انتِ اتجننتي عايزاني اتجوز اخو جوزي..
يا بنتي جوزك خلاص مات وبعدين انتِ عارفه جدك مستحيل يخليكِ كده من غير ما يكون ليكِ راجل.
بس انا من حقي اختار اني اكمل حياتي ولا لا.. انا مش صغيره.
يا رحيق افهمي بقا جدك قرر إنك تتجوزي سلفك.. والفرح كمان أسبوع.
رحيق بعصبيه: يعني إيه يعني آخد القرار؟ حتى مش مخليني أحزن على جوزي.. عارفة إن أدهم مات بس أنا لسه بحبه مقدرش يا ورد مقدرش أنسى بالسهولة دي وأتجوز تاني.
ورد بهدوء: عارفة يا حبيبتي والله ومقدرة حبك لأدهم بس انتِ عارفة جدك وهو خلاص قرار وهتتجوزي قاسم.
رحيق: كمان هتجوز قاسم أكتر شخص بكرهه في المجرة كلها.
ورد: بس أخويا طيب وهيحبك.
رحيق بنرفزة: اخرجي بره يا ورد. قال أحبه قال.
خرجت ورد وثبت رحيق.
رحيق بدموع: يعني إيه أتوز تاني أنا بحب أدهم ولحد آخر يوم في عمري هفضل أحبه.
قربت من صورته: سبتني لييه يا أدهم سبتني لمين أنا اتبهدلت من بعدك. حتي مش عارفة أحزن عليك ولا على بُعدك عني. عارفة إني حامل في الشهر التاني. عرفت إني حامل يوم ما أنت مت. كنت جايه وفرحانة وهقولك بليل يومها بس انت سبقتني وروحت للأحسن مني. ربنا يرحمك يا أدهم. بس انت وحشتني أوووي.
حضنت الصورة وهي الدموع على خدها الوردي.
***
انت بتقول إيه يا جدي عايزني اتجوز مرات اخويا؟
الجد منصور: اسمع الكلام يا ولدي هتتجوز رحيق ورجلك فوق رقبتك.
قاسم: إيه يا جدي الا بتقوله ده وبعدين رحيق أنا مش بطيقها أصلاً.
منصور: احترم نفسك يا قاسم والا بتتكلم عنها دي تبقى مرات أخوك. وانت مينفعش تقعد في البيت ده ومرات أخوك موجودة.
قاسم: يا جدي بس.
منصور: خلص الكلام اعمل حسابك كتب الكتاب الأسبوع الجاي.
منصور مشي وقاسم كسر كل حاجة قدامه.
يعني مفيش غير دي الا اتجوزها يا جدي ماشي إما أوريك يا رحيق.
مشي وطلع عند رحيق. فتح الباب مرة واحدة وقال بعصبية: انتِ إزاي توافقي إني اتجوزك.
رحيق بزعيق: انت حيوان إزاي تدخل عليا الأوضة بالشكل ده.
قاسم: مترديش السؤال بسؤال. اخلصي قولي.
رحيق: اخرج بره يا قاسم أنا مش طايقة أشوف وشك أصلاً.
قاسم قرب منها جامد: أنا هعرفك مين قاسم السيوفي.
رحيق: حصلنا الرعب يا أخويا.
هو خرج وهي رزعت الباب في وشه.
***
ورد: يا رحيق رحيق انزلي كلمي جدي.
رحيق فتحت الباب: متعرفيش عايز إيه.
ورد: لا.
رحيق: طب أخوكِ الزفت ده تحت.
جاء صوت من وراها: الزفت لسه منزلش. ويا ريت تنزلي بسرعة عشان جدك عايزنا سوا.
رحيق بضيق: عيل مستفز.
ورد فضلت تضحك عليهم هما الاتنين وقالت: دي شكله قصة حب ولا إيه دا أحنا هنشوف العجب في القصة دي.
***
تعالي يا رحيق يا بنتي.
رحيق: حاضر يا جدي.
جلست بجوار جدها وهي بتبص لقاسم بغيظ.
الجد: هي يا ولاد قررتوا إيه.
الاتنين في صوت واحد: لا.
منصور: تمام أوووي. اتفضل يا سيادة الشيخ.
الاتنين بصوا لبعض بصدمة. المأذون؟