انت مطلوبه في بيت الزوجيه بطلب السيد ثائر المحمدي.
ايييييه !!!!
لأ لأ أكيد مش صح.
احم طيب هو مينفعش.
ياريت تجهزي يا مدام عشان هوصلك بنفسي. دي أوامر.
قعدت على الكرسي بدموع: يارب ارحمني بقا. هو عايز ايه تاني. أنا تعبت.
هتعملي إيه.
هروحله بس هخليه يندم.
وصلت الشقة مع المحضر ودخلت. كان ثائر مستنيها وبيطلها بانتصار.
عملت اللي انت عايزه.
أوي يا حبيبتي. عرفت اجيبك مكسورة. لأ وكمان لسه فيه مفاجأة صغيرة جميلة وهتعجبك.
بصتله بتساؤل واتفاجأت لما نادين خرجت من جوه وبصتلها بشماتة.
هي بتعمل إيه هنا.
مراتي.
انت مجنون. إزاي دي أختي.
ضحك باستهزاء: أختك مين. انتي لسه عايشة في الوهم ده. نبيلة متبقاش أمي.
الصدمات متتالية. للأسف لم تتحملها.
انتوا عايزين مني إيه ها. وانت ليك عين تعمل فيا ده كله. انت مستوعب اللي بتعمله. أنا مراتك. أم بنتك. بنتك اللي انت حتى مفكرتش تشوفها. وبعدين هتقولي بعاقبك عشان مشيتي. أيوه مشيت لما تخونيني وتجرحي كرامتي. وكمان تعترفي بكده. يبقى لازم أمشي. لما أمي. أو ال كنت فاكراها أمي. طردتني. كنت عايزني أروح فين. عارف اللي أنا كنت معاهم دول هما اللي وقفووا جمبي. خالد ده. هو اللي ولدني عشان هو دكتور. واخته هي اللي ساعدتني أقف من تاني. لولاهم كنت اترميت في الشارع لكلاب السكك. دلوقتي جاي تلومني على حاجة أنا اللي مظلومة فيها. منك لله يا ثائر. أنا بكرهك. بكرهك.
متصدقهاش يا حبيبي. دي بتعمل كده عشان.
اطلعي بره. انتي طالق يانادين. بره.
قرب من حور اللي كانت موطية راسها في الأرض وقال بحنان: آسف.
على إيه؟
على كل حاجة. صدقيني أنا غلطان. عارف. بس انتي اللي استفزتيني. لما لقيتك مع راجل غريب. وكمان نبيلة السبب.
انت بجد مصدق نفسك. هو انت أي حد يقولك أي حاجة تصدقها. حقيقي أنا مشفقة عليك أوي. عشان عندك طبع الخيانة. فاكر الناس كلها زيك. وصدقت عليا أي كلام ده. أنا لولا شوفتك بعيني وانت في حضن غيري. مكنتش صدقت. الجواز أساسه الحب والمودة والرحمة. قال تعالى: (وَمِنْ ءَايَٰتِهِۦٓ أَنْ خَلَقَ لَكُم مِّنْ أَنفُسِكُمْ أَزْوَٰجًا لِّتَسْكُنُوٓاْ إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِى ذَٰلِكَ لَءَايَٰتٍۢ لِّقَوْمٍۢ يَتَفَكَّرُونَ). عرفت بقا إن فعلا القدر ليه رأي تاني. طلقني يا ثائر وريحني. ولو لمرة واحدة.
حور.
طلقني.
بص الناحية التانية واتنهد بحزن: انتي طالق ياحور.
بس عشان خاطري فكري تاني. عشان بنتنا.
ضحكت بسخرية وخدت بنتها وخرجت من الباب. وشافت قدامها خالد بيتكلم وهو بينهج: انتي كويسة. عملك حاجة.
اهدا. أنا كويسة. وأحسن بكتير من الأول. أنا متشكره ليك أوي يا خالد. أنا مديونة ليك بعمري كله.
مفيش بينا شكر ياحور. هتعملي إيه دلوقتي.
هروح بيت أهلي.
انت السبب. عملتي ده كله عشان تكسريني تاني. اهو طلقني وهيرجع لها. أنا ماشية ومش هتشوفي وشي تاني.
يابنتي اهدي. عشان خاطري. أنا عملت كده لمصلحتك.
ابعدي عني بقا. أنا بكرهك.
يعني انتي عملتي كل ده عشان بنتك.
اطلعي بره. انتي طالق بالتلاتة. ربنا ينتقم منك.
محمد افهمني ياخويا.
برررره. انتي مكانك الشارع.
وبالفعل نبيلة نزلت ومشيت في الشوارع وهي ملهاش حد. وعرفت إن هي خسرت كل حاجة.
بابا.
حور.
وحشتني أوي يا بابا. شوفت حفيدتك جميلة إزاي.
جميلة زيك وانتي صغيرة ياحور. كنتي فين. ووجعتي قلبي عليكي.
هو ده كل اللي حصل يا بابا. قولي بقا إزاي نبيلة مش أمي.
فهمها كل حاجة. وإن نبيلة مرات أبوه مش أمه. وحور حضنته وفرحت إنها رجعتله واتطلقت من ثائر. وبعدت عنه.
أما ثائر اتأكد إن خسرهم للأبد. وحاول معاها كتير. لكنها صممت. ودلوقتي هو خسر كل حاجة في شغله بسبب إهماله. وصحته ابتدت تتعب وتتدهور.
محمد بابتسامة: حور. جايلك عريس.
بابا.
معلش. قابليه بس. ولو رفضتي أنا معاكي. بس حاولي يابنتي. انتي لسه صغيرة برضوا.
تمام يابابا.
في المساء. وصل العريس. وحور دخلت عنده.
خالد!!!!!
نفسي أقولك وحشتيني. بس مفيش حاجة رسمية.
جيت هنا ليه.
يعني أمشي يعني. بصي يابنتي. المهم أنا الصراحة كده بحبك. وعايز أكمل حياتي معاكي.
خالد. انت مستوعب انت بتقول إيه. إيه عايز تتجوزني إزاي. أنا مطلقة ومعايا بنت. وانت دكتور وشاب. وتستاهل حد أحسن مني بكتير.
وأنا عايزك انتي ياستي. وموافق بكل حاجة. وبعدين ميان مولودة على إيدي. وبحبها زي بنتي بالظبط. وأوعدك إن عمري ما هزعلك.
بس.
صدقيني ياحور. أنا هعوضك عن كل اللي شوفتيه في حياتك.
موافق.
بالله.
بالله.
المأذون يا عمي.