رواية طفلة احتلت كياني الفصل الحادي عشر 11 - بقلم منة حماده

زين بينزل من الطيارة: "Oh Yamami I arrived in Egypt." نورين: "انت نسيت اني بتكلم عربي ولا إيه؟ زين: "لأ منستش، المهم هطمنك عليا أول ما أوصل الأوتيل. المهم عايز أروح أكلم الشريك الجديد نور بيه." نورين: "طيب ياحبيبي." كانت بنت بشرتها بيضا عيونها زرقا واقفة بتحط روج بسيط ورفعت شعرها. نوران: "مش يلا يا حور، قمر وأحمد مستنينا." دي نوران بنت سمر وسليمان. حور: "خلاص خلاص." وبتنزل. حور: "Morning." نور:

"دلوعة بابي وصلت. ناوية تيجي معايا الشركة ولا إيه؟ حور: "أكيد جايه." قمر: "يعني مش هتيجي معانا؟ نوران: "إحنا عطلنا نفسنا عشانك." حور: "Sorry يا بنات، بس الشريك الجديد اللي هنعمل معاه أكبر صفقة وصل النهارده ولازم أكون مع بابي." ملاك: "مش ناوي تتعلم يا أحمد من أختك؟ أحمد: "طب سلام أنا." نور: "مش هيتغير." قمر: "عمي نور، ممكن تكلم بابي ومامي يقنعهم ينزلوا بقى." ملاك بتحضنها:

"يا حبيبتي، إنتي عارفة إن شغل حسام كله في لندن وأسيل مش هتسيبه." قمر بزعل: "عارفة. يلا يا نوران." ملاك: "ما تكلمهم ينزلوا زيارة حتى." نور: "حاضر يا حبيبتي. يلا يا حور، بابا كلمني وقال الاجتماع خلاص." وبيمشوا، وبعد وقت وصلوا الشركة ودخلوا غرفة الاجتماعات. كان زين قاعد بضهره. حور: "انت مين يا حي*وان وإزاي تدخل هنا؟ زين بيلف بالكرسي وبكل غرور: "أنا زين. زين محمد الشريك الجديد." نور بإحراج من تصرف حور: "انت مصري بقى؟

زين بابتسامة: "آه." كان قاعد سليمان وهشام وسمر وحور ونور. وفضلوا يتناقشوا في الصفقة. نور بصدمة: "أفكارك كويسة جداً يا ابني." زين بغرور: "أظن نقول مبروك." حور: "بس إحنا لازم نعرف عنك أكتر." هشام: "مبروك يا ابني." سليمان: "والحفلة بالليل إن شاء الله." زين: "مظنش إني هقدر أجي، لكن هحاول." حور بتقوم وبتبص بقر*ف وبتخرج. سمر: "هي كده بتهتم بأهم التفاصيل في الشغل." زين بابتسامة خبيثة: "أكيد الشغل أهم حاجة. أستأذن أنا."

وبيمشي زين وبيمسك الفون. زين: "عرفتلي فينهم دلوقتي؟ المجهول: "آه يا باشا، في *****." زين: "حلو جداً. اتصرف وخليها تكون لوحدها." مجهول: "تحت أمرك يا باشا." بيطلع زين من الشركة. حور بعصبية: "بابا، انت إزاي تمضي واحنا منعرفوش وممكن ين*صب علينا؟ نور بيضحك: "يا حبيبتي، زين بيه اسمه كبير أوي وأفكاره كويسة. بطلي تفكيرك ده." حور بتسيب نور وبتخرج بعصبية. عند نوران وقمر. نوران: "طب ما تسافري لهم انتي يا بنتي." قمر:

"انتي عارفة إني بحب حور وإنتي وجدو وعمتي ملاك وعمي نور وأحمد وجدو هشام وسمر. مش هعرف أعيش هناك من غيركم." نوران لسه هتتكلم بس فونها بيرن. نوران: "آلو." مجهول: "..... نوران: "إزاي بس؟ طب هي كويسة؟ مجهول: "..... نوران: "طيب أنا جايه." نوران: "قمر، آسفة صحبتي عملت حادثة ولازم أمشي. كلمي حد يبعتلك عربية." قمر: "لأ لأ، هروح في تاكسي. ابقي طمنيني عليكي."

وبتمشي نوران. وقمر بتخرج تتمشى وكانت سرحانة وبتعيط. افتقدت أهلها. وفجأة بتخبط في جسم عريض وعضل*ات وبترفع عينها في عيونه الجذابة. زين بتواضع: "أنا آسف، ماخدتش بالي." قمر: "لأ لأ، أنا اللي آسفة. كنت سرحانة." زين بيطلع مناديل: "اتفضلي." قمر: "شكراً. وأسفة تاني. عن إذنك." زين: "بش*ر، دي لسه البداية يا عيلة هشام وسليمان. موت*كم على إيدي."