يوسف وإبراهيم وابتسام وفيروز جريوا تجاه اوضه وتين
لقوها واقفه بخوف
ابراهيم: في اي وايه صوت التكسير دا
وتين برعشه : ما مافيش الفازه وقعت مني غصب عني
ابراهيم راح ضاربها بالقلم
كلهم اتصدموا
ابراهيم : انزلى يابت يالا اهل البيه بتاعك تحت إياك تنطقي بحرف
وشدها ونزل بيها
بعد مانزلوا
محمود : بنت مين
ابراهيم : بنتي
محمود : لا انا مش موافق
ابراهيم طلع المسدس علي دماغ فيروز : قلت ابنك هايتجوزها والا هاقتل بنتك
كلهم بصوا بصدمه وفيروز كانت واقفه بتترعش
محمود : اقتلها
فيروز : هونت عليك وانهارت من العياط
محمود : مش احسن مادمر اخوكي
فيروز : تدمره علشان هايتجوز طاب هو راجل هي هاتعمله ايه مابالك انا بنتك ورمتني وعارف انهم ممكن يقتلوني دلوقتي ومستسلم لييييه انا عملت ايه لكل دا دايما بتكرهني حتي تعليمي ماخلتنيش أكمله ولعلمك انا دلوقتي في طب هاتقول ازاى مش هارد علي سؤالك مش مسمحاك
محمود : المهم عندي ابني مايتجوزشي البت دي
فيروز كانت قوتها بدأت تنهار سندت علي يوسف بالغلط
فيروز بضعف : اسفه
ابراهيم نده للماذون: اكتب حالا ياشيخ
محمود : قلت مش موافق
ابراهيم : طلما ابنك.غالي اكتر وجه المسدس ناحيه مراد
مراد : وانا قلت هاتجوزها اتفضل ياشيخ في الإجراءات
وبالفعل تم كتب كتاب وتين ومراد
ووتين اكنها متغيبه عن الواقع
ابراهيم : تقدر تاخدها
محمود : دة انت بايع بنتك
ابراهيم: لا مش بايعها بس لو لمستوا منها شعره انتو عارفين هاعمل ايه
محمود خاف من تهديده
وابتسام باست بنتها وفضلت تعيط
ووتين مش حاسه باللي حواليها
مراد خد وتين علي عربيته
ومحمود وهناء جايين يمشوا
فيروز جريت باست امها وباست ايدها
هناء مصدومه من جوزها ازاى يتخلى عن بنتها وبعدين حضنت فيروز
هناء : ماتزعليش يابنتي
فيروز : المهم تاخدي بالك من نفسك ياماما
هناء: انتي اللي تخلى بالك من نفسك وبصيت ليوسف برجاء
وبعدين مشيوا
ابراهيم: اهلا بيكي في الجحيم
فيروز اترعشت
ابراهيم : هاتاخد حق امك واختك والا اخده انا
يوسف بغضب : لا سيبهالى
وشد فيروز وطلعوا فوق
فيروز كانت بتترعش
يوسف: عملتي كدا ليه عايز افهم ليييييه
فيروز اتخضت وسندت علي الحيطه برعب
فيروز: والله ماعملت حاجه والله مظلومه صدقني ومن كتر الخوف اغمى عليها
يوسف جري عليها وبدأ يفوقها
فيروز حضنته جامد : ارجوك صدقني انا كنت تعبانه كل الفتره اللى فاتت وانت كنت معايا والله ماعملت حاجه ومش معايا تليفون ماتظلمنيش وفضلت حضناه
يوسف بادلها الحضن وفيروز استغربت وبعدين بصيتله
........................
وتين كانت مش مستوعبه اللى حصلها
وبعدين وصلوا بيت مراد كان مجهزه ليه ( ماحدش يعرف بيه )
مراد : انزلى ياسنيوره
وتين ماكنتشي سمعاه
مراد: بقول انزلى
وتين اتخضت ونزلت بسرعه
مراد مسك ايدها وطلعوا الشقه
مراد اول ماقفل الباب
وتين : انت انت هاتعمل فيا ايه ارجوك ماتلمسنيش
مراد مسك كتفها : بسبب اهلك خدوا اختى دا انا هاوريكي الويل
وتين بوجع : مش قادره كتفي
مراد ماكنشي ماسكها جامد : هو انا لسه عملت فيكي حاجه
وتين : ارجوك انا ماليش زنب
ومراد ملاحظ انها مش قادره تقف
مراد : اقعدي
وتين قعدت بتعب
مراد : حسابك هايبدا من بكرا
وتين عارفه ان كلامها مش هاياثر عليه
مراد : قومي اعمليلنا طفح
وتين قامت بتعب مراد بيبص على رجليها وهى ماشيه لاحظ انها متعوره وهدومها عليها بقع دم
مراد قام وراها لقاها سانده على الحيطه وبتعيط
مراد حن ليها : مالك
وتين بعياط طفولى : جسمي واجعنى اوى ومش قادره أقف على رجلى انا هاعملك اللى عايزه والله بس سيبني دقتين ارجوك
مراد شالها
وتين اتكسفت
مراد وصل لاوضتهم ونزلها على السرير
وبدأ يشوف رجليها
مراد: انتى مضروبه
وتين كانت بتعيط وساكته
مراد : ردى عليا
وتين : ل لا انا انا اصل
مراد : انطقي
وتين عيطت مراد جاى يرفع ايده علشان يمسح دموعها
وتين خافت : ارجوك ماتضربنيش انا ماعملتيش حاجه كلكم ظالمني ابوس ايدك ماتضربنيش
مراد : ششششش وخدها في حضنه
وتين اتوجعت
مراد : في ايه
وتين : مافيش
مراد : لا في وراح رافع البلوزه بتاعتها بسرعه
وتين اتكسفت : انت عملت اى
مراد اتصدم لما شاف جسمها كله ازرق ونازل منه دم
مراد : يانهار اسود جسمك مالو
مين عمل فيكي كدا
وتين : بابا علشان افتكر انى على علاقه بيك
مراد لعن نفسه
مراد : طاب اهدي وجاب مرهم وبدأ يدهن ليها
مراد: دا هايريحك ماتقلقيش
وبعدين خدها في حضنه ونام
وتين كانت محروجه جدا
مراد : اهدى وجسمك هايرتاح
وتين استكانت في حضنه ونامت
مراد فضل باصصلها بحب
وبعدين نام
..........
مصطفي روح البيت ماكنشي في حد استغرب وبعدين لقي الباب بيتفتح
مصطفي : كنتم فين
محمود: البيه اخوك اتجوز
مصطفي : ايه ازاى
محمود : البيه اتجوز بنت عدونا يعني انا اديته اختك علشان اخلص منه اخوك راح اتجوز بنته
مصطفي: انا مش فاهم حاجه
محمود : ابقا خلى البيه يشرحلك
وبعدين بص لهناء : وانتي تعاليلي بقا بنتك ازاى في طب
هناء اتوترت : ما ماعرفشي
محمود : ازاااااى فهميني
مصطفي : مين اللي في طب
محمود : اختك
مصطفي : ازاى
محمود: ماعرفشي بقا كل حاجه تتعمل من ورايا عال والله
هناء : قلت ماعرفشي اسأل بنتك
محمود جاله تليفون ووشه اتغير وطلع بتوتر
محمود : ايوا تمام كدا الورق جيه
شكرا ليكي مش عارف من غيرك كنت عملت ايه
مصطفي : مين دي يابابا
محمود وقع منه التليفون وبصله بصدمه