تحميل رواية «معشوقتي الصغيرة (2» PDF

تميم دخل عند وتين، قاله: "عاوزة أي؟"

وتين بصت على التصميم وقالت: "ده ممكن لو ضفنا هنا كورنيشه من عند الكتف وعملنا حزام من الجنب هيكون أشيك، إيه رأيك؟"

تميم بص عليها بإعجاب أكتر.

تميم قال: "برافو، فعلًا هيكون أحسن كتير."

وتين سألته: "يعني أشتغل على التعديل؟"

تميم رد: "آه وتين، تمام."

تميم سابها وخرج.

عشق قالت: "كنت داخلك المكتب."

تميم رد: "كنت عند وتين."

عشق نفخت بضيق وقالت: "يادي وتين."

تميم رفع حاجبه وسألها: "إيه مالك؟"

عشق قالت: "مفيش"، وقامت خرجت.

تميم رجع راسه لورا وقال: "ربنا يحنن قلبك على أدهم يا رب."

لمار قاعدة بتقرا في كتاب.

أدهم من وراها قال: "حبيبت قلبي، وحشاني يا ناس."

لمار لفت بفرحة وقالت: "أدهم حبيبي الغالي، هات حضن."

أدهم حضنها وقال: "قلب أدهم من جوا، عاملة إيه؟ طمنيني عليكي."

لمار بحب ردت: "الحمد لله يا حبيبي. أومال فين زين؟ مجاش معاك لي هو وأسيل؟"

أدهم قال: "بابا هيصفي الشغل هناك وهيرجع يستقر هنا الشهر الجاي."

لمار بفرحة قالت: "عين العقل."

أدهم قال: "أنا جعان أوي، الواد تميم ده بخيل، مبلش ريقي بكوباية ميه حتى."

لمار قالت: "من عيوني يا سعاد."

سعاد ردت: "نعم يا ست لمار."

لمار قالت: "حضري مكرونة بشاميل وجلاش وكفتة وبانيه، حاجة تانية يا حبيبي؟"

أدهم قال: "بس حلو أوي كده"، وبعدين كمل بهزار: "بالله عليكي يا سعاد بسرعة قبل معتز ما يجي عشان أعرف آكل براحتي."

لمار ضحكت جامد وقالت: "لسه بتخاف من معتز؟"

أدهم قال بدراما: "آه يا أختي، ده أنا بترعب، مش بخاف بس."

اليوم خلص.

تميم خارج هو وعشق، وفي نفس الوقت وتين خارجة.

تميم قالها: "تحبي أوصلك؟"

وتين ردت: "شكرًا، معايا العربية بتاعتي."

وتين ركبت العربية وبتشغلها، مش راضية تشتغل.

وتين قالت: "أوف"، وبعدين نزلت جري: "تميم استنى."

تميم وقف العربية ونزل وسألها: "إيه فيه؟"

وتين قالت بحرج: "العربية مش راضية تشتغل، يعني لو مش هعطلك، تشدها بعربيتك لغاية الميكانيكي؟"

تميم قال: "أنا عندي ميكانيكي في الشركة مخصوص عشان لو العربية باظت."

وتين قالت: "بجد؟ طب ممكن تخليه يبص على العربية."

تميم قال: "أكيد"، وبص على عشق وقال: "روحي إنتي، وأنا هفضل هنا مع وتين لغاية لما العربية تتصلح."

عشق قالت: "يعني إيه؟ إن شاء الله مش هوصلني. أسر خد العربية بتاعتي."

تميم قال: "خدي العربية إنتي، وأنا هخلي سواق ماما ييجي بالعربية التانية."

وتين قالت بسرعة: "لا مفيش داعي، استنى معايا، أنا هقف لوحدي."

تميم قال: "مفيش الكلام ده، يلا يا عشق خدي المفتاح أهو."

عشق بصت على وتين بغيره ومشيت.

تميم رن على الميكانيكي.

عشق طول الطريق بتاكل في نفسها: "أوف، أنا مش عارفة طلعتلي منين ست وتين."

وتميم ماشي وراها هو كمان.

بعد مرور 3 ساعات، عربية وتين اتصلحت.

وتين قالت: "أنا بجد مش عارفة أشكرك إزاي."

تميم بابتسامة قال: "اديني برد أي حاجة عشان محسش بذنب، وتين ذنب إيه؟"

تميم قال: "لا ولا حاجة."

وتين بضحك قالت: "طب تعالي أوصلك أنا."

تميم ضحك هو كمان وقال: "يلا."

وتين وصلت تميم البيت.

تميم قال: "اتفضلي ادخلي أعرفك على ماما."

وتين قالت: "معلش مرة تانية عشان فهد ميقلقش عليا."

تميم قال: "مع السلامة."

تميم دخل البيت بيغني.

معتز قاعد قدام أدهم، بيبص عليه من فوق لتحت.

أدهم بضحك قال: "إيه يا عمي؟ أول مرة تشوفني ولا إيه؟"

معتز بقرف قال: "بس ياض."

تميم دخل.

أدهم قال: "أخيرًا جيت، تعالي ارحمني من أبوك، يا عم أنا خايف أتحرك."

معتز قال: "مش هرد عليك عشان خاطر أبوك، عشان حبيبي بس."

تميم بضحك قال: "خلاص أنا هريحك منه وهخده معايا فوق."

معتز قال: "أحسن، يلا في داهية إنت وهو."