تحميل رواية «لعنة سيرين» PDF

قربت سيرين بالسكين.

فجأة بصت لهم وقالت لهم:

"إيه ده؟ في إيه؟ أنا بعمل إيه هنا؟ والسكين بتعمل إيه في إيدي؟"

أبو سيرين:

"أهدي يا حبيبتي... مالك يا سيرين؟ مالك؟ إيه اللي صابك؟"

سيرين بدأت تعيط بهيستيرية وقالت له:

"معرفش... معرفش... من ساعة اللي حصل وأنا فيا حاجة مش طبيعية..."

أبو سيرين قام وخد منها السكين.

وخدها في حضنه وقرا عليها قرآن لحد ما هديت ودخلت علشان تنام.

أبوها قام شال كل السكاكين وهو خايف من اللي بيحصل لبنته ده.

دخل الأوضة علشان ينام ويطمن مراته لأنها كانت ميّتة من الرعب.

لأن اللي حصل ده مش طبيعي واستحالة يكون طبيعي.

وهو بيحاول ينام سمع صوت بنت وهي بتقول:

"سيبوا البيت ده... هتندموا صدقوني هتندموا..."

أبو سيرين خاف بس حاول يهدي من نفسه علشان يقدر ينام.

صحّوا الصبح وأول حاجة فكروا يعملوها أنهم يشوفوا سيرين.

لأن بعد اللي حصل ده لازم كل شوية يشوفوا سيرين.

دخلوا على سيرين الأوضة لقوها قاعدة على الأرض وشعرها منكوش وتحت عينيها أسود وعينيها حمرا دم.

شكلها بخوف موت.

أبو سيرين بلع ريقه بخوف وقالها:

"سيرين... إيه اللي انتي بتعمليه ده؟"

سيرين بلهجة مرعبة:

"قلتلك أنا مش سيرين... هاهاها... أنا روح البنت اللي ماتت هنا من سنين..."

فجأة قربت ولازم أأذّيكوا كلكوا.