صباح النور يحبيبي.
انتي إزاي هنا وأنا فين؟
اهدي يحبيبي، انت امبارح كنت مدايق وزعلان وأنا كنت في النايت كلب وانت جيت معايا.
أنا مكنتش في وعي، أنا مش فاكر حاجة غير إني كنت في النايت وكنت بشرب.
وشوفتني هناك وقولتلي تعالي معايا وجينا هنا وادينا اهو مع بعض.
انتي هتعمليهم عليا يبت، انسي كل حاجة حصلت.
أنـسي إيه؟ إن شاء الله لا.
مش هنسى، انت لازم تتجوزني فاهم؟
أنـسي استحالة.
لي إن شاء الله؟ وانت فاكر إن السنيورة نبض بتاعتك هترجعلك؟ مهي اتجوزت وسابتك. فوق كدا يا سليم وشوف مين اللي بيحبك ومُستعد يعمل كل حاجة عشانك، ومين اللي خانك وسابك.
بسسسسسس يـ منال!
لا مش هسكت، يا سليم انت هتتجوزني غ*صب عنك فاهم؟
أنا ماشي.
سليم، سليم، ماشي.
والله مهسكت وهخليك تتجوزني غ*صب عنك.
أما سليم فهو نزل للعربية وفضل يضر*ب الدركسيون. إزاي يغلط كدا؟ إزاي يخ*ون حُبه لنبض؟
"العقل: انت لسه بتقول خان*تها؟ هيا اللي خان*تك.
القلب: بس دا غلط، غلط.
العقل: اتجوزها وصلح الغلط دا.
القلب: طب ونبض؟ أنا بحبها.
العقل: فوق بقا ورجع كرامتك، لازم تتجوزها عشان تكسر نبض.
القلب: بس أنا بك*ره منال.
العقل: مبقاش ينفع خلاص، انت مش زبا*لة عشان تسيبها بعد اللي حصل.
القلب: أنا بحبها ومش عايز حد غيرها في حضني.
العقل: لا، هتتجوزها."
سليم بحزم: هتجوزها وهدوس على قلبي بال*جزمة، ماشي يا نبض هتشوفي.
وفضل ماشي بالعربية وكان مشغل أغنية "هيعيش يفتكرني"، وفضل يلف في الشارع ويبص للدبلة اللي في إيده. وراح البيت.
كانوا على الناحية التانية منه وبسنت وندي، اتفقوا إنهم يروحوا يشوفوا سليم.
راحوا.
سليم فتح لهم: مم، نعم؟
سليم: انت كنت فين؟ قلقتنا عليك.
سليم بسخرية: تؤتؤ، الحنية جاية من الشخص الغلط خالص.
ندي بصدمة: قصدك إيه؟
سليم: قصدي إنك من ريحة الحبايب، وأنا مش عايز أشوف حد منكم.
ندي بدموع: انت بتقول إيه؟
بسنت: اهدي يا ندي، سليم ميقصدش.
سليم بزعيق: لا أقصد، مش عايز أشوف حد يفكـرني بيهم.
ندي خرجت وهي بتعيط.
منه: إيه اللي انت عملته دا يا سليم؟
سليم: بقولكوا إيه، أنا مش عايز أشوف حد، اتفضلوا ورايا.
بسنت: انسي، مش هسيبك.
سليم بحزن: لي مقولتلويش؟
منه: والله ما كنا نعرف، إحنا لسه عارفين امبارح بس.
سليم: كسرتني، كسرت حبي ليها، خان*تني. وقعد يعيط وكمل: أنا أول مرة أكون بالضعف دا، انتوا عارفين أنا اه كنت بعرف بنات كتير، بس نبض أول بنت أحبها وأكون مستعد حرفياً أعمل أي حاجة عشان تكون مبسوطة. لي تروح تتجوز وتسيبني؟ طب لي مقلتليش نسيب بعض؟ لي؟ داحنا لسه كنا مخطوبين مكملناش يومين لي تتجوز؟ وتتجوز مين؟ أمجد اللي على طول تقولي دا أخويا، أخويا. طلعت أنا اللي أخوه.
بسنت: اهدي اهدي، أنا حاسه إن الموضوع فيه غلط.
سليم بدموع أكتر وقهر: أهدي بعد إيه؟ أنا غلطت غلطة متتغفرش، ومطلوب مني أعمل حاجة أنا مش عايز أعملها.
منه: عملت إيه؟
سليم: خُ*نتهـ.
بسنت: إزاي؟
سليم: كنت شارب ومنال استغلت دا وكنا مع بعض.
منه بصدمة: انت بتقول إيه؟ سليم انت تعمل كدا؟
سليم: والله ما كنت في وعي، كنت شارب كتير ومنال استغلت دا. أنا بموت، مية حاجة جاية ورا بعضها. نبض والي عملته فيا، والاقرف اللي منال خلتني أعمله. أنا عايز أفهم لي كل حاجة كانت ماشية حلو؟ إيه اللي حصل؟ لي نبض تسبني بالطريقة دي؟ أنا مستهلش منها كدا. حد يقولي غلط في إيه؟
منه: اهدي طيب، انت هتعمل إيه في موضوع منال؟
بسنت: هو انت ناوي تتجوزها؟
سليم: عندك حل تاني؟
منه وبسنت سكتوا. وسليم مسح دموعه ومسك الفون وكلم منال.
سليم: الو، يـ منال.
منال: إيه يا سليم؟ فكرت؟
سليم بصلهم: اه فكرت.
منال بترقب: طب قررت إيه؟ بس أنا مش...
سليم بمقاطعة: إحنا هنتجوز يـ منال، آخر الأسبوع.
منال: بجد؟ سليم أنا فرحانة أوي، بحبك، بحبك. هجهز كل حاجة.
سليم: وأهلكم؟
منال: هما مسافرين، بس هقولهم. عايزين يجوا؟ تمام. مش هيجوا؟ أنا هوكل نفسي.
سليم: ماشي.
وقفـ.
بسنت: انت متسرع أوي كدا ليه؟
سليم: مش قدامي غير كدا.
منه: طب ونبض؟
سليم بصلها وسكت.
منه وبسنت عملوا له أكل بالغ*صب وأكل، وهما ماشيين، وهو قعد. وجت صورهم هو ونبض. وكان مشغل أغنية "مكانك في قلبي".
سليم: شوفتي يا نبض؟ شوفتي أنا وصلت لفين من غيرك؟ شوفتي خيانتك ليا عملت فيا إيه؟ مش عارف أنساكي ولا قادر. انتي إزاي نسيتيني كدا؟ إزاي جالك قلب تعملي فيا كدا؟ مش أنا سليم حبيبك؟ مش كنتي بتقوليلي إنك أغلى واحد في حياتك، وإنك بتحبيني وحياتك مش هتكمل من غيري؟ إيه اللي حصل دلوقتي؟ لي سبتيني كدا؟ لي بعتي بسهولة؟ يا نبض الخي*انة وحشة من أقرب الناس، مش دي كلمتك؟ لي انتي عملتيها فيا؟ لي انتي أقرب حد ليا؟ خان*تيني وكسر*تيني وخلتيني أبقى مزلول؟ لي يا نبض؟ هُنت عليكي أوي كدا؟ اديني اهو هتجوز غيرك بسبب غلطتك. انتي اااااااااه لو تحسي بيا وتعرفي أنا حاسس بإيه، ما كنتيش هتعملي فيا كدا. الله يسامحك.
وشغل أغنية "يا ناسي وعدك" وفضل يقلب في الصور بتاعتهم وافتكر كل مواقفه مع نبض.
ومنهم وهما راجعين من شرم.
Flashback……
في عربية سليم، مشغل أغنية وطاير. ونبض فرحانة.
سليم: فرحانة يا قلبي.
نبض: ههههه، أه فرحانة جداً، أنا الدنيا مش سايعاني من الفرحة.
سليم: هههه، ما محبة إلا بعد عداوة.
نبض: هههه، عندك حق، بس محبة ومحبة كبيرة أوي.
سليم: يسيدي، قولي أكتر.
نبض: بحبك، بحبك يا سليم، بحبك قد البحر وسمكاته، ههههه.
سليم: يخربيت الرومانسية يا قلبي.
نبض قفلت الموسيقى وقالت له: غنيلي يا سليم.
وغنالها "يا عيون". وكان ماسك إيدها. ولما خلص.
نبض: والنبي ده انت اللي عيونك قمر. هوه انت مرتبط؟
سليم: اه مرتبط، بس معنديش مانع يا قمر. هوه أنا أطول؟
نبض: هههه، ممم، بس حاسب بقا علشان أنا سمعت إنها غيورة جداً وممكن تقتلك فيها.
سليم: لا متخافيش، مش هتعرف.
نبض: طب ابقي اعملها يا سليم.
سليم: يا قلبي، كل العك دا كان قبلك، لاكن بعدك مفيش ست تقدر تعمل اللي انتي عملتيه.
نبض: ممم، وأنا عملت إيه بقا؟
سليم: يووه، عملتي كتير أوي يا نبض. أهمهم امتلكتي قلب سليم الهاشمي للأبد. وتاني حاجة غيرتيني وخلتيني إنسان تاني. كنت قبلك نسونجي، لاكن بعدك مبقتش أشوف ستات أصلاً.
نبض: حتى أنا؟
سليم: انتي الستات كلها أصلاً. أقولك؟ اسمعي دي مني ليكي.
وشغل أغنية "بنـبوني ساقط في نوتيلا" وفضل يغني معاها بصوت عالي. ونبض بتصوره فيديو. وفضلوا كدا لحد ما الأغنية خلصت.
سليم: ها عرفتي بحبك قد إيه؟
نبض بدلع: والله مبحب غيرك يا حبيبي.
سليم: أيوا بقا.
نبض: ههههه.
سليم: العب، يسووووولي.
Back………
سليم: مش عارف أكرهك يا نبض.
أما عند نبض:
فهي بتعيط وعمالة تفكر في سليم.
نبض بدموع: طب آدم إزاي مش جاي ياخدني؟ إزاي سايبني كدا؟ وانت يا سليم؟ هانت عليك نبضك كدا؟ سايبني لي؟ مش دورته عليا؟ تعالوا خدوني بقا، أنا تعبت. يا ربي حد يجي ياخدني، وحشتني يا سليم أوي. حتى لو أمجد عمل كدا، انت هتفضل حبيبي لآخر العمر. وعمري محب غيرك، وعلى موتي إني أكون لحد غيرك. بحبك يا قلب نبض، وحشتني أوي.
أمجد بهدوء: انتي لسه مكلتيش.
نبض بصراخ: ومش هاكل يا أمجد، مش هاكل غير لما أخرج من هنا. أنا عايزة أروح لآدم وسليم.
أمجد: مفيش آدم وسليم، في أمجد بس يا حبيبتي. كُلي كدا، انتي خسيتي ووشك بقى دبلان وعينك باظت من كتر الدموع، وأنا مش هاين عليا تكوني كدا.
نبض: افهم بقا، افهم. أنا بكرهك يا أمجد، بكرهك. انت مش طبيعي، فاهم؟ انت مش طبيعي. طلعني من هنا بقاااا، خرجني من هنا. أنا عايزه أخرج من هنا.
أمجد بزعيق: ماشي، هتخرجي من هنا قريب. بس صدقيني هتندمي إنك خرجتي، وهتشوف.
وخرج وسبها.
وكدا عدى الأسبوع بين بكاء نبض وأملها إن حد يخرجها، وسليم اللي غرقان في أحزانه، ومنال اللي بتجهز للفرح اللي هتعمله في أفخم الفنادق، ومنه وبسنت اللي مش سايبين سليم لوحده، وأمجد اللي عنده أمل إن نبض تكون له. أما آدم فهو هيم*وت ويشوف نبض، ومش قادر يصدق إنها تعمل كدا. وكل يوم بتغيب بيتأكد اللي حصل.
جي اليوم وهو يوم فرح سليم ومنال. وسليم كان قاعد نفس مكانه بتاعه، هو ونبض. وهو لابس البدلة ومش مصدق.
سليم بهم: ااااه يا نبض، شوفتي وصلتينا لإيه؟ أنا قاعد في أكتر مكان جمعنا ببدلة فرح لأكتر واحدة أنا وانتي بنكرهها. شوفتي عملتي فينا إيه؟ يا نبض عمري مهسامحك. نبض، مش مسامحك.
منه على الفون: الو يا سليم، انت فين؟
سليم: أنا في حتة كدا، كان لازم أروحها الأول وجاي.
منه: سليم، أنا عايزك تفهم إن وقفتي جمبك عشان إحنا صحاب، وانت أخويا، ونبض كمان أختي.
سليم: عارف يا منه، عارف.
منه: طب يلا تعالي بسرعة.
سليم: حاضر يا منه، جاي.
سليم بص للدبلة: وحشتيني. وقام مشي. وشغل أغنية "لسه حبيبي بستناك".
أما عند بسنت ومنه:
بسنت: تفتكري اللي إحنا بنعمله دا صح؟
منه: إحنا كان لازم نقف جنب سليم. يبسنت، وأدينا مستنين نبض تظهر. بصراحة صدمتني، إزاي تعمل كدا؟
بسنت: بس أنا حاسة الموضوع فيه حاجة غلط.
منه: وأنا كمان والله. بس هيا فين؟ وكمان المسدجات اللي سليم وريهالنا منها كل دا إيه؟ واختفاؤه.
بسنت: ربنا يرجعها لينا بسلامة. ولما ترجع هنسأل أكيد.
منه: اه والله، أنا قلبي بي*تقطع على سليم.
بسنت: وأنا والله حبيبي صعبان عليا جداً. ربنا معاه. بس هوه مُضطر للأسف.
منه: تفتكري لو نبض فعلاً مظلومة هتسامحنا وتسامح سليم؟
بسنت: اه يا منه. أنا خايفة من ردة فعلها والله.
منه: ربنا يستر بجد.
*عند أمجد ونبض*
نبض بترزع على الباب: أمجد، افتح يا أمجد. خرجني من هنا بقااا، خرجني من هنااااا يا أمجد. افتح يا أمجد، والله أموت نفسي، افتح بقا.
أمجد فتح: إيه يا حبيبتي؟ أنا كدا كدا كنت جايلك.
نبض: حصل حاجة صح؟ أنا قلبي مقبوض من الصبح ومخنوقة.
أمجد: قلبك حاسس. خدي ادلـها تليفونها ومفتاح العربية وورقة.
نبض: إيه دا؟ انت هتسبني أمشي؟
أمجد: اه، بس تروحي على العنوان دا الأول.
نبض: عنوان إيه دا؟
أمجد: فندق اللي هيتعمل فيه فرح سليم يا حبيبتي.
نبض بضياع: انت كداب، سليم عمره ما يعمل كدا، مش هصدقك، انت بتكدب.
أمجد: حقك تبقي مصدومة، بس دي الحقيقة المرة يا قلب أمجد. حبيبك اللي انتي رفضاني عشانه، غبتي عنوا أسبوع بس، راح اتجوز وفرحه شغال دلوقتي، يدوبك تروحي تلاقيـه جمب عروستو. والعروسة مفاجأة بقا، يلا مش هحرقها لك.
نبض بصراخ: انت مريض، مريض. وطلعت تجري ونزلت خدت العربية. وفتحت الفون واتصدمت من كم مكالمات سليم وادم ومنه وبسنت وندي، ومسدجات على الواتس أب بينها وبين سليم.
نبض برفض: إيه الكلام دا؟ إيه دا؟ إزاي سليم؟ سليم حبيبي؟ لا لا. وخدت العربية وفضلت تتصل على منه وبسنت ومش بيردوا.
وفي نفس الوقت كانت زفة سليم. وكان راسم على وشه ابتسامة باهتة. ودخلوا ورقصوا مع بعض.
نبض دخلت الفندق وقلبها بيدق ودموعها في عينها. بتـقدم رجل وبتأخر رجل. مش مصدقة إن سليم يعمل كدا. دخلت القاعة بتاعت الفرح واتصدمت من سليم وهو بيرقص مع منال. منال العروسة.
نبض بعياط هستيري وجريت عليه. وسليم اتصدم لما شافها. حس أحاسيس كتير وهو شايفها قدامه دبلانة وعينها عياط، ووحشاه. ونفسه ياخدها في حضنه.
أما نبض وهي بتعيط بهستيريا: سليم، سليم، لا والنبي، والنبي قولي إنك معملتش كدا. يا سليم رد عليا، انت بتتجوز؟ بتتجوز منال؟ يا سليم، يا سليم أنا نبض حبيبتك. وفضلت تض*ربه.. رد يا سليم، رد. انت إزاي تعمل كدا؟ إزاي تتجوز؟ يسليم؟ إزاي تعمل كدا؟ هُنت عليك بقا؟ أنا قاعدة أسبوع في عذ*اب ومستنياك تيجي وتخلصني منه. وانت هنا عايش حياتك وبتتجوز؟ يا سليم بتتجوز؟ طب طب ودبلتك اللي في إيدي دي؟ يا سليم رد عليا.
سليم واقف مكانه مصدوم تماماً. مش هيا دي اللي قالتله أخويا؟ وعيش حياتك؟ واتجوزت؟ طب طب إيه اللي بيحصل؟
نبض لقيته سكت. بصتله بصة أخيرة وقالت بقهر: وحياة حُبي ليك يا سليم، مهتشوف وشي تاني. انسي نبض اللي كانت بتحبك. يا سليم انساني. وانت اللي بدأت، وانت اللي خدعتني واتجوزت وخنت حُبي ليك. وفعلاً غدرت بيا وكسرتني. يا سليم، كسرتني بجد.
منه بتوتر: نبض، انتي ا...
نبض بزعيق: وانتوا كمان؟ بدل ما تكونوا قلقانين عليا، بتحضروا فرح سليم؟ أنا مش عايزة أعرفكم تاني. بجد شكراً على الجرح اللي سبتوا ليا. يخسارة بجد، يخسارة بكره*كوا. بكره*كوا.
وخرجت مشيت. وركبت العربية وهي منهارة. إزاي سليم يعمل فيها كدا ويتجوز؟ سليم يتجوز ويخو*نها؟ إزاي؟ والحب اللي مبنا إزاي؟ سليم يعمل كدا؟ دا بدل ما يدور عليها بيتجوز؟ طب إزاي؟ إزاي؟ وفضلت تعيط ومشيت.
أما جوا، الأجواء مكانتش كويسة خالص. الفرح كله بقى بيتكلم عن اللي حصل. ومنال واقفة هتموت من اللي حصل. أما سليم فهو واقف مصدوم. نبض؟ نبضه كانت هنا؟ إزاي؟ مخدهاش في حضنه؟ ومشيت إزاي؟ سبها تمشي إزاي؟
أما بسنت ومنه، فهما كانوا بيعيطوا على كره صحبتهم ليهم، وعلى موقفها منهم.
أما عند نبض فا...!!