رواية صدفة العمر الفصل الرابع 4 - بقلم زينب عامر

رقية : اومال بابا فين احمد : خرج رقية : متعرفش راح فين احمد : سمعته بيكلم ابو منه ده وبيقوله عروسة وكلها شهر او شهرين تكون عندك وبعدين قاله هجيلك نشوف الموضوع ده وننفق رقية الاكل وقع من ايديها وهي مرعوبة خلصوا اكل رقية: اشرب العصير ده وادخل ذاكر شوية ونام ولو احتاجت حاجة قولي احمد: حاضر وخد العصير ودخل اوضته كانت قاعدة بتراجع الحاجات اللي دينا قالتلها عليها وبتبحث عن الشركة وشغلها وتشوف هتعمل ايه شوية وابوها جه

سعيد : اي اللي مقعدك كدا رقية : عندي شغل الصبح فابجهز حاجتي سعيد : جيبتي فلوس رقية : لا روحت قالولي ف اخر الشهر باخد مرتبي سعيد افتكر الفلوس اللي ادهاله ابو منه فا سكت رقية : كنت فين بابا سعيد : وانتي مالك رقية بخبث : كلت برا يعني ولا ايه سعيد بدون وعي : اه كلت مع ابو منه رقية اتاكدت من كلام اخوها لمت حاجتها وداخله رقية : تصبح ع خير يابابا سعيد : هو اللي يشوفك يشوف خير رقية بصتله بزعل ومردتش ودخلت اوضتها

~~~~~~~~~~~~~~~~~~~~~~~~~~~~~~~~ رحيم خرج من مكتبه لاقي دينا لسه قاعده رحيم : مؤمن جوا دينا : اه ي مستر رحيم : تمام تقدري تروحي انتي دينا : حضرتك مش هتحتاج مني حاجه رحيم بابتسامة : لا شكرا دينا : تمام ي مستر رحيم دخل لمؤمن ودينا لمت حاجتها ومشيت رحيم اول ما دخل لاقاه قالع جاكيت البدلة ومركز في الشغل مؤمن هو باصص في الورق : متقوليش ان ابويا بعت حاجة تاني رحيم بضحك : اي المنظر ده من امته وانت مجتهد كدا

مؤمن : اسكت اليوم اللي ادلع فيه الاقي ابويا باعتلي ملفات قد كدا رحيم : يعني انت مش كل الايام بتدلع مؤمن بضحك: تؤتؤ انهارده بس رحيم : طبعا اومااال انا هخلع انا هتعوز حاجة مؤمن : هتفضل معايا مش هتمشي رحيم: وانا مالي حد قالك روح نام مؤمن: يعم منمتش والله رحيم بتتضيق عين : اومال كنت بتعمل ايه مؤمن : عمتي حبيبتي كانت شايلالي مكرونة بشاميل من امبارح وانت رنيت عليا ملحقتش اكل وقومت جيتلك رحيم : وحياة امك ولا متعصبنيش

انت مش فطرت معايا مؤمن : كنت باكل معاك اي كلام كدا عشان نفسك تتفتح رحيم : لا انت جيت عشان تدبيسة امبارح مؤمن بضحك : حد قالك العب الشايب معانا رحيم : اول وآخر مرة مؤمن وهو بيقفل الورق وبيلبس البدلة: مظنش المهم يلا رحيم : والشغل مؤمن : بكرا هاجي بدري معاك هو عمي حسن مشي رحيم : اه من شوية يلا وخرجوا عشان يروحوا ~~~~~~~~~~~~~~~~~~~~~~~~~~~~~~~~

"ياتري يابابا هتبعيني فعلا كل ده عشان الفلوس استحالة اتجوزه استحالة لو هموت نفسي بس احمد اسيبه لمين سيبتينا بدري اوي ي ماما محتاجينك يارب حلها من عندك" رقية فضلت تفكر لحد ما غلبها النوم ونامت بصوت عالي : ي عمتوو سلوي بخضة ام رحيم: اي يابني ف ايه رحيم وهو بيبوس ايدها : سيبك منه ده حيوان مؤمن : وانت مالك يرخم سلوى : بس بقا انتوا كبرتوا اطلعوا غيروا هدومكوا وصلوا ع ما الاكل يجهز مؤمن : في ثانية بس الاكل يجهز بسرعة

رحيم بصوت واطي: ببطن مؤمن : بتقول حاجة رحيم : لا ابدا بقول بابا فين سلوى : ف مكتبه يلا اطلعوا رحيم : يلا يا خويا الا صحيح انت بتودي الاكل ده فين مؤمن بغمزة : انا رياضي يابني رحيم زقه : طب يلا يعم الرياضي سلوي ضحكت عليهم وبعدين دخلت المطبخ بعد 25 دقيقة مؤمن : ياه الاكل كان واحشني حسن ابو رحيم : بالف هنا المهم خلصت الشغل اللي جالك مؤمن اول ما سمع عمه شرق وقعد يكح سلوي خبطت ع ضهره براحة

رحيم : ما انت لو بتشتغل قد ما بتاكل كنا هنفرح والله سلوي وهي بتدي مؤمن ميه : ما براحة عليه سيبوه ياكل رحيم : انا اللي ابنك مش هو ع فكرة مؤمن : ملكش دعوه وبص لعمه بإذن الله بكرا هيكون الشغل خلصان حسن : ياريت متتاخرش بس مؤمن : عيوني خلصوا اكل وكل واحد طلع اوضته ورحيم نام وكل تفكيره ف رقية والمعلومات اللي قرأها عنها ~~~~~~~~~~~~~~~~~~~~~~~~~~~~~~~~ تاني يوم الصبح رقية صحيت بدري وصلت ودخلت تصحي اخوها احمد :

سيبني انام كمان شوية رقية: لا اصحي عشان انا هخرج قبل بابا ما يصحي واه جهزتلك اكل ف المطبخ قوم بقا احمد اتعدل: طب خلي بالك من نفسك رقية باست راسه : حاضر يحبيبي اوعي تنام تاني يلا سلام وخرجت احمد بعد ما خرجت : ربنا يخليكي ليا خلصوا فطار ووصلوا الشركة في الاسانسير حسن : انت جيبت سكرتيرة جديدة رحيم : اه انت عارف ان دينا قربت تولد فاخدت اجازة حسن: طب ابقا ابعتهالي رحيم : حسن : نعم!

رحيم : يابا كل اما تيجي سكرتيرة وتلاقيها كويسة بتخليها السكرتيرة بتاعتك زي دينا كدا انا كنت ما صدقت رضيت تسيبها والحمدلله بقالها سنتين معايا وبرضو لحد انهارده بتطلب منها شغل حسن : يابني البنات المحترمة دي بتطمن ع شغلك معاهم مؤمن : معاك حق يعمي رحيم بصله بغيظ الاسانسير وصل الرابع ورحيم خرج وبص لمؤمن بتستغراب : انت مش هتيجي مؤمن : لا هطلع مع عمي نصايه كدا وهنزل رحيم : تمام ومشي لافي رقية قاعده بتقلب في ورق قدامها

رحيم : صباح الخير رقية : صباح النور رحيم : هاتيلي القهوة بتاعتي وسايبها وماشي رقية: ده انا اجيبها منين دي رحيم وهو بيشاور ع اخر الدور : من هناك هتلاقي عمي محمد هاتيها منه ودخل مكتبه رقية : هو جايبني اشتغل شغالة ولا ايه وراحت عشان تجيب القهوة رقية بابتسامة: صباح الخير محمد : صباح النور يابنتي رقية : عاوزة قهوة استاذ رحيم محمد : حاضر روحي انتي وانا هجيبهالك رقية : انا واقفه اهو هاخدها انا فاضية متقلقش

محمد ابتسم وبدأ يعمل القهوة رحيم فاتح اللاب وبيراجع شغل فجأة الباب اتفتح رفع وشه يشوف مين رحيم بغضب : انتي بتعملي ايه هنا اي اللي جابك هنا اصلا دخلت وقفلت الباب وراحت ناحية المكتب ومردتش رحيم وعيونه حمرا : بقول بتعملي ايه هنا انجي : جاية اشوفك وحشتني رحيم قام وخارج عشان يشوف رقية ازاي سابتها تدخل من غير ما تعرفه رقية جابت القهوة ولسه هتخبط ع الباب لاقته اتفتح اتخضت ومن الخضة فنجان القهوة وقع ع رحيم