رواية تزوجت صقر الصعيد الفصل الثالث والعشرون 23 - بقلم مليكة مراد

في الليل وكلهم قاعدين تحت. ملك: الجو برد. زينب: برد بس ده تلج. ملك: ايديا ورجليا ساقعين خالص وطراطيف صوابعي. مي: وأنا دلوقت كل واحدة تطلع تدفي تحت بطانيتها. فارس: تعالوا نطلع بره. هواري: بيقولولك بردانين تقولهم بره. فارس: هنقيد بره. علي: يلا. هاشم: أنا طالع فوق. فارس: طالع فين؟ مرتك لسه قاعدة. هاشم: هاخدها ونطلع، وزي ما قالت مي الواحدة تدفي تحت بطانيتها، ولا إيه رأيك يا فهيمه؟ فهيمه بضحك: صح ياض.

هاشم: إيه هتطلعي ولا لأ؟ زينب: خلينا قاعدين شوية. هواري: خلاص يلا نطلع بره. كلهم خرجوا بره. فارس: هاشم تعالي نجيب بوص، وانت يا علي هات جروانه. فارس: ملك رايحة فين؟ ملك: هدخل أنادي هنيه تيجي تقعد معانا. بعد شويه. كلهم قاعدين بيدفوا. فارس بص لملك: لسه بردانه؟ ملك: لا. مي: رايح فين؟ علي: هجيب لكم حاجة حلوة. هواري: حاجة إيه دي؟ علي: هاجي بسرعة. دخل علي وجاب لهم قصب. ملك بضحك: كنت لسه هقول القعدة دي عايزة قصب.

مي: جوزي حبيبي. فارس: هات. فارس: امسكي يا ست الكل. فهيمه بحب: متحرمش منك يا قلب أمك. هاشم: أهه بتحب فارس أكتر مننا. فهيمه: كلكم غلاوتكم واحدة عندي. ملك بتبص لـ فارس. علي: احم احم يا ست ملك. ملك بضحك: نعم. زينب بضحك: عنيكي بتطلع قلوب. مي: أيوه والله ما كنتش عاملة حساب ملك كده. هواري: أقول لك إيه يا ملك يا بنتي تطلعي فوق تشغلي المعوذتين عشان ربنا يحفظك من عينيهم. فارس: وأنا أقول كنت بنام على الكنبة لي؟

اتاري عنيكم بصالنا. كلهم ضحكوا عليه. علي بضحك: كنبة ههههههه. هاشم بضحك: والله مقدرشي، ويقول ليلتكم هتبقى زي الفل قال. ملك بصوت واطي لـ فارس: أحسن. هواري: طب ودلوقتي يا سبع. فارس: بنام في حضن مرتي. ملك بصت على الأرض بكسوف. فهيمه بضحك: يا واد اتلم. فارس بضحك: مرتي. بعد شويه وكانوا بيتكلموا وبيضحكوا. ملك لـ فارس: هطلع أنا. فارس: طيب خليكي شوية ونطلع. ملك: لا تعبانة شوية. فارس: طب تعالي نطلع.

فارس قام وقف: أبوي، طالعين إحنا. هواري: خليك يا فارس عايزك. فارس: خلاص، اطلعي أنتِ. فهيمه: هنيه، دخليني جوه عايزة أنام. ملك: هدخلها أنا يا خالة. زينب: طالعة أنا. هاشم: يلا. هواري: إيه كلكم طالعين؟ علي بضحك: كفاية عليك كده عشان تدخل تدفي أنت التاني تحت البطانية. هواري: طب يا خوي، تصبحوا على خير. مشوا كلهم، مكنش قاعد غير هواري وفارس. هواري: عملت إيه في موضوع كريمة؟

فارس: معرفش يبوي، باين عليها مش هتسكت، من هي وصغيرة وهي تكره ملك، أنا خايف عليها. هواري: لأ، ده هويش، هويش. فارس: هويش إيه بس يبوي، أنت ناسي عملت إيه؟ هواري: طب والعمل؟ فارس: هوافق على اللي متقدملها. هواري: سألت عليه؟ فارس: كويس، أيوه. هواري: طب اطلع دلوقتي ونشوف الموضوع ده بكرة. فارس: تصبح على خير يا بوي. هواري: تلاقي الخير. عند هاشم. زينب: هدخل الحمام أستحمى عشان ريحتي دخان. هاشم: ماشي.