اشهد ان لا اله الا الله وان محمد رسول الله وغمض عينيه.
رحيم بصدمة وهو بيبص للدكتور: مات؟؟!
الدكتور بحزن: البقاء لله.
بعد انتهاء مراسم الدفن.
رحيم وهو قاعد بيفكر في اللي عمله: يعني ايه يعني انا دمرت حياتهم وهم اللي انقذوني. كنت السبب في موت ابويا وخليت امي تترمل وتتبرأ من بنتها. وناريمان دمرت حياتها. انا لازم اموت. بس قبل ده لازم اخد حقي وحقهم من السبب حمزة محمد شاهين.
ناريمان لما سمعت بالخبر (كانت لسه في المستشفى): انا السبب. انا اللي وقعته. انا اللي قتلته. وكله عشان مين؟ عشانك يا كريم. انا لازم اموت.
رحيم: انا لازم اعرف مين امي واعرف الطرف الثالث برضو. واخد حقي منهم. وانا اعرف مين هيساعدني.
في حي شبه مهجور.
سليمان: اهلا برحيم. كنت عارفك هتيجي.
رحيم: يبقى عارف جاي ليه.
سليمان: بص يا رحيم. انا مش هقدر اساعدك في انك تلاقي امك او الطرف الثالث. بس هقدر أدلك على حد هيساعدك.
رحيم: مين وازاي؟
سليمان: بدرية محمد شاكر عايشة في الإسكندرية في… ومحمد سالم وعايش في بني سويف… دول اللي سلموك لزين باشا الله يرحمه. وكانوا شغالين في المستشفى قبل ما تتباع.
رحيم: شكراً.
سليمان: بس بدرية هتفيدك اكتر من دكتور محمد.
في صباح يوم جديد.
صفاء: يعني ايه يا رحيم هتروح وتسيبني بعد ما ما ابوك سابني؟
رحيم: ماما انتي عارفه اني هروح شغل بس وهرجع.
صفاء: بس شغل في الاسكندريه؟ لا يا رحيم خليك هنا. قلبي مش مطمن.
رحيم بحنيه: ماما اوعدك اني هرجع. خلي بالك من نفسك. و ناريمان سامحيها. مش بقصدها.
صفاء بغضب: لا هي السبب. مش هقدر اسامحها.
رحيم بحزن على اللي عمله: طيب يا ماما. انا هروح.
في الاسكندريه.
بعد ما وصل رحيم.
رحيم: ده العنوان اللي قالي عليه سليمان.
ودق الباب. خرجت بنت كان باين عليها انها شابة.
رحيم: السلام عليكم.
البنت: وعليكم السلام.
رحيم: ده بيت بدرية؟
البنت بحزن: اه.
رحيم: طب ممكن اتكلم معاها؟
البنت: بس هي اتوفت.
رحيم بصدمة: اييييييييييييه……