تحميل رواية «شطرنج الحب» PDF

جرى عزيز وراها وطلع مسدسه وضرب رصاصة في الكلب. شد نورا من إيدها، وهي وقعت على الأرض وعزيز فوقها، وهي تنهج برعب. عزيز حضنها وباس راسها وقال: "اهدي يا نورا."

نورا بصدمة من حركته قالت: "ابعد عني."

عزيز قام ومد إيده عشان يساعدها تقوم، ولكن تجاهلته وقامت لوحدها وقالت بعصبية: "إنتَ إزاي تسمح نفسك..."

بدأت تتوتر. عزيز قرب وقال بخبث: "أسمح نفسي بإيه بقا؟"

نورا: "إنتوا كلكم كده بتبصوا لينا بنظرة حقيرة."

نورا هتمشي، عزيز مسكها من إيدها لدرجة إنها خبطت فيه وقال: "أنا قولتلك إنك مش نوعي المفضل. وبعدين أنا بتعامل معاكِ كصديقة وأخت، مش معنى إني بستك يبقى نيتي مش سليمة."

نورا سحبت إيدها.

فقال عزيز: "يلا عشان نبدأ."

نورا مسكت مسدس بقلق. عزيز جاه من وراها، إيده الشمال حاططها على وسطها، وإيده اليمين أكد على مسكتها للمسدس وقال: "اثبتي.. حاولي تركزي على هدف.. فكري في أكتر حاجة بتكرهيها."

نورا قالت بتوتر: "أكتر حاجة بكرهها هي كانت أكتر حاجة بحبها."

نورا بصت قدامها وبدأت تنشن على هدف بمساعدة عزيز.

عدى اليوم بسلام. نورا طلعت برا المبنى، لقيت عزيز واقف جنب موتوسيكل، فقالت: "فين العربية؟"

عزيز اداها خوذة وقال: "البسيها ويلا."

نورا لبست الخوذة وقالت: "هو إحنا هنروح فين؟"

عزيز ركب الموتوسيكل وقال: "ركبتي قبل كده؟"

نورا بإستغراب من تجاهله ليها قالت: "آه ركبت."

نورا ركبت وراه، فقال عزيز: "امسكي كويس."

نورا مسكت في چاكيته. عزيز شغل الموتوسيكل وساق بسرعة عالية، لدرجة نورا حضنته بقوة من ظهره. عزيز ابتسم وكمل سواقة. فقالت نورا: "ارجوك هدي السرعة شوية."

عزيز هدى السرعة ووقف قدام مطعم بيتزا. نورا نزلت وعزيز نزل، فقالت: "هو إحنا جينا هنا ليه؟"

عزيز: "أكيد جوعتي، وبعدين فرصة نتكلم شوية."

نورا دخلت وعزيز وراها وقعدوا على ترابيزة وطلبوا الأكل.

عزيز قال: "احكيلي بقا عن نفسك."

نورا تشرب عصير وقالت: "أقول إيه يعني؟ وبعدين مش أنتَ تعرف عني كل حاجة في الملف؟"

عزيز ابتسم وقال: "قصدي عن حياتك الشخصية.. يعني بتحبي إيه وبتكرهي إيه؟ ارتبطتي قبل كده؟"

نورا بصت له بإستغراب: "مش شايف إنها أسئلة شخصية؟"

عزيز: "عادي، مش إحنا صحاب."

نورا: "لأ، إحنا مش صحاب. ولو اللواء غفران عرف كل اللي حصل، ردة فعله أكيد مش هتكون لطيفة."

الجرسون جاب البيتزا، فقال عزيز بغضب مكتوم: "كلي كلي."

نورا ابتسمت بسخرية وبدأت تاكل.

في المساء

عزيز فتح باب الشقة، دخلت نورا وقالت: "شكراً على اليوم."

مصطفى طلع من أوضته وقال: "كده سايبني لوحدي طول اليوم."

عزيز قعد بإرهاق وقال: "معلش يا درش، الشغل بقا."

نورا مازالت واقفة. لقوا الجرس بيرن، فقال عزيز: "هو أنتَ مستني حد يا مصطفى؟"

مصطفى قعد جانبه وقال: "لأ يا عزيز."

نورا قالت: "أنا هروح أفتح."

نورا فتحت وكانت صدمة لها.

قال بفرحة: "يامن! إزيك؟ وحشتني جدا."

يامن حضنها وقال: "أنا دوخت عشان ألاقي عنوانك وسألت عم عوض."

مصطفى بيقول بوشوشة: "ده حبيب القمورة ولا إيه؟"

عزيز بغضب: "اخرس!"

عزيز قام وحاطط إيده على كتف نورا وقال بقرف: "مش تعرفينا يا نورا."

مصطفى قاعد يضحك. لسة نورا هتتكلم، فقال يامن: "مين ده يا نورا؟"

عزيز حضن نورا وقال: "جوزها.. أنتَ مين بقا؟"