رواية مطلوب عريس صعيدي — الفصل 21 — بقلم سيليا البحيري
مالك: أه هعملهم كلهم.
مايا بانهيار: مش هعملها تاني، وعد، وعد، وعد.
مالك: ولو خلفتي وعد؟
تكلمت بنبرة ضعيفة من كثرة البكاء:
مايا: هسيبك تعمل اللي عايزه، بس دي آخر مرة واللهي، وعد.
مالك: هو انتي ليه بتتكلمي بطريقة غريبة؟
مايا ببكاء: أنا مريضة نفسية، فمش بعرف أتكلم غير كده.
مالك: كمان مريضة نفسية، مدمنة ومريضة نفسية.
يجلس مالك بجانبها ويسند ظهره للحائط، ويمسح على شعرها ويضحك على حاله.
مالك: إيه الحظ ده، مدمنة ومريضة نفسية.
مايا ببكاء كالطفلة: معلشي، معلشي. مش هكلمك بالطريقة دي تاني، ولو عايز تطلقني يلا، انته ملكش ذنب إنك تتحملني كده.
يضمها إليه ويمسح على شعرها بحنان.
مالك: بس يا بت، كفاية عياط، مش وحش كلامك ده، مسلي حتى. هوديكي عند دكتور نفسي وتتعالجي وتبقي حلوة.
مايا: الوسخ بيفضل وسخ، زي ما انته قولتم.
مالك: بس انتي مش وسخة، أنا كنت متعصب، بس بس انتي ضحية ظروف ووحدة.
مايا بفرح: يعني مش هتعذبني؟
مالك: لا، هتتعاقبي برده عشان متعمليش كده تاني.
مايا: الله يخليك، آخر مرة.
مالك: طيب، سماح، آخر مرة. هقتلك المرة الجاية، فاهم؟
مايا: انته، انته...
مالك: أنا إيه؟
مايا: انته هتسبني؟ هتطردني من بيتك إمتى؟
مالك: أما ربنا ياخدني أو ياخدك، هبقى أسيبك.
مايا: بعد اللي عرفته ده، ولسه عايز تحميني؟ أنا مدمنة ومجنونة، كله بيقول عني مجنونة.
مالك: المريض النفسي عمره ما كان مجنون.
مايا ببكاء: بس انته ملكش ذنب، وبعدين أنا مجرد عبء عليك، بس من يوم ما دخلت بيتك وأنا بعمل لك مشاكل.
مالك: تعرفي؟ هقولك على حاجة.
مايا: قول.
مالك: أنا كنت الأول بأجي من الشغل متأخر، أو لما أجي بدري، أتغدى وأطلع أنام. كنت بقعد مع نفسي هنا ساعات، وساعات مكنتش باجي البيت أحياناً. بس لما انتي جيتي، خليتي لحياتي طعم، غيرتي الروتين الممل. بحب كلامك أوي، وبحب عندك أوي. تعرفي لو رجعت يوم ومكنتيش هنا في الأوضة، تنقريني، هزعل أوي.
مايا: هتمسك دبدوب مايا وتعيط.
مالك بابتسامة: لا، هزعق لمايا وأقولها متسبنيش لوحدي.
مايا: ومايا برده هتزعل وتعيط لو مكلمتش مالك.
مالك: اخدنا على بعض بسرعة، صح؟
مايا: أه.
مالك: استني، هفكك.
يفك مالك قيدها.
مايا: عارف انته بتبان قاسي، بس انته مش قاسي، انته صريح أوي.
مالك: يمكن.
مايا: مايا هتفضل معاك، وعد، هفضل معاك دايماً وهنقرك دايماً، وعد. مش هسيبك، حتى لو جرالي حاجة، هجيلك في أحلامك، دايماً أطمن عليك.
يضع مالك إصبعه على فمه.
مالك: مايا هتفضل كويسة دايماً، وهتبقى زوجة مطيعة وأم عسل.
***
وفي الصباح، تستيقظ مايا بنشاط وتعد الفطور لمالك وتحضره له في الغرفة.
مايا: مالك، اصحى.
مالك: خمسة بس.
مايا: يلا قوم، الفطار جاهز.
مالك: إيه النشاط ده؟
مايا: قوم يالا.
مالك: طيب.
تضع مايا الفطور على السرير.
مالك: انتي اللي عملتيه؟
مايا بابتسامة: أيوة، مالك. أنا هتغير عشانك، عشان انته ملكش ذنب معايا. هحاول أبدأ من جديد معاك، موافق تستحملني؟
مالك: أكيد موافق، هستحملك وهستحمل غباء حضرتك.
مايا: تصدق؟ الفطار خسارة فيك يا خسارة. الصحين بدري.
مالك بحدة: نعم؟
مايا: بكلم نفسي.
مايا: استنى.
مالك: إيه؟
مايا: هأكلك بإيدي.
مالك: 😯 يا ساتر استر.
مايا: يلا افتح بقك.
تطعم مالك بيده.
مالك: افتحي بقك انتي كمان. هم يا جمل.
مايا بفرح: أهو.
مايا في خاطرها: إحساس حلو أوي إن يكون عندك حد يسندك ياها، يا ريتني كنت عرفتك من زمان.
***
وفي مقر الأمن.
مي: ممكن أفهم حضرتك هتحبسني من امبارح ليه؟
ياسر: مزاجي.
مي: لا والله.
ياسر: عايزة تعرفي ليه؟ عشان طولت لسانك على ظابط.
مي: ده اسمه استخدام السلطة، بتستخدم سلطتك عليا.
ياسر: أيوه، وعملتلك محضر تعدي على ظابط، وممكن أعملك أسوأ من كده.
مي: ده انت مجنون بقى.
ياسر: اتلمي أحسن لك، كده هتتسجني ٣ سنين.
مي: أتسجن من غير ذنبي؟
ياسر: أيوه، حد قالك تشتميني؟ بس ممكن أطلعك وأتنازل عن المحضر.
مي: انت عايز إيه مني؟
ياسر: عايزك ليا.
مي بغضب: انت سافل ومش محترم، ولا عندك أخلاق.
ياسر بخبث: فهمتي غلط، عايز أتجوّز وبدور على عروسة، وانتي هي اللي هتبقي مراتي.
مي باستغراب: نعم؟
ياسر: أظن سمعتي قولت إيه.
مي: هو حضرتك مش ملاحظ إنّي متهمة في قضية تانية كمان؟ ده أنا أتسجن أحسن ما أبقى مع واحد زيك، ده أنا مش بضيقك كدة، القرف.
ياسر بغضب ويمسك من حجابها: أنا غلطان إني عايز أعملك بني آدمة تانية ويكون عندك عيلة. بنا، ممكن آخد اللي عايزة من غير جواز، بس أنا قلت لا، حرام، خليها مراتك أحسن.
مي بألم: ده السجن أرحملي منك. انته واحد...
يخرسه بقبلة منه تقطع أنفاسهم ويبتعد عنه ليتركه مصدومة. وضعت يدها تتحسس شفتاه.
مي بغضب: انته واحد قليل الأدب وسافل.
ياسر: أول مرة أعملها، الله يخربيتك، عملتي فيا إيه.
مي: يخربيتك، انته، اللهي يلعن اليوم اللي شفتك فيه ده اسمه زنا، انت متخلف.
ياسر: امسكي، اقري الورق دي.
تمسك مي الورق.
مي بصدمة: انته واحد مجنون.
ياسر: أخذ توقيعك من على المحضر وحطيتها على ورقة بيضة وعملتها عقد جواز عرفي.
مي: تزوير، ومسمي نفسك ظابط؟
ياسر: هكتب كتابي عليكي بكرة، لو الورقة الحلوة دي هتتنشر وهتبقى فضيحة ليكي، وأنا هقولك أنا مزورة التوقيع وبتغريني، ها قدامك النهاردة تفكري فضيحة ولا جواز؟
مي: انته مستحيل تبقى بني آدم.
***
وفي كلية بسنت.
فارس: أهلاً، آنسة بسنت.
بسنت: انته.
فارس: أه، أنا بعتلك أدب، بس انتي رفضتي.
بسنت: عايز إيه؟
فارس: أنا معجب بيكي جداً.
بسنت: وانت تعرفني منين؟
فارس: حب من أول نظرة.
بسنت: بجد؟
فارس: أه، تحبي أثبتلك؟
بسنت: إذا.
فارس: أقول قدام الكل إني بحبك.
بسنت: انته أكيد مجنون، اسمع أخويا لو عرف هيقتلني.
فارس: ليه؟ هو الحب حرام؟
بسنت: لا.
فارس: طب ليه منعه نفسك، وانتي شكلك معجبة بيه.
بسنت: انته بتقول إيه؟
فارس: آنسة بسنت، الحوارات دي مش عليا، أخوكي ومش أخوكي، انتي مش صغيرة، وعلى ما أعتقد إن أخوكي متجوز، يعني انتي ليكي حرية في اختيارك.
بسنت: أه، بس...
فارس: اسمعي قلبك وبلاش عقلك، أنا جيت قولتلك عشان بحبك، ها، قولتي إيه؟
***
وعند مالك.
مصطفى: دول البنات اللي أنقذناهم من المخزن.
مالك: متخافوش، عايز أعرف كل حاجة، وأوعدكم كل واحدة منكم هتبقى مأمن عليها.
تنظر الفتيات لبعضهن البعض.
فتاة: يا باشا، إحنا منعرفش حاجة.
مالك: نعم ياختي، ومخطوفين ليه؟ يا نسرين، اسمك نسرين، صح؟
نسرين: أه، بس إحنا منعرفش حاجة.
مالك بغضب بحدة: لو كانت تجارة أعضاء، مكنتوش لسه عايشين. الحوارات دي مش عليا.
نسرين: هم قتلوا نرمين قدامنا.
مالك: ليه؟
يفتح الباب وتدخل مايا فجأة، لينظر مالك لها بعيون مشتعلة.