تحميل رواية «موسم الحب» PDF

تايجر وزينه روحوا بيتهم الجديد في العمارة اللي الشباب وتايجر اشتروها ليهم.

تايجر فتح الباب وشالها ودخلها.

تايجر بابتسامة وعشق: نورتي بيتك ياعروسة.

زينه بخجل: نزلني.

تايجر بمشاغبة: يا حلاوة مكسوفة من دلوقتي.

"تايجر"

"ياتايجر"

"تايجر"

"ياتايجر"

زينه بخضة: إيه ده؟ هما بينادوك ليه؟ فيه حاجة حصلت ولا إيه؟

تايجر نزلها بقلق: مش عارف، خليكي هنا وهشوف فيه إيه.

تايجر فتح البلكونة وطلع لقى خالد قاعد على العربية ومؤمن جنبه.

تايجر: إيه؟ فيه إيه؟

خالد: مفيش، بنطمن عليك بس لو احتجت حاجة.

تايجر بغضب: وأنا هعوز منك إيه يارحمك انت وهو؟ غوروا من هنا، اطلعوا شقتكم.

وقفل البلكونة بغضب ودخل لزينه.

تايجر بابتسامة لزينه: زوزا يازوزا يازوزا، فضيتلك أهو.

"خالد"

"تايجر"

"مؤمن"

"ياتايجر"

"خالد"

"تايجر"

"مؤمن"

"ياتايجر"

تايجر بغضب: ده انت ليلة أمك سودة انت وهو.

فتح الباب بغضب لقاهم واقفين على السلالم.

تايجر بغضب: إيييييه؟

خالد: ماعندكمش شوية ملح علشان أبو أحمد هافف عليه شوية قلقاس وهملعوله على السريع.

تايجر باستغراب: أبو أحمد مين؟

خالد: خطيبي.

تايجر بغضب: امشي يا ابن **** انت وهو.

وقفل الباب في وشهم.

ودخل لزينه: بقولك إيه يازينه، متنجزي في ليلتك البيضا دي.

ولقى تليفونه بيرن، شاف الاسم لقاه مؤمن، قفل التليفون.

بعد ثانيتين التليفون الأرضي رن.

تايجر رد بغضب: قسمًا بالله يامؤمن لو شفتك انت والمتخلف خالد هبلعكم، هدبحكم، هقتلكم.

خالد: أبو أحمد بيسلم عليك وبيقولك معندكش بصلة علشان عايز ياكل ملوخية مع القلقاس.

تايجر قفل في وشه السكة.

وبص لزينه بمكر وهي بصتله بخجل وابتسامة.

***

تاني يوم الصبح:

"عبد الرحماااااااااااااااان"

تايجر قام من النوم بخضة: إيه؟ فيه إيه؟ مالك انتي كويسة؟

زينه بغضب: بتخونيني من أولها؟ إيه الروج اللي على قميصك ده؟ روج رقصات ده.

تايجر بص للقميص باستغراب: إيه ده؟ جه على قميصي إزاي ده؟

زينه بصراخ: انت بتسألني أنا؟

تايجر فضل يفكر لحد ما عرف الروج اللي على قميصه جه منين.

تايجر بهمس وغضب وهو بيجز على سنانه: وهاتي معاكي روج أحمر.. ده انت ليلة أمك حمرا.

وشد القميص من إيد زينه وفتح الباب ونزل الشقة اللي تحته وخبط بعنف.

"دُهم" فتحله بنعاس: إيه يا عم؟ فيه إيه؟

كنان طلع باستغراب: إيه يا ابني اللي نزلك؟

"أنس" بمرح: إيه يا عريييس؟ مبروك يا أبو عمو.

تايجر بغضب: هما فين ولاد ال****.

كنان: متلقحين جوه.

تايجر فتح باب الأوضة اللي شاور عليها كنان ودخل لقاهم نايمين جنب بعض بطريقة مضحكة.

خالد رجله على السرير والرجل التانية تايجر ملقاهاش، ومؤمن راسه على الأرض وجسمه على السرير وبيطلعوا أصوات من بقهم.

تايجر بسخرية: ما شاء الله، ملايكة نايمين.

وراح الحمام جاب جردل مياه ودخل تاني، حدفه على خالد.

خالد: هيححح، بغرق بغرق، استخبوا تحت الترابيزة.

تايجر: يعني متخلف وقولنا ماشي.. معاق ذهنياً وقولنا ميضرش، لكن حرباية كمان؟

مؤمن بغضب: وهو عملك إيه يا عم؟ مالواد نايم أهو.

خالد: قولهم مش أنا كنت في حضنك يا حبيبي طول الليل.

تايجر بشر: تعالوا لي.

بعد نص ساعة، مؤمن وخالد كانوا متعلقين على باب العمارة.

خالد وهو بينادي: يا كنان، يا أدهم، نزلونا طيب يا زين.

مؤمن: خلاص يا جدعان عرفنا غلطنا، نزلونا بقى.

خالد: مش هعمل حاجة تاني واللهم.

مؤمن: آه والله، ده عيل صغير وغلط، مش انت عيل صغير يا ابني.

خالد بغنا: ماما زمانها جايه.. جايه بعد شوية جايبه لعب وحاجات.

مؤمن: آهو شوفته، ده معاه شهادة معاملة أطفال، نزلونا بقى.

"عيل صغير" جيه لخالد: عمو عمو، ممكن أطير كده زيك؟

خالد: غور ياض من هنا، مش ناقصاك.

الطفل بص له بغضب وراح جاب كرسي وحطه قدامه ووقف عليه، ضرب خالد بالقلم وطلع يجري.

مؤمن بضحك: أوبااااااخ.

خالد بصراخ: عارفك يا كلابيظو وهجيبك، مش انت ابن أم عبير.

مؤمن: انت كل معارفك حريم يابني؟ مبتقرفش رجالة أبداً.

***

بعد ست شهور.

في إحدى القرى.

تلت بنات قاعدين مع بعض بيتكلموا.

"حياة": بس ياستي فعلشان كده عمي هينقلنا مصر وهنقعد في شقة أدهم ابن عمك بحيث إننا نكمل تعليمنا هناك لما الدراسة تبدأ ونقيم في القاهرة علشان منبقاش لوحدينا في البلد دي.

"ماسة" بقلق وخوف: طيب منفضل هنا ياحياة.

حياة: يابنتي وهنقعد نعمل إيه؟ خلاص اللي كنا عايشين هنا عشانهم راحوا ياماسة، الله يرحمهم، وعنود كمان عايزة تكمل تعليمها في القاهرة، صح ياعنود؟

عنود: أيوه طبعاً صح، أنا مش هقعد هنا ثانية واحدة.

حياة: بصوا يابنات، إحنا هنقعد في شقة أدهم مؤقتاً وهنشتغل ونأسس نفسينا ومش عايزين مساعدة من حد، إشطة؟

البنات: إشطة.

بنت دخلت عليهم ماسكة طبله: أنا الممكن مش ممكن، الصعب مني يتمكن، أنا حركي مبغلبش، تتعبني الدنيا مبتعبشي.

"ليل": بس بقا ياليل، مش عارفة أذاكر.

ليل: تذاكري إيه ياعنيا؟ إحنا في إجازة، ياحلم فرفشي كده.

"حلم" بتحلم: وتحلم مسكت الكتاب: في المدرسة بيت، في البيت حصيرة، في الحصيرة بط.

ليل: يابني اسمها حظيييرة.

حلم: في المدرسة ح حصيرة.

ليل: يابني قولتلك حظيرة، حظيييرة.

حلم: في المدع.

عنود بصراخ: بااااااس! إيه؟ انتي بتقولي إيه انتي كمان؟

حياة: فكك منهم، دول متخلفين، يلا يابنات بقا نحضر نفسنا، عمي قرب يوصل.

البنات كلهم جهزوا وعمهم وصل وانطلقوا لمصر، ومن هنا هتبدأ رحلتهم.

استوووووب.

بالجزء ده هيبقى كوميدي على رومانسي على تشويق وسيكا غموض.

ده حتة منه.

وكلهم أبطالي.

تتبع الفصل الثاني.

مفيش إنسان في الدنيا بيمُر بأيامك الصعبة، ولا بتعدي عليه لياليك القاسية. دي أيامك أنت، ودي لياليك أنت، والآلام دي آلامك الخاصة. لازم تفهم أن دراعك المكسور لازق في جسمك أنت مش في جسم حد تاني، وأن كل اللي بيقولك أنه حاسس بيك فهو مُجرد مُتعاطف. محدش مكانك غيرك، ومفيش مُتعاطف هياخُد نفس عميق ويقوم يقف وينفّض هدومه ويرمي أحزانه ورا ضهره ويكمل حياته فـ تلاقي نفسك قومت معاه. أنت أصلًا اللي واقع، فوووق. أنت المُتضرر الوحيد، أتفضل قوم وأتحرك وساعد نفسك. متستناش أيد تتمدّلك.

•••••••

عند الشباب، كلهم كانو قاعدين فشقة تايجر بيتفرجوا عالماتش.

زينه فالمطبخ.

أدهم: هيخلص تلاته واحد لصالحنا.

أنس وهو بياكل فشار: ياعم اقعد على جنب، كل مرة تقول نفس الكلام وبتخسر.

تايجر بسخرية: سيظلوا اوفياء.

كنان بسخرية: قادمين.

مؤمن: قرود حمر بتتكلم؟! أول مرة اشوف قرود حمر بتتكلم!

خالد بشهقة: جرى إيه يا عنيا، مبلاش انتو تتكلموا، فاكرين آخر ماتش معلول عمل فيكوا إيه؟

مؤمن: طب بس ياحبيبي، شيكابالا عوض فالماتش الأخير و****.

خالد قامله بغضب: لا بقولك إيه، اتظبط فكلامك انت وفريقك الخايب ده.

كنان بغضب: اقعد يابن ال*** انت وهو، عايزين نتفرج عالماتش.

تايجر بإبتسامة خبيثة: أي يا كتاكيت، عايزين تتعلقوا تاني على باب العمارة ولا إيه؟

خالد ومؤمن قعدوا بسرعة وبصوله بخوف، وتايجر غمزلهم واندَمَج تاني فالماتش.

الشوط الأول خلص، وزينه طلعت من المطبخ بالإسدال وماسكة طبق فإيديها وابتسامه عريضة مالية وشها.

زينه بفرحة: عملت كيكة بالشيكولاته، هتاكلوا صوابعكم وراها.

خالد بهمس وسخرية لمؤمن: ده أنا كنت هاكل وداني لما عملت رز بلبن فاكر؟

مؤمن بهمس وقرف: أعوذ بالله، أنا جالي تلبك معوي.

تايجر بإبتسامه مصطنعة: احم، مبلاش ياحبيبتي واعمليلنا شاي أحسن.

كنان نغزه وهمس: يا عم اسكت، شاي إيه الله يحرقك.

زينه لكنان: بتقول حاجة؟

كنان بإبتسامه مصطنعة: هه، لا ابداً يازوزو، ده إحنا هندقها كلنا دلوقتي.

زينه جابت أطباق وقسمتها عليهم ووزعتها.

تايجر داقها وقال بكذب: يلهوي عالجماااال، إيه الحلاوة دي.

أدهم: جميلة يازينه، تسلم إيديكي.

أنس وهو بيكح: قمر يازوزة، قمررر.

خالد تفّف بقرف: إيه يازينه، نسيتي إني عندي حساسية من البيض؟

مؤمن: كداب وربنا، ده فاطر بكرتونة بيض لوحده النهاردة.

أدهم: حصل.

زينه داقت الكيكة ولقت طعمها مقزز، قامت بغضب وحزن ولمّت كل الأطباق اللي فإيديهم وودتها المطبخ ودخلت أوضتها وقفلت باب الأوضة على نفسها.

تايجر بصّلها بزعل على حزنها وبصّلهُم: بعد اذنكم ياشباب شوية وراجع.

وسابهم وطلع من الأوضة اللي قاعدين فيها وراح لزينه خبط عليها.

تايجر بحنان: افتحي يازوزو.

زينه ببكاء: خليك فحالك وسبني وامشي.

تايجر بإبتسامه وحب: طب منا فحالي اهو.. قولتيلي قبل كده انتي حالي... افتحي يقلبي بقا.

زينه فتحتله بدموع ورمت نفسها فحضنه.

زينه ببكاء: أنا فاشلة.. انت اتجوزت واحدة فاشلة ياتايجر.

تايجر دخلها وقفل الباب عليهم وضحك: عاملة الليلة دي كلها علشان صنية كيكة؟ يابنتي عادي، انتي لسه صغيرة وبتتعلمي واحدة واحدة.

زينه ببكاء: أنا بقالي ست شهور بتعلم ولسه برضه الأكل مش بيتظبط مني.

تايجر مسح دموعها بحنان: عادي جداً، ولا يهمك.. أنا هعلمك وفكك من الأونلاين ده.

زينه بلهفة وفرحة زي الأطفال: بجد؟ انت بتعرف؟

تايجر بغرور مصطنع: طبعاً يابنتي، انتي مستقلية بجوزك ولا إيه؟ ده أنا عبدالرحمن البحيري، مفيش حاجة مبعرفش اعملها. وغمزلها.

زينه ببكاء مرة تانيه: بس أكيد كنان وخالد ومؤمن وأنس وأدهم بيقولوا عليا فاشلة دلوقتي.

تايجر بسخرية: هو بعيداً عن إن كنان وأدهم وأنس مستحيل يقولوا حاجة زي دي.. لكن انتي بتقولي خالد ومؤمن؟! انتي واعية لكلامك؟ هما دول بني آدمين أصلاً يابنتي؟ ده الحمار خالد امبارح راح يشتري برسيم على أساس إنها ملوخية، ولولا مرات البواب كان زمانه طفح.

زينه بزعل: لأ، هما أكيد دلوقتي بيقولوا عليا فاشلة.

تايجر سحبها من إيديها وطلعوا من أوضتهم وراحوا لليڤينج بس ملاقوش حد.

زينه ببكاء: شوفت، أهم نزلوا اهو.

بعد ربع ساعة.

الباب خبط وتايجر راح يفتح ولقى كنان والشباب جنبه وماسكين فإيديهم تورتة بالشيكولاته.

ابتسم لهم ودخلهم.

مؤمن لزينه: أحلى تورتة لأحلى زيزي.

خالد: إحنا مقدرناش نشوف القمر زعلان فعلشان كده عملنالك دي علشان عارفين إنك بتحبيها.

كنان بإبتسامه: ولكي عليا ياستي، أنا هعلمك الطبخ.

أنس: وأنا كمان.

زينه بضحك وهي بتمسح دموعها: كلكم بتعرفوا تعملوا أكل ماعدا أنا.. يادي الكسوف.

أدهم: إحنا بحكم قعدتنا لوحدينا بقينا بنعرف نعمل كل حاجة.. وكمل بغرور مصطنع: وهنعلمك شوية من خبرتنا العظيمة دي.

زينه بصت لهم كلهم بحب أخوي.

تايجر قرب عليها ومسح باقي دموعها: اهو شفتي بقا.. كلهم معتبرينك أختهم، محدش يهون عليه زعلك.. فهيشتموا فيكي إزاي؟

خالد بفزع: ينهار أسود، الشوط التاني بدأ، اوعى ياااض اوعااااا.

كلهم اتلموا تاني عالماتش وزينه قعدت تتفرج معاهم وحمدت ربها إن فحياتها ناس زي دي بتدعمها وأولهم جوزها. بصتله بحب وعشق وهو لاحظها وبعتلها بوسة فالهوا وابتسمالها بحنان.

بعد خمس دقايق.

مؤمن بغضب: اه يابن ال***، شفتوا الواد وقعوا إزاي.. ليه متحسبتش ضربة جزاء؟

خالد بسخرية: يا عم اتنيل، ده شغل بوابين وهو اللي وقع نفسه.

مؤمن قام بغضب: متبس ياروحمك واعدل كلامك.

خالد قامله بغضب: ولو مبستش يافوزي؟

مؤمن: هبسك أنا.

كنان غمز لتايجر وهو فهمه، وقاموا الاتنين وطبعوا خالد ومؤمن بره الشقة وقفلوا الباب ورجعوا يكملوا الماتش.

***

خالد بغضب لمؤمن: انت بتشتم فريقي؟ وقلّع الكوتشي بتاعه وجرى ورا مؤمن: خد يا ابن ال****، والله منا سايبكم.

مؤمن وهو بيجري عالسلالم بضحك: اهدي ياولية.. اهدي ياولية، خلاص مش قصدي.

خالد بصراخ: ده انت وجعتك مربربة ياحنفي، بتخوني إياك؟

وصلوا للدور الأرضي.

مؤمن وهو بيجري من خالد وقع عالأرض وخالد اتكعبل ووقع فوقيه.

مؤمن بوجع: ااه يخربيتك كسرت رجلي.

خالد بمرح: مالك يابت احلويتي كده ليهم؟

مؤمن بصوت أنوثي ودلع: بس ياعبده بتكسف الله.

شخص ما: استغفر الله العظيم يارب.

شخص آخر: احمينا يارب.

مؤمن وخالد بصوا للي بيتكلموا لقوا بنتين واقفين ولابسين هدوم واسعة وتبان كأنها رجالية، وواحدة شعرها كيرلي والتانية لمّاه كحكة ولابسة نضارة كعب نظر.

خالد قام من على مؤمن وقومه وبصلهم بإستغراب من هيئتهم.

خالد بإستغراب: أعوذ بالله، إيه الخلق دي؟

مؤمن: انت مين ياحج انت وهو؟ فيه حاجة ضايعة منكم هنا؟

حلم: حج إيه ياروحمك، شايفني بدقن؟

مؤمن: متتلمي يابت واتكلمي عدل.

خالد: هدي أعصابك يسطا، معاك سجاير ولا أديك؟

ليل: انتي بتشربي سجاير يابطة؟! مش غلط عليكي إزاي ماما سايباكي كده؟

خالد: يابا قول بس انت مين؟ يخربيتك ده مؤمن فيه أنوثة عنكم.

مؤمن لخالد: تاني انت برضه ياعم، اتلم.

خالد: ولو متلمتش يافوزي؟

مؤمن: ألمك أنا يعنى.

وابتدت الخناقة تاني.. أقصد عاشر.

ماسة وحياة وعنود دخلوا لحلم وليل، وأدهم نزلهم يرحب بيهم لأنهم اتصلوا بيه وبلغوه بوصولهم، وزق خالد ومؤمن اللي بيطحنوا بعض.

عنود أول ما شافت أدهم قلبها دق جامد وبان فعنيها حبها ليه.

أدهم بإبتسامه: أهلاً يابنات، إزيكم؟

البنات بإبتسامه ما عدا عنود: الحمدلله يا أدهم.

أدهم بترحيب: تعالوا اتفضلوا. وشال منهم الشنط وطلعهم شقتهم.

***

أدهم فتح الباب ودخلهم شنطهم وعطاهم المفتاح.

أدهم بإبتسامه: أنا مجهز لكم كل حاجة، ولو احتاجتم حاجة تاني أنا فالشقة اللي فوقيكم، رنوا عليا وهاجيلكم.

حياة: شكراً يا أدهم.

عنود بهيام: مش عارفين من غيرك كنا هنعمل إيه.

أدهم بإبتسامة مجاملة: مفيش داعي للشكر ده، ده واجبي.. بعد إذنكم.

وسابهم وطلع.

هجمت على عنود وقلدتها: مش عارفين من غيرك كنا هنعمل إيه.. متتلمي يابت وانشفي.

حلم بسخرية: مكنّا جبنالك ورقتين عرفي وتكتبي عليه ونخلص.. إيه يابت متتظبطي.

ماسة: فعلاً ياعنود، نظراتك ليه واضحة جداً.

عنود بحزن: طب أعمل إيه؟ أنا بحبه من واحنا أطفال، برغم من إننا مكناش بنشوف بعض خالص غير فالمناسبات.. لكن اتعلقت بيه وعشقته.

حياة بحزم: بس ياعنود، أدهم مش بيكنّلك أي مشاعر.. معتبرك أخته.

عنود بأمل: هحاول.. هحاول أخليه يتقرب مني.

حياة بحزم: لأ.. لأ ياعنود، متعیشيش على وهم وتربطي نفسك بيه.

عنود بعند: هيحبني.. أنا واثقة إنه هيحبني زي ما بحبه بالظبط.

ماسة بصتلها بقلق.

استوووووب.

وبكده عرفنا إن خالد هيبقى مع ليل ومؤمن مع حلم وأدهم مع عنود.

بليل فشقة البنات

حياة كانت بتنضف الأرض وماسة بتنضف السجاد وعنود بتغسل الستاير وحلم بترتب الدولاب.

ليل وهي بتمسح الحمام ومشغلة أغنية وبتغني معاها بصوت عالي:

يابتاع النعناع يامنعنع يامنعنع هيهي يامنعنع اوووبااا ايوه يابت حلوة المسحة دي.

ماسة بضيق:

اوففف وطي صوتك شوية.

ليل بعند وبصوت عالي:

نور عيني قلبي من جوه هيهي من غيرة وغيرة مين هوه ده تعابني وبرضه عاجبني ولا حول ليا ولا قوة.

حياة بغضب:

بس ياعجلة الناس نايمه.

حلم بصوت عالي:

يابتاع السكر يامسكر يامسكاااااعععععر يامسكععععر.

عند خالد ومؤمن

خالد وهو بيحط المخدة على دماغه:

مش عارف انااااااام.

مؤمن:

وانا كمان.

خالد قام وراح لأدهم بغضب:

جرى اي ياعم ادهم مش عارف انام.

أدهم بنعاس:

ششش ادخل مش ناقصكم.

مؤمن:

هو انت علشان اوضتك بعيدة عنهم خلاص نولع احنا.

كنان بتحذير وبطء:

اطلع بره ياخالد علشان عايز انام وخد الحلوف ده معاك.

خالد بصلهم بغضب وشد مؤمن وسابه.

وطلعوا بره.

مؤمن بغضب:

وبعدين بقا ياعم.

خالد:

مش عارف هو اللي بنعملوه فالناس هيطلع علينا ولا اي.

ودخل الحمام اللي جنب أوضته بغضب وفتح الشباك.

خالد بغضب وصوت عالي:

بعد إذن مصطفى حجاج اللي بيغني تحت ممكن يسكت؟

ليل سمعته وعليت صوتها أكتر:

يابتاع السمسم يامسمسم يامسمسم ياااامسمسم القوام حلو ومتقسم.

وصرخت:

متقسم متقسم.

خالد:

استغفر الله يااارب يااستاذة صوتك معفن يا استااااذة.

ليل طفت التليفون بغضب وفتحت الشباك وبصتله:

جرى ايه ياجدع انت فيه اي؟

خالد بغضب:

هو انتي؟ منا قولت برضه ان ده مش صوت بنت طبيعية وجعفر اللي بيغني.

ليل بشهقة:

فاااشرررر مين دي اللي صوتها معفن ياللي شعرك سلك مواعين؟

خالد:

شعري انا سلك مواعين؟ طب خليكي فالنضارة الكعب كوباية اللي انتي لبساها دي.

ليل بغضب:

جرى اي يامتنمر ياحقير.

خالد بصلها بعنف:

انتي اللي بدأتي وبعدين بسبب شعري ده نص بنات مصر بتجري ورايا.

ليل بسخرية:

مهو اكيد علشان يسرحوه.

خالد بصلها بعيون جحيمية وقفل الشباك بغضب ودخل أوضته.

وليل اتنهدت بإنتصار وطفت التليفون.

في أوضة خالد

خالد كان بيلف حوالين نفسه فالأوضة بغضب:

انا يتقالي شعرك سلك مواعين؟ انا يتقالي الكلام ده من ابو فاس.

مؤمن:

متقعد يبني فيه اي؟ رايح جاي جاي رايح رايح جاي جاي رايح ايييي.

خالد بصله بعصبية:

انا اتشتمت عارف يعني ايه اتشتمت؟؟

مؤمن بإستغراب:

ايوه فين الجديد برضه مهو نص اسماعيلية شاتمين ومعلمين عليك ده غير لندن ده غير مصر.

خالد:

ولو برضه ابو فاس دي متشتمنيشمؤمن بإستغراب:

ابو فاس مين؟!

خالد:

بت من قرايب ادهم.

مؤمن:

اللي احنا شفناهم في حوش العمارة؟

خالد:

ايوه.

مؤمن:

طب ايه ابو فاس دي.

خالد:

ريحتها شبههم.

مؤمن:

اعوذ بالله.. تعالى نام طيب وبكرة يحلها الحلال.

خالد:

لأ يامؤمن كرامتي.

مؤمن:

مالها؟

خالد:

معذباني ومش هرتاح غير لما اديها قلمين يفوقوها.

مؤمن بنعاس:

نام ياخالد نام ياحبيبي كرامتك انتحرت من افعالك.

عند تايجر وزينة

زينة كانت بتحاول تنام بس مش عارفه قامت بضيق وحاولت تصحي تايجر.

زينة:

تايجر.... تايجر قوم بقا.

تايجر بنعاس:

اممم.

زينة بحزن:

ياعبدالرحمن قوم بقا.

تايجر فتح عنيه بصعوبة وبصلها:

مالك ياحبيبتي.

زينة بزهق:

مش جايلي نوم خالص.

تايجر ابتسم بصلها بخبث وزينة فهمته.

زينة بصراخ:

عبدالرحماااان مش ناقصاك.

تايجر بضيق:

اووف منك هادمة اللذات.. طب عايزة ايه يعني.

زينة وهي على وشك البكا:

معرفش بقا اتصرف انا زهقانه ومش عايزة اقعد فالبيت.

تايجر بصلها بتفكير وبعدين قال:

قومي ألبسي.

زينة بفرحة:

بجد؟! هتخرجني.

تايجر بحنان وحب:

طبعا هو انا أقدر اشوفك متضايقة!

زينة بصتله بفرحة وهجمت عليه باستها من خده وطلعت تجري على أوضة اللبس اللي فأوضتهم.

تايجر بصلها بضحك:

طفلة.

زينة من جوه:

سمعتك ومتقولش طفلة ياباارد.

تايجر بخبث:

طب محتاجة مساعدة.

زينة بضحك:

لأ شكرا لخدماتك.

بعد فترة تايجر وزينة جهزوا. هو لبس شورت جينز وتيشرت أسود وكوتشي. وهي لبست فستان صيفي خفيف ومعاه حجاب مناسب ونزلو من البيت.

تايجر كان رايح لعربيته بس زينة منعته.

تايجر بصلها بإستفهام.

زينة:

مش عايزة اركب عربيات تعالى نتمشى.

تايجر:

طيب المكان اللي هاخدك فيه بعيد عن هنا بشوية تعالي اركبي علشان متتعبيش وبعدين هنركنها وامشيكي زي مانتي عايزة.

زينة وافقت وركبوا مع بعض.

فالعربية

زينة شغلت أغنية وبصت لتايجر بحب وغنت مع الأغنية:

ممكن تخليني فحضنك.. محتاجه اني اسمع صوت قلبك نبضه بيحييني.. اصل انا لما بكون متشافة بتوتر اصل انا خوافه فحضنك تحميني.. فحضنك احمييني.

تايجر ضحك وشدها لحضنه وهو سايق ومسك ايديها وباسها.

زينة:

هو انا صوتي مش فمستوى صوتك بس بغنيهالك من قلبي.

تايجر بإبتسامة:

من غير متغني او تتكلمي يازينة انا متفهم مشاعرك وعارف انتي عايزة تقولي ايه.

زينة:

تؤتؤ انت اكيد مش عارف مستوى حبك فقلبي قد ايه.

تايجر بحب:

ايا كان المستوى ايه.. اكيد حبك فقلبي اكبر بكتيييير.

زينة بصتله بإبتسمة وعشق:

بحبك.

تايجر:

وانا عديت مرحلة الحب والعشق والكلام الفاضي ده.. تقريبا بقيت مهووس بيك.

زينة ضحكت وبعد شوية نزلو فمكان فاضي واتمشوا فكورنيش النيل.

زينة:

يعني بعد عشرين سنة مثلا مش هتزهق مني.

تايجر:

اممم اكيد هزهق.

زينة بصتله بصدمة وعتاب.

تايجر ضحك جامد:

انتي هبلة يابنتي؟! ازهق منك ازاي يعني؟ فيه حد يزهق من نفسه.. زينة ياحبيبتي انا عايزك تفهمي انك بقيتي حياتي.. روحي.. قلبي.. ونبضه.. بقيتي محور حياتي.. بقيت بحبك بجنون.

زينة بقلق:

يعني مش هتبص ف يوم من الأيام لواحدة غيري.

تايجر بجدية مصطنعة:

بصي هو على حسب اصل انا بضعف قدام السمر فلو واحدة سمرا بعيون عسلية عديت من قدامي هتلاقيني وراها على طول وهسيبك فنص الطريق.

زينة بغضب:

طب تمام غور بقا وطلقني.

وسابته ومشيت.

تايجر جرى وراه بضحك:

استني يامجنونه بهزر.. والله بهزر استني.

زينة:

بارد.

تايجر:

هحاسبك على الشتيمة دي بعدين.. وكمل بجدية: اسمعي يازينة.. مهما اختلفنا وحصل بينا مشاكل مش عايزك تفكري فالفراق ابدا.. لو انا زعلتك فحاجة تعالي وعاتبيني.. ولو انتي اللي زعلتيني هاجي واعاتبك.. لو حصل سوء تفاهم بينا نهدى ونحاول نصلحه مع بعض.. عايزك تثقي فيا لأن حاسس انك لسه مش بتأمنيلي وبتثقي فيا .. مش هقولك ثقة عمياء لأن المفروض البني آدم ميثقش فحد للدرجة دي.. لكن عالأقل تعرفي اني عمري مهخونك.. عمري مهكون قصدي ازعلك مني او اضايقك او اجرحك.. ثقي فيا يازينة وانا عمري مهخزلك ابدا.

زينة بدموع:

انا بحاول اثق فيك ياتايجر والدليل اني اتجوزتك اهو... لكن انا ثقتي اتهزت فالناس من ساعة ما الناس اللي المفروض كانوا زي اهلي عملوه.. انا عرفت من والدة حامد انهم طردوني من البيت علشان اخدوا فلوس من رجب.. وقتها كنت مصدومة ومقدرتش حتى اقولك.. عارف احساس انك تكون معتبر حد ابوك وامك وتعرف انهم باعوك علشان شوية ملاليم.. الواحد لما بيكون مربي كلب وضاع او مات بيحزن عليه.. لكن دول رموني ومسألوش فيا وانا كنت بقولهم بابا وماما ومعتبرة عيالهم اخواتي.

تايجر بحزن:

اللي حصلك زمان للأسف لسه مأثر عليكي يازينة رغم امك لقيتي عيلتك الحقيقية وتوأمك واتجوزتي.. مش هقدر ألومك لأنها مش حاجة سهلة.. لكن خليكي كده.. بتحاولي تصقي فيا وانا كمان هحسسك بالأمان.

زينة بمقاطعة لكلامه:

بس انت اماني فعلا ياتايجر.. انت جوزي.

تايجر بإبتسامة:

وهعرف اخليكي تثقي فيا يازينة بصي لفوق كده.

زينة بصت للسما.

تايجر وهو باصص للسما:

مكتوب بحبك.

زينة بضحك وهي بتبحث عن الكلمة:

فين يابكاش.

تايجر:

اهو يابنتي ركز.

زينة:

مش شايفة.

تايجر مسك ايديها وشاور بيها:

اهو بصي نجمة وتحتيها نجمة وجنبها نجمة وجنبها نجمة تانية وتلت نجوم طالعين اهو وجنبهم نجمة.

وفضل يوريها النجوم.

زينة بفرحة:

ايوه اهم شفتهم.

تايجر بخبث:

وفيه واحدة تانية.

زينة بلهفة وهي باصة فالسما:

فين فين.

تايجر باسها من خدها:

اهي.

زينة بخجل:

ياغشاش.. احنا فالشارع.

تايجر:

ياايت انتي هبلة؟! انتي مراااتي وبعدين الوقت متأخر مفيش جنبنا.

زينة بنعاس:

طب يلا نروح بقا.

تايجر:

نعم!! بعد مطيرتي النوم من عنيا عايزة تروح.

زينة:

عايزة انام يلا بقا.

تايجر بمكر:

طب استني متقطعيش برزقي يمكن نلاقي مزة سمرا معدية من جنبنا.

زينة بغضب:

هو ده اللي هخليكي تثقي فيا تعاااالااال.

زينة جريت وراه.

تايجر بضحك:

اهدي يمجنونه.

زينة بغضب:

تعااالي.

تايجر:

يابت احنا فالشارع.

زينة:

وهي البوسة كنا فالليڤينج تعالى.

تايجر وقف ومسكها بضحك:

خلاص ده انتي اوڤر.. يلا بقا نروح زي مانتي عايزة.

زينة:

يلا بس هاتلي كشري الأول.

تايجر بصلها بشك:

زينة انا ابتديت اشك فحاجة كده.

زينة بعدم فهم:

حاجة اي.

تايجر:

ما علينا تعالي اجيبلك كشري فيه محل عارفه بيبقى فاتح دلوقتي بروحه مع الشباب فالوقت ده علشان اخوكي وصاحبه بيتوحمو عليه زيك كده.

زينة بلهفة:

طب يلا بسرعة تعالى جيبلي علشان جعانة.

تايجر بإستغراب:

انتي مش كنتي عايزة تنامي دلوقت.

زينة وهي بتشده:

يلا بقااا.

تايجر وهو ماشي معاه:

ده باينه هيبقى مرار طافح هي الهرمونات انا عارفها.

الصبح فشقة الشباب

قوووووم نادي عالصعيدي وابن اخوك البورسعيدي والشباب الاسكندراني اللمة دي لمة رجال:

وانا هاجي مع السوهاجي والقناوي والسيناوي والمحلة واللي مية مية والنوبة الجمااال.

مؤمن:

متوصيش الساويسة الدنيا هايصة كده كده.

خالد بصراخ:

والاسماعلوية ياما كادوا العدا.

أنس طلع من أوضته بنعاس:

اي يا ابو الخواليد عايز العلقة بتاعة الصبح ياحبيبي؟

كنان وهو طالع من أوضته:

تعالوا يقلوبي وحشتوني والله.

أدهم:

عنك يسطا سيبلي الطلعة دي.

كنان:

والله مهيحصل متتعبش نفسك انا هخلص فخمس دقايق.

أدهم:

يسطا وربي مهيحصل.

أنس:

طب انت خد مؤمن وانت يكنان تايجر.

خالد:

آي ثينك انهم بيتعازموا علينا يامان.

مؤمن:

مهو ده اللي بيحصل فعلا يابرو.

خالد لكنان:

جرى ايه يا كنان هو علشان انا مش بت ومسيبة شعري هتضربوني.

كنان ببرود:

اهم.

مؤمن:

طب مهو قرايبك يا ادهم كانوا بيغنوا الساعة اتنين بليل ومجتوش جنبهم.

أدهم ببرود:

مزاج.

وبعد نص ساعه (وطبعا انتو عارفين اي اللي حصل😂💪).

الشباب جهزو واستنوا تايجر علشان يروحوا الكافيه.

حياة اتصلت بأدهم وهو نزلهم.

حياة لأدهم:

احنا عايزين نشتغل معاكم يا ادهم.