فجأة لقوا صريخ حور عالى. عاصم كان بره الأوضة، وثريا وحور بس اللي في الأوضة لوحدهم، وثريا قافلة الباب من جوه.
فهد وندى وقفوا مستغربين قدام باب الأوضة، وعاصم واقف بيحاول يفتح الباب. كانوا سامعين حور وهي بتصرخ وبتقول:
حور: ابعدي عني، انتي بتعملي إيه! عاااااااااصم!
ثريا بتصنع وخبث: اهدى يا حور، في إيه؟ بتضربيني ليه كده؟ أنا هغيرلك هدومك.
حور بصريخ وخوف: انتي بتعملي إيه؟ ابعععععععدي عني!
عاصم بره بيحاول يفتح الباب، وفهد وندى واقفين مش فاهمين حاجة. لحد ما عاصم قدر يفتحه واتفاجأ باللي شافه.
كانت ثريا رابطة إيد حور في السرير بملاية السرير وبتجردها من ملابسها.
عاصم: ماما، انتي بتعملي إيه؟
ثريا بارتباك: أنا... أنا كنت بحاول أغير لحور هدومها، بس هي اللي أعصابها تعبانة وكانت عايزة تضربني. شوفت يا عاصم اللي بيحصل لأمك؟
وبدأت تعيط دموع تماسيح.
عاصم بص على حور اللي خايفة، وباين على ملامحها الخوف والذعر.
عاصم: بعد إذنك يا ماما، اتفضلي شوية بره.
ثريا: أنا هقعد مع حور يا ابني، روح انت يا حبيبي.
عاصم: ماما، بعد إذنك. مش عايز حد في الأوضة غير حور.
ثريا خرجت من الأوضة تحت نظرات تهديد لحور، اللي خلت حور تنهار من البكاء.
عاصم قعد جنب حور ومسك إيديها، وبدأ يغطيها وفك إيديها المربوطة.
عاصم: قوليلى يا حور، كنتي بتصرخي ليه؟
حور بدموع: عاصم، هتصدقني لو قولتلك؟
عاصم: أيوه، قولى بقا في إيه.
حور: طنط كانت بتتعامل بطريقة غريبة، وبتحاول تلمس جسمي بطريقة غريبة.
عاصم: غريبة إزاي يعني؟
حور: أقصد تلمسني من مناطق مينفعش حد يلمسني منها.
عاصم: انتي بتقولي إيه؟ وهي هتعمل كده ليه؟ إزاي تقولي كده على أمي؟
حور بدموع: قولتلك مش هتصدقني. هي ربطت إيدي لما حاولت أبعدها عني وأخرج من الأوضة.
عاصم: بس هي كانت بتغير هدومك، متقصدش حاجة. انتي بس اللي أعصابك تعبانة.
حور: لأ، هي مكنتش بتغير عادي، أنا متأكدة.
عاصم: طب اهدى بس وخلاص. أنا معاكي أهو.
وجاب هدوم لحور وبدأ بحنان يغير هدومها.
فهد كان واقف بعيد شوية، ولقى ثريا زقت ندى وزعقت فيها وروحت بيتها. وندى بدأت تعيط.
فهد قرب منها وطلع منديل ليها.
فهد: اهدى بس، مالك؟
ندى أخدت المنديل منه: شكراً.
فهد: على إيه؟
فهد: مش انتي دكتورة نسا؟
ندى: أيوه.
فهد: ما تكشفي انتي على حور.
ندى: اممم، حاضر.
دخلت ندى الأوضة وخرجت عاصم. وبعد عدة دقائق خرجت ندى من الأوضة.
ندى: .....
عاصم تغيرت تعابير وشه، وفهد وقف بدون أي تعابير.