تحميل رواية «مش هي دي العروسة» PDF

_هي دي العروسه !!_

_اها يبني هي_

_مستحيل يا امي مش دي اللي انا اختارتها و مضيت علي عقد الجواز انها تبقي مراتي !_

_ازاي بس يبني مش قولتلي عليها و انا قولتلك اسمها و جوزتهالك_

_مش هي مش هي يا امي_

_طيب فهمني ازاي أو اي اللي حصل تقول انها مش هي_

_يا ماما ساعه ما شاورت علي اللي كنت عايزها و دي كانت واقفه جنبها_

_اها بس ساعتها قولتلك هي دي قولتلي اها_

_بس مش هي دي اللي كنت عايزها_

_خلاص يبني مالها دي هي كده خلاص بقت مراتك_

_بس انا مبحبهاش هكمل معاها حياتي ازاي_

_يبني الجواز قسمه و نصيب ودي برضوا بنت ناس و متربيه_

_بس انا عايز التانيه_

_اكيد مش نصيبك خلاص بقي ؛انا هنزل تحت وانت ادخل ل مراتك_

بصيت ل ماما بصدمه ازاي تتلغبط كده بس لغبطه أدبست في واحده مش عايزها ؛انا جيت الصعيد عشان شغل اتنقلت انا و ماما و لما جيت شوفتها بس مش عارف لي حصل كده .

دخلت الاوضه عليها لقيتها قاعده رفعت وشها منكرش انها جميله بس للاسف مش هي اللي انا اختارتها

_ازيك يا نورا_

_الحمدلله_

_انا اسمي حازم_

_ما انا عارفه انك حازم_

_امممم طيب ادخلي غيري هدومك_

_ا اها حاضر هدخل اهو_

هي دخلت وانا فضلت واقف مكاني مش عارف اتصرف ازاي ولا اتقبل الموضوع ازاي ؛اتقبل واحده خلاص بقت مراتي بس انا معرفهاش ولا اعرف عنها حاجه!

بعد شويه لقيتها خرجت و قعدت قدامي .

_احضرلك الاكل_

_لا يا نورا شكرا انا مش جعان_

_م ماشي_

_لو جعانه قومي كلي_

_لا مش جعانه_

سكت شويه وبعدها اتكلمت

_انتي متعلمه يا نورا_

_انت متعرفش اللي هتتچوزها متجوزه ولا لاه_

_انتي قلبتي وصعيدي ازاي_

_ههه عادي_

_ها بقي متعلمه ولا لا_

_اها متعلمه معايا بكالوريوس تجاره_

_بجد_

_اها والله_

_كويس بس قليل في الصعيد اللي بيدخل الجامعه دلوقتي_

_لا مين قالك كده احنا عندنا في الصعيد ناس كتير بتتعلم و خريجه جامعه_

_بس فيه ناس كتير قابلتهم مش متعلمين_

_يمكن اللي اتعملت معاهم بس مش هيبقوا كتير برضوا_

_ازاي_

_يعني هنا نص البلد متعلمه و النص التاني دبلوم و قليل جدا اللي مش متعلم زي اي بلد في مصر كده_

_قصدك القاهره مصر!!_

_هههه لا طبعا ما الصعيد في مصر ؛انا مش بتكلم عن القاهره ما انا فاهمه أن القاهره و الصعيد و كل الاماكن دي كلها مصر انا بتكلم عن بلدنا مصر_

_اممم و ياتري شايفه الصعيد ازاي_

_الصعيد بلد جميله و فيها حاجات حلوه و انا بحبها ؛بس زي ما فيها مميزات فيها عيوب ؛زي اي مكان_

_انتي حبيتي قبل كده يا نورا_

_يعني لو حبيت هقولك ؛انت جوزي دلوقتي !!_

_لا اتكلمي بصراحه و سيبك من موضوع جوزك دلوقتي انا حابب اتعرف عليكي و تتعرفي عليا قبل ما نكمل حياتنا_

_بصراحه حبيت قبل كده_

_وهو راح فين_

_موجود_

_موجود!!!!!_

_طيب و هو بيحبك_

_مش عارفه أو مش متاكده_

_طيب و مقولتلوش لي_

_هيجي اليوم و يعرف ل وحده_

معرفش ليه حاجه ضايقتني بس انا كنت عايز اعرف معلومات عنها ؛سبتها و طلعت و نمت في اوضه تانيه ؛تاني يوم صحيت علي صوتها بتتكلم بكسوف و هدوء

_حازم انت لسه مصحتش_

_لا صحيت هي الساعه كام_

_الساعه 10_

_و سيباني نايم كل ده_

_و اي يعني_

_انا عندي شغل_

_بكسوف و صدمه_

_يوم الصبحيه!_

معلش، عندي شغل.

ماما هتطلع عندك دلوقتي تحط الأكل، وبعدها تنزل، وأنا هاجي بعد الشغل.

ولي هي تطلع؟ ما أنا هنزلها.

عشان انتي عروسة جديدة وكده.

لا، ميصحش هي تطلع وتتعب نفسها. أنا هنزل.

انتي ينفع تنزلي تحت عادي لـ ماما.

آه، عادي. عندنا في الصعيد عادات وتقاليد تخليني أنزل لحماتي وأتعامل معاها كويس. دي مامتك.

يعني مش هتقعدي لوحدك بعيد عنها.

ابتسمت بلطف وهزت راسها.

لا طبعاً مستحيل. مامتك دي مامتي ومش هينفع أسيبها لوحدها.

بس عندنا في القاهرة و...

عندكم عادات غير عاداتنا، بس أنا هنزل لها تبع عاداتنا مش عاداتكم. وبعدين يلا بقى روح شغلك وأنا هلبس وأنزل.

فعلاً هو نزل وأنا لبست ونزلت لحماتي. من العادات اللي بحبها في الصعيد أو الإيجابيات اللي في الصعيد أو الأرياف إني هنزل أساعد حماتي.

واجب عليا أو من إنسانيتي إني أنزلها. معنديش أي مشكلة أساعدها، أصل كده كده هيتعمل معايا فيما بعد. هلاقي برضه مرات ابني تنزل وتساعدني. هي كده الحياة تعاون.

نزلت تحت لقيتها واقفة في المطبخ. خدت منها الحاجات.

انتي نزلتي لي انتي كمان.

هنزل أساعدك يا ماما.

تساعديني إيه؟ انتي عروسة.

وإيه يعني؟ هساعدك. بس عنك كده ممكن.

فعلاً بعدت عني وأنا عملت الأكل وسيبته على النار، وطلعت رتبت البيت. كده كده مفيش فيه أطفال إنه يتبهدل. مفيش مع حماتي غير رامي بس في الشغل، وبناتها طبعاً في القاهرة متجوزين.

بعد كده دخلت قفلت على الأكل ورتبت المطبخ وقعدت جنب حماتي.

انتي تعبتي نفسك جامد يا نورا.

مفيش تعب ولا حاجة، دي حاجات قليلة.

طيب يا بنتي ربنا يكرمك. اطلعي بقى شقتك.

ليه كده يا ماما.

كده اطلعي اقعدي فيها براحتك عشان رامي جاي بعد شوية.

ماشي يا ماما.

طلعت فوق وشقتي كانت لسه جديدة، معملتش فيها حاجة. صليت ومسكت الموبايل وكلمت حازم واتس.

هتيجي امتى؟

شاف الرسالة ورد عليا بعدها.

مين؟

أنا نورا!! انت مش مسجل رقمي؟

رد بعد شوية.

لا نسيت أسجله معلش. امتى فين؟

في الشقة.

نزلتي عند ماما.

آه، وقالتلي بعدها اطلعي.

طيب.

هتيجي امتى.

بتسألي ليه؟

استغربت وبعدها رديت.

عشان الأكل.

آه، لا أنا باكل في الشغل. سلام بقى عشان عندي شغل.

كنت مندهشة جداً من رد فعله النهارده. أول يوم بعد فرحنا مفيش بينا أي حاجة أو حتى كلام غير قليل، وبيتكلم كده ليه؟ أنا مش فاهماه خالص.

العصر أذن وصليت. وبعد العصر نزلت كملت الأكل وحطيته قدام حماتي ورامي.

هو حازم مش جاي.

لا يا ماما عنده شغل.

ده النهارده أول يوم في الفرح.

معلش يا ماما عنده شغل.

طيب اقعدي كلي.

هستناه لما يجي وأكل.

بعد الأكل خدت الأطباق ورتبت المطبخ. وبعد كده حماتي قالتلي اطلعي شقتك.

بعد الأكل خدت الأطباق ورتبت المطبخ، وبعد كده حماتي قالتلي: "اطلعي شقتك."

طلعت وصليت، وبعدها مسكت الموبايل أقلب فيه. دخلت على الصور وطلعت صور حازم من الموبايل. كنت بجيب صورة من فيسبوك. أول مرة شفت حازم كان في البلد، منكرش إنه عجبني جداً، وخطف قلبي كمان.

بعدها استغفرت ومشيت، وعرفت إنه متقدم لي. وبما إن عمي ما كانش بيسمح إني أقابله أو أشوفه غير بعد كتب الكتاب، عشان هو كان عارفني وجه اتقدم، يبقى ملوش لازمة إني أقابله. بعد كتب الكتاب جبت صورة من فيسبوك وحفظتها عندي. أسعد يوم في حياتي هو يوم جوازي من حازم وربط اسمي باسمه، فعلاً هو أحلى يوم في عمري حرفياً.

بما إن والده كان متوفي من فترة، ما عملناش فرح وكده. بس إحساس غريب بيجذبني، حازم تصرفاته معايا غريبة.

خرجت من شرودي على صوت فتح الباب.

"نورا."

"حمد الله على السلامة."

"الله يسلمك."

"أجهز لك أكل؟"

"مش أنا قولت لك هاكل في الشغل."

"أنا قولت إنك تغير رأيك."

"لأ، أنا فعلاً أكلت في الشغل."

"اممم تمام."

"أنا هدخل أنام عشان تعبان جداً."

"أوك."

حاسة في تصرفاته بشيء غريب، هو ده الجواز اللي كنت بتمناه أعيش معاه؟

عدت أيام واحنا بنفس النظام، يروح الشغل ويرجع، ومفيش كلام بينا غير قليل، وأنا اللي كنت بكلمه. وكنت بخصص يوم لماما في الأسبوع، أروح لها اليوم كله، غير في نص اليوم أروح أساعدها بعد ما أساعد حماتي. وكده كده شقتي مش بقعد فيها كتير.

في يوم، صحيت وخطبت عليه كالعادة. قام.

"صباح الخير."

"صباح النور."

"إيه الشنطة دي؟"

"عندي شغل في القاهرة."

"النهارده؟!"

"آه، النهاردة. عايزة حاجة؟"

"لأ. هتقعد قد إيه؟"

"لسه مش عارف."

سبني ومشي، وأنا بحاول أعدي، يمكن شغله كده، يمكن عنده ضغوطات. نزلت لحماتي وخلصت كمان، وقولتلها هروح لماما، ومعترضتش بصراحة. روحت عند ماما ارتحت شوية، وقمت ساعدتها مع مرات أخويا. كنت ماشية عشان أروح البيت، ولقيت واحدة وقفتني.

"إنتي بقي مرات حازم؟"

"آه أنا."

"إمتي العروسة البدل؟"

"عروسة بدل إزاي؟!"

"إنتي متعرفيش إنه كان عايزني أنا واختارك بالغلط؟"

"إيه ده؟ أكيد كذابة."

انتي مهتعرفيش انه كان عايزني أنا واختارك بالغلط.

انوي أكيد كذابة.

هههههه يبقى اسأليه.

روحت البيت وأنا مصدومة.

طلعت على شقتي وأنا يفتكر معاملته معايا دايما بيبعد، يبقى أكيد عشان كده.

كنت قاعدة بعيط وبحاول أتحكم في أعصابي.

إزاي كده يعني، حتى ما بيحبنيش.

كنت بنزل لحماتي وتسألني مالك، أقولها ما فيش.

بعتلي مرة على الواتس وفتحت ومردتش عليه.

حتى كنت ببعتله، مبقتش أبعت.

قولت ولما يجي هطلب منه إنه يطلقني ويتجوز اللي هو عايزه.

حازم:

رجعت قبل ميعادي.

حسيت إنه فيه حاجة، دي مش معاملتها وضحكها اللي كان بيستفزني.

روحت لقيت ماما، سلمت عليها وعرفت إنها بقت تطلع على طول بعد ما تخلص حاجات ماما وأخويا.

طلعت فوق وفتحت الشقة، لقيتها قاعدة دبلانة وتحت عيونه سودة.

روحت عليها.

مالك يا نورا؟

انت اتجوزتني ليه؟

فاجأتني بسؤالها.

اتجوزتك ليه، إزاي؟

عادي.

لا اتجوزتني بالغلط صح؟

مين قالك كده؟

ده فعلاً صح.

رد عليا.

مين اللي قالك؟

طلقني يا حازم.

بتقولي إيه بعصبية.

بقولك طلقني عشان أريحك مني.

يعني انتي عايزة كده؟

آها.

حاضر، هبقى أطلقك بس ممكن استنى لحد خطوبة رامي عشان محدش يحس بحاجة.

هزت راسي ودخلت أنام.

صحيّت تاني يوم، نزلت لـ مامتك عشان ما تحسش بحاجة.

ومصحتهوش.

بعد شوية نزل وأنا طلعت فوق.

مامته وقفته.

انت مزعل مراتك يا حازم؟

لا يا ماما، لي بتقولي كده؟

متزعلهاش يبني، مراتك بنت أصول مفيش زيها الأيام دي.

وأنت مش موجود كانت بتنزل وتعمل كل حاجة، حتى بتروح لـ أمها وكانت بتساعدها، دي كانت مش بتاكل غير لما أنت تيجي.

فضلت واقف أستوعب، أنا ما كنتش بأكل معاها عشان كده خست، أظاهر إني غلطت فعلاً.

بعد ما عرفت إن البنت اللي كنت عايزها اتجوزت، وقبلت نورا وقالتلها، وكمان معاملتها لـ جوزها وأمها وحشة جداً، مش زي نورا خالص.

طلعت فوق لقيتها قاعدة، وكانت هتدخل بس مسكت أيدها.

بعدها حسيت برعشة إيدها.

استنى.

من غير ما تلف وشها.

نعم.

انتي مش هتاكلي؟

لا، كل لوحدك.

هناكل مع بعض.

بعد إذنك اتعامل معايا بحدود.

سابتني ودخلت وأنا قولت لازم أصلحها، أكيد مش هلاقي زيها، وحتى مش هتلاقي زي اهتمامها وشقاوتها وسؤالها عني.

هي أول واحدة قلبي دقلها.

خدت الأكل ودخلت عندها.

يلا كلي.

اطلع بره.

لا مش هطلع، يلا كلي.

مش هاكل.

مسك الأكل وأكلها بـإيده. غصب عنها كانت الأول بتعاند، وبعدها استسلمت لأكله.

بعد شوية نزلت حضرت الأكل لماما وطلعت بعدها. ماما قالتلها: "هي هتكمل".

طلعت لقتني حطيت لبسي في الأوضة ونايم على السرير.

"انت بتعمل إيه؟"

"هعمل إيه يعني؟ هنام."

"دي أوضتي، اطلع بره."

"أنا هنام هنا، مليش دعوة."

"خلاص، أنا هطلع."

لسه كنت همشي، شدني من إيدي ووقعت جنبه على السرير.

"انتي بتعملي إيه؟"

"هنام في الأوضة التانية، ابعد يا حازم."

همس: "توتو، هتنامي جنبي."

"بعد إذنك، اتكلم معايا بحدود. وسّع."

"حدود مع مراتي إزاي؟"

"انت هتطلقني؟"

"مش هطلقك."

"لا، هتطلقني وتروح لحبيبة القلب. طلقني يا حازم."

"خلاص، نامي وهطلقك بكرة."

"جامد أوي."

"بس..."

"شششش، نامي."

باس راسي ونام.

قمت تاني يوم لقيته جهز أكل وحطه جنبي.

"قومي يلا عشان ناكل."

"مش هاكل."

"مش بمزاجك."

"لا، بمزاجي. أنا هنزل لماما تحت."

"أنا وماما خلصنا تحت من بدري، يلا كلي."

"هزل و..."

"ششش، كلي يلا."

قعد يأكلني وأنا مستغربة. وكان بيبصلي، وللأسف قلبي المهزوز كان بيدق.

"أنا شبعت."

باسني في خدي وأنا اتصدمت. وهو ضحك.

"بالهنا والشفا."

دخل المطبخ وأنا قولت في دماغي: "ده أكيد بيستغلني وبعدها يطلقني."

طلع من المطبخ.

"هتطلقني إمتى؟"

"أنا بحبك."

"لا، هتطلقني. وانت بتقول إيه؟"

"أنا بحبك يا نورا."

"انت بتكدب عليا يا حازم، انت بتحب..."

"والله بحبك. انتي ممكن التانية تكون إعجاب بس، راح أنا حبيتك انتي، ومفيش في قلبي غيرك."

"احلف مش هتطلقني."

ضحك: "والله ما هطلقك، أنا بحبك."

كمل بغيره: "ولا انتي بتحبي حد تاني من قبل الجواز؟"

"آه، بحب."

"هو مين ده وأنا هموته و..."

"بحبك انت."

"هموته و..."

"قولتي إيه؟"

"بحبك انت من أول مرة شوفتك فيها، وانت دخلت قلبي."

حضني: "وأنا بعشقك يا نور."

بعد خمسة وعشرين سنة، بنحتفل بأول مولود لابني أسر معايا في البيت. بعد وفاة حماتي، جت مرات ابني بتعاملني بفضل ربنا نفس المعاملة، ومابتسيبنيش. بعيد عن العادات والتقاليد.

حازم: "النهاردة بحتفل بمرور خمسة وعشرين سنة من جوازي من مراتي حبيبتي وعشقي الوحيد، اللي بيها ربنا رزقنا بأجمل عيلة. وسندي ودعمي ليها، واحتفال بالرواية اللي عملتها ليها وباسمها."

"اسمها إيه؟"

باس جبيني: "عروسة الصعيد. انتي عشقي الوحيد، بحبك."

"وأنا بعشقك."