تحميل رواية «ندم عمري» PDF

آدم: عايز أقولك حاجة.

آدم: وأنا كمان يا سما عايز أقولك حاجة.

سما: إيه رأيك نقول إحنا الاتنين مع بعض؟

آدم: Okay.

سما: أنا حامل.

آدم: أنا اتجوزت عليكي وهيه مش عايزة ضرة. انتي طالق بالتلاتة.

وبسخرية: يا ترى ابني ولا ابن مين؟

سما، وهى تضربه بالقلم: اخرس، قطع لسانك. انت متعرفش أنا مين ولا إيه.

آدم: للأسف عارف. ما هي اللي تمشي معايا قبل الجواز، تمشي مع غيري بعد الجواز.

سما: أنا مش عارفة انت كده إزاي؟ بقالنا خمس سنين متجوزين وبتقول عني كده. اتقي الله يا أخي، بجد اتخدعت فيك. حسبي الله ونعم الوكيل.

آدم: أيوا كده، طلعي ستنا الشيخة اللي جواكي اللي بتصلي وبتصوم اتنين وخميس. أنا كنت هطلعك بره البيت بهدومك، لكن دلوقتي هتطلعي بره بلبسك اللي انتي لابساه وبس.

سما، بسخرية: ده عند أم ربيع اللي بتشتري وتبيع. الشقة من حق الزوجة يا روحي، ومتنساش كمان إني حامل. اتفضل انت من غير مطرود.

دخلت أمه وقالت: انتي بتقولي إيه يا بتاعة انتي، بتطردي ابني من بيته؟ عيني عينك يا بجاحتك يا شيخة. وبعدين ده بقى بيت نرمين. تعالي يا نرمين.

نرمين: ازيك يا دومي، وحشتني. بقالك كتير بعيد عني عشان البتاعة دي.

آدم، بضيق: أهلاً.

نرمين: يلا من هنا يا بت انتي، واحد ومراته وأمه قاعدين، مش عارفة إيه اللأزقة دي.

سميرة (والدة آدم): هيه لازقة فعلاً، عندك حق. ما تمشي وتغوري من وشنا.

سما: والله يا عسل، ابنك وطلقني بالتلاتة ومعنتش على ذمته. وكمان حامل والشقة من حق الزوجة. أنا كنت بعتبرك زي أمي وبعاملك بما يرضي الله، مع إنك كنتي بتزليني عشان مش بخلف. ويوم ما أبقى حامل ابنك يطلقني ويهيني بالشكل ده.

سميرة: أم مين يا جربوعة انتي؟ واه مكنتش طايقاكي. الحمد لله ابني حبيبي رماكي واتجوز بنت خالته. وكمان إحنا مش متأكدين اللي في بطنك ده ابن ابني، ما يمكن تكوني زي أمك الرقاصة.

سما: اخرسي. أنا كنت بسمحلك تهيني فيا وتجرحيني بالكلام، لكن تيجي عند أمي وخط أحمر. أمي دي أشرف منك ومن اللي زيك.

قاطعها آدم بقلم على وشها وقال: اخرسي، هو محدش عارف يلمك ولا إيه؟

ردت له سما القلم وقالت: آه، لأن أمي وأبويا راحوا عند اللي خلقهم ومجبوليش إخوات يدافعوا عني. بس علموني حاجة، اللي يهين كرامتي أديله على دماغه. وعلموني ادافع عن نفسي كويس. لكن كنت بسكت لأمك عشان بعتبرها زي أمي الله يرحمها. لكن مفيش حد زي أمي للأسف، وكان فكري غلط.

سميرة: بطلي محاضراتك دي ويلا اطلعي من هنا، لاهجبلك البوليس يرميكي بره يا خا/طية.

سما، وهى تقعد وتحط رجل على رجل: أنا مستنية أهه، هاتيه بس بسرعة عشان عايزة أزور صاحبتي.

سميرة: لأ كده كتير، أنا جبت آخري من الباردة دي. اتصرف يا آدم.

آدم، بهمس: للأسف هيه معاها حق. إحنا مش من حقنا نطردها.

سما: شاطر يا بيبي، لأ بجد شاطر وبتفهم في القانون كمان. عن إذنكم، هروح أزور رهف. عايزة أجي ملاقيش الحثالة دي في بيتي. انت بس اللي مسموح لك تقعد، ولحد بكرة لما تلاقيلك شقة. سلام يا... يا دومي.

نرمين: سيبوني عليها، نفسي أجيبها من شعرها.

سميرة، بسخرية: ما كانت قدامك يا أختي، معملتيش كده ليه؟ ولا انتي لسان وخلاص. بقولك يا ابني، ما ترفع عليها قضية نسب، وادفع وانكر الطفل ده.

آدم: مش هينفع، كلنا عارفين بالمتأكد إنه ابني.

نرمين: يبقى نقتله، عطشان نتخلص منها وننهي اللي يربطنا بيها نهائي.

سميرة: والله وبقيتي بتفكري يا بنت صابرين.

آدم: انتو إيه؟ مفيش في دماغكم غير الشر. قلتي طلقها، دي مبتخلفش، طلقتها وفي الآخر طلعت حامل. اطردها، طردتها، وفي الآخر هيه اللي هتطردنا كلنا. لأ وكمان عايزني أموت ابني. اسكتوا بقى.

ومشى ونزل وساب البيت.

نرمين: ها هنعمل إيه يا خالتي المصيبة؟ ليرجعها تاني.

سميرة: يرجعها تاني إيه؟ مصدقنا خلصنا منها.

رهف: إيه يا حبيبتي، اللي منزلك دلوقتي؟ تعالي اتفضلي.

سما، بدموع: أنا...

رهف، بصدمة: إيه؟

إيه يا حبيبتي اللي منزلك دلوقتي، تعالي اتفضلي.

أنا اتطلقت.

إيه! بعد حب وجواز عشر سنين جاي يطلقك.

زي ما بقولك كده.

وحكت لها كل ما حدث.

الواطي الجبان ييجي تحت إيدي بس وهديله بالجزمة.

كفاية اللي أنا عملته فيه ولسه ياما هيشوف.

هتعملي إيه؟

لازم أبقى قوية وأنزل أقدم على شغل وأعمل ماجستير ودكتوراه في البيولوجيا الجزيئية.

طب والطفل اللي في بطنك ده إيه مصيره؟

عادي، هكون أنا أمه ومش هخلي أبوه يشوفه.

حرام عليكي تعملي كده، خليه على الأقل يشوفه، ما يمكن قلبه يحن ويرجع.

ومين قال إنه عايز يعرفني؟ ده بيشكك في نسب الطفل ليه.

للدرجادي! يلا حسبي الله ونعم الوكيل، يا ما قولتلك متقبلهوش قبل الجواز هيزلك بيها وهيفكرك إنك خونتي أهلك ومشيتي معاه من وراهم، بس انتي حبك كان أعمى، يلا اديكي خدتي جزائك، قربي من ربنا واستغفريه وخلي ليكي ورد قرآن يومياً بعد الفجر.

يلا اللي حصل بقى، كل شيء قسمة ونصيب، ربنا يحفظك ويبارك لي فيكي يا قطتي.

ويبارك لي فيكي يا روحي.

أنا هقوم أمشي وأشوف إيه اللي هيحصل تاني.

ما تسيبلهم الشقة وتعالي عيشي معايا.

إيه رأيك تيجي تقعدي انتي معايا بدل ما أقعد لوحدي.

تصدقي فكرة، طب وهم.

لأ خلاص، دول معتوش ليهم رأي، الرأي رأيي، بعد كده هولد وبعدين أجي أقعد معاكي بعد كده.

ماشي، يلا بينا.

تعالي معايا الأول هشتري حاجة.

Okay.

نرمين: خالتي جاتلي فكرة.

سميرة: أشجيني يا أختي.

نرمين: بصي.

سميرة: يخربيت عقلك، جبتي دي منين؟ وبعدين تفتكري إن آدم هيسيبك تعملي كده في ابنه.

نرمين: آدم دلوقتي هتلاقيه مع الصديق السوء في كباريه، مش بعيد يكون جاي سكران ومعاه بنت.

سميرة بخبث: عرفتي منين ها.

نرمين بتوتر ملحوظ: ها، لأ معرفش، أنا بخمن، أصل واحدة صحبتي شافته هناك مرة وقالتلي، بما إني بنت خالته.

سميرة: طيب يا أختي، يلا أما ننزل، قعدتنا هنا ملهاش لازمة.

نرمين: ماشي.

بعد مرور الوقت.

سما: تعالي يا رهف، الحمد لله نزلوا.

رهف: لأ، أنا خايفة وقلبي مقبوض، أنا بقول تلمي هدومك ونمشي من هنا، حاسة كأني في مقبرة.

سما: لأ، ويلا ننام، مش قادرة.

رهف: مش هتعملي اللي اتفقنا عليه.

سما: لأ، مش قادرة، عايزة تعملي اعملي انتي، بس ركزي أكتر حاجة في الأوض عشان واحنا نايمين.

رهف: تمام، ادخلي نامي انتي.

سما: ابقي تعالي نامي جنبي ومتسيبنيش.

رهف بضحك: لسه بتخافي، حاضر مش هسيبك.

محمد: إيه يا أسطى اللي مبهدلك كده، ده انت شربت كتير، كفاية عشان تقدر تروح.

آدم: ومين قالك إني عايز أروح، يلا ربنا يسامحها.

محمد: خلاص انت حر، أنا ماشي سلام.

آدم: استنى، وصلني معاك، متسبنيش لوحدي هنا، وكمان مش هقدر أسوق.

محمد: okay.

تاني يوم.

رهف: سما يا سمسمه، أنا هنزل الشغل، هتيجي تدوري على شغل وتنزلي معايا.

سما: لأ، أنا مش قادرة النهارده، عايزة أنام.

رهف: طب يا حبيبتي نامي براحتك، عندك الأكل على السفرة بره.

سما: ماشي، متتأخريش عليا، مش عايزة أقعد لوحدي.

رهف: هستأذن وهخليه يطلعني نص يوم وهاجي بدري إن شاء الله، سلام.

سما: إن شاء الله، سلام.

آدم: فين الفطار يا ست هانم.

نرمين ببرود: أمك عندك، روح صحيها تعملك، وبعدين انت مش شايفني بعمل ضوافري ولا البعيد أعمى.

آدم بغضب: انتي إزاي تكلميني كده، انتي ناسيه ولا إيه، انتي مراتي يا هانم وممكن.

نرمين باستفزاز: ما هو اللي يرمي مراته الحامل ممكن أوي، بل بالتأكيد يرمي مراته اللي مش حامل، طلقني.

آدم بضحك: القطة المغمضة طلع لها لسان وبقت بتخربش كمان، لأ حقيقي برافو، طلاق ومش هطلق، يلا قومي اعملي فطار عشان مخليش وشك شبه البطاطس المحمرة.

نرمين: وأنا إيه اللي يخليني أسمع كلامك.

آدم: عشان مراتي مثلاً.

نرمين: لسه على الورق على فكرة.

آدم وهو يضربها: أنا زهقت على فكرة، عشر دقايق لو ملقتش فطار قدامي هضربك تاني.

سميرة: إيه يا ولاد صوتكم عالي ليه.

آدم: الهانم مش راضية تعمل فطار وبتتنك عليا، وقالت إيه عايزاني أطلقها.

سميرة: طلاق، يلاهوي! لأ إحنا معندناش حاجة اسمها طلاق، عايزة الناس يتكلموا في حقنا ولا إيه.

آدم: ده كل اللي همك، مش همك إنها مش بتطيع جوزها.

سميرة ببرود: أيوه، مش كفاية الزفتة اللي فوق دي وكلام الناس علينا.

نرمين: الأكل أهو.

آدم: حطيه للقطط اللي على السلم، سلام يا نيمو.

سميرة: فيه إيه يا بت اللي حصل.

نرمين: ها، مفيش حاجة حصلت، اتفقتي معاه ولا إيه.

سميرة: اه، زمانه جاي أهو، بيخبط أهه.

نرمين: طب روحي افتحي يلا، على أما أجيب المفتاح.

سميرة: متتأخريش وهاتي التليفون كمان.

نرمين: okay.

سميرة: اتفقنا، هتعمل إيه.

مجهول: أيوه، بس أنا عايز حاجة كمان غير الفلوس.

سميرة: إيه.

مجهول بخبث: الأمورة اللي جوه.

سميرة: وان رفضت.

مجهول: كل كلمة وكل اتفاق حصل معاكي متسجل هنا على الفلاشة دي، مشوار بسيط للقسم اللي على أول الشارع.

سميرة: خلاص خلاص موافقة، هغصب عليها، نفذ اللي اتفقنا عليه.

مجهول: تمام، ده الكلام المظبوط.

سما وهي شبه نايمة: إيه يا رهف جيتي بدري كده ليه.

مجهول بشر: لأ يا حبيبتي، رهف لسه في الشغل، ده أنا.

وفجأة.

سما وهيه شبه نايمه: إيه يا رهف جيتي بدري كده؟

لهمجهول بشر: لأ يا حبيبتي رهف لسه في الشغل، ده أنا.

وفجأه خلع قميصه وقال بخبث: سما يا حبيبتي ازيك عامله إيه؟ وحشتيني.

سما وهيه تقوم: انت مين ودخلت هنا إزاي؟

مجهول: أنا أحمد زميلك في الجامعة، معقول مش فاكراني ولا إيه يا سمسمتي.

سما: لأ مش فاكراك ولا أعرفك من أساسه، انت أكيد حرامي. حرامي الحقوني يا ناس حرامي.

أحمد: ششش اسكتي هتفضحينا يا حبيبتي.

وقرب منها.

سميره من علي الباب: تعالي يا حضرة الظابط شوف الفا**جره الخا**طيه جايبه راجل البيت وهيه لسه متطلقه إمبارح، مش قادره تستني لما عدتها تخلص.

نرمين: لأ وكمان في بيت الخروف اللي متجوزها.

آدم: لأ طبعاً مش مصدق سما متعملش كده.

سما من جوه: الحقوني حرامي هيموتني هيموتني حرامي يا ناس.

أحمد: اسكتي بقي قرفتيني.

وضربها بالڤازه علي راسها.

الضابط: اكسروا الباب ده.

آدم: استني يا حضرة الظابط أنا معايا مفتاح الأوضة.

الضابط: وانت مين انت كمان؟

آدم: أنا الخروف اللي كانت مقرطساه.

الضابط: إيه؟

آدم: أنا طليقها حضرتك، هندخل ولا إيه؟

سيف وهو يكتم ضحكته: اتفضل افتح وخلصنا.

سميره: الله الله شوف الست هانم نايمه ولا علي بالها.

رهف: هو في إيه؟ إيه البوليس ده؟

جارتهم: بنات آخر زمن، تعالي يا دنيا جوه ومتبصيش للناس دي، أكيد زي صاحبتها.

دنيا: حاضر يا ماما.

رهف: انتي بتقولي إيه يا ست انتي؟

الجاره: أنا مبكلمش اللي ماشيين علي حل شعرهم اللي زيك، إتفو.

رهف: لأ دي هبلت منها خالص، سما يا سما.

نرمين: والسنيوره التانيه جات اهي، أكيد ماشيها بطال زيها.

رهف: اخرسي قطع لسانك ولسان اللي يقول كلمه تانيه عليها أو عليا.

سيف: هاتلي يا ابني الناس دي كلها علي القسم وحصلني، وهات الإسعاف للاستاذه دي.

رهف: سما يا حبيبتي فوقي عشان خاطري، متسبنيش لوحدي.

سيف: إن شاء الله يا آنسه هتفوق عشان نقدر نحقق معاها.

رهف: تحقق معاها في إيه مش فاهمه.

سيف: انتي مش شفتيش اللي حصل ولا إيه؟ كان فيه راجل معاها في الأوضة وجوزها مبلغ عليها.

رهف بصدمه: سما متعملش كده، لأ طبعاً مستحيل مستحيل، وأنا عندي اللي يثبت براءتها.

سيف: الحقيني بيه.

رهف: وانت ليه متحمس كده؟

سيف:

رهف بصدمه: سما متعمليش كده. لأ طبعًا مستحيل، مستحيل. وأنا عندي اللي يثبت براءتها.

سيف: الحقيني بيها.

رهف: وانت ليه متحمس كده؟

سيف: ها؟ لأ، ولا حاجة. أنا بس شفقان عليها وعلى حالتها وحاسس إنها شافت كتير.

رهف: ماشي. قبل أي حاجة، أحب أعرفك بنفسي. أنا المحامية رهف محمد، وعايزة أقدم بلاغ في الناس دي بالتعدي والإهانة لموكلتي مدام سما أحمد، صديقتي.

سيف: تشرفت بحضرتك. أنا الرائد سيف المنياوي، وأي حاجة تحتاجيها تحت أمرك.

رهف: الشرف ليا. حضرتك، أول حاجة عايزه أفرغ كاميرات المراقبة اللي في شقة موكلتي، وده هيثبت براءتها، بل هيكون دليل على إدانتهم وتلفيق ليها تهم.

سيف: تمام، اللي تشوفيه.

رهف: دلوقتي أنا هروح أطمن على سما على ما تطلع إذن نيابة.

سيف: okay.

رهف: عن إذنك.

أحمد: عاجبكم كده؟ أنا اللي هروح فيها. مش بس كده، ده إعدام. أنا بقيت قتال قتلة. ههههههه. اعملوا حسابكم لو حسيت إني هشيل الليلة لوحدي، هجيب اسمكم واحدة واحدة.

سميرة: أنا مالي، مليش دعوة. أنا حيلة. اتفقت معاك بس.

نرمين: يعني هتبيعيني يا خالتي؟

سميرة: بس هشتري نفسي يا اختي.

نرمين: خلاص، يبقى هطلع الكارت الأخير.

سميرة ببرود: هتعملي إيه يعني؟

نرمين بنفس البرود: ابنك لازم يعرف اللي عملتيه لسما من أول ما بقت مراته، والسحر اللي كنتي...

سميرة: بس بس بس! هتفضحنا؟ خلاص، نبقى نشوف إيه اللي هيحصل. وأكيد آدم مش هيتخلى عنا.

رهف: المريضة اللي لسه جاية من شوية، إيه أخبارها يا دكتور؟

الدكتور: الـڤاز كان تقيل على راسها ونزل في منطقة حساسة في المخ. أنا خيطت الجرح، وإن شاء الله لما تفوق هنعرف إيه اللي حصل.

سما: حرامي! حرامي! الحقوني يا ناس! عااااار!

رهف: هي مالها يا دكتور؟

الدكتور: مش عارف، بس هي تقريباً بتفوق، وفي حاجة مش متأكد منها. لما تفوق هنتأكد منها.

رهف: تمام.

سما: عااا! أنا فين وإيه اللي جابني هنا؟

رهف: ازيك يا سما؟ عاملة إيه يا حبيبتي؟ معلش المواصلات كانت زحمة واتأخرت عليكي شوية.

سما باستغراب: انتي مين؟ وسما مين؟

رهف: إيه بتقول ده يا دكتور؟

الدكتور: للأسف...

رهف بصدمه: كده حقها هييجي إزاي؟

رهف: إيه بتقوله ده يا دكتور.

الدكتور: للأسف هي عندها فقدان ذاكرة مؤقت.

رهف بصدمة: كده حقها هييجي إزاي.

الدكتور: هو مؤقت يعني ممكن كمان يوم تفتكر، كمان ساعة، كمان شهر، كمان سنة، سنتين، على حسب، كله في علم الله.

رهف: طب إيه العلاج أو الطريقة اللي ممكن نفكرها بيها وتجيب نتيجة بسرعة.

الدكتور: ممكن تفكريها بذكرياتكم مع بعض، بذكرياتها مع جوزها، كده يعني واحدة واحدة عشان دماغها ما تتعبش.

رهف باستياء: طيب ممكن تطلعلي تقرير طبي بحالتها.

الدكتور: ..........

سيف: محمد هاتلي الجماعة اللي جايين من شوية.

محمد: تمام يا فندم.

آدم: حضرة الضابط أنا مليش دعوة باللي حصل، حضرتك أنا مكنتش موجود أصلاً.

سيف: أمال إيه اللي جابك.

آدم: جاي أطمن على والدتي وأختي وأعرف إيه اللي جايبهم.

سيف: حاضر هفهمك.

سما: سلام عليكم، بوليس النجده.

~ أيوه خير حضرتك.

سما: عايزة أعمل بلاغ في مرات ابني، يوه يقطعني قصدي طليقته يا باشا.

~ تمام، البلاغ ليه والعنوان لو سمحتي.

سما: جايبة راجل غريب البيت وقاعدة ولا كأنها متطلقة امبارح، والعنوان ********.

~ اطمني حضرتك، نص ساعة ونكون عندك.

آدم: يعني الحكاية كده تمام، لو فيه أي حاجة جابوا فيها سِيرتي أنا مكنتش موجود.

سيف: هنعرف دلوقتي وكل شيء هيبان.

آدم باستغراب: قصدك إيه.

سيف: قصدي هتعرفوه في وقته، تعالوا تعالوا، ده أنا مستنيكم من بدري، احكولي بقى إيه حصل بالتفصيل.

سما: ما فيش حاجة حصلت حضرتك، امبارح طلبت من آدم يتجوز نرمين عشان المخفية سما مبتخلفش، فنرمين اشترطت عليه إنه يطلقها، فطلقها، بس وهو بيطلقها قالتله إنها حامل ومش هتمشي من البيت عشان الطفل وكده وعشان أبوه ينفق عليه، قلنا ماشي، لكن تاني الفا*جرة تجيب لنا راجل البيت عادي كده يعني ولا إيه، فبلغت.

سيف: تعالي امضي على أقوالك، وانتي يا نرمين إيه اللي حصل.

نرمين بتوتر ملحوظ: والله يا باشا كل اللي حصل خالتي قالتهولك بالحرف.

سيف: طب انتي خايفة ليه، متخافيش طالما صادقة في كلامك، وانت يا برنس إيه وضعك في الليلة دي.

أحمد: هقولك كل حاجة حصلت دلوقتي، أنا أمي مريضة وطريحة فراش، والاتنين دول عرضوا عليا مبلغ كبير جداً مقابل إني أساعدهم في حاجة.

نرمين: انت بتقول إيه يا أستاذ انت، هو إحنا نعرفك أصلاً.

سيف: اخرسي، أما ييجي دورك ابقي اتكلمي، كمل يلا.

أحمد: عرضوا عليا مبلغ كبير جداً واغراني بصراحة والشيطان شاطر.

سيف: تقدر تقولي المبلغ ده كام وإيه هي المساعدة.

أحمد: آه طبعاً، 200 ألف جنيه، والمساعدة يعني لمؤاخذة إني أدخل الأوضة عليها وهي نايمة، ويتصلوا بجوزها ييجي يشوفنا واحنا لمؤاخذة مع بعض، فجوزها يرميها بره البيت ويشكك في نسب الطفل بس.

سيف: طب وضربتها ليه، انت عارف إنك عرضت نفسك لشبهة جنائية.

أحمد: أعمل إيه، صوتت وقالت حرامي، خفت لا الناس تسمع ويتقبض عليا وأنا مسرقتش حاجة.

سيف: عندك أي أقوال تانية.

أحمد: مش هقول غير حاجة واحدة بس، حسبي الله ونعم الوكيل.

سيف: امضي على أقوالك.

سيف: إيه رأيك انتي وهيه في كلام المتهم.

سما: كذاب، إحنا منعرفوش أصلاً زي ما نرمين قالت من شوية.

سيف: أنصحكم توكلوا محامي عشان القضية دخلت في الجد، إلا إذا...

نرمين بمقاطعة: إذا إيه.

سيف: مدام سما تتنازل عن القضية، خدهم يا ابني على الحبس.

آدم: استأذن أنا بقى.

سيف: اتفضل، وادي كل حاجة حصلت قدامك عشان متقولش إن إحنا اتبلينا عليهم.

آدم: متفهم ده، عن إذنك عشان عندي شغل.

سما: آدم، انت هتسبني ولا إيه يا آدم.

آدم: امشي من وشي، أنا مليش أم، أمي متعملش كده في بنات الناس، دي كانت أمانة عندنا وانتي ضيعتيها، عن إذنك.

نرمين: طب وأنا يا آدم مراتك حبيبتك.

آدم بسخرية: مراتي؟ هههههه، انتي طالق يا حلوة، وبعدين شوفي مين اللي حملتي منه وجاية تلبسيني فيه، انتي مفكراني نايم على وداني ولا إيه يا بت.

سما بصراخ: متسبنيش يا آدم.

رهف: ممكن أتكلم معاكي شوية.

سما: آه طبعاً، تعالي.

رهف: بصي، انتي اسمك سما وأنا اسمي رهف، واحنا الاتنين كنا صحاب من وإحنا عندنا أربع سنين، كنا بنروح الحضانة مع بعض ونيجي مع بعض.

سما بفرحة: يعني صحبتي.

رهف: أيوه طبعاً صحبتك، وإن شاء الله نفضل صحاب لحد ما نموت.

سما: إن شاء الله، هو إيه اللي حصلي بقى وأنا جيت هنا ليه، وليه بطني كبيرة وانتي لأ.

رهف: إيه ده كله، براحة عليا.

سما بزعل: آسفة.

رهف بضحك: متتأسفيش يا حبيبتي، هجاوبك كل حاجة، بس لما أيجي عندي مشوار صغير وهاجي على طول، متتكلميش مع حد غير الممرضة والدكتور بتوعك عشان متزعلنيش منك.

سما: ماشي يا رهف، بس مش تتأخري عليا.

رهف: حاضر، هقابل الضابط اللي هجبلك حقك وهاجي بسرعة، باي باي.

الدكتور: آنسة رهف يا آنسة.

رهف: نعم يا دكتور.

الدكتور: التقرير اللي حضرتك طلبتيه، ولو احتاجتي أي حاجة انتي ومدام سما أنا تحت أمركم.

رهف: شكراً يا دكتور، عن إذنك.

الدكتور: اتفضلي.

سيف: آنسة رهف، إذن النيابة أهه.

رهف: يلا أما نطلع في الدور التاني.

سيف: هو فيه حد هنا.

رهف: المفروض لأ.

آدم: سيف بيه، خير حضرتك جاي تقبض على مين المرة دي.

سيف: لأ، أنا جاي بشكل ودي مع آنسة رهف.

آدم باستغراب: وهيه برضو تيجي ليه، ده بيتي أنا.

رهف: انت طلقت سما امبارح، والمفروض بقى بيتها هي وابنها مش بيتك.

آدم: سما في المستشفى دلوقتي وأنا قاعد هنا على أما تطلع.

سيف: طب إحنا معانا إذن من النيابة بتفريغ الكاميرات الموجودة في البيت.

آدم بصدمة: ...

سيف: طب احنا معانا إذن من النيابة بتفريغ الكاميرات الموجودة في البيت.

آدم بصدمة: كاميرات؟ كاميرات إيه ده بيتي وما فيهوش كاميرات.

سيف: بس الآنسة رهف بتقول إن فيه كاميرات ولا إيه يا آنسة؟

رهف: أيوه طبعاً يا دكتور، ده أنا اللي مركباها بايدي دول.

آدم: انتي مجنونة ولا إيه؟ ويا ترى بقي ركبتيها في الحلم ولا امتى؟

رهف: واضح إن فيه سخرية في كلام حضرتك، أنا مقبلهاش وإلا...

سيف: خلاص خلص الكلام، اتفضل يا عسكري هات الكاميرات دي.

آدم:

سما: ممكن تنادي للدكتور لو سمحتي.

الممرضة: حاضر، ثواني بس.

الدكتور: شوفي يا سمية، الحالة اللي في أوضة 23 محتاجة إيه.

سمية: حاضر يا دكتور، الحالة اللي في أوضة 12 بتسأل على حضرتك.

الدكتور: مين؟

سمية: اللي فاقدة الذاكرة يا دكتور.

الدكتور: آه افتكرت.

الدكتور: خير يا مدام، في حاجة؟

سما: هي رهف فين؟ وإيه مدام دي يعنى إيه؟

الدكتور: آنسة رهف زمانها جاية، ارتاحي دلوقتي على ما تيجي.

سما: طب أنا دماغي وجعاني خالص، مش قادرة.

الدكتور: الخبطة ما كانتش هينة بردو.

سما: تمام، بس لو شفت رهف خليها تجيلي بسرعة ومتتأخرش عشان ما أزعلش منها.

الدكتور: حاضر، ارتاحي انتي بس.

نرمين: خالتي متزعليش مني، لمؤاخذة يعني، أنا هبلغ عن ابنك زي ما رمانا كده.

سميرة:

نرمين بصدمة: انتي بتقولي إيه؟

سميرة: زي ما سمعتي، آدم مش ابني، أنا ما بخلفش، وأمك مش أختي، إحنا الاتنين كنا متربيين في ملجأ وكنا صحاب وأكتر من أخوات، عشان كده انتي بتقوليلي يا خالتي، ومحدش يعرف السر ده غيرك، حتى أبو آدم وأبوكي الله يرحمهم ما يعرفوش.

نرمين: طيب متزعليش لو اتكلمت.

سميرة: مش هتفرق، كده كده إحنا قاعدين.

نرمين: تمام، لو سمحت عايزة أعمل بلاغ، وديني للمأمور من فضلك.

أيمن: ثواني أبلغه.

نرمين: حاضر.

رهف: هنا في كاميرا، هاتها، وهنا في واحدة، وهنا.

سيف: خير يا أحمد، فيه حاجة ولا إيه؟

أحمد:

سيف: تمام، مع السلامة، فتش يا ابني الشقة دي حتة حتة.

آدم: خير يا فندم، فيه إيه؟

سيف:

آدم: لأ طبعاً مستحيل.

سيف: تمام، مع السلامة. فتش يا ابني الشقة دي حتة حتة.

آدم: خير يا فندم، فيه إيه؟

سيف: فيه بلاغ متقدم في حضرتك إن فيه في شقتك وبحوزتك مخدرات.

آدم: لأ طبعاً مستحيل.

سيف: كله هيبان يا آدم باشا.

آدم: مصمم يعني؟

سيف: أيوه طبعاً، ده شغلي.

رهف: الكاميرات أهي يا سيف باشا.

سيف: فتشوا الشقة كلها يلا.

أحمد: تمام يا فندم، لقينا الكيس ده فوق الدولاب.

سيف: افتحه كده.

إيه ده يا أستاذ آدم؟

آدم بتوتر: أصل... ا...

سيف: هاتوه يا ابني على البوكس.

آدم:

مراد: عندك حاجة تقوليها تاني يا مدام؟

نرمين: لأ خلاص، اه لأ فيه حاجة كمان. شركة آدم اللي هو المدير بتاعها بتشتغل في غسيل أموال وكده.

مراد: تمام. أيمن خد المدام على الحبس تاني.

أيمن: تمام يا فندم.

تيام: أنا شاكك إن الكلام اللي قالته البت دي.

مراد: ليه بتقول كده؟

تيام: مش معقول يعني آدم الصياد يتاجر في المخدرات؟ لأ وكمان شركته فاتحها عشان غسيل أموال؟ الراجل له اسمه في السوق برضه.

مراد: كل شيء وارد يا حضرة الضابط. مفيش حاجة اسمها شاكك. في شغلنا ده.

قاطع دخولهم سيف: أهلاً أهلاً، الحبايب متجمعين.

تيام: أهلاً يا سيف، عملت إيه؟

سيف:

رهف: سما، يا سمسمة.

سما:

رهف: مالك يا حبيبتي، مبترديش ليه؟

سما: عشان أنا زعلانة منك.

رهف: زعلانة ليه؟

سما بطفولة: معرفش، شوفي انتي عملتي إيه.

رهف: مش عارفة. طيب ممكن تقوليلي وأنا أجيبلك شيكولاتة؟

سما: عشان انتي اتأخرتي عليا وسيبتيني لوحدي.

رهف: عشان كده بس؟ طب حقك عليا، متزعليش.

سما: لأ زعلانة، أنا محدش سابني لوحدي قبل كده.

رهف: طب خلاص، مش هسيبك تاني.

سما: وعد؟

رهف: وعد.

سما: فين الشيكولاتة بقى؟

رهف: أنا كنت جايباها لواحدة كاعتذار مني على التأخير، بس هي متدنيش فرصة. فهروح أرجعها بقى الظاهر كده.

سما: روحي رجعيها، بس هزعل منك. يلا امشي بقى، أنا عايزة أنام.

رهف: وأنا مقدرش على زعلك يا سمسمة. خدي الشيكولاتة أهي.

سما: طالما محيراكي كده، هاتيها. بس متعمليش كده تاني.

رهف: حاضر يا حبيبتي. جهزي نفسك كده عشان نمشي. هشوفي الدكتور وأجيلك.

سما: ماشي.

آدم: يعني إيه اللي بتقوله ده يا حضرة الضابط؟

سيف: زي ما سمعت. هتتحبس أربع أيام على ذمة التحقيق.

آدم:

آدم: يعني إيه اللي بتقوله ده يا حضرة الضابط؟

سيف: زي ما سمعت، هتتحبس لحد ما النيابة تفتح يوم السبت.

آدم: انت بتقول إيه بقي؟ أنا آدم الصياد، أدخل السجن؟

سيف: ومتدخلش ليه؟ عملت جريمة فبنعاقبك عليها يا أستاذ آدم. القانون فوق الجميع.

آدم: الكلام ده لو كنت عملت الجريمة دي بجد. أنا معملتش حاجة ومش عارف أصلاً أنا موجود هنا ليه لحد دلوقتي.

سيف: أيمن، خد آدم ارميه في الحبس على ما يتعرض على النيابة.

أيمن: تمام يا فندم.

***

رهف: يلا يا سما عشان نمشي.

سما: .....................................

رهف: يلاهوي، دكتور يا دكتور، الحقني!

الدكتور: خير يا آنسة رهف؟ فيه إيه؟

رهف: سما واقعة ومش بترد عليا.

الدكتور: طب تعالي يا سمية، شيليها مع رهف أما نشوف حصلها إيه.

سمية: ماشي.

بعد مرور بعض الوقت.

رهف: خير يا دكتور؟ هيه حصلها إيه؟

الدكتور: دماغها نزفت تاني. غيرتلها على الجرح وادتها حقنة، وإن شاء الله تفوق.

رهف: تمام، شكراً يا دكتور.

الدكتور: العفو.

***

نرمين: أنا تعبت يا خالتي من الناس اللي هنا.

سامية: بتقولي حاجة يا بت؟

سميرة بتعب: لأ، دي بتشكر فيكم.

سامية: طب قومي ياختي انتي وهيه، نضفي المخروبة دي. اعملوا قعدتكم طالما مش معاكم فلوس.

نرمين: لأ بقي، أنا تعبت، مش هعمل حاجة.

سامية: نسوان يا اللي هنا، عايزكم تعلموها إزاي ترد على المعلمة سامية.

حنان: أمرك يا معلمة.

ونزلوا فيها ضرب.

سامية: وانتي هتنضفي ولا تبقي زيها؟

سميرة بخوف: لأ، هنضف، هنضف.

نرمين: الحقوني، الحقيني يا خالتي.

سميرة: لأ ياختي، مليش دعوة، أنا مش حمل إني أعارض، أنا مش قادرة.

سامية: أيوه كده تعجبيني. كفاية عليكي كده، تعالي ريحي شوية. انتي يا زفتة يا اللي اسمك دنيا، قومي نضفي بدالها.

دنيا: حاضر يا معلمة.

***

سما: عاااااا! الحقوني، حرامي، حرامي، الحقوني! عااااا!

رهف: انتي بتقولي إيه يا سما؟

سما: إيه ده؟ رهف حبيبتي؟ انتي جيتي ولا إيه؟ وحشتيني. كده تسيبيني للحرامي؟ كان هيموتني.

رهف باستغراب: حرامي إيه؟

سما: اللي جه يسرقني ولما صحيت وقفته كان عايز... آهئ آهئ.

رهف: حمد الله على سلامتك. اهدي كده يا حبيبتي. مش كده، حقك هييجي إن شاء الله.

سما وهي تنظر حواليها: إيه ده؟ احنا فين؟

رهف: إحنا في المستشفى يا حبيبتي. والحمد لله رجعتلك الذاكرة.

سما: هو أنا كنت فقدتها أصلاً؟

رهف: أيوه. استني هشوف الدكتور وأجي.

سما: ماشي.

***

بعد مرور يومين.

رهف: سما يا حبيبتي، جالك إذن من النيابة تروحي تقولي اللي حصل.

سما: أنا خايفة أروح. مش هقدر أواجههم دول مهما كان برضه عشرة.

رهف: متخافيش يا حبيبتي، وأنا معاكي، متقلقيش.

سما: طيب، خليكي معايا ومتسبنيش.

رهف: حاضر. قومي البسي بق.

سما: ماشي.

***

منير: إيه اللي وداك شقة مدام سما يا أحمد؟

أحمد: أنا هقولك كل اللي حصل.

فلاش باك.

نرمين: الو، أحمد؟ معايا.

أحمد: أيوه، مين معايا؟

نرمين: أنا نرمين، زميلتك في الجامعة. ازيك عامل إيه؟

أحمد: الحمد لله بخير. انتي عاملة إيه؟ وسما وآدم عاملين إيه؟

نرمين: كويسة الحمد لله، وآدم كويس، بس سما مطلعة عنيه.

أحمد: خير، فيه إيه؟

نرمين: كنت عايزالك في حوار كده.

أحمد: خير.

نرمين: لأ، مش هينفع في التليفون. ينفع نتقابل؟

أحمد: تمام. خليها في الكافيه اللي جنب الجامعة اللي كنا بنتقابل فيه أيام الجامعة.

نرمين: ماشي. سلام.

باك.

منير: ها، وبعدين؟

أحمد: بس اتفقت معاها إني أدخل بيت سما من وراها، وأقف جنبها، وأقلع التيشيرت بتاعي. لمؤاخذة، وخالتها تبلغ طليقها آدم، ونرمين تقوله إنها مش كويسة، ويشككوا في نسب الطفل ساعتها.

منير: وبعدين؟

أحمد: بدل ما تبلغ آدم، بلغت البوليس. وأنا لما لقيت سما بتصرخ وهتلم عليا الناس، ضربتها بالفازة على راسها، وهي دلوقتي في المستشفى. مش عارف حصلها إيه.

منير: وانت إيه اللي خلاك توافق على كده؟ كان ممكن ترفض العرض بتاعها.

أحمد: أمي مريضة سيادتك ومحتاجة فلوس عشان عمليتها. وهيه عرضت عليا الفلوس وطمعت.

منير: عسكري، خد أحمد الحبس.

محمود: فيه واحدة يا فندم اسمها رهف عايزة تدخل.

منير: خليها تتفضل.

محمود: تمام يا فندم.

محمود: اتفضلي يا آنسة.

رهف: تمام، شكراً.

محمود: راحة فين يا مدام؟

الآنسة رهف: دي مدام سما اللي مطلوب شهادتها في القضية والمجني عليها، وأنا المحامية بتاعها.

محمود: ............................................

- ماما! نجمه ملهاش ذنب! قلتلك الصور والفيديوهات متفبركه و... وخلاص أنا حذفتهم والموضوع انتهى...سألته بنبرة مرتعشة:- صـ... صور إيه دي يا حازم!! الحلقة (٩)وقبل ما حازم يرد، قالت والدته:- امشي يا حازم... امشي متقفش معاها!! متشبهش نفسك أكتر من كده!حسيت بوخزات الدموع اللي بدأت تتجمع في عيني وقلت:- أنا مش فاهمه حاجه فهموني!بصتلي مرات خالي وقالت بحدة:- عنك ما فهمتي! روح يا حازم حل الموضوع مع حماك وراضي أسماء...قالتها وهي بتزق حازم لبره الأوضه فقال:- يا ماما اصبري إنتِ بتزقيني ليه!!سحبته والدته من ايده وحاول هو يفلت منها فزعقت، ولأنه محبش يلفت نظر العيله ليهم بصلي بنظره معرفتش أفسرها وكأنه ندمان! فزعقتله والدته:- قولتلك امشـــــي...فخرج حازم من البيت، وبصتلي مرات خالي بحده قبل ما تسيبني مع أفكاري وتمشي...أنا عمري ما اتمنيت إن حازم يسيب أسماء بالعكس بتمنالهم السعاده وبدعي ربنا ينـ ـزع حبه من قلبي...معرفتش أمسك دموعي أكتر فخرجت للبلكونه عشان أبكي من غير ما حد يشوفني لكن وقفت شروق جنبي، قالت بسخرية:- كل يوم بتنزلي من نظري عن اليوم اللي قبله... هو إنتِ يعني فاكرانا مش ملاحظين إنك كنتِ هتمـ ـوتي على حازم وعايزه تتجوزيه!الدموع جفت من عيني وقلت وأنا أعصابي بتترعش:- إنتِ بتقولي ايه! حازم زي أخويا يا شروق!ضحكت شروق بصوت عالي وقالت:- والله!! زي أخوكي!قالتها بسخرية وكملت:- إنتِ تصرفاتك كلها رخيصه! أنا لو مكانك بعد اللي حصل امبارح ده مطلعش من بيتنا أصلًا بجد عمري ما شوفت بجاحه كده!اتجمعت الدموع في عيني تاني وقلت بحزن:- الله يسامحك يا شروق.بصتلي من فوق لتحت ولهدومي الواسعه وقالت: - ولابسه محترم وعامله نفسك محترمه... فعلًا من بره الله الله ومن جوه يعلم الله.نزلت دموعي وقلت بنبرة باكية:- كتر ألف خيرك.قلتها وخرجت بسرعه من البيت وأنا بمسح دموعي، وقدرًا حازم كان داخل البيت فاصطدمت فيه، ولما بص لوشي وشاف دموعي قال بلهفة:- عايز اتكلم معاكِ...مردتش عليه ومشيت وأنا خايفه، مرعوبه إني أعيد نفس الفتره اللي مريت بيها تاني!!حازم التفت حوليه وجري ورايا وهو بينادي عليا...فوقفت وبصتله بدموع وقلت وأنا بضغط على كل حرف:- لو سمحت متمشيش ورايا... بعد إذنك أنا مش ناقصه!مستنتش يرد عليا ومشيت بخطوات واسعه وأنا بقول لنفسي مينفعش يقف معايا ومينفعش يكلمني أصلًا دا كاتب كتابه على واحده تانيه وفرحه بكره، مينفعش يسيب أسماء لأي سبب لأنها متستاهلش كده! ولو أنا السبب تبقى مشكله! وعمري ما هسامح نفسي أبدًا! بس أنا معملتش حاجه! مش عارفه وصلت للكافيه اللي برتاح فيه امته، قعدت وأنا ماسكه دموعي، لقيته سحب الكرسي وقعد قدامي، قلت بهزيـ ـمه:- مش قولتلك متمشيش ورايا! عايز ايه وجاي ورايا ليه! - بتعيطي ليه يا نجمه؟قالها بندم، قلت بحدة:- وإنت مالك أعيط ولا أولـ ـع شاغل بالك ليه؟مردش وكان بيبصلي بنظرات كلها ندم، ولما بصيت في عينه حسيت بوجع في قلبي فغمضت عيني وقلت:- امشي يا حازم لو سمحت أنا مش عايزه أعملك مشاكل!- بس أنا لازم أتكلم معاكِ.- مفيش بيننا كلام... إنت المفروض هتروح لأسماء كمان شويه.- همشي بس لما تجاوبيني على سؤالي... بتعيطي ليه؟قالها حازم وهو بيضغط على حروف كل كلمه، قلت بعياط:- هو أنا اللي حصلي شويه!! كل فتره ينزل صور عني!- يعني مش بتعيطي عشان أنا هتجوز؟صدمني فمسحت دموعي بسرعه وقلت:- المفروض دي حاجه تفرحني مش تخليني أعيط!سكت شويه وهو باصص للأرض وبعدين قال:- نجمه هو إنتِ عندك مشاعر ناحيتي؟سكتت للحظه لكن ربنا أجرى الكلام على لساني:- حازم! إنت أخويا اللي اتمنيت يكون أخويا بجد... عوضتني عن أخويا المتوفي... كنت سند ليا في كل مراحل عمري... ربنا يسعدك يا حازم زي ما أسعدتني أنا وشروق وكنت دايمًا جنبنا... إنت ونعم الأخ!مكنتش عارفه أنا قلت كده إزاي، شوفت في نظراته خيبة أمل، كأنه اتمنى يسمع كلام تاني، ابتسم ابتسامة مهزومه وبصلي بنظرات غامضة للحظات وبعدين شبك ايديه وبصلهم وهو بيقول:- إنتِ كمان ونعم الأخت يا نجمه... على فكره أنا عايز أعتذرلك عشان شكيت فيك في يوم من الأيام... إنتِ بنت محترمه ومتربيه... بصلي وقال:- أنا فهمت كل حاجه... يا بخته يا نجمه... يا بخته اللي هتكوني من نصيبه...تنهد وكمل بارتباك:- لو رجع بيا الزمن تاني... مش هدور على قمر وهكتفي بنجمه... لكن كل شخص ليه نصيب... الجمله قبل الأخيره قالهالي في حلم من أحلامي! فصَدْمِتي وذهولي غطت على الأسئله اللي كانت في بالي! بصلي بنظره أخيره حسيت إنها الوداع واستأذن وقام مشي، وسابني مصدومه وفيه أسئله لسه متجاوبتش صور إيه اللي مرات خالي اتكلمت عنها! وايه معنى إنه فهم كل حاجه!نزلت راسي لتحت وبكيت وأنا حاطه ايدي على وشي ولما لاحظت إن صوت بكائي بيعلى، اتنفست بعمق وسكتت عشان ملفتش نظر الناس ليا، وطلبت قهوه، ومع كل رشفه من الفنجان كنت بفتكر موقف بيني وبين حازم، وهو بيشبهني بممثلة وهو بيبتسملي وهو بيشرحلي دروسي وهو بيضحك، وهو بيغني معايا وأخر حاجه نظرات الندم وهو ماشي، وفي اللحظه دي لومت نفسي إني معترفتلهوش بحبي وقلت إن أنا غلطانه!مر عليا فتره طلبت خلالها قهوه ٣ مرات لحد ما سمعت صوت رنة موبايلي برقم والدتي، اتنفست بعمق ورديت عليها فقالت:- إنتِ فين يا داهيه! الدنيا هنا مقلوبه بسببك...قلبي اتنفض، قلت بانهيـ ـار:- إيه تاني؟ أنا تعبت نفسيًا والله! - أنا اللي تعبت... قالتها والدتي بحزن وضيق ونبهت عليا أرجع بيتنا ومجيش عند خالي... قمت من مكاني متجهة لبيتي بخطوات ثقيلة، كنت خايفه أسأل في ايه ولا حصل ايه! ولا حتى أفتح الفيس أشوف الصور اللي بيقولوا عليها!ولما وصلت البيت اتوضيت وصليت وبكيت ودعيت، دعيت كتير...ولما خلصت مسكت موبايلي بتردد إني أفتح النت أو لأ وقبل ما أخد قرار رن موبايلي برقم متسجل «ك» مكنتش عارفه امته سجلت الرقم ده! ولا مين ده فرديت بسرعه، استنيته يتكلم الأول فألقى السلام صوت شاب كان مألوف لكني مش عارفه أحدد مين ده! فسكت ثانيه وقال:- نجمه أنا كريم!عرفت صوته فقلت بسرعه:- كريم! ا... إزيك يا كريم.- الحمد لله... المهم إنتِ كويسه؟- الحمد لله... هو ده رقمك؟ - أ... أيوه... امممم... أعتقد والدتي كانت اتصلت عليكِ منه...حسيت من نبرة صوته إنه مرتبك ومتوتر، فقلت:- إنت كنت عايز حاجه؟!حمحم وبعدين سألني بتردد وارتباك:- كنت عايز أسألك عن حاجه... هو... هو إنتِ كان فيه حاجه بينك إنتِ وحازم؟!قلت بحدة:- حاجة ايه! لأ طبعًا حازم زي أخويا بالظبط... هو فيه ايه؟!- مـ... مفيش... أنا قولت أتأكد منك أصل الصور اللي نزلت....سألت بخوف:- صور ايه تاني؟! - لا لا متقلقيش دي محادثات وصور لحازم مش ليكِ وواضح أوي إنها متفبركه... اللي نزلها عايز يفرق بين أسماء وحازم... وبيستخدمك كأداة...- مش فاهمه!!! ممكن تفهمني؟اتكلمت مع كريم فترة وفهمني باختصار اللي حصل، ولما قفلت سجلت الرقم باسمه وافتكرت إن الرقم ده رن عليا من فترة وبالتحديد يوم خطوبة حازم! ولما رديت مردش عليا!كنت فاكراه ميسره لكن طلع لـ كريم! يمكن والدته كانت بترن عليا منه زي ما قال! لكن هترن عليا ليه!!بقلم آيه شاكر استغفروا.★★★★★★★«حازم»مشيت من الكافيه وأنا حاسس بخذلان، اتمنيت إن نجمه تقولي بحبك وأنا أبيع الدنيا كلها وأشتريها! سوقت عربيتي ومشيت بلا هدف وأنا بتسائل ليه معظم قصص الحب في التاريخ مكنش نهايتها الجواز يعني عنتر متجوزش عبله وقيس متجوزش ليلىٰ وغيرهم، كتير بنسمع عن قصص حبهم ومحدش فيهم اتجوز اللي بيحبه؟!سألت نفسي هل أنا فعلًا حبيت نجمه ولا هي زي أختي وأنا واهم نفسي!تنهدت بعمق وافتكرت الصور والفيديوهات الساخرة اللي نزلت عني واللي بتقول إن بيننا علاقه!! دا غير المحادثات المتفـ.ـبركه على تطبيق الواتساب بكلام حب بيني وبين نجمه، ساعتها اتأكدت إن نجمه اتظلمت بالطريقه نفسها! وإنها بريئه من كل حاجه ولما جمعت خيوط الموضوع اكتشفت إن شروق أختي بتغير منها عشان كده كانت بتقول عنها كلام محصلش! مش عارف إزاي اتخدعت بالطريقه دي! واللي أكدلي إني ظلمـ ـت نجمه، ميسره اللي صادفته من يومين وركب معايا، وفهمني كل حاجه وقالي إنه اتقدم لنجمه وهي رفضته! استغربت منين كانت بتقول لعمتي أنها بتحبه ومنين رفضته!قال إنهم كانوا مجرد أصحاب، حتى فرجني على المحادثات بينهم...قال إنه حاسس إن فيه حد بيكره نجمه عشان كده نزل صورها بالطريقه دي! ساعتها شكيت في شروق أختي! لكن لما نزل صور عني قلت مستحيل تكون شروق! شروق أتفه من إنها تعمل كدهساعتها قلت لميسرة:- ويا ترى بقا هتعمل ايه بعد ما هي رفضتك وإنت بتحبها؟ابتسم ميسره وقال:- الحب دا نقمه قبل ما يكون نعمه! وقلبي أنا عليه سلطان.... يعني أقدر أوجهه وأتحكم فيه على حسب هوايا... وأقدر أتحكم في أفكاري لحد ما ربنا يأذن وتوافق عليا وتبقى حلالي أو أقتنع إنها مش ليا فهَتْمنالها السعاده لأنها تستاهلها...رجعت من أفكاري للواقع لما كنت هصطدم بعربيه تانيه! وصاحبها زعقلي اعتذرتله ووقفت بعربيتي في جنب، اتنفست بعمق وزفرت أكتر من مره ومع كل زفرة كنت بحاول طرد المشاعر والحيرة اللي جوايا... قلت لنفسي أنا المفروض عريس، وأكون بستعد لحفلة الحنه دلوقتي وأسماء بتثق فيا ووقفت قدام أهلها عشاني وتستاهل إني أجاهد هوى نفسي عشانها، تنهدت بعمق واتحركت بالعربيه للبيت وأنا بردد بصوت مسموع:- يارب شيل نجمه من قلبي يارب...قررت أنسى «نجمه» للأبد وأغض بصري عنها وأحاول مشوفهاش قدر المستطاع ومفكرش فيها تاني، افتكرت كلام ميسره وقلت لنفسي:- القلب صاحبه عليه سلطان يعني تقدر توجه قلبك على حسب هواك... اتحكم في أفكارك... لازم تتحكم في أفكارك يا حازم.رددتها وأنا بخاطب نفسي وكنت مقتنع جدًا إن كل حاجه نصيب ويمكن أسماء هي نصيبي الحلو ولازم أرضى بيه...تردد في أذني حديث سمعته من شيخ: «ارض بما قسمه الله تكن أغنى الناس»نزلت مني دمعه وقلت:- راضي يارب أنا راضي...★★★★★★«نجمه»اتطمنت لما عرفت إن مفيش أي صور نزلت ليا وكمان حازم نشر على الفيسبوك إني في مقام أخته الصغيره وإني كنت قدامه يعني لو بينا علاقه كان اتجوزني! وإنه مش هيسكت وهيعرف مين عمل كده عشان يبوظ فرحته! وأنا كمان نشرت تبرير للكلام ده...وسبحان الله، ربنا ألقى على قلبي سكينه وهدوء وأمان ولامبالاة غير عاديه، حتى إني كنت بضحك ومفرفشه ولا كأن حاجه حصلت! ووالدتي ووالدي تخطوا الموضوع وكانوا بيتعاملوا عادي جدًا...مر تاني يوم بسرعه...كنت لازم أحضر الفرح عشان أثبت إن فعلًا مفيش أي حاجه! والكلام دا كله كـ ـذب سلمت على أسماء اللي كانت عروسه زي القمر لابسه فستان أبيض رقيق، وسلمت عليا بابتسامة ولا كأن حصل أي حاجه! وكانت مبتسمه وفرحانه بحازم ساعتها اتمنيتلها السعاده من قلبي...باركت لحازم اللي مبصش ناحيتي خالص لكنه رد عليا، رجعت قعدت وكل كلمات الأغاني الحزينه اللي حفظتها من كُتر ما كنت بسمعها بترن في ودني! قولت لنفسي خلاص كده حازم مشي للأبد! ومينفعش أفكر فيه تاني...كنت ملاحظه إن والدة حازم متضايقه من وجودي، عشان كده مقعدتش كتير وقومت أمشي، ولما خرجت من القاعه كريم ناداني فوقفت لحد ما جه ناحيتي قال:- رايحه فين؟!- مبحبش جو الأفراح ده!ابتسم وقال:- ولا أنا! المهم مش عايزه تيجي تتدربي في الأجازه دي بدل قعدة البيت!- ياريت والله بس هتدرب فين؟- تعالي معايا المستشفى.قلت ببهجة:- بجد! ينفع!- أيوه ينفع ومن بكره كمان لو حبيتِ.- أنا مش عارفه أقولك إيه غير ربنا يجعل دعواتي ليك من نصيبك.قلتها بحمـ ـاس، فابتسم وقال:- إنتِ بتدعيلي؟ هزيت راسي بالإيجاب كان بيكلمني وبيتجنب يبصلي فعملت زيه وغضيت بصري عنه ودي أول حاجه اتعلمتها لاإرادي من كريم! وفجأة شروق وقفت قصادي، وكأنها كانت بتدور عليا، قالت:- أنا آسفه.- على ايه يا شروق؟- على اللي قولتهولك امبارح! كنت متعصبه و... وبجد آسفه إنتِ عارفه إنك أختي وكنت متعصبه لما أهل أسماء طلبوا من حازم يسيبها...مدتنيش فرصه أرد وحضنتني فابتسمت وطبطبت عليها، لكن في قلبي حاجه بتصدني من ناحيتها، مديت بصري شويه فلقيت كريم بص ناحيتنا ونزل عينه بسرعه وابتسم! قلبي دق، فبعدت عن شروق بسرعه وخوفت تسمع دقات قلبي! استأذن كريم لما والدته خرجت من القاعه وقبل ما يمشي، قال:- هرن عليكِ ونتفق.- تمام.قلتها وأنا بهز راسي لتحت، فسألتني شروق:- هتتفقوا على ايه؟- هنزل شغل... تدريب قصدي.- امممم وأنا كمان عايزه أنزل معاكِ... خلاص هبقى أكلم كريم وأقوله...قالتها ومشيت، ومازال في قلبي شيء من ناحيتها...******وبعد يومين نزلت تدريب مع كريم اللي أقنع أهلي بالموضوع.شروق لزقت معانا، وكنت حاسه إنها بتحاول تلفت نظر كريم ليها لكن محطتش في دماغي أنا أصلًا عامله حدود مع كل اللي حوليا إلا واحده بس وهي «تسنيم» أخت ميسره كانت بتتدرب معانا في نفس المستشفى بنت مرحه وكله بيناديها توتو «مس توتو» هونت عليا كتير وعلاقتنا بقت أقوى قلت في نفسي وأخيرًا لقيتلي صديقة تشبهني...ومرت الأيام لحد ما جه اليوم اللي أمي فاجئتني إني جايلي عريس ورغم إنهم رفضوا كام واحد من بره إلا إنهم أصروا إني أقابل العريس ده لأنه لُقطه! مخلص تمريض ومسافر الخليج وحالته حلوه! كنت متضايقه طول اليوم بسبب الموضوع ده! لكن لقيت الحل عند تسنيم...- روحوا انتوا... أنا لسه هشتري كام حاجه كده مع توتو.قلتها لكريم وشروق اللي مستنيني كالعاده عشان نرجع البيت، فردت شروق اللي كانت راكبه في الكرسي اللي قدام كالعاده عشان أنا أركب ورا:- خلاص يا كريم سيبها براحتها ووصلني أنا لأني مرهقه وعايزه أنام.استنيت كريم يرد وكان بيبص قدامه ضاغط على شفايفه كأنه متغاظ من شروق بص لشروق وقال:- معلش يا شروق أنا هوقفلك تاكسي وهروح معاها عشان قايل لعمتي إني هرجعها البيت بنفسي.بصتله شروق بصدمه وبعدين نزلت من العربيه وهي بتقول بعصبيه:- وعلى ايه... لأ شكرًا ربنا خلقلي إيد هوقف لنفسي تاكسي وأرجع البيت لوحدي...- تمام اتفضلي.قالها كريم بجمود، وبعدين قالي أنا وتسنيم نركب فركبنا جنب بعض ورا وكنت فرحانه في شروق مش عارفه ليه! يمكن لأنها شخصيه مستفزه، بص كريم في المرايه وقال:- على فين؟!قالت تسنيم بابتسامة:- هشتري عبايه عجباني... وشوية مكياج... عشان عندي مكالمه شرعيه النهارده.ابتسمت فبص عليا كريم في المراية وهو بيسأل:- مكالمه شرعيه؟!قالت:- أيوه يا مستر كريم... جايلي عريس وبابا مصمم إني أكلمه... بس بصراحه ناويه أطفشه.قلت:- أنا كمان متقدملي عريس وبابا مصمم إني أقابله النهارده فهسمع بنصيحة تسنيم وأطفشه تطفيشه شرعيه بعون الله.قالت تسنيم بمرح:- بارك الله فيكِ يابنتي.ضحكنا وسألني كريم:- عريس تاني!افتكرت تسنيم أنه بيكلمها وردت:- قول عاشر... دا أنا كل يومين بيتقدملي واحد... بس طبعًا أنا رافضه المبدأ... وهكمل كليه السنه الجايه...كنت عارفه إن كريم يقصدني لكن سكتت وسكت كريم باقي الطريق واستنانا لحد ما خلصنا اللي بنشتريه ورجعت البيت وأنا مقرره وناويه أطفـ ـش العريس...وبالليل....استعديت واتزينت بشكل كامل عشان الرؤية الشرعيه عملت زي ما شرحتلي تسنيم بالظبط...ولما دخلت أمي الأوضه وشافتني صرخت بصدمه، فصرخت أنا كمان...نطقت أمي وهي بتبصلي من فوق لتحت ومصدومة:- خالتك دلال وكريم بره وبيقولوا عاملينلك مفاجأة و... وعاوزينك!بللت شفايفي بتوتر، وبرقت بصدمه لما قالت أمي بصوت عالي:- يا دلال يا كريم يا حاج تعالوا شوفوا نجمه عامله في نفسها ايه!وقفت ورا الباب بسرعه، وأمي بتنادي كريم وخالتي ومصممه إنهم يجوا، قولت بصوت عالي:- يجـــــوا فـــيــــن! لا مــــحــدش يجــــــي!! كملت بحسرة:- منك لله يا تسنيم...*******في مكان تاني لبست تسنيم وبصت لنفسها في المرايه برضا عن هيئتها، ولما دخلت والدتها الأوضه قالت بصدمه:- إنتِ عامله في نفسك كدا ليه؟!- أنا قولتلكوا مش موافقه على عريس مسافر بره وبرده مصممين على المكالمه الشرعيه... يبقا دا اللي عندي...- مكالمه شرعيه!!- أيوه ما هي المكالمه دي بديل للرؤيه الشرعيه فبنسميها مكالمه شرعيه.بصت أمها في وشها وقالت بصدمه:- ودا إيه اللي في وشك ده؟!قالت بابتسامة سمجه:- متزوقه عشان المكالمه الشرعيه.-ومالك بتتكلمي زي الخاله نوسه كده!- بتدرب عشان المكالمه الشرعيه.- وشعرك دا كمان عامل كده ليه! ولا باروكه دي! ايه ده؟- دي تسريحة المكالمه الشرعيه... ولسه هحط عليها طرحه شرعيه متقلقيش.ردت الأم بزعيق:- مكالمه شرعية ايه بالمنظر المقرف ده!! ملامحك متغيره... حواجبك وعينيكِ... وشفايفك!؟بصت لشفايفها في المرايه وقالت باعجاب:- مالهم شفايفي منفوخين وحلوين أهوه! دي الموضه يا ماما.لفت أمها حوليها وقالت:- وايه اللي لابساه ده! ايه العبايه البيئه دي! - لا متغلطيش في العبايه دا أنا شرياها مخصوص للقاءات الشرعيه والمكالمات الشرعيه وأي حاجه شرعيه...بصت الأم وراها بقلق لما سمعت صوت الأب وقالت:-يا نهار أبيض دا صوت باباكي... شكله جاي! قعدت على الكرسي وقالت: - ومالوا يا أمي يجي يا ألف مليون أهلًا وسهلًا.دخل والدها للأوضه وهو بيكلم العريس في الموبايل:- لأ دا أنا بنتي قمر... إنت هتاخد جوهرة البيت.ولما بص للجوهرة اتصدم ووقف للحظه يبصلها وساكت...ولإنقاذ الموقف خلاها تكلم العريس صوت بس، وكانت بتتكلم طبيعي لأن والدها واقفلها بالشبشب...وقفل والدها مع العريس على وعد إنه يخليها تكلمه فيديو وقت تاني...بصلها والدها بقرف وطلع من الأوضه لأن جرس الباب رن، وطلعت والدتها وراه وهي بتتأفف من تصرفات بنتها الطايـ ـشه....ووقفت تسنيم تبص لنفسها في المرايه بعد ما لبست الطرحه وهي بتقول:- ماله شكلي ما أنا قمر أهوه! وبعدين المفروض اللي يتجوزني يحبني في كل حالاتي!دخل ميسره للأوضه ووقف يبصلها بتعجب، فقالت:- دي نظرات إعجاب أكيد! ما أنا عندي قدره خـ ـارقه في فهم نظرات الإعجاب والحب والذي منه.قال ميسره:- لما بابا حكالي مصدقتش! إيه يا بت اللي عملاه في نفسك ده؟ضحكت وبدأت تمسح وشها، فقال ميسره:- وأنا اللي بقول عندي أخت مفيش في عقلها!قالت بضحك:- الحياه محتاجه شويه جنان يا صديقي عشان تتعاش! ضحك على شكلها وهي بتمسح المكياج عن وشها! واختفت ضحكته لما رن موبايله بمجموعة رسايل على الماسنجر وكانت المفاجأة لما فتحها، كانت رساله بصورة لـ «نجمه» وهي قاعده جنب كريم في عربيته وواحده وهي واقفه قصاده وبتبتسم وفيديو وهي بتتكلم معاه وبتضحك وعليه أغنيه رومانسية وبعديهم رساله تانيه محتواها:- - أتمنى تكون فهمت هي رفضت تتجوزك ليه!الحلقة (١٠)اتصدم وبص للصور اللي اتبعتتله بعمق، ومكنش سامع ضحكات أخته وكلامها وهي بتقول:- ما هو... ما هو برده يا ميسره مينفعش تجوزوني وأنا لسه صغيره كده!بصتله تسنيم وكملت بمكر:- اسكت مش نجمه كان جايلها عريس النهارده هي كمان! بصلها ميسره، لكن الصور كانت قدام عينه، ولسه الصدمه على وشه، مردش فقالت تسنيم:- متقلقش أنا قولتلها على خطه من بتوعي عشان تطفشه... ربنا يجعلها من نصيبك يارب... دا أنا بدعيلك في كل سجده... وبحاول أتكلم قدامها عنك عشان ألفت انتباهها وكده.شغل ميسره الفيديو وعلى الصوت فقالت تسنيم بسخرية:- شوفت بكلمك في ايه ومش مركز معايا خالص!دير ميسره الموبايل لأخته وقال:- شوفتي ده؟!- دا مستر كريم! ابن خال نجمه... إنت جايب الفيديو ده منين! - دا أكونت عندي في الأصدقاء بس مش عارف امته وازاي! معتقدش إني قبلت حد بالاسم ده!قالت بلهفة:- اسمه ايه؟! دا ممكن يكون هو اللي بينزل صور عن نجمه وبيشـ ـوه سمعتها؟!لما حاول ميسره يفتح الملف الشخصي معرفش وقال:- دا عملي بـ.ـلوك!!- مش عارفه والله مين ده! حـ.ـرام عليه نجمه ذنبها ايه في كل اللي بيحصل ده! البنت محترمه و...قاطعها وقال بغيظ:- وهي نجمه راكبه جنب كريم ليه! وواقفه تضحك معاه ليه! هي اللي بتجيب الكلام لنفسها!!- متظـ.ـلمهاش يا ميسره... وبعدين دا ابن خالها!- مش مبرر على فكره! هو إنتِ ممكن تركبي كده مع ابن خالك! ولا تضحكي معاه كده! دا أنا كنت أنفخك!- هما واخدين على بعض و...قاطعها بحدة:- أنا عارف عن نجمه كل حاجه! وكريم دا بالأخص هي مش واخده عليه لأنه ساكن في بلد تانيه مع أمه وجوزها! ولما افتكر ميسره نظرات نجمه لكريم يوم ما اتقدملها، وطريقة كلام كريم معاه، تخيل إن فيه حاجه بينهم، ضحك بسخرية وهو بيهز رأسه باستنكار وقال:- الظاهر كده إني كنت مغفل أوي! عشان كده معتبراني أخوها! ورفضت تتجوزني! ولا كانت ركناني على الرف!!- متخليش الغيره تعمي عنيك! نجمه أصلًا بتتجنب كريم في الشغل ومش بتتكلم مع أي شاب... بلاش الغضب يعمي عينك...- لا أنا أول مره أشوف بوضوح... واسمعي يا تسنيم من بكره تقطعي علاقتك بالبنت دي...- لا والله! هو بمزاجك ولا ايه!! تقولي أصاحبها أنفذ وتقولي أبعد عنها أنفذ!- اه يا تسنيم بمزاجي! أنا مش عايز حد يتكلم عن أختي!قالها وقام خرج من الأوضه وهو متعصب وخرجت تسنيم وراه وهي بتقول:- إنت بتقول كده عشان متعصب إنما هترجع تندم يا ميسره! مردش عليها وخرج من البيت، فسألها والدها:- إيه اللي حصل إنتِ زَعَّلتِ أخوكي؟!قالت بارتباك:- لأ والله يا بابا دا... دا مستعجل عنده مشوار...خلع والدها الشبشب من رجله ومسكه بايده وقام بسرعه وهو بيقول:- كويس إن عنده مشوار عشان أشوف شغلي معاكِ...رجعت لورا بضهرها وهي مبرقه عينيها وبتقول:- الغضب بيعمي العين وبيضلم القلب والبصيره عشان كده خد نفس عميق و...سكتت وبلعت ريقها لما لقيته بيقرب منها وكانت عينه بتطلع شرار، فجريت من قدامه وهي بتصرخ ودخلت أوضتها وقفلت الباب قبل ما يوصلها، فوقف قدام الباب يقول:- ماشي يا تسنيم أنا هربيكِ من أول وجديد... مسيرك هتطلعي من الأوضه... مــــــاشـــــي.استغفروا.بقلم آيه شاكر ★★★★★«نجمه»- يا ماما أنا هفهمك...- هتفهميني ايه... إنتِ قررتِ تغيري مهنتك ولا ايه! هتشتغلي شحاته؟! تــــعــالــي يا دلال شــــوفـــي...قالت أمي أخر جمله بصوت عالي، فقلت بنفس النبرة:- لأ متـــــجيــــش يا دلال!اتخبيت ورا الباب فبصتلي أمي من فوق لتحت بقرف! ونادت على كريم وخالتي، ومُصره إنهم يجوا...حاولت أظبط هدومي، كنت لابسه عبايه سمرا واسعه ورابطه دماغي بإشارب أحمر وفوقه طرحه سمرا ملفوفه بفوضاوية وحاطه أيشادو أزرق على شفايفي كنت شبه الأمـ ـوات، لكن كنت بجرب وعمري ما كنت هخرج للعريس بالشكل ده لكن أمي قفشتني!قاطعنا صوت خالتي دلال اللي بتقرب من الأوضه وبتنادي:- يا أم نجمـــه!شاورت أمي عليا وهي بتقول:- نجمه ايه! مبقتش نجمه!كملت أمي بصوت عالي:- تعالوا محدش خالع راسه... تعالوا شوفوا النجمه عامله في نفسها ايه!سحبتني أمي من ورا الباب ولما شافتني دلال ضحكت وفجأة ظهر كريم على الباب وضحك، فقلت: - آآ... أنا يعني كنت بجرب حاجه... و...- دي أكيد تسنيم اللي نصحتك بكده!قالها كريم فبصيت للأرض، وقالت والدتي:- دا كويس إن العريس اعتذر.قالت خالتي دلال وهي بترفع راسي:- ايه مالها! عروسه زي القمر! ولا ايه يا كريم؟كريم بصلي بنظرة واحده وبعدها بص للأرض وابتسم وقال:- طبعًا.قالت دلال بضحك:- اغسلي وشك والبسي هدوم تانيه قبل ما أبوكي يخلص المكالمه اللي معاه متجيبيش لنفسك الكلام! قال كريم وهو بيضحك من غير ما يرفع عينه:- أنا شايف كده برده!مشي وهو بيضحك ومشيت أمي وراه وهي بتقوله:- شوفت بنت عمتك عامله في نفسها ايه!- مالها يا عمتو! ما هي زي القمر أهيه!!ابتسمت لكن كنت محرجه منه جدًا تسائلت هو إيه اللي جابه! ومع خالتي دلال!! ودلوقتي! قالت خالتي دلال:- الصراحه متوقعتش منك كده أبدًا! كنت متخيلاكِ أعقل من كده... يعني كان ممكن تطفشي العريس بطريقه أشيك من كده.قالتها وهي بتشاور على هدومي، فقعدت على السرير وقلت:- والله كنت بجرب بس ماما كبرت الموضوع.ضحكت خالتي فبصيتلها وقلت:- إنتوا ايه اللي جابكوا؟- إيه اللي جابنا! يخربيت ملافظك... اغسلي وشك وغيري هدومك وتعالي عملينلك مفاجأه حلوه...قلت بزهق:- مبحبش المفاجآت قولي في ايه!- كريم اللي هيقولك...قالتها وغمزتلي وطلعت من الأوضه، فرددت بذهول:- كريم! غيرت هدومي بسرعه وخرجت من الأوضه فسمعت كريم بيقول:- خلاص يا عمي سيب نجمه تيجي معانا طالما مش هتعرفوا تيجوا...قال والدي:- والله لو عايزه تروح خدوها معاكم أنا معنديش مشـ ـكله...سألتهم:- هتاخدوني فين؟- رايحين السخنه...قالتها دلال، اتحمـ ـست وقلت بابتسامة:- امته؟رد كريم:- بعد يومين... وهنرجع قبل الدراسه متقلقيش...قلت بحمـ ـاس:- ولو بعدها عادي أنا نفسي أغير جو...كنت متحمـ ـسه جدًا وعايزه أغير جو في أي مكان فيه بحر، يمكن الطاقه السلبيه اللي جوايا تخرج وأرجع واحده جديده...وبعد يومينكنت بجر شنطه في ايدي ولابسه واحده على ظهري وشايله واحده تالته على كتفي ووالدي ماشي جنبي شايل شنطه رابعه، كل ده ليا لوحدي ما أنا طالعه لوحدي!والدي قال:- السندوتشات اللي في الشنطه دي هتاكليها في الطريق... وعندك لب وسوداني ومقرمشات تتسلي بيهم... وخلي بالك من نفسك.كل جمله كان بيقولها كنت بهز راسي بالإيجاب عليها، ولما وصلنا لموقف الباص قالي بابتسامة:- يلا سلمي لنا على البحر واكتبيلي اسمي على الرمله اتفقنا؟- حاضر.قلتها بضحك وحضنني جامد فابتسمت بسعادة...والدي تعامله كان اتغير معايا بعد موضوع الفيديوهات والصور اللي عمل بينا فجوه لفتره كانت طويله عليا لكن الحمد لله رجعنا أحسن من الأول...كريم أخد مني الشنط ودخلت وراه كنت هركب جنب خالتي دلال في أخر كرسي وكنت مبتسمه وأنا بمر على أخوالي اللي طالعين كلهم معانا وبسلم عليهم واحد واحد لحد ما قلبي اتنفض وابتسامتي اختفت وارتبكت لما شوفت حازم قاعد جنب أسماء وبيضحك معاها، هو كمان ابتسامته اختفت وحسيته مصدوم! سلمت على أسماء، وألقيت السلام على حازم اللي رد من غير ما يبصلي! قلت في نفسي لو أعرف إن حازم طالع مكنتش هاجي أبدًا لأني لسه بتعافى منه....قعدت جنب الشباك وجنبي خالتي دلال جنبنا كريم وجنبه والدته وأخوه من الأم اللي أصغر منه بكتير تقريبًا أكتر من عشر سنين...وبعد لحظات دخلت سمر مع ابنها ووراها كام شخص مش عارفاهم فاتعدلت في قعدتي وشاورتلها وأنا بنادي عليها، فشاورتلي بابتسامة وقعدت جنب جوزها، ابتسمت بحمـ ـاس وحمدت ربنا إني جيت معاهم...ألطف حاجه كانت وجود سمر وأسوأ حاجه كانت وجود شروق اللي شغلت أغاني في محاوله أنها تعمل جو وتلفت الأنظار ليها...أما أنا فتسألوني بحب ايه في حياتي أقولكم النوم أثناء السفر خصوصًا لو في حضن حد بحبه زي خالتي دلال...قمت من غفوتي على صوت جميل لحد بيقرأ قرآن، واللي عرفت إن اسمه هيثم...كان بيتنافس هو وياسين زوج سمر وياسر أخوه في متشابهات القرآن، فأنصت ليهم...سأل ياسين:- كم مره ورد لفظ «فلعلك» في القرآن؟كنت عارفه الإجابة فقلت بصوت سمعته خالتي وكريم اللي بصلي وابتسم:- مرتين...قالت دلال:- علي صوتك وجاوبي...هزيت راسي بالنفي، وبصيت من الشباك، وانتبهت على صوت شروق الساخر:- ايه ده! هو احنا طالعين رحله ولا امتحان قرآن!سكتوا فجأة وأنا أكاد أجزم إنهم بيقولوا مين البنت التنحه دي!فتحت اللب ووزعت على الكل فمتبقاش حاجه ليا ودا مثال أعزائي القراء على إن اللي في إيدي مش ليا!مر الوقت وأنا باكل شويه وأنام شويه وأحيانًا بختلس النظر لحازم وأسماء اللي باين عليهم السعاده، فأخاف أحسدهم، قلت بهمس:- اللهم بارك ربنا يسعدهم...خالتي دلالا كانت سانده رأسها لورا ومغمضه ومش عارفه ليه بصيت ناحية كريم اللي كان محاوط والدته بذراعه فابتسمت، كريم فيه شبه من أخويا اللي توفى من خمس سنين لأنه كان مريـ ـض! لو كان عايش كان هيبقى في عمره وأكيد في حنيته...وفجأه بص كريم عليا، فنزلت عيني اللي دمعت من غير ما أخد بالي ورجع هو بص قدامه...مر الوقت ووصلنا بعد العشا...كريم وحاتم ساعدونا في توصيل الشنط لأوضتنا، قال حاتم بعد ما حط أخر شنطه:- وأدي أخر شنطه ما أنا الشيال اللي مأجرينه ببلاش!قالت شروق بغزل مصطنع:- احلى شيال في مصر...عدل حاتم من هدومه بغرور وخرج...كنت قاعده أنا وخالتي وشروق وأمينه في أوضه واحده واسعه، نمنا لأننا كنا تعبانين من السفر...وفي الثلث الأخير من الليل صحيت أصلي قيام الليل، ولما خلصت وقفت في البلكونه أستغفر وأذكر الله! بالنسبالي ذكر الله زي المايه اللي بتطفي النار اللي بتشتعل جوايا بسبب حازم أكبر فتنة في حياتي...لقيت خالتي دلال وقفت جنبي في البلكونه قالت:- الجو هنا جميل أوي.أخدت نفس عميق وقلت:- فعلًا.بصتلي من فوق لتحت وسألت بمكر:- هو ايه حكاية كريم؟!قلت بانفعال:- لا حكايه ولا روايه... وبالله عليكِ يا خالتو متتكلميش معايا في الموضوع ده أبدًا كفايه إنك السبب إني أتعلق بحازم وأنا قلبي مبقاش يتحمل صدمات...سكتت ومعلقتش على كلامي لكن رجعت سألتني:- إنتِ ليه كذبتِ عليا وقولتيلي إنك بتحبي ميسره! ابتسمت بسخرية وقلت:- الإجابه واضحه... عشان متروحيش تقولي لحازم...- إنتِ غلطانه! لو كنتِ سيبتيني أقوله كان زمانك مكان أسماء!- تاني يا خالتو! خالتو يا حبيبتي... أنا مش عايزه أتكلم في الموضوع ده أبدًا لأنه منتهي... صفحه واتقطـ ـعت ورميت الكشكول كمان...- الحب ده....خالتي كانت هتتكلم بعمق لكني قاطعتها بانفعال:- وأي كلمه فيها ح أو ب متجيبيش سيرتها قدامي يا خالتو... ضحكت خالتي فقلت: - بما إنك صاحيه بقا هستغلك... هجيب المصحف وتسمعيلي الورد بتاعي...- لأ أنا مبحبش حد يستغلني...قلت بمرح:- هتسمعيلي يعني هتسمعيلي... معندكيش خيار تالت... وقاعدين لحد الفجر....صلوا على خير الأنام. ★★★★★تاني يوم روحنا البحر كنت بتمشى لوحدي لأني مش ناويه أنزل البحر قررت أتفرج عليه من بعيد وأنا شايفه كل ثنائي مع بعضه سمر مع ياسين وهمسه مع هيثم وحازم مع مراته وبيضحك ويبوس ايديها استغربت إنه بيبصلي بطرف عينه كأنه بيشوف تأثير ده عليا، فدعيتله ربنا يهديه...كريم كان قاعد على الشط بعد ما خرج من البحر، شاورلي ومكنتش هروح لكن لما لقيت حازم بيبص ناحيتي قررت أغيظه اشمعنا هو يعني! روحت لكريم فقال:- إيه حاسس إنك مش مستمتعه!- مش حكاية مش مستمتعه أنا بس بفكر شويه...- وإيه اللي شاغل تفكيرك.- مش حاجه مهمه...قعدت جنبه ومع إني كنت سايبه مسافه بيننا إلا إنه بعد شويه كمان، قال:- كنتِ بتعيطي ليه وإنتِ بتبصي عليا واحنا جايين؟بصيتله للحظه ورجعت بصيت قدامي وكنت محتاجه أتكلم فقلت:- افتكرت أخويا الله يرحمه... كنت بقول لو أخويا عايش كان هيبقى شبهك...- الله يرحمه.سكت وقعد يلعب في الرمله، فقلت:- أنا مفتقده دور الأخ في حياتي ولما دورت عليه ولقيته اكتشفت إنه حرام! حرام أدور على أخ في أي شاب يعني حازم مش أخويا ولا ميسره أخويا! ولا إنت أخويا!!ابتسم ابتسامة صغيره وقال:- بكره تتجوزي ويكونلك أخ وزوج ورفيق يكون معاكِ في كل خطوة... وتجيبي أولاد ويبقوا أصحابك وأخواتك وأولادك.سكتت وأنا بفكر في كلامه، ولما لقيته بيلعب في الرمله، قلدته وكتبت اسم بابا زي ما وصاني وصورته، وكتب كريم أول حرف من اسمي وحوليه قلب فصورته، وقال:- صحيح نسيت أقولك إني اتعرض عليا شغل في شركة بمرتب حلو! فوافقت أصلي لقيت المجال بتاعنا ده مش جايب همه! تعب وسهر....قلت بضحك:- دلوقتي جاي تقولي كده! بعد ما دبستني هتخلع...صوتي كان عالي وضحكنا احنا الاتنين بصوت عالي لفت النظر لينا، ولما حس كريم التفت حوليه وأنا كمان بصيت حوليا لقيت سمر والبنات اللي معاها بيبصوا علينا، حتى شروق بتبصلي بقرف، فقومت وأنا بقول:- أنا هروح عند خالتو دلال...قام هو كمان وقبل ما نمشي لقينا حازم جاي ناحيتنا وكان باين عليه العصبيه، قال:- صوتكوا عالي وممكن تتفهموا غلط!رد كريم:- متقلقش يا حازم أخدت بالي والله... وعلى العموم أنا راجع الفندق أصلًا...مشي كريم فقالي حازم:- مينفعش كده يا نجمه إنتِ لسه طالعه من حـ ـرب مشـ ـوهه سمعتك.اتنرفزت من كلامه بصيت ناحية أسماء اللي قاعده مع والدته بعيد عننا وقلت:- ياريت تركز في حياتك وسيبك مني خالص يكون أحسن والله...ولما شوفت البشكير بتاع كريم على الأرض انحنيت أخدته ومشيت من غير ما أبص ناحية حازم اللي باين عليه الغيظ، ومن جوايا فرحانه عشان حسيته غيران! في الوقت ده افتكرت أغنيه تليق على المشهد ده فبدأت أدندن بهمس، وأخرج من أخر كلمه في أغنيه لأغنيه تانيه وتالته وعاشرة...في الوقت ده أدركت إن قلبي مغشي عليه وإني حافظه أغاني كتير أوي، وأكيد ده اللي مأثر عليا فبلاقي صعوبه في حفظ القرآن! لو كنت بدلت سماع الأغاني بالقرآن مكنش اتبخر من قلبي ورجعت أحفظه وكأني بحفظه لأول مره!استغفروا.بقلم آيه شاكر*********«كريم»خايف تكون نجمه معتبراني أخوها زي حازم وميسره، وطول اليوم بفكر في كل كلمه دارت بيننا وبدعي ربنا تكون من نصيبي، ندمان أوي إننا اتكلمنا مع بعض وضحكنا بالطريقه دي!خايف أوي أتقدملها فترفضني وتصدمني وأبقى خسرتها...بعد صلاة العشاء خرجت من المسجد، وقفت مكاني للحظه لما لاحظت إن الدبله مش في إيدي! قلت أكيد نسيتها وأنا بتوضى فرجعت أدور عليها في الحمام لكن ملقتهاش، مسحت وشي بعصبيه، حاتم ابن عمي كان واقف جنبي سألني:- بتدور على حاجه؟!هزيت راسي بالنفي، فقال حاتم:- طيب يلا خف رجلك شويه عشان نلحق نتعشى..ولما وصلنا المطعم كانوا منتظرين الأكل وبيلعبوا الإزازة، قعدنا فلفت شروق الإزازة وكان الحظ إنها تسألني فقالت:- إنت فيه سر في حياتك صح؟- أكيد... كلنا حياتنا فيها أسرار... - طيب هو إيه السر؟!- ما هو عشان سر مينفعش أقوله....قلتها بسخرية! فعقدت إيديها قدام صدرها وقالت بسماجه:- ماشي بس مسيري هعرف.ابتسمت بغيظ منها ولفيت الإزازه وسألت حازم:- لو رجع بيك الزمن هتغير حاجه في حياتك؟بص على زوجته وقال بابتسامة ونظرة حب حسيتها مصطنعه:- لو رجع بيا الزمن هتعرف على أسماء من بدري...حمحم حاتم بمرح وهو بيقول:- نحن هنا!بصت أسماء للأرض بحياء، فبص حازم لأسماء وكمل:- دا أنا كان حلمي نجمه وربنا إداني المجموعه الشمسيه كلها...ابتسم الكل، لكني بصيت لنجمه اللي ساكته! وكنت بفكر في جملة حازم قـ ـاطع تفكيري، عمتي دلال:- ربنا يسعدك يا حازم...لفت دلال الإزازة وسألتني:- إيه الإسم اللي بتتمنى إنه يكون اسم زوجتك؟ضحكت وقلت:- إيه السؤال ده!فكرت لثانيه وقلت بنبرة مهزوزة:- أنا أتمنى إسم زوجتي يكون معناه أي حاجه بتنور يعني مثلًا شمس أو قمر أو نور أو... أي حاجه بقا...قالي حاتم بنبرة ماكره:- فعلًا! حاجه بتنور عشان تنور حياتك...ضحك حاتم ورفع ايده وهو ماسك الدبله، وقال:- مش ضايع منك حاجه يا كريم؟ولما حاولت أخدها من ايده، قام حاتم وقف وهو بيبص للدبله وبيتأملها وقال:- مكتوب عليها حرفين! حرف (k) يعني كريم وحرف الـ...