اسر: اهدى ازاى .. انا نازل الدور عليه
تيته: استنى انا اديتها تليفونى امبارح تقريبآ هو معاها.. رن عليها
اسر: على الخط الأول و لا التاني
تيته: الخط التانى
(اتصل اسر)
اسر: مش بترد
تيته: رن تانى
اسر: برن .. انا نازل
(خرج اسر يبحث على ماليكه)
فى سيارة اسر
(اسر مازال بيحاول الاتصال بماليكه.. اخيرآ ردت)
اسر: الو ماليكه
ماليكه: ايوه يا اسر
اسر: انتى فين
ماليكه: معلش انى خرجت من غير ما تعرف
اسر: انتى فين انطقى
ماليكه: هو فى ايه .. كلها ساعة و هرجع
اسر: ماليكه انا مش عايز اتعصب عليكى.. قولى انتى دلوقتى
ماليكه: انت بتزعقلى ليه
اسر: انتى عايزه تجنننى.. اخلصى و قولى انتى فين
ماليكه: فى المستشفى العام
اسر: (بخضة) بتعملى ايه فى المستشفى. انتى كويس
ماليكه: بشوف ماما
اسر: أنا جايلك
(إنتهت المكالمة)
(بعد مرور ربع ساعة اتصل اسر تانى بماليكه)
اسر: الو انا قدم المستشفى . انتى فين
ماليكه: انا امام العياده الخارجية
اسر: أنا وصلت العيادة الخارجية . مش شايفك
ماليكه: قدامك مستخبيه وراه العمود
(وهنا رأى اسر ماليكه و هى تقف امامه)
ماليكه: تعالى هنا استخبه
اسر: من ايه
ماليكه: من ماما
اسر: انتى جاية هنا عشان تشوفها وانتى مستخبيه منها ..انتى كده مجنونه رسمى
ماليكه: اه ما انا مجنونه ولا انت نسيت
اسر: اسفه يا ماليكه بس
ماليكه: ما تتأسفش انت قولت حقيقتى مجنونه
اسر: ماليكه أنا بتعامل معاكى طبيعى ..على فكره انتى إللى طلبتى كده لما قولتلى أنى معندش دكتور
ماليكه: تقوم تقولى انتى مجنونه
اسر: طيب ما انتى امبارح قولتلى انى قليل الأدب انا مزعلتش
ماليكه: اه بس ده عشان كنت واقف قدامى نص عريان
اسر: اه بس ساعتها كنت واقف فى الأوضة بتاعتى انتى إللى فتحتى الباب عليا
ماليكه: على فكره انا خبطت على الباب الأول و ناديت عليك كمان انت إللى مش رديت
اسر: تقومى تفتحى الباب
ماليكه: انا مش مسدقه نفسى ازاى انا واقفه معاك و بتكلم فى حاجة زى دى .. انت شكلك جننتنى
اسر: لأ بعد أذنك انا مستلمك مجنونه لوحدك
(ضحكت ماليكه على كلام اسر ثم قالت)
ماليكه: ماشى يا أسر ..طالما انا مجنونه ابقى خاف منى بقى
(هنا نظرت ماليكه و بدأت فى البكاء و هى تنظر إللى امامها)
اسر: فى إيه
ماليكه: ماما . الدكتوره ميرفت
اسر: فين
ماليكه: هى إللى واقفه قدام العيادة
اسر: وحشاكى
ماليكه: اوى .. لسه زى ماهى
اسر: طيب بتعيطى ليه دلوقتى
ماليكه: نفسى احضنها اوى
(بعدما ذهبت الدكتوره ميرفت )
اسر: يلا يا ماليكه
ماليكه: خلاص كده هى مشيت
(مسكها اسر من ايدها و غادروا المستشفى)
فى السيارة اسر
(كنت ماليكه متأثره برؤية أمها )
اسر: لما هى وحشاكى ليه مش عايزه تروحى تشوفى لأهلها
ماليكه: معلش يا أسر مش عايزه اتكلم دلوقتى
اسر: تمام براحتك
(كان ظاهر على اسر التوتر كل ما ينظر فى المرايا الجانبية للسيارة )
ماليكه: هو فى حاجة . أسر . أسر
لم يسمع اسر ما قالت لذلك قال
اسر: ايه بتقولى حاجة
ماليكه: ايه روحت فين . انا بكلمك
اسر: معلش ماكنتش مركز
ماليكه: ايه إللى اخد عقلك
اسر: لأ ابدآ بس فى حاجة غريبة.. فى العربية ورانا من ساعة ما خرجنا من المستشفى وهى متابعانا
ماليكه: يمكن يكون متهيألك
اسر: لأ انا غيرت الطريق بردوا همآ لسه ورانا
ماليكه: طيب ادخل من اى طريق يقابلك و نشوف كده هيفضلوا بردو ورانا
(دخل اسر من اول طريق فرعى .. لكن السيارة مازالت وراهم )
اسر: شوفتى لسه ورانا .. أكيد كانوا متأكدين انك هتروحى عن والدتك عشان كده كانوا بيرقبوا والدتك على أمل انك تظهرى.. وانتى عملتى إللى همآ عايزين
ماليكه: بعدين هنعمل ايه
اسر: هحاول أهرب منهم .. بس دى مش المشكله. المشكلة كده خلاص عرفوا انى معاكى
(من طريق الى طريق آخر قدر يهرب اسر عندما قفلت أشارة المرور على السيارة التى تتابعهم)
ماليكه: خلاص .الحمدالله . هربنا منهم
اسر: هربنا منهم وبعدين
(كان بيتكلم بعصبيه)
ماليكه: انت بتكلمنى كده ليه
اسر: عشان انتى مش مقدره حجم المشكلة إللى احنا فيها دلوقتى ..و كل ده ليه عشان حضرتك مابتسمعيش الكلام
ماليكه: أسر لو سمحت ماتتكلمش معايا بطريقه دى
اسر: هو ده بس إللى فارق معاكى طريقة كلامى
ماليكه: هو فى ايه انا مش فاهمه
اسر: خلاص الناس دى شافتك و شافتنى معاكى.. يعنى انا كده اتعرفت بالنسبالهم
ماليكه: هو ده إللى مدايقك انهم عرفوا انى معاك صح
اسر: لأ مش صح ..إللى مدايقنى ان المكان الوحيد إللى كان أمانه عليكى فيه بالنسبالى بيت جدتى كنتى حتى قدام عينى. دلوقتى مش هينفع تروحى هناك تانى . لانهم دلوقتى هيدورو ورايا و أكيد هيعرفوا انا عايش فين
ماليكه: اعمل ايه كنت عايزه اشوف ماما
اسر: كنتى قولتلى اكيد كنت لاقيت طريقة تانى اخليكى تشوفيها بيها . مش إللى انتى عملتى ده. ولا انتى فاكره لما تلبسى سويتر و تحطى زنط على راسك ماحدش هيعرفك
ماليكه: خلاص بقى . إللى حصل حصل و روحت شوفتها و خلاص اعمل ايه فى نفسى دلوقتى .ارمى نفسى من العربيه عشان ترتاح
(هنا حاولت ماليكه تفتح باب العربية وهى ماشيه. مسك أسر ايدها بسرعة ثم قال لها بغضب )
اسر: انتى ايه إللى عملتى ده . انا كنت فاكر انك بقيتى كويسة لكن اثبتلى دلوقتى انك لسه مجنونه محتاجه علاج نفسى
ماليكه: اه انا لسه مجنونه .. لو ما نزلتنيش دلوقتى من العربية هوريك الجنان يبقى ازاى
(حاولت ماليكه فتح باب العربية مره ثانيه لكن أسر كان مسوجر باب العربية و هنا أوقف أسر العربية)
اسر: بتعمليها تانى. يا مجنونه
ماليكه: اه مجنونه. انا مجنونة .ماليكه مجنونه اية اقول تانى ولا كفاية انا مجنونه
(سكت أسر و حاول السيطرة على أنفعالو وغضبو من ماليكه )
اسر: ممكن تسكتى دلوقتى
ماليكه: مش هسكت غير ما تنزلنى
اسر: ماليكه متعصبنيش اكتر من كده و ياريت اسكتى.. ايه مابتعرفيش تسكتى
(كان يتحدث بصوت عالى بغضب)
ماليكه: انا مش هسكت و هتنزلنى يا أسر أو هصرخ هقول انك خطفنى
اسر: مش هنزلك و اعملى إللى انتى عايزة
ماليكه: كده طيب
(صرخت ماليكه بصوت عالى وهنا جذبها أسر بأيده إليه و أيده التانيه حطها على فمها نظر إليها وقال)
اسر: لو كنتى مجنونه انا اجن منك . لو صوتك تطلع تانى هتندمى . سامعنى .. انا هشيل ايدى مش عايز اسمع صوت تمام
(هزت ماليكه رأسها بالموافقه ثم تركها أسر و أدار السياره مره اخره .. و ماليكه هنا كانت تنظر إلى أسر بزهول ..و هنا توجه أسر الى مكان يشبه المطعم يبدو انه مهجور من فتره فتح أسر المكان و دخل هو و ماليكه )
اسر: انتى هتفضلى هنا . و اوعى تروحى اي مكان..او حتى تفكرى تطلعى بره. انتى فاهمنى طبعا . و إللى حصل النهاردة مش عايزو يتكرر تانى
ماليكه: ايه كمية الأوامر دى . هو انا شغاله عندك.ولا تكون اشتريتنى انا مش عارفه.
اسر: هتسمعى الكلام يا ماليكه احسنلى
ماليكه: مش هسمع الكلام يا أسر
اسر: انتى ايه مابتعرفيش تقولى حاضر
ماليكه: لأ مابعرفش
اسر: ماليكه متعصبنيش
(هنا اقترب أسر إليها لذلك ابتعدت ماليكة بأرتباك )
ماليكه: لو سمحت متقربش.. اوعى تحط ايدك عليا تانى. انا مش هسمحلك
اسر: خايفه ابقى اسمعى الكلام
ماليكه: لأ مش خايفه ولا هسمع الكلام . انا ماشيه
اسر: تعالى هنا
(سحبها أسر إليه ثم قبلها بالقوة وهنا ابتعدت عنه ماليكه بذهول مما فعله )
(كانت قبله سريعه و قويه لكنها كانت كمهدئ سريع المفعول لأسر و ماليكه . عدى لحظات و الصمت سيد الموقف )
اسر: أنا آسف . انا مش عارف ايه إللى جرالى ٠
ماليكه: سدقنى ماكنش قصدى
ماليكه: انت مش قولت كلمة دايقتنى عشان تقولى ماكنش قصدى . انت بوستنى . يعنى زيك زى
(قطع أسر كلامها ثم قال)
اسر: اوعى تقوليها يا ماليكه انا مش زى ايه حد . ولا انتى بالنسبالى زى ايه حد
ماليكه: كلامك غير افعالك .. المفروض انت اكتر واحد تقدر تسيطر على نفسك يا دكتور
اسر: أنا قبل ما اكون دكتور انا انسان بدايق و بتنرفز و بتعصب ممكن كمان افقد السيطره على انفعالاتى و انتى كنت مصممه تنرفزينى
ماليكه: انت كمان دايقتنى
اسر: عشان خايف عليكى
ماليكه: خايف عليا تدايقنى
اسر: عشان حاولتى تأذى نفسى
ماليكه: تقوم تبوسنى
اسر: عشان بحبك
( سكوت تام فى المكان.. مازالت ماليكة تستوعب ما قاله أسر )
اسر: ايه مش هتردى
(حاولت تغير الموضوع فقالت )
ماليكه: اه . هو المكان ده ايه
اسر: بتغيرى الموضوع. ماشى ده مطعم كان بتاع والدى قبل ما يسافر بريطانيا .. وفى أوضة ممكن تنامى فيها
ماليكه: لوحدى
اسر: لو عايزانى معاكى انام موافق
( شعرت ماليكه بخجل )
ماليكه: انا اقصد هقعد هنا لوحدى
اسر: هو مكان مؤقت عقبال ما اشوف مكان غيره
ماليكه: اوكى
اسر: خلاص انا هروح اجيب ليكى شوية طلبات و هاجى بسرعة
(غاب أسر لمدة ساعة بعد كده رجع و معاه طلبات إللى ممكن تحتاجها ماليكه خلال فترة غياب أسر عنها )
اسر: أنا همشى عشان اتأخرت كتير على الشغل .. و هقفل الباب من بره
ماليكه: اوكى .. بس اوعى تتأخر عليا
اسر: ماتخفيش .. اه صح فى حاجه انا قولتها و انتى لسه ماردتيش عليا فيها لما أجى عايز اسمع ردك تمام
( ضحكت ماليكه ثم غادر اسر)
فى المستشفى
فى غرفة استراحة الدكاتره
اسر: سامح انا محتاج شقة ضرورى
سامح: ليه انت مش عايش مع جدتك.. ولا ناويت تتجوز
اسر: انت بتسأل كتير ليه تعرف ولا لأ
الممرضة: دكتور أسر فى حد عايزك
اسر: مين
قبل أن تجاوب الممرضة قال
مكرم
مكرم: انا يا دكتور
(هنا فهم السبب وراء زيارة مكرم)
اسر: خير يا مكرم بيه
مكرم: ممكن نتكلم لوحدنا
سامح: طيب امشى انا يا أسر
( غادر سامح)
اسر: هو فى ايه بالظبط
مكرم: فين ياره
اسر: ياره مين
مكرم: انت هتستعبط. ياره إللى كانت معاك الصبح فى المستشفى العام
اسر: بس انا ماكنتش مع ياره فى اى المستشفى
مكرم: طيب شوف الصورة دى بعد كده رد
( كانت صورة ماليكه و أسر مع بعض عندما كانوا فى المستشفى العام)
مكرم: دلوقتى اكيد مش هتقدر تنكر
اسر: أنا عند كلامى انا ماكنتش مع ياره
مكرم: وصوره دى
اسر: وهى الصورة اللى فى الصورة دى ياره بردو
مكرم: تقصد ايه يا دكتور
اسر: اقصد إللى فى الصورة اسمها ماليكه مش ياره
مكرم: تمام طالما العب على المكشوف كده . قولى عايز كام وتقولى ماليكه في