تحميل رواية «ملاك القاسي» PDF

تاني يوم قاسي صحي بدري لكن اتصدم من شكل ملاك الي باين عليه التعب.

كان وشها أصفر ودرجة حرارتها عالية جداً.

طلب لها دكتورة وجات، وكان عندها هبوط حاد وكتبت له علاج ينزل درجة الحرارة، وانه يعمل لها كمادات وتتغذى كويس.

عمل لها كمادات وكانت بتُهلوس بكلام غير مفهوم.

ومرة واحدة قامت مفزوعة وهي بتقول: "ابعد عني متقربليش!"

وحضنها قاسي بخوف.

قاسي بقلق: "ملاك انتي كويسة؟"

ملاك وهي عرْقانه وبتتنفس بسرعة: "آه الحمد لله!"

قاسي باستغراب: "امال مين اللي ميقربش منك؟"

ملاك بتوتر: "مـ مفيش، أنا تعبانة وعايزة أنام."

قاسي بص لها ومردش.

دخل الحمام واخد شاور وطلع لبس بدلة سودة تبرز عضلات جسمه.

ملاك باستغراب: "رايح فين؟"

قاسي بعدم اهتمام: "الشغل."

وسابها وخرج.

ملاك بخوف ودموع: "يا رب يا رب اقف جمبي، انت عارف اني مليش ذنب في اللي حصل."

وعيطت جامد.

دخل عليها ياسين وقرب منها ببراءة ومسح دموعها وحضنها جامد وهو بيقول: "انتي ماما صح؟"

ملاك ببراءة وابتسامة رغم وجعها حضنته وهي بتقول: "أيوة يا حبيبي أنا ماما."

فضلت تهزر معاه.

بعدها جات الخدامة وهي بتقول: "ملاك هانم، في حد عايزك تحت."

ملاك هزت رأسها بهدوء وقامت بتعب.

لبست سلوبيت سودة وشميز أبيض وسابت شعرها، وأخدت ياسين ونزلوا.

أول ما نزلت اتصدمت ودموعها نزلت وفضلت ترتعش جامد وهي شايفة مرات أبوها وابنها واقفين بيبصوا لها بخبث وشر.

ملاك برعشة في صوتها: "نورتي يا مرات أبويا."

مديحة بغل: "أهلاً يا أختي."

في اللحظة دي دخل قاسي لأنه نسي حاجة.

ملاك جريت عليه حضنته بخوف ودموع.

قاسي باستغراب وحنية: "مالك يملاكي؟"

ملاك بخوف: "مـ فيش."

واغمي عليها.

قاسي بخوف: "ملاااااك!"

مديحة: "طلبو لها دكتورة."

وابتسمت بخبث هي ورحيم.

الدكتورة كشفت عليها وقالت بخوف في صوتها: "مبروك المدام حامل!"

قاسي بصدمة وعيون حمرا.