رحيم : جهزتوا
الكل : أه
رحيم : أنا وكرمة وثريا هانم هنكون في عربية وهاشم وجلال وقاسم في عربية
هاشم(تحسه أنه هيردح) : نعم
رحيم : أيه
هاشم : أنا وثريا في عربية وأنتوا كلكم في عربية تانية
وفعلا هاشم أخد ثريا في عربيته
جلال : هو أحنا أزاي ساكتين للراجل ده
قاسم : مضطرين يا أخويا
رحيم : يلا
وركب رحيم وقاسم وكرمة وجلال العربية التانية
رحيم ألي كان بيسوق وجنبه كرمة وقاسم وجلال ورا
..........
عند هاشم وثريا
هاشم : برضو لبستي الفستان ده
ثريا : وأنت مالك أيه حشرك
هاشم : حشرك... بقيتي بيئة أوي يا بيبي
ثريا : بيبي... لا شوف الرُقي ألي بيشع من وشك
هاشم : بت أتعدلى
ثريا : بت لما تبتك يا متخ**لف
هاشم : طب وربي لو لمحتك بتكلمي حد هناك ولا تهزري وتقعدي تداري رجلك ألي باينة دي بدل ما أخليكي تندمي.. وأنا نفسي أخلكي تندمي (وغمزلها)
ثريا (بغيظ) : حيواااااااااااااان .. وايه رأيك هتكلم مع الكل وههزر مع الكل مالكش دعوة بياااا.. ويوم خطوبة جلال هلبس فستان أقصر من ده بس كدا
هاشم (بغضب مكتوم) : أبقى أعمليها علشان ساعتها مش هخلي فيكي رجلين تمشي بيها.. مش تبينيها
ثريا : وأنت مالك.. وأنت مااااااالك
هاشم : جوووووزك
ثريا : ماحصلش
هاشم (بخبث) : هيحصل
ثريا : نعم؟!
هاشم : أصل أنا ناويت أنِ أتجوزك بدل ما أنتِ عانس كدا
ثريا : عانس😳😳
هاشم : أه لايكون فاكرة نفسك حلوة كدا.. لا ده أنتي تموعي النفس يا شيخة.. روحي جاتك داهية في حلاوتك.. وأنتي زي القمر بالفستان ده 😉😉
ثريا : بجد يعني لسه شكلي حلو ماكبرتش
هاشم : فشر قطع لسان ألي يقول عليكي كبرتي.. لسه حلوة زي ما أنتي.. وكل مره بتحلوي أكتر
ثريا : برضو مالكش دعوة بيا
هاشم : 😳😳
(حد يشيل الجوز دول من قدامي بدل ما أرتكب جناية)
_________________رهن حمايته_____________________
في العربية التانية
قاسم (بيقلد صوت واحدة ست) : شيل ايدك عني
جلال : هو أنا جيت جنبك
قاسم : أه يا أخويا أكدب أكدب.. مش كفايه رايح تتجوز عليا
جلال : أنا😳
قاسم : أه.. ولا كمان أخدني معاك يا جبروتك يا أخي.. هونت عليك أنا وابنك إلى فى بطني ترمينا الرمية دي
جلال (بيساير قاسم) : يا حبيتي ما انتي عارفه أنك أنتي ألي في القلب
قاسم : ياسلام يا آخويا أمال هتتجوز عليا ليه
جلال : دي خرزة زرقة أخزي بيها العين.. لكن أنتِ ألي في القلب يا قمر(وجه يحضن قاسم)
قاسم : حاسب العيال قدام
جلال : أه.. خلاص يا جميل براءة (وغمزله)
رحيم : ماتلم نفسك أنت وهو
قاسم : رجالة ماعندهاش نظر
رحيم :😳😳
قاسم(كان لسه بيقلد صوت الست) : بقولك أيه يا جلال.. أنا والبنت دي لايمكن نقعد في مكان واحد
جلال : أزاي
قاسم : يعني أنا قلبي مايستحملش يشوفك معاها.. يتكسر يا أخويا.. أهئ أهئ
جلال : عيوني يا قلبي هشوفلها شقة برا
قاسم (بردح) : نعم يا أخويا عاوز تخدلها شقة لوحدها
جلال : أمال اعمل أيه
قاسم : بقولك ايه ما تسيبك من الجواز دي وتيجي نروح وأنا أدلعك(وغمزله)
جلال : أحم.. العيال قدام
قاسم : والله يا أخويا انا مش عارف ايه الي جاب العيال دي معانا
رحيم :😳😳
وطبعا كرمة كانت هتموت من الضحك
جلال : طب أقفلي يابت الزراير بتاعت القميص دي ولا رايحة تتعاكسي
قاسم : لسه بتغير عليا يا ابو العيال
جلال : هو أنا ليا غيرك يا أم العيال
رحيم : يع.. علاقة قذرة
قاسم : والنبي خليك في حالك يا أخ
جلال : بت.. أنا هنا الراجل وانا ألي أرد
قاسم : لامؤاخذه يا أخويا هو ألي أستفذني
جلال : صوتك مايطلعش.. وياريت تتحجبي وتداريلي شعرك الطويل ده
قاسم : عيوني.. أنت تأمر يا سيد الناس (ومال على جلال)
كرمة : ههههههههههههه... حرام عليك ياعمو جلال في حد يتجوز على تنط قاسم القمر دي
قاسم: قوليله ياختي... رجالة ماعندهاش نظر
(تصدقوا كلمة كمان والعربية هتولع بيهم انشاء الله😂😂)
_________________رهن حمايته ___________________
وصلوا كلهم لفيلة حياة
والد حياة أسمه شاكر
شاكر : أهلا وسهلا نورتونا يا جماعة
هاشم : بنورك يا فندم
شاكر : افندم ايه احنا هنكون نسايب ولا أيه.. أنا شاكر والد حياة (ومد أيده سلم على جميع وجه يسلم على ثريا بسرعة سحب ايديه هاشم وسلم عليه بدالها)
هاشم : وأنا هاشم والد جلال
الكل أتصدم
شاكر : بس أنا أول مرة أشوف حضرتك
هاشم : أصل أنا كنت بسافر كتير ومش باجي هنا غير فين وفين
شاكر : أه أه
(بصراحة شاكر كان عاوز يتجوز ثريا😁😁)
شاكر : نورتينا يا ثريا
هاشم : بنورك.. بس أسمها أم رحيم مش ثريا
ثريا : أم أيه😳
شاكر(بخبث) : بس ثريا مش بتحب حد يندهلها غير بأسمها وبالذات لما يكون قريب منها
هاشم : وأنت مش قريب يا شاكر بيه
شاكر : بس هنكون قرايب ولا أيه
هاشم (بص على جلال) : مش باين كدا
جلال (همس في ودن رحيم) :ما تسكت الراجل ده بدل مايبوظ الجوازة
رحيم : من ناحية أنها هتبوظ فهي هتبوظ
دخل أخو حياة وسلم على الكل (كلهم كانوا قاعدين في الصالون)
عمار :أهلا بيكم
شاكر : ده عمار أبني
عمار قعد وكان مركز مع كرمة ورحيم كان هيشيط
عمار : مش تعرفونا(وشاور على هاشم وكرمة لأنه اول مرة يشوفهم)
شاكر : ده هاشم ويكون والد رحيم ودي...
هاشم: دي كرمة بنت رحيم
رحيم :نعم 😳
شاكر (بتعجب) : أه.. أهلا وسهلا.. تشربوا أيه
جلال (بسرعة) : شربات
هاشم بصله بصة خرسته
جلال : أحم قصدي علشان نخلص
شاكر: ههههههههه.. ومالك مستعجل ليه ياعريس
هاشم : خلينا في المهم
شاكر (مكانش طايق هاشم ) : أتفضل
هاشم : أحنا جايين نطلب أيد بنتك لأبني جلال
شاكر : أحنا يكون لينا الشرف
ثريا : واحنا تحت أمركم في أي طلبات تطلبوها
شاكر : العفو يا ث.. (هاشم بصله بصه رعبته).. قصدي ي أم رحيم
ثريا (بغيظ.. وصوت واطي) : أم رحيم.. يع
رحيم كان بيحاول يكتم ضحكته
جلال : قولت أيه يا عمي
هاشم(بيمثل انه متعصب) : أنا بقول اقوم امشي أنا مدام أنت وهي خلصتوا الموضوع (قصده جلال وثريا)
قاسم(بتمثيل هو كمان) : قوم بينا ياهاشم بيه الظاهر أنه ماحدش محترمنا هنا (وفعلا وقف هاشم وقاسم)
جلال : لالا مش قصدي أنا أسف .. أتفضلوا أقعدوا بس
هاشم (وهو بيقعد) : ناس ماتجيش غير بالعين الحمرا.. المهم طلباتك
شاكر : هو في أيه
هاشم : طلباتك
شاكر : أحم.. أه طلباتي.. أول طلب يكون لبنتي فيلا لوحدها
هاشم : فيلا لوحدها
شاكر : باين أول طلب منالش رضاكم
جلال : أصل يا عمي أنا حابب أسكن مع عيلتي
شاكر : والله يبني ده ألي عندى.. وياريت تكون فيلا كبيرة زي ألي إحنا ساكنين فيها دي
جلال : يا عمي
هاشم : أنا أمشى بقى مدام ماليش لازمة
قاسم :قوم بينا يا هاشم بيه
(وقاموا الأتنين 😂)
جلال : خلاص خرست ممكن تقعدوا
ثريا (بهمس لهاشم) :أقعد فضحتنا
هاشم : غير الفيلا
شاكر : عربية بي ام وتكون بأسمها والفيلا كمان تكون بأسمها
رحيم : غيره
شاكر : المهر ٥ مليون والمؤخر زيهم
هاشم : غيره
شاكر : لا كفايا كدا الشبكة دي هنسيبها تجيبوها على زوقكم... بس ماتكونش أقل من طقم ألماظ ٢٤ قيراط
قاسم : حقك بصراحة.. ما أنا لو بنتي برضو حياة محلول مش هقبل أقل من عُقد ألماظ
جلال :قاسم لو سمحت
هاشم : أنا أمشي بقى مدام ماليش لازمة
قاسم : قوم بينا يا قاسم بيه
جلال : خرست أهو خرست (وحط أيده على بقه)
رحيم : حضرتك تحب الفيلا في مكان معين ولا أي حاجه
شاكر (بعجرفة) : لا أفضل أنها تكون على البحر
جلال : بس كده هتكون بعيدة عن الشركة
هاشم : لا وحيات أمك هو ده ألي فرق معاك
وقف قاسم وقرب من شاكر
قاسم : نزل رجلك
شاكر: نعم
قاسم : نزل رجلك
شاكر : نعم
قاسم : نزل رجلك (وقام ضرب شاكر في رجله برجله علشان ينزلها)
شاكر : أيه ألي أنت عملته ده
قام هاشم وقرب هو كمان على شاكر
هاشم : يعني أحنا من الصبح مستحملين تقل دم حضرتك.. وحططلي رجل على رجل وعمال تتشرط واحنا ساكتين ومش راضين نتكلم
قاسم (مسك شاكر من هدومه) :بقى حياه محلول عايزلها فيلا على البحر.. دي بنتك لحد دلوقتي ماتعرفش تفرق بين الكزبرة والبقدونس
شاكر : هو أيه الفرق بين الكزبره والبقدونس
قاسم : تعال وانا اقولك (وجه يضر*ب شاكر وقفه هاشم)
جلال (على وشك انه يبكي) :الجوازة باظت
هاشم : قااسم... عيب يا ولد أنا علمتك تض*رب حد.. سيبه
قاسم :ماهو...
هاشم : سيبه يا قاسم
وفعلا سابه قاسم ولكن مسكه هاشم
هاشم : بقى أنت عاوز طقم ألماظ
شاكر :أه
هاشم : ده أنا شبكت أمه بحلة من غير غطى
ثريا : بيئة يا بيبي
رحيم : وبعدين يا جماعة عيب كدا أحنا في بيتهم نزل ايدك يا هاشم عنه لو سمحت وانت اتفضل يا عمي. عندي دي
شاكر : أنا لولاك انت يا رحيم كنت طردتهم من بدري
رحيم : أحنا أسفين معلش
شاكر : أنت عاارف أني...
رحيم (بزعيق) : ما خلاص أقعد
قعد شاكر بخوف
عمار : هدوا نفسك يا جماعة
هاشم : أستغفر الله
جلال : احنا اسفين يا عمي وخلينا في المهم
هاشم : أمشي أنا مادام ماليش لازمة
قاسم : قوم بينا يا هاشم بيه
جلال : خلاص اتخرست
عمار : طب يا جماعة بما انه انشاء الله هيكون في بينا نسب أنا حابب اني اطلب أيد بنتكم كرمة ايه رأيك يا بابا
رحيم :😳😳
شاكر : والله يبني لو وافقوا أنا ماعنديش مشكلة.. وعندي استعداد اخفف طلباتي كمان