاهه

سامر بغضب : تتقدم لمين !!!!! عايز تتجوز مراتى

"رواية تزوجت سرسجية"

أحمد باحراج : كنت عايز اتقدم لأنسه كارما ده لو مفيهاش مضايقه

كارما ضحكت ببلاهه

سامر بغضب : تتقدم لمين !!!! عايز تتجوز مراتى

أحمد بصدمه : مراتك !!!

سامر ببرود : أيوه مدام كارما تبقا مراتى كتب كتابنا كان من يومين وفرحنا أخر الشهر

أحمد بغيظ : اها اسف مكنتش أعرف ربنا يسعدكم عن أذنكم

مشي وسابهم وكانت كارما واقفه مفيش منها رد فعل

سامر بسخريه : عجبك الحوار مش كده

كارما ببرود : وميعجبنيش ليه أن شاء الله عادي واحد محترم وجه أتقدم ليا اصلا لو مكنتش متجوزاك كنت وافقت عليه

سامر بعصبيه : كاااارما الزمى حدودك معايا انا جوزك ولازم تحترميني شويه

كارما بعند : والله بقا انا حره الأستاذ ال هو انت خاطب أصلا يعني يوم مالجوازه دي تتنيل تتفشكل هتشوف حياتك وانا هقعد اندب على حظى هشتفاد ايه بقا

سامر : ومين قالك بقا أنها هتتفشكل أن شاء الله

كارما : انت مبتحبنيش اصلا ياسامر خليك واقعى شويه ومتضحكش على نفسك

سامر : بس انا فعلا بح

قطع كلامه لم استوعب ال قاله وقال بتوتر : م مش وقته الكلام الخايب ده يلا نروح نجيب حاجتنا قبل الليل

كارما بحزن : مش النهارده معلش أنا فعلا محتاجه ارتاح عن أذنك

سابته ورجعت البيت تاني وهو اتفاجئ من تغيرها المفاجئ وحزنها رجع هو كمان بيته

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا

أحمد بغيظ : ده كان هياكلني لما قولت أن عايز أتجوزها

رنا بحزن : يعني هو بيحبها

أحمد : واضح جدا من كلامه متعلقيش نفسك بأمل فارغ يارنا وابعدى عنه

رنا قامت وقفت وقالت : تمام انا ماشيه شكرا يا أحمد انك حاولت تساعدنى

رنا سابته ومشيت

أحمد بتنهيده : اه لو تعرفى أن بحبك يارنا وعملت كده عشان اثبتلك أن سامر مش بيحبك

العفيفى

🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم

سامر حاول يكلم كارما كتير جدا ولكن مكانش فيه رد خالص ومختفيه بقالها يومين كلم والدتها

مروه بحزن : أيوه يابنى

سامر بلهفه : كارما مش بترد ليه ياطنط هي فيها حاجه

مروه : كارما سافرت الصبح اسكندريه

سامر بصدمه : سافرت !!!!! ومقالتليش ليه !!!!

مروه : مقالتش لحد خالص سافرت لوحدها وسابت ورقه وقالت إن هي فى اسكندريه لكن مقالتش فين بالظبط

سامر بغضب : .........

"رواية تزوجت سرسجية"

مروه: كارما سافرت الصبح اسكندريه وسابت ورقه أنها سافرت بس مقالتش.

سامر بصدمه: سافرت؟ ومقالتليش ليه؟

مروه: مقالتش لحد خالص، سافرت لوحدها.

سامر بغضب: دي حسابها معايا كبر أووي، طب تمام يا طنط، اقفلي انتي وأنا هتصرف.

مروه بلهفه: ابقى طمني يابني بالله.

سامر بهدوء: حاضر يا طنط، سلام.

مروه: مع السلامه يابني، ربنا يهديكي يا كارما يارب.

رنا بإحراج: احم، أحمد.

أحمد بابتسامه: رنا، عامله ايه؟

رنا: تمام، الحمد لله.

أحمد: اتفضلي اقعدي.

رنا قعدت بهدوء وقالت: كنت جايه أسلم عليك قبل ما أسافر.

أحمد بصدمه: تسافري؟

رنا: أيوه، عرفت أن ماليش مكان هنا، الأحسن ليا أن أسافر لأهلي.

أحمد بحزن: طب وأنا؟

رنا بعدم فهم: انت ايه؟

أحمد: انا بحبك يا رنا، تعبت من مشاعري المكتومه دي، دايما شايف حبك لسامر وبتعب أكتر.

رنا بصدمه: بتحبني؟

أحمد: أيوه يا رنا، ومش من دلوقتي، لأ، من قبل ما نتخرج، بس كنت متأكد أن حب من طرف واحد.

رنا: بس انا فعلا اكتشفت أن مكنتش بحب سامر، ده كان إعجاب.

أحمد بأمل: قصدك أن فيه أمل تديني فرصه أثبتلك حبي؟

رنا بهدوء: أكيد طبعا، انت انسان كويس يا أحمد وأي بنت تتمناك، بس انت متأكد أن هو حب فعلا ولا مجرد إعجاب؟

أحمد بفرحه: يابنتي بقولك بحبك من خمس سنين، ده أنا عنست جمبك.

رنا بضحك: ياراجل.

أحمد: أيوه طبعاً، ها بقا أكلم والدك امتى؟

رنا: بابا هينزل كمان أسبوع يشوف الشغل اللي في مصر، تقدر تكلمه.

أحمد بابتسامه: أنا مش مصدق نفسي، اخيرا ربنا نصرني وهفوز بيكي.

رنا ابتسمت بخجل واتأكدت أنها كانت هتضيع حب كبير منها.

في اسكندريه.

كارما كانت قاعده على البحر في الهوا وسرحانه.

سامر: في بنت محترمه تسافر من غير جوزها مايعرف؟ ياهانم.

كارما لفت وراها بصدمه: انت عرفت مكاني ازاى؟

سامر قعد جنبها وقال بتنهيده: عشان عارف كل الأماكن اللي انتي بتحبيها، ولما والدتك قالت أنك في اسكندريه توقعت أنك هناك.

كارما بصتله بشرود: ايه اللي جابك ياسامر بصراحه؟

سامر بتلقائية: جاي لمراتي.

كارما بغضب: سامر متستعبطش، انت أصلا مش مقتنع أن أنا مراتك.

سامر: بغض النظر عن متستعبطش دي، بس أنا فعلا جاي لمراتي وحبيبتي كمان.

كارما بصدمه: ها! حبيبتي؟

سامر مسك أيدها وقرب منها وقال: مراتي وحبيبتي وصديقة طفولتي المتشرده.

كارما كان هيغمى عليها من الصدمه، قالت ببلاهه: سامر، انت في عقلك؟ يعني انت سخن أو حاجة؟

سامر بحب: أنا في كامل عقلي دلوقتي، أنا بحبك من زمان أووي يا كارما، من أيام ما كنا اطفال بنلعب مع بعض.

كارما بحزن: انت كنت رافض الجوازه.

سامر بغيظ: الصراحه ياروحي، كنت رافضها بسبب الفضيحه اللي انتي عملتهالي لما قولتي عليا متحر"ش، فاكره ولا أفكرك؟

كارما بخجل: انت لسه فاكر؟ قلبك أبيض.

سامر بضحك: وانتي كمان قلبك أبيض، بقا أنا كنت متأكد أن بابا هيصمم أن اتجوزك عشان كده عملت نفسي رافض، لكن أنا في الحقيقه واقع في حبك ياجميل.

كارما: وخطيبتك؟

سامر: كله تمثيليه، رنا زميلتي وطلبت منها تعمل كده عشان اخليكي تتغاظي مش أكتر.

كارما بهمس: أقولك على سر؟

سامر بتركيز: قولى.

كارما بمرح: أنا اللي قت"ل"ت موفاسا.

سامر خبطها على كتفها بغيظ وقال: عيله بارده.

كارما: على فكره انت زوج مش جدع، في واحد يضر"ب مراته كده؟

سامر بنفاذ صبر: بقول بحبك، ايه مفيش رد فعل بالغلط حتى؟

كارما: أقولك على سر؟

سامر بملل: لأ، هقلشك.

كارما بضحك: لأ والله مش هقلشك.

سامر: طب ايه؟

كارما بخجل: وأنا كمان بحبك ياولا ياجوزي.

سامر بصدمه: قولى بالله.

كارما بضحك: بالله.

سامر مسك أيدها وقال: أنا بقول بلاش فرح بقا ونطلع على شهر العسل علطول.

كارما بشهقه: نعم ياعنيا؟ الفرح آخر الشهر وهيبقا أكبر فرح إسلامي في مصر ومن غير اعتراض، ها، ايه تاني ياسطا.

سامر بصدمه: اتجوزت سرسجيه فعلا.

كارما ببراءة ودلع: بحبك ياولا.

سامر بحب: بحبك ياقلب الولا.