فريد بصدمة: إيه اللي بيحصل ده؟
إسلام بارتباك: يا خبر، كملت.
فريد بحدة: أنت إيه اللي دخلك هنا يا كلب يا حيوان!
أحمد بعصبية: أنا كلب وحيوان، تب...
قاطعه إسلام بهمس: لا، أبوس إيدك، اعدل كده.
فريد بحدة: ماتتلم يا ولد.
سحر: في إيه؟
فريد: هو كان بيعمل إيه في أوضتك؟
إسلام بارتباك: اا اا كان كان...
فريد بحدة: كان إيه، انطق!
إسلام باندفاع: النجفة، آه النجفة مش نضيفة ولون اللمبة مش مش مش...
زغده أحمد.
إسلام: آه!
أحمد: قصدي المدام سحر بعتتني عشان أصلح النجفة.
فريد: طب يلا منكم له على تحت، أنا عايز مرات ابني في كلمتين.
إسلام: خير يا بابا، في حاجة؟ وإيه اللي في إيدك ده؟
فريد: هو أنت مرات ابني؟
إسلام: لا.
فريد: أمال بتكلم ليه يالا، على برا.
إسلام بارتباك: بس يا بابا...
فريد بحدة: قولت برا، منكم له.
وطلعهم وقفل الباب وراه.
أحمد: هههههه، أنت متأكد إن ده أبوك؟ هههههه.
إسلام: هههه، غلس أنت وأختك أغلس من بعض. إيه، كان لازم حبكة يعني تنام معاك؟ المفروض قدام بابا إحنا متجوزين ودي الحقيقة، على فكرة دي مراتي.
أحمد: لا يا حبيبي، أنت نسيت العقد اللي كتبناه ولا إيه؟
فلاش باك
أحمد: أنا موافق، بس على شرط.
إسلام: طب بص، ادي ورقة وادي قلم واكتب كل شروطك فيها، ولو خالفت شروطك هيكون فيه عقاب.
أحمد: وهيكون إيه العقاب؟
إسلام: هكتب لك الفيلا باسمك أنت وأختك.
أحمد: لا، هقتلك بإيدي وهاخد الفيلا كمان.
إسلام: طماع... طب إيه شروطك؟
أحمد: أختي مراتك على الورق وبس، وأي تجاوز معاها هقتلك، أنت فاهم؟
إسلام: ماشي، أكيد طبعًا، أنا مستحيل أتجوز واحدة زي دي.
أحمد بحدة: نعم، ليه؟ هو أنت تلاقي حد زي سحر.
إسلام: ما هو علشان مش هلاقي زيها، فمش عاوزها.
أحمد: أحسن، هو أنت تطول.
إسلام: البس.
أحمد: سحر هتنام معايا في أوضة واحدة زي ما متعودين، اتعودت هي طول عمرها إنها تنام جنبي.
إسلام بحدة: وده إزاي إن شاء الله؟
أحمد بعصبية: دي أختي الصغيرة يا بني آدم، هي بنتي وأختي.
إسلام: آه، نسيت إنها أختك، معلش... يلا امضي بقى.
أحمد: بسم الله الرحمن الرحيم.
ومضى.
عودة للواقع
أحمد: افتكرت يا حيلتها، هههههه.
إسلام: استغفر الله العظيم يارب، صبرني. كانت جوازة مهببة، أنا مالي ومالكم.
أحمد: طب يلا، يلا على تحت، اتحرك.
إسلام: طب وأختك اللي قاعدة مع أبويا؟
أحمد: لا لا، متخافش عليها، هتلاقيه يعني بيقولها إيه، شوية وهتلاقيهم نازلين. يلا يلا.
عند منصور وعصمت
منصور: عرفت هتعمل إيه؟
يسري: في ظرف ساعتين كل حاجة هتكون خلصانة.
عصمت: عايزاها تبان زي الحقيقية بالظبط.
يسري: ولا يهمك يا مدام.
عصمت: منصور، بعد ساعتين هتجي تاخد منه الحاجة.
منصور: تمام. الخطوة اللي بعدها إيه؟
عصمت: هقولك.
عند سحر
فريد: يلا يا سحورة، زي ما اتفقنا.
سحر: بس أنا أنا خايفة.
فريد: خايفة من إيه بس، أنا هبعته لمكان بعيد على ما نظبط اللي اتفقنا عليه، أنتِ كل اللي عليكي تعملي اللي أنا طلبته منك.
سحر: حاضر.
فريد: الساعة دلوقتي 12، أنا هظبط كل حاجة، ابتدي حضري نفسك.
سحر: بس...
فريد فتح الباب: ثانية واحدة.
وطلع برا.
بعد شوية رجع ومعاه بنتين.
فريد: دول هيساعدوكي في اللي اتفقنا عليه.
سحر: أنا خايفة.
فريد: يا بنتي، والله ما هتخافي، دول عارفين هيعملوا إيه.
سحر: ماشي.
فريد: أسيبك أنا وأروح أظبط كل حاجة اتفقنا عليها، متسبوهاش واهتموا بيها.
البنتين: حاضر يا فندم.
فريد قفل عليهم الباب ومشي.
عند إسلام وأحمد
أحمد: أنت عارف أنا أول مرة أنام لغاية الوقت ده. الظاهر من تعب امبارح، وسحر حبيبتي كانت خايفة تنام عشان البيت غريب عليها وكده، حاولت أنيمها فين وفين على ما نامت. لازم كل يوم تقعد تفكر في ماما الله يرحمها وتقعد تدعي لربنا إنها ترجع بالسلامة.
إسلام: للدرجة دي أمك مؤثرة عليها؟
أحمد: هو موت الأم سهل؟
إسلام: أنت عارف أنا مأ اعرفش على أمي، معرفش هي كانت عاملة إزاي أو كانت بتحبني ولا لا.
أحمد: هي مش أمك؟
إسلام: اااه.
أحمد: يبقى أكيد كانت بتحبك.
إسلام: يمكن.
قاطعه فريد.
فريد: إسلام.
إسلام: نعم يا بابا.
فريد: أنت لازم تكون في المطار دلوقتي.
إسلام باستغراب: مطار؟
فريد: ابن خالك جاي من فرنسا ولازم تروح تقابله.
إسلام بصدمة: إيه؟ على إيه اللي نزله ده؟ إنسان...
قاطعه فريد بحدة: اااه.
إسلام: كميل يا بابا، كميل أوي.
أحمد: هههههه.
فريد بحدة: اتحرك يالا.
إسلام وهو طالع من البيت: استغفر الله العظيم، هي كده كملت. آآه والله، منكم لله.
قاطعه اللي واقف قدام الباب.
إسلام: بسم الله الرحمن الرحيم، أنت مين؟
يسري بحدة: أنت إسلام؟
إسلام: بشحمه ولحمه، أنت مين؟
يسري وهو بيديله الظرف: خد.
إسلام وهو بياخده: إيه ده؟
يسري: هتعرف.
وطلع يجري.
لسه إسلام بيفتح الظرف، قاطعه...