تحميل رواية «صدمة» PDF

يوووه أنا زهقت بقا

من إيه بس يا زينة

منه يا مودة، كل ما أروح في حتة ألاقيه في وشي

طب مش قولتي هتنسيه

مش عارفة، كل شوية تلاقيه بيكلم بنت شكل، ده الجامعة كلها لاحظت ده. طب اتقدملي ليه وليه كان بيقولي بحبك

انسيه بقا، ميستاهلش ده كله. الحياة تجارب يا زينة، ولازم نتعلم منها

آه فعلاً. يا لهوي، إحنا اتأخرنا على المحاضرة والدكتور جديد، ممكن يزعق

لسه زينة بتجري خبطت في جسم طويل عريض ورياضي

الله! مش تفتح يا أعمى

أنا اللي أعمى بردو ولا إنتي اللي حوله

إيه قلة الأدب دي، وكمان ليك عين تغلط؟ هقول إيه، ما أنت شكلك عقلك مش فيك. إجري يلا روح دور عليه

إنتي اتهبلتي! إنتي عارفة إنتي بتكلمي مين

هيكون مين يعني، ابن صاحب الجامعة

سالته زينة ومشيت عشان تلحق المحاضرة

الحمد لله لحقنا قبل ما الدكتور يدخل. لولا البأف اللي اتخبطت فيه ده، عصبني

اهدي يا زينة، إنتي اللي خبطي فيه

بقولك إيه، إنتي...

هشششش الدكتور دا

واتصدمت زينة لما بتبص مرة واحدة، إنه الشخص اللي خبطت فيه

يا ليلة منيلة، هو يوم عسل أنا حاسة

الأستاذة اللي قاعدة بتتكلم ورا، قومي اطلعي بره ومتحضرليش محاضرة تاني عشان تبقي تتكلمي كويس

جت زينة تقوم هي ومودة

لا، إنتي بس. البنت اللي جنبك متكلمتش

بس يا دكتور

إنتي هتردي عليا؟ يلا بره

أحرجت زينة جدا وخرجت والدموع في عينيها

فونـها رن

الـو يا بابا

الـو يا زينة يا حبيبتي، عاملة إيه

الحمد لله بخير يا بابا، وحضرتك عامل إيه

الحمد لله بخير. بقولك، إحنا لازم ننزل البلد النهاردة، جدك تعب. هتيجي إمتى عشان تحضري الشنطة

بس يا بابا، أنا معرفش حد هناك و...

ده جدك يا زينة، لازم نروح كلنا

حاضر يا بابا، أنا جايه في الطريق

أنا لازم أروح، بس قبل ما أروح لازم أعمل حاجة

شافت زينة الدكتور اللي اتخانقت معاه رايح على عربية وشغلها، بس فجأة حد من الطلبة نده عليه وراحله، وهي راحت من ورا العربية وبوظت الكاوتش بتاع العربية وركبت بسرعة ومشيت. ومن حظها المكان مكنش فيه كاميرات

تفتكروا إيه اللي هيحصل والدكتور هيعمل إيه لما يعرف

جهزت زينة الشنطة وسافروا البلد في الصعيد أول ما وصلوا

يا هلا بالحبايب، والله اتوحشناكم

عاملة إيه يا أمي وأبوي فين

مرحباً بالغالي، ولد الغالي

اتوحشتني يا ابوي، كيفك وكيف جدي

زين يا ولدي، وجدك صحته في النازل.. مرحباً بالغالية

ازيك يا بابا عامل إيه

أكده يا بنيتي، واحد وعشرين سنة بعاد ما حدا بيشوفكم واصل

والله إنتو واحشنا أووي، وأهو جينا

نورتي الصعيد كلها يا بنيتي، وفين الغالية الصغيرة

ظهرت زينة وسلمت على جدها

تعالي في حضني يا بنت الغالي. والله كان بودي عريسك يكون أهنه انهارده، بس خلاص، هو على وصول

لحظات صدمة من الجميع

“عريس أي يا بابا قصدك على مين؟ زينة لسه صغيرة.”

“واه، صغيرة؟ كيف البت لولد عمها معروفة يا ولدي، زين جاي وهيتعرفوا ونقرأ الفاتحة.”

“طب ادخلي يا زينة وأنا هشوف الموضوع دا.”

تلفون زينة رن أول ما طلعت أوضتها وكانت مودة.

“آلو يا مودة الحقيني.”

“الحقي أنتِ، الدكتور في حد شافك وأنتِ بتبوظي كوتش العربية وقاله؟”

“إيه؟ أنتِ بتهزري؟ يالهووي! شلت المادة!”

“لازم تعتذري ليه يا زينة؟”

“مش أما أخلص من المصيبة اللي أنا فيها دي.”

مامت زينة كانت بتنادي عليها.

“أيوا يا ماما، نازلة آهه. سلام دلوقتي يا مودة وأنا أخلص بس من المصيبة دي وأكلمك.”

“تمام، سلام.”

قفلت زينة ونزلت تحت.

“أخيراً نزلتِ، تعالي يا حبيبة جدك، سلمي على عيسى عريسك.”

زينة بترفع وشها واتلاقت أعينهم ببعض. وللحظة اتحولت لغضب وعصبية وصدمة.

“أنتِ بتعملي إيه هنا؟”

“أنت اللي إيه جابك هنا؟”

“بس أنتو تعرفوا بعض إزاي؟”

“أنا بصراحة، عيسى يبقى الدكتور بتاعي في الجامعة.”

“طب نسيبكم مع بعض شوية.”

“بابا، متمشيش!”

خرجوا وعيسى أول ما هما خرجوا.

“بقا أنا يا أم شبر ونص تبوظيلي العربية؟”

“أنت اللي بدأت الأول وخلاص بقا يا دكتور. المسامح كريم.”

“والله خوفتي دلوقتي.”

“لأ بس أنت أحرجتني في المدرج وطردتني.”

“خلاص يبقى خالصين. هنعمل إيه بقا في الجواهر دي؟”

“واضح إننا مش راضيين. إحنا الاتنين هنقنعهم إزاي بقا؟”

“بصي، أنا نتخطب وبعدين نقولهم مش متوافقين مع بعض.”

“موافقة، بس أنا مش هينفع أقعد دا كله هنا. أنا عليا دراسة وأكيد حضرتك يا دكتور مش هتشيلني المادة، صح؟”

“دلوقتي بقيت حضرتك يا دكتور، صح؟”

“قلبك أبيض يا ابن عمي بقاا.”

“إحنا للأسف هنقعد هنا أسبوع وبعدين ننزل.”

“أيوا بس الميد ترم بتاع مادة حضرتك هيبدأ وأنا مش مذاكرة المادة ولا معايا ليها داتا عشان سافرت.”

“للأسف هضطر أذاكر لك.”

“بجد؟ بس من غير غش؟”

“يعني إيه؟”

“يعني تديني كام سؤال من اللي هيجوا في الامتحان. الله لا ينستر.”

قرب عيسى منها وعينه جت في عينيها.

“بتحلمي يا.. زينة.”

اتوترت زينة وحدودها احمرت.

“طب إيه يا دكتور، مش يلا نخرج؟”

طب إيه يا دكتور مش يلا نخرج؟ بس ثانية، طول الفترة دي مش هتبقى نقر ونقير، خلينا أصحاب أحسن.

أصحاب؟ انتي تطولي أصلاً تبقي صاحبتي.

ناااااااعم ومطولش ليه؟ هو انت اللي تطول أصلاً؟ ماشي يا دكتور، انت اللي أصرت بقا ولازم تستحمل.

هاتي آخرك.

خرج عيسى وقالهم إنهم موافقين وقرأوا الفاتحة، واتفقوا إن الشبكة تبقى بكرة.

مبروك يا عروسة.

الله يبارك فيكي، انتي مين؟

أنا أبقى بنت خالة العريس، هو عيسى مقالكيش ولا إيه إننا كنا بنحب بعض.

إيه؟

زينة، فكك منها وتعالي نسلم على الباقي.

مسك عيسى إيد زينة وراح عشان يخلي زينة تسلم على أهله.

كيفك يا زينة البنات؟ ومليون مبروك.

الله يبارك فيكي يا طنط.

مبروك يا بنت الغالي.

الله يبارك في حضرتك يا عمو.

عيسى خد زينة وطلع في البلكونة.

مالك مكشرة ليه؟

أبداً بس.

بس إيه؟

انت سبتها ليه؟ لما انتوا بتحبوا بعض.

انتي مالك؟ متدخليش في اللي ملكيش فيه.

أنا بس كنت...

كفاية واسمعي كويس، مش معنى إننا اتخطبنا إنك تدخلي في حياتي، متنسيش إن كل ده لعبة، فاهمة؟

سابها عيسى وخرج، وهي اتدايقت من طريقة كلامه وحست إنه لسه بيحبها.

زينة لسه هتخرج لقت مامت عيسى دخلت عشان تكلمها.

مالك يا زينة البنات؟

أبداً يا طنط، أنا كويسة.

لا شكله مزعلك ولدي، وعرفاه. اسمعي هالكلمتين مني، عيسى ولدي طيب، بس اللي غيره قلبه يا بنيتي.

قلبه إزاي؟

ميغيرش الإنسان إلا الحب، وهو حب بجد، بس شخص غلط، ودورك إنك ترجعيه، ووقتها هتعرفي عيسى الحنين واللي حبه جنة، يا بنيتي رجعليلي ولدي.

إن شاء الله يا طنط، هحاول أعمل اللي أقدر عليه.

طب ممكن تقوليلي إيه اللي حصل عشان يبعد عنها

خانته مع صاحبه وأقرب حد ليه

والباقي هو لما يطمن لك هيحكيلك

***

مامت عيسى مشيت، وسألت زينة في حيرتها.

خرجت زينة لقت عيسى قاعد.

"دكتور، أنا آسفة إني اتدخلت في حياتك بس..."

"بس إيه؟ نسيتي تسألي عن حاجة تاني؟"

زينة اتعصبت أوي.

"لأ يا دكتور، نسيت أقولك إن دا ميمنعش إنك مينفعش تتكلم معايا بالأسلوب دا."

"هو دا أسلوبي ومش هغيره، إذا كان عاجبك."

"لأ مش عاجبني وهتغيره."

عيسى اتعصب ومسك إيديها جامد.

"انتي اتجننتي؟ انتي مين انتي عشان أراعي أسلوب معاها أو أغيره؟ فوقي، انتي مجرد طالبة عندي، وللأسف الشديد جدك أجبرني عليكي، لأني مستحيل كنت أقرب لواحدة زيك طايشة وأسلوبها زفت. انتي فاكرة نفسك مين؟"

زينة عينيها دمعت من كلامه ووجع إيديها.

أول ما عيسى شاف عينيها، زق إيديها وقالها:

"متلعبيش مع اللي أكبر منك يا شاطرة، وآه واضح إنك صدقتي إنك خطيبتي بجد، فوقي. أنا يوم ما أبص لحد عمري ما أفكر فيكي من الأساس. بلبس الولاد ده حاسس إني قاعد مع صبي ميكانيكي."

سابها ومشي، وهي طلعت على أوضتها تعيط من كلامه.

قامت بصت لنفسها في المرايا وبتفتكر كلامه، وبصت على إيديها لقتها وارمة وحمراء من مسكته.

***

تاني يوم على أبطالنا.

تحديدًا عند الجواهرجي.

"يلا يا عروسة، نقي شبكتك."

"اختاروا أي حاجة، مش فارقة."

"طب يلا يا عريس، إنت نقي شبكة عروستك."

عيسى لاحظ سكوت زينة وعرف إن ده بسبب كلامه اللي قاله ليها امبارح.

ميل عليها وقالها:

"على أساس البعيدة بتحس وعندها دم؟ طب بالذمة هو اللي عنده دم بيفرض نفسه في حياة غيره؟"

بصتله زينة والدموع في عينيها وقالت:

"ممكن تلخص عشان زهقت؟"

اختار عيسى شبكة رقيقة، ولسه بيلبسها لها قالها:

"مع إنك متستاهليهاش بس..."

اتصدم عيسى لما بيلبسها لها وهو بيمسك إيديها، لقى إنها وارمة.

فضل ماسك إيديها لحظات ومش مصدق إنه هو السبب في ده.

لبسها الشبكة، وبعدين خرجوا وروحوا.

زينة طلعت على أوضتها.

***

فجأة الباب بيخبط.

"مين؟"

"افتحي، أنا عيسى."

"مش فاتحة، عايز إيه؟"

"افتحي بدل ما أكسر الباب عليكي دلوقتي."

"أوف، حاضر."

فتحت زينة الباب ولقت عيسى دخل ومعاه تلج.

دخل وساب الباب موارب، ومسك إيديها وقالها:

"أنا آسف، مكنتش أعرف إنها هتورم كدا."

"والله وبتتأسف كمان."

زينة وشها الناحية التانية تمنع نفسها من العياط عشان مياخدش باله.

مسك عيسى وشها ولفه ليه.

"متزعليش، بس انتي عصبتيني."

"متعودتش حد يقتحم حياتي كدا مرة واحدة."

"وقت أيده بعصبية."

"إيه كل شوية تقولي إن أنا بقتحم حياتك، وإنك مجبور عليا، وإني مش بحس، وإني مستاهلش؟ كفاية، أنا بني آدمة يا دكتور وعندي إحساس. أنا كمان اتجبرت عليك ومحدش خد رأيي أصلاً، ولا عمري كنت أفكر إني أدخلك حياتي. اوعي تفكر إنك ملاك، كلنا بشر. اطلع بره."

قعدت زينة على الأرض تعيط بعد ما انهارت.

_إتأخرت عليكي؟!كنت واقفة قدام المكان اللي اتفقنا نتقابل فيه النهاردة عشان نعمل الإجراءات الخاصة بمسابقة الفورمولا بعد تدريب ايام قليلة، كان واضح عليا اني شوية وهخرج دخان من كتر حالة الغضب والغيظ اللي كنت فيها بسببه.._وهو ده سؤال تسأله برضه؟!، جرب تسأل نفسك كده أنت امتى إتأخرت عليا هتلاقي الإجابة إن العكس دايمًا بيحصل وهو إني بقف زي الكلبة استنى حضرتك .رديت بسخرية مش طالبة خالص ابتسامته المغرورة لما جاوبني بغروره كالعادة:_وده عشان أنا مهندس، مش أي حد؛ فأكيد مش مستنية مني يعني اني أنا اللي استناكي ؟!ابتسمت بغيظ وبعدين قلت:_لا طبعًا، اجي إيه أنا طبعًا جنب سمو حضرتك يا استاذ الباشمهندس، وأنا مجرد ذليلة عويلة من عامة الشعب.رِجع إبتسم نفس ابتسامته المستفزة:_يبقى متسأليش تاني بقى.خلص كلامه واستعد عشان يدخل وأنا فضلت مكاني بشيط من الغيظ حرفيًا، بس طبعًا ده مكنش لافت نظر البارد اللي بصلي بإستنكار وسأل:_ايه مش هندخل عشان نسجل ولا رجعتي في كلامك؟!رفعت عيني لملامحه وأنا ببصله بغل واضح لعل البعيد يفهم يعني إني على وشك قtله خلاص:_كنت أتمنى والله أرد وأقولك اتراجعت إني أشارك مع بني آدم مشافش احترام ولا يعرف يعني إيه ذوق زي حضرتك يا أستاذ باشمهندس، بس للأسف أنا فعلًا محتاجالك معايا في المسابقة._بحب فيكي صراحتك يا أهِلَّة  _وأنا مبكرهش قد قلة ذوقك يا باسم.ضحك وبعدين رد برحابة:_ده شرف كبير ليا صدقيني، أنتِ حد مطوليش تكرهي حد زي..قاطعته بضيق وأنا ببتسمله بإصفرار:_زي مهندس وسيم وابن عيلة كبيرة زيك.هز رأسه بفخر وقال:_بقيتي شاطرة وبتتعلمي بسرعة .رديت بسخرية واضحة:_من عاشر القوم.رِجع يضحك تاني وكأنه بيتعمد يستفزني أو يتعمد ليه هو فعلًا قاصد يستفزني، خلصنا مشاكستنا المعهودة ودخلنا للحظة المنتظرة واللي فضلت أحلم بيها سنين، ومدت لينا السكرتيرة بعد ما شافت بياناتنا ورقة وقالت:_اتفضلوا أقعدوا هناك واملوا الاستمارة دي.هزينا رأسنا ولسة يدوب هنتحرك عشان نقعد في المكان اللي قالت عليه، لقيت باسم واقف متنح في موبايله فسألته :_وقفت ليه؟!بصلي بتوتر أول مرة ألاحظه عليه ورد:_سليم بقاله أكتر من ساعة بيرن عليا؟!وتلقائيًا شاركته القلق ده بعد ما بقيت على علم تقريبًا بأغلب حياته وشبه بقيت أعرف حياته كانت عاملة ازاي لما أهله ماتوا وسابوه وهو صغير وده كله حكاه هو في خلال الأسبوع اللي فات وقت التدريبات لما كان بيحاول يواسيني إنه بيعاني زيي من رحيل أهله.وبسبب اتصالات ابن عمه حسيت بمخاوفه فقولتله بسرعة:_طب ما ترد بسرعة ليكون فيه حاجة حصلت.هز رأسه بشرود وفتح عليه بسرعة وهو بيشغل السبيكر بسبب صوت المكان اللي كان عالي، واتكلم باسم وقاله:_عارف يا سليم لو بعد الاتصالات دي كلها ومطلعش فيه حاجة حصلت، أنا هعمل فيك إيه؟لكن رد سليم كان كفيل يسكته خالص:_تعالالي بسرعة على المستشفى يا باسم، الدكتورة بتقول إن حياة تعبانة اوي وهي دلوقتي بتولد وأنا معاها لوحدي ومش عارف أعمل إيه؟!**********_يا سليم يا حبيبي إهدأ، وهي إن شاء الله هتبقى كويسة، حاول أنتَ تقعد بقى عشان وترت البنت، وياريت تطلب سعد عشان مجاش في بالي خالص أبلغه قبل ما اجي.وصلنا احنا الأتنين في وقت قياسي للمستشفى على صوت مرات عمه اللي كانت ماسكة بنت صغيرة واضح عليها العياط وابنها رايح جاي في طرقة المستشفى بقلق، قربنا منهم أنا وباسم وباسم بيقرب من سليم وهو بيسأله بإستغراب:_ايه يا جماعة، حياة اخبارها ايه دلوقتي؟!، وبعدين هو مش كان المفروض تقريبًا تولد كمان عشر أيام؟بص لباسم بإحتياج واضح وكأنه شاف أخوه اللي هيطمنه وقال:_معرفش يا باسم، إحنا كنا خارجين عشان نجيب حاجة البيبي وفجأة بدأت تصرخ وقالت إن ماية الولادة بتنزل، فجبتها على هنا والدكتورة دخلتها ولادة مبكرة.وفي نفس اللحظة كنا ردينا أنا وباسم:_خير ان شاء الله ربنا يطمنكم عليها.فضلنا على نفس حالة التوتر لنص ساعة تقريبًا، كانت أم سليم قعدتني جنبها وجنب البنت وهي على نفس الحالة بتدعي لحياة لحد ما انتفضت جنبي فجأة وهي بتناولني البنت:_معلش يا أهِلَّة يا بنتي لو هتعبك ممكن تاخدي نيلي مني عشان أقوم أشوف أي حد يطمني على حياة ويقولي إتأخرت ليه .اخدتها منها وأنا ببتسم للبنت اللي كانت مش حاسة بأي حاجة في الأجواء المشحونة دي وبتبتسملي بدورها إبتسامة جميلة قدرت تزرع شعور غريب جوايا:_أهلًا يا حلوة. ام سليم اختفت شوية وخلال الوقت ده فيه صوت رجولي احتل الصمت فجأة وهو بيقول بعصبية:_بقى اختي تدخل العمليات تولد وأنت متفكرش حتى تبلغني يا سليم؟!رفعت نظري للشاب اللي دخل ومعاه ست كبيرة واللي بصله سليم بتعب على عكس باسم اللي علق ببرود:_متبقاش قماص يا سعد، وبعدين ما أنا قولتلك عايز تنول شرف إيه أكتر من كده؟!شاورله بغضب:_ريّح أنت يا باسم وأقعد على جنب عشان مش رايقلك، وخليني أشوف البيه هيتحجج بإيه المرة دي كمان؟!رد سليم بعصبية مماثلة:_وأنا اقسم بالله ما رايقلكم أنتوا الاتنين فلو حابين تتخانقوا اخرجوا ولعوا في بعض برا بعيد عن هنا، عشان مكسرش المستشفى دي على دماغكم.بصله سعد بضيق ومعلقش لما الست اللي معاه شاورتله عشان يسكت وقربت من سليم وهي بتسأله بلهفة:_إهدأ يا حبيبي وطمني حياة بقالها قد إيه جوا؟!وبقى واضح إن دول يبقوا أهل حياة، بس الإجابة مجتش من سليم بل جت من والدته اللي قربت من الست وهي بتتكلم بفرحة:_ولدت، حياة ولدت يا نجية.كلنا فجأة ثبتنا في وقفتنا عكس سليم اللي كان واضح أنه لسة قلقان، لحد ما ظهرت الممرضة وهي شايلة البيبي وبتقرب منه وبتسأله:_أنت أبو البيبي؟!هز رأسه بخفة وهي ادتله البيبي واللي بمجرد ما شاله سألها بخوف:_حياة فين؟؟، ومخرجتش ليه؟!ابتسمتله وقالت قبل ما تمشي:_متقلقش المدام كويسة الحمد لله، وهما دلوقتي هينقلوها لأوضة عادية وهي شوية وهتفوق .إبتسم براحة وبدأ يكبر في ودن البيبي في لحظة تقشعر لها الأبدان فعلًا ولما خلص قرب باسم منه وهو بيبص للولد وبيتكلم بحماس:_حبيب عمو اللي هنزله معايا الورشة من بكرة الصبح.كبت ضحكتي بصعوبة خاصًة بعد رد سليم:_كله إلا ابني يا باسم إبعده عنه وخليني أربيه، مش كفاية أنتَ محدش عِرف يربيك، هتبقى أنت وهو!بصله بضيق وقرب وقف جنبي وهو بيبصله بتوعد._اتفقتوا هتسموه ايه؟!رد على سؤالهم وهو بيبص لباسم وبيتكلم بحب:_أنا وحياة اتفقنا نخلي المهمة دي على باسم، لأنه أكتر واحد تعب معانا ووقف جنبنا في حاجات كتير ومتتعدش فهو أحق واحد يسمي ابننا.الكل بص له بتفاجئ وأنا كمان، بس الصدمة كانت من نصيب باسم وخصوصًا لما قرب سليم منه يديله البيبي وهو بيبتسمله:_سمي بالله يا عمو؟!حسيت بالتقدير الكبير تجاه الشخص ده حتى من غير ما أعرف عمل ايه قدرت آخد بالي من كم الحُب اللي عيلته بتحبُهوله، أخد باسم الطفل منه ولأول مرة أشوفه في الحالة دي كان باين عليه التأثر أوي وهو بيمسك البيبي براحة وكأنه خايف عليه من مسكته.بس الصدمة الكبيرة كانت لما لاقيته بيهمسلي وبيسألني:_أسميه إيه ساعديني عشان مش عارف بجد.بصيت حواليا للوجوه اللي كان غالب عليها الإستنكار وهما مش فاهمين هو بيقولي إيه؟، ضربات قلبي كانت زايدة لكني همستله:_لو بتسألني على رأيي فأنا بحب إسم حمزة أوي._خلاص نسميه حمزة، حمزة سليم العدلي.نهى كلامه بصوت مسموع للكل وسط دهشتي من اللي حصل، بصراحة كان فيه جوايا احساس انه بيسألني عشان يغلس ويسميه اسم تاني!مفوقتش من شرودي غير على صوت الممرضة اللي قالت:_تقدروا تشوفوا المدام، إحنا نقلناها أوضة عادية.وفيه خلال ثواني بس كنا اتجمعنا في أوضة حياة، وطبعًا معاهم أنا عشان مرات عم باسم وأم حياة أصروا عليا أحضر، وده بخلاف طبعًا إن هما الاتنين بدأوا يعاملوني إني حرم الأستاذ الباشمهندس باسم.كان سليم اول واحد يقرب منها ويقولها:_حمدًا لله على سلامتك يا حبيبتي. بصيتله بتعب واضح عليها وسألته وهي بتاخد منه ابنها بلهفة:_سميتوه إيه؟_باسم سماه حمزة.بصتله حياة بإبتسامة مرهقة وقالتله:_اسمه حلو يا باسم، عقبالك إن شاء الله.عينيها وقفت عليا لما سمعت صوت نيلي اللي بدأت تعيط عشان امها تنتبهلها وأنا قريتها منها وكلمتها بإبتسامة لطيفة:_مبروك يا مدام حياة، ربنا يحفظهولك ويجعله ذرية صالحة ليكي يا رب، هستأذن منكم بقى عشان أنا إتأخرت ولازم أمشي.ضحكت وكذلك بالنسبة لباسم:_لا مدام حياة ايه بقى إحنا سلايف دلوقتي يا حبيبتي، عمومًا عقبالك أن شاء الله لما تجيبلنا عروسة أستاذ حمزة.هزيت رأسي بشرود واستعديت أمشي لكن صوت طنط وقفني مكاني بصدمة لما قالت:_متنسيش تفكري في الموضوع اللي طلبته منك يا أهِلَّة يا حبيبتي، أنا سيبتك أسبوع وده كفاية أوي أوي، متنسيش إن التجهيزات بتاعة الفرح كتير وفيه ناس قرايبنا عايزين نعزمهم مش من هنا.بصيتلها بصدمة وهي تجاهلت صدمتي وقالت لباسم بضجر:_وأنتَ يا آخرة صبري خُد منها الرد قبل ما تروح، متبقاش مش محترم ولخمة كمان.باسم اخدني وخرجنا بس قدرنا نسمع صوت سليم اللي قال لطنط:_ماما، ميصحش كده؟!_ما أنا من حقي أفرح بيه وأطمن عليه !حاول باسم يغير من الأجواء بسبب الاحراج اللي حصل جوا لما قال:_وضاعت علينا فرصة إننا نشترك في الفورمولا.ابتسمت بخفة:_تقريبًا كده أيوة._ده هدوء ما قبل العاصفة ولا أنتِ إيه الدنيا معاكي عشان بدأت أقلق من دماغك؟!_اطلاقًا والله بالعكس أنا حاسة إني مش مبسوطة ومش متضايقة، وأنا نفسي مستغربة من الموضوع ده بس تقدر تقول إني...جاوبته ببساطة خلته ينصدم بس أنا تجاهلت صدمته لما رجعت كملت بهدوء وصدق:_إني مبسوطة بالتجربة اللي خضتها مع متسابق زيك يا باسم، بس بعيدًا عن أي حاجة، أنا فعلًا مش محتاجة لمسابقة تقيمني، وكمان افتكر اللحظة المُعجزة اللي حضرناها من شوية أحسن مليون مرة من منظر لسباق عربيات.إبتسم لكنه رجع سألني بشك:_يعني مش حاسة إنك متغاظة إني ضيعت عليكي فرصة كبيرة؟!، وإن التدريبات اللي قعدنا فيها اسبوع مبقاش ليها اي لازمة دلوقتي؟!ضحكت وأنا بهز رأسي بنفي وبكمل صارحتي:_لا، حاسة إن الأسبوع اللي قضيته في التدريبات معاك خلاني على معرفة قوية بمدى جنونك اللي بيظهر في أوقات غريبة والأهم من كل ده، اني كسبت منافس قوي قِدر يخليني أكتفي بسباقاته لدرجة إني استغنى عن حلم الفورمولا اللي فضلت أحلم فيه لسنين طويلة. كنت بتكلم بهدوء حقيقي كأن اللي حصل ده شيء عادي، وكانت صدمة ليا لما لقيته بيقول فجأة:_طب ما تجربي تخليني حلمك الجديد ومش هتخسري حاجة .وقفت في مكاني بصدمة وأنا ببصله بعدم فهم:_أنت بتقول إيه؟!رد وقال بكل بساطة:_ما هو بصي يا بنت الناس، أنا مرات عمي كلت وشي بسبب إن سليم أحرز اللهم بارك هدفين ده حتى سعد الواطي كمان أحرز هدف، وأنا بس اللي لحد دلوقتي قاعد على الدكة لوحدي، فقلت فرصة يا واد يا باسم اديك لاقيت واحدة لسانها متبري منها ومش متربية زيك، فيها إيه يعني لما تتنازل وتتجوزها.كان بيتكلم بكل غرور زي العادة وكأنه بيتفضل عليا!..بيتفضل عليا؟!!، سيبت كل اللي قاله ورديت عليه بغضب:_قصدك فيها إيه لما تعلى طبقة وتتجوزني، فوق يا بابا أنت فاكر نفسك مين؟!شاورلي وهو بيهز رأسه بمنتهى الثبات الإنفعالي:_ما هو عشان كده، أنا عندي نظرة ثاقبة بتقول إننا هنكمل مع بعض، ها قولتي ايه عشان أنا بزهق من جو التقل والعبط بتاع البنات ده، فمتحاوليش تقلديهم عشان أنتِ مش شبههم.بصتله بشر فضيق عينه بشك وسألني بعدم فهم:_أنتِ أرجل منهم؟!فتحت عيني بصدمة من الكلمة اللي نزلت عليا زي الصاعقة لحد ما اتكلمت بعصبية:_أنا مش موافقة خلاص، انسى اني اتجوزك يا حلوف.ضحك بقوة :_حيث كده بقى، قولي لعمتك إننا هنتغدا معاكم بكرة. بصيتله بتحدي:_لو جيت هرفضك يا باسم. _وتبقي عبيطة وترفضي شاب وسيم مهندس زيي كده كلف نفسه علبة جاتوه وجه طلب وِدك؟!_اه اعملها عادي، ثم أنتَ مش وسيم أصلًا. بصلي بإستنكار لثواني لكن الغريب أنه اتنهد وبعدين بدأ يتكلم بجدية وهو بيبتسم بتوتر وبيقول:_احنا جايز مش متفقين احنا الاتنين على إني وسيم، بس على الاقل خلينا متفقين انك واو وتحفة وبدون مبالغة أنتِ أجمل بنت شوفتها في حياتي؛ فأظن هبقى مغفل كتير لو متمسكتش ببنت جميلة وناجحة وطموحة واسمها أهِلَّة، ولا أنتِ رأيك؟!والغريب أنه قدر بسبب كلامه ده يحول غضبي منه لذهول، كنت مصدومة وأنا بسمع كلامه اللي وجهه ليا أصل صدمة برضه أنه المستفز ده بيعرف يتكلم، وشي احمر من كتر الخجل والصدمة بس لما استوعبت ولاحظت نظراته اللي كانت مستنية مني رد ابتسمت وجاوبته:_اللي هيحدد رأيي في الموضوع ده نتيجة سباق بكرة. خلصت كلامي وسيبته ومشيت وأنا حاسة بسعادة كبيرة من اللاشيء يمكن أنا وباسم لسة محبيناش بعض، بس اللي أنا متأكدة منه إننا لقينا التفاهم في عيون كل واحد فينا وده أهم حاجة وكفيل مع الوقت يولد الحب.مشيت وأنا سامعة صوته اللي بقى عالي جدًا ورايا وهو بيصرخ وبيقول:_أنا هتجوز يا سليم!!