تحميل رواية «صاحب الورده البيضاء» PDF

الأم: هتتجوزيه.

منه: مش هتجوزه.

الأم: بقولك هتتجوزيه.

منه: وأنا بقولك مش هتجوزه.

الأم: هتتجوزيه غصب عنك.

منه: مش بحبه.

الأم: مقولتيش حبيه.

منه: مفيش جواز من غير حب.

الأم: أنا متجوزة أبوكي ومش بطيقه.

منه: مش ذنبي أنا، أنا هتجوز اللي هحبه.

منه: أنت بتضربني عشان بقول الحقيقة!

الأب: وأضربك بالجزمة كمان، كتب كتابك الجمعة الجاية.

منه: مش هتجوزه بقولكم مش هتجوزه.

الأب: يلا يا اعتماد.

الأم: حاضر.

أنا منه، 21 سنة، كلية هندسة إلكترونية وبحب المجال ده جداً. أنا طويلة نوعاً ما، مش أوي يعني، مش هقولكم ملكة جمال بس ربنا راضي عليّ بخلقه. أنا بحب واحد بقالي 7 سنين، أيوه سبع سنين، مستغربين؟ بس هو معرفش إني بحبه أصلاً. استغربتوا تاني برضوا؟ هفهمكم. أنا معرفش هو إزاي كدا بس هو أجمل مني كمان، أحم أحم مش أوي يعني بس هو فعلاً جميل. كان معايا في ثانوي وأنا كنت بذاكر 24 ساعة في اليوم عشان أجيب تقدير عالي بحيث إني أدخل أي كلية هو هيدخلها. متستغربوش، أنا بحبه بغباء لدرجة إني مرة عملت حادثة وطلعت قدام العربية عشان هو ميتخبطش. أنا مش عايزة أتجوز غيره، مش هتجوز اللي هما عايزينه. أنا بحب نادر ومش عايزة غيره، حتى لو روحت قلتله. أيوه أنا هروح أقوله إني بحبه.

***

الأم: رايحة فين يا هانم؟

منه: هنزل أشتري شوية حاجات.

الأم: طيب انجزي، متتأخريش.

منه: حاضر.

***

منه: الو.

..." أيوه مين؟"

منه: نادر.

نادر: أيوه مين إنتي؟

منه: عايزة أشوفك دلوقتي.

نادر: مين إنتي طيب؟

منه: متعرفنيش، مستناكي في كافيه... متتأخرش، سلام.

نادر: إيه بت المجنونة دي، يلا أنا كدا كدا زهقان.

منه: فينك؟

نادر: أنا داخل على الكافيه، إنتي فين؟

منه: في آخر ترابيزة.

نادر: استنى... إنتي اللي ضهرك كشمير؟

منه: أيوه.

نادر: طيب اقفلي.

نادر: اوباااا.

منه بابتسامة: فاكرني؟

نادر: أكيد يابنتي، إيه الحلاوة دي.

منه: نادر، أنا أعرفك بقالي 7 سنين.

نادر: 7 سنين إزاي يابنتي؟

منه: زي ما بقولك والله.

نادر: مش إنتي منه يابنتي؟

منه: أيوه أنا.

نادر: إزاي، إنتي معايا في الكلية بقالك سنتين بس.

منه: بقالي 3 معاك في الكلية و 3 سنين معاك في الثانوي، وأنا منه اللي أدتني الوردة البيضاء لما لقيتني بعيط يوم الشهادة بتاعة الإعدادية.

نادر: !!!!!

منه: مصدوم ليه؟

نادر: أنا دورت عليكي كتير بعدها بس ملقيتكيش.

منه: دورت عليا أنا؟

نادر: أيوه إنتي، إنتي متعرفيش حاجة.

منه: مش فاهمة حاجة.

نادر: ودي أحلى حاجة على فكرة.

منه: لا، أنا عايزة أفهم.

نادر: مش مهم، المهم إنتي شكلك اتغير خالص.

منه: إزاي؟

نادر: كنتي بشعرك وبنظارات وعيونك كان لونها بني، إزاي اتقلبت خضرا؟

منه: 😂 مانا اتحجبت بعد الإعدادية وخلعت النظارات ولبست لينسيز طبية.

نادر: عشان كده معرفتكيش.

منه: هو أنت دورت عليا ليه؟

نادر: فاكرة السلسلة اللي كنتي بتعيطي عشانها؟

منه بحزن: أيوه، كانت عزيزة عليا.

نادر: لقيتها.

منه بفرحة: بتهزر صح؟

نادر: لا والله، لقيتها تاني يوم وأنا ماشي هناك ودورت عليكي ملقيتكيش.

منه بحزن: يعني ضاعت تاني؟

نادر: لا، لسه معايا.

منه: إنت بتتكلم جد؟

نادر: أيوه والله.

منه: طيب، عايزها ممكن.

نادر: أكيد، بس قوليلي إيه سبب المقابلة دي؟

منه: نادر، أنا...

نادر: بس مقولتليش أي سبب المكالمة دي.

منه: نادر أنا... أنا... أنا لازم أمشي.

نادر: ههههه هو انتي في امتحانات ثانوية يا بنتي؟

منه: معلش يا نادر بس اتاخرت عليهم أوي في البيت.

نادر: ماشي خلاص تعالي أوصلك.

منه: لا ملوش لزوم يا نادر أنا هاخد تاكسي.

نادر: انجزي عشان متتاخريش.

منه: ملوش لزوم والله.

نادر: بطلي جدال بقااا يلا.

منه: طيب يلا.

***

في السيارة.

نادر: لابسة الخمار من امتى؟

منه: تلات سنين.

نادر: حورية.

منه: إيه؟

نادر: اااا قصدى شكله حلو يعني.

منه بصوت منخفض: هو بس اللي حلو.

نادر بنفس انخفاض الصوت: هو حلو عشان انتي اللي لبساه.

منه بصدمة: انت سمعتني؟

نادر بضحك: طب مانتي برضوا سمعتيني 😂.

منه بخجل: مقولتليش صح عملت إيه مع ندى؟

نادر بتعجب: ندى مين؟

منه: ندى خطيبتك.

نادر: احنا سيبنا بعض.

منه: عارفة مانتو سيبتوا بعض من شهرين بس إيه السبب؟

نادر: اه وانتي عرفتي منين؟

منه: اا اصلوا... ااا هيا صاحبة صاحبتي.

نادر: اه.

منه: سبتيها لي!

نادر: مش بحبها.

منه: اه وبعدين سبتيها لي برضوا.

نادر: عشان ملقيتكيش.

منه: ملقيتنيش إيه؟

نادر: ااا مين قال ملقيتكيش أنا قولت ملاقيتليش.

منه: مش فاهمة.

نادر: يعني مكانتش لايقة عليا.

منه: مش بتحبها لي؟

نادر: أنا حر يا منه قلبي مختارهاش مش طايقها مش قابلها.

منه ببسمة: أحسن.

نادر بإيحاء: أحسن لي.

منه: مكانتش لايقة عليك انت أحلى.

نادر بفرحة: يعني أنا أحلى؟

منه: قصدى أحسن يعني هيا وحشة ومتكبرة.

نادر: بس...

منه: نادر انت رايح فين؟

نادر: رايح في إيه؟

منه: الطريق ده مش طريقي انت متعرفش بيتي أصلا.

نادر باستيعاب: أحيه أنا كل دا سايقة على الفاضي.

منه بضحك: 😂😂😂 اللي واخد عقلك يتهنا له.

نادر ببسمة خفيفة: محدش يشوف الضحكة القمر دي وميتاخدش عقله.

منه بخجل: طيب يلا عشان أنا اتاخرت أوي.

نادر: حاضر، اهربي اهربي.

منه: العنوان في حي ******

نادر: طيب يلا غني.

منه: إيه؟

نادر: غني لي مش انت بتعرفي تغني؟

منه: صوتي وحش.

نادر: كدابة.

منه: والله.

نادر: طب غني وأنا هقيمه.

منه: لازن؟

نادر: جدا.

منه: يا حياة الروح... قلبي لا داق النوم ولا يوم ولا هرتاح... راح تنسي أو تهواني أو تلقاني كلي جرااح.... يا مسهرني ليالي وانت على بالي.. انا عمري ما نسيتك دا انا ما صدقت لقيتك وبتسال لو حبيتك وانا دايب فيك ..........

منه: نادر... نادر.

نادر: ها.

منه وهو تضحك على منظره: وقفت العربية لي؟

نادر: انتي إيه؟

منه: أنا إيه أزاي؟

نادر: يخربيت جمال أمك.

منه بخجل: طيب ممكن تمشي يلا.

نادر: طيب والنبي غنيلي كمان حبة.

منه: نادر يلا هتاخر.

نادر: طب قولى نادر كمان مرة.

منه بخجل: نادر هنزل.

نادر: شكلك حلو وانتي طمطماية على فكرة.

منه: نادر هنزل بجد.

نادر: خلاص خلاص هكت.

***

تحرك نادر بالسيارة ولاكنه كان لا يترك ثانية بدون النظر إليها.

منه: نادر بتبصلي لي؟

نادر: معلش اصل عندي رقبتي مايلة يمين.

منه: إزاي؟

نادر: إرادة ربنا بقااا.

منه بنفاذ صبر وقد لفت وجهها إلى الجانب الآخر: ربنا يشفي.

نادر: بحبك.

منه: لفّت منه بسرعة: إيه؟

نادر: إيه؟

منه: انت قولت إيه دلوقتي؟

نادر: مقولتش حاجة.

منه: لا قولت حاجة دلوقتي.

نادر: قولت إرادة ربنا.

منه: لا بعدها.

نادر: انتي قولتي ربنا يشفي.

منه: أيوه بعدها بقا انت قولت إيه؟

نادر: مقولتش.

منه: لا قولت.

نادر: قولت إيه طيب؟

منه باندفاع: بحبك.

نادر: بتحبيني!

منه بخجل وقد استوعبت ما هيا فيه: بس هنا ده بيتي اوقف.

نادر: مقولتليش برضوا بتحبيني؟

منه:...

نادر: مقولتليش برضوا، بتحبينى؟

منه: ..

نادر: يعنى مش بتحبينى؟

منه باندفاع: انا مقولتش كدا.

نادر بخبث وتمثيل بالحزن: لا كلامك بيقول كدا.

منه: نادر انا نازلة.

نادر: استنى بس استنى، خلاص.

منه: ماشي.

نادر: ادخلك طيب.

منه: لا عشان محدش يتكلم عليا، كدا كدا خمس دقايق واكون هناك.

نادر: طيب انا همشي وراكى، بس كانك متعرفنيش.

منه: نادر مينفعش تدخل بالعربية هنا.

نادر: ومين قالك اني هدخل بالعربية، انا همشي.

منه: طيب ولى يعني متروح؟

نادر: انجزي وبطلي ام الجدال اللي فيكي دا.

منه: طيب طيب.

نزلت منه وسار خلفها نادر حتى وصلت إلى منزلها.

الأم: اى يابنتي فين الحاجة؟

منه: ملقيتش اللي كنت عايزاه.

الأم: والله؟

منه: خالتو والنبي عايزة ادخل انام ممكن.

الأم: خالتو؟!!

منه: اسفة والله بنسى.

نسيت اقولكم دي تبقي خالتو مش ماما، بعد ما ماما ماتت خالتو اتولت رعايتي لأن جوزها ميت ومعندهاش أطفال، فبابا اتجوزها عشان تخلي بالها مني.

الأم بحزن: طيب يا منه.

منه: اسفة بقي يا دودو متزعليش، والله ما كان قصدي.

الأم: طيب يا بكاشة، ادخلي يلا عشان تاكلي.

منه: لا انا هد...

ولم تكمل حديثها حتى وجدت هاتفها يرن باسم نادر.

الأم: مين يا منه؟

منه: دي مريم يا ماما، هدخل أنا أكلمها وأنام، ولما أصحى أبقى آكل، باي.

الأم: ماشي يا أختي.

منه: أيوه يا نادر.

نادر: بصيلي من البلكونة.

منه: انت ممشيتش!!!

نادر: لا.

منه وهي تهرول إلى البلكونة: الله يخربيتك واقف تحت لي.

نادر: لقد اشتقت لكِ يا من ملكتِ فؤادي.

منه بخجل: نادر انت زودتها.

نادر: بتحبيني!

منه: نادر انت سمعتني؟ بقولك كتب كتابي كمان أربع أيام.

نادر: بتحبيني؟

منه: من أول مرة شوفتك فيها.

نادر: طيب اقفلي وادخلي.

منه: نادر ا...

نادر: قولتلك ادخلي يلا.

منه: طيب.

الأم: منااااا بت يا منااااا يا زفتة.

منه: أيوه يا ماما في اى، في اى.

الأم: افتحي الباب.

منه في نفسها: كل ده عشان الباب، والله حرام.

منه: انت مين؟

...: أنا جوزك المستقبلي يا مزة.

منه: جوز مين يا حيليتها.

...: جوزك يا نونة.

الأب: أي يا احمد مدخلتش لي!

أحمد: لسا كنت بتعرف على منه يا حج.

الأب: اتعرفوا جوا، ادخلوا يلا.

منه: مين داااا يا بابا؟

الأب: تعالي يا أم منه.

منه: هو أنا بكلم نفسي.

الأم: خير يا خويا في اى.

الأب: خدي احمد دخليه الصالون.

الأم: حاضر.

الأب: قدامي على جوا.

منه: مين دا بقول.

الأب: ادخلي قدامي.

منه: حاضر.

الأب: بصي بقااا.

منه...

الأب: هتلبسي زي الشاطرية وتعدلي خلقتك دي وتطلعي عشان هو عاوز يتعرف عليكي قبل كتب الكتاب.

منه ببكاء: يا با...

الأب وهو يهم بالخروج: معاكي عشر دقايق وتكوني قدامي.

قامت منه بالرن على نادر أكثر من مرة ولكنه لم يرد، ثم قامت وارتدت فستان باللون اللبني مشجر بألوان الزهور وخمار باللون البينك الفاتح، وكانت أشبه بالحورية.

خرجت منه وهي تبكي في صمت، ثم مسحت دموعها ودخلت.

الأب: تعالي يابنتي، سلمي على عريسك.

منه: ...

الأم: معلش هيا بس مكسوفة شوية.

منه وقد رفعت وجهها من الأرض وهي ممسكة خنجر بيدها: قسما بالله إن ما ألغيتم الجوازة دي حالاً لهكون مموتة نفسي، وتبقي جوزوني في التربة إن شاء الله.

الأب بجمود: شيلي اللي في إيدك.

الأم ببكاء: حرام عليكي يابنتي متعمليش كدا، هنعملك اللي انتي عايزاه بس شيلي اللي في إيدك ده بالله.

منه بحرقة: أنا كدا كدا مش عايشة، أي الجديد؟

رن جرس الباب في هذه اللحظة.

الأب بنفس الجمود: قومي افتحي يا اعتماد.

جرت الأم حتى تفتح.

منه بصوت عالٍ وبكاء: بقولك هموت نفسي لو ملغيتش العرض دااا، أنا مش صفقة عشان تبيع وتشتري فيااا، انت اييي حرااام عل...

لم تكمل حديثها حتى قاطعها أحد.....: منه.

..... يا ترى مين اللي جه؟

هنعرف في البارت الرابع إن شاء الله.

منه بصوت عالٍ وبكاء: بقولك هموت نفسي لو ملغيتش العرض دا. أنا مش صفقة عشان تبيع وتشتري فيا. انت أيي، حرام علي...

ولم تكمل حديثها...

منه: التفتت منه ثم قالت بنحيب: نادر! انت أي اللي جابك؟

نادر: أي اللي انتي بتهببيه دا؟ ارمي اللي في إيدك.

منه بهدوء: نادر، امشي من هنا.

نادر بعصبية: مش هغور. ارمي الزفت اللي في إيدك دا. بقول.

منه ببكاء: نادر، أنا عايشة كأني مش عايشة. أنا تعبت من الحياة دي.

نادر باستعطاف: طيب اهدّي بس وشيلي اللي في إيدك وأنا أوعدك كل شيء هيكون تمام والله.

منه ببكاء وحب: نادر، أنا عايشة بس عشانك. بقالي ٢١ سنة مستحملة وانت السبب يا نادر. أنا كنت مستحملة كل دا عشانك انت. بس دلوقتي هما عاوزين يبعدوني عنك. عاوزين يدفنوني بالحيا. يبقى أنا كدا كدا ميتة يا نادر. هعيش ليه؟ قول لي أنا هعيش ليه؟

نادر: عشانّي أنا. أنا والله بحبك ومش هسيبك.

الأب بتصفيق: هايل، حلو أوي الشو دا. أنا كـ بهير انبهرت. النهاية إمتى بقى؟

منه: أنا هقولك النهاية.

ثم قامت بجرح يدها.

اتجه نادر إليها هو وأمها.

نادر ببكاء: أي اللي انتي عملتيه دا؟ اطلبوا بسرعة الإسعاف.

الأم: حرام عليك اللي انت بتعمله دا. انت أي يا خي مبتحسش؟ حراااام عليك.

نادر بعصبية: انتوا جايين تتخانقوا دلوقتي؟ رنوا على الإسعاف بسرعة. البت هتتصفى.

جرت الأم ثم اتصلت بالإسعاف. ولم يخلُ الجو من نحيب الأم ولا من محاولات نادر لكتم النزيف حتى جاءت الإسعاف.

الأب: انت رايح فين؟

نادر: رايح معاها.

الأب: انت مين أصلًا؟ اتفضل امشي. مش عااوز أشوف خلقتك تاني.

ذهب نادر مسرعًا وصعد إلى سيارته واتبع سيارة الإسعاف حتى وصلوا ودخلت منه غرفة العمليات.

الأب: انت أي اللي جابك؟ أنا مش قولت مش عاوز أشوف خلقتك دي.

نادر: قسماً بربي إن ما سكت لأكون مبلغ عنك إنك انت اللي عملت فيها كدا. انت أب؟ انت. ده الحيوان بيحس أكتر منك. كان نفسي أحترم فرق السن اللي بينا بس انت متستاهلش. كل اللي أقدر أقولهولك إن برحمة أمي في تربتها لهدفعك التمن غالي.

الأب: خلصت؟

نادر: أنا نفسي أفهم انت جايب ال...

الشرطي: أي اللي بيحصل هنا؟

الأب: الأستاذ ده اقتحم بيتنا وكان عاوز يخطفها. وأثناء المشاجرة السكينة اللي كانت في إيده جت في إيدها.

الشرطي: الكلام ده صح يا نادر؟

نادر: ازيك يا عمي الأول. أكيد لو كان صح ما كانش زماني موجود هنا. + الراجل ده هو السبب في كل اللي حصلها. أنا كنت رايح أكلمه لقيت البيت مقلوب. ولحد الآن معرفش أي الموضوع. بس اسأل أمها. أهي.

الضابط: ماشي يا نادر. روح شوف انت شغلك.

نادر: الموضوع يخصني يا عمي. يخلص بس وهبقى أروح.

الضابط: طيب براحتك. انتي أمها؟

الأم ببكاء: أيوه يا باشا. أنا.

الضابط: أي اللي حصل بالحرف؟

الأم بخوف وهي تنظر لزوجها: محصلش حاجة. أنا مكنتش هناك.

الضابط بتفهم: خد يا عسكري الأستاذ فسحة في الأوضة شوية.

العسكري: حاضر يا فندم. قدامي.

الأب: أنا مش ماشي من هنا.

الضابط: تتفسح في الأوضة ولا تتفسح في السجن؟ أنهي أحلى!

ذهب الأب مع العسكري.

الضابط: أي اللي حصل بقا بالحرف؟

الأم وقد ازداد بكاؤها: ياباشا فيه كان عريس...

نادر: يابن ال*****

الضابط: ماشي. أنا هتصرف معاه. زائد بقا عاوز منك خدمة للغلبانة اللي جوه. اسمعي كل كلمة هقولهالك وتنفذيها بالحرف.

الأم: حاضر يا باشا.

الضابط: بعد ما تفوق وتطلع من العمليات... فهمتي؟

الأم: بس دا كدا ممكن يتعدم.

الضابط: انتي عاوزاه؟

الأم: لا طبعًا.

الضابط: بس يبقا سيبيلي الموضوع.

نادر: مش عارف أقولك إيه والله يا عمي. بجد شكراً. انت مش عارف الموضوع ده مهم بالنسبة لي إزاي.

الضابط بغمزة: هنشوف الحكاية دي بعدين.

خرجت الممرضة بسرعة.

نادر بلهفة: هيا عاملة إيه دلوقتي؟

الممرضة: الحالة بتنزف ومحتاجة نقل دم بسرعة. هيا فصيلة دمها إيه؟

الأم: o-.

الممرضة: حد هنا نفس الفصيلة؟

نادر: لا. أنا فصيلة دمي a+.

الأم: وأنا فصيلتي a برضوا. والعمل...

الممرضة: إحنا كمان معندناش نفس الفصيلة. شوفوا بسرعة أي حد نفس الفصيلة عشان في خطر على حياتها.

الأم: أبوها نفس الفصيلة.

ذهب نادر بسرعة إلى الأب.

نادر: منه محتاجة نقل دم بسرعة. فيه خطر على حياتها.

الأب...

نادر: منه محتاجه نقل دم بسرعة.

الأب: (يجلس بكبرياء)

نادر: دي بنتك.

الأب: ما عنديش بنات.

نادر: بالله عليك، خليك أب ولو لمرة واحدة في حياتك.

الأب: نص مليون جنيه وتطلعوني من هنا.

نادر:

الأب: مش كتير على حبيبة القلب ولا إيه.

ذهب نادر مسرعًا وقام بعدة اتصالات.

نادر: أيوه يا أحمد.

أحمد: إيه يا ابني مال صوتك؟

نادر: مش وقته، أنت فصيلة دمك إيه؟

أحمد: A.

نادر: محتاج حد O- حالا ينقل دم.

أحمد: ينقلك أنت؟

نادر: مش هتفرق يا أحمد، هبعتلك اللوكيشن بتاع المستشفى، وأنت اتواصل مع كل معارفك بسرعة ولو لقيت كلمني.

أحمد: ماشي حاضر، اقفل دلوقتي سلام.

نادر: بسرعة يا أحمد.

أحمد: حاضر والله سلام.

نادر: مالك، أنت فصيلة دمك إيه؟

مالك: B+. ليه؟ ومال صوتك؟

نادر: محتاج حد فصيلة دمه O- بسرعة، دورلي وكلم أحمد وتعالى.

مالك: طيب طيب.

نادر: فاطمة محتاج منك خدمة.

فاطمة: إيه يا نادر خير؟

نادر: محتاج حد فصيلة دمه O- بسرعة.

فاطمة: ليه في حاجة ولا إيه؟

نادر: خير إن شاء الله، بس بسرعة.

فاطمة: ماشي.

نادر: لو سمحت فين بنك الدم اللي هنا؟

مجهول: في آخر شارع.

نادر: ماشي شكرًا.

ذهب نادر مسرعًا إلى البنك.

نادر: لو سمحت في أكياس دم فصيلة O-؟

مجهول: أيوه يا فندم، فيه كيس تقريبًا.

نادر بفرحة: طيب عاوزه لو سمحت.

أخذ نادر كيس الدم، ولكن لسوء الحظ كان هناك الكثير من المارة في الطريق. فنزل من سيارته جريًا، ولكن للأسف وقع وهو يجري ونزل كيس الدم تحت عجلات سيارة وتلطخ وجهه وجسده بالدماء. وكأن أحدًا سكب عليه ماء، فأحس بأن الدنيا قد توقفت. ثم ذهب إلى ابن عمه بسرعة.

نادر: مازن الحقني.

مازن بخضة: في إيه يخربيتك مالك؟

نادر: عاوز أي حد فصيلة دمه O- بسرعة.

مازن: أنا فصيلة دمي O-.

نادر: طيب بسرعة، محتاجك تتبرع لـ منه، مسألة حياة أو موت.

مازن: مين منه؟

نادر: مش وقت تفاصيل، بسرعة.

مازن بتذكر: نادر.

نادر: في إيه؟

مازن: أنت نسيت إني مريض سكر.

نادر: طب وإيه يعني؟

مازن بحزن: ما ينفعش أتبرع لحد.

نادر بعصبية وحزن وقد بدأ يكسر في كل شيء أمامه: يااااااارب أعمل إييييه.

مازن: اهدا بس، هنلاقي حل والله، تعال معايا.

نادر: مازن روح هات بسرعة نص مليون من حساب البنك، خد الفيزا من دولابي بسرعة.

مازن: نص إيه؟

نادر: زي ما بقولك، بسرعة.

مازن: بس دا مبلغ كبير يا نادر.

نادر: يلا يا مازن.

مازن: طيب.

نادر: موافق.

الأب: إيه؟ ضمني.

نادر: شوف أنت عاوز إيه وهعملهولك، بس بالله عليك بسرعة.

الأب: عاوز الفلوس حالا وكاش مش شيك.

نادر: والله هجيبهملك، بس محتاجين الدم حالاً.

الأب: الفلوس الأول.

نادر برجاء: والله الفلوس جاية في السكة، بالله عليك بسرعة، والله مستعد أعملك أي حاجة.

الأب: للدرجة دي بتحبها؟ حبيتها على إيه يا هبل؟

نادر بتوسل: بالله عليك.

الأب: حاضر.

ذهب نادر إلى غرفة العمليات، ولكن وجد الأم تبكي بفزع.

نادر بخضة: في إيه؟

الأم ببكاء: منه.

نادر: مالها؟

الأم:

نادر : مااالها

الام ببكاء: بيعملولها صدمات كهربا بنتى قلبها وقف ااااه يااااربنتى بنتى

نادر في نفسه وهو يحاول الاستيعاب: قلب مين وقف ميييين

ثم صاح باسمها وهو يبكى بمرارة على فرحته التى لم تكتمل ابدا

ثم ذهب وتوضأ وقامت بالصلاه

خرج الدكتور ثم قال بيأس: البقاء لله

الام بعدم استيعاب: البقاء لله على اى

الدكتور: الحاله ماتت

الام: ماتت ازاى يعنى مين مات

الدكتور: عن اذنك

ذهبت الام تبحث عن نادر وهيا تبكى وتقول: بنتى ماتت

سمع نادر الام وظل يبكى في صلاته ويدعي الله ان يكون هذا حلم

الام ببكاء: الحق يابنى منه الحق بنتى يابنى موتوها بنتي ااااااه يابنتى عشتى عمرك كله مدفونه يابنتى ااااه

نادر ببكاء وهو يردد: منه مماتيتش منه عايشه منه عايشه

ذهب نادر الى الدكتور: الحاله الى كانت في العمليات فين

الدكتور: البقاء لله يابنى

نادر بصياح: بقولك الحاااله الى جوااا فييين

الدكتور: انت ف مستشفي محترمه يا استاذ عيب الى بتعمله دا

نادر: انت لسا شوفت حاجه انا هوريك العيب على اصوله

ثم ذهب نادر الى منه

نادر بدموع وهو يرفع الغطاء من فوق وجهها: حبيبتى ينفع تقومى، قومى معايا واوعدك انى هاخدك ونمشي بعيد عن كل الناس دى بس انتى قومى ، تعرفي انا بحبك اوى والله من اول مره شوفتك فيها وكنت براقبك على طول ولما شوفتك وانتى بتعيطى وكنتى زعلانه وبتدورى على السلسله كانت اول مره اكلمك فاكره ياحبيبتى ، ساعتها كان معايا ورده اديتهالك وانتى اخدتيها وضحكتى ، تعررفي ساعتها كنت حاسس انى ملكت الكون كله والله ، حبيبتى انتى مبترديش لى ؟! انتى زعلانه منى طيب ؟!! قومى طيب زعقيلي وعاندينى ، تعرفي شكلك حلو اوى وانتى نايمه ، بس انا عاوزك صاحيه افتحى عينك طيب ، منه انا بحبك بالله عليكى متسيبنيش يا منه قوومى بقااا حرام عليكي ، طيب بصي انا هغمض عينى انا كمان جنبك

صعد نادر جانبها على السرير وهو ممسك يدها ويبكى وقعد اغمض عينه: بصي انا اهو غمضت عينى زيك ومش هقوم غير لما تقومى ، منه كفايه كدا نوم قومى بقا يا من...

منه وهو مغمضه عينها: نادر

قام نادر بفزع: منه انتى اتكلمتى صح منه

ثم اقترب منها فسمع نبض قلبها

ذهب نادر بفرحه يستدعى الطبيب

نادر: دكتور الحاله مماتتش ، منه عايشه

الدكتور: يابنى كلنا رايحين يابنى حرام الى بتعمله دا

نادر: والله الحاله عايشه يا دكتور انا سمعت نبضها واتكلمت

الدكتور باستغرب: ازاى يعنى يابنى

نادر: والله تعالا شوف

دخل الدكتور الى منه وكانت الام تنتظر ف الخارج هيا ونادر والامل قد بدأ يشق طريقه من جديد

رواية صاحب الورده البيضاء البارت السابع والأخير بقلم لولورواية صاحب الورده البيضاء الفصل السابع والأخيرنادر : والله الحاله عايشه يا دكتور انا سمعت نبضها واتكلمتالدكتور باستغرب : ازاى يعنى يابنى نادر : والله تعالا شوف دخل الدكتور الى منه وكانت الام تنتظر ف الخارج هيا ونادر والامل قد بدأ يشق طريقه من جديدالدكتور : ...يتبع .. الفصل كامل تمت النهايةجميع فصول الرواية ""