تحميل رواية «رغد وكبريائه» PDF
بقلم مروة حسن
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
عن الرواية
ل 1أنا ٱسف يفندم ممنوع تدخلي بالنقاب رغد / هو أي ده اللي ممنوع أنا عندي ميتنج جوا هيبدأ كمان دقيقتين ممنوع للمنقبين يدخلوا الكافي يعني حضرتك تقدري تعملي الميتنج في اي كافيه تاني رغد / أنا اصلا ميشرفنيش ادخل مكان كل اللي موجودين فيه بالمنظر ده انتو هتتشوو في جهنم منكو لله رغد طلعت الفون عشان تكلم مراد اللي المفروض مديرها أو كان هيبقى مديرها رغد / ايوا مستر مراد هو ينفع نغير الكافيه اللي اتفقنا عليه عشان مش مناسب معايامراد / يعني اي مش مناسب أنا اصلا وصلت من عشر دقايق ومعاد الميتنج من 3 دقايق وانت...
رواية رغد وكبريائه الفصل الأول 1 - بقلم مروة حسن
رواية رغد وكبريائه الفصل الثاني 2 - بقلم مروة حسن
مراد أخذ رغد ودخل الكافيه بكل كبرياء.
مراد: من أولها كده عملتي مشكلة.
رغد: يعني إيه حضرتك هو اللي وقفني وقال ممنوع أدخل بالنقاب.
مراد بعصبية: أنا عارف كل ده. كان ممكن تتصلي من الأول بس إنتي وقفتي تتكلمي معاه واتأخرتي 5 دقايق.
رغد: حضرتك أنا كبيرة وأقدر أحل مشاكلي بنفسي.
مراد: واضح جداً.
رغد: ممكن أعرف إنت مين؟
مراد: أفندم.
رغد: يعني حضرتك مين عشان تقدر تطرد مدير الكافيه كده بمنتهى السهولة؟
مراد: صاحب الكافيه مثلاً.
رغد: اممم بس اللي أنا أعرفه إنك صاحب شركة ستارز للأزياء.
مراد: عندي مجموعة من الشركات مش بس شركة ستارز للأزياء والكافيه ده برضه. عندك مانع؟
رغد بإحراج: احم لا أبداً. أنا آسفة إني كنت سبب غير مباشر للتأخير. اتفضل حضرتك ده الـ C.V بتاعي.
مراد بإعجاب بعد ما ألقى نظرة على الـ C.V: تمام. هتبدأي من بكرة.
رغد: بالسرعة دي؟
مراد: معنديش وقت أضيعه والـ C.V بتاعك مناسب. اتفضلي امضي على الورق ده.
رغد: ليه كل ده؟
مراد: كان المفروض ليكي 5 دقايق تقريهم بس إنتي ضيعتي الوقت ده.
رغد بدموع: على فكرة أنا اعتذرت مع إن دي مش غلطتي وحضرتك السبب أصلاً إنك مش فاضي تعرف إيه اللي بيحصل في الكافيه بتاعك.
مراد عارف إن معاها حق: طيب ممكن تاخديهم دلوقتي وتجيبيهم معاكي بكرة الشركة بعد ما تمضيهم.
رغد: امم ممكن أسأل سؤال؟
مراد: بسرعة.
رغد: داليا أسيسنت حضرتك كانت هي اللي هتقابلني النهارده. هي كويسة؟ عشان حضرتك يعني اللي جيت بدالها.
مراد: آه كويسة. الميتنج خلص اتفضلي تقدري تمشي.
رغد في سرها: إيه التكبر ده. بس يستاهل الصراحة. إيه ده استغفر الله.
رغد أخذت الورق وهي باصة في الأرض وقالت: السلام عليكم. ومشيت.
مراد بإبتسامة بعد ما مشيت: وعليكم السلام.
رغد ركبت تاكسي وهي بتفكر. قررت تروح تقضي اليوم عند باباها.
(رغد باباها ومامتها منفصلين لسبب هنعرفه بعدين. وهي قررت تصرف على نفسها من أول يوم اتخرجت فيه وبقت تاخد كورسات أونلاين في لغات كتير. وكانت متابعة دايماً عروض الأزياء اللي بتعملها ((شركة ستارز)) دي واحدة من أكبر شركات الأزياء في مصر والعالم كله. كانت بالنسبالها مجرد حلم مش أكتر. لأن أغلب الشركات العالمية ليها أوتفيت معين ممنوع الحجاب والنقاب. مين ممكن يسمحلها تدخل هناك حتى لو عندها موهبة زي التصميم اللي محدش يعرفها.)
وهي في التاكسي مقدرتش تصبر. عايزة تشوف إيه اللي مكتوب في الورق وتمضي عليه وتخلص. هي أصلاً مش مصدقة لحد دلوقتي.
الورق كان موجود في دوسيه شفاف عبارة عن 4 ورقات. الورقة الأولى مكتوب فيها كل حاجة مسموح بيها وكل حاجة ممنوعة في الشركة زي مثلاً: ممنوع استخدام التليفون أثناء العمل، ممنوع الأكل أثناء ساعات العمل، وغيرهم كتير.
رغد وهي بتضحك: مش معقول بجد ده. فاكرنا في مدرسة؟ ممنوع الأكل، ممنوع الشرب، ممنوع التليفون. ناقص يقول ممنوع دخول التويلت كمان.
الورقة الثانية: مكتوب فيها شروط كتير لازم تقبلهم. من ضمنهم البقاء في الشركة اليوم بأكمله إذا استدعى الأمر، السفر خارج مصر في أي ميتنج، وغيره.
رغد لنفسها: أنا مستحيل أضيع الفرصة دي. يبقى مش لازم أكمل قراية عشان أمضي وكده كده هقرأهم بليل عشان أعرف باقي القواعد.
وقعت على باقي الورق بفرحة وهي بتتخيل إنها خلاص بقت أسيسنت لصاحب الشركة اللي نفسها تدخلها طول عمرها. وهي متعرفش إن ده هيسبب لها مشاكل كتير بعدين.
في منزل والد رغد...
رغد: السلام عليكم ورحمة الله وبركاته.
والد رغد واسمه عبد الله: عليكم السلام ورحمة الله وبركاته. جاية بدري النهاردة؟
رغد: عشان وحشتني. مقدرتش أستنى لحد العصر.
عبد الله وهو بيحضنها بحب: وإنتِ وحشتيني أكتر يا حبيبتي. اطلعي أوضتك غيري وتعالي عشان عايزك في موضوع مهم.
رغد: من عيني. بس هي فين ماما مروة؟
عبد الله: لسه نايمة. يلا بسرعة يا رغد.
رغد طلعت بسرعة على أوضتها وغيرت هدومها واتوضت ولبست إسدال.
كانت هتنزل بس سمعت صوت تخبيط.
رغد افتكرت مرات أبوها لأن مفيش حد تاني في البيت: أخيراً صحيتي يا ماما مروة.
صوت رجولي هي عارفاه كويس: لا ده أنا يا رغد.
رغد بصدمة ومش مصدقة إن الشخص اللي مصدقت تخلص منه رجع تاني: رعد!!
رواية رغد وكبريائه الفصل الثالث 3 - بقلم مروة حسن
رواية رغد وكبريائه الفصل الرابع 4 - بقلم مروة حسن
رغد / مستحيل أسامح الشخص اللي كان السبب في إني أقعد شهر كامل بتعالج.
عبدالله / مش بسببه يا رغد، بسبب أخوه.
سكت شوية لما لقى مفيش رد منها، وبعدين اتكلم تاني.
عبدالله / فاكرة بعد كتب الكتاب جاله مكالمة وبعدها نزل بسرعة. المكالمة دي كانت من أخوه.
فلاش باك
بعد كتب الكتاب
رغد / أنا مش مصدقة إننا اتجوزنا فعلاً.
راعد / ولا أنا، كل حاجة حصلت بسرعة لدرجة حاسس إني في حلم، بس حلم جميل أوي.
رغد / إنت هتفضل دايماً تحبني صح؟
راعد / لحد آخر يوم في عمري.
رغد ابتسمت من تحت النقاب.
راعد / طب شيلي النقاب ده بقى، إحنا كتبنا الكتاب خلاص.
راعد مد إيده يفك لها الرباط بتاع النقاب، فك أول عقدة وقبل ما يفك التانية التليفون رن.
راعد / هو ده وقتك يا مارو. عايز إيه؟
مراد / سيب أي حاجة بتعملها وتعالى حالا. وقفل.
راعد / طيب يا رغد أنا همشي دلوقتي، بس بقولك إيه ها؟ هاجي تاني هه.
قال كده وهو بيغمز.
عدى يوم واتنين وجه معاد الفرح، وراعد مرجعش ومحدش يعرف السبب، والفرح اتلغى. ورغد دخلت في حالة اكتئاب حاد وفضلت منعزلة فترة كبيرة تقريباً شهر.
باك
رغد / أنا فاكرة إن راعد ليه أخ أكبر منه اسمه مراد، ده الكل في الكل تقريباً، بس راعد محكاش أي حاجة عنه قبل كده. إيه علاقته بالموضوع؟
عبدالله / هحكيلك.
فلاش باك
راعد / نعم يا مراد؟ قولتلي تعالى بسرعة وأديني جيت.
مراد / بسببك الشركة خسرت فوق الـ 100 مليون جنيه، تعرف كده؟ بسبب تهورك وإنه مش فاضي غير للصياعة وبس.
راعد / ما إنت عرفت إن السكرتيرة خلتني أمضي على الورق من غير ما آخد بالي وطردتها.
مراد بزعيق / كان فين بالك يا ترى وأنت بتمضي، هه؟ حتة سكرتيرة قدرت تضحك عليك؟ ليه يا ترى؟ عشان صايع وبتاع بنات مثلاً؟
راعد / خلاص توبت والله. والنهاردة كتبت كتابي كمان.
مراد بصدمة / إيه! إيه! كتبت كتابك من غير ما تقول لحد؟ وروحت اتقدمتلها لوحدك؟
راعد / الموضوع جه بسرعة. ولما اتقدمتلها أبوها سألني عن أهلي، قولتله مش عايشين معايا، كل واحد في بلد شكل ومحدش مهتم. وكتبنا الكتاب على طول، والفرح الأسبوع الجاي.
مراد / ده اختيارك ومحدش من حقه يتدخل فيه. بس كتبت الكتاب بدري لي؟ لي مستنتش في الفرح؟
راعد بعفوية / عشان أعرف أمسك إيدها. أصلها متدينة حبتين وكمان منقبة. تخيل ممنوع حتى أمسك إيدها يا خي.
مراد بتريقة / ومسكتها يا فالح؟
راعد / عيب عليك، أخوك جامد.
مراد / طب بص بقا يا جامد، مفيش أفراح لحد ما ترجع للشركة كل الخسائر اللي اتسببت فيها. أنت فاهم؟
راعد / بقولك فرحي كمان أسبوع وعريس وكده، وأنت تقولي سافر واشتغل بقا؟ ده اسمه كلام بردو يا مارو.
مراد / وأقسم بالله يا راعد لو ملمتش حاجتك وسافرت من بكرة الفجر، لأكون واخد منك كل حاجة.
راعد / طب وفرحي طب.
مراد / أنت وشطارتك. لو سريع هتقدر ترجعهم بسرعة. وأول ما ترجع للشركة الخسائر، ابقى روح اتجوز. على الأقل تبقى اتعلمت تشيل مسئولية.
باك
رغد / دلوقتي اتأكدت إني غلطت لما كتبت كتابي على واحد صايع زيه. صحيح ديل الكلب عمره ما يتعدل.
عبدالله / إحنا فعلاً كان المفروض منتسرعش في كتب الكتاب. كان المفروض نسأل عن أهله وعن أخوه ده اللي أنا لحد دلوقتي معرفش عنه حاجة غير إنه ملياردير. بس أنا عايزك تهدي عشان لما ييجي تقعدي معاه وتوصلوا لحل، وأنا معاكي في أي قرار هتاخديه.
رغد / حاضر يبابا. عن إذنك هطلع أرتاح شوية عشان تعبانة.
رغد طلعت على أوضتها، اتوضت وصَلت العصر، ولبست بيجامة خفيفة. كانت عايزة تنام عشان تهرب من الواقع اللي هي عايشة فيه. حطت رأسها على المخدة.
رغد في نفسها / هو قال إنه بيحبني، بس لما أخوه خيره بيني وبين الشركة اختار الشركة. ده مفكرش حتى يحاول يقنع أخوه، أو كان ممكن يقولي نسافر سوا. مستحيل يكون بيحبني فعلاً. معقول ده حب؟
راحت في النوم وهي بتفكر.
باقي اليوم مر بهدوء من غير أي تفاصيل. شروق قضت اليوم مع والدها ومرات أبوها مروة. ومحدش اتكلم عن راعد تاني.
بالليل كانت واقفة في البلكونة وماسكة فنجان قهوة، وحاطة قدامها الورق اللي مضت عليه من غير ما تقرأه.
شربت فنجان القهوة وقعدت ترسم بعض الفساتين. هوايتها هي التصميم أصلاً، بتحب ترسم وتبتكر موديلات جديدة. ولما بتخلص بتاخد رأي باباها ومرات أبوها وصاحبتها الجديدة "داليا".
الوقت جري وحست إنها عايزة تنام. فتحت الورق وبصت على القواعد والشروط نظرة سريعة ونامت.
في صباح اليوم التالي
رغد وقفت قدام الشركة بإنبهار، فكانت الشركة أكثر من رائعة.
رغد / وااااو، إيه الجمال ده؟ بسم الله ما شاء الله. دي طلعت أحلى من الصور.
رغد دخلت، وكانت الشركة من جوا فخمة جداً. كانت ماشية وسط نظرات الموظفين اللي مستغربين من هيئتها ولبسها. أول مرة يتم قبول موظفة بالنقاب في الشركة. بل إن جميع من بالشركة لهم يونيفورم محدد، كان عبارة عن سكرت قصير باللون الأسود وتوب أبيض وجاكت أسود.
أما الرجال فعبارة عن بنطلون أسود وقميص أبيض.
غريب، لم تكن تعرف أن للشركة يونيفورم.
داليا (صاحبة رغد، هتستقيل عشان حامل ورغد هتشتغل مكانها) / إزيك يا رغود. جاهز يا معلم تستلم شغلك الجديد؟
رغد / الحمد لله. جاهزة أكيد.
داليا / بصي بقا يا ستي، ده هيبقى مكتبك. الجرس ده لما يرن تعرفي إن مستر مراد عايزك. هتسيبي أي حاجة مهما كانت وتروحي له.
داليا / بالنسبة للفون الأسود ده خاص بمكتب مراد بس، أما بالنسبة الفون الأزرق ده خالص بالعملاء. تمام؟
رغد / تمام. شكراً يا دودو.
لاحظت رغد فتاة شقراء تضع الكثير من مستحضرات التجميل مع ليبستيك أحمر فاقع، ونظراتها كلها كبر وغرور.
رغد / بقولك إيه يا داليا؟ هي مين دي ومالها عاملة تبص بقرف كده لي؟
داليا / دي ميرنا. خدي بالك منها. متكبرة و بتاعت مشاكل. وفي إشاعات إن بينها وبين مستر مراد علاقة، بس أنا مش مصدقة. شايفه موظفات الشركة لابسين جواكت وكمان لابسين استرتش أبيض، ما عدا هي مش لابسة غير سكرت أضيق من حياتي وتوب بس.
رغد بضحك على كلامها / خلاص فكك منها، ربنا يهديها. إنتي هتمشي دلوقتي؟
داليا / أيوا، يلا ربنا يكون في عونك يا حبيبتي.
باي يا داليا.
داليا مشيت ورغد استلمت مكانها، ومراد كان لسه مجاش وكله تمام.
ميرنا راحت وقفت قدامها وبتبص من فوق لتحت.
ميرنا / إنتي يا أم نقاب! إنتي بتعملي إيه عندك؟ وفين السكرتيرة الجديدة؟
رغد / سلامة النظر يا حبيبتي. إنتي مش بتشوفي ولا إيه؟ ما أنا قدامك أهو، السكرتيرة الجديدة.
ميرنا بحقد / وإز... إزاي سمحولك أصلاً تدخلي الشركة بالمنظر المقرف ده؟ إنتي مشوفتيش نفسك في المراية قبل ما تيجي؟
مراد وصل الشركة وكان داخل المكتب، بس وقف لما سمع كلام ميرنا.
قال بصوت جوهري سمع الشركة كلها / اللي قدامك دي أحسن منك مليون مرة، إنتي فااااهمة.