تحميل رواية «مجهول دخل حياتي» PDF

فتحت الورقة.

"آسف إنك اتهزئتي وباباكي زعق فيكي بسببي، بس انتي تستاهلي عشان مسمعتيش كلامي."

سها: "لا، أنا كده هيحصلي حاجة."

هي والكورس كانت سرحانة.

الدكتور: "سها! سها!"

مش بترد خالص، كانت بتفكر مين ممكن يعمل كدة.

بصوت عالي: "سها!"

بفزع: "أيوه، أنا."

الكل فضل يضحك عليها.

الدكتور: "اقفي اشرحي الجزئية الأخيرة لأصحابك."

سها وقفت وكانت هتموت من الإحراج.

الدكتور: "عشان تعرفي إنك مش معايا. اقعدي."

سها بدموع: "شكراً يا دكتور."

الدكتور: "لو لقيتك مش مركزة معايا هطردك، وكمان هبلغ ولي أمرك."

سها: "والله مش هتتكرر، أنا آسفة."

خلص الكورس.

رحمة لسها: "في أي يابنتي؟ مش ع بعضك النهاردة، مالك؟"

سها: "والله مش عارفة."

رحمة بخبث: "احكيلي مالك، مش يمكن أساعدك."

سها: "ماشي، بس وعد متقوليش لحد."

رحمة بخبث أكتر: "وعد، بس انت احكي."

سها: "ماشي."

حكت لرحمة كل حاجة.

رحمة: "إيه المتخلف ده؟ إزاي يعمل حاجة زي دي؟ حتى طريقته مش حلوة."

سها: "أهو، حصل بقى، بس متقوليش لحد."

رحمة: "تمام ياسو."

سها: "يلا نروح، اتأخرنا."

رحمة: "تمام."

ركبوا العربية، بس سها نزلت الأول.

سها: "سلام يارحمة."

رحمة: "آه سلام ياسو. سامحيني بقى ع اللي هيحصل فيكي."

سها وصلت البيت وأخدت شاور.

وهي طالعة بخضة، بابها.

محمد: "بالقلم! ليه تعملي كدا فينا ي سها؟"

سها ببكي: "عملت إيه؟"

محمد: "بتكلمي ولاد ي سها؟ ربيتك أنا ع كدا؟"

سها: "والله مش بكلم ولاد ولا حاجة."

محمد: "اخرسي. أنا هربيكي من أول وجديد."

سها: "استني يابابا فهمني."

محمد: "أفهمك إيه؟ انتي هتستهبلي؟"

ومسكها من شعرها.

"من دلوقتي مفيش فون ولا كورس ولا جامعة. الظاهر غلط لما اديتك أكتر من حجمك."

سها: "إيه اللي بتقوله دا ي بابا؟"

محمد بغضب: "أنا هربيك."

ونزل فيها ضرب وربطها بالحبل.

إسلام دخل ع صوت سها.

إسلام بصدمة: "في إيه؟"

الأب: "أختك بتكلم ولاد."

سها خلاص هتموت من الضرب وبصوت مبحوح: "أنا معملتش حاجة."

وهوب اغمى عليها.

إسلام: "انت إزاي تشك في بنتك؟ أختي مستحيل تعمل أي حاجة من اللي بتقولها. هي بتقولي ع كل حاجة، حتى رمز الفون. حرام عليك تظلمها. وبعدين مين قالك؟"

الأب: "واحدة اتصلت قالتلي."

إسلام: "ي سلام! عشان واحدة اتصلت تعمل كدا فيها؟ مش يمكن واحدة عايزة تسبب أذى لسها؟"

الأب: "افتح الفون وشوف، مش يمكن بتتكلم بجد."

إسلام: "مستحيل. إزاي تشك كدة في بنتك؟"

فتح إسلام الواتس ودخل الواتس.

"شايف ي بابا؟ مش بتكلم غيري. بس سها أصلاً ملهاش صحاب كتير. وكمان صحبتها رحمة، بس مش بتتكلم معاها أوي."

الأب سكت.

"أنا داخل أنام. وإياك تفكها."

إسلام: "هفكها، وكمان أنا عايز الرقم اللي البنت كلمتك منه."

الأب: "ماشي."

"ومتتدخلش تنام ي بابا غير لما سها تفوق وتحكي كل حاجة."

الأب: "ماشي."

إسلام صحى سها.

سها بخوف وبكي: "معملتش حاجة، والله ماعملت حاجة."

إسلام بدموع وحزن ع أخته: "أنا واثق فيكي."

الأب مرديش يبص عليها خالص.

إسلام: "حد كلمك بصراحة؟"

سها: "أنا مكلمتش حد، بس امبارح..."

محمد بص عليها.

"كملي، بس امبارح إيه؟"

سها: "متضربنيش."

إسلام: "محدش يقدر يمس منك شعرة. اتكلمي."

يتبع