الجميع نظر إلى ليلي بصدمة.
ليلي بغضب شديد:
__ بقيت تتجوز المركوبة دي وتسبني أنا يا ولد عمي؟
هشام وقتها جري على ليلي وضربها بالقلم قدام كل أخواتها وسط صدمتهم الكبيرة.
__ اللي بتتكلمي عليها دي عاد تبقى زوجتي ومراتي قدام ربنا، وحسك عينك تتحدثي عنها كده مرة تانية، عم تفهمي؟
فهد بشر:
__ قولي يا ولد عمي، إيه الفيديو المنتشر ليك ده؟
__ فيديو عملوه ولاد حرام، بس نقول إيه؟ هجيبهم يا فهد، هيروحوا فين؟
وقتها مسك إيد سما ونادى على مي تيجي تاخد الشنط وتطلعهم الأوضة.
وإن مي بقت زيها زي ليلي وجميلة، ست الكل وطلباتها أوامر.
قبل ما يمشي قال:
__ أنا هعمل فرح، بس بعد الثانوية بتاعة عمي، ربنا يرحمه.
ومشي على الأوضة بتاعته وسط غضب الجميع، بما فيهم كريمة.
دخلوا الأوضة. وقتها سما انهارت من العياط على سمعتها اللي باظت وشغلها اللي ضاع، وإزاي في يوم وليلة بقت في نظر الكل واحدة رخيصة.
وقتها شريف حاول يواسيها، حاشت إيده بسرعة ونظرت بغضب وقهر.
__ أنا في يوم وليلة مستقبلي ضاع وبيتي اتخرب، كل الناس لغت عقودها معايا، والرجالة بقوا عايزيني في ليلة عشان يقدروا يكملوا معايا. بقي تجيلي أنا مكالمات ورسايل زي دي عشان رقمي اتوزع، وكمان الفيديو ده، مين اللي عمل كده ولي اختارني أنا؟ قعدت أبني اسمي ده كتير، لكن في يوم وليلة كل حاجة انهارت.
وقتها شريف بكل حنية حاول يحتويها.
__ أنا عملت كده عشان أنقذ سمعتك، لكن أنا هجبلك حقك وهترفعي راسك وسط الناس، ولازم مرات شريف الدميري تفضل رافعة راسها مهما حصل.
باس راسها بحنية وخرج وهو مستحلف ليهم وعلى اللي عملوه.
(فلاش باك)
__ أنت؟ بقيت تعمل فيا كده؟ تفبركلي فيديو زي ده وتنشره لمجرد إني كلمتك بطريقة معجبتكش؟ أنت إيه يا أخي؟ حرام عليك تعمل فيا كده!
__ أنا هتجوزك، مفيش حل تاني عشان نقدر ننقذ سمعتك.
وقتها شريف شد إيدها وفعلاً اتجوزها عند المأذون، وأمر الرجالة إن الفيديو ده يتشال من السوشيال ميديا ويعرفوا مين اللي عمل كده.
خدها شريف وراحوا لبيت عمه وهو بيحاول يبان قوي، وهو من جواه بيموت بسبب فراق عمه وتشويه سمعته بالطريقة دي.
(عودة من الفلاش باك)
نازل من الأوضة ودخل أوضة عمه الخاصة وطلع عقود أملاك عمه واتصل بالمحامي بتاع عمه عشان يجي.
وفعلاً المحامي جه وسط استغراب الجميع من وجوده.
وقتها خرج شريف من الأوضة وقعد معاهم، والمحامي بدأ يقول وصية الدميري باشا.
__ أوصي أنا الدميري باشا، كبير عائلة الدميري وصاحب أملاك الدميري، أن لا يرث أحد غير ابني الكبير.
وقتها فهد حط رجل على رجل قصاد شريف وهو شماتان فيه قصاد ابتسامة شريف.
المحامي وهو بيبلع في ريقه من اللي جاي.
__ وهو شريف الدميري ابني الشرعي، مش ابن أخويا. أيوه يا شريف يا حبيبي، أنت ابني أنا. يمكن كنت جيت غلطة، بس أنت كنت أحلى حاجة في حياتي.
الجميع في صدمة.
...........................................
عند أعداء سما في مجال شغلها.
__ حددت مكانها، هي في مكان في الصعيد في كفر الدميري تقريباً.
وقتها الراجل أمر الرجالة يتحركوا لي هناك، وفعلاً اتحركوا.
على هناك ووصلوا لقصر الدميري وشافوا سما واقفة في البلكونة.
قبل ما تدخل الأوضة.
__ يارب أنا راضية، بس أنا مقهورة، يارب هاتلي حقي، يارب هات حقي، يارب.
قبل ما سما تكمل دعاء، شمت سما ريحة غريبة جداً وراها، والريحة بتزيد شوية في شوية.
لقت على بالها شريف عامل فيها مقلب ولا حاجة.
(لقت النار محاوطاها)
فضلت تصرخ وتستنجد بحد، لحد ما مي جريت على أوضة المكتب بتاعت الباشا الكبير، لأنها عازلة للصوت.
مي بكل خوف وقلق.
__ الحق يا بيه، النار محاوطة الأوضة كلها، وست سما مش عارفة تخرج.
وقتها خرج شريف زي المجنون يلحقها.
فضل يخبط مش عارف يفتح الباب، فضل يعمل بأيده لحد ما فتحوا.
فضل ينادي على سما وسط النار اللي محاوطة الأوضة.
وفجأة.