رواية شيطان المافيا والبريئة — الفصل 2 — بقلم ندى احمد
في قصر الفهد
كان بياخد شور في الجناح بتاعه وطلع ولف فوطة على وسطه وفي شعر خفيف في صدره لقي الباب بيخبط.
الفهد: ادخل.
سالم: في خبر.
الفهد بص له بتركيز: خير.
سالم بخوف: مخزن من المخازن اتفجر.
فهد بغضب: انت بتقول إيه، إزاي دا حصل والحراسة اللي كانت عليهم فين.
سالم: كله مات، مفيش حد عايش والبضاعة كلها ضاعت في التفجير.
فهد عينه اسودت بغضب: جاك الكلب هو ورا كل اللي بيحصل.
سالم: أعلم عليه.
فهد: لأ، دا بقى هتسيبه ليا. عاوز أسهر عليه لوحدي، المهم أمن المخازن الباقية وكثر الحراسة وجهز العربية هنروح نسهر.
سالم: أي أوامر تاني.
فهد: لأ.
سالم خرج وفهد فضل يفكر.
فهد بغضب: إن مخليتك تنسى الساعة اللي جيت فيها على الدنيا ما بقاش أكبر رئيس عصابة مافيا في العالم يا جاك الكلب.
ولبس بنطلون جينز أسود وقميص أسود وفتح أول زرارين، وسلسلة جلد لبسها على طول، وكوتشي أسود جلد، وسرح شعره الطويل ورش برفان عليه ونزل في قمة أناقته.
سعاد رئيسة الخدم: سليم بيه، هو فهد بيه ناوي ياكل إيه النهاردة عشان محدش عرفني بصراحة.
سليم: طيب ما تطلعي تسأليه بنفسك.
سعاد بخوف شديد: يابيه، انت عارف إن مفيش أي حد يقدر يكلمه، وأنا بصراحة بخاف منه.
سليم بضحك: المهم هو هيطلع النهاردة مش هياكل في البيت.
سعاد براحة: الحمد لله، تمام. شكراً.
ودخلت المطبخ تاني.
الفهد نزل: العربية جاهزة.
سليم: جاهزة، وسالم هيتولى توصيلك.
الفهد سابه ومشي. راح الجنينة، وواحد من البودي جارد فتح باب العربية والفهد ركب، وسالم انطلق بالسيارة على أقرب نايت كلب.
في منزل حور
حور بتلم هدومها في شنطة كبيرة وبتاخد تي شيرت رجالي وتشم فيه بقوة وبدموع.
حور بدموع: الله يرحمك يابابا.
وبعدين بتخلص كل حاجة وتستسلم لنوم عميق براحة.
في النايت كلب
الفهد قاعد على أحسن طربيزة في المكان، والحر*يم بتبص عليه بقوة ونفسهم يقربوا منه حتى، ولكن خوفهم ورعبهم الشديد منه بيمنعهم.
فهد بص على بنت كانت لابسة لبس يكشف أكتر ما يداري، بص عليها باشمئزاز وسحبها من إيدها وراه. والبنت بقت مش مصدقة نفسها إن الفهد اختارها.
الفهد ركب العربية والبنت ركبت جنبه.
سالم بص عليه في المراية: هنطلع على فين يا زعيم.
فهد بص على جسم البنت بوقاحة: نطلع على شقة المنتزه.
سالم: أنت تأمر.
وانطلق بالسيارة على شقة المنتزه.
في الصباح في منزل حور
حور صحت لقت أمها مجهزة الفطار.
حور وهي بتفرك عيونها: صباح الخير ياماما.
فاتن: صباح النور يا حببت أمك، يلا اقعدي افطري.
حور قعدت تفطر.
فاتن: هتمشي النهارده.
حور: أيوا، هروح النهاردة بليل.
فاتن: هنيجي نوصلك المطار.
سلمي: عارفة يا حور، لو مجبتيش الحاجات اللي أنا طلبتها مترجعيش أحسن.
فاتن: وانتي طالبة إيه يا ست الحسن.
سلمي بتوتر: دي شوية حاجات قليلة مش كتير يعني.
حور بغيظ: لأ، لأ، كتير مين قال الكلام دا.
والباب خبط.
حور: خليكم، هفتح أنا.
وقامت فتحت.
حور بابتسامة: ادخلي، ازيك يا خالة أمينة.
أمينة: إزيك يا حور، عاملة إيه يا حبيبتي. سمعت إنك مسافرة النهاردة.
حور: أيوا، الجامعة طلبتني أنا و3 بنات هنروح نكمل أولى في إيطاليا.
أمينة: تروحي وترجعي يا حبيبت قلبي.
حور: يارب يا خالة، يارب.
فاتن: اقعدي افطري يا أمينة.
أمينة: لأ، فطرت قبل ما إسماعيل ينزل يروح الشغل.
حور: ماما، هدخل إذاكر شوية.
فاتن: ومين اللي هيلم السفرة.
حور بغيظ: ماما، عندك سلمي، خليها تلمها معاكي.
سلمي: سلمي مين يا أخ، أنا ورايا درس. سلام.
حور: آآآه يا واطية، ماشي، مردودة يا سلمي الكلب.
وبدأت في لم السفرة.
في شقة في المنتزه
شقة يبان عليها الرقة والروعة، كبيرة، كان نايم الفهد عاري الصدر وبنت نايمة جنبه.
الفهد بدأ يفتح عينه وبص على البنت اللي جنبه بغضب.
الفهد بغضب: انتي يابت، إيه اللي مخليكي هنا لحد دلوقتي؟ مش قلت اصحي. متكونيش موجودة.
البنت بمياعة: ياباشا، أنا معاك أهو عشان لو احتجت حاجة.
الفهد بقرف: مشكلتي مبرجعش في كلامي.
وطلع المسد*س وضر*ب البنت بنار حق*يرة ومسك تليفونه.
الفهد: الو سالم، تعالي خد جثة البت دي وارميها في أي مكان، حرام عليها الدفن، متستحقش.
سالم: حصل يا زعيم، ربع ساعة وأكون عندك.
فهد قفل التليفون وأخد شور سخن وطلع لبس هدومه. كان سالم أخد الجثة ونظف المكان.
فهد لبس هدومه وأخد السجاير والفون والسلا*ح ونزل على تحت. سالم فتح باب العربية والفهد ركب.
سالم: على فين دلوقتي يا زعيم.
الفهد: اطلع على المخزن.
سالم: تمام يا زعيم.
الفهد: فين سليم.
سالم: موجود عند المخزن.
الفهد شاور بإيده إنه يطلع وسالم طلع على المخزن.
في الليل في مطار القاهرة
حور بدموع: خلي بالك من نفسك يا ماما.
وحضنت أمها.
فاتن بدموع: وانتي كمان خلي بالك على نفسك يا روح ماما.
سلمي: خلي بالك على نفسك، وأوعي تنسي الطلبات.
حور: مد*ية واطية.
وحضنت أختها بحب: يلا، أنا لازم أمشي عشان كدا هتأخر على الطيارة.
ومشيت حور مع دموع أمها عليها.
في مخزن كبير
في ناس كتير متربطين.
سليم: بتفكر في إيه يا زعيم.
الفهد بص له ببصة.
سالم: عارف البصة دي.
الفهد: هيفجروا الجامعة النهارده.