فجأة دخل شخص. ملاك أول ما شافته أغمي عليها وقاسي وقف مصدوم.
قاسي بصدمة: عمي! إزاي؟ انت كنت ميت!
جمال مردش وجرى على ملاك وهو بيحضنها وبيعيط وهو بيقول: قومي يا ملاك، بابا جه يا قلبي. أنا عايش يا ملاكي، مش ميت!
قاسي وقف مصدوم وهو بيقول: ملاك بنت عمي! إزاي!
راح لعاطف اللي واقف ومش باين عليه الصدمة، ودموعه متحجرة في عينه.
قاسي بذهول: انت عارف!
لا لا هههههه! طب ما كنت تقول. حرام عليك! شايفني بتعذب أربع سنين على أكتر بنت بحبها وأنا فاكر إنها ماتت!
أربع سنين وأنا كل يوم بتعذب على فراقها وفراق عمي.
حرام عليك! ليه مقلتليش؟ أنا قعدت في مصحة سنة عشان أتعالج.
ليه سبتني بتعذب؟ ليه؟
قاسي قعد على الأرض بضعف ودموع. طفل اللي جواه طلع.
عاطف كان واقف بيعيط بصمت. مش عارف يتكلم يقول إيه.
جمال قرب منه وحضنه بقوة وهو بيقول: اهدي يا ابني، اهدي. أنا اللي قولتله يعمل كده. كان في خطر عليا وعلى ملاك.
عشت أربع سنين بعيد عنكم.
عيشت أربع سنين وأنا بعيد عن بنتي وسايبها تتعذب عند مرات أبوها. أهون عليها من اللي كانت هتشوفه.
سامحني يا ابني، سامحني. أنا كنت عايش في قلق على طول. والحمد لله اتقبض على الناس اللي كانوا عايزين يأذونا وركبت أول طيارة وجيت.
جمال قرب من عاطف وهو بيقول: واحشني يا أخويا.
عاطف حضنه بضعف وهو بيقول: وانت كمان واحشني أوي.
فاقت ملاك اللي كانت بتبص لأبوها بصدمة وهي بتقول بصوت خافت: بابا!
جمال جري عليها جامد وهو بيقول: قلب بابا!
ملاك اترمت في حضنه وانفجرت في العياط وهي بتقول: ليه سبتني يا بابا! أنا كنت بموت في اليوم ألف مرة.
جمال حضنها بقوة وهو بيقول: بعد الشر يا قلب بابا. إن شاء الله مش هبعد عنك خالص.
جمال بعدها اتنهد وقال: لما رحت تركيا، السفارة المصرية اتصلت إن في خطر كبير عليا بحكم إني رجل أعمال كبير ومشهور. ساعتها منعوني إني أنزل مصر وطلعوا شهادة وفاة إني مت، لكن أنا في الحقيقة عايش. ولما الخطر راح، نزلت على طول.
فجأة قطع كلامهم دخول نيرة وهي بتنهج وبتقول: الحقي يا ملاك، الصور اتنشرت!